Category Archives: രോഗങ്ങള്‍

ചൈനീസ് പാല്‍പ്പൊടിയില്‍ വീണ്ടും വിഷം

ബീജിങ്: ചൈനീസ് നിര്‍മ്മിത പാല്‍പ്പൊടി വാങ്ങുബോള്‍ സൂക്ഷിക്കുക. ആരോഗ്യത്തിന് ഏറെ ഹാനികരമായ മെലാമിന്‍ എന്ന വിഷരാസപദാര്‍ത്ഥം അതില്‍ ഏറെ അടങ്ങിയിരിക്കാം.

ചൈനയുടെ വടക്ക് പടിഞ്ഞാറന്‍ പ്രവശ്യകളായ ഗാന്‍സുവില്ലയിലും, ക്വിങായിലും വില്പനയ്ക്കായി കടകളില്‍ വച്ചിരുന്ന പാല്‍ പൊടിയില്‍ വിഷാംശം ഉള്ളതായി പരിശോധനയില്‍ അധികൃതര്‍ കണ്ടെത്തി. ക്വിങായിലെ ഒരു ഫാക്ടറിയില്‍ നിന്ന് അറുപതിനായിരം കിലോ പാല്‍പ്പൊടിയാണ് ഈയിടെ പിടിച്ചെടുത്തത്. അവിടെ ഡോങ്യുവാന്‍ ഡെയറി ഫാക്ടറിയില്‍ നിര്‍മ്മിച്ച പാല്‍പ്പൊടിയില്‍ മെലാമിന്‍ എന്ന രാസപദാര്‍ത്ഥം അനുവദനീയമായതിന്റെ അഞ്ഞൂറിരട്ടി ഉള്ളതായാണ് വ്യക്തമായതെന്ന് അധികൃതര്‍ പറഞ്ഞു.

ജിലിന്‍ പ്രവശ്യയില്‍ നിന്നും വിഷപാല്‍പ്പൊടി പിടിച്ചെടുത്തിട്ടുണ്ട്.

2008 ല്‍ വിഷപാല്‍പ്പൊടിയുപയോഗിച്ച് ആറ് കുട്ടികള്‍ മരിക്കുകയും മൂന്നുലക്ഷത്തിലേറെ കുട്ടികള്‍ രോഗബാധിതരാകുകയും ചെയ്തിരുന്നു. ഇതേതുടര്‍ന്ന് ലോകവിപണിയില്‍ നിന്നും ചൈനീസ് പാലുല്പ്പന്നങ്ങള്‍ തിരിച്ചു വിളിക്കപ്പെട്ടു. 22 കമ്പനികളില്‍ നിന്നുള്ള പാല്‍ ഉല്പ്പന്നങ്ങളില്‍ വിഷാംശം ഏറെയുള്ളതായി കണ്ടു. 21പേരെ പ്രതിയാക്കി കേസെടുക്കുകയും അതില്‍ മൂന്ന് പേര്‍ക്ക് വധശിക്ഷ നല്‍കുകയും ചെയ്തിരുന്നു. എന്നിട്ടും ചൈനയില്‍ വിഷപ്പാല്‍പ്പൊടി നിര്‍മ്മാണത്തിന് ശമനം വന്നിട്ടില്ലെന്നാണ് ഇപ്പോഴത്തെ സംഭവം തെളിയിക്കുന്നത്.

പ്ളാസ്റ്റിക്, വളം, കോണ്‍ക്രീറ്റ് എന്നിവ നിര്‍മ്മിക്കാന്‍ വ്യാപകമായി ഉപയോഗിക്കുന്ന രാസവസ്തുവാണ് മെലാമിന്‍. പ്രോട്ടീന്‍ ഉയര്‍ന്ന തോതിലുണ്ടെന്ന് പരിശോധനകളില്‍ കാണിക്കാന്‍ വേണ്ടിയാണ് ഫാക്ടറിക്കാര്‍ മെലാമിന്‍ കൂടിയ അളവില്‍ ചേര്‍ക്കുന്നത്. മെലാമിന്‍ കൂടിയ അളവിലുള്ള പാല്‍ ഉല്പ്പന്നങ്ങള്‍ കഴിച്ചാല്‍ വൃക്കരോഗങ്ങളും ആമാശയരോഗങ്ങളും ഉണ്ടാകും. മരണവും സംഭവിക്കും.

ലിങ്ക് – കേരളകൌമുദി

ഒരു അഭിപ്രായം ഇടൂ

Filed under ആരോഗ്യം, ഭക്ഷണം, രോഗങ്ങള്‍, വാര്‍ത്ത

ലോകം മുഴുവന്‍ സുഖം പകരാനായ്

പ്രപഞ്ചത്തിന്റെ ഡോക്ടറാണ് ദൈവം, ആ വെളിച്ചത്തെ കണ്ടെത്തുക, അതില്‍ വിശ്വാസം അര്‍പ്പിക്കുക രോഗങ്ങളില്‍ നിന്ന് നിങ്ങള്‍ മുക്തരാകും” പുട്ടപര്‍ത്തിയിലെ ശ്രീസത്യസായി മെഡിക്കല്‍ ട്രസ്റിന്റെ സ്വീകരണമുറിയിയില്‍ ഈ വരികള്‍ ആലേഖനം ചെയ്തിരിക്കുന്നു. ശ്രീസത്യസായി ബാബര്‍യുടേതാണ് ഈ വാക്കുകള്‍.  ദുരിത ദുഃഖങ്ങളുടെ നാടായിരുന്നു ആന്ധ്രാപ്രദേശിലെ പുട്ടപര്‍ത്തി ഗ്രാമം. കുടിവെള്ളം പോലുമില്ലാത്ത ഒറ്റപ്പെട്ട ഒരിടം. പാവപ്പെട്ടവരായ ഗ്രാമീണര്‍ക്ക് തുണ ഈശ്വരന്‍ മാത്രം. അസുഖം വരുമ്പോള്‍ ഗ്രാമീണര്‍ പ്രാര്‍ത്ഥിക്കും. ഈ ഗ്രാമത്തിലാണ് 1926 നവംബര്‍ 23ന് സാധാരണക്കാരായ ദമ്പതിമാരുടെ നാലാമത്തെ മകനായി സത്യനാരായണറാവു ജനിച്ചത്. ആരുടെ ദുഃഖം കണ്ടാലും സത്യനാരായണറാവുവിന്റെ മനസ്സലിയും. ഷിര്‍ദ്ദിസായിബാബയുടെ പുന:രവതാരമാണ് താനെന്ന് പതിനാലാം വയസില്‍ സത്യനാരായണറാവു വെളിപ്പെടുത്തി. സത്യനാരായണറാവു സത്യസായിബാബയായി. പുട്ടപര്‍ത്തി ഗ്രാമത്തിന്റെ കണ്ണീര്‍ സായിബാബ ഏറ്റുവാങ്ങി.
ബാബയുടെ ഇംഗിതം അനുസരിച്ച് 1954 ഒക്ടോബര്‍ നാലിന് സത്യസായി മെഡിക്കല്‍ മിഷന്‍ പുട്ടപര്‍ത്തിയില്‍ എട്ട് കിടക്കകളുള്ള ഒരു ജനറല്‍ ആശുപത്രി സ്ഥാപിച്ചു. 30 കിലോമീറ്റര്‍ ചുറ്റളവില്‍ പുട്ടപര്‍ത്തി ഗ്രാമത്തിലെ ഏക ആതുരാലയമായിരുന്നു അത്. പാവപ്പെട്ടവരും അശരണരുമായ ഗ്രാമീണര്‍ അവിടെ അഭയം തേടി. ദിവസങ്ങള്‍ പിന്നിടുന്തോറും എട്ട് കിടക്കകളുള്ള ഈ ആശുപത്രിക്ക് ഗ്രാമത്തിലെ പാവങ്ങളെ മുഴുവന്‍ ശുശ്രൂഷിക്കാനാവാതെ വന്നു. വര്‍ഷങ്ങള്‍ കഴിഞ്ഞപ്പോള്‍ 80 കിടക്കകളും രണ്ട് ഓപ്പറേഷന്‍ തീയേറ്ററുകളും എട്ട് വാര്‍ഡുകളും ജനറല്‍ മെഡിസിന്‍ ഉള്‍പ്പെടെയുള്ള ഏഴ് ഡിപ്പാര്‍ട്ട്മെന്റുകളുമായി ആശുപത്രി വളര്‍ന്നു. 50 വര്‍ഷം പിന്നിട്ടപ്പോള്‍ ആശുപത്രി ആശ്വാസം പകര്‍ന്നത് 40 ലക്ഷം രോഗികള്‍ക്ക്.
ബാബയുടെ മനസിലെ കാരുണ്യം പുട്ടപര്‍ത്തിയിലെ ആതുരാലയഅത്ഭുതങ്ങള്‍ക്കാണ് പിന്നീട് ജന്മം നല്‍കിയത്. 1991 നവംബര്‍ 23- ബാബയുടെ 65-ാം ജന്മദിനം. അന്ന് അവിടെ എത്തിയവരെ അഭിസംബോധന ചെയ്യവേ ബാബ പറഞ്ഞു, “ഹൃദയ ശസ്ത്രക്രിയ പോലെ വന്‍തുക വേണ്ടിവരുന്ന ചികിത്സകള്‍ ഇപ്പോഴും പാവങ്ങള്‍ക്ക് അന്യമാണ്. ഇങ്ങനെയുള്ള രോഗം വന്നാല്‍ പാവങ്ങള്‍ എന്തു ചെയ്യും. പുട്ടപര്‍ത്തിയില്‍ ഒരു സൂപ്പര്‍ സ്പെഷ്യാലിറ്റി ആശുപത്രി ആരംഭിക്കുകയാണ്. അടുത്ത വര്‍ഷം അത് പ്രവര്‍ത്തിച്ചു തുടങ്ങും.” ബാബയുടെ പിറന്നാള്‍ ആഘോഷത്തിന് എത്തിയവര്‍ അത്ഭുതപ്പെട്ടു. ഒരു വര്‍ഷം കൊണ്ട് ഒരു സൂപ്പര്‍ സ്പെഷ്യാലിറ്റി ഹോസ്പിറ്റല്‍ പണിതുയര്‍ത്തുകയോ, അസംഭവ്യം തന്നെ.
അന്ന് ജന്മദിനത്തില്‍ സംസാരിച്ചത് ബാബയുടെ ഉള്ളില്‍ നിറഞ്ഞുനിന്ന ദൈവചൈതന്യമായിരുന്നു. 50 ഏക്കര്‍ സ്ഥലത്ത് ആറുമാസം കൊണ്ട് ഒരു ലക്ഷത്തി അമ്പത്തിമൂവായിരം ചതുരശ്രഅടി വിസ്തീര്‍ണ്ണത്തില്‍ സൂപ്പര്‍ സ്പെഷ്യാലിറ്റി കെട്ടിടം ഉയര്‍ന്നുപൊങ്ങി. ആധുനിക മെഡിക്കല്‍-സാങ്കേതിക സൌകര്യങ്ങളും ശില്‍പ്പചാതുരിയും ഒത്തുചേര്‍ന്ന ഈ കെട്ടിടസമുച്ചയത്തെ ‘ടെമ്പിള്‍ ഒഫ് ഹീലിംഗ്’ (സാന്ത്വനത്തിന്റെ ദേവാലയം) എന്ന് ബാബ വിശേഷിപ്പിച്ചു.

കൃത്യം ഒരു വര്‍ഷം പൂര്‍ത്തിയായപ്പോള്‍, 1992 നവംബര്‍ 22ന് രാഷ്ട്രപതി ശങ്കര്‍ദയാല്‍ ശര്‍മ്മയായിരുന്നു ഉദ്ഘാടകന്‍. ഉദ്ഘാടനച്ചടങ്ങ് കഴിഞ്ഞ് രാഷ്ട്രപതിയും സംഘവും ആശുപത്രി വലംവച്ച് വരുമ്പോഴേക്കും ആദ്യത്തെ ഹൃദയശസ്ത്രക്രിയ വിജയകരമായി പൂര്‍ത്തിയായിക്കഴിഞ്ഞിരുന്നു. ലോകത്തിലെ 50 മികച്ച ആശുപത്രികളില്‍ ഒന്നെന്ന മഹനീയസ്ഥാനവും ശ്രീസത്യസായി ഇന്‍സ്റിറ്റ്യൂട്ട് ഒഫ് മെഡിക്കല്‍ സയന്‍സസിന് അവകാശപ്പെട്ടതാണ്. ഇതുവരെ 28,273 ഹൃദയ ശസ്ത്രക്രിയകള്‍ക്ക് സത്യസായി മെഡിക്കല്‍ ട്രസ്റ് സാക്ഷ്യം വഹിച്ചു. ദിവസവും നൂറോളം പേര്‍ ഔട്ട് പേഷ്യന്റ് വിഭാഗത്തില്‍ പരിശോധനയ്ക്കെത്തുന്നു. ദിവസവും നാല് ഹൃദയശസ്ത്രക്രിയകള്‍ ഇവിടെ നടക്കുന്നു. കാര്‍ഡിയോളജിക്ക് പുറമെ കാര്‍ഡിയോ തൊറാസിക്ക് ആന്‍ഡ് വാസ്ക്കുലര്‍ സര്‍ജറി, യൂറോളജി, ഒഫ്താല്‍മോളജി, പ്ളാസ്റിക് സര്‍ജറി, ഓര്‍ത്തോപീഡിക്സ് എന്നീ വിഭാഗങ്ങളാണ് പ്രശാന്തി ഗ്രാമത്തിലെ സത്യസായി ഇന്‍സ്റിറ്റ്യൂട്ട് ഒഫ് മെഡിക്കല്‍ സയന്‍സസില്‍ ഉള്ളത്.
വൈറ്റ്ഫീല്‍ഡിലെ സാന്ത്വനകേന്ദ്രം
ശ്രീസത്യസായി ഹെല്‍ത്ത്കെയര്‍ മിഷന്റെ മൂന്നാം ഘട്ടമാണ് വൈറ്റ്ഫീല്‍ഡിലെ സൂപ്പര്‍ സ്പെഷ്യാലിറ്റി ഹോസ്പിറ്റല്‍. മൂന്നുലക്ഷത്തി അമ്പത്തിനാലായിരം ചതുരശ്രഅടി വിസ്തീര്‍ണ്ണത്തില്‍, പന്ത്രണ്ട് മാസം കൊണ്ടാണ് ഈ ആശുപത്രി സമുച്ചയത്തിന്റെ പണി തീര്‍ത്തത്. മസ്തിഷ്കശസ്ത്രക്രിയയ്ക്കുള്ള ഇമേജ് ഗൈഡഡ് ന്യൂറോ നാവിഗേഷന്‍ സമ്പ്രദായം ഇന്ത്യയില്‍ ആദ്യമായി ഈ ആശുപത്രിയിലാണ് പ്രവര്‍ത്തിച്ചു തുടങ്ങിയത്. തലച്ചോര്‍ സംബന്ധമായ ചികിത്സകളും ശസ്ത്രക്രിയകളും അതീവ സങ്കീര്‍ണ്ണമായതിനാല്‍ ഇവിടെ 24 മണിക്കൂറും പ്രവര്‍ത്തിക്കുന്ന സുസജ്ജമായ എമര്‍ജന്‍സി യൂണിറ്റുണ്ട്.
2001 ജനുവരിയില്‍ അന്നത്തെ പ്രധാനമന്ത്രി എ.ബി. വാജ്പേയ് ആണ് ന്യൂറോസര്‍ജറിയുടെയും കാര്‍ഡിയോളജിയുടെയും കാര്‍ഡിയാക്ക് സര്‍ജറിയുടെയും ലോകപ്രശസ്തമായ ഈ ചികിത്സാ സുരക്ഷിതസ്ഥാനം ഉദ്ഘാടനം ചെയ്തത്. വൈറ്റ്ഫീല്‍ഡ് ആശുപത്രിയില്‍ ബുധനാഴ്ചകളിലും വ്യാഴാഴ്ചകളിലുമാണ് ന്യൂറോചികിത്സ സംബന്ധിച്ച് രോഗികളെ കണ്‍സള്‍ട്ട് ചെയ്യുന്നത്. നൂറോളം രോഗികള്‍ക്ക് പ്രതിദിനം ഇവിടെ കണ്‍സള്‍ട്ടേഷന്‍ ലഭിക്കുന്നു. 2001 ജനുവരി മുതല്‍ 2010 ഫെബ്രുവരി വരെ 9108 ന്യൂറോ സര്‍ജറികളാണ് ഇവിടെ നടത്തിയിട്ടുള്ളത്. ആറ് ഇന്റന്‍സീവ് കെയര്‍ യൂണിറ്റുകളും എട്ട് ഓപ്പറേഷന്‍ തീയേറ്ററുകളും ഉള്ള ആശുപത്രി സമുച്ചയത്തിന്റെ എടുത്തു പറയത്തക്ക പ്രത്യേകത, ആധുനികസംവിധാനങ്ങളുള്ള പ്രീ-പോസ്റ് ശസ്ത്രക്രിയാ വാര്‍ഡുകളാണ്. ഒരു ലക്ഷത്തോളം ആളുകള്‍ വൈറ്റ്ഫീല്‍ഡിലെ യൂറോസര്‍ജറി ഔട്ട്പേഷ്യന്റ് വിഭാഗത്തില്‍ ഇതുവരെ പരിശോധന നടത്തിക്കഴിഞ്ഞു.

