Category Archives: പലവക

ദേശാഭിമാനി 21-08-08

ചെങ്ങറ കൈയേറ്റം സിപിഐ എമ്മിനെതിരെ ഇന്റര്‍നെറ്റില്‍ വ്യാജപ്രചാരണം
എം ശശികുമാര്‍
പത്തനംതിട്ട: ചെങ്ങറയിലെ കൈയേറ്റത്തിന്റെ പേരില്‍ സിപിഐ എമ്മിനും സംസ്ഥാന സര്‍ക്കാരിനുമെതിരെ ഇന്റര്‍നെറ്റ്, ഇ-മെയില്‍ ബ്ളോഗുകള്‍ വഴി വ്യാപകമായി വ്യാജപ്രചാരണം നടത്തുന്നു. വ്യാജ വീഡിയോദൃശ്യങ്ങള്‍ വരെ ഇതിനായി ഉപയോഗിക്കുന്നുണ്ട്. പാവപ്പെട്ട ഒരുവിഭാഗത്തെ കരുവാക്കി വിദേശ ഏജന്‍സികളില്‍നിന്ന് ഫണ്ട് ലഭ്യമാക്കാനാണ് ഇത്തരത്തിലുള്ള പ്രചാരണം. കൈയേറ്റഭൂമിയില്‍നിന്ന് രക്ഷപ്പെട്ട് പുറത്തുവന്നവര്‍ തങ്ങള്‍ അവിടെ തടങ്കലിലാണെന്ന് മാധ്യമങ്ങളെ അറിയിച്ചപ്പോള്‍ അതിനെ മറികടക്കാന്‍ ആസൂത്രണംചെയ്ത നാടകമായിരുന്നു ബലാല്‍സംഗ കഥ. ഒരു ചാനല്‍ മാത്രമാണ് ഇത് സംബന്ധിച്ച വാര്‍ത്ത നല്‍കിയത്. പൊലീസില്‍ ഒരു പരാതിയും ലഭിച്ചിട്ടില്ല. പത്രങ്ങളും ചാനലുകളും തിരസ്കരിച്ച വ്യാജവാര്‍ത്ത ലോകമാകെ പ്രചരിപ്പിക്കാനാണ് ഇപ്പോള്‍ ഇന്റര്‍നെറ്റിനെയും ബ്ളോഗുകളെയും ആശ്രയിക്കുന്നത്. അടുത്തിടെ കൊച്ചിയില്‍ സിപിഐ എം സംഘടിപ്പിച്ച സംസ്ഥാന പട്ടികജാതി കവന്‍ഷനും ഇത്തരക്കാരെ ഏറെ പ്രകോപിതരാക്കിയിട്ടുണ്ട്. സമാധാനപരമായ സമരമാണ് നടത്തുന്നതെന്ന് പറയുന്ന ഐക്യദാര്‍ഢ്യസമിതി തോട്ടംതൊഴിലാളികളായ സ്ത്രീകളെയടക്കം കെട്ടിയിട്ട് മര്‍ദിക്കുകയും തൊഴില്‍ നിഷേധിക്കുകയും ചെയ്തതിനെ കുറിച്ച് ഒന്നും പറയുന്നില്ല. കഴിഞ്ഞ ഒരുവര്‍ഷത്തിലേറെയായി നൂറോളം തോട്ടംതൊഴിലാളികള്‍ക്ക് കൈയേറ്റംമൂലം ജോലി നഷ്ടപ്പെട്ടു. കൈയേറ്റം ഒഴിയണമെന്ന് ഹൈക്കോടതി വിധിച്ചിട്ടും അനുസരിക്കാന്‍ തങ്ങള്‍ക്ക് ബാധ്യതയില്ലെന്ന് പറയുന്നവര്‍ കൈയേറ്റഭൂമിയില്‍ പൊലീസ് സംരക്ഷണം തരുന്നില്ലെന്നാണ് ആക്ഷേപിക്കുന്നത്. തോട്ടംതൊഴിലാളികളുടെ സമരം തടയണമെന്നാവശ്യപ്പെട്ട് ഹൈക്കോടതിയില്‍ സാധുജന വിമോചനവേദി നല്‍കിയ ഹര്‍ജിയും കോടതി തള്ളുകയായിരുന്നു. കൈയേറ്റക്കാരെ പീഡിപ്പിക്കുന്നത് വിമോചനവേദിയും അവരുടെ പിന്‍ബലത്തില്‍ തമ്പടിച്ചിട്ടുള്ള ചില കടലാസ് സംഘങ്ങളുമാണ്. രോഗികള്‍ക്കെല്ലാം ചികിത്സാസൌകര്യം തൊട്ടടുത്ത പ്രാഥമികാരോഗ്യകേന്ദ്രത്തിലും പത്തനംതിട്ട ജനറല്‍ ആശുപത്രിയിലും ജില്ലാഭരണകൂടം ഒരുക്കിയിട്ടും ആരെയും പോകാന്‍ അനുവദിക്കാത്തത് വിമോചനവേദിയാണ്. ഭക്ഷണംനല്‍കാതെ പട്ടിണിക്കിടുകയാണെന്നാണ് മറ്റൊരു ആക്ഷേപം. തോട്ടംതൊഴിലാളികള്‍ കൈയേറ്റഭൂമിയിലേക്കുള്ള ഒരു പ്രവേശനകവാടത്തില്‍ മാത്രം രാവിലെ പത്തുമുതല്‍ വൈകിട്ട് അഞ്ചുവരെയാണ് ഉപരോധം നടത്തുന്നത്. കൈയേറ്റക്കാര്‍ പട്ടിണി കിടക്കുന്നില്ലെന്ന് മാത്രമല്ല അവിടെയുള്ള 40,000ത്തോളം റബര്‍ മരങ്ങളില്‍നിന്ന് ദിവസവും മൂന്നുനേരം വരെയും പാലെടുത്ത് മോഷ്ടിച്ചുവില്‍ക്കുന്നുണ്ട്. ലക്ഷങ്ങളുടെ ആദായമാണ് ഇതിലൂടെ ലഭിക്കുന്നത്. സമരനേതൃത്വത്തിലെ ചിലരാണ് ഇതില്‍ ഭൂരിഭാഗവും കൈക്കലാക്കുന്നതെന്ന് കൈയേറ്റക്കാര്‍തന്നെ സമ്മതിക്കുന്നു. വാഗ്ദാനങ്ങളില്‍ തെറ്റിദ്ധരിക്കപ്പെട്ട നിരവധി കുടുംബങ്ങള്‍ ഇതിനകം വീടുകളിലേക്ക് മടങ്ങി. എന്നിട്ടും തൊഴിലാളികളെയും സിപിഐ എമ്മിനെയും കുറ്റപ്പെടുത്തി സാമ്പത്തിക, രാഷ്ട്രീയലാഭം എങ്ങനെ നേടാമെന്ന നോട്ടത്തിലാണ് ചില കടലാസ് സംഘങ്ങള്‍.

അറിയിപ്പ്- ഹൈപ്പര്‍ ലിങ്കുകള്‍ സെര്‍ച്ചിലൂടെ കിട്ടിയതാണ് കൂട്ടിച്ചേര്‍ത്തിരിക്കുന്നത്.

ഒരു അഭിപ്രായം ഇടൂ

Filed under പലവക

‘വില്വാദ്രി അരി’യുടെ കരുത്തില്‍


ഹരിതകേരളത്തിനു മാതൃകയാവുകയാണ്‌, തൃശ്ശൂര്‍ ജില്ലയിലെ തിരുവില്വാമല കൃഷിഭവനും കുറുമങ്ങാട്‌ പാടശേഖരവും.
രാസ കീടരോഗനാശിനികളും രാസവളങ്ങളും ഒട്ടും പ്രയോഗിക്കാതെ പരിപൂര്‍ണമായി ജൈവ-ജീവാണു വളങ്ങളും ജൈവികരോഗ കീടനിവാരണികളും മാത്രമുപയോഗിച്ച്‌ കൃഷിയിറക്കിയ നെല്ല്‌ സംസ്‌കരിച്ച്‌ വില്വാദ്രിയരി എന്ന വ്യാപാരനാമത്തില്‍ വിപണിയിലിറക്കിയാണ്‌ തിരുവില്വാമല കൃഷിഭവന്‍ മാതൃകയായിരിക്കുന്നത്‌. ഇതിനു നേതൃത്വം നല്‌കുന്നത്‌ കൃഷി ഓഫീസര്‍ പി.ജി. കൃഷ്‌ണകുമാറാണ്‌.
തിരുവില്വാമല കൃഷി ഓഫീസര്‍ പി.ജി. കൃഷ്‌ണകുമാര്‍ 2003-ല്‍ അവതരിപ്പിച്ച ‘ജൈവ നെല്‍കൃഷി’ എന്ന ആശയം തിരുവില്വാമലയിലെ കുറുമങ്ങാട്‌ പാടശേഖര സമിതിയിലെ കര്‍ഷകര്‍ സ്വീകരിച്ച്‌ പ്രാവര്‍ത്തികമാക്കി. ഗ്രാമപ്പഞ്ചായത്തിന്റെ പരിപൂര്‍ണ സഹായം ഇതിന്‌ ഊര്‍ജം പകര്‍ന്നു. ഇതിന്റെ ഭാഗമായി നെല്‍വയലില്‍ ജൈവിക കീടരോഗ നിയന്ത്രണത്തിനുള്ള പരിശീലനം കര്‍ഷകര്‍ക്ക്‌ നല്‌കി. രോഗനിവാരണത്തിന്‌ ‘സ്യൂഡോ മോണാസ്‌’ പ്രയോഗവും നെല്ലിലെ കീടനിയന്ത്രണത്തിനായി ട്രൈക്കോഗ്രാമ മുട്ടകാര്‍ഡുകളുടെ പ്രയോഗവും നടപ്പാക്കി. 2006-ല്‍ പരിപൂര്‍ണമായി കുറുമങ്ങാട്‌ പാടശേഖരത്തില്‍ ജൈവ നെല്‍കൃഷി നടപ്പിലായി. മണ്ണുത്തിയിലെ ബയോ കണ്‍ട്രോള്‍ ലാബില്‍നിന്ന്‌ ജൈവിക രോഗ കീട നിയന്ത്രണ ഉപാധികള്‍ സമയത്തിനു ലഭ്യമായത്‌ ഉപകാരവുമായി.
കുറുമങ്ങാട്‌ പാടശേഖരത്തില്‍ 30 ഹെക്ടറിലാണ്‌ ജൈവ നെല്‍കൃഷിയാരംഭിച്ചത്‌. നടീലും കൊ’ുമെല്ലാം യന്ത്രസഹായത്താല്‍ ചെയ്‌തു. ‘കാഞ്ചന’ എന്ന പട്ടാമ്പി നെല്ലിനമാണ്‌ ഉപയോഗിച്ചത്‌. കീടനാശിനികള്‍ ഒഴിവാക്കിയതിനാല്‍ പാടത്ത്‌ തവളയും മണ്ണിരയും വിവിധ പക്ഷികളും പ്രാണികളും വന്നുതുടങ്ങിയതായി കര്‍ഷകരറിയിച്ചു.
നെല്ലിന്‌ വിപണിയില്‍ എട്ടുരൂപ വന്നപ്പോള്‍ ജൈവ നെല്ലിന്‌ പത്തുരൂപ പ്രകാരം കര്‍ഷകന്‌ വിലനല്‌കി. സുമംഗള കുടുംബശ്രീ അംഗങ്ങളാണ്‌ നെല്ല്‌ പുഴുങ്ങി അരിയാക്കിയത്‌. തവിട്‌ ഏറെ കളയാത്തതിനാല്‍ നല്ല പോഷകഗുണവും വില്വാദ്രി അരിക്കുണ്ട്‌. നാടന്‍ മില്ലില്‍ സംസ്‌കരിച്ചു തയ്യാറാക്കിയ വില്വാദ്രിയരി 5 കിലോ, 10 കി.ഗ്രാം പാക്കറ്റില്‍ കൃഷിഭവന്‍ വഴി വില്‌പന നടത്തിവരുന്നു. ഇപ്പോള്‍ കിലോയ്‌ക്ക്‌ 24 രൂപയാണ്‌ വില. വില്വാദ്രിയരി പ്ലാസ്റ്റിക്‌ വിമുക്തമായി ചണസഞ്ചിയിലാണിപ്പോള്‍ പുറത്തിറക്കുന്നത്‌.
തിരുവില്വാമല സര്‍വീസ്‌ സഹകരണ ബാങ്ക്‌ വഴി കുറഞ്ഞ പലിശയ്‌ക്ക്‌ വായ്‌പ നല്‌കുന്നതും നെല്‍കൃഷിക്ക്‌ പ്രചോദനമായി. കേരളത്തിനു പുറത്തുനിന്ന്‌ ആവശ്യക്കാര്‍ വില്വാദ്രി അരി തേടി കൃഷിഭവനിലെത്തുന്നു. ഒരിക്കല്‍ ഉപയോഗിച്ചവര്‍ വീണ്ടും വരിക പതിവാണ്‌. ഇപ്പോള്‍ 24 പാടശേഖരത്തിലും ജൈവ നെല്‍കൃഷി വ്യാപിപ്പിക്കാനാണ്‌ ലക്ഷ്യമിട്ടിട്ടുള്ളത്‌. തരിശിടുന്ന നിലങ്ങളിലെല്ലാം നെല്‍കൃഷി വ്യാപിപ്പിച്ച്‌, കേരളത്തിന്റെ ഭക്ഷ്യ സുരക്ഷയ്‌ക്ക്‌ ശക്തിപകരാനാണ്‌ ഇവിടത്തെ കര്‍ഷകരുടെ ശ്രമം. കൂടെ ‘ഫാം ടൂറിസ’മെന്ന ആശയത്തിനു പ്രചാരം നല്‌കാനും ശ്രമം തുടങ്ങിയിട്ടുണ്ട്‌. കൂടുതലറിയാന്‍ ഫോണ്‍ നമ്പര്‍: 9446228311.

കടപ്പാട് – മാതൃഭൂമി 06-07-08

2അഭിപ്രായങ്ങള്‍

Filed under പലവക

സൂര്യന്‍ പടിഞ്ഞാറുദിക്കും കിഴക്കസ്തമിക്കും കാലം വിദൂരമല്ല

ഭൗമ കാന്തികമണ്ഡലം മാറുന്നു; അണുപ്രസരണത്തിന്‌ സാധ്യതയെന്ന്‌ ശാസ്‌ത്രജ്ഞര്‍

കോപ്പെന്‍ഹേഗന്‍: ഭൂമിയുടെ കേന്ദ്രത്തിലും കാന്തികമണ്ഡലത്തിലും അതിവേഗം മാറ്റങ്ങള്‍ സംഭവിച്ചുകൊണ്ടിരിക്കുകയാണെന്ന്‌ പഠനം. ഭൗമകേന്ദ്രത്തിന്റെ അതിദ്രുതം ഇളകിമറിഞ്ഞുകൊണ്ടിരിക്കുന്ന ദ്രവരൂപത്തിലുള്ള ഭാഗത്തിന്റെ ചലനത്തില്‍ കാര്യമായ മാറ്റം ഉണ്ടായിക്കൊണ്ടിരിക്കുകയാണ്‌. ഇത്‌ ഭൗമോപരിതലത്തിലെ ചില ഭാഗങ്ങളുടെ കാന്തികമണ്ഡലത്തെ ദുര്‍ബലപ്പെടുത്തിക്കൊണ്ടിരിക്കുന്നതായി ‘നാച്വര്‍ ജിയോസയന്‍സ്‌’ മാസികയില്‍ അടുത്തിടെ പ്രസിദ്ധീകരിച്ച പഠനത്തില്‍ പറയുന്നു.

കാന്തികമണ്ഡലത്തിലെ മാറ്റം അണുപ്രസരണത്തിന്‌ ഇടയാക്കുമെന്നാണ്‌ ശാസ്‌ത്രജ്ഞരുടെ വിലയിരുത്തല്‍. എന്നാല്‍, ഈ അണുപ്രസരണം ഭൂമിയുടെ താപനിലയെ ബാധിക്കില്ലെന്ന്‌ ശാസ്‌ത്രജ്ഞര്‍ പറയുന്നു. അതേസമയം ഉപഗ്രഹങ്ങളിലെയും വിമാനങ്ങളിലെയും ഇലക്‌ട്രോണിക്‌ ഉപകരണങ്ങള്‍ക്ക്‌ ഇതുമൂലം കേടുപാടുണ്ടാകുമെന്ന്‌ ഇതുസംബന്ധിച്ച്‌ പഠനം നടത്തിയ കോപ്പെന്‍ഹേഗനിലെ ഡാനിഷ്‌ നാഷണല്‍ സ്‌പേസ്‌ സെന്ററിലെ ഭൗമശാസ്‌ത്രജ്ഞന്‍ നില്‍സ്‌ ഒല്‍സെന്‍ പറയുന്നു. സാങ്കേതിക ഉപകരണങ്ങളെയും റേഡിയോ ഉപകരണങ്ങളെയും ഈ മാറ്റം പ്രതികൂലമായി ബാധിക്കുമെന്നും അദ്ദേഹം ചൂണ്ടിക്കാട്ടുന്നു. ഉപഗ്രഹംവഴി ലഭിച്ച വിവരങ്ങള്‍ ആധാരമായി ഒമ്പതുവര്‍ഷമായി നടത്തിയ പഠനത്തില്‍ നിന്നാണ്‌ ശാസ്‌ത്രജ്ഞര്‍ ഈ നിഗമനത്തിലെത്തിയത്‌.

ഭൂമിയുടെ ഉപരിതലത്തിനു 3000 കിലോമീറ്റര്‍ ഉള്ളിലാണ്‌ ഇരുമ്പ്‌, നിക്കല്‍ എന്നീ ലോഹങ്ങള്‍ തിളച്ചുമറിഞ്ഞുകൊണ്ടിരിക്കുന്നത്‌. ഭൗമകേന്ദ്രത്തിനു ചുറ്റും സ്ഥിതിചെയ്യുന്ന ഇവയുടെ വേഗത്തിലുള്ള ഇളകിമറിച്ചില്‍ കാരണം ഉണ്ടാകുന്ന വൈദ്യുതിയാണ്‌ ഭൂമിയുടെ കാന്തികമണ്ഡലത്തിനു കാരണം.

ഭൂമിയുടെ കാന്തികമണ്ഡലത്തില്‍ ചിലയിടങ്ങളില്‍ മാറ്റങ്ങള്‍ വരാറുണ്ട്‌. 2003-ല്‍ ഓസ്‌ട്രേലിയയിലും 2004-ല്‍ ദക്ഷിണാഫ്രിക്കയിലും ഇത്തരം മാറ്റമുണ്ടായി.

കാന്തികമണ്ഡലം ഇപ്പോഴുള്ളതിന്റെ നേര്‍ വിപരീതദിശയില്‍ ആകാമെന്നാണ്‌ ഈ മാറ്റങ്ങള്‍ സൂചിപ്പിക്കുന്നതെന്ന്‌ പോട്‌സ്‌ഡാമിലെ ജര്‍മന്‍ റിസര്‍ച്ച്‌ സെന്റര്‍ ഫോര്‍ ജിയോസയന്‍സസിലെ ശാസ്‌ത്രജ്ഞയും ‘നാച്വര്‍ ജിയോസയന്‍സി’ലെ ലേഖനത്തിന്റെ സഹരചയിതാവുമായ മിയോറ മന്‍ഡെയ പറഞ്ഞു.

2012ല്‍ ഭൂമി തിരിഞ്ഞുകറങ്ങിത്തുടങ്ങുമെന്ന്‌ പ്രവചനം

ന്യൂസീലന്‍ഡ്‌: നാലുവര്‍ഷം കഴിയുമ്പോള്‍ ഭൂമി തിരിഞ്ഞുകറങ്ങുമെന്ന്‌ പ്രവചനം. പാട്രിക്‌ ഗെറില്‍ എന്ന എഴുത്തുകാരനാണ്‌ ‘എര്‍ത്ത്‌ ചേഞ്ചസ്‌’ എന്ന തന്റെ പുസ്‌തകത്തില്‍ 2012 മുതല്‍ ഭൂമി തിരിഞ്ഞു കറങ്ങുമെന്ന്‌ പ്രവചിച്ചിരിക്കുന്നത്‌. 2012ല്‍ ഭൂമിയുടെ ഉത്തരധ്രുവം ദക്ഷിണധ്രുവമായി മാറുമെന്ന്‌ ഗെറില്‍ പറയുന്നു.

ഭൂമി തിരിഞ്ഞുകറങ്ങാന്‍ തുടങ്ങുന്നതോടെ ലോകവ്യാപകമായി വിവരണാതീതമായ ദുരന്തങ്ങളുണ്ടാകുമെന്ന്‌ ഗെറില്‍ മുന്നറിയിപ്പു നല്‍കുന്നു.

മായന്‍സംസ്‌കാരകാലത്ത്‌ ഉപയോഗിച്ചിരുന്ന കലണ്ടറിന്റെയും പുരാതന ഈജിപ്‌തുകാരുടെ കൈയെഴുത്തുകളുടെ പരിഭാഷകളുടെയും പുരാതന ഭൂപടങ്ങളുടെയും സഹായത്തോടെയാണ്‌ പുസ്‌തകം തയ്യാറാക്കിയിരിക്കുന്നതെന്നും പുസ്‌തകത്തിലെ വിവരങ്ങളെല്ലാം വസ്‌തുനിഷുമാണെന്നും ഗെറില്‍ അവകാശപ്പെടുന്നു.

ഭൂമി തിരിഞ്ഞുകറങ്ങാന്‍ തുടങ്ങുന്നതോടെ പട്ടിണിയും തണുപ്പും വേദനയും ഭീകരമായി കൂടുമെന്നും അതില്‍നിന്ന്‌ ഉടനൊരു മോചനം പ്രതീക്ഷിക്കാനാവില്ലെന്നും ഗെറില്‍ പറയുന്നു. മനുഷ്യന്റെ എല്ലാ വിവരവും വിഭവങ്ങളും ഈ കറക്കത്തില്‍ പൂര്‍ണമായും നശിക്കുമെന്നതാണ്‌ ഇതിനു കാരണമെന്ന്‌ അദ്ദേഹം ചൂണ്ടിക്കാട്ടുന്നു.

കടപ്പാട്- മാതൃഭൂമി 2-07-08

3അഭിപ്രായങ്ങള്‍

Filed under പലവക

പത്രവാര്‍ത്തകള്‍ 12-03-08

കണ്ണൂര്‍- ‘ഡമ്മി പ്രതി’കളെ പാര്‍ട്ടികള്‍ നല്‍കും; പോലീസിന്‌ അറസ്‌റ്റ് ചുമതല മാത്രം

മെര്‍ക്കിസ്‌റ്റണ്‍: സര്‍ക്കാര്‍ അപ്പീല്‍ പോകുന്നില്ല

33 ഉന്നതോദ്യോഗസ്‌ഥര്‍ കേരളം വിട്ടു

കേരളത്തെ അതിക്രമമുക്‌ത പ്രദേശമാക്കുമെന്ന്‌ വനിതാനയം

സ്‌മാര്‍ട്‌സിറ്റി മാസ്‌റ്റര്‍ പ്ലാന്‍: നാലു കമ്പനികള്‍ ഷോര്‍ട്‌ലിസ്‌റ്റില്‍

പണം പിന്‍വലിക്കുന്നതിന്‌ 20 രൂപ ചാര്‍ജ്‌

ആരോഗ്യവകുപ്പില്‍ കരാര്‍നിയമനം തുടരുന്നു; മെഡിക്കല്‍ കോര്‍പറേഷനിലും കരാര്‍ ജീവനക്കാര്‍

അമിതവണ്ണമുള്ള സ്‌ത്രീകളുടെ എണ്ണത്തില്‍ കേരളം രണ്ടാമത്‌

ദേശീയ തൊഴിലുറപ്പു പദ്ധതിയില്‍ സോഷ്യല്‍ ഓഡിറ്റിംഗ്‌ വ്യാപിപ്പിക്കും

കലാകൗമുദിയില്‍ ബ്ലോഗുകളെ അപകീര്‍ത്തിപ്പെടുത്തി എം.കെ.ഹരികുമാറിന്റെ പ്രസിദ്ധീകരിച്ച ലേഖനത്തിന് പറ്റിയ തെറ്റ് തിരുത്തുന്നതുവരെ കേരളകൗമുദി വാര്‍ത്തകള്‍ യൂണികോഡിലാക്കി പ്രസിദ്ധീകരിക്കുന്നതല്ല.

1. ജസ്റ്റിസ് രാംകുമാര്‍ പരിധിവിട്ടു: പിണറായി
തിരു: കണ്ണൂരില്‍ സേനയെ വിന്യസിച്ച് കേന്ദ്രം ഇടപെടണമെന്നത് ഉള്‍പെടെയുള്ള ഹൈക്കോടതി ജഡ്ജി ജസ്റ്റിസ് വി രാംകുമാറിന്റെ പരാമര്‍ശങ്ങള്‍ ജുഡീഷ്യറിയുടെ ഉന്നതമായ മൂല്യങ്ങള്‍ക്ക് നിരക്കാത്തതും അധികാരദുര്‍വിനിയോഗവുമാണെന്ന് സിപിഐ എം സംസ്ഥാന സെക്രട്ടറി പിണറായി വിജയന്‍ പറഞ്ഞു. സംസ്ഥാനസര്‍ക്കാരിന്റെ അഭിപ്രായം പോലും കേള്‍ക്കാതെ ഇത്തരം പരാമര്‍ശങ്ങള്‍ പുറപ്പെടുവിച്ച ജഡ്ജി അദ്ദേഹത്തിന്റെ അധികാരപരിധി വിട്ടിരിക്കുകയാണെന്ന് പിണറായി വാര്‍ത്താസമ്മേളനത്തില്‍ ചൂണ്ടിക്കാട്ടി. തീര്‍ത്തും ഏകപക്ഷീയമായ നിരീക്ഷണങ്ങളാണ് മറ്റൊരുകേസിലെ വിധി പുറപ്പെടുവിക്കുന്നതിനിടയില്‍ അതുമായി ബന്ധമില്ലാത്ത കാര്യങ്ങളെക്കുറിച്ച് ജഡ്ജി നടത്തിയത്. സംസ്ഥാന ഗവണ്‍മെന്റിന്റെ പ്രവര്‍ത്തനമേഖലയിലേക്കുള്ള കടന്നുകയറ്റമായേ ഇതിനെ കാണാന്‍ കഴിയൂ. ഹൈക്കോടതി ഒരിക്കലും ചെയ്യാന്‍ പാടില്ലാത്ത കാര്യമാണിത്.

ചെവിയില്‍ പറയാന്‍ സ്വാതന്ത്യ്രമുള്ളവരുടെ വാക്കുകള്‍ കേട്ടും മാധ്യമറിപ്പോര്‍ട്ടുകള്‍ കണ്ടും അഭിപ്രായങ്ങള്‍ പുറപ്പെടുവിക്കുന്നത് നീതിന്യായവ്യവസ്ഥയുടെ മൂല്യങ്ങള്‍ക്ക് നിരക്കുന്നതല്ല. തന്റെ പരിധിയിലുള്ള കേസില്‍ നിന്നു മാറി തോന്നിയതെല്ലാം വിളിച്ചുപറയുന്ന സമീപനമാണ് ജഡ്ജി സ്വീകരിച്ചത്. വെളിപാടുകളുടെ രീതി ഉന്നതനീതിപീഠത്തിനു ചേര്‍ന്നതല്ല. കണ്ണൂരിനെക്കുറിച്ചും തലശ്ശേരിയെക്കുറിച്ചും നടത്തിയ പരാമര്‍ശങ്ങള്‍ക്ക് അടിസ്ഥാനമായ വിവരങ്ങള്‍ ജഡ്ജിക്ക് എവിടെനിന്നു കിട്ടി? നിഗമനങ്ങളില്‍ എത്തുന്നതിനു മുമ്പ് വിശദാംശങ്ങള്‍ കോടതി മനസ്സിലാക്കണമായിരുന്നു. നിയമപരമായ സൂക്ഷ്മപരിശോധന നടത്തണമായിരുന്നു. പ്രതിപക്ഷത്തിന് പ്രചാരണായുധമാക്കാനുള്ള പരാമര്‍ശങ്ങള്‍ ഒരു പരിശോധനയും കൂടാതെ എങ്ങിനെ നടത്താനായെന്ന് പിണറായി ചോദിച്ചു. പ്രതിപക്ഷ നേതാവ് ഉമ്മന്‍ചാണ്ടിയോ പ്രതിപക്ഷത്തെ മറ്റേതെങ്കിലും നേതാവോ പറയുന്ന രീതിയില്‍ കോടതി അഭിപ്രായപ്രകടനം നടത്താമോ. ഏറ്റവും പ്രാഥമികമായ കാര്യം സംസ്ഥാന സര്‍ക്കാരിന്റെ അഭിപ്രായം കേള്‍ക്കുക എന്നതാണ്. എന്നാല്‍ അഡ്വക്കറ്റ് ജനറലിന്റെ അഭിപ്രായം കോടതി ആരാഞ്ഞില്ല. ചീഫ് സെക്രട്ടറിയോട് വിവരം തിരക്കിയില്ല. എന്തുകൊണ്ട് സംസ്ഥാനസര്‍ക്കാരിന് പറയാനുള്ളത് ആരാഞ്ഞില്ല?

കണ്ണൂരില്‍ കേന്ദ്രഇടപെടല്‍ അനിവാര്യമാണെന്നും ആവശ്യമായ കേന്ദ്രസേനയെ വിന്യസിക്കണമെന്നുമാണ് വിധിയിലെ പരാമര്‍ശങ്ങളില്‍ ഒന്ന്. ഭരണഘടന നല്‍കുന്ന അധികാരങ്ങള്‍ക്കു പുറത്താണ് ജഡ്ജി സഞ്ചരിച്ചിട്ടുള്ളതെന്ന് പിണറായി ചൂണ്ടിക്കാട്ടി. തന്റെ മുമ്പിലില്ലാത്ത ഒരു പ്രശ്നത്തെക്കുറിച്ച് ജഡ്ജി വിധി പുറപ്പെടുവിക്കുമെന്ന് ആരും കരുതുന്നില്ല. കണ്ണൂരില്‍ ക്രമസമാധാനം പുലരാന്‍ പട്ടാളത്തെ വിളിക്കണമെന്നും ഗവര്‍ണര്‍ ഇടപെടണമെന്നും ജഡ്ജി നിര്‍ദ്ദേശിച്ചിരിക്കുകയാണ്. പ്രശ്നം കേന്ദ്രസര്‍ക്കാരിനു മുമ്പിലേക്ക് കൊണ്ടുപോകാന്‍ ഗവര്‍ണര്‍ക്ക് നിര്‍ദ്ദേശം നല്‍കുകയാണ് അദ്ദേഹം. ഇത് ജഡ്ജിയില്‍ നിക്ഷിപ്തമായ അധികാരമല്ല. ക്രമസമാധാനപാലനം സംസ്ഥാനസര്‍ക്കാറിന്റെ അധികാരമാണ്.

കേന്ദ്രത്തെ സമീപിക്കണമെന്ന് സംസ്ഥാനഗവണ്‍മെന്റിന്റെ അറിവില്ലാതെ ഗവര്‍ണറോട് നിര്‍ദ്ദേശിക്കാന്‍ ഒരു കോടതിക്കും അധികാരമില്ല. ജഡ്ജിമാര്‍ക്ക് പരിധിയില്ലാത്ത ചില അധികാരങ്ങളുണ്ട്. അത് വളരെ കരുതലോടെ, ശ്രദ്ധയോടെ, അത്യപുര്‍വസന്ദര്‍ഭങ്ങളില്‍ മാത്രമേ ഉപയോഗിക്കാവൂ. ഈ കേസില്‍ ജഡ്ജിയുടെ വാക്കിലും ചിന്തയിലും അനാവശ്യപരാമര്‍ശങ്ങളിലും അധികാരദുര്‍വിനിയോഗം വ്യക്തമാണ്. ക്രമസമാധാനപാലനത്തിന് ഏകമാര്‍ഗം കേന്ദ്രഇടപെടലാണെന്ന പരാമര്‍ശം ഏകപക്ഷീയമായ അധികാരപ്രയോഗമാണ്.

തന്റെ വ്യക്തിപരമായ അഭിപ്രായങ്ങളാണ് വിധിയിലൂടെ ജഡ്ജി പ്രകടിപ്പിച്ചിരിക്കുന്നത്. നിഗമനങ്ങളില്‍ എത്തും മുമ്പ് പാലിക്കേണ്ട നിയമപരമായ മാനദണ്ഡങ്ങള്‍ ജഡ്ജി പാലിച്ചിട്ടേയില്ല. തന്റെ മുമ്പിലുള്ള കേസില്‍ നിന്നു മാറി തോന്നിയതെല്ലാം വിളിച്ചുപറയുന്ന സമീപനമാണ് സ്വീകരിച്ചത്. രക്തച്ചൊരിച്ചിലില്‍ നിന്ന് നേതാക്കള്‍ രക്ഷപ്പെടുന്നെന്നും യഥാര്‍ഥപ്രതികളല്ല കേസിലകപ്പെടുന്നതെന്നും പ്രതികളുടെ കുടുംബങ്ങളെ സംരക്ഷിക്കുന്നെന്നും മറ്റും ജഡ്ജി ആരോപിക്കുന്നു. കണ്ണൂരില്‍ പൊലീസ് വ്യത്യസ്തമായ സാഹചര്യമാണ് നേരിടുന്നതെന്നും വിധിയിലുണ്ട്. ഇക്കാര്യങ്ങളൊക്കെ എവിടെ നിന്നാണ് അദ്ദേഹത്തിന് കിട്ടിയത്?പ്രതിപക്ഷം പോലും ഉയര്‍ത്താത്ത ആക്ഷേപമാണ് ജസ്റ്റിസ് രാംകുമാര്‍ ഉന്നയിക്കുന്നതെന്ന് പിണറായി ചൂണ്ടിക്കാട്ടി.

നേതാക്കള്‍ ആക്രമിക്കപ്പെട്ടത് ജഡ്ജി അറിഞ്ഞില്ലേ: പിണറായി
തിരു: കണ്ണൂരിലും തലശേരി താലൂക്കില്‍ വിശേഷിച്ചും പ്രവര്‍ത്തകര്‍ കൊല്ലപ്പെടുകയും രക്തച്ചൊരിച്ചിലില്‍നിന്ന് നേതാക്കള്‍ രക്ഷപ്പെടുകയും ചെയ്യുന്നതായി പരിഭവിക്കുന്ന ജസ്റ്റിസ് രാം കുമാറിന് പാര്‍ടി സംസ്ഥാനകമ്മിറ്റി അംഗം പി ജയരാജനെ ആര്‍എസ്എസുകാര്‍ വെട്ടിക്കൊല്ലാന്‍ ശ്രമിച്ചതും കേന്ദ്രകമ്മിറ്റി അംഗം ഇ പി ജയരാജന്‍ തലയില്‍ വെടിയുണ്ടയുമായി ജീവിക്കുന്നതും അറിയില്ലേയെന്ന് സിപിഐ എം സംസ്ഥാന സെക്രട്ടറി പിണറായി വിജയന്‍ ചോദിച്ചു. എങ്ങനെ ഒരു ജഡ്ജിക്ക് ഇങ്ങനെയൊക്കെ പറയാന്‍ കഴിയും. ജസ്റ്റിസ് നടത്തിയ അനാവശ്യപരാമര്‍ശങ്ങളോട് വാര്‍ത്താസമ്മേളനത്തില്‍ പ്രതികരിക്കുകയായിരുന്നു അദ്ദേഹം.

ജഡ്ജി പുറപ്പെടുവിച്ച വിധിന്യായത്തിലെ എട്ടും ഒമ്പതും ഖണ്ഡികകള്‍ കാര്യങ്ങള്‍ മനസ്സിലാക്കാതെയുള്ള തികച്ചും ഏകപക്ഷീയമായ നിഗമനങ്ങളാണ്. നേതാക്കള്‍ രക്ഷപ്പെടുകയാണെന്ന പരാമര്‍ശം അദ്ദേഹത്തിന് എങ്ങനെ നടത്താന്‍ കഴിഞ്ഞെന്ന് എത്ര ആലോചിച്ചിട്ടും പിടികിട്ടുന്നില്ല. പി ജയരാജന് സംഭവിച്ചത് ജഡ്ജിക്ക് അറിയില്ലേ. അദ്ദേഹത്തെ കൊല്ലാനാണ് ആര്‍എസ്എസ് ഉദ്ദേശിച്ചത്. വീട്ടില്‍ കയറി വെട്ടിവീഴ്ത്തിയ അക്രമികള്‍ കൊല്ലപ്പെട്ടെന്നുകരുതി ഇറങ്ങിപ്പോയി. ജയരാജന്‍ ജീവിച്ചിരിക്കുന്നത് അല്‍ഭുതകരമായ കാര്യമാണ.് തലയില്‍ വെടിയുണ്ടയുമായി കഴിയുകയാണ് ഇ പി ജയരാജന്‍. അഞ്ച് കേന്ദ്രകമ്മിറ്റി അംഗങ്ങളെ പാര്‍ടിയുടെ കേന്ദ്രകമ്മിറ്റി ഓഫീസ് ആക്രമിച്ച ആര്‍എസ്എസുകാര്‍ കല്ലെറിഞ്ഞ് പരിക്കേല്‍പ്പിച്ചു. തീരുമാനിച്ചുറപ്പിച്ച ആക്രമണമായിരുന്നു അത്. നിമിഷങ്ങള്‍ക്കകം കുതിച്ചെത്തി അക്രമം നേരിടുന്ന ദ്രുതകര്‍മസേനയുടെ മുമ്പിലായിരുന്നു ആക്രമണം. പാര്‍ടി കര്‍ണാടക സെക്രട്ടറി വി ജെ കെ നായരുടെ വീട് ആക്രമിച്ചു. അദ്ദേഹത്തെ വകവരുത്താനാണ് ബിജെപി അക്രമികള്‍ എത്തിയത്. സ്ഥലത്തില്ലാത്തതിനാല്‍ ഭാര്യയുടെ കഴുത്തില്‍ കത്തിവച്ച് ഭീഷണിമുഴക്കി. ആന്ധ്രയില്‍ സുന്ദരയ്യ വിജ്ഞാനകേന്ദ്രം ആക്രമിച്ചു. നാഗര്‍കോവിലില്‍ പാര്‍ടി ഓഫീസ് ആക്രമിച്ചു. ആര്‍എസ്എസിന്റെ ഫാസിസ്റ്റ് മുഖമാണ് ഈ ആക്രമണങ്ങളില്‍ കണ്ടത്.

പൊലീസിന്റെ പ്രവര്‍ത്തനത്തില്‍ ഇടപെട്ട ഏത് സംഭവമാണ് ജഡ്ജിയുടെ മുമ്പിലുള്ളത്. ഏതെങ്കിലും സംഭവം പരിശോധിച്ചാണോ ഈ അഭിപ്രായത്തിലെത്തിയത്. പ്രതിപക്ഷം പറയുന്ന രീതിയില്‍ കോടതി പറയാമോ. പാര്‍ടി ഓഫീസില്‍നിന്ന് നല്‍കുന്ന പേരുകളാണ് പ്രതികളുടെ പട്ടികയില്‍ വരുന്നതെന്ന് എങ്ങനെ ജഡ്ജിക്ക് പറയാന്‍ കഴിഞ്ഞു. എഫ്ഐആര്‍ രജിസ്റ്റര്‍ ചെയ്യുന്ന ഘട്ടത്തില്‍ത്തന്നെ പ്രതികളുടെ പേര് ഉള്‍പ്പെടുത്തുന്നുണ്ട്. പാര്‍ടി ഓഫീസില്‍ ചോദിച്ചാണോ പൊലീസ് എഫ്ഐആര്‍ തയ്യാറാക്കുന്നത്. നടപടിക്രമങ്ങള്‍ എല്ലാവര്‍ക്കും അറിയാവുന്നതല്ലേ. ഈ ആരോപണം ഒരു പ്രതിപക്ഷപാര്‍ടിയും ഉന്നയിച്ചിട്ടില്ല. പ്രതിപക്ഷം ഉന്നയിക്കാത്ത കാര്യം എങ്ങനെ ഹൈക്കോടതിയുടെ അഭിപ്രായമായി ഉയര്‍ത്താനാകുന്നു.

രാഷ്ട്രീയവിരോധത്തില്‍ പ്രതികളായി ശിക്ഷിക്കപ്പെടുന്നവരുടെ കുടുംബങ്ങള്‍ അനാഥമാകാന്‍ പാടില്ല. അവരുടെ കുടുംബം നിരാലംബരായി ജീവിക്കണമെന്നാണോ ഉദ്ദേശിക്കുന്നത്. ജയിലില്‍ കഴിയുന്നവരുടെ കുടുംബങ്ങളെ പാര്‍ടി സഹായിക്കാറുണ്ട്. അത് മനുഷ്യത്വപരമായ സമീപനമായേ ആരും കാണൂ. കോടതി ഇത്തരമൊരു പരാമര്‍ശം എങ്ങനെ നടത്തിയെന്ന് ആലോചിക്കാനാകുന്നില്ല.

ഹൈക്കോടതി പരാമര്‍ശത്തിന്റെയും വിധിയുടെയും നിയമരാഹിത്യം ചൂണ്ടിക്കാട്ടുന്നത് കോടതിയലക്ഷ്യമല്ലെന്ന് പിണറായി ചോദ്യത്തിന് മറുപടിയായി പറഞ്ഞു. കോടതിയോട് അനാദരവില്ല. എന്നാല്‍ കോടതി അധികാരപരിധി വിടുന്നതിനോട് വിയോജിക്കുന്നു-പിണറായി വ്യക്തമാക്കി.

2. അമേരിക്കയില്‍ തൊഴില്‍ത്തട്ടിപ്പ്: ദുരിതക്കയത്തില്‍ മലയാളികളും
കൊച്ചി: അമേരിക്കയില്‍ കപ്പല്‍ശാലയില്‍ ഉയര്‍ന്ന ജോലിയും കുടുംബത്തിനടക്കം സ്ഥിരതാമസവും ഗ്രീന്‍കാര്‍ഡും വാഗ്ദാനം ചെയ്ത് ജോലിക്കെത്തിച്ച മലയാളികളടക്കം 120 ഇന്ത്യക്കാര്‍ ദുരിതത്തില്‍. ജോലിക്ക് എട്ടുമുതല്‍ പത്തുലക്ഷം രൂപവരെ നല്‍കിയാണ് ഇവര്‍ അമേരിക്കയിലെത്തിയത്. എന്നാല്‍ വാഗ്ദാനംചെയ്ത ജോലിയോ ശമ്പളമോ താമസസൌകര്യമോ ഇവര്‍ക്ക് ലഭിക്കുന്നില്ല. ഗ്രീന്‍കാര്‍ഡിനുപകരം ലഭിച്ചത് അമേരിക്കയില്‍ 15 മാസം അതിഥിയായി താമസിക്കാന്‍ കഴിയുന്ന എച്ച്-2ബി വിസയും.

ഗള്‍ഫിലും യൂറോപ്യന്‍ രാജ്യങ്ങളിലുമായി വര്‍ഷങ്ങളോളം ജോലിചെയ്തവരാണ് ഉണ്ടായിരുന്ന സമ്പാദ്യം അമേരിക്കയിലേക്ക് പോകുന്നതിനു ചെലവഴിച്ച് വഞ്ചിക്കപ്പെട്ടത്. അമേരിക്കയില്‍ ഇവര്‍ക്ക് ജോലിസ്ഥിരതയും സുരക്ഷിതത്വവും ഉറപ്പാക്കണമെന്നാവശ്യപ്പെട്ട് ബന്ധുക്കള്‍ കേന്ദ്രമന്ത്രിമാരായ വയലാര്‍ രവി, ഇ അഹമ്മദ് എന്നിവര്‍ക്ക് പരാതി നല്‍കി.

അമേരിക്കയിലെ സിഗ്നല്‍ ഇന്റര്‍നാഷണല്‍ എന്ന മറൈന്‍ കണ്‍സ്ട്രക്ഷന്‍ കമ്പനിയിലേക്ക് മുംബൈയിലെ സച്ചിന്‍ ദിവാന്‍ എന്ന റിക്രൂട്ടിങ് സ്ഥാപനംവഴിയാണ് ആളുകളെ തെരഞ്ഞെടുത്തത്. 2006-ല്‍ മലയാളത്തിലെ അടക്കം പ്രമുഖ പത്രങ്ങളില്‍ പരസ്യം നല്‍കിയായിരുന്നു റിക്രൂട്മെന്റ്. എട്ടുമുതല്‍ പത്തുലക്ഷം രൂപവരെ പല ഘട്ടങ്ങളിലായി നല്‍കി. പലരും കിടപ്പാടംവരെ വിറ്റാണ് പണം കണ്ടെത്തിയത്.

2006 ഡിസംബറില്‍ അമേരിക്കയിലെത്തിയശേഷം കൃത്യമായ ശമ്പളമോ താമസസൌകര്യമോ ഗ്രീന്‍കാര്‍ഡോ ലഭിക്കാതെ ബുദ്ധിമുട്ടുകയാണെന്ന് അമേരിക്കയില്‍ തട്ടിപ്പിനിരയായി കഴിയുന്ന ചേര്‍ത്തല രേവതിയില്‍ സാബുലാലി(40)ന്റെ സഹോദരന്‍ പ്രദീപ് കൊച്ചിയില്‍ വാര്‍ത്താസമ്മേളനത്തില്‍ പറഞ്ഞു. തട്ടിപ്പിനിരയായ ഒരാള്‍ ആത്മഹത്യക്കു ശ്രമിച്ചിരുന്നു. പൈപ്പ് ഫിറ്ററായ സാബുലാല്‍ പത്തുവര്‍ഷത്തോളം ഗള്‍ഫില്‍ ജോലിചെയ്തശേഷമാണ് എട്ടുലക്ഷം രൂപ നല്‍കി അമേരിക്കയിലേക്കു പോയത്.

എന്നാല്‍ അവിടെ ട്രെയിലറുകളിലാണ് താമസിപ്പിച്ചിരുന്നത്. ഒരുമുറിയില്‍ 24 പേരെവീതമാണ് താമസിപ്പിച്ചിരിക്കുന്നത്. ശമ്പളമായി നല്‍കുന്ന 1500 ഡോളറില്‍ 1000 ഡോളറും കമ്പനി താമസത്തിനും ഭക്ഷണത്തിനുമായി തിരിച്ചുപിടിക്കുകയാണ്. പ്രതിഷേധിക്കാന്‍ ശ്രമിച്ച തൊഴിലാളികളെ കമ്പനിയുടെ ആയുധധാരികളായ കാവല്‍ക്കാര്‍ മര്‍ദിച്ചതായും പ്രദീപ് പറഞ്ഞു.

ഇതിനിടെ സാബുലാല്‍, കോഴിക്കോട് സ്വദേശി രാജന്‍ പഴമ്പലക്കോട് എന്നിവരുടെ നേതൃത്വത്തില്‍ അലയന്‍സ് ഓഫ് ഗസ്റ്റ് വര്‍ക്കേഴ്സ് ഫോര്‍ ഡിഗ്നിറ്റി എന്ന സന്നദ്ധ സംഘടനയുടെ ഭാരവാഹികളെ കണ്ട് ഇന്ത്യന്‍ തൊഴിലാളികള്‍ നേരിടേണ്ടിവരുന്ന പീഡനങ്ങളെക്കുറിച്ച് അറിയിച്ചിരുന്നു. ലേബര്‍ ക്യാമ്പില്‍നിന്ന് രക്ഷപ്പെട്ട തൊഴിലാളികള്‍ യുഎസ് ഡിപ്പാര്‍ട്ട്മെന്റ് ഓഫ് ജസ്റ്റിസിന്റെ ഇടപെടലിനും ശ്രമിക്കുന്നുണ്ട്.

രാജന്‍ പഴമ്പലക്കാടിന്റെ ഭാര്യാ സഹോദരന്‍ സന്ദീപ്, പാലക്കാട് സ്വദേശി വിജയകുമാറിന്റെ അച്ഛന്‍ ദിനകരന്‍ തുടങ്ങിയവരും വാര്‍ത്താസമ്മേളനത്തില്‍ സംബന്ധിച്ചു.

3. പലഹാരങ്ങളില്‍ ഇപ്പോള്‍ പാമോയില്‍ മണക്കുന്നില്ല
കൊല്ലം: തട്ടുകടകളിലെ പലഹാരങ്ങളില്‍ ഇപ്പോള്‍ പൊതുവെ പാമോയില്‍ മണക്കുന്നില്ല. നറും വെളിച്ചെണ്ണയുടെ ഗന്ധം. ഹോട്ടലുകളിലും ഏതാനും ആഴ്ചകളായി വെളിച്ചെണ്ണയ്ക്ക് പ്രിയം കൂടിയിരിക്കുന്നു. പാമോയിലിന്റെ വില വെളിച്ചെണ്ണയെക്കാള്‍ ഉയര്‍ന്നതാണ് ഭക്ഷണശാലകളിലെ അടുക്കളയില്‍ നിശബ്ദവിപ്ളവം സൃഷ്ടിച്ചത്. ചരിത്രത്തില്‍ ആദ്യമായാണ് പാമോയിലിന്റെ വില വെളിച്ചെണ്ണയെ മറികടന്നത്.

പൊതുവിപണിയില്‍ പാമോയില്‍ കിലോഗ്രാമിന് 75-80 രൂപ വരെ വിലയുണ്ട്. ചെറിയ ഏറ്റക്കുറച്ചിലുകള്‍ ഇതില്‍ പ്രാദേശികമായി വരും. വെളിച്ചെണ്ണയ്ക്ക് കിലോഗ്രാമിന് 65-67 രൂപയാണുള്ളത്. പല സ്ഥലങ്ങളിലും കിലോഗ്രാമിന് 10 രൂപവരെ പാമോയിലിന് വില കൂടുതലാണ്. ഇതുകാരണം ഭക്ഷണശാല നടത്തിപ്പുകാര്‍ കൂട്ടത്തോടെ വെളിച്ചെണ്ണയിലേക്ക് കൂറുമാറുകയാണ്.

ഇതാദ്യമായാണ് വിലയില്‍ പാമോയില്‍ വെളിച്ചെണ്ണയെ കടത്തിവെട്ടിയതെന്ന് വ്യാപാരികള്‍ സാക്ഷ്യപ്പെടുത്തുന്നു. കേരളത്തില്‍ പാമോയില്‍ ഇറക്കുമതി നിരോധിച്ചതോടെ അന്യസംസ്ഥാനങ്ങളില്‍നിന്നും ലോറിയിലാണ് ഇങ്ങോട്ട് ചരക്ക് കൊണ്ടുവരുന്നത്. ചരക്കുകടത്ത് കൂലികൂടി ചേരുമ്പോഴാണ് പാമോയിലിന് വില ഉയരുന്നത്. സംസ്ഥാനസര്‍ക്കാര്‍ ബജറ്റില്‍ പ്രഖ്യാപിച്ച ഇളവുകളും വെളിച്ചെണ്ണ വിപണിക്ക് ആശ്വാസമായി. ന്യായവില ശൃംഖലയില്‍ വെളിച്ചെണ്ണ കിലോഗ്രാമിന് 62 രൂപയ്ക്ക് വില്‍ക്കുന്നു. വെളിച്ചെണ്ണ ചീത്ത കൊളസ്ട്രോള്‍ കൂട്ടുമെന്ന പ്രചാരണത്തിന്റെ ശക്തി കുറഞ്ഞതും ഉപഭോഗത്തെയും വിപണിയെയും സ്വാധീനിച്ചു. വെളിച്ചെണ്ണയെക്കാള്‍ വ്യായാമക്കുറവാണ് ഹൃദ്രോഗത്തിനും ഉയര്‍ന്ന രക്തസമ്മര്‍ദത്തിനും കാരണമാകുന്നതെന്ന് വൈദ്യശാസ്ത്രവും ചൂണ്ടിക്കാട്ടുന്നു. ആകപ്പാടെ വെളിച്ചെണ്ണയ്ക്ക് നല്ലകാലം തിരിച്ചുവന്നിരിക്കയാണ്.

4. സിബിഐക്ക് ഫെഡറല്‍ അധികാരം നല്‍കണം: പാര്‍ല. കമ്മിറ്റി
ന്യൂഡല്‍ഹി: അന്തര്‍സംസ്ഥാനവ്യാപ്തിയുള്ള കുറ്റകൃത്യങ്ങള്‍ അന്വേഷിക്കാനും നടപടിയെടുക്കുന്നതിനും സിബിഐക്ക് കൂടുതല്‍ അധികാരവും സൌകര്യവും നല്‍കണമെന്ന് നിയമം- നീതിന്യായം എന്നിവ സംബന്ധിച്ച പാര്‍ലമെന്ററി സമിതി ശുപാര്‍ശചെയ്തു. സമിതി ചെയര്‍മാന്‍ ഇ എം സുദര്‍ശന നാച്ചിയപ്പനാണ് പത്രസമ്മേളനത്തില്‍ ഇക്കാര്യം അറിയിച്ചത്.

സെന്‍ട്രല്‍ ബ്യൂറോ ഓഫ് ഇന്‍വെസ്റിഗേഷന്‍ എന്നത് മാറ്റി സെന്‍ട്രല്‍ ബ്യൂറോ ഓഫ് ഇന്റലിജന്റ്സ് ആന്‍ഡ് ഇന്‍വെസ്റിഗേഷന്‍ എന്നാക്കണം.

തീവ്രവാദം, മനുഷ്യക്കടത്ത്, മയക്കുമരുന്നുകടത്ത് എന്നീ കുറ്റകൃത്യങ്ങള്‍ തടയാന്‍ ഫെഡറല്‍സ്വഭാവത്തോടെയുള്ള കുറ്റാന്വേഷണസംവിധാനം വേണം. തീവ്രവാദം ചെറുക്കാന്‍ കൂടുതല്‍ അധികാരവും സൌകര്യവുമുള്ള പ്രത്യേക വിഭാഗം ആവശ്യമാണ്. നിലവിലുള്ള സംവിധാനമനുസരിച്ച് തീവ്രവാദി ആക്രമണംപോലുള്ള കുറ്റകൃത്യങ്ങളുടെ അന്വേഷണച്ചുമതല സിബിഐക്ക് കൈമാറുന്നതിന് എടുക്കുന്ന കാലതാമസം കുറ്റവാളികള്‍ രക്ഷപ്പെടാന്‍ പഴുതൊരുക്കുന്നു. സിബിഐക്ക് സ്വന്തമായ ഉദ്യോഗസ്ഥസംവിധാനം ആവശ്യമാണ്. ഐപിഎസുകാരെ ഡെപ്യൂട്ടേഷനില്‍ നിയോഗിക്കുന്നത് സിബിഐയുടെ കാര്യക്ഷമത കുറയ്ക്കുന്നു. ഡെപ്യൂട്ടേഷന്‍ സംവിധാനം എത്രയും വേഗം അവസാനിപ്പിക്കണം.

5. ഡല്‍ഹിയില്‍ എസ്മ പ്രഖ്യാപിച്ചു വിമാനത്താവളജീവനക്കാരുടെ പണിമുടക്ക് തുടങ്ങി
ന്യൂഡല്‍ഹി: വിമാനത്താവളജീവനക്കാര്‍ പണിമുടക്കുമെന്ന് മുന്നറിയിപ്പ് നല്‍കിയതിനെത്തുടര്‍ന്ന് അടിയന്തര സാഹചര്യങ്ങള്‍ നേരിടാന്‍ വ്യോമസേനയെ നിയോഗിച്ചു. ഡല്‍ഹി, മുംബൈ, കൊല്‍ക്കത്ത, ചെന്നൈ എന്നിവയടക്കം 21 പ്രധാന വിമാനത്താവളത്തിലാണ് 479 വ്യോമസേനാംഗങ്ങളെ നിയോഗിച്ചത്. ഇതിനുപുറമേ ഡല്‍ഹി വിമാനത്താവളത്തില്‍ അത്യാവശ്യ സേവനം നടപ്പാക്കല്‍ നിയമം (എസ്മ) പ്രഖ്യാപിച്ചു.

പുതിയ വിമാനത്താവളം നിര്‍മിച്ച ഹൈദരാബാദ്, ബാംഗ്ളൂര്‍ എന്നിവിടങ്ങളിലെ പഴയ വിമാനത്താവളങ്ങള്‍ അടച്ചുപൂട്ടരുതെന്ന് ആവശ്യപ്പെട്ട് എയര്‍പോര്‍ട്ട് അതോറിറ്റി എംപ്ളോയീസ് ജോയിന്റ് ഫോറമാണ് സമരത്തിന് ആഹ്വാനംചെയ്തത്. ചൊവ്വാഴ്ച അര്‍ധരാത്രിമുതല്‍ പണിമുടക്കും.

സര്‍ക്കാരുമായി നടത്തിയ സംഭാഷണങ്ങള്‍ പരാജയപ്പെട്ടിരുന്നു. ഡല്‍ഹിയില്‍ ചൊവ്വാഴ്ചതന്നെ മെല്ലെപ്പോക്ക് സമരം തുടങ്ങിയിരുന്നു. ഇതേത്തുടര്‍ന്ന് നിരവധി സര്‍വീസ് വൈകി.

127 വിമാനത്താവളങ്ങളിലെ 20,000 ത്തോളം ജീവനക്കാര്‍ സമരത്തിലുണ്ട്.

6. റേഷന്‍സംവിധാനം തകര്‍ക്കാന്‍ സ്മാര്‍ട്ട് കാര്‍ഡും
ന്യൂഡല്‍ഹി: ഭക്ഷ്യവിഹിതം വെട്ടിക്കുറച്ചും സംഭരണം നിര്‍ത്തലാക്കിയും പൊതുവിതരണസമ്പ്രദായത്തെ തകര്‍ക്കുന്ന കേന്ദ്ര സര്‍ക്കാര്‍ അതിന് ആക്കംകൂട്ടാന്‍ സ്മാര്‍ട്ട് കാര്‍ഡ് സമ്പ്രദായവുമായി രംഗത്ത്. ധനമന്ത്രി പി ചിദംബരം അവതരിപ്പിച്ച 2008-09 വര്‍ഷത്തെ ബജറ്റിലാണ് റേഷന്‍ ഉപഭോക്താക്കള്‍ക്ക് സ്മാര്‍ട്ട് കാര്‍ഡ് സമ്പ്രദായം രാജ്യവ്യാപകമാക്കുമെന്ന സൂചനയുള്ളത്.

പരീക്ഷണാടിസ്ഥാനത്തില്‍ ഹരിയാനയിലും കേന്ദ്ര ഭരണപ്രദേശമായ ചണ്ഡീഗഢിലുമാണ് പദ്ധതി നടപ്പാക്കുകയെന്ന് ബജറ്റില്‍ പറയുന്നു. ഇത് രാജ്യമെമ്പാടും നടപ്പാക്കേണ്ടതിന്റെ പ്രാധാന്യത്തെക്കുറിച്ചും ചിദംബരം വാചാലനായി. ക്രെഡിറ്റ് കാര്‍ഡും എടിഎം കാര്‍ഡും പോലെയുള്ളതായിരിക്കും സ്മാര്‍ട്ട് കാര്‍ഡെന്ന് ഭക്ഷ്യമന്ത്രാലയത്തിലെ ഒരു ഉയര്‍ന്ന ഉദ്യോഗസ്ഥന്‍ പറഞ്ഞു.

കാര്‍ഡുള്ളവര്‍ക്ക് റേഷനരി വാങ്ങാന്‍ ഇനി കടയില്‍ പോകണമെന്നില്ല. ഏത് കടയില്‍ പോയാലും സബ്സിഡിയോടെയുള്ള അരിയും മറ്റും കാര്‍ഡുടമകള്‍ക്ക് ലഭിക്കും. ഇതിന്റെ ഫലമായി റേഷന്‍ കടകള്‍ ഇല്ലാതാകും. മാത്രമല്ല സ്വകാര്യ കടയുടമകള്‍ക്ക് അരിയുടെയും മറ്റും വിലവര്‍ധിപ്പിച്ചുകാണിച്ച് സബ്സിഡി തുക മുഴുവന്‍ വിഴുങ്ങാന്‍ അവസരം ലഭിക്കുകയും ചെയ്യും. സര്‍ക്കാര്‍ പൊതുവിതരണസമ്പ്രദായത്തിനെന്നു പറഞ്ഞ് നല്‍കുന്ന സബ്സിഡി മുഴുവന്‍ ഈ സ്വകാര്യ കടക്കാര്‍ തട്ടിയെടുക്കും.

ലോകത്തിലെ പല രാജ്യങ്ങളിലും സ്മാര്‍ട്ട്കാര്‍ഡ് സമ്പ്രദായം ഏര്‍പ്പെടുത്തിയിരുന്നെങ്കിലും പരാജയപ്പെട്ടു. ഇന്തോനേഷ്യയിലാണ് ഇത് വ്യാപകമായി നടപ്പാക്കിയിരുന്നത്. എന്നാല്‍ അര്‍ഹരായവര്‍ക്ക് സബ്സിഡിയോടെയുള്ള ഭക്ഷ്യവസ്തുക്കള്‍ ലഭിക്കാത്തതിനെ തുടര്‍ന്ന് നിര്‍ത്തിവയ്ക്കേണ്ടി വന്നു. മലേഷ്യയിലും സിംഗപ്പൂരിലും ഇതു തന്നെയായിരുന്നു ഫലം. സ്മാര്‍ട്ട് കാര്‍ഡ് കടം വയ്ക്കാനും ജാമ്യമായും നല്‍കാന്‍ കഴിയുമെന്നതിനാല്‍ അര്‍ഹരായവര്‍ക്ക് സബ്സിഡിയുടെ ഗുണം ലഭിക്കില്ലെന്നും ഈ രാജ്യങ്ങളുടെ അനുഭവം വ്യക്തമാക്കുന്നു.

ഉദാരവല്‍ക്കരണ തത്വശാസ്ത്രത്തിന്റെ അടിസ്ഥാനത്തിലാണ് കൂപ്പണ്‍ സമ്പ്രദായം പോലെതന്നെ സ്മാര്‍ട്ട് കാര്‍ഡ് സമ്പ്രദായവും നടപ്പാക്കുന്നതെന്നും ഇത് പൊതുവിതരണസമ്പ്രദായത്തെ സാര്‍വത്രികമാക്കാനുള്ള നീക്കത്തെ തകര്‍ക്കുന്നതാണെന്നും അഖിലേന്ത്യാ കിസാന്‍സഭ പ്രസിഡന്റ് എസ് രാമചന്ദ്രന്‍പിള്ള പറഞ്ഞു.

സ്മാര്‍ട്ട് കാര്‍ഡ് സമ്പ്രദായം ഇന്ത്യയിലും വരുമെന്ന് വ്യക്തമാക്കിയതോടെ അതിന്റെ കരാര്‍ ലഭിക്കാന്‍ സ്വകാര്യ കമ്പനികള്‍ മത്സരിക്കുകയാണ്. മൊബൈല്‍ കമ്പനികളാണ് പ്രധാനമായും മത്സര രംഗത്തുള്ളത്. മൊബൈല്‍ ബിസിനസിനെക്കാളും കൂടുതല്‍ പണം ഇതുവഴി ഉണ്ടാക്കാന്‍ കഴിയുമെന്നാണ് കമ്പനികള്‍ കണക്ക് കൂട്ടുന്നത്. നിലവില്‍ ഇന്ത്യയില്‍ 4.89 ലക്ഷം റേഷന്‍കടകളാണുള്ളത്. ദാരിദ്യ്രരേഖയ്ക്ക് കീഴിലുള്ള 6.52 കോടി കുടുംബാംഗങ്ങള്‍ക്ക് റേഷന്‍ കാര്‍ഡ് ഉണ്ട്. അഞ്ചുവര്‍ഷത്തിനകം 20-30 കോടി സ്മാര്‍ട്ട് കാര്‍ഡ് വേണ്ടിവരുമെന്നാണ് കണക്കാക്കിയിട്ടുള്ളത്. കാര്‍ഡൊന്നിന് 40 രൂപ മുതല്‍ 100 രൂപ വരെ വിലയുണ്ടാകും.

1. വിദ്യാഭ്യാസ മന്ത്രിയെ തടഞ്ഞ വിദ്യാര്‍ഥികള്‍ക്ക് മര്‍ദനം
തിരുവനന്തപുരം: ഇന്ന് ആരംഭിക്കുന്ന എസ്.എസ്.എല്‍.സി പരീ ക്ഷ എഴുതാന്‍ അനുവദിക്കണമെന്ന് ആവശ്യപ്പെട്ട് വിദ്യാഭ്യാസ മന്ത്രിയെ തടയാന്‍ ശ്രമിച്ചവിദ്യാര്‍ഥികള്‍ക്ക് മര്‍ദനം.സംഘര്‍ഷത്തിലും ലാത്തിച്ചാര്‍ജ്ജിലും സമരക്കാര്‍ക്ക് പിന്തുണയുമായെത്തിയ കെ.എസ്.യു പ്രസിഡന്റ് ഹൈബി ഈഡനും രണ്ട് വിദ്യാര്‍ഥികള്‍ക്കും പരിക്കേറ്റു.

വ്ളാത്തങ്കര ഔവര്‍ ലേഡി ഓഫ് അസംപ്ഷന്‍ സ്കൂളിലെ വിദ്യാര്‍ഥികളാണ് പരീക്ഷ എഴുതാന്‍ അനുവദിക്കണമെന്ന ആവശ്യവുമായി മന്ത്രിയെ തടഞ്ഞത്.

ഈ സ്കുളിലെ വിദ്യാര്‍ഥികള്‍ക്ക് എസ്.എസ്.എല്‍.സി പരീക്ഷയെഴുതാനുള്ള ഹാള്‍ടിക്കറ്റ് ലഭിച്ചിരുന്നില്ല.

ഈ വിവരം സെക്രട്ടേറിയറ്റില്‍ വച്ച് വിദ്യാഭ്യാസ മന്ത്രിയുടെ ശ്രദ്ധയില്‍പ്പെടുത്താന്‍ രക്ഷിതാക്കളും സ്കൂള്‍ അധികൃതരും

ശ്രമിച്ചെങ്കിലും എല്ലാ ഒരുക്കങ്ങളും പൂര്‍ത്തിയായതിനാല്‍ പരീക്ഷ

എഴുതാന്‍ വിദ്യാര്‍ഥികളെ അനുവദിക്കാന്‍ കഴിയില്ലെന്ന് പറഞ്ഞ് മന്ത്രി ഒഴിഞ്ഞുമാറി. ശാസ്ത്ര സാങ്കേതിക മ്യൂസിയത്തില്‍ വിദ്യാഭ്യാസ വകുപ്പിന്റെ അവലോകന യോഗത്തില്‍ മന്ത്രി പങ്കെടുക്കുന്ന വിവരം അറിഞ്ഞ് പ്രതിഷേധവുമായി വിദ്യാര്‍ഥികളും രക്ഷിതാക്കളും

എത്തിയതോടെയാണ് അനിഷ്ട സംഭവങ്ങളുടെ തുടക്കം. പ്രതിഷേധവുമായി കുത്തിയിരുപ്പ് സമരം ആരംഭിച്ച വിദ്യാര്‍ഥികളുമായും

രക്ഷിതാക്കളുമായും ചര്‍ച്ച നടത്താന്‍ വിദ്യാഭ്യസമന്ത്രി തയാറാവുകയും അവരെ ചര്‍ച്ചയ്ക്ക് ക്ഷണിക്കുകയും ചെയ്തു. രക്ഷിതാക്കളുമായി ചര്‍ച്ച നടത്തിയ അദ്ദേഹം അംഗീകാരം ഇല്ലാത്ത സ്കൂളില്‍ പരീക്ഷ എഴുതാന്‍ വിദ്യാര്‍ഥികളെ അനുവദിക്കില്ലെന്ന് അധ്യായന വര്‍ഷം ആരംഭത്തില്‍ തന്നെ സ്കൂള്‍ മാനേജ്മെന്റിനെ അറിയിച്ചുവെന്നും ഇപ്പോഴത്തെ പ്രത്യേക സാഹചര്യത്തില്‍ കുട്ടികളുടെ ഭാവി മുന്നില്‍കണ്ട് അവരെ സേ പരീക്ഷയോടൊപ്പം എഴുതിക്കാമെന്ന് അറിയിക്കുകയും ചെയ്തു. എന്നാല്‍, ഇത് അംഗീകരിക്കാതെ മന്ത്രിയുടെ കാറിന് മുന്‍പില്‍ സമരം തുടര്‍ന്ന

വിദ്യാര്‍ഥികള്‍ക്ക് പിന്തുണയുമായി കെ.എസ്.യു പ്രസിഡന്റ് ഹൈബി ഈഡന്റെ നേതൃത്വത്തില്‍ കെ.എസ്.യു പ്രവര്‍ത്തകര്‍ എത്തിയതോടെ സമരത്തിന് ചുടേറി. മന്ത്രിയുടെ കാറിന് മുന്‍പില്‍ കുത്തിയിരുന്ന വിദ്യാര്‍ഥികളേയും രക്ഷിതാക്കളേയും പോലീസ് പിടിച്ച് മാറ്റാന്‍ ശ്രമിച്ചത് സംഘര്‍ഷത്തിലും ലാത്തിചാര്‍ജ്ജിലും കലാശിച്ചു. ലാത്തി ചാര്‍ജ്ജില്‍ കെ.എസ്.യു പ്രസിഡന്റ് ഹൈബി ഈഡനും പോലീസുകാരുടെ ചവിട്ടില്‍ ആശ എന്ന വിദ്യാര്‍ഥിനിയ്ക്കും പരിക്ക് പറ്റി. ഇവരെ ജനറല്‍ ആശുപത്രിയില്‍ പ്രവേശിപ്പിച്ചു. വിദ്യാഭ്യാസ മന്ത്രിയുടെ വാഹനം തടയാന്‍ ശ്രമിച്ചതിന് സംഭവ സ്ഥലത്ത് നിന്നും രതീഷ് എന്ന വിദ്യാര്‍ഥിയെ പോലീസ് കസ്റ്റഡിയിലെടുക്കുകയും വാഹനത്തിലിട്ട് മര്‍ദിക്കുകയും ചെയ്തു. വിദ്യാര്‍ഥിയെ കസ്റ്റിഡിയിലെടുത്ത വിവരം തിരക്കിയ മാധ്യമ പ്രവര്‍ത്തകരോടും രക്ഷകര്‍ത്താക്കളോടും അസി.കമ്മീഷണര്‍ രാമചന്ദ്രന്‍ നായര്‍ മോശമായാണ് പെരുമാറിയത്. മന്ത്രിയുടെ വാഹനം തടഞ്ഞാല്‍ കസ്റ്റഡിയിലെടുക്കുകയല്ല ചിലപ്പോള്‍ കൊല്ലുമെന്നായിരുന്നു എ.സിയുടെ മറുപടി. വീണ്ടും പ്രതിഷേധം തുടര്‍ന്ന രക്ഷിതാക്കളെയും വിദ്യാര്‍ഥികളേയും പോലീസ് അറസ്റ്റ് ചെയ്ത് പൂജപ്പുര പോലീസ് സ്റ്റേഷനിലേക്ക് കൊണ്ടു പോയി. വിദ്യാര്‍ഥികളേയും രക്ഷിതാക്കളേയും വിടണമെന്ന് ആവശ്യപ്പെട്ട് പ്രതിപക്ഷ ഭരണപക്ഷ എം.എല്‍.എമാര്‍ പൂജപ്പുര സ്റ്റേഷനിലെത്തുകയും വിദ്യാഭ്യാസ മന്ത്രിയുമായി ഫോണില്‍ ബന്ധപ്പെടുകയും ചെയ്തു. വിവരം അറിഞ്ഞ് വിദ്യാഭ്യാസ മന്ത്രി സ്റ്റേഷനില്‍ എത്തുകയും അവിടെ വച്ച് രക്ഷിതാക്കളുമായി ചര്‍ച്ച നടത്തുകയും ചെയ്തു.

നേരത്തെ അറിയിച്ചിരുന്നതുപോലെ വിദ്യാര്‍ഥികളുടെ അധ്യായന വര്‍ഷം നഷ്ടപ്പെടാതെ ജൂണില്‍ പരീക്ഷ എഴുതുന്നതിനുള്ള അവസരം നല്‍കാമെന്ന് മന്ത്രി അറിയിച്ചതോടെയാണ് സംഘര്‍ഷങ്ങള്‍ക്ക് അയവ് വന്നത്.

ഒത്തു തീര്‍പ്പ് അംഗീകരിച്ചതോടെ വിദ്യാര്‍ഥികളേയും രക്ഷിതാക്കളെയും കേസ് രജിസ്റ്റര്‍ ചെയ്യാതെ പോലീസ് വിട്ട യച്ചു.

അസംപ്ഷന്‍ സ്കൂളില്‍ അംഗീകാരമില്ലെങ്കിലും എട്ട് ക്ളാസ് മുതലുള്ള വിദ്യാര്‍ഥികളെ ഇവിടെ പഠിപ്പിച്ചിരുന്നു. അംഗീകാരം ഇല്ലാത്തതിനാല്‍ എസ്.എസ്.എല്‍.സി പരീക്ഷയുടെ തയ്യാറെടുപ്പ് വേളയില്‍ തന്നെ പരീക്ഷ എഴുതുന്നതിന് സെന്റര്‍ അനുവദിക്കില്ലെന്നും വിദ്യാര്‍ഥികളെ അംഗീകാരമുള്ള സ്കൂളികളിലേക്ക് മാറ്റണമെന്നും വിദ്യാഭ്യാസ വകുപ്പ് സ്കൂള്‍ അധികൃതരെ അറിയിച്ചിരുന്നു. എസ്.എസ്.എല്‍.സി പരീക്ഷ അടുത്ത അവസരത്തില്‍ പരീക്ഷ എഴുതാന്‍ അവസരം നല്‍കണമെന്ന് അഭ്യര്‍ഥിച്ച 97 വിദ്യാര്‍ഥികളെ അറയൂര്‍ എല്‍.ബി.എച്ച്.എസ്.എസില്‍ പരീക്ഷ എഴുതാന്‍ വിദ്യഭ്യാസ വകുപ്പ് അനുവദിച്ചു.

ജനനസര്‍ട്ടിഫിക്കറ്റ് അടക്കമുള്ള രേഖകള്‍ ജനുവരി 29 ന് മുന്‍പ് സ്കൂളില്‍ ഹാജരാക്കണമെന്നും നിര്‍ദേശിച്ചു. ഇതില്‍ 69 വിദ്യാര്‍ഥികള്‍ ആവശ്യമായ രേഖകള്‍ ഹാജരാക്കിയെങ്കിലും 28 വിദ്യാര്‍ഥികള്‍ക്ക് ഇതിനു കഴിഞ്ഞില്ല. ഇതേത്തുടര്‍ന്ന് സ്കൂള്‍ അധികൃതര്‍ വിദ്യാഭ്യാസ വകുപ്പിനെ ഈ വിവരം അറിയിക്കുകയും ബാക്കി വിദ്യാര്‍ഥികള്‍ക്കും പരീക്ഷ എഴുതാനുള്ള സൌകര്യം നല്‍കാമെന്ന് അവര്‍ അറിയിക്കുകയും ചെയ്തതായി വിദ്യാര്‍ഥികളെയും രക്ഷിതാക്കളേയും അറിയിച്ചു.

എന്നാല്‍ പരീക്ഷയുടെ തലേദിവസവും ഹാള്‍ടിക്കറ്റ് ലഭിക്കാത്തതിനെത്തുടര്‍ന്നാണ് വിദ്യാര്‍ഥികളും രക്ഷിതാക്കളും പ്രതിഷേധവുമായി സെക്രട്ടേറിയറ്റില്‍ എത്തിയത്.

വിദ്യാര്‍ഥികളെ പോലീസ് മര്‍ദിച്ച സംഭവം ആഭ്യന്തര മന്ത്രിയുടെ ശ്രദ്ധയില്‍പ്പെടുത്തുമെന്നും അന്വേഷണം നടത്തുന്നതിന് ആവശ്യമായ നടപടി സ്വീകരിക്കുമെന്നും വിദ്യാഭ്യാസ മന്ത്രി എം.എ ബേബി പിന്നീട് പത്രസമ്മേളനത്തില്‍ അറിയിച്ചു. വിദ്യാര്‍ഥികള്‍ക്ക് മര്‍ദനമേറ്റ സംഭവം നിര്‍ഭ്യാഗകരവും സംഭവിക്കാന്‍ പാടില്ലാത്തതുമായിരുന്നുവെന്നും അദ്ദേഹം പറഞ്ഞു.

2. കണ്ണൂരിലെ ആക്രമണ രാഷ്ട്രീയത്തിനെതിരേ ഹൈക്കോടതിയുടെ നിശിത വിമര്‍ശനം
കൊച്ചി: കണ്ണൂരിലെ രാഷ്ട്രീയ അക്രമങ്ങള്‍ക്ക് അറുതി വരുത്താന്‍ സമയോചിതമായ കേന്ദ്ര ഇടപെടലാണ് ഏക പരിഹാരമെന്ന് ഹൈക്കോടതി നിരീക്ഷിച്ചു. അധികാരത്തിലുള്ളവരുടെ രാഷ്ട്രീയ സ്വാധീനങ്ങള്‍ക്ക് വഴങ്ങാത്ത കേന്ദ്ര സേനയെ കണ്ണൂരില്‍ വിന്യസിക്കുന്ന കാര്യത്തില്‍ സംസ്ഥാന ഗവര്‍ണര്‍ കേന്ദ്രത്തിന് റിപ്പോര്‍ട്ട് നല്കുമെന്ന് ജസ്റ്റിസ് വി. രാംകുമാര്‍ പ്രതീക്ഷ പ്രകടിപ്പിച്ചു.

എന്‍.ഡി.എഫ് പ്രവര്‍ത്തകനായിരുന്ന തലശേരി മടപ്പാപീടികയില്‍ മുഹമ്മദ് ഫസല്‍ കൊല്ലപ്പെട്ട കേസിന്റെ അന്വേഷണം സി.ബി.ഐയെ ഏല്പിക്കവേയാണ് കണ്ണൂരിലെ അക്രമ രാഷ്ട്രീയത്തിനെതിരേ കോടതി നിശിതമായി പ്രതികരിച്ചത്.

മനുഷ്യക്കുരുതിയുടെയും രാഷ്ട്രീയ അക്രമങ്ങളുടെയും കൂത്തരങ്ങായി കണ്ണൂര്‍ മാറിയിട്ട് വര്‍ഷങ്ങളായെന്ന് കോടതി ഓര്‍മിപ്പിച്ചു. എല്ലാ രാഷ്ട്രീയ പാര്‍ട്ടികളും ഇവിടെ അക്രമത്തിന്റെ പാതയിലാണ്. സഹജീവികളുടെ ജീവന്‍ ക്രൂരവും പൈശാചികവുമായ രീതിയിലാണ് പാര്‍ട്ടി പ്രവര്‍ത്തകരോ വാടക കൊലയാളികളോ ഉന്മൂലനം ചെയ്യുന്നത്. മാരകായുധങ്ങള്‍ കണ്െടടുക്കപ്പെടാതെ ശേഖരിക്കുന്നതും പതിവായിരിക്കുന്നു. സാധാരണ പൌരന്മാര്‍ രക്തദാഹികളായ മനുഷ്യരൂപം പൂണ്ട മൃഗങ്ങളുടെ ചോരക്കൊതിക്ക് ഇരയാകുമ്പോള്‍ രാഷ്ട്രീയ നേതാക്കള്‍ കൌശലത്തോടെ പരിക്കൊന്നും ഏല്‍ക്കാതെ രക്ഷപ്പെടുകയാണെന്നും കോടതി ചൂണ്ടിക്കാട്ടി.

രാഷ്ട്രീയത്തിന്റെ അതിപ്രസരം മൂലം കേസില്‍ പ്രതി ചേര്‍ക്കപ്പെടുന്നത് നിരപരാധികളാണെന്ന സ്ഥിതിവിശേഷവും കണ്ണൂരിലുണ്െടന്ന് കോടതി പറഞ്ഞു. രാഷ്ട്രീയ ഇടപെടലുകളുണ്ടായില്ലെങ്കില്‍ കുറ്റാന്വേഷണത്തില്‍ മികവു പുലര്‍ത്തുന്ന പോലീസ് സേനയാണ് നമ്മുക്കുള്ളത്.

എന്നാല്‍ രാഷ്ട്രീയക്കാര്‍ നല്കുന്ന പട്ടികയില്‍നിന്ന് പ്രതികളെ നിശ്ചയിക്കുന്ന ലജ്ജാകരമായ അവസ്ഥയാണ് ഇപ്പോള്‍ കണ്ണൂരിലുള്ളത്. പോലീസ് രാഷ്ട്രീയക്കാരുടെ കളിപ്പാവകളായി മാറുകയാണോ എന്നും കോടതി സംശയം പ്രകടിപ്പിച്ചു.

കേസുകളില്‍ പെടുന്ന പാര്‍ട്ടി പ്രവര്‍ത്തകരെ പോലീസ് സ്റ്റേഷനുകളില്‍നിന്ന് ബലമായി രക്ഷിക്കുന്ന സംഭവങ്ങളും കണ്ണൂരില്‍ അരങ്ങേറുന്നു. ഏതു പാര്‍ട്ടി അധികാരത്തില്‍ വന്നാലും രാഷ്ട്രീയ അക്രമങ്ങളും കൊലപാതകങ്ങളും ഇടതടവില്ലാതെ തുടരുന്ന ചിത്രമാണ് കണ്ണൂരിലുള്ളത്.

സ്വതവേ സ്നേഹശീലരും ആതിഥേയ മര്യാദകള്‍ ഏറെയുള്ളവരുമായ ഈ പ്രദേശത്തെ ജനങ്ങള്‍ രാഷ്ട്രീയത്തിന്റെ അതിപ്ര സരം മൂലം ഭ്രാന്തന്‍മാരായി മാറുന്നത് അതിശയകരമാണെന്നും കോടതി അഭിപ്രാ യപ്പെട്ടു.

തേജസ് പത്രം ഏജന്റായിരുന്ന മുഹമ്മദ് ഫസല്‍ 2006 ഒക്ടോബര്‍ 22- നാണ് ക്രൂരമായ രീതിയില്‍ വധിക്കപ്പെട്ടത്. തലശേരി ലിബര്‍ട്ടി ക്വാര്‍ട്ടേഴ്സിനു സമീപം ടെമ്പിള്‍ റോഡില്‍ വച്ച് പുലര്‍ച്ചെ കൊല്ലപ്പെട്ട മുഹമ്മദ് ഫസലിന്റെ ദേഹത്ത് 20 വെട്ടുകളേറ്റിരുന്നു. അനേകം കേസുകളില്‍ പ്രതികളായ മൂന്നു വാടക കൊലയാളികളെയാണ് പോലീസ് കേസില്‍ പ്രതി ചേര്‍ത്തത്.

തലശേരിയില്‍ മുസ്ലിം യുവാക്കളെ എന്‍.ഡി.എഫിലേക്ക് ചേര്‍ത്തിരുന്ന മുഹമ്മദ് ഫസലിനോട് സ്ഥലത്തെ സി.പി.എം പ്രവര്‍ത്തകര്‍ക്ക് വിരോധമുണ്ടായിരുന്നു. എന്നാല്‍ യഥാര്‍ഥ കുറ്റവാളികളെ പിടികൂടാന്‍ തക്ക വിധമുള്ള ബുദ്ധിപരമായ അന്വേഷണം പോലീസ് നടത്തിയിട്ടില്ലെന്നാണ് കേസ് ഡയറിയില്‍നിന്നു വ്യക്തമാകുന്നതെന്ന് കോടതി പറഞ്ഞു. സംസ്ഥാനത്തെ രാഷ്ട്രീയ സ്ഥിതി പരിഗണിക്കുമ്പോള്‍ കേസില്‍ സി.ബി.ഐ അന്വേഷണം ആവശ്യപ്പെട്ട് ഹര്‍ജി നല്കിയ മുഹമ്മദ് ഫസലിന്റെ വിധവ മറിയുവിന് സംസ്ഥാന പോലീസില്‍നിന്ന് നീതി ലഭിക്കില്ലെന്ന് പൂര്‍ണ ബോധ്യമുണ്െടന്ന് കോടതി വ്യക്തമാക്കി.

21 കേസുകളില്‍ പ്രതിയായ സുനില്‍കുമാര്‍ എന്നയാളെയാണ് പോലീസ് മുഹമ്മദ് ഫസല്‍ വധക്കേസിലെ ഒന്നാം പ്രതിയായി ചേര്‍ത്തത്. കേസിലെ രണ്ടാം പ്രതിയായി ചേര്‍ത്ത ബ്രിജേഷ് ആറു കേസുകളിലും മൂന്നാം പ്രതി ജിതേഷ് നാലു കേസുകളിലും പ്രതികളാണ്. സംഭവത്തിന് ദൃക്സാക്ഷികളായ അബ്ദുള്ള, ലുലു മാര്‍ജാന്‍ എന്നിവര്‍ക്ക് പ്രതികളെ തിരിച്ചറിയാന്‍ കഴിഞ്ഞിരുന്നില്ല.

3. കെ.എസ്.ഇ.ബി അഴിച്ചുപണിയണം
കോട്ടയം: സംസ്ഥാനത്തു വൈദ്യുതിബോര്‍ഡില്‍ അഴിച്ചുപണി അനിവാര്യമാണെന്നും നിര്‍മാണം, വിതരണം പ്രസരണം എന്നിവയ്ക്കും അഡ്മിനിസ്ട്രേഷനുമായി രണ്ടു കമ്പനികള്‍ രൂപീകരിക്കണമെന്നും ഇതേപ്പറ്റി പഠിച്ച സിദ്ധാര്‍ഥമേനോന്‍ കമ്മിറ്റി സര്‍ക്കാരിന് സമര്‍പ്പിച്ച റിപ്പോര്‍ട്ടില്‍ പറയുന്നു. സര്‍ക്കാരിന്റെ നിയന്ത്രണത്തിലാകണം ഇരു കമ്പനികളും പ്രവര്‍ത്തിക്കേണ്ടതെന്നും നിര്‍ദേശിച്ചിട്ടുണ്ട്.

മന്ത്രിസഭായോഗം വൈകാതെ ഇക്കാര്യത്തില്‍ തീരുമാനമെടുക്കുമെന്നാണു കരുതുന്നത്. എന്നാ ല്‍, ഇതു സംബന്ധിച്ച് മന്ത്രിസഭയില്‍ വ്യത്യസ്താഭിപ്രായമാണ് ഉള്ളതെന്നറിയുന്നു.

