Category Archives: പത്രവാര്‍ത്തകള്‍

വില്ലേജാഫീസുകളെന്താ ഇങ്ങനെ?

ഓണ്‍ലൈന്‍ ലേഖനം ലഭ്യമല്ലാത്തതിനാല്‍ ഇ-പേപ്പര്‍ ലിങ്ക്.

http://digitalpaper.mathrubhumi.com/85922/Trivandrum/2013-Jan-30#page/4/2

Advertisements

ഒരു അഭിപ്രായം ഇടൂ

Filed under കേരളം, നിയമം, പത്രവാര്‍ത്തകള്‍, മാധ്യമം, വാര്‍ത്ത, സര്‍ക്കാര്‍, സാങ്കേതികം

പാവപ്പെട്ടവന്റെ നികുതിക്കാശ് പാര്‍ട്ടി പ്രവര്‍ത്തകര്‍ക്ക് ശമ്പളമായും പെന്‍ഷനായും

കുടുംബക്ഷേമമന്ത്രി

ഇന്ദ്രന്‍

പി.കെ. ശ്രീമതി സര്‍ക്കാര്‍ രേഖകള്‍ പ്രകാരം ആരോഗ്യവും സാമൂഹികക്ഷേമവും വകുപ്പുമന്ത്രിയാണ്. ആരോഗ്യവും കുടുംബക്ഷേമവും എന്നാണ് വകുപ്പിന് പേരിടേണ്ടതെന്ന ശക്തമായ വാദമുണ്ട്. സാഹചര്യത്തിനൊത്ത് വകുപ്പിന്റെ പേരുമാറ്റുന്നത് തെറ്റല്ല. അങ്ങനെ കീഴ്‌വഴക്കമുണ്ട്. പണ്ട് കുടുംബാസൂത്രണമെന്നൊരു വകുപ്പുണ്ടായിരുന്നു. അടിയന്തരാവസ്ഥയിലെ നിര്‍ബന്ധിത വന്ധ്യംകരണം കാരണം ജനം ആ പേര് കേട്ടാല്‍ കൊടുവാളെടുക്കുമെന്ന നിലയെത്തിയപ്പോള്‍ ആ ഏര്‍പ്പാടിന്റെ പേര് കുടുംബക്ഷേമം എന്നാണ് മാറ്റിയത്. മന്ത്രിയുടെ കുടുംബക്ഷേമ വ്യഗ്രത പരിഗണിച്ച് വകുപ്പിന്റെ പേരും അതാക്കുന്നതില്‍ തെറ്റ് ഒട്ടുമില്ല.

പാവപ്പെട്ടവന്റെ നികുതിക്കാശ് പാര്‍ട്ടി പ്രവര്‍ത്തകര്‍ക്ക് ശമ്പളമായും പെന്‍ഷനായും നല്‍കുന്ന വിപ്ലവാശയത്തിന് തുടക്കംകുറിച്ചതിന്റെ ക്രെഡിറ്റ് ശ്രീമതി ടീച്ചര്‍ക്ക് നല്‍കാനൊക്കില്ല. ഉമ്മന്‍ചാണ്ടിയുടെയും എ.കെ.ആന്റണിയുടെയും അതിനുമുമ്പ് ഇ.കെ.നായനാരുടെയും അതിനുംമുമ്പ് കരുണാകരന്റെയുമെല്ലാം കാലങ്ങളിലൂടെ അതങ്ങനെ വളര്‍ന്ന് വികാസം പ്രാപിക്കുകയായിരുന്നു. ഒന്നോ രണ്ടോ സെക്രട്ടറിമാരുണ്ടായിരുന്ന കാലത്തുനിന്ന് ഒരു വന്‍പ്രകടനത്തിനുള്ള ആള്‍ക്കൂട്ടമായി പേഴ്‌സണല്‍ സ്റ്റാഫ് വളര്‍ന്നതിനുള്ള ബഹുമതിക്ക് ഇവരെല്ലാം തുല്യമായി അര്‍ഹരാണ്. സര്‍ക്കാര്‍ സര്‍വീസില്‍ ഇഷ്ടംപോലെഉദ്യോഗസ്ഥന്മാരുണ്ട്. ഒരു പണിയുമില്ലാത്തവര്‍ തന്നെയുണ്ട് ധാരാളം. ഒന്നരഡസന്‍ മന്ത്രിമാര്‍ക്ക് രണ്ടു ഡസന്‍ വീതം പ്രൈവറ്റ് സെക്രട്ടറിമാരെയും അരിവെപ്പുകാരെയും – രണ്ടും തമ്മില്‍ വ്യത്യാസമില്ലെന്നായിട്ടുണ്ടല്ലോ – നല്‍കാന്‍ ചീഫ് സെക്രട്ടറിയോട് വിളിച്ചുപറഞ്ഞാല്‍മതി. പാര്‍ട്ടി മെമ്പര്‍ഷിപ്പുള്ള ഉദ്യോഗസ്ഥരെത്തന്നെ കിട്ടും. അതുപോരെന്നാണ് എല്‍.ഡി.എഫ്., യു.ഡി.എഫ്. പക്ഷങ്ങള്‍ ഏകകണ്ഠമായി തീരുമാനിച്ചത്. പാര്‍ട്ടിക്കാര്‍ തന്നെവേണം.

അഞ്ചുവര്‍ഷം പ്രൈവറ്റ് സെക്രട്ടറിയായിരിക്കുന്ന ആള്‍ക്ക് ജീവിതകാലം മുഴുവന്‍ സര്‍ക്കാര്‍ പെന്‍ഷന്‍ നല്‍കണമെന്ന് വ്യവസ്ഥയുണ്ടാക്കിയത് ഏത് മഹാനുഭാവന്റെ ഭരണകാലത്താണെന്ന് കണ്ടുപിടിക്കാന്‍ തലസ്ഥാനത്തെ മാധ്യമശിങ്കങ്ങള്‍ക്ക് കഴിയുമായിരിക്കും. സര്‍ സി.പി.യാണ് ഇത് പണിതത്, ഇ.എം.എസ്സാണ് അത് ചെയ്തത്, അച്യുതമേനോനാണ് മറ്റേത് ചെയ്തത് എന്ന് പറയാറുള്ളതുപോലെ ഈ മഹാത്മാവിന്റെ പേരും ചരിത്രത്തിന്റെ ചെമ്പോലയില്‍ രേഖപ്പെടുത്തേണ്ടതാണ്. മന്ത്രി സ്റ്റാഫാകാന്‍ ഒരു പരീക്ഷയും പാസ്സാകേണ്ട. അക്ഷരമറിയണമെന്നുമില്ല. രണ്ടുവര്‍ഷം പണിയെടുക്കുകയോ പണിയെടുക്കുന്നുണ്ട് എന്ന്അഭിനയിക്കുകയോ ചെയ്താല്‍ മതി. അത്രയുംകാലം മുന്തിയ ശമ്പളവും ജീവിതാന്ത്യം വരെ പെന്‍ഷനും കിട്ടും. ഗിന്നസ് ബുക്കുകാരും ലിംകക്കാരുമൊക്കെ എന്തെടുക്കുകയാണാവോ… രണ്ടുകൊല്ലം ശമ്പളം വാങ്ങിയാല്‍ ജീവിതാന്ത്യം വരെ പെന്‍ഷന്‍ നല്‍കുന്ന മധുരമനോജ്ഞവ്യവസ്ഥ ഈ കേരളത്തിലുണ്ടെന്ന് എന്തേ അവരിതുവരെ അവരുടെ റെക്കോഡ് കിത്താബില്‍ രേഖപ്പെടുത്തി ലോകത്തെ അറിയിച്ചില്ല? ബി.ബി.സി.യും സി.എന്‍.എന്നും അല്‍ ജസീറയും ഈ മഹാസംഭവം രേഖപ്പെടുത്താന്‍ എന്തേ ഇതുവരെ പാഞ്ഞുവന്നില്ല? ഗിന്നസുകാര്‍ ശ്രദ്ധിക്കേണ്ട മറ്റൊരു സംഗതിയും ഇതിലുണ്ട്. പാചകക്കാരിയായി നിയമിക്കപ്പെട്ട ഒരാള്‍ അഞ്ചുമാസത്തിനകം ക്ലാര്‍ക്കായും പിന്നെ എട്ടുമാസംകൊണ്ട് ഗസറ്റഡ് ഓഫീസറായും സ്ഥാനക്കയറ്റംനേടിയ സംഭവം പഴയ സോഷ്യലിസ്റ്റ് റിപ്പബ്ലിക്കില്‍പോലും ഉണ്ടായിട്ടില്ല.

ഒരു ആശയത്തെ ചെറുതായൊന്നു മാറ്റി പല മടങ്ങ് ഫലപ്രദമാക്കുന്നവര്‍ക്കാണ് ഇക്കാലത്ത് വലിയ അംഗീകാരങ്ങള്‍ കിട്ടുന്നത്. ആ നിലയ്ക്ക് നോക്കിയാല്‍ ശ്രീമതി ടീച്ചര്‍ പ്രത്യേക ബഹുമതിക്ക് അര്‍ഹയാണ്. പാര്‍ട്ടി സെക്രട്ടറിയോ പ്രാദേശികനേതാവോ ശുപാര്‍ശ ചെയ്യുന്ന ഏതെങ്കിലും പാര്‍ട്ടിബന്ധുവിനെ ക്ലാര്‍ക്കോ സെക്രട്ടറിയോ പാചകക്കാരനോ ആക്കുകയാണ് ഇത്രയും കാലം മന്ത്രിമാര്‍ ചെയ്തുപോന്നത്. മകന്റെ ഭാര്യയെയും സഹോദരിയുടെ മകനെയും സ്റ്റാഫായി നിയമിക്കാമെന്ന വിപ്ലവകരമായ കണ്ടെത്തല്‍ ടീച്ചറുടെതാണ്. ഇതിന്റെ ഭാവിസാധ്യതകളെക്കുറിച്ചോര്‍ത്ത് എത്രയെത്ര യു.ഡി.എഫ്. നേതാക്കളുടെ പുത്രഭാര്യമാരും സഹോദരീപുത്രന്മാരും രോമാഞ്ചം കൊള്ളുന്നുണ്ടാകും മനക്കോട്ടകള്‍ കെട്ടുന്നുണ്ടാകും. അമ്മായിയമ്മമാരെ അമ്മിക്കല്ലില്‍വെച്ച് കുത്തിച്ചതയ്ക്കണമെന്ന് പദ്യം ചൊല്ലാറുള്ള പുത്രഭാര്യമാര്‍ ഇനി വിനീതവിധേയരായി ഓച്ഛാനിച്ചുനില്‍ക്കും. അടിപിടിക്കും അടുക്കളപ്പോരിനുമൊന്നും ഒരുമ്പെടുകയില്ല. ഒരിടത്തും സമാധാനമുണ്ടാക്കാന്‍ കഴിഞ്ഞിട്ടില്ലാത്ത ഒബാമയ്ക്കല്ല, രാഷ്ട്രീയകുടുംബങ്ങളില്‍ അമ്മായിയമ്മപ്പോരുകള്‍ക്ക് അറുതിവരുത്തിയ ശ്രീമതിടീച്ചര്‍ക്കാണ്, സമാധാനത്തിനുള്ള നൊബേല്‍ സമ്മാനം നല്‍കേണ്ടിയിരുന്നത്.