ട്യൂമര്‍ നീക്കം ചെയ്യുന്നതുള്‍പ്പെടെയുള്ള മസ്തിഷ്കശസ്ത്രക്രിയകള്‍ ഏറ്റവും വിജയകരമായി നടത്തുന്ന ലോകത്തിലെ ഹോസ്പിറ്റലുകളില്‍ ഒന്നാണിത്. വളരെയധികം സാമ്പത്തികചെലവ് വരുന്ന ന്യൂറോസര്‍ജറി ഏറ്റവുമധികം രോഗികള്‍ക്ക് സൌജന്യമായി നല്‍കുന്ന ആശുപത്രി കൂടിയാണിത്.
കാര്‍ഡിയോളജി, കാര്‍ഡിയോ തൊറാസിക്ക് സര്‍ജറി ഡിപ്പാര്‍ട്ട്മെന്റുകള്‍, ടെലിമെഡിസിന്‍ കേന്ദ്രം, ലബോറട്ടറി സയന്‍സ് വിഭാഗത്തിന്റെ വിവിധ പരിശോധനാ കേന്ദ്രങ്ങള്‍ എന്നിവയാണ് വൈറ്റ്ഫീല്‍ഡിലെ മറ്റ് മെഡിക്കല്‍ വിഭാഗങ്ങള്‍. ആശുപത്രി സമുയച്ചത്തിന് വേണ്ടിവന്ന 52 ഏക്കര്‍ സ്ഥലം കര്‍ണ്ണാടക ഗവണ്‍മെന്റ് സൌജന്യമായി നല്‍കുകയായിരുന്നു. രോഗികളുടെ മനസിന് സുഖം നല്‍കുന്ന രീതിയിലാണ് ആശുപത്രി സമുച്ചയവും പച്ചപ്പാര്‍ന്ന ആശുപത്രി പരിസരവും രൂപകല്‍പ്പന ചെയ്തിട്ടുള്ളത്.
ശസ്ത്രക്രിയയ്ക്ക് തിരഞ്ഞെടുത്താല്‍
. സായി ഹോസ്പിറ്റലില്‍ നിന്ന് അയച്ച കത്ത്/സന്ദേശം വായിച്ച് അതിലെ വിവരങ്ങളും ശസ്ത്രക്രിയാ തീയതിയും മനസിലാക്കണം.
. എന്തെങ്കിലും സംശയമുണ്ടെങ്കില്‍ 080 28411500 എന്ന നമ്പരിലേക്കോ adminblr@ssihms.org.in എന്ന ഇ-മെയിലിലോ ബന്ധപ്പെടേണ്ടതാണ്.
. ശസ്ത്രക്രിയയ്ക്ക് അറിയിക്കുന്ന തീയതിയില്‍ കൃത്യസമയത്ത് ആശുപത്രിയില്‍ ഹാജരാകേണ്ടതാണ്.
പ്രത്യേക ശ്രദ്ധയ്ക്ക്
. രണ്ട് ഡിപ്പാര്‍ട്ട്മെന്റുകളില്‍ ഒരേ ദിവസം അപ്പോയിന്റ്മെന്റ് അനുവദിക്കുന്നതല്ല. വ്യത്യസ്ത ഡിപ്പാര്‍ട്ട്മെന്റുകളില്‍ അപ്പോയിന്റ്മെന്റ് ആവശ്യമുണ്ടെങ്കില്‍ ഓരോ ഡിപ്പാര്‍ട്ട്മെന്റിലേക്കും പ്രത്യേകം ഇ-മെയില്‍ അയയ്ക്കേണ്ടതാണ്. അപ്പോയിന്റ്മെന്റ് ലഭിച്ചാലുടന്‍ മെഡിക്കല്‍ റെക്കാഡുകളുടെയും കവറിംഗ് ലെറ്ററുകളുടെയും കോപ്പി ഇ-മെയില്‍ വഴിയോ പോസ്റ്റ് വഴിയോ അയയ്ക്കേണ്ടതാണ്.
ഇ-മെയിലില്‍ അപ്പോയിന്റ്മെന്റ് എടുക്കുമ്പോള്‍ ശ്രദ്ധിക്കേണ്ടത്
. കവറിംഗ് ലെറ്ററിന്റെയും മെഡിക്കല്‍ ലെറ്ററുകളുടെയും കോപ്പി സ്കാന്‍ ചെയ്ത് അയയ്ക്കണം.
കാഷ് കൌണ്ടര്‍ ഇല്ലാത്ത ആശുപത്രി
നിങ്ങളുടെ ഹൃദയങ്ങളില്‍ സ്നേഹദീപം കൊളുത്തുകയാണ് എന്റെ നിയോഗം. മാനവരാശിയുടെ പരസ്പരവിശ്വാസവും സ്നേഹവും ഊട്ടിയുറപ്പിക്കുകയാണ് എന്റെ മാര്‍ഗം. ഒരു ജാതിയുടെയോ മതത്തിന്റെയോ തത്വശാസ്ത്രത്തിന്റെയോ വക്താവല്ല ഞാന്‍. എനിക്ക് സ്നേഹത്തിന്റെ തത്വശാസ്ത്രവും ഭാഷയുമാണുള്ളത്, ബാബ പറയുന്നു.
ഈ വാക്കുകള്‍ അന്വര്‍ത്ഥമാക്കും വിധമാണ് പ്രശാന്തി ഗ്രാമത്തിലെയും വൈറ്റ്ഫീല്‍ഡിലെയും ശ്രീസത്യസായി ഇന്‍സ്റിറ്റ്യൂട്ട് ഒഫ് മെഡിക്കല്‍ സയന്‍സസിന്റെ ആശുപത്രി സമുച്ചയങ്ങളുടെ നടത്തിപ്പ് സംവിധാനം. രണ്ടിടങ്ങളിലും ബില്‍ കൌണ്ടറുകളില്ല. എല്ലാ രോഗികള്‍ക്കും രജിസ്ട്രേഷന്‍, പരിശോധന, ശസ്ത്രക്രിയ, മരുന്ന്, ഭക്ഷണം എന്നിവ സൌജന്യമാണ്.
ആശുപത്രികളില്‍ ജാതി-മതഭേദമെന്യേ രോഗികളെ പ്രവേശിപ്പിക്കാം. സാമ്പത്തികമായി പിന്നാക്കം നില്‍ക്കുന്നവര്‍ക്ക് മുന്‍ഗണനയുണ്ട്. വാര്‍ഷിക വരുമാനം 50000 രൂപയില്‍ താഴെയുളള രോഗികള്‍ക്കാണ് ചികിത്സയ്ക്കുള്ള 90 ശതമാനം പ്രവേശനവും നീക്കിവച്ചിരിക്കുന്നത്. ഇതിന് പുറമെ കുട്ടികള്‍ക്കും കുടുംബത്തിന്റെ അത്താണിയായവര്‍ക്കും മുന്‍ഗണന ലഭിക്കും.
അത്യന്താധുനിക ഉപകരണങ്ങളുടെ സഹായത്തോടെ ലോകപ്രശസ്തരായ ഡോക്ടര്‍മാരാണ് ഇവിടെ സേവനമനുഷ്ഠിക്കുന്നത്. ഈ മെഡിക്കല്‍ സമുച്ചയങ്ങളില്‍ വേതനമില്ലാതെ സേവനമനുഷ്ഠിക്കുന്നവര്‍ സായിസന്ദേശത്തിന്റെ പ്രചാരകരാണ്. ഇന്‍ഫര്‍മേഷന്‍ കൌണ്ടര്‍ മുതല്‍ ശുചീകരണം വരെയുള്ള പ്രവര്‍ത്തനങ്ങളില്‍ സായികര്‍സേവകരാണ് സേവനമനുഷ്ഠിക്കുന്നത്. ഓരോ ആശുപത്രികളിലും ദിവസവും 200 ഓളം കര്‍സേവകര്‍ ജനസേവകരായി എത്തുന്നു. ഊഴമനുസരിച്ച് വിവിധ സംസ്ഥാനങ്ങളില്‍ നിന്നാണ് കര്‍സേവകര്‍ വരുന്നത്.
ദിവസവും വെളുപ്പിന് അഞ്ചുമണിക്കുള്ള പ്രാര്‍ത്ഥനയോടെ ആശുപത്രിയും പരിസരവും ഉണരുന്നു. രാമനെയും കൃഷ്ണനെയും അള്ളാഹുവിനെയും ക്രിസ്തുവിനെയും ശ്രീബുദ്ധനെയുമെല്ലാം യഥേഷ്ടം പ്രാര്‍ത്ഥിക്കാനുള്ള സൌകര്യം ഇവിടെ ഒരുക്കിയിട്ടുണ്ട്. ശസ്ത്രക്രിയയ്ക്ക് വിധേയരാകുന്ന ഓരോ രോഗിക്കും ഒരു കൂട്ടിരിപ്പുകാരനെ കൂടി കൊണ്ടുവരാന്‍ അനുവാദമുണ്ട്. അയാള്‍ രോഗിയുടെ ബന്ധുവായിരിക്കണമെന്ന് നിബന്ധനയുണ്ട്. ഇങ്ങനെ വരുന്ന കൂട്ടിരിപ്പുകാര്‍ക്ക് സൌജന്യമായി താമസസൌകര്യം ലഭിക്കും. രാവിലെ 6.30ന് ആശുപത്രിയിലെ ഓരോ ഡിപ്പാര്‍ട്ടുമെന്റും പ്രവര്‍ത്തിച്ചു തുടങ്ങും. ഡയട്രി, കാന്റീന്‍ എന്നിവ നേരത്തെ പ്രവര്‍ത്തനം തുടങ്ങും. കര്‍സേവകര്‍ തുടര്‍ച്ചയായി 12 മണിക്കൂറാണ് സേവനമനുഷ്ഠിക്കുക.
മറ്റ് ആശുപത്രികളിലേതുപോലെ ഇവിടെ രോഗികളോ ബന്ധുക്കളോ രോഗവിവരങ്ങള്‍ അടങ്ങിയ ഫയലുകള്‍ കൊണ്ടുവരേണ്ടതില്ല. രോഗവിവരങ്ങള്‍ എല്ലാം പൂര്‍ണ്ണമായും കമ്പ്യൂട്ടറൈസ് ചെയ്തിരിക്കുന്നു.  സായി ആശുപത്രികളില്‍ നിന്ന് ഓപ്പറേഷന്‍ കഴിഞ്ഞ് പോകുന്നവരുടെ മേല്‍വിലാസം അതാത് സായിസേവാസമിതി സംസ്ഥാന പ്രസിഡന്റുമാര്‍ക്ക് നല്‍കും. അങ്ങനെ സംസ്ഥാനഘടകം വഴി ഓരോ സ്ഥലങ്ങളിലുമുള്ള ശസ്ത്രക്രിയ കഴിഞ്ഞ രോഗികളുമായി പ്രവര്‍ത്തകര്‍ ബന്ധപ്പെടും. സ്റേറ്റ് പ്രസിഡന്റുമാര്‍ ലോക്കല്‍ ഡോക്ടര്‍മാര്‍ മുഖേനയാണ് ചികിത്സ നടത്തുക.
ഹൃദയസംഗമം
സായി ആശുപത്രിയില്‍ നിന്ന് ശസ്ത്രക്രിയ കഴിഞ്ഞ് മടങ്ങുന്ന രോഗികള്‍ക്ക് ഓരോ വര്‍ഷവും ഹൃദയസംഗമം സംഘടിപ്പിക്കാറുണ്ട്. രോഗികള്‍ക്ക് പരസ്പരം ബന്ധപ്പെടാനും രോഗവിവരങ്ങളെ സംബന്ധിച്ച കാര്യങ്ങള്‍ പരസ്പരം മനസിലാക്കാനും ഉത്ക്കണ്ഠ ഒഴിവാക്കാനുമാണ് ഈ ഹൃദയസംഗമം നടത്തുന്നത്.
മേല്‍വിലാസങ്ങള്‍ പുട്ടപര്‍ത്തി സൂപ്പര്‍ സ്പെഷ്യാലിറ്റി ഹോസ്പിറ്റല്‍ ശ്രീസത്യസായി ഇന്‍സ്റിറ്റ്യൂട്ട് ഒഫ് ഹയര്‍ മെഡിക്കല്‍ സയന്‍സസ്പ്രശാന്തിഗ്രാം, അനന്തപൂര്‍ ജില്ല, ആന്ധ്രാപ്രദേശ്, ഇന്ത്യ 515134
പൊതുവായ അന്വേഷണങ്ങള്‍ക്ക് ഫോണ്‍: 08555-287388- എക്സ്റ്റന്‍ഷന്‍ 513
email: publicrelationspg@sssihms.org.in
രോഗിയുമായി ബന്ധപ്പെട്ട അന്വേഷണങ്ങള്‍ക്ക് ഫോണ്‍: 08555-287388- എക്സ്റ്റന്‍ഷന്‍-508 ഫാക്സ്: 91-8555-287544
email: enauirypg@sssihms.org.in വൈറ്റ്ഫീല്‍ഡ് സൂപ്പര്‍ സ്പെഷ്യാലിറ്റി ഹോസ്പിറ്റല്‍ ലൊക്കേഷന്‍ Sathya Sai HospitalEPIP AreaWhitefield, Bengaluru, Karnataka, 560066, India PH. 918028411501
സത്യസായി മെഡിക്കല്‍ ട്രസ്റ് സംബന്ധിച്ച കൂടുതല്‍ വിവരങ്ങള്‍ അറിയാന്‍ ബന്ധപ്പെടേണ്ട നമ്പരുകള്‍(9037692398), (9447347466)