മന്ത്രി എ.കെ. ബാലന്‍ പുനസംഘടന സംബന്ധിച്ചു പല അവസരങ്ങളിലും വിയോജിപ്പു പരസ്യമായി പ്രകടിപ്പിച്ചിട്ടുണ്െടങ്കിലും സിദ്ധാര്‍ഥമേനോന്‍ റിപ്പോര്‍ട്ടിന്റെ അടിസ്ഥാനത്തില്‍ വിഭജനമല്ലാതെ സര്‍ക്കാരിനു മുന്നില്‍ മറ്റുമാര്‍ഗങ്ങളില്ല.

വിവിധ സംസ്ഥാനങ്ങളില്‍ വൈദ്യുതി ബോര്‍ഡുകളുടെ വിഭജനം ഇതിനകം നടന്ന പശ്ചാത്തലത്തില്‍ പുനസംഘടനയില്‍നിന്നു സര്‍ക്കാരിന് പിന്നോട്ടുപോകാനും സാധ്യമല്ല. മാത്രവുമല്ല, 2003-ലെ കേന്ദ്ര ഇലക്ട്രിസിറ്റി നിയമവും വൈദ്യുതിബോര്‍ഡ് പുനസംഘടിപ്പിക്കണമെന്നു നിര്‍ദേശിക്കുന്നു. ഇതോ ടെ വൈദ്യുതിബോര്‍ഡില്‍ അഴിച്ചുപണി ഏറെക്കുറെ ഉറപ്പായി.

ബോര്‍ഡ് പൊതുമേഖലയില്‍തന്നെ തുടരണമെന്ന നിര്‍ദേശം മന്ത്രിക്ക് സ്വീകാര്യമാണ്. വിവിധ രാജ്യങ്ങളിലെ വൈദ്യുതിബോര്‍ഡുകളുടെ പ്രവര്‍ത്തനം സിദ്ധാര്‍ഥമേനോന്‍ കമ്മിറ്റി പഠനവിധേയമാ ക്കിയിരുന്നു.

അതു പോ ലെ മറ്റ് ഇന്ത്യന്‍ സംസ്ഥാനങ്ങളും സംഘം പഠനം നടത്തിയിരുന്നു. അവി ടെയൊക്കെ വിഭജനത്തിനു ശേഷം വൈദ്യുതിബോര്‍ഡിന്റെ പ്രവര്‍ത്തനം കാര്യക്ഷമമല്ല എന്നും കമ്മീഷന്‍ കണ്െടത്തിയിട്ടുണ്ട്.

സ്വകാര്യ വ്യക്തികളെ ഏല്‍പ്പിച്ച സംസ്ഥാനങ്ങളിലെ വൈദ്യുതി ബോര്‍ഡിന്റെ പ്രവര്‍ത്തനങ്ങളാണ് കുത്തഴിഞ്ഞനിലയിലുള്ളതെന്നും കമ്മീഷന്‍ വിലയിരുത്തി. അതുകൊണ്ട് സ്വകാര്യനിക്ഷേപ ത്തിന് ഒരിക്കലും ഊന്നല്‍ നല്‍ക രുതെന്നും കമ്മീഷന്‍ പറയുന്നു.

മറ്റു സംസ്ഥാനങ്ങളെ താരതമ്യപ്പെടുത്തുമ്പോള്‍ കേരളത്തി ലെ ബോര്‍ഡ് ഭേദപ്പെട്ട അവസ്ഥയിലാണുള്ളതെന്ന് കമ്മീഷന്‍ കണ്െടത്തി. പുതിയ കമ്പനികള്‍ നിലവില്‍ വരുമ്പോള്‍ ഓഹരികള്‍ കേരള ഗവണ്‍മെന്റിന്റെ ഉടമസ്ഥതയില്‍തന്നെയാവണമെന്ന് കമ്മീഷന്‍ പറയുന്നു.

പുതിയ സ്ഥാപനത്തിന്റെ ഡയറക്ടര്‍ബോര്‍ഡിനെക്കുറിച്ചും കമ്മീഷന്‍ മാര്‍ഗനിര്‍ദേശം നല്‍കുന്നുണ്ട്. 18 അംഗങ്ങളായിരിക്കണം ബോര്‍ഡിലുണ്ടാവേണ്ടത്. ഇതില്‍ ആറുപേര്‍ ഗവണ്‍മെന്റ് പ്രതിനിധികള്‍, ആറ് എമിനന്റ് വ്യക്തികള്‍, സര്‍വീസ് സംഘടനകളുടെ ആറു പ്രതിനിധകള്‍ എന്നിങ്ങനെയാണ് അംഗങ്ങളെ വിഭജിച്ചിട്ടുള്ളത്.

സര്‍ക്കാര്‍ പ്രതിനിധികളായിട്ടെ ത്തുന്ന ആറു പേരില്‍ 5 അംഗങ്ങള്‍ മുഴുവന്‍ സമയ അംഗങ്ങളും ഒരാള്‍ ഊര്‍ജവകുപ്പിന്റെ പ്രിന്‍സിപ്പള്‍ സെക്രട്ടറിയുമായിരിക്കണം. വൈദ്യുതി ബോര്‍ഡിന്റെ പ്രവര്‍ത്തനം കൂടുതല്‍ കാര്യക്ഷമമാക്കാനുള്ള നിര്‍ദേശവും കമ്മീഷന്‍ നല്‍കുന്നുണ്ട്.

ഓണ്‍ ലൈന്‍ ബില്ല്, പ്രീപെയ്ഡ് മീറ്ററിംഗ് തുടങ്ങി വിവധ സൌകര്യങ്ങള്‍ ബോര്‍ഡില്‍ ഉണ്ടാവണ മെന്ന് നിര്‍ദേശമുണ്ട്. പൊതുജനങ്ങളുമായുള്ള ഇടപെടീലും കൂടുതല്‍ മെച്ചപ്പെടേണ്ടതുണ്ട്. കമ്മീഷന്‍ അംഗങ്ങളായി പി എ സിദ്ധാ ര്‍ഥമേനോനു പുറമെ മു ന്‍ അഡ്വ.ജനറ ല്‍ എം. കെ. ദാമോദരന്‍, കെ. ആര്‍. ഉണ്ണിത്താന്‍, മുന്‍ പവര്‍ സെക്രട്ടറിയായിരുന്ന കെ. കെ. വിജയന്‍ എന്നിവരുമുണ്ട്.

4. പെണ്‍കുട്ടികളെ വലയില്‍ വീഴ്ത്താന്‍ ഹോം നഴ്സിംഗ് സ്ഥാപനം; എന്‍ജിനീയര്‍ അറസ്റ്റില്‍
കോട്ടയം: പെണ്‍കുട്ടികളെ വലയില്‍ വീഴ്ത്താന്‍ ഹോം നഴ്സിംഗ് സ്ഥാപനം നടത്തി വന്ന ബി.എസ്.എന്‍.എല്‍ എന്‍ജിനീയറെ പോലീസ് അറസ്റ്റു ചെയ്തു. ഇടുക്കി സ്വദേശിയായ പെണ്‍കുട്ടിയെ വലയിലാക്കാന്‍ ശ്രമിക്കുന്നതിനിടെയാണ് ഇയാള്‍ അറസ്റ്റിലായത്. പെ ണ്‍കുട്ടിയുടെ പരാതി പ്രകാരം മര്യാദലംഘനത്തിന് കേസെടുത്തു.

കാണക്കാരി ചെട്ടിപ്പറമ്പ് സുഭാഷ് (36) ആണ് അറസ്റ്റിലായത്. സ ന്തോഷ് എന്ന പേരിലും അറിയപ്പെട്ടിരുന്ന ഇയാള്‍ ബി.എസ്.എന്‍. എല്‍ കോട്ടയം സബ് ഡിവിഷണല്‍ എന്‍ജിനീയറാണെന്ന് പോലീസ് പറഞ്ഞു. കോട്ടയം കെ.എസ്.ആര്‍.ടി.സി ബസ് സ്റ്റാന്‍ഡിനു പിന്‍വശത്തുള്ള കാഞ്ചന കണ്‍സള്‍ട്ടന്‍സി എന്ന ഹോം നഴ്സിംഗ് സ്ഥാപനം നടത്തി വരികയായിരുന്നു സുഭാഷ്.

നേരത്തേ ഭാവനാ കണ്‍സള്‍ട്ടന്‍സി എന്ന മറ്റൊരു പേരിലായിരുന്നു സ്ഥാപനം. ഇയാള്‍ക്കെതിരേ രണ്ടു യുവതികള്‍ നല്കിയ പരാതി യില്‍ പോലീസ് കേസെടുത്തിട്ടുണ്ട്. ആദ്യ ഭാര്യ നല്കിയ കേസില്‍ കോടതി ഉത്തരവ് പ്രകാരം ചെലവിന് നല്കി വരികയാണെന്നും പോലീസ് അറിയിച്ചു. തിരുവല്ല സ്വദേശി യുവതി നല്കിയ പരാതിയില്‍ മുന്‍കൂര്‍ ജാമ്യമെടു ത്തിട്ടുണ്ട്.

ഇടുക്കി സ്വദേശിയായ പെണ്‍കുട്ടി പത്രപരസ്യം കണ്ടാണ് ഇയാളുടെ വലയില്‍ വീണത്. ചെങ്ങന്നൂരിലുള്ള വീട്ടില്‍ ജോലിക്ക് നി യോഗിച്ചു.

അവിടെ ജോലി ചെയ്തുവരുന്നതിനിടെ കഴിഞ്ഞ ദിവസം അവിടെനിന്നു വരുത്തി കോട്ടയത്ത് ഓഫീസില്‍ ജോലി നല്കി. രാത്രിയില്‍ ഇയാള്‍ ശല്യപ്പെടുത്താന്‍ ശ്രമിച്ചെന്നാണ് പരാതി. വെസ്റ്റ് എസ്.ഐ സാജുവര്‍ഗീസിന്റെ നേതൃത്വത്തിലുള്ള പോലീ സ് സംഘമാണു സുഭാഷിനെ അറസ്റ്റു ചെയ്തത്.

5.  കര്‍ഷക ദ്രോഹ ബില്ല് പിന്‍വലിക്കണം: കര്‍ഷക നേതാക്കള്‍
തിരുവനന്തപുരം: നെല്‍വയല്‍, നീര്‍ത്തട സംരക്ഷണ ബില്ല് പിന്‍വലിക്കണമെന്ന് വിവിധ കര്‍ഷക സംഘടനാ നേതാക്കള്‍ ഇന്നലെ മുഖ്യമന്ത്രിക്ക് നിവേദനം നല്‍കി.

ബില്ലിലെ കര്‍ഷകദ്രോഹക രമായ വ്യവസ്ഥകള്‍ റദ്ദാക്കുന്നതിനുള്ള സമ്മര്‍ദം ശക്തമായി ഉയരുന്നുണ്ട്. കര്‍ഷകനുവേ ണ്ടിയുള്ള ദീപികയുടെ ഒരു പോരാട്ടം വിജയത്തിലെത്തുകയാണ്. സഭ പിരിയാനുദ്ദേശിക്കുന്ന മാര്‍ച്ച് 19ന് ബില്‍ പാസാക്കാനാണ് ഇപ്പോഴത്തെ ആലോചന.

കര്‍ഷക ഐക്യവേദി നേതാക്കളായ പി.സി. സിറിയക് (ചെയര്‍മാന്‍), കെ.പി. ഏലിയാസ്, പ്രഫ. ബാബു ജോസഫ്, കെ.വി. തോമസ് കടമപ്പുഴ എന്നിവര്‍ നിയമസഭാ മന്ദിരത്തിലെത്തിയാണ് മുഖ്യമന്ത്രിക്ക് നിവേദനം നല്‍കിയത്.

കുട്ടനാട് വികസന സമിതിയുടെ എക്സിക്യൂട്ടീവ് ഡയറക്ടര്‍ ഫാ. തോമസ് പീലിയാനിക്കലും നിയമസഭാ മന്ദിരത്തില്‍ മുഖ്യമന്ത്രിയെ സന്ദര്‍ശിച്ച് നിവേദനം നല്‍കി.സാമ്പത്തിക ക്ളേശം മൂലം വയല്‍ തരിശിടുന്നവരെ കുറ്റവാളികള്‍ കൂടി ആക്കുന്ന നിയമമാണിതെന്ന് ഐക്യവേദി നിവേദനത്തില്‍ ചൂണ്ടിക്കാട്ടി.

വയലില്‍ കൃഷി ചെയ്യാന്‍ പണിക്കാരില്ലാത്തതാണ് പ്രശ്നമെന്ന് അവര്‍ പറഞ്ഞു. നെല്‍വയലുകള്‍ സംരക്ഷിക്കപ്പെടണമെങ്കില്‍ അതിന്റെ ബാധ്യത വഹിക്കുവാന്‍ സര്‍ക്കാര്‍ തയാറാകണം.

നെല്‍കര്‍ഷകരുടെ പ്രശ്നങ്ങള്‍ക്ക് പരിഹാരം കാണണം. സാങ്കേതിക സഹായം നല്‍കണം. നല്ല വിലയ്ക്ക് നെല്ല് സംഭരിക്കണം – ഐക്യവേദി നിര്‍ദേശിച്ചു. പകരം നിസഹായനായ കര്‍ഷകനെ കുറ്റവാളിയായികാണാന്‍ ശ്രമിക്കരുത്.

നെല്‍വയലുകള്‍ സൂക്ഷിക്കേണ്ടത് നാടിന്റെ ആവശ്യമാണെന്ന് ഫാ. തോമസ് പീലിയാനിക്കല്‍ നല്‍കിയ നിവേദനത്തില്‍ ചൂണ്ടിക്കാട്ടി.

അതിനായി ബോധവല്‍ക്കരണം നടത്തണം. നെല്‍കൃഷിക്കുമാത്രമായിട്ടെ വയല്‍കൈമാറ്റം അനുവദിക്കാവൂ. ഉടമയ്ക്ക് വീട് വയ്ക്കുവാന്‍ 15 സെന്റ് വരെ നികത്താന്‍ അനുമതി നല്‍കണം. വര്‍ഷങ്ങള്‍ക്കുമുമ്പേ നികന്നുപോയവ ഇന്നും വയലായി കണക്കാക്കരുത് – ഫാ. തോമസ് പീലിയാനിക്കല്‍ നിര്‍ദേശിച്ചു.

കര്‍ഷകവിരുദ്ധ നിലപാടുകളുമായി ബില്‍ നിയമമാക്കിയാല്‍ രൂക്ഷമായ സമരം ഉണ്ടാകുമെന്ന് അദ്ദേഹം മുന്നറിയിപ്പ് നല്‍കി.

6.  ബി.പി.എല്‍ ലിസ്റ്റിനെചൊല്ലിയുണ്ടായ തര്‍ക്കത്തില്‍ നിയമസഭ സ്തംഭിച്ചു
തിരുവനന്തപുരം: ബി.പി.എല്‍ ലിസ്റ്റിനെച്ചൊല്ലിയുണ്ടായ തര്‍ക്കത്തില്‍ നിയമസഭ ബഹളത്തില്‍ മുങ്ങിയതോടെ ചോദ്യോത്തരവേള നിര്‍ത്തിവച്ച് സ്പീക്കര്‍ സഭയില്‍ നിന്നിറങ്ങിപ്പോയി.

ബി.പി.എല്‍ ലിസ്റ്റില്‍ വ്യാപക ക്രമക്കേട് നടന്നതായി കെ.സുധാകരന്‍ പറഞ്ഞു. ബി.പി.എല്‍ ലിസ്റ്റ് പുതുക്കുന്ന സര്‍വേ പൂര്‍ത്തിയായി വരുന്നതായി ഭക്ഷ്യമന്ത്രി സി.ദിവാകരന്‍ മറുപടി നല്‍കുന്നതിനിടയില്‍ പ്രതിപക്ഷാംഗങ്ങള്‍ ബഹളം വച്ചു. ഇതിനിടെ സാജു പാളിനെ ചോദ്യം ചോദിക്കാന്‍ സ്പീക്കര്‍ ക്ഷണിച്ചു. പ്രതിപക്ഷ ബഹളം ശമിക്കാത്തതിനാല്‍ സാജുപോളിന് പ്രസംഗിക്കാ നായില്ല.

ക്രമക്കേടുകള്‍ ആരുടെ കാലത്തുണ്ടായതാണെങ്കിലും ഇത്ര പ്രകോപനമെന്തിനെന്ന് ഭക്ഷ്യ മന്ത്രി ചോദിച്ചു. സാജുപോളിനെ വീണ്ടും ചോദ്യം ചോദിക്കാന്‍ ക്ഷണിച്ചു. 14,000 റേഷന്‍ കടകള്‍ ആധുനിക വല്‍ക്കരിക്കുമെന്ന് ഭക്ഷ്യമന്ത്രി ഉത്തരം നല്‍കി.

ബി.പി.എല്‍ ലിസ്റ്റിനെക്കുറിച്ച് വ്യാപകമായ പരാതിയുള്ള കാര്യം പ്രതിപക്ഷ നേതാവ് ഉമ്മന്‍ചാണ്ടി മന്ത്രിയുടെ ശ്രദ്ധയില്‍പെടുത്തുന്നതിനിടയില്‍ ഭരണപക്ഷം ബഹളം തുടങ്ങി. പ്രതിപക്ഷനേതാവ് പ്രകടിപ്പിച്ച ഉത്കണ്ഠ ഗൌരവമായി പരിഗണിക്കുമെന്ന് ഭക്ഷ്യമന്ത്രി അറിയിച്ചു. ടാര്‍ജറ്റ് റേഷനാക്കുന്നത് 1977 ലാണെന്നും ചരിത്രത്തിലെ വസ്തുതകള്‍ മാറിപ്പോകില്ലെന്ന് ഭക്ഷ്യമന്ത്രി പറഞ്ഞു. ഇതോടെ പ്രതിപക്ഷ ബഹളം ഉച്ചത്തിലായി. പ്രതിപക്ഷ നേതാവ് പ്രസംഗിക്കാനെണീറ്റെങ്കിലും സ്പീക്കര്‍ മൈക്ക് അനുവദിച്ചില്ല. ഇതില്‍ പ്രതിഷേധിച്ച് പ്രതിപക്ഷം നടുത്തളത്തിലേക്ക് ഓടിയിറങ്ങി. ഇതിനിടെ സ്പീക്കര്‍ക്ക് വാച്ച് ആന്‍ഡ് വാഡ് സുരക്ഷാവലയം തീര്‍ത്തു. ഈ സമയം ഭരണപക്ഷാംഗങ്ങളും സീറ്റ് വിട്ട് ഇറങ്ങി. ചോദ്യോത്തരവേള തല്‍സമയ പ്രക്ഷേപണം നടക്കുന്നതിനാല്‍ മാധ്യമങ്ങള്‍ ഇവ റിപ്പോര്‍ട്ട് ചെയ്യരുതെന്ന് സ്പീക്കര്‍ നിര്‍ദേശിച്ചു.സ്പീക്കറുടെ അഭ്യര്‍ഥനയെ തുടര്‍ന്ന് ഭരണപക്ഷ അംഗങ്ങള്‍ സീറ്റുകളിലേക്ക് മടങ്ങി.

പ്രതിപക്ഷ നേതാവിന്റെ ചോദ്യത്തിന് മന്ത്രി ഉത്തരം നല്‍കാന്‍ സ്പീക്കര്‍ നിര്‍ദേശിച്ചു. ഇതേതുടര്‍ന്ന് പ്രതിപക്ഷം സീറ്റിലേക്കു മടങ്ങി. ചോദ്യോത്തരവേള ഇങ്ങനെയാകുന്നത് വളരെ മോശമാണെന്ന് സ്പീക്കര്‍ പറഞ്ഞു. മന്ത്രി ഉത്തരം തുടര്‍ന്നു. കേന്ദ്ര ആസൂത്രണ കമ്മീഷനാണ് ബി.പി.എല്‍ ലിസ്റ്റ് പുതുക്കാന്‍ നിര്‍ദേശിച്ചത്. യു.ഡി.എഫ് കാലത്ത് ബി.പി.എല്‍, എ.പി.എല്‍ സര്‍വേ നടത്തി കുളമാക്കി എന്നു മന്ത്രി പറഞ്ഞതോടെ പ്രതിപക്ഷ ബഹളം അത്യുച്ചത്തിലായി. ഇതിനെതിരേ ഭരണപക്ഷവും ബഹളം തുടങ്ങി. ചോദ്യോത്തരവേള അവസാനിക്കാന്‍ അഞ്ച് മിനിട്ട് ബാക്കി നില്‍ക്കേ, ചോദ്യോത്തരവേള കഴിഞ്ഞതായി പ്രഖ്യാപിച്ച് സ്പീക്കര്‍ സഭയില്‍ നിന്നിറങ്ങി.

7. മാര്‍ക്ക് ലിസ്റ്റ്: മംഗലാപുരത്തെ വിദ്യാര്‍ഥികള്‍ കോളജ് ഉപരോധത്തിന്
മംഗലാപുരം: നഴ്സിംഗ് വിദ്യാര്‍ഥികളുടെ എസ്.എസ്.എല്‍.സി, പ്ളസ്ടു മാര്‍ക്ക് ലിസ്റ്റുകള്‍ കാണാതായ സംഭവത്തില്‍ ദുരൂഹത തുടരുന്നു. 16 മലയാളി വിദ്യാര്‍ഥികളുള്‍പ്പെടെ 45 വിദ്യാര്‍ഥികള്‍ പഠിക്കുന്ന മംഗലാപുരം കങ്കനാടി ബൈപാസ് റോഡിലെ കൊളാസോ നഴ്സിംഗ് സ്കൂളിലെ അവസാന വര്‍ഷ ജനറല്‍ നഴ്സിംഗ് വിദ്യാര്‍ഥികളുടെ ഒറിജിനല്‍ മാര്‍ക്ക് ലിസ്റ്റുകളാണ് നഷ്ടപ്പട്ടതായി അധികൃതര്‍ വിദ്യാര്‍ഥികളെ മൂന്നാഴ്ച മുമ്പ് അറിയിക്കുന്നത്.

ഇതേത്തുടര്‍ന്നു കഴിഞ്ഞ ദിവസങ്ങളില്‍ കോളജില്‍ സംഘര്‍ഷമുണ്ടായി. ഇന്നലെ വൈകുന്നേരം അഞ്ചിനു മുമ്പു സര്‍ട്ടിഫിക്കറ്റുകള്‍ വിദ്യാര്‍ഥികള്‍ക്കു തിരികെ നല്‍കുമെന്ന് അധികൃതര്‍ ഉറപ്പു നല്‍കിയിരുന്നെങ്കിലും പാലിക്കപ്പെട്ടില്ല. ഇതു സംബന്ധിച്ച് ഇന്നലെ മംഗലാപുരം കദ്രി പോലീസ് സ്റ്റേഷനില്‍ കോളജധികൃതരും വിദ്യാര്‍ഥികളും രക്ഷിതാക്കളുമായി പോലീസ് നടത്തിയ ചര്‍ച്ച ഫലം കണ്ടില്ല. ഡ്യൂപ്ളിക്കേറ്റ് സര്‍ട്ടിഫിക്കറ്റ് നല്‍കാമെന്ന മാനേജ ്മെന്റിന്റെ തീരുമാനം വിദ്യാര്‍ഥികളും രക്ഷിതാക്കളും തള്ളുകയായിരുന്നു.

8.  200 കാറുകള്‍ കൂട്ടയിടിച്ചു കത്തി; 10 മരണം


ദുബായ്: കാഴ്ചപൂര്‍ണമായി മറച്ചു മൂടല്‍മഞ്ഞ് വില്ലനായപ്പോള്‍ അബുദാബിയിലെ ഗാന്ദുദില്‍ ഇന്നലെ പുലര്‍ച്ചെ കൂട്ടിയിടിച്ചത് ഇരുനൂറിലേറെ കാറുകള്‍. പ ത്തു പേര്‍ക്കു ജീവന്‍ നഷ്ടമായ അപകടത്തില്‍ ഇരുപത്തഞ്ചോളം കാറുകള്‍ കത്തിയമര്‍ന്നു. അ ഗ്നി ഗോള ങ്ങളെപ്പോലും മറച്ച മൂടല്‍മഞ്ഞ് ഒഴിഞ്ഞുപോകാന്‍ വൈകിയപ്പോള്‍ അപകടത്തില്‍ ര ക്ഷാ പ്രവര്‍ത്തനം തടസപ്പെട്ടു. ഇരു പതിലേറെ പേര്‍ക്കു പരിക്കുണ്ട്.

മരിച്ചവരില്‍ മലയാളികളില്ല. പരിക്കേറ്റവരില്‍ ഏതാനും മലയാളികളുണ്െടങ്കിലും ആര്‍ക്കും ഗുരുതരമല്ല. പരിക്കേറ്റ് ആശുപത്രിയിലെത്തിച്ചവരില്‍ വിരലിലെണ്ണാവുന്നവരൊഴികെയുള്ളവരെ പ്രാഥമിക ചികിത്സ നല്കിയശേഷം വിട്ടയച്ചു. പുലര്‍ച്ചെ ആറരയോടെ അബുദാബി- ദുബായ് ഹൈവേയിലായിരുന്നു ഗള്‍ഫിനെ നടുക്കിയ ദുര ന്തം. ഹൈവേയായതിനാല്‍ വാഹനങ്ങള്‍ എല്ലാം 120 കിലോമീറ്ററിലേറെ വേഗത്തിലായിരുന്നതു ദുരന്തത്തിന്റെ വ്യാപ്തി കൂട്ടി. തകര്‍ന്ന വാഹനങ്ങളിലേതിലെങ്കിലും നിന്ന് എണ്ണ ചോര്‍ന്നതാകാം തീപിടിച്ചതിനു കാരണമെന്നാണു കരുതുന്നത്. മലയാളികളടക്കം നിരവധിപേര്‍ ജോലി ചെയ്യുന്ന ജബലലി വ്യവസായ മേഖലയിലേക്ക് ആളുകള്‍ പോകുന്ന സമയമായിരുന്നതിനാല്‍ അപകടസമയത്ത് വന്‍ തിരക്കായിരുന്നു ഹൈവേയില്‍. നാലുമണിക്കൂറോളം ഗതാഗതം തടസപ്പെട്ടു.

1. മലയാളിയടക്കം 54 ഇന്ത്യന്‍ സൈനികര്‍ 36 വര്‍ഷമായി പാക് തടവില്‍
ലാഹോര്‍: 36 വര്‍ഷമായി യുദ്ധത്തടവുകാരായി പാക്കിസ്ഥാനിലെ വിവിധ ജയിലുകളില്‍ കഴിയുന്ന ഇന്ത്യന്‍ സൈനികരെ കണ്ടെത്തി മോചിപ്പിക്കുമെന്ന് മനുഷ്യാവകാശങ്ങളുടെ ചുമതലയുള്ള പാക് കെയര്‍ടേക്കര്‍ മന്ത്രി അന്‍സാര്‍ ബേണി അറിയിച്ചു. 35 വര്‍ഷമായി പാക് തടവിലായിരുന്ന കശ്മീര്‍ സിംഗിന് ഈയിടെ മോചനം ഒരുക്കിയത് അന്‍സാര്‍ ബേണിയാണ്.

2005 വരെയുള്ള മാധ്യമ റിപ്പോര്‍ട്ടുകള്‍ പരിശോധിച്ചതില്‍നിന്ന് 54 ഇന്ത്യന്‍ സൈനികര്‍ ഇപ്പോഴും തടവുകാരായി വിവിധ പാക് ജയിലുകളില്‍ ഉണ്ടെന്ന് വിവരം ലഭിച്ചതായി പാക്കിസ്ഥാന്‍ ദിനപത്രമായ ‘ഡെയ്ലി ടൈംസ്’ കഴിഞ്ഞ ദിവസം റിപ്പോര്‍ട്ടു ചെയ്തു. ഇവരുടെ പേരു വിവരങ്ങളും പത്രം പ്രസിദ്ധീകരിച്ചു. തടവുകാരില്‍ ഒരാള്‍ മലയാളിയാണ്.

നിലമ്പൂര്‍ കോവിലകത്തെ പത്മനാഭന്‍ തിരുമുല്‍പ്പാടിന്റെയും മാലതി തമ്പുരാട്ടിയുടെയും മകന്‍ ഫ്ലൈറ്റ് ഓഫീസര്‍ കൊട്ടിയേഴത്ത് പുതിയ വീട്ടില്‍ മുരളീധരന്‍ ആണ് ഇപ്പോഴും പാക് ജയിലില്‍ ഉണ്ടെന്ന് കരുതപ്പെടുന്ന മലയാളി. 1971 ഡിസംബര്‍ നാലിന് മുരളീധരന്‍ പറപ്പിച്ച എ^482 ഹണ്ടര്‍ വിമാനം പാക് സൈന്യം വെടിവെച്ചിടുകയായിരുന്നു. പാരച്യൂട്ട് വഴി രക്ഷപെട്ട 23 കാരനായ മുരളീധരനെ പാക് സൈന്യം തടവിലാക്കിയതായാണ് അന്ന് നാട്ടില്‍ ബന്ധുക്കള്‍ക്ക് ലഭിച്ച വിവരം.

ഇതിന്റെ അടിസ്ഥാനത്തില്‍ പലതരത്തില്‍ ബന്ധുക്കള്‍ അന്വേഷിച്ചെങ്കിലും ഇതുവരെ മുരളീധരനെ സംബന്ധിച്ച് ഒരു വിവരവും ലഭിച്ചിട്ടില്ല. മുരളീധരനെ കണ്ടെത്തി മോചിപ്പിക്കാന്‍ സഹായം തേടി കഴിഞ്ഞ വര്‍ഷം ബന്ധുക്കള്‍ പ്രധാനമന്ത്രിക്ക് ഉള്‍പ്പെടെ പരാതി നല്‍കിയിരുന്നു.

കഴിഞ്ഞ ദിവസം ‘ഡെയ്ലി ടൈംസ്’ പ്രസിദ്ധീകരിച്ച പട്ടികയില്‍ വ്യോമസേനാ തടവുകാരുടെ വിഭാഗത്തില്‍ ‘ഫ്ലൈറ്റ് ഓഫീസര്‍ കൊട്ടിയേഴത്ത് പുതിയ വീട്ടില്‍ മുരളീധരന്‍’ എന്ന പേരുണ്ട്.

1971 ലെ യുദ്ധത്തില്‍ തടവുകാരായി പിടിക്കപ്പെട്ടവരില്‍ ജയിലിലുള്ള എല്ലാവരുടെയും മോചനത്തിനുള്ള നടപടി വേഗത്തിലാക്കുമെന്നാണ് പാക് മന്ത്രി അന്‍സാര്‍ ബേണി അറിയിച്ചത്.

1971 ലെ ഇന്ത്യ ^ പാക് യുദ്ധത്തില്‍ 2238 ഇന്ത്യന്‍ സൈനികരെ കാണാതായിരുന്നു. ഇവരില്‍ പലരും യുദ്ധത്തടവുകാരായി ജയിലിലടക്കപ്പെട്ടു.

സിംല കരാറിനു ശേഷം ഇന്ത്യ 9300 പാക് സൈനികരെ വിട്ടയച്ചെങ്കിലും പാക്കിസ്ഥാന്‍ 617 ഇന്ത്യക്കാരെ മാത്രമാണ് മോചിപ്പിച്ചത്.

വര്‍ഷങ്ങള്‍ നീണ്ട ജയില്‍ ജീവിതത്തിനിടെ ഇന്ത്യന്‍ തടവുകാര്‍ പലരും മരിച്ചു. ചിലര്‍ക്കായുള്ള അന്വേഷണങ്ങള്‍ ബന്ധുക്കള്‍ തന്നെ അവസാനിപ്പിച്ചു.

ഇന്നും ബന്ധുക്കള്‍ പരാതി ഉന്നയിക്കുന്നവരില്‍, ജീവനോടെയുണ്ടെന്ന് കരുതപ്പെടുന്ന 54 പേരുടെ മോചന കാര്യമാണ് പാക് സര്‍ക്കാര്‍ ഇപ്പോള്‍ പരിഗണിക്കുന്നത്.

അന്‍സാര്‍ ബേണിയുടെ പുതിയ പ്രഖ്യാപനം ഇന്ത്യയുടെ വിവിധ ഭാഗങ്ങളില്‍ 35 വര്‍ഷമായി ഉറ്റവര്‍ക്കായി കാത്തിരിക്കുന്ന കുടുംബങ്ങള്‍ക്ക് പ്രതീക്ഷ നല്‍കുന്നതാണ്.

യുദ്ധമുഖത്ത് കാണാതായ ഫ്ലൈറ്റ് ലഫ്റ്റനന്റ് വിജയ് വസന്ത് തമ്പായിയുടെ ഭാര്യ ദമയന്തി 36 വര്‍ഷമായി ദല്‍ഹിയിലെ വസതിയില്‍ ഏകയായി ഭര്‍ത്താവിനായി കാത്തിരിക്കുകയാണ്. വിവാഹം കഴിഞ്ഞ് ഒരു വര്‍ഷത്തിനു ശേഷമാണ് ഇവരുടെ ഭര്‍ത്താവിനെ യുദ്ധ മുഖത്ത് കാണാതായത്. അന്ന് ചില പാക് പത്രങ്ങളില്‍ വിജയ് തമ്പായി ജയിലില്‍ കഴിയുന്ന ചിത്രം വന്നിരുന്നു.

അദ്ദേഹം മടങ്ങി വരുമെന്ന പ്രതീക്ഷയില്‍ 36 വര്‍ഷമായി അന്വേഷണം തുടരുകയാണ് ദമയന്തി. ഇക്കാലത്തിനിടെ എല്ലാ വാതിലുകളും മുട്ടിയെങ്കിലും എവിടെ നിന്നും തൃപ്തികരമായ മറുപടി ലഭിച്ചില്ല.

‘അദ്ദേഹത്തിന് വേണ്ടി ഇനി ഈ വാര്‍ധക്യത്തില്‍ എനിക്ക് ചെയ്യാന്‍ കഴിയുന്നത് കാത്തിരിക്കുക മാത്രമാണ്. അത് ഞാന്‍ ചെയ്യുന്നു’ ^ നിറ കണ്ണുകളോടെ ദമയന്തി പറയുന്നു.

ഇവരെ പോലെ നിരവധി കുടുംബങ്ങള്‍ യുദ്ധമുഖത്ത് കാണാതായ ഉറ്റവര്‍ക്കായി കാത്തിരിപ്പു തുടരുന്നുണ്ട്.

പാക് ജയിലിലെ ഇന്ത്യന്‍ യുദ്ധത്തടവുകാര്‍ പലരും വര്‍ഷങ്ങള്‍ നീണ്ട ഏകാന്ത തടവു കാരണം മനോരോഗികളായി മാറിയതായി 2005 ല്‍ മനുഷ്യാവകാശ സംഘടനകള്‍ സ്വതന്ത്ര അന്വേഷണത്തില്‍ കണ്ടെത്തിയിരുന്നു.

2. കപ്പല്‍ തിരോധാനം ഇന്‍ഷുറന്‍സ് തട്ടിപ്പിനെന്ന് സംശയം
ചെന്നൈ: 25 ഇന്ത്യന്‍ നാവികരുമായി കഴിഞ്ഞ ഫെബ്രുവരി 18^ന് കരിങ്കടലില്‍ ‘എം.വി റസ്സേഖ്’ എന്ന ചരക്കുകപ്പല്‍ കാണാതായതിനുപിന്നില്‍ ഇന്‍ഷുറന്‍സ് തട്ടിപ്പെന്ന് സംശയം. കപ്പലിനുവേണ്ടി തെരച്ചില്‍ നടത്തുന്ന തുര്‍ക്കിയിലെ മാരിടൈം റെസ്ക്യൂ ഏജന്‍സിയിലെ തന്നെ അന്വേഷണ ഉദ്യോഗസ്ഥര്‍ ഇത്തരം സംശയം പ്രകടിപ്പിച്ചതായാണ് റിപ്പോര്‍ട്ടുകള്‍ സൂചിപ്പിക്കുന്നത്.

ഫെബ്രുവരി 17^ന് റഷ്യയിലെ നൊര്‍വോസിസ്റ്റില്‍നിന്ന് ഉരുക്ക് കയറ്റി തുര്‍ക്കിയിലെ ബാര്‍ട്ടിന്‍ തുറമുഖത്തേക്ക് തിരിച്ച കപ്പല്‍ 24 മണിക്കൂറിനുശേഷം അപ്രത്യക്ഷമാവുകയായിരുന്നു. ഒരു മലയാളിയും ഒമ്പത് ലക്ഷദ്വീപുകാരും മൂന്ന് തമിഴ്നാട്ടുകാരുമുള്‍പ്പെടെ 25 ഇന്ത്യന്‍ നാവികരാണ് കപ്പലിലുണ്ടായിരുന്നത്.

തുര്‍ക്കി തീരത്തുനിന്ന് 120 നോട്ടിക്കല്‍ മൈല്‍ അകലെ തിരക്കേറിയ കപ്പല്‍പാതയിലാണ് കപ്പല്‍ കാണാതായത്. ഈ ഭാഗത്ത് തുര്‍ക്കിയിലെ മാരിടൈം റെസ്ക്യൂ ഏജന്‍സി അരിച്ചുപെറുക്കിയിട്ടും കപ്പല്‍ മുങ്ങിയതിന്റെ സൂചനയൊന്നും ലഭിക്കാത്തതിനാല്‍ അന്വേഷണം നിര്‍ത്തിവെച്ചിരുന്നു. പിന്നീട് ഇന്ത്യയുടെ സമ്മര്‍ദത്തെ തുടര്‍ന്ന് അന്വേഷണം പുനരാരംഭിച്ചു. 1982^ല്‍ മാത്രം കമീഷന്‍ ചെയ്ത കപ്പലില്‍ അത്യാധുനിക വാര്‍ത്താവിനിമയ സംവിധാനങ്ങളുണ്ടായിട്ടും ഇവ സ്വിച്ച് ഓഫ് ചെയ്തതും തെരച്ചിലില്‍ കപ്പല്‍ കണ്ടെത്താനാവാത്തതുമാണ് സംഭവത്തിനു പിന്നില്‍ ഇന്‍ഷുറന്‍സ് തട്ടിപ്പാവാമെന്ന സംശയമുയര്‍ത്തുന്നത്.

കഴിഞ്ഞ വര്‍ഷം വില്‍പനക്കെത്തിയപ്പോള്‍ രണ്ട് ദശലക്ഷം ഡോളര്‍ മാത്രം വില നിശ്ചയിച്ച കപ്പല്‍ ലണ്ടന്‍ ആസ്ഥാനമായ ബ്രിട്ടീഷ് മറൈന്‍ ഇന്‍ഷുറന്‍സ് കമ്പനിയില്‍ ആറു ദശലക്ഷം ഡോളറിന് ഇന്‍ഷുര്‍ ചെയ്തതായാണ് അറിയുന്നത്. ഇതിനു പുറമെ, കപ്പലിലെ നാവികരെ രണ്ടുലക്ഷം ഡോളര്‍ വീതം തുകക്കും ഇന്‍ഷുര്‍ ചെയ്തിട്ടുണ്ട്. കപ്പല്‍ മുങ്ങിയതായി അന്താരാഷ്ട്ര മാരിടൈം ഏജന്‍സി സ്ഥിരീകരിച്ചാല്‍ ഇന്‍ഷുറന്‍സ് തുക ലഭ്യമാക്കാനുള്ള നടപടികള്‍ തുടങ്ങും.

പനാമയില്‍ രജിസ്റ്റര്‍ ചെയ്ത കപ്പലിന്റെ ഇപ്പോഴത്തെ ഉടമകളാരെന്ന കാര്യത്തില്‍ അവ്യക്തത നിലനില്‍ക്കുന്നുണ്ട്. മുംബൈ ആസ്ഥാനമായ ‘പെലിക്കന്‍ മറൈന്‍’ കമ്പനിയാണ് കപ്പലിലേക്കുള്ള നാവികരെ റിക്രൂട്ട് ചെയ്തത്. കപ്പലിന്റെ ഉടമകളും ഈ കമ്പനിയാണെന്ന് കാണാതായ നാവികരുടെ ബന്ധുക്കള്‍ സംശയം പ്രകടിപ്പിക്കുന്നു. നേരത്തേ ഇതേ കമ്പനി റിക്രൂട്ട് ചെയ്ത പത്ത് ഇന്ത്യക്കാരും മൂന്ന് ഉക്രെയിന്‍ സ്വദേശികളുമുള്‍പ്പെടെ 13 നാവികരുമായി ‘ജൂപ്പിറ്റര്‍^6’ എന്ന ചരക്കുകപ്പല്‍ ആഫ്രിക്കന്‍ തീരത്ത് കാണാതായിരുന്നു. കാണാതായ നാവികരുടെ ബന്ധുക്കള്‍ സുപ്രീംകോടതിയെ സമീപിച്ചിരിക്കയാണ്. ജൂണില്‍ കണാതായ റഷ്യന്‍ ചരക്കുകപ്പല്‍ അഞ്ചു മാസത്തെ തെരച്ചിലിനുശേഷം ബംഗ്ലാദേശിലെ കപ്പല്‍പൊളിശാലയില്‍ കണ്ടെത്തിയിരുന്നു. ഇന്‍ഷുറന്‍സ് തട്ടിപ്പിനായി കപ്പല്‍ മാറ്റുമ്പോള്‍ നാവികര്‍ക്ക് എന്തു സംഭവിക്കുന്നുവെന്നത് അവ്യക്തമാണ്.

3. നാടിന് ഇവര്‍ രക്തസാക്ഷികള്‍; അമ്മമാര്‍ക്ക് തീരാനൊമ്പരങ്ങള്‍
കണ്ണൂര്‍: നളിനിയും ജാനുവും വെറും അമ്മമാരല്ല. സി.പി.എമ്മിനും ബി.ജെ.പി.ക്കും ഉശിരുള്ള രണ്ട് നേതാക്കളെ നൊന്ത് പ്രസവിച്ച് നല്‍കിയവരാണ്. ഒന്ന് എസ്.എഫ്.ഐ. സംസ്ഥാന സാരഥിയായിരിക്കെ കൊല്ലപ്പെട്ട കെ.വി.സുധീഷിന്റെ അമ്മ നളിനി. മറ്റേത് ബി.ജെ.പി. ജില്ലാ സെക്രട്ടറിയായിരിക്കെ കൊല്ലപ്പെട്ട പന്ന്യന്നൂര്‍ ചന്ദ്രന്റെ അമ്മ ജാനു.

മൂന്ന് ദിവസത്തിനകം ഏഴ് പേരെ കൊന്ന പുതിയ സംഭവങ്ങള്‍ക്ക് മുന്നില്‍ അവര്‍ക്ക് വാക്കുകളില്ല. എല്ലാം മൌനത്തിലൊതുങ്ങുന്നു.മകന്‍ കൊല്ലപ്പെട്ട കൂത്തുപറമ്പ് തൊക്കിലങ്ങാടിയിലെ വീട് അടച്ചുപൂട്ടി പെരിയയിലെ ‘സുധീഷ്’ ഭവനത്തില്‍ മാറി താമസിക്കുകയാണ് കെ.വി.സുധീഷിന്റെ പിതാവ് നാണുവും അമ്മ നളിനിയും. അവരിപ്പോള്‍ രണ്ട് പെണ്‍മക്കളുടെ തണലിലാണ്. മൂത്ത മകള്‍ ഗീതയുടെ വീട് തൊട്ടരികിലുണ്ട്. ഇളയവള്‍ പാര്‍ട്ടി പിറന്ന പാറപ്രത്ത് താമസിക്കുന്നു. 1994 ജനുവരി 26 നാണ് കെ.വി.സുധീഷ് കൊല്ലപ്പെട്ടത്. കണ്ണൂരിലെ രാഷ്ട്രീയ കൊലകളുടെ ചരിത്രത്തില്‍ നേതാക്കളുടെ രക്തം ചിന്തുന്നതിന്റെ തുടക്കമായിരുന്നു അത്. നിഷ്കളങ്കതയുടെയും ഉശിരിന്റെയും പ്രതീകമായിരുന്നു സുധീഷ്. എതിരാളികളോടും ആദരവോടെ പെരുമാറുന്ന യുവസാരഥി. എത്രവൈകിയാലും എത്ര ദൂരം പോയാലും അമ്മയുടെയും പിതാവിന്റെയും ശബ്ദം കേള്‍ക്കണം. എങ്കിലേ ഉറക്കം വരൂ. അത്ര സാധുവായിരുന്നു അവന്‍.

പെറ്റമ്മക്കും പിതാവിനും മകനെ മറക്കാനാവില്ല. ജനുവരി 26ന് ഓരോ അനുസ്മരണ ദിനവും വരുമ്പോള്‍ ആ നിഷ്ഠുരമായ രംഗം തികട്ടി വരും. നാട്ടിലാകെ മന്ദിരങ്ങള്‍ക്കും, ബസ് ഷെല്‍ട്ടറുകള്‍ക്കും, ക്ലബുകള്‍ക്കും, കമാനങ്ങള്‍ക്കും സുധീഷിന്റെ നാമമുണ്ട്. യാത്രാ വേളയില്‍ ഇത് പരിസര കാഴ്ചകളാവുമ്പോള്‍ ഇവര്‍ സ്വയം പറയുന്നു, ഓര്‍മകളേ മടങ്ങുക!. ആ നിര്‍ഭാഗ്യ ദിനം കാണാതിരിക്കാന്‍ പുതുവര്‍ഷ കലണ്ടറിലെ ജനുവരി മാസം ഒരിക്കല്‍ പോലും ചുമരില്‍ ഇവര്‍ തൂക്കിയിടാറില്ല. ഓരോ കൊലപാതകവും പത്രങ്ങളില്‍ വായിക്കുമ്പോള്‍ അനാഥമാകുന്ന ഓരോ കുടുംബത്തെയാണ് ഇവര്‍ ഓര്‍ക്കുന്നത്. നഷ്ടപ്പെട്ടത് ആര്‍ക്ക് തിരിച്ചുനല്‍കാനാവും? ‘ഒന്നും ചോദിക്കരുത്. ഒന്നും പറയാനും ഇല്ല. ആരോടും വെറുപ്പുള്ളത് കൊണ്ടല്ല. ഓര്‍മിക്കാന്‍ കെല്‍പില്ലാത്തതുകൊണ്ടാണ്.’ പിതാവ് നാണു വേദന കടിച്ചമര്‍ത്തി പറയുന്നു.

1996 മെയ് 29 ന് കൊല്ലപ്പെട്ട ബി.ജെ.പി.നേതാവ് പന്ന്യന്നൂര്‍ ചന്ദ്രന്റെ പന്ന്യന്നൂര്‍ കനാലിനരികിലെ വീട്ടില്‍ ചന്ദ്രന്റേതല്ലാത്ത ഒരു ബി.ജെ.പി.നേതാവിന്റെയും ചിത്രമില്ല. ഉമ്മറത്ത് നാരായണഗുരുദേവനും സ്വാമിവിവേകാനന്ദനും. അകത്ത് മാതാ അമൃതാനന്ദമയി. പിന്നെ ചന്ദ്രന്റെ ചിത്രങ്ങള്‍.

‘എന്തിനാണ് എന്റെ മോനെ കൊന്നത്?’ അമ്മ കോടോത്ത് ജാനു ചോദിക്കുന്നു. മൂന്ന് ആണ്‍മക്കളുടെ കൂട്ടത്തില്‍ എപ്പോഴും വിളിക്കാന്‍ അരികിലുള്ള ആണ്‍ തരിയായിരുന്നു ചന്ദ്രനെന്ന് അമ്മ. മോന്‍ വളര്‍ന്ന് വലുതായപ്പോള്‍ പോലും നേതാവായി വലിയ ആനുകൂല്യങ്ങളൊന്നും നേടിത്തരണമെന്ന് അമ്മ സ്വപ്നം കണ്ടിട്ടില്ല. ‘ഓന്റെ രാഷ്ട്രീയം ഓന്റെ സ്വന്തം. പാര്‍ട്ടിക്കാര്യത്തില്‍ ഒന്നിനും അവന്‍ നിര്‍ബന്ധിക്കാറില്ല. മോന്‍ നേതാവാകാന്‍ ഞാന്‍ ആഗ്രഹിച്ചിട്ടില്ല. ആയത് എതിര്‍ത്തിട്ടുമില്ല. എന്തായാലും എന്റെ മോന്‍ ഇങ്ങനെ പോകുമെന്ന് ഞാന്‍ കരുതിയതല്ല’^അമ്മ പറയുന്നു.

പന്ന്യന്നൂര്‍ ചന്ദ്രന്റെ ഭാര്യ അരുന്ധതിയും രണ്ട് മക്കളും അവരുടെ തറവാട്ട് വക സ്ഥലത്ത് വീടെടുത്ത് മാറി. പിതാവ് മുകുന്ദന്‍ മകന്‍ കൊല്ലപ്പെട്ടതോടെ മാനസികമായി തളര്‍ന്നു. നാല് വര്‍ഷം മുമ്പ് മരിച്ചു.

‘ഏത് പാര്‍ട്ടിയായാലും സമാധാനമാണ് വേണ്ടത്. കൊല്ലും കൊലയും കൊണ്ട് എന്ത് നേടാന്‍? എന്നെപ്പോലെ എത്ര അമ്മമാര്‍ ഇങ്ങനെ കേഴുന്നുണ്ട്? വയസ്സ് എഴുപതാണ്. രോഗങ്ങളോട് ഞാന്‍ മല്ലടിക്കുന്നു. അരികിലിരുന്ന് ശുശ്രൂഷിക്കേണ്ട മോനെവിടെ?’^മകന്‍ കൊല്ലപ്പെട്ട് 12 വര്‍ഷമായിട്ടും ക്ലാവ് പിടിക്കാത്ത ഓര്‍മകളുണര്‍ത്തി അമ്മ ചോദിക്കുന്നു.

4. എണ്ണവില: ഒപെക് രാജ്യങ്ങളെ സ്വാധീനിക്കാന്‍ ഡിക്ചെനി
ദുബൈ: റെക്കോര്‍ഡ് മറികടന്ന് മുന്നേറുന്ന എണ്ണവില അമേരിക്കന്‍ സമ്പദ് ഘടനയെ വീണ്ടും തളര്‍ത്തിയതോടെ ഉല്‍പാദനം വര്‍ധിപ്പിക്കാന്‍ ഒപെക് രാജ്യങ്ങള്‍ക്കു മേല്‍ അമേരിക്കന്‍ സമ്മര്‍ദം ശക്തം. സൌദി ഉള്‍പ്പെടെ പ്രമുഖ എണ്ണ കയറ്റുമതി രാജ്യങ്ങളുടെ പിന്തുണ തേടാന്‍ യു.എസ് വൈസ് പ്രസിഡന്റ് ഡിക്ചെനി അടുത്ത ആഴ്ച ഗള്‍ഫിലെത്തും.

ആഗോള വിപണിയില്‍ എണ്ണ വില ഇന്നലെ സര്‍വകാല റെക്കോര്‍ഡായ ബാരലിന് 107ല്‍ എത്തിയിരിക്കുകയാണ്. വരും ദിവസങ്ങളില്‍ വില ഇനിയും ഉയര്‍ന്നേക്കുമെന്നും ആശങ്കയുണ്ട്. എണ്ണ ഉപഭോഗത്തില്‍ ഏറെ മുന്നിലുള്ള രാജ്യമെന്ന നിലക്ക് അമേരിക്കയെയാണ് പുതിയ സാഹചര്യം ഏറ്റവും വേട്ടയാടുന്നതും. പൊതുവെ തളര്‍ച്ച പ്രകടമായ യു.എസ് സമ്പദ് ഘടന കൂടുതല്‍ അസ്ഥിരമായേക്കുമെന്ന് ബുഷിനറിയാം. യൂറോ ഉള്‍പ്പെടെ ബദല്‍ കറന്‍സികള്‍ക്ക് ലഭിക്കുന്ന വന്‍ സ്വീകാര്യതയും ഡോളറിനെ കൈവിടാനുള്ള ലോക രാഷ്ട്രങ്ങളുടെ നീക്കവും യാങ്കിയുടെ കണക്കുകൂട്ടലുകള്‍ തെറ്റിക്കുകയായിരുന്നു.

ഈ മാസം ആറിന് വിയന്നയില്‍ ചേര്‍ന്ന ഒപെക് രാജ്യങ്ങളുടെ ഉച്ചകോടിയാണ് ഉല്‍പാദനം വര്‍ധിപ്പിക്കേണ്ടതില്ലെന്ന തീരുമാനം കൈക്കൊണ്ടത്. എണ്ണ ഉല്‍പാദനം വര്‍ധിപ്പിക്കാന്‍ ഒപെക് ഇടപെടണമെന്ന് ബുഷ് പ്രത്യേകം നിര്‍ദേശിച്ചിരുന്നുവെങ്കിലും ഒപെക് നേതൃത്വം അത് തള്ളുകയായിരുന്നു. വിപണിയില്‍ എണ്ണ ലഭ്യതക്ക് കുറവില്ലെന്നും വിലക്കയറ്റത്തിനു കാരണം രാഷ്ട്രീയ ഘടകങ്ങളാണെന്നുമായിരുന്നു ഒപെക് നേതൃത്വം വിശദീകരിച്ചത്.

സൌദി, ഒമാന്‍ എന്നിവിടങ്ങളാണ് ഡിക്ചെനി സന്ദര്‍ശിക്കുന്ന ഗള്‍ഫ് രാജ്യങ്ങള്‍. ഞായറാഴ്ച ആരംഭിക്കുന്ന പര്യടനത്തില്‍ ഇസ്രായേലും ഫലസ്തീന്‍ പ്രദേശങ്ങളും ഉള്‍പ്പെടുന്നുണ്ട്. രാഷ്ട്രീയ പ്രശ്നങ്ങളേക്കാള്‍ സ്വന്തം നിലനില്‍പുമായി ബന്ധപ്പെട്ട സാമ്പത്തിക സമസ്യക്ക് തന്നെയാണ് ഡിക്ചെനി പ്രാമുഖ്യം നല്‍കുക.

5. ജഡ്ജിമാരെ തിരിച്ചെടുക്കുന്നത് മുശര്‍റഫിന്റെ ഉറക്കംകെടുത്തുന്നു
ഇസ്ലാമാബാദ്: പുറത്താക്കിയ സുപ്രീംകോടതി ജഡ്ജിമാരെ പുനഃസ്ഥാപിക്കുമെന്ന പാക്കിസ്ഥാന്‍ പീപ്പിള്‍സ് പാര്‍ട്ടി (പി.പി.പി) നേതാവ് ആസിഫ് അലി സര്‍ദാരിയുടെയും പാക്കിസ്ഥാന്‍ മുസ്ലിംലീഗ് (പി.എം.എല്‍.എന്‍) നേതാവ് നവാസ് ശരീഫിന്റെയും സംയുക്ത പ്രസ്താവന പ്രസിഡന്റ് മുശര്‍റഫിനെ അസ്വസ്ഥനാക്കുന്നു.

പുറത്താക്കപ്പെട്ട മുന്‍ ചീഫ്ജസ്റ്റിസ് ഇഫ്തിഖാര്‍ ചൌധരിയും സഹ ജഡ്ജിമാരും വീണ്ടും അതേ സ്ഥാനത്ത് തിരിച്ചെത്തുന്നത് തന്റെ അധികാരത്തിന് വെല്ലുവിളി ഉയര്‍ത്തുമെന്നാണ് മുശര്‍റഫിന്റെ ആശങ്ക. ജഡ്ജിമാരെ പുനഃസ്ഥാപിക്കുകയാണെങ്കില്‍ എന്തു നടപടി സ്വീകരിക്കണമെന്ന് ആലോചിക്കാന്‍ മുശര്‍റഫ് തന്റെ വിശ്വസ്തരുടെ യോഗം വിളിച്ചുകൂട്ടി.

ദേശീയ സുരക്ഷാ കൌണ്‍സില്‍ സെക്രട്ടറി താരിഖ് അസീസ്, അറ്റോണി ജനറല്‍ മാലിഖ് ഖയ്യൂം, ഭരണഘടനാ വിദഗ്ധന്‍ ശരീഫുദ്ദീന്‍ പിര്‍സാദ എന്നിവര്‍ റാവല്‍പിണ്ടിയിലെ ക്യാമ്പ് ഓഫീസില്‍ നടന്ന രഹസ്യ കൂടിക്കാഴ്ചയില്‍ പങ്കെടുത്തതായി ഡോണ്‍ പത്രം റിപ്പോര്‍ട്ടുചെയ്യുന്നു.

ജഡ്ജിമാരെ പുറത്താക്കിയ ഉത്തരവിന് ഭരണഘടനാ പിന്‍ബലമുണ്ടെന്നും പാര്‍ലമെന്റിന്റെ മൂന്നില്‍ രണ്ട് ഭൂരിപക്ഷമില്ലാതെ ഇത് മറികടക്കാനാവില്ലെന്നും സഹായികള്‍ മുശര്‍റഫിനെ അറിയിച്ചതായാണ് വിവരം. പി.പി.പി^പി.എം.എല്‍.എന്‍ കൂട്ടുകെട്ടിന് മൂന്നില്‍ രണ്ട് ഭൂരിപക്ഷം ലഭിക്കണമെങ്കില്‍ അഞ്ച് സീറ്റുകള്‍ കൂടെ ലഭിക്കണം.

ജഡ്ജിമാരെ പുറത്താക്കിയ അടിയന്തരാവസ്ഥ കാലത്തെ താല്‍ക്കാലിക ഭരണഘടനാ ഉത്തരവിന് ഭരണഘടനാ സംരക്ഷണമുണ്ടെന്നും വെറുമൊരു പ്രമേയത്തിലൂടെ അവരെ തിരിച്ചെടുക്കാനാവില്ലെന്നും മാലിക് ഖയ്യൂം ‘ദ ന്യൂസ്’ പത്രത്തോട് പറഞ്ഞു.

മുശര്‍റഫ് സൈനിക വേഷത്തില്‍ പ്രസിഡന്റായത് അദ്ദേഹം നിയോഗിച്ച ജഡ്ജിമാര്‍ അംഗീകരിച്ചിട്ടുണ്ടെങ്കിലും വേണമെങ്കില്‍ കേസ് പുനര്‍വിചാരണക്ക് എടുക്കാമെന്നാണ് നിയമവിദഗ്ധരുടെ അഭിപ്രായം. അങ്ങനെ സംഭവിക്കുന്നത് തടയാനാണ് മുശര്‍റഫ് കിണഞ്ഞു ശ്രമിക്കുന്നത്.

ഇഫ്തിഖാര്‍ ചൌധരിയേയും മറ്റു സുപ്രീംകോടതി ജഡ്ജിമാരെയും തിരിച്ചെടുക്കണമെന്ന ആവശ്യമാണ് ശരീഫ് മുഖ്യമായും പി.പി.പി നേതൃത്വത്തിന് മുമ്പാകെ വെച്ചത്. പി.പി.പി ആവശ്യം അംഗീകരിച്ചതോടെയാണ് കൂട്ടുകക്ഷി ഗവണ്‍മെന്റിന് ധാരണയായത്.

1. കടം എഴുതി തള്ളല്‍: ബാങ്കുകള്‍ക്ക് ആദ്യ നിര്‍ദേശം എത്തി
കല്‍പറ്റ: കേന്ദ്ര സര്‍ക്കാരിന്റെ കാര്‍ഷിക വായ്പ എഴുതിത്തള്ളല്‍ പ്രഖ്യാപനത്തിന്റെ ആദ്യ നടപടികള്‍ ആരംഭിച്ചു. കടാശ്വാസത്തിന് അര്‍ഹരായവരുടെ കണക്കെടുത്ത് 14ന് മുന്‍പ് നല്‍കാനാവശ്യപ്പെട്ട് ബാങ്കുകള്‍ക്കും സഹകരണ വകുപ്പിനും നിര്‍ദേശം ലഭിച്ചു. ഇതു സംബന്ധിച്ച് നബാര്‍ഡ് ചീഫ് ജനറല്‍ മാനേജരുടെ നിര്‍ദേശം ജില്ലാ ബാങ്കുകളിലും ജില്ലാ ജോയിന്റ് റജിസ്ട്രാര്‍ ഓഫിസുകളിലും ഇന്നലെയെത്തി. സംസ്ഥാന സഹകരണ ബാങ്കിനും സംസ്ഥാന കാര്‍ഷിക ഗ്രാമ വികസന ബാങ്കുകള്‍ക്കും നിര്‍ദേശം ലഭിച്ചിട്ടുണ്ട്.

ദേശസാല്‍കൃത ബാങ്കുകളും ഹെഡ് ഓഫിസുകളുടെ നിര്‍ദേശ പ്രകാരം കണക്കുകള്‍ എടുത്തു തുടങ്ങി. ജില്ലാ ജോയിന്റ് റജിസ്ട്രാര്‍ ഓഫിസുകളില്‍ കണക്കെടുത്ത് എത്തിക്കാനാണ് നിര്‍ദേശം. രണ്ട് ഹെക്ടര്‍ വരെ ഭൂമിയുള്ളവരുടെ കാര്‍ഷിക കടങ്ങള്‍ എഴുതിത്തള്ളുമെന്നാണ്  കേന്ദ്രബജറ്റില്‍ പ്രഖ്യാപിച്ചത്. കാര്‍ഷിക വിള വായ്പ, കാര്‍ഷിക അനുബന്ധ വായ്പ, ഹ്രസ്വകാല വായ്പ, ദീര്‍ഘകാല വായ്പകള്‍ എന്നിവയ്ക്ക് ആനുകൂല്യം ലഭിക്കും.

എന്നാല്‍,  വായ്പ പുതുക്കിയ കര്‍ഷകരുടെ കാര്യം ഉത്തരവില്‍ പറയുന്നില്ല. ജില്ലാ ബാങ്കുകള്‍ക്ക് ലഭിച്ച നിര്‍ദേശത്തില്‍ വായ്പയെടുത്തവരെ രണ്ടു വിഭാഗമായി തിരിച്ചാണ് കണക്കെടുക്കേണ്ടത്. ഒരു ഹെക്ടര്‍ വരെ ഭൂമിയുള്ളവരുടെയും രണ്ട് ഹെക്ടര്‍ വരെ ഭൂമിയുള്ളവരുടെയും വായ്പകളുടെ കണക്കാണ് എടുക്കേണ്ടത്.  2007 ഡിസംബര്‍ 31 വരെ ഇത്തരം വായ്പക്കാരുടെ മുതല്‍, പലിശ എന്നിവയടക്കം 2008 ഫെബ്രുവരി 29 വരെ തിരിച്ചടയ്ക്കാതെ ആകെ എത്രയെന്നാണ് കണക്കെടുക്കേണ്ടത്. ജൂണ്‍ 30നുള്ളില്‍ വായ്പ എഴുതി തള്ളല്‍ നടപടികള്‍ പൂര്‍ത്തിയാക്കാനാണ് കേന്ദ്ര സര്‍ക്കാര്‍ ഉദ്ദേശിക്കുന്നത്.

2. വഴിവിട്ട നടപടികളിലൂടെ അട്ടിമറിക്കപ്പെടുന്നത് ജുഡീഷ്യറിയുടെ സ്വതന്ത്രസ്വഭാവം: സുപ്രീം കോടതി
ന്യൂഡല്‍ഹി: പ്രശ്നപരിഹാരത്തിനുള്ള ഉത്തരവാദിത്തം തങ്ങള്‍ക്കാണെന്നു കരുതി കോടതികള്‍ ആവേശപൂര്‍വം വഴിവിട്ട നടപടികളെടുക്കുമ്പോള്‍ ജുഡീഷ്യറിയുടെ സ്വതന്ത്രസ്വഭാവം അട്ടിമറിക്കപ്പെടുന്നുവെന്നു സുപ്രീം കോടതി.

ജുഡീഷ്യറിയുടെ അന്തസ്സ് അമൂല്യനിധിയാണെന്നു മുരിങ്ങൂര്‍ ധ്യാനകേന്ദ്രവുമായി ബന്ധപ്പെട്ട കേസില്‍ ജഡ്ജിമാരായ എസ്.എച്ച്. കപാഡിയ, ബി. സുദര്‍ശന്‍ റെഡ്ഡി എന്നിവരുടെ ബെഞ്ച് വ്യക്തമാക്കി. അന്വേഷണത്തിലിരിക്കുന്ന കേസില്‍ ഇടയ്ക്ക് അന്വേഷണ ഉദ്യോഗസ്ഥനെ മാറ്റാനും മറ്റേതെങ്കിലും ഏജന്‍സിയെക്കൊണ്ട് അന്വേഷിപ്പിക്കാനും കോടതിക്ക് അധികാരമില്ല.

പൊലീസിന്റെ അധികാരപരിധിയില്‍ കടന്നുകയറി അന്വേഷണത്തിന് ഉത്തരവിട്ടു കോടതിയെ പൊലീസ് സ്റ്റേഷനാക്കരുത്. വ്യക്തിപരമായ നേട്ടത്തിനോ സ്വകാര്യലാഭത്തിനോ രാഷ്ട്രീയലക്ഷ്യങ്ങള്‍ക്കോ വേണ്ടി നല്‍കുന്ന പൊതുതാല്‍പര്യ ഹര്‍ജികള്‍ അനുവദിക്കാന്‍ പാടില്ല.

പരാതിക്കാരനുണ്ടെങ്കില്‍ മാത്രമേ പൊതുതാല്‍പര്യ ഹര്‍ജികള്‍ പരിഗണിക്കാന്‍ പാടുള്ളൂ. ഊമക്കത്തിനെ പൊതുതാല്‍പര്യ ഹര്‍ജിയായി ഇതുവരെ പരിഗണിച്ചിട്ടില്ല. തങ്ങള്‍ക്കെതിരെ ഊമക്കത്തിന്റെ അടിസ്ഥാനത്തില്‍ പ്രത്യേക സംഘത്തെക്കൊണ്ട് അന്വേഷിപ്പിക്കാന്‍ ഉത്തരവിട്ടതു ചോദ്യംചെയ്ത് മുരിങ്ങൂര്‍ ധ്യാനകേന്ദ്രം നല്‍കിയ ഹര്‍ജി അനുവദിച്ചുള്ള ഉത്തരവില്‍ കോടതികളുടെ അധികാരപരിധിയെക്കുറിച്ചു ശക്തമായ ഒാര്‍മപ്പെടുത്തലാണു സുപ്രീം കോടതി നല്‍കിയത്.

ധ്യാനകേന്ദ്രത്തിനു വേണ്ടി അഭിഭാഷകരായ അനില്‍ ദിവാനും റോമി ചാക്കോയും ഉന്നയിച്ച എല്ലാ വാദങ്ങളും കോടതി അംഗീകരിച്ചു. ഭരണഘടനയുടെ 226-ാം വകുപ്പനുസരിച്ചുള്ള റിട്ട് അധികാരം പോലും കോടതി അത്യപൂര്‍വ സാഹചര്യങ്ങളില്‍ മാത്രം പ്രയോഗിക്കേണ്ടതാണ്. അന്വേഷണ ഉദ്യോഗസ്ഥന്‍ തെറ്റുചെയ്തു എന്നു വ്യക്തമാണെങ്കില്‍ മാത്രം ഈ അധികാരം പ്രയോഗിക്കുമ്പോഴും എങ്ങനെ അന്വേഷിക്കണമെന്നു നിര്‍ദേശിക്കാന്‍ പാടില്ല.

ചട്ടം പാലിക്കണമെന്നു പറയാന്‍ മാത്രമേ അധികാരമുള്ളൂ. നീതി നടപ്പാകുന്നതിനു വേണ്ടിയല്ലാത്ത ലക്ഷ്യങ്ങളില്‍ നല്‍കപ്പെടുന്ന ഹര്‍ജികള്‍, അവ ഏതു രൂപത്തില്‍ നല്‍കിയാലും, തള്ളണം. ആരോപണവിധേയനു നോട്ടിസ് അയയ്ക്കുന്നതിനു മുന്‍പുതന്നെ ആരോപണത്തെ സംബന്ധിച്ച് ഉചിതമായ അന്വേഷണം നടത്തിയിരിക്കണം. പൊതുതാല്‍പര്യ ഹര്‍ജിക്കാരന്‍ ആരെന്നു സ്വയം വെളിപ്പെടുത്തിയിരിക്കണം. നെറികെട്ട പരാതിക്കാര്‍ പൊതുതാല്‍പര്യ ഹര്‍ജിക്കാരെന്ന പേരില്‍ വരുന്നതിനെതിരെ സ്വയം സംരക്ഷിക്കുക കോടതികളുടെ ഭാരിച്ച ഉത്തരവാദിത്തമാണെന്നും വിധിയില്‍ പറഞ്ഞു.

3. എച്ച്എംടി, മെര്‍ക്കിസ്റ്റണ്‍ ഇടപാട് അന്വേഷിക്കാന്‍ ലോകായുക്ത  ഉത്തരവ്
തിരുവനന്തപുരം:  എച്ച്എംടി, മെര്‍ക്കിസ്റ്റണ്‍ ഭൂമി ഇടപാടുകള്‍ അന്വേഷിക്കാന്‍ ലോകായുക്ത ഉത്തരവിട്ടു. മുഖ്യമന്ത്രിയും മറ്റു മന്ത്രിമാരും ഉള്‍പ്പെടെ ഒന്‍പതു പേര്‍ക്കെതിരെ നല്‍കിയ ഹര്‍ജിയിലാണ് ഉത്തരവ്. മുഖ്യമന്ത്രി വി.എസ്. അച്യുതാനന്ദന്‍, മന്ത്രിമാരായ എളമരം കരീം, കെ.പി. രാജേന്ദ്രന്‍, ബിനോയ് വിശ്വം, കോടിയേരി ബാലകൃഷ്ണന്‍, ചീഫ് സെക്രട്ടറി പി.ജെ. തോമസ്, മുന്‍ ചീഫ് സെക്രട്ടറി ലിസി ജേക്കബ്, വ്യവസായ സെക്രട്ടറി ടി. ബാലകൃഷ്ണന്‍,  എറണാകുളം കലക്ടര്‍ എന്നിവര്‍ക്കെതിരെയാണ് അന്വേഷണം.

കെ.കെ. മോഹന്‍ദാസ് നല്‍കിയ ഹര്‍ജിയിലാണു ജസ്റ്റിസ് കെ. ശ്രീധരന്‍, ജസ്റ്റിസ് എന്‍. കൃഷ്ണന്‍ നായര്‍ എന്നിവരടങ്ങിയ ഡിവിഷന്‍ ബെഞ്ചിന്റെ  ഉത്തരവ്. ലോകായുക്ത എസ്പിയോട് അന്വേഷിച്ചു റിപ്പോര്‍ട്ട് നല്‍കാനാണ് ഉത്തരവ്. ഇരു  കേസുകളിലും ഡയറക്ടര്‍ ജനറല്‍ ഒാഫ് പ്രോസിക്യൂഷന്‍സ് പി.ജി. തമ്പിയുടെ വാദവും ലോകായുക്ത കേട്ടു. ഭൂമി ഇടപാടുകളില്‍ മുഖ്യമന്ത്രിക്കും മറ്റുള്ളവര്‍ക്കും പങ്കുണ്ടെന്ന് ആരോപിച്ചായിരുന്നു ഹര്‍ജി. കേസ് മേയ് 19നും 20നും പരിഗണിക്കും.

4. മലിനീകരണം: കൂടുതല്‍ സ്ഥാപനങ്ങള്‍ക്ക് എതിരെ നോട്ടീസ്
തിരുവനന്തപുരം: മലിനീകരണ നിയന്ത്രണ ചട്ടങ്ങള്‍ പാലിക്കാതിരിക്കുന്നതിന് എറണാകുളം, കാസര്‍കോട് ജില്ലകളിലെ ഹോട്ടലുകള്‍ക്കും ആശുപത്രികള്‍ക്കുംമേല്‍ നിയമ നടപടികള്‍ കൈക്കൊള്ളുന്നതിനു സംസ്ഥാന മലിനീകരണ നിയന്ത്രണ ബോര്‍ഡ് ചെയര്‍മാന്‍ നിര്‍ദേശം നല്‍കി.

5. റയില്‍വേ ബജറ്റിന് ലോക്സഭയുടെ പച്ചക്കൊടി
ന്യൂഡല്‍ഹി: വഴക്കംവന്ന അഭ്യാസിയെപ്പോലെ ലാലു പ്രസാദ് യാദവ് ഒരു കൈയില്‍ ഇന്ത്യന്‍ റയില്‍വേയെയും മറുകൈയില്‍ ലോക്സഭാംഗങ്ങളെയും എടുത്തുയര്‍ത്തിയപ്പോള്‍ റയില്‍ ബജറ്റ് ഏകകണ്ഠമായി പാസായി. ചോദിച്ചവര്‍ക്കെല്ലാം ലാലു പാതകളും സര്‍വേകളും ഉദാരമായി നല്‍കി. താന്‍ പടിയിറങ്ങുമ്പോഴേയ്ക്കും റയില്‍വേ ഒരുലക്ഷം കോടി രൂപ നീക്കിയിരിപ്പുള്ള മഹാപ്രസ്ഥാനമായി മാറുമെന്ന ആത്മവിശ്വാസം നിറഞ്ഞുനിന്ന മറുപടി പ്രസംഗത്തില്‍ കേരളത്തിനു പുതിയ പദ്ധതികളൊന്നുമില്ലെന്ന കോട്ടം മാത്രം.

ആരെയും അവഗണിക്കില്ലെന്നു സമാശ്വസിപ്പിച്ചു കൊണ്ടാണു ലാലു പ്രസംഗം തുടങ്ങിയത്. ആര്‍എസ്എസ് മുഖപത്രമായ ഓര്‍ഗനൈസറില്‍ റയില്‍വേ ബജറ്റിനെക്കുറിച്ചു വന്ന നല്ല വാക്കുകള്‍ക്കു നന്ദി പറഞ്ഞ അദ്ദേഹം ആദ്യംതന്നെ പ്രതിപക്ഷത്തെ കയ്യിലെടുത്തു.

താന്‍ മാന്ത്രികനല്ല, എന്‍ഡിഎയുടെ കാലത്തു നഷ്ടത്തിലേക്കു കൂപ്പുകുത്തിയ റയില്‍വേയെ കരകയറ്റിയ അത്യധ്വാനിയാണെന്നു സ്ഥാപിക്കാനാണു  പ്രസംഗത്തിന്റെ ഏറിയ പങ്കും വിനിയോഗിച്ചത്. പ്രതിപക്ഷ നേതാവ് എല്‍.കെ. അഡ്വാനി, മുന്‍ പ്രധാനമന്ത്രി ദേവെ ഗൌഡ തുടങ്ങിയവരെ പേരെടുത്തു പറഞ്ഞാണു ചില ട്രെയിനുകളുടെ ദീര്‍ഘിപ്പിക്കല്‍, മാതൃകാ സ്റ്റേഷനുകള്‍, ചെറുകിട വികസന പദ്ധതികള്‍ എന്നിവയെക്കുറിച്ചു പ്രഖ്യാപനങ്ങള്‍ നടത്തിയത്. ബജറ്റ് പ്രസംഗത്തില്‍ കാര്യമായ പരിഗണന കിട്ടാതിരുന്ന ബംഗാളിന് മറുപടി പ്രസംഗത്തില്‍ പുതിയ ട്രെയിനുകളും പദ്ധതികളും ലഭിച്ചു. സ്റ്റോപ്പ് അനുവദിക്കുന്നതടക്കമുള്ള ലഘു വിഷയങ്ങളില്‍ അംഗങ്ങളുമായി  ചര്‍ച്ച നടത്തി ഉടന്‍ തീരുമാനമുണ്ടാക്കുമെന്നും ലാലു ഉറപ്പു നല്‍കി.

6. കയറ്റുമതി മേഖലയ്ക്കു താങ്ങാവാന്‍ പുതിയ വ്യാപാര നയം ഒരുങ്ങുന്നു
ന്യൂഡല്‍ഹി: കേന്ദ്ര ബജറ്റില്‍ അവഗണിക്കപ്പെട്ട കയറ്റുമതി മേഖല യ്ക്കു വിദേശ വ്യാപാര നയത്തിന്റെ വാര്‍ഷിക അവലോകനം ആശ്വാസം പകര്‍ന്നേക്കും. അടുത്ത മാസം പുറത്തിറങ്ങുന്ന പുതിയ വ്യാപാരനയത്തില്‍ കയറ്റുമതി മേഖല നേരിടുന്ന വിവിധ പ്രശ്നങ്ങള്‍ ക്കുള്ള പരിഹാര നിര്‍ദേശങ്ങള്‍ ഉള്‍പ്പെടുത്തുമെന്നാണു സൂചന.

കയറ്റുമതി രംഗത്തു പ്രവര്‍ത്തിക്കുന്നവയില്‍ തന്നെ ധാരാളം തൊഴില വസരങ്ങള്‍ സൃഷ്ടിക്കുന്ന മേഖലകള്‍ക്കു പ്രത്യേക പരിഗണന ലഭിക്കുമെന്നും ഫെഡറേഷന്‍ ഓഫ് ഇന്ത്യന്‍ ചേംബര്‍ ഓഫ് കൊമേഴ്സ് ആന്‍ഡ് ഇന്‍ഡസ്ട്രി(ഫിക്കി) സംഘടിപ്പിച്ച ചടങ്ങിനെ ത്തിയ കേന്ദ്ര വാണിജ്യ വ്യവസായ മന്ത്രി കമല്‍നാഥ് വെളിപ്പെടുത്തി.

രൂപയുമായുള്ള വിനിമയത്തില്‍ ഡോളറിനു നേരിട്ട വിലയിടിവു മൂലം പ്രതിസന്ധിയിലായ കയറ്റുമതി മേഖലയുടെ രക്ഷയ്ക്കു വ്യാപാര നയത്തില്‍ പ്രത്യേക ഊന്നല്‍ നല്‍കുമെന്നും മന്ത്രി വ്യക്തമാക്കി. ലോക വ്യാപാര സംഘടന(ഡബ്ള്യുടിഒ)യുടെ മാനദണ്ഡങ്ങള്‍ പാലിക്കു ന്നതിനൊപ്പം ചില മേഖലകള്‍ക്കു പ്രത്യേക പരിഗണന നല്‍കാനും നയത്തില്‍ നടപടിയുണ്ടാവും; മടക്കിക്കിട്ടാത്ത വിവിധ ലെവികള്‍ മൂലമുള്ള നഷ്ടം പരിഹരിക്കാനും നിര്‍ദേശമുണ്ടാവുമെന്നു കമല്‍നാഥ് സൂചിപ്പിച്ചു.

രൂപയുടെ മൂല്യവര്‍ധന മൂലം നിലവില്‍ പ്രതിസന്ധിയിലാണെങ്കിലും വളര്‍ച്ചാ സാധ്യതയുള്ള വിഭാഗങ്ങളെ പിന്തുണയ്ക്കാന്‍ പ്രത്യേക പദ്ധതി നടപ്പാക്കാനും മന്ത്രാലയം ആലോചിക്കുന്നുണ്ടെന്നു കമല്‍നാഥ് വെളി പ്പെടുത്തി. കയറ്റുമതി മേഖലയില്‍ പ്രവര്‍ത്തിക്കുന്നവര്‍ക്ക് എന്തൊക്കെ ആശ്വാസ നടപടി അനുവദിക്കാനാവുമെന്നു വിശദമായി പരിശോധിച്ചു വരികയാണ്; ധാരാളം തൊഴിലവസരം സൃഷ്ടിക്കുന്നവയ് ക്കും മുന്‍ഗണന മേഖലകള്‍ക്കും പ്രത്യേക പരിഗണന ലഭിക്കുമെന്നും വാണിജ്യ മന്ത്രി സൂചിപ്പിച്ചു.

യുഎസിലെ മാന്ദ്യസാധ്യതയും രൂപയുടെ മൂല്യവര്‍ധനയും പരിഗണി ക്കുമ്പോള്‍ കയറ്റുമതിയി ല്‍ നിന്നു 2007-08ല്‍ ലക്ഷ്യമിട്ടിരിക്കുന്ന 16,000 കോടി ഡോളര്‍ വരുമാനം നേടുക പ്രയാസമാവുമെന്നു കമല്‍ നാഥ് അഭിപ്രായപ്പെട്ടു. എന്നാല്‍ ആ ലക്ഷ്യത്തിനടുത്തെത്തുമെന്ന് അദ്ദേഹം പ്രതീക്ഷ പ്രകടിപ്പിച്ചു. മുന്‍വര്‍ഷത്തെ അപേക്ഷിച്ച് 20% വളര്‍ച്ചയോടെ രാജ്യത്തിന്റെ കയറ്റുമതി വരുമാനം 15,200-15,500 കോടി ഡോളറിലെത്താനാണു സാധ്യതയെന്നും അദ്ദേഹം വെളിപ്പെടുത്തി. കേന്ദ്ര ബജറ്റില്‍ അവഗണിക്കപ്പെട്ടതില്‍ കയറ്റുമതി മേഖലയില്‍ പ്രവര്‍ത്തിക്കുന്നവരുടെ സംഘടനയ്ക്കുള്ള നിരാശയില്‍ കമല്‍നാഥും പങ്കു ചേര്‍ന്നു.

കയറ്റുമതിയിലെ നഷ്ടം ഒഴിവാക്കാന്‍ ഹെഡ്ജിങ് പോലുള്ള മാര്‍ഗങ്ങള്‍ സ്വീകരിക്കുന്നത് ദീര്‍ഘകാലാടിസ്ഥാനത്തില്‍ ഗുണപരമാവി ല്ലെന്നു കമല്‍നാഥ് അഭിപ്രായപ്പെട്ടു; അതുകൊണ്ടുതന്നെ ഈ മാര്‍ഗം തിരഞ്ഞെടുക്കുന്നതിനോടു സര്‍ക്കാരിനു യോജിപ്പില്ല.

കഴിഞ്ഞ വര്‍ഷം ഏപ്രിലിനും ജനുവരിക്കുമിടയ്ക്കു ഡോളറുമായുള്ള വിനിമയത്തില്‍ രൂപയുടെ മൂല്യത്തില്‍ 9.78% വര്‍ധന രേഖപ്പെടുത്തിയ താണു കയറ്റുമതി മേഖലയുടെ ലാഭം ഇല്ലാതാക്കിയത്. പോരെങ്കില്‍ ഡോളര്‍ വിലയിടിവിന്റെ ഫലമായി ആഗോള വിപണികളില്‍ ഇന്ത്യന്‍ ഉല്‍പ്പന്നങ്ങളുടെ മത്സരക്ഷമതയും ഇടിഞ്ഞു.

പ്രത്യേക സാമ്പത്തിക മേഖല(സെസ്)കള്‍ വളര്‍ച്ചയുടെ എന്‍ജിനായി പ്രവര്‍ത്തിക്കുമെന്നു ബജറ്റിനു മുന്നോടിയായി പുറത്തിറക്കിയ സാമ്പത്തിക സര്‍വേയിലെ വിലയിരുത്തല്‍ ശുഭകരമാണെന്നു കമല്‍ നാഥ് വിലയിരുത്തി. സെസുകള്‍ വരുന്നതോടെ വരുമാന നഷ്ടം നേരിടുമെന്ന ധനമന്ത്രാലയത്തിന്റെ ആശങ്ക നീങ്ങിയതിനു തെളിവാണിതെന്നും അദ്ദേഹം അഭിപ്രായപ്പെട്ടു.

7. ‘തോട്ടം മേഖലയില്‍ ഉല്‍പാദനക്ഷമത ഉയര്‍ത്താന്‍ ഊര്‍ജിതപുനഃകൃഷി’
ന്യൂഡല്‍ഹി: തേയില, റബര്‍, കാപ്പി മേഖലയിലെ ഉല്‍പാദനക്ഷമത വര്‍ധിപ്പിക്കാന്‍ ലക്ഷ്യമിട്ടു 11-ാം പദ്ധതിയില്‍ ഊര്‍ജിത പുനഃകൃഷി പദ്ധതികള്‍ നടപ്പാക്കുമെന്നു കേന്ദ്ര വാണിജ്യ സഹമന്ത്രി ജയ് റാം രമേശ് ലോക്സഭയില്‍ അറിയിച്ചു. ഉല്‍പാദന ക്ഷമത കുറഞ്ഞതും പ്രായം ചെന്നതുമായ ചെടികള്‍ മാറ്റി പകരം പുതിയവ വച്ചുപിടിപ്പി ക്കാനാണു ലക്ഷ്യമിടുന്നത്.

തേയില കൃഷി നവീകരണത്തിനും പുനഃകൃഷിക്കുമുള്ള പ്രത്യേകോ ദ്ദേശ്യ നിധിക്കു സമാനമായ സാമ്പത്തിക സഹായ പദ്ധതി മറ്റു മേഖല കളിലേക്കും വ്യാപിപ്പിക്കുമെന്നു കേന്ദ്ര ധനമന്ത്രി പി. ചിദംബരം ബജറ്റില്‍ പ്രഖ്യാപിച്ചിരുന്നു. തേയില, റബര്‍ തുടങ്ങിയ വിളകള്‍ക്ക് ഇന്‍ഷുറന്‍സ് പദ്ധതി അടുത്ത സാമ്പത്തിക വര്‍ഷം നടപ്പാക്കുമെന്നും അദ്ദേഹം വ്യക്തമാക്കിയിരുന്നു.

പതിനൊന്നാം പദ്ധതിക്കാലത്ത് 85,000 ഹെക്ടര്‍ സ്ഥലത്തു തേയില യും 40,000 ഹെക്ടറില്‍ കാപ്പിയും 33,500 ഹെക്ടറില്‍ റബറും പുനഃ കൃഷി നടത്തുമെന്നു ജയ്റാം രമേശ്  അറിയിച്ചു. തേയില കൃഷി വികസ നത്തിനു കഴിഞ്ഞ വര്‍ഷം ജനുവരിയില്‍ രൂപം നല്‍കിയ പ്രത്യേകോ ദ്ദേശ്യ തേയില നിധി പദ്ധതിയില്‍ അടുത്ത 15 വര്‍ഷത്തിനകം 2.13 ലക്ഷം ഹെക്ടര്‍ സ്ഥലത്താണു പുനഃകൃഷി നടത്താന്‍ ലക്ഷ്യമിടുന്നത്.

കാപ്പിയുടെ പുനഃകൃഷിക്കു 80,000 ഹെക്ടര്‍ സ്ഥലം കോഫി ബോര്‍ഡി നു കണ്ടെത്താനായിട്ടുണ്ട്. പുനഃകൃഷി നടത്താന്‍ കര്‍ഷകര്‍ക്കു സബ്സിഡികള്‍ ലഭ്യമാക്കുമെന്നും മന്ത്രി അറിയിച്ചു. പദ്ധതിയില്‍ നിന്നു സഹായം തേടി കേരളത്തിലെ 18 തോട്ടം ഉടമകളുടെ അപേക്ഷ ലഭിച്ചതായും മന്ത്രി മറുപടി നല്‍കി.