ശ്രീമതി ടീച്ചറുടെ പരോപകാരങ്ങളെ സ്വജനപക്ഷപാതമായി ചിത്രീകരിക്കുന്നുണ്ട് പാര്‍ട്ടി വിരുദ്ധ മാധ്യമസിന്‍ഡിക്കേറ്റും മറ്റ് തത്പര കക്ഷികളും. സത്യപ്രതിജ്ഞാലംഘനവുമാണത്രേ അത്. ഇതൊക്കെ പൊറുക്കുന്ന ആളാണോ മുഖ്യമന്ത്രി അച്യുതാനന്ദന്‍? ഉമ്മന്‍ചാണ്ടിയുടെ ഭരണകാലത്താണ് മന്ത്രി പുത്രഭാര്യയെ ഈ തരത്തില്‍ നിയമിച്ചിരുന്നതെങ്കില്‍ കഥ കഴിച്ചിട്ടുണ്ടാകുമായിരുന്നു വി.എസ്. അതേ വി.എസ്. ആണ് ശ്രീമതി ടീച്ചറുടെ മരുമകളെയും സഹോദരീപുത്രനെയും നിയമിക്കാന്‍ സ്‌പെഷല്‍ ഓര്‍ഡര്‍ ഒപ്പിട്ടുകൊടുത്തതെന്ന് ഇപ്പോള്‍ പുറത്തുവന്നരേഖകള്‍ പറയുന്നു. അതിനുള്ള ന്യായം വി.എസ്. പാര്‍ട്ടിയില്‍ പറഞ്ഞിട്ടുണ്ടാവണം. പൊതുജനമതൊന്നും അറിയേണ്ട കാര്യമില്ല. ബിരുദപരീക്ഷയുടെ ഫലംവന്ന് മാസങ്ങള്‍ക്കകമാണ് ആ സഖാക്കള്‍ ജോലി നേടിയതെന്നത്, പരീക്ഷ പാസ്സായി പതിറ്റാണ്ട് കഴിഞ്ഞിട്ടും ചുമരെഴുത്തും ചങ്ങലപിടിയും അടിപിടിയും മാത്രമായി നടക്കുന്ന സഖാക്കളും അറിയേണ്ട കാര്യമില്ല. പോലീസിന്റെ തല്ലും വര്‍ഗശത്രുക്കളുടെ കുത്തുമേറ്റ് മരിച്ചുവീണ സഖാക്കളുടെ കുടുംബങ്ങളും അതറിയേണ്ടതില്ല.

ഒരുവര്‍ഷം മുമ്പെപ്പോഴോ നടന്ന സംഭവത്തെക്കുറിച്ച് ഇപ്പോഴെന്തിന് വാര്‍ത്തയും ലേഖനവും വിവാദവുമുണ്ടാക്കുന്നതെന്ന ന്യായമായ ചോദ്യമുണ്ട്. അസൂയ തന്നെയാണ് കാരണം. പാചകക്കാരി ഗസറ്റഡ് ഓഫീസര്‍ ആയി, പെന്‍ഷന് അര്‍ഹതനേടിയാണ് അന്ന് ജോലിയൊഴിഞ്ഞതെന്ന് കാണിക്കുന്ന രേഖകളും പുറത്തുവന്നിരിക്കുന്നു. ആര്‍ക്കാണ് അസൂയ തോന്നാതിരിക്കുക. ഇതിനൊക്കെ സൗകര്യമൊരുക്കിയത് ആദര്‍ശധീരനായ മുഖ്യമന്ത്രിയാണെന്ന് തെളിയിക്കുന്ന രേഖകള്‍ പുറത്തുവിട്ടത് വി.എസ്. പക്ഷക്കാരെന്ന ചീത്തപ്പേരുണ്ടായിരുന്ന കൂട്ടര്‍ തന്നെ. അവരിപ്പോഴും വി.എസ്. പക്ഷത്താണ്, വി.എസ്. പക്ഷേ, ആ പക്ഷത്തില്ലെന്നുമാത്രം.

രാമചന്ദ്രന്‍ കടന്നപ്പള്ളിയുടെ പേഴ്‌സണല്‍ സ്റ്റാഫില്‍ ചേരാന്‍ ആളെകിട്ടിയില്ലെന്നോ മറ്റോ കേട്ടു. കടന്നപ്പള്ളിയുടെ പാര്‍ട്ടിയില്‍ അതിനുമാത്രം ആളില്ലാത്തതാവും കാരണമെന്നാണ് ആദ്യം ധരിച്ചത്. അതല്ലത്രേ പ്രശ്‌നം. രണ്ടുകൊല്ലം ഇനി ബാക്കിയില്ലാത്തതുകൊണ്ട് പെന്‍ഷനുള്ള സര്‍വീസ് തികയില്ലെന്നറിഞ്ഞതുകൊണ്ടാണത്രേ അണികള്‍ക്ക് മടുപ്പ്. അബദ്ധം. ആ രണ്ടുകൊല്ലമെന്നത് ഒരു കൊല്ലമാക്കാനാണോ വിഷമം? എ.കെ.ജി.സെന്ററില്‍ നിന്ന് ഒന്നു പറയിച്ചാല്‍ പോരേ, മുഖ്യമന്ത്രിയെക്കൊണ്ട് ഒരു ബുദ്ധിമുട്ടും ഉണ്ടാകില്ലെന്നുറപ്പ്.
…………………………. ………………………………………
ഇതിനൊക്കെ ഇപ്പോള്‍ റോഡ് ഷോ എന്നാണത്രേ പേര്. ഷോ എന്നതാണ് ഇതിലെ അര്‍ഥവത്തായ പദം. രാഷ്ട്രീയംതന്നെ ഒരു ഷോ ആക്കാം. ദലിത് കുടുംബങ്ങളില്‍ ചെന്ന് ഉറങ്ങുക, വഴിയില്‍ ചായക്കടയില്‍ കേറി ദോശ തിന്നുക, കോളേജില്‍ച്ചെന്ന് ഓട്ടോഗ്രാഫ് ഒപ്പിട്ടുകൊടുക്കുക തുടങ്ങിയവയാണ് ഇതിലെ ചില ഇനങ്ങള്‍.

ഇപ്പോള്‍ ദേശീയതലത്തില്‍ത്തന്നെ ഷോ ബിസിനസ്സില്‍ ഒന്നാംസ്ഥാനത്ത് രാഹുല്‍ജിയാണത്രെ. തികഞ്ഞ തന്മയത്വമാര്‍ന്ന അഭിനയം ആണ് എന്നാണ് കണ്ടവര്‍ പറയുന്നത്. ജനനവശാല്‍തന്നെ ഉയര്‍ച്ചയ്ക്ക് വലിയ സാധ്യതയുള്ള ആളാണ്. വേണ്ടെന്ന് വെച്ച് കാട്ടില്‍പോയൊളിച്ചാല്‍ പോലും കോണ്‍ഗ്രസ്സുകാര്‍ സമ്മതിക്കില്ല, പിടിച്ചുകൊണ്ടുവന്നു നേതാവാക്കും. അതുകൊണ്ട് പുള്ളിക്കാരന്‍ ബലംപിടിക്കാനൊന്നും പോയില്ല, ചുമ്മാ നിന്നുകൊടുത്തു. പ്രധാനമന്ത്രിയായിട്ടുതന്നെ വേറെ കാര്യം.

തീവണ്ടിയില്‍പോകുകയും ചായക്കടയില്‍കേറുകയുമൊക്കെ ചെയ്യുമെങ്കിലും അത് ചെലവുചുരുക്കാനാണെന്നത് വെറും തെറ്റിദ്ധാരണയാണ്. ചെലവുചുരുക്കുകയല്ല വേണ്ടത്, ചെലവുചുരുക്കുന്നുണ്ടെന്ന് ഷോ കാട്ടുകയാണ്. നേതാവ് കഴിഞ്ഞദിവസം കേരളത്തില്‍ വന്നതും പോയതും പ്രത്യേക വിമാനത്തിലാണത്രെ. കേരളത്തില്‍ ഓടിക്കാന്‍ പ്രത്യേകകാറുകള്‍ വേറെ വിമാനത്തില്‍ കൊണ്ടുവരേണ്ടിവന്നു. എല്ലാറ്റിനും കൂടി അഞ്ചോ പത്തോ കോടി ചെലവായിട്ടുണ്ടാകാം. അമിതാബ് ബച്ചന്റെയൊക്കെ ചില ഷോകള്‍ക്ക് ഇതിനേക്കാള്‍ ചെലവുവരാറില്ലേ? രാഷ്ട്രപതി, പ്രധാനമന്ത്രി എന്നിവര്‍ക്കില്ലാത്ത ചെലവാണ് വെറും എ.ഐ.സി.സി. സെക്രട്ടറി വരുത്തിവെക്കുന്നതെന്ന് വിലപിച്ചിട്ടുകാര്യമില്ല. അതൊക്കെ ആയിക്കഴിഞ്ഞവര്‍ക്ക് അവിടെ അമര്‍ന്നിരുന്നാല്‍ മതി, അതാകാനുള്ള പാടൊന്നും അവര്‍ അറിഞ്ഞിട്ടില്ലല്ലോ. ഇത് ഇനം വേറെ. രാഷ്ട്രപതി, പ്രധാനമന്ത്രി എന്നീ പദവികള്‍പോലെ ഭാവി പ്രധാനമന്ത്രി എന്നൊരു ഭരണഘടനാ പദവി സൃഷ്ടിക്കുന്ന കാര്യവും ആലോചിക്കാവുന്നതാണ്.

…………………………. ………………………………………
സര്‍ക്കാര്‍ പദ്ധതിക്ക് ‘എല്ലാവര്‍ക്കും വീട് എല്ലാവര്‍ക്കും തൊഴില്‍’ എന്ന പേരുപാടില്ലെന്ന് സി.പി.എം. സംസ്ഥാനക്കമ്മിറ്റി തീരുമാനിച്ചതില്‍ തെറ്റുപറയാനാവില്ല. എല്ലാവര്‍ക്കും വീടും തൊഴിലും നല്‍കാന്‍ ദൈവംതമ്പുരാന്‍ വിചാരിച്ചാലും കഴിയണമെന്നില്ല. ഏഴ് പതിറ്റാണ്ട് കാലം സോഷ്യലിസം നടപ്പാക്കിയ സോവിയറ്റ് യൂണിയനില്‍ കഴിയാത്തത് ഇനി രണ്ടുകൊല്ലം പോലും ഭരണകാലമില്ലാത്ത മന്ത്രിസഭയ്ക്കാണോ കഴിയുക?

മുതലാളിത്തവ്യവസ്ഥയെക്കുറിച്ച് വ്യാമോഹമുണ്ടാകുമെന്നതാണ് പേര് മാറ്റാന്‍ കാരണമെന്ന് മാധ്യമ സൈദ്ധാന്തികര്‍ വ്യാഖ്യാനാത്മക റിപ്പോര്‍ട്ടുകളില്‍ പറയുന്നു. അതൊന്നുമല്ല സാറേ പ്രശ്‌നം. പത്തുടേമില്‍ ഭരണംകിട്ടിയാലും നടത്താന്‍കഴിയാത്ത വാഗ്ദാനംനല്‍കിയാല്‍ അടുത്ത തിരഞ്ഞെടുപ്പില്‍ സമാധാനം പറയാനാവില്ല. കിട്ടുന്ന വോട്ടും കളയുന്ന ഏര്‍പ്പാടെന്തിന്?

കടപ്പാട് – മാതൃഭൂമി 11-10-09

1 അഭിപ്രായം

Filed under കേരളം, പത്രവാര്‍ത്തകള്‍, സാമ്പത്തികം

അദ്ധ്യാപകന്‍ മരിച്ചോ അതോ കൊന്നോ?

ക്ലസ്റ്റര്‍ ഉപരോധം: സംഘര്‍ഷത്തിനിടെ അധ്യാപകന്‍ മരിച്ചു
കൊണ്ടോട്ടി: ക്ലസ്റ്റര്‍ യോഗം നടക്കുന്ന സ്കൂളിന് പുറത്ത് സംഘര്‍ഷത്തിനിടെ പരിക്കേറ്റ പ്രധാനാധ്യാപകന്‍ മരിച്ചു. അരീക്കോട് ഉപജില്ലയിലെ വാലില്ലാപുഴ എം.എ.എല്‍.പി സ്കൂള്‍ പ്രധാനാധ്യാപകന്‍ തോട്ടുമുക്കം എടക്കര വീട്ടില്‍ ജെയിംസ് അഗസ്റ്റിന്‍ (48) ആണ് ഇന്നലെ ഉച്ചയോടെ കോഴിക്കോട്ടെ സ്വകാര്യ ആശുപത്രിയിലേക്ക് കൊണ്ടുപോകും വഴി മരിച്ചത്.