ചികിത്സ തേടിയെത്തുമ്പോള്‍
സായിപ്രസ്ഥാനവുമായി ബന്ധപ്പെട്ടവര്‍ക്ക്  മാത്രമേ സത്യസായി ആശുപത്രികളില്‍ ചികിത്സ ലഭിക്കൂ എന്ന് ഒരു പൊതുധാരണയുണ്ട്, അത് ശരിയല്ല. അര്‍ഹതപ്പെട്ട ആര്‍ക്കും സായി മെഡിക്കല്‍ സെന്ററിന്റെ വിവിധ ആശുപത്രികളില്‍ ചികിത്സ ലഭ്യമാണ്. ചികിത്സയ്ക്ക് മുന്‍കൂട്ടി അനുവാദം വാങ്ങേണ്ടതാണ്. ഇതിനുള്ള അപേക്ഷകള്‍ ഇന്റര്‍നെറ്റിലൂടെ ലഭിക്കും. ആശുപത്രിയുടെ വെബ്സൈറ്റില്‍ നിന്ന് അപേക്ഷാഫോറവും അതുസംബന്ധിച്ച വിശദ വിവരങ്ങളും ലഭ്യമാണ്.
ആശുപത്രിയുടെവെബ്സൈറ്റുകള്‍: saibabaforbginners.com/hospitals.htm, psg.sssihms.org.in, wfd.sssihms.org.in, sssihms.org.in/wfd/pages/forpatient.htms , Sai beginners: saibabaforbeginners.com/
ആശുപത്രിയില്‍ ചികിത്സ തേടുമ്പോള്‍ താഴെ പറയുന്ന ഒരുക്കങ്ങള്‍ കൂടി വേണ്ടതാണ്.
. ഏത് രോഗമാണെന്ന് മുന്‍കൂട്ടി പരിശോധിച്ച് അറിഞ്ഞതിനു ശേഷം ചികിത്സയ്ക്കുള്ള അപേക്ഷ അയയ്ക്കുന്നതായിരിക്കും ഉചിതം. പ്രാഥമിക പരിശോധനയും മറ്റും ഒഴിവാക്കി ചികിത്സ ഏറ്റവും പെട്ടെന്ന് ലഭ്യമാക്കാന്‍ ഇതുമൂലം കഴിയും.
. ഫോണ്‍, ഇ-മെയില്‍, തപാല്‍ എന്നിവ മുഖേന appointment എടുക്കാം. appointment ലെറ്ററിനൊപ്പം ഒരു കവറിംഗ് ലെറ്റര്‍ കൂടി ഉണ്ടായിരിക്കണം. അതില്‍ ഇനി പറയുന്ന കാര്യങ്ങള്‍ ഉള്‍പ്പെടുത്തേണ്ടതാണ്.
. രോഗിയുടെ പേരും മേല്‍വിലാസവും ഫോണ്‍ നമ്പറും
. വയസ്
. രോഗത്തിന്റെ പഴക്കം
.അപേക്ഷിക്കുന്ന വര്‍ഷത്തില്‍ എപ്പോഴാണ് ആശുപത്രിയില്‍ എത്തിച്ചേരാന്‍ കഴിയുകയെന്ന് അറിയിക്കുക (രോഗിക്ക് എത്രയും പെട്ടെന്ന് appointment ലഭിക്കാനാണ് ഇക്കാര്യം ആവശ്യപ്പെടുന്നത്)
.രോഗവിവരം സംബന്ധിച്ച മുന്‍ മെഡിക്കല്‍ റെക്കാഡുകള്‍ ഉണ്ടെങ്കില്‍ അതെല്ലാം ഹാജരാക്കണം. ഇതോടൊപ്പം ചികിത്സിച്ചിരുന്ന ഡോക്ടറുടെ കവറിംഗ് ലെറ്റര്‍ കൂടി ഉണ്ടായിരിക്കണം.
.ആശുപത്രിയില്‍ പ്രവേശിപ്പിക്കപ്പെട്ടാല്‍ രോഗികള്‍ ഇനി പറയുന്ന കാര്യങ്ങള്‍  കൊണ്ടുവരേണ്ടതാണ്.
. രോഗം സംബന്ധിച്ച് നേരത്തെയുള്ള മെഡിക്കല്‍ റെക്കാഡുകള്‍
. മേല്‍വിലാസം തെളിയിക്കാന്‍ ഇനി പറയുന്ന രേഖകളില്‍ ഏതെങ്കിലും ഒന്ന്- റേഷന്‍കാര്‍ഡ്, വോട്ടേഴ്സ് ഐഡി, ഡ്രൈവേഴ്സ് ലൈസന്‍സ്, പാസ്പോര്‍ട്ട്.
. ഒരു കൂട്ടിരിപ്പുകാരനെ നിര്‍ബന്ധമായും കൊണ്ടുവരണം (പുരുഷനായിരിക്കുന്നത് അഭികാമ്യം)

ലിങ്ക് – വാരാന്ത്യ കൌമുദി

ഒരു അഭിപ്രായം ഇടൂ

Filed under ആരോഗ്യം, രജിസ്ട്രേഷന്‍, രോഗങ്ങള്‍, വാര്‍ത്ത

108 വിളിക്കൂ, സഞ്ചരിക്കുന്ന ആസ്‌പത്രി ഹാജര്‍

തിരുവനന്തപുരം: അടിയന്തര സാഹചര്യങ്ങളില്‍ ഉടനടിയുള്ള വൈദ്യസഹായം ലഭ്യമാക്കിയാല്‍ വിലയേറിയ ഒട്ടേറെ ജീവനുകള്‍ രക്ഷിക്കാനാവും. ഈ വസ്തുത പരിഗണിച്ച് കേരള എമര്‍ജന്‍സി മെഡിക്കല്‍ സര്‍വീസ് പ്രോജക്ട് (കെംപ്) എന്ന പദ്ധതിക്ക് സംസ്ഥാന സര്‍ക്കാര്‍ ബുധനാഴ്ച തുടക്കം കുറിച്ചു. അത്യാവശ്യക്കാര്‍ 108 എന്ന നമ്പറില്‍ വിളിച്ചാല്‍ സര്‍വ സൗകര്യങ്ങളുമുള്ള ആംബുലന്‍സ് നിമിഷങ്ങള്‍ക്കകം പാഞ്ഞെത്തും. ആദ്യഘട്ടത്തില്‍ തിരുവനന്തപുരം ജില്ലയിലാണ് പദ്ധതി നടപ്പാക്കിയിട്ടുള്ളത്.

അത്യാധുനിക ജീവന്‍രക്ഷാ സംവിധാനങ്ങളുള്ള 25 ആംബുലന്‍സുകള്‍ ജില്ലയിലെ നിശ്ചിത മേഖലകള്‍ കേന്ദ്രീകരിച്ച് 24 മണിക്കൂറും പ്രവര്‍ത്തിക്കും. കമ്പ്യൂട്ടര്‍വത്കൃതമായ എമര്‍ജന്‍സി റെസ്‌പോണ്‍സ് സെന്ററാണ് ഇവയെ നിയന്ത്രിക്കുക. റോഡപകടങ്ങള്‍, ഹൃദയ-പ്രസവ സംബന്ധമായ അടിയന്തര പ്രശ്‌നങ്ങള്‍ എന്നിവ കൈകാര്യം ചെയ്യാനുതകുന്ന തരത്തിലാണ് ആംബുലന്‍സുകളുടെ രൂപകല്പന. ആംബുലന്‍സിന്റെ ഉള്‍ഭാഗം രോഗാണുമുക്തമായും അഗ്‌നിബാധയേല്‍ക്കാതെയും സൂക്ഷിക്കുന്നതിന് അത്യാധുനിക സംവിധാനങ്ങളുണ്ട്. ഡീഫ്രീബിലേറ്റര്‍, ഫീറ്റെല്‍ മോണിറ്റര്‍, പള്‍സ് ഓക്‌സിമീറ്റര്‍, സക്ഷന്‍ അപ്പാരറ്റസ്, നെബുലൈസര്‍ തുടങ്ങിയ അടിയന്തര ചികിത്സാ ഉപകരണങ്ങളും സജ്ജീകരിച്ചിരിക്കുന്നു. ഫലത്തില്‍ ഇതൊരു സഞ്ചരിക്കുന്ന ആസ്​പത്രി തന്നെയാണ്.

രോഗിയെ അനായാസം എടുത്തു കയറ്റുന്നതിനുള്ള ഓട്ടോലോഡിങ് ട്രോളി, രോഗിയെ ഉലച്ചിലില്ലാതെ കൊണ്ടുപോകുന്നതിനുള്ള സ്‌കൂപ്പ് സ്ട്രക്ചര്‍, രോഗിക്ക് അത്യാവശ്യ താങ്ങുനല്‍കാനുള്ള സ്‌പൈന്‍ബോഡ്, വീല്‍ചെയര്‍, എല്ലൊടിഞ്ഞ ഭാഗങ്ങള്‍ വെച്ചുകെട്ടുന്നതിനുള്ള സ്​പ്ലിന്ററുകള്‍, കഴുത്തിനേറ്റ ക്ഷതം വഷളാവാതിരിക്കാനുള്ള സര്‍വിക്കല്‍ കോളര്‍, നട്ടെല്ലിനേറ്റ ക്ഷതവും ഒടിവും നേരെയാക്കി ഉറപ്പിക്കുന്നതിനുള്ള സ്‌പൈനല്‍ ബ്രേസ് എന്നിവ ആംബുലന്‍സിലുണ്ട്. 12,000 ലിറ്റര്‍ ശേഷിയുള്ള ഓക്‌സിജന്‍ സിലിന്‍ഡറും മരുന്നുകള്‍ സൂക്ഷിക്കാനുള്ള ശീതീകരണിയുമാണ് മറ്റൊരു സവിശേഷത. സേവനത്തിന് നഴ്‌സുമുണ്ട്.

ആംബുലന്‍സ് ആവശ്യപ്പെട്ടുകൊണ്ടുള്ള ഫോണ്‍ സന്ദേശം വരുമ്പോള്‍ വിളിക്കുന്നയാള്‍ നല്‍കുന്ന വിവരങ്ങളുടെയും ഭൂമിശാസ്ത്ര – വിവരസാങ്കേതിക സംവിധാനങ്ങളുടെയും സഹായത്തോടെ കണ്‍ട്രോള്‍ റൂം ഉടനെ തന്നെ ആംബുലന്‍സ് സ്ഥലത്തെത്തിക്കും. രോഗികളുടെ ആഗ്രഹമനുസരിച്ചുള്ള ഏത് ആസ്​പത്രിയിലും അവരെ കൊണ്ടുപോകും. എന്നാല്‍ ഒരാസ്​പത്രിയില്‍ നിന്നു മറ്റൊന്നിലേക്കു രോഗിയെ കൊണ്ടുപോകുന്നതിനും മൃതദേഹം കൊണ്ടുപോകുന്നതിനും ഈ സംവിധാനം ഉപയോഗിക്കാനാവില്ല.

ആംബുലന്‍സുകളുടെ ഉദ്ഘാടനം ആഭ്യന്തര മന്ത്രി കോടിയേരി ബാലകൃഷ്ണന്‍ നിര്‍വഹിച്ചു. രോഗിയെ ആസ്​പത്രിയിലെത്തിക്കാനുള്ള സംവിധാനമെന്നതിലുപരി രോഗിക്കു സമീപം ആംബുലന്‍സെത്തിയാലുടന്‍ ചികിത്സ ആരംഭിക്കുന്ന രീതിയാണ് കെംപിലുള്ളതെന്ന് അദ്ദേഹം പറഞ്ഞു. പദ്ധതി വൈകാതെ ആലപ്പുഴ ജില്ലയിലേക്കു കൂടി വ്യാപിപ്പിക്കുമെന്ന് ചടങ്ങില്‍ അദ്ധ്യക്ഷയായിരുന്ന ആരോഗ്യ മന്ത്രി പി.കെ.ശ്രീമതി പറഞ്ഞു. ആംബുലന്‍സുകളുടെ താക്കോല്‍ദാനം ഗതാഗത മന്ത്രി ജോസ് തെറ്റയിലും ഫ്‌ളാഗ് ഓഫ് നിയമ മന്ത്രി എം. വിജയകുമാറും നിര്‍വഹിച്ചു.