തൊഴിലാളികള്‍ കുറവും കൂലി കൂടുതലുമായതു കൊണ്ടു ദക്ഷിണേ ന്ത്യയില്‍ പൊതുവെയും കേരളത്തില്‍ പ്രത്യേകിച്ചും പദ്ധതിക്കു തുടക്കത്തില്‍ വേണ്ടത്ര വിജയം കൈവരിക്കാനായില്ല. സംസ് ഥാനത്തെ കൂടുതല്‍ തോട്ടങ്ങള്‍ പദ്ധതിയുടെ ഭാഗമാകുമെന്നാണു പ്രതീക്ഷ. സംസ്ഥാനത്ത് 152 തോട്ടങ്ങളുണ്ട്.

പദ്ധതികള്‍ പ്രഖ്യാപിക്കുന്നതല്ലാതെ നിര്‍വഹണ നടപടികള്‍ ഇതു വരെയില്ലെന്ന ഫ്രാന്‍സിസ് ജോര്‍ജിന്റെ കുറ്റപ്പെടുത്തല്‍ ശരിയാണെ ന്നു മന്ത്രി സമ്മതിച്ചു. കേരളത്തിലെ പ്രത്യേക സാഹചര്യത്തിലാണിതു സംഭവിച്ചത്.  എന്നാല്‍ സാഹചര്യം മാറാന്‍ സാധ്യത തെളിഞ്ഞിട്ടുണ്ട്. പൂട്ടിയ 11 തോട്ടങ്ങള്‍ തുറന്നു പ്രവര്‍ത്തിച്ചു തുടങ്ങി.

വയനാട്ടിലെ കാപ്പി കര്‍ഷകര്‍ക്കു പ്രത്യേക പരിഗണന നല്‍കുമെന്നു എം.പി. വീരേന്ദ്രകുമാറിനു മന്ത്രി മറുപടി നല്‍കി. മറ്റു വിളകളില്‍ നിന്നു വ്യത്യസ്തമായി കാപ്പിക്കു 40% സബ്സിഡി നല്‍കുന്നുണ്ട്.

പ്രത്യേകോദ്ദേശ്യ തേയില നിധിയില്‍ അടുത്ത സാമ്പത്തിക വര്‍ഷ ത്തേക്കു 40 കോടി രൂപ ബജറ്റില്‍ വകയിരുത്തിയിട്ടുണ്ട്. ഈ നിധിയുടെ മാതൃകയില്‍ ഏലം(10.68 കോടി), റബര്‍(19.41 കോടി), കാപ്പി(18 കോടി) എന്നിവയ് ക്കും സാമ്പത്തിക സഹായം നല്‍കുമെന്നും ബജറ്റില്‍ വ്യക്തമാക്കിയിരുന്നു.

8. റേഷന്‍ മൊത്തവ്യാപാര ചുമതല ഏറ്റെടുക്കാന്‍ ആലോചന: മന്ത്രി
തിരുവനന്തപുരം: റേഷന്‍ മൊത്തവ്യാപാര ചുമതല സര്‍ക്കാര്‍ ഏറ്റെടുക്കാന്‍ ആലോചിക്കുന്നതായി മന്ത്രി സി. ദിവാകരന്‍ നിയമസഭയെ അറിയിച്ചു. എറണാകുളം ജില്ലയിലെ മൊത്തവ്യാപാര ഡിപ്പോകള്‍ സിവില്‍ സപ്ളൈസ് കോര്‍പറേഷനെ ഏല്‍പ്പിക്കുന്നതിനു നടപടി തുടങ്ങി. കടപരിശോധനാ സമയത്തു യഥാര്‍ഥ ലൈസന്‍സി കടയില്‍ ഉണ്ടാകണം. ഇല്ലെങ്കില്‍ ലൈസന്‍സ് റദ്ദാക്കും.

റേഷന്‍ അരി വിതരണത്തിലെ തിരിമറി  തുടരുന്നതായി പരിശോധനയില്‍ കണ്ടെത്തി. ചില സ്ഥലത്തു കുറ്റക്കാരെ പൂര്‍ണമായി കണ്ടെത്തിയെന്നും മറ്റു സ്ഥലങ്ങളില്‍ പൊലീസ് കേസെടുത്ത് അന്വേഷിക്കുന്നതായും  എന്‍. അനിരുദ്ധന്‍, മാങ്കോട് രാധാകൃഷ്ണന്‍, പള്ളിപ്രം ബാലന്‍, ഇ.എസ്. ബിജിമോള്‍, കെ. അജിത്, ജോര്‍ജ് മേഴ്സിയര്‍ എന്നിവര്‍ക്കു മന്ത്രി മറുപടി നല്‍കി. കംപ്യൂട്ടര്‍വല്‍ക്കരണം പൂര്‍ത്തിയാക്കി 26നു നിയമ വകുപ്പ് കടലാസ് രഹിത വകുപ്പായി പ്രഖ്യാപിക്കപ്പെടുമെന്നു മന്ത്രി എം. വിജയകുമാര്‍ പറഞ്ഞു.

അപൂര്‍വ നിയമപുസ്തകങ്ങള്‍ ഡിജിറ്റലൈസ് ചെയ്യുന്നതു പൂര്‍ത്തിയായി. സര്‍ക്കാര്‍ കേസുകളില്‍ അഭിഭാഷകര്‍ വീഴ്ച വരുത്തിയാല്‍ റവന്യു റിക്കവറി ഉള്‍പ്പെടെ നടപടി സ്വീകരിക്കും. വകുപ്പു തലവന്‍മാരാണു സര്‍ക്കാര്‍ അഭിഭാഷകരുടെ വീഴ്ച റിപ്പോര്‍ട്ട് ചെയ്യേണ്ടതെന്ന് എം.എം. മോനായി, പി. അയിഷാ പോറ്റി, എം. ഹംസ എന്നിവരെ അറിയിച്ചു. സ്വകാര്യ സെല്ലുലാര്‍ കമ്പനികള്‍ ബില്ലിങ്ങിലും മറ്റും തട്ടിപ്പു നടത്തുന്നതായ പരാതി വന്നതിനെത്തുടര്‍ന്നു കേന്ദ്ര ടെലികോം കമ്മിഷനോടു റിപ്പോര്‍ട്ട് ആവശ്യപ്പെട്ടതായി മുഖ്യമന്ത്രി വി.എസ്. അച്യുതാനന്ദന്‍ അറിയിച്ചു.

ഇവരുടെ കാര്യത്തില്‍ സംസ്ഥാന സര്‍ക്കാരിനു നിയന്ത്രണമില്ലെന്നു ജോസ് തെറ്റയിലിനു മറുപടി നല്‍കി. ഈ സര്‍ക്കാര്‍ വന്ന ശേഷം 20 ഐഎഎസ് ഉദ്യോഗസ്ഥരും ഒന്‍പത് ഐപിഎസ് ഉദ്യോഗസ്ഥരും നാല് ഐഎഫ്എസുകാരും കേന്ദ്ര ഡപ്യൂട്ടേഷനില്‍ പോയതായി സി.പി. മുഹമ്മദിനു മുഖ്യമന്ത്രി രേഖാമൂലം മറുപടി നല്‍കി. അതിഥി സല്‍ക്കാരത്തിനു മുഖ്യമന്ത്രി 3.69 ലക്ഷം രൂപ ചെലവഴിച്ചു.

ജി. സുധാകരനാണു കുറച്ചു തുക ചെലവിട്ടത്-45,142 രൂപ. ഈ ഇനത്തില്‍ ഭൂരിപക്ഷം മന്ത്രിമാരും ഒരു ലക്ഷത്തിലേറെ രൂപ ചെലവിട്ടതായി കെ. ബാബുവിന്റെ ചോദ്യത്തിനു  രേഖാമൂലം നല്‍കിയ മറുപടിയില്‍ മുഖ്യമന്ത്രി വ്യക്തമാക്കി. യാത്രക്കാരില്‍ നിന്നു സെസ് പിരിക്കുന്നതുവഴി കെഎസ്ആര്‍ടിസിക്കു പ്രതിമാസം 30 ലക്ഷത്തോളം രൂപ കിട്ടുന്നതായി മന്ത്രി മാത്യു ടി. തോമസ് പറഞ്ഞു. വാഹനാപകട നഷ്ടപരിഹാര ഇനത്തില്‍ 73 കോടി രൂപ കോര്‍പറേഷന്‍ നല്‍കാനുണ്ടെന്നു തോമസ് ചാഴികാടനെ അറിയിച്ചു.


ഒരു അഭിപ്രായം ഇടൂ

Filed under പലവക

പത്രവാര്‍ത്തകള്‍ 29-02-08

2007 മാര്‍ച്ച് 31 വരെയുള്ള ബാങ്കുകടങ്ങള്‍ എഴുതി തള്ളും

ന്യൂഡല്‍ഹി: 2008-’09 പൊതു ബജറ്റ്‌ കേന്ദ്രമന്ത്രി പി.ചിദംബരം പാര്‍ലമെന്റില്‍ അവതരിപ്പിച്ചു തുടങ്ങി. പ്രതീക്ഷിച്ചതു പോലെ ജനകീയ ബജറ്റാണ് യു.പി.എ അവതരിപ്പിക്കുന്നതെന്നു ആദ്യഘട്ട സൂചനകള്‍. കേരളത്തിനു പ്രയോജപ്രദമായ പല പദ്ധതികളും ചിദംബരം ഇതിനകം അവതരിപ്പിച്ചു കഴിഞ്ഞു. തേങ്ങ, കുരുമുളക്, കശുവണ്ടി എന്നീ നാണ്യ വിളകള്‍ക്ക് 1100 കോടിയുടെ പദ്ധതി. ചെറുകിട കര്‍ഷകരു​െ​ട വായ്പ എഴുതിത്തള്ളും. ഇതിനു പ്രത്യേക പദ്ധതി നടപ്പാക്കും. ഒരു ഹെക്ടര്‍ മുതല്‍ രണ്ടു ഹെക്ടര്‍ വരെയുള്ള ചെറുകിട, ഇടത്തരം കര്‍ഷകരുടെ കാര്‍ഷിക വാ്യ്പ എഴുതിതള്ളും. വന്‍കിട കര്‍ഷകര്‍ക്ക് ഒറ്റത്തവണ കടം തീര്‍പ്പാക്കല്‍ പദ്ധതി. 2007 മാര്‍ച്ച് 31 വരെയുള്ള ബാങ്കുകടങ്ങള്‍ എഴുതി തള്ളും. 2008 ജൂണിനു മൂന്പ് മുഴുവന്‍ കടങ്ങളും എഴുതിതള്ളും. രാജ്യത്തെ ​െമാത്തം ബാങ്കു വായ്പയു​െ​ട നാലു ശതമാനമാണ് ഇങ്ങനെ എഴുതിതള്ളുന്നത്. 60,000 കോടിയാണ് ഇതിനായി മാറ്റിയത്.

കാര്‍ഷിക കടങ്ങള്‍ എഴുതി തള്ളുക വഴി കര്‍ഷകരോടുള്ള കടപ്പാടണ് സര്‍ക്കാര്‍ പ്രകടിപ്പിക്കുന്നതെന്നും ചിദംബരം വ്യക്തമാക്കി. തിരുവനന്തപുരത്ത് തോട്ടവിള ഗവേഷണ കേന്ദ്രം ആരംഭിക്കും. ഇതിനായി 5 കോടി രൂപ വകയിരുത്തും. രാജ്യത്ത് പുതുതായി 500 മണ്ണു പരിശോധന കേന്ദ്രങ്ങള്‍ ആരംഭിക്കും. ഏലം, തേയില,കുരുമുളക്, റബര്‍ കര്‍ഷകര്‍ക്ക് പ്രത്യേക വിള ഇന്‍ഷുറന്‍സ് ഏര്‍പ്പെടുത്തും.

ഏറ്റവും വെല്ലുവിളി നിറഞ്ഞ വര്‍ഷമാണ്‌ കഴിഞ്ഞു പോകുന്നതെന്ന്‌ ചിദംബരം പറഞ്ഞു. ശരാശരി വളര്‍ച്ച നിരക്ക്‌ എട്ടു ശതമാനമായി നിലനിര്‍ത്താന്‍ കഴിഞ്ഞുവെന്ന്‌ ഏഴാമത്തെ ബജറ്റ്‌ അവതരിപ്പിക്കുന്ന വേളയില്‍ ചിദംബരം ഓര്‍മ്മിപ്പിച്ചു. കര്‍ഷിക മേഖലയിലെ വളര്‍ച്ച നിരക്ക്‌ രണ്ടു ശതമാനമായി.

ഈ വര്‍ഷം 8.8 വളര്‍ച്ച നിരക്ക്‌ പ്രതീക്ഷിക്കുന്നുവെന്ന്‌ ബജറ്റില്‍ ചിദംബരം വ്യക്‌തമാക്കി. നിര്‍മ്മാണ മേഖലയില്‍ 9.4 ശതമാനം വളര്‍ച്ച പ്രതീക്ഷിക്കുന്നതാണ്‌ പുതിയ ബജറ്റ്‌. സേവനമേഖലയി 10.8 ശതമാനം വളര്‍ച്ച പ്രതീക്ഷിക്കുന്നു. പണപ്പെരുപ്പം നിയന്ത്രിക്കാന്‍ ക്രിയാത്മക നടപടിയെടുക്കും. ഭക്ഷ്യോത്‌പാദന- കാര്‍ഷിക രംഗത്ത്‌ കൂടുതല്‍ ശക്‌തമായ നടപടികള്‍ സ്വീകരിക്കും.

വിദ്യാഭ്യാസത്തിനു 20 ശതമാനം തുക കൂടുതല്‍ വകയിരുത്തും. നീക്കിയിരുപ്പ് 34,400 കോടി. തിരുവനന്തപുരത്ത് ‘ഐസര്‍’ (ശാസ്ത്ര ഗവേഷണ കേന്ദ്രം)ഈ വര്‍ഷം തുടങ്ങും. യു.പി സ്കൂളുകളിലെ ഉച്ചഭക്ഷണ പദ്ധതി എല്ലാ ബ്ളോക് പഞ്ചായത്തുകളിലേക്കും വ്യാപിക്കും. 13.9 കോടി കുട്ടികള്‍ക്ക് ഇതി​െ​ന്‍്റ പ്രയോജനം ലഭിക്കും. ജലദൗര്‍ലഭ്യമുള്ള സ്കൂളുകളില്‍ കുടിവെളള പദ്ധതി. ഇതിനായി 200 കോടിയുടെ ആദ്യ ഗഡു നല്‍കും.16 പുതിയ സര്‍വകലാശാലകള്‍ സ്ഥാപിക്കും.

തൊഴിലുറപ്പു പദ്ധതി വ്യാപിപ്പിക്കും. ഇതിനായി 10 കോടി രൂപ നീക്കി വയ്ക്കും. അംഗനവാടി ജീവനക്കാരുടെ ശംബളം 1500 ആയി വര്‍ദ്ധിപ്പിച്ചു. ഹെല്‍പര്‍മാരുടെ ശംബളം 750 ആക്കി. ശുചീകരണ പ്രവര്‍ത്തനങ്ങള്‍ക്ക് 1200 കോടി രൂപ വകയിരുത്തി. എസ്.സി, എസ്.ടി ന്യൂനപക്ഷ ക്ഷേമം നടപ്പാക്കാന്‍ കൂുതല്‍ തുക. സച്ചാര്‍ കമ്മിറ്റി റിപ്പോര്‍ട്ട് നടപ്പാക്കാന്‍ പരിശ്രമിക്കും. ന്യൂനപക്ഷ വിഭാഗക്കാര്‍ കൂടുതലുള്ള 90 ജില്ലകള്‍ക്ക് 540 കോടി രൂപ അനുവദിച്ചു.

ഗ്രാമീണ ആരോഗ്യ മിഷനു 12,500 കോടിയും മുതിര്‍ന്ന പൗരന്മാര്‍ക്കുള്ള ക്ഷേമപദ്ധതിക്ക് 400 കോടിയും അനുവദിച്ചു. ബി.പി.എല്‍ കുടുബങ്ങളിലെ തൊഴിലാളികള്‍ക്ക് ആരോഗ്യ സൂരക്ഷ പദ്ധതി ഉറപ്പാക്കും. ആരോഗ്യ മേഖലയ്ക്കുള്ള വിഹിതം 15 ശതമാനം കൂടി. എയ്ഡ്സ് കണ്‍​‍്ര​​ട്രോള്‍ സൊശെസറ്റിയുടെ പ്രര്‍ത്തനങ്ങള്‍ വ്യാപിപ്പിക്കാന്‍ 9,93 കോടി അനുവദിച്ചു.

പൊതു മേഖല ബാങ്കുകളുടെ 288 ശാഖകള്‍ കൂടി വിവിധ മേഖലകളില്‍ ആരംഭിക്കും. വനിതകള്‍ക്കു മാത്രമുള്ള പദ്ധതികള്‍ക്ക് 11,460 കോടി രൂപ. ദേശീയ വിവിര ശൃംഖല സ്ഥാപിക്കാന്‍ 100 കോടി. ചെറുകിട ജലസേചന പദ്ധതികള്‍ക്ക് ജലസേചന-ജലവിഭവ കോപ​േ​റഷനുകള്‍ രൂപീകരിക്കും. കൈത്തറി മേഖലയ്ക്കുള്ള വിഹിതം 340 കോടിയാക്കി.

കലാകൗമുദിയില്‍ ബ്ലോഗുകളെ അപകീര്‍ത്തിപ്പെടുത്തി എം.കെ.ഹരികുമാറിന്റെ പ്രസിദ്ധീകരിച്ച ലേഖനത്തിന് പറ്റിയ തെറ്റ് തിരുത്തുന്നതുവരെ കേരളകൗമുദി വാര്‍ത്തകള്‍ യൂണികോഡിലാക്കി പ്രസിദ്ധീകരിക്കുന്നതല്ല.

1. വളര്‍ച്ചയില്‍ ഇടിവ്; ഉദാരവല്‍ക്കരണം തീവ്രമാക്കണമെന്ന് സര്‍വെ
ന്യൂഡല്‍ഹി: സാമ്പത്തിക ഉദാരവല്‍ക്കരണം കൂടുതല്‍ മേഖലകളിലേക്ക് വ്യാപിപ്പിക്കണമെന്നും തീവ്രമാക്കണമെന്നും 2007-08ലെ സാമ്പത്തിക സര്‍വെ ശുപാര്‍ശ ചെയ്തു. സാമ്പത്തികവളര്‍ച്ച ഒമ്പത് ശതമാനമായി നിലനിര്‍ത്തണമെങ്കില്‍ വന്‍തോതില്‍ ഉദാരവല്‍ക്കരണം നടപ്പാക്കണമെന്ന് ധനമന്ത്രാലയത്തിന്റെ സര്‍വെ നിര്‍ദേശിക്കുന്നു. വളര്‍ച്ചനിരക്ക് ഒമ്പത് ശതമാനത്തില്‍നിന്ന് 8.7 ശതമാനമായി ഇടിഞ്ഞ സാഹചര്യത്തിലാണ് ഈ നിര്‍ദേശം.

ഇന്‍ഷുറന്‍സ് മേഖലയിലെ വിദേശനിക്ഷേപം 26 ശതമാനത്തില്‍നിന്ന് 49 ആക്കി ഉയര്‍ത്തണമെന്നും ആരോഗ്യ-കാര്‍ഷിക ഇന്‍ഷുറന്‍സ് മേഖലയില്‍ 51 ശതമാനം വരെ വിദേശനിക്ഷേപം അനുവദിക്കണമെന്നും നിര്‍ദേശമുണ്ട്. ചെറുകിട വ്യാപാരത്തിന്റെ എല്ലാ മേഖലകളിലും വിദേശനിക്ഷേപം അനുവദിക്കണം. ആഡംബരവസ്തുക്കള്‍, ഉപഭോഗവസ്തുക്കള്‍ എന്നിവയുടെ വില്‍പ്പനമേഖലയില്‍ നൂറ് ശതമാനം വിദേശനിക്ഷേപം അനുവദിക്കണം. നവരത്ന കമ്പനികളല്ലാത്തതും എന്നാല്‍ ലാഭത്തില്‍ പ്രവര്‍ത്തിക്കുന്നതുമായ പൊതുമേഖലാസ്ഥാപനങ്ങളുടെ അഞ്ച് മുതല്‍ 10 ശതമാനം വരെയുള്ള ഓഹരികള്‍ സ്വകാര്യമേഖലയ്ക്ക് കൈമാറണം.

ഓഹരിക്കമ്പോളത്തില്‍ ലിസ്റ്റ് ചെയ്യാത്ത എല്ലാ പൊതുമേഖലാ കമ്പനികളും അതില്‍ ഉള്‍പ്പെടുത്തി പത്ത് ശതമാനം ഓഹരിയെങ്കിലും വില്‍ക്കണം. പുനരുദ്ധാരണത്തിന് സാധ്യതയില്ലാത്ത എല്ലാ പൊതുമേഖലാസ്ഥാപനങ്ങളും വില്‍ക്കണം. പഴയ എണ്ണക്കിണറുകള്‍ സ്വകാര്യമേഖലയ്ക്ക് കൈമാറണം

ഫാക്ടറി ആക്ടില്‍ ഭേദഗതി വരുത്തി ആഴ്ചയിലെ തൊഴില്‍മണിക്കൂര്‍ 48ല്‍ നിന്ന് 60ആയി ഉയര്‍ത്തണം. മെട്രോ നഗരങ്ങളിലെ ബസ് സര്‍വീസ് പൂര്‍ണമായും സ്വകാര്യമേഖലയ്ക്ക് കൈമാറണം. വൈദ്യുതിമേഖലയിലും സ്വകാര്യവല്‍ക്കരണം ശക്തിപ്പെടുത്തണം.

അമേരിക്കയില്‍ തുടങ്ങിയ സാമ്പത്തികമാന്ദ്യം ലോകസമ്പദ് വ്യവസ്ഥയെത്തന്നെ ദോഷകരമായി ബാധിക്കാന്‍ സാധ്യതയുള്ളതിനാല്‍ ഇന്ത്യയെ അതില്‍നിന്ന് രക്ഷിക്കാന്‍ സാമ്പത്തിക ഉദാരവല്‍ക്കരണ നടപടി മാത്രമാണ് മാര്‍ഗമെന്നാണ് സര്‍വെ പറയുന്നത്.

ആണവോര്‍ജ ഉല്‍പ്പാദനത്തിലും സ്വകാര്യവല്‍ക്കരണം അനുവദിക്കണമെന്ന് അമേരിക്കയുമായുള്ള സിവിലിയന്‍ സഹകരണ കരാറിന്റെ പശ്ചാത്തലത്തില്‍ സര്‍വെ ആവശ്യപ്പെടുന്നു. സ്വകാര്യവല്‍ക്കരണത്തില്‍ ഊന്നുന്ന പുതിയ പെന്‍ഷന്‍ പദ്ധതി മെയ് 31 ഓടെ യാഥാര്‍ഥ്യമാക്കാന്‍ കഴിയുമെന്ന് സര്‍വെ വിശ്വാസം പ്രകടിപ്പിക്കുന്നു.

കല്‍ക്കരിഖനി ദേശസാല്‍ക്കൃതനിയമത്തില്‍ മാറ്റംവരുത്തണം. പഴയ കല്‍ക്കരിഖനികള്‍ സ്വകാര്യമേഖലയ്ക്ക് കൈമാറണം. പഞ്ചസാര, രാസവളം, ഔഷധവ്യവസായങ്ങള്‍ക്ക് ഏര്‍പ്പെടുത്തിയ നിയന്ത്രണങ്ങള്‍ എടുത്തുകളയണം. സ്വകാര്യമേഖലയില്‍ പ്രവര്‍ത്തിക്കുന്ന ഗ്രാമീണ കാര്‍ഷിക ബാങ്കുകളില്‍ വിദേശനിക്ഷേപം അനുവദിക്കണം. ഈ ബാങ്കുകള്‍ക്ക് ഗ്രാമീണമേഖലയിലും ചെറിയ നഗരങ്ങളിലും എത്രവേണമെങ്കിലും ശാഖകള്‍ തുറക്കാനുള്ള അനുവാദവും നല്‍കണം. മറ്റ് സ്വകാര്യ ബാങ്കുകളെ ഏറ്റെടുക്കാന്‍ ഈ ബാങ്കുകള്‍ക്ക് അനുവാദം നല്‍കണം.

കാര്‍ഷിമേഖല, ഉല്‍പ്പാദന മേഖല, നിര്‍മ്മാണമേഖല എന്നിങ്ങനെ സുപ്രധാനമേഖലകളിലൊക്കെ തിരിച്ചടിയുണ്ടാകുമെന്ന്് സര്‍വ്വേ പറയുന്നു. വ്യവസായമേഖലയിലും വളര്‍ച്ച പിറകോട്ടാണ്. പണപ്പെരുപ്പ നിരക്ക് 4.1 ശതമാനമായി കുറയും. ഉല്‍പ്പാദന-നിര്‍മാണ വ്യവസായത്തില്‍ 2.5 ശതമാനം ഇടിവാണുണ്ടായത്. ഉരുക്ക് വ്യവസായത്തില്‍ 10 ശതമാനവും. ധനകമ്മി 3.3 ശതമാനമായും റെവന്യൂകമ്മി 1.5 ശതമാനമായും കുറയും. എന്നാല്‍ റെവന്യൂ ചെലവ് പ്രതീക്ഷിച്ചതിനേക്കാളും വര്‍ധിച്ചു. വിനോദസഞ്ചാര മേഖലയില്‍ വന്‍ കുതിപ്പുണ്ടായി. വിദേശസഞ്ചാരികളുടെ എണ്ണത്തില്‍ 13 ശതമാനം വര്‍ധനയുണ്ടായപ്പോള്‍ വരുമാനം 23.50 ശതമാനം വര്‍ധിച്ചു-സര്‍വേയില്‍ പറയുന്നു. ലോക്സഭയില്‍ ധനമന്ത്രി പി ചിദംബരവും രാജ്യസഭയില്‍ സഹമന്ത്രി പവന്‍കുമാര്‍ ബന്‍സലുമാണ് സര്‍വേ റിപ്പോര്‍ട് അവതരിപ്പിച്ചത്.

2. 4പേര്‍ അറസ്റ്റില്‍ ചേലേമ്പ്ര ബാങ്ക്: 57 കിലോ സ്വര്‍ണം കണ്ടെടുത്തു
മലപ്പുറം: കേരളത്തെ ഞെട്ടിച്ച ചേലേമ്പ്ര ബാങ്ക് കവര്‍ച്ചക്കേസില്‍ ഒരു സ്ത്രീയടക്കം നാലുപേരെ അറസ്റ്റുചെയ്തു. പ്രതികളില്‍നിന്ന് 57.295 കിലോഗ്രാം സ്വര്‍ണവും അഞ്ചരലക്ഷം രൂപയും കണ്ടെടുത്തു.

കവര്‍ച്ചയുടെ സൂത്രധാരന്‍ കോട്ടയം പാല മേലേക്കാവ് വില്ലേജില്‍ ഉള്ളനാട് വാണിയം പുരയ്ക്കല്‍ ജെയ്സണ്‍ എന്ന ജോസഫ് (40), തൃശൂര്‍ ഒല്ലൂര്‍ തൈക്കാട്ടുശേരി കടവില്‍ ഹൌസില്‍ രാകേഷ് എന്ന ഷിബു (26), കോഴിക്കോട് മൂടാടി നങ്ങലത്ത് ഹൌസില്‍ രാധാകൃഷ്ണന്‍ (46), ഭാര്യ വടകര പുറമേരി മാലോല്‍ ഹൌസില്‍ കനകേശ്വരി (34) എന്നിവരാണ് അറസ്റ്റിലായത്. കോഴിക്കോട് മൂഴിക്കലിലെ വാടകവീട്ടില്‍നിന്നാണ് അറസ്റ്റ് ചെയ്തത്. വ്യാഴാഴ്ച പരപ്പനങ്ങാടി ഒന്നാംക്ളാസ് ജുഡീഷ്യല്‍ മജിസ്ട്രേട്ട് പി സെയ്തലവിയുടെ മുന്നില്‍ ഹാജരാക്കിയ പ്രതികളെ റിമാന്‍ഡുചെയ്തു.

പ്രതികള്‍ വിറ്റ മുഴുവന്‍ സ്വര്‍ണവും കണ്ടെടുക്കാന്‍ ശ്രമം തുടരുകയാണ്. 20 ലക്ഷത്തോളം രൂപ പ്രതികള്‍ ചെലവഴിച്ചതായി പൊലീസ് പറഞ്ഞു. 22 കിലോഗ്രാം സ്വര്‍ണം ബാംഗ്ളൂര്‍, കോയമ്പത്തൂര്‍, ചെന്നൈ എന്നിവിടങ്ങളില്‍ വിറ്റഴിച്ചു.

കഴിഞ്ഞ ഡിസംബര്‍ 31നാണ്് ചേലേമ്പ്ര സൌത്ത് മലബാര്‍ ഗ്രാമീണ ബാങ്ക് ശാഖയില്‍നിന്ന് 80 കിലോഗ്രാം സ്വര്‍ണവും 25 ലക്ഷം രൂപയും കവര്‍ന്നത്. മൊത്തം എട്ടേകാല്‍ കോടിയോളം രൂപയുടെ മുതല്‍. ബാങ്കിന്റെ താഴത്തെ നിലയിലെ ഹോട്ടല്‍ വാടകയ്ക്കെടുത്തായിരുന്നു കവര്‍ച്ചയ്ക്ക് ഒരുക്കം നടത്തിയത്. അറ്റകുറ്റപ്പണിക്കെന്നു പറഞ്ഞ് ഹോട്ടല്‍ പൂട്ടിയിട്ടശേഷം മേല്‍ക്കൂര തുരന്ന് ബാങ്കില്‍ കടക്കുകയായിരുന്നു.

വാഹനമോഷണവും കവര്‍ച്ചയുമടക്കം മുപ്പതോളം കേസില്‍ പ്രതിയാണ് ജെയ്സണ്‍. ഇയാളാണ് കവര്‍ച്ച ആസൂത്രണംചെയ്തത്. സുരക്ഷാസംവിധാനങ്ങള്‍ ഇല്ലാത്തതിനാലാണ് ചേലേമ്പ്ര ബാങ്ക് തെരഞ്ഞെടുത്തത്. രണ്ടാംപ്രതി ഷിബുവും വാഹനമോഷണ കേസുകളില്‍ പ്രതിയാണ്.

ഇവര്‍ ജയിലില്‍വച്ചാണ് പരിചയപ്പെട്ടത്. മൂന്നാംപ്രതി രാധാകൃഷ്ണനെയും ഭാര്യ കനകേശ്വരിയെയും മൂന്നാറില്‍വച്ചാണ് ജെയ്സണ്‍ പരിചയപ്പെടുന്നത്. കനകേശ്വരിയുമായുള്ള അടുപ്പം സൌഹൃദത്തിന് അപ്പുറമുള്ളതായിരുന്നുവെന്ന് പൊലീസ് പറഞ്ഞു. കനകേശ്വരി ഒഴികെയുള്ള മൂന്നുപേരും ചേര്‍ന്നാണ് കവര്‍ച്ച നടത്തിയത്. കവര്‍ച്ചയ്ക്കും കളവുമുതല്‍ വില്‍പ്പനയ്ക്കും സഹായിച്ചെന്ന കുറ്റമാണ് കനകേശ്വരിക്കെതിരെ.

ജെയ്സണ്‍ ഹോട്ടല്‍ വാടകയ്ക്കെടുക്കാന്‍ അഡ്വാന്‍സ് നല്‍കിയ തുക, മൊബൈല്‍ഫോണ്‍ കോളുകള്‍ എന്നിവ കേന്ദ്രീകരിച്ചായിരുന്നു അന്വേഷണം. ഒടുവില്‍ മൊബൈല്‍ഫോണ്‍ കേന്ദ്രീകരിച്ചുള്ള നിരീക്ഷണവും അന്വേഷണവുമാണ് പ്രതികളെ കണ്ടെത്താന്‍ വഴിയൊരുക്കിയത്. വിവിധ കമ്പനികളുടെ 20 ലക്ഷം ഫോണ്‍ കോളുകള്‍ പൊലീസ് പരിശോധിച്ചു.

കേസില്‍ ഇനിയും പ്രതികളുണ്ടാകാമെന്ന് ഡിജിപി കെ എസ് ജങ്പാംഗി സൂചിപ്പിച്ചു. മലപ്പുറം എസ്പി പി വിജയന്റെ നേതൃത്വത്തില്‍ 27 പേരടങ്ങിയ സംഘമാണ് കേസ് അന്വേഷിച്ചത്.

ബോളിവുഡിനെ വെല്ലുന്ന കവര്‍ച്ച; കടത്തിവെട്ടിയ അന്വേഷണം
മലപ്പുറം: ബോളിവുഡ് സിനിമയെ വെല്ലുന്ന ഓപ്പറേഷനായിരുന്നു ചേലേമ്പ്ര ബാങ്ക് മോഷണം. കവര്‍ച്ചയ്ക്ക് പ്രചോദനം കഴിഞ്ഞവര്‍ഷത്തെ ഹിറ്റ് ഹിന്ദി സിനിമ ‘ധൂം’ ആണെന്നാണ് മുഖ്യപ്രതി ജെയ്സണ്‍ പൊലീസിനോടു പറഞ്ഞത്. എന്നാല്‍, ശാസ്ത്രീയവും സമഗ്രവുമായ അന്വേഷണത്തിലൂടെ കേരള പൊലീസ് അതിവിദഗ്ധ കവര്‍ച്ചയെ കടത്തിവെട്ടി. കവര്‍ച്ച നടന്ന് രണ്ടു മാസം തികയുംമുമ്പ് പ്രതികള്‍ വലയില്‍.

‘ധൂമി’ല്‍ നായകന്‍ ജോണ്‍ എബ്രഹാം കെട്ടിടത്തിന്റെ മുകള്‍ നിലയിലെ കോണ്‍ക്രീറ്റ് മുറിച്ച് താഴത്തെ നിലയിലെ ബാങ്കില്‍ കടന്നാണ് കവര്‍ച്ച നടത്തുന്നത്. ചേലേമ്പ്രയിലാകട്ടെ താഴെത്തെ നിലയില്‍നിന്ന് മുകളിലേക്ക് ദ്വാരമുണ്ടാക്കി കവര്‍ച്ച നടത്തി.

കവര്‍ച്ചയ്ക്ക് രണ്ടു മാസത്തെ ആസൂത്രമാണ് ജെയ്സണ്‍ നടത്തിയത്. താഴെനിന്ന് മുകളിലത്തെ നിലയിലേക്ക് കോണ്‍ക്രീറ്റ് തുരന്നുള്ള കവര്‍ച്ച കേരളത്തില്‍ ആദ്യമാണ്. ഇന്ത്യയില്‍ത്തന്നെ ഇത്തരത്തില്‍ നടന്ന കവര്‍ച്ച രണ്ടെണ്ണംമാത്രം. അവയെന്നും തെളിയിക്കപ്പെട്ടില്ല.

2007 ഡിസംബര്‍ 29ന് വൈകിട്ട് ആറുമുതല്‍ 31ന് പുലര്‍ച്ച വരെ ഒന്നര ദിവസം നീണ്ടതായിരുന്നു ഓപ്പറേഷന്‍. 31ന് പുലര്‍ച്ചെയാണ് കളവുമുതല്‍ വണ്ടിയില്‍ കടത്തിയത്. എന്‍ജിനിയറിങ് വൈദഗ്ധ്യത്തോടെയായിരുന്നു കവര്‍ച്ച. തെളിവ് അവശേഷിക്കാതിരിക്കാന്‍ പ്രത്യേകം ശ്രദ്ധിച്ചു. ഉപയോഗിച്ച ഉപകരണങ്ങളൊന്നും സംഭവസ്ഥലത്തുനിന്ന് കണ്ടെടുക്കാനായില്ല. പൊലീസിനെ വഴിതെറ്റിക്കാന്‍ ബാങ്കില്‍ മാവോ മുദ്രാവാക്യം എഴുതിവച്ചു. ഹൈദരാബാദിലെ ഹോട്ടലില്‍ പ്രതികളുണ്ടെന്ന് വിവരം നല്‍കുകയും തൊണ്ടിമുതലില്‍ ഒരു ഭാഗം അവിടെ ഉപേക്ഷിക്കുകയും ചെയ്തു. നക്സല്‍ സ്പര്‍ശം നല്‍കി അന്വേഷണം വഴിതിരിച്ചു വിടുകയായിരുന്നു ലക്ഷ്യം. സ്ഫോടകവസ്തുവിന്റെ സാന്നിധ്യം ഈ സംശയം വര്‍ധിപ്പിച്ചിരുന്നു.

കാര്യമായ തെളിവോ തുമ്പോ സംശയിക്കുന്നവരോ ഇല്ലാതിരുന്നതിനാല്‍ അന്വേഷണം ശൂന്യതയില്‍നിന്നാണ് തുടങ്ങിയതെന്നുപറയാം. കുറ്റവാളികളിലേക്കു നയിക്കുന്ന ഒരു സാധ്യതയുമുണ്ടായിരുന്നില്ല. എന്നാല്‍, അഡീഷണല്‍ ഡിജിപി കെ എസ് ജങ്പംഗിയും ഐ ജി വിജയാനന്ദും ലഭ്യമായ സൂചനകള്‍വച്ച് നടത്തിയ നിഗമനങ്ങളുടെ അടിസ്ഥാനത്തില്‍ അന്വേഷണം ആരംഭിച്ചു. കിട്ടുന്ന എല്ലാ വിവരവും പരിശോധിച്ച്, തെറ്റെന്നു തെളിയുന്നത് ഒഴിവാക്കിയുള്ള നിര്‍ധാരണരീതി. മലപ്പുറം ജില്ലാ പൊലീസ് സൂപ്രണ്ട് പി വിജയന്റെ നേതൃത്വത്തില്‍ 27 പേരടങ്ങിയ സംഘമാണ് അന്വേഷണത്തിന് നിയോഗിക്കപ്പെട്ടത്. ഇവരെ ചെറു സംഘങ്ങളാക്കി പ്രത്യേക ചുമതല നല്‍കി.

ബാബുവെന്ന് പരിചയപ്പെടുത്തിയ ആളാണ് കെട്ടിടം വാടകയ്ക്കെടുത്തത് എന്നു മാത്രമേ ഉടമയ്ക്കും പറയാന്‍ കഴിഞ്ഞുള്ളൂ. എന്നാല്‍, ഇദ്ദേഹം നല്‍കിയ സൂചനകള്‍ അടിസ്ഥാനമാക്കി ജെയ്സണിന്റെ രേഖാചിത്രം തയ്യാറാക്കി. ജെയ്സണ്‍ കെട്ടിട ഉടമയെ വിളിച്ചിരുന്ന മൊബൈല്‍ നമ്പര്‍ ലഭിച്ചെങ്കിലും അതിന്റെ വിലാസം വ്യാജമായിരുന്നു. ചില സൂചനകള്‍മാത്രംവച്ച് മൊബൈല്‍ കോളുകള്‍ പൊലീസ് നിരീക്ഷിച്ചു. വിവിധ കമ്പനികളുടേതായി 20 ലക്ഷം കോളുകളാണ് നിരീക്ഷിച്ചത്. കേസന്വേഷണ ചരിത്രത്തില്‍ ഇത് അപൂര്‍വം.

അന്വേഷണ ഉദ്യോഗസ്ഥരുടെ ഫോണ്‍നമ്പര്‍ പ്രസിദ്ധപ്പെടുത്തിയിരുന്നതിനാല്‍ ആയിരക്കണക്കിനു പേരാണ് വിവരം നല്‍കിയത്. അന്വേഷണം വഴിതെറ്റിക്കാന്‍ തെറ്റായ വിവരങ്ങളും ചിലര്‍ നല്‍കി. ബാംഗ്ളൂര്‍, കോയമ്പത്തൂര്‍, ചെന്നൈ, നെല്ലൂര്‍ തുടങ്ങി ദക്ഷിണേന്ത്യയിലെ ഒട്ടനവധി സ്ഥലങ്ങളില്‍ സംഘം അന്വേഷണത്തിനു പോയി. അന്വേഷണം തുടരുകയാണെന്നാണ് അഡീഷണല്‍ ഡിജിപി പറഞ്ഞത്. അവശേഷിക്കുന്ന തൊണ്ടിമുതലില്‍ ഭൂരിഭാഗവും കണ്ടെത്താനാകുമെന്നുതന്നെയാണ് പൊലീസിന്റെ വിശ്വാസം. ശക്തമായ നേതൃത്വവും കൂട്ടായ പ്രവര്‍ത്തനവുമാണ് അന്വേഷണവിജയത്തില്‍ നിര്‍ണായകമായത്.

പരിശോധിച്ചത് 20 ലക്ഷം കോള്‍
മലപ്പുറം: ചേലേമ്പ്ര ബാങ്ക് കവര്‍ച്ചാക്കേസിലെ പ്രതികളെ പിടികൂടിയത് കേരളത്തിലെ ശാസ്ത്രീയ-സൈബര്‍ കുറ്റാന്വേഷണത്തില്‍ നാഴികക്കല്ലായി. 20 ലക്ഷത്തോളം ഫോണ്‍കോള്‍ നിരീക്ഷിച്ചത് കുറ്റാന്വേഷണചരിത്രത്തില്‍ അത്യപൂര്‍വം. ലോക പ്രശസ്ത കുറ്റാന്വേഷണ ഏജന്‍സിയായ സ്കോട്ട്ലന്‍ഡ് യാര്‍ഡിന്റെ അന്വേഷണവഴികളില്‍പ്പോലും കാണാത്തത്. സൈബര്‍ സാങ്കേതികവിദ്യയുടെ മികവ് അന്വേഷണത്തിന്റെ ഓരോ ഘട്ടത്തിലും തുണയായി.

മുഖ്യപ്രതിയുടെ രേഖാചിത്രത്തിന്റെ അടിസ്ഥാനത്തില്‍ പൊലീസിന് ലഭിച്ചത് ആയിരക്കണക്കിനു സന്ദേശങ്ങളാണ്. പ്രതി വലയിലായതോടെ രേഖാചിത്രത്തിന്റെ പ്രസക്തിയും വ്യക്തതയും പൊലീസിനു ബോധ്യമായി. മുഖ്യപ്രതിയെന്നു സംശയിക്കുന്ന ആളുടെ രേഖാചിത്രം തയ്യാറാക്കിയത് മലപ്പുറം പൊലീസ് കമ്പ്യൂട്ടര്‍ സെല്ലിലെ എസ്ഐ എം അന്‍വര്‍ ഹുസൈനാണ്. തുടക്കത്തില്‍ തേഞ്ഞിപ്പലം പൊലീസാണ് രേഖാചിത്രത്തിന്റെ മാതൃക നല്‍കിയത്. പിന്നീട് കെട്ടിട ഉടമ മലപ്പുറം വേങ്ങരയിലെ പി കുഞ്ഞീതുഹാജി നല്‍കിയ വിവരത്തിന്റെ അടിസ്ഥാനത്തില്‍ വ്യക്തമായ ചിത്രം തയ്യാറാക്കി.

രേഖാചിത്രത്തിലെ വട്ടത്തൊപ്പി കെട്ടിട ഉടമ നല്‍കിയ സൂചനയുടെ അടിസ്ഥാനത്തിലായിരുന്നു ചിത്രത്തിനു നല്‍കിയത്. എന്നാല്‍, പിടിയിലായ പ്രധാനപ്രതി ജെയ്സണ്‍ എന്ന ജോസ്് സണ്‍ഷേഡുള്ള തൊപ്പിയാണ് പിടിക്കപ്പെടുമ്പോള്‍ ഉപയോഗിച്ചത്. രേഖാചിത്രം വന്നതോടെയാണ് തൊപ്പിയുടെ രൂപം പ്രതി മാറ്റിയതെന്നു കരുതുന്നു. പ്രതിയുടെ കണ്ണും മൂക്കും ചുണ്ടും രേഖാചിത്രത്തിലേതിനു സമാനമാണെന്ന് എസ്ഐ അന്‍വര്‍ ഹുസൈന്‍ പറഞ്ഞു. കണ്ണിനു മുകളിലേക്കുമാത്രമേ അല്‍പ്പം വ്യത്യാസമുള്ളൂ.

മലപ്പുറത്ത് രണ്ടാംതവണയാണ് കമ്പ്യൂട്ടര്‍ചിത്രം തയ്യാറാക്കി പ്രതിയെ പിടികൂടുന്നത്. നേരത്തെ മലപ്പുറം കോഡൂരില്‍ നടന്ന കൊലക്കേസിലെ പ്രതിയെയും പിടികൂടാനായത് എസ്ഐ അന്‍വര്‍ ഹുസൈന്‍ വരച്ച രേഖാചിത്രത്തിന്റെ അടിസ്ഥാനത്തിലാണ്. ‘പോര്‍ട്രേറ്റ് ബില്‍ഡിങ് സിസ്റം’ എന്ന സോഫ്്റ്റ്വെയറാണ് രേഖാചിത്ര നിര്‍മാണത്തിന് ഉപയോഗിച്ചത്. തിരുവനന്തപുരത്തെ എസ്സിആര്‍ബി (സ്റേറ്റ് ക്രൈം റെക്കോഡ് ബ്യൂറോ) ട്രെയ്നിങ് സെന്ററാണ് പൊലീസ് കമ്പ്യൂട്ടര്‍ സെല്ലുകള്‍ക്ക് പരിശീലനം നല്‍കുന്നത്.

3. ചാര്‍ട്ട് പരിഷ്കരിക്കാന്‍ മില്‍മയോട് ആവശ്യപ്പെട്ടു
തിരു: ക്ഷീരകര്‍ഷകര്‍ക്ക് മതിയായ ആനുകൂല്യം ലഭിക്കുന്ന വിധത്തില്‍ ചാര്‍ട്ട് പരിഷ്കരിക്കാന്‍ മില്‍മയോട് ആവശ്യപ്പെട്ടിട്ടുണ്ടെന്ന് മന്ത്രി സി ദിവാകരന്‍ സബ്മിഷനു മറുപടിയായി നിയമസഭയില്‍ പറഞ്ഞു. മില്‍മയുടെ നിലവിലുള്ള ചാര്‍ട്ട് പ്രകാരം ക്ഷീരകര്‍ഷകര്‍ക്ക് വേണ്ടത്ര ആനുകൂല്യം ലഭിക്കുന്നില്ലെന്ന കാര്യം സര്‍ക്കാരിന്റെ ശ്രദ്ധയില്‍പെട്ടിട്ടുണ്ട്. കാലിത്തീറ്റയുടെ വില ക്രമാതീതമായി വര്‍ധിപ്പിക്കരുതെന്നും മില്‍മയ്ക്ക് നിര്‍ദേശം നല്‍കിയിട്ടുണ്ട്. ക്ഷേമനിധിയിലേക്ക് തുക നല്‍കുന്നതില്‍ അപാകതയുണ്ടെങ്കില്‍ പരിശോധിക്കും.

കര്‍ഷകര്‍ക്കുവേണ്ടിയാണ് വിലവര്‍ധനയെന്ന മില്‍മയുടെ വാദം ശരിയല്ലെന്നും കര്‍ഷകന് ലിറ്ററിന് 16 രൂപയെങ്കിലും ന്യായമായും ലഭിക്കണമെന്നും സബ്മിഷന്‍ ഉന്നയിച്ച സി കെ പി പത്മനാഭന്‍ പറഞ്ഞു. അന്യസംസ്ഥാനങ്ങളില്‍നിന്ന് 15 രൂപയ്ക്ക് പാല്‍ വാങ്ങുന്ന മില്‍മ കര്‍ഷകര്‍ക്ക് 16 രൂപ നല്‍കുന്നതിന് മടികാണിക്കേണ്ടതില്ലെന്നും സി കെ പി പറഞ്ഞു.

4ന് കര്‍ഷകസംഘം മാര്‍ച്ച് പാല്‍വില: കൃഷിക്കാരന് ലിറ്ററിന് 16 രൂപ നല്‍കണം
തിരു: ഒരു ലിറ്റര്‍ പാലിന് കൃഷിക്കാരന് 16 രൂപവീതം നല്‍കണമെന്നാവശ്യപ്പെട്ട് കേരള കര്‍ഷകസംഘം നേതൃത്വത്തില്‍ മാര്‍ച്ച് നാലിന് എല്ലാ ജില്ലയിലും ക്ഷീരകര്‍ഷകര്‍ മില്‍മ ഓഫീസുകളിലേക്ക് മാര്‍ച്ച് ചെയ്യും.

പച്ചവെള്ളത്തിന്റെ വിലപോലും നല്‍കാതെ മില്‍മ ക്ഷീരകര്‍ഷകരെ കബളിപ്പിക്കുകയാണെന്ന് കേരള കര്‍ഷകസംഘം സംസ്ഥാനസെക്രട്ടറി സി കെ പി പത്മനാഭന്‍ എംഎല്‍എ പറഞ്ഞു. പാല്‍ ഉല്‍പ്പാദകരെ സംരക്ഷിക്കാനെന്നു പ്രചരിപ്പിച്ച് ഈയിടെ മൂന്നുതവണയായി മില്‍മ പാല്‍വിലയില്‍ ലിറ്ററിന് നാലുരൂപ വര്‍ധിപ്പിച്ചു. ക്ഷീരകര്‍ഷകന് നല്‍കിയത് 2.80 രൂപ മാത്രമാണ്. എന്നാല്‍, ഇതേ കാലയളവില്‍ കാലിത്തീറ്റ കിലോയ്ക്ക് 1.65 രൂപ മില്‍മ വര്‍ധിപ്പിച്ചു. ഈ വര്‍ധന കണക്കിലെടുത്താല്‍ പാല്‍വില വര്‍ധനവഴി 1.15 രൂപ മാത്രമാണ് കൃഷിക്കാരന് കിട്ടിയത്. കൊഴുപ്പ്, കൊഴുപ്പിതര ഘടകം തുടങ്ങിയ മാനദണ്ഡങ്ങളുടെ പേരില്‍ പാല്‍വില കുറച്ച് കൃഷിക്കാരെ കബളിപ്പിക്കുന്നു.

ടോണ്‍ഡ്പാല്‍ എന്ന പേരില്‍ 19 രൂപയ്ക്കും റിച്ച് എന്ന പേരിട്ട് ഇതേ പാല്‍ 22 രൂപയ്ക്കും വിറ്റ് ഉപഭോക്താക്കളെ മില്‍മ കൊള്ളയടിക്കുന്നു. ഒരുലിറ്റര്‍ പാലില്‍ 5.49 രൂപയാണ് മില്‍മ വരുമാനമുണ്ടാക്കുന്നത്. 20 ശതമാനംമാത്രം ലാഭമെടുക്കുന്നുവെന്ന് അവകാശപ്പെട്ടാണ് ഈ കൊള്ള. കര്‍ണാടക പാലിന് 15.50 രൂപ നല്‍കാന്‍ മില്‍മയ്ക്ക് മടിയില്ല. ഈ വില കേരളത്തിലെ കൃഷിക്കാര്‍ക്ക് നല്‍കാന്‍ വിസമ്മതിക്കുന്നു. പത്തുവര്‍ഷംകൊണ്ട് പാല്‍വില്‍പ്പന വില 125 ശതമാനവും കാലിത്തീറ്റ വില 325 ശതമാനവുമാണ് മില്‍മ വര്‍ധിപ്പിച്ചത്.

കേരളത്തിനാവശ്യമായ പാല്‍ ഇവിടെത്തന്നെ ഉല്‍പ്പാദിപ്പിക്കുന്നതിന് ക്ഷീരകര്‍ഷകരായ 12 ലക്ഷം കുടുംബങ്ങളെ ഉള്‍പ്പെടുത്തി പാല്‍ ഉല്‍പ്പാദനപ്ളാന്‍ തയ്യാറാക്കണം. ഇതുവഴി കേരളത്തിന് വേണ്ടിവരുന്ന 85 ലക്ഷം ലിറ്റര്‍ പാല്‍ ഉല്‍പ്പാദിപ്പിക്കാന്‍ കഴിയും.

മില്‍മയുടെ കൊള്ളക്കെതിരെയും കൃഷിക്കാരെ ചൂഷണം ചെയ്യുന്നതിനെതിരെയും നടത്തുന്ന മാര്‍ച്ചില്‍ ക്ഷീരകര്‍ഷകരും സഹകാരികളും പങ്കെടുക്കണമെന്ന് സി കെ പി അഭ്യര്‍ഥിച്ചു.

4. കാര്‍ഷികവളര്‍ച്ച 2.6 ശതമാനം രാജ്യം ഭക്ഷ്യപ്രതിസന്ധിയിലേക്ക്
ന്യൂഡല്‍ഹി: കാര്‍ഷികവളര്‍ച്ചനിരക്ക് വീണ്ടും താഴേക്ക്. ഭക്ഷ്യോല്‍പ്പാദനം ലക്ഷ്യത്തേക്കാള്‍ കുറഞ്ഞു. കഴിഞ്ഞ സാമ്പത്തികവര്‍ഷം 3.8 ശതമാനമായിരുന്ന കാര്‍ഷികവളര്‍ച്ചനിരക്ക് 2007-08 ല്‍ 2.6 ശതമാനമായി കുറഞ്ഞു. പതിനൊന്നാംപദ്ധതിയില്‍ കാര്‍ഷികവളര്‍ച്ചനിരക്ക് 2.4 ശതമാനമായിരിക്കുമെന്നും ഇന്ത്യാ ഗവര്‍മെണ്ടിന്റെ സാമ്പത്തിക സര്‍വെ പ്രവചിക്കുന്നു.

2007-08ല്‍ 22.15കോടി ടണ്‍ ഭക്ഷ്യോല്‍പ്പാദനം ലക്ഷ്യമിട്ടിരുന്നെങ്കിലും 21.93കോടി ടണ്‍ മാത്രമേ നേടാന്‍ കഴിയൂ. ജനസംഖ്യാ വളര്‍ച്ചനിരക്കിനേക്കാള്‍ താഴെയാണ് ഭക്ഷ്യോല്‍പ്പാദന വളര്‍ച്ചനിരക്ക്. വമ്പിച്ച ഭക്ഷ്യപ്രതിസന്ധിയാണ് രാജ്യത്തെ തുറിച്ചുനോക്കുന്നതെന്ന് സാമ്പത്തിക സര്‍വെ വ്യക്തമാക്കുന്നു.

ജനസംഖ്യാ വളര്‍ച്ചനിരക്കായ 2.1 ശതമാനത്തേക്കാള്‍ കൂടിയ 2.5 ശതമാനം വളര്‍ച്ച ഭക്ഷ്യോല്‍പ്പാദനമേഖലയിലുണ്ടായിരുന്ന ഇന്ത്യക്ക് ഇപ്പോള്‍ ശരാശരി 1.9 ശതമാനം വളര്‍ച്ചയേ നേടാനാകുന്നുള്ളു. 1990ല്‍ പ്രതിശീര്‍ഷ ഭക്ഷ്യധാന്യ ഉപഭോഗം 468 ഗ്രാം ആയിരുന്നത് 2007 ആകുമ്പോള്‍ 412 ഗ്രാം ആയി കുറഞ്ഞു.

ജലസേചനസൌകര്യമില്ലാത്തതാണ് ഈ ഇടിവിന് കാരണമെന്നുപറയുന്ന സര്‍വെ മഴയെ ആശ്രയിച്ച് കൃഷിചെയ്യുന്ന സ്ഥലങ്ങളില്‍ രണ്ടാം ഹരിതവിപ്ളവം ആരംഭിക്കണമെന്ന് നിര്‍ദേശിക്കുന്നു. കാര്‍ഷികമേഖലയില്‍ പൊതുനിക്ഷേപം കുറഞ്ഞതും തകര്‍ച്ചയ്ക്കു കാരണമായി. സ്വകാര്യനിക്ഷേപമുണ്ടാകാത്തത് ലാഭം കുറവായതിനാലാണ്. ദേശീയ ഭക്ഷ്യസുരക്ഷാ മിഷന്‍, രാഷ്ട്രീയ കൃഷിവികാസ് യോജന എന്നിവ പ്രഖ്യാപിച്ച് തുക നീക്കിവച്ചിട്ടും ഈ രംഗത്ത് വളര്‍ച്ച നേടാനാകുന്നില്ലെന്ന് അവലോകനം ചൂണ്ടിക്കാട്ടുന്നു.

മികച്ച മണ്‍സൂണ്‍ ലഭിച്ചിട്ടും കാര്‍ഷികവളര്‍ച്ചനിരക്ക് കുറഞ്ഞത് അപകടമാണ്. അരി ഉല്‍പ്പാദനത്തില്‍മാത്രമാണ് ഉയര്‍ച്ച പ്രതീക്ഷിക്കുന്നത്. 9.30കോടി ടണ്‍ ലക്ഷ്യമിട്ടതില്‍ 9.41കോടി ടണ്‍ ഉല്‍പ്പാദനമുണ്ടാകുമെന്നു കണക്കാക്കുന്നു. ഗോതമ്പ്, മറ്റ് ധാന്യങ്ങള്‍, പയറുവര്‍ഗങ്ങള്‍, എണ്ണക്കുരുക്കള്‍ എന്നിവയുടെ ഉല്‍പ്പാദനം ലക്ഷ്യമിട്ടതിനേക്കാള്‍ താഴേക്കാണ്. ഭക്ഷ്യധാന്യക്കൃഷിചെയ്യുന്ന സ്ഥലത്തിന്റെ വിസ്തൃതിയും ഉല്‍പ്പാദനക്ഷമതയും കുറയുന്നു.

5. വളര്‍ച്ചയിലെ തിരിച്ചടിയുടെ മറവില്‍ ചിദംബരം രാജ്യവില്‍പ്പനയ്ക്ക്
ന്യൂഡല്‍ഹി: സാമ്പത്തികവളര്‍ച്ചയിലെ തിരിച്ചടി കൂടുതല്‍ പരിഷ്കാരങ്ങള്‍ക്കുള്ള ചവിട്ടുപടിയാക്കാന്‍ യുപിഎ സര്‍ക്കാര്‍ ഒരുങ്ങുന്നു. കാര്‍ഷിമേഖല, ഉല്‍പ്പാദന മേഖല, നിര്‍മാണമേഖല എന്നിങ്ങനെ സുപ്രധാനമേഖലകളിലൊക്കെ തിരിച്ചടിയുണ്ടാകുമെന്ന്് സാമ്പത്തിക സര്‍വെ പറയുന്നു. നിര്‍മാണമേഖലയിലെ വളര്‍ച്ച 12ല്‍ നിന്ന് 9.6 ശതമാനവും ഉല്‍പ്പാദനമേഖലയിലേത് 12ല്‍ നിന്ന് 9.4 ശതമാനവുമാകും. റിയല്‍ എസ്റ്റേറ്റ് രംഗത്തും തിരിച്ചടി പ്രതീക്ഷിക്കുന്നു. വിനോദസഞ്ചാരം, ഊര്‍ജം തുടങ്ങി ചുരുക്കം മേഖലകളില്‍മാത്രമേ മുന്‍വര്‍ഷത്തെ അപേക്ഷിച്ച് വളര്‍ച്ചയുണ്ടാകൂ.

പതിനൊന്നാം പദ്ധതികാലത്തെ ഒമ്പത് ശതമാനം വളര്‍ച്ചയെന്ന ലക്ഷ്യം കൈവരിക്കുന്നതിനുള്ള കുറുക്കുവഴിയായി കൂടുതല്‍ പരിഷ്കാരങ്ങളാണ് നിര്‍ദേശിക്കുന്നത്്. സ്വകാര്യവല്‍ക്കരണവും വിദേശവല്‍ക്കരണവും തീവ്രമാക്കണമെന്നാണ് ചിദംബരം നല്‍കുന്ന ഉപദേശം. സര്‍ക്കാരിന്റെ മുന്നില്‍ കഷ്ടിച്ച് ഒരു വര്‍ഷംമാത്രം ശേഷിക്കെ റീട്ടെയില്‍ രംഗത്ത് എഫ്ഡിഐ, ഇന്‍ഷുറന്‍സ് രംഗത്ത് എഫ്ഡിഐ വര്‍ധന തുടങ്ങി തന്റെ പ്രിയപ്പെട്ട പദ്ധതികളൊക്കെ നടപ്പാക്കാന്‍ ചിദംബരം ശ്രമിക്കുമെന്ന് തീര്‍ച്ച. പ്രധാനമന്ത്രിയുടെ എല്ലാവിധ പിന്തുണയും ഇക്കാര്യത്തില്‍ ലഭിക്കും. സോണിയയെയും കോണ്‍ഗ്രസിലെ മറ്റ് മുതിര്‍ന്ന നേതാക്കളെയും ഒപ്പം നിര്‍ത്തുന്നതിനാണ് പരിഷ്കാരങ്ങള്‍ തീവ്രമാക്കിയില്ലെങ്കില്‍ തിരിച്ചടിയുണ്ടാകുമെന്ന സന്ദേശം ചിദംബരം നല്‍കുന്നത്.

എന്നാല്‍, ഇതുവരെ കടുത്ത പരിഷ്കാരങ്ങള്‍ക്ക് മുതിരാതിരുന്നത് സമ്പദ്വ്യവസ്ഥയ്ക്ക് ഗുണംചെയ്തുവെന്ന് ചിദംബരം പരോക്ഷമായി സമ്മതിക്കുന്നു. സാമ്പത്തികപരിഷ്കരണ പ്രക്രിയയോട് വളരെ കരുതലോടെയും ശ്രദ്ധയോടെയും സമീപിച്ചതിനാലാണ് അമേരിക്കന്‍ പ്രതിസന്ധിയെ അതിജീവിക്കാനായതെന്ന് സര്‍വെയില്‍ പറയുന്നു. മാത്രമല്ല സാമ്പത്തികരംഗത്ത് സ്ഥിരത ഉറപ്പുവരുത്തുന്നതിന് ഉചിതമായ സുരക്ഷാ മാനദണ്ഡങ്ങള്‍ കൊണ്ടുവന്നതും ഗുണകരമായെന്ന് ചിദംബരം അവകാശപ്പെടുന്നു.

5. ഓരോ ഇന്ത്യക്കാരനും 22,647 രൂപയുടെ കടം
ന്യൂഡല്‍ഹി: ഒരോ ഇന്ത്യക്കാരന്റെയും ആളോഹരികടം 22,647 രൂപയായി വര്‍ധിച്ചു. രാജ്യത്തിന്റെ മൊത്തം സാമ്പത്തിക ബാധ്യതയെ ജനസംഖ്യകൊണ്ട് ഹരിക്കുമ്പോള്‍ ലഭിക്കുന്ന കണക്കാണിത്. ആഗോളവല്‍ക്കരണത്തിന് തുടക്കമിട്ട 1990-91 കാലയളവില്‍ ആളോഹരികടം 3500 രൂപയായിരുന്നു.

നിലവില്‍ കേന്ദ്രസര്‍ക്കാരിന്റെ ബാധ്യത 27,44,442 കോടി രൂപയാണ്. മുന്‍വര്‍ഷം 25,36,464 കോടിയായിരുന്നു. ഒരു വര്‍ഷംകൊണ്ട് ബാധ്യതയില്‍ 2,07,978 കോടി രൂപയുടെ വര്‍ധനയുണ്ടായി.

ആകെ ബാധ്യതയില്‍ 26,33,197 കോടി രൂപ ആഭ്യന്തര ബാധ്യതയും 1,11,245 കോടിരൂപ വിദേശകടവുമാണ്.

രാജ്യത്തിന്റെ മൊത്തം ആഭ്യന്തരോല്‍പ്പാദനം (ജിഡിപി) 2007-08ല്‍ 46,93,602 കോടി രൂപയാകുമെന്നാണ് സര്‍വെയിലെ പ്രവചനം. രാജ്യത്തിന്റെ മൊത്തം ബാധ്യത ജിഡിപിയുടെ പകുതിയോളം വരും. ഇന്ത്യന്‍ സമ്പദ്വ്യവസ്ഥ നടപ്പുസാമ്പത്തിക വര്‍ഷം വിപണി കൈമാറ്റ നിരക്കിന്റെ അടിസ്ഥാനത്തില്‍ കണക്കാക്കുമ്പോള്‍ ഒരു ട്രില്യണ്‍ (പതിനായിരം കോടി) അമേരിക്കന്‍ ഡോളര്‍ കടക്കുമെന്ന് സര്‍വെ പറയുന്നു.

സര്‍വെപ്രകാരം സേവനമേഖലയില്‍ വളര്‍ച്ച തുടരുകയാണ്. ഇതില്‍തന്നെ 15.3 ശതമാനം വളര്‍ച്ചയോടെ ഗതാഗത രംഗവും വാര്‍ത്താവിനിമയ രംഗവുമാണ് മുന്നില്‍. ബാങ്കിങ്, ഇന്‍ഷുറന്‍സ്, ബിസിനസ് സേവനങ്ങള്‍ എന്നീ മേഖലകള്‍ 2006-07 വര്‍ഷം 13.9 ശതമാനം വളര്‍ച്ച കൈവരിച്ചു.

ധനകമ്മി 2007-08ല്‍ ജിഡിപിയുടെ 3.2 ശതമാനമായി കുറയ്ക്കാനാകുമെന്ന് പ്രതീക്ഷയുണ്ട്. മുന്‍വര്‍ഷം ഇത് 3.4 ശതമാനമായിരുന്നു. 2006-07 ല്‍ സര്‍ക്കാരിന്റെ റെവന്യൂവരുമാനത്തില്‍ വര്‍ധനയുണ്ടായി. നികുതിവരുമാനം ജിഡിപിയുടെ 10.5 ശതമാനമായി വര്‍ധിച്ചു. മുന്‍വര്‍ഷം ഇത് ജിഡിപിയുടെ 9.7 ശതമാനമായിരുന്നു.

രാജ്യത്തെ ഭക്ഷ്യധാന്യശേഖരം തൃപ്തികരമാണെന്ന് സര്‍വെ അവകാശപ്പെടുന്നു. 11.5 ദശലക്ഷം ടണ്‍ അരിയും 7.7 ദശലക്ഷം ടണ്‍ ഗോതമ്പും ശേഖരിച്ചിട്ടുണ്ട്. മുന്‍വര്‍ഷത്തെ അപേക്ഷിച്ച് ശേഖരത്തില്‍ കുറവുവന്നിട്ടുണ്ടെങ്കിലും വിദേശ ഇറക്കുമതി കൂടിയാകുമ്പോള്‍ ആവശ്യത്തിന് ശേഖരമാകുമെന്ന് പറയപ്പെടുന്നു.

6. കാര്‍ഷികപരാജയം തുറന്നുകാട്ടുന്ന സര്‍വെ: സി പി ചന്ദ്രശേഖര്‍
ന്യൂഡല്‍ഹി: രാജ്യം വന്‍ സാമ്പത്തികവളര്‍ച്ച നേടിയെന്ന് അവകാശപ്പെടുമ്പോഴും അതിന്റെ നേട്ടം കാര്‍ഷികമേഖലയ്ക്ക് ലഭിച്ചില്ലെന്ന് സമ്മതിക്കുന്നതാണ് സാമ്പത്തിക സര്‍വെയെന്ന് ജവാഹര്‍ലാല്‍ നെഹ്റു സര്‍വകലാശാലയിലെ സാമ്പത്തികവിഭാഗം അധ്യാപകന്‍ ഡോ. സി പി ചന്ദ്രശേഖര്‍ പറഞ്ഞു. ഒമ്പത് ശതമാനത്തോളം സാമ്പത്തികവളര്‍ച്ച നേടുമ്പോള്‍ കാര്‍ഷികമേഖലയിലെ വളര്‍ച്ച 2.6 ശതമാനം മാത്രമാണ്. ഈ തകര്‍ച്ചയ്ക്ക് മണ്‍സൂണിനെ പഴിക്കുമ്പോഴും യഥാര്‍ഥ കാരണം കാര്‍ഷികമേഖലയില്‍ പൊതുനിക്ഷേപം നടത്താത്തതാണെന്ന് സര്‍വെയിലൂടെ സര്‍ക്കാരിന് സമ്മതിക്കേണ്ടിവന്നു.

അഞ്ചുകോടി പുതിയ തൊഴില്‍ സൃഷ്ടിച്ചെന്നും അവകാശവാദമുണ്ട്. എന്നാല്‍ ഈ തൊഴിലിന്റെ രൂപമെന്തെന്ന് സര്‍വെ പറയുന്നില്ല. ഗുണം കുറഞ്ഞ താല്‍ക്കാലികസ്വഭാവമുള്ള തൊഴിലാണ് പുതിയതായി രൂപംകൊള്ളുന്നത്. ഇത്തരം തൊഴിലുകള്‍ക്ക് സാമൂഹ്യ സുരക്ഷിതത്വം ഇല്ല. കഴിഞ്ഞ ഏതാനും വര്‍ഷത്തിനിടയില്‍ മുപ്പതുലക്ഷം വീട്ടുവേലക്കാരുണ്ടായി. അതുകൊണ്ടുതന്നെ അഞ്ചുകോടി തൊഴില്‍ സൃഷ്ടിച്ചെന്നത് പൊള്ളയായ അവകാശവാദമാണ്.

നിക്ഷേപവും നികുതിവരുമാനവും വര്‍ധിച്ചെന്നത് വസ്തുതയാണ്. വന്‍കിട കോര്‍പറേറ്റുകളുടെ സമ്പാദ്യമാണ് വര്‍ധിച്ചത്. സാധാരണക്കാരുടെ വരുമാനത്തില്‍ വര്‍ധനയുണ്ടായിട്ടില്ല. നാലുവര്‍ഷമായി നടപ്പാക്കുന്ന സാമ്പത്തിക ഉദാരവല്‍ക്കരണ നടപടികളുടെ ദോഷങ്ങള്‍ കണ്ടുതുടങ്ങിക്കഴിഞ്ഞു. എന്നിട്ടും ഈ പരിഷ്കാരങ്ങള്‍ തുടരണമെന്നാണ് സാമ്പത്തിക സര്‍വെ പറയുന്നത്-ചന്ദ്രശേഖര്‍ പറഞ്ഞു.

7. ഒഴിയില്ലെന്ന് മുഷറഫ് പ്രസിഡന്റാകില്ലെന്ന് നവാസ് ഷെറീഫ്
ഇസ്ളാമാബാദ്: പാകിസ്ഥാന്‍ പ്രസിഡന്റ് സ്ഥാനത്തേക്ക് താനില്ലെന്ന് മുന്‍ പ്രധാനമന്ത്രി നവാസ് ഷെറീഫ്. പ്രസിഡന്റ് പര്‍വേസ് മുഷറഫ് രാജിവച്ചാല്‍ മാത്രമേ തന്റെ പാര്‍ടിയായ പിഎംഎല്‍(എന്‍) പാക് മന്ത്രിസഭയില്‍ ചേരൂവെന്നും അദ്ദേഹം വ്യക്തമാക്കി. നവാസ് ഷെറീഫ് പ്രസിഡന്റായേക്കുമെന്ന റിപ്പോര്‍ട്ടുകളോട് പ്രതികരിക്കുകയായിരുന്നു അദ്ദേഹം.

മന്ത്രിസഭയില്‍ ചേര്‍ന്നാലും ഇല്ലെങ്കിലും പിഎംഎല്‍(എന്‍) പിപിപിക്ക് സര്‍ക്കാര്‍ രൂപീകരണത്തിന് പൂര്‍ണ പിന്തുണ നല്‍കിയിട്ടുണ്ടെന്ന് നവാസ് ഷെറീഫ് പറഞ്ഞു. തെരഞ്ഞെടുപ്പ് ബഹിഷ്കരിച്ച ജമാ അത്തെ ഇസ്ളാമിയടക്കമുള്ള സര്‍വകക്ഷി ജനാധിപത്യ പ്രസ്ഥാനത്തിന്റെ നേതൃത്വത്തില്‍നിന്ന് ഒരാള്‍ പ്രസിഡന്റായി തെരഞ്ഞെടുക്കപ്പെടാം. രാജ്യത്തെ ജനാധിപത്യം ശക്തിപ്പെടുത്താന്‍ തെരഞ്ഞെടുക്കപ്പെട്ട പുതിയ പ്രസിഡന്റ് ആവശ്യമാണ്.

ഭരണഘടന ലംഘിച്ച പട്ടാള സ്വേഛാധിപതികള്‍ക്കെതിരെ നടപടി വേണമെന്ന് നവാസ് ഷെറീഫ് ആവശ്യപ്പെട്ടു. ജഡ്ജിമാരെ സസ്പെന്‍ഡ് ചെയ്തതിനും അറസ്റ് ചെയ്തതിനും മാധ്യമങ്ങളെ നിയന്ത്രിച്ചതിനും തെരഞ്ഞെടുക്കപ്പെട്ട പാര്‍ലമെന്റ് പിരിച്ചുവിട്ടതിനും ഉത്തരവാദിയായ ഒരാള്‍ ഒരു സര്‍ക്കാരിന് പ്രതീക്ഷയുണര്‍ത്തുന്ന പങ്കാളിയാകില്ലെന്ന് അദ്ദേഹം പറഞ്ഞു.

പാര്‍ലമെന്റ് തെരഞ്ഞെടുപ്പില്‍ മുന്നിലെത്തിയ പിപിപി, പിഎംഎല്‍(എന്‍), അവാമി നാഷണല്‍ പാര്‍ടി എന്നിവ ബുധനാഴ്ച യോഗം ചേര്‍ന്ന് പുതിയ പാര്‍ലമെന്റ് ഉടന്‍ വിളിച്ചുചേര്‍ക്കാന്‍ ആവശ്യപ്പെട്ടിട്ടുണ്ട്. മുഷറഫിന്റെ പിന്തുണയുള്ള പിഎംഎല്‍(ക്യു)വിനെ തറപറ്റിച്ച മൂന്നു കക്ഷികള്‍ക്കുംകൂടി മൂന്നില്‍ രണ്ടിനടുത്ത് ഭൂരിപക്ഷമുണ്ട്. മുഷറഫ് ജനവിധി മാനിച്ച് രാജിവയ്ക്കണമെന്ന് യോഗശേഷം നവാസ് ഷെറീഫ് ആവശ്യപ്പെട്ടിരുന്നു.

എന്നാല്‍ പിന്നീട് പിഎംഎല്‍(ക്യു) നേതാക്കളുമായി കൂടിക്കാഴ്ച നടത്തിയ മുഷറഫ് താന്‍ സ്ഥാനം ഒഴിയില്ലെന്നു വ്യക്തമാക്കി. തെരഞ്ഞെടുക്കപ്പെട്ട പ്രധാനമന്ത്രിയെ പുറത്താക്കുന്നതിനും പാര്‍ലമെന്റ് പിരിച്ചുവിടുന്നതിനും പ്രസിഡന്റിനുള്ള അധികാരം എടുത്തുകളയാന്‍ അനുവദിക്കില്ലെന്നും മുഷറഫ്-പിഎംഎല്‍(ക്യു) യോഗം തീരുമാനിച്ചതായി പിഎംഎല്‍(ക്യു) വൃത്തങ്ങളെ ഉദ്ധരിച്ച് ‘ഡോണ്‍’ ചാനല്‍ റിപ്പോര്‍ട്ട് ചെയ്തു. അമേരിക്കന്‍ സമ്മര്‍ദംമൂലം മുഷറഫിനെ നിലനിര്‍ത്താന്‍ ഏറ്റവും വലിയ ഒറ്റകക്ഷിയായ പിപിപി തയ്യാറാണെന്നാണ് സൂചന.

1. നഗരവികസനത്തിന് ഡിജിറ്റല്‍ ഭൂപടങ്ങള്‍ തയാറാക്കുന്നു
തൊടുപുഴ: കേരള സുസ്ഥിര നഗര വികസന പദ്ധതിയുടെ നേത്യത്വത്തില്‍ നഗര വികസനത്തിനു ഡിജിറ്റല്‍ ഭൂപടങ്ങള്‍ തയാറാകുന്നു. തിരുവന്തപുരം,കൊല്ലം,കൊച്ചി,തൃശൂര്‍,കോഴിക്കോട് എന്നീ കോര്‍പ്പറേഷനുകളിലാണു പദ്ധതിക്കു വേണ്ടി തിരുവനന്തപുരം ഭൌമ ശാസ്ത്ര കേന്ദ്രം ഭൂപടം തയാറാക്കുന്നത്.

രണ്ടു ഘട്ടമായുള്ള പരിപാടിയുടെ ആദ്യഘട്ടത്തില്‍ ഉപഗ്രഹ സഹായത്തോടെ അടിസ്ഥാന ഭൂപട നിര്‍മാണം പൂര്‍ത്തിയായി. ഭൌമ ശാസ്ത്ര കേന്ദ്രത്തിനു വേണ്ടി ഹൈദരാബാദിലെ ദേശീയ റിമോട്ട് സെന്‍സിംഗ് ഏജന്‍സിയാണ് അടിസ്ഥാന ഭൂപടം തയാറാക്കുന്നത്. ഇതില്‍ വില്ലേജ് മാപ്പ് ,റോഡ്, വസ്തു വകകള്‍ ,ഭൂ വിനിയോഗം, ഭൂ രൂപം എന്നിവയാണ് ഉള്‍പ്പെട്ടിട്ടുള്ളത്.

2. കാര്യക്ഷമത പ്രഖ്യാപനത്തിലൊതുങ്ങി; ക്ളാസ് നടന്നതു 150-ല്‍ താഴെ ദിവസങ്ങളില്‍
പത്തനംതിട്ട: സംസ്ഥാനത്തെ സ്കൂളുകളില്‍ അധ്യയനം മെച്ചപ്പെടുത്താന്‍ വിദ്യാഭ്യാസ മന്ത്രി പ്രഖ്യാപിച്ച കാര്യക്ഷമതാ വര്‍ഷത്തില്‍ മുന്‍ വര്‍ഷത്തെ അപേക്ഷിച്ചു സാധ്യായ ദിനങ്ങള്‍ കുറഞ്ഞു. അധ്യയന വര്‍ഷത്തെ പഠനദിനങ്ങള്‍ ഇന്നു പൂര്‍ത്തിയാകുമ്പോള്‍ സംസ്ഥാനത്തെ സര്‍ക്കാര്‍ എയ്ഡഡ് സ്കൂളുകളില്‍ അധ്യയന ദിനങ്ങള്‍ ശരാശരി 150 -ല്‍ താഴെ മാത്രം. ഇത്തവണ 200 സാധ്യായ ദിനങ്ങള്‍ തികയ്ക്കുമെന്നായിരുന്നു മന്ത്രി എം.എ ബേബിയുടെ പ്രഖ്യാപനം.

എസ്.എസ്.എല്‍.സി പരീക്ഷ മാര്‍ച്ച് 12-ന് തുടങ്ങുമെന്നിരിക്കേ മറ്റു ക്ളാസുകളിലെ അധ്യയനം ഇന്നു പൂര്‍ത്തിയാകും. ഒമ്പതു മുതല്‍ താഴേക്കുള്ള ക്ളാസുകളിലെ വാര്‍ഷിക പരീക്ഷ മാര്‍ച്ച് മൂന്നിന് ആരംഭിക്കുകയാണ്. ഒരു മാസം നീളുന്ന പരീക്ഷ പൂര്‍ത്തിയാക്കി മാര്‍ച്ച് 31-നു മാത്രമേ സ്കൂളുകള്‍ അടയ്ക്കൂവെങ്കിലും അടുത്ത മാസം പ്രൈമറി സ്കൂളുകളിലൊഴികെ പഠനം നടക്കാനിടയില്ല.

ഇത്തവണ അധ്യയന ദിനങ്ങള്‍ വര്‍ധിപ്പിക്കണമെന്ന ലക്ഷ്യ ത്തോടെ ശനിയാഴ്ചകളും പ്രവൃത്തിദിനങ്ങളായി പ്രഖ്യാപിച്ചിരുന്നു. തുടര്‍ച്ചയായ ആറു ദിനങ്ങള്‍ പ്രവൃത്തിദിനങ്ങളായി വരുന്നത് ഒഴിവാക്കണമെന്ന അധ്യാപക സംഘടനകളുടെ ആവശ്യം പരിഗണിച്ച് ശനിയാഴ്ചകള്‍ പിന്നീട് ക്ളസ്റ്റര്‍ ദിനങ്ങളായി പരിവര്‍ത്തനം ചെയ്തു. പത്ത് ശനിയാഴ്ചകള്‍ പ്രവൃത്തിദിനങ്ങളായി തീരുമാനിച്ചിരുന്നെങ്കിലും പൊതുവില്‍ സംസ്ഥാനത്ത് ശരാശരി അധ്യയനം അഞ്ചു ശനിയാഴ്ചകളില്‍ താഴെയായിരുന്നു.

മുമ്പ് ശനിയാഴ്ചകളില്‍ അധ്യാപകര്‍ സ്പെഷല്‍ ക്ളാസുകള്‍ വച്ച് പാഠഭാഗങ്ങള്‍ തീര്‍ത്തിരുന്നുവെങ്കില്‍ ശനിയാഴ്ചകള്‍ ക്ളസ്റ്റര്‍ വന്നതോടെ ഇക്കൊല്ലം ഇതിനുള്ള അവസരവും നഷ്ടമായി.

അധ്യയന ദിനങ്ങള്‍ നഷ്ടപ്പെടുത്തി കായിക, കലാമേളകളും, ശാസ്ത്രമേളയും നടത്തുന്നത് ഒഴിവാക്കാന്‍ ശനിയാഴ്ചകളില്‍ ഇതു നടത്താനും നിര്‍ദേശമുണ്ടായി. എന്നാല്‍ നിര്‍ദേശം പാളിയെന്നു മാത്രമല്ല, ഭൂരിഭാഗം വിദ്യാഭ്യാസ, ഉപവിദ്യാഭ്യാസ ജില്ലകളില്‍ മേളകളുടെ പേരില്‍ ശരാശരി പത്ത് അധ്യയന ദിനങ്ങള്‍ നഷ്ടമായി.

ഏറ്റവും കുറച്ച് അധ്യയനദിനങ്ങള്‍ നടന്നത് ഡിസംബറിലാണ്. ഇതാകട്ടെ പരീക്ഷാദിനങ്ങളുമായിരുന്നു. സ്കൂളുകളില്‍ ഏറ്റവുമധികം അധ്യയനം രേഖപ്പെടുത്തിയിരിക്കുന്നത് നവംബറിലാണ്. 22 ദിനങ്ങളും നവംബറില്‍ പല സ്കൂളുകളിലും അധ്യയനം രേഖപ്പെടുത്തിയിട്ടുണ്ട്.

ഓണം, ക്രിസ്മസ് ആഘോഷങ്ങള്‍, പരീക്ഷകള്‍ക്കു മുമ്പും, പിമ്പുമുള്ള ഓരോ ദിവസം ഇവ അധ്യയന ദിനങ്ങളായി രേഖപ്പെടുത്താറുണ്െടങ്കിലും പഠനം നടക്കാറില്ല. ഇതിനിടയില്‍ പ്രാദേശികാവധി, വെള്ളപ്പൊക്കം തുടങ്ങിയ പ്രശ്നങ്ങളില്‍ അധ്യയന ദിനങ്ങള്‍ നഷ്ടമായി.

3. കൈക്കൂലി:റവന്യൂ ഇന്‍സ്പെക്ടര്‍ക്കു കഠിനതടവ്
തൃശൂര്‍: കൈക്കൂലിക്കേസില്‍ കൊച്ചിന്‍ കോര്‍പറേഷനിലെ റവന്യു ഇന്‍സ്പെക്ടര്‍ക്കും പ്യൂണിനും ഏഴുവര്‍ഷം വീതം കഠിനതടവും പതിനായിരം രൂപ വീതം പിഴയും ശിക്ഷ. പിഴ അടച്ചില്ലെങ്കില്‍ ആറുമാസം തടവുകൂടി അനുഭവിക്കണം.

സ്കൂട്ടര്‍ മെക്കാനിക്കായ വെണ്ണല പുതുക്കത്ത് പറമ്പ് ജോര്‍ജിന്റെ പരാതിയില്‍ റവന്യു ഇന്‍സ്പെക്ടര്‍ ആലുവ ദേശം ചേറാട്ടുപടി സി.എന്‍. രാജഗോപാല്‍(55), പ്യൂണ്‍ പാലാരിവട്ടം സൌത്ത് ജനതാറോഡ് കപ്പിത്താംപറമ്പില്‍ കെ.ഐ. പൈലി എന്നിവരേയാണ് വിജിലന്‍സ് ജഡ്ജ് പി.ക്യു. ബര്‍ക്കത്തലി ശിക്ഷിച്ചത്.

4. അധ്യാപക നിയമനത്തില്‍ തത്സ്ഥിതി തുടരും: മന്ത്രി ബേബി
തിരുവനന്തപുരം: എയ്ഡഡ് സ്കൂള്‍ നിയമനത്തില്‍ നിലവിലുള്ള സ്ഥിതി തുടരുമെന്നു വിദ്യാഭ്യാസ മന്ത്രി എം.എ ബേബി. കെ.ഇ.ആര്‍. പരിഷ്കരിക്കാന്‍ നിയോഗിച്ച കമ്മിറ്റിയുടെ ശിപാര്‍ശകളില്‍ പ്രതിപക്ഷവുമായും മാനേജ്മെന്റ് പ്രതിനിധികളുമായും വിവിധ സാമൂഹിക സംഘടനകളുമായും ചര്‍ച്ച നടത്തി സമവായമുണ്ടാക്കുമെന്നും ബേബി പറഞ്ഞു.

എയ്ഡഡ് മേഖലയില്‍ അധ്യാപക നിയമനത്തില്‍ സംവരണം ഉറപ്പാക്കാന്‍ എയ്ഡഡ് മാനേജ്മെന്റുകളെ നിര്‍ബന്ധിതരാക്കാന്‍ കൂട്ടായ ശ്രമം ആവശ്യമാണ്. കെ.ഇ.ആര്‍. പരിഷ്കരണ തീരുമാന വേളയില്‍ അണ്‍എയ്ഡഡ് സ്കൂളുകളിലെ അദ്ധ്യാപക യോഗ്യതാ കാര്യവും പരിഗണിക്കും.

സര്‍വകലാശാലകള്‍ക്കുള്ള സാമ്പത്തിക നീക്കിയിരിപ്പ് വര്‍ധിപ്പിക്കും. 2004ലെ ശമ്പളപരിഷ്കരണം, പെന്‍ഷന്‍ പരിഷ്കരണം, ക്ഷാമബത്താ വര്‍ദ്ധന, പരീക്ഷാ നടത്തിപ്പിലെ ചെലവിലുണ്ടായ വര്‍ദ്ധന, അടിസ്ഥാനസൌകര്യ വികസനം തുടങ്ങിയ കാരണങ്ങളാല്‍ സര്‍വകലാശാലകള്‍ സാമ്പത്തിക ബുദ്ധിമുട്ട് അനുഭവിക്കുന്നുണ്െടന്നും ബേബി പറഞ്ഞു.