ക്ലസ്റ്റര്‍ യോഗം നടക്കുന്ന കിഴിശേãരി ജി.എല്‍.പി സ്കൂളിനടുത്ത് ഇദ്ദേഹത്തെ ഏതാനും പേര്‍ കൈയേറ്റം ചെയ്തിരുന്നു. കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ് അസോസിയേഷന്‍ അംഗമാണ് ജെയിംസ് അഗസ്റ്റിന്‍. ക്ലസ്റ്റര്‍ യോഗം നടക്കുന്ന കിഴിശേãരി ജി.എല്‍.പി സ്കൂളിന്റെ രണ്ടു ഗെയ്റ്റും ഉപരോധം നടത്തിയ മുസ്ലിം ലീഗ് പ്രവര്‍ത്തകര്‍ ഇന്നലെ രാവിലെ തന്നെ പൂട്ടിയിട്ടിരുന്നു. അതിനാല്‍ അധ്യാപകര്‍ക്ക് സ്കൂളിനകത്തേക്ക് കയറാന്‍ കഴിഞ്ഞില്ല. അധ്യാപകരും ഉപരോധക്കാരും സ്കൂളിന് പുറത്ത് കൂട്ടം കൂടി നില്‍ക്കുന്നതിനിടെയാണ് ജെയിംസ് അഗസ്റ്റിന്‍ ബൈക്കില്‍ സ്ഥലത്തെത്തുന്നത്. വണ്ടി നിര്‍ത്തി ഡയറി എടുത്ത് എന്തോ കുറിക്കാന്‍ ശ്രമിക്കുന്നതിനിടെ ഏതാനും പേര്‍ ഇദ്ദേഹത്തിനെതിരെ തിരിഞ്ഞു. ഉന്തിനും തള്ളിനും ഇടയില്‍ നിലത്ത് വീണ മാസ്റ്റര്‍ക്ക് ചവിട്ടേറ്റതായി പറയപ്പെടുന്നു. കൈക്കും തലക്കും പരിക്കേറ്റു. ഉടനെ സുഹൃത്തായ മറ്റൊരു അധ്യാപകനോടൊപ്പം പത്തര മണിയോടെ തൊട്ടടുത്ത അല്‍ അബീര്‍ ആശുപത്രിയിലെത്തി. ഉച്ചയോടെ തലവേദനയും അസ്വാസ്ഥ്യവും അനുഭവപ്പെട്ടതിനെ തുടര്‍ന്ന് സി.ടി സ്കാനിംഗിനായി 1.10നാണ് ജെയിംസ് മാസ്റ്ററെ ആശുപത്രിയുടെ ആംബുലന്‍സില്‍ കോഴിക്കോട്ടേക്ക് കൊണ്ടുപോയത്. എന്നാല്‍, അവിടെ എത്തുമ്പോഴേക്കും മരിച്ചിരുന്നു. തുടര്‍ന്ന് മൃതദേഹം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.

വെള്ളിയാഴ്ചയും ക്ലസ്റ്റര്‍ യോഗത്തിനിടെ സംഘര്‍ഷം ഉണ്ടായതിനാല്‍ ഇന്നലെ സ്കൂളില്‍ പോലിസ് ബന്തവസ് ഏര്‍പ്പെടുത്തിയിരുന്നു. കൊണ്ടോട്ടി അഡീഷണല്‍ എസ്.ഐ വേലായുധന്റെ നേതൃത്വത്തിലുള്ള സംഘമാണ് സ്ഥലത്തുണ്ടായിരുന്നത്. സംഘര്‍ഷം നടന്നത് സ്കൂളിന് വെളിയില്‍ ആയതിനാല്‍ സംഭവം പോലിസിന്റെ ശ്രദ്ധയില്‍ പെട്ടിരുന്നില്ല.

അധ്യാപകനെ ഏതാനും പേര്‍ കൈയേറ്റം ചെയ്യുന്നതും മര്‍ദിക്കുന്നതും കണ്ടെന്ന് ബ്ലോക്ക് പ്രോഗ്രാം ഓഫീസര്‍ (ബി.പി.ഒ) പി. ശങ്കരപണിക്കര്‍ പോലിസില്‍ മൊഴി നല്‍കി. വെള്ളിയാഴ്ചയും ക്ലസ്റ്റര്‍ യോഗം ഉപരോധിക്കാനും അലങ്കോലപ്പെടുത്താനും സ്കൂളില്‍ ശ്രമം നടന്നതായി അദ്ദേഹം പറഞ്ഞു. കിഴിശേãരി ഉപജില്ലയിലെയും കീഴുപറമ്പ് പഞ്ചായത്തിലെയും എല്‍.പി, യു.പി സ്കൂള്‍ അധ്യാപകരുടെ യോഗമാണ് കിഴിശേãരി ജി.എല്‍.പി സ്കൂളില്‍ നിശ്ചയിച്ചിരുന്നത്. തൊട്ടടുത്ത കുഴിമണ്ണ ഗവ. ഹയര്‍ സെക്കന്‍ഡറി സ്കൂളില്‍ ഇന്നലെ ഉപരോധ ശ്രമം നടന്നിരുന്നു. പോലിസ് ഇടപെട്ട് പ്രതിഷേധക്കാരെ പിരിച്ചു വിടുകയായിരുന്നു. അധ്യാപകന്റെ മരണവാര്‍ത്ത അറിഞ്ഞതോടെ ജില്ലയിലെ വിവിധ കേന്ദ്രങ്ങളിലെ ക്ലസ്റ്റര്‍ യോഗങ്ങള്‍ നിര്‍ത്തിവെച്ചു. ചിലയിടങ്ങളില്‍ അധ്യാപകര്‍ പ്രതിഷേധ പ്രകടനം നടത്തി. തോട്ടുമുക്കം സെന്റ് തോമസ് ഹയര്‍ സെക്കന്‍ഡറി സ്കൂള്‍ അധ്യാപിക മേരിക്കുട്ടിയാണ് ജെയിംസ് മാസ്റ്ററുടെ ഭാര്യ. മക്കള്‍: നീതു, നിഖില്‍. സംസ്കാരം ഇന്ന് വൈകുന്നേരം മൂന്നിന് തോട്ടുമുക്കം സെന്റ് തോമസ് ചര്‍ച്ച് സെമിത്തേരിയില്‍ നടക്കും. രാവിലെ 11ന് വാലില്ലാപ്പുഴ അങ്ങാടിയില്‍ മൃതദേഹം പൊതുദര്‍ശനത്തിന് വെക്കും.
കടപ്പാട് – മാധ്യമം

ക്ളസ്റ്റര്‍ സമരം: പരുക്കേറ്റ അധ്യാപകന്‍ മരിച്ചു
ക്ളസ്റ്റര്‍ പരിശീലനത്തിനിടെ പ്രതിഷേധവുമായെത്തിയ യൂത്ത് ലീഗുകാര്‍ മലപ്പുറത്ത് നടത്തിയ സമരത്തിനിടെയുണ്ടായ സംഘര്‍ഷത്തില്‍ പരുക്കേറ്റ് മലപ്പുറം അരീക്കോട് വാലില്ലാപ്പുഴ  എംഎഎല്‍പി സ്കൂള്‍  പ്രധാനാധ്യാപകന്‍ തോട്ടുമുക്കം എടക്കര വീട്ടില്‍ ജെയിംസ് അഗസ്റ്റിന്‍ (48) മരിച്ചു.  kക്ളസ്റ്റര്‍ പരിശീലനത്തിനെതിരായ സമരത്തോടനുബന്ധിച്ച് സംസ്ഥാനത്ത് പലയിടത്തും യൂത്ത്ലീഗിന്റെയും യൂത്ത് കോണ്‍ഗ്രസിന്റെയും പ്രവര്‍ത്തകരും ഡിവൈഎഫ്ഐ, എസ്എഫ്ഐ പ്രവര്‍ത്തകരും തമ്മില്‍ സംഘര്‍ഷവും പൊലീസ് ലാത്തിച്ചാര്‍ജുമുണ്ടായി. തിരുവനന്തപുരത്ത് യൂത്ത്ഫ്രണ്ട്(എം) പ്രസിഡന്റ് ജോബ് മൈക്കിളിന്റെ  സത്യഗ്രഹപ്പന്തലിലേക്ക് ഡിവൈൈഐഫ്ഐ പ്രവര്‍ത്തകര്‍ കല്ലേറു നടത്തി.

മലപ്പുറം സംഭവം സംബന്ധിച്ച് നാടാകെ പ്രതിഷേധമുയരുമ്പോഴും ജയിംസിന്റെ മരണ കാരണം പോസ്റ്റ്മോര്‍ട്ടത്തിനു ശേഷമേ വ്യക്തമാകൂ. അഞ്ചു പേര്‍ക്കെതിരെ പൊലീസ് കൊലപാതകത്തിന് കേസെടുത്തു.

കിഴിശേരി ജിഎല്‍പി സ്കൂളില്‍ ഇന്നലെ രാവിലെ പതിനൊന്നോടെയാണൂ സംഭവം. യൂത്ത് ലീഗ് പ്രവര്‍ത്തകര്‍ സ്കൂളിന്റെ രണ്ടു കവാടങ്ങള്‍  ഉപരോധിച്ചിരുന്നതുതമൂലം പരിശീലനത്തില്‍ പങ്കെടുക്കേണ്ട അധ്യാപകര്‍ക്ക് സ്കൂളില്‍ പ്രവേശിക്കാന്‍ സാധിച്ചില്ല.  കിഴിശേരി ബിആര്‍സിയിലെ റിസോഴ്സ് പഴ്സണ്‍ കൂടിയായ ജെയിംസ് അഗസ്റ്റിന്‍ 11 മണിയോടെ സ്കൂളില്‍   എത്തി ഡയറിയില്‍ കുറിപ്പ് രേഖപ്പെടുത്തുന്നത് ശ്രദ്ധയില്‍പ്പെട്ട  പ്രവര്‍ത്തകര്‍ ഇദ്ദേഹത്തിനു നേരെ തിരിയുകയായിരുന്നെന്ന് ദൃക്സാക്ഷിയായ
ബ്ലോക്ക് പ്രോജക്ട് ഓഫിസര്‍ ശങ്കരപ്പണിക്കര്‍ പറഞ്ഞു.  ആശുപത്രിയിലെത്തിക്കുംമുമ്പേ ജയിംസ് മരിച്ചു.

ജയിംസ് ചവിട്ടേറ്റു വീണെന്നും  സഹപ്രവര്‍ത്തകര്‍ സമീപത്തെ സ്വകാര്യ ആശുപത്രിയില്‍ എത്തിക്കുമ്പോള്‍ തലയുടെ പിറകില്‍ മുഴയും കൈമുട്ടില്‍ മുറിവുമുണ്ടായിരുന്നെന്നും ദൃക്സാക്ഷികള്‍ പറയുന്നു.   ഭാര്യ: മേരിക്കുട്ടി (തോട്ടുമുക്കം സെന്റ് തോമസ് ഹൈസ്കൂള്‍ അധ്യാപിക). മക്കള്‍: നീതു (ചങ്ങനാശേരി അസംപ്ഷന്‍ കോളജ് ), നിഖിന്‍ (വാഴക്കാട് ഐഎച്ച്ആര്‍ഡി).  സംസ്കാരം ഇന്നു മൂന്നിന് തോട്ടുമുക്കം സെന്റ്തോമസ് പള്ളിയില്‍.