എ.സമ്പത്ത് എം.പി, എം.എല്‍.എമാരായ വി.ശിവന്‍കുട്ടി, മാങ്കോട് രാധാകൃഷ്ണന്‍, വി.സുരേന്ദ്രന്‍ പിള്ള, ജോര്‍ജ് മേഴ്‌സിയര്‍, ആര്‍.സെല്‍വരാജ്, മേയര്‍ സി.ജയന്‍ബാബു, അഡീഷണല്‍ ചീഫ് സെക്രട്ടറി കെ.ജയകുമാര്‍, ഡി.ജി.പി ജേക്കബ്ബ് പുന്നൂസ്, ആരോഗ്യ വകുപ്പ് സെക്രട്ടറി മനോജ് ജോഷി, ആരോഗ്യ കേരളം ഡയറക്ടര്‍ ഡോ.ദിനേശ് അറോറ തുടങ്ങിയവര്‍ സംബന്ധിച്ചു.

ലിങ്ക് – മാതൃഭൂമി

ഒരു അഭിപ്രായം ഇടൂ

Filed under ആരോഗ്യം, കേരളം, രോഗങ്ങള്‍, വാര്‍ത്ത

ചെറിയ കണ്ടുപിടിത്തങ്ങളുടെ വലിപ്പത്തില്‍ തോമസ്‌ ജോര്‍ജ്‌

കൊച്ചി: ആരോഗ്യത്തെക്കുറിച്ച്‌ വേവലാതിയില്ലാതെ എന്നെങ്കിലും ജീവിക്കാനാകുമോ? സ്വപ്‌നത്തില്‍ പോലും നടക്കാത്ത കാര്യം എന്ന്‌ പറയുന്നതിനു മുന്‍പ്‌ ഇത്‌ കേള്‍ക്കൂ.

രക്തത്തിലെ പഞ്ചസാരയുടെ അളവ്‌ ഉയര്‍ന്നാല്‍ ഡോക്ടറുടെ സന്ദേശം ഉടന്‍ നിങ്ങളുടെ മെയില്‍ ബോക്‌സിലേക്കെത്തും. അതും രക്തം പരിശോധിക്കാതെ തന്നെ; കഴിക്കേണ്ട മരുന്നിന്റെ വിവരങ്ങള്‍ സഹിതം. പഞ്ചസാരയുടെ അളവ്‌ മാത്രമല്ല ശരീരത്തിലെ ഓരോ വ്യതിയാനങ്ങളും ഡോക്ടര്‍ മുന്‍കൂട്ടി അറിയും. നിങ്ങളെ മുന്‍കൂട്ടി അറിയിക്കുകയും ചെയ്യും. സുന്ദരമായ ഈ സ്വപ്‌നം യാഥാര്‍ഥ്യമാകാന്‍ ഏതാനും വര്‍ഷങ്ങള്‍ കൂടി കാത്തിരിക്കൂ എന്നാണ്‌ ഡോ. തോമസ്‌ ജോര്‍ജ്‌ തുണ്ടത്ത്‌ പറയുന്നത്‌.

ലോകത്തിലെ അറിയപ്പെടുന്ന നാനോ ശാസ്‌ത്രജ്ഞന്മാരില്‍ ഒരാളാണ്‌ എറണാകുളം സ്വദേശിയായ തോമസ്‌ ജോര്‍ജ്‌ തുണ്ടത്ത്‌. അമേരിക്കയിലെ പ്രശസ്‌തമായ ഓക്‌റിഡ്‌ജ്‌ നാഷണല്‍ ലബോറട്ടറിയിലെ നാനോ സെ്‌കയില്‍ സയന്‍സ്‌ ആന്‍ഡ്‌ ഡിവൈസസ്‌ ഗ്രൂപ്പ്‌ മേധാവിയാണ്‌ അദ്ദേഹം. ആരോഗ്യം, ദേശീയ സുരക്ഷ എന്നിങ്ങനെ വിവിധ മേഖലകളിലായി 29 പേറ്റന്റുകള്‍ തോമസ്‌ ജോര്‍ജിന്റെ പേരിലുണ്ട്‌. ഏഴ്‌ പേറ്റന്റുകള്‍ അനുമതി ലഭിക്കുന്നതിന്റെ അന്തിമ ഘട്ടത്തിലാണ്‌. അവധി ആഘോഷിക്കാന്‍ കുടുംബസമേതം നാട്ടിലെത്തിയതാണ്‌ അദ്ദേഹം.

ദേശീയ സുരക്ഷ, ആരോഗ്യം, ഊര്‍ജം എന്നിങ്ങനെ മൂന്ന്‌ മേഖലകളിലാണ്‌ തോമസ്‌ ജോര്‍ജിന്റെ കീഴിലുള്ള 15 അംഗ സംഘം ഗവേഷണങ്ങള്‍ നടത്തുന്നത്‌. ഈ മൂന്ന്‌ രംഗത്തെയും സുപ്രധാനമായ പല കണ്ടുപിടിത്തങ്ങള്‍ക്കും വരും വര്‍ഷങ്ങളില്‍ ലോകം സാക്ഷ്യം വഹിക്കുമെന്ന്‌ അദ്ദേഹം പറയുന്നു.

ആരോഗ്യമേഖലയില്‍ ഇപ്പോള്‍ നടന്നുകൊണ്ടിരിക്കുന്ന ഗവേഷണങ്ങളില്‍ പ്രധാനം മനുഷ്യശരീരത്തിനുള്ളില്‍ നിക്ഷേപിക്കാവുന്ന ചെറിയ സെന്‍സറുകളുടെ രംഗത്താണെന്ന്‌ തോമസ്‌ ജോര്‍ജ്‌ പറഞ്ഞു. ഹൃദയരോഗങ്ങള്‍, അര്‍ബുദം എന്നിവയുള്‍പ്പെടെ എട്ട്‌ രോഗലക്ഷണങ്ങളുടെ നിരീക്ഷണം ഒരേസമയം നടത്താന്‍ കഴിയുന്ന സെന്‍സറുകള്‍ എലികളില്‍ വിജയകരമായി പരീക്ഷിച്ചുകഴിഞ്ഞു. പക്ഷേ മനുഷ്യ ശരീരത്തിനുള്ളില്‍ ഈ സെന്‍സറുകളുടെ ജീവിത കാലാവധി വളരെ കുറവായിരിക്കുമെന്നതാണ്‌ പ്രശ്‌നം. അവയുടെ ജീവിത കാലാവധി വര്‍ധിപ്പിക്കുന്നതിനുള്ള ഗവേഷണങ്ങള്‍ നടക്കുകയാണ്‌. അദൃശ്യമായ ലേസര്‍രശ്‌മികള്‍ ഉപയോഗിച്ച്‌ ബോംബും മറ്റ്‌ സ്‌ഫോടകവസ്‌തുക്കളും നൂറടി അകലത്തില്‍ നിന്നു വരെ കണ്ടെത്താന്‍ സഹായിക്കുന്ന ഒരു പുതിയ ഉപകരണത്തിന്റെ പരീക്ഷണം തങ്ങളുടെ ലാബില്‍ അവസാന ഘട്ടത്തിലാണെന്നും തോമസ്‌ ജോര്‍ജ്‌ പറഞ്ഞു. ഇതിനു പുറമെയാണ്‌ ഊര്‍ജ മേഖലയിലെ ഗവേഷണങ്ങള്‍.

അമേരിക്കയും യൂറോപ്പും ഉള്‍പ്പെടെയുള്ള രാജ്യങ്ങള്‍ ഇപ്പോള്‍ ഏറ്റവും കൂടുതല്‍ തുക ചെലവാക്കുന്നത്‌ രാജ്യസുരക്ഷയുമായി ബന്ധപ്പെട്ട ഗവേഷണങ്ങള്‍ക്കാണ്‌. ഇന്ത്യയും ഈ രംഗത്ത്‌ കൂടുതല്‍ മുതല്‍മുടക്കുന്നുണ്ടെന്നാണ്‌ തോമസ്‌ ജോര്‍ജിന്റെ അഭിപ്രായം.

ഭാര്യ ഡെറിലിനും മൂന്ന്‌ കുട്ടികള്‍ക്കുമൊപ്പം അമേരിക്കയിലാണ്‌ താമസമെങ്കിലും ഇന്ത്യക്കുകൂടി പ്രയോജനകരമായ ഗവേഷണ പ്രവര്‍ത്തനങ്ങളില്‍ ഏര്‍പ്പെടാന്‍ താത്‌പര്യമുണ്ടെന്ന്‌ അദ്ദേഹം പറയുന്നു. ഇതിനുള്ള മുന്നൊരുക്കമെന്ന നിലയില്‍ മദ്രാസ്‌ ഐഐടിയില്‍ വിസിറ്റിങ്‌ പ്രൊഫസറാകാനുള്ള ക്ഷണം തോമസ്‌ ജോര്‍ജ്‌ സ്വീകരിച്ചു കഴിഞ്ഞു. അടുത്ത വര്‍ഷം ഇവിടെ അധ്യാപനം തുടങ്ങും. ഇതിനു പുറമെ രാജ്യത്തെ പ്രശസ്‌തമായ പല സര്‍വകലാശാലകളുമായി ഗവേഷണം സംബന്ധിച്ച്‌ ചര്‍ച്ചകള്‍ നടക്കുന്നുണ്ടെന്നും തോമസ്‌ ജോര്‍ജ്‌ കൂട്ടിച്ചേര്‍ത്തു. എന്തായാലും വരും ഭാവിയില്‍ നാനോ സയന്‍സ്‌ മേഖലയിലെ പ്രമുഖ രാജ്യങ്ങളിലൊന്ന്‌ ഇന്ത്യയായിരിക്കുമെന്നതില്‍ തോമസ്‌ ജോര്‍ജിന്‌ സംശയമില്ല.

ലിങ്ക് – മാതൃഭൂമി

ഒരു അഭിപ്രായം ഇടൂ

Filed under ആരോഗ്യം, രോഗങ്ങള്‍, വാര്‍ത്ത

കിട്ടിയ ജപ്പാന്‍ ജ്വര വാക്സിന്‍ പാതിയും കേടായത്

തിരുവനന്തപുരം : രാജ്യത്തെ രോഗപ്രതിരോധ രംഗം കുത്തഴിഞ്ഞുകിടക്കുന്നതിന്റെ വ്യക്തമായ സൂചന പോലെ, ജപ്പാന്‍ ജ്വരം പ്രതിരോധിക്കാന്‍ കേന്ദ്രം കേരളത്തിലേക്ക് അയച്ച വാക്സിനില്‍ പകുതിയോളം ഉപയോഗശൂന്യമായതാണെന്ന് കണ്ടെത്തി.
‘എസ്. എ 14142’ എന്ന ജനറിക് നാമത്തിലുള്ള വാക്സിന്റെ 14.15 ലക്ഷം ഡോസ് ആണ് കേന്ദ്രം അനുവദിച്ചത്. ഇതില്‍ ആറേകാല്‍ ലക്ഷം ഡോസും ഉപയോഗശൂന്യമാണെന്നാണ് കണ്ടെത്തല്‍. കയറ്റുമതി ചെയ്യുന്ന ജീവന്‍രക്ഷാമരുന്നിന്റെ പോലും ഗുണനിലവാരം ഉറപ്പാക്കാത്ത ചൈനയിലെ ‘ചെങ്കഡു ഇന്‍സ്റ്റിറ്റ്യൂട്ട് ഒഫ് ബയോളജിക്കല്‍സി’ല്‍ നിന്ന് വാങ്ങിയതാണ് വാക്സിന്‍.
വാക്സിന്റെ നിറംമാറ്റമാണ് സംശയം ജനിപ്പിച്ചത്. തുടര്‍ന്ന്, വാക്സിന്റെ കോള്‍ഡ് ചെയിന്‍ ലേബല്‍ പരിശോധിച്ചപ്പോള്‍ കറുത്തനിറത്തില്‍ കാണപ്പെടേണ്ട അടയാളങ്ങള്‍ വെളുത്തനിറത്തിലായിരുന്നു. ഉത്പാദനം നടന്നത് മുതല്‍ ഉപയോഗിക്കുന്നതുവരെ നിശ്ചിത ഊഷ്മാവില്‍തന്നെ മരുന്ന് സൂക്ഷിച്ചുവെന്ന് ഉറപ്പാക്കാനുള്ള കോള്‍ഡ് ചെയിന്‍ ലേബലിലും നിറംമാറ്റം ദൃശ്യമായതോടെയാണ് വാക്സിന്‍ ഒന്നിനും കൊള്ളില്ലെന്ന് സ്ഥിരീകരിച്ചത്.
കേന്ദ്ര ആരോഗ്യവകുപ്പ് അധികൃതരെ ഉടനേതന്നെ വിവരം അറിയിച്ചു. അടുത്ത വര്‍ഷത്തെ ക്വോട്ടയില്‍ കൂടുതല്‍ അനുവദിക്കാമെന്നായിരുന്നു മറുപടി. ഈ വാഗ്ദാനം സ്വീകരിച്ച സംസ്ഥാന അധികൃതരാകട്ടെ കിട്ടിയ വാക്സിനില്‍ പാതിയും കേടായതാണെന്ന വിവരം പുറത്തുവിടാതെ രഹസ്യമാക്കിവച്ചിരിക്കുകയാണ്.
രാജ്യത്തെ വാക്സിന്‍ ഉത്പാദനം വെട്ടിക്കുറച്ചുകൊണ്ടാണ് കഴിഞ്ഞ യു.പി.എ സര്‍ക്കാരിന്റെ കാലത്ത് ഇറക്കുമതിക്ക് വഴിയൊരുക്കിയത്. രോഗ പ്രതിരോധം അതിപ്രധാനമായതിനാല്‍ പണം അനുവദിക്കുന്നത് ആവശ്യംപോലെയാണ്. വാക്സിന്‍ ഇറക്കുമതി ചെയ്യുന്നതിലുള്ള ഉത്സാഹത്തിന് പിന്നില്‍ വന്‍ അഴിമതിയുണ്ടെന്നാണ് ആരോപണം.
രോഗം മാരകം
* സംസ്ഥാനത്ത് ഈവര്‍ഷം ഇതുവരെ ജപ്പാന്‍ ജ്വരം മൂലം 16 പേര്‍ മരണമടഞ്ഞുവെന്നാണ് സ്ഥിരീകരിക്കാത്ത കണക്ക്. കഴിഞ്ഞവര്‍ഷം ഈ രോഗം മൂലം മരിച്ചവരുടെ എണ്ണം 10 -ല്‍ താഴെയാണ്.
* ജാപ്പനീസ് എന്‍സെഫലൈറ്റിസ് എന്ന വൈറസ് ആണ് ജപ്പാന്‍ജ്വരത്തിന് കാരണം. ഡെങ്കി. യെല്ലോ ഫീവര്‍ എന്നിവ പരത്തുന്ന വൈറസ് കുടുംബത്തിലെ മറ്റൊരംഗമായ ഈ വൈറസിന് അറുപത് വകഭേദമുണ്ട്. ഇന്ത്യയില്‍ കാണപ്പെടുന്നത് ഇതില്‍ രണ്ട് വകഭേദമാണ്. ചൈനയില്‍ കാണപ്പെടുന്ന രണ്ട് ഇനത്തിന് ഇന്ത്യയില്‍ കാണപ്പെടുന്നവയുമായി സാമ്യമുള്ളതിനാലാണ് ചൈനീസ് വാക്സിന്‍ ഇവിടെ ഉപയോഗിക്കാമെന്ന് അധികൃതര്‍ പറയുന്നത്.
* വയലുകളിലെയും സമീപ ജലാശയങ്ങളിലെയും ക്യൂലക്സ് വിഭാഗം കൊതുകുകള്‍ പരത്തുന്ന ജപ്പാന്‍ ജ്വരത്തിന്റെ ലക്ഷണങ്ങള്‍ പനി, കടുത്ത തലവേദന, ഛര്‍ദ്ദി, ബോധക്കേട്, ശരീരം തളര്‍ന്നുപോകല്‍, സന്നി എന്നിവയാണ്.
* 100 പേര്‍ക്ക് ഈ രോഗം ബാധിച്ചാല്‍ 30 പേര്‍ മരിക്കുമെന്നാണ് കണക്ക്. 40 പേര്‍ക്ക് സ്ഥിരമായ വൈകല്യങ്ങളുണ്ടാവും. 15 വയസ്സുവരെയുള്ളവരെയാണ് അസുഖം ബാധിക്കുന്നത്.