5. കുസാറ്റിലെ കൂട്ടത്തോല്‍വി: രണ്ടു പേപ്പറുകള്‍ പുനര്‍മൂല്യനിര്‍ണയം നടത്തും
കൊച്ചി: കൊച്ചി സര്‍വകലാശാലയുടെ ബി.ടെക് ഒന്നും രണ്ടും സെമസ്റ്റര്‍ പരീക്ഷയില്‍ ചില വിഷയങ്ങള്‍ക്ക് കൂട്ടത്തോല്‍വി ഉണ്ടാ യെ ന്ന പരാതിയുടെ അടിസ്ഥാനത്തില്‍ നടന്ന അന്വേഷണത്തെ തുടര്‍ന്ന് രണ്ട് വിഷയങ്ങളുടെ ഉത്തരക്കടലാസുകള്‍ സൌജന്യമായി പുനര്‍മൂല്യനിര്‍ണയം നടത്താന്‍ യൂണി വേഴ്സിറ്റി തീരുമാനിച്ചതായി പ്രോ-വൈസ് ചാന്‍സലര്‍ ഡോ. എന്‍. ഡി ഈനാശു അറിയിച്ചു.

ഫിസിക്സ്, കംപ്യൂട്ടര്‍ പ്രോഗ്രാമിംഗ് എന്നീ പേപ്പറുകളാണ് പുന ര്‍മൂല്യ നിര്‍ണയം നടത്തുക. ഇ തില്‍ ലഭിക്കുന്ന മാര്‍ക്ക് ഫലത്തോട് ചേര്‍ത്ത് മാര്‍ക്ക്ലിസ്റ്റില്‍ രേഖ പ്പെടുത്തുമെന്നും പ്രോ-വൈസ് ചാന്‍സലര്‍ പറഞ്ഞു. എന്നാല്‍ മറ്റ് എട്ട് പേപ്പറുകളില്‍ റീവാല്യുവേഷന് അപേക്ഷിക്കുന്നവര്‍ സ്വന്തം ചെലവില്‍ മാര്‍ച്ച് എട്ടിന് മുന്‍പ് അപേക്ഷ നല്‍കിയിരിക്കണമെന്നും അദ്ദേഹം അറിയിച്ചു.

6. 100% വിദേശ നിക്ഷേപത്തോടെ കാര്‍ഷിക ബാങ്കിന് നിര്‍ദേശം
ന്യൂഡല്‍ഹി: ഗ്രാമീണ മേഖലയില്‍ പുതുതായി സ്വകാര്യ കാര്‍ഷിക ബാങ്കുകള്‍ സ്ഥാപിക്കാന്‍ 100 ശതമാനം വിദേശനിക്ഷേപം അനുവദിക്കണമെന്നു ദേശീയ സാമ്പത്തിക സര്‍വേയില്‍ നിര്‍ദേശം. ചെറുകിട വ്യാപാര മേഖലയില്‍ നിശ്ചിത ശതമാനം വിദേശ ഓഹരി പങ്കാളിത്തം അനുവദിക്കാനും നിര്‍ദേശമുണ്ട്.

പൂര്‍ണ വിദേശ നിക്ഷേപ ത്തോടെ തുടങ്ങുന്ന ഗ്രാമീണ കര്‍ഷക ബാങ്കുകള്‍ക്കു ചെറുകിട നഗരങ്ങളിലടക്കം ഇഷ്ടപ്രകാരം ശാഖകള്‍ തുടങ്ങാനാകും. കാര്‍ഷിക വായ്പകള്‍ക്കു പുറമേ രാജ്യത്തെവിടെയുമുള്ള അനുബന്ധ വ്യവസായ മേഖലകള്‍ക്ക് വായ്പ നല്‍കാനും ഇത്തരം ബാങ്കുകള്‍ക്ക് തടസമില്ല.

അവശ്യമുള്ളപ്പോള്‍ ഓവര്‍ടൈം കൂലിയോടെ തൊഴിലാളികളുടെ ജോലിസമയം ദിവസം 12 മണിക്കൂര്‍ ആയി ഉയര്‍ത്തണമെന്നതാണ് സാമ്പത്തിക സര്‍വേയിലെ മറ്റൊരു നയപരിഷ്കാര നിര്‍ദേശം.

7. ആശ്രിത നിയമനം നിര്‍ബന്ധമല്ല: സുപ്രീംകോടതി
ന്യൂഡല്‍ഹി: സര്‍ക്കാര്‍ ജീവനക്കാരുടെ മരണശേഷം ആശ്രിതര്‍ക്കു ജോലി നല്കണമെന്നു നിര്‍ബന്ധമില്ലെന്നു സുപ്രീംകോടതി. മരിച്ചയാളുടെ കുടുംബത്തിന്റെ സാമ്പത്തിക നിലയെ ആശ്രയിച്ചായിരിക്കണം ആശ്രിതനിയമനമെന്നും കോടതി വ്യക്തമാക്കി.

ആന്ധ്രപ്രദേശ് റോഡ് ട്രാന്‍സ്പോര്‍ട്ട് കോര്‍പ്പറേഷനില്‍ ജോലിയിലിരിക്കേ മരിച്ചയാളുടെ ഭാര്യ സര്‍വറുന്നീസ ബീഗത്തിനു ജോലി നല്കാനുള്ള ആന്ധ്ര ഹൈ ക്കോടതിയുടെ ഉത്തരവ് റദ്ദാക്കി ക്കൊണ്ടാണു ജസ്റ്റിസുമാരായ പി.പി. നവലേക്കര്‍, എല്‍.എസ്. പാണ്ഡ എന്നിവരുള്‍പ്പെട്ട ബഞ്ചി ന്റെ നിര്‍ണായക വിധി.ആശ്രിതര്‍ക്കു മെച്ചപ്പെട്ട സാമ്പത്തിക സ്ഥിതിയും മറ്റു ജീവനോപാധികളും ഉണ്െടങ്കില്‍ നിയമനം നിര്‍ബന്ധമല്ലെന്നു പറഞ്ഞ കോടതി 1994-ല്‍ ഉമേഷ്കുമാര്‍ നാഗ്പാല്‍ കേസിലെ വിധിയും എടുത്തുകാട്ടി.

സര്‍വറുന്നീസ ബീഗത്തിനു നേരത്തെ കോര്‍പ്പറേഷന്‍ ലക്ഷം രൂപ സഹായധനം നല്കിയിരുന്നു. എന്നാല്‍, സഹായധനം മടക്കി നല്കാമെന്നും ജോലി നല്കണമെന്നും ആവശ്യപ്പെട്ട് ഇവര്‍ കോര്‍പ്പറേഷനെ സമീപിച്ചതാണു കോടതിയുടെ ഇടപെടലിനു വഴിയൊരുക്കിയത്. അപേക്ഷ കോര്‍പ്പറേഷന്‍ നിരസിച്ചതോടെ നിയമനടപടികളുമായി നീങ്ങിയ സര്‍വറുന്നീസ ആന്ധ്ര ഹൈക്കോടതിയില്‍ നിന്ന് അനുകൂല വിധി സമ്പാദിക്കുകയായിരുന്നു. അതാണ് ഇ ന്നലെ റദ്ദാക്കിയത്.

1. മിസൈല്‍ പ്രതിരോധത്തിനും യു.എസ് സഹകരണം
ന്യൂദല്‍ഹി: മിസൈല്‍ പ്രതിരോധ രംഗത്ത് സഹകരിച്ചു പ്രവര്‍ത്തിക്കാന്‍ അമേരിക്കയും ഇന്ത്യയും ധാരണയിലെത്തി. ഇരു രാഷ്ട്രങ്ങളും സംയുക്ത മിസൈല്‍ പ്രതിരോധ സംവിധാനം വികസിപ്പിക്കാന്‍ പ്രാഥമിക ധാരണയായതായും ഇതിന്റെ സാധ്യത സംബന്ധിച്ച് ആദ്യഘട്ട ചര്‍ച്ച ആരംഭിച്ചതായും അമേരിക്കന്‍ പ്രതിരോധ സെക്രട്ടറി റോബര്‍ട്ട് ഗേറ്റ്സ് വെളിപ്പെടുത്തി.

മിസൈല്‍ പ്രതിരോധ സംവിധാനം ആഭ്യന്തരമായി വികസിപ്പിച്ചാല്‍ മതി എന്ന ഇന്ത്യന്‍ നയത്തിന്റെ പ്രകടമായ മാറ്റമാണ് പുതിയ തീരുമാനം. എല്ലാവിധ മിസൈല്‍ ആക്രമണങ്ങളെയും പ്രതിരോധിക്കാനുള്ള സാങ്കേതിക വിദ്യ വികസിപ്പിക്കുന്നതില്‍ ഇന്ത്യ കഴിഞ്ഞ പതിറ്റാണ്ടില്‍ ഏറെ മുന്നേറിയിരുന്നു. അമേരിക്കയിലെ വന്‍കിട ആയുധ കമ്പനികളായ ബോയിംഗ്, ലോക്ഹീഡ് മാര്‍ട്ടിന്‍, റെയ്തിയോണ്‍ തുടങ്ങിയവക്ക് ഇന്ത്യന്‍ മിസൈല്‍ പ്രതിരോധ വിപണിയില്‍ പ്രവേശിക്കാന്‍ വഴിയൊരുക്കുന്നതാണ് പുതിയ തീരുമാനം.

ദ്വിദിന സന്ദര്‍ശനത്തിനായി ചൊവ്വാഴ്ച ദല്‍ഹിയിലെത്തിയ റോബര്‍ട്ട്ഗേറ്റ്സ് ചര്‍ച്ചകള്‍ പൂര്‍ത്തിയാക്കി ഇന്നലെ തുര്‍ക്കിക്ക് പോയി. പ്രധാനമന്ത്രി മന്‍മോഹന്‍സിംഗ്, പ്രതിരോധ മന്ത്രി എ.കെ ആന്റണി, വിദേശകാര്യ മന്ത്രി പ്രണബ്മുഖര്‍ജി , പ്രതിപക്ഷ നേതാവ് എല്‍.കെ അദ്വാനി, സുരക്ഷ ഉപദേഷ്ടാവ് എം.കെ നാരായണന്‍ എന്നിവരുമായി അദ്ദേഹം ചര്‍ച്ചകള്‍ നടത്തി.

രാഷ്ട്രീയ പ്രതിസന്ധി തരണം ചെയ്ത് ആണവകരാര്‍ നടപ്പാക്കാനാവുമെന്ന് പ്രതീക്ഷ പ്രകടിപ്പിച്ച പെന്റഗണ്‍ മേധാവി ഈ വിഷയത്തില്‍ ‘സമയം കടന്നുപോവുകയാണെന്ന്’ ഇന്ത്യയെ ഓര്‍മിപ്പിച്ചു.
ഇന്ത്യയുമായി അമേരിക്കന്‍ കമ്പനികളുടെ ആയുധ വ്യാപാരം വര്‍ധിപ്പിക്കാനുള്ള ചര്‍ച്ചകളാണ് ഗേറ്റ്സ് നടത്തിയതെന്ന് വിദേശ മാധ്യമങ്ങള്‍ റിപ്പോര്‍ട്ടു ചെയ്തു. നിരവധി ആയുധ ഇടപാടുകള്‍ക്ക് ധാരണയിലെത്തിയതായി സൂചനയുണ്ടെങ്കിലും വിശദാംശങ്ങള്‍ വെളിപ്പെടുത്തിയിട്ടില്ല. ചര്‍ച്ചകള്‍ അതീവ രഹസ്യ സ്വഭാവത്തിലായിരുന്നു. 2005 മുതല്‍ ശക്തമായ ഇന്ത്യ^യു.എസ് പ്രതിരോധ സഹകരണം വിശാലമാക്കാനുള്ള ചര്‍ച്ചകളാണ് ഗേറ്റ്സ് നടത്തിയതെന്ന് പ്രതിരോധ മന്ത്രാലയം വാര്‍ത്താക്കുറിപ്പില്‍ സ്ഥിരീകരിച്ചു.

ഇന്ത്യയുമായി ദീര്‍ഘകാല പ്രതിരോധ സഹകരണമാണ് അമേരിക്ക ആഗ്രഹിക്കുന്നതെന്ന് റോബര്‍ട്ട് ഗേറ്റ്സ് പറഞ്ഞു. ‘ആയുധ ഇടപാടുകളില്‍ പ്രത്യേകമായ പരിഗണന ഇന്ത്യയോട് തേടിയിട്ടില്ല. കരാറുകള്‍ ഉറപ്പിക്കുന്ന അവസരങ്ങളില്‍ അമേരിക്കന്‍ കമ്പനികള്‍ക്ക് മല്‍സരിക്കാനുള്ള അവസരം മാത്രമാണ് അഭ്യര്‍ഥിച്ചത്. ശരിയായ മല്‍സരത്തില്‍ ഞങ്ങളുടെ നിലവാരമുള്ള ഉല്‍പന്നങ്ങള്‍ വിജയിക്കുക തന്നെ ചെയ്യും’^ പെന്റഗണ്‍ മേധാവി വിശദീകരിച്ചു. അമേരിക്കന്‍ പ്രസിഡന്റ് സ്ഥാനത്ത് ആരെത്തിയാലും ഇന്ത്യമായുള്ള സൈനിക സഹകരണം ശക്തമായി തുടരുമെന്ന് ഉറപ്പു നല്‍കിയതായും ഗേറ്റ്സ് വെളിപ്പെടുത്തി.

പൃഥ്വിരാജ് റോഡിലെ ഔദ്യോഗിക വസതിയിലെത്തി 40 മിനിറ്റ് പ്രതിപക്ഷ നേതാവ് എല്‍.കെ അദ്വാനിയുമായി ചര്‍ച്ച നടത്തിയ ഗേറ്റ്സ് ആണവകരാര്‍ വിഷയത്തില്‍ ബി.ജെ.പിയുടെ പൂര്‍ണ പിന്തുണ അഭ്യര്‍ഥിച്ചു. കൂടിക്കാഴ്ചക്കു ശേഷം നേതാക്കള്‍ പത്രലേഖകരെ കാണാന്‍ തയാറായില്ല. ബി.ജെ.പി പ്രധാനമന്ത്രി സ്ഥാനാര്‍ഥിയായി അദ്വാനിയെ പ്രഖ്യാപിച്ച സാഹചര്യത്തില്‍ കൂടിക്കാഴ്ചക്ക് അതീവ പ്രാധാന്യമുണ്ടെന്ന് നിരീക്ഷകര്‍ പറയുന്നു.50 അംഗ പ്രതിരോധ നയതന്ത്ര സംഘം ഗേറ്റ്സിനെ അനുഗമിക്കുന്നുണ്ട്. പ്രധാനമന്ത്രി മന്‍മോഹന്‍സിംഗുമായി നടത്തിയ ചര്‍ച്ചയില്‍ പ്രസിഡന്റ് ബുഷിന്റെ വിശദമായ കത്ത് ഗേറ്റ്സ് കൈമാറി. സംയുക്ത സൈനികാഭ്യാസം വര്‍ധിപ്പിക്കുന്നതടക്കമുള്ള നിര്‍ദേശങ്ങളും ആയുധ വ്യാപാര വാഗ്ദാനങ്ങളുമാണ് കത്തിന്റെ ഉള്ളടക്കമെന്നാണ് സൂചന.

ഇന്ത്യ അടുത്തുതന്നെ വാങ്ങുന്ന 126 വിവിധോദ്ദേശ്യ യുദ്ധ വിമാനങ്ങളുടെ കരാര്‍ അമേരിക്കന്‍ കമ്പനികള്‍ക്ക് നേടിക്കൊടുക്കുകയായിരുന്നു ഗേറ്റ്സിന്റെ പ്രധാന ലക്ഷ്യം. 45000 കോടി രൂപയുടെ ഈ കരാര്‍ നേടാനായി റഷ്യയുടെയും ഫ്രാന്‍സിന്റെയും കമ്പനികള്‍ രംഗത്തുണ്ട്. റഷ്യയെ പിന്തള്ളി ഇന്ത്യന്‍ ആയുധ വിപണിയില്‍ ആധിപത്യം ഉറപ്പാക്കാനുള്ള അമേരിക്കന്‍ നീക്കത്തിന്റെ ഭാഗമാണ് ഗേറ്റ്സിന്റെ സന്ദര്‍ശനമെന്ന് ബി.ബി.സി റിപ്പോര്‍ട്ടു ചെയ്തു. യുദ്ധവിമാനങ്ങള്‍, കപ്പലുകള്‍, തോക്കുകള്‍, പ്രതിരോധ സോഫ്റ്റ്വേറുകള്‍, റഡാറുകള്‍ എന്നിവയുടെ വിപണനം സംബന്ധിച്ച് ഗേറ്റ്സ് എ.കെ ആന്റണിയുമായി ദീര്‍ഘമായ ചര്‍ച്ച നടത്തിയതായും റിപ്പോര്‍ട്ടുണ്ട്.
അതേസമയം, ചൈനയുടെയും റഷ്യയുടെയും സൈനിക ശക്തി കുറക്കാനാണ് ഇന്ത്യയുമായി വര്‍ധിച്ച സഹകരണത്തിന് അമേരിക്ക ഒരുങ്ങുന്നതെന്ന വാര്‍ത്തകള്‍ റോബര്‍ട്ട് ഗേറ്റ്സ് നിഷേധിച്ചു. രണ്ട് ജനാധിപത്യ രാജ്യങ്ങള്‍ തമ്മിലുള്ള പ്രതിരോധ സഹകരണം മറ്റാര്‍ക്കും ഭീഷണിയല്ലെന്ന് അദ്ദേഹം പറഞ്ഞു.

2006 നവംബറില്‍ 175 അമേരിക്കന്‍ ആയുധ കമ്പനികളുടെ പ്രതിനിധികള്‍ പ്രതിരോധ അണ്ടര്‍ സെക്രട്ടറി ഫ്രാങ്ക്ലാവിലനൊപ്പം ദല്‍ഹിയിലെത്തി ചര്‍ച്ചകള്‍ നടത്തിയിരുന്നു. അഞ്ചു വര്‍ഷത്തിനകം 650000 കോടിയുടെ ആയുധങ്ങളെങ്കിലും ഇന്ത്യ വാങ്ങുമെന്നാണ് പ്രതീക്ഷ. ഈ കരാറുകള്‍ നേടാന്‍ ആഗോള ആയുധ കമ്പനികള്‍ കടുത്ത മല്‍സരത്തിലാണ്.ആറ് സൈനിക ഹെലികോപ്റ്ററുകള്‍ വാങ്ങാന്‍ യു.എസ് കമ്പനിയായ ലോക്ഹീഡ് മാര്‍ട്ടിനുമായി ഇന്ത്യ കഴിഞ്ഞ വര്‍ഷം കരാര്‍ ഉണ്ടാക്കിയിരുന്നു.

2. കൂടുതല്‍ കമ്പനികള്‍ക്ക് ലൈസന്‍സ്: മൊബൈല്‍ നിരക്ക് ഇനിയും കുറയും
ന്യൂദല്‍ഹി: മൊബൈല്‍ഫോണ്‍ സര്‍വീസ് രംഗത്ത് കൂടുതല്‍ സ്വകാര്യ കമ്പനികള്‍ക്ക് ടെലികോം ലൈസന്‍സ് അനുവദിച്ചു. വീഡിയോകോണിന്റെ ഡാറ്റാകോം, ബിര്‍ളയുടെ ഐഡിയ സെല്ലുലര്‍, യൂനിടെക്, സ്പൈസ്, ശ്യാം ടെലിലിങ്ക് എന്നീ കമ്പനികള്‍ക്കാണ് ലൈസന്‍സ് നല്‍കിയിരിക്കുന്നത്.

ഡാറ്റാകോമിന് മാത്രം 19 ടെലികോം സര്‍ക്കിളുകളില്‍ ലൈസന്‍സ് അനുവദിച്ചിട്ടുണ്ട്. ഐഡിയ സെല്ലുലറിന് പഞ്ചാബിലും സ്പാന്‍ ടെലികോമിന് ദല്‍ഹിയിലും മുംബൈയിലും ഓരോ സര്‍ക്കിളില്‍ ലൈസന്‍സ് നല്‍കി. ഒരാഴ്ചക്കകം ഒമ്പത് കമ്പനികള്‍ക്കായി 120 ലൈസന്‍സ് വിതരണം ചെയ്യുമെന്ന് സര്‍ക്കാര്‍ അറിയിച്ചു. ലൈസന്‍സ് അനുവദിച്ച സര്‍ക്കിളുകളില്‍ നെറ്റ്വര്‍ക്ക് ഉണ്ടാക്കുന്നതിന് ഈ കമ്പനികള്‍ റേഡിയോ ഫ്രീക്വന്‍സിക്കുവേണ്ടി അപേക്ഷ നല്‍കണം. ബി.എസ്.എന്‍.എല്‍ അടക്കം പ്രമുഖ കമ്പനികള്‍ ഉപയോഗിക്കുന്ന ജി.എസ്.എം മൊബൈല്‍ മേഖലയിലാണ് പുതുതായി ലൈസന്‍സ് നല്‍കിയിരിക്കുന്നത്.

കൂടുതല്‍ കമ്പനികള്‍ വരുന്നതോടെ മൊബൈല്‍നിരക്ക് ഇനിയും കുറയുമെന്ന് ചൂണ്ടിക്കാണിക്കപ്പെടുന്നു.
പ്രാദേശിക ചുറ്റളവില്‍ മൊബൈല്‍ കാളിന് മിനിറ്റിന് 25 പൈസയും ദൂരസ്ഥലങ്ങളിലേക്ക് മിനിറ്റിന് 50 പൈസയുമായി നിരക്ക് കുറക്കാനാണ് വാര്‍ത്താവിനിമയ മന്ത്രി എ. രാജ ലക്ഷ്യമിടുന്നതെന്ന് ഔദ്യോഗിക കേന്ദ്രങ്ങള്‍ വെളിപ്പെടുത്തി.

3. മലയാളി പാക് പൌരന്മാര്‍ക്ക് ദീര്‍ഘകാല വിസയില്‍ നാട്ടില്‍ കഴിയാം: കേന്ദ്രം
ന്യൂദല്‍ഹി: കേരളത്തില്‍ കഴിയുന്ന മലയാളികളായ പാക്കിസ്ഥാന്‍ പൌരന്മാര്‍ക്ക് ഇന്ത്യന്‍ പൌരത്വത്തിന് അപേക്ഷിക്കാന്‍ സാവകാശം നല്‍കത്തക്ക വിധം ഉപാധിയോടെ ദീര്‍ഘകാല വിസ അനുവദിക്കാന്‍ കേന്ദ്രം ഉത്തരവിറക്കിയതായി ആഭ്യന്തര സഹമന്ത്രി ശ്രീപ്രകാശ് ജയ്സ്വാള്‍ രാജ്യസഭയില്‍ അറിയിച്ചു. ദീര്‍ഘകാല വിസ അനുവദിക്കുന്ന കാര്യത്തില്‍ 2000 മെയ് ഒന്നിന് കേന്ദ്രം ഉത്തരവിറക്കിയിരുന്നു. അതിലെ വ്യവസ്ഥകള്‍ പുതുക്കിക്കൊണ്ട് 2005 ആഗസ്റ്റ് 31ന് ഉത്തരവിറക്കി.

വിഭജനകാലത്ത് പാക്കിസ്ഥാനില്‍ പോവുകയും അവിടത്തെ പൌരത്വവുമായി നാട്ടിലെ ബന്ധുക്കളുടെ അടുത്തേക്ക് മടങ്ങുകയും ചെയ്ത ഒട്ടേറെ പേരുണ്ട്. അവരുടെ പൌരത്വ പദവി നിര്‍ണയിക്കല്‍, ഇന്ത്യന്‍ പൌരത്വം നല്‍കല്‍ എന്നിവ സംബന്ധിച്ച കേസുകള്‍ കേരളത്തിലെ വിവിധ കോടതികളിലുണ്ട്.

4. ദേവസ്വം ബോര്‍ഡ് അംഗങ്ങള്‍ സര്‍ക്കാര്‍ തീരുമാനം അട്ടിമറിച്ചു
തിരുവനന്തപുരം: തിരുവിതാംകൂര്‍ ദേവസ്വംബോര്‍ഡില്‍ സര്‍ക്കാര്‍ നിയമിച്ച വിജിലന്‍സ് എസ്.പിയുടെയും എസ്.ഐയുടെയും പ്രവര്‍ത്തനം തടസ്സപ്പെടുത്തുകയും ശമ്പളം നല്‍കാതിരിക്കുകയും ചെയ്യുന്ന ദേവസ്വംബോര്‍ഡ് അംഗങ്ങളുടെയും മുതിര്‍ന്ന ഉദ്യോഗസ്ഥരുടെയും നടപടി ഗുരുതര അച്ചടക്കലംഘനമാണെന്ന് വകുപ്പ്മന്ത്രിയുടെ നിര്‍ദേശപ്രകാരം ഇതേക്കുറിച്ച് അന്വേഷിച്ച ശബരിമല ദേവസ്വം സ്പെഷല്‍ ഓഫീസര്‍ കെ. ജയകുമാര്‍ സര്‍ക്കാറിന് റിപ്പോര്‍ട്ട് നല്‍കി.
ദേവസ്വംബോര്‍ഡ് അംഗങ്ങള്‍ സര്‍ക്കാര്‍ തീരുമാനം അട്ടിമറിക്കുന്നത് അച്ചടക്കലംഘനമാണ്. ഇങ്ങനെ പ്രവര്‍ത്തിക്കാന്‍ അവര്‍ക്ക് അധികാരമില്ല. ദേവസ്വം നിയമത്തിന് ഇത് എതിരാണ്. അതിനാല്‍ ഗൌരവമായി കാണണം^റിപ്പോര്‍ട്ടില്‍ പറയുന്നു.

ദേവസ്വംബോര്‍ഡ് അംഗങ്ങളെയും ഉദ്യോഗസ്ഥരെയും നിയമിച്ചത് സര്‍ക്കാറാണ്. എസ്.പിയെയും എസ്.ഐയെയും നിയമിച്ചതും സര്‍ക്കാര്‍ തന്നെ. ദേവസ്വംബോര്‍ഡ് അംഗങ്ങളുടെ നിര്‍ദേശമനുസരിച്ച് സര്‍ക്കാര്‍ നിര്‍ദേശം അട്ടിമറിക്കാന്‍ ബോര്‍ഡിലെ ഉന്നത ഉദ്യോഗസ്ഥര്‍ക്കും അധികാരമില്ല. ഇവര്‍ക്കെതിരെ ശക്തമായ നടപടി വേണമെന്ന് റിപ്പോര്‍ട്ടിലുണ്ട്. ദേവസ്വംബോര്‍ഡ് അംഗങ്ങളായ പി. നാരായണന്‍, സുമതിക്കുട്ടിയമ്മ എന്നിവര്‍ക്കെതിരെ ഏതുവിധത്തിലുള്ള നടപടി വേണമെന്ന് സര്‍ക്കാറിന് നിശ്ചയിക്കാം.

ഇതിനുള്ള അവകാശവും അധികാരവും സര്‍ക്കാറില്‍ നിക്ഷിപ്തമാണെന്നും ദേവസ്വംബോര്‍ഡിന്റെ ഭരണവ്യവസ്ഥകള്‍ ഉദ്ധരിച്ച് റിപ്പോര്‍ട്ടില്‍ ചൂണ്ടിക്കാട്ടി. എന്നാല്‍ ദേവസ്വംബോര്‍ഡ് സ്വതന്ത്ര അധികാരമുള്ള സ്ഥാപനമാണെന്നും ഡെപ്യൂട്ടേഷനില്‍ എസ്.പിയെയും എസ്.ഐയെയും നിയമിക്കുമ്പോള്‍ അംഗങ്ങളോട് ആലോചിക്കേണ്ടതുണ്ടെന്നും ബോര്‍ഡംഗം പി. നാരായണന്‍ പറഞ്ഞു. ഞങ്ങള്‍ നിലപാടില്‍ ഉറച്ചുനിന്ന് മുന്നോട്ടുപോകും. ഇക്കാര്യത്തില്‍ വിട്ടുവീഴ്ചക്ക് തയാറുമല്ല^അദ്ദേഹം കൂട്ടിച്ചേര്‍ത്തു. അതേസമയം, ദേവസ്വം ബോര്‍ഡ് സ്പെഷല്‍ ഓഫീസറുടെ റിപ്പോര്‍ട്ടിന്റെ അടിസ്ഥാനത്തില്‍ ഉദ്യോഗസ്ഥരെ പ്രോസിക്യൂട്ട് ചെയ്യുന്നതിനെക്കുറിച്ച് സര്‍ക്കാര്‍ ആലോചിച്ചുവരികയാണെന്നും അംഗങ്ങള്‍ക്കെതിരെ എന്ത് നടപടിവേണമെന്ന് ഉടന്‍ തീരുമാനമെടുക്കുമെന്നും ദേവസ്വംമന്ത്രി ജി. സുധാകരന്‍ ‘മാധ്യമ’ത്തോട് പറഞ്ഞു.

ബോര്‍ഡംഗങ്ങളുടെ നിര്‍ദേശപ്രകാരം എസ്.പിക്കും എസ്.ഐക്കും ശമ്പളം നിഷേധിച്ച ഫൈനാന്‍സ് ഓഫീസറെ നേരത്തെ സസ്പെന്റ് ചെയ്തിരുന്നു. പിന്നീട് നിയമിച്ച ഫൈനാന്‍സ് ഓഫീസറും ഇതേനിലപാടാണ് കൈക്കൊള്ളുന്നത്. അതിനാല്‍ അവരെ പ്രോസിക്യൂട്ട് ചെയ്യാതെ നിവര്‍ത്തിയില്ല.ദേവസ്വം ബോര്‍ഡംഗങ്ങള്‍ സ്വയം ഒഴിഞ്ഞ് പോകുന്നതാണ് നല്ലത്. അംഗങ്ങള്‍ തുടരുന്നത് ബോര്‍ഡിന്റെ പ്രവര്‍ത്തനത്തിന് ബുദ്ധിമുട്ടുണ്ടാക്കുന്നുണ്ട്. അതിനാല്‍ അവര്‍ സ്വയം രാജിവെച്ച് പോകട്ടെ എന്ന് മന്ത്രി പറഞ്ഞു.

5. ഇന്ത്യന്‍ തൊഴിലാളികളുടെ പ്രശ്നത്തില്‍ ഇടപെടാന്‍ പോലിസിന് ലേബര്‍ കോടതി നിര്‍ദേശം
ജിദ്ദ: മാസങ്ങള്‍ ജോലി ചെയ്തിട്ടും വേതനം നല്‍കാത്ത കമ്പനിക്കെതിരെ ലേബര്‍ കോടതിയില്‍ സമര്‍പ്പിച്ച പരാതിയില്‍ ഇടപെടാന്‍ കോടതി പോലിസിന് നിര്‍ദേശം നല്‍കി. ലേബര്‍ കോടതിയുടെ നിര്‍ദേശം രണ്ട് മലയാളികള്‍ ഉള്‍പ്പെടെ 10ല്‍പരം ഇന്ത്യന്‍ തൊഴിലാളികള്‍ക്കാശ്വാസമായി.

ഏഴ് മാസം മുമ്പാണ് ഇന്ത്യയിലെ വിവിധ കേന്ദ്രങ്ങളില്‍ വെച്ച് ജിദ്ദയിലെ പ്രമുഖ കോണ്‍ട്രാക്ടിംഗ് കമ്പനിയിലേക്ക് അല്‍അഹദ് ട്രാവല്‍സ് മുഖേന തൊഴിലാളികളെ റിക്രൂട്ട് ചെയ്തത്. ജിദ്ദയിലെത്തിയ തൊഴിലാളികളെ കമ്പനി തന്നെ ഇതര കമ്പനികളിലേക്ക് ജോലിക്കയക്കുകയായിരുന്നു. ലേബര്‍മാര്‍ മുതല്‍ ഓട്ടോകാഡ് എഞ്ചിനീയര്‍മാര്‍ വരെ തൊഴിലാളികളുടെ കൂട്ടത്തിലുണ്ട്. സൌദിയിലെത്തിയപ്പോള്‍ കരാര്‍ പ്രകാരം ജോലി നല്‍കാതെ ഓട്ടോകാഡ് എഞ്ചീനീയരെ വരെ ലേബറായിട്ടാണ് നിയോഗിച്ചത്. ചിലര്‍ക്ക് കമ്പനി ജോലി നല്‍കിയിരുന്നില്ല. ബാക്കിയുള്ളവരെ ഏഴ് മാസത്തോളം ജോലി ചെയ്യിപ്പിച്ചെങ്കിലും ഇതുവരെ ശമ്പളമോ ആനുകൂല്യങ്ങളോ നല്‍കാന്‍ അധികൃതര്‍ തയാറായില്ല.

ഒടുവില്‍ അവകാശങ്ങള്‍ക്കായി ഇന്ത്യന്‍ തൊഴിലാളികള്‍ ജിദ്ദ ലേബര്‍ കോടതിയില്‍ പരാതി ഫയല്‍ ചെയ്യുകയായിരുന്നു. കേസ് പഠിച്ച കോടതി എതിര്‍കക്ഷിയായ കമ്പനിയോട് കോടതിയില്‍ ഹാജരാകുന്നതിന് പലപ്രവാശ്യം നോട്ടീസ് നല്‍കിയിരുന്നു. എന്നാല്‍ കോടതിയെ ധിക്കരിച്ച കമ്പനിക്കെതിരെ നടപടിയെടുക്കാന്‍ സമീപത്തെ പോലിസ് സ്റ്റേഷനോട് കോടതി നിര്‍ദേശിക്കുകയായിരുന്നു. കോടതി നിര്‍ദേശത്തെ തുടര്‍ന്ന് ഇന്ത്യന്‍ തൊഴിലാളികള്‍ കഴിഞ്ഞ ദിവസം ശറഫിയ പോലിസ് സ്റ്റേഷനില്‍ എത്തിയിരുന്നു.

ഇന്ത്യന്‍ കോണ്‍സുലേറ്റിലും പരാതി നല്‍കിയിരുന്നതായി തൊഴിലാളിയായ ഹൈദരാബാദ് സ്വദേശി ശംസുദ്ദീന്‍ ‘ഗള്‍ഫ് മാധ്യമ’ത്തോട് പറഞ്ഞു. പരാതി പ്രകാരം ഇന്ത്യന്‍ കോണ്‍സുലേറ്റ് അധികൃതര്‍ കമ്പനിയമായി ബന്ധപ്പെട്ടിരുന്നുവെന്ന് ഒരു മാസത്തിനകം പ്രശ്നം പരിഹരിക്കാമെന്ന് കമ്പനിയധികൃതര്‍ ഇന്ത്യന്‍ കോണ്‍സുലേറ്റുമായി ധാരണയിലെത്തിയിരുന്നു.
എന്നാല്‍ കോണ്‍സുലേറ്റ് നല്‍കിയ മൂന്ന് അവധികള്‍ കമ്പനി ലംഘിച്ചെന്നും ശംസുദ്ദീന്‍ അറിയിച്ചു. കമ്പനിക്കെതിരെ ഇന്ത്യന്‍ കോണ്‍സുലേറ്റ് സൌദി വിദേശകാര്യ മന്ത്രാലയത്തെ സമീപിക്കുമെന്നറിയുന്നു.

1. മൂലമ്പിള്ളി സംഘര്‍ഷത്തിന് പിന്നില്‍ നക്സലുകള്‍: വി.എസ്.
തിരുവനന്തപുരം: വല്ലാര്‍പാടം പദ്ധതിക്കു വേണ്ടി കുടിയൊഴിപ്പിക്കപ്പെടുന്ന മൂലമ്പിള്ളി നിവാസികളില്‍ ഒരു വിഭാഗം നക്സലൈറ്റുകളുടെ പ്രേരണയ്ക്കു വിധേയമായിട്ടാണ് സംഘര്‍ഷം സൃഷ്ടിക്കാന്‍ ശ്രമിച്ചതെന്ന് മുഖ്യമന്ത്രി വി.എസ്. അച്യുതാനന്ദന്‍. ഇതുമായി ബന്ധപ്പെട്ട എല്ലാവര്‍ക്കും നക്സല്‍ ബന്ധത്തെക്കുറിച്ച് അറിയാവുന്നതാണ്. നക്സല്‍ ബന്ധമുള്ള ഒരു സെറ്റ് ഉണ്ട്. സകല രാഷ്ട്രീയ കക്ഷികളും അംഗീകരിച്ച കാര്യങ്ങള്‍ അവര്‍ എതിര്‍ക്കുകയാണ്. അവിടത്തെ പ്രശ്നങ്ങള്‍ പരിഹരിക്കുന്നതിന്റെയും പുനരധിവാസ പദ്ധതിയുടെയുമൊക്കെ ചുമതല മന്ത്രിമാരായ കെ.പി. രാജേന്ദ്രനും എസ്. ശര്‍മയ്ക്കുമാണ്.

പുനരധിവാസ പദ്ധതി ഉള്‍പ്പെടെയുള്ള കാര്യങ്ങള്‍ ഈ മന്ത്രിമാര്‍ക്കു സ്വയം തീരുമാനിക്കാം. മന്ത്രിസഭ ചര്‍ച്ച ചെയ്യേണ്ട കാര്യമില്ല. കലക്ടറും മറ്റ് ഉദ്യോഗസ്ഥരും വാഗ്ദാനം ചെയ്ത പണം വാങ്ങി ഒഴിയുമെന്നു കരുതിയിരിക്കെയാണ് ഒരു വിഭാഗം ആളുകള്‍ നക്സലുകളുടെ പ്രേരണയ്ക്കു വിധേയമായി സംഘര്‍ഷം സൃഷ്ടിക്കാന്‍ ശ്രമിച്ചത്. വല്ലാര്‍പാടം പദ്ധതി നടപ്പാക്കുന്നതു നീണ്ടു പോയാല്‍ പദ്ധതി തന്നെ നഷ്ടപ്പെടുമെന്ന് പ്രധാനമന്ത്രിയുടെ പ്രിന്‍സിപ്പല്‍ സെക്രട്ടറി ഉള്‍പ്പെടെയുള്ളവര്‍ മുന്നറിയിപ്പു നല്‍കിയിരുന്നു. പദ്ധതി തന്നെ ഇല്ലാതാകുമെന്ന ഘട്ടം വന്നപ്പോള്‍ കാര്യങ്ങള്‍ ചെയ്യാന്‍ കലക്ടര്‍ ഉത്സാഹം കാട്ടിയതാകാം.

പക്ഷേ ചില സന്ദര്‍ഭങ്ങളില്‍ മാനുഷിക വശം ഓര്‍ക്കാതെയാണ് ഉദ്യോഗസ്ഥര്‍ പ്രവര്‍ത്തിക്കുന്നത്. അത് മനഃപൂര്‍വം ആയിരിക്കുകയില്ല. ഏതു പ്രശ്നവും ഉടനടി പകര്‍ത്തിയെടുത്ത് നാട്ടുകാരെ അറിയിക്കാന്‍ ചാനലുകാര്‍ റെഡിയായി നില്‍ക്കുന്നതു കൊണ്ട് ഇതൊക്കെ പുറത്തു വരുന്നു. നടന്നതിനെ എല്ലാം താന്‍ അംഗീകരിക്കുന്നില്ല. എങ്കിലും ഇത്തരം സംഭവങ്ങള്‍ ഇടയ്ക്ക് ഉണ്ടാകാറുണ്ടെന്നും സംഭവിക്കുന്നുണ്ടെന്നുമുള്ള കാര്യം മനസ്സിലാക്കണം-മുഖ്യമന്ത്രി പറഞ്ഞു.

2. മുഖ്യമന്ത്രിക്ക് മൂലമ്പിള്ളിക്കാരുടെ തുറന്ന കത്ത്
കൊച്ചി: മൂലമ്പിള്ളിയില്‍ നിന്നു കുടിയൊഴിപ്പിക്കപ്പെട്ടവര്‍ സമരം ചെയ്യുന്നതു നക്സലൈറ്റുകളുടെ പ്രേരണയ്ക്കു വിധേയമായിട്ടാണെന്ന മുഖ്യമന്ത്രി വി.എസ്. അച്യുതാനന്ദന്റെ പ്രസ്താവനയില്‍ ശക്തമായ പ്രതിഷേധം അറിയിച്ച് കുടിയിറക്കപ്പെട്ടവര്‍ അദ്ദേഹത്തിനു തുറന്ന കത്തയച്ചു. ‘അങ്ങ് ദയവായി കണ്ണില്‍ ചോരയില്ലാതെ സംസാരിക്കരുത്. കുടിയിറക്കപ്പെട്ട് തെരുവാധാരമായിരിക്കുന്ന ഞങ്ങള്‍ നക്സലൈറ്റുകളുടെ പ്രേരണയ്ക്കു വിധേയമായി സംഘര്‍ഷം സൃഷ്ടിക്കുകയാണെന്ന് അങ്ങ് പറഞ്ഞതു ക്രൂരമായിപ്പോയി.

നേരത്തെ തന്നെ പണം വാങ്ങിയ ഞങ്ങള്‍ ഇറങ്ങിക്കൊടുക്കാതിരിക്കുകയാണെന്ന അവാസ്തവവും അങ്ങ് പറഞ്ഞു- ഞങ്ങളെ കയ്യൊഴിയരുത് എന്ന തലക്കെട്ടിലുള്ള കത്ത് ആരംഭിക്കുന്നത് ഇങ്ങനെയാണ്. കയറിക്കിടക്കാന്‍ മറ്റൊരു സ്ഥലം കാട്ടിത്തരാതെ സ്വന്തം വീട്ടില്‍ നിന്ന് അന്യായമായി ഇറക്കിവിട്ടപ്പോള്‍ മാന്യമായ പുനരധിവാസം വേണമെന്ന് ആവശ്യപ്പെട്ട് ഒരുമിച്ചുനില്‍ക്കുന്നതാണോ തങ്ങള്‍ ചെയ്ത അപരാധമെന്നു കത്തില്‍ ചോദിക്കുന്നു.

‘മൂന്നാഴ്ചയായി തെരുവില്‍ ഞങ്ങള്‍ എങ്ങനെ കഴിയുന്നു എന്നു താങ്കളോ ഉത്തരവാദപ്പെട്ട സര്‍ക്കാര്‍ പ്രതിനിധിയോ അന്വേഷിച്ചോ? അങ്ങയുടെ പാര്‍ട്ടിയോ ഭരണകക്ഷികളോ ഞങ്ങളെ ഓര്‍ത്തോ? വികസനം വന്നോട്ടെ, പക്ഷേ, ഞങ്ങളുടെ കുഞ്ഞുങ്ങളെ ഉള്‍പ്പെടെ തെരുവാധാരമാക്കി മാത്രമേ വികസനം നടപ്പാക്കൂ എന്നുണ്ടോ?

സമരത്തിനു നേതൃത്വം നല്‍കുന്ന കോ-ഓര്‍ഡിനേഷന്‍ കമ്മിറ്റി മൂലമ്പിള്ളിയില്‍ നിന്നു കുടിയിറക്കപ്പെട്ടവരും മറ്റിടങ്ങളില്‍ കുടിയൊഴിപ്പിക്കല്‍ ഭീഷണി നേരിടുന്നവരും ചേര്‍ന്നു രൂപം നല്‍കിയതാണ്. ഇതു കക്ഷിരാഷ്ട്രീയ പരിഗണനകള്‍ക്കതീതമാണ്. ഇതിന്റെ നേതാക്കളെല്ലാം സമൂഹത്തിന്റെ അംഗീകാരം ഉള്ളവരാണ്. ജസ്റ്റിസ് വി.ആര്‍. കൃഷ്ണയ്യര്‍ അധ്യക്ഷനായ ജനകീയപ്രതിരോധ സമിതിയാണ് ഈ കമ്മിറ്റിയുടെ പ്രചോദനം. ഇവരാരും നക്സലൈറ്റുകളല്ല. ഒരു തീവ്രവാദിക്കും നക്സലൈറ്റിനും വഴങ്ങുന്നവരല്ല ഞങ്ങള്‍. ഈ സാഹചര്യത്തില്‍ വസ്തുതാവിരുദ്ധമായ പ്രചാരണം ഉപേക്ഷിച്ച് ജീവകാരുണ്യം കാട്ടണമെന്നു മൂലമ്പിള്ളി വാസികള്‍ മുഖ്യമന്ത്രിയോട് അഭ്യര്‍ഥിക്കുന്നു.

3. പുഷ്പഗിരിയില്‍ റാഗിങ്; 4 വിദ്യാര്‍ഥികള്‍ക്കു സസ്പെന്‍ഷന്‍
തിരുവല്ല: പുഷ്പഗിരി മെഡിക്കല്‍ കോളജിലെ ഒന്നാം വര്‍ഷ എംബിബിഎസ് വിദ്യാര്‍ഥിയെ റാഗ് ചെയ്തുവെന്ന പരാതിയുമായി ബന്ധപ്പെട്ട് നാലു സീനിയര്‍ വിദ്യാര്‍ഥികളെ കോളജ് അധികൃതര്‍ സസ്പെന്‍ഡ് ചെയ്തു. ജയന്‍ ജയപാലന്‍, സുബിന്‍ സേവ്യര്‍, അമിത്, പ്രിന്‍സ് എന്നിവരെയാണ് സസ്പെന്‍ഡ് ചെയ്തത്. നാലുപേരും ഒന്നാം വര്‍ഷ പരീക്ഷയില്‍ തോറ്റവരാണ്.

സംഭവത്തെക്കുറിച്ചുള്ള പൊലീസ് അന്വേഷണം തീരുന്നതു വരെയാണു സസ്പെന്‍ഷന്‍. ഒന്നാംവര്‍ഷ വിദ്യാര്‍ഥി kകൊച്ചി സ്വദേശി ജോണ്‍ ഏബ്രഹാമിന്റെ രക്ഷിതാവ് നല്‍കിയ പരാതിയെ തുടര്‍ന്നായിരുന്നു നടപടി.

റാഗിങ്ങിനെത്തുടര്‍ന്ന് ജോണ്‍ എറണാകുളം ഗവ. ആശുപത്രിയില്‍ ചികില്‍സയിലാണ്. കോളജ് ഫ്രെഷേഴ്സ് ഡേ ആയിരുന്ന ബുധനാഴ്ച രാത്രിയാണു പരാതിക്ക് ആസ്പദമായ സംഭവം നടന്നതെന്നു കോളജ് അധികൃതരും പൊലീസും പറഞ്ഞു.

സീനിയര്‍ വിദ്യാര്‍ഥികളുടെ മുറികളില്‍ ജോണിനെ റാഗ് ചെയ്തെന്നാണു പരാതി. മര്‍ദനത്തെത്തുടര്‍ന്ന് അവശ നിലയിലായ ജോണ്‍ ഇന്നലെ രാവിലെ കൊച്ചിയിലെ വീട്ടിലേക്കു പോവുകയും ആശുപത്രിയില്‍ ചികില്‍സ തേടുകയും ചെയ്തു. സംഭവത്തെക്കുറിച്ച് ജോണിന്റെ പിതാവ് എറണാകുളം പൊലീസ് സ്റ്റേഷനില്‍ പരാതി നല്‍കുകയും കോളജ് അധികൃതരെ രേഖാമൂലം വിവരം അറിയിക്കുകയുമായിരുന്നു.

കോളജ് മാനേജ്മെന്റ് ചുമതലപ്പെടുത്തിയ നാലംഗ സമിതി അന്വേഷണം നടത്തി വിദ്യാര്‍ഥികള്‍ കുറ്റക്കാരാണെന്നു കണ്ടെത്തി. തിരുവല്ല പൊലീസ് കേസ് എടുത്ത് അന്വേഷണം ആരംഭിച്ചു. റാഗിങ് സംഭവത്തില്‍ കുറ്റക്കാര്‍ക്കെതിരെ ശക്തമായ നടപടി വേണമെന്നും കോളജില്‍ ആന്റി റാഗിങ് സ്ക്വാഡ് രൂപീകരിക്കണമെന്നും എസ്എഫ്ഐ ജില്ലാ പ്രസിഡന്റ് കെ.യു. ജനീഷ് കുമാര്‍, സെക്രട്ടറി ആര്‍. മനു എന്നിവര്‍ ആവശ്യപ്പെട്ടു.

4. ഇന്നു വിരമിക്കാനിരിക്കെ ചീഫ് എന്‍ജിനീയര്‍ക്ക് സസ്പെന്‍ഷന്‍
തിരുവനന്തപുരം: ഇന്നു വിരമിക്കാനിരിക്കെ, വൈദ്യുതി ബോര്‍ഡ് ചീഫ് എന്‍ജിനീയര്‍ ബി.എസ്. രാധാകൃഷ്ണനെ ബോര്‍ഡ് ചെയര്‍മാന്‍ രാജീവ് സദാനന്ദന്‍ സസ്പെന്‍ഡ് ചെയ്തു. കണക്കില്‍ കൂടുതല്‍ സ്വത്തു സമ്പാദിച്ചുവെന്ന വിജിലന്‍സ് കേസിന്റെ അടിസ്ഥാനത്തില്‍ സര്‍ക്കാര്‍ നിര്‍ദേശപ്രകാരമാണു നടപടി.

മൂന്നാറില്‍ ദൌത്യസംഘം പൊളിച്ചുമാറ്റിയ ‘മൂന്നാര്‍ വുഡ്സ് രാധാകൃഷ്ണന്റെ ഭാര്യയുടേതായിരുന്നു. റിസോര്‍ട്ട് പൊളിച്ചതിനു നഷ്ടപരിഹാരം ആവശ്യപ്പെട്ടു സബ്കോടതിയിലും ജില്ലാ കോടതിയിലും ഹൈക്കോടതിയിലും സര്‍ക്കാരിനെതിരെ കേസ് കൊടുത്തിട്ടുണ്ട്.

വൈദ്യുതി ബോര്‍ഡില്‍ ആസൂത്രണം, ഡിസൈന്‍, ഡാം സുരക്ഷ എന്നിവയുടെ ചുമതല വഹിച്ചിരുന്ന രാധാകൃഷ്ണന്‍, സംസ്ഥാനാന്തര നദീജലം കൈകാര്യം ചെയ്യുന്ന ജോയിന്റ് വാട്ടര്‍ റഗുലേറ്ററി ബോര്‍ഡില്‍ അംഗവുമായിരുന്നു. ഇപ്പോള്‍ ഡാം സുരക്ഷ അതോറിറ്റി അംഗമാണ്.

ചീഫ് ഓഫ് ജനറേഷന്‍ എന്ന നിലയില്‍ ഒരുകാലത്തു വൈദ്യുതി ബോര്‍ഡ് അംഗം വരെ ആയി ഉയര്‍ന്ന രാധാകൃഷ്ണനെ പില്‍ക്കാലത്തു ഡപ്യൂട്ടി ചീഫ് എന്‍ജിനീയറായി തരംതാഴ്ത്തുകയായിരുന്നു. തുടര്‍ന്ന് ഒഴിവുണ്ടായ മുറയ്ക്കാണു ചീഫ് എന്‍ജിനീയറായി പ്രമോഷന്‍ നല്‍കിയത്.

അണക്കെട്ടുകളുടെ നിര്‍മാണത്തിലും സംസ്ഥാനാന്തര നദീജല വിഷയത്തിലുമുള്ള വിദഗ്ധന്‍ എന്ന നിലയിലാണ് അദ്ദേഹം അറിയപ്പെട്ടിരുന്നത്. ഇടക്കാലത്തു വി.എസ്.അച്യുതാനന്ദനോട് അടുപ്പം പുലര്‍ത്തിയിരുന്ന രാധാകൃഷ്ണന്‍, മൂന്നാര്‍ ഒഴിപ്പിക്കല്‍ കാലഘട്ടത്തിലാണ് അകന്നതെന്ന് ആക്ഷേപമുണ്ടായിരുന്നു.

വിജിലന്‍സ് കേസിന്റെ ഭാഗമായി രാധാകൃഷ്ണന്റെ വീട്ടിലും ഓഫിസിലും ഒരു മാസം മുന്‍പ് റെയ്ഡ് നടത്തുകയുണ്ടായി. ഇന്നലെ ഓഫിസിലെത്തിയ അദ്ദേഹം സസ്പെന്‍ഷന്‍ ഉത്തരവ് ഏറ്റുവാങ്ങിയ ശേഷം ഡപ്യൂട്ടി ചീഫ് എന്‍ജിനീയര്‍ ആനി ഫിലിപ്പിനു ചുമതല കൈമാറി മടങ്ങി.

5. ബസ്യാത്രക്കിടയില്‍ റിട്ട. അധ്യാപികയുടെ മൂന്നു ലക്ഷം രൂപ അപഹരിച്ചു
കൊല്ലം: വസ്തു വാങ്ങാന്‍ കരുതിയിരുന്ന മൂന്നു ലക്ഷം രൂപ ബസ്യാത്രക്കിടയില്‍ റിട്ട. അധ്യാപികയുടെ ബാഗില്‍ നിന്ന് അപഹരിച്ചു. വള്ളിക്കീഴ് കൌസ്തുഭത്തില്‍ വാടകയ്ക്കു താമസിക്കുന്ന ഹയര്‍ സെക്കന്‍ഡറി സ്കൂള്‍ റിട്ട. പ്രിന്‍സിപ്പല്‍ ബലരാമന്റെ ഭാര്യ തങ്കമണിയുടെ ബാഗില്‍ നിന്നാണു പണം അപഹരിച്ചത്.

ഭര്‍ത്താവിന്റെയും മകളുടെയും കൂടെ വള്ളിക്കീഴില്‍ നിന്നു കൊല്ലത്തേക്കു കെഎസ്ആര്‍ടിസി ബസില്‍ വരുന്നതിനിടയിലാണു സംഭവം. പണം പഴ്സില്‍ വച്ചശേഷം ബാഗില്‍ സൂക്ഷിച്ചിരുന്നതാണ്. രാമന്‍കുളങ്ങരയില്‍ എത്തിയപ്പോള്‍ തങ്കമണിക്കു സീറ്റ് ലഭിച്ചു. മൂന്നു പേര്‍ക്കുള്ള സീറ്റില്‍ മധ്യത്ത് ഇരിക്കാന്‍ ആ സീറ്റില്‍ ഇരുന്ന സ്ത്രീകള്‍ ക്ഷണിക്കുകയായിരുന്നു. അഞ്ചുകല്ലുംമൂട്ടില്‍ എത്തിയപ്പോള്‍ സമീപത്തിരുന്ന സ്ത്രീകള്‍ ഇറങ്ങി. കലക്ടറേറ്റിനു സമീപം ബസ് ഇറങ്ങിയപ്പോഴാണു പണം നഷ്ടമായ വിവരം തങ്കമണി അറിഞ്ഞത്. ബാഗ് കീറുകയോ സിപ് തുറക്കുകയോ ചെയ്തിട്ടില്ല. ചവറ കൊറ്റംകുളങ്ങര സ്കൂളില്‍ നിന്നാണു തങ്കമണി വിരമിച്ചത്. വീട്ടില്‍ സൂക്ഷിക്കുന്നതു സുരക്ഷിതമല്ലാത്തതിനാലാണു കൂടെ കൊണ്ടുപോയതെന്നു റിട്ട. അധ്യാപക ദമ്പതികള്‍ പൊലീസിനോടു പറഞ്ഞു. കൊല്ലം വെസ്റ്റ് പൊലീസ് കേസെടുത്തു.

6. ക്രമവിരുദ്ധ ടിഎ: സംസ്കൃത വാഴ്സിറ്റി അടിയന്തര റിപ്പോര്‍ട്ട് നല്‍കണം
കൊച്ചി: കാലടി സംസ്കൃത സര്‍വകലാശാല സിന്‍ഡിക്കറ്റ് അംഗങ്ങള്‍ ക്രമവിരുദ്ധമായി ടിഎ ആനുകൂല്യങ്ങള്‍ കൈപ്പറ്റിയെന്ന ധനകാര്യ പരിശോധനാ വിഭാഗത്തിന്റെ കണ്ടെത്തലില്‍ അടിയന്തരമായി റിപ്പോര്‍ട്ടു നല്‍കാന്‍ ഉന്നത വിദ്യാഭ്യാസ പ്രിന്‍സിപ്പല്‍ സെക്രട്ടറി സര്‍വകലാശാലയോട് ആവശ്യപ്പെട്ടു. സര്‍വകലാശാലയിലെ ധനവിനിയോഗം കുത്തഴിഞ്ഞതാണെന്ന ധനകാര്യ പരിശോധനാ വിഭാഗത്തിന്റെ റിപ്പോര്‍ട്ടിന്റെ അടിസ്ഥാനത്തില്‍ സ്വീകരിച്ച നടപടികള്‍ വിശദമാക്കാന്‍ വൈസ് ചാന്‍സലറും റജിസ്ട്രാറോട് ആവശ്യപ്പെട്ടിട്ടുണ്ട്.

സിന്‍ഡിക്കറ്റ് അംഗങ്ങള്‍ ക്രമവിരുദ്ധമായി ടിഎ കൈപ്പറ്റിയതു സംബന്ധിച്ചു രണ്ടാഴ്ചയ്ക്കുള്ളില്‍ നടപടി റിപ്പോര്‍ട്ടു നല്‍കാനാണു ധനകാര്യ പരിശോധനാ വിഭാഗം സര്‍വകലാശാലയ്ക്കു നിര്‍ദേശം നല്‍കിയിരുന്നത്. എന്നാല്‍ ഒരു മാസം കഴിഞ്ഞിട്ടും റിപ്പോര്‍ട്ട് ലഭിക്കാത്ത സാഹചര്യത്തിലാണു പ്രിന്‍സിപ്പല്‍ സെക്രട്ടറി റിപ്പോര്‍ട്ട് ആവശ്യപ്പെട്ടിരിക്കുന്നത്. സിന്‍ഡിക്കറ്റ് കമ്മിറ്റികള്‍ തുടര്‍ച്ചയായ ദിവസങ്ങളില്‍ ചേര്‍ന്ന് ഒാരോ യോഗത്തിനും ടിഎ ഇനത്തില്‍ വന്‍ തുക കൈപ്പറ്റുന്നതു ധനകാര്യ പരിശോധനാ വിഭാഗത്തിന്റെ റിപ്പോര്‍ട്ടില്‍ ചൂണ്ടിക്കാട്ടിയിരുന്നു.

എന്നാല്‍ റിപ്പോര്‍ട്ട് സര്‍വകലാശാലയില്‍ ലഭിച്ച ശേഷവും സിന്‍ഡിക്കറ്റ് കമ്മിറ്റികള്‍ക്കു കുറവുണ്ടായില്ല. ഒാരോ അംഗത്തിനും പരമാവധി നല്‍കാവുന്ന സിറ്റിങ് ഫീസ് നിശ്ചയിക്കാന്‍ റിപ്പോര്‍ട്ടില്‍ സര്‍വകലാശാലയോട് ആവശ്യപ്പെട്ടിരുന്നു. സിന്‍ഡിക്കറ്റ് അംഗങ്ങളില്‍ ചിലര്‍ വ്യാജരേഖകള്‍ നല്‍കി ടിഎ കൈപ്പറ്റിയതും തെളിവുസഹിതം റിപ്പോര്‍ട്ടില്‍ ചൂണ്ടിക്കാട്ടിയിരുന്നു. ഇതിലും സര്‍വകലാശാല നടപടിയെടുത്തില്ല. ഇൌ റിപ്പോര്‍ട്ട് ലഭിച്ച ശേഷമാണു വ്യാജരേഖ ഹാജരാക്കിയെന്ന പേരില്‍ ഒരു അധ്യാപകനെ സര്‍വകലാശാല സസ്പെന്‍ഡ് ചെയ്തത്. എന്നാല്‍ വ്യാജരേഖ ഹാജരാക്കി ടിഎ കൈപ്പറ്റിയ സിന്‍ഡിക്കറ്റ് അംഗങ്ങള്‍ക്കെതിരെ നടപടിയുണ്ടായില്ല.

7. മാന്ദ്യം? പരിഹാരം രണ്ടാം ഹരിതവിപ്ളവം
ന്യൂഡല്‍ഹി: ചൈനയോടൊപ്പമെത്താന്‍ അതിവേഗം കുതിക്കുന്ന ഇന്ത്യയുടെ സാമ്പത്തികവളര്‍ച്ച നടപ്പു സാമ്പത്തികവര്‍ഷം (2007-08) ഇരട്ട അക്കത്തിലെത്തുമെന്ന പ്രതീക്ഷ അസ്തമിക്കുന്നു. യുഎസില്‍ നിന്നു തുടങ്ങി ലോകമാകെ പടരുന്ന സാമ്പത്തിക മാന്ദ്യം ഇന്ത്യയെയും ബാധിക്കാമെന്നാണു കേന്ദ്ര ബജറ്റിനു മുന്നോടിയായി ധനമന്ത്രി പി. ചിദംബരം പാര്‍ലമെന്റിനു സമര്‍പ്പിച്ച സാമ്പത്തിക സര്‍വേ വ്യക്തമാക്കുന്നത്.

പഞ്ചസാര, വളം, മരുന്നുകള്‍ എന്നിവയുടെ കേന്ദ്രീകൃത വിലനിയന്ത്രണ സംവിധാനം ഘട്ടംഘട്ടമായി ഇല്ലാതാക്കണമെന്നു (ഡീ കണ്‍ട്രോള്‍) ശുപാര്‍ശ ചെയ്യുന്ന സര്‍വേയില്‍ പക്ഷേ, പുതിയ സാമ്പത്തിക വര്‍ഷത്തെപ്പറ്റി ഒട്ടേറെ ശുഭപ്രതീക്ഷകളുമുണ്ട്.

Union Budget :: Indepth

കഴിഞ്ഞ സാമ്പത്തികവര്‍ഷം 9.6% ആയിരുന്ന വളര്‍ച്ചാനിരക്ക് നടപ്പു സാമ്പത്തികവര്‍ഷം ജനുവരി വരെ 8.7 ശതമാനമായി കുറഞ്ഞു. 2007 മേയില്‍ ഇത് 9.4% ആയിരുന്നു. പിന്നീട് 9.6% വരെയെത്തി. 2008-09 സാമ്പത്തികവര്‍ഷം വളര്‍ച്ചാനിരക്കു കൂടാമെങ്കിലും ഇരട്ടയക്കത്തില്‍ അതു നിലനിര്‍ത്തുക വെല്ലുവിളിയാകും. 2003-04 മുതല്‍ എട്ടു ശതമാനത്തിലേറെ വളര്‍ച്ചയാണ് ഇന്ത്യ രേഖപ്പെടുത്തുന്നത്.

പണപ്പെരുപ്പം പിടിച്ചുനിര്‍ത്താനായതു പക്ഷേ, നേട്ടമാണ്. 2006-07ല്‍ 5.6% ആയിരുന്ന പണപ്പെരുപ്പ നിരക്ക് നടപ്പു സാമ്പത്തിക വര്‍ഷം 4.1% ആയി കുറഞ്ഞു. മൊത്തവിലനിലവാര സൂചിക അടിസ്ഥാനമാക്കി അവസാന 10 മാസത്തെ വിലകളാണ് ഇതിനു പരിഗണിച്ചത്. ആഭ്യന്തര നിക്ഷേപവും സമ്പാദ്യവും വര്‍ധിച്ചെങ്കിലും കാര്‍ഷിക രംഗത്തു മാന്ദ്യം തുടരുന്നു. കാര്‍ഷികോല്‍പാദനം ലക്ഷ്യത്തിലെത്തിയില്ല. വളര്‍ച്ചാനിരക്ക് ഒരു ശതമാനത്തോളം കുറയാന്‍ മുഖ്യകാരണം ഇതാണ്. രണ്ടാം ഹരിതവിപ്ളവമാണു സര്‍വേ നിര്‍ദേശിക്കുന്ന പരിഹാരം.

പണപ്പെരുപ്പം നിയന്ത്രിക്കാനായതാണു മുഖ്യനേട്ടം. ആഗോളതലത്തില്‍ വിലകള്‍ കയറിയ സാഹചര്യത്തിലായിരുന്നു ഇത്. ഇന്ത്യ ആദ്യമായി ട്രില്യണ്‍ ഡോളര്‍ (ഒരുലക്ഷം കോടി ഡോളര്‍ അഥവാ 40 ലക്ഷം കോടിരൂപ) സമ്പദ്വ്യവസ്ഥകളുടെ പട്ടികയില്‍ സ്ഥാനംപിടിച്ചതായും സര്‍വേ പ്രഖ്യാപിച്ചു. 13 ലക്ഷം കോടി ഡോളറുമായി യുഎസാണ് ഇൌ ക്ളബ്ബിലെ ഒന്നാം സ്ഥാനക്കാര്‍.

ഗതാഗത, വാര്‍ത്താവിനിമയ മേഖലയാണു കൂടുതല്‍ വളര്‍ച്ച രേഖപ്പെടുത്തിയത്: 15.3%. നിര്‍മാണമേഖല 10.8% വളര്‍ന്നു. ബാങ്കിങ്ങും ഇന്‍ഷുറന്‍സും ഉള്‍പ്പെട്ട സാമ്പത്തിക സേവനമേഖല കഴിഞ്ഞ സാമ്പത്തികവര്‍ഷം 13.9% വളര്‍ച്ച നേടി. വ്യാവസായിക വളര്‍ച്ച താരതമ്യേന കുറവാണ്: 9.0%.

നേരിട്ടുള്ള വിദേശനിക്ഷേപം (എഫ്ഡിഐ) ഗണ്യമായി കൂടി. 2007-08ലെ ആദ്യ ആറുമാസം മാത്രം നേരിട്ടുള്ള വിദേശനിക്ഷേപം (എഫ്ഡിഐ) 1120 കോടി ഡോളര്‍ (44,800 കോടി രൂപ) ആണ്. 2006-07ലെ 12 മാസം ഇതു 2300 കോടി ഡോളര്‍ (92,000 കോടിരൂപ) അഥവാ 150% വളര്‍ച്ച ആയിരുന്നു. വിദേശ വ്യാപാരത്തില്‍ ഗണ്യമായ വര്‍ധനയുണ്ടായതായും സര്‍വേ വ്യക്തമാക്കി. മൊത്തം ആഭ്യന്തര ഉല്‍പാദനവുമായുള്ള അനുപാതത്തില്‍ കഴിഞ്ഞ അഞ്ചുവര്‍ഷത്തില്‍ 12.3% ആണു വളര്‍ച്ച. സേവനമേഖലാ വ്യാപാരം കൂടി ഉള്‍പ്പെടുത്തുമ്പോള്‍ ഇതു 18.8 ശതമാനമാണ്.

ഡോളറുമായുള്ള വിനിമയത്തില്‍ ഇന്ത്യന്‍ രൂപയുടെ മൂല്യം വര്‍ധിച്ചതിനെ തുടര്‍ന്നുകയറ്റുമതിക്കാര്‍ക്കുണ്ടായ റവന്യു നഷ്ടം പരിഹരിക്കാന്‍ നടപടികളെടുത്തു വരുന്നതായും സര്‍വേയില്‍ പറയുന്നു. തുണിത്തരങ്ങള്‍, സംസ്കരിച്ച ഭക്ഷ്യോല്‍പന്നങ്ങള്‍ തുടങ്ങിയ കയറ്റുമതി മേഖലയില്‍ തീരുവ അവകാശ പാസ്ബുക്ക് പദ്ധതിനിരക്കു മൂന്നു ശതമാനം ഉയര്‍ത്തി. മറ്റു മേഖലകളില്‍ രണ്ടു ശതമാനവും.

കയറ്റുമതി വായ്പാ ഗാരന്റി കോര്‍പറേഷന്‍ പ്രീമിയത്തില്‍ പത്തു ശതമാനം കുറവുവരുത്തി. എക്സൈസ് തീരുവ, കേന്ദ്ര വില്‍പനനികുതി തിരിച്ചുനല്‍കല്‍ കുടിശിക തീര്‍ക്കാന്‍ 600 കോടിരൂപ അനുവദിച്ചു. ഡ്യൂട്ടി ഡ്രോബാക്ക് നിരക്കും കൂട്ടി. ഷിപ്മെന്റ് വായ്പയുടെ പലിശനിരക്കു കുറച്ചു. ചില മേഖലകളില്‍ സേവനനികുതി തിരിച്ചുനല്‍കുന്നതടക്കമുള്ള നടപടികളാണെടുത്തതെന്നു സര്‍വേ ചൂണ്ടിക്കാട്ടി.

ലോക വ്യാപാര സംഘടന (ഡബ്ലിയുടിഒ) വ്യാപാരചര്‍ച്ചകളില്‍ ഇന്ത്യയുടെ താല്‍പര്യങ്ങളില്‍ ഉറച്ചുനില്‍ക്കുമെന്നു സര്‍വേയിലുണ്ട്. കാര്‍ഷിക കരാറിലും മറ്റും സാധാരണ കര്‍ഷകരുടെ ജീവനോപാധി താല്‍പര്യങ്ങള്‍ മറ്റു മേഖലകളിലെ ചര്‍ച്ചകള്‍ക്കായി ബലികഴിക്കില്ല. സാമ്പത്തിക സര്‍വേയില്‍ ചിദംബരം സ്വപ്നംകാണുന്ന പരിഷ്കരണ നടപടികള്‍ പക്ഷേ, ഇടതുപക്ഷത്തിന്റെയും പ്രതിപക്ഷത്തിന്റെയും വിമര്‍ശനത്തിനിടയാക്കിയേക്കും. ഒാഹരിവില്‍പനയും സ്വകാര്യ – വിദേശ മൂലധന നിക്ഷേപവുമാണ് ഇൌ പരിഷ്കാരങ്ങളുടെ കാതല്‍.

സര്‍വേയില്‍ അവതരിപ്പിച്ച പരിഷ്കരണ – ഉദാരവല്‍ക്കരണ നടപടികള്‍: സ്വകാര്യ ഗ്രാമീണ – കാര്‍ഷിക ബാങ്കുകളില്‍ (ഗ്രീന്‍ഫീല്‍ഡ് ബാങ്കുകള്‍) 100% വിദേശനിക്ഷേപം, കല്‍ക്കരി ഖനന മേഖലയില്‍ നിയന്ത്രിത സ്വകാര്യനിക്ഷേപം, ലാഭത്തിലുള്ള നവരത്ന ഇതര പൊതുമേഖലാ കമ്പനികളുടെ 5-10% ഒാഹരി വില്‍പന, അണ്‍ലിസ്റ്റഡ് പൊതുമേഖലാ കമ്പനികള്‍ ലിസ്റ്റ് ചെയ്യുകയും 10% ഒാഹരി വില്‍ക്കുകയും ചെയ്യുക, പഴയ എണ്ണപ്പാടങ്ങള്‍ സ്വകാര്യമേഖലയ്ക്കു വില്‍ക്കുക, ഇന്‍ഷുറന്‍സില്‍ വിദേശനിക്ഷേപം 45%, വിദേശ ബ്രാന്‍ഡഡ് ചില്ലറവില്‍പന മേഖലയില്‍ 100% വിദേശനിക്ഷേപം.

നിര്‍ദിഷ്ട ഗ്രീന്‍ഫീല്‍ഡ് ബാങ്കുകള്‍ക്കു മറ്റു സ്വകാര്യമേഖലാ ബാങ്കുകള്‍ ഏറ്റെടുക്കാന്‍ സ്വാതന്ത്യ്രമുണ്ടാകും. എഫ്ഡിഐ നയം കൂടുതല്‍ ഉദാരവല്‍ക്കരിക്കുന്ന മുറയ്ക്കു കൂടുതല്‍ ചെറുപട്ടണങ്ങളിലേക്കു ബിസിനസ് വ്യാപിപ്പിക്കാനും ശാഖകള്‍ തുറക്കാനും ഇവയെ അനുവദിക്കും.

പ്രഫഷനല്‍ സാങ്കേതിക സംവിധാനങ്ങളുള്ള സ്വകാര്യമേഖലയെക്കൂടി സഹകരിപ്പിച്ചു നഗര ഗതാഗത സംവിധാനത്തിന്റെ സമൂല പരിഷ്കാരവും സര്‍വേ വിഭാവനം ചെയ്യുന്നു. കാര്യക്ഷമമായ സംയോജിത ജനകീയ ഗതാഗത സംവിധാനമാണ് ഇതിലൂടെ ലക്ഷ്യമിടുന്നത്. മെട്രോകളടക്കമുള്ള വന്‍ നഗരങ്ങളില്‍ റോഡ് പാര്‍ക്കിങ് ഫീസിനും ഇതില്‍ വ്യവസ്ഥയുണ്ട്.

വിദേശ വ്യാപാരരംഗത്തു കസ്റ്റംസ് തീരുവകള്‍ വീണ്ടും കുറയ്ക്കണമെന്നു സര്‍വേ വാദിക്കുന്നു. പക്ഷേ, അനാവശ്യ കസ്റ്റംസ് തീരുവ ഇളവുകള്‍ ഒഴിവാക്കുകയും വേണം. ഇറക്കുമതി തീരുവകള്‍ കുറയുന്നതിനാല്‍ കാലഹരണപ്പെട്ടതോ അപ്രസക്തമായതോ ആയ ഇറക്കുമതി തീരുവ സമ്പ്രദായങ്ങളും ഇല്ലാതാകണം.

8. സാമ്പത്തിക സര്‍വേ 2007-08 ഒറ്റനോട്ടത്തില്‍
ദു:ഖം
. വളര്‍ച്ചാനിരക്കു കുറയുന്നു.
. കഴിഞ്ഞ സാമ്പത്തിക സര്‍വേയില്‍ 9.6 %
. നടപ്പു സാമ്പത്തിക വര്‍ഷം 8.7 %
. കാര്‍ഷിക വളര്‍ച്ചാനിരക്കില്‍ ഒരു ശതമാനം ഇടിവ്
. ഉപഭോക്തൃ വ്യവസായ മേഖലയില്‍ മാന്ദ്യം
. ഭക്ഷ്യധാന്യ ഉല്‍പാദനത്തില്‍ 22 ലക്ഷം ടണ്‍ കുറവ്

ആശ്വാസം
. പണപ്പെരുപ്പം 4.4% ആയി ചുരുങ്ങുന്നു. (2006-07ല്‍ 5.6% )
. ഇന്ത്യന്‍ സമ്പദ്വ്യവസ്ഥ ഒരുലക്ഷം കോടി ഡോളര്‍ ക്ളബ്ബില്‍
. അമേരിക്കന്‍ സമ്പദ് വ്യവസ്ഥയുടെ 13ല്‍ ഒന്ന്; ചൈനയുടെ മൂന്നിലൊന്നും
. ആഭ്യന്തര നിക്ഷേപ – സമ്പാദ്യ നിരക്കുകളിലും വിദേശനിക്ഷേപത്തിലും വര്‍ധന
. സേവനമേഖലയില്‍ മെച്ചപ്പെട്ട വളര്‍ച്ചാനിരക്ക്

സ്വപ്നം
. സ്വകാര്യ ഗ്രാമീണ-കാര്‍ഷിക ബാങ്കുകളില്‍ 100% വിദേശനിക്ഷേപം
. കല്‍ക്കരി ഖനന മേഖലയില്‍ നിയന്ത്രിത സ്വകാര്യനിക്ഷേപം
. ലാഭത്തിലുള്ള നവരത്ന ഇതര പൊതുമേഖലാ കമ്പനികളുടെ 5-10% ഒാഹരി വില്‍പ്പന
. അണ്‍ലിസ്റ്റഡ് പൊതുമേഖലാ കമ്പനികള്‍ ലിസ്റ്റു ചെയ്യുകയും 10% ഒാഹരി വില്‍ക്കുകയും ചെയ്യുക
. പഴയ എണ്ണപ്പാടങ്ങള്‍ സ്വകാര്യ മേഖലയ്ക്കു വില്‍ക്കുക
. ഇന്‍ഷുറന്‍സില്‍ വിദേശനിക്ഷേപം 45%
. വിദേശ ബ്രാന്‍ഡഡ് ചില്ലറ വില്‍പ്പന മേഖലയില്‍ 100% വിദേശ നിക്ഷേപം.

9. വിമാനം കൃഷ്ണമൃഗത്തെ ഇടിച്ചു; യാത്രക്കാര്‍ രക്ഷപ്പെട്ടു
കാന്‍പൂര്‍ (യുപി): ഡല്‍ഹിയില്‍നിന്നുകാന്‍പൂര്‍വഴി അലഹാബാദിലേക്കു പുറപ്പെട്ട എയര്‍ ഇന്ത്യ വിമാനം ഇവിടെ ഇറങ്ങവേ റണ്‍വേയില്‍ കടന്നുകയറിയ കൃഷ്ണമൃഗത്തെ ഇടിച്ചു. വിമാനത്തിന്റെ ഒരു പ്രൊപ്പല്ലറിനു കേടുപറ്റിയെങ്കിലും 47 യാത്രക്കാരും അപകടം കൂടാതെ രക്ഷപ്പെട്ടു. യാത്രക്കാരെ മറ്റൊരു വിമാനത്തില്‍ അയച്ചു.


ഒരു അഭിപ്രായം ഇടൂ

Filed under പലവക

പത്രവാര്‍ത്തകള്‍ 19-02-08

    കലാകൗമുദിയില്‍ ബ്ലോഗുകളെ അപകീര്‍ത്തിപ്പെടുത്തി എം.കെ.ഹരികുമാറിന്റെ പ്രസിദ്ധീകരിച്ച ലേഖനത്തിന് പറ്റിയ തെറ്റ് തിരുത്തുന്നതുവരെ കേരളകൗമുദി വാര്‍ത്തകള്‍ യൂണികോഡിലാക്കി പ്രസിദ്ധീകരിക്കുന്നതല്ല.

    1. രാജ്യം കടുത്ത വൈദ്യുതി ക്ഷാമത്തില്‍
    ന്യൂഡല്‍ഹി: ഉത്തരേന്ത്യയും പശ്ചിമേന്ത്യയും ഗുരുതര വൈദ്യുതിക്ഷാമത്തിലേക്ക്. വ്യവസായകേന്ദ്രമായ മഹാരാഷ്ട്രയിലും ഗുജറാത്തിലും പ്രതിസന്ധി കടുത്തതാണ്. ദക്ഷിണേന്ത്യയില്‍ നില അല്‍പം മെച്ചം. എന്നാല്‍ അവിടെയും സ്ഥിതി സുരക്ഷിതമല്ല.

    യു പി, ബിഹാര്‍, പഞ്ചാബ്, ഹരിയാന, മഹാരാഷ്ട്ര, ഗുജറാത്ത്, എന്നിവിടങ്ങളില്‍ ആറുമുതല്‍ എട്ടു മണിക്കൂര്‍വരെയാണ് പവര്‍കട്ട്. ഡല്‍ഹിയടങ്ങുന്ന ദേശീയ തലസ്ഥാനമേഖലയില്‍ രണ്ടു മണിക്കൂര്‍മുതല്‍ ആറു മണിക്കൂര്‍വരെയും. എറ്റവും കൂടുതല്‍ വൈദ്യുതി ഉപയോഗിക്കുന്ന സമയത്ത് (പീക്ക് അവര്‍)എല്ലാ സംസ്ഥാനത്തും വൈദ്യുതിയുടെ കുറവ് അനുഭവപ്പെടുന്നു.

    ഇന്ത്യയാകെ 2007ല്‍ 8.4 ശതമാനം വൈദ്യുതിയുടെ കുറവാണ് ഉണ്ടായത്. 2008 തുടക്കമായപ്പോള്‍ സ്ഥിതി കൂടുതല്‍ വഷളായി. പീക്ക് അവറിലെ വൈദ്യുതിക്കുറവ് 14.8 ശതമാനമാണ്.

    മഹാരാഷ്ട്രയില്‍ 17,057 മെഗാവാട്ട് വൈദ്യുതി ആവശ്യമുള്ളിടത്ത് ലഭിക്കുന്നത് 11,634 മെഗാവാട്ടുമാത്രം. 5423 മെഗാവാട്ടിന്റെ കുറവ്. 31 ശതമാനമാണ് ഇത്. അഹമ്മദ്നഗര്‍, സത്താറ, സാംഗ്ളി തുടങ്ങിയ സ്ഥലങ്ങളില്‍ എട്ടുമുതല്‍ 12 മണിക്കൂര്‍വരെയാണ് വൈദ്യുതികട്ട്. മുംബൈയില്‍ ആറു മണിക്കൂര്‍വരെയും.

    പഞ്ചാബില്‍ 5000 മെഗാവാട്ടിന്റെയും ഉത്തര്‍പ്രദേശില്‍ 1800 മെഗാവാട്ടിന്റെയും ബിഹാറില്‍ 1000 മെഗാവാട്ടിന്റെയും കുറവുണ്ട്. ഛത്തീസ്ഗഢില്‍ 500 മെഗാവാട്ടിന്റെ കുറവ്.

    2007 ഡിസംബറിലെ കണക്കനുസരിച്ച് പീക്ക് അവറില്‍ രൂക്ഷമായ വൈദ്യുതിക്ഷാമം അനുഭവപ്പെടുന്ന വലിയ സംസ്ഥാനങ്ങളില്‍ മഹാരാഷ്ട്രയാണ് മുന്നില്‍- 26.4 ശതമാനം. തൊട്ടുപിന്നില്‍ ഗുജറാത്താണ്- 26.2 ശതമാനം. ജമ്മു കശ്മീര്‍- 24.7 ശതമാനം, ഉത്തര്‍പ്രദേശ്- 22.8, പഞ്ചാബ്-15.4, ബിഹാര്‍- 20.2 എന്നിങ്ങനെയാണ് വൈദ്യുതിക്ഷാമത്തിന്റെ കണക്ക്. ദക്ഷിണേന്ത്യന്‍ സംസ്ഥാനങ്ങളില്‍ കര്‍ണാടകത്തിലാണ് വൈദ്യുതികമ്മി രൂക്ഷം. ഇവിടെ പീക്ക് അവറില്‍ 16.4 ശതമാനമാണ് കുറവ്. തമിഴ്നാട്ടില്‍ 15.9 ശതമാനവും ആന്ധ്രപ്രദേശില്‍ 10.9 ശതമാനവും കുറവുള്ളപ്പോള്‍ കേരളത്തില്‍ 8.2 ശതമാനമാണ് പീക്ക് അവറിലെ കുറവ്.

    മുഴുവന്‍സമയ വൈദ്യുതിക്ഷാമത്തില്‍ മഹാരാഷ്ട്രയും ഗുജറാത്തുമാണ് മുന്നില്‍. ഡിസംബറിലെ കണക്കുപ്രകാരം മഹാരാഷ്ട്രയില്‍ 16.4 ഉം ഗുജറാത്തില്‍ 14.3 ഉം ശതമാനത്തിന്റെ കുറവുണ്ട്. യുപിയില്‍ 15.3 ശതമാനവും ബിഹാറില്‍ 11.4 ശതമാനവും കുറവുള്ളപ്പോള്‍ ദക്ഷിണേന്ത്യന്‍ സംസ്ഥാനങ്ങള്‍ മെച്ചപ്പെട്ട നിലയിലാണ്. ആന്ധ്രയില്‍ 3.7 ശതമാനം, കര്‍ണാടകത്തിലും കേരളത്തിലും രണ്ടു ശതമാനംവീതം, തമിഴ്നാട്ടില്‍ 2.5 ശതമാനം എന്നിങ്ങനെയാണ് കുറവ്. പശ്ചിമബംഗാളില്‍ 3.6 ശതമാനത്തിന്റെ കുറവുണ്ട്.

    പ്രതിവര്‍ഷം വൈദ്യുതിയുടെ ആവശ്യം 3.5 ശതമാനംവീതം വര്‍ധിക്കുകയാണ്. ഇപ്പോള്‍ ഇന്ത്യയിലാകെ 1,40,301 മെഗാവാട്ട് വൈദ്യുതിയാണ് ഉല്‍പ്പാദിപ്പിക്കുന്നത്. ഇതില്‍ കല്‍ക്കരിനിലയങ്ങള്‍ 74,752.38 മെഗാവാട്ടും ജലവൈദ്യുതിനിലയങ്ങള്‍ 34,680 മെഗാവാട്ടും ഉല്‍പ്പാദിപ്പിക്കുന്നു. വാതകം- 14,691.71 മെഗാവാട്ട്, ഡീസല്‍-1201 മെഗാവാട്ട്, അണുശക്തി-4120 മെഗാവാട്ട്, പാരമ്പര്യേതരം- 10,855.24 മെഗാവാട്ട് എന്നിങ്ങനെയാണ് വിവിധ സ്രോതസ്സുകളില്‍നിന്ന് ഉല്‍പ്പാദിപ്പിക്കുന്ന വൈദ്യുതി. ഇപ്പോള്‍ 11,785 മെഗാവാട്ട് വൈദ്യുതിയുടെ കുറവാണ് ആകെയുള്ളത്.

    ജലവൈദ്യുതമേഖലയില്‍നിന്ന് ഒരു ലക്ഷം മെഗാവാട്ട് വൈദ്യുതികൂടി ഉല്‍പ്പാദിപ്പിക്കാമെന്ന് കണ്ടെത്തിയിട്ടുണ്ട്. 2012ല്‍ എല്ലാവര്‍ക്കും വൈദ്യുതി എത്തിക്കാന്‍ ഒരു ലക്ഷം മെഗാവാട്ട് വൈദ്യുതികൂടി കൂട്ടിച്ചേര്‍ക്കേണ്ടതുണ്ട്. പുതിയ വൈദ്യുതപദ്ധതികള്‍ അതിവേഗം ആരംഭിച്ച് പൂര്‍ത്തിയാക്കിയില്ലെങ്കില്‍ രാജ്യം അതിവേഗം ഇരുട്ടിലാകും.

    2. മനോരമയും മാതൃഭൂമിയും പരസ്യം വന്നത് മറച്ചു
    തിരു: കളമശേരിയില്‍ എച്ച്എംടിയുടെ ഭൂമി വില്‍ക്കാന്‍ കേരളത്തിലെ പത്രങ്ങളില്‍ പരസ്യം നല്‍കാതെ മുംബൈയില്‍ നിന്ന് ഇറങ്ങുന്ന ഇംഗ്ളീഷ് പത്രങ്ങളില്‍ മാത്രം പരസ്യം നല്‍കിയെന്ന് മലയാള മനോരമയും മാതൃഭൂമിയും ആരോപിക്കുന്നത് സ്വന്തം പത്രത്തില്‍ വന്ന പരസ്യം മറച്ചുവെച്ച്. മനോരമയില്‍ 2001 ജനുവരി 17നും മാതൃഭൂമിയില്‍ ജനുവരി 18നുമാണ് പരസ്യം വന്നത്. ഈ പരസ്യങ്ങള്‍ വന്നിട്ടും വേണ്ടത്ര പ്രതികരണം ഇല്ലാതെ വന്നപ്പോഴാണ് ഇംഗ്ളീഷ് പത്രങ്ങളില്‍ പരസ്യം നല്‍കിയതെന്ന് എച്ച്എംടി വ്യക്തമാക്കുന്നു.