അധ്യാപകന്‍ മരിക്കാനിടയായതിനെ തുടര്‍ന്ന് അരീക്കോട്ട് വ്യാപകമായ സംഘര്‍ഷമുണ്ടായി. മുസ്ലിം ലീഗ് ഓഫിസിനും പൊലീസ് സ്റ്റേഷനുംനേരെ കല്ലെറിഞ്ഞ ഡിവൈഎഫ്ഐ പ്രവര്‍ത്തകര്‍ക്കു നേരെ പൊലീസ് കണ്ണീര്‍ വാതക ഗ്രനേഡും ജലപീരങ്കിയും പ്രയോഗിക്കുകയും ലാത്തിച്ചാര്‍ജ് നടത്തുകയും ചെയ്തു. പൊലീസുകാരുള്‍പ്പെടെ ഒട്ടേറെ പേര്‍ക്ക് പരുക്കേറ്റു.

എടപ്പാളിലും എടക്കരയിലും ക്ലസ്റ്റര്‍ പരിശീലനം തടയാനെത്തിയവരും ഡിവൈഎഫ്ഐ പ്രവര്‍ത്തകരും തമ്മില്‍ സംഘര്‍ഷമുണ്ടായി. എടക്കരയില്‍ സംഘര്‍ഷത്തില്‍ ഏഴു യൂത്ത് കോണ്‍ഗ്രസ് പ്രവര്‍ത്തകര്‍ക്കു പരുക്കേറ്റു. അറസ്റ്റ് ചെയ്ത പ്രവര്‍ത്തകരെ വിടണമെന്നാവശ്യപ്പെട്ട് യൂത്ത്ലീഗ് പ്രവര്‍ത്തകര്‍ നടത്തിയ പ്രകടനത്തിനെതിരെ ഡിവൈഎഫ്ഐക്കാര്‍ നടത്തിയ പ്രകടനമാണ് എടപ്പാളില്‍ സംഘര്‍ഷത്തിനിടയാക്കിയത്.

അധ്യാപകന്റെ മരണത്തില്‍ പ്രതിഷേധിച്ച് തിരുവനന്തപുരത്ത് ഭരണപക്ഷ വിദ്യാര്‍ഥി സംഘടനകളും അധ്യാപക സംഘടനകളും നടത്തിയ മാര്‍ച്ച് യൂത്ത് ഫ്രണ്ട് (എം) സമരപ്പന്തലിനു നേരെയുള്ള അക്രമമായി മാറി. പാഠപുസ്തകം പിന്‍വലിക്കണമെന്നാവശ്യപ്പെട്ട് സെക്രട്ടേറിയറ്റിനു മുന്നില്‍ ആറു ദിവസമായി പ്രസിഡന്റ് ജോബ് മൈക്കിള്‍ നടത്തുന്ന നിരാഹാര സമരപ്പന്തലിലേക്ക് പ്രവര്‍ത്തകര്‍ കല്ലെറിഞ്ഞു. ഡിവൈഎഫ്ഐ പ്രവര്‍ത്തകര്‍ക്കു നേരെ പൊലീസ് ലാത്തിച്ചാര്‍ജ് നടത്തി. ജനറല്‍ ആശുപത്രി ലോക്കല്‍ കമ്മിറ്റി സെക്രട്ടറി പി. ബാബുവിന് ലാത്തിച്ചാര്‍ജില്‍ പരുക്കേറ്റു.

ആലത്തൂര്‍ എഎസ്എംഎം സ്കൂളിലേക്ക് യൂത്ത് കോണ്‍ഗ്രസ് പ്രവര്‍ത്തകര്‍ തള്ളിക്കയറി. തൊട്ടുപിന്നാലെ യൂത്ത് കോണ്‍ഗ്രസുകാരെ അടിച്ചോടിക്കാന്‍ സിപിഎം പ്രവര്‍ത്തകരുമെത്തി. ഇരുകൂട്ടരും സ്കൂളില്‍ തമ്മിലടിച്ചതോടെ പൊലീസ്   ലാത്തിച്ചാര്‍ജ് നടത്തി. ആലത്തൂരില്‍ ഇരുവിഭാഗവും പരസ്പരം വെല്ലുവിളിച്ച് പ്രകടനം  നടത്തി.

തൃശൂരില്‍  യൂത്ത് കോണ്‍ഗ്രസ്, കെഎസ്യു പ്രവര്‍ത്തകര്‍ നടത്തിയ മാര്‍ച്ച്  പലേടത്തും അക്രമാസക്തമായി. ചാലക്കുടിയില്‍ പൊലീസിനു ലാത്തിവീശേണ്ടി വന്നു.

യൂത്ത് ലീഗ് പ്രവര്‍ത്തകരെ ആലപ്പുഴ നഗരത്തിലും മാവേലിക്കരയിലും ഡിവൈഎഫ്ഐ പ്രവര്‍ത്തകര്‍ നേരിട്ടു. ഗവ. മുഹമ്മദന്‍സ് ഗേള്‍സ് ഹൈസ്കൂളില്‍  യോഗം തടയാനെത്തിയ യൂത്ത് ലീഗ് പ്രവര്‍ത്തകരെ പൊലീസ് നോക്കിനില്‍ക്കെയാണ്  ഡിവൈഎഫ്ഐ പ്രവര്‍ത്തകര്‍ ആക്രമിച്ചത്.

മര്‍ദ്ദനത്തില്‍ യൂത്ത് ലീഗ് ജില്ലാ പ്രസിഡന്റ് ബി.എ ഗഫൂര്‍ അടക്കം നാലു പേര്‍ക്കു പരുക്കേറ്റു. ഇവരെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ക്ളസ്റ്റര്‍ യോഗത്തിനു സംരക്ഷണം നല്‍കാനെന്ന പേരിലാണ് ഡിവൈഎഫ്ഐ പ്രവര്‍ത്തകര്‍ സംഘടിച്ചെത്തിയത്.

മാവേലിക്കര കുറത്തികാട് സെന്റ് ജോണ്‍സ് എഎസ്സിയുപി സ്കൂളില്‍ യൂത്ത് ലീഗ് പ്രവര്‍ത്തകരെ ഡിവൈഎഫ്ഐക്കാര്‍ പൊലീസിന്റെ സാന്നിധ്യത്തില്‍ തല്ലിയോടിച്ചു. മണ്ഡലം പ്രസിഡന്റ് ഉള്‍പ്പെടെ  രണ്ട് പേര്‍ക്ക് പരുക്കേറ്റു. കായംകുളം ഗവ.ബോയ്സ് ഹൈസ്കൂളില്‍ നടന്ന ക്ളസ്റ്റര്‍ യോഗത്തിലേക്ക് ഓടിക്കയറിയ കെഎസ്യു, യൂത്ത് ലീഗ് പ്രവര്‍ത്തകരെ പൊലീസ് ലാത്തിവീശിയോടിച്ചു. പരുക്കേറ്റ കെഎസ്യു ബ്ളോക്ക് പ്രസിഡന്റിനെ കായംകുളം ഗവ.ആശുപത്രിയില്‍ പ്രവേശിപ്പിച്ചു.

കോഴിക്കോട്ട്  യൂത്ത് കോണ്‍ഗ്രസ്, യൂത്ത് ലീഗ് പ്രവര്‍ത്തകര്‍ നടത്തിയ മാര്‍ച്ചില്‍ നാദാപുരത്തും ബാലുശ്ശേരിയിലും ചെറുവണ്ണൂരിലും ലാത്തിച്ചാര്‍ജിലും കല്ലേറിലുമായിഅഞ്ചു പേര്‍ക്ക് പരുക്കേറ്റു.

കരുനാഗപ്പള്ളിയില്‍ സ്കൂളിലേക്കു തള്ളിക്കയറിയ യൂത്ത് ലീഗുകാരും ഡിവൈഎഫ്ഐക്കാരും ഏറ്റുമുട്ടി. നാല് യൂത്ത് ലീഗുകാര്‍ക്ക് പരുക്കേറ്റു.   യൂത്ത് കോണ്‍ഗ്രസുകാരും ഡിവൈഎഫ്ഐക്കാരും തമ്മില്‍  പൊലീസ് സ്റ്റേഷനു സമീപവും ഏറ്റു മുട്ടലുമുണ്ടായി.

കുണ്ടറ പൊലീസ് സ്റ്റേഷനു മുന്നില്‍ യൂത്ത് ലീഗുകാരും ഡിവൈഎഫ്ഐക്കാരും തമ്മില്‍ സംഘര്‍ഷമുണ്ടായി. പത്തനംതിട്ടയിലും റാന്നിയിലും ക്ളസ്റ്റര്‍ യോഗങ്ങള്‍ അലങ്കോലപ്പെടുത്താന്‍ ശ്രമമുണ്ടായി.

ഈരാറ്റുപേട്ട ഗവ: മുസ്ലിം എല്‍പി സ്കൂളില്‍ നടന്ന ക്ളസ്റ്റര്‍ യോഗം തടസപ്പെടുത്താനെത്തിയ എംഎസ്എഫ്, യൂത്ത് ലീഗ്  പ്രവര്‍ത്തകരെ പൊലീസ് വഴിയില്‍ തടഞ്ഞു. 17 പേരെ അറസ്റ്റു ചെയ്തു പിന്നീടു ജാമ്യത്തില്‍ വിട്ടു.   ഇടുക്കി ജില്ലയില്‍ യൂത്ത് കോണ്‍ഗ്രസ്, യൂത്ത് ലീഗ് പ്രവര്‍ത്തകര്‍  അടിമാലിയിലും തൊടുപുഴയിലും നടന്ന ക്ളസ്റ്റര്‍ യോഗങ്ങളിലേക്ക് തള്ളിക്കയറി.
കടപ്പാട് – മനോരമ
ക്ലസ്റ്റര്‍ യോഗത്തിനെത്തിയ പ്രധാനാദ്ധ്യാപകന്‍മര്‍ദനമേറ്റ്‌ മരിച്ചു
മലപ്പുറം: ക്ലസ്റ്റര്‍ യോഗത്തില്‍ പങ്കെടുക്കാനെത്തിയ പ്രധാനാദ്ധ്യാപകന്‍ ക്ലസ്റ്റര്‍ ഉപരോധിക്കാനെത്തിയ മുസ്‌ലിം യൂത്ത്‌ ലീഗുകാരുമായുണ്ടായ സംഘര്‍ഷത്തിനിടെ മര്‍ദനമേറ്റ്‌ മരിച്ചു. അരീക്കോട്‌ ഉപജില്ലയില്‍പ്പെട്ട വാലില്ലാപ്പുഴ എ.എല്‍.പി. സ്‌കൂളിലെ പ്രധാനാധ്യാപകന്‍ തോട്ടുമുക്കം സ്വദേശി ജയിംസ്‌ അഗസ്റ്റി(46)നാണ്‌ മരിച്ചത്‌.

സംഭവത്തെക്കുറിച്ച്‌ ഡിവൈ.എസ്‌.പി.യുടെ നേതൃത്വത്തിലുള്ള പ്രത്യേക സംഘം അന്വേഷിക്കുമെന്ന്‌ മലപ്പുറം ജില്ലാ പോലീസ്‌ സൂപ്രണ്ട്‌ പി. വിജയന്‍ അറിയിച്ചു.