ലിങ്ക് – കേരളകൌമുദി

ഒരു അഭിപ്രായം ഇടൂ

Filed under ആരോഗ്യം, രോഗങ്ങള്‍, വാര്‍ത്ത

ജനിതകമാറ്റം വരുത്തിയ വഴുതന – തെറ്റായ തീരുമാനം ജനത്തെ അടിച്ചേല്‍പ്പിക്കുന്നു

ബി.ടി. വഴുതനയ്ക്ക് അംഗീകാരം

ന്യൂഡല്‍ഹി: ജനിതകമാറ്റം വരുത്തിയ വഴുതന-ബി.ടി.വഴുതന-യ്ക്ക് ജനറ്റിക് എന്‍ജിനീയറിങ് അപ്രൂവല്‍ കമ്മിറ്റിയുടെ (ജി.ഇ.എ.സി.) അംഗീകാരം. ഇത്തരം വിളകള്‍ക്കും ഭക്ഷ്യസാമഗ്രികള്‍ക്കും അംഗീകാരം നല്‍കുന്നതിന് ഇന്ത്യയിലുള്ള പരമോന്നത സമിതിയാണ് ജി.ഇ.എ.സി. ഇതോടെ ജനിതകമാറ്റം വരുത്തിയ വഴുതന രാജ്യത്ത് ഉത്പാദിപ്പിക്കാനും വില്‍ക്കാനുമുള്ള തടസ്സം നീങ്ങി. എന്നാല്‍ ഇക്കാര്യത്തില്‍ അന്തിമതീരുമാനം തന്‍േറതായിരിക്കുമെന്ന് കേന്ദ്ര പരിസ്ഥിതി മന്ത്രി ജയറാംരമേഷ് അറിയിച്ചു.

ജനിതകമാറ്റം വരുത്തിയ വിളകള്‍ ഉപയോഗിക്കുന്നതിനെക്കുറിച്ച് രാജ്യത്ത് ശക്തമായ എതിരഭിപ്രായങ്ങള്‍ നിലനില്‍ക്കുന്നുണ്ട്. ശാസ്ത്രജ്ഞര്‍തന്നെ ഇക്കാര്യത്തില്‍ രണ്ടു ചേരിയിലാണ്. അമേരിക്കപോലുള്ള രാജ്യങ്ങളില്‍ ഇത്തരം ഒട്ടേറെ വിളകള്‍ കൃഷി ചെയ്യുകയും ഉപയോഗിക്കുകയും ചെയ്യുമ്പോള്‍, ബ്രിട്ടന്‍, ഫ്രാന്‍സ് തുടങ്ങിയ യൂറോപ്യന്‍ രാജ്യങ്ങളില്‍ ഇവ നിരോധിച്ചിരിക്കയാണ്. ഇന്ത്യയില്‍ ബി.ടി. പരുത്തി മാത്രമേ ഇതിനകം ജി.ഇ.എ.സി.യുടെ അംഗീകാരത്തോടെ വാണിജ്യപരമായി ഉത്പാദിപ്പിക്കപ്പെടുന്നുള്ളൂ. എന്നാല്‍ ഇതിന്റെ ദോഷവശങ്ങളെക്കുറിച്ച് പ്രചാരണം നടക്കുന്നുമുണ്ട്.

ജനിതക മാറ്റം വരുത്തിയ ഒന്‍പത് വിളകളില്‍ ഇന്ത്യയില്‍ ‘ഫീല്‍ഡ് സ്റ്റഡി’ നടക്കുകയായിരുന്നു. വളരെ നിയന്ത്രിതമായ സ്ഥലത്ത് പരീക്ഷണാടിസ്ഥാനത്തില്‍ നടത്തിയ പഠനങ്ങള്‍ക്കുശേഷമാണ്, ജൈവസുരക്ഷ സംബന്ധിച്ച പരീക്ഷണങ്ങള്‍ നടക്കുന്നത്. ഇക്കൂട്ടത്തില്‍, പരീക്ഷണക്കടമ്പകളെല്ലാം കടന്ന ആദ്യവിളയാണ് ബി.ടി.വഴുതന. ഇതിന്റെ വിത്തു വികസിപ്പിച്ചെടുത്തത്, ബഹുരാഷ്ട്ര കുത്തകയായ മൊണ്‍സാന്‍േറാ ‘മഹീകോ ബയോടെക്’ ആണ്. വിള വികസിപ്പിച്ചെടുക്കാന്‍ പൊതുമേഖലാസ്ഥാപനങ്ങള്‍ക്ക് കമ്പനി വിത്ത് സൗജന്യമായി നല്‍കുകയായിരുന്നു.

പരമ്പരാഗത കൃഷിരീതികളെ തകിടം മറിക്കുകയും ആരോഗ്യപരമായ പ്രത്യാഘാതങ്ങള്‍ക്ക് സാധ്യത നിലനില്‍ക്കുകയും ബഹുരാഷ്ട്ര കുത്തകകള്‍ക്ക് ചൂഷണത്തിന് അവസരം നല്‍കുകയും ചെയ്യുന്നതിനാല്‍ ഒട്ടേറെ കര്‍ഷകസംഘടനകളും എന്‍.ജി.ഒ.കളും ജനിതകമാറ്റത്തെ ശക്തിയായി ചെറുക്കുന്നുണ്ട്.

ഒരു അഭിപ്രായം ഇടൂ

Filed under ആരോഗ്യം, കൃഷി, ഭക്ഷണം, രോഗങ്ങള്‍, വാര്‍ത്ത

ഇല്ലാത്ത കൊളസ്ട്രോളും മരുന്നുകമ്പനികളും

1 Jan, 2008
ഇല്ലാത്ത കൊളസ്ട്രോളിന്റെ വല്ലാത്ത പരിഹാരങ്ങള്‍

ജീവരക്ഷകനായ കൊളസ്ട്രോളിനെ ശാസ്ത്രതത്ത്വങ്ങള്‍ക്ക് ചില വളച്ചൊടിക്കല്‍ നടത്തിക്കൊണ്ട് ഹൃദയം പിളര്‍ക്കുന്ന ഘാതകനാക്കിയപ്പോള്‍ മരുന്നുകമ്പനികള്‍ക്ക് നേടാനായത് നേരിട്ടും അല്ലാതെയുമുള്ള പതിനായിരക്കണക്കിനു കോടികളാണ്