    എച്ച്എംടി ഭൂമിവില്‍പ്പനയില്‍ വന്‍ അഴിമതി നടന്നെന്നും മന്ത്രിമാര്‍ക്ക് പങ്കുണ്ടെന്നും സ്ഥാപിക്കാനുള്ള പ്രചാരണത്തിന് കൊഴുപ്പു കൂട്ടാനുമാണ് സ്വന്തം പത്രങ്ങളില്‍ പരസ്യം കൊടുത്തത് ഈ പത്രങ്ങള്‍ ഒളിച്ചുവച്ചത്. യുഡിഎഫും മറ്റു ചില മാധ്യമങ്ങളും ഈ പത്രങ്ങളെ വിശ്വസിച്ച് ആരോപണം ആവര്‍ത്തിച്ചു.

    കളമശേരിയില്‍ എച്ച്എംടി ഭൂമി പത്ത് ഏക്കര്‍ വീതമുള്ള പ്ളോട്ടുകളായി വില്‍ക്കുകയാണെന്ന പരസ്യം രണ്ടു പത്രങ്ങളിലും നല്ല പ്രാധാന്യത്തോടെ വന്നിരുന്നു. വ്യവസായം, വാണിജ്യ കോംപ്ളക്സുകള്‍, മറ്റു വ്യവസായസംരംഭങ്ങള്‍ എന്നിവ തുടങ്ങാനാഗ്രഹിക്കുന്നവര്‍ക്ക് ആകര്‍ഷണീയമായ അവസരമാണ് ഇതെന്നും പരസ്യത്തില്‍ പറഞ്ഞു.

    ഭൂമി വില്‍പന വിവരം കേരളത്തില്‍ അറിയാതിരിക്കാന്‍ എച്ച്എംടി ശ്രമിച്ചതായി മനോരമ കഴിഞ്ഞ ഫിബ്രവരി ഒമ്പതിന് മുഖപ്രസംഗത്തിലും ആരോപിച്ചിരുന്നു. കേരളത്തില്‍ മനോരമ, മാതൃഭൂമി, ഹിന്ദു എന്നീ പത്രങ്ങളില്‍ പരസ്യം നല്‍കിയിരുന്നുവെന്ന് എച്ച്എംടി ഹൈക്കോടതിയില്‍ നല്‍കിയ സത്യവാങ്മൂലത്തില്‍ പറഞ്ഞു. അതും പത്രങ്ങള്‍ മറച്ചുവെച്ചു.

    3. നിയമസഭാ സമ്മേളനം നാളെമുതല്‍; ബജറ്റ് മാര്‍ച്ച് ആറിന്
    തിരു: പന്ത്രണ്ടാം കേരള നിയമസഭയുടെ ഏഴാം സമ്മേളനം ബുധനാഴ്ച ആരംഭിക്കും. മാര്‍ച്ച് 19 വരെ നീളുന്ന സമ്മേളനത്തില്‍ ബജറ്റ,് വോട്ട്ഓണ്‍ അക്കൌണ്ട് തുടങ്ങിയവയ്ക്കു പുറമെ നാലു ബില്ലുകളും അവതരിപ്പിക്കുമെന്ന് സ്പീക്കര്‍ കെ രാധാകൃഷ്ണന്‍ വാര്‍ത്താ സമ്മേളനത്തില്‍ പറഞ്ഞു. 14 ദിവസമാണ് സഭ ചേരുക.

    കയര്‍ വര്‍ക്കേഴ്സ് ക്ഷേമബോര്‍ഡ് സെസ് ബില്‍, ദേവസ്വം ബോര്‍ഡ് നിയമനങ്ങള്‍ പിഎസ്സിക്ക് വിടല്‍ ബില്‍ എന്നിവയാണ് കാര്യപരിപാടിയില്‍ ഉള്‍പ്പെടുത്തിയിട്ടുള്ളത്. സെലക്ട് കമ്മിറ്റിയുടെ പരിഗണനയിലുള്ള മത്സ്യത്തൊഴിലാളി കടാശ്വാസബില്‍, നെല്‍വയല്‍-നീര്‍ത്തട സംരക്ഷണബില്‍ എന്നിവയും അവതരിപ്പിക്കാന്‍ കഴിഞ്ഞേക്കുമെന്ന് സ്പീക്കര്‍ പറഞ്ഞു. കാര്യോപദേശക സമിതി ചേര്‍ന്ന് ഇത് തീരുമാനിക്കും.

    ബുധനാഴ്ച ഗവര്‍ണറുടെ നയപ്രഖ്യാപനത്തിനുശേഷം പിരിയുന്ന സഭ 21നും 22നും ആറ്റുകാല്‍ പൊങ്കാല പ്രമാണിച്ച് ചേരില്ല. 25ന് 2007-08 സാമ്പത്തിക വര്‍ഷത്തെ ബജറ്റിലേക്കുള്ള ഉപധനാഭ്യര്‍ഥനകളുടെ അന്തിമ സ്റേറ്റ്മെന്റ് മേശപ്പറത്തുവയ്ക്കും. 26നും 27നും നന്ദിപ്രമേയചര്‍ച്ച നടക്കും. 28ന് ധനാഭ്യര്‍ഥനകളെയും അധിക ധനാഭ്യര്‍ഥനകളെയും സംബന്ധിച്ച ചര്‍ച്ചയും വോട്ടെടുപ്പും നടക്കും.

    ബജറ്റ് അവതരണത്തോടെ മാര്‍ച്ച് ആറിനാണ് സമ്മേളനം പുനരാരംഭിക്കുക. 10 മുതല്‍ 12 വരെ ബജറ്റിനെക്കുറിച്ച് പൊതുചര്‍ച്ച നടക്കും. 13ന് ധനവിനിയോഗ ബില്ലുകള്‍ അവതരിപ്പിക്കും. 17ന് വോട്ട് ഓണ്‍ അക്കൌണ്ട് ചര്‍ച്ചയും വോട്ടെടുപ്പും നടക്കും.

    ചര്‍ച്ചകള്‍ സൌഹാര്‍ദപരമാക്കാന്‍ ശ്രമിക്കുമെന്ന് സ്പീക്കര്‍ പറഞ്ഞു. സിപിഐ എം സംസ്ഥാനകമ്മിറ്റിയില്‍ സ്പീക്കര്‍ അംഗമായതില്‍ അപാകതയൊന്നുമില്ലെന്ന് ചോദ്യത്തിനു മറുപടിയായി അദ്ദേഹം പറഞ്ഞു. പുതിയ മന്ത്രി മോന്‍സ് ജോസഫിന്റെ ഇരിപ്പിടത്തില്‍ മാത്രമേ മാറ്റമുള്ളൂവെന്നും സ്പീക്കര്‍ പറഞ്ഞു. നിയമസഭാ സെക്രട്ടറി ഡോ. എന്‍ കെ ജയകുമാറും വാര്‍ത്താ സമ്മേളനത്തില്‍ പങ്കെടുത്തു.

    4. കേരള മാതൃകയില്‍ ദേശീയ കടാശ്വാസപദ്ധതി ബജറ്റില്‍ പ്രഖ്യാപിച്ചേക്കും
    ന്യൂഡല്‍ഹി: കര്‍ഷകരെ സഹായിക്കുന്നതിന് കേരള സര്‍ക്കാര്‍ നടപ്പാക്കിയ കടാശ്വാസപദ്ധതിയുടെ ചുവടുപിടിച്ച് ദേശീയതലത്തില്‍ കേന്ദ്രസര്‍ക്കാരും പദ്ധതി കൊണ്ടുവരുന്നു. ബജറ്റില്‍ ഇതുസംബന്ധിച്ച പ്രഖ്യാപനമുണ്ടാകും.

    ദേശീയതലത്തില്‍ കടാശ്വാസപദ്ധതി കൊണ്ടുവരണമെന്ന് സിപിഐ എമ്മും മറ്റ് ഇടതുപക്ഷപാര്‍ടികളും നേരത്തെ ആവശ്യപ്പെട്ടിരുന്നു. ദേശീയ വികസനസമിതി യോഗത്തില്‍ കേരളവും ബംഗാളും ഇത്തരമൊരു നിര്‍ദേശം മുന്നോട്ടുവച്ചിരുന്നതാണ്. മറ്റു ചില സംസ്ഥാനങ്ങളും ഇക്കാര്യത്തില്‍ കേന്ദ്രത്തിനുമേല്‍ സമ്മര്‍ദം ചെലുത്തുകയുണ്ടായി. ഈ സാഹചര്യത്തിലാണ് ദേശീയതലത്തില്‍ പദ്ധതി കൊണ്ടുവരാന്‍ കേന്ദ്രം തീരുമാനിച്ചിരിക്കുന്നത്. ലോക്സഭാ തെരഞ്ഞെടുപ്പ് അടുത്തുവരുന്നതും ഒട്ടേറെ സംസ്ഥാനങ്ങളിലേക്ക് അടുത്തുതന്നെ തെരഞ്ഞെടുപ്പ് നടക്കാനിരിക്കുന്നതുംകൂടി കണക്കിലെടുത്താണ് കര്‍ഷകരെക്കൂടി ബജറ്റില്‍ പരിഗണിക്കാന്‍ തീരുമാനമായിരിക്കുന്നത്.

    മുപ്പത്തിരണ്ടായിരം കോടി രൂപയുടെ പദ്ധതിയാണ് കേന്ദ്രം വിഭാവനംചെയ്തിരിക്കുന്നതെന്നാണ് സൂചനകള്‍. പദ്ധതിക്ക് അന്തിമരൂപമാകുമ്പോള്‍ തുക ഇതിലും കൂടാനാണ് സാധ്യത. പലിശയിളവ്, ചില വായ്പകള്‍ പൂര്‍ണമായും എഴുതിത്തള്ളല്‍, വായ്പകളുടെ തിരിച്ചടവ് കാലാവധി പുനര്‍നിര്‍ണയിക്കുക തുടങ്ങിയ കാര്യങ്ങള്‍ പദ്ധതിയില്‍ ഉള്‍പ്പെടും.

    ആര്‍ബിഐ, നബാര്‍ഡ്, ധനം-കൃഷി മന്ത്രാലയം ഉദ്യോഗസ്ഥര്‍ എന്നിവര്‍ ചേര്‍ന്നാണ് പദ്ധതിക്ക് അന്തിമരൂപം നല്‍കുന്നത്. ബജറ്റില്‍ കേന്ദ്രംതന്നെ തുക നീക്കിവയ്ക്കുന്ന സാഹചര്യത്തില്‍ പൊതുമേഖലാ ബാങ്കുകള്‍ക്ക് പദ്ധതി നടപ്പാക്കുന്നതിന് വലിയ ഭാരം വഹിക്കേണ്ടിവരില്ലെന്നാണ് റിപ്പോര്‍ട്ടുകള്‍. പൊതുമേഖലാ ബാങ്കുകള്‍ക്ക് കാര്‍ഷികവായ്പയിനത്തില്‍ നല്‍കിയ തുകയില്‍ 30,000 കോടിയോളം രൂപ കിട്ടാക്കടമായുണ്ട്. തിരിച്ചടവില്‍ വീഴ്ചവരുത്തിയ ഇനത്തില്‍ 40,000 കോടി രൂപ വേറെയുമുണ്ട്. ഈ വായ്പകളാവും പുതിയ പദ്ധതിവഴി സര്‍ക്കാര്‍ ഇളവുചെയ്ത് കൊടുക്കുക.

    കര്‍ഷക ആത്മഹത്യ തടയുന്നതിന് 2006 ജൂലൈയില്‍ നാല് സംസ്ഥാനങ്ങളിലെ 31 ജില്ലകള്‍ക്ക് പ്രധാനമന്ത്രി പ്രത്യേക കാര്‍ഷികപാക്കേജ് പ്രഖ്യാപിച്ചിരുന്നു. 17,000 കോടിയോളം രൂപയുടേതായിരുന്നു പദ്ധതി. എന്നാല്‍, ഇത് വേണ്ടവിധം നടപ്പാക്കപ്പെട്ടില്ലെന്ന ആക്ഷേപം ശക്തമായുണ്ട്. ആത്മഹത്യ ഏറ്റവും കൂടിയ മഹാരാഷ്ട്രയിലെ വിദര്‍ഭയില്‍ ഇപ്പോഴും കര്‍ഷക ആത്മഹത്യകള്‍ തുടരുന്ന പശ്ചാത്തലത്തിലാണ് ഇത്തരമൊരു വിമര്‍ശം ഉയര്‍ന്നിരിക്കുന്നത്. കേന്ദ്രം ഇപ്പോള്‍ തയ്യാറാക്കുന്ന പദ്ധതിക്കും ഇതേഗതിതന്നെയുണ്ടാകുമോ എന്ന ആശങ്ക ശക്തമാണ്.

    5. എടിഎമ്മുകളുടെ വിവരം നല്‍കേണ്ടതില്ല
    ന്യൂഡല്‍ഹി: വിവരാവകാശനിയമപ്രകാരം എടിഎമ്മുകളുടെ പ്രവര്‍ത്തനരീതിയെക്കുറിച്ച് വിവരങ്ങള്‍ നല്‍കാന്‍ വാണിജ്യബാങ്കുകളെ നിര്‍ബന്ധിച്ചുകൊണ്ടുള്ള അപേക്ഷകള്‍ പരിഗണിക്കേണ്ടതില്ലെന്ന് കേന്ദ്ര വിവരാവകാശ കമീഷന്‍ ഉത്തരവിട്ടു. സ്റ്റേറ്റ് ബാങ്ക് ഓഫ് ഇന്ത്യയുടെ എടിഎമ്മുകള്‍ എങ്ങനെ പ്രവര്‍ത്തിക്കുന്നുവെന്ന് വിശദീകരണം തേടിയുള്ള അപേക്ഷ തള്ളിക്കൊണ്ടാണ് വിവരാവകാശ കമീഷന്‍ ഈ നിലപാട് എടുത്തത്.

    എടിഎമ്മുകളുടെ പ്രവര്‍ത്തനം രഹസ്യസ്വഭാവത്തോടെ നിലനിര്‍ത്തേണ്ടതാണ്. മാത്രമല്ല സുരക്ഷാപ്രശ്നങ്ങളും ഇക്കാര്യത്തിലുണ്ട്. അതുകൊണ്ടുതന്നെ പുറമെനിന്നുള്ള ഒരാള്‍ക്ക് ഈ വിവരം നല്‍കേണ്ടതില്ല- വിവരാവകാശ കമീഷണര്‍ പത്മാ ബാലസുബ്രഹ്മണ്യം ഉത്തരവില്‍ പറഞ്ഞു.

    ആന്ധ്രപ്രദേശിലെ കുര്‍ണൂലിലുള്ള രാമചന്ദ്രറാവു എന്നയാള്‍ സമര്‍പ്പിച്ച അപേക്ഷയാണ് വിവരാവകാശ കമീഷന്‍ തള്ളിയത്.

    6. പഴയ രേഖകള്‍ പുറത്ത്; കെന്നഡിവധം വീണ്ടും വിവാദത്തില്‍
    ഡള്ളസ്: മുന്‍ അമേരിക്കന്‍ പ്രസിഡന്റ് ജോണ്‍ എഫ് കെന്നഡിയുടെ വധവുമായി ബന്ധപ്പെട്ട് വിവാദമുയര്‍ത്തുന്ന രേഖകള്‍ കണ്ടെടുത്തു. കെന്നഡിയെ വധിച്ച ലീ ഹാര്‍വി ഓസ്വാള്‍ഡും ഓസ്വാള്‍ഡിനെ വെടിവച്ചുകൊന്ന ജാക്ക് റൂബിയും തമ്മില്‍ നടന്ന സംഭാഷണം രേഖപ്പെടുത്തിയ കുറിപ്പുകള്‍ കണ്ടെത്തിയതായി ‘ഡള്ളസ് മോണിങ് ന്യൂസ്്’ എന്ന പത്രം റിപ്പോര്‍ട്ട് ചെയ്തു.

    ഡള്ളാസ് കൌണ്ടി അറ്റോര്‍ണി ഓഫീസില്‍ ഒരു പഴയ പെട്ടിയില്‍നിന്നാണ് കുറിപ്പുകള്‍ കണ്ടെടുത്തത്. റൂബിയുടെ കേസിലെ പ്രോസിക്യൂട്ടര്‍ ഹെന്റി വെയ്ഡിന്റെ ചില കത്തുകളും ഇവിടെനിന്ന് ലഭിച്ചു. അധികൃതര്‍ വാര്‍ത്താസമ്മേളനത്തില്‍ ഈ രേഖകള്‍ പ്രദര്‍ശിപ്പിക്കും.

    മാഫിയക്കെതിരെ കെന്നഡിയുടെ സഹോദരനും അറ്റോര്‍ണിയുമായിരുന്ന റോബര്‍ട്ട് കെന്നഡി നടത്തിയ നീക്കങ്ങള്‍ക്ക് തടയിടാനാണ് ജോണ്‍ എഫ് കെന്നഡിയെ വധിച്ചതെന്നാണ് സംഭാഷണത്തിലെ സൂചന. കൊല നടന്ന് രണ്ടു ദിവസം കഴിഞ്ഞാണ് റൂബി ഓസ്വാള്‍ഡിനെ വെടിവച്ച് കൊന്നത്.

    റൂബിയുടേതും ഓസ്വാള്‍ഡിന്റേതുമാണെന്നു സംശയിക്കുന്ന വസ്ത്രങ്ങളും തോക്കുറയും രേഖകള്‍ക്കൊപ്പം കണ്ടെടുത്തതായി ജില്ലാ അറ്റോര്‍ണി ക്രെയ്ഗ് വാട്കിന്‍സ് പറഞ്ഞതായി മോണിങ് ന്യൂസ് റിപ്പോര്‍ട്ട് ചെയ്തു.

    ഹെന്റി വെയ്ഡ് ബന്ധപ്പെട്ടു പ്രവര്‍ത്തിച്ച ഒരു ചലച്ചിത്രത്തിന്റെ തിരക്കഥയാണ് കണ്ടെത്തിയതെന്ന് സംശയിക്കുന്നതായും പത്രറിപ്പോര്‍ട്ടില്‍ പറയുന്നു. പക്ഷേ, ഈ സിനിമ പൂര്‍ത്തിയായില്ല. കെന്നഡിയുടെ കൊലപാതകം അന്വേഷിച്ച വാറന്‍ കമീഷനും സമാനമായ രേഖ പ്രസിദ്ധീകരിച്ചിരുന്നു. ഓസ്വാള്‍ഡ് ഒറ്റയ്ക്കാണ് കൊല നടത്തിയതെന്നായിരുന്നു കമീഷന്റെ കണ്ടെത്തല്‍.

    1. മുഖപ്രസംഗം: പ്രകൃതിയുടെ സന്തുലനം നിലനിര്‍ത്തണം
    പ്രകൃതിയുടെ സന്തുലിതാവസ്ഥ നമ്മുടെ ആവാസവ്യവസ്ഥയുടെ സുഗമമായ പരിപാലനത്തിന് അനിവാര്യമാണ്. ഇതിനു നമ്മുടെ വനവും മരവും പുഴയും പൂക്കളും വന്യമൃഗങ്ങളും വളര്‍ത്തുമൃഗങ്ങളുമൊക്കെ യഥാവിധി സംരക്ഷിക്കപ്പെടേണ്ടതായുണ്ട്. ഇതിനു സാധിക്കാതെ വരുമ്പോഴാണു നമ്മുടെ ജീവതസാഹചര്യങ്ങളില്‍ തന്നെ വ്യതിയാനങ്ങള്‍ ഉണ്ടാവുന്നത്.

    കേരളത്തെപ്പോലെ ജനസാന്ദ്രതയേറിയ ഒരു സംസ്ഥാനത്തെ സംബന്ധിച്ചിടത്തോളം അവശേഷിക്കുന്ന വനപ്രദേശങ്ങള്‍ ഇനി ഒട്ടും തന്നെ നഷ്ടപ്പെടാത്തവിധം കാത്തുസൂക്ഷിക്കേണ്ടിയിരിക്കന്നു. നമ്മുടെ മഴക്കാടുകളും തണ്ണീര്‍ത്തടങ്ങളും കണ്ടല്‍ക്കാടുകളുമൊക്കെ വികസനത്തിന്റെ വേലിയേറ്റത്തില്‍ അപ്രത്യക്ഷമായിക്കൊണ്ടിരിക്കയാണ്. നെല്‍വയലുകള്‍ പോലും വാസസ്ഥലങ്ങള്‍ക്കും ഇതര ആവശ്യങ്ങള്‍ക്കുമായി രൂപം മാറുന്നു. കുന്നുകള്‍ ഇടിച്ചു നിരത്തി മണ്ണും കല്ലും സമതലങ്ങളിലേക്കു നീങ്ങുന്നു.

    ഈയിടെ കോട്ടയം ജില്ലയുടെ ചില താലൂക്കുകളില്‍ മണ്ണെടുപ്പും കുന്നു നികത്തലുമൊക്കെ നിരോധിച്ചുകൊണ്ട് ഉത്തരവിറങ്ങിയിരുന്നു. എന്നാല്‍ ചില നിബന്ധനകള്‍ക്കു വിധേയമായി പിന്നീട് ആ നിരോധനം മാറ്റി. കെട്ടിടനിര്‍മാണ ആവശ്യങ്ങള്‍ക്കായി കല്ലും മണ്ണും ലഭ്യമാവാതെ വന്നപ്പോള്‍ നിര്‍മാണമേഖലയില്‍ ഉണ്ടായ സ്തംഭനം ഒഴിവാക്കാനാണ് നിരോധനം നീക്കിയത്. ഭൂമിയില്‍ നിന്നു ലഭിക്കുന്ന അസംസ്കൃത വസ്തുക്കള്‍ യാതൊരു നിയന്ത്രണവുമില്ലാതെ ഉപയോഗിച്ചു തീര്‍ത്താല്‍ അതു വരും തലമുറയുടെ ജീവിത സാഹചര്യങ്ങളെത്തന്നെ തകിടം മറിക്കും.

    പതിനായിരം ചതുരശ്രകിലോമീറ്ററില്‍ താഴെയാണു കേരളത്തിലെ വനമേഖല ഇപ്പോള്‍. പ്രതിവര്‍ഷം ശരാശരി എഴുനൂറു ചതുരശ്ര കിലോമീറ്റര്‍ നിബിഡ വനപ്രദേശങ്ങള്‍ കേരളത്തില്‍ നശിപ്പിക്കപ്പെടുന്നുണ്െടന്ന് വനങ്ങളെ സംബന്ധിച്ച ഒരു ഔദ്യോഗിക റിപ്പോര്‍ട്ടില്‍ ചൂണ്ടിക്കാട്ടുന്നുണ്ട്. ഇന്ത്യയിലെ മൊത്തം കണക്കെടുത്താല്‍ പ്രതിവര്‍ഷം 3700 ചതുരശ്ര കിലോമീറ്റര്‍ വനഭൂമിയാണ് അപ്രത്യക്ഷമായിക്കൊണ്ടിരിക്കുന്നത്.

    വനമേഖലയുടെ വിശിഷ്യ, നിബിഡ വനമേഖലയുടെ നാശം നമ്മുടെ വന്യജീവി സമ്പത്തിനെയാണ് ഏറെ ബാധിക്കുന്നത്. കേരളത്തില്‍ കടുവകള്‍ വംശനാശത്തിലേക്ക് നീങ്ങുന്നുവെന്ന റിപ്പോര്‍ട്ടുകള്‍ ഇത്തരുണത്തില്‍ പ്രത്യേകം ശ്രദ്ധേയമാണ്. ലോകത്തില്‍ ഏറ്റവും കൂടുതല്‍ കടുവകള്‍ വേട്ടയാടപ്പെടുന്നത് ഇന്ത്യയിലാണ്. കഴിഞ്ഞ പത്തു വര്‍ഷത്തിനുള്ളില്‍ ആയിരത്തി അഞ്ഞൂറിലേറെ കടുവകള്‍ വേട്ടക്കാരുടെ ഇരയായി. 2001-2002 ലെടുത്ത സെന്‍സസ് അനുസരിച്ച് 3642 കടുവകളെ കണ്െടത്തിയിരുന്നു. ഇപ്പോഴത് ആയിരത്തോളമായിട്ടുണ്െടന്നാണു കരുതുന്നത്. കടുവയുടെ തോല്‍, നഖം, പല്ല് ഇവയ്ക്കൊക്കെ വിപണിയില്‍ ഏറെ വിലയുണ്ട്. ഒരു കടുവയെ കൊന്നാല്‍ ഒരു കോടി രൂപ വരെ അന്താരാഷ്ട്ര മാര്‍ക്കറ്റില്‍ ലഭിക്കുമത്രേ.

    കടുവകളുടെ സംരക്ഷണത്തിനായി ടൈഗര്‍ റിസര്‍വുകളായി പ്രഖ്യാപിക്കപ്പെട്ടിരിക്കുന്ന വനങ്ങളില്‍ പോലും കടുവവേട്ട അഭംഗുരം നടക്കുന്നുണ്ട്. കേരളത്തിലെ പെരിയാര്‍ കടുവസംരക്ഷണകേന്ദ്രത്തില്‍ രോഗം പിടിപെട്ട് കഴിഞ്ഞ വര്‍ഷം ഒരു കടുവ ചത്തത് പരിസ്ഥിതി മലിനീകരണവുമായി ബന്ധപ്പെട്ടായിരുന്നു. മാലിന്യം ഭക്ഷിക്കുന്നതിലൂടെ വിരശല്യം ഉണ്ടായതായിരുന്നു കടുവയുടെ മരണത്തിനു കാരണം. തേക്കടി റോഡരുകില്‍ ഒരാഴ്ചക്കാലം അവശനിലയില്‍ കാണപ്പെട്ട ഈ കടുവയെ രക്ഷിക്കാന്‍ വനപാലകര്‍ ശ്രമിച്ചെങ്കിലും ഫലമുണ്ടായില്ല.

    പെരിയാര്‍ ടൈഗര്‍ റിസര്‍വില്‍ 2004ലെ സര്‍വേ പ്രകാരം 71 കടുവകളുണ്െടന്നാണ് കണക്ക്. കടുവ സംരക്ഷണത്തിനായി പ്രധാനമന്ത്രി മന്‍മോഹന്‍സിംഗ് തന്നെ താത്പര്യമെടുത്ത് ചില പദ്ധതികള്‍ നടപ്പാക്കിയിരുന്നു. വനവല്‍ക്കരണത്തിനും കേന്ദ്രസര്‍ക്കാര്‍ വന്‍ തുക വകയിരുത്തിയിട്ടുണ്ട്. എണ്ണായിരം കോടി രൂപയാണ് പ്രതിവര്‍ഷം ഇതിനായി നീക്കിവച്ചിരിക്കുന്നത്. രണ്ടായിത്തിഏഴോടെ ഇന്ത്യയിലെ വനമേഖയുടെ വിസ്തൃതി രാജ്യത്തിന്റെ മൊത്തം വിസ്തീര്‍ണത്തിന്റെ ഇരുപത്തിയഞ്ചു ശതമാനമാക്കുക എന്ന ലക്ഷ്യത്തോടെ നടത്തിയ ശ്രമങ്ങള്‍ ഇനിയും പൂവണിഞ്ഞിട്ടില്ല.

    കേരളത്തെ സംബന്ധിച്ചിടത്തോളം വനമേഖലയുടെ സംരക്ഷണം മാത്രമല്ല നമ്മുടെ നദികളുടെയും കായലുകളുടെയും ചെറു പുഴകളുടെയും സംരക്ഷണം പോലും സുപ്രധാനമാണ്. ജനസാന്ദ്രതയുടെ വിവിധ സമ്മര്‍ദങ്ങള്‍ താങ്ങാനാവും വിധം ജൈവസാന്നിധ്യവും നിലനിര്‍ത്തേണ്ടതായുണ്ട്. അതുകൊണ്ടാണ് സാമൂഹ്യ വനവല്‍ക്കരണം നമ്മുടെ സാഹചര്യത്തില്‍ കൂടുതല്‍ പ്രസക്തമാവുന്നത്. വനങ്ങളും നദികളും സംരക്ഷിക്കപ്പെടുന്നതിനോടൊപ്പം നെല്‍ വയലുകളും ഇതര കൃഷിയിടങ്ങളും കൂടി സംരക്ഷിക്കപ്പെടുന്നെങ്കില്‍ മാത്രമേ നമ്മുടെ ആവാസ വ്യവസ്ഥയുടെ സന്തുലനം സാധ്യമാകൂ. അത് ശാസ്ത്രീയമായി നടപ്പാക്കണം. സജീവമായ ജന പങ്കാളിത്തവും അനിവാര്യമാണ്.

    2. അരിവില കുറയ്ക്കില്ല; വയറ് ചുരുക്കൂ: മന്ത്രി മുല്ലക്കര
    സുല്‍ത്താന്‍ ബത്തേരി: അരിവില കുറയില്ലെന്നും വയറ് ചുരുക്കുക മാത്രമേ ഏക മാര്‍ഗമുള്ളുവെന്നും കൃഷി മന്ത്രി മുല്ലക്കര രത്നാകരന്‍. കൃഷിവ കു പ്പിന്റെ ആഭിമുഖ്യത്തില്‍ വയനാട് ജില്ലാതല കര്‍ഷക സംഗമം സുല്‍ത്താന്‍ ബത്തേരിയില്‍ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി.

    ഇനിയുള്ള കാലഘട്ടത്തില്‍ ഇറക്കുമതിക്ക് സാധ്യതയില്ല. കയറ്റുമതിയാണ് ലക്ഷ്യം. ഭക്ഷ്യ സുരക്ഷ മുഖ്യ മുദ്രാവാക്യമാ ണെങ്കിലും ഇത് പ്രയോഗവത്കരിക്കാന്‍ സമയമെടുക്കും. ആരു പ്രക്ഷോഭം നടത്തിയാലും അരിവില കുറക്കാനാകില്ല. കാര്‍ഷിക കടാശ്വാസ കമ്മീഷന്‍ സര്‍ക്കാര്‍ രൂപീകരിച്ചിട്ടുണ്െടങ്കിലും ദേശ സാത്കൃത ബാങ്കുകളിലെ കടങ്ങള്‍ ഇളവ് ചെയ്യാന്‍ സര്‍ക്കാരിനാകില്ല.

    കേന്ദ്രം കടാശ്വാസ കമ്മീഷന്‍ രൂപീകരിച്ചാല്‍ മാത്രമേ ബാങ്കുകളിലെ കടങ്ങള്‍ ഇളവ് ചെയ്യാന്‍ കഴിയുകയുള്ളു. കാര്‍ഷിക കടാശ്വാസ കമ്മീഷന്‍ രൂപീകരിച്ചെങ്കിലും സൊസൈറ്റി ആക്ട് പ്രകാരം പ്രവര്‍ത്തിക്കുന്ന ബാങ്കുകളിലെ കടങ്ങള്‍ മാത്രമേ എഴുതിത്തള്ളാന്‍ കഴിയുകയുള്ളു.

    25,000 രൂപ വരെയുള്ള കടങ്ങള്‍ എഴുതിത്തള്ളാന്‍ കാര്‍ഷിക കടാശ്വാസ കമ്മീഷന്‍ നിര്‍ദേശിച്ചിട്ടുണ്െടങ്കിലും വലിയൊരു പ്രതിസന്ധി മുന്നിലുണ്െടന്നും മന്ത്രി പറഞ്ഞു. പി. കൃഷ്ണപ്രസാദ് എംഎല്‍എ അധ്യക്ഷത വഹിച്ചു.

    3. പഞ്ചാബ്, ഒറീസ എന്നിവിടങ്ങളില്‍ നിന്നു നെല്ല് സംഭരിക്കും :മന്ത്രി
    തിരുവനന്തപുരം: പഞ്ചാബ്, ഒറീസ സംസ്ഥാനങ്ങളില്‍നിന്നു നെല്ല് നേരിട്ടു സംഭരിക്കുന്ന കാര്യം പരിഗണനയില്‍ ഉണ്െടന്ന് ഭക്ഷ്യമന്ത്രി സി.ദിവാകരന്‍. ആഗോളവല്‍ക്കരണത്തിനു ശേഷം ഏഷ്യന്‍രാജ്യങ്ങളില്‍ പൊതുവേ ഭക്ഷ്യധാന്യപ്രതിസന്ധി രൂപപ്പെട്ടിട്ടുണ്ട്.

    അതിന്റെ ദുരന്തം ഇന്ത്യയുയും നേരിടുകയാണ്. നമ്മുടെ കരുതല്‍ ഭക്ഷ്യധാന്യ ശേഖരത്തിലും കുറവു വന്നിട്ടുണ്ട്. ഈ പ്രതിസന്ധി മറികടക്കാനുള്ള ഊര്‍ജ്ജിതമായ ശ്രമങ്ങള്‍ എല്ലാഭാഗത്തുനിന്നും ഉണ്ടാകണമെന്ന് അദ്ദേഹം പറഞ്ഞു.

    സെന്റര്‍ഫോര്‍ ഇന്നവേഷന്‍ ഇന്‍ സയന്‍സ് ആന്‍ഡ് സോഷ്യല്‍ ആക്ഷന്റെ അന്നം സെമിനാര്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കേരളത്തിന്റെ മുഖ്യ ആഹാരം അരിയാണെങ്കിലും കേരളത്തില്‍ നെല്ലുല്‍പാദനം പേടിപ്പെടുത്തുന്ന നിലയില്‍ കുറയുകയാണ്. കൃഷി ലാഭകരമല്ലാതായതാണ് ഈ ഉല്‍പാദന തകര്‍ച്ചയ്ക്കു കാരണം. നെല്ലുല്‍പാദനം ലാഭകരമാക്കാനുള്ള മാര്‍ഗങ്ങള്‍ ആരായുന്നുണ്െടങ്കിലും കാര്യമായ വിദഗ്ധോപദേശങ്ങള്‍ ലഭിക്കുന്നില്ലെന്ന് മന്ത്രി പറഞ്ഞു.

    കേരളത്തിലെ ജനങ്ങള്‍ക്കാവശ്യമുള്ള സാധനങ്ങളുടെ 85 ശതമാനവും അന്യ സംസ്ഥാനങ്ങളില്‍ നിന്നു വരുന്നവയാണ്. അമ്പലങ്ങളില്‍ പൂജയ്ക്കുള്ള പൂവു പോലും തമിഴ്നാട്ടില്‍ നിന്ന് വരണം എന്ന അവസ്ഥയാണ്-അദ്ദേഹം പറഞ്ഞു.

    4. ‘മാലിന്യ കേന്ദ്ര’ ത്തിനെതിരേ കുട്ടികളുടെ പത്രസമ്മേളനം
    കോട്ടയം: ഞങ്ങള്‍ക്കും വേണം അല്‍പം ശുദ്ധവായു എന്ന ആവശ്യവുമായി ഒരുപറ്റം സ്കൂള്‍ കുട്ടികള്‍ പത്രസമ്മേളനം നടത്തി. കോട്ടയം നഗരത്തില്‍ വടവാതൂരില്‍ നഗരസഭ സ്ഥാപിച്ച മാലിന്യസംസ്ക്കരണ കേന്ദ്രത്തില്‍ യാതൊരു മുന്നൊരുക്കവുലില്ലാതെ അനിയന്ത്രിതമായി മാലിന്യങ്ങള്‍ തള്ളുന്നതുമൂലം തങ്ങള്‍ വന്‍ ആരോഗ്യപ്രശ്നങ്ങള്‍ക്കു നടുവിലാണെന്നും ചൂണ്ടിക്കാട്ടിയാണ് ഗിരിദീപം, പള്ളിക്കൂടം, മരിയന്‍ സീനിയര്‍ സ്കൂള്‍ എന്നിവിടങ്ങളിലെ കുട്ടികള്‍ ചേര്‍ന്ന് വാര്‍ത്താസമ്മേളനം നടത്തിയത്.

    മാലിന്യസംസ്ക്കരണകേന്ദ്രത്തില്‍ മാലിന്യം നിറയ്ക്കുന്നതല്ലതെ സംസ്ക്കരിക്കുന്നതിന് നടപടികളില്ല. മാലിന്യങ്ങള്‍ ചീഞ്ഞഴുകി ദുര്‍ഗന്ധം വമിക്കുകയാണ്. കുട്ടികള്‍ക്ക് സ്വസ്ഥമായി പഠിക്കുവാനോ അറപ്പില്ലാതെ ഭക്ഷണം കഴിക്കുവാനോ കഴിയുന്നില്ലെന്ന് കുട്ടികള്‍ പത്രസമ്മേളനത്തില്‍ ചൂണ്ടിക്കാട്ടി. നഗരസഭാധി കൃ തരുടെ അനാസ്ഥയ്ക്ക് തങ്ങളെ ബലിയാടാക്കെരുതെന്നാണ് ഈ കുട്ടികളുടെ ആവശ്യം. പള്ളിക്കൂടത്തിന്റെയും മരിയന്‍ സ്കൂളിന്റേയും എതിര്‍വശത്തുകൂടിയുള്ള കലുങ്കുകളില്‍കൂടി മലിനജലം സ്കൂളുകളുടെ കോമ്പൌണ്ടിലേക്ക് മലിനജലം ഒഴുക്കിവിടുന്നതും കുട്ടികള്‍ക്ക് വന്‍ ദുരിതമാണ്. ചതുപ്പുനിലങ്ങള്‍ നികത്തല്‍, സ്റ്റേഡിയത്തിന്റെ നവീകരണം, റോഡുകളുടെ സുരക്ഷിതത്വം ഇവയ്ക്കെല്ലാം അടിയന്തിര നടപടിസ്വീകരിക്കണമെന്നും വിദ്യാര്‍ഥികള്‍ പത്രസമ്മേളനത്തില്‍ ആവശ്യപ്പെട്ടു. ഗിരിദീപം സ്കൂളിനെ പ്രതിനിധീകരിച്ച് റാക്കിം റഷീദ്, ക്ളാരാ റോസ് ജോസ് എന്നിവരും പള്ളിക്കൂടം സ്കൂളിനെ പ്രതിനിധീകരിച്ച് അനഘ ബാബു, കണ്ണന്‍ മേനോന്‍, മിന്നു ഗ്രേസ് ജേക്കബ്, അഞ്ചു മറിയം, റോഹിത് ജേക്കബ്, എന്നിവരും മരിയന്‍ സീനിയര്‍ സ്കൂളിലെ പ്രതിനിധീകരിച്ച് അഷിതാ മേനോനും പത്രസമ്മേളനത്തില്‍ പങ്കെടുത്തു.

    5. ക്രമസമാധാനം വാനരപ്പട രക്ഷ ‘ഇഞ്ചികൃഷി’ക്കു മാത്രം
    മുളക്കുഴ (ആലപ്പുഴ): വേനലായതോടെ വെണ്‍മണി പഞ്ചായത്തില്‍ ‘ക്രമസമാധാനം’ കുരങ്ങിന്‍കൂട്ടത്തിന്റെ നിയന്ത്രണത്തിലായി. കൃഷി നശിപ്പിച്ചും ഭക്ഷണം തട്ടിയെടുത്തും മാത്രമല്ല, ടി.വി. സെറ്റുകള്‍ പോലും തലയില്‍ ചുമന്നു കടത്തിയാണു വാനരപ്പടയുടെ വിളയാട്ടം. നാലും അഞ്ചും വാര്‍ഡുകളിലെ ചാങ്ങമലയ്ക്കും ചാര്‍ങ്ങക്കാവിനും സമീപത്തുള്ളവരാണു രൂക്ഷമായ അക്രമത്തിന് ഇരയാകുന്നത്.

    ചാലക്കാവിലെ ശ്രീകോവിലില്ലാത്ത സ്വയംഭൂവായ വിഗ്രഹത്തിന്റെ കാവല്‍ക്കാരാണു വാനരപ്പടയെന്നാണു വിശ്വാസം. ഭക്തര്‍ നല്കുന്ന നിവേദ്യത്തിന്റെ പങ്കുകൊണ്ടു തൃപ്തിപ്പെട്ടു ക്ഷേത്രക്കാവില്‍ ഒതുങ്ങിക്കൂടുന്ന വാനരന്മാര്‍ വേനലാവുന്ന തോടെ ഭക്ഷണത്തിനു വേണ്ടിയാണ് സമീപപ്രദേശങ്ങളിലെ വീടുകളിലേക്ക് എത്തുന്നത്.

    സമീപപ്രദേശങ്ങളിലെ ഇഞ്ചിയൊഴിച്ചുള്ള എല്ലാ കൃഷികളും വാനരപ്പട നശിപ്പിക്കുകയാണ്. മറ്റുവിളകള്‍ പാകമാകുന്നതിന് മുമ്പ് ഇവര്‍ തിന്നുതീര്‍ക്കും. നാളികേരം കരിക്കാകുമ്പോഴേ കുരങ്ങന്മാര്‍ അകത്താക്കിക്കഴിയും. യാത്രക്കാര്‍ക്കും സ്ത്രീകള്‍ക്കും കുരങ്ങന്മാരുടെ കരങ്ങളില്‍ നിന്ന് രക്ഷയില്ല. ഒരു പെണ്‍കുരങ്ങാണ് ആക്രമണത്തിന് നേതൃത്വം നല്‍കുന്നതെന്നു നാട്ടുകാര്‍ പറയുന്നു. ഇതിന്റെ കഴുത്തില്‍ തിരിച്ചറിയാനായി ആരോ ഒരു കമ്പി കെട്ടിയിട്ടുണ്ട്.

    മേല്‍ക്കൂര ഇളക്കിമാറ്റി വീടിനുള്ളില്‍ പ്രവേശിക്കുന്ന കുരങ്ങന്‍കൂട്ടം ടി.വിയുള്‍പ്പെടെയുള്ള സാധനങ്ങള്‍ തലച്ചുമടായി അപഹരിക്കാറുണ്ട്. വീടിന്റെ വാതിലുകള്‍ തുറന്നിട്ടാല്‍ കൈയില്‍കിട്ടുന്ന സാധനങ്ങള്‍ മോഷ്ടിച്ച് കടന്നുകളയുന്നത് പതിവു സംഭവവമാണ്. നാട്ടുകാരുടെ പരാതിപ്രകാരം ഉപദ്രവകാരികളായ കുരങ്ങന്മാരെ വനപാലകര്‍ പിടിച്ചുകൊണ്ടുപോയെങ്കിലും പിന്നീട് വിട്ടയക്കുകയായിരുന്നു.

    6. പറപ്പൂര്‍ സ്കൂളില്‍നിന്ന് എസ്.എസ്.എല്‍.സി മാതൃകാ ചോദ്യം മോഷ്ടിച്ചു
    പാവറട്ടി: പറപ്പൂര്‍ സെന്റ് ജോണ്‍സ് ഹൈസ്കൂളില്‍നിന്ന് എസ്.എസ്.എല്‍.സി മാതൃകാ ചോദ്യക്കടലാസ് മോഷ്ടിച്ചു. ഓഫീസ് റൂമിന്റെ വാതില്‍ തള്ളിത്തുറന്ന് അകത്തെ അലമാരയുടെ പൂട്ടു തകര്‍ത്താണ് എല്ലാ വിഷയങ്ങളുടേയും ചോദ്യപേപ്പര്‍ മോഷ്ടിച്ചിട്ടുള്ളത്.

    ഇന്നലെ രാവിലെ പ്യൂണ്‍ ഓഫീസ് തുറക്കാനെത്തിയപ്പോഴാണ് മോഷണവിവരം അറിയുന്നത്. അലമാരയില്‍ സൂക്ഷിച്ചിരുന്ന താക്കോല്‍ ഉപയോഗിച്ച് തൊട്ടടുത്ത കമ്പ്യൂട്ടര്‍ റൂമും തുറന്നിട്ടു ണ്െടങ്കിലും ഒന്നും നഷ്ടപ്പെട്ടിട്ടില്ല.

    സ്കൂള്‍ ഹെഡ്മിസ്ട്രസ് കെ. ലീല പരാതി നല്കിയതിനെതുടര്‍ന്ന് പേരാമംഗലം പോലീസ് സ്ഥലത്തെത്തി കേസന്വേഷണം ആരംഭിച്ചു. വിരലടയാളവിദഗ്ധരും എത്തിയിരുന്നു.

    ചോദ്യം പുറത്തായതിനെതുടര്‍ന്ന് ഇന്നലെ ഈ സ്കൂളില്‍ നടക്കാനിരുന്ന മലയാളം പരീക്ഷ നടന്നില്ല. ജില്ലാ വിദ്യാഭ്യാസ ഓഫീസര്‍ പി.മേരിക്കുട്ടിയുടെ നേതൃത്വത്തില്‍ സ്കൂളില്‍ ഉണ്ടായിരുന്ന ചോദ്യപേപ്പറുകള്‍ എണ്ണിത്തിട്ടപ്പെടുത്തി.

    ഡി.പി.ഐയുടെ നിര്‍ദേശപ്രകാരം പുതിയ ചോദ്യപേപ്പറുകള്‍ തയാറാക്കി നാളെ മുതല്‍ ഇവിടെ പരീക്ഷ പുനരാരംഭിക്കും.

    7. വിലക്കയറ്റം നിയന്ത്രിച്ചില്ലെങ്കില്‍ ജോലികള്‍ അവസാനിപ്പിക്കും: കരാറുകാര്‍
    കൊച്ചി: സിമന്റ്, സ്റ്റീല്‍, ടാര്‍ തുടങ്ങിയവയുടെ അസാധാരണമായ വില വര്‍ധനയും ഗ്രാവല്‍, ചെമ്മണ്ണ്, ആറ്റുമണല്‍ തുടങ്ങിയവ സംഭരിക്കുന്നതില്‍ ഏര്‍പ്പെടുത്തിയിട്ടുള്ള നിരോധനവും പിന്‍വലിച്ചി ല്ലെങ്കില്‍ കരാറുകാര്‍ പണികള്‍ ഉപേക്ഷിക്കുമെന്ന് കേരള ഗവ ണ്‍ മെന്റ് കോണ്‍ട്രാക്ടേഴ്സ് അസോസിയേഷന്‍ അറിയിച്ചു.

    അനിവാര്യമായ അടിസ്ഥാന സൌകര്യ വികസന പദ്ധതികള്‍ക്കായി നിര്‍മാണ വസ്തുക്കളുടെ ന്യായവിലയും ലഭ്യതയും ഉറപ്പുവരുത്താന്‍ സര്‍ക്കാര്‍ മുന്‍കൂര്‍ നടപടി സ്വീകരിക്കാത്തതിനാല്‍ സര്‍ക്കാര്‍തന്നെ ഏറ്റവും വലിയ ഇരയായി മാറി.

    കെ.എസ്.ടി.പി, ജപ്പാന്‍ കുടിവെള്ള പദ്ധതി, സുസ്ഥിര നഗര വികസന പദ്ധതി എന്നിവയില്‍ വിലവര്‍ധനയ്ക്കുള്ള നഷ്ടപരിഹാരമായി 500 കോടി രൂപയെങ്കിലും സര്‍ക്കാര്‍ ഈ വര്‍ഷം നല്‍കേണ്ടി വരും.

    ഒരു ചാക്ക് സിമന്റിന് വിപണിയില്‍ 265 രൂപ വിലയുള്ളപ്പോള്‍ 160 രൂപയ്ക്ക് വേണമെങ്കില്‍ നേരിട്ട് ഇറക്കുമതി ചെയ്യാന്‍ സാധിക്കും. തമിഴ്നാട് സര്‍ക്കാര്‍ പ്രതിമാസം ഒരു ലക്ഷം ടണ്‍ സിമന്റ് തൂത്തുക്കുടി തുറമുഖത്ത് ഇറക്കുമതി ചെയ്ത് സര്‍ക്കാര്‍ പണികള്‍ ക്കും ദുര്‍ബല വിഭാഗങ്ങള്‍ക്കും ല ഭ്യമാക്കുന്നുണ്ട്. സിമന്റ് ഉത്പാദകര്‍ സംഘം ചേര്‍ന്ന് 250 ശതമാനം വരെ ലാഭമെടുത്ത് വിപണി നിരക്ക് കൃത്രിമമായി ഉയര്‍ത്തുകയാണ്.

    വിവിധ ആവശ്യങ്ങള്‍ ഉന്നയിച്ച് മാര്‍ച്ച് ഒന്നിന് മുഖ്യമന്ത്രിക്ക് ഭീമഹര്‍ജി നല്‍കുമെന്നും അസോസിയേഷന്‍ ഭാരവാഹികള്‍ പറഞ്ഞു.

    പത്രസമ്മേളനത്തില്‍ സംസ്ഥാന പ്രസിഡന്റ് വര്‍ഗീസ് കണ്ണമ്പള്ളി, ജില്ലാ പ്രസിഡന്റ് എന്‍.കെ അബൂബക്കര്‍, സെക്രട്ടറി കെ.എ ജെന്‍സന്‍, കെ.ടി മാത്യു എന്നിവര്‍ പങ്കെടുത്തു.

    8. നാട്ടിലിറങ്ങിയ ഗര്‍ഭിണിക്കടുവയെ ജനക്കൂട്ടം എറിഞ്ഞുവീഴ്ത്തി
    കാനിംഗ്: വഴിതെറ്റി നാട്ടിലിറങ്ങിയ ഗര്‍ഭിണിക്കടുവയെ നാട്ടുകാര്‍ കല്ലെറിഞ്ഞു. രക്ഷപ്പെടാനായി മരത്തില്‍ കയറിയപ്പോള്‍ ചുറ്റും തീയിട്ടു. താഴെവീണപ്പോള്‍ വടികൊണ്ടടിച്ചു. അഭയം തേടി കടുവ രണ്ടു പുഴകള്‍ നീന്തി.

    ഒടുവില്‍ വനംവകുപ്പ് അധികൃതരെത്തി വലയിട്ടെങ്കിലും ഗ്രാമീണര്‍ വീണ്ടും തീകൂട്ടിയപ്പോള്‍ ഭയന്ന കടുവ സമീപത്തെ വനമേഖലയിലേക്കു പിന്‍വാങ്ങി. ശരീരമാസകലം മുറിവും പൊള്ളലുമുള്ള കടുവയെ പിന്നീട് മയക്കു വെടി വച്ച് പിടിച്ച ശേഷം കാട്ടിലേക്കു വിട്ടു.

    പശ്ചിമ ബംഗാളിലെ സൌത്ത് 24 പര്‍ഗാനാസ് ജില്ലയിലാണു ഗര്‍ഭിണിക്കടുവ ജനക്കൂട്ടത്തിന്റെ ‘മൃഗീയ’ പെരുമാറ്റത്തിനിരയായത്. സുന്ദര്‍ബന്‍ വനത്തില്‍ നിന്നു കുല്‍ത്തളിയിലെ ദിയുല്‍ബാരി ഗ്രാമത്തിലെത്തിയ കടുവയ്ക്കായിരുന്നു പീഡന പരമ്പര നേരിടേണ്ടിവന്നത്. കല്ലേറില്‍ നിന്നു രക്ഷപ്പെടാന്‍ ഗ്രാമത്തിലെ ആല്‍മരത്തില്‍ കയറിയിരുന്ന കടുവയെ ജനക്കൂട്ടം തീ കൂട്ടി താഴെയിറക്കിയശേഷം അടിക്കുകയായിരുന്നു.

    ഇതിനിടെ മൂന്നു ഗ്രാമീണര്‍ക്കു പരിക്കേറ്റതോടെ രോഷം കൂടി. മാത്ല, മക്രി പുഴകള്‍ നീന്തിക്കടന്നു രക്ഷപെടാനുള്ള കടുവയുടെ ശ്രമവും ജനക്കൂട്ടം പിന്തുടര്‍ന്നപ്പോള്‍ വിഫലമായി.

    കടുവയെ രക്ഷിക്കാന്‍ വലയുമായെത്തിയ വനം വകുപ്പുദ്യോഗസ്ഥരോടായിരുന്നു പിന്നീടു ജനങ്ങളുടെ രോഷം.

    9. ലോറാ മൂണിന് വൃക്കകള്‍ നാല്; രണ്െടണ്ണം ദാനം ചെയ്യും
    ലീഡ്സ്: ഒന്നരക്കോടിയിലൊരാള്‍ക്കു മാത്രമുണ്ടാകാവുന്ന സവിശേഷത. അതാകട്ടെ വൃക്കരോഗം ബാധിച്ച രണ്ടുപേര്‍ക്കു പുതുജീവന്‍ നല്കാന്‍ സഹായിക്കുകയും ചെയ്യും.

    കാറപകടത്തിനുശേഷമുണ്ടായ വയറുവേദനയും നല്ലതിനായിരുന്നെന്നാണു ലണ്ടനിലെ ലീഡ്സ് സ്വദേശിയും പതിനെട്ടുകാരിയുമായ ലോറമൂണ്‍ ഇപ്പോള്‍ വിശ്വസിക്കുന്നത്. കാരണം അതിനുശേഷം നടത്തിയ പരിശോധനയിലാണല്ലോ തനിക്കു നാലു വൃക്കകളുണ്െടന്നു കണ്െടത്തിയത്. ഇതില്‍ രണ്ടു വൃക്കകള്‍ ദാനം ചെയ്യുമെന്നാണു കസ്റ്റമര്‍ സര്‍വീസ് രംഗത്തു പ്രവര്‍ത്തിക്കുന്ന ലോറയുടെ പ്രഖ്യാപ നം. അവളുടെ മാതാപിതാക്കളായ ഓസ്റ്റിനും കാതറിനുമാകട്ടെ ഇക്കാര്യത്തില്‍ അഭിമാനമേയുള്ളൂ.

    കാറപകടത്തില്‍ പരിക്കേറ്റശേഷമുണ്ടായ വയറുവേദനയുടെ കാരണം കണ്െടത്താന്‍ നടത്തിയ അള്‍ട്രാ സൌണ്ട് സ്കാനിംഗിലാണ് ഡോക്ടര്‍മാരെ അത്ഭുതപ്പെടുത്തിക്കൊണ്ട് ലോറയുടെ നാലു വൃക്കകള്‍ തെളിഞ്ഞു വന്നത്.

    മുമ്പു മൂന്നു വൃക്കകളുള്ളവരെ കണ്െടത്തിയിട്ടുണ്െടങ്കിലും നാലെണ്ണമുള്ള ഒരാളെ കണ്െടത്തിയത് അപൂര്‍വമാണെന്നു ഡോക്ടര്‍മാര്‍ പറയുന്നു. ലോറയുടെ നാലു വൃക്കകളും ആരോഗ്യകരമായി പ്രവര്‍ത്തിക്കുന്നുണ്െടന്നു ള്ളതാണ് ഡോക്ടര്‍മാരെ ഏറെ അത്ഭുതപ്പെടുത്തുന്നത്.

    ലീഡ്സിലെ സീഫോര്‍ഡ് ആശുപത്രിയിലെത്തിയപ്പോള്‍ അവര്‍ അള്‍ട്രാ സൌണ്ട് സ്കാന്‍ ചെയ്യാനാണ് നിര്‍ദേശിച്ചത്. പക്ഷെ സ്കാനിംഗിന്റെ റിസല്‍ട്ടു വന്നപ്പോള്‍ ഡോക്ടര്‍ ഏറെ നേരം ഒന്നും മിണ്ടാനാവാതെ തന്റെ മുഖത്തു നോക്കിയിരിക്കുകയായിരുന്നെന്നു ലോറ പറയുന്നു. കുറച്ചു സമയ ത്തിനു ശേഷം ഡോക്ടര്‍ വളരെ പതിഞ്ഞ ശബ്ദത്തില്‍ നിങ്ങിള്‍ക്കു നാലു കിഡ്നി കളു ണ്െടന്നു പറഞ്ഞു. ലീഡ്സിലെ എന്‍.എച്ച്.എസ് മെഡിക്കല്‍ കോളജിലെ അധ്യപകനായ ഡോ. നിയാസ് അഹമ്മദ് തന്റെ വിദ്യാര്‍ഥികളെ കാണിക്കു ന്നതിനായി ലോറയുടെ കിഡ്നികളുടെ ചിത്രങ്ങളെടുക്കാന്‍ അനുവാദവും വാങ്ങി. സാധാരണയായി 125 പേരിലൊരാള്‍ക്കാണ് രണ്ടിലധികം കിഡ്നികള്‍ ഉള്ളതെന്നാണ് പഠനങ്ങള്‍ വെളിപ്പെടുത്തുന്നത്.

    തനിക്കധികമായി കിട്ടിയ അനുഗ്രഹങ്ങളിലൊന്നു കൊണ്ട് ആരുടെയെങ്കിലും ജീവന്‍ രക്ഷിക്കാന്‍ കഴിയുമെന്ന് പ്രതീക്ഷയോ ടെ കാത്തിരിക്കുകയാണ് ലോറ.

    1. കരിമണല്‍: സര്‍ക്കാര്‍ നിയന്ത്രണം ഇല്ലാതാവുന്നു
    കൊല്ലം: ധാതു ഖനനത്തിന് പൂര്‍ണ വിദേശ നിക്ഷേപം അനുവദിച്ച കേന്ദ്ര തീരുമാനം കരിമണല്‍ ഖനനമേഖലയില്‍ സംസ്ഥാനത്തിന്റെ നിയന്ത്രണവും മേല്‍നോട്ടാധികാരങ്ങളും നഷ്ടമാക്കും.

    ഇതോടെ കൊല്ലം നീണ്ടകര മുതല്‍ ആലപ്പുഴ ജില്ലയിലെ കായംകുളം വരെയുള്ള 22 കിലോമീറ്റര്‍ തീരപ്രദേശം വിദേശ, സ്വകാര്യ കമ്പനികളുടെ അനിയന്ത്രിതമായ കരിമണല്‍ ഖനനത്തിന് ഇരയാകും. സൂനാമി ബാധിത പ്രദേശമായ മേഖലയാകെ കടലെടുക്കുന്ന അവസ്ഥക്ക് ഇത് ഇടയാക്കിയേക്കുമെന്ന് ആശങ്കയുണ്ട്. ഖനനമേഖലയില്‍ സംസ്ഥാന സര്‍ക്കാറുകളുടെ നിയന്ത്രണം എടുത്തുകളയണമെന്ന് കേന്ദ്ര ധാതു നയത്തില്‍ വ്യക്തമായി പറയുന്നു.

    കേന്ദ്ര, സംസ്ഥാന പൊതുമേഖലാ സ്ഥാപനങ്ങളായ ഐ.ആര്‍.ഇ, കെ.എം.എം.എല്‍ എന്നിവ നിയന്ത്രിത രീതിയില്‍ നടത്തുന്നുവെന്ന് പറയുന്ന ഖനനം തന്നെ വീതി കുറഞ്ഞ കരപ്രദേശമുള്ള മേഖലയാകെ ഇല്ലാതാക്കിക്കൊണ്ടിരിക്കുകയാണ്. ആധാരം കൈയില്‍വെച്ച് കടലില്‍ സ്ഥലം തിരയുന്നവര്‍ ഇവിടെ നിരവധിയാണ്.

    കടലാക്രമണം നിത്യസംഭവമായ ഇവിടെ കടല്‍ഭിത്തി ഉള്ളിടത്താണ് തീരം കുറേയെങ്കിലും സംരക്ഷിക്കപ്പെടുന്നത്. മല്‍സ്യബന്ധനം, പരമ്പരാഗത വ്യവസായങ്ങള്‍ എന്നിവയുടെ തകര്‍ച്ചക്കും പരിസ്ഥിതി പ്രത്യാഘാതങ്ങള്‍ കാരണമായിട്ടുണ്ട്.
    ആഗോളീകരണ, ഉദാരീകരണ നയങ്ങള്‍ക്കനുസരണമായി ദേശീയ ധാതുനയം രൂപപ്പെടുത്താന്‍ നിയോഗിക്കപ്പെട്ട ആസൂത്രണകമീഷനംഗം അന്‍വാറുല്‍ ഹുദയുടെ റിപ്പോര്‍ട്ടനുസരിച്ചാണ് കേന്ദ്രസര്‍ക്കാര്‍ പുതിയ നയം പ്രഖ്യാപിച്ചത്. ‘ഗാട്ട്’, കരാറുമായി ബന്ധപ്പെട്ട സമിതിയിലും ലോകവ്യാപാര സംഘടനയിലും ഉന്നത പദവി വഹിച്ച ആളാണ് ഇദ്ദേഹം.

    കേന്ദ്ര നിയമത്തിനും ദേശീയ നയത്തിനും അനുഗുണമല്ലാത്ത നിയമങ്ങളോ ചട്ടങ്ങളോ മാര്‍ഗനിര്‍ദേശങ്ങളോ ഖനനവുമായി ബന്ധപ്പെട്ട് സംസ്ഥാന സര്‍ക്കാറുകള്‍ രൂപപ്പെടുത്തുന്നില്ലെന്ന് ഉറപ്പ് വരുത്തണമെന്ന് പുതിയ നയത്തില്‍ കേന്ദ്രത്തോട് ആവശ്യപ്പെട്ടിട്ടുണ്ട്. നിലവിലെ ധാതുനയത്തില്‍ ഖനനം, ഉത്പന്നങ്ങളുടെ മൂല്യവര്‍ധന എന്നിവയില്‍ കേന്ദ്ര സംസ്ഥാന സര്‍ക്കാറുകള്‍ക്ക് നിയന്ത്രണാധികാരങ്ങളുണ്ട്. ഇത് മുതല്‍ മുടക്കുന്ന കമ്പനികള്‍ക്ക് പ്രശ്നങ്ങള്‍ സൃഷ്ടിക്കുന്നുവെന്നും അതിനാല്‍ നിക്ഷേപകരില്‍ വിശ്വാസം ഉണ്ടാക്കുന്ന നടപടികളാണ് ഉണ്ടാവേണ്ടതെന്നും റിപ്പോര്‍ട്ട് നിര്‍ദേശിക്കുന്നു. ഇതിന് പുറമേ ഖനനവുമായി ബന്ധപ്പെട്ട അവകാശങ്ങളും ആനുകൂല്യങ്ങളും സര്‍ക്കാര്‍, സ്വകാര്യ മേഖലകള്‍ക്ക് തുല്യമായിരിക്കണമെന്നും റിപ്പോര്‍ട്ട് അനുശാസിക്കുന്നു. നൂറ്റാണ്ടിന്റെ ലോഹമെന്നറിയപ്പെടുന്ന ടൈറ്റാനിയം, മരുന്ന് മുതല്‍ വിമാനം വരെയുള്ളവയുടെ നിര്‍മാണത്തിന് അവശ്യവസ്തുവാണ്. കേരളതീരത്തെ കരിമണലില്‍ അടങ്ങിയിട്ടുള്ള ഇല്‍മനൈറ്റ് സംസ്കരിച്ചാണ് ടൈറ്റാനിയം ഡൈ ഓക്സൈഡ് ഉണ്ടാക്കുന്നത്. ഇനിയുള്ള കാലം വിമാനനിര്‍മാണത്തിന്റേതാണെന്ന വിലയിരുത്തലില്‍ ഈ മേഖലയിലെ കുത്തക കമ്പനിയായ ബോയിംഗ് ധാതു ഖനനമേഖലയില്‍ മുതല്‍ മുടക്കിന് രംഗത്തെത്തിയിട്ടുണ്ട്. ഭാരം കുറയുംതോറും ശക്തി കൂടുന്നുവെന്നതാണ് ടൈറ്റാനിയത്തിന്റെ പ്രധാന പ്രത്യേകത.

    ‘ബോയിംഗി’നൊപ്പം ധാതു മണല്‍ ഖനനരംഗത്തെ ഭീമനായ അമേരിക്കന്‍ കമ്പനി ‘ഡ്യൂപോണ്ടും’ കേന്ദ്ര നയംമാറ്റത്തിന് പിന്നിലെ പ്രേരക ശക്തിയാണ്. ഈ കമ്പനി കഴിഞ്ഞ വര്‍ഷം തന്നെ മുംബൈയില്‍ ഓഫീസ് തുറന്നിരുന്നു. വിദേശകമ്പനികള്‍ മാത്രമല്ല വിദേശ മലയാളികള്‍ ഉള്‍പ്പെടെയുള്ളവര്‍ കരിമണല്‍ മേഖലയില്‍ കണ്ണുവെക്കുകയും ഇടതുവലതു സര്‍ക്കാറുകളെ സ്വാധീനിക്കാന്‍ ശ്രമിക്കുകയും ചെയ്തിരുന്നു.
    എന്നാല്‍ ജനകീയ എതിര്‍പ്പിന് മുമ്പില്‍ സര്‍ക്കാറുകള്‍ക്ക് ഒന്നും ചെയ്യാന്‍ കഴിയാത്ത അവസ്ഥയായിരുന്നു. കേന്ദ്ര നയം മാറ്റത്തോടെ സംസ്ഥാന സര്‍ക്കാറിന് കാര്യമായി ഒന്നും ചെയ്യാന്‍ കഴിയില്ല എന്നു മാത്രമല്ല ചെയ്യാവുന്ന കാര്യങ്ങളില്‍ തന്നെ കേന്ദ്രത്തെ പഴിപറഞ്ഞ് രക്ഷപ്പെടുകയും ചെയ്യാം.

    നീണ്ടകര ^കായംകുളം തീര പ്രദേശത്തെ മണലിലെ ലോഹ സാന്നിധ്യം അദ്ഭുതകരമാണ്. മറ്റുള്ള സ്ഥലങ്ങളില്‍ മൂന്ന് ശതമാനം വരെ മാത്രം ലോഹസാന്നിധ്യമുള്ളപ്പോള്‍ ഇവിടെ അത് 20 മുതല്‍ 50 ശതമാനം വരെയാണ്. ഇല്‍മനൈറ്റ്, റൂട്ടെയില്‍, സിലിക്കന്‍, മോണോസൈറ്റ്, സിലിക്ക എന്നിവയാണ് ധാതുമണലില്‍ അടങ്ങിയിട്ടുള്ളത്. ഇല്‍മനൈറ്റ് സംസ്കരിച്ച് ടൈറ്റാനിയം ഡൈ ഓക്സൈഡാക്കി മാറ്റുമ്പോള്‍ മോണോസൈറ്റ് അണുബോംബടക്കമുള്ളവയിലെ പ്രധാന ഘടകമാണ്. ഇത് യാതൊരു നിയന്ത്രണവുമില്ലാതെ വിദേശ രാജ്യങ്ങളിലേക്ക് കയറ്റുമതി ചെയ്യപ്പെടുന്നത് സുരക്ഷാ ഭീഷണിയും ഉയര്‍ത്തുന്നു.

    നീണ്ടകര ^കായംകുളം തീരമേഖലയിലെ മണലില്‍ 200 ദശലക്ഷം ധാതുക്കള്‍ അടങ്ങിയിട്ടുണ്ടെന്നാണ് കണക്കാക്കപ്പെട്ടിട്ടുള്ളത്. ഇതില്‍ 120 ദശലക്ഷം ഇല്‍മനൈറ്റുമാണ്. ഒരു ടണ്‍ അസംസ്കൃത കരിമണലിന് 700 മുതല്‍ 1000 രൂപ വിലയുള്ളപ്പോള്‍ അത് ടൈറ്റാനിയം ഡൈ ഓക്സൈഡായി മാറുമ്പോള്‍ മെട്രിക് ടണ്ണിന് 75000 മുതല്‍ ഒരു ലക്ഷവും ടൈറ്റാനിയം ലോഹമായി മാറുമ്പോള്‍ ഏഴ് മുതല്‍ ഒമ്പത് ലക്ഷം രൂപ വരെയുമാണ് വില.

    2. അരിവില: തര്‍ക്കം മുറുകി; 20 വാഗണ്‍ മടക്കി
    കോഴിക്കോട്: വിലകുറക്കാതെ അരി എടുക്കില്ലെന്ന് വലിയങ്ങാടിയിലെ മൊത്ത വ്യാപാരികള്‍ തീരുമാനിച്ചതോടെ ആന്ധ്രയില്‍നിന്ന് കഴിഞ്ഞദിവസം അരിയുമായി കോഴിക്കോട്ടെത്തിയ 41 വാഗണില്‍ 20 എണ്ണം അരി ഏജന്റുമാര്‍ ഇന്നലെ മടക്കി അയച്ചു. വിലകുറക്കുന്നതു സംബന്ധിച്ച ഒത്തുതീര്‍പ്പ് ചര്‍ച്ചകള്‍ വിജയിക്കാത്തതിനെതുടര്‍ന്നാണ് ഈ തീരുമാനം. അരി തൃശൂര്‍ റെയില്‍വേ ഗുഡ്സ് ഷെഡില്‍ ഇറക്കാനാണ് തീരുമാനം. എന്നാല്‍ തൃശൂരില്‍ ഇത് വില്‍ക്കുന്നത് തടയാന്‍ കാലിക്കറ്റ് ഫുഡ്ഗ്രെയിന്‍സ് ആന്റ് പ്രൊവിഷന്‍സ് മര്‍ച്ചന്റ്സ് അസോസിയേഷന്‍ ശ്രമം തുടങ്ങിയിട്ടുണ്ട്. ഇതോടെ മൊത്തവ്യാപാരികളും ഏജന്റുമാരും തമ്മിലെ തര്‍ക്കം വഴിത്തിരിവിലെത്തി.

    അരി ഗുഡ്സ്ഷെഡില്‍ എത്തിയാല്‍ ഒമ്പതുമണിക്കൂറിനകം ഇറക്കി ബോഗി വിട്ടുകൊടുക്കണമെന്നാണ് റെയില്‍വേ നിയമം. കൂടുതല്‍ വരുന്ന സമയത്തിന് ബോഗിക്ക് മണിക്കൂറിന് 200 രൂപ നല്‍കണം. വെള്ളിയാഴ്ച കോഴിക്കോട്ടെത്തിയ 41 വാഗണ്‍ വ്യാപാരികളും ഏജന്റുമാരും തമ്മിലുണ്ടായ തര്‍ക്കത്തെതുടര്‍ന്ന് 38 മണിക്കൂര്‍ ഇറക്കാനാവാതെ ഷെഡില്‍ കിടന്നു. ഇതേ തുടര്‍ന്ന് പിഴയായും കടത്തുകൂലിയായും 5,84,250 രൂപയാണ് ഏജന്റുമാര്‍ നല്‍കേണ്ടിവന്നത്. ഈ തുക അരിവിലയില്‍ കൂട്ടി വില്‍ക്കാനാണ് ഏജന്റുമാരുടെ ശ്രമം. ഇത് വ്യാപാരികള്‍ എതിര്‍ക്കുകയാണ്. തര്‍ക്കത്തെ തുടര്‍ന്ന് കഴിഞ്ഞദിവസം അരി വില കിലോയ്ക്ക് ഒന്നര രൂപവരെ കുറഞ്ഞിരുന്നു.
    ഈ സംഭവത്തില്‍ കോഴിക്കോട്ടെ ഏജന്റുമാര്‍ക്കിടയില്‍ തന്നെ അഭിപ്രായഭിന്നത ഉടലെടുത്തിട്ടുണ്ട്. കോഴിക്കോട്ടെ ചില ഏജന്റുമാരെ ബഹിഷ്കരിക്കാനാണ് മൊത്തവ്യാപാരികളുടെ നീക്കം. പ്രശ്നം ചര്‍ച്ചചെയ്യാന്‍ ഇന്നു രാവിലെ കാലിക്കറ്റ് ഫുഡ്ഗ്രെയിന്‍സ് ആന്റ് പ്രൊവിഷന്‍സ് മര്‍ച്ചന്റ്സ് അസോസിയേഷന്‍ യോഗം ചേരുന്നുമുണ്ട്.

    ആന്ധ്രയിലെ മില്ലുടമകള്‍ പോലും പ്രതീക്ഷിക്കാത്ത അധിക വിലയാണ് ഏജന്റുമാര്‍ കേരളത്തെ പിഴിഞ്ഞ് വാങ്ങിക്കൊടുത്തത്. ചില വന്‍കിട വ്യാപാരികളും ഇതിന് കൂട്ടുനിന്നു.

    വന്‍ ലാഭം നേടിക്കൊടുത്തതിന്റെ പാരിതോഷികമായി ഏജന്റുമാര്‍ക്ക് മില്ലുടമകള്‍ കമീഷനും വര്‍ധിപ്പിച്ച് നല്‍കി. ഒരു ക്വിന്റലിന് എട്ടു രൂപയാണ് മില്ലുടമകള്‍ ഏജന്റുമാര്‍ക്ക് നല്‍കിവന്നത്. കഴിഞ്ഞ ജനുവരി 15 മുതല്‍ ഇത് 10 രൂപയാക്കി. ക്വിന്റലിന് രണ്ടുരൂപ വ്യാപാരികളും ഏജന്റുമാര്‍ക്ക് നല്‍കുന്നുണ്ട്. ഇത് മൂന്ന് രൂപയാക്കണമെന്ന് ഏജന്റുമാര്‍ ആവശ്യപ്പെട്ടെങ്കിലും വ്യാപാരികള്‍ എതിര്‍ത്തു. ഒരു വാഗണില്‍ 550 ക്വിന്റല്‍ അരിയാണ് എത്തുക. ഈ വകയില്‍ ഇപ്പോള്‍ 6600 രൂപയാണ് ഏജന്റിന് ലഭിക്കുക. 550 ക്വിന്റല്‍ അരി വില്‍ക്കുന്ന തങ്ങള്‍ക്ക് ഇത്രയും ലാഭം കിട്ടില്ലെന്നാണ് മൊത്തവ്യാപാരികള്‍ പറയുന്നത്.

    സീസണായതോടെ തമിഴ്നാട്ടില്‍നിന്നും അരിയും നെല്ലും സുലഭമായി എത്തുന്നുണ്ട്. വരവ് കൂടിയതിനെ തുടര്‍ന്ന് ജയ അരിയുടെ വിലയും താഴ്ന്നു. അതേസമയം ആന്ധ്ര മില്ലുടമകളുടെ ഗോഡൌണുകള്‍ നിറഞ്ഞുകിടക്കുകയാണെന്ന് കഴിഞ്ഞദിവസം വ്യാപാരാവശ്യാര്‍ഥം അവിടെ പോയ കൊല്ലം ജില്ലയിലെ പ്രമുഖ വ്യാപാരി മാധ്യമത്തോട് പറഞ്ഞു.

    ആന്ധ്രയിലെ മില്ലുകളില്‍ നിന്ന് നേരിട്ട് അരി കൊണ്ടുവരാനും വ്യാപാരികള്‍ ആലോചിക്കുന്നുണ്ട്. ഏജന്റുമാര്‍ അധികവില ഈടാക്കിയത് മില്ലുടമകളെ ബോധ്യപ്പെടുത്താനും മൊത്ത വ്യാപാരികള്‍ നീക്കം നടത്തുന്നുണ്ട്.

    3. അന്വേഷണം എസ്.എഫ്.ഐ നേതാക്കളെ കേന്ദ്രീകരിച്ച്
    കോട്ടയം: സി.പി.എം സംസ്ഥാന സമ്മേളനത്തിന്റെ സമാപന പൊതുയോഗം അലങ്കോലപ്പെടുത്തിയത് പാര്‍ട്ടിയില്‍നിന്ന് പുറത്താക്കപ്പെട്ടവരാണെന്ന് വരുത്തിത്തീര്‍ക്കാന്‍ ഔദ്യോഗിക വിഭാഗം ശ്രമം തുടങ്ങി. പുറത്താക്കപ്പെട്ട രണ്ട് എസ്.എഫ്.ഐ നേതാക്കള്‍ക്ക് ഇതില്‍ വ്യക്തമായ പങ്കുണ്ടെന്നാണ് ലഭിച്ച റിപ്പോര്‍ട്ട്. ഇവര്‍ വി.എസ്ഗ്രൂപ്പുമായി ബന്ധപ്പെട്ടവരാണത്രേ. കൂടാതെ കോട്ടയം മുന്‍സിപ്പാലിറ്റിയിലെ വി.എസ് അനുകൂലികളായ ചില കൌണ്‍സിലര്‍മാരും എസ്.എഫ് .ഐ നേതാവും റാലിക്കിടയില്‍ ഒത്തുകൂടി സംസാരിച്ചതും പരിശോധിക്കുന്നുണ്ട്.

    വീഡിയോ ചിത്രങ്ങള്‍ പരിശോധിക്കാനും സംഭവം അവലോകനം ചെയ്യാനും ഈമാസം 20ന് പ്രത്യേക ജില്ലാകമ്മിറ്റി വിളിച്ചിട്ടുണ്ട്. വീഡിയോ ചിത്രങ്ങള്‍ മറ്റ് ജില്ലാകമ്മിറ്റികള്‍ക്കും അയച്ചിട്ടുണ്ട്. കോട്ടയത്ത് എത്തിയ മറ്റ് ജില്ലക്കാരായ പ്രവര്‍ത്തകരാണോ പ്രശ്നമുണ്ടാക്കിയതെന്നും പരിശോധിക്കും.സംഭവത്തില്‍ ഉത്തരവാദികളായവരുടെ ഏകദേശചിത്രം പ്രത്യേക ജില്ലാകമ്മിറ്റിയില്‍ പുറത്തുവരുമെന്നാണ് ഔദ്യോഗിക വിഭാഗം പറയുന്നത്.

    പ്രതിനിധി സമ്മേളനം നടന്ന മാമ്മന്‍ മാപ്പിളഹാളിനു മുന്നില്‍ വി.എസ് എത്തിയപ്പോഴെല്ലാം ഒരുസംഘം മുദ്രാവാക്യം വിളിച്ചിരുന്നു. സംസ്ഥാന കമ്മിറ്റി തെരഞ്ഞെടുപ്പ് കഴിഞ്ഞ് പുറത്തിറങ്ങിയ വി.എസിനെ ഗതാഗതം മുടക്കിയാണ് ഒരു വിഭാഗം വരവേറ്റത്. ഇതുകണ്ട് സംഭവത്തെക്കുറിച്ച് അന്വേഷിക്കാന്‍ ജില്ലയിലെ മുതിര്‍ന്ന നേതാവിനോട് പിണറായി വിജയന്‍ ആവശ്യപ്പെടിരുന്നു. ഇതിന്റെ വീഡിയോദൃശ്യവും ഔദ്യോഗിക വിഭാഗത്തിന്റെ പക്കലുണ്ട്. ബഹളം വെച്ചവരുടെ വീഡിയോ ചിത്രങ്ങള്‍ ഔദ്യോഗിക വിഭാഗം ശേഖരിച്ചതായാണ് അറിയുന്നത്. കൂടാതെ ടൌണില്‍ വഴിയാത്രക്കാരെ കൈയേറ്റം ചെയ്യുകയും മറ്റ് തടസ്സങ്ങള്‍ ഉണ്ടാക്കിയവരുടെയും വീഡിയോ ചിത്രങ്ങളുമുണ്ട്.

    സമ്മേളനദിവസം ഗതാഗതനിയന്ത്രണം മാത്രമാണ് പോലിസിനുണ്ടായിരുന്ന ജോലി. നേതാക്കളുടെ സംരക്ഷണവും മറ്റും റെഡ്വളണ്ടിയര്‍മാര്‍ക്കായിരുന്നു. പൊതുസമ്മേളനം നടന്ന സ്റ്റേഡിയത്തിനകത്തേക്ക് പോലിസ് പ്രവേശിച്ചിട്ടില്ല്ല. എങ്കിലും പോലിസ് പ്രവര്‍ത്തനത്തില്‍ ഔദ്യോഗിക പക്ഷം അതൃപ്തി അറിയിച്ചതായിട്ടാണ് അറിയുന്നത്.

    4. കണക്കിലെ കളി: 2002 കോടി കൂടി പിഴിയാന്‍ വൈദ്യുതി ബോര്‍ഡ്
    തിരുവനന്തപുരം: തികച്ചും സാങ്കേതികമായി, കണക്കുകൊണ്ട് കളിച്ച് 2002 കോടി രൂപ കൂടി ഉപഭോക്താക്കളില്‍ നിന്ന് പിരിക്കാന്‍ വൈദ്യുതി ബോര്‍ഡ് നടപടി ആരംഭിച്ചു. അഞ്ച് വര്‍ഷം കൊണ്ട് ഇത്രയും തുക ഈടാക്കാന്‍ ലക്ഷ്യമിട്ട ബോര്‍ഡ് ഇതില്‍ 400 കോടി രൂപ അടുത്ത സാമ്പത്തിക വര്‍ഷത്തേക്കായി റഗുലേറ്ററി കമീഷന് സമര്‍പ്പിച്ച വരവ്ചെലവ് കണക്കുകളില്‍ ഉള്‍പ്പെടുത്തിയിരിക്കുകയാണ്.

    സര്‍ക്കാറും ബോര്‍ഡും തമ്മിലുള്ള കണക്കുകള്‍ തട്ടിക്കിഴിച്ചതും (നെറ്റിംഗ് ഓഫ്) ജനങ്ങളുടെ മുകളിലിടുകയാണ് ബോര്‍ഡ്. വൈദ്യുതി ബോര്‍ഡിന് മൂന്ന് ശതമാനം ലാഭമുണ്ടാകണമെന്നും അത് ഉണ്ടായില്ലെങ്കില്‍ ബോര്‍ഡിന് സര്‍ക്കാര്‍ അത്രയും തുക നല്‍കണമെന്നും 1948ലെ സപ്ലൈ ആക്ടില്‍ വ്യവസ്ഥ ചെയ്തിട്ടുണ്ട്. സാങ്കേതികമായ ഈ വിഷയത്തില്‍ സര്‍ക്കാര്‍ പണം നല്‍കുന്ന പാരമ്പര്യം അധികമുണ്ടായിട്ടില്ല. ബോര്‍ഡിന്റെ കണക്കില്‍ എല്ലാവര്‍ഷവും ഈ പണം രേഖപ്പെടുത്തി വെക്കുകയും ചെയ്യാറുണ്ട്. എന്നാല്‍ സര്‍ക്കാറും ബോര്‍ഡും ചേര്‍ന്ന് ധാരണ ഉണ്ടാക്കി ഇപ്പോള്‍ ഇറക്കിയ ഉത്തരവ് പ്രകാരം 31^3^06 വരെയുള്ള കാലത്തേക്ക് ബോര്‍ഡും സര്‍ക്കാറും തമ്മിലുള്ള ബാധ്യതകള്‍ നിശ്ചയിച്ചിരിക്കുകയാണ്. ഇത് പ്രകാരം 2002 കോടി രൂപ ബോര്‍ഡിന് സര്‍ക്കാര്‍ നല്‍കണം. ഇത് എഴുതിത്തള്ളാന്‍ തീരുമാനിച്ചതോടെ ഈ പണം ബോര്‍ഡിന്റെ ചെലവായി കണക്കുകളില്‍ കാണിച്ചു. അടുത്ത വര്‍ഷത്തേക്കുള്ള ചെലവിനങ്ങളിലാണ് ഇതില്‍ 400 കോടി രൂപ ഉള്‍പ്പെടുത്തിയത്. ബാക്കി വരും വര്‍ഷങ്ങളില്‍ ഉള്‍പ്പെടുത്തും. ഫലത്തില്‍ ഇത് ഉപഭോക്താക്കളില്‍ നിന്ന് പിരിച്ചെടുക്കാനാണ് നീക്കം.

    എന്നാല്‍ ഇത് സംബന്ധിച്ച ഉത്തരവില്‍ മന്ത്രിസഭ ധാരണ അംഗീകരിക്കണമെന്നും ബോര്‍ഡിന് കമ്മി വന്നാല്‍ സര്‍ക്കാര്‍ സഹായം നല്‍കണമെന്നും നിര്‍ദേശിച്ചിട്ടുണ്ട്. അത്തരത്തില്‍ ഒരു സബ്സിഡിയും ബോര്‍ഡിന് സര്‍ക്കാര്‍ നല്‍കിയില്ല. ഉത്തരവ് പ്രകാരം 2006 മാര്‍ച്ച് വരെ ബോര്‍ഡിന്റെ ലാഭം കാണിക്കാന്‍ സര്‍ക്കാര്‍ 4000 കോടി രൂപയാണ് നല്‍കേണ്ടത്. ഇതിന് പുറമെ 1992ന് മുമ്പത്തെ താരിഫ് പ്രകാരം വ്യവസായങ്ങള്‍ക്ക് അഞ്ച് കൊല്ലം നല്‍കിയ സബ്സിഡി 387 കോടിയുണ്ട്. ഇതടക്കം ബോര്‍ഡ് സര്‍ക്കാറിന് നല്‍കാനുള്ള മൊത്തം തുക 4455 കോടി രൂപയാണ്. ബോര്‍ഡ് വൈദ്യുതി ഡ്യൂട്ടി ഇനത്തില്‍ 1692 കോടി രൂപയും ഗ്യാരന്റി കമീഷന്‍ എന്ന നിലയില്‍ 39 കോടിയും സംസ്ഥാന സര്‍ക്കാറില്‍ നിന്നുള്ള വായ്പയായി 177 കോടിയും സംസ്ഥാന സര്‍ക്കാര്‍ വായ്പക്കുള്ള പലിശയായി 373 കോടിയും നല്‍കണം. ഇത് ആകെ 2483 കോടി രൂപയാണ്. ഇത് തട്ടിക്കിഴിച്ച ശേഷം 2002 കോടി രൂപ ബോര്‍ഡിന് സര്‍ക്കാര്‍ നല്‍കാനുണ്ട്. ഇതാണ് എഴുതിത്തള്ളാന്‍ തീരുമാനിച്ചതും അത് ചെലവിനത്തില്‍ ബോര്‍ഡ് കണക്കിലെഴുതാന്‍ ആരംഭിച്ചതും.

    അടുത്ത വര്‍ഷത്തേക്ക് മൊത്തം 854.69 കോടി രൂപയുടെ കമ്മിയാണ് വൈദ്യുതി ബോര്‍ഡ് കാണിച്ചിരിക്കുന്നത്. ഇതില്‍ 400 കോടി രൂപ നെറ്റിംഗ് ഓഫ് വഴി വന്നതാണ്. ഡിപ്രീസിയേഷന്‍ ഇനത്തിലും വന്‍തുകയാണ് ബോര്‍ഡ് കാണിച്ചത്. ഇപ്പോള്‍ നിലവിലില്ലാത്ത 48ലെ സപ്ലൈ ആക്ട് പ്രകാരം 460 കോടി ഡിപ്രീസിയേഷന്‍ കാണിച്ചു. എന്നാല്‍ 2003ലെ കേന്ദ്ര നിയമപ്രകാരം 260 കോടി രൂപ മാത്രമേ ഈ ഇനത്തില്‍ വരികയുള്ളൂ. 200 കോടിയോളം അധികമാണ് ബോര്‍ഡ് കാണിച്ചത്. അടുത്ത കൊല്ലത്തേക്ക് 1904 ദശലക്ഷം യൂനിറ്റ് വൈദ്യുതി കായംകുളത്ത് നിന്ന് വാങ്ങേണ്ടി വരുമെന്നും ഇതിന് 827 കോടി രൂപ വേണമെന്നും കാണിച്ചിട്ടുണ്ട്.