ശനിയാഴ്‌ച രാവിലെ 11 മണിയോടെ കിഴിശ്ശേരി ടൗണില്‍വെച്ചാണ്‌ ജയിംസ്‌ അഗസ്റ്റിന്‌ മര്‍ദനമേറ്റത്‌. കിഴിശ്ശേരി ജി.എല്‍.പി. സ്‌കൂളില്‍ നടക്കുന്ന ക്ലസ്റ്റര്‍ യോഗത്തില്‍ പങ്കെടുക്കാനെത്തിയതായിരുന്നു അദ്ദേഹം. ടൗണില്‍ ബൈക്ക്‌ നിര്‍ത്തി ബാഗില്‍നിന്ന്‌ ഡയറിയെടുക്കവേ സമരക്കാര്‍ ഇത്‌ വന്ന്‌ പിടിച്ചുവാങ്ങുകയായിരുന്നു. തുടര്‍ന്നുണ്ടായ സംഘര്‍ഷത്തിലാണ്‌ ജയിംസ്‌ അഗസ്റ്റിന്‌ മര്‍ദനമേറ്റത്‌.അടിയേറ്റുവീണ ജയിംസ്‌ അഗസ്റ്റിനെ സഹപ്രവര്‍ത്തകരാണ്‌ ഇദ്ദേഹത്തിന്റെ തന്നെ ബൈക്കില്‍ കിഴിശ്ശേരിയിലെ സ്വകാര്യാസ്‌പത്രിയിലെത്തിച്ചത്‌. തുടര്‍ന്ന്‌ കോഴിക്കോട്ടെ സ്വകാര്യാസ്‌പത്രിയിലെത്തിച്ചെങ്കിലും വഴിമധ്യേ മരിക്കുകയായിരുന്നു. മൃതദേഹം കോഴിക്കോട്‌മെഡിക്കല്‍ കോളേജ്‌ ആസ്‌പത്രി മോര്‍ച്ചറിയില്‍ സൂക്ഷിച്ചിട്ടുണ്ട്‌. ഞായറാഴ്‌ച പോസ്റ്റുമോര്‍ട്ടം ചെയ്യും.

കഴിഞ്ഞവര്‍ഷംവരെ കോണ്‍ഗ്രസ്‌ അനുകൂല സംഘടനയായ കെ.എ.പി.ടി.യുവില്‍ അംഗമായിരുന്ന ജയിംസ്‌ അഗസ്റ്റിന്‍ ഈവര്‍ഷം പ്രധാനാധ്യാപകനായതോടെ കെ.പി.പി.എച്ച്‌.എയില്‍ അംഗത്വമെടുത്തിരുന്നു.

തോട്ടുമുക്കം സെന്റ്‌തോമസ്‌ ഹൈസ്‌കൂളിലെ അധ്യാപിക മേരിക്കുട്ടിയാണ്‌ ഭാര്യ. പ്ലസ്‌ടുകഴിഞ്ഞ്‌ ചങ്ങനാശ്ശേരി അസംപ്‌ഷന്‍ കോളേജില്‍ പ്രവേശനം നേടിയ നീത, വാഴക്കാട്‌ ഐ.എച്ച്‌.ആര്‍.ഡി. വിദ്യാര്‍ഥി നിഖില്‍ എന്നിവരാണ്‌ മക്കള്‍. തോട്ടുമുക്കം എടക്കര അഗസ്റ്റിന്റെ മകനാണ്‌. അമ്മ: ഏലിക്കുട്ടി. സഹോദരങ്ങള്‍: ജോയി(എന്‍.ഐ.ടി. കോഴിക്കോട്‌), ജിജു(കൂടരഞ്ഞി സെന്റ്‌ സെബാസ്റ്റ്യന്‍ എച്ച്‌.എസ്‌.എസ്‌), ജിജി, ലീലാമ്മ.

കോഴിക്കോട്‌ ലേഖകന്‍ തുടരുന്നു:

ജെയിംസിന്‌ സംഭവസ്ഥലത്തുവെച്ച്‌ ചവിട്ടേറ്റെന്നും വേദനയുണ്ടെന്നും എഴുന്നേറ്റിരിക്കാന്‍ പറ്റുന്നില്ലെന്നും അദ്ദേഹം തന്നോട്‌ പറഞ്ഞതായി മലപ്പുറം ജില്ലാ പ്രൊജക്ട്‌ ഓഫീസര്‍ എം.എസ്‌. മോഹനന്‍ പറഞ്ഞു. മര്‍ദനമേറ്റതിനെത്തുടര്‍ന്ന്‌ കൊണ്ടോട്ടി ആസ്‌പത്രിയിലേക്ക്‌ പോകുംവഴിയാണ്‌ ജെയിംസ്‌ ഇക്കാര്യം തന്നോട്‌ ഫോണില്‍ പറഞ്ഞതെന്നും മോഹനന്‍ പറഞ്ഞു. തന്റെ അനുജനെ വിവരം അറിയിക്കണമെന്നും പറഞ്ഞിരുന്നു.

മര്‍ദനത്തെത്തുടര്‍ന്ന്‌ പരിക്കേറ്റ തന്നെ സ്‌കാന്‍ ചെയ്യിക്കണമെന്ന്‌ ജെയിംസ്‌ കൂടെയുണ്ടായിരുന്ന അധ്യാപകരോട്‌ പറഞ്ഞതായി തൊട്ടടുത്ത സ്‌കൂളിലെ അധ്യാപകനായ മുഹമ്മദ്‌ പറഞ്ഞു. ഇതിനെത്തുടര്‍ന്നാണ്‌ കൊണ്ടോട്ടിയില്‍നിന്ന്‌ കോഴിക്കോട്ടേക്ക്‌ കൊണ്ടുപോയത്‌.

ജെയിംസിന്‌ കാര്യമായ അസുഖങ്ങളൊന്നും ഉണ്ടായിരുന്നില്ലെന്ന്‌ സഹോദരന്‍ ജിജോ പറഞ്ഞു.

കിഴിശ്ശേരി ഉപജില്ലയിലെയും കിഴുപറമ്പ്‌ പഞ്ചായത്തിലെയും ജനറല്‍ സ്‌കൂളുകള്‍ക്കാണ്‌ കിഴിശ്ശേരി ഗവ. എല്‍.പി സ്‌കൂളില്‍ ക്ലസ്റ്റര്‍യോഗം നടത്തിയത്‌. അരീക്കോട്‌ ഉപജില്ലയിലെ സ്‌കൂളുകളിലുള്ളവര്‍ക്ക്‌ അരീക്കോട്ടുതന്നെ ക്ലസ്റ്റര്‍യോഗം ഒരുക്കിയിരുന്നെങ്കിലും ഇവിടെ അധ്യാപകര്‍ കൂടുതലായതിനെത്തുടര്‍ന്നാണ്‌ ഈ ഉപജില്ലയില്‍പ്പെട്ട കിഴുപറമ്പ്‌ പഞ്ചായത്തിലെ സ്‌കൂള്‍ അധ്യാപകരെ കിഴിശ്ശേരിയിലെ ക്ലസ്റ്റര്‍യോഗത്തിലേക്ക്‌ മാറ്റിയത്‌. ജയിംസ്‌ അഗസ്റ്റിന്‍ പ്രധാനാധ്യാപകനായ വാലില്ലാപ്പുഴ എ.എല്‍.പി സ്‌കൂള്‍ കിഴുപറമ്പ്‌ പഞ്ചായത്തിലാണ്‌. നേരത്തെ ക്ലസ്റ്റര്‍പരിശീലകനായും ജെയിംസ്‌ സേവനമനുഷുിച്ചിട്ടുണ്ട്‌.
കടപ്പാട് – മാതൃഭൂമി
ചോരപുരണ്ട അധ്യായം: ക്ലസ്‌റ്ററിനെത്തിയ പ്രധാനാധ്യാപകന്‍ യൂത്ത്‌ലീഗ്‌ അക്രമത്തില്‍ മരിച്ചു
അധ്യാപകരുടെ ക്ലസ്‌റ്റര്‍ യോഗങ്ങള്‍ നടത്താനും നടത്താതിരിക്കാനുമുള്ള ഭരണ പ്രതിപക്ഷങ്ങളുടെ വാശി ഒരധ്യാപകന്റെ ജീവനെടുത്തു. ക്ലസ്‌റ്റര്‍ യോഗങ്ങളുടെ പേരില്‍ ഇന്നലെ സംസ്‌ഥാനത്തുടനീളം അരങ്ങേറിയ സംഘട്ടനങ്ങളില്‍ വിദ്യാര്‍ഥികളും അധ്യാപകരുമടക്കം നിരവധി പേര്‍ക്കു പരുക്കേറ്റു.

മലപ്പുറം ജില്ലയില്‍ പാഠപുസ്‌തക വിരുദ്ധ സമരത്തിന്റെ ഭാഗമായി യൂത്ത്‌ലീഗുകാര്‍ നടത്തിയ അക്രമത്തില്‍ പരുക്കേറ്റ അരീക്കോട്‌ വാലില്ലാപ്പുഴ എ.എം.എല്‍.പി. സ്‌കൂളിലെ പ്രധാനാധ്യാപകന്‍ ജെയിംസ്‌ അഗസ്‌റ്റിന്‍ (46) ആണു മരിച്ചത്‌.

കൊണ്ടോട്ടിക്കടുത്തു കിഴിശേരി സ്‌കൂളില്‍ ക്ലസ്‌റ്റര്‍ യോഗത്തിനെത്തിയഈ അധ്യാപകന്റെ ബാഗ്‌ സമരക്കാര്‍ പിടിച്ചുവാങ്ങാന്‍ ശ്രമിക്കുകയും പ്രതിരോധിച്ചപ്പോള്‍ വളഞ്ഞിട്ടു മര്‍ദിക്കുകയുമായിരുന്നു. നെഞ്ചിനും കഴുത്തിനും ചവിട്ടേറ്റ്‌ അധ്യാപകന്‍ ആദ്യം കുഴഞ്ഞുവീണു. പിന്നീടു കിഴിശേരിയിലെ സ്വകാര്യ ആശുപത്രിയിലെത്തിച്ചെങ്കിലും വിദഗ്‌ധ ചികിത്സയ്‌ക്കായി കോഴിക്കോട്ടെ സ്വകാര്യ ആശുപത്രിയിലേക്കു മാറ്റി. ഉച്ച കഴിഞ്ഞു രണ്ടു മണിയോടെ മരിച്ചു.

കൊടിയത്തൂര്‍ തോട്ടുമുക്കം എടക്കരവീട്ടില്‍ ജെയിംസ്‌ അഗസ്‌റ്റിന്‍ കെ.പി.പി.എച്ച്‌. അസോസിയേഷന്‍ അംഗമാണ്‌. ഭാര്യ: മേരിക്കുട്ടി (തോട്ടുമുക്കം സെന്റ്‌ തോമസ്‌ ഹൈസ്‌കൂള്‍ അധ്യാപിക) മക്കള്‍: നീതു, നിഖില്‍ (തോട്ടുമുക്കം ജി.എല്‍.പി. സ്‌കൂള്‍ വിദ്യാര്‍ഥികള്‍).

ഇടുക്കി ജില്ലയിലെ അടിമാലി ഗവ. ഹൈസ്‌കൂളില്‍ നടന്ന ക്ലസ്‌റ്റര്‍ യോഗത്തിലേക്കു യൂത്ത്‌ കോണ്‍ഗ്രസ്‌ പ്രവര്‍ത്തകര്‍ ഇരച്ചു കയറിയതിനെത്തുടര്‍ന്നുണ്ടായ സംഘര്‍ഷത്തില്‍ ഏഴു വിദ്യാര്‍ഥികള്‍ക്കു പരുക്കേറ്റു. നാലാം ക്ലാസിലെ ആറു വിദ്യാര്‍ഥികള്‍ക്കും മൂന്നാം ക്ലാസിലെ ഒരു വിദ്യാര്‍ഥിനിക്കുമാണു പരുക്കേറ്റത്‌. ഇവരെ താലൂക്ക്‌ ആശുപത്രിയില്‍ പ്രവേശിപ്പിച്ചു.

സ്‌കൂളിലേക്കു രഹസ്യ വഴിയിലൂടെ കടന്ന യൂത്ത്‌ കോണ്‍ഗ്രസുക്കാരെ ഒരു സംഘം തടഞ്ഞതാണു സംഘര്‍ഷത്തിനിടയാക്കിയത്‌.