ജേക്കബ് വടക്കഞ്ചേരി

കഞ്ഞിയില്‍ ചിരണ്ടിയിട്ട്, കറിയില്‍ പിഴിഞ്ഞൊഴിച്ച്, കൂട്ടുകറിയില്‍ വറുത്തരച്ച്, ചമ്മന്തിയിലരച്ചുചേര്‍ത്ത്, പലഹാരങ്ങളില്‍ കുഴച്ചുചേര്‍ത്ത്, കൊത്തുകളാക്കിയരിഞ്ഞ്, ശര്‍ക്കരയും ചേര്‍ത്ത്, ഗണപതിക്കെറിഞ്ഞുടച്ച് പ്രസാദമായിട്ടുമൊക്കെ തലമുറകളുടെ ആരോഗ്യക്കരുത്തായിരുന്ന തേങ്ങ ഭീകരനായിരിക്കുന്നു!
കൊളസ്ട്രോളിന്റെ അളവ് കൂട്ടിക്കൂട്ടി ധമനികളെ അടച്ച് ഹാര്‍ട്ടറ്റാക്കുണ്ടാക്കി കൊലപാതകങ്ങള്‍ നടത്തുകയാണത്രെ തേങ്ങയും വെളിച്ചെണ്ണയും! തേങ്ങയും മീനും വയറുനിറയെ കഴിച്ച് നൂറ്റിപ്പത്താം വയസ്സിലും നിവര്‍ന്നു നടക്കുന്നവരുടെ നാടായ ലക്ഷദ്വീപ് പോലും ഇന്ന് ‘തേങ്ങാപ്പേടി’യിലാണ്.
പാവം തേങ്ങയെ പടികടത്തി പിണ്ഡംവെച്ച് ‘അരുചിപ്പാമോയിലി’നെ വരണമാല്യമണിയിച്ചിരിക്കുകയാണ് കേരം വെടിഞ്ഞ കേരളീയര്‍!
തേങ്ങ തൊടരുത്, വെളിച്ചെണ്ണ ആപത്താണ് എന്നെല്ലാം ഡോക്ടര്‍മാരായ ഡോക്ടര്‍മാരെല്ലാം ഒരുമിച്ചു പറഞ്ഞാല്‍ മറ്റെന്താണ് മനുഷ്യര്‍ക്കു ചെയ്യാനാകുക? ‘മൂത്തവര്‍ ചൊല്ലും മുതുനെല്ലിക്ക’യെ മറന്ന് ഡോക്ടര്‍ ചൊല്ലും പുതുനെല്ലിക്കയെ പ്രമാണമായി കരുതുന്നവര്‍ക്ക് മറ്റൊരു വഴിയുമില്ല.
നൂറ്റാണ്ടുകളായി കേരളീയരുടെ ആരോഗ്യത്തെ സംരക്ഷിച്ചുപോന്ന ആയുര്‍വേദ ഡോക്ടര്‍മാരാരെങ്കിലും തേങ്ങ കുഴപ്പക്കാരനാണെന്നു പറഞ്ഞോ? ഹോമിയോപ്പതിക്കാരും യുനാനിക്കാരും സിദ്ധവൈദ്യന്മാരും തേങ്ങയ്ക്ക് അയിത്തം കല്പിച്ചിട്ടേയില്ല. ഭക്ഷണം കൊണ്ട് സകലരോഗങ്ങളെയും മാറ്റുന്ന പ്രകൃതിചികിത്സക്കാരാണെങ്കില്‍ രണ്ടും മൂന്നും കരിക്കും നാലുമുറി തേങ്ങയും ദിവസേന തിന്നിട്ടും ഒരറ്റാക്കും വരാതെ മറ്റു ചികിത്സകരെ ‘അറ്റാക്ക്’ ചെയ്തു നടക്കുകയാണ്! പിന്നെ ആരാണ് തേങ്ങയന്തകരായി വാളെടുത്തു തുള്ളുന്നത്? അതിക്രമിച്ചു കയറിയിട്ട് നൂറ്റാണ്ടുപോലുമാകാത്ത അലോപ്പതി ഡോക്ടര്‍മാരോ?
അല്പം മദ്യം ആവാമെന്നു പറയുന്ന ഡോക്ടര്‍മാര്‍! പുകവലി നിര്‍ത്തണമെന്നു കര്‍ശനമായി പറയാത്ത ഡോക്ടര്‍മാര്‍!
ഒ.വി. വിജയന്‍ അന്ത്യനാളുകളില്‍ എഴുതിയതുപോലെ: ”രോഗി ചത്താലും പേറ്റന്റ് മെഡിസിന്‍ വിജയിക്കണമെന്ന ചിന്തയേ ഡോക്ടര്‍ക്കുള്ളൂ.” ഈ ഡോക്ടര്‍മാരാണ് തേങ്ങ കഴിക്കരുതെന്നും വെളിച്ചെണ്ണ ഹൃദ്രോഗമുണ്ടാക്കുമെന്നും ഭയപ്പെടുത്തുന്നത്.
സമ്പന്ന വ്യവസായികളുടെ ഏജന്റുമാരായി എന്നും ജനങ്ങളെ വഴിതെറ്റിച്ചിട്ടുള്ള അലോപ്പതി ഡോക്ടര്‍മാര്‍ മരുന്നു കമ്പനികളുടെയും പാമോയില്‍ കമ്പനികളുടെയും ചതിക്കെണിയിലേക്ക് സമൂഹത്തെ ആകമാനം തള്ളിയിടുകയാണെന്നതിനു നിഷേധിക്കാനാവാത്ത തെളിവുകള്‍ വൈദ്യശാനസ്ര്ത ഗ്രന്ഥങ്ങളില്‍നിന്നും വര്‍ത്തമാന സംഭവങ്ങളില്‍നിന്നും നിരത്താനാകും.
വെളിച്ചെണ്ണ പാചകത്തിനുപയോഗിക്കാതെ പാമോയിലും സണ്‍ഫ്ലവറെണ്ണയുമുപയോഗിക്കുന്ന രാജ്യങ്ങളില്‍ കൊളസ്ട്രോള്‍ കൂടുന്നില്ല എന്നാണോ? പാമോയിലിന്റെ മലേഷ്യയില്‍ കൊളസ്ട്രോള്‍ മരുന്നുകള്‍ വില്ക്കപ്പെടുന്നേയില്ലെന്നാണോ? തേങ്ങ തിന്നാത്ത, വെളിച്ചെണ്ണ കഴിക്കാത്ത അമേരിക്കക്കാരെ കൊളസ്ട്രോള്‍ മരുന്നുകമ്പനികള്‍ വെറുതെ വിട്ടിരിക്കുകയാണോ?
ഡോക്ടര്‍മാരെ ചോദ്യം ചെയ്യാന്‍ ഭയക്കുന്ന ജനങ്ങളുടെ വിചാരം കൊളസ്ട്രോള്‍ എന്നത് അത്യന്തം അപകടകാരിയായ ഒന്നാണെന്നാണ്. കൊളസ്ട്രോള്‍ കൂടിക്കണ്ടാലുടനെ മരണമടുത്തു എന്ന പേടിയാണ് പലര്‍ക്കും. ധമനികളില്‍ അടിഞ്ഞുകൂടി രക്തപ്രവാഹത്തെ തടഞ്ഞ് ഹാര്‍ട്ട് അറ്റാക്കുണ്ടാക്കി കൊലപ്പെടുത്തുന്ന ഭീകര കൊളസ്ട്രോളിനെ ഭയക്കാതെ പിന്നെന്തുചെയ്യണം?
ആരോഗ്യവും ചികിത്സയും ഡോക്ടര്‍മാര്‍ക്ക് വിട്ടുകൊടുത്ത് ആരോഗ്യ അടിമകളാകുന്നതിന്റെ ഗതികേടാണിത്. ഗാന്ധിജി ലക്ഷ്യമിട്ട സ്വരാജില്‍നിന്ന് അകന്നതിന്റെ ദുരന്തം കൂടിയാണിത്. ഓരോരുത്തനും അവനവനെ ഭരിക്കുന്ന സ്വരാജ്…. രാഷ്ട്രീയ തലത്തില്‍ മാത്രമല്ല സാമ്പത്തിക തലത്തിലും ആരോഗ്യ തലത്തിലും സ്വരാജ് നേടാതെ ഒരുവ്യക്തിക്കും സ്വാതന്ത്ര്യം ആസ്വദിക്കാനാവില്ല.
വെള്ളത്തില്‍ അലിഞ്ഞുപോകാതെ ശരീരത്തെ രക്ഷിച്ചു നിലനിര്‍ത്തുന്ന പ്രധാന ഘടകം കൊളസ്ട്രോളാണെന്നു പറഞ്ഞാല്‍ അലോപ്പതി ഡോക്ടര്‍മാരില്‍ നിന്നു കൊളസ്ട്രോള്‍ കുറയ്ക്കാനുള്ള ‘സ്റ്റാറ്റിന്‍’ മരുന്നുകള്‍ കിട്ടിയിട്ടുള്ള ആരെങ്കിലും വിശ്വസിക്കുമോ?
രാസപദാര്‍ഥങ്ങളും വെള്ളത്തിലലിഞ്ഞു ചേര്‍ന്നിട്ടുള്ള ജൈവ മാലിന്യങ്ങളും തൊലിയിലൂടെ അകത്തേക്ക് കടക്കാതെ, പ്രാണരക്ഷയുടെ സംരക്ഷണ കവചമൊരുക്കിയിട്ടുള്ളത് കൊളസ്ട്രോള്‍ ലിപിഡുകളാണെന്നു പറഞ്ഞാല്‍ ആധുനിക വൈദ്യശാസ്ത്രജ്ഞന്മാരുടെ ഗീതോപദേശം കിട്ടിയിട്ടുള്ളവര്‍ വിശ്വസിക്കുമോ?
ശരീരത്തിലെ കോശങ്ങളുടെ നിര്‍മിതിയില്‍ സുപ്രധാന പങ്കാണ് കൊളസ്ട്രോളിനുള്ളത്. ഇന്‍സുലിന്റെയും തൈറോയ്ഡ് ഹോര്‍മോണിന്റെയും കുറവിനെ കൊളസ്ട്രോള്‍ കൂട്ടിക്കൊണ്ട് ശരീരം നേരിടാറുണ്ട്. തൈറോയ്ഡ് ഹോര്‍മോണിന്റെ അളവ് കൂട്ടിക്കൊണ്ട്, കൂടിനില്ക്കുന്ന കൊളസ്ട്രോളിനെ കുറയ്ക്കാനും ശരീരത്തിനു സംവിധാനമുണ്ട്. കൊളസ്ട്രോള്‍ മരുന്നു വില്ക്കുന്നതിന്റെയും തൈറോയ്ഡ് മുറിച്ചുമാറ്റുന്നതിന്റെയും ലാഭക്കണക്കു കയറിയ ഡോക്ടര്‍മാരുടെ മനസ്സുകളില്‍ ശാസ്ത്രവിചാരം മരിച്ചു പോയിരിക്കുന്നു!
പ്രത്യുത്പാദന പ്രവര്‍ത്തനങ്ങളുടെ ഭാഗമായ ഓവറിയിലെ ‘പ്രൊജസ്ട്രോണും ഈസ്ട്രജനും’ ഉത്പാദിപ്പിക്കുന്നതിലും അഡ്രിനല്‍ ഗ്രന്ഥിയില്‍നിന്നുള്ള സ്രവങ്ങള്‍ പുറപ്പെടുവിക്കുന്നതിലും എന്തിന്, ഓര്‍മശക്തിയെ നിലനിര്‍ത്തുന്നതിനു പോലും കൊളസ്ട്രോളിന്റെ പങ്ക് നിര്‍ണായകമാണ്.
ഓരോ ദിവസവും മനുഷ്യശരീരത്തില്‍നിന്നു ത്വക്കിലൂടെ നഷ്ടപ്പെടുന്ന ജലാംശം മുന്നൂറു മുതല്‍ നാനൂറു വരെ മില്ലിഗ്രാമാണ്. അതിനുപകരം അഞ്ചു മുതല്‍ പത്തു ലിറ്റര്‍ വരെ വെള്ളം നഷ്ടപ്പെടുമായിരുന്നെങ്കില്‍ എന്താകുമായിരുന്നു മനുഷ്യന്റെ അവസ്ഥ?
പോത്തിനെപ്പോലെ വെള്ളത്തില്‍ത്തന്നെ കിടക്കേണ്ടിയിരുന്ന ഗതികേടില്‍നിന്നു മനുഷ്യശരീരത്തെ രക്ഷിച്ചു നിര്‍ത്തുന്നതെന്താണെന്നറിയാമോ? നിങ്ങള്‍ അപമാനിക്കുകയും ചവിട്ടിത്താഴ്ത്താന്‍ ശ്രമിക്കുകയും ചെയ്യുന്ന കൊളസ്ട്രോള്‍!
അവിശ്വാസത്താല്‍ അമ്പരക്കേണ്ടതില്ല. ആധുനിക വൈദ്യശാസ്ത്രത്തിലെ ആധികാരിക ഗ്രന്ഥങ്ങളില്‍ വ്യക്തമായിട്ടെഴുതിവെച്ചിട്ടുള്ള കാര്യങ്ങളാണിവ. അമേരിക്കയിലെ മിസിസിപ്പി യൂണിവേഴ്സിറ്റിയിലെ ആര്‍തര്‍ ഗൈട്ടന്‍ എം.ഡി, ജോണ്‍ ഇ.ഹാള്‍ പിഎച്ച്.ഡി. എന്നിവര്‍ ചേര്‍ന്ന് എഴുതിയിട്ടുള്ള ‘ടെക്സ്റ്റ് ബുക്ക് ഓഫ് മെഡിക്കല്‍ ഫിസിയോളജി’യുടെ പതിനൊന്നാമത്തെ എഡിഷനില്‍ 68_ാമധ്യായം 847 മുതല്‍ 851 വരെയുള്ള പേജുകളാണ് കൊളസ്ട്രോളിന്റെ മാഹാത്മ്യം വര്‍ണിക്കുന്നത്. കൊളസ്ട്രോളും ലിപോ പ്രോട്ടീനും ഒട്ടും കൂടാതെ ശാസ്ത്രജ്ഞന്മാരുടെ കണക്കനുസരിച്ചുതന്നെ നില്ക്കുന്നവരിലും ധമനികള്‍ അടഞ്ഞ് ഹൃദയസ്തംഭനമുണ്ടാക്കുന്ന അതെറോസ്ക്ലെറോസിസ് കണ്ടുവരുന്നുണ്ട് എന്നുകൂടി ടെക്സ്റ്റ് ബുക്ക് ഓഫ് ഫിസിയോളജി (പേജ് 850) എടുത്തുപറയുമ്പോഴാണ് ഇല്ലാത്ത രോഗങ്ങളുണ്ടാക്കുന്ന മരുന്നുകമ്പനികളുടെ കൊളസ്ട്രോള്‍ കെണി തിരിച്ചറിയാനാകുക.
കൊളസ്ട്രോള്‍ കൂടിനില്ക്കുന്നതുകൊണ്ട് ഹൃദ്രോഗമുണ്ടാകുമെന്ന് ഉറപ്പിച്ചുപറയാവുന്ന തെളിവുകളൊന്നുമില്ലെന്ന് നിരവധി സ്വതന്ത്ര ശാസ്ത്രജ്ഞന്മാര്‍ അഭിപ്രായപ്പെടുന്നുണ്ട്. ”തെളിവുകളെ വളച്ചൊടിച്ച് ഡോക്ടര്‍മാരെയും ജനങ്ങളെയും വഴിതെറ്റിക്കുന്ന ശാസ്ത്രീയ വൈകൃതമാണ് കൊളസ്ട്രോള്‍ ചികിത്സ”യെന്ന് അഭിപ്രായപ്പെടുന്നത് ഹാര്‍വാര്‍ഡ് യൂണിവേഴ്സിറ്റിയിലെ ക്ലിനിക്കല്‍ ഇന്‍സ്ട്രക്ടര്‍ ഡോ. ജോണ്‍ ഏബ്രാംസണ്‍ ആണ്. വിശ്വപ്രസിദ്ധനായ ഓസ്ട്രേലിയന്‍ മെഡിക്കല്‍ റിപ്പോര്‍ട്ടര്‍ റായ് മൊയ്നിഹാന്‍ ‘സെല്ലിങ് സിക്നസ്’ എന്ന പ്രശസ്തമായ പുസ്തകത്തില്‍ സകലരെയും രോഗികളാക്കി മരുന്നുവില്ക്കുന്ന മരുന്നുകമ്പനികളുടെ കൊളസ്ട്രോള്‍ ഗൂഢാലോചനകള്‍ വ്യക്തമാക്കുന്നുണ്ട്.
ജീവരക്ഷകനായ കൊളസ്ട്രോളിനെ ശാസ്ത്രതത്ത്വങ്ങള്‍ക്ക് ചില വളച്ചൊടിക്കല്‍ നടത്തിക്കൊണ്ട് ഹൃദയം പിളര്‍ക്കുന്ന ഘാതകനാക്കിയപ്പോള്‍ മരുന്നുകമ്പനികള്‍ക്ക് നേടാനായത് നേരിട്ടും അല്ലാതെയുമുള്ള പതിനായിരക്കണക്കിനു കോടികളാണ്.
കൊളസ്ട്രോള്‍ ഭീഷണിയുടെയും സ്റ്റാറ്റിന്‍ മരുന്നുകളുടെയും പിന്നില്‍ നടത്തിയിട്ടുള്ള കള്ളത്തരങ്ങള്‍ ആര്‍ത്തിമൂത്ത മരുന്നുകമ്പനികളുടെ ഇല്ലാത്ത രോഗങ്ങള്‍ ഉണ്ടാക്കുന്ന ക്രൂരതകള്‍ തുറന്നുകാട്ടും. മദ്യമുതലാളിയും സിഗററ്റ് കമ്പനിയും വില്പന കൂട്ടാന്‍ നടത്തുന്ന തന്ത്രങ്ങളേക്കാള്‍ ഹീനമായ കുതന്ത്രങ്ങളാണ് മരുന്നുകളിലും വാക്സിനുകളിലും വൈറ്റമിന്‍ ഗുളികകളിലുമൊക്കെയായി മരുന്നുകമ്പനികള്‍ നടത്തിവരുന്നത്.
‘മെര്‍ക്ക് ‘ എന്ന അന്താരാഷ്ട്ര ഭീമന്‍ മരുന്നുകമ്പനിയുടെ അഗ്രസ്സീവ് മാര്‍ക്കറ്റിങ് ഡയറക്ടറായിരുന്ന ‘ഹെന്റി ഗാഡ്സ്ഡാന്‍ ഫോര്‍ച്യൂണ്‍ മാസികയ്ക്ക് (ഫോര്‍ച്യൂണ്‍ മാര്‍ച്ച് 1976) നല്കിയ ഇന്റര്‍വ്യൂവില്‍ തന്റെ ‘സുന്ദരസ്വപ്നം’ പ്രഖ്യാപിച്ചു. ‘ആരോഗ്യമുള്ളവര്‍ക്കും മരുന്നു വില്ക്കുന്ന മെര്‍ക്ക് !’ രോഗങ്ങളുള്ളവര്‍ക്കു മാത്രം മരുന്നുണ്ടാക്കി വില്ക്കുന്ന പരിമിതി ഗാഡ്സ്ഡാനെ വേദനിപ്പിച്ചു. സകലര്‍ക്കും വേണ്ടി ച്യൂയിംഗം ഉണ്ടാക്കി വില്ക്കുന്ന ‘റിഗ്ലീസി’നെപ്പോലെ മെര്‍ക്കിനെയും പുരോഗമിപ്പിക്കാന്‍ അയാള്‍ തീരുമാനിച്ചു.
അങ്ങനെയാണ് 1987_ല്‍ ആരോഗ്യമുള്ളവര്‍ കഴിക്കേണ്ട മരുന്നു പിറന്നത്! മെര്‍ക്കിന്റെ അഗ്രഗണ്യരായ ‘ഡിസീസ് ഡിസൈനേഴ്സ്’ ആരോഗ്യ മുള്ളവരോടും നിങ്ങള്‍ രോഗികളാണ് എന്നു പറഞ്ഞ് വിശ്വസിപ്പിക്കാവുന്ന ന്യായത്തെ അതിവിദഗ്ധമായിത്തന്നെ തയ്യാറാക്കിയിരുന്നു. ‘കൊളസ്ട്രോള്‍ കൂടി നില്ക്കുന്നതുകൊണ്ട് അടഞ്ഞുപോയേക്കാവുന്ന ധമനികളുടെ തടസ്സം കാരണം ഉണ്ടായേക്കാവുന്ന ഹൃദയ ത്തകരാറുകളുടെ മഹാരോഗമായിരുന്നു’ അത്! ഒടുവിലത് ‘കൊളസ്ട്രോള്‍ രോഗം’ എന്നായി മാറിയെന്നു മാത്രം.
രോഗത്തോടൊപ്പം തന്നെ മരുന്നും കൂടെ പിറന്നു എന്ന മറ്റൊരു പ്രത്യേകതയും കൊളസ്ട്രോള്‍ രോഗത്തിനുണ്ട്. സാധാരണഗതിയില്‍ എട്ടു മുതല്‍ പന്ത്രണ്ടു വര്‍ഷത്തെ പരീക്ഷണ_നിരീക്ഷണങ്ങള്‍ പുതിയ മരുന്നിന്റെ കണ്ടുപിടിത്തത്തിനും അംഗീകാരത്തിനും ആവശ്യമാണെന്നിരിക്കെ കൊളസ്ട്രോള്‍ രോഗവും മരുന്നും കൂടെ ഒരുമിച്ചു പിറന്നതിന്റെ വൈരുധ്യം ആരും ശ്രദ്ധിച്ചില്ല. ‘ലോവസ്റ്റാറ്റിന്‍’ എന്ന രാസനാമത്തില്‍ ‘മെവാകോര്‍’ എന്ന മെര്‍ക്കിന്റെ മരുന്ന് കൊളസ്ട്രോള്‍ കുറയ്ക്കുന്ന ആദ്യത്തെ അത്ഭുത വസ്തുവായി!
കൊളസ്ട്രോള്‍ ഒരു രോഗമല്ല. രോഗ ലക്ഷണവുമല്ല. കൂടിനില്ക്കുകയാണെങ്കില്‍ത്തന്നെ യാതൊരുവിധ രോഗലക്ഷണങ്ങളും അതുണ്ടാക്കുന്നുമില്ല. കൂടിനില്ക്കുന്ന കൊളസ്ട്രോളിനെയും ഒരു രോഗമെന്ന് വിളിക്കാന്‍ ഒരിക്കലും സാധിക്കില്ല. ‘ആറ്റിലെ വെള്ളമങ്ങ് വറ്റുകയും അക്കരെ നില്ക്കുന്ന നായ തുടലു പൊട്ടിക്കുകയും ചെയ്താല്‍…’എന്ന മട്ടില്‍ ഭാവിയിലെ ഹൃദ്രോഗ സാധ്യത കഷ്ടപ്പെട്ട് വിശദീകരിക്കാമെന്നു മാത്രം!