    ഇതും യാഥാര്‍ഥ്യവുമായി പൊരുത്തപ്പെടുന്നതല്ല. അതുകൊണ്ടു തന്നെ ബോര്‍ഡ് കമ്മിയുണ്ടാക്കാന്‍ കാണിച്ചിരിക്കുന്നതില്‍ പലതും സാങ്കേതികമായി ഉണ്ടാക്കിയതാണ്.
    ബോര്‍ഡ് എ.ആര്‍.ആറില്‍ കാണിച്ചിരിക്കുന്ന കമ്മിക്ക് പുറമെ 2005^06ലെ ഡ്യൂയിംഗ് അപ്പ് പ്രകാരം (എ.ജി. അംഗീകരിച്ച കണക്കും റഗുലേറ്ററി കമീഷന്‍ അംഗീകരിച്ച കണക്കും തമ്മില്‍ ഉണ്ടായ വ്യത്യാസം) 145 കോടി രൂപ കൂടി അടുത്ത വര്‍ഷം നല്‍കണമെന്നും ബോര്‍ഡ് ആവശ്യപ്പെട്ടിട്ടുണ്ട്്.

    പെരുപ്പിച്ച് കാട്ടിയ കമ്മി റഗുലേറ്ററി കമീഷന്‍ അംഗീകരിക്കുമോ എന്ന് വ്യക്തമല്ല. അംഗീകരിച്ചാല്‍ തുടര്‍ച്ചയായ രണ്ടാം വര്‍ഷവും വൈദ്യുതി നിരക്ക് വര്‍ധിക്കും.

    5. നെല്‍വയല്‍ സംരക്ഷണ ബില്ലിലെ വ്യവസ്ഥകള്‍ ഭൂ മാഫിയക്കുവേണ്ടിയെന്ന് ആക്ഷേപം
    കൊച്ചി: ഭൂ മാഫിയയെ സഹായിക്കാനുദ്ദേശിച്ചുള്ളതെന്ന് ആരോപണമുയര്‍ന്ന നെല്‍വയല്‍^നീര്‍ത്തട സംരക്ഷണ ബില്‍ വിവാദവ്യവസ്ഥകള്‍ ഒഴിവാക്കാതെ നിയമമാക്കാന്‍ നീക്കം. ബില്ലിലെ പ്രധാന വ്യവസ്ഥകള്‍ കര്‍ഷകന്റെ കൈയില്‍ അവശേഷിക്കുന്ന ഭൂമിയും പിടിച്ചെടുക്കാനുദ്ദേശിച്ചുള്ളതാണെന്ന് ആരോപണമുയര്‍ന്നിരുന്നു.

    നെല്‍വയല്‍ നികത്തലും പരിവര്‍ത്തനപ്പെടുത്തലും നിരോധിക്കുന്ന ബില്ലില്‍ പൊതുആവശ്യത്തിനാണെങ്കില്‍ ഇത് അനുവദനീയമാണെന്ന വ്യവസ്ഥ ഉള്‍പ്പെടുത്തിയതാണ് വിവാദമായത്. ബഹുരാഷ്ട്ര കുത്തകകള്‍ സ്പെഷല്‍ അഗ്രികള്‍ച്ചറല്‍ സോണുകള്‍ക്കായി കരു നീക്കുമ്പോഴാണ് പുതിയ നിയമം അടുത്ത നിയമസഭാ സമ്മേളനത്തില്‍ പാസാക്കാനിരിക്കുന്നത്.

    നെല്‍വയലുകള്‍ തരിശിട്ടാല്‍ പിടിച്ചെടുക്കാന്‍ കലക്ടര്‍ക്ക് സര്‍വ സ്വാതന്ത്യ്രവും നല്‍കുന്ന ബില്ലില്‍, മറ്റ് കൃഷിയിലേക്ക് മാറിയാല്‍ കര്‍ഷകനില്‍ നിന്ന് ഒരു ലക്ഷം രൂപ പിഴയീടാക്കാനും മൂന്നുവര്‍ഷം തടവിന് ശിക്ഷിക്കാനുമുള്ള വ്യവസ്ഥയുണ്ട്. കടക്കെണിയും ഉല്‍പന്നങ്ങളുടെ വിലയില്ലായ്മയും മൂലം കൃഷിയിറക്കാന്‍ കഴിയാത്ത കര്‍ഷകനില്‍ നിന്നാണ് ഇപ്രകാരം ഭൂമി പിടിച്ചെടുക്കുന്നത്. കൃഷിയിറക്കാത്തതും നടപ്പുകൃഷിയിറക്കുകാലത്ത് കൃഷിയിറക്കാന്‍ സാധ്യതയില്ലെന്ന് കലക്ടര്‍ക്ക് തോന്നുന്നതുമായ ഭൂമി പിടിച്ചെടുക്കാം. മാത്രമല്ല വേണമെങ്കില്‍ ബലപ്രയോഗം നടത്താമെന്നും വ്യവസ്ഥയുണ്ട്.

    നിയമത്തെ സംബന്ധിച്ച് തര്‍ക്കമുണ്ടായാല്‍ സര്‍ക്കാറിനെതിരെയോ ഉദ്യോഗസ്ഥര്‍ക്കെതിരെയോ സിവില്‍ കോടതിയെ സമീപിക്കാന്‍ പോലും കര്‍ഷകനാകില്ല. ജനാധിപത്യ വിരുദ്ധമായ ഈ നിര്‍ദേശങ്ങള്‍ കുത്തകകളെ സഹായിക്കാനാണെന്നാണ് ആരോപണം.

    പ്രത്യേക സാമ്പത്തിക മേഖലകളും കാര്‍ഷിക മേഖലകളും സ്ഥാപിക്കാന്‍ കുത്തകകള്‍ സമ്മര്‍ദം ചെലുത്തിക്കൊണ്ടിരിക്കുന്ന സാഹചര്യത്തിലാണ് ഭൂമി പിടിച്ചെടുക്കലിന് അവസരം വര്‍ധിപ്പിക്കുന്ന നിയമം കൊണ്ടുവരുന്നത്. പിടിച്ചെടുക്കുന്ന ഭൂമി ഭൂബാങ്കിലേക്ക് മുതല്‍ കൂട്ടുമെന്ന് റവന്യൂ മന്ത്രി പ്രഖ്യാപിച്ചിരുന്നു. പൊതുആവശ്യത്തിനെന്നപേരില്‍ പിടിച്ചെടുക്കുന്ന ഭൂമി കൃഷി അധിഷ്ഠിത മൂലധന നിക്ഷേപകര്‍ക്ക് കൈമാറും എന്നാണ് സൂചന.

    നെല്‍വയല്‍ സംരക്ഷിക്കപ്പെടാത്തത് നിയമം നടപ്പാക്കാത്തതുകൊണ്ടാണെന്ന് കര്‍ഷക പ്രതിരോധ സമിതി പ്രസിഡന്റ് ഡോ. ഡി. സുരേന്ദ്രനാഥ് ‘മാധ്യമ’ത്തോട് പറഞ്ഞു. കേരള ഭൂവിനിയോഗ നിയമ പ്രകാരം കൃഷി ഭൂമി നികത്തല്‍ ഫലപ്രദമായി തടയാം. പക്ഷേ, ഇത് മറച്ചുവെച്ച് കര്‍ഷക വിരുദ്ധമായ വ്യവസ്ഥകള്‍ ഉള്‍ച്ചേര്‍ത്ത് ബില്‍ കൊണ്ടുവന്നതുതന്നെ സംശയാസ്പദമാണെന്ന് ചൂണ്ടിക്കാണിക്കപ്പെടുന്നു.

    6. അധ്യാപകരെ വിദ്യാഭ്യാസേതര ജോലികള്‍ക്ക് നിയോഗിക്കരുത്: വിജ്ഞാന കമീഷന്‍
    ന്യൂദല്‍ഹി: അധ്യാപകരെ തെരഞ്ഞെടുപ്പുജോലികള്‍ പോലുള്ള വിദ്യാഭ്യാസേതര ജോലികള്‍ക്ക് നിയോഗിക്കുന്നത് ശരിയല്ലെന്ന് ദേശീയ വിജ്ഞാന കമീഷന്‍. തൊഴിലുമായി ബന്ധമില്ലാത്ത ജോലികളില്‍ അധ്യാപകരെ നിയമിക്കുന്നത് അവരുടെ അധ്യാപന സമയം അപഹരിക്കുകയും അന്തസ്സിനെ പ്രതികൂലമായി ബാധിക്കുകയും ചെയ്യുമെന്ന് കമീഷന്‍ ചൂണ്ടിക്കാട്ടി. തെരഞ്ഞെടുപ്പു ജോലികള്‍, സര്‍വേകള്‍ മുതലായവക്ക് തൊഴില്‍ രഹിതരെയും സര്‍വീസില്‍നിന്നു വിരമിച്ചവരെയും ഉപയോഗിക്കണമെന്നാണ് കമീഷന്റെ നിര്‍ദേശം.

    ഒരു തൊഴില്‍ എന്ന നിലയില്‍ അധ്യാപനത്തിന്റെ അന്തസ്സ് പുനഃസ്ഥാപിക്കപ്പെടണം. അതേസമയം, അധ്യാപകരുടെ പ്രതിബദ്ധത ഉറപ്പാക്കാന്‍ സുതാര്യമായ വ്യവസ്ഥകള്‍ ഉണ്ടാക്കുകയും വേണം. സ്വകാര്യ സ്കൂളുകളിലെ ഫീസ് ഏകീകരിക്കുകയും പ്രവേശന പ്രക്രിയ സുതാര്യമാക്കുകയും വേണം. കമീഷന്‍ തയാറാക്കിയ കുറിപ്പ് പറയുന്നു.

    യോഗ്യരായ അധ്യാപകരെ നിയമിക്കാനും നന്നായി ജോലി ചെയ്യാന്‍ പ്രോല്‍സാഹിപ്പിക്കാനും നടപടികള്‍ അത്യാവശ്യമാണ്. സര്‍ക്കാര്‍ സ്കൂളുകളിലും സ്വകാര്യ സ്കൂളുകളിലും പാഠ്യ വിഷയങ്ങളില്‍ മിനിമം നിലവാരം പാലിക്കപ്പെടുന്നുണ്ടെന്നും ഉറപ്പുവരുത്താന്‍ ദേശീയ നിരീക്ഷണ ഏജന്‍സി ഉണ്ടാവണമെന്ന സുപ്രധാന നിര്‍ദേശവും കമീഷന്‍ മുന്നോട്ട് വെച്ചിട്ടുണ്ട്. സുതാര്യമായ പ്രവേശന നടപടികള്‍, ഫീസ് ഘടനയുടെ നിയന്ത്രണം, അധ്യാപനത്തിന്റെയും അടിസ്ഥാന സൌകര്യങ്ങളുടെയും പരിപാലനം എന്നിവ സ്വകാര്യ സ്കൂളുകളില്‍ കൃത്യമായി നടപ്പാക്കപ്പെടുന്നുണ്ടെന്നും ഉറപ്പു വരുത്തണം. ഭാഷയും ആശയ വിനിമയ ശേഷിയും മെച്ചപ്പെടുത്തല്‍, ഗണിത പഠനം, സ്വയം പഠനം എന്നിവയിലാകണം പ്രാഥമിക വിദ്യാഭ്യാസത്തിന്റെ ഊന്നലെന്നും കമീഷന്‍ നിര്‍ദേശിക്കുന്നു.

    സെക്കന്‍ഡറിതല വിദ്യാഭ്യാസം കൂടുതല്‍ പ്രസക്തമാക്കാനും കൊഴിഞ്ഞുപോക്ക് തടയാനും ഈ ഘട്ടത്തില്‍ തൊഴില്‍ കേന്ദ്രീകൃത വിദ്യാഭ്യാസം ആണ് വേണ്ടത്. ഇന്നത്തെ പരീക്ഷാ രീതിയോട് കമീഷന്‍ വിയോജിപ്പ് പ്രകടിപ്പിച്ചു. ഓര്‍മശക്തി പരിശോധിക്കുന്ന ഇന്നത്തെ രീതിക്ക് പകരം കാര്യങ്ങള്‍ മനസിലായോ എന്ന് പരിശോധിക്കുന്ന പരീക്ഷാ രീതിയിലേക്ക് മാറണമെന്നും കമീഷന്‍ ശിപാര്‍ശ ചെയ്യുന്നു.

    7. എം.എന്‍.എസ് ഭീഷണി: ഉത്തരേന്ത്യക്കാര്‍ ഒഴിച്ചുപോവുന്നു; നാസിക്കില്‍ വന്‍ നഷ്ടം
    മുംബൈ: ഉത്തരേന്ത്യക്കാര്‍ക്കെതിരെ മഹാരാഷ്ട്ര നവനിര്‍മാണ്‍ സേന പ്രവര്‍ത്തകര്‍ നടത്തിയ ആക്രമണത്തിന്റെ മുറിവുണങ്ങാതെ നാസിക്.

    രാജ് താക്കറെയുടെ പ്രകോപനപരമായ പ്രസ്താവനയെ തുടര്‍ന്നുണ്ടായ സംഘര്‍ഷത്തില്‍ ഏറ്റവും നഷ്ടമുണ്ടായത് നാസിക്കിലാണ്. എം.എന്‍.എസുകാരെ ഭയന്ന് ജീവനില്‍ കൊതിയുമായി ഉത്തരേന്ത്യക്കാര്‍ നാടുപിടിച്ചതോടെ തൊഴിലാളികളില്ലാതെ കുഴങ്ങുകയാണ് നാസിക്കിലെ കര്‍ഷകരും വ്യവസായ പ്രമുഖരും.

    ആറായിരത്തിലേറെ ഉത്തരേന്ത്യക്കാരാണ് എം.എന്‍.എസിന്റെ ശക്തി കേന്ദ്രമായ നാസിക്കില്‍ നിന്ന് പലായനം ചെയ്തത്. ശമ്പള കുടിശãിക പോലും കൈപ്പറ്റാന്‍ കാത്തുനില്‍ക്കാതെയാണ് ഇവര്‍ പോയത്. ആരോഗ്യ പ്രശ്നങ്ങള്‍ പോലും വകവെക്കാതെയായിരുന്നു ബോഗികളില്‍ കുത്തിനിറച്ച യാത്ര. പ്രസവമടുത്ത സ്ത്രീ പോലും കിട്ടിയ ട്രെയിനില്‍ നാടുപിടിക്കാന്‍ ശ്രമിക്കുകയും ട്രെയിനില്‍ പ്രസവിക്കുകയും ചെയ്തത് ചാനലുകള്‍ റിപ്പോര്‍ട്ട് ചെയ്തിരുന്നു.

    ഉള്ളി തോട്ടങ്ങളും മുന്തിരി തോപ്പുകളും ധാരാളമുള്ള നാസിക്കില്‍ തൊഴിലാളികളുടെ അഭാവം കോടികളുടെ നഷ്ടമാണുണ്ടാക്കിയത്. വൈന്‍ ഉല്‍പാദനത്തിന്റെയും കേന്ദ്രമാണ് നാസിക്. പതിനായിരത്തിലേറെ ചെറുകിട വ്യവസായ സ്ഥാപനങ്ങളും ഹിന്ദുസ്ഥാന്‍ ഏറോനോട്ടിക്കലും മഹീന്ദ്രയും പോലുള്ള 200 ലേറെ വന്‍ വ്യവസായ ശാല യൂനിറ്റുകളും ഇവിടെയുണ്ട്. തൊഴിലാളികളുടെ അഭാവം മൂലം ഉല്‍പാദനത്തില്‍ 40 ശതമാനത്തിലേറെ ഇടിവാണ് വ്യവസായ മേഖല അഭിമുഖീകരിക്കുന്നത്. ഇവിടത്തെ ചെറുകിട വ്യവസായത്തെ ആശ്രയിക്കുന്ന മുംബൈ^പൂനെ നഗരങ്ങളിലെ വന്‍ വ്യവസായ സ്ഥാപനങ്ങളും ഉല്‍പന്നങ്ങള്‍ ലഭിക്കാതെ കുഴങ്ങുകയാണ്. ശേഷിക്കുന്ന ഉത്തരേന്ത്യക്കാരില്‍ നല്ലൊരു ശതമാനം ഭയം മൂലം ജോലിക്ക് പോകുന്നില്ല.

    8. ഗാര്‍ഹിക പീഡനങ്ങളില്‍ 75 ശതമാനവും പുറത്തുവരുന്നില്ല
    മനാമ: വിവാഹിതരായി 10 വര്‍ഷത്തിനിടെ വീടുകളിലുണ്ടാകുന്ന പീഡനങ്ങളില്‍ 75 ശതമാനവും പരാതിയായി പുറത്തുവരുന്നില്ല. വിവാഹം കഴിഞ്ഞ് ആറു വര്‍ഷത്തിനിടെയാണ് 31നും 40നും മധ്യേ പ്രായക്കാരായവര്‍ കൂടുതല്‍ പീഡനത്തിനിരയാകുന്നത്. നിശãബ്ദരായി അവര്‍ സഹിക്കുകയാണ് ചെയ്യുന്നത്. ഇത് ശാരീരികമായ അസുഖങ്ങള്‍ക്കും ഉയര്‍ന്ന രക്ത സമ്മര്‍ദത്തിനും പ്രമേഹത്തിനും അള്‍സര്‍ തുടങ്ങിയ രോഗങ്ങള്‍ക്കും കാരണമാകുന്നുവെന്നും പഠനം തെളിയിക്കുന്നു. ഈസ ടൌണിലെ ചില്‍ഡ്രന്‍ ആന്റ് മദേഴ്സ് വെല്‍ഫെയര്‍ സൊസൈറ്റിയില്‍ നടന്ന രണ്ടുദിവസം നീളുന്ന സമ്മേളനത്തിലാണ് ഈ വിവരങ്ങള്‍ വ്യക്തമാക്കിയത്.

    ഈ നിശബ്ദതയുടെ കാലാവധി കൂടിവരികയാണെന്നും ഇത് കുടുംബ ഛിദ്രത വര്‍ധിപ്പിക്കുന്നതായും ബറ്റല്‍കോ സെന്റര്‍ ഫോര്‍ വയലന്‍സ് വിക്റ്റിംസിന്റെ പ്രസിഡന്റും ക്ലിനിക്കല്‍ സൈക്കോളജിസ്റ്റുമായ ഡോ. ബന്ന ബൂ സബൂന്‍ വ്യക്തമാക്കി. കുടുംബം ശിഥിലമാകേണ്ടയെന്ന ചിന്തയും കരുത്തരല്ലെന്ന കാരണവും കുട്ടികളെ നഷ്ടമാകുമെന്ന ആശങ്കയുമാണ് ഇത് സംബന്ധിച്ച് പരാതി നല്‍കുന്നതില്‍ നിന്ന് പിന്തിരിപ്പിക്കുന്നത്. 2005 ആഗസ്റ്റിനും 2006 മെയ്ക്കുമിടയില്‍ സെന്ററില്‍ ചികില്‍സക്കെത്തിയ വിവാഹിതരും വിവാഹമോചിതരുമായ 450 പേരെയാണ് പഠന വിധേയമാക്കിയത്. ഇതില്‍ 233 പേര്‍ 31നും 40 വയസ്സിനും ഇടയില്‍ പ്രായക്കാരാണ്. നാലിലൊന്ന് പേര്‍ 21നും 30 നുമിടയില്‍ പ്രായക്കാരാണ്.

    രാജാവിന്റെ പത്നിയും വനിത സുപ്രീം കൌണ്‍സില്‍ ചെയര്‍പേഴ്സണുമായ ശൈഖ സബീക്ക ബിന്‍ത് ഇബ്രാഹിം ആല്‍ഖലീഫയുടെ രക്ഷാകര്‍തൃത്വത്തില്‍ നടന്ന പരിപാടിയില്‍ രാജ്യത്തെയും തുണീഷ്യ, അമേരിക്ക എന്നിവിടങ്ങളിലെയുമടക്കം 180 പ്രതിനിധികളാണ് പങ്കെടുത്തത്. ഗാര്‍ഹിക പീഡനങ്ങളെ കുറിച്ച് ബോധവത്കരണം നടത്തുകയും ഇത് തടയാന്‍ സര്‍ക്കാര്‍, ജനകീയ സമിതികളെ പ്രോല്‍സാഹിപ്പിക്കുകയുമാണ് ഈ പരിപാടിയിലൂടെ ലക്ഷ്യമിടുന്നത്. ഇന്നത്തെ സമൂഹത്തില്‍ കുടുംബങ്ങളിലെ പീഡനങ്ങള്‍ ഒരു മുഖ്യഘടമായി മാറിയിരിക്കുന്ന സാഹചര്യത്തിലാണ് പരിപാടി സംഘടിപ്പിച്ചിരിക്കുന്നതെന്ന് സൊസൈറ്റി ജനറല്‍ സെക്രട്ടറി ശൈഖ ഹിന്ദ് ബിന്‍ത് സല്‍മാന്‍ ആല്‍ഖലീഫ വ്യക്തമാക്കി.

    നേരത്തെ പോലിസിലോ ആശുപത്രിയിലോ ആയിരുന്നു ഇത്തരം പരാതികള്‍ എത്തിയിരുന്നത്. എന്നാല്‍ ഇപ്പോള്‍ ബോധവത്കരണം വര്‍ധിച്ചതിനെ തുടര്‍ന്ന് ആളുകള്‍ സര്‍ക്കാരേതര സംഘടനകളെയും ആശ്രയിക്കുന്നുണ്ട്. ദേഷ്യം നിയന്ത്രിക്കുന്നതിനെകുറിച്ച ആവശ്യമായ അറിവു പകരേണ്ടത് ആവശ്യമാണെന്നും ഇത് കൂടുതല്‍ സഹായം നല്‍കുമെന്നും അവര്‍ പറഞ്ഞു.

    നിയമ സംവിധാനങ്ങള്‍ ഗാര്‍ഹിക പീഡനങ്ങള്‍ നിയന്ത്രിക്കുന്നതിന് നിലവില്‍ പര്യാപ്തമല്ലെന്നും അതിന് കൂടുതല്‍ നടപടികള്‍ കൈക്കൊള്ളണമെന്നും വനിത സുപ്രീം കൌണ്‍സില്‍ ജനറല്‍ സെക്രട്ടറി ലുല്‍വ അവാധി പറഞ്ഞു.
    കുടുംബത്തിലെ ഇത്തരം അസ്വാരസ്യങ്ങള്‍ ഇല്ലാതാക്കുന്നതിന് മാധ്യമങ്ങള്‍ക്കും കാര്യമായ പങ്ക് വഹിക്കാനുണ്ടെന്ന് അവര്‍ ചൂണ്ടിക്കാട്ടി. യു.എന്‍. ഡെവലപ്മെന്റ് പ്രോഗ്രാമിലെ വിദഗ്ധരടക്കം 100 പേരാണ് പരിപാടിയില്‍ പങ്കെടുത്തത്.

    1. ഐസ്ക്രീം കേസ്:സര്‍ക്കാരിന്റെ ഹര്‍ജി തള്ളി
    ന്യൂഡല്‍ഹി: ഐസ്ക്രീം പാര്‍ലര്‍ പെണ്‍വാണിഭക്കേസില്‍ മുഖ്യപ്രതി ശ്രീദേവി ഉള്‍പ്പെടെ 16 പ്രതികളെ വിട്ടയച്ച വിചാരണക്കോടതി നടപടി ശരിവച്ചുള്ള ഹൈക്കോടതി ഉത്തരവിനെതിരെ സംസ്ഥാന സര്‍ക്കാര്‍ നല്‍കിയ പ്രത്യേകാനുമതി ഹര്‍ജി സുപ്രീം കോടതി തള്ളി. ഹൈക്കോടതിയുടെ ഉത്തരവില്‍ ഇടപെടാന്‍ തക്കതായ വാദങ്ങള്‍ സര്‍ക്കാരിന്റെ ഹര്‍ജിയിലില്ലെന്നു ജഡ്ജിമാരായ ബി.എന്‍.അഗര്‍വാള്‍, ജി.എസ്. സിങ്വി എന്നിവരുടെ ബെഞ്ച് വ്യക്തമാക്കി.ഹൈക്കോടതി ഉത്തരവിനെതിരെ ‘അന്വേഷി പ്രസിഡന്റ് അജിത നല്‍കിയ പ്രത്യേകാനുമതി ഹര്‍ജി കഴിഞ്ഞ മാസം 15ന് ഇതേ ബെഞ്ച് പരിഗണിച്ചിരുന്നു.

    അപ്പീല്‍ നല്‍കാനുദ്ദേശിക്കുന്നതായി സംസ്ഥാന സര്‍ക്കാര്‍ അന്നു വ്യക്തമാക്കി. തുടര്‍ന്ന് അജിതയുടെ ഹര്‍ജി പിന്നീടു പരിഗണിക്കാന്‍ മാറ്റി. ഈ ഹര്‍ജി ഇനി ഏപ്രില്‍ 15നു പരിഗണിച്ചേക്കും. എന്നാല്‍, സര്‍ക്കാരിന്റെ ഹര്‍ജി തള്ളിയ സാഹചര്യത്തില്‍ ഈ ഹര്‍ജി നിലനില്‍ക്കാനുള്ള സാധ്യത നിയമവൃത്തങ്ങള്‍ തള്ളിക്കളഞ്ഞു.ഇന്നലെ ഹര്‍ജി ഹരിഗണിച്ചപ്പോള്‍, അന്വേഷിയുടെ ഹര്‍ജിക്കൊപ്പം പരിഗണിക്കുന്നതു സംബന്ധിച്ചു കത്തു നല്‍കിയിട്ടുണ്ടെന്നു സര്‍ക്കാരിനു വേണ്ടി ഹാജരായ സ്റ്റാന്‍ഡിങ് കോണ്‍സല്‍ ആര്‍. സതീഷ് വ്യക്തമാക്കി. എന്നാല്‍, സര്‍ക്കാരിന്റെ ഹര്‍ജിയില്‍ കഴമ്പുണ്ടെങ്കില്‍ മാത്രമല്ലേ ഇതേ വിഷയത്തിലുള്ള മറ്റു ഹര്‍ജികള്‍ പരിശോധിക്കേണ്ടതുള്ളൂവെന്നു കോടതി ചോദിച്ചു.

    മറ്റു ഹര്‍ജിക്കാര്‍ക്കല്ല, പ്രോസിക്യൂഷന്‍ എന്ന നിലയില്‍ സര്‍ക്കാരിനാവും കൂടുതല്‍ തെളിവുകളും മറ്റുമുണ്ടാവുക.കോടതി വാക്കാല്‍ നടത്തിയ നിരീക്ഷണങ്ങള്‍ക്കു സര്‍ക്കാര്‍ അഭിഭാഷകന്റെ ഭാഗത്തുനിന്നു കാര്യമായ മറുപടിയുണ്ടായില്ല. കഴിഞ്ഞ മാസം അന്വേഷിയുടെ ഹര്‍ജി പരിഗണിച്ചപ്പോള്‍, സര്‍ക്കാരും അപ്പീല്‍ നല്‍കുന്നുണ്ടെന്നു വ്യക്തമാക്കാന്‍ മാത്രമായി സര്‍ക്കാര്‍ അഭിഭാഷകനൊപ്പം ജെ.സി. ഗുപ്തയെന്ന സീനിയര്‍ അഭിഭാഷകനും ഹാജരായിരുന്നു. എന്നാല്‍, ഇന്നലെ ഹര്‍ജി പരിഗണിച്ചപ്പോള്‍ സീനിയര്‍ അഭിഭാഷകന്‍ ഇല്ലായിരുന്നുവെന്നതു ശ്രദ്ധേയമായി.

    എതിര്‍കക്ഷികള്‍ക്കു വേണ്ടി ഹാരീസ് ബീരാന്‍, എം.ആര്‍. രമേശ് ബാബു, എ. രഘുനാഥ് എന്നിവര്‍ ഹാജരായി.സാക്ഷികള്‍ കൂറുമാറിയ കേസായതിനാല്‍ ഹൈക്കോടതി ഉത്തരവു റദ്ദാക്കണമെന്നാണു ഹര്‍ജിയില്‍ സര്‍ക്കാര്‍ ആവശ്യപ്പെട്ടത്. 51 സാക്ഷികളില്‍ ഒരാളൊഴികെ എല്ലാവരും കൂറുമാറിയ കേസില്‍ തെളിവു നിയമത്തിലെ 165-ാം ചട്ടമനുസരിച്ചു സാക്ഷികളെ ചോദ്യംചെയ്യാനുള്ള അധികാരം വിചാരണക്കോടതി വിനിയോഗിച്ചിട്ടില്ല. പീഡനത്തിനിരയായവരും സാക്ഷികളുമായ സ്ത്രീകളെ പ്രതികള്‍ വിലയ്ക്കെടുക്കുകയായിരുന്നു. പീഡനത്തിനിരയായവര്‍ക്കു സാമ്പത്തിക സ്ഥിതിയില്‍ പെട്ടെന്നുണ്ടായ പുരോഗതിയെക്കുറിച്ചു പരിശോധിക്കുന്നതില്‍ പബ്ളിക് പ്രോസിക്യൂട്ടര്‍ വീഴ്ചവരുത്തിയെന്നും ഹര്‍ജിയില്‍ സര്‍ക്കാര്‍ ആരോപിച്ചു.

    ‘ഐസ്ക്രീം പാര്‍ലര്‍ കേസ്: ഉചിതമായ നടപടിയെടുക്കും

    കോഴിക്കോട്: ഐസ്ക്രീം പാര്‍ലര്‍ കേസിലെ അപ്പീല്‍ തള്ളിക്കൊണ്ടുള്ള സൂപ്രീംകോടതിയുടെ നിരീക്ഷണങ്ങള്‍ പഠിച്ചശേഷം നിയമവിദഗ്ധരുമായി ആലോചിച്ച് ഉചിതമായ നടപടി സ്വീകരിക്കുമെന്ന് ആഭ്യന്തര മന്ത്രി കോടിയേരി ബാലകൃഷ്ണന്‍ വ്യക്തമാക്കി. കൂടുതല്‍ ചോദ്യങ്ങളില്‍ നിന്ന് അദ്ദേഹം ഒഴിഞ്ഞുമാറി.

    നീതിക്കായി ഏതറ്റംവരെ പോകാനും തയാറെന്ന് അജിത

    കോഴിക്കോട്: ഐസ്ക്രീം പാര്‍ലര്‍ പെണ്‍വാണിഭക്കേസില്‍ നീതിക്കു വേണ്ടി ഏതറ്റംവരെ പോകാനും തയാറാണെന്ന് അന്വേഷി പ്രസിഡന്റ് കെ.അജിത. ഐസ്ക്രീം പാര്‍ലര്‍ കേസില്‍ സംസ്ഥാന സര്‍ക്കാര്‍ സമര്‍പ്പിച്ച അപ്പീല്‍ സുപ്രീംകോടതി തള്ളിയതിനെക്കുറിച്ച് പ്രതികരിക്കുകയായിരുന്നു അവര്‍.കേസില്‍ പുനര്‍വിചാരണ ആവശ്യപ്പെട്ട് താന്‍ നല്‍കിയ ഹര്‍ജി ഇപ്പോഴും സുപ്രീംകോടതിയുടെ പരിഗണനയിലാണുള്ളതെന്നും അജിത വ്യക്തമാക്കി. ഈ കേസില്‍ മുഖ്യമന്ത്രി വി.എസ്.അച്യുതാനന്ദനും സംസ്ഥാന സര്‍ക്കാരിനും ഏറെ താല്‍പര്യമുണ്ട്. എന്നാല്‍ ന്യൂഡല്‍ഹിയില്‍ നടക്കുന്ന കളികളെക്കുറിച്ച് ഒന്നും പറയാന്‍ കഴിയില്ലെന്നും അജിത പറഞ്ഞു.

    2. സംഘടനാശേഷികൊണ്ടു കളിക്കേണ്ട: ട്രേഡ് യൂണിയനുകളോടു സിപിഎം
    തിരുവനന്തപുരം: ട്രേഡ് യൂണിയനുകള്‍ സംഘടനാശേഷി ദുര്‍വിനിയോഗം ചെയ്യുന്നുവെന്നു സിപിഎം സമ്മതിക്കുന്നു. ഇൌ പ്രവണത തിരുത്തണമെന്നാണു തൊഴിലാളി നേതൃത്വങ്ങളോടുള്ള കോട്ടയം സമ്മേളനത്തിന്റെ നിര്‍ദേശം. ചുമട്, ചെത്ത്-മദ്യവ്യവസായം, നിര്‍മാണം, പോര്‍ട്ട് തുടങ്ങിയ മേഖലകളില്‍ തൊഴിലാളി യൂണിയനുകള്‍ കാട്ടുന്ന ഉരുക്കുമുഷ്ടി അവസാനിപ്പിക്കണമെന്നു പാര്‍ട്ടിക്കു പറയേണ്ടിവന്നിരിക്കുകയാണ്. ഇവിടെയെല്ലാം സംഘടനാക്കരുത്ത് ഉപയോഗിച്ചു നടത്തുന്ന തെറ്റായ പ്രവര്‍ത്തനങ്ങള്‍, പാര്‍ട്ടിക്കും സിഐടിയുവിനുമുണ്ടാകുന്ന മതിപ്പിനു കുറവു വരുത്തുന്നുവെന്നും തിരുത്തലുകള്‍ ആവശ്യമാണെന്നും പാര്‍ട്ടി ചൂണ്ടിക്കാട്ടുന്നു.

    ട്രേഡ് യൂണിയന്‍ മുന്നണിയെക്കുറിച്ചു സംസ്ഥാന സമ്മേളനം അംഗീകരിച്ച രേഖയിലാണ് അവയുടെ പ്രവര്‍ത്തനശൈലിക്കെതിരെ നിശിത വിമര്‍ശനം. ചുമട്ടു രംഗത്തെ നോക്കുകൂലി, അമിതമായ കൂലിവാങ്ങല്‍, ചെത്ത്- മദ്യവ്യവസായരംഗത്തെ ചില അരാജക പ്രവണതകള്‍, നിര്‍മാണ- മണല്‍ മേഖലയിലെ തെറ്റായ സമീപനങ്ങള്‍ എന്നിവ സംഘടനാശേഷിയുടെ ദുര്‍വിനിയോഗമായി പാര്‍ട്ടി എടുത്തുകാട്ടുന്നു. ‘വിപ്ളവ പ്രസ്ഥാനത്തിന്റെ മുന്‍നിരക്കാരാണെന്ന ധാരണയില്‍ ട്രേഡ് യൂണിയന്‍ പ്രവര്‍ത്തനം സമൂഹത്തിനു മാതൃകയാകണം. പോരായ്മകള്‍ക്കെതിരെ നിതാന്ത ജാഗ്രതയുണ്ടാകണം -പാര്‍ട്ടി ആവശ്യപ്പെടുന്നു. സിഐടിയുവും പാര്‍ട്ടിയും സര്‍ക്കാരും തമ്മിലുള്ള ഏകോപനം മെച്ചപ്പെടുത്തണമെന്നും സമ്മേളനം നിര്‍ദേശിച്ചു.

    മിക്ക യൂണിയനുകളും കമ്മിറ്റികളും ചട്ടപ്പടി പ്രവര്‍ത്തനം മാത്രമാണു നടത്തുന്നത്. നിശ്ചയിക്കുന്ന പ്രവര്‍ത്തകര്‍ ഇൌ രംഗത്തുനിന്നുതന്നെ പ്രവര്‍ത്തിക്കുന്നുണ്ടോയെന്ന പരിശോധന നടക്കാറില്ല. പല പാര്‍ട്ടി കമ്മിറ്റികളും സഖാക്കളും ട്രേഡ് യൂണിയനുകളെ ഇപ്പോഴും കൈകാര്യം ചെയ്യുന്നതു പാര്‍ട്ടിയുടെ കീഴ്സംഘടനകളാണെന്ന നിലയ്ക്കാണ്. നേതൃത്വത്തിലിരിക്കുന്ന പല സഖാക്കളും യൂണിയന്‍ പ്രവര്‍ത്തനത്തില്‍ വേണ്ടവിധം ശ്രദ്ധിക്കുന്നില്ല.
    സ്വാധീനം വര്‍ധിച്ചിട്ടുണ്ടെങ്കിലും തൊഴിലാളികളുടെ ബോധനിലവാരത്തില്‍ മാറ്റമുണ്ടാക്കുന്നതിന് എത്രത്തോളം കഴിഞ്ഞിട്ടുണ്ടെന്നു പരിശോധിക്കണം. അവരുടെ ഭാഗത്തു നിന്നു തെറ്റായ സമീപനമുണ്ടായാല്‍ തിരുത്തിക്കാനും കഴിയണം. സിഐടിയുവിന്റെ അംഗസംഖ്യ വര്‍ധിപ്പിക്കുന്നതില്‍ വീഴ്ചകളുണ്ടെന്നും പാര്‍ട്ടി ചൂണ്ടിക്കാട്ടി.

    ഭരണത്തിലിരിക്കുന്ന വേളയിലാണു ട്രേഡ് യൂണിയനുകള്‍ക്കെതിരെ ഇൌ നിലയ്ക്കുള്ള വിമര്‍ശനം സമ്മേളനത്തില്‍ നടത്താന്‍ പാര്‍ട്ടി തയാറാകുന്നത് എന്നതു ശ്രദ്ധേയമാണ്. ഡിവൈഎഫ്ഐ, എസ്എഫ്ഐ തുടങ്ങിയ അനുബന്ധ സംഘടനകളുടെ പ്രവര്‍ത്തനങ്ങളെക്കുറിച്ചുള്ള വിലയിരുത്തലുകള്‍ അടങ്ങുന്ന രേഖയും സമ്മേളനം അംഗീകരിച്ചു. ഇരു സംഘടനകളേയും പൊതുവില്‍ മതിപ്പോടെയാണു പാര്‍ട്ടി കാണുന്നത്.

    3. ബിസ്കറ്റ് ടിന്നില്‍ ഒളിപ്പിച്ചു കടത്തിയ ഹോളിവുഡ് സിനിമാ സിഡികള്‍ പിടികൂടി
    കൊണ്ടോട്ടി: അനധികൃതമായി കടത്തിയ ഹോളിവുഡ് സിനിമകളുടെ 570 സിഡികള്‍ കോഴിക്കോട് വിമാനത്താവളത്തില്‍ എയര്‍ കസ്റ്റംസ് ഇന്റലിജന്‍സ് പിടികൂടി. ക്വാലലംപൂരില്‍നിന്ന് കോഴിക്കോട്ടേക്കു വന്ന ചെന്നൈ സ്വദേശിയില്‍നിന്നാണ് 1.14 ലക്ഷം രൂപ വിലവരുന്ന സിഡികള്‍ പിടിച്ചെടുത്തത്. ഇന്നലെ രാവിലെ 8.35നുള്ള ശ്രീലങ്കന്‍ എയര്‍ലൈന്‍സ് വിമാനത്തില്‍ എത്തിയ ചെന്നൈ മുകിയില്‍പേട്ട് കൃഷ്ണന്‍കോവില്‍ സ്ട്രീറ്റ് ഉമര്‍ സീനി ഹാജ മുഹമ്മദി(35)ന്റെ ലഗേജില്‍നിന്നാണ് സിഡികള്‍ പിടിച്ചെടുത്തത്. രാജ്യാന്തര മാര്‍ക്കറ്റില്‍ ഇതിന് 1.14 ലക്ഷം രൂപ വിലവരും. ബിസ്കറ്റ് ടിന്നുകളുടെ അടിഭാഗത്ത് സിഡികളും മുകളില്‍ ബിസ്കറ്റും നിറച്ചാണ് കൊണ്ടുവന്നത്. സോപ്പുപൊടി ടിന്നുകളിലും സിഡികള്‍ ഉണ്ടായിരുന്നു. തീരുവയും പിഴയും ഉള്‍പ്പെടെ 46,000 രൂപ ചുമത്തി.

    4. ആന്ധ്രയില്‍ കര്‍ഷകരുടെ സമ്മര്‍ദം: അരിവില കുറയാനിടയില്ല
    കൊട്ടാരക്കര: നെല്ലിനു താങ്ങുവില ഉയര്‍ത്താന്‍ കേന്ദ്ര സര്‍ക്കാരിനു മേല്‍ ആന്ധ്രയിലെയും തമിഴ്നാട്ടിലെയും കര്‍ഷകരുടെ കൂട്ടായ സമ്മര്‍ദം. വില ഉയര്‍ത്താത്തപക്ഷം ശക്തമായ പ്രക്ഷോഭം നടത്താനാണു തീരുമാനം. ആവശ്യം അംഗീകരിക്കാന്‍ സര്‍ക്കാര്‍ തയാറാകുമെന്നാണു സൂചന. ഇതോടെ അരി വില കുറയാനുള്ള സാധ്യതകള്‍ വിരളമായി. താങ്ങുവില ക്വിന്റലിന് 1,000 രൂപയാക്കി വര്‍ധിപ്പിക്കണമെന്നതാണ് ആവശ്യം. നിലവില്‍ താങ്ങുവില 700 രൂപയാണ്. താങ്ങുവില വര്‍ധിപ്പിക്കാന്‍ ആന്ധ്രയിലെയും തമിഴ്നാട്ടിലെയും പ്രതിപക്ഷ രാഷ്ട്രീയ പാര്‍ട്ടികളാണു സമരങ്ങള്‍ക്കു പിന്നില്‍. ഗോതമ്പിന്റെ താങ്ങുവില 1,000 രൂപയാക്കി വര്‍ധിപ്പിച്ചതിന്റെ ചുവടുപിടിച്ചാണു നെല്‍കര്‍ഷകരും സമ്മര്‍ദതന്ത്രം രൂപപ്പെടുത്തിയത്. അടുത്ത സീസണിലേക്കുള്ള നെല്ല് ആന്ധ്രയില്‍ വിളഞ്ഞു തുടങ്ങിയിട്ടുണ്ട്. ഏപ്രില്‍ പതിനഞ്ചോടെ കൊയ്ത്ത് ആരംഭിക്കുമെന്നാണു സൂചന. അതിനു മുന്‍പായി താങ്ങുവില ഉയര്‍ത്തുമെന്നാണു പ്രതീക്ഷ. നെല്‍കര്‍ഷകരുടെ ആവശ്യം കേന്ദ്രസര്‍ക്കാര്‍ തത്വത്തില്‍ അംഗീകരിച്ചതായും സൂചനയുണ്ട്.

    5. പൊലീസിനെതിരെ അക്രമം: പഞ്ചായത്ത് പ്രസിഡന്റിനെ ഉള്‍പ്പെടെ റിമാന്‍ഡ് ചെയ്തു
    ഒറ്റപ്പാലം: എല്‍ഡിഎഫ്, യുഡിഎഫ് സംഘര്‍ഷത്തിനിടെ പൊലീസിനെ ആക്രമിച്ചു പരുക്കേല്‍പ്പിച്ചെന്ന കേസില്‍ വല്ലപ്പുഴ പഞ്ചായത്ത് പ്രസിഡന്റ് എ. മുഹമ്മദാലി ഉള്‍പ്പെടെ എട്ടു സിപിഎം പ്രവര്‍ത്തകരെ കോടതി ഒരു ദിവസത്തേക്കു റിമാന്‍ഡു ചെയ്തു. ഹൈക്കോടതിയില്‍ നല്‍കിയ മുന്‍കൂര്‍ ജാമ്യാപേക്ഷ നിരസിക്കപ്പെട്ടതിനെത്തുടര്‍ന്ന് ഇന്നലെ വൈകിട്ട് ഒറ്റപ്പാലം ജുഡീഷ്യല്‍ മജിസ്ട്രേട്ട് കോടതിയില്‍ കീഴടങ്ങിയപ്പോഴാണ് റിമാന്‍ഡിന് ഉത്തരവിട്ടത്. വല്ലപ്പുഴയിലെ സിപിഎം പ്രവര്‍ത്തകരായ അബ്ദുല്‍ നാസര്‍, ഇബ്രാഹിം, ഷാജഹാന്‍, ദാസന്‍, അബ്ദുല്‍ അലി, അബ്ദുല്‍ സലിം, മണികണ്ഠന്‍ എന്നിവരാണ് പഞ്ചായത്ത് പ്രസിഡന്റിനോടൊപ്പം റിമാന്‍ഡിലായത്.

    ഇവരുടെ ജാമ്യാപേക്ഷ മജിസ്ട്രേട്ടു കോടതി ഇന്നു പരിഗണിക്കും. ഒക്ടോബര്‍ ഏഴിനു വൈകിട്ടാണ് വല്ലപ്പുഴ കുറുവട്ടൂരില്‍ ഒറ്റപ്പാലം സിഐ ഒ.കെ. ശ്രീരാമന്‍, ഷൊര്‍ണൂര്‍ എസ്ഐ പി.വി. രമേഷ് എന്നിവരുള്‍പ്പെട്ട പൊലീസ് സംഘത്തിനു നേരെ ആക്രണമുണ്ടായത്. എല്‍ഡിഎഫ്, യുഡിഎഫ് സംഘര്‍ഷം നിലനിന്നിരുന്ന പ്രദേശത്തു യുഡിഎഫ് പ്രകടനത്തിനു നേരെയുണ്ടായ അക്രമം തടയാന്‍ ശ്രമിച്ച പൊലീസിനെ എല്‍ഡിഎഫ് പ്രവര്‍ത്തകര്‍ ആക്രമിച്ചു പരുക്കേല്‍പ്പിച്ചെന്നാണു കേസ്. പ്രാദേശിക സിപിഎം നേതാക്കളുള്‍പ്പെടെ 17 പേര്‍ക്കെതിരെയാണു കേസെടുത്തിരുന്നത്. ഇവരില്‍ ഒന്‍പതു പേര്‍ക്കു നേരത്തെ ജാമ്യം അനുവദിച്ചിരുന്നു.

    6. തമിഴ് പഠനത്തിനെതിരെ മലയാളികളുടെ ഹര്‍ജി സുപ്രീം കോടതി തള്ളി
    ന്യൂഡല്‍ഹി: തമിഴ്നാട്ടിലെ സ്കൂളുകളില്‍ ഒന്നുമുതല്‍ 10 വരെ ക്ളാസുകളിലെ കുട്ടികള്‍ക്കു തമിഴ് പഠനം നിര്‍ബന്ധിതമാക്കി സംസ്ഥാന ഗവണ്‍മെന്റ് പുറപ്പെടുവിച്ച ഉത്തരവു ചോദ്യംചെയ്ത് കന്യാകുമാരി ജില്ലാ മലയാളി സമാജവും നായര്‍ സര്‍വീസ് സൊസൈറ്റിയും നല്‍കിയ ഹര്‍ജി സുപ്രീം കോടതി തള്ളി. നേരത്തേ മദ്രാസ് ഹൈക്കോടതി പരാതി തള്ളിയിരുന്നു.

    സര്‍ക്കാര്‍ ഉത്തരവ് തമിഴ്നാട്ടില്‍ ഭാഷാന്യൂനപക്ഷക്കാരായ ഹര്‍ജിക്കാരുടെ മൌലികാവകാശങ്ങള്‍ ലംഘിക്കുന്നതാണെന്ന വാദം ചീഫ് ജസ്റ്റിസ് കെ.ജി. ബാലകൃഷ്ണനും ജസ്റ്റിസ് ആര്‍.വി. രവീന്ദ്രനും അടങ്ങുന്ന ബെഞ്ച് നിരാകരിച്ചു.

    7. പിടിവാശി തുടരുന്നു; സ്വതന്ത്ര വ്യാപാര കരാര്‍ വൈകും
    ന്യൂഡല്‍ഹി: ദുര്‍ബല പട്ടികയില്‍ ഉള്‍പ്പെടുത്തേണ്ട ഉല്‍പന്നങ്ങളെക്കുറിച്ചു യൂറോപ്യന്‍ രാജ്യങ്ങളുടെ പിടിവാശി തുടരുന്നതിനാല്‍ ഇന്ത്യയും യൂറോപ്യന്‍ യൂണിയനുമായുള്ള സ്വതന്ത്ര വ്യാപാര കരാര്‍ വൈകും. ഇതു കേരളത്തിന് തല്‍ക്കാലം ആശ്വാസകരമാണെങ്കിലും ഭീഷണി പൂര്‍ണമായി ഒഴിവായിട്ടില്ല.

    അന്തിമ പട്ടിക ഇന്ത്യയും തയാറാക്കിയിട്ടില്ല. ഇതില്‍ സംസ്ഥാനത്തെ സമുദ്രോല്‍പന്നങ്ങള്‍ ഉള്‍പ്പെടുത്തിയില്ലെങ്കില്‍ കേരളത്തിനു ഭീഷണിയാണ് യൂറോപ്യന്‍ രാജ്യങ്ങളുമായുള്ള സ്വതന്ത്ര വ്യാപാര കരാര്‍. ഈ വര്‍ഷം മധ്യത്തോടെ അന്തിമ കരാര്‍ ഉണ്ടാവുമെന്നാണ് പ്രതീക്ഷിച്ചിരുന്നത്.

    ഇറക്കുമതിക്കു തീരുവ, അളവു നിയന്ത്രണങ്ങള്‍ ഏര്‍പ്പെടുത്താന്‍ ഇരുകക്ഷികള്‍ക്കും അധികാരം നല്‍കുന്നതാണ് ദുര്‍ബല ഉല്‍പന്നപ്പട്ടിക. കേരളത്തിലെ മുഴുവന്‍ മത്സ്യോല്‍പന്നങ്ങളേയും പട്ടികയില്‍ പെടുത്തണമെന്ന ആവശ്യം കേന്ദ്ര വാണിജ്യ മന്ത്രാലയം ഇതുവരെ പരിഗണിച്ചിട്ടില്ല. കേരളത്തിലെ പ്രധാന നാല്‍പതു മത്സ്യ ഇനങ്ങളെ ദുര്‍ബല ഉല്‍പന്ന പട്ടികയില്‍ പെടുത്തണമെന്നാണ് പരമ്പരാഗത, ചെറുകിട മത്സ്യത്തൊഴിലാളികളുടെ ആവശ്യം. ഇതില്‍ ചാള, അയില, നത്തോലി (കൊഴുവ), നാലിനം ചൂര മത്സ്യം (അല്‍ബുക്കര്‍ക്ക്, യെലോഫിന്‍, ബ്ളൂഫിന്‍, സ്കിപ്ജാക്ക്), ആവോലി എന്നിവയടക്കം എട്ടിനങ്ങളെ വ്യാപാര വികസനത്തിനായുള്ള യുഎന്‍ സമിതി നടത്തിയ ചര്‍ച്ചകളെത്തുടര്‍ന്നു കരട് പട്ടികയില്‍ പെടുത്തിയിരുന്നു. ഇവയെ അതീവ ദുര്‍ബലപ്പട്ടികയില്‍ പെടുത്തണമെന്ന ആവശ്യം അന്തിമമായി പരിഗണിക്കപ്പെട്ടിട്ടില്ല.

    വ്യാപാര താല്‍പ്പര്യമുള്ള 90 ശതമാനം ഉല്‍പന്നങ്ങളെയും കരാറില്‍ ഉള്‍പ്പെടുത്താമെന്നായിരുന്നു നേരത്തേയുണ്ടായിരുന്ന ധാരണ. ഇതനുസരിച്ചു പത്തു ശതമാനത്തില്‍ താഴെ ഉല്‍പന്നങ്ങളെ മാത്രമേ ദുര്‍ബല ഉല്‍പന്നപ്പട്ടികയില്‍ ഇന്ത്യ ഉള്‍പ്പെടുത്താവൂ എന്നാണ് യൂറോപ്യന്‍ യൂണിയന്‍ ഉയര്‍ത്തുന്ന സമ്മര്‍ദം. ഇതു കേരളത്തിലെ മത്സ്യോല്‍പന്നങ്ങള്‍ക്കു ഭീഷണിയാവുമെന്നു ചൂണ്ടിക്കാണിക്കപ്പെടുന്നു.
    കേരളത്തിന്റെ തനത് ഇനങ്ങളോടു സാമ്യമുള്ള മത്സ്യങ്ങള്‍ സ്വതന്ത്ര വ്യാപാരക്കരാര്‍ വഴി വന്‍തോതില്‍ ഇറക്കുമതി ചെയ്യപ്പെടാനുള്ള സാധ്യതയാണ് ഭീഷണി ഉയര്‍ത്തുന്നത്. ഇറക്കുമതി വര്‍ധിക്കുന്നതോടെ തനത് ഇനങ്ങളുടെ വിലയിടിയുന്നത് പരമ്പരാഗത, ചെറുകിട മീന്‍പിടിത്ത മേഖലയില്‍ സാമ്പത്തിക പ്രതിസന്ധിയുണ്ടാക്കും.

    യൂറോപ്യന്‍ മത്സ്യബന്ധന മേഖല കനത്ത സബ്സിഡി കൊണ്ടു നിലനിര്‍ത്തുന്നതായതിനാല്‍ സബ്സിഡി ആനുകൂല്യമില്ലാത്ത പരമ്പരാഗത മേഖലയ്ക്ക് ഇറക്കുമതി കനത്ത ആഘാതമുണ്ടാക്കും.

    യൂറോപ്യന്‍ യൂണിയന്‍ തയാറാക്കിയ ദുര്‍ബല പട്ടികയില്‍ 226 ഉല്‍പന്നങ്ങളാണുള്ളത്. ഇതില്‍ പലതും രാജ്യത്തെ വ്യാവസായിക മേഖലയ്ക്കു ഭീഷണിയുയര്‍ത്തുന്നവയാണ്. യൂറോപ്യന്‍ യൂണിയന്‍ നല്‍കിയ ദുര്‍ബല ഉല്‍പന്നപ്പട്ടിക വിവിധ മന്ത്രാലയങ്ങളുടെ അഭിപ്രായമറിയാന്‍ വിട്ടിരിക്കുകയാണ് മന്ത്രാലയം.
    സ്വതന്ത്ര വ്യാപാര കരാര്‍ വരുന്നതു കേരളത്തില്‍ നിന്നുള്ള ആയുര്‍വേദ, പച്ചില മരുന്നുകള്‍ക്കും ഭീഷണിയാകും.

    സുഗന്ധവ്യഞ്ജന കൃഷിയില്ലാത്തതിനാല്‍ സുഗന്ധവ്യഞ്ജനങ്ങളെ ദുര്‍ബല പട്ടികയില്‍ പെടുത്തിയിട്ടില്ല. അവിടെനിന്ന് ഇറക്കുമതി സാധ്യതയില്ലാത്തതിനാല്‍ കേരളത്തിലെ സുഗന്ധവ്യഞ്ജനങ്ങള്‍ക്കു ഭീഷണിയില്ലെന്നാണ് ഇതിനു നല്‍കുന്ന ഔദ്യോഗിക വിശദീകരണം. എന്നാല്‍ യൂറോപ്യന്‍ യൂണിയന്‍ രാജ്യങ്ങള്‍ വഴി മറ്റു സ്ഥലങ്ങളില്‍ നിന്നു സുഗന്ധവ്യഞ്ജന ഇറക്കുമതി സാധ്യത തള്ളിക്കളയാനാവില്ലെന്നു കയറ്റുമതി വൃത്തങ്ങള്‍ ചൂണ്ടിക്കാട്ടുന്നു.

    ഇറക്കുമതി തീരുവ നിയന്ത്രണ വ്യവസ്ഥയില്ലാത്ത ദുര്‍ബല പട്ടികയിലാണ് റബര്‍ തുടങ്ങിയവ ഉള്‍പ്പെടുത്തിയിരിക്കുന്നത് എന്നറിയുന്നു.

    8. റബര്‍ ഉല്‍പാദനം: ഇന്തൊനീഷ്യ കുതിക്കുന്നു
    സിംഗപ്പൂര്‍: റബര്‍ ഉല്‍പാദന രംഗത്ത് ലോകത്തിലെ ഒന്നാം സ്ഥാനത്തേക്ക് ഇന്തൊനീഷ്യ കുതിക്കുന്നു. 2015 ആകുന്നതോടെ തായ്ലന്‍ഡിനെ മറികടന്ന് ഈ ബഹുമതി ഇന്തൊനീഷ്യ നേടുമെന്ന് ഇന്തൊനീഷ്യ റബര്‍ അസോസിയേഷന്‍ അവകാശപ്പെട്ടു. റബര്‍ കൃഷി പുതിയ മേഖലകളിലേക്കു വ്യാപിപ്പിച്ചതും ഉല്‍പാദനക്ഷമത വര്‍ധിപ്പിച്ചതുമാണ് കാരണമെന്ന് അസോസിയേഷന്‍ പറയുന്നു.

    ഈ വര്‍ഷം മുതല്‍ റബര്‍ ഉല്‍പാദനത്തില്‍ 5-6% വളര്‍ച്ചയാണു പ്രതീക്ഷിക്കുന്നത്. 2015 ആകുന്നതോടെ ഉല്‍പാദനം 38 ലക്ഷം ടണ്ണിലെത്തും. തായ്ലന്‍ഡില്‍ 2-3% വളര്‍ച്ച മാത്രമാണു പ്രതീക്ഷിക്കുന്നത്. ഇവിടെ 2015ല്‍ 37.5 ലക്ഷത്തിന്റെ ഉല്‍പാദനമാണു പ്രതീക്ഷിക്കുന്നത്.

    2007ല്‍ ഇന്തൊനീഷ്യ 28 ലക്ഷം ടണ്‍ റബര്‍ ഉല്‍പാദിപ്പിച്ചു. ഉല്‍പാദനം വര്‍ധിപ്പിക്കുന്ന നടപടികള്‍ക്കു വേഗം കൂടിയതായും അസോസിയേഷന്‍ എക്സിക്യുട്ടീവ് ഡയറക്ടര്‍ സുഹാര്‍ത്തോ ഹോങ്കോകുസ്യമോ പറഞ്ഞു.

    2002 വരെ പ്രതിവര്‍ഷം ഒരു ഹെക്ടറിലെ ഉല്‍പാദനം 700 കിലോ ആയിരുന്നു. 2007ല്‍ ഇത് 979 കിലോ ആയി ഉയര്‍ന്നു.കാലാവസ്ഥാ വ്യത്യാസമാണ് തായലന്‍ഡിലെ ഉല്‍പാദനത്തെ ബാധിക്കുന്നത്. ആഗോള തലത്തില്‍ റബറിന്റെ ആവശ്യം വര്‍ധിച്ചുവരികയാണെന്നും അദ്ദേഹം പറഞ്ഞു.

    ഇന്തൊനീഷ്യയില്‍ 617800 ഏക്കര്‍ സ്ഥലത്ത് പുനര്‍കൃഷി നടപ്പാക്കിവരികയാണ്. 2010 ആകുന്നതോടെ 50000 ഹെക്ടര്‍ സ്ഥലത്തു കൂടി ചെറുകിട കൃഷിക്കാരുടെ സാന്നിധ്യം ശക്തമാക്കും. വന്‍കിട റബര്‍ ഉല്‍പാദകരായ തായ്ലന്‍ഡ്, ഇന്തൊനീഷ്യ, മലേഷ്യ എന്നീ രാജ്യങ്ങള്‍ ഉല്‍പാദനം കുറച്ചതോടെ റബര്‍ വില ഉയര്‍ന്നിരുന്നു.

    കഴിഞ്ഞ വര്‍ഷം ഇന്തൊനീഷ്യ 24 ലക്ഷം ടണ്ണിന്റെ കയറ്റുമതി നടത്തി. ഈ വര്‍ഷം ആഭ്യന്തര ഉപഭോഗത്തില്‍ 10% വര്‍ധനയും ലക്ഷ്യമിടുന്നതായി സുഹാര്‍ത്തോ പറഞ്ഞു. ആഗോളതലത്തില്‍ റബര്‍ ഉപഭോഗത്തില്‍ 2.7% വളര്‍ച്ചയാണ് ഈ വര്‍ഷം പ്രതീക്ഷിക്കുന്നത്. സിന്തറ്റിക് റബറിന്റെ ഉപഭോഗത്തില്‍ കഴിഞ്ഞ വര്‍ഷം രേഖപ്പെടുത്തിയ വര്‍ധന ആറു ശതമാനമാണ്. ഇത് 1.31 കോടി ടണ്ണിലെത്തി.

    9. മരുന്നുസംഭരണം വെട്ടിക്കുറച്ചത് മുന്‍വര്‍ഷ കണക്കു നോക്കാതെ
    തിരുവനന്തപുരം: സര്‍ക്കാര്‍ ആശുപത്രികള്‍ക്കു വേണ്ടി മെഡിക്കല്‍ സര്‍വീസ് കോര്‍പറേഷന്‍ സംഭരിക്കുന്ന മരുന്ന് നാലിലൊന്നായി വെട്ടിച്ചുരുക്കിയതു മുന്‍വര്‍ഷങ്ങളിലെ കണക്കുകള്‍ പരിശോധിക്കാതെ. ചിക്കുന്‍ഗുനിയ പടര്‍ന്നുപിടിച്ച കഴിഞ്ഞവര്‍ഷം ആരോഗ്യവകുപ്പ് ഡയറക്ടറും മെഡിക്കല്‍ വിദ്യാഭ്യാസ ഡയറക്ടറും നല്‍കിയ ആവശ്യപ്പട്ടികയിലേക്കാള്‍ (ഇന്‍ഡന്റ്) അധികം ആന്റിബയോട്ടിക്കുകള്‍ പൊതുമേഖലാ സ്ഥാപനങ്ങളില്‍നിന്നു വാങ്ങേണ്ടിവന്നിരുന്നു. ഈ സാഹചര്യം വീണ്ടും ഉണ്ടായേക്കാം എന്ന മുന്നറിയിപ്പു കണക്കിലെടുക്കാതെയാണ് മെഡിക്കല്‍ സര്‍വീസ് കോര്‍പറേഷന്‍ മരുന്നുകളുടെ അളവ് വെട്ടിച്ചുരുക്കിയത്.

    ആരോഗ്യ വകുപ്പ് ഡയറക്ടറുടെ കീഴില്‍ ഏഴു വിദഗ്ധരടങ്ങുന്ന കമ്മിറ്റിയുടെ നിര്‍ദേശ പ്രകാരമാണ് ഓരോ സ്ഥാപനങ്ങള്‍ക്കും വേണ്ട ഇന്‍ഡന്റ് തയാറാക്കിയത്. നിലവിലുള്ള സ്റ്റോക്കിന്റെ അളവുകൂടി പരിഗണിച്ചിരുന്നു. സംസ്ഥാനത്തിനൊട്ടാകെയുള്ള ആവശ്യം കണക്കാക്കി തയാറാക്കുന്ന ഇന്‍ഡന്റ് പ്രകാരമാണ് സെന്‍ട്രല്‍ പര്‍ച്ചേസ് കമ്മിറ്റി കഴിഞ്ഞ വര്‍ഷവും മരുന്നുകളുടെ ഓര്‍ഡര്‍ നല്‍കിയത്. പനിക്കുള്ള പാരസെറ്റമോള്‍ 30 കോടിയോളമായിരുന്നു ഇന്‍ഡന്റില്‍.

    എന്നിട്ടും ചിക്കുന്‍ഗുനിയ പടര്‍ന്നുപിടിച്ച ആലപ്പുഴ, കൊല്ലം, ഇടുക്കി, കോട്ടയം ജില്ലകളില്‍ മരുന്നുക്ഷാമം രൂക്ഷമായി. ഇതേ തുടര്‍ന്ന് കെഎസ്ഡിപിഎല്‍, ഐഡിപിഎല്‍ എന്നീ പൊതുമേഖലാ സ്ഥാപനങ്ങളില്‍നിന്നു കൂടിയ വിലയ്ക്കു വീണ്ടും വന്‍തോതില്‍ വാങ്ങേണ്ടി വന്നു.ഈ സാഹചര്യം മുന്‍കൂട്ടി കണ്ടാണ്, കഴിഞ്ഞവര്‍ഷം പാരസെറ്റമോളിന്റെ അളവില്‍ നാലു കോടിയുടെ വര്‍ധന ഡിഎച്ച്എസ് വരുത്തിയിരിക്കുന്നത്. 30 കോടി പാരസെറ്റമോളിന്റെ സ്ഥാനത്ത് 34 കോടിയുടെ ഇന്‍ഡന്റ് നല്‍കിയെങ്കിലും കോര്‍പറേഷന്‍ ടെന്‍ഡര്‍ നല്‍കിയിരിക്കുന്നത് വെറും എട്ടു കോടിക്കാണ്.

    സര്‍ക്കാര്‍ ആശുപത്രികളില്‍ പാരസെറ്റമോളിന്റെ ക്ഷാമം രൂക്ഷമാകുമെന്ന് ഇതോടെ ഉറപ്പായി.സെന്‍ട്രല്‍ പര്‍ച്ചേസ് കമ്മിറ്റിയുടെ കീഴില്‍ സംഭരിക്കേണ്ട മരുന്നുകളുടെ വിവരം തയാറാക്കിയിരുന്നത് ഏഴു പേരടങ്ങിയ വിദഗ്ധ സമിതിയായിരുന്നു. ഡോ. ഷേണായ് കമ്മിറ്റിയുടെ പഠനറിപ്പോര്‍ട്ടിനെ അടിസ്ഥാനമാക്കിയാണ് ഓരോ സര്‍ക്കാര്‍ ആശുപത്രിയിലേക്കും ആവശ്യമുള്ള മരുന്നുകള്‍ ഏതൊക്കെയെന്ന് തീരുമാനിച്ചത്. 608 ഇനങ്ങള്‍ സിപിസിയുടെ പട്ടികയില്‍ ഉണ്ടായിരുന്നെങ്കിലും കോര്‍പറേഷന്‍ ഇത് 527 ആയി വെട്ടിച്ചുരുക്കിയത് പ്രത്യേകം ചര്‍ച്ചകളോ കൂടിയാലോചനകളോ ഇല്ലാതെയാണെന്ന് ആരോപണമുണ്ട്.

    ആരോഗ്യവകുപ്പ് അധികൃതരുടെ മൌനാനുവാദവും ഈ തീരുമാനത്തിനു പിന്നിലുണ്ട്.കോര്‍പറേഷന്‍ രൂപീകരണം നീണ്ടുപോയത് ഇപ്പോള്‍ തന്നെ മരുന്നു ക്ഷാമത്തിനു കാരണമായിട്ടുണ്ട്. കഴിഞ്ഞ വര്‍ഷത്തെ മരുന്നു വിതരണത്തിന്റെ നാലാം ക്വാര്‍ട്ടറിനുള്ള അനുമതി കഴിഞ്ഞ ആറിനാണ് സര്‍ക്കാര്‍ നല്‍കിയിരിക്കുന്നത്. 2007 സെപ്റ്റംബര്‍ 17ന് തന്നെ അപകടാവസ്ഥ ചൂണ്ടിക്കാട്ടി ഡിഎച്ച്എസ് ആരോഗ്യവകുപ്പിന് കത്തെഴുതിയിരുന്നെങ്കിലും മൂന്നു മാസത്തോളം കഴിഞ്ഞാണ് ഉത്തരവ് (ജിഒ ആര്‍ ടി നമ്പര്‍ 466/2008) ഇറങ്ങിയത്.

    ജനുവരി മാസത്തോടെ തന്നെ മരുന്നു ക്ഷാമം തുടങ്ങാനും ഈ കാലതാമസം ഇടയാക്കിയിട്ടുണ്ട്. ജില്ലയിലെ പ്രധാന സര്‍ക്കാര്‍ ആശുപത്രികളില്‍ നാല് ഇനം മരുന്നുകള്‍ മാത്രമേ ഇപ്പോള്‍ സ്റ്റോക്കുള്ളൂ എന്ന് ചൂണ്ടിക്കാണിക്കപ്പെടുന്നു.ഡിഎച്ച്എസിന്റെ ആവശ്യപ്പട്ടിക ശാസ്ത്രീയമായി തയാറാക്കിയതല്ല എന്നാണ് കോര്‍പറേഷന്‍ അധികൃതരുടെ വ്യാഖ്യാനം. കഴിഞ്ഞവര്‍ഷം എത്ര മരുന്നുകള്‍ ചെലവായി എന്ന് ഇതേവരെ കണക്കാക്കിയിട്ടില്ല.

    ഡിഎച്ച്എസിന്റെ ഇന്‍ഡന്റുകളെല്ലാം അമിതമാണ് എന്ന വാദം ശരിയാണെങ്കില്‍ ഇതേവരെ ആരോഗ്യവകുപ്പ് അമിതമായി മരുന്നു വാങ്ങിക്കൂട്ടി, കോടികളുടെ നഷ്ടം സര്‍ക്കാരിന് വരുത്തിവയ്ക്കുകയായിരുന്നു എന്ന സൂചനയും കോര്‍പറേഷന്‍ അധികൃതരുടെ വാക്കുകളിലുണ്ട്. ഒാരോ ജില്ലയിലെയും മരുന്നു സ്റ്റോക്ക് വിവരം ഇനി പറയും വിധമാണ്.

    കാസര്‍കോട് ജില്ലാ ആശുപത്രിയിലുള്‍പ്പെടെ വേദന സംഹാരി, ആന്റിബയോട്ടിക് ഔഷങ്ങള്‍ക്ക് ദൌര്‍ലഭ്യമുണ്ട്. പഞ്ചായത്തുകള്‍ പ്ളാന്‍ ഫണ്ട് വിഹിതം വിനിയോഗിക്കാത്തതിനാലാണ് ചില പ്രാഥമികാരോഗ്യ കേന്ദ്രങ്ങളില്‍ മരുന്നിനു ക്ഷാമമെന്ന് ജില്ലാ മെഡിക്കല്‍ ഓഫിസര്‍ പറഞ്ഞു. ആവശ്യത്തിനു മരുന്നുണ്ടെന്ന് ജില്ലാ മെഡിക്കല്‍ സറ്റോര്‍ അധികൃതര്‍ പറയുന്നുണ്ടെങ്കിലും ക്ഷാമമുണ്ടെന്നാണു ഡോക്ടര്‍മാര്‍ പറയുന്നത്.

    കാസര്‍കോട് താലൂkക്ക് ആശുപത്രിയില്‍ കഴിഞ്ഞ ഒന്‍പതു മാസത്തെ മരുന്നു വിഹിതം കിട്ടിയിട്ടില്ല. പലതും ലോക്കല്‍ പര്‍ച്ചേസിലാണ് വാങ്ങുന്നത്. പ്രാഥമികാരോഗ്യ കേന്ദ്രങ്ങളില്‍ പേവിഷ പ്രതിരോധ വാക്സിന്‍ ലഭ്യമല്ല.

    കണ്ണൂര്‍ ജില്ലയിലേക്ക് ആവശ്യമുള്ള മരുന്ന് ജില്ലാ മെഡിക്കല്‍ സ്റ്റോറില്‍ സ്റ്റോക്കില്ല. നേരത്തേ വിതരണം ചെയ്തവ ചികില്‍സാ കേന്ദ്രങ്ങളില്‍ ഉള്ളതിനാല്‍ പെട്ടന്ന് ക്ഷാമം ഉണ്ടാകില്ലെന്ന പ്രതീക്ഷയിലാണ് അധികൃതര്‍. ജീവന്‍രക്ഷാ മരുന്നുകള്‍ ആവശ്യത്തിനുണ്ട്. ഏപ്രില്‍ 15-നുള്ളില്‍ കമ്പനികള്‍ ആവശ്യമുള്ള മരുന്നുകള്‍ എത്തിച്ചുതരുമെന്നാണു കണക്കുകൂട്ടല്‍. മരുന്നു വാങ്ങാന്‍ ജില്ലാ പഞ്ചായത്ത് 35 ലക്ഷം രൂപ അനുവദിച്ചിട്ടുണ്ട്.

    അതില്‍ 10 ലക്ഷത്തിന്റെ മരുന്ന് കഴിഞ്ഞദിവസം സ്റ്റോറിലെത്തി.കോഴിക്കോട്ട് മരുന്നിനു നിലവില്‍ ക്ഷാമമില്ല. ആവശ്യമുള്ള ജീവന്‍രക്ഷാ മരുന്നുകളും മറ്റു മരുന്നുകളും സ്റ്റോക്കുണ്ട്. ബീച്ച് ആശുപത്രിയില്‍ സിറിഞ്ചുകള്‍ക്കു ക്ഷാമമുണ്ടെങ്കിലും പരിഹരിക്കാന്‍ നടപടികളായിട്ടുണ്ട്.

    വയനാട് ജില്ലാ മെഡിക്കല്‍ സ്റ്റോറില്‍ പല മരുന്നുകളും ഇല്ല. പ്രത്യേകിച്ച് ജീവന്‍രക്ഷാ ഔഷധങ്ങള്‍. സാധാരണ മൂന്നുമാസത്തിലൊരിക്കലാണ് മരുന്നുകള്‍ ലഭിക്കുക. ഈ വര്‍ഷത്തെ അവസാന ഗഡു അലോട്ട്മെന്റ് ലഭിച്ചിട്ടില്ല. അതേസമയം പല ആശുപത്രികളിലും ആവശ്യത്തിന് മരുന്നുകള്‍ സൂക്ഷിച്ചിട്ടുണ്ട്. പല വിഭാഗങ്ങളില്‍ ജില്ലയിnലേക്ക് ഫണ്ട് ലഭിക്കുന്നതിനാല്‍ ആശുപത്രികളില്‍ മരുന്നുക്ഷാമം ഉണ്ടാകില്ലെന്നാണ് കരുതുന്നത്.

    പാലക്കാട് ജില്ലാ മെഡിക്കല്‍ സ്റ്റോറില്‍ ജീവന്‍ രക്ഷാമരുന്നുകള്‍ കിട്ടാനില്ല. എങ്കിലും ജില്ലാ ആശുപത്രി അടക്കമുള്ള സര്‍ക്കാര്‍ ആശുപത്രികളെ ക്ഷാമം ബാധിച്ചിട്ടില്ല. തദ്ദേശസ്വയംഭരണസ്ഥാപനങ്ങളുടെ മെയിന്റനന്‍സ് ഗ്രാന്റില്‍നിന്ന് 10% ജീവന്‍രക്ഷാ മരുന്നുകള്‍ വാങ്ങാന്‍ വിനിയോഗിക്കാമെന്ന സര്‍ക്കാര്‍ ഉത്തരവനുസരിച്ച് മരുന്നുകള്‍ ആവശ്യാനുസരണം ലഭ്യമാക്കുന്നുണ്ട്.

    മലപ്പുറം ജില്ലയിലെ പ്രാഥമികാരോഗ്യ കേന്ദ്രങ്ങളില്‍ ആവശ്യമുള്ളതിന്റ നാലിലൊന്നു പോലും മരുന്നില്ല. മുറിവു വച്ചുകെട്ടാന്‍ പഞ്ഞിയും തുണിയും എവിടെയുമില്ല. മഞ്ചേരി ജില്ലാ ആശുപത്രിയിലും നിലമ്പൂര്‍ താലൂക്ക് ആശുപത്രിയിലും പ്രധാന ആന്റിബയോട്ടിക്കുകളെല്ലാം പുറത്തുനിന്നു വാങ്ങാന്‍ എഴുതിക്കൊടുക്കുകയാണ്. പൊന്നാനി, നിലമ്പൂര്‍, തിരൂരങ്ങാടി, തിരൂര്‍ താലൂക്ക് ആശുപത്രികളിലും മരുന്നു ക്ഷാമമുണ്ട്.

    തൃശൂരില്‍ മരുന്നിനു കാര്യമായ ക്ഷാമില്ല. പഞ്ചായത്തുകള്‍ക്ക് മെയ്ന്റനന്‍സ് ഗ്രാന്റിന്റെ 10% മരുന്നു വാങ്ങുന്നതിന് ഉപയോഗിക്കാന്‍ അനുമതി നല്‍കിയിരുന്നു. തദ്ദേശ സ്ഥാപനങ്ങള്‍ ഇത്തരത്തില്‍ മരുന്നു സ്റ്റോക്ക് ചെയ്തിട്ടുണ്ട്. ജില്ലാ മെഡിക്കല്‍ സ്റ്റോറില്‍ ആവശ്യത്തിനു മരുന്നു സ്റ്റോക്കുണ്ടെന്ന് ജില്ലാ മെഡിക്കല്‍ ഓഫിസില്‍നിന്ന് അറിയിച്ചു.

    എറണാകുളം ജില്ലയില്‍ ഭൂരിപക്ഷം സര്‍ക്കാര്‍ ആശുപത്രികളിലും ആന്റിബയോട്ടിക്കുകള്‍ ലഭ്യമല്ല. ജില്ലാ മെഡിക്കല്‍ ഓഫിസില്‍ ആവശ്യത്തിനു സ്റ്റോക്ക് ഇല്ലാത്തതാണു കാരണം. തദ്ദേശ സ്വയംഭരണ സ്ഥാപനങ്ങള്‍ ആശുപത്രികള്‍ക്കു നല്‍കുന്ന മെയിന്റനന്‍സ് ഗ്രാന്റില്‍ നിന്നു വകമാറ്റി മരുന്നുവാങ്ങാനാണ് ഇപ്പോള്‍ നല്‍കിയിരിക്കുന്ന നിര്‍ദേശം. പാരസെറ്റമോള്‍ ഗുളികകള്‍ക്കും ചില ആശുപത്രികളില്‍ ക്ഷാമമുണ്ടായെങ്കിലും വികസന ഫണ്ടില്‍നിന്നു പണമുപയോഗിച്ച് വാങ്ങുകയായിരുന്നു. കഴിഞ്ഞവര്‍ഷം ചിക്കുന്‍ ഗുനിയ ഉള്‍പ്പെടെയുള്ള രോഗങ്ങള്‍ പടര്‍ന്ന സാഹചര്യത്തില്‍ അടുത്തവര്‍ഷം മരുന്നുവിതരണത്തില്‍ കുറഞ്ഞതു 10% വര്‍ധന വേണമെന്നു ജില്ലാ മെഡിക്കല്‍ ഓഫിസ് ആവശ്യപ്പെട്ടിരുന്നു.ഇടുക്കിയില്‍ അവശ്യ മരുന്നുകള്‍ക്കു ക്ഷാമം അനുഭവപ്പെട്ടു തുടങ്ങി. പേപ്പട്ടി വിഷം, പാമ്പിന്‍ വിഷം തുടങ്ങിയവയ്ക്കുള്ള മരുന്നുകള്‍ക്കാണ് കടുത്ത ക്ഷാമം. കഴിഞ്ഞയാഴ്ച ഗൂക്കോസ് വരെ തീര്‍ന്ന സ്ഥിതി ഉണ്ടായി. ആന്റിബയോട്ടിക്കുകള്‍ക്കും ക്ഷാമമുണ്ട്. അതേസമയം പനി മരുന്നുകള്‍ ആവശ്യത്തിനു സ്റ്റോക്കുണ്ട്.

    കോട്ടയത്ത് മെഡിക്കല്‍ കോളജിലും ജില്ലാ – താലൂക്ക് ആശുപത്രികളിലും മരുന്നുകളുടെ ക്ഷാമം രൂക്ഷമാണ്. വില കൂടിയവ മാത്രമല്ല നിസാര വിലയുള്ള പാരസെറ്റമോള്‍ പോലുള്ള മരുന്നുകള്‍ക്കും സ്വകാര്യ മരുന്നു കടകളിലേക്കു കുറിച്ചു കൊടുക്കുകയാണ്. ലോക്കല്‍ പര്‍ച്ചേസ് വഴി അവശ്യ മരുന്നുകള്‍ വാങ്ങുന്നുണ്ടെങ്കിലും പത്തുശതമാനം രോഗികള്‍ക്ക് ഇതിന്റെ പ്രയോജനം ലഭിക്കുന്നില്ലെന്ന് ഡോക്ടര്‍മാര്‍ തന്നെ പറയുന്നു. പഞ്ചായത്തുകള്‍ക്ക് അവരുടെ പരിധിയില്‍ വരുന്ന സര്‍ക്കാര്‍ ആശുപത്രികളിലേക്ക് മരുന്നുകള്‍ വാങ്ങാന്‍ ഫണ്ട് ഉപയോഗിക്കാം എന്നതിനാല്‍ എല്ലാ പ്രാഥമികാരോഗ്യ കേന്ദ്രങ്ങളിലും ആവശ്യത്തിന് മരുന്നുകള്‍ ലഭ്യമാണെന്ന് ഡിഎംഒ ഡോ. ബെഞ്ചമിന്‍ ജോര്‍ജ് അറിയിച്ചു. അതേസമയം, കാഞ്ഞിരപ്പള്ളി താലൂക്ക് ആശുപത്രിയില്‍ മരുന്നിനും ചികിത്സാ സാമഗ്രികള്‍ക്കും ദൌര്‍ലഭ്യമുണ്ട്. അവശ്യമരുന്നുകളും ഗൂക്കോസ്, ബാന്‍ഡേജ്, കോട്ടണ്‍ തുടങ്ങിയവയും ആശുപത്രി വികസന സമിതിയുടെ ഫണ്ട് ഉപയോഗിച്ചാണ് വാങ്ങി ഉപയോഗിക്കുന്നത്.

    ആലപ്പുഴയില്‍ അവശ്യമരുന്നുകള്‍ക്ക് ദൌര്‍ലഭ്യം അനുഭവപ്പെടുന്നുണ്ടെങ്കിലും പ്രാദേശികമായി മരുന്ന് ലഭ്യമാക്കുന്നതിനാല്‍ പ്രതിസന്ധിയില്ലെന്ന് അധികൃതര്‍ പറയുന്നു. ആശുപത്രികള്‍ക്ക് 20,000 രൂപയ്ക്കു വരെയുള്ള മരുന്നുവാങ്ങാന്‍ അനുമതിയുണ്ട്. എന്നാല്‍, അധികൃതര്‍ തുക വേണ്ടവിധം വിനിയോഗിക്കുന്നില്ലെന്ന് അഭിപ്രായമുണ്ട്.

    പത്തനംതിട്ടയില്‍ മരുന്നുകള്‍ക്കു കാര്യമായ ക്ഷാമമില്ലെന്നാണ് ഔദ്യോഗിക ഭാഷ്യം. എന്നാല്‍ പല അത്യാവശ്യ മരുന്നുകളും രണ്ടാഴ്ചയ്ക്കകം തീര്‍ന്നേക്കുമെന്നു ഡോക്ടര്‍മാര്‍ സൂചിപ്പിക്കുന്നു. ജനുവരി മുതല്‍ മാര്‍ച്ച് വരെ ആവശ്യമുള്ള മരുന്നുകള്‍ വന്നുകൊണ്ടിരിക്കുന്നതായി ജില്ലാ സ്റ്റോര്‍ അധികൃതര്‍ പറയുന്നു. ജീവന്‍രക്ഷാ മരുന്നുകള്‍ തീര്‍ന്നെങ്കിലും പുതിയ സ്റ്റോക്കിന് ഓര്‍ഡര്‍ ആയെന്നും ഉടന്‍ എത്തുമെന്നും പറയുന്നു. എന്നാല്‍, മഴക്കാലത്തോടെ പകര്‍ച്ചവ്യാധികള്‍ ശക്തമാകുമ്പോള്‍ മരുന്നുക്ഷാമം വലിയ പ്രതിസന്ധിയുണ്ടാക്കുമെന്നാണു ചില ഡോക്ടര്‍മാരുടെ അഭിപ്രായം.

    കൊല്ലത്ത് ജില്ലാ മെഡിക്കല്‍ സ്റ്റോറില്‍ രണ്ടു മാസത്തേക്കും പ്രാഥമിക ആരോഗ്യ കേന്ദ്രങ്ങളില്‍ ഒരു മാസത്തേക്കുമുള്ള മരുന്ന് സ്റ്റോക്കുണ്ടെന്ന് ഡപ്യൂട്ടി ഡിഎംഒ ഡോ. പീതാംബരന്‍ അറിയിച്ചു. ഒാരോ പ്രാഥമിക ആരോഗ്യ കേന്ദ്രത്തിനും മരുന്നു വാങ്ങാനായി ഒരു ലക്ഷം രൂപ വീതം നല്‍കിയിട്ടുണ്ട്. ആശുപത്രി മാനേജ്മെന്റ് സമിതിക്ക് ഈ തുക വിനിയോഗിക്കാം. ഇതിനു പുറമേ ഒാരോ പഞ്ചായത്ത് വാര്‍ഡുകളിലെയും ആവശ്യത്തിന് 10000 രൂപ വീതം നല്‍കിയിട്ടുണ്ട്. പഞ്ചായത്ത് പ്രസിഡന്റിന്റെയും മെഡിക്കല്‍ ഒാഫിസറുടെയും സംയുക്ത അക്കൌണ്ടിലാണ് ഈ തുക.

    10. അടിസ്ഥാന യോഗ്യത ഇല്ലാത്തവര്‍ക്ക് യുജിസി ലക്ചറര്‍ നിയമനം
    കൊച്ചി: അടിസ്ഥാന യോഗ്യത പോലുമില്ലാത്ത നാലു പേര്‍ക്കു സംസ്കൃത സര്‍വകലാശാലയില്‍ യുജിസി ലക്ചറര്‍മാരായി സ്ഥിര നിയമനം. രണ്ടു ബാച്ചുകളിലായി പത്തു വിദ്യാര്‍ഥികള്‍ പോലും പഠിക്കാനില്ലാത്ത ഡിപ്പാര്‍ട്ടുമെന്റിലേക്കാണു ചട്ടവിരുദ്ധമായി നാലു പേരെ നിയമിക്കാന്‍ സിന്‍ഡിക്കറ്റ് യോഗം തീരുമാനിച്ചത്.
    വൈസ് ചാന്‍സലറും റജിസ്ട്രാറും ഫിനാന്‍സ് ഒാഫിസറും ഫയലില്‍ വിയോജനക്കുറിപ്പെഴുതിയിരുന്നെങ്കിലും സിന്‍ഡിക്കറ്റ് തീരുമാനവുമായി മുന്നോട്ടു പോയി. തിയറ്റര്‍ ഡിപ്പാര്‍ട്ടുമെന്റില്‍ മൂന്നു പേരെയും പെയ്ന്റിങ് ഡിപ്പാര്‍ട്ടുമെന്റില്‍ ഒരാളെയുമാണു നിയമിച്ചിട്ടുള്ളത്. ഇവര്‍ നാലുപേരും 97 മുതല്‍ സര്‍വകലാശാലയില്‍ ട്യൂട്ടര്‍മാരായി ജോലി നോക്കി വരികയാണ്. 2001-2002 ലെ സര്‍വകലാശാല വാര്‍ഷിക റിപ്പോര്‍ട്ട് പ്രകാരം ഇവരില്‍ ഒരാള്‍ ഗുരുകുല വിദ്യാഭ്യാസം നേടിയിട്ടുണ്ട്. മറ്റൊരാള്‍ക്കു പാരമ്പര്യമായി കിട്ടിയ അറിവാണു യോഗ്യത. ഒരാള്‍ കേരള കലാമണ്ഡലത്തില്‍ നിന്നു പോസ്റ്റ് ഡിപ്ളോമ കോഴ്സ് പാസായതാണ്. നാലാമത്തെയാള്‍ക്കു മാത്രം ബിഎസ്സി ബിരുദമുണ്ട്. എന്നാല്‍ പോലും യുജിസി നിയമനത്തിനുള്ള യോഗ്യതയില്ല.