കൊടികള്‍ കെട്ടിയ കമ്പുകൊണ്ടും കല്ലുകൊണ്ടുമാണു ഭയന്നു ചിതറിയോടിയ വിദ്യാര്‍ഥികള്‍ക്കു പരുക്കേറ്റത്‌. സംഭവവുമായി ബന്ധപ്പെട്ടു 13 യൂത്ത്‌ കോണ്‍ഗ്രസ്‌ പ്രവര്‍ത്തകരെ പോലീസ്‌ കസ്‌റ്റഡിയിലെടുത്തിട്ടുണ്ട്‌. തൊടുപുഴ ഗവ. ഗേള്‍സ്‌ ഹയര്‍സെക്കന്‍ഡറി സ്‌കൂളില്‍ നടന്ന ക്ലസ്‌റ്റര്‍ യോഗം യൂത്ത്‌ലീഗ്‌ പ്രവര്‍ത്തകര്‍ അലങ്കോലപ്പെടുത്തി. പോലീസ്‌ ബലം പ്രയോഗിച്ച്‌ ഇവരെ നീക്കുകയായിരുന്നു.

ക്ലസ്‌റ്റര്‍ യോഗങ്ങള്‍ക്കെതിരേയുള്ള പ്രതിഷേധം കണക്കിലെടുത്തു കനത്ത പോലീസ്‌ സന്നാഹമാണു സംസ്‌ഥാനത്തെ സ്‌കൂളുകള്‍ക്കു മുന്നില്‍ ഏര്‍പ്പെടുത്തിയിരുന്നത്‌. പലയിടത്തും പ്രതിഷേധക്കാരും ഡി.വൈ.എഫ്‌.ഐക്കാരും തമ്മില്‍ സംഘര്‍ഷമുണ്ടായി. പ്രതിപക്ഷ അധ്യാപക സംഘടനകള്‍ സംയുക്‌ത സമിതിയുടെ നേതൃത്വത്തില്‍ ക്ലസ്‌റ്റര്‍ പരിശീലനം ബഹിഷ്‌കരിച്ചു. ഇവര്‍ക്കെതിരേ കര്‍ശന നടപടി സ്വീകരിക്കുമെന്നു പൊതുവിദ്യാഭ്യാസ ഡയറക്‌ടര്‍ അറിയിച്ചു.

ഏഴാം ക്ലാസിലെ വിവാദ പാഠപുസ്‌തകം പിന്‍വലിക്കുക, പുസ്‌തകങ്ങളില്‍ക്കൂടി കമ്യൂണിസം പ്രചരിപ്പിക്കുന്നത്‌ അവസാനിപ്പിക്കുക എന്നീ ആവശ്യങ്ങളുന്നയിച്ചു യൂത്ത്‌ ലീഗ്‌ പ്രവര്‍ത്തകര്‍ ക്ലസ്‌റ്റര്‍ യോഗം നടന്ന സ്‌കൂളുകളിലേക്കു മാര്‍ച്ച്‌ നടത്തി.

തലസ്‌ഥാനത്ത്‌ എസ്‌.എം.വി. സ്‌കൂള്‍ ഉപരോധിക്കാനുള്ള യൂത്ത്‌ലീഗ്‌ പ്രവര്‍ത്തകരുടെ ശ്രമം സ്‌കൂളിനു പുറത്തു നിന്ന ഡി.വൈ.എഫ്‌.ഐക്കാര്‍ തടഞ്ഞതു സംഘര്‍ഷത്തിനും വാക്കേറ്റത്തിനും കാരണമായി.

സ്‌കൂളിലേക്കു തള്ളിക്കയറാന്‍ യൂത്ത്‌ ലീഗ്‌ പ്രവര്‍ത്തകര്‍ ശ്രമിക്കുകയായിരുന്നു. എന്നാല്‍ സ്‌ഥലത്തുണ്ടായിരുന്ന പോലീസ്‌ യൂത്ത്‌ ലീഗ്‌ പ്രവര്‍ത്തകരെ അറസ്‌റ്റ് ചെയ്‌തു നീക്കി. ക്ലസ്‌റ്റര്‍ യോഗത്തിനെത്തിയ അധ്യാപകരെ ഒരു മണിക്കൂറോളം യൂത്ത്‌ലീഗ്‌ പ്രവര്‍ത്തകര്‍ തടഞ്ഞുവച്ചു.

ക്ലസ്‌റ്റര്‍ യോഗത്തില്‍ പങ്കെടുക്കാതിരുന്നതു ഗുരുതരമായ കൃത്യവിലോപമായി കണക്കാക്കുമെന്നും ഇവര്‍ക്കെതിരേ സര്‍വീസ്‌ റൂള്‍ അടക്കമുള്ള വ്യവസ്‌ഥകളുപയോഗിച്ചു നടപടിയെടുക്കുമെന്നും പൊതുവിദ്യാഭ്യാസ ഡയറക്‌ടര്‍ എ.പി.മുഹമ്മദ്‌ ഹനീഷ്‌ അറിയിച്ചു.

കോഴിക്കോടു ജില്ലയില്‍ ക്ലസ്‌റ്റര്‍ യോഗങ്ങള്‍ യൂത്ത്‌ലീഗ്‌്-യൂത്ത്‌ കോണ്‍ഗ്രസ്‌ പ്രവര്‍ത്തകര്‍ തടസപ്പെടുത്താന്‍ ശ്രമിച്ചതു പലയിടത്തും സംഘര്‍ഷത്തിനിടയാക്കി. നാദാപുരം പുറമേരിയില്‍ ക്ലസ്‌റ്റര്‍ യോഗം തടയാനെത്തിയ യൂത്തു കോണ്‍ഗ്രസ്‌ പ്രവര്‍ത്തകരെ തടഞ്ഞ പോലീസിനു നേരേ കല്ലേറുണ്ടായി. ലാത്തിച്ചാര്‍ജ്‌ നടത്തിയും ഗ്രനേഡ്‌ പ്രയോഗിച്ചുമാണ്‌ പോലീസ്‌ അക്രമാസക്‌തരായ പ്രവര്‍ത്തകരെ പിരിച്ചുവിട്ടത്‌. കല്ലേറില്‍ ഒരു മാധ്യമപ്രവര്‍ത്തകന്‍ ഉള്‍പ്പെടെ അഞ്ചു പേര്‍ക്കു പരുക്കേറ്റു.

കോഴിക്കോടു ചെറുവണ്ണൂരില്‍ യൂത്തുലീഗ്‌ പ്രവര്‍ത്തകരെ അറസ്‌റ്റു ചെയ്യാത്തതില്‍ പ്രതിഷേധിച്ചു ഡി.വൈ.എഫ്‌.ഐ. പ്രവര്‍ത്തകര്‍ സംഘടിച്ചതു സംഘര്‍ഷത്തിനിടയാക്കി.

കോഴിക്കോടു നടക്കാവ്‌ സ്‌കൂളില്‍ ക്ലസ്‌റ്റര്‍ യോഗം നടക്കുന്ന സ്‌ഥലം ഉപരോധിച്ച യൂത്തു ലീഗ്‌ പ്രവര്‍ത്തകരെ പോലീസ്‌ അറസ്‌റ്റു ചെയ്‌തു നീക്കി.

ബാലുശേരി യു.പി. സ്‌കൂളിലും സംഘര്‍ഷമുണ്ടായി. കണ്ണൂര്‍, പാലക്കാട്‌ ജില്ലകളിലും സംഘര്‍ഷങ്ങളരങ്ങേറി.

പത്തനംതിട്ട ജില്ലയിലെ റാന്നിയില്‍ ക്ലസ്‌റ്റര്‍ യോഗം അലങ്കോലപ്പെടുത്താനുളള മുസ്ലീംലീഗിന്റെയും യൂത്ത്‌ കോണ്‍ഗ്രസിന്റെയും ശ്രമത്തിനിടെ ബി.ആര്‍.സി. ട്രെയിനറടക്കം രണ്ടു പേര്‍ക്കു പരുക്കേറ്റു. അധ്യാപികമാര്‍ക്കു നേരെയും അക്രമമുണ്ടായി.

എസ്‌.സി. യു.പി.സ്‌കൂളില്‍ പരിശീലനത്തിന്റെ ഭാഗമായി എത്തിയ മൂന്നാംക്ലാസ്‌ വിദ്യാര്‍ഥികളെ ഭീഷണിപ്പെടുത്തിയ പ്രവര്‍ത്തകരെ ചോദ്യം ചെയ്‌ത ബി.ആര്‍.സി. ട്രെയിനറും മന്ദമരുതി എം.സി.യു.പി സ്‌കൂളിലെ അധ്യാപകനുമായ ബിനു കെ. സാമിനെയാണു മര്‍ദിച്ചത്‌. റാന്നി ബ്ലോക്ക്‌ റിസോഴ്‌സ് സെന്ററില്‍ ബി.ആര്‍.സി. ജീവനക്കാരന്‍ കെ.ജെ. സാമിനു ജനല്‍ചില്ലു പൊട്ടി പരുക്കേറ്റു.

കൊച്ചി നഗരത്തിലെ സ്‌കൂളുകളില്‍ അധ്യാപകരുടെ ക്ലസ്‌റ്റര്‍യോഗം തടസമില്ലാതെ നടന്നു.

ആലപ്പുഴ ജില്ലയില്‍ യൂത്ത്‌ലീഗ്‌ പ്രവര്‍ത്തകരും ഡി.വൈ.എഫ്‌.ഐക്കാരും തമ്മില്‍ ഏറ്റുമുട്ടി. സംഘര്‍ഷത്തില്‍ നാലുപേര്‍ക്കു പരുക്കേറ്റു.

യൂത്ത്‌ലീഗ്‌ ജില്ലാ പ്രസിഡന്റ്‌ ബി.എ. ഗഫൂര്‍, മണ്ഡലം പ്രസിഡന്റ്‌ എ.എം. നൗഫല്‍, സെക്രട്ടറി എ. അമീര്‍, ജില്ലാ കമ്മിറ്റിയംഗം ബി.എ. ജബ്ബാര്‍ എന്നിവര്‍ക്കാണു പരുക്കേറ്റത്‌. ഇവരെ ആലപ്പുഴ മെഡിക്കല്‍ കോളജ്‌ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ 10.30-നു മുഹമ്മദന്‍സ്‌ ഗേള്‍സ്‌ സ്‌കൂളില്‍ നടന്ന ക്ലസ്‌റ്റര്‍യോഗം തടസപ്പെടുത്താനെത്തിയ യൂത്ത്‌ലീഗ്‌ പ്രവര്‍ത്തകരെയാണു ഡി.വൈ.എഫ്‌.ഐക്കാര്‍ നേരിട്ടത്‌.

കരുനാഗപ്പള്ളിയില്‍ ദേശീയപാത ഉപരോധം കഴിഞ്ഞ്‌ മടങ്ങിയ യൂത്ത്‌കോണ്‍ഗ്രസ്‌ പ്രവര്‍ത്തകരും ഡി.വൈ.എഫ്‌.ഐ. പ്രവര്‍ത്തകരും തമ്മിലുണ്ടായ ഏറ്റുമുട്ടലിലും ക്ലസ്‌റ്റര്‍ യോഗം തടസപ്പെടുത്താന്‍ ശ്രമിച്ച യൂത്ത്‌ ലീഗ്‌ പ്രവര്‍ത്തകരും ഡി.വൈ.എഫ്‌.ഐ. പ്രവര്‍ത്തകരും തമ്മിലുണ്ടായ സംഘര്‍ഷത്തിലും പോലീസുകാരനടക്കം ഒമ്പതുപേര്‍ക്ക്‌ പരുക്കേറ്റു. പ്രവര്‍ത്തകരെ പിരിച്ചുവിടാന്‍ പോലീസ്‌ രണ്ടുതവണ ലാത്തിവീശി.