2-1-08
മരുന്നുകമ്പനികളുടെ കാണാക്കളികള്‍

ഡോ. ജേക്കബ് വടക്കഞ്ചേരി
രോഗത്തിന്റെ വിദൂര സാധ്യതയെ വിറ്റുകാശാക്കാനൊക്കുമോ? ഇല്ലാത്ത രോഗത്തിന് ജനം മരുന്നുകഴിക്കുമോ? പതിനായിരക്കണക്കിനു വരുന്ന മെര്‍ക്കിന്റെ ഉദ്യോഗസ്ഥര്‍ അതു സാധ്യമെന്നു തെളിയിച്ചു. ഒപ്പം മറ്റു കമ്പനികളും വെറുതെ ഇരുന്നില്ല.
ലോകത്തെ നമ്പര്‍ വണ്‍ മരുന്നുകമ്പനിയായി അറിയപ്പെടുന്ന ‘ഫൈസര്‍'(ജശഹസ്ഥവി)’ലിപിറ്റോര്‍’ (ഘഹ്യഹറ്ി) എന്ന ഗുളികയുമായി മെര്‍ക്കിനെ കടത്തിവെട്ടി. ചുരുങ്ങിയ സമയം കൊണ്ട് ഏറ്റവുമധികം വില്ക്കപ്പെടുന്ന മരുന്നെന്ന ഖ്യാതി ലിപിറ്റോര്‍ നേടിയെടുത്തു. മോര്‍ച്ചറിയില്‍ കിടക്കുന്ന ശവശരീരം കാട്ടിക്കൊണ്ട്, ‘നിസ്സാരമായ ഒരു കൊളസ്ട്രോള്‍ രക്തപരിശോധന നടത്തിയിരുന്നെങ്കില്‍ ഈ മരണം ഒഴിവാക്കാമായിരുന്നു’ എന്ന അവരുടെ പരസ്യം ലിപിറ്റോറിന്റെ പ്രതിവര്‍ഷ വില്പനയെ 13 ബില്യന്‍ ഡോളറിന്റെ നേട്ടത്തിലേക്കുയര്‍ത്തി.
ഹൃദയാരോഗ്യ രംഗത്തെ ആധികാരിക ശബ്ദമായറിയപ്പെടുന്ന അമേരിക്കന്‍ ഹാര്‍ട്ട് അസോസിയേഷനിലൂടെയാണ് അസ്ട്ര_സെനക (എീറിമദവൃമരമ)എന്ന അന്താരാഷ്ട്ര മരുന്നു കമ്പനി കൊളസ്ട്രോള്‍ കൊ’ിനിറങ്ങിയത്. കൊളസ്ട്രോളും ഹൃദ്രോഗവും തമ്മിലുള്ള ബന്ധത്തെക്കുറിച്ച് അസോസിയേഷന്‍ ഒരു സെമിനാര്‍ നടത്തി. അസോസിയേഷന്റെ മുഖപത്രമായ ‘ജേര്‍ണല്‍ ഓഫ് കാര്‍ഡിയോളജി’ ഒരു പ്രത്യേക പതിപ്പുമിറക്കി. അമേരിക്കന്‍ ഗവണ്മെന്റിന്റെ കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്തിലെ കൊളസ്ട്രോള്‍ വിദഗ്ധന്‍ ഡോ. ബ്രയന്‍ ബ്രൂവര്‍ ആയിരുന്നു സെമിനാറില്‍ മുഖ്യവിഷയമവതരിപ്പിച്ചതും പ്രത്യേക പതിപ്പില്‍ ലേഖനമെഴുതിയതും.

ഡോ. ബ്രയന്റെ വാക്കുകള്‍ ആധികാരികമായിത്തന്നെ ഡോക്ടര്‍മാരുടെ സമൂഹം കണക്കാക്കി. കൊളസ്ട്രോള്‍ കുറയ്ക്കുന്നതിന് ഏറ്റവും ഫലപ്രദവും സുരക്ഷിതവുമായ മരുന്നെന്ന വിശേഷണത്തോടെ സെമിനാറില്‍ ഡോ. ബ്രയന്‍ അവതരിപ്പിച്ച അസ്ട്ര_സെനകയുടെ പുതിയ മരുന്നായ ക്രെസ്റ്ററും (ിവീറവി) പെട്ടെന്നു തന്നെ വൈദ്യസമൂഹത്തിന്റെ അംഗീകാരം നേടി.
പക്ഷേ, ഹാര്‍ട്ട് അസോസിയേഷന്റെ സെമിനാറും പ്രത്യേക പതിപ്പും അസ്ട്ര_സെനകയുടെ സ്പോണ്‍സര്‍ഷിപ്പിലായിരുന്നു നടന്നതെന്ന രഹസ്യം മാധ്യമങ്ങള്‍ കണ്ടുപിടിച്ചു! സര്‍ക്കാര്‍ ശാനസ്ര്തജ്ഞനായ ഡോ. ബ്രയന്‍ ബ്രൂവര്‍ അസ്ട്ര_സെനകയുടെ ബോര്‍ഡ് അംഗമാണെന്നും മാധ്യമങ്ങള്‍ ആരോപിച്ചു. വിവാദത്തെ തുടര്‍ന്ന് അമേരിക്കന്‍ കോണ്‍ഗ്രസ്സിന്റെ പ്രത്യേക കമ്മിറ്റി മുമ്പാകെ ഡോ. ബ്രയന്‍ ബ്രൂവര്‍ മൊഴിനല്കി.
വിവിധ മരുന്നു കമ്പനികളില്‍നിന്നും രണ്ടു ലക്ഷം ഡോളര്‍ കൈപ്പറ്റിയതായി അയാള്‍ സമ്മതിച്ചു. എന്നാല്‍ അത് പ്രഭാഷകന്‍, എഴുത്തുകാരന്‍ തുടങ്ങിയ നിലകളില്‍ ഔദ്യോഗിക ജോലി കഴിഞ്ഞുള്ള സമയത്തിനു പുറത്ത് ചെയ്ത സേവനങ്ങള്‍ക്കുള്ള പ്രതിഫലമായിരുന്നെന്നും നിയമവിധേയമായിട്ടാണ് വാങ്ങിയതെന്നും ഡോ. ബ്രയന്‍ ചൂണ്ടിക്കാട്ടി.