    യുജിസി നിയമനത്തിനു ബന്ധപ്പെട്ട വിഷയത്തില്‍ രണ്ടാം ക്ളാസ് മാസ്റ്റര്‍ ബിരുദവും യുജിസി നെറ്റ് പരീക്ഷയും പാസായിരിക്കണമെന്നാണു ചട്ടം. അല്ലെങ്കില്‍ പോസ്റ്റ് ഗ്രാജ്വേഷനും പിഎച്ച്ഡിയും വേണം. പാരമ്പര്യ വിഭാഗത്തില്‍ പെട്ട ഇൌ കോഴ്സുകള്‍ക്കു യുജിസി പരീക്ഷ ഇല്ലെന്നാണു സര്‍വകലാശാലയുടെ വാദം. എന്നാല്‍ തിയറ്റര്‍ കോഴ്സുകള്‍ പഠിപ്പിക്കുന്ന കാലിക്കറ്റ് സര്‍വകലാശാലയിലോ പെയ്ന്റിങ് പോസ്റ്റ് ഗ്രാജ്വേറ്റ് കോഴ്സുകളുള്ള മറ്റു കോളജുകളിലോ ഇത്തരം നിയമനം നടത്തിയിട്ടില്ല. സംസ്കൃത സര്‍വകലാശാലയില്‍ നിന്നു തന്നെ ഇതേ വിഷയത്തില്‍ പോസ്റ്റ് ഗ്രാജ്വേഷനോടെ മൂന്നു ബാച്ചുകള്‍ പുറത്തിറങ്ങിയിട്ടുണ്ട്. ഇവരില്‍ പലര്‍ക്കും യുജിസി നിയമന യോഗ്യത ഉണ്ടുതാനും.

    ഒരു അഭിപ്രായം ഇടൂ

    Filed under പലവക

    പത്രവാര്‍ത്തകള്‍ 06-02-08

    • പോക്കുവരവ് അനുമതി മന്ത്രിമാരുടെ യോഗത്തില്‍ : എച്ച്.എം.ടി
    • കേരളസ്റ്റേറ്റ് വില്‍പ്പനയ്ക്ക് !
    • ബ്ളേഡ് മാഫിയയുടെ ആക്രമണം: യുവതി ആശുപത്രിയില്‍
    • സവോളയ്ക്ക് റെക്കോര്‍ഡ് വിളവെടുപ്പ്:വില കുത്തനെ ഇടിഞ്ഞു
    • മില്‍മയുടെ രൂപത്തിലും ഭാവത്തിലും മധുരിമ !
    • ബസിടിച്ച് ബൈക്ക് യാത്രക്കാരന്‍ മരിച്ചു; നാട്ടുകാര്‍ ബസ് കത്തിച്ചു
    • വാര്‍ധക്യ വിജ്ഞാന ഇന്‍സ്റ്റിറ്റ്യൂട്ട് ഉദ്ഘാടനം ചെയ്തു
    • എംഎല്‍എയ്ക്കു മര്‍ദനം; ആലുവയില്‍ ഇന്നു ഹര്‍ത്താല്‍
    • സ്പോഞ്ച് ഉത്പാദനം: 700 കോടിയുടെ അഴിമതി-പി.സി ജോര്‍ജ്
    • ഭൂമി തിരിച്ചെടുക്കണമെന്ന് സമിതി റിപ്പോര്‍ട്ട്
    • പ്രാഥമികാന്വേഷണത്തില്‍ വ്യവസായ മന്ത്രി പ്രതിക്കൂട്ടില്‍
    • പെട്രോള്‍, ഡീസല്‍ വില ഈയാഴ്ച വര്‍ധിപ്പിക്കും
    • വ്യക്തികള്‍ക്കുവേണ്ടിയുള്ള ഭരണഘടനാഭേദഗതി എതിര്‍ക്കുമെന്ന് സി.പി.ഐ
    • കോടികളുടെ നിക്ഷേപ തട്ടിപ്പ്: മലയാളിക്കെതിരെ പ്രവാസികള്‍ നിയമനടപടിക്കൊരുങ്ങുന്നു
    • 373 മില്യന്‍ ദീനാറിന്റെ പുതിയ വ്യവസായ സംരംഭങ്ങള്‍; 7,348 തൊഴിലവസരങ്ങള്‍
    • കോണ്‍സുലേറ്റ് ഇടപെട്ടു; താഇഫിലെ ഇന്ത്യന്‍ തൊഴിലാളികളുടെ പ്രശ്നത്തിന് പരിഹാരമായി
    • എയര്‍ ഇന്ത്യ എക്സ്പ്രസ് അബൂദബി_കോഴിക്കോട് പ്രതിദിന സര്‍വീസ് 18 മുതല്‍
    • പോക്കുവരവ്: ഉത്തരവാദികള്‍ മന്ത്രിമാരെന്ന് യൂണിയനുകള്‍
    • നിര്‍മ്മാണ നിരോധനത്തിന് തടയിടാന്‍ ശ്രമം
    • വേദന താങ്ങാനാവാതെ വൃദ്ധ ചിതകൂട്ടി ജീവനൊടുക്കി
    • എസ്.എസ്.എല്‍.സി: ഇക്കുറി മോഡല്‍ ചോദ്യപേപ്പറിനും കോഡ് നമ്പര്‍
    • സര്‍ക്കാര്‍ സ്ഥാപനങ്ങളുടെ വൈദ്യുതി-വെള്ളക്കരം കുടിശ്ശിക അടയ്ക്കണം
    • സര്‍ക്കാര്‍ നടപടി തുടങ്ങിയില്ല; അപേക്ഷിച്ച ആയിരങ്ങള്‍ ധര്‍മ്മസങ്കടത്തില്‍
    • കേന്ദ്രത്തിന്റെ ഉറപ്പുകള്‍ ബഡ്ജറ്റില്‍ ഉള്‍പ്പെട്ടുകിട്ടാന്‍ സമ്മര്‍ദ്ദം ചെലുത്തും
    • സര്‍ക്കാര്‍ വാദങ്ങള്‍ തള്ളിക്കൊണ്ട് എച്ച്.എം.ടി
    • തദ്ദേശ സ്ഥാപന അംഗങ്ങളുടെ ഓണറേറിയം 500 രൂപ വരെ കൂട്ടി
    • വൈദ്യശാസ്ത്രരംഗത്ത് സംയുക്ത ഗവേഷണം അനിവാര്യം: ഡോ. കലാം
    • പൊലീസ് സ്മാര്‍ട്ടായി
    • അപവാദ മിസൈല്‍ ബ്രഹ്മോസിനു നേരെയും
    • സെന്റ്സ്റീഫന്‍സ് പ്രിന്‍സിപ്പല്‍ തമ്പുവിന്റെ നിയമനം നിയമവിരുദ്ധമെന്ന് കമീഷന്‍
    • തീവ്രവാദ ഭീഷണി: അദ്വാനിയുടെ സങ്കല്‍പ്പ് യാത്ര അനിശ്ചിതത്വത്തില്‍
    • ഓഹരി നിക്ഷേപലാഭത്തിന് നികുതി ചുമത്തണം: യെച്ചൂരി
    • വടക്കന്‍ കൊറിയക്ക് ഇന്ത്യ ഭക്ഷ്യ സാധനങ്ങള്‍ കൈമാറി
    • ബഹറിനില്‍ ഇന്ത്യന്‍തൊഴിലാളികള്‍ പണിമുടക്കില്‍

    1. പോക്കുവരവ് അനുമതി മന്ത്രിമാരുടെ യോഗത്തില്‍ : എച്ച്.എം.ടി
    കൊച്ചി: കളമശേരിയിലെ വിവാദ ഭൂമി പോക്കുവരവിന് അനുമതി നല്‍കിയത് വ്യവസായ മന്ത്രിയുടെയും റവന്യൂ മന്ത്രിയുടെയും അധ്യക്ഷതയില്‍ ചേര്‍ന്ന സംയുക്ത യോഗമാണെന്ന് എച്ച്. എം.ടി.

    തൊഴിലാളി പ്രശ്നം ചര്‍ച്ച ചെയ്യാനാണ് യോഗം ചേര്‍ന്നതെന്ന് വ്യവസായമന്ത്രി എളമരം കരീമിന്റെയും ഇതോടെ ഭൂമിയുടെ പോക്കുവരവുമായി ബന്ധമില്ലെന്ന റവന്യൂമന്ത്രി കെ.പി രാജേന്ദ്രന്റെയും വാദം പൊളിഞ്ഞു.

    2007 ജൂണ്‍ മാസത്തില്‍ മന്ത്രിമാരുടെ സന്നിധ്യത്തില്‍ ചേര്‍ന്ന ഈ യോഗത്തില്‍വച്ചാണ് ഭൂമി ബ്ളൂസ്റ്റാര്‍ റിയലറ്റേഴ്സിന് പോക്കുവരവ് ചെയ്തു കൊടുക്കാനുള്ള നിരോധനം നീക്കിയതെന്ന് എച്ച്.എം.ടി അധികൃതര്‍ പത്രക്കുറിപ്പില്‍ അറിയിച്ചു.

    1963- ല്‍ സംസ്ഥാന സര്‍ക്കാര്‍ എച്ച്.എം.ടിക്ക് ഭൂമി നല്‍കിയത് വ്യാവസായിക ആവശ്യത്തിന് വേണ്ടി മാത്രം ഉപയോഗിക്കാനാണ്. എന്നാല്‍ ഇതില്‍ 139.33 ഏക്കര്‍ സ്ഥലം ഇരുമ്പനം – കളമശേരി റോഡ് അടക്കമുള്ള പല സര്‍ക്കാര്‍ പദ്ധതികള്‍ക്കും വേണ്ടി സര്‍ക്കാര്‍ നിര്‍ദേശത്തെ പിന്നീട് നല്‍കിയിരുന്നു. തുടര്‍ന്ന് കിന്‍ഫ്ര പാര്‍ക്ക് സ്ഥാപിക്കാന്‍ 300 ഏക്കര്‍ സ്ഥലം സംസ്ഥാന സര്‍ക്കാര്‍ എച്ച്.എം.ടിയില്‍ നിന്നും ആവശ്യപ്പെടുകയും ഇതിനു പ്രതിഫലമായി 100 ഏക്കര്‍ സ്ഥലം നിരുപാധികം നല്‍കാമെന്ന് സമ്മതിക്കുകയും ചെയ്തിരുന്നു. ഈ ഭൂമി 1963 ലെ ഭൂപരിഷ്കരണ നിയമത്തില്‍ നിന്ന് ഒഴിവാക്കുകയും ചെയ്തിരുന്നു.

    തുടര്‍ന്ന് 2004- ല്‍ യൂക്കോ ബാങ്കില്‍ എച്ച്.എം.ടിക്കുള്ള കടം വീട്ടാന്‍ വേണ്ടിയാണ് ഇതില്‍ 70 ഏക്കര്‍ ഭൂമി വില്‍ക്കാന്‍ തീരുമാനിച്ചത്. മൂന്നു സര്‍ക്കാര്‍ അംഗീകൃത ഏജന്‍സികള്‍ ചേര്‍ന്നാണ് ഭൂമിയുടെ വില നിശ്ചയിച്ചത്. ടൈംസ് ഓഫ് ഇന്ത്യ, ഇക്കണോമിക്സ് ടൈംസ് എന്നീ പത്രങ്ങളില്‍ പരസ്യം ചെയ്തു. പരസ്യം കണ്ട് ടെന്‍ഡറില്‍ പങ്കെടുത്ത പതിനൊന്ന് പേരില്‍ ഏറ്റവും കൂടുതല്‍ തുക പരാമര്‍ശിച്ച ബ്ളൂസ്റ്റാര്‍ റിയലേറ്റേഴ്സിന് ഭൂമി കൈമാറാന്‍ കമ്പനിയുടെ ബോര്‍ഡ് യോഗം തീരുമാനിക്കുകയായിരുന്നു.

    2. കേരളസ്റ്റേറ്റ് വില്‍പ്പനയ്ക്ക് !
    അവസാനം അവര്‍ സ്വന്തം നാടിനെ വെട്ടി മുറിച്ചു വില്‍പന തുടങ്ങിയിരിക്കുന്നു. കൈക്കൂലി, അഴിമതി, സ്വജന പ ക്ഷപാതം എന്നിങ്ങനെ നിരവധിയായ ആരോ പണങ്ങ ള്‍ കാലാകാലങ്ങളില്‍ ഭരണക്കാര്‍ക്കെതിരേയും ഉദ്യോഗസ്ഥര്‍ ക്കെതിരേയും ഉയര്‍ന്നിട്ടുണ്ട്. പതിവായി അഴിമതി അരങ്ങേറുന്ന മേഖലകള്‍ക്ക് മാധ്യ മങ്ങളും ജനങ്ങളും ജാഗ്രത യോ ടെ കാവല്‍നില്‍ക്കാന്‍ തുടങ്ങിയപ്പോള്‍ ഭ രണക്കാര്‍ പുതിയ മേച്ചില്‍ പുറങ്ങള്‍ കണ്െടത്തുന്ന തിരക്കിലായിരുന്നു.

    വികസനത്തിന്റെ മുഖംമൂടിയണിഞ്ഞിരുന്നതിനാല്‍ ഇവര്‍ നടത്തിയ നാടകങ്ങള്‍ കണ്ട് ആദ്യ മൊക്കെ ജനങ്ങളും മാധ്യമങ്ങളും കൈയടിച്ചു. പക്ഷേ, ജനങ്ങളുടെ ജീവനും സ്വത്തും സംരക്ഷിക്കാന്‍ ഭരമേല്‍പ്പിക്കപ്പെട്ടവര്‍ ജനങ്ങളുടെ സ്വത്തു തന്നെ കൊള്ളയടിച്ചു വില്‍ക്കുകയായിരുന്നെന്നു ഇപ്പോള്‍ തിരിച്ചറിയുന്നു.

    ഐ.ടി വികസനം, ടൂറിസം വികസനം, വ്യവസായ പാര്‍ക്ക് എന്നിങ്ങനെയൊക്കെ ഓമനപ്പേരുകളിട്ടു നടത്തിയ വികസന മുന്നേറ്റങ്ങള്‍ പലതും കേരളത്തെ മുറിച്ചു വില്‍ക്കാനുള്ള തന്ത്രങ്ങളാണെന്നു സമീപ കാല സംഭവങ്ങള്‍ തെളിയിക്കുന്നു.

    ‘കാട്ടിലെ തടി തേവരുടെ ആന’ എന്നത് തിരിച്ചറിവിന്റെ പഴമൊഴിയെങ്കില്‍ ഇന്ന് സ്ഥിതി കൂടുതല്‍ പരിതാപകരമാണ്. സ്വര്‍ണവും പണവുമൊന്നുമല്ല ഇന്നു പ്രധാനമായും കൊള്ളയടിക്കപ്പെടുന്നത് ഭൂമികളാണ്. രാഷ്ട്രീയ സ്വാധീനവും ഭരണ സ്വാധീനവും ഉപയോഗിച്ച് സര്‍ക്കാര്‍ ആധീനതയിലുള്ള ഭൂമി മാഫിയകളും, വന്‍കിടക്കാരും റിയല്‍ എസ്റ്റേറ്റ് സംഘങ്ങളുമൊക്കെ കൈയടക്കുന്നു. കളമശേരിയിലെ എച്ച്.എം.ടി ഭൂമി ഇടപാടിന്റെ ഞെട്ടിപ്പിക്കുന്ന കഥകള്‍ പുറത്ത് വന്നുകൊണ്ടിരിക്കുമ്പോള്‍ തന്നെ സംസ്ഥാനത്തിന്റെ ഇതര ജില്ലകളില്‍ ഇത്തരത്തില്‍ സര്‍ക്കാര്‍ഭൂമി സ്വകാര്യ വ്യക്തികളുടെ കൈകളിലെത്തിക്കാനുള്ള നീക്കങ്ങള്‍ തകൃതിയായി മുന്നേറുന്നു. ചിലത് കൈമാറ്റത്തിന്റെ അവസാന ഘട്ട ങ്ങളിലും.

    എച്ച്.എം.ടി ഉയര്‍ത്തിയതിനേക്കാള്‍ ഗുരുതരമായ വീഴ്ചകളാണ് കോഴിക്കോട് ജില്ലയിലെ മലയോര ഗ്രാമമായ കിനാലൂരില്‍ വരാന്‍ പോകുന്ന മലേഷ്യന്‍ സംരഭമായ സാറ്റലൈറ്റ് സിറ്റി ഉയര്‍ത്തുന്നത്. വ്യവസായ വികസനത്തിനായി സര്‍ക്കാര്‍ ഏറ്റെടുത്ത 340 ഏക്കര്‍ ഭൂമിയില്‍ 270 ഏക്കറാണ് മലേഷ്യന്‍ ഏജന്‍സിയായ കണ്‍സ്ട്രക്ഷന്‍ ആന്‍ഡ് ഇന്‍ഡസ്ട്രിയല്‍ ഡവലപ്പ്മെന്റ്ബോര്‍ഡിന് (സി.ഐ. ഡി.ബി) പതിച്ചു നല്‍കുന്നത്. ഇതിന്റെ ധാരണാ പത്രം കഴിഞ്ഞ സെപ്റ്റംബറില്‍ കോഴിക്കോട്ട് ഒപ്പു വയ്ക്കുകയും ചെയ്തു.

    2500 കോടി രൂപയുടെ പദ്ധതി പൂര്‍ത്തിയാവുമ്പോള്‍ 25,000 പേര്‍ക്ക് ജോലി ലഭിക്കും എന്നാണ് മലേഷ്യന്‍ ഏജന്‍സിയുടെ വാദം.

    വിജ്ഞാനാധിഷ്ഠിത പദ്ധതികള്‍, ബയോ ടെക്നോളജി വ്യവസായങ്ങള്‍, മെഡിക്കല്‍ സിറ്റി, ഉല്ലാസ കേന്ദ്രങ്ങള്‍, ഓഫീസ് മന്ദിരങ്ങള്‍, വീടുകള്‍, ഷോപ്പിംഗ് കേന്ദ്രങ്ങള്‍ എന്നിവയടങ്ങുന്ന ടൌണ്‍ഷിപ്പ് സി.ഐ.ഡി.ബി കിനാലൂരില്‍ സ്ഥാപിക്കുമെന്നാണ് ധാരണാ പത്രം ഒപ്പു വയ്ക്കു മ്പോള്‍ വ്യക്തമാക്കിയത്.

    മൂന്ന് മാസത്തിനകം പദ്ധതി രൂപരേഖയുടെ കരട് സമര്‍പ്പിക്കു മെന്ന് പറഞ്ഞിരുന്നെങ്കിലും ഇതുവരെ പാലിക്കപ്പെട്ടിട്ടില്ല. ഡിസം ബര്‍ 27 ന് വ്യവസായ മ ന്ത്രിയുടെ അധ്യക്ഷതയില്‍ തിരുവനന്തപുരത്ത് കെ.എസ്.ഐ. ഡി.സിയു ടേയും സി.ഐ. ഡി. ബിയുടേ യും പ്രതിനിധികള്‍ ചര്‍ച്ച നടത്തിയിരുന്നു. മാര്‍ച്ച് 31 നകം പദ്ധതി രൂപരേഖ സമര്‍പ്പിക്കണമെന്ന് സി.ഐ.ഡി.ബിയോട് ആവശ്യപ്പെടുകയും ചെയ്തിട്ടുണ്ട്.

    മലേഷ്യന്‍ കമ്പനി കിനാലൂരില്‍ ആരംഭിക്കുന്ന ഉപഗ്രഹ നഗരം സംബന്ധിച്ച് തുടക്കത്തിലേ ദുരൂഹത നില നിന്നിരുന്നു. മാനദണ്ഡങ്ങളെല്ലാം കാറ്റില്‍പ്പറത്തിയാണ് സാറ്റലൈറ്റ് സിറ്റി തുടങ്ങാന്‍ സി.ഐ.ഡി.ബിയുമായി കരാര്‍ ഒപ്പു വയ്ക്കുന്നത്.

    കിനാലൂരിലെ വ്യവസായ നഗരത്തിലേക്ക് സംരഭകരെ ക്ഷണിച്ച് സര്‍ക്കാര്‍ നല്‍കിയ പരസ്യത്തിന്റെ അടിസ്ഥാനത്തില്‍ തദ്ദേശീയരായ നിരവധി സംരഭകര്‍ മുന്നോട്ട് വന്ന സാഹചര്യത്തിലാണ് ടെണ്ടര്‍ നടപടികള്‍ പാതി വഴിയില്‍ നിര്‍ത്തി മലേഷ്യന്‍ ഏജന്‍സിയെ പൊക്കിക്കൊണ്ടു വരുന്നതും കരാര്‍ ഒപ്പു വയ്ക്കുന്നതും.

    സി.ഐ.ഡി.ബി കരാറില്‍ വച്ച നിബന്ധനകളിലൊന്ന് ഏറെ ഞെട്ടിക്കുന്നതാണ്. കിനാലൂരില്‍ സാറ്റലൈറ്റ് സിറ്റി തുടങ്ങുന്ന ഇവര്‍ക്ക് താമസസൌകര്യങ്ങളും ഐ.ടി സംരഭങ്ങളും തുടങ്ങാന്‍ 25 മുതല്‍ 50 ഏക്കര്‍ സ്ഥലം വരെ സര്‍ക്കാര്‍ ലഭ്യമാക്കണമെന്നാണ് കരാര്‍.
    (തുടരും)

    3. ബ്ളേഡ് മാഫിയയുടെ ആക്രമണം: യുവതി ആശുപത്രിയില്‍
    തീക്കോയി: ബ്ളേഡ് മാഫിയ, യുവതിയായ വീട്ടമ്മയെ മര്‍ദിച്ചതായി പരാതി. തീക്കോയി ഞണ്ടുകല്ല് സ്വദേശിയായ ഞാറയ്ക്കല്‍ ബിന്ദു(33)വിനാണ് മര്‍ദനമേറ്റത്. യുവതി ഈരാറ്റുപേട്ടയിലെ സ്വകാര്യ ആശുപത്രിയില്‍ ചികിത്സ യിലാണ്.

    സ്വകാര്യ പണമിടപാടുകാരനായ തീക്കോയി പുതനപ്രകുന്നേല്‍ സൂരജ് മര്‍ദിച്ചതായി കാണിച്ചാണ് ഈരാറ്റുപേട്ട പോലീസില്‍ യുവതി പരാതി നല്‍കിയിരിക്കുന്നത്. സംഭവത്തെക്കുറിച്ചു പോലീസ് പറയുന്നതിങ്ങനെ:

    വീടു പണിയുന്നതിന് ബ്ളോക്കില്‍ നിന്നു കിട്ടിയ ധനസഹായം തികയാതെവന്നപ്പോള്‍ ബിന്ദു അമ്മയുടെ ആധാരം രണ്ടായിരം രൂപയ്ക്ക് പണയം വയ്ക്കുകയായിരുന്നു. പലിശസഹിതം പണവുമായി ചെന്നപ്പോള്‍ ആധാരം തിരികെ നല്‍കിയില്ലെന്നും ആധാരം മറ്റെവിടെയോ പണയം വച്ചിരിക്കുകയാണെന്നും പിന്നീട് നല്‍കാമെന്നും പറഞ്ഞു. ആധാരം ഉടന്‍ വേണമെന്ന് ബിന്ദു നിര്‍ബന്ധം പിടിച്ചു. ഇതേത്തുടര്‍ന്ന് സൂരജ് യുവതിയെ മര്‍ദിക്കു കയാ യിരു ന്നു വത്രേ.

    4. സവോളയ്ക്ക് റെക്കോര്‍ഡ് വിളവെടുപ്പ്:വില കുത്തനെ ഇടിഞ്ഞു
    മാന്നാര്‍: സവോളയുടെ വില സംസ്ഥാനത്ത് കുത്തനെ ഇടിഞ്ഞു.

    രണ്ടുമാസങ്ങള്‍ക്ക് മുമ്പ് കിലോഗ്രാമിന് 30 രൂപ വരെയുണ്ടായിരുന്ന സവോളയ്ക്ക് ഇപ്പോള്‍ ഏഴ് മുതല്‍ പത്തു രൂപാവരെയാണ് ചില്ലറ വില്‍പ്പന വില. സംസ്ഥാനത്ത് പൂന, പാണ്ടി എന്നീ രണ്ടിനങ്ങളിലായുള്ള സവോളയാണ് വില്‍പ്പനയ്ക്കായി എത്തുന്നത്.

    വര്‍ഷത്തില്‍ എല്ലാ മാസവും പൂനയില്‍ സവോളയുടെ വിളവെടുപ്പ് നടക്കുന്നുണ്െടങ്കിലും ഇതിന്റെ പ്രധാനസീസണ്‍ ജനുവരി മുതല്‍ ഏപ്രില്‍ വരെയാണ്. അതിനാണ് പൂനയില്‍ ഉള്ളിയുടെ വില കുറയുന്നത്. സംസ്കരിക്കാത്ത പച്ച സവോളക്ക് കിലോഗ്രാമിന് ഒന്നുമുതല്‍ മൂന്നുരൂപ വരെയാണ് അവിടുത്തെ വില. സവോളയുടെ വലിപ്പമനുസരിച്ച് മൂന്നു ഗ്രേഡായി തിരിച്ചാണ് വില നിശ്ചയിക്കുന്നത്. പ്രത്യേകരീതിയില്‍ ഉണക്കി സംസ്കരിച്ച സവോളക്ക് രണ്ടുമുതല്‍ നാലുരൂപവരെയാണ് വില.

    ഇത്തരം സവോളയാണ്് സാധാരണയായി സംസ്ഥാനത്ത് എത്തുന്നത്. ഇവിടെയെത്തുമ്പോള്‍ നാലുമുതല്‍ ആറുരൂപ വരെ വിലവീഴും. ഇതു ചില്ലറവില്‍പനയായി നടത്തുമ്പോഴാണ് ഏഴുമുതല്‍ പത്തുരൂപ വരെ വിലവീഴുന്നത്.

    ദിനംപ്രതി ആയിരംലോഡ് സവോളയാണ് പൂനയില്‍ നിന്നും വിവിധസ്ഥലങ്ങളിലേക്ക് കയറ്റിഅയയ്ക്കുന്നത്. ഒരു ലോഡില്‍ പത്തു ടണ്‍ മുതല്‍ പതിനഞ്ചുടണ്‍വരെ സവോളയാണ് കയറ്റുന്നത്. മധ്യകേരളത്തില്‍ ഏറെയും പാണ്ടി സവോളയാണ് എത്തുന്നത്. തമിഴ്നാട്, മൈസൂര്‍ എന്നിവിടങ്ങളില്‍ നിന്നെത്തുന്ന പാണ്ടിസവോളക്ക് വിലക്കുറവും കൂടുതല്‍ ലാഭവും ലഭിക്കുന്നതിനാലാണ് മൊത്തവിതരണക്കാര്‍ ഇതിന്റെ വില്‍പനയെ പ്രോത്സാഹി പ്പിക്കു ന്നത്.സവോളകള്‍ തമ്മിലുള്ള ഗുണത്തിലെ വ്യത്യാസം സാധാരണക്കാര്‍ക്കു തിരിച്ചറിയാത്തത് മൊത്തവിതരണക്കാര്‍ക്ക് നേട്ടമാണ്. ഹോട്ടല്‍, കേറ്ററിംഗ് എന്നിവര്‍മാത്രമാണ് പൂന സവോളചോദിച്ചുവാങ്ങുന്നത്. കേരളത്തില്‍ എറണാകുളവും കോട്ടയവുമാണ് പൂന സവോളയുടെ പ്രധാന മാര്‍ക്ക റ്റുകള്‍.

    5. മില്‍മയുടെ രൂപത്തിലും ഭാവത്തിലും മധുരിമ !
    കോന്നി : മില്‍മയ്ക്ക് ബദലായി പുതിയ പാല്‍ വിപ ണിയിലെത്തുന്നു. മില്‍മ പാല്‍കവറിന്റെ അതേരൂപ ത്തിലും നിറത്തിലുമാണ് കോട്ടയം ജില്ലയില്‍നിന്നും പുതിയ പാല്‍ വിപണിയിലെത്തിയിട്ടുള്ളത്.

    മില്‍മപാലിന്റെ പായ്ക്കിംഗിന്റെ അതേ രൂപസാദൃശ്യത്തില്‍തന്നെയാണ് കോട്ടയം ജില്ലയിലെ കളത്തുകടവില്‍ നിന്നും മധുരിമ എന്നപേരില്‍ പുതിയ പാല്‍ വിപണിയില്‍ എത്തിയിട്ടുള്ളത്.

    പാല്‍ കവറിന്റെ രൂപസാദൃശ്യം മില്‍മയുടെ അതേരീതിയിലായത് മധുരിമയ്ക്ക് കൂടുതല്‍ നേട്ടമാകുന്നുണ്ട്. മില്‍മാ ബൂത്തുകളിലാണ് അധികവും മധുരിമയും ഏജന്‍സികള്‍ നല്‍കിയിട്ടുള്ളത്. പാല്‍ വാങ്ങാനെത്തുന്നവര്‍ക്ക് ഒറ്റനോട്ടത്തില്‍ മില്‍മയും മധുരിമയും തിരിച്ചറിയാന്‍ കഴിയുന്നില്ല.

    മില്‍മ ആവശ്യാനുസരണം പാല്‍ നല്‍കാത്തതിനെത്തുടര്‍ന്ന് പല ബൂത്തുടമകളും മധുരിമയാണ് ഇപ്പോള്‍ കൂടുതല്‍ വിറ്റഴിക്കാനും തയാറാകുന്നത്. മില്‍മയുടെ അതേ വിലയിലാണ് മധുരിമയും പാല്‍ വിപണിയിലെത്തിക്കുന്നത്.

    6. ബസിടിച്ച് ബൈക്ക് യാത്രക്കാരന്‍ മരിച്ചു; നാട്ടുകാര്‍ ബസ് കത്തിച്ചു
    കൊയിലാണ്ടി: ദേശീയ പാതയില്‍ തിരുവങ്ങൂര്‍ വെറ്റിലപ്പാറയില്‍ സ്വകാര്യബസ് ബൈക്കിലിടിച്ച് ബൈക്ക് യാത്രക്കാരന്‍ മരിച്ചു. സഹയാത്രക്കാരന് പരിക്കേറ്റു.

    ക്ഷുഭിതരായ ജനം ബസിനു തീവച്ചു. ഇന്നലെ ഉച്ചയോടെയാണ് അപകടം. കുറ്റിക്കാട്ടൂര്‍ മാധവകൃപയില്‍ (ആനശേരി) റിട്ടയേര്‍ഡ് ടെലികോം ഉദ്യോഗസ്ഥനായ ആണ്ടിയുടെയും സരളയുടെയും മകന്‍ ഹരീഷ്കുമാര്‍ (36) ആണ് മരിച്ചത്. പരിക്കേറ്റ ആനശേരി ഗോപാലന്റെ മകന്‍ ശ്രീശോഭിനെ മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചു. കോഴിക്കോട് നിന്നു കണ്ണൂരിലേക്ക് പോവുകയായിരുന്ന ഹൈടെക് ബസാണ് ഇടിച്ചത്.

    ബസിന്റെ അമിത വേഗതയാണ് അപകടകാരണമെന്ന് ദൃക്സാക്ഷികള്‍ പറഞ്ഞു. മറ്റ് വാഹനങ്ങളെ മറികടക്കവെ ബൈക്കിനെ തട്ടിയിടുകയായിരുന്നു. ഹെല്‍മെറ്റ് ധരിച്ചിരുന്നെങ്കിലും തെറിച്ചു വീണ ഹരീഷ്കുമാറിന്റെ തലയിലൂടെ ബസ് കയറിയിറങ്ങുകയായിരുന്നു. ഹരീഷ്കുമാര്‍ തല്‍ക്ഷണം മരിച്ചു. അപകട വിവരം അറിഞ്ഞ് പോലീസ് എത്താന്‍ വൈകിയത് നാട്ടുകാരെ ക്ഷുഭിതരാക്കി. അപകടത്തെ തുടര്‍ന്ന് തടസപ്പെട്ട ഗതാഗതം മൃതദേഹം മാറ്റാതെ പുനഃസ്ഥാപിക്കാന്‍ ശ്രമിച്ചപ്പോഴാണ് ക്ഷുഭിതരായ ജനകൂട്ടം ബസ് തല്ലിതകര്‍ത്ത് തീയിട്ടത്.സംഭവ മറിഞ്ഞയുടന്‍ വനിതാ എസ്ഐ മാത്രമാണ് സ്ഥലത്തെത്തിയത്. ഹൈവേ പോലീസ് സ്ഥലത്തെത്താതും ജനങ്ങളെ ക്ഷുഭിതരാക്കി. പിന്നീട് കൊയിലാണ്ടി സിഐയും എസ്ഐയും സ്ഥലത്തെത്തിയെങ്കിലും അവരെയും നാട്ടുകാര്‍ തടഞ്ഞു. ഫയര്‍ഫോഴ്സ് എത്തിച്ചേര്‍ന്നെങ്കിലും അവരെയും ജനം തടഞ്ഞത് ഏറെനേരം സംഘര്‍ഷാവസ്ഥയുണ്ടാക്കി. പിന്നീട് ദേശീയപാത വഴി കടന്നുപോവുകയായിരുന്ന പട്ടാള വാഹനമാണ് ഗതാഗതം പുനഃസ്ഥാപിക്കാന്‍ സഹായിച്ചത്.

    ഹരീഷ്കുമാറിന്റെ ഭാര്യ അനുരൂപയാണ്. മക്കള്‍: പ്രണവ് , ആറു മാസം പ്രായമായ ഒരു കുട്ടിയുമുണ്ട്. ചേവായൂര്‍ ടെലഫോണ്‍ എക്സ്ചേഞ്ചിലെ കരാര്‍ ജീവനക്കാരനാണ് ഹരീഷ്. മൃതദേഹം കൊയിലാണ്ടി താലൂക്ക് ആശുപത്രിയില്‍ പോസ്റ്റ്മോര്‍ട്ടത്തിനു ശേഷം ബന്ധുക്കള്‍ക്ക് വിട്ടുകൊടുത്തു. കഴിഞ്ഞ മാസം വടകരയില്‍ ഒരു വിദ്യാര്‍ഥിനി ബസ് തട്ടി മരണമടഞ്ഞതിനെ തുടര്‍ന്ന് നാട്ടുകാര്‍ ബസിന് തീവച്ചിരുന്നു.

    7. വാര്‍ധക്യ വിജ്ഞാന ഇന്‍സ്റ്റിറ്റ്യൂട്ട് ഉദ്ഘാടനം ചെയ്തു
    കൊച്ചി: ഡല്‍ഹി ആസ്ഥാനമായി പ്രവര്‍ത്തിക്കുന്ന ഓള്‍ ഇന്ത്യ അസോസിയേഷന്‍ ഫോര്‍ ക്രിസ്ത്യന്‍ ഹയര്‍ എഡ്യുക്കേഷന്റെ (അയാഷെ)വാര്‍ധക്യ വിജ്ഞാന ഇന്‍സ്റ്റിറ്റ്യൂട്ട് ഉദ്ഘാടനം ചെയ്തു. തൃക്കാക്കര സബര്‍ബന്‍ ക്ളബ് ഓഡിറ്റോറിയത്തില്‍ നടന്ന പൊതുയോഗം ഡോ.എം.വി.പൈലി ഉദ്ഘാടനം ചെയ്തു.

    മികച്ച പ്രിന്‍സിപ്പല്‍മാര്‍ക്കുള്ള അയാഷെ ദേശീയ അവാര്‍ഡ് പ്രഫ.ഏബ്രഹാം ജോര്‍ജ്, റവ.ഡോ.ജോര്‍ജ് താനത്തുപറമ്പില്‍, പ്രഫ.വി.എക്സ്.സെബാസ്റ്റ്യന്‍, ഫാ.വി. ടി.ജോര്‍ജ് എന്നിവര്‍ക്ക് ഡോ.പൈ ലി വിതരണം ചെയ്തു. ഡോ.ഏബ്രഹാം ജോര്‍ജ്, ഡോ.ജോര്‍ജ് പോള്‍, അഡ്വ.വി.എക്സ്.ജോസഫ് എന്നിവര്‍ പ്രബന്ധങ്ങള്‍ അവതരിപ്പിച്ചു. ഡോ.റെനി ജേക്കബ്, ഇന്‍സ്റ്റിറ്റ്യൂട്ട് കോര്‍ഡിനേറ്റര്‍ പ്രഫ.കെ.എം.മാത്യു, ജസ്റ്റിസ് ജോണ്‍ മാത്യു, പ്രഫ. വി.ജെ.പാപ്പു, ജോര്‍ജ് വര്‍ഗീസ്, ജോസഫ് പുലിക്കുന്നേല്‍, ഡോ. പി.ആര്‍.പൊതുവാള്‍, ചെമ്മനം ചാക്കോ, ഡോ.സി.ജെ.ജോണ്‍, സിസ്റ്റര്‍ ലിനറ്റ് എന്നിവര്‍ പ്രസംഗിച്ചു.

    8. എംഎല്‍എയ്ക്കു മര്‍ദനം; ആലുവയില്‍ ഇന്നു ഹര്‍ത്താല്‍
    ആലുവ: ഉപതെരഞ്ഞെടുപ്പുമായി ബന്ധപ്പെട്ട് നടന്ന തര്‍ക്കത്തില്‍ ആലുവ എംഎല്‍എ എ.എം.യൂസഫിന് കോണ്‍ഗ്രസുകാരില്‍ നിന്നും മര്‍ദ്ദനമേറ്റതായി പരാതി.ആലുവ കടുങ്ങല്ലൂര്‍ ആറാം വാര്‍ഡില്‍ ഏഴാം തീയതി നടക്കാനിരിക്കുന്ന ഉപ തെരഞ്ഞെടുപ്പുമായി ബന്ധപ്പെട്ടാണ് സംഭവമുണ്ടായത്. രാത്രി വൈകിയും ഉപതെരഞ്ഞെടുപ്പ് പ്രചരണം നടത്തിയെന്നാരോപിച്ച് കോണ്‍ഗ്രസ് നേതാവും സംഘവും എംഎല്‍എയെ അക്രമിക്കുകയായിരുന്നുവെന്നാണ് ആരോപണം

    .എംഎല്‍എയുടെ പരാതിയെ തുടര്‍ന്ന് സ്ഥലത്തെത്തിയ ആലുവ ഡിവൈഎസ്പിയും സംഘവും കടുങ്ങല്ലൂര്‍ പഞ്ചായത്ത് പ്രതിപക്ഷ നേതാവുമായ ടി.എം.സെയ്തു കുഞ്ഞ്, കടുങ്ങല്ലൂര്‍ മണ്ഡലം കോണ്‍ഗ്രസ് പ്രസിഡന്റ് വി.കെ.ഷാനവാസ്, നിസാര്‍ ഏലൂക്കര, ആറാം വാര്‍ഡ് കോണ്‍ഗ്രസ് സ്ഥാനാര്‍ഥി അസീറയുടെ ഭര്‍ത്താവ് അബ്ദുള്‍ സലാം എ ന്നിവരെ അറസ്റ്റ് ചെയ്തു.

    സംഭവത്തില്‍ പ്രതിഷേധിച്ച് ഇന്ന് ആലുവ നിയോജക മണ്ഡലത്തില്‍ സിപിഎം ഉച്ചയ്ക്ക് രണ്ട് മുതല്‍ ആറു വരെ ഹര്‍ത്താലിന് ആഹ്വാനം ചെയ്തിട്ടുണ്ട്.

    തെരഞ്ഞെടുപ്പ് സ്ഥലത്തു പോയി മടങ്ങും വഴി കടുങ്ങല്ലൂര്‍ മല്ലേപ്പിള്ളി റോഡില്‍ വച്ച് സംഘടിച്ചെത്തിയ ഇവര്‍ എംഎല്‍എയെ തടഞ്ഞു നിര്‍ത്തുകയും ആക്രമിക്കുകയുമായിരുന്നുവെന്ന് പറയുന്നു. എംഎല്‍എ സഞ്ചരിച്ചിരുന്ന കാറിന്റെ ഡ്രൈവര്‍ രാജേഷ്, പഞ്ചായത്ത് പ്രസിഡന്റ് രത്നമ്മ സുരേഷ്, ടി.കെ.ഷാജഹാന്‍ എന്നിവരെ എംഎല്‍എയ്ക്കൊപ്പം പരിക്കുകളോടെ ആലുവ താലൂക്ക് ആശുപത്രിയില്‍ പ്രവേശിപ്പിച്ചു. പ്രദേശത്ത് രാത്രി വൈകിയും സംഘര്‍ഷം തുടരുകയാണ്. സ്ഥലത്ത് വന്‍ പോലീസ് സന്നാഹം നിലയുറപ്പിച്ചിട്ടുണ്ട്. സ്ഥലത്ത് രാത്രി സിപിഎം നേതൃത്വത്തില്‍ പന്തം കൊളുത്തി പ്രകടനവും നടന്നു. സിപിഎം ജില്ലാ സെക്രട്ടറി ഗോപി കോട്ടമുറിക്കല്‍, സംസ്ഥാന ആഭ്യന്തരമന്ത്രി കോടിയേരി ബാലകൃഷ്ണനന്‍ എന്നിവര്‍ എംഎല്‍എയെ സന്ദര്‍ശിച്ചു.

    9. സ്പോഞ്ച് ഉത്പാദനം: 700 കോടിയുടെ അഴിമതി-പി.സി ജോര്‍ജ്
    തിരുവനന്തപുരം: ടൈറ്റാനിയം സ്പോഞ്ച് ഉല്‍പ്പാദനത്തിന്റെ മറവില്‍ 700 കോടിയുടെ അഴിമതിക്കാണ് വ്യവസായമന്ത്രി എളമരം കരീം ശ്രമിക്കുന്നതെന്ന് പി.സി ജോര്‍ജ് എം.എല്‍.എ ആരോപിച്ചു. കെ.എം.എം.എല്ലും റഷ്യന്‍കമ്പനിയായ റൊസൊബൊറോണും ചേര്‍ന്ന് സംയുക്ത ഫാക്ടറി സ്ഥാപിക്കാനുള്ള കരാര്‍ ഒപ്പിടുന്നതിന്റെ അന്തിമഘട്ടത്തിലാണ് വ്യവസായവകുപ്പ്.

    എച്ച്.എം.ടി വിവാദം അവസാനിപ്പിച്ച് കരാറില്‍ ഒപ്പിടാനുള്ള ഒരുക്കങ്ങളാണ് നടക്കുന്നത്. കേരളം കണ്ട ഏറ്റവുംവലിയ അഴിമതിയാണ് ഇതുവഴി അരങ്ങേറുന്നത്. 700കോടിയുടെ ഈ അഴിമതി വ്യവസായമന്ത്രിയെ മുന്‍നിര്‍ത്തി സി.പി.എം നേതൃത്വം അറിഞ്ഞ് നടക്കുന്ന ഇടപാടാണെന്നും പി.സി ജോര്‍ജ് ആരോപിച്ചു.

    കെ.എം.എം.എല്ലിലെ വികസനപ്രവര്‍ത്തനങ്ങള്‍ നിര്‍ത്താന്‍ പാടില്ലെന്ന് നിയമസഭാസമിതി നേരത്തെ ശിപാര്‍ശ ചെയ്തിരുന്ന കാര്യവും ജോര്‍ജ് ചൂണ്ടിക്കാട്ടി.

    1. ഭൂമി തിരിച്ചെടുക്കണമെന്ന് സമിതി റിപ്പോര്‍ട്ട്
    തിരുവനന്തപുരം: വിവാദ എച്ച്.എം.ടി ഭൂമി ഇടപാടിന്റെ പോക്കുവരവ് റദ്ദാക്കി ഭൂമി തിരിച്ചെടുക്കണമെന്ന് ഇതേക്കുറിച്ച് അന്വേഷിക്കുന്ന ചീഫ് സെക്രട്ടറിയുടെ നേതൃത്വത്തിലുള്ള ഉന്നതതല സമിതിയുടെ റിപ്പോര്‍ട്ടില്‍ പറയുന്നു. എന്നാല്‍ സമിതിയില്‍ അംഗങ്ങളായ രജിസ്ട്രേഷന്‍, വ്യവസായവകുപ്പ് സെക്രട്ടറിമാരുടെ എതിര്‍പ്പിനെ തുടര്‍ന്ന് ഇക്കാര്യത്തില്‍ വ്യക്തമായ തീരുമാനത്തിലെത്താന്‍ കഴിയാതെ വന്നതോടെ ഇന്ന് വീണ്ടും യോഗം ചേര്‍ന്ന് അന്തിമതീരുമാനത്തിലെത്താനും ധാരണയായിട്ടുണ്ട്.

    പോക്കുവരവ് റദ്ദാക്കണമെന്ന നിലപാടില്‍ നിയമ^റവന്യു സെക്രട്ടറിമാരാണ് തുടക്കം മുതല്‍ ഉറച്ചുനിന്നത്. ഇതിനെതിരെ രണ്ടു സെക്രട്ടറിമാര്‍ രംഗത്തുവന്നതോടെ തീരുമാനം ഇന്നത്തേക്ക് മതിയെന്ന് ചീഫ് സെക്രട്ടറി നിര്‍ദേശിച്ചു. റിപ്പോര്‍ട്ടിന്റെ കരടിന് രൂപം നല്‍കിയിട്ടുണ്ട്. എച്ച്.എം.ടി ഭൂമി ഇടപാട് വിവാദമായ സാഹചര്യത്തില്‍ സെക്രട്ടറിമാര്‍ അതത് വകുപ്പുകള്‍ക്കെതിരെ ഉയര്‍ന്ന ആരോപണത്തിന് തടയിട്ട് മുഖം രക്ഷിക്കാനുള്ള ആസൂത്രിത നീക്കമാണ് യോഗത്തില്‍ നടത്തിയതത്രെ. ഭൂമി വിവാദത്തില്‍ ഏറെ ആരോപണവിധേയരായ വ്യവസായ^രജിസ്ട്രേഷന്‍^റവന്യു മന്ത്രിമാരെ സംരക്ഷിക്കാന്‍ അതത് സെക്രട്ടറിമാര്‍ തന്ത്രപരമായ നീക്കങ്ങളും യോഗത്തില്‍ നടത്തിയതായാണ് വിവരം.

    ജനുവരി 30ന് ചേര്‍ന്ന മന്ത്രിസഭാ യോഗം ഒരാഴ്ചക്കകം റിപ്പോര്‍ട്ട് സമര്‍പ്പിക്കണമെന്ന് ചീഫ് സെക്രട്ടറിയോട് നിര്‍ദേശിച്ചിരുന്നു. ഇതേത്തുടര്‍ന്ന് ചീഫ് സെക്രട്ടറിയും റവന്യു, വ്യവസായം, ഐടി, രജിസ്ട്രേഷന്‍, നിയമ വകുപ്പ് സെക്രട്ടറിമാരും ഇന്നലെ രാത്രി ചീഫ് സെക്രട്ടറിയുടെ ചേംബറില്‍ വൈകുവോളം യോഗം ചേര്‍ന്നാണ് പോക്കുവരവ് റദ്ദാക്കി ഭൂമി തിരിച്ചെടുത്ത് വിവാദം അവസാനിപ്പിക്കണമെന്ന തീരുമാനത്തിലെത്തിയത്. ഇന്ന് ചേരുന്ന മന്ത്രിസഭാ യോഗത്തിന്റെ പരിഗണനക്ക് റിപ്പോര്‍ട്ട് സമര്‍പ്പിക്കുമെങ്കിലും ഇതേക്കുറിച്ച് ചര്‍ച്ചകള്‍ ഉണ്ടാകില്ലെന്നാണ് സൂചന. രാവിലെ മന്ത്രിസഭാ യോഗത്തിനുശേഷം എം.പിമാരുടെ യോഗവും തുടര്‍ന്ന് കേന്ദ്ര റെയില്‍വേ മന്ത്രി ലാലുപ്രസാദ് യാദവുമായി ചര്‍ച്ച നടത്തുന്നതിന് മുഖ്യമന്ത്രിക്ക് ദല്‍ഹിക്ക് പോകേണ്ടതിനാലും റിപ്പോര്‍ട്ട് ചര്‍ച്ച ചെയ്യാന്‍വേണ്ടി മാത്രം അടുത്ത വ്യാഴാഴ്ച വീണ്ടും മന്ത്രിസഭാ യോഗം ചേരുമെന്നും അറിയുന്നു. ചീഫ് സെക്രട്ടറിയുടെ റിപ്പോര്‍ട്ട് ലഭിച്ചാലുടന്‍ ഭൂമി ഇടപാടുമായി ബന്ധപ്പെട്ട് സര്‍ക്കാര്‍ യുക്തമായ നടപടി സ്വീകരിക്കുമെന്ന് മുഖ്യമന്ത്രി വി.എസ്. അച്യുതാനന്ദന്‍ കഴിഞ്ഞ മന്ത്രിസഭാ യോഗത്തിന് ശേഷം വ്യക്തമാക്കിയിരുന്നു.

    ചീഫ് സെക്രട്ടറിയുടെ സാന്നിധ്യത്തില്‍ യോഗം ചേര്‍ന്ന ശേഷം റവന്യു സെക്രട്ടറിയുമായി റവന്യുമന്ത്രിയുടെ പ്രൈവറ്റ് സെക്രട്ടറി അടക്കമുള്ളവര്‍ രാത്രി കൂടിക്കാഴ്ച നടത്തി. മിക്കവാറും വ്യാഴാഴ്ചത്തെ മന്ത്രിസഭാ യോഗത്തില്‍ തന്നെ ഇക്കാര്യം ചര്‍ച്ച ചെയ്യുമെന്ന് റവന്യു മന്ത്രിയുടെ ഓഫീസ് അറിയിച്ചു. സൈബര്‍ സിറ്റി പദ്ധതിയുടെ നിര്‍മാണ പ്രവര്‍ത്തനങ്ങള്‍ക്ക് അനുമതി നല്‍കരുതെന്നും സമിതികളമശേãരി മുനിസിപ്പാലിറ്റിക്ക് നിര്‍ദേശം നല്‍കിയിട്ടുണ്ട്.

    2. പ്രാഥമികാന്വേഷണത്തില്‍ വ്യവസായ മന്ത്രി പ്രതിക്കൂട്ടില്‍
    തൊടുപുഴ: എച്ച്.എം.ടി ഭൂമി വില്‍പനയെക്കുറിച്ച് അന്വേഷിക്കാന്‍ മന്ത്രിസഭ നിയോഗിച്ച ചീഫ് സെക്രട്ടറിയുടെ റിപ്പോര്‍ട്ടില്‍ വ്യവസായമന്ത്രി പ്രതിസ്ഥാനത്ത്. അന്വേഷണത്തിന്റെ പ്രാഥമിക വിവരങ്ങള്‍ ചീഫ് സെക്രട്ടറി മുഖ്യമന്ത്രിയെ അറിയിച്ചതായാണ് സൂചന. ഇന്നത്തെ മന്ത്രിസഭാ യോഗത്തില്‍ വെക്കത്തക്കവിധം റിപ്പോര്‍ട്ട് സമര്‍പ്പിക്കണമെന്നായിരുന്നു നിര്‍ദേശിച്ചിരുന്നത്.

    റിപ്പോര്‍ട്ട് പൂര്‍ണമാകാത്ത സാഹചര്യത്തില്‍ വ്യാഴാഴ്ചയേ സമര്‍പ്പിക്കാനാവൂ എന്ന് ചീഫ് സെക്രട്ടറി മുഖ്യമന്ത്രിയെ അറിയിച്ചിട്ടുണ്ട്.

    ഇന്നത്തെ മന്ത്രിസഭാ യോഗത്തിനുശേഷം റെയില്‍വേ ബജറ്റ് ചര്‍ച്ചക്ക് ദല്‍ഹിയില്‍ പോകുന്ന മുഖ്യമന്ത്രി ഭൂമി ഇടപാടുമായി ബന്ധപ്പെട്ട വിവരങ്ങള്‍ പാര്‍ട്ടി കേന്ദ്ര നേതൃത്വത്തിന് നേരിട്ട് റിപ്പോര്‍ട്ടുചെയ്ത് അഭിപ്രായം തേടും. പ്രാഥമിക റിപ്പോര്‍ട്ട് വ്യവസായ മന്ത്രിക്ക് എതിരായ സാഹചര്യത്തില്‍ മന്ത്രിയുടെ രാജി ആവശ്യപ്പെടുന്ന കാര്യമാണ് മുഖ്യമന്ത്രി സി.പി.എം കേന്ദ്ര നേതൃത്വത്തെ അറിയിക്കുക. എച്ച്.എം.ടിയുടെ ഭൂമിയുമായി ബന്ധപ്പെട്ട് ’72 മുതലുള്ള രേഖകള്‍ സവിസ്തരം പരിശോധിച്ച ചീഫ് സെക്രട്ടറിക്ക് ബ്ലൂസ്റ്റാര്‍ റിയല്‍റ്റേഴ്സിന് ഭൂമി നല്‍കുകയെന്ന ലക്ഷ്യത്തോടെയാണ് ഭൂമിയുടെ ടെണ്ടര്‍ നടപടികളും വിലനിര്‍ണയവും നടത്തിയത് എന്ന് വ്യക്തമായിട്ടുണ്ട്. എറണാകുളം കലക്ടര്‍ പോക്കുവരവ് തടഞ്ഞപ്പോള്‍ 2006 ജൂണ്‍ 6ന് ഉച്ചക്ക് 12ന് വ്യവസായ മന്ത്രിയുടെ ചേംബറില്‍ ബന്ധപ്പെട്ടവരുടെ യോഗം ചേര്‍ന്നു. പോക്കുവരവിന് സര്‍ക്കാര്‍ ഏര്‍പ്പെടുത്തിയ നിരോധം നീക്കംചെയ്യണമെന്ന് വ്യവസായ മന്ത്രി ആവശ്യപ്പെടുകയായിരുന്നുവെന്ന് യോഗത്തിന്റെ മിനുട്സ് വ്യക്തമാക്കുന്നു.

    റവന്യൂ മന്ത്രിയും യോഗതീരുമാനങ്ങള്‍ അംഗീകരിച്ചിരുന്നു. ഇതിനുശേഷം യോഗത്തിലേക്ക് ബ്ലൂസ്റ്റാര്‍ റിയല്‍റ്റേഴ്സ് പ്രതിനിധിയെ വിളിക്കുകയാണുണ്ടായത്.

    ഈ യോഗത്തില്‍ 70 ശതമാനം ഭൂമി ഐ.ടി വ്യവസായത്തിന് ഉപയോഗിക്കാമെന്നും 35,000ത്തിനും 45,000ത്തിനും ഇടക്ക് തൊഴില്‍ അവസരങ്ങള്‍ സൃഷ്ടിക്കാമെന്നും ബ്ലൂസ്റ്റാര്‍ റിയല്‍റ്റേഴ്സ് പ്രതിനിധി വെറുതെ പറയുക മാത്രമാണ് ചെയ്തത്. ഇതുസംബന്ധിച്ച് രേഖകളൊന്നും തയാറാക്കിയില്ല. ഐ.ടി വകുപ്പിന് പദ്ധതി സംബന്ധിച്ച രൂപരേഖ ബ്ലൂസ്റ്റാര്‍ റിയല്‍റ്റേഴ്സ് സമര്‍പ്പിച്ചിരുന്നു. എന്നാല്‍, സര്‍ക്കാറിന്റെ ഐ.ടി നയം അനുസരിച്ച ചര്‍ച്ചകള്‍ നടക്കുകയോ അനുവാദം ലഭിക്കുകയോ ചെയ്തിരുന്നില്ല. ഇത്തരമൊരു പദ്ധതി കാബിനറ്റില്‍ സമര്‍പ്പിക്കുകയോ അംഗീകാരം വാങ്ങുകയോ ഉണ്ടായില്ല. ഇതാണ് ചീഫ് സെക്രട്ടറി അധ്യക്ഷനായ കമ്മിറ്റി ഇതുസംബന്ധിച്ച് മുഖ്യമന്ത്രിക്ക് നല്‍കിയ പ്രാഥമിക വിവരങ്ങള്‍.

    3. പെട്രോള്‍, ഡീസല്‍ വില ഈയാഴ്ച വര്‍ധിപ്പിക്കും
    ന്യൂദല്‍ഹി: പെട്രോളിന് ലിറ്ററിന് രണ്ടു രൂപയും ഡീസലിന് ഒരു രൂപയും വര്‍ധിപ്പിച്ചേക്കും. വ്യാഴാഴ്ച ചേരുന്ന കേന്ദ്രമന്ത്രിസഭാ യോഗം ഈ നിര്‍ദേശം അംഗീകരിച്ചേക്കും. എന്നാല്‍ വര്‍ധിച്ചു നില്‍ക്കുന്ന രാജ്യാന്തര എണ്ണവിലയുടെ ആഘാതം ലഘൂകരിക്കുന്നതിന് തീരുവ കുറക്കാന്‍ ഇടയില്ല.

    പ്രണബ് മുഖര്‍ജി അധ്യക്ഷനായ മന്ത്രിതല സമിതി വിലവര്‍ധനക്കാര്യം കഴിഞ്ഞയാഴ്ച കേന്ദ്രമന്ത്രിസഭയുടെ പരിഗണനക്ക് വിട്ടിരുന്നു. വിഷയം ചര്‍ച്ചചെയ്യാന്‍ കേന്ദ്രമന്ത്രിസഭ ഇന്നലെ ചേര്‍ന്നേക്കുമെന്ന് സൂചനയുണ്ടായിരുന്നെങ്കിലും യോഗം നടന്നില്ല. വ്യാഴാഴ്ചയാണ് പതിവ് യോഗം. വില കൂട്ടാന്‍ സമ്മതിക്കാത്തതിനാല്‍ ഇക്കൊല്ലം 71,000 കോടി രൂപയുടെ നഷ്ടമാണ് ഉണ്ടാവുകയെന്നാണ് പൊതുമേഖലാ എണ്ണക്കമ്പനികള്‍ സര്‍ക്കാറിനെ അറിയിച്ചിരിക്കുന്നത്. പെട്രോളിന് ലിറ്ററിന് 10.57 രൂപ, ഡീസലിന് 11.56 രൂപ, മണ്ണെണ്ണക്ക് 19.89 രൂപ, പാചകവാതക സിലിണ്ടറിന് 331 രൂപ എന്നീ ക്രമത്തില്‍ നഷ്ടം വരുന്നുവെന്നാണ് കണക്ക്.

    വില കൂട്ടാതിരിക്കാന്‍ അസംസ്കൃത എണ്ണയുടെ ഇറക്കുമതി തീരുവ കുറക്കണമെന്നും പെട്രോള്‍, ഡീസല്‍ വിലയില്‍ ഒരു രൂപ വെച്ച് എക്സൈസ് തീരുവ ഇളവു ചെയ്യണമെന്നും പെട്രോളിയം മന്ത്രാലയം ആവശ്യപ്പെടുന്നുണ്ട്്. എന്നാല്‍ വില കൂട്ടുകയല്ലാതെ, തീരുവ ഇളവു ചെയ്യുന്നതിന് ധനമന്ത്രാലയം എതിരാണ്. 2006 ജൂണില്‍ അസംസ്കൃത എണ്ണ വില 67 ഡോളറില്‍ നിന്നപ്പോഴാണ് ഏറ്റവുമൊടുവില്‍ പെട്രോള്‍, ഡീസല്‍ വില കൂട്ടിയത്. പാചകവാതകത്തിന് സിലിണ്ടറിന്‍മേല്‍ 20 രൂപ കൂട്ടിയത് 2004 നവംബറിലാണ്. 2002ന് ശേഷം മണ്ണെണ്ണക്ക് വില വര്‍ധിപ്പിച്ചിട്ടില്ല. പെട്രോളിന് ഒരു രൂപ കൂട്ടിയാല്‍ പൊതുമേഖലാ സ്ഥാപനങ്ങള്‍ക്ക് പ്രതിമാസം 90 കോടി രൂപയുടെ അധിക വരുമാനം ഉണ്ടാവും. ഡീസല്‍ ഇനത്തില്‍ 360 കോടിയും കിട്ടും. ഗ്യാസിന് 10 രൂപ കൂട്ടിയാല്‍ 58 കോടി അധികം കിട്ടും. സര്‍ക്കാര്‍ പുറപ്പെടുവിച്ച എണ്ണ ബോണ്ടുകളിലൂടെ 43 ശതമാനം വരെ നഷ്ടം നികത്തപ്പെടുന്നുണ്ട്.

    4. വ്യക്തികള്‍ക്കുവേണ്ടിയുള്ള ഭരണഘടനാഭേദഗതി എതിര്‍ക്കുമെന്ന് സി.പി.ഐ
    ന്യൂദല്‍ഹി: തെരഞ്ഞെടുപ്പ് കമീഷനിലെ മൂന്ന് അംഗങ്ങള്‍ക്കും തുല്യപദവി നല്‍കി ഭരണഘടന ഭേദഗതി ചെയ്യാനുള്ള കോണ്‍ഗ്രസിന്റെ നീക്കത്തിന് തുടക്കത്തിലേ തിരിച്ചടി. വ്യക്തികള്‍ക്കുവേണ്ടിയുള്ള ഭരണഘടനാ ഭേദഗതിയെ പിന്തുണക്കില്ലെന്ന് സി.പി.ഐ ജനറല്‍ സെക്രട്ടറി എ.ബി. ബര്‍ദാന്‍ വ്യക്തമാക്കി. ഭരണഘടനാ ഭേദഗതിക്ക് പാര്‍ലമെന്റിന്റെ മൂന്നില്‍ രണ്ടു ഭൂരിപക്ഷം വേണമെന്നിരിക്കെ സി.പി.ഐ നിലപാട് കോണ്‍ഗ്രസിന് തിരിച്ചടിയാണ്.

    കോണ്‍ഗ്രസുമായുള്ള അടുപ്പത്തിന്റെ പേരില്‍ കമീഷന്‍ അംഗമായ നവീന്‍ ചൌളയെ പുറത്തുചാടിക്കാനുള്ള ബി.ജെ.പി നീക്കം തടയുന്നതിനാണ് ഭരണഘടനാഭേദഗതിയെക്കുറിച്ച് കോണ്‍ഗ്രസ് ആലോചന തുടങ്ങിയത്. ചൌളയെ പുറത്താക്കണമെന്നാവശ്യപ്പെട്ട് ബി.ജെ.പി മുഖ്യതെരഞ്ഞെടുപ്പ് കമീഷണര്‍ക്ക് പരാതി നല്‍കിയ സാഹചര്യത്തില്‍ ഭരണഘടനാഭേദഗതി എന്ന ആയുധം കോണ്‍ഗ്രസ്പുറത്തെടുക്കുകയായിരുന്നു.

    ഭരണഘടന ഓരോ ദിവസവും ഭേദഗതി ചെയ്യാനാവില്ലെന്നും നവീന്‍ചൌളയെ രക്ഷിക്കുന്നതിനായി ഭരണഘടന ഭേദഗതിചെയ്യുന്നതിനെ എതിര്‍ക്കുമെന്നും ബര്‍ദാന്‍ വ്യക്തമാക്കി. മറ്റ് ഇടതുപാര്‍ട്ടികളും ഇതേ നിലപാട് സ്വീകരിക്കാനാണ് സാധ്യത.

    ബി.ജെ.പിയോട് അടുപ്പമുണ്ടെന്ന് കരുതുന്ന മുഖ്യതെരഞ്ഞെടുപ്പ് കമീഷണര്‍ എന്‍. ഗോപാലസ്വാമി അടുത്ത തെരഞ്ഞെടുപ്പിന് മുമ്പ് വിരമിക്കും. സീനിയോറിറ്റി അനുസരിച്ച് ചൌള മുഖ്യ തെരഞ്ഞെടുപ്പ് കമീഷണറാകും. കോണ്‍ഗ്രസിന്റെ വിശ്വസ്തനായി അറിയപ്പെടുന്ന ചൌള ഉടന്‍ മുഖ്യതെരഞ്ഞെടുപ്പ് കമീഷണറാകുന്ന സാഹചര്യം ബി.ജെ.പി ആഗ്രഹിക്കുന്നില്ല.

    നിലവിലുള്ള മൂന്ന് കമീഷന്‍ അംഗങ്ങളില്‍ ഗോപാലസ്വാമി ഒഴികെയുള്ളവരെല്ലാം യു.പി.എ നോമിനികളാണ്.
    നരസിംഹറാവു പ്രധാനമന്ത്രി ആയിരിക്കെ അന്നത്തെ കമീഷണര്‍ ടി.എന്‍.ശേഷനുമായുള്ള അഭിപ്രായ വ്യത്യാസത്തെത്തുടര്‍ന്നാണ് കമീഷന്‍ ബഹു അംഗ സമിതിയാക്കിയത്. കമീഷന്റെ തീരുമാനങ്ങള്‍ ഭൂരിപക്ഷത്തിന്റെ അടിസ്ഥാനത്തിലായിരിക്കണമെന്ന് സുപ്രീം കോടതി നിര്‍ദേശം നല്‍കുകയും ചെയ്തിരുന്നു. തെരഞ്ഞെടുപ്പ് കമീഷന്‍ അംഗത്തെ മുഖ്യതെരഞ്ഞെടുപ്പ് കമീഷണര്‍ പുറത്താക്കിയ സംഭവം ഉണ്ടായിട്ടില്ല. ബി.ജെ.പി ആവശ്യം അംഗീകരിച്ച് ചൌളയെ പുറത്താക്കിയാല്‍ അതൊരു പുതിയ കീഴ്വഴക്കമാകും.

    ഭരണഘടനാ പ്രതിസന്ധിയും സൃഷ്ടിക്കും. ഉദ്യോഗസ്ഥരെ രക്ഷിക്കാന്‍ ഭേദഗതികൊണ്ടുവരുന്നത് ഭരണഘടനയോടുള്ള വെല്ലുവിളിയാണെന്ന് നിയമ വിദഗ്ധര്‍ അഭിപ്രായപ്പെടുന്നുണ്ട്.

    5. കോടികളുടെ നിക്ഷേപ തട്ടിപ്പ്: മലയാളിക്കെതിരെ പ്രവാസികള്‍ നിയമനടപടിക്കൊരുങ്ങുന്നു
    ബാംഗ്ലൂര്‍: ബാംഗ്ലൂരില്‍ പ്ലോട്ടുകളിലും അപ്പാര്‍ട്ട്മെന്റുകളിലും മുതല്‍മുടക്കി കബളിപ്പിക്കപ്പെട്ട പ്രവാസി മലയാളികള്‍ നിയമനടപടിക്കൊരുങ്ങുന്നു. ബാംഗ്ലൂരിലെ പ്രമുഖ റിയല്‍ എസ്റ്റേറ്റ് വ്യവസായിയും മലയാളിയുമായ ജോസഫ് ചാക്കോക്കും, ചാക്കോസ് എസ്റ്റേറ്റ് ഹൌസിംഗ് ഡെവലപ്മെന്റ് കോര്‍പറേഷനുമെതിരെയാണ് തട്ടിപ്പിനിരയായവര്‍ രൂപവത്കരിച്ച അഥീന തേര്‍ഡ് സ്റ്റേജ് സൈറ്റ് ഓണേഴ്സ് അസോസിയേഷന്‍ കോടതിയെ സമീപിക്കുന്നത്.

    സൈറ്റുകളും അപ്പാര്‍ട്ടുമെന്റുകളും കരാറെഴുതി വില്‍പന നടത്തുകയും, വസ്തു പിന്നീട് ഒന്നിലേറെപ്പേര്‍ക്ക് വില്‍പന നടത്തി കബളിപ്പിക്കുകയുമായിരുന്നെന്ന്അസോസിയേഷന്‍ ആരോപിച്ചു. ബാംഗ്ലൂര്‍ സെന്‍ട്രല്‍ ക്രൈംബ്രാഞ്ച് ഉള്‍പ്പെടെ വിവിധ പോലിസ് സ്റ്റേഷനുകളില്‍ തട്ടിപ്പിനിരയായവര്‍ നിരവധി പരാതികള്‍ നല്‍കിയെങ്കിലും തുടര്‍നടപടികള്‍ ഇല്ലാത്തതിനെ തുടര്‍ന്നാണ് നിയമ നടപടിക്കൊരുങ്ങുന്നതെന്ന് അസോസിയേഷന്‍ പ്രസിഡന്റ് ബിജു എം. പാറേല്‍ പറഞ്ഞു. തട്ടിപ്പിനിരയായ രണ്ടായിരത്തിലേറെ പേര്‍ അസോസിയേഷനുമായി ബന്ധപ്പെട്ടുകഴിഞ്ഞുവെന്നും പദ്ധതിയില്‍ പണംമുടക്കിയവര്‍ക്ക് നിയമനടപടികളെക്കുറിച്ച് കൂടുതല്‍ വിവരങ്ങള്‍ cehdbangalore.com എന്ന വെബ്വിലാസത്തില്‍ നിന്ന് ലഭിക്കുമെന്നും അദ്ദേഹം പറഞ്ഞു.

    തട്ടിപ്പിനിരയായവര്‍ നേരത്തെ അഥീന വെല്‍ഫെയര്‍ സൊസൈറ്റി, ക്രൌണ്‍ പ്ലാസ ഫ്ലാറ്റ് ഓണേഴ്സ് അസോസിയേഷന്‍ എന്നീ അസോസിയേഷനുകള്‍ രൂപവത്കരിച്ചിട്ടുണ്ട്. ഇവരുടെ പരാതികളുടെ അടിസ്ഥാനത്തില്‍ നിയമനടപടികള്‍ ആരംഭിച്ചെങ്കിലും പ്രതികള്‍ ഉന്നതങ്ങളിലെ സ്വാധീനം ഉപയോഗപ്പെടുത്തി നിയമത്തെ വെല്ലുവിളിക്കുകയാണെന്ന് ആരോപണമുണ്ട്. ക്രൌണ്‍ പ്ലാസ ഫ്ലാറ്റ് ഓണേഴ്സ് അസോസിയേഷന്‍ ഇതുസംബന്ധിച്ച് നല്‍കിയ ഹരജിയില്‍ ജോസഫ് ചാക്കോക്കെതിരെ അന്വേഷണം കഴിഞ്ഞയാഴ്ച ഹൈക്കോടതി സ്റ്റേ ചെയ്തിരുന്നു.

    ഖത്തര്‍, കുവൈത്ത്, ബഹ്റിന്‍, അമേരിക്ക, കാനഡ എന്നിവിടങ്ങളിലുള്ള മലയാളികളില്‍ നിന്ന് 10 മുതല്‍ 20 ലക്ഷം വരെയാണ് പ്ലോട്ടുകള്‍ക്കും അപ്പാര്‍ട്ടുമെന്റുകള്‍ക്കുമായി ഈടാക്കിയത്. 2003 ല്‍ ഗള്‍ഫ് പത്രങ്ങളില്‍ പരസ്യം നല്‍കിയാണ് നിക്ഷേപം ആകര്‍ഷിച്ചത്. പലരും ഒന്നിലേറെ നിക്ഷേപങ്ങള്‍ നടത്തുകയും ചെയ്തു. ബാംഗ്ലൂര്‍, മുംബൈ, പൂനെ എന്നിവിടങ്ങളിലുള്ളവരും തട്ടിപ്പിനിരയായി.

    പ്രതിവര്‍ഷം 35 ശതമാനംവരെ ലാഭ വിഹിതവും കമ്പനി വാഗ്ദാനം ചെയ്തു. ക്രൌണ്‍ പ്ലാസ സര്‍വീസ് അപ്പാര്‍ട്ട്മെന്റ്സ്, പാര്‍ക്ക് അവന്യു ടൌണ്‍ഷിപ്പ്, എലീഷ്യ ടൌണ്‍ഷിപ്പ്, ഗ്രേഷ്യ ഗ്രീന്‍സ്, ആഷിയാന ടൌണ്‍ഷിപ്പ്, അഥീന ഹാവെന്‍സ്, അഥീന ടൌണ്‍ഷിപ്പ് ഫസ്റ്റ്^സെക്കന്റ് ആന്റ് തേര്‍ഡ്, പ്ലാനെറ്റ് റിജന്‍സി പദ്ധതികളിലാണ് കമ്പനി നിക്ഷേപം ക്ഷണിച്ചത്. പദ്ധതിയില്‍ ചേര്‍ന്നവര്‍ ബന്ധുക്കളെക്കൊണ്ടും സുഹൃത്തുക്കളെക്കൊണ്ടും മുതല്‍മുടക്ക് നടത്തിച്ചു.

    ടൌണ്‍ഷിപ്പുകളും സൈറ്റുകളും കാണാതെ വിദേശത്ത് വെച്ചുതന്നെ മിക്കവരും കരാറില്‍ ഒപ്പിടുകയായിരുന്നു. എന്നാല്‍ ബാംഗ്ലൂരിലെത്തി രേഖകള്‍ പരിശോധിച്ചപ്പോഴാണ് ഉടമാവകാശം ഇല്ലെന്നറിയുന്നത്. രജിസ്ട്രാറെ ഉപയോഗപ്പെടുത്തി ഉടമാവകാശം സി.ഇ.എച്ച്.ഡി കോര്‍പറേഷനില്‍ നിലനിര്‍ത്തുകയായിരുന്നു. ആദ്യം വില്‍പന ചെയ്തശേഷം പ്ലാനുകളില്‍ മാറ്റം വരുത്തി വീണ്ടും വീണ്ടും വില്‍പന നടത്തിയതായും തട്ടിപ്പിനിരയായവര്‍ ആരോപിച്ചു. അയ്യായിരത്തോളം പേര്‍ അഞ്ഞൂറ് കോടിയിലേറെ രൂപ വിവിധ പദ്ധതികളിലായി മുടക്കിയെന്ന് അസോസിയേഷന്‍ പ്രതിനിധികള്‍ പറഞ്ഞു.

    നിക്ഷേപത്തട്ടിപ്പിനെ തുടര്‍ന്ന് ഖത്തറിലെ മലയാളികള്‍ ഇന്ത്യന്‍ എംബസിയില്‍ പരാതിപ്പെട്ടതിനെ തുടര്‍ന്ന് ഖത്തര്‍ അംബാസഡര്‍ സംസ്ഥാന ചീഫ് സെക്രട്ടറിക്കും മുഖ്യമന്ത്രി എച്ച്.ഡി കുമാരസ്വാമിക്കും നേരത്തെ കത്തയച്ചിരുന്നു. ഇതേതുടര്‍ന്ന് ക്രൌണ്‍പ്ലാസ ഹോട്ടല്‍ പോലിസ് റെയ്ഡ് നടത്തി ജീവനക്കാരെ അറസ്റ്റുചെയ്തു. ജോസഫ് ചാക്കോയെ പിടികൂടാനായില്ല. പിന്നീട് രാഷ്ട്രപതി ഭരണം വന്നതോടെ തുടര്‍നടപടികള്‍ നിലച്ചു. ഇതിനിടെ അഥീന തേര്‍ഡ് സ്റ്റേജ് നിക്ഷേപകര്‍ സംഘടിച്ച് തിരിച്ചുപിടിച്ച് നിയന്ത്രണത്തിലാക്കി.

    6. 373 മില്യന്‍ ദീനാറിന്റെ പുതിയ വ്യവസായ സംരംഭങ്ങള്‍; 7,348 തൊഴിലവസരങ്ങള്‍
    മനാമ: രാജ്യത്തെ വ്യവസായ മേഖല കൈവരിച്ച നേട്ടം ഏറെ തൊഴിലവസരങ്ങള്‍ സൃഷ്ടിച്ചതായി കഴിഞ്ഞ ദിവസം ചേര്‍ന്ന മന്ത്രിസഭാ യോഗം വിലയിരുത്തി. പോയ വര്‍ഷം മൊത്തം 304 വ്യവസായ സംരംഭങ്ങള്‍ ആരംഭിക്കുന്നതിന് പ്രാഥമിക അംഗീകാരവും ഇതില്‍ 108 എണ്ണത്തിന് അന്തിമ അംഗീകാരവും നല്‍കിയിട്ടുണ്ട്. ഇവയുടെ മൊത്തം പദ്ധതി അടങ്കല്‍ 373 മില്യന്‍ ദീനാറാണ്. ഈ പദ്ധതികള്‍ യാഥാര്‍ഥ്യമാവുന്നതോടെ രാജ്യത്ത് മൊത്തം 7348 തൊഴിലവസരങ്ങള്‍ സൃഷ്ടിക്കപ്പെടും.

    ഉപപ്രധാനമന്ത്രി ശൈഖ് മുഹമ്മദ് ബിന്‍ മുബാറക് ആല്‍ഖലീഫയുടെ അധ്യക്ഷതയില്‍ ചേര്‍ന്ന യോഗത്തില്‍ അടുത്ത മുന്നുവര്‍ഷത്തിനുള്ളില്‍ ടെലികമ്യൂണിക്കേഷന്‍ മേഖലയില്‍ കൂടുതല്‍ നേട്ടം കൈവരിക്കുന്നതിനാവശ്യമായ പദ്ധതികള്‍ ആവിഷ്കരിക്കുന്നതിന് അംഗീകാരം നല്‍കി.

    ടെലികമ്യൂണിക്കേഷന്‍ രംഗം പരിഷ്കരിക്കുന്നതിനും പുതിയ നയങ്ങള്‍ രുപപ്പെടുത്തുന്നതിനും ശ്രമിക്കും. അന്താരാഷ്ട്ര കമ്പനികള്‍ രാജ്യത്തേക്ക് ആകര്‍ഷിക്കുന്നതിനാവശ്യമായ പരിഷ്കരണങ്ങള്‍ വരുത്താനാണ് പദ്ധതി. ഉപഭോക്താക്കളെ കൂടി പങ്കാളികളാക്കി പദ്ധതികള്‍ വിപുലപ്പെടുത്തുകയും അവരുടെ അവകാശങ്ങള്‍ സംരക്ഷിക്കുന്നതിന് മുന്‍ഗണന നല്‍കുകയും ചെയ്യും. ടെലികമ്യൂണിക്കേഷന്‍ രംഗത്ത് സ്വകാര്യ മേഖലക്ക് കടന്നുവരാനാവശ്യമായ അടിസ്ഥാന സൌകര്യങ്ങളൊരുക്കുന്നതില്‍ ശ്രദ്ധ കേന്ദ്രീകരിക്കും.

    വ്യവസായ സംരംഭകരെയും നിക്ഷേപകരെയും വ്യാപകമായി ഇന്റര്‍നെറ്റ് ഉപയോഗിക്കാന്‍ പ്രേരണ നല്‍കും. അടുത്ത ജനുവരി മുതല്‍ മുഴുവന്‍ സര്‍ക്കാര്‍ ഇടപാടുകള്‍ക്കും ഐഡന്റിറ്റി കാര്‍ഡ് ഉപയോഗിക്കുന്നത് നടപ്പാക്കാന്‍ മന്ത്രിസഭ തീരുമാനിച്ചു. കാര്‍ഡ് റീഡ് ചെയ്ത് വിവരം ലഭ്യമാക്കുന്നതിനാവശ്യമായ മെഷീനുകള്‍ എല്ലാ മന്ത്രാലയങ്ങളിലും ലഭ്യമാക്കും. റോയല്‍ ചാരിറ്റി ഓര്‍ഗനൈസേഷന്‍ പ്രവര്‍ത്തനങ്ങള്‍ കുട്ടികള്‍ക്കും വൃദ്ധര്‍ക്കും കൂടുതല്‍ പരിചരണം നല്‍കുന്നതിന് ശ്രദ്ധ കേന്ദ്രീകരിക്കുന്നതിനും മന്ത്രിസഭ തീരുമാനിച്ചു. ഇതിന് കോര്‍ഡിനേഷന്‍ നടത്താന്‍ സാമൂഹ്യക്ഷേമ മന്ത്രാലയവുമായി സഹകരിച്ച് പ്രവര്‍ത്തിക്കുന്നതിനും അംഗീകാരം നല്‍കി.

    7. കോണ്‍സുലേറ്റ് ഇടപെട്ടു; താഇഫിലെ ഇന്ത്യന്‍ തൊഴിലാളികളുടെ പ്രശ്നത്തിന് പരിഹാരമായി
    ജിദ്ദ: താഇഫിലെ ക്ലീനിംഗ് കമ്പനി മാസങ്ങളായി ഇന്ത്യന്‍ തൊഴിലാളികളുടെ ശമ്പളവും ലീവും മറ്റാനുകൂല്യങ്ങളും തടഞ്ഞുവച്ച് പ്രശ്നത്തില്‍ ഇന്ത്യന്‍ കോണ്‍സുലേറ്റിന്റെ ഇടപെടല്‍ തൊഴിലാളികള്‍ക്ക് ആശ്വാസമായി. കോണ്‍സുലേറ്റിന്റെ ഇടപെടലിന്റെ തുടര്‍ന്ന് പ്രശ്നം ഇന്ത്യാ ഗവണ്‍മെന്റിന്‍െയും സൌദി സര്‍ക്കാരിന്റെയും ശ്രദ്ധയില്‍ പെട്ടതോടെ നൂറുകണക്കിന്് ഇന്ത്യന്‍ തൊളിലാളികള്‍ക്ക് തടഞ്ഞുവെച്ച ആനുകൂല്യങ്ങള്‍ ലഭിക്കുകയും കുറേപേര്‍ക്ക് നാട്ടിലേക്ക് മടങ്ങാനാവുകയും ചെയ്തു.

    ഒരുവര്‍ഷം മുമ്പാണ് താഇഫിലെ പ്രമുഖ ക്ലീനിംഗ് കമ്പനിയിലെ നൂറുകണക്കിന് ഇന്ത്യന്‍ തൊഴിലാളികള്‍ പരാതിയുമായി ഇന്ത്യന്‍ കോണ്‍സുലേറ്റിനെ സമീപിച്ചത്. തുടര്‍ന്ന് പ്രശ്നത്തിന്റെ നിജസ്ഥിതി അന്വേഷിക്കാനായി ഇന്ത്യന്‍ കോണ്‍സുലേറ്റില്‍നിന്ന് വെല്‍ഫെയര്‍ വൈസ് കോണ്‍സുല്‍ വിവേക് ജെഫും സംഘവും താഇഫിലെ കമ്പനി ക്യാമ്പ് സന്ദര്‍ശിച്ചിരുന്നു. രോഗിയായിട്ടും നാട്ടില്‍പോകാനാവാതെ കഷട്പ്പെടുന്നവര്‍, കുറഞ്ഞ ശമ്പളം മാസങ്ങളായി തടഞ്ഞുവെച്ചതിനാല്‍ നിത്യച്ചെലവിന് പ്രയാസപ്പെടുന്നവര്‍, കമ്പനി വിസയില്‍ എത്തിയിട്ടും വര്‍ഷങ്ങളായി ഇഖാമ ലഭിക്കാത്തവര്‍, കരാര്‍ പ്രകാരമുളള ലീവ് അനുവദിക്കാത്തതിനാല്‍ നാട്ടില്‍പോകാന്‍ കഴിയാത്തവര്‍ തുടങ്ങി വിവിധ പ്രശ്നങ്ങളിലകപ്പെട്ട 220 ഇന്ത്യന്‍ തൊഴിലാളികളെയാണ് ക്യാമ്പില്‍ കോണ്‍സുലേറ്റ് സംഘം ക്യാമ്പില്‍ സന്ദര്‍ശിച്ചത്. ഓരോരുത്തരുടേയും വിവരങ്ങള്‍ കേട്ടറിഞ്ഞ സംഘം പ്രശ്നം സൌദി തൊഴില്‍ വകുപ്പിന്റേയും കേന്ദ്ര സര്‍ക്കാരിന്റെയും ശ്രദ്ധയില്‍ കൊണ്ടുവരികയായിരുന്നു. അതനുസരിച്ച് ഇന്ത്യാ ഗവണ്‍മെന്റ് ഇന്ത്യയിലെ റിക്രൂട്ടിംഗ് ഏജന്‍സികള്‍ക്കെതിരെ നടപടിയെടുത്തിരുന്നു.

    സൌദി തൊഴില്‍ മന്ത്രാലയത്തിന്റെ നിര്‍ദേശപ്രകാരം കമ്പനി എം.ഡി ഇന്ത്യന്‍ കോണ്‍സുലേറ്റ് അധികാരികളുമായി ചര്‍ച്ച നടത്തിതിന്റെ അടിസ്ഥാനത്തില്‍ ഇന്ത്യക്കാരുടെ മുഴുവന്‍ പ്രശ്നവും പരിഹരിച്ചു. അതോടെ ഒരുവര്‍ഷമായി നിലനില്‍ക്കുന്ന തൊഴില്‍ പ്രശ്നത്തിന് പരിഹാരമായി. കഴിഞ്ഞ ജനുവരി 29ന് വെല്‍ഫെയര്‍ വൈസ് കോണ്‍സുല്‍ വിവേക് ജെഫ്, അംജദ്, താഇഫിലെ സാമൂഹിക പ്രവര്‍ത്തകനായ ജമാല്‍ എന്നിവര്‍ ക്യാമ്പ് വീണ്ടും സന്ദര്‍ശിക്കുകയും ഇന്ത്യക്കാര്‍ പൂര്‍ണ സംതൃപ്തരാണെന്ന് ഉറപ്പുവരുത്തുകയും ചെത്തിരുന്നു. നേരത്തെയുണ്ടായിരുന്ന 220 ഇന്ത്യക്കാരില്‍ 99 പേരാണ് ഇപ്പോള്‍ കമ്പനിയിലുള്ളത്. 18 പേര്‍ അവധിയില്‍ നാട്ടിലാണ്. ബാക്കിയുള്ളവര്‍ ആനുകൂല്യങ്ങള്‍ കൈപ്പറ്റി നാട്ടിലേക്ക് മടങ്ങിയതായി കോണ്‍സുലേറ്റ് വെല്‍ഫെയര്‍ വിഭാഗം വൈസ് കോണ്‍സുല്‍ വിവേക് ജെഫ് ‘ഗള്‍ഫ് മാധ്യമ’ത്തോട് പറഞ്ഞു.