സംഭവത്തില്‍ പ്രതിഷേധിച്ച്‌ കോണ്‍ഗ്രസ്‌-യൂത്ത്‌കോണ്‍ഗ്രസ്‌ പ്രവര്‍ത്തകര്‍ ഏറെനേരം ദേശീയപാത ഉപരോധിച്ചു.
കടപ്പാട് – മംഗളം

ക്ളസ്റ്റര്‍ യോഗം അലങ്കോലമായി; മര്‍ദനമേറ്റ അധ്യാപകന്‍ മരിച്ചു
ഏഴാം ക്ളാസിലെ വിവാദ പാഠ പുസ്തകം പിന്‍വലിക്കണമെന്ന് ആവശ്യപ്പെട്ട് പ്രതിപക്ഷ കക്ഷി കള്‍ നടത്തിയ മാര്‍ച്ചില്‍ സംസ്ഥാ നത്തെ ഒട്ടു മിക്ക ക്ളസ്റ്റര്‍ യോഗ ങ്ങളും അലങ്കോലമായി.

മുസ്ലിം യൂത്ത് ലീഗ് പ്രവര്‍ത്ത കര്‍ ഇന്നലെ രാവിലെ നടത്തിയ ക്ളസ്റ്റര്‍ ഉപരോധത്തിനിടെയുണ്ടാ യ സംഘര്‍ഷത്തില്‍ പരിക്കേറ്റ പ്രധാനാധ്യാപകന്‍ മരിച്ചു. അരീ ക്കോട് ഉപജില്ലയിലെ വാലില്ലാപ്പുഴ എഎംഎല്‍പി സ്കൂളിലെ പ്രധാ നാധ്യാപകനും തോട്ടുമുക്കം സ്വദേ ശിയുമായ എടക്കരയിലെ ജയിംസ് അഗസ്റ്റിന്‍ (46)ആണ് മരിച്ചത്. സംസ്കാരം ഇന്ന് വൈകുന്നേരം അഞ്ചിന് തോട്ടുമുക്കം സെന്റ് തോമസ് ഫൊറോനാ പള്ളിയില്‍. മേരിക്കുട്ടിയാണ് ജെയിംസിന്റെ ഭാര്യ. മക്കള്‍: നീത ജെയിംസ്, നിഖില്‍ ജെയിംസ്. തോട്ടുമുക്കം എടക്കര ആഗസ്തി യുടേയും ഏലിക്കുട്ടിയുടേയും മകനാണ് ജയിംസ്.

തോട്ടുമുക്കത്ത് ഇന്നലെ ഉച്ചക്ക് ശേഷം വ്യാപാരി കള്‍ ഹര്‍ ത്താല്‍ ആചരി ച്ചു.

സം ഭ വ ത്തില്‍ പ്ര തിഷേധി ച്ച് കോ ഴി ക്കോട്, മലപ്പുറം ജില്ലകളി ല്‍ എല്‍.ഡി. എഫ് ഇന്ന് ഹര്‍ത്താല്‍ പ്രഖ്യാപിച്ചു. അവശ്യ സര്‍വീസുകളേയും വാഹനങ്ങളേ യും ഹര്‍ത്താലില്‍ നിന്ന് ഒഴിവാക്കി യിട്ടുണ്ട്.

പാഠങ്ങള്‍ പഠിപ്പിക്കുന്നതിനെ ക്കുറിച്ച് അധ്യാപകര്‍ക്ക് പരിശീല നം നല്‍കുന്ന ക്ളസ്റ്റര്‍ യോഗത്തിന് രാവിലെ ബൈക്കിലെത്തിയ ജയിംസിന്റെ ബാഗ് സമരക്കാര്‍ പിടിച്ചുവാങ്ങാന്‍ ശ്രമിച്ചിരുന്നു. ഇതു തടയാന്‍ ശ്രമിച്ച അധ്യാപക നെ സമരക്കാര്‍ വളഞ്ഞിട്ടു മര്‍ദിക്കുകയായിരുന്നുവെന്നു ഡി.പി.ഒ പി. ശങ്കരപ്പണിക്കര്‍ പോലീസില്‍ മൊഴി നല്‍കി. താഴെ വീണ അധ്യാപകന്റെ നെഞ്ചിനും കഴുത്തിനുംചവിട്ടേറ്റു. ഉടന്‍ കിഴിശേരി സ്വകാര്യാശുപത്രിയില്‍ പ്രവേശിപ്പിച്ചു. എന്നാല്‍, കൂടുതല്‍ ദേഹാസ്വാസ്ഥ്യത്തെത്തുടര്‍ന്ന് കോഴിക്കോട്ടെ സ്വകാര്യാശുപത്രി യിലേക്കെത്തിച്ചെങ്കിലും വഴി മധ്യേ തന്നെ മരിച്ചു. മൃതദേഹം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. രണ്ടു മാസം മുമ്പാണ് അദ്ദേഹം ഹെഡ് മാസ്റ്ററായത്.

ആലപ്പുഴയില്‍ യൂത്ത് കോണ്‍ഗ്ര സ് നടത്തിയ ദേശീയപാത ഉപരോ ധത്തിലും മുസ്ലീം യൂത്ത് ലീഗ് നടത്തിയ ക്ളസ്റ്റര്‍ മീറ്റിംഗ് തടസപ്പെ ടുത്തലിലും ജില്ലയില്‍ സംഘര്‍ ഷം. ആലപ്പുഴയില്‍ മെഡിക്കല്‍ കോളജ് ജംഗ്ഷനില്‍ ദേശീയപാത ഉപരോധിച്ചതിനുശേഷം തിരിച്ചു വന്ന പ്രവര്‍ത്തകരെ മുഹമ്മദന്‍സ് ഗേള്‍സ് സ്കൂളിനു സമീപം ഡി. വൈ.എഫ്.ഐ പ്രവര്‍ത്തകര്‍ കൂക്കുവിളിക്കുകയും കല്ലെറിയുക യും ചെയ്തു.

ഇതില്‍ യൂത്ത് കോണ്‍ഗ്രസ് മേഖലാ പ്രസിഡന്റ് ഷാജി ഉടുമ്പാക്കലിന് ഗുരുതരമായി പരിക്കേറ്റു. ഇദ്ദേഹത്തെ മെഡിക്കല്‍ കോളജ് ആശുപത്രി യിലേക്കു കൊണ്ടുപോയി. ഇതിനുപയോഗിച്ച വാഹനവും ഡി.വൈ.എഫ്.ഐ പ്രവര്‍ത്തകര്‍ അക്രമിച്ചു.

മാവേലിക്കരയില്‍ മിച്ചല്‍ ജംഗ്ഷനില്‍ നടന്ന റോഡ് ഉപരോധം കഴിഞ്ഞു മടങ്ങിയ നിയോജകമണ്ഡലം പ്രസിഡന്റ് പള്ളിക്കല്‍ നടുവിലേമുറി കുഴിക്കണ്ടത്തില്‍ ശ്യാംലാലി (21)നെ ഡി.വൈ.എഫ്.ഐക്കാര്‍ അക്രമിച്ചു. തലയ്ക്കു സാരമായി പരിക്കേറ്റ ഇയാളെ മാവേലിക്കര താലൂക്കാശുപത്രിയില്‍ പ്രവേശിപ്പിച്ചു.

ആലപ്പുഴയില്‍ ഗവണ്‍മെന്റ് മുഹമ്മദന്‍സ് സ്കൂളില്‍ നടന്ന ക്ളസ്റ്റര്‍ യോഗം അലങ്കോല പ്പെടുത്തിയ 16 യൂത്ത്ലീഗ് പ്രവര്‍ത്തകരെ പോലീസ് അറസ്റ്റു ചെയ്തു. യൂത്ത് കോണ്‍ഗ്രസു കാരെ കല്ലെറിഞ്ഞ 15 ഡി.വൈ. എഫ്. ഐ പ്രവര്‍ത്തകരുടെ പേരില്‍ കേസെടുത്തു. വിവാദ പാഠപു സ്തകം പൂര്‍ണമായും പിന്‍വലി ക്കണമെന്നാവശ്യപ്പെട്ട് ക്ളസ്റ്റര്‍ യോഗം നടന്ന കുറത്തി കാട് സെന്റ് ജോണ്‍സ് എം.എസ്. സി എല്‍.പി സ്കൂളിലേക്ക് മാര്‍ച്ചു നടത്തിയ മുസ്ലീം യൂത്ത് ലീഗ് പ്രവര്‍ത്തകര്‍ സ്കൂള്‍ ഉപരോധം അവസാനിപ്പിച്ചയുടനെ പോലീസിന്റെ സാന്നിധ്യ ത്തിലെത്തിയ നാല്‍പതോളം ഡി.വൈ.എഫ്.ഐ പ്രവര്‍ത്തകര്‍ യൂത്ത്ലീഗ് പ്രവര്‍ത്തകരെ ആക്രമിച്ചു. ആക്രമണത്തില്‍ പരിക്കേറ്റ യൂത്ത് ലീഗ് മണ്ഡലം പ്രസിഡന്റ് എസ്. ഷാബു, ജനറല്‍ സെക്രട്ടറി എസ്. മുജീബ് റഹ്മാന്‍ എന്നിവരെ ചാരുംമൂട്ടി ലെ സ്വകാര്യാശുപത്രിയില്‍ പ്രവേശിപ്പിച്ചു.

റാന്നിയില്‍ ഇന്നലെ നടന്ന ക്ളസ്റ്റര്‍ യോഗങ്ങളില്‍ മൂന്നിടത്ത് യൂത്ത്കോണ്‍ഗ്രസ്, യൂത്ത്ലീഗ് പ്രവര്‍ത്തകര്‍ തടസപ്പെടുത്തി. സമരക്കാരുമായി തര്‍ക്കിച്ച അധ്യാപകനെ കൈയേറ്റം ചെയ്യാനുള്ള ശ്രമമുണ്ടായി. ഒരു സ്കൂളുല്‍ പോലിസ് കാവലി ലാണ് യോഗം നടന്നത്. ഇവിടെ സമരക്കാരും പോലീസും തമ്മില്‍ ഉന്തും തള്ളുമുണ്ടായി. തുടര്‍ന്ന് സമരക്കാരെ പോലിസ് അറസ്റ്റ് ചെയ്തു നീക്കി. ഇതിനിടെ പോലീസുമായും സമരക്കാര്‍ ഏറ്റുമുട്ടി.

പതിനഞ്ചോളം യൂത്തു കോണ്‍ഗ്രസ് പ്രവര്‍ത്ത കരെ റിമാന്‍ഡു ചെയ്തു. പത്തനംതിട്ട ആനപ്പാറയില്‍ നടന്ന ക്ളസ്റ്റര്‍ യോഗം തടസപ്പെടുത്താന്‍ ശ്രമിച്ച യൂത്ത് ലീഗ് പ്രവര്‍ത്തകരെ പോലീസ് അറസ്റ്റു ചെയ്തു നീക്കി.തിരുവനന്തപുരം ജില്ലയില്‍ ക്ളസ്റ്റര്‍ യോഗങ്ങളുടെ പേരില്‍ ഇന്നലെ പലയിടങ്ങളിലും സംഘര്‍ഷമുണ്ടായി. ആറ്റിങ്ങല്‍ ബോയ്സ് ഹൈസ്കൂളില്‍ നടന്ന യോഗം ഇരുപതോളം വരുന്ന യൂത്ത് കോണ്‍ഗ്രസുകാര്‍ രാവിലെ 11 മണിയോടെ തളളിക്കയറി അലങ്കോല പ്പെടു ത്തി. ഇവരില്‍ ചിലരെ പോ ലീസ് പിന്നീട് അറസ്റ്റുചെയ്ത് മാറ്റി. കാട്ടാക്കട പൂവച്ചല്‍ ഗവണ്‍മെന്റ് ഹൈസ്കൂളില്‍ നടന്ന യോഗത്തിലേക്ക് ഒരു സംഘം യൂത്ത്ലീഗ് പ്രവര്‍ത്തകരാണ് തളളിക്കയറിയത്. നെയ്യാറ്റിന്‍കര ജെ.ബി.എസ്.എച്ച്.എസിനു മുന്നില്‍ യൂത്ത് കോണ്‍ഗ്രസ് പ്രവര്‍ത്തകരും ഡി.വൈ. എഫ്.ഐക്കാരും തമ്മിലുളള സംഘര്‍ഷം ഉണ്ടായെങ്കിലും പോലീസ് സമയോചിതമായി ഇടപെട്ടതോടെ ഏറ്റുമുട്ടല്‍ ഒഴിവായി.