ക്രെസ്റ്റര്‍ എന്ന പുതിയ മരുന്നിനെക്കുറിച്ച് അവാസ്തവമൊന്നും പറഞ്ഞിട്ടില്ലെന്നുകൂടെ കൂട്ടിച്ചേര്‍ത്ത് അയാള്‍ തടിതപ്പി. (ഹൌസ് ഓഫ് റെപ്രസന്റേറ്റീവ്സ് എനര്‍ജി ആന്‍ഡ് കൊമേഴ്സ് കമ്മിറ്റി 2004 (റഫറന്‍സ് ഃ ക / 174020).
പുതിയ രോഗത്തിന്റെ പുതിയ മരുന്നുകള്‍ക്കൊപ്പം വിവാദങ്ങളും കൊഴുക്കുമ്പോള്‍ പുതിയ രോഗത്തിന്റെ ചികിത്സയ്ക്കുള്ള കൃത്യമായ മാര്‍ഗനിര്‍ദേശങ്ങള്‍ അത്യാവശ്യമായിരുന്നു! 1990ല്‍ നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് ഒരു വിദഗ്ധ സമിതിയെ നിയോഗിച്ചിരുന്നു. അവരുടെ മാര്‍ഗനിര്‍ദേശങ്ങളനുസരിച്ച് 130 ലക്ഷം അമേരിക്കക്കാര്‍ കൊളസ്ട്രോള്‍ കുറയ്ക്കല്‍ മരുന്നു കഴിച്ചുപോന്നു.
കൂടുതല്‍ മരുന്നു കമ്പനികള്‍ രംഗത്തിറങ്ങിയതിനാല്‍ മരുന്നു കഴിക്കുന്നവരുടെ എണ്ണം മതിയാകാതെ വന്നതുകൊണ്ടാകണം 2001ല്‍ കൊളസ്ട്രോള്‍ മാര്‍ഗനിര്‍ദേശങ്ങള്‍ പൊളിച്ചെഴുതുന്നതിന് ഒരു സമിതി കൂടെ നിയോഗിക്കപ്പെട്ടു! അവരുടെ റിപ്പോര്‍ട്ട് ആവേശകരമായ പുരോഗതി കൊളസ്ട്രോള്‍ മരുന്നുവില്പനയ്ക്ക് നല്കി. 130 ലക്ഷം പേര്‍ക്ക് പകരം 360 ലക്ഷം പേര്‍ മരുന്നു കഴിക്കണമെന്നായി! മാര്‍ഗനിര്‍ദേശങ്ങള്‍ പുതുക്കിയെഴുതിയ പതിന്നാല് വിദഗ്ധരില്‍ നാലുപേര്‍ മരുന്നു കമ്പനികളുടെ പണം പറ്റിയിരുന്നെന്ന വിവരം പിന്നീടാണ് പുറത്തുവന്നത്. പക്ഷേ, അതിനധികം ചലനമൊന്നുമുണ്ടാക്കാനായില്ല.
പക്ഷേ, മാര്‍ഗനിര്‍ദേശങ്ങള്‍ പൊളിച്ചെഴുതാന്‍ ഡോക്ടര്‍മാരുടെ മൂന്നാം സംഘം 2004 ല്‍ അവരോധിക്കപ്പെട്ടതോടെ സംഗതികള്‍ കീഴ്മേല്‍ മറിഞ്ഞു. ആധുനിക വൈദ്യശാനസ്ര്തത്തിന്റെ ആധികാരിക കേന്ദ്രമായി അംഗീകരിക്കപ്പെട്ടിരുന്ന നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്തിന്റെ വിശ്വാസ്യത തകര്‍ന്നടിഞ്ഞു.
പുതിയ കമ്മിറ്റിയുടെ ശുപാര്‍ശകളനുസരിച്ച് ”കൊളസ്ട്രോള്‍ ചികിത്സയുടെ പ്രയോജനം കിട്ടുന്നവരുടെ എണ്ണം 400 ലക്ഷമായി ഉയരുക മാത്രമല്ല; ഇരുപത് വയസ്സിനു മീതെ പ്രായമുള്ള എല്ലാ അമേരിക്കക്കാരും ഇടയ്ക്കിടെ കൊളസ്ട്രോള്‍ രക്തപരിശോധന നടത്തണമെന്നുമായി.”
പുതിയ കൊളസ്ട്രോള്‍ മാര്‍ഗനിര്‍ദേശങ്ങള്‍ എഴുതിയ കമ്മിറ്റിയിലെ ഒന്‍പതംഗ ഡോക്ടര്‍മാരില്‍ എട്ടംഗങ്ങളും കൊളസ്ട്രോള്‍ മരുന്നു കമ്പനികളുടെ പണം പറ്റിയിരുന്നെന്ന കണ്ടെത്തല്‍ അമേരിക്കയില്‍ കൊടുങ്കാറ്റുയര്‍ത്തി. മരുന്നുകമ്പനികളുടെ കൂലിപ്രഭാഷകര്‍, കൂലി ഉപദേഷ്ടാക്കള്‍, കൂലി ഗവേഷകര്‍ എന്ന മട്ടില്‍ ഭീമമായ സംഖ്യകള്‍ കൈപ്പറ്റിയിരുന്ന ഇവരില്‍ രണ്ടു ഡോക്ടര്‍മാര്‍ ഉടനടി മരുന്നുകമ്പനികളില്‍ ജോലിക്കു കയറി! മറ്റു രണ്ടു ഡോക്ടര്‍മാര്‍ കൊളസ്ട്രോള്‍ മരുന്നുകളുടെ സ്റ്റോക്കിസ്റ്റുകളുമായി!
ആതുരസേവന രംഗത്ത് ജീവകാരുണ്യ പ്രവര്‍ത്തനങ്ങള്‍ നടത്തുന്നു എന്നു കരുതി ശാനസ്ര്ത വിശ്വാസികള്‍ ആരാധിക്കുന്ന ഫൈസര്‍, മെര്‍ക്ക്, നോവാരിറ്റീസ്, ബയര്‍, ബ്രിസ്റ്റോള്‍ മയേഴ്സ് സ്കിബ്, അബോട്ട്, ജിഎസ്കെ, അസ്ട്ര_സെനക തുടങ്ങിയ അന്താരാഷ്ട്ര മരുന്നുകമ്പനികളൊന്നും അവര്‍ക്കെതിരെ ഉയര്‍ന്ന ഈ ആരോപണങ്ങളെ നിഷേധിച്ചിട്ടില്ല.
നാഷണല്‍ ഇന്‍സ്റ്റിറ്റ്യൂട്ടിലെ അഞ്ഞൂറ്റിമുപ്പതോളം സര്‍ക്കാര്‍ ശാനസ്ര്തജ്ഞന്മാര്‍ മരുന്നു കമ്പനികളുടെ പണം പറ്റുന്നവരാണെന്ന വിവരം കൂടെ ‘ലോസ് ആഞ്ജലിസ് ടൈംസ്’ പുറത്തുവിട്ടതോടെ നില്ക്കക്കള്ളിയില്ലാതായ നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് (എന്‍.ഐ.എച്ച്.) മരുന്നുകമ്പനികളുമായുള്ള ശാനസ്ര്തജ്ഞന്മാരുടെ സാമ്പത്തിക ഇടപാടുകളെ വിലക്കിക്കൊണ്ട് ഉത്തരവിറക്കി. പക്ഷേ, കൊളസ്ട്രോള്‍ മാര്‍ഗനിര്‍ദേശങ്ങള്‍ തിരുത്താന്‍ തയ്യാറായതേയില്ല! കൊളസ്ട്രോള്‍ വിവാദവും മരുന്നു പ്രചാരണവും മത്സരിച്ച് മുന്നേറിക്കൊണ്ടിരിക്കുമ്പോള്‍ മറുഭാഗത്ത് കൊളസ്ട്രോള്‍ കുറയ്ക്കാന്‍ രാസവിഷ മരുന്നുകള്‍ കഴിച്ചവര്‍ മരിച്ചുവീണുകൊണ്ടിരുന്നു!
നിരവധി മരണങ്ങളുടെയും നൂറുകണക്കിന് കരള്‍നാശങ്ങളുടെയും പേരില്‍ ബയര്‍(ഏമള്‍വി) എന്ന ആഗോള കീടനാശിനി കമ്പനിയുടെ ബായ്കോള്‍ (ഏമള്‍ര്ാ) എന്ന കൊളസ്ട്രോള്‍ കുറയ്ക്കല്‍ മരുന്ന് അമേരിക്കന്‍ ഫുഡ് ആന്‍ഡ് ഡ്രഗ്സ് അഡ്മിനിസ്ട്രേഷന്‍ (/ഒഎ) നിരോധിച്ചു. മരണമടഞ്ഞവരുടെ ബന്ധുക്കളും കരള്‍മാറ്റിവെക്കലിനു വിധേയമായവരുമൊക്കെ നല്കിയ പന്തീരായിരം നഷ്ടപരിഹാര കേസുകളുമായി മല്പിടിത്തം നടത്തുകയാണ് മരുന്നു കമ്പനിയുടെ അഭിഭാഷകര്‍!
കോടിക്കണക്കിന് ഡോളര്‍ നഷ്ടപരിഹാരം നല്കിക്കൊണ്ട് മൂവായിരം കേസുകള്‍ ഒതുക്കിത്തീര്‍ക്കാന്‍ മാത്രമേ കമ്പനിക്ക് കഴിഞ്ഞിട്ടുള്ളൂ. അവശേഷിക്കുന്ന ഒന്‍പതിനായിരം കേസുകളുടെ ഭീഷണികൊണ്ട് വീര്‍പ്പുമുട്ടുകയാണ് ബയര്‍ എന്ന മരുന്നുകമ്പനി!
അമേരിക്കന്‍ ഹാര്‍ട്ട് അസോസിയേഷനെയും നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്തിനെയും വിലയ്ക്കെടുത്ത് അസ്ട്ര_സെനക മാര്‍ക്കറ്റിലിറക്കിയ ഫലപ്രദവും സുരക്ഷിതവുമായ ‘ക്രെസ്റ്റര്‍'(AstraZenaca) കരള്‍ നാശത്തിനു പുറമെ കിഡ്നി നാശവുമുണ്ടാക്കി പലരുടേയും മരണത്തിനിടയാക്കിയതോടെ നിരവധി സംഘടനകള്‍ മരുന്നിന്റെ നിരോധനമാവശ്യപ്പെട്ടുകൊണ്ട് രംഗത്തിറങ്ങി.
ക്രെസ്റ്ററിന്റെ ക്ലിനിക്കല്‍ ട്രയലിനിടയില്‍ തന്നെ ഒരു മരണവും ആറ് കിഡ്നി തകരാറുകളും തെളിഞ്ഞതാണെങ്കിലും അസ്ട്ര_സെനകയുടെ പണത്തിന്റെ മിടുക്കുകൊണ്ടാകണം കൊലയാളി മരുന്ന് അംഗീകരിക്കപ്പെട്ടത്. 2002 മെയ്മാസത്തില്‍ സമര്‍പ്പിക്കപ്പെട്ട ക്ലിനിക്കല്‍ ട്രയലുകളുടെ റിപ്പോര്‍ട്ട് തൃപ്തികരമല്ലാതിരുന്നതിനാല്‍ ഒരുകൊല്ലത്തോളം മരുന്നിന്റെ അനുമതി ഫുഡ് ആന്‍ഡ് ഡ്രഗ് അഡ്മിനിസ്ട്രേഷന്‍ വൈകിച്ചിരുന്നു.
അംഗീകാരത്തിനുശേഷം മാത്രം ദോഷഫലങ്ങള്‍ കാട്ടിയ ‘ബായ്കോളിന്’ നിരോധനവും അംഗീകാരത്തിനു മുമ്പുതന്നെ ദോഷഫലങ്ങള്‍ കാണിച്ച ‘ക്രെസ്റ്ററിന്’ അനുവാദവും നല്‍കിയ നടപടിക്കെതിരെ ‘കണ്‍സ്യൂമര്‍ഗ്രൂപ്പ് പബ്ലിക്ക് സിറ്റിസണ്‍’ രംഗത്തിറങ്ങി. ”എല്ലാ കൊളസ്ട്രോള്‍ മരുന്നുകളും ഉണ്ടാക്കുന്ന തകരാറുകള്‍ മാത്രമേ ക്രെസ്റ്ററും ഉണ്ടാക്കുന്നുള്ളൂ” എന്ന മറുപടിയായിരുന്നു ഫുഡ് ആന്‍ഡ് ഡ്രഗ്സ് അഡ്മിനിസ്ട്രേഷനില്‍ നിന്നുണ്ടായത്!
കൊളസ്ട്രോള്‍ കുറയ്ക്കുന്ന മരുന്നുകളെ അപകടകാരികളാക്കുന്നതെന്താണ്? നാല്പതും അന്‍പതും കൊല്ലത്തെ തെറ്റായ ആഹാര പദാര്‍ഥങ്ങളില്‍ നിന്നും ശരീരത്തില്‍ അടിഞ്ഞുകൂടിയ അശുദ്ധ വസ്തുക്കളെ, രാസവിഷപ്രയോഗം കൊണ്ട് പരിഹരിക്കാനുള്ള പരിശ്രമം അപകടമല്ലെങ്കില്‍ പിന്നെ മറ്റെന്താണുണ്ടാക്കുക. റാബ്ഡോ മൈയോലിസിസ് (ഞഃഎഏഒഛങഥഛഘഥടകട)എന്നറിയപ്പെടുന്ന ഗുരുതരമായ മാംസപേശിക്ഷയമാണ് കൊളസ്ട്രോള്‍ കുറയ്ക്കല്‍ മരുന്നുകളുടെ മറ്റൊരു തകരാറ്. മാംസപേശികളിലെ വേദന, ക്ഷീണം, പേശികള്‍ അയഞ്ഞുപോകല്‍, പനി, കറുത്ത നിറമുള്ള മൂത്രം, ഓക്കാനം, ഛര്‍ദ്ദി, കിഡ്നി നാശം, മരണം എന്നിവയൊക്കെയാണ് റാബ്ഡോ മൈയോലിസിസിന്റെ ലക്ഷണങ്ങള്‍!
ഇത്രയേറെ അപകടങ്ങളുണ്ടാക്കുന്ന കൊളസ്ട്രോള്‍ മരുന്നുകളെ അതിതീവ്രമായ വില്പനയ്ക്ക് വിധേയമാക്കാന്‍ മരുന്നുകമ്പനികള്‍ പതിനെട്ടടവുകളും പയറ്റുമ്പോള്‍ അവകാശപ്പെടുന്ന മെച്ചമെന്താണെന്നുള്ളതാണ് അമ്പരപ്പുണ്ടാക്കുന്നത്. അഞ്ചുവര്‍ഷം തുടര്‍ച്ചയായി കൊളസ്ട്രോള്‍ മരുന്നുകള്‍ കഴിച്ചാല്‍ രണ്ട്ശതമാനം ഹൃദ്രോഗ മരണങ്ങള്‍ ഒഴിവാക്കാനാകുമത്രെ! ബ്രിട്ടീഷ് ശാസ്ത്രപ്രസിദ്ധീകരണമായ ലാന്‍സെറ്റും(ഠസവ ഘമൃരവറ വോള്യം 360, 2000 ്യ്യ 722) ടെക്സ്റ്റ് ബുക്ക് ഓഫ് മെഡിക്കല്‍ ഫിസിയോളജിയും (പേജ് 851) ഈ മെച്ചം ചൂണ്ടിക്കാണിക്കുമ്പോള്‍ കരളുതകര്‍ന്നും കിഡ്നികള്‍ തകര്‍ന്നും മരിക്കുന്നവരുടെയും ഗതികേടിലാകുന്നവരുടെയും ശതമാനം പറയുന്നുമില്ല!
കൊളസ്ട്രോള്‍ കൂടി നില്‍ക്കുന്നത് ആപത്തു തന്നെയാണെന്ന് വാദത്തിനു വേണ്ടി സമ്മതിക്കുക. എങ്കില്‍ ആദ്യത്തെ ചോദ്യം എന്തുകൊണ്ടത് കൂടുന്നു എന്നതല്ലെ? ആ കാരണത്തെ പരിഹരിക്കുന്നതിനു പകരം രാജാവിന്റെ മൂക്കത്തു വന്നിരുന്ന ഈച്ചയെക്കണ്ട് കോപാക്രാന്തനായ കുരങ്ങന്‍മന്ത്രിയെപ്പോലെ ‘മരുന്നെടുത്ത്’ വെട്ടണമോ?
കഴിക്കുന്ന ആഹാരപാനീയങ്ങളില്‍ നിന്നല്ലാതെ കൊളസ്ട്രോള്‍ കൂടുകയില്ലെന്ന് എല്ലാ വൈദ്യശാസ്ത്രഗ്രന്ഥങ്ങളും സമ്മതിക്കുന്നുണ്ട്. മേലനങ്ങി പണിയെടുക്കാത്ത ജീവിതരീതിയും പുകവലിയുമാണ് കൊളസ്ട്രോള്‍ നിലയെ അപകടകാരിയാക്കുന്നതെന്നും പറയുന്നുണ്ട്. ഈ ഗ്രന്ഥങ്ങള്‍ നേരേ ചൊവ്വേ പറയാതെ പറയുന്ന ചില യഥാര്‍ഥ കാരണങ്ങള്‍ വരികള്‍ക്കിടയിലൂടെ വായിക്കുമ്പോള്‍ മനസ്സിലാക്കാനാകും.
ആധുനിക മനുഷ്യനു പിടിപെട്ടിരിക്കുന്നത് തെറ്റായ ഭക്ഷണപാനീയങ്ങള്‍ കൊണ്ടുള്ള കുടലുകളിലെ എരണ്ടകെട്ടലും മരുന്നുകള്‍ കൊണ്ടുള്ള രക്തക്കുഴലുകളിലെ എരണ്ടകെട്ടലുകളുമാണ്. മലബന്ധത്താല്‍ വിസര്‍ജനമാര്‍ഗം അടഞ്ഞും ഇടുങ്ങിയുമിരുന്നിട്ടും കണ്ണുംമൂക്കുമില്ലാത്ത തീറ്റ തുടരുന്നവരും നിസ്സാര രോഗത്തിനു പോലും ഉടനടി ഫലം നല്കുന്ന മായാജാല മരുന്നു കഴിക്കുന്നവരുമാണ് മാറാരോഗ ദുരിതങ്ങളുമായി ഗതികെട്ടുമരിക്കുന്നവര്‍.
വയറിളക്കിയിട്ടുമാത്രം രോഗിയെ തൊട്ടിരുന്ന പഴയആയുര്‍വേദ വൈദ്യനേയും ‘അഹിംസാത്മക എനിമയെടുപ്പിക്കുന്ന’ പ്രകൃതി ചികിത്സകനെയും മനസ്സിലാക്കാന്‍ കഴിഞ്ഞാല്‍ കൊളസ്ട്രോള്‍ ദുരന്തത്തില്‍ നിന്നുമാത്രല്ല ഒട്ടനവധി രോഗങ്ങളില്‍ നിന്നും രക്ഷപ്പെടാനാകും.
കൊലചെയ്യപ്പെട്ടതും മുളകരച്ച് വട്ടുപിടിപ്പിക്കപ്പെട്ടതുമായ ആഹാരസാധനങ്ങളും മരുന്നുകളുമൊക്കെ നിര്‍ത്തി പഴങ്ങളും പച്ചക്കറികളും തേങ്ങയും കരിക്കും പച്ചവെള്ളവും മാത്രം മൂന്നുമാസം കഴിച്ചുനോക്കൂ. കൊളസ്ട്രോള്‍ മാത്രമല്ല പ്രഷറും പ്രമേഹവും ഹൃദ്രോഗവുമെല്ലാം മാറി ശുദ്ധീകരിക്കപ്പെട്ട ശരീരവും നവീകരിക്കപ്പെട്ട ആരോഗ്യവും ഉണ്ടാകും. കാലങ്ങളായി മരുന്നുകഴിച്ചു കൊണ്ടിരിക്കുന്ന മാരകരോഗികള്‍ അനുഭവസമ്പന്നരായവരുടെ ഉപദേശമില്ലാതെ ചെയ്യരുതെന്നു മാത്രമേയുള്ളൂ.

കടപ്പാട്- മാതൃഭൂമി

2അഭിപ്രായങ്ങള്‍

Filed under ആരോഗ്യം, പത്രവാര്‍ത്തകള്‍, മാധ്യമം, രോഗങ്ങള്‍