    ഇത്തരം പ്രശ്നങ്ങളില്‍ കാര്യക്ഷമമായ ഇടപെടല്‍ കോണ്‍സുലേറ്റിന്റെ ഭാഗത്ത് നിന്നുണ്ടാവുമെന്നും അതിനാല്‍ പ്രശ്നങ്ങള്‍ കോണ്‍സുലേറ്റിന്റെ ശ്രദ്ധയില്‍ പെടുത്താന്‍ മടിക്കരുതെന്നും വെല്‍ഫെയര്‍ കോണ്‍സുല്‍ കുന്നത്ത് കെ. വിജയന്‍ പറഞ്ഞു.

    8. എയര്‍ ഇന്ത്യ എക്സ്പ്രസ് അബൂദബി_കോഴിക്കോട് പ്രതിദിന സര്‍വീസ് 18 മുതല്‍
    അബൂദബി: എയര്‍ഇന്ത്യ എക്സ്പ്രസ് അബൂദബിയില്‍ നിന്ന് കോഴിക്കോട്ടേക്ക് നേരിട്ടുള്ള പ്രതിദിന സര്‍വീസ് തുടങ്ങുന്നു. ഈമാസം 18മുതലാണ് ദിവസവും കോഴിക്കോട്ടേക്ക് നേരിട്ട് സര്‍വീസ് ആരംഭിക്കുന്നതെന്ന് അബുദബി, അല്‍^ഐന്‍ എയര്‍ഇന്ത്യ ഏരിയാ മാനേജര്‍ ലക്ഷ്മണന്‍ ‘ഗള്‍ഫ് മാധ്യമ’ത്തോട് പറഞ്ഞു. ഇപ്പോള്‍ ആഴ്ചയില്‍ അഞ്ചുദിവസമാണ് കോഴിക്കോട്ടേക്ക് സര്‍വീസുള്ളത്. ഇവയില്‍ പലതും തിരുവനന്തപുരം വഴിയാണ് കോഴിക്കോട്ടെത്തുന്നത്.

    നേരിട്ടുള്ള സര്‍വീസ് ആരംഭിക്കുന്നതോടെ യാത്രാ സമയത്തില്‍ മണിക്കൂറുകളുടെതന്നെ കുറവ് അനുഭവപ്പെടും. വിമാനം തിരുവനന്തപുരത്ത് ഇറങ്ങി വീണ്ടും കോഴിക്കോട്ടേക്ക് യാത്രചെയ്യുന്നതുവഴിയുള്ള അസൌകര്യവും ഇല്ലാതാകും. മലബാര്‍ ഭാഗത്തേക്ക് യാത്രക്കാരുടെ എണ്ണം വര്‍ധിച്ച സാഹചര്യത്തിലാണ് കൂടുതല്‍ സര്‍വീസുകള്‍ ആരംഭിക്കുന്നതെന്നും അദ്ദേഹം പറഞ്ഞു. കോഴിക്കോട്ടേക്കുള്ള പ്രതിദിന സര്‍വീസ് പുലര്‍ച്ചെ 2.10നാണ് അബൂദബിയില്‍ നിന്ന് പുറപ്പെടുക. രാവിലെ 7.15ന് കോഴിക്കോട്ടെത്തും. ഈ മാസം 18മുതല്‍ തിരുവനന്തപുരത്തേക്ക് ആഴ്ചയില്‍ അഞ്ചുദിവസം എയര്‍ഇന്ത്യ എക്സ്പ്രസ് സര്‍വീസ് നടത്തുമെന്നും അദ്ദേഹം പറഞ്ഞു.

    രാത്രി 10.45ന് അബൂദബിയില്‍ നിന്ന് പുറപ്പെട്ട് പുലര്‍ച്ചെ 4.05ന് തിരുവനന്തപുരത്ത് ഇറങ്ങും. ആഴ്ചയില്‍ അഞ്ചുദിവസം കൊച്ചിയിലേക്കും സര്‍വീസുണ്ടാകും. രാത്രി 12.45ന് അബൂദബിയില്‍നിന്ന് പുറപ്പെട്ട് പുലര്‍ച്ചെ 5.55ന് നെടുമ്പാശേãരിയില്‍ ഇറങ്ങും. പുതിയ സര്‍വീസുകള്‍ ആരംഭിക്കുന്നതോടെ കേരളത്തിലേക്കുള്ള എയര്‍ഇന്ത്യ എക്സ്പ്രസ് സീറ്റിന്റെ എണ്ണത്തില്‍ 22ശതമാനം വര്‍ധനവുണ്ടാകുമെന്നും അദ്ദേഹം വിശദീകരിച്ചു.

    സര്‍വീസുകളുടെ എണ്ണം വര്‍ധിക്കുന്നതോടെ വടക്കന്‍ കേരളത്തില്‍ നിന്നുള്ള പ്രവാസികള്‍ അനുഭവിച്ചുവന്നിരുന്ന യാത്രാ പ്രശ്നത്തിന് ഒരളവുവരെ പരിഹാരമാവും. വേനലവധി, പെരുന്നാള്‍^ക്രിസ്മസ്^പുതുവത്സര ആഘോഷ സമയത്തും കോഴിക്കോട് സെക്ടറില്‍ വന്‍ തിരക്കാണ് അനുഭവപ്പെടുന്നത്. എമിറേറ്റ്സ് എയര്‍ലൈന്‍സും എയര്‍ അറേബ്യയും അല്‍ഇത്തിഹാദ് എയര്‍വേയ്സും താമസിയാതെ കോഴിക്കോടേക്ക് സര്‍വീസ് ആരംഭിക്കുമെന്ന സൂചനയും പ്രവാസികള്‍ക്ക് പ്രതീക്ഷ നല്‍കുന്നുണ്ട്.

    1. പോക്കുവരവ്: ഉത്തരവാദികള്‍ മന്ത്രിമാരെന്ന് യൂണിയനുകള്‍
    കൊച്ചി: എച്ച്.എം.ടി ഭൂമി ഇടപാടില്‍ വ്യവസായ മന്ത്രി എളമരം കരീമിനെ പരസ്യമായി ന്യായീകരിച്ച സി.ഐ.ടി.യു. കോടിയേരി കമ്മിഷനു മുന്നില്‍ നാടകീയമായി നിലപാട് മാറ്റി.
    എച്ച്.എം.ടി വിറ്റ ഭൂമിയുടെ പോക്കുവരവ് നടത്താന്‍ അനുമതി നല്‍കിയതിന്റെ ഉത്തരവാദിത്വം ഇതിനായി ചേര്‍ന്ന യോഗത്തില്‍ പങ്കെടുത്ത മന്ത്രിമാര്‍ക്കാണെന്നാണ് യൂണിയന്‍ കോടിയേരി കമ്മിഷന്‍ മുമ്പാകെ ബോധിപ്പിച്ചത്.
    സി.പി.എം സംസ്ഥാന കമ്മിറ്റി നിശ്ചയിച്ച പ്രകാരം വിവാദ ഭൂമി ഇടപാടിനെകുറിച്ച് അന്വേഷണം നടത്തുന്ന മന്ത്രിമാരായ കോടിയേരി ബാലകൃഷ്ണനും തോമസ് ഐസക്കും തിങ്കളാഴ്ച വൈകിട്ടാണ് എറണാകുളം ഗസ്റ്റ് ഹൌസില്‍ തെളിവെടുപ്പ് നടത്തിയത്. പാര്‍ട്ടി ജില്ലാ സെക്രട്ടറി ഗോപി കോട്ടമുറിക്കല്‍, കെ.എന്‍. ഗോപിനാഥ്, എ.എം. യൂസഫ് എം.എല്‍.എ. എന്നിവരെയും സി.ഐ.ടി.യു നേതൃത്വത്തിലുള്ള എച്ച്.എം.ടി. എംപ്ളോയീസ് യൂണിയന്‍ ഭാരവാഹികളെയും തെളിവെടുപ്പിനായി വിളിച്ചുവരുത്തിയിരുന്നു.
    എച്ച്.എം.ടി.യുടെ കൈവശമുള്ള ഉപയോഗിക്കപ്പെടാത്ത ആസ്തികള്‍ കമ്പനി നേരിടുന്ന പ്രതിസന്ധി മറികടക്കാന്‍ വില്‍ക്കുന്നതില്‍ തെറ്റില്ലെന്നായിരുന്നു യൂണിയന്റെ ആദ്യനിലപാട്. കമ്പനി 70 ഏക്കര്‍ വില്‍ക്കുമ്പോള്‍ 30 ഏക്കര്‍ ജീവനക്കാര്‍ക്ക് വീട് വയ്ക്കാന്‍ നല്‍കുന്നത് സ്വാഗതം ചെയ്ത യൂണിയന്‍, ഭൂമി തങ്ങള്‍ക്ക് മാര്‍ക്കറ്റ് വിലയ്ക്ക് നല്‍കണമെന്നും ആവശ്യപ്പെട്ടിരുന്നു.
    സൈബര്‍ സിറ്റിക്കുവേണ്ടി ഭൂമി വാങ്ങിയ ബ്ളൂസ്റ്റാര്‍ റിയല്‍റ്റേഴ്സ് റിയല്‍ എസ്റ്റേറ്റ് കച്ചവടത്തിനു തുനിഞ്ഞാല്‍ അതിനെ എതിര്‍ക്കുമെന്ന് യൂണിയന്‍ സെക്രട്ടറി ഡി.സതീഷ്കുമാര്‍ പരസ്യ പ്രസ്താവന നടത്തി യിരുന്നു. ഭൂമി ഇടപാടിന്റെ പേരില്‍ മന്ത്രി എളമരം കരീമിനെതിരെ ആക്രമണം നടത്തുന്നതിനെ സെക്രട്ടറി അപലപിക്കുകയും ചെയ്തു.
    എന്നാല്‍ കോടിയേരി കമ്മിഷന്‍ മുമ്പാകെ യൂണിയന്‍ ഭാരവാഹികള്‍ ഇതിനു വിരുദ്ധമായ നിലപാടാണ് കൈകൊണ്ടത്. തൊഴിലാളികളുടെ ആവശ്യത്തിനായി 30 ഏക്കര്‍ ഭൂമി വിട്ടുകിട്ടുന്നതിനും ആ ഭൂമി പോക്കുവരവ് നടത്തിക്കുന്നതിനെയും മാത്രം അനുകൂലിക്കുന്ന നിലപാടാണ് തങ്ങളുടേതെന്ന് യൂണിയന്‍ നേതൃത്വം കോടിയേരി കമ്മിഷന്‍ മുമ്പാകെ വ്യക്തമാക്കിയതായാണ് സൂചന.
    തൊഴിലാളികളുടെ കാര്യത്തിനല്ലാതെ 70 ഏക്കര്‍ ഭൂമിയുടെ പോക്കുവരവ് നടത്തിയതുമായി ബന്ധപ്പെട്ട കാര്യങ്ങള്‍ അറിയില്ല. അത്തരം കാര്യങ്ങള്‍ യോഗത്തില്‍ പങ്കെടുത്ത മന്ത്രിമാരാണ് ശ്രദ്ധിക്കേണ്ടിയിരുന്നതെന്നും യൂണിയന്‍ മൊഴി നല്‍കി.

    2. നിര്‍മ്മാണ നിരോധനത്തിന് തടയിടാന്‍ ശ്രമം
    തിരുവനന്തപുരം: നാഷണല്‍ ഹൈവേ, സ് റ്റേറ്റ് ഹൈവേ, മേജര്‍ ജില്ലാ റോഡ് എന്നിവയുടെ ഇരുവശവും നിര്‍മ്മാണപ്രവര്‍ത്തനം നിരോധിച്ചുകൊണ്ട് വിജ്ഞാപനം പുറത്തിറക്കുന്നത് തടയാന്‍ സമ്മര്‍ദ്ദം തുടങ്ങി.
    പാതയോരങ്ങളില്‍ വന്‍തോതില്‍ വസ്തു വാങ്ങിയവരാണ് ഈ ശ്രമത്തിനു പിന്നില്‍. പാതയോരങ്ങളില്‍ നിര്‍മ്മാണം വിലക്കും എന്ന
    ‘കേരളകൌമുദി’ വാര്‍ത്തകണ്ട് പൊതുമരാമത്ത് വകുപ്പില്‍ ഉത്കണ്ഠയോടെ അന്വേഷണം നടത്തിയവരിലേറെയും വന്‍കിടക്കാരാണ്.
    ഭൂമി വില്‍ക്കാന്‍ ഒരുങ്ങുകയായിരുന്ന സാധാരണക്കാര്‍ക്കുമുണ്ട് ഉത്കണ്ഠ. പാതയോരത്തെ വസ്തുവിന് വിലപേശല്‍ നടത്തിവരികയായിരുന്നു പലരും. അവര്‍ ആശയക്കുഴപ്പത്തിലാണ്. ഭൂമി തുച്ഛവിലയ്ക്കു നല്‍കിക്കഴിയുമ്പോള്‍ വന്‍കിടക്കാരുടെ സമ്മര്‍ദ്ദഫലമായി വിജ്ഞാപനം പുറത്തിറങ്ങാതിരിക്കുമോ എന്നാണ് അവരുടെ ഉത്കണ്ഠ.
    വാഹനങ്ങളും അപകടങ്ങളും വര്‍ദ്ധിച്ചുകൊണ്ടിരിക്കേ, ഹൈവേകള്‍ വികസിപ്പിക്കാതിരിക്കാനാവില്ല. റോഡ് വികസന ശ്രമവുമായി മുന്നോട്ടുപോവുക തന്നെ ചെയ്യുമെന്ന് പൊതുമരാമത്ത് മന്ത്രി മോന്‍സ് ജോസഫ് വ്യക്തമാക്കിയിട്ടുണ്ട്.
    സംസ്ഥാനത്തിന്റെ പുരോഗതിക്ക് അടിസ്ഥാന സൌകര്യങ്ങള്‍ വികസിപ്പിച്ചേ മതിയാകൂവെന്ന നിലപാടിലാണ് മുഖ്യമന്ത്രി വി.എസ്. അച്യുതാനന്ദനും.
    നാഷണല്‍ ഹൈവേയ്ക്ക് 70 മീറ്റര്‍ വീതിയിലും സ്റ്റേറ്റ് ഹൈവേയ്ക്ക് 50 മീറ്റര്‍ വീതിയിലും മേജര്‍ ജില്ലാ റോഡുകള്‍ക്ക് 30 മീറ്റര്‍ വീതിയിലും നിര്‍മ്മാണ പ്രവര്‍ത്തനം നിരോധിക്കാനാണ് വിജ്ഞാപനം ഇറക്കാന്‍ പോകുന്നത്. നിരോധനനീക്കത്തെ എതിര്‍ക്കുന്നവര്‍ രണ്ട് ആവശ്യങ്ങളാണ് ഉന്നയിച്ചിട്ടുള്ളത്.
    ഒന്ന് : നിരോധനത്തിന്റെ ദൂരപരിധി കുറയ്ക്കുക. രണ്ട് : റോഡ് വികസനത്തിന് കരാര്‍ നല്‍കിയശേഷം ആവശ്യമുള്ള ഭൂമി മാത്രം ഏറ്റെടുക്കുക. ഈ രണ്ട് ആവശ്യങ്ങളും ഉന്നയിക്കുന്നതോടൊപ്പം പാതയോരങ്ങളിലെ സാധാരണക്കാരെ ഇളക്കിവിര്‍ട്ട് പ്രശ്നം നിയമസഭയില്‍ എത്തിക്കാനും ശ്രമം തുടങ്ങിയിട്ടുണ്ട്.
    പാതയോരങ്ങളില്‍ താമസിക്കുന്നവര്‍ക്ക് തത്കാലം ബുദ്ധിമുട്ടില്ല. എന്നാല്‍, റോഡ് പണി തുടങ്ങുമ്പോള്‍ ഒഴിഞ്ഞുപോകേണ്ടിവരും. റോഡ് പണി ബി.ഒ.ടി അടിസ്ഥാനത്തിലായതിനാല്‍ മാര്‍ക്കറ്റ് വില ലഭിക്കാനാണ് സാദ്ധ്യത. പക്ഷേ, വില കുറച്ചുകാണിച്ച് രജിസ്ട്രേഷന്‍ നടത്തിയ വസ്തുക്കള്‍ സമീപത്തു ണ്ടെങ്കില്‍ മാര്‍ക്കറ്റ് വില ലഭിക്കാന്‍ ബുദ്ധിമുട്ടാകും. സെന്റിന് 10 ലക്ഷം രൂപ വിലയുള്ള വസ്തു സെന്റിന് ഒരു ലക്ഷം രൂപ വിലവച്ചായിരിക്കും ചിലപ്പോള്‍ രജിസ്ട്രേഷന്‍ നടത്തുക.
    നാഷണല്‍ ഹൈവേയില്‍ കഴക്കൂട്ടം മുതല്‍ ചേര്‍ത്തല വരെ 30 മീറ്റര്‍ വീതിയില്‍ ഭൂമിയുണ്ട്. പട്ടണങ്ങളിലും മറ്റിടങ്ങളിലും വീതി കുറവാണ്. ജില്ലാ റോഡുകളുടെ ഇരുവശത്തും ആയിരക്കണക്കിന് വീടുകളുണ്ട്.

    3. വേദന താങ്ങാനാവാതെ വൃദ്ധ ചിതകൂട്ടി ജീവനൊടുക്കി
    കിളിമാനൂര്‍: അസ്ഥി രോഗത്താലുള്ള വേദന താങ്ങാന്‍ കഴിയാതെ വൃദ്ധ വീടിന് സമീപം ചിതയൊരുക്കി ദേഹത്ത് തുണി ചുറ്റി മണ്ണെണ്ണ ഒഴിച്ച് തീ കൊളുത്തി ജീവനൊടുക്കി.
    വാമനപുരം ആറാന്താനം ആര്‍.ആര്‍. നിവാസില്‍ പരേതനായ രാഘവന്‍പിള്ളയുടെ ഭാര്യ ഗോമതിഅമ്മ(88)യാണ് ഇങ്ങനെ ജീവിതമവസാനി പ്പിച്ചത്.
    ഇന്നലെ രാവിലെയാണ് ഗോമതിഅമ്മയുടെ മൃതദേഹം കത്തിക്കരിഞ്ഞ നിലയില്‍ കാണപ്പെട്ടത്. കുടുംബവീട്ടില്‍ താമസിച്ചിരുന്ന ഇവരോടൊപ്പം രാത്രി കൂട്ടിനായി 13 വയസുള്ള പേരക്കുട്ടി മാത്രമാണ് ഉണ്ടായിരുന്നത്. രോഗം കാരണം ഇവര്‍ ഏറെ മനോവിഷമത്തിലായിരുന്നുവെന്ന് പൊലീസ് പറഞ്ഞു.
    മക്കള്‍: രാജേന്ദ്രന്‍നായര്‍, രഘുനാഥന്‍നായര്‍, രാധാകൃഷ്ണന്‍നായര്‍, രമേശന്‍നായര്‍, രവീന്ദ്രന്‍ നായര്‍. മരുമക്കള്‍: സോമലത, വസന്ത, പത്മകുമാരി, ഉഷ, സുധാദേവി.

    4. എസ്.എസ്.എല്‍.സി: ഇക്കുറി മോഡല്‍ ചോദ്യപേപ്പറിനും കോഡ് നമ്പര്‍
    തിരുവനന്തപുരം: എസ്.എസ്.എല്‍.സി മോഡല്‍ പരീക്ഷയുടെ ചോദ്യപേപ്പര്‍ ചോരാതിരിക്കാന്‍ നടപടി സ്വീകരിക്കുമെന്ന് വിദ്യാഭ്യാസമന്ത്രി എം.എ. ബേബി ‘കേരളകൌമുദി’യോട് പറഞ്ഞു.
    ചോദ്യപേപ്പര്‍ വിതരണം ഏറ്റെടുക്കുന്ന അദ്ധ്യാപക സംഘടനകള്‍ക്ക് അതു ചോരാതെ നോക്കാനുള്ള ഉത്തരവാദിത്വവുമുണ്ട്. ഇക്കുറി ഓരോ സംഘടനയ്ക്കും നല്‍കുന്ന ചോദ്യപേപ്പറുകള്‍ക്ക് പ്രത്യേക കോഡ് ഏര്‍പ്പെടുത്തും. അതുകൊണ്ട് വീഴ്ച പറ്റിയാല്‍ കൈയോടെ പിടികൂടാനാകും. വീഴ്ചയുണ്ടാവില്ലെന്നാണ് വിശ്വാസം- മന്ത്രി പറഞ്ഞു. എസ്.എസ്.എല്‍.സി പൊതുപരീക്ഷ കുറ്റമറ്റ രീതിയില്‍ നടത്താനുള്ള സംവിധാനങ്ങള്‍ ആസൂത്രണം ചെയ്തിട്ടുണ്ട്. അടുത്തയാഴ്ച അവലോകനയോഗം ചേരും. ചോദ്യപേപ്പര്‍ അച്ചടികേന്ദ്രത്തില്‍ നിന്ന് പരീക്ഷാഹാളിലെത്തിക്കുന്നതിനുള്ള സുരക്ഷാക്രമീകരണങ്ങള്‍ ചെയ്യുന്നുണ്ട്. ചോദ്യപേപ്പര്‍ എണ്ണത്തില്‍ കുറയാതിരിക്കാനും നടപടി സ്വീകരിക്കുമെന്ന് മന്ത്രി പറഞ്ഞു.

    5. സര്‍ക്കാര്‍ സ്ഥാപനങ്ങളുടെ വൈദ്യുതി-വെള്ളക്കരം കുടിശ്ശിക അടയ്ക്കണം
    തിരുവനന്തപുരം : സര്‍ക്കാര്‍ സ്ഥാപനങ്ങളുടെ വൈദ്യുതി-വെള്ളക്കര കുടിശ്ശിക അടച്ചുതീര്‍ക്കാന്‍ മന്ത്രിസഭായോഗം നിര്‍ദ്ദേശം നല്കി.
    വെള്ളക്കര കുടിശ്ശിക ഇനത്തില്‍ തദ്ദേശ സ്വയംഭരണ സ്ഥാപനങ്ങള്‍ വാട്ടര്‍ അതോറിറ്റിക്ക് 690 കോടി രൂപ കൊടുക്കാനുണ്ട്. പമ്പ് ഹൌസുകള്‍ പ്രവര്‍ത്തിപ്പിച്ചതിനു വൈദ്യുതി നിരക്കായി വാട്ടര്‍ അതോറിറ്റി വൈദ്യുതി ബോര്‍ഡിനു കൊടുക്കാനുള്ളത് 663 കോടി രൂപയാണ്. ഇതിനു പുറമേ വിവിധ സര്‍ക്കാര്‍ സ്ഥാപനങ്ങള്‍ കോടിക്കണക്കിനു വൈദ്യുതി-വാട്ടര്‍ ചാര്‍ജിനത്തില്‍ കുടിശ്ശിക വരുത്തിയിട്ടുണ്ട്. ഇതിന്റെ വിശദാംശങ്ങള്‍ വാട്ടര്‍ അതോറിറ്റിയും വൈദ്യുതി വകുപ്പും തയ്യാറാക്കി വരുന്നതേയുള്ളൂ.
    വൈദ്യുതി-വെള്ള കണക്ഷനുകള്‍ വിച്ഛേദിച്ചത് പുനഃസ്ഥാപിക്കും. സര്‍ക്കാര്‍ സ്ഥാപനങ്ങള്‍ക്കുള്ള വൈദ്യുതി-വെള്ളക്കര കുടിശ്ശികയുടെ പലിശ ഒഴിവാക്കുന്നതിനെപ്പറ്റി പഠിച്ചു ശുപാര്‍ശ ചെയ്യുന്നതിനു ധനകാര്യമന്ത്രി തോമസ് ഐസക് കണ്‍വീനറായി നിലവിലുള്ള മന്ത്രിസഭാ ഉപസമിതിയെ ചുമതലപ്പെടുത്തി. മന്ത്രിമാരായ എ.കെ. ബാലന്‍, എന്‍.കെ. പ്രേമചന്ദ്രന്‍, പാലോളി മുഹമ്മദ് കുട്ടി എന്നിവരാണ് സമിതിയിലെ അംഗങ്ങള്‍.

    6. സര്‍ക്കാര്‍ നടപടി തുടങ്ങിയില്ല; അപേക്ഷിച്ച ആയിരങ്ങള്‍ ധര്‍മ്മസങ്കടത്തില്‍
    തിരുവനന്തപുരം: മേഖലാ ഇളവ് നല്‍കുന്നതില്‍ രണ്ടുവര്‍ഷമായിട്ടും സര്‍ക്കാര്‍ നടപടിയെടുക്കാത്തതിനാല്‍ കെട്ടിടം പണിയാന്‍ അപേക്ഷ നല്‍കിയ ആയിരക്കണക്കിനാളുകള്‍ ധര്‍മ്മസങ്കടത്തിലായി.
    കെട്ടിടം പണിയാന്‍ വ്യക്തികള്‍ക്ക് ഇളവ് നല്‍കരുതെന്നും ആവശ്യമെങ്കില്‍ ഒരു പ്രദേശത്തെ മൊത്തത്തില്‍ പരിഗണിക്കണമെന്നും 2006-ല്‍ ഹൈക്കോടതി ഉത്തരവ് വന്നിരുന്നു. തുടര്‍ന്നാണ് ഏതൊക്കെ മേഖലകളില്‍ ഇളവ് അനുവദിക്കണമെന്ന് പരിശോധിക്കാന്‍ തദ്ദേശ സ്വയംഭരണ വകുപ്പ് തീരുമാനിച്ചത്. ഇതിന് ചീഫ് ടൌണ്‍ പ്ളാനറെ ചുമതലപ്പെടുത്തുകയും ചെയ്തു. ഓരോ തദ്ദേശസ്ഥാപനത്തിന്റെയും പരിധിയില്‍ വരുന്ന ഏതൊക്കെ പ്രദേശങ്ങളില്‍ നിര്‍മ്മാണപ്രവര്‍ത്തനങ്ങള്‍ പാടില്ലെന്ന് പരിശോധിച്ച് മാസ്റ്റര്‍പ്ളാന്‍ തയ്യാറാക്കിയശേഷം പുതുതായി മേഖലാ ഇളവ് നല്‍കിയാല്‍ മതിയെന്നാണ് ഗവണ്‍മെന്റ് തീരുമാനിച്ചത്. പക്ഷേ, വര്‍ഷം രണ്ടു കഴിഞ്ഞിട്ടും ആകെ മൂന്നു കോര്‍പ്പറേഷനുകളില്‍ മാത്രമാണ് ഇതിന്റെ പ്രാരംഭപ്രര്‍ത്തനങ്ങള്‍പോലും പൂര്‍ത്തിയാക്കാനായത്. ശേഷിക്കുന്ന എല്ലാ പ്രദേശങ്ങളും പരിശോധിച്ച് കരട് പ്ളാന്‍ പ്രസിദ്ധീകരിച്ച് അതിന്മേലുളള പരാതികേട്ട് അന്തിമ പ്ളാന്‍ വിജ്ഞാപനം ചെയ്യുന്നത് അടുത്തകാലത്തെങ്ങും നടക്കുമെന്നു തോന്നുന്നില്ല.
    അര നൂറ്റാണ്ട് മുന്‍പുള്ള മാസ്റ്റര്‍പ്ളാനില്‍ കാര്‍ഷികമേഖലയും വ്യാവസായമേഖലയും വിദ്യാഭ്യാസ മേഖലയുമായി കിടന്ന പ്രദേശങ്ങള്‍ക്കെല്ലാം ഇന്ന് മാറ്റം വന്നിട്ടുണ്ട്. ഉദാഹരണത്തിന് തിരുവനന്തപുരത്ത് തൈക്കാട് വില്ലേജിലെ പഴയ പ്ളാനില്‍ നെല്‍വയലായി കാണിച്ചിട്ടുള്ള പ്രദേശങ്ങള്‍ ഇന്ന് നികത്തിയിട്ടുണ്ടെങ്കിലും ഇതെല്ലാം ഗ്രീന്‍ സോണിലാണ് കിടക്കുന്നത്. കെട്ടിടം പണിയാന്‍ പ്ളാന്‍ തയ്യാറാക്കി നഗരസഭയ്ക്ക് സമര്‍പ്പിക്കുമ്പോഴാണ് പലരും ഇതറിയുന്നത്. മുന്‍പ് സര്‍ക്കാരിന്റെ പ്രത്യേക അനുമതി വാങ്ങി കെട്ടിടം പണി തുടങ്ങുമായിരുന്നു. ഇപ്പോള്‍ അപേക്ഷ പോലും സ്വീകരിക്കുന്നില്ല.

    7. കേന്ദ്രത്തിന്റെ ഉറപ്പുകള്‍ ബഡ്ജറ്റില്‍ ഉള്‍പ്പെട്ടുകിട്ടാന്‍ സമ്മര്‍ദ്ദം ചെലുത്തും
    തിരുവനന്തപുരം: റെയില്‍വേ വികസനം ഉള്‍പ്പെടെ കേന്ദ്രം നല്‍കിയ ഉറപ്പുകള്‍ ബഡ്ജറ്റില്‍ ഉള്‍പ്പെടുത്തിക്കിട്ടുന്നതിന് ശക്തമായ സമ്മര്‍ദ്ദം ചെലുത്താന്‍ മുഖ്യമന്ത്രിയുടെ അദ്ധ്യക്ഷതയില്‍ ചേര്‍ന്ന എം.പിമാരുടെ യോഗം തീരുമാനിച്ചു.
    യോഗത്തിനുശേഷം മുഖ്യമന്ത്രിയുടെ നേതൃത്വത്തില്‍ എം.പിമാരുടെ സംഘം പ്രധാനമന്ത്രി, റെയില്‍വേ മന്ത്രി, നിയമമന്ത്രി എന്നിവരെ കാണാന്‍ ഡല്‍ഹിക്കു പോയി.
    റെയില്‍വേ വികസന കാര്യത്തിലും വെട്ടിക്കുറച്ച റേഷന്‍ വിഹിതം പുന:സ്ഥാപിക്കുന്നതിലും കേന്ദ്രം വാഗ്ദാനം പാലിക്കാത്തതില്‍ യോഗം ശക്തമായി പ്രതിഷേധിച്ചു. പാലക്കാട് റെയില്‍വേ ഡിവിഷന്‍ വെട്ടിമുറിച്ച് സേലം ഡിവിഷന്‍ രൂപീകരിച്ചപ്പോള്‍ കേരളത്തിനുണ്ടായ നഷ്ടം നികത്തുമെന്ന് കേന്ദ്ര റെയില്‍വേ മന്ത്രി ഉറപ്പു നല്‍കിയിരുന്നതാണെന്ന് യോഗത്തിനു ശേഷം മുഖ്യമന്ത്രി വി.എസ്. അച്യുതാനന്ദന്‍ വാര്‍ത്താ ലേഖകരോട് പറഞ്ഞു. ചേര്‍ത്തലയില്‍ കോച്ച് ഫാക്ടറി തുടങ്ങുന്നതുള്‍പ്പെടെയുള്ള പ്രഖ്യാപനങ്ങള്‍ നടപ്പാക്കുന്നതിന് നടപടിയുണ്ടാവണമെന്ന് പ്രധാനമന്ത്രിയെയും റെയില്‍വേ മന്ത്രിയെയും കണ്ട് ആവശ്യപ്പെടും. സംസ്ഥാനത്തിന് 1.13 ലക്ഷം ടണ്‍ റേഷനരി അനുവദിച്ചിരുന്നത് 23000 ടണ്ണായി വെട്ടിക്കുറച്ചിരിക്കുന്നു. സംസ്ഥാനത്ത് അരിവില കുതിച്ചുയരാന്‍ കാരണം ഇതാണ്. റേഷനരി വിഹിതത്തില്‍ കുടിശ്ശികയായ 12 ലക്ഷം ടണ്‍ കിട്ടിയാല്‍ അരിവില കുത്തനെ കുറയും. പെട്രോളിയം ഉത്പന്നങ്ങളുടെ വില വര്‍ദ്ധന ചെറുക്കാന്‍ പാര്‍ലമെന്റില്‍ ശക്തമായ പ്രതിഷേധം ഉയര്‍ത്താന്‍ എം.പിമാരുടെ യോഗം തീരുമാനിച്ചതായി മുഖ്യമന്ത്രി പറഞ്ഞു. ടൈറ്റാനിയത്തിന്റെ ഇറക്കുമതി തീരുവ വെട്ടിക്കുറച്ചതും എഫ്.എ.സി.ടിയുടെ വികസന പാക്കേജ് നടപ്പാക്കാത്തതും കേന്ദ്രത്തിന്റെ മുന്നില്‍ ഉന്നയിക്കും. വൈദ്യുതിയുടെ കേന്ദ്രവിഹിതം കുറച്ചത് പുനഃസ്ഥാപിക്കാന്‍ കേന്ദ്രത്തില്‍ സമ്മര്‍ദ്ദം ചെലുത്തുമെന്നും മുഖ്യമന്ത്രി പറഞ്ഞു.
    മന്ത്രിമാര്‍, ചീഫ് സെക്രട്ടറി, വകുപ്പു തലവന്‍മാര്‍ എന്നിവരും ഒട്ടുമിക്ക എം.പിമാരും യോഗത്തില്‍ പങ്കെടുത്തു.

    8. സര്‍ക്കാര്‍ വാദങ്ങള്‍ തള്ളിക്കൊണ്ട് എച്ച്.എം.ടി
    കൊച്ചി: കളമശ്ശേരിയിലെ വിവാദഭൂമി വില്പനക്കാര്യത്തില്‍ സര്‍ക്കാര്‍ നിലപാടുകളെ തള്ളിപ്പറഞ്ഞുകൊണ്ട് എച്ച്.എം.ടി രംഗത്തു വന്നു. ഭൂമി ഇടപാടിനെ കുറിച്ച് അന്വേഷണം നടത്തേണ്ടതുണ്ടെന്ന സര്‍ക്കാര്‍ നിലപാടിനെ പരോക്ഷമായി ഖണ്ഡിക്കുന്ന വിശദീകരണവുമായി രംഗത്ത് എത്തിയിരിക്കുന്നത് എച്ച്.എം.ടിയുടെ കളമശ്ശേരി യൂണിറ്റ് ജനറല്‍ മാനേജരായ എം.സി. പൂക്കോയയാണ്.
    കളമശ്ശേരിയിലെ ഭൂമി വില്‍ക്കാനും കൈമാറ്റം ചെയ്യാനും തങ്ങള്‍ക്ക് പൂര്‍ണ അധികാരമുണ്ടെന്ന് അവകാശപ്പെട്ടു. എച്ച്.എം.ടി.യുടെ പത്രക്കുറിപ്പില്‍ സര്‍ക്കാരിന്റെ നിര്‍ദ്ദേശപ്രകാരം ഇതിനു മുമ്പ് ഏക്കര്‍ കണക്കിനു ഭൂമി സ്വകാര്യ ഏജന്‍സികള്‍ക്കുള്‍പ്പെടെ തങ്ങള്‍ നല്‍കിയിട്ടുണ്ടെന്ന് ചൂണ്ടിക്കാട്ടിയിട്ടുണ്ട്. ഭൂമി വില്പന തികച്ചും സുതാര്യമായാണ് നടന്നതെന്നും പത്രക്കുറിപ്പില്‍ പറയുന്നു.
    സര്‍ക്കാര്‍ അംഗീകരിച്ച 3 വാല്യുവേറ്റര്‍മാര്‍ നിശ്ചയിച്ചതിനെക്കാള്‍ കൂടിയ തുകയ്ക്കാണ് എച്ച്. എം.ടി ഭൂമി വിറ്റത്. വില്പനക്കാര്യം ടൈംസ് ഒഫ് ഇന്ത്യ, എക്കണോമിക് ടൈംസ് പത്രങ്ങളുടെ എല്ലാ എഡിഷനുകളിലും കമ്പനിയുടെ വെബ്സൈറ്റിലും പ്രസിദ്ധീകരിച്ചിരുന്നു. 11 സ്ഥാപനങ്ങളാണ് ക്വട്ടേഷന്‍ നല്‍കിയത്. ഇതില്‍ ഏറ്റവും ഉയര്‍ന്ന തുക ക്വാട്ട് ചെയ്ത ബ്ളൂസ്റ്റാര്‍ റിയല്‍റ്റേഴ്സിന് ഭൂമി വിറ്റ നടപടി തികച്ചും സുതാര്യമാണ്.
    കളമശ്ശേരിയിലെ ഭൂമി വില്‍ക്കാനുള്ള കാരണം എച്ച്. എം.ടി വിശദമാക്കുന്നത് ഇനി പറയും പ്രകാരമാണ്:
    2004 ല്‍ വിവിധ കക്ഷികള്‍ക്ക് നല്‍കാനുള്ള വന്‍തുകയുടെ കടബാധ്യതയും മറ്റും ഒഴിവാക്കാന്‍ സ്ഥാപനം തീരുമാനമെടുത്തു. ഇതിന്റെ ഭാഗമായി കേന്ദ്രസര്‍ക്കാരിന്റെ ഗാരന്റിയോടെ യൂക്കോ ബാങ്കില്‍ നിന്ന് ഒരു വര്‍ഷ കാലാവധിയുള്ള ലോണ്‍ നേടി. കമ്പനിയുടെ പക്കലുള്ള അധികഭൂമി വിറ്റ് ഈ ലോണ്‍ തീര്‍ക്കണമെന്ന കേന്ദ്ര സര്‍ക്കാരിന്റെ നിര്‍ദ്ദേശവുമുണ്ടായിരുന്നു. ഇതനുസരിച്ചാണ് ഭൂമി വില്പന നടത്തിയത്.
    ഫാക്ടറി സ്ഥാപിക്കുന്നതിനായി 1963 ലാണ് സംസ്ഥാന സര്‍ക്കാര്‍ എച്ച്. എം.ടി ക്ക് 750 ഏക്കര്‍ ഭൂമി അനുവദിച്ചത്. കൈമാറാനും വില്‍ക്കാനുമുള്ള പൂര്‍ണ അവകാശാധികാരങ്ങളോടെയുള്ള പട്ടയ പ്രകാരമായിരുന്നു ഇത്. വിവിധ കാലങ്ങളില്‍ സംസ്ഥാന സര്‍ക്കാര്‍ ആവശ്യപ്പെട്ട പ്രകാരം 139.33 ഏക്കര്‍ ഭൂമി സര്‍ക്കാരിന്റെയും സ്വകാര്യ ഏജന്‍സികളുടെയും ആവശ്യത്തിനായി കമ്പനി സൌജന്യമായി വിട്ടുകൊടുത്തിട്ടുണ്ട്. ഇരുമ്പനം – കളമശ്ശേരി റോഡിന്റെ നിര്‍മ്മാണത്തിന് നല്‍കിയ ഭൂമിയും ഇതിലുള്‍പ്പെടും. സര്‍ക്കാരുമായി ഉണ്ടാക്കിയ ഒരു കരാറിന്റെ അടിസ്ഥാനത്തില്‍ കിന്‍ഫ്രയ്ക്ക് ഇന്‍ഡസ്ട്രിയല്‍ പാര്‍ക്ക് നിര്‍മ്മിക്കുന്നതിനായി ഇതില്‍ നിന്ന് 300 ഏക്കര്‍ വിട്ടുകൊടുക്കാന്‍ എച്ച്.എം.ടി സമ്മതിച്ചിരുന്നു. ശേഷിക്കുന്ന 100 ഏക്കര്‍സ്ഥിരമായും ഉപാധികളില്ലാതെയും ഭൂപരിഷ്കരണ നിയമത്തില്‍ നിന്ന് ഒഴിവാക്കി നല്‍കാമെന്ന വ്യവസ്ഥയുടെ അടിസ്ഥാനത്തിലാണ് 300 ഏക്കര്‍ സര്‍ക്കാരിന് വിട്ടുകൊടുത്തത്.

    9. തദ്ദേശ സ്ഥാപന അംഗങ്ങളുടെ ഓണറേറിയം 500 രൂപ വരെ കൂട്ടി
    തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളുടെ ഓണറേറിയവും ബത്തയും വര്‍ദ്ധിപ്പിക്കാന്‍ മന്ത്രിസഭാ യോഗം തീരുമാനിച്ചു. 300 മുതല്‍ 500 രൂപ വരെയാണ് ഓണറേറിയത്തില്‍ വര്‍ദ്ധന. ബത്ത 10 മുതല്‍ 15 രൂപ വരെ വര്‍ദ്ധിക്കും. 2007 ഒക്ടോബര്‍ ഒന്നു മുതല്‍ ശമ്പള വര്‍ദ്ധനയ്ക്ക് മുന്‍കാല പ്രാബല്യമുണ്ട്.
    ജില്ല, ബ്ളോക്ക്, ഗ്രാമ പഞ്ചായത്ത്, കോര്‍പ്പറേഷന്‍, മുനിസിപ്പാലിറ്റി അടിസ്ഥാനത്തില്‍ ഓരോരുത്തര്‍ക്കും ലഭിക്കുന്ന വര്‍ദ്ധിപ്പിച്ച തുക ചുവടെ: (നിലവിലുള്ളത് ബ്രാക്കറ്റില്‍). ജില്ലാ പഞ്ചായത്ത് : പ്രസിഡന്റ്- (5400), 5900. വൈസ് പ്രസിഡന്റ്- (4200), 4600. സ്റ്റാന്‍ഡിംഗ് കമ്മിറ്റി ചെയര്‍മാന്‍- (2400), 2700. അംഗങ്ങള്‍ – (2100), 2400.
    ബ്ളോക്ക് പഞ്ചായത്ത് : പ്രസിഡന്റ് – (4800), 5300. വൈസ് പ്രസിഡന്റ് (3600), 4000. സ്റ്റാന്‍ഡിംഗ് കമ്മിറ്റി ചെയര്‍മാന്‍ – (2100), 2400. അംഗങ്ങള്‍ – (1500), 1800. ഗ്രാമ പഞ്ചായത്ത്: പ്രസിഡന്റ് – (4200), 4600. വൈസ് പ്രസിഡന്റ് – (3000), 3300. സ്റ്റാന്‍ഡിംഗ് കമ്മിറ്റി ചെയര്‍മാന്‍ – (1800), 2100. അംഗങ്ങള്‍ – (1200), 1500.
    കോര്‍പ്പറേഷന്‍: മേയര്‍ – (5400), 5900. ഡെപ്യൂട്ടി മേയര്‍ – (4200), 4600. സ്റ്റാന്‍ഡിംഗ് കമ്മിറ്റി ചെയര്‍മാന്‍ – (2400), 2700. അംഗങ്ങള്‍ – (1800), 2100.
    മുനിസിപ്പാലിറ്റി: ചെയര്‍മാന്‍- (4800), 5300. ഡെപ്യൂട്ടി ചെയര്‍മാന്‍ – (3600), 4000. സ്റ്റാന്‍ഡിംഗ് കമ്മിറ്റി ചെയര്‍മാന്‍ – (2100), 2400. അംഗങ്ങള്‍ – (1500), 1800.
    പുതുക്കിയ ഹാജര്‍ ബത്ത: (നിലവിലുള്ളത് ബ്രാക്കറ്റില്‍)
    ഗ്രാമ പഞ്ചായത്ത് : പ്രസിഡന്റ്/ വൈസ് പ്രസിഡന്റ്/ സ്റ്റാന്‍ഡിംഗ് കമ്മിറ്റി ചെയര്‍മാന്‍ – (60), 75. അംഗങ്ങള്‍ – (50), 60.
    ബ്ളോക്ക് പഞ്ചായത്ത് : പ്രസിഡന്റ്/ വൈസ് പ്രസിഡന്റ്/സ്റ്റാന്‍ഡിംഗ് കമ്മിറ്റി ചെയര്‍മാന്‍ – (60), 75. അംഗങ്ങള്‍ – (50) 60.
    ജില്ലാ പഞ്ചായത്ത് : പ്രസിഡന്റ്/വൈസ് പ്രസിഡന്റ്/ സ്റ്റാന്‍ഡിംഗ് കമ്മിറ്റി ചെയര്‍മാന്‍ അംഗങ്ങള്‍ – (60), 75.
    മുനിസിപ്പാലിറ്റി : ചെയര്‍മാന്‍/ ഡെപ്യൂട്ടി ചെയര്‍മാന്‍/ സ്റ്റാന്‍ഡിംഗ് കമ്മിറ്റി ചെയര്‍മാന്‍ – (60), 75. കൌണ്‍സിലര്‍മാര്‍ – (50), 60.
    കോര്‍പ്പറേഷന്‍ : മേയര്‍/ ഡെപ്യൂട്ടി, മേയര്‍/ സ്റ്റാന്‍ഡിംഗ്, കമ്മിറ്റി ചെയര്‍മാന്‍ – (60), 75. കൌണ്‍സിലര്‍മാര്‍ – (50), 60.

    1. വൈദ്യശാസ്ത്രരംഗത്ത് സംയുക്ത ഗവേഷണം അനിവാര്യം: ഡോ. കലാം
    മലപ്പുറം: വൈദ്യശാസ്ത്രരംഗത്ത് സംയോജിത ഗവേഷണം ആവശ്യമാണെന്ന് ഡോ. എ പി ജെ അബ്ദുള്‍ കലാം പറഞ്ഞു. കോട്ടയ്ക്കല്‍ പി എസ് വാര്യര്‍ ആയുര്‍വേദ കോളേജ് നവതി ആഘോഷം ഉദ്ഘാടനംചെയ്യുകയായിരുന്നു അദ്ദേഹം.

    ആയുര്‍വേദം, അലോപ്പതി തുടങ്ങി വിവിധ വൈദ്യശാസ്ത്ര ശാഖയുടെ സംയുക്ത ഗവേഷണസംരംഭങ്ങളാണ് ആവശ്യം. പ്രതിരോധത്തിനാണ് വൈദ്യശാസ്ത്രത്തില്‍ മുന്‍ഗണന നല്‍കേണ്ടത്. ഇല്ലെങ്കില്‍ ചികിത്സ ചെലവേറിയതാകും.

    അയണ്‍, വിറ്റാമിന്‍-എ, അയഡിന്‍ എന്നീ മൂന്നു പ്രധാന മൂലകങ്ങളുടെ കുറവാണ് ഇന്ന് നേരിടുന്ന പ്രശ്നം. ഇതിനായി ധാതുക്കളടങ്ങിയ ഔഷധക്കൃഷി ഉപയോഗപ്പെടുത്താനാകും.

    ഇന്ത്യയില്‍നിന്നുള്ള വിദ്യാസമ്പന്നര്‍ പുറത്തുപോകുന്നതില്‍ ആശങ്കപ്പെടേണ്ടതില്ല. 10 ശതമാനം പേരേ ഇങ്ങനെ പോകുന്നുള്ളൂ. 250 ലക്ഷം ഇന്ത്യക്കാര്‍ ലോകത്തിന്റെ വിവിധ ഭാഗങ്ങളില്‍ പ്രധാന കേന്ദ്രങ്ങളില്‍ പ്രവര്‍ത്തിക്കുന്നു. സിലിക്കണ്‍വാലിയിലടക്കം ഇന്ത്യക്കാരും ജപ്പാന്‍കാരും അമേരിക്കക്കാരുമാണ് പ്രധാന സ്ഥാനങ്ങളിലുള്ളത്. ഇവര്‍ ഇന്ത്യക്ക് സഹായമേ ചെയ്യുന്നുള്ളൂവെന്നും കലാം പറഞ്ഞു.

    ആയുര്‍വേദകോളേജ് വിദ്യാര്‍ഥികളുമായി ചടങ്ങില്‍ കലാം സംവാദം നടത്തി വിദ്യാര്‍ഥികളെക്കൊണ്ട് പ്രതിജ്ഞയെടുപ്പിച്ചു. ആയുര്‍വേദകോളേജ് ‘വിഷന്‍ 2017’ കലാം പ്രകാശനംചെയ്തു.

    ചടങ്ങില്‍ മന്ത്രി പി കെ ശ്രീമതി അധ്യക്ഷയായിരുന്നു. കോളേജ് വെബ്സൈറ്റ് മന്ത്രി പാലോളി മുഹമ്മദ്കുട്ടി ഉദ്ഘാടനംചെയ്തു. അബ്ദുറഹിമാന്‍ രണ്ടത്താണി എംഎല്‍എ, അബ്ദുള്‍സമദ് സമദാനി എന്നിവര്‍ സംസാരിച്ചു. ഡോ. പി കെ വാര്യര്‍ സ്വാഗതവും പ്രിന്‍സിപ്പല്‍ ഡോ. എസ് വിജയകുമാരി നന്ദിയും പറഞ്ഞു. ആയുര്‍വേദകോളേജ് ഹൌസ് സര്‍ജന്‍സി കഴിഞ്ഞ വിദ്യാര്‍ഥികളുടെ ബിരുദദാനം കാലിക്കറ്റ് യൂണിവേഴ്സിറ്റി വൈസ് ചാന്‍സലര്‍ ഡോ. അന്‍വര്‍ജഹാന്‍ ജുബൈരി നിര്‍വഹിച്ചു.

    2. പൊലീസ് സ്മാര്‍ട്ടായി
    തിരു: ഓടരുതനിയാ ആളറിയാം എന്ന് പൊലീസിനെപ്പറ്റി ഇപ്പോഴുമാരെങ്കിലും തമാശ പറയുന്നുണ്ടെങ്കില്‍ ഒന്നേ പറയാനുള്ളൂ; അതെല്ലാം മറന്നേക്കൂ. ഇന്നത്തേത് കാലത്തിനൊപ്പം ഓടുന്ന പൊലീസാണ്. സ്മാര്‍ട്ടായ പൊലീസ്. രാഷ്ട്രപതിക്ക് ഇ-മെയിലില്‍ ഭീഷണി സന്ദേശമയച്ച സൈബര്‍ കേസിന് തുമ്പുണ്ടായത് മിന്നല്‍ വേഗത്തില്‍. തലസ്ഥാനത്ത് ഭീതി പരത്തിയ ലെറ്റര്‍ ബോംബ് അയച്ചവരും ഉടന്‍ വലയിലായി. മോഷ്ടിച്ച എടിഎം കാര്‍ഡ് ഉപയോഗിച്ച് ലക്ഷങ്ങള്‍ തട്ടിയ കേസും സമര്‍ഥമായി തെളിയിച്ചു. ഏറ്റവും ഒടുവില്‍ കൊച്ചിയില്‍ പുതുവര്‍ഷാഘോഷത്തിനിടെ വിദേശ വനിതയെ ആക്രമിച്ച യുവാവ് മണിക്കൂറുകള്‍ക്കുള്ളില്‍ പിടിയിലായി. കുറ്റാന്വേഷണത്തിന് ശാസ്ത്രീയ രീതി, ഹൈടെക് ക്രൈം എന്‍ക്വയറി സെല്‍, സുസജ്ജമായ ഇന്റലിജന്‍സ് സംവിധാനം … ഇങ്ങനെ സംസ്ഥാനപൊലീസ് അടിമുടി മാറുകയാണ്. ജനങ്ങളുടെ സുഹൃത്തും സഹായിയുമായി പൊലീസിനെ മാറ്റാനുള്ള സര്‍ക്കാര്‍ ഉദ്യമത്തിന് ഫലം കണ്ടുതുടങ്ങി.

    ഏതൊരാള്‍ക്കും ആവലാതികളുമായി ധൈര്യപൂര്‍വം കടന്നുചെല്ലാവുന്ന സ്ഥലമായി മിക്ക പൊലീസ് സ്റ്റേഷനുകളും മാറി. നഗരങ്ങളിലെ ഗുണ്ടാസംഘങ്ങള്‍ക്കെതിരെ കര്‍ശന നടപടി സ്വീകരിച്ചതോടെ ഭീതിയൊഴിഞ്ഞു. ബാലരാമപുരത്തും തിരൂരും പൊലീസിന്റെ സമയോചിതമായ ഇടപെടല്‍മൂലം വന്‍ വര്‍ഗീയകലാപം ഒഴിവായി. പുതുവര്‍ഷത്തില്‍ മുംബൈയില്‍ രണ്ട് പെണ്‍കുട്ടികളെ പീഡിപ്പിച്ച സംഭവത്തില്‍ പ്രതികള്‍ക്കെതിരെ മൂന്നുദിവസം കഴിഞ്ഞാണ് നടപടിയുണ്ടായത്. കൊച്ചിപീഡനത്തില്‍ കേരള പൊലീസിന്റെ അതിവേഗ നടപടി രാജ്യത്തുടനീളം പ്രശംസ പിടിച്ചുപറ്റി.

    സ്ത്രീകള്‍ക്കും കുട്ടികള്‍ക്കുമെതിരെയുള്ള കുറ്റകൃത്യങ്ങള്‍ കേരളത്തില്‍ വളരെ കുറഞ്ഞതായാണ് കേന്ദ്ര ക്രൈം റെക്കോഡ്സ് ബ്യൂറോ തയ്യാറാക്കിയ കണക്ക്. കുട്ടികള്‍ക്കെതിരായ അതിക്രമങ്ങള്‍ ഇന്ത്യയില്‍ ഏറ്റവും കുറവ് കേരളത്തിലാണെന്ന് ഐക്യരാഷ്ട്ര സമിതിയുടെ പഠനവും വെളിപ്പെടുത്തുന്നു.

    മുപ്പത് വര്‍ഷമായി ഒളിവില്‍ കഴിയുകയായിരുന്ന ആന്ധ്രയിലെ മാവോയിസ്റ്റ് നേതാവ് മല്ലരാജ റെഡ്ഡിയെ ആന്ധ്ര പൊലീസ് ഏതാണ്ട് മറന്നിരുന്നു. ആന്ധ്രയിലും ചത്തീസ് ഗഡ്ഡിലുമെല്ലാം വര്‍ഷങ്ങളോളം ഒളിവില്‍ പാര്‍ത്ത മല്ലരാജ റെഡ്ഡിക്ക് പക്ഷെ കേരളത്തിലെ ഒളിത്താവളത്തില്‍ രണ്ട് മാസം തികയ്ക്കാനായില്ല. അതിന് മുമ്പ് പിടിയിലായി. സംസ്ഥാന ഇന്റലിജന്‍സ് സംവിധാനത്തിന്റെ മികവാണ് ഇത് തെളിയിക്കുന്നത്. കേരളത്തില്‍ നക്സല്‍ ഭീഷണിയില്ലെങ്കിലും മറ്റ് സംസ്ഥാനങ്ങളിലെ തീവ്രവാദികള്‍ ഇവിടെ താവളമുറപ്പിക്കുമെന്ന് മുന്‍കൂട്ടി കണ്ട് നടപടികള്‍ സ്വീകരിച്ചതാണ് മല്ലരാജയും കാമുകിയും വലയിലാകാന്‍ കാരണം. ഒരു ഡിവൈഎസ്പിയും രണ്ട് പൊലീസുകാരും അടങ്ങിയ ഗ്രൂപ്പായിരുന്നു തീവ്രവാദികളെയും മറ്റും നിരീക്ഷിക്കുന്നതിന് കഴിഞ്ഞ പത്ത് വര്‍ഷമായി സംസ്ഥാനത്ത് ഉണ്ടായിരുന്നത്. എന്നാല്‍ 2006ല്‍ എല്ലാ ജില്ലകളിലും ഡിവൈഎസ്പിയുടെ നേതൃത്വത്തില്‍ പ്രത്യേക സെല്ലുകള്‍ രൂപീകരിച്ചു. ഇതിന് പുറമെ കഴിഞ്ഞ വര്‍ഷം അഞ്ച് മേഖലാ സെല്ലുകളും പ്രവര്‍ത്തനം ആരംഭിച്ചു. സംസ്ഥാന സര്‍ക്കാര്‍ ആവശ്യപ്പെട്ടതിനെ തുടര്‍ന്നാണ് തിരുവനന്തപുരത്ത് കേന്ദ്ര ഇന്റലിജന്‍സ് ബ്യറോയുടെ കീഴില്‍ പരിശീലന ഇന്‍സ്റ്റിറ്റ്യൂട്ട് സ്ഥാപിച്ചത്.

    രാഷ്ട്രീയ എതിരാളികളെ തകര്‍ക്കാന്‍ യുഡിഎഫ് രൂപം നല്‍കിയ ഗുണ്ടാവിരുദ്ധ നിയമത്തില്‍ കാതലായ മാറ്റം വരുത്തി. നൂറില്‍പ്പരം ഗുണ്ടകള്‍ കരുതല്‍തടങ്കലില്‍ അടയ്ക്കപ്പെട്ടു. ഗുണ്ടകള്‍ക്കു പുറമെ ബ്ളേഡ്, മണല്‍, വാടകപ്പിരിവ്, സിഡി മാഫിയകളെയും വനം കൊള്ളക്കാരെയും പുതിയ നിയമത്തിന്റെ പരിധിയില്‍പ്പെടുത്തി. തീവണ്ടിയിലെ കുറ്റകൃത്യങ്ങള്‍ തടയാന്‍ ഏര്‍പ്പെടുത്തിയ റെയില്‍ അലെര്‍ട്ട് ഏറെ ഫലപ്രദമായി. തീവണ്ടികളില്‍ ഒറ്റപ്പെട്ടുപോയ പത്തോളം കുട്ടികളെ ഈ സംവിധാനം മുഖേന രക്ഷിക്കാന്‍ കഴിഞ്ഞു.

    2359 പേര്‍ക്ക് പൊലീസില്‍ പുതുതായി നിയമനം നല്‍കി. 5873 പൊലീസുകാര്‍ക്ക് പൊലീസ് അക്കാദമിയില്‍ പരിശീലനം. ഇത് സംസ്ഥാന പൊലീസിന്റെ ചരിത്രത്തില്‍ ആദ്യമാണ്. പൊലീസ് നവീകരണത്തിന് പൊലീസ് പരിഷ്കരണ ഓര്‍ഡിനന്‍സ് പുറപ്പെടുവിച്ചു. കുറ്റാന്വേഷണവും ക്രമസമാധാനവും വേര്‍തിരിച്ചു. തിരുവനന്തപുരം, കൊച്ചി, കോഴിക്കോട് എന്നിവിടങ്ങളില്‍ ഈ സംവിധാനം നിലവില്‍ വന്നു. കുറ്റാന്വേഷണം ശാസ്ത്രീയമാക്കാന്‍ ആധുനിക സാങ്കേതിക വൈദഗ്ധ്യമുള്ള ഹൈടെക് കുറ്റാന്വേഷണ സെല്‍ രൂപീകരിച്ചു. കുറ്റകൃത്യങ്ങള്‍ തെളിയിക്കുന്നതിന് പുതിയ പോളിഗ്രാഫ് സംവിധാനം നിലവില്‍വന്നു. വ്യാജ സിഡി റെയ്ഡ് വ്യാപകമാക്കിയതോടെ സിനിമാ വ്യവസായത്തിന് പുത്തനുണര്‍വ് കൈവന്നു.

    പൊലീസ് സ്റ്റേഷനുകള്‍ കമ്പ്യൂട്ടര്‍വല്‍ക്കരിക്കാന്‍ സമഗ്ര പദ്ധതിയാണ് ആവിഷ്കരിച്ചത്. 101 സ്റ്റേഷനുകളില്‍ കമ്പ്യൂട്ടറുകള്‍ സ്ഥാപിച്ചു. കൊല്ലം, പത്തനംതിട്ട, തൃശൂര്‍, കണ്ണൂര്‍ ജില്ലകളിലെ 136 സ്റ്റേഷനുകളില്‍ കമ്പ്യുട്ടറുകള്‍ സ്ഥാപിച്ചുവരുന്നു. വയര്‍ലെസ് സംവിധാനത്തോടെയുള്ള കൂടിയ ആധുനിക ഡാറ്റാ സെന്റര്‍ തിരുവനന്തപുരത്ത് യാഥാര്‍ഥ്യമായി. ക്രൈംബ്രാഞ്ച് വിഭാഗത്തിലുംകമ്പ്യൂട്ടര്‍വല്‍ക്കരണം ആരംഭിച്ചു. സൈബര്‍ കുറ്റകൃത്യങ്ങള്‍ തടയുന്നതിന് പ്രത്യേക സ്റ്റേഷന്‍ സ്ഥാപിക്കാന്‍ നടപടിയായി. നിരവധി സൈബര്‍ കുറ്റകൃത്യങ്ങള്‍ തെളിയിക്കുകയുംചെയ്തു.

    15 കൊല്ലം പൂര്‍ത്തിയാക്കിയ കോണ്‍സ്റ്റബിള്‍മാരെ ഹെഡ് കോണ്‍സ്റ്റബിളായും 23 കൊല്ലം പൂര്‍ത്തിയാക്കിയവരെ എഎസ്ഐആയും പ്രൊമോഷന്‍ നല്‍കിയത് പൊലീസുകാരുടെ ആത്മവിശ്വാസം വര്‍ധിപ്പിച്ചു. പാറാവ് ഡ്യൂട്ടിക്കാര്‍ക്ക് പഴയ തോക്കിനു പകരം റിവോള്‍വര്‍ നല്‍കി.

    പുതിയ പൊലീസ് സ്റ്റേഷന്‍ മന്ദിരങ്ങള്‍, എആര്‍ ബാരക്കുകള്‍, സ്പെഷ്യല്‍ ബ്രാഞ്ച്, ക്രൈംബ്രാഞ്ച് ഓഫീസുകള്‍, ഇന്റലിജന്‍സ് പരിശീലന കേന്ദ്രം, മറൈന്‍ പൊലീസ് ട്രെയിനിങ് അക്കാദമി, സ്കൂള്‍ക്കുട്ടികള്‍ക്ക് ട്രാഫിക് ബോധവല്‍ക്കരണം.കേരള പൊലീസ് മാറ്റത്തിന്റെ പാതയില്‍ മുന്നേറുകയാണ്. ജനപങ്കാളിത്തതേതാടെയുള്ള കമ്യൂണിറ്റി പൊലീസിങ്ങിന്റെ ഭാഗമായ ജനമൈത്രി സുരക്ഷാപദ്ധതി മാര്‍ച്ചില്‍ നിലവില്‍ വരുന്നതോടെ ഈ മാറ്റത്തിന് പിന്നെയും ആക്കം കൂടും.

    3. അപവാദ മിസൈല്‍ ബ്രഹ്മോസിനു നേരെയും
    തിരു: പ്രതിരോധമന്ത്രി എ കെ ആന്റണിയുടെ മുന്‍കൈയോടെ നടപ്പാക്കിയ വ്യവസായവികസനപദ്ധതിക്കുനേരെയും മാധ്യമങ്ങളുടെ അപവാദമിസൈല്‍പ്രയോഗം. എച്ച്എംടി ഭൂമി വില്‍പനയ്ക്കു പുറമെ പതിനൊന്ന് ഭൂമി ഇടപാടുകള്‍ കൂടി വിവാദത്തിലാണെന്നു കണ്ടെത്തിയ മനോരമയാണ് കെല്‍ടെക്കില്‍ കേന്ദ്ര പ്രതിരോധവകുപ്പിനുവേണ്ടി മിസൈല്‍ നിര്‍മിക്കാനുള്ള പദ്ധതിക്കുനേരെയും കരിവാരിയെറിഞ്ഞത്.

    യുഡിഎഫ് ഗവണ്‍മെന്റ് വില്‍പനയ്ക്കുവച്ച കെല്‍ടെക് കേന്ദ്രസര്‍ക്കാരിനു കീഴിലുള്ള ബ്രഹ്മോസ് ഏറോസ്പേസ് ഏറ്റെടുത്തത് കേരളത്തിന്റെ വ്യവസായചരിത്രത്തിലെ സുപ്രധാന സംഭവമാണ്. മന്ത്രിസഭാതീരുമാനമനുസരിച്ചാണ് ഇതുസംബന്ധിച്ച എല്ലാ നടപടികളും പൂര്‍ത്തിയാക്കിയത്. പ്രതിരോധവകുപ്പിനു വേണ്ടി ലോകത്തെ ഏറ്റവും വേഗംകൂടിയ ബ്രഹ്മോസ് മിസൈല്‍ ഇവിടെ ഉല്‍പ്പാദിപ്പിക്കാനും സംയോജിപ്പിക്കാനും പോകുകയാണ്. ഐഎസ്ആര്‍ഒയ്ക്കുവേണ്ടി ഉപഗ്രഹവിക്ഷേപിണികളും നിര്‍മിക്കും. ഇതിനുള്ള സൌകര്യങ്ങള്‍ ഒരുക്കാന്‍ നൂറുകോടി രൂപ ബ്രഹ്മോസും 25 കോടി രൂപ ഐഎസ്ആര്‍ഒയും ഉടന്‍ നിക്ഷേപിക്കും. കേന്ദ്ര പ്രതിരോധസ്ഥാപനം ഏറ്റെടുത്തതോടെ കെല്‍ടെക്കിലെ ജീവനക്കാര്‍ ബ്രഹ്മോസ് ജീവനക്കാരായി മാറി. കേന്ദ്ര പൊതുമേഖലാസ്ഥാപനമായ ഹിന്ദുസ്ഥാന്‍ ഏറോനോട്ടിക്സിനു സമാനമായ ശമ്പളവും മറ്റ് ആനുകൂല്യങ്ങളുമാണ് മേലില്‍ ജീവനക്കാര്‍ക്ക് ലഭിക്കുക. എ കെ ആന്റണിയുടെ സാന്നിധ്യത്തിലാണ് ഡിസംബര്‍ 31ന് കെല്‍ടെക് ബ്രഹ്മോസിന് കൈമാറിയത്. ബ്രഹ്മോസ് മേധാവിയും കേന്ദ്ര പ്രതിരോധ ഗവേഷണ വികസന സംഘടന(ഡിആര്‍ഡിഒ) കണ്‍ട്രോളറുമായ ഡോ. എ ശിവതാണുപിള്ളയും വ്യവസായവകുപ്പ് പ്രിന്‍സിപ്പല്‍ സെക്രട്ടറി ടി ബാലകൃഷ്ണനുമാണ് ഇതുസംബന്ധിച്ച ആധാരത്തില്‍ ഒപ്പുവച്ചത്.

    പ്രതിരോധ- വ്യോമ-ബഹിരാകാശ മേഖലകളില്‍ സംസ്ഥാനത്ത് വന്‍തോതിലുള്ള നിക്ഷേപത്തിന് വഴിതുറന്ന ഈ സംരംഭത്തില്‍ എ കെ ആന്റണി സജീവപങ്ക് വഹിച്ചതുകൊണ്ടാണ് വ്യവസായവികസനത്തില്‍ അസംതൃപ്തരായ മാധ്യമസംഘം മിണ്ടാതിരുന്നത്. എച്ച്എംടി ഭൂമിവിവാദം കൊടുമ്പിരിക്കൊണ്ട കൂട്ടത്തില്‍ മനോരമ കെല്‍ടെക് കൈമാറ്റവും എടുത്തിടുകയായിരുന്നു. വിറ്റതായി മനോരമ ആരോപിക്കുന്ന പല ഭൂമിയും ഇതുവരെ കൈമാറാത്തതാണ്. കൊരട്ടി വൈഗാ ത്രെഡ്സ് ലീസിനു കൊടുത്തതാണ്. ആലപ്പുഴ സ്കൂട്ടേഴ്സ് കേരളയുടെ ഭൂമിയും കെട്ടിടവും സഹകരണഅക്കാദമിക്ക് മന്ത്രിസഭാതീരുമാനപ്രകാരം കൈമാറിയതാണ്. മാവൂര്‍ റയണ്‍സ് ഭൂമിയില്‍ ബിര്‍ളഗ്രൂപ്പ് തന്നെ വ്യവസായം സ്ഥാപിക്കുന്നതുസംബന്ധിച്ച് ചര്‍ച്ച നടക്കുന്നതേയുള്ളൂ. മന്ത്രിസഭായോഗ തീരുമാനപ്രകാരം നടന്ന കൈമാറ്റങ്ങളെക്കുറിച്ചു വരെ റെവന്യൂ വകുപ്പ് അന്വേഷണം ആവശ്യപ്പെട്ടതായാണ് മനോരമയുടെ കണ്ടെത്തല്‍.

    സര്‍ക്കാര്‍ പാട്ടത്തിനുകൊടുത്ത ഭൂമി എറണാകുളത്തെ മോഡേണ്‍ ഫുഡ്സ് ഹിന്ദുസ്ഥാന്‍ ലീവറിന് വിറ്റതും അരൂരിലെ കേന്ദ്രപൊതുമേഖലാസ്ഥാപനമായ ബാല്‍മര്‍ ലാറി സ്വകാര്യസ്ഥാപനത്തിന് കൈമാറിയതും കോവളത്തെ ഹോട്ടലും ഭൂമിയും അക്വയര്‍ ചെയ്ത വിലയ്ക്ക് കൈമാറിയതും ഒടുവില്‍ സ്വകാര്യസ്ഥാപനങ്ങള്‍ കൈക്കലാക്കിയതും മനോരമ കണ്ടതേയില്ല. യുഡിഎഫ് ഭരണത്തില്‍ നടന്ന ഈ ഇടപാടുകളെല്ലാം മറച്ചുവച്ചാണ് 11 ഇടപാടുകള്‍കൂടി വിവാദമാക്കാനുള്ള പുറപ്പാട്.

    4. സെന്റ്സ്റീഫന്‍സ് പ്രിന്‍സിപ്പല്‍ തമ്പുവിന്റെ നിയമനം നിയമവിരുദ്ധമെന്ന് കമീഷന്‍
    ന്യൂഡല്‍ഹി: ഡല്‍ഹിയിലെ പ്രശസ്തമായ സെന്റ്സ്റീഫന്‍സ് കോളേജിന്റെ പ്രിന്‍സിപ്പലായി ന്യൂനപക്ഷ വിദ്യാഭ്യാസ കമീഷന്‍ മുന്‍ അംഗം വത്സന്‍ തമ്പുവിനെ നിയമിച്ചത് നിയമവിരുദ്ധമായാണെന്ന് അതേ കമീഷന്‍ കണ്ടെത്തി. തമ്പുവിനു പകരം എത്രയും വേഗം പുതിയ പ്രിന്‍സിപ്പലിനെ നിയമിക്കാന്‍ ഡല്‍ഹി സര്‍വകലാശാലയോട് കമീഷന്‍ ആവശ്യപ്പെട്ടു.

    രണ്ടു സ്ഥാനവും ഒരേ സമയം വഹിക്കുന്ന സമയത്താണ് തമ്പുകൂടി ഉള്‍പ്പെട്ട കമീഷന്‍ കേരളത്തിലെ ഒട്ടേറെ സ്ഥാപനങ്ങള്‍ക്ക് ന്യൂനപക്ഷപദവി നല്‍കിയത്. ഒരു ന്യൂനപക്ഷ സ്ഥാപനത്തില്‍ ഉത്തരവാദപ്പെട്ട സ്ഥാനം വഹിക്കുന്ന വ്യക്തി മറ്റുസ്ഥാപനങ്ങള്‍ക്ക് ന്യൂനപക്ഷ പദവി നല്‍കേണ്ട കമീഷനില്‍ അംഗമായിരിക്കുന്നത് ധാര്‍മികമായി ശരിയല്ലെന്ന് പൊതുവെ അഭിപ്രായമുയര്‍ന്നിട്ടും തമ്പു രണ്ടു സ്ഥാനത്തും തുടര്‍ന്നു.

    മാനവശേഷി മന്ത്രാലയത്തിന് ഇതുസംബന്ധിച്ച് പരാതി ലഭിച്ചു, മന്ത്രാലയം കമീഷന്റെ അഭിപ്രായം ആരായുകയും ചെയ്തു. കമീഷനില്‍ തമ്പു ഒഴികെയുള്ളവര്‍ രണ്ടു സ്ഥാനം വഹിക്കുന്നത് ശരിയല്ലെന്ന് അഭിപ്രായപ്പെടുകയായിരുന്നു. തമ്പുവാകട്ടെ ഇതില്‍ തെറ്റില്ലെന്ന് മറുപടി നല്‍കി. ഭൂരിപക്ഷ അഭിപ്രായം മാനിച്ച് മന്ത്രാലയം തമ്പുവിനോട് ഒഴിയാന്‍ ആവശ്യപ്പെടുകയും അദ്ദേഹം കമീഷന്‍ അംഗത്വം രാജിവയ്ക്കുകയുമായിരുന്നു.

    ഇതിനുശേഷമാണ് പ്രിന്‍സിപ്പല്‍ നിയമനം സംബന്ധിച്ച് വിവാദം ഉയര്‍ന്നത്. പ്രിന്‍സിപ്പലാകാനുള്ള യോഗ്യത തമ്പുവിനില്ലെന്നായിരുന്നു ആക്ഷേപം. പരാതി ലഭിച്ചപ്പോള്‍ ന്യൂനപക്ഷ വിദ്യാഭ്യാസകമീഷന്‍ ഇടപെട്ടു.

    ഡല്‍ഹി സര്‍വകലാശാലയുടെ ചട്ടമനുസരിച്ച് പ്രിന്‍സിപ്പലാകാന്‍ പിഎച്ച്ഡി ആവശ്യമാണ്. എന്നാല്‍, 2007 മെയില്‍ പ്രിന്‍സിപ്പലായി നിയമിക്കുമ്പോള്‍ തമ്പുവിന് പിഎച്ച്ഡി ഉണ്ടായിരുന്നില്ല. 2007 ഡിസംബറില്‍ തമ്പുവിന് പിഎച്ച്ഡി ലഭിച്ചെന്ന് സെന്റ്സ്റീഫന്‍സ് കോളേജ് വാദിച്ചെങ്കിലും കമീഷന്‍ അംഗീകരിച്ചില്ല. നിയമനം പ്രിന്‍സിപ്പലായല്ലെന്നും ഓഫീസര്‍ ഓണ്‍ സ്പെഷ്യല്‍ ഡ്യൂട്ടി എന്ന നിലയിലാണെന്നും സെന്റ്സ്റീഫന്‍സ് കോളേജ് വാദിച്ചെങ്കിലും അത് നടപടികള്‍ പാലിച്ചല്ലെന്നുതെളിഞ്ഞു. തുടര്‍ന്നാണ് തമ്പുവിനെ നീക്കാന്‍ കമീഷന്‍ ഉത്തരവിട്ടത്.

    ന്യൂനപക്ഷങ്ങള്‍ക്ക് സ്ഥാപനങ്ങള്‍ നടത്തിക്കൊണ്ടുപോകാന്‍ അവകാശം നല്‍കുന്ന ഭരണഘടനയുടെ 30(1) അനുച്ഛേദം ദുരുപയോഗപ്പെടുത്തിയിരിക്കുകയാണ് സെന്റ്സ്റീഫന്‍സ് കോളേജെന്ന് കമീഷന്‍ ഉത്തരവില്‍ വിമര്‍ശിച്ചിട്ടുണ്ട്. തങ്ങളുടെ അവകാശം ദുരുപയോഗപ്പെടുത്താന്‍ ഭരണഘടന ന്യൂനപക്ഷങ്ങള്‍ക്ക് അവകാശം നല്‍കുന്നില്ലെന്ന കാര്യവും കമീഷന്‍ ഓര്‍മപ്പെടുത്തി. ഇതാദ്യമായാണ് സെന്റ്സ്റീഫന്‍സ് കോളേജില്‍ പ്രിന്‍സിപ്പലായി നിയമിക്കപ്പെട്ട ഒരാള്‍ക്ക് ഇത്തരത്തില്‍ സ്ഥാനമൊഴിയേണ്ടി വരുന്നത്.

    വത്സന്‍ തമ്പുവിനുവേണ്ടി വാദിക്കാന്‍ സെന്റ്സ്റീഫന്‍സ് കോളേജിനായി ഹാജരായത് നേരത്തെ കേരളത്തിലെ സ്വാശ്രയ സ്ഥാപനങ്ങള്‍ക്കു വേണ്ടി കമീഷന്‍ മുമ്പാകെ ഹാജരായ അതേ അഭിഭാഷകന്‍ തന്നെയാണെന്നതും ശ്രദ്ധേയമാണ്.

    5. തീവ്രവാദ ഭീഷണി: അദ്വാനിയുടെ സങ്കല്‍പ്പ് യാത്ര അനിശ്ചിതത്വത്തില്‍
    ന്യൂഡല്‍ഹി: ലോക്സഭാ തെരഞ്ഞെടുപ്പ് മുന്നില്‍ കണ്ട് പ്രതിപക്ഷ നേതാവ് എല്‍ കെ അദ്വാനി നടത്താനിരിക്കുന്ന ‘സങ്കല്‍പ്പ് യാത്ര’ തുടക്കത്തിലേ തകിടംമറിയുന്നു. അദ്വാനിക്കെതിരെ ചാവേര്‍ ആക്രമണമുണ്ടായേക്കുമെന്ന ഇന്റലിജന്‍സ് റിപ്പോര്‍ട്ടുകളെത്തുടര്‍ന്നാണിത്. സങ്കല്‍പ്പ് യാത്രയുടെ ഭാഗമായി ബുധനാഴ്ച മധ്യപ്രദേശിലെ ജെബല്‍പുരില്‍ നിശ്ചയിച്ച റാലിയില്‍ മാറ്റമൊന്നും വരുത്തിയിട്ടില്ലെങ്കിലും തുടര്‍ന്നുള്ള പല റാലികളും റദ്ദാക്കി. യുപിയിലെ രാംപുര്‍, ലഖ്നൌ, വാരാണസി എന്നിവിടങ്ങളിലെ റാലികള്‍ മാറ്റി.

    റാലികള്‍ക്കു നേരെ ആക്രമണമുണ്ടായേക്കുമെന്ന് കേന്ദ്രസര്‍ക്കാര്‍തന്നെയാണ് അദ്വാനിയെ അറിയിച്ചത്. ചൊവ്വാഴ്ച ദേശീയ സുരക്ഷാ ഉപദേഷ്ടാവ് എം കെ നാരായണന്‍ എല്‍ കെ അദ്വാനിയെ കണ്ട് ഈ വിവരം അറിയിക്കുകയായിരുന്നു. ഭീഷണിയുണ്ടെന്ന വിവരമറിഞ്ഞപ്പോള്‍ത്തന്നെ ബിജെപി നേതൃത്വം പ്രധാനറാലികളൊക്കെ മാറ്റുകയായിരുന്നു. ജബല്‍പുര്‍ റാലിക്ക് എല്ലാ ഒരുക്കവും പൂര്‍ത്തിയായതിനാലാണ് മാറ്റിവയ്ക്കാതിരുന്നത്. അദ്വാനിയുടെ സുരക്ഷ കൂടുതല്‍ ശക്തിപ്പെടുത്താന്‍ കേന്ദ്രം ആലോചിക്കുന്നുണ്ടെന്ന് എം കെ നാരായണന്‍ അറിയിച്ചു. അദ്വാനിക്കും മോഡിക്കും നേരെ തീവ്രവാദി ആക്രമണത്തിന് സാധ്യതയുണ്ടെന്നാണ് ഇന്റലിജന്‍സ് റിപ്പോര്‍ട്ട്. ഇതേത്തുടര്‍ന്ന് കഴിഞ്ഞയാഴ്ച ആഭ്യന്തരമന്ത്രാലയം ഇരുവരുടെയും സുരക്ഷ വിലയിരുത്തിയിരുന്നു.

    6. ഓഹരി നിക്ഷേപലാഭത്തിന് നികുതി ചുമത്തണം: യെച്ചൂരി
    കോയമ്പത്തൂര്‍: ഷെയര്‍മാര്‍ക്കറ്റിലെ നിക്ഷേപത്തിന്റെ ലാഭത്തിന് നികുതി ചുമത്തി സാമ്പത്തികസ്ഥിതിയുടെ തകര്‍ച്ച ഒഴിവാക്കാമെന്ന് സിപിഐ എം പൊളിറ്റ്ബ്യൂറോ അംഗം സീതാറാം യെച്ചൂരി പറഞ്ഞു. കോയമ്പത്തൂര്‍ പിഎസ്ജി കോളേജില്‍ കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീസ്, എസ്ഐഇഎംഎ, പിഎസ്ജി മാനേജ്മെന്റ് സ്റ്റഡീസ് എന്നിവ സംയുക്തമായി സംഘടിപ്പിച്ച സംവാദത്തില്‍ സംസാരിക്കുകയായിരുന്നു അദ്ദേഹം. ഷെയര്‍മാര്‍ക്കറ്റിലെ കയറ്റവും ഇറക്കവും പരിഗണിച്ചാണ് സാമ്പത്തികസ്ഥിരത പറയുന്നത്. ഇത് സാമ്പത്തിക മൌലികവാദമാണ്. ഇത്തരം പാരമ്പര്യ കണക്കുകൂട്ടലില്‍ ഗ്രാമീണരുടെയും ഇന്ത്യയിലെ മറ്റു ജനവിഭാഗങ്ങളുടെയും സാമ്പത്തികസ്ഥിതി കണക്കാക്കുന്നില്ല.

    ആണവോര്‍ജം ഉപയോഗിച്ചുള്ള ഊര്‍ജോല്‍പ്പാദനത്തില്‍ 30,000 മെഗാവാട്ട് വൈദ്യുതി ഉല്‍പ്പാദിപ്പിക്കാന്‍ 3,30,000 കോടി രൂപ ചെലവുവരും. ഒരു മെഗാവാട്ട് വൈദ്യുതി ഉല്‍പ്പാദിപ്പിക്കാന്‍ 11 കോടി രൂപയാണ് ചെലവ്. എന്തിനാണിത്? ജലവൈദ്യുതപദ്ധതികളില്‍നിന്ന് ചുരുങ്ങിയ ചെലവില്‍ വൈദ്യുതി നിര്‍മിക്കാനുള്ള സാഹചര്യം ഇന്ത്യക്കുണ്ട്.

    ചൈനയെപ്പോലെ ഇന്ത്യക്കോ ഇന്ത്യയെപ്പോലെ ചൈനക്കോ ആകാന്‍ പറ്റില്ല. രണ്ടു രാജ്യങ്ങള്‍ക്കും അതത് രാജ്യങ്ങളുടെ സാമൂഹ്യ-സാമ്പത്തിക പ്രത്യേകതകളുണ്ട്. ചൈനയില്‍ വിവിധ രംഗങ്ങളില്‍ വിദേശമൂലധനം സ്വീകരിക്കുന്നുണ്ട്. ഫാക്ടറികളുടെ ബ്രാഞ്ചുകളും സ്ഥാപിക്കുന്നു. എന്നാല്‍, ഇവയിലെല്ലാം 75 ശതമാനം ഷെയര്‍ ചൈനീസ് സര്‍ക്കാരിന്റേതാണ്. അവിടത്തെ ജനങ്ങള്‍ക്ക് ജോലി ലഭിക്കുന്നു. രാജ്യത്തിന് ലാഭവും ലഭിക്കുന്നു. ഇന്ത്യയില്‍ മനുഷ്യവിഭവശേഷിയും അസംസ്കൃതവസ്തുക്കളും മതിയായ രീതിയില്‍ ഉപയോഗിക്കുന്നില്ല. നന്ദിഗ്രാമില്‍ കോര്‍പറേറ്റ് മാധ്യമങ്ങളും തൃണമൂല്‍, ആര്‍എസ്എസ്, മാവോയിസ്റ്റ്, മുസ്ളിം മതമൌലികവാദികളും ചേര്‍ന്ന് നടത്തിയത് നുണപ്രചാരവേലയാണ്. സ്വതന്ത്രമേഖലയാക്കി നന്ദിഗ്രാമിനെ മാറ്റാനുള്ള ഇവരുടെ ശ്രമമാണ് പരാജയപ്പെട്ടത്. രാഷ്ട്രീയമായി സിപിഐ എമ്മിനെ തകര്‍ക്കുക എന്നതായിരുന്നു ലക്ഷ്യം-യെച്ചൂരി പറഞ്ഞു.

    7. വടക്കന്‍ കൊറിയക്ക് ഇന്ത്യ ഭക്ഷ്യ സാധനങ്ങള്‍ കൈമാറി
    പോങ്യ്യാങ്: കനത്ത വെള്ളപ്പെക്കത്തെ തുടര്‍ന്ന് ദുരിതമനുഭവിക്കുന്ന വടക്കന്‍ കൊറിയക്ക് ഇന്ത്യയുടെ സഹായഹസ്തം. ഭക്ഷ്യസാധനങ്ങളാണ് ഇന്ത്യ നല്‍കുന്നത്. ഇതിന്റെ കൈമാറ്റം കൊറിയന്‍ തുറമുഖത്ത് നടന്നതായി ‘ദ കൊറിയന്‍ സെന്‍ട്രല്‍ ന്യൂസ് ഏജന്‍സി’ അറിയിച്ചു.

    നാല്‍പ്പതു വര്‍ഷത്തിനിടെയുണ്ടായ ശക്തമായ മഴയിലും വെള്ളപ്പൊക്കത്തിലും വടക്കന്‍കൊറിയയിലെ ഭക്ഷ്യ ഉല്‍പാദനത്തിന്റെ 11 ശതമാനവും നശിച്ചിരുന്നു. വെള്ളപ്പൊക്കത്തില്‍ അറുന്നുറിലേറെ ജനങ്ങള്‍ മരിക്കുകയും ആയിരങ്ങള്‍ ഭവനരഹിതരാകുകുയും ചെയ്തു.

    8. ബഹറിനില്‍ ഇന്ത്യന്‍തൊഴിലാളികള്‍ പണിമുടക്കില്‍
    ദുബായ്: ശമ്പള വര്‍ധന ആവശ്യപ്പെട്ട് ബഹറിനില്‍ ഇന്ത്യാക്കാരടക്കം എഴുനൂറോളം തൊഴിലാളികള്‍ പണിമുടക്ക് ആരംഭിച്ചു. അല്‍മൊയ്ദ് കോണ്‍ട്രാക്ടിങ് കമ്പനിയിലെ തൊഴിലാളികളാണ് പണിമുടക്കുന്നത്. ബംഗ്ളാദേശ്, പാകിസ്ഥാന്‍ എന്നിവിടങ്ങളില്‍നിന്നുള്ളവരും ഇവര്‍ക്കൊപ്പമുണ്ട്.

    പ്രതിമാസം 60 ബഹറിന്‍ ദിനാര്‍ (6200 രൂപ) മുതല്‍ 80 ദിനാര്‍ വരെയാണ് ഇവരുടെ ശമ്പളം. പണപ്പെരുപ്പംമൂലം 20 ദിനാര്‍പോലും നാട്ടിലേക്കയക്കാന്‍ തങ്ങള്‍ക്കു കഴിയുന്നില്ലെന്ന് തൊളിലാളികള്‍ പറഞ്ഞു.

    ഒരു അഭിപ്രായം ഇടൂ

    Filed under പലവക