മലപ്പുറത്ത് ക്ളസ്റ്റര്‍ യോഗം തടയാന്‍ അമ്പതോളം യൂത്ത് ലീഗ് പ്രവര്‍ത്തകരാണ് സ്കൂളി ലെത്തിയിരുന്നത്. ഒരു അധ്യാപക നെയും സ്കൂളിലേക്ക് കടത്തി വിടില്ലെന്ന വാശിയിലായിരുന്നു സമരക്കാര്‍. പത്തോളം പോലീസു കാരാണ് ഇവിടെ ഉണ്ടായിരുന്നത്. അധ്യാപകനെ മര്‍ദിക്കുന്ന സ്ഥലത്ത് പോലീസുകാര്‍ക്ക് എത്താന്‍ കഴിഞ്ഞിരുന്നില്ല. അക്രമത്തിന് ശേഷം വന്‍ പോലീസ് സംഘമാണ് സ്ഥലത്ത് എത്തിയത്. അക്രമവു മായി ബന്ധപ്പെട്ട ആരെയും അറസ്റ്റ് ചെയ്തിട്ടില്ല. മരിച്ച അധ്യാപ കന്‍ ജെയിംസ് അഗസ്റ്റിന്‍ നേരത്തെ കോണ്‍ഗ്ര സ് അനുഭാവ അധ്യാപക സംഘ ടനയായ കേരള എയ്ഡ്ഡ് പ്രൈമ റി ടീച്ചേഴ്സ് യൂണിയന്‍ അംഗ മായിരുന്നു. രതുടര്‍ന്ന് സ്വതന്ത്ര അധ്യപക സംഘടയായ കേരള പ്രൈവറ്റ് പ്രൈമറി ഹെഡ്മാ സ്റ്റേഴ്സ് അസോസിയേഷന്‍ അംഗമായിരുന്നു.
കടപ്പാട് – ദീപിക

പാഠപുസ്തകം കത്തിച്ചിട്ടും കലിയടങ്ങാതെഅധ്യാപകനെ ചവിട്ടിക്കൊന്നു
മലപ്പുറം: കേരളചരിത്രത്തില്‍ കേട്ടുകേള്‍വിയില്ലാത്ത ക്രൂരതയിലൂടെ യൂത്ത്ലീഗുകാര്‍ അധ്യാപകനെ അടിച്ചും ചവിട്ടിയും കൊലപ്പെടുത്തി. വാലില്ലാപ്പുഴ എഎംഎല്‍പി സ്കൂള്‍ പ്രധാനാധ്യാപകന്‍ അരീക്കോട് തോട്ടുമുക്കം എടക്കര വീട്ടില്‍ ജെയിംസ് അഗസ്റ്റിനാണ് (46) മരിച്ചത്. മാതാവിനും പിതാവിനുമൊപ്പം ഗുരുവിനെയും ദൈവതുല്യമായികാണുന്ന സംസ്കാരം പിന്തുടരുന്ന കേരളത്തെ നടുക്കിയ ദാരുണമായ അരുംകൊലക്ക് വേദിയായത് കിഴിശ്ശേരി ജിഎല്‍പി സ്കൂള്‍ പരിസരമാണ്. ശനിയാഴ്ച രാവിലെ പത്തുമണിയോടെയായിരുന്നു മരണത്തിനിടയാക്കിയ അക്രമം. കോഗ്രസ് അധ്യാപക സംഘടനയായ കെഎപിടിയു ജില്ലാതല പ്രവര്‍ത്തകനായിരുന്നു ജെയിംസ് അഗസ്റ്റിന്‍. പ്രധാനാധ്യാപകരുടെ പ്രത്യേക സംഘടനയായ കെപിപിഎച്ച്എയിലും അംഗമാണ്. അരീക്കോട് ബിആര്‍സിക്കുകീഴിലെ പരിശീലനം നടക്കുന്ന കിഴിശ്ശേരി സ്കൂളിനുമുന്നില്‍ യൂത്ത്ലീഗുകാര്‍ ശനിയാഴ്ച ഉപരോധം ഏര്‍പ്പെടുത്തിയിരുന്നു.നൂറോളം പേര്‍ സ്കൂള്‍ പരിസരത്ത് നേരത്തെതന്നെ തമ്പടിച്ചു. യൂത്ത്ലീഗ് കിഴിശേരി പഞ്ചായത്ത് പ്രസിഡന്റ് അലവിക്കുട്ടി, സെക്രട്ടറി മുത്തലിബ്, ട്രഷറര്‍ മുള്ളന്‍ സുലൈമാന്‍ എന്നിവരുടെ നേതൃത്വത്തിലാണ് ഉപരോധവും ആക്രമണവും. ഇതിനാല്‍ ക്ളാസിനെത്തിയ അധ്യാപകര്‍ക്കാര്‍ക്കും സ്കൂളിലേക്ക് കടക്കാനായില്ല. പ്രതിഷേധത്തിനെത്തിയവരുടെ കൈയില്‍ കൊടികെട്ടിയ വലിയ വടികളുമുണ്ടായിരുന്നു. സ്കൂളിനുമുന്നില്‍ പൊലീസ് കുറവായിരുന്നു. ഈ സമയത്താണ് ജെയിംസ് അഗസ്റ്റിന്‍ ക്ളാസില്‍ പങ്കെടുക്കാനെത്തിയത്. ജെയിംസ് കൈയിലുണ്ടായിരുന്ന ബാഗില്‍നിന്ന് ക്ളസ്റ്റര്‍ ഡയറി പുറത്തെടുക്കാന്‍ ശ്രമിച്ചപ്പോള്‍ അക്രമികള്‍ തട്ടിപ്പറിക്കാന്‍ ശ്രമിച്ചു. വാക്ക്തര്‍ക്കത്തില്‍ ജെയിംസിനെ ചവിട്ടിവീഴ്ത്തുകയായിരുന്നു. വീണിടത്തിട്ട് തലക്കും ശരീരത്തിലും ക്രൂരമായി ചവിട്ടി. പരിക്കേറ്റ് അവശനായികിടന്ന അഗസ്റ്റിനെ അധ്യാപകര്‍ ചേര്‍ന്ന് തൊട്ടടുത്ത അല്‍അമീന്‍ ആശുപത്രിയില്‍ എത്തിച്ചു. തുടര്‍ന്ന് കോഴിക്കോട് ബേബി മെമ്മോറിയല്‍ ആശുപത്രിയിലേക്ക് മാറ്റുന്നതിനിടയിലാണ് മരണം. മൃതദേഹം പോസ്റ്റ്മോര്‍ട്ടത്തിന് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി. ഞായറാഴ്ച വൈകിട്ട് തോട്ടുമുക്കം സെന്റ് തോമസ് പള്ളി സെമിത്തേരിയിലാണ് സംസ്കാരം. അതിനുമുമ്പ് തോട്ടുമുക്കം ജിയുപി സ്കൂളില്‍ പൊതുദര്‍ശത്തിന് വെക്കും. തോട്ടുമുക്കം സെന്റ്തോമസ് ഹൈസ്കൂള്‍ അധ്യാപിക മേരിക്കുട്ടിയാണ് ഭാര്യ. മക്കള്‍: നീത(ബിരുദ വിദ്യാര്‍ഥിനി, ചങ്ങനാശ്ശേരി അസംപ്ഷന്‍) നിഖില്‍ (ഐ എച്ച് ആര്‍ ഡി പാലക്കാട്)്. അച്ഛന്‍: അഗസ്റ്റിന്‍. അമ്മ: ഏലിക്കുട്ടി. സഹോദരങ്ങള്‍: ഗ്ളോയി അഗസ്റ്റിന്‍ (എന്‍ഐഐടി ചാത്തമംഗലം), ജിജു അഗസ്റ്റിന്‍ (കൂടരഞ്ഞി സെന്റ്തോമസ് എച്ച് എസ് എസ്), ജിജി അഗസ്റ്റിന്‍, ലീലാമ്മ അഗസ്റ്റിന്‍. വിദ്യാഭ്യാസരംഗത്തെ എല്ലാ നല്ല സംരംഭങ്ങളിലും കക്ഷിരാഷ്ട്രീയം നോക്കാതെ സഹകരിക്കുന്ന ജെയിംസ് അഗസ്റ്റിന്‍ കോഗ്രസ് അനുഭാവിയായിരുന്നു. കഴിഞ്ഞ മെയ് മാസത്തിലാണ് പ്രധാനാധ്യാപകനായി ഉദ്യോഗക്കയറ്റം ലഭിച്ചത്. ആഭ്യന്തര മന്ത്രി കോടിയേരി ബാലകൃഷ്ണന്റെ നേരിട്ടുള്ള നിര്‍ദേശത്തെതുടര്‍ന്ന് മലപ്പുറം ജില്ലാ പൊലീസ് സൂപ്രണ്ട് സ്ഥലത്തെത്തി അന്വേഷണം നടത്തി. കിഴിശ്ശേരിയിലെ അഞ്ച് യൂത്ത്ലീഗ് പ്രവര്‍ത്തകര്‍ക്കെതിരെ കൊലക്കുറ്റത്തിന് കേസെടുത്തു. സംഭവം അന്വേഷിച്ച് അടിയന്തരമായി റിപ്പോര്‍ട്ട് നല്‍കാന്‍ കോഴിക്കോട്, മലപ്പുറം വിദ്യാഭ്യാസ ഡെപ്യൂട്ടി ഡയറക്ടര്‍മാര്‍ക്ക് പൊതുവിദ്യാഭ്യാസ ഡയറക്ടര്‍ എ പി എം മുഹമ്മദ് ഹനീഷ് നിര്‍ദേശം നല്‍കി. റിപ്പോര്‍ട്ടുകളുടെ അടിസ്ഥാനത്തില്‍ വിദ്യാഭ്യാസമന്ത്രിയുമായി ചര്‍ച്ചചെയ്ത് തുടര്‍നടപടി സ്വീകരിക്കുമെന്ന് ഡിപിഐ അറിയിച്ചു.
കടപ്പാട് – ദേശാഭിമാനി

ക്ളസ്റ്റര്‍ യോഗത്തിനിടെ ഹെഡ്മാസ്റ്റര്‍ ചവിട്ടേറ്റു മരിച്ചു
മലപ്പുറം: കിഴിശ്ശേരി ജി.എല്‍.പി സ്കൂളില്‍ ക്ളസ്റ്റര്‍ പരിശീലനത്തില്‍ പങ്കെടുക്കാനെത്തിയ വാലില്ലാപ്പുഴ എ.എം.എല്‍.പി. സ്കൂളിലെ ഹെഡ്മാസ്റ്റര്‍ തോട്ടുമുക്കം എടക്കര വീട്ടില്‍ ജയിംസ് അഗസ്റ്റ്യന്‍ (46) പ്രതിഷേധവുമായെത്തിയ മുസ്ളിം യൂത്ത് ലീഗുകാരുടെ ചവിട്ടേറ്റ് മരിച്ചു. രാവിലെ പതിനൊന്നു മണിയോടെയാണ് അക്രമം നടന്നത്.

കിഴിശ്ശേരി, അരീക്കോട് സബ് ജില്ലകളുടെ ക്ളസ്റ്റര്‍ പരിശീലനമാണ് കിഴിശ്ശേരി ജി. എല്‍. പി സ്കൂളില്‍ നടത്താന്‍ നിശ്ചയിച്ചിരുന്നത്. ഒമ്പതരയോടെ നൂറോളം മുസ്ലിം യൂത്ത്ലീഗ് പ്രവര്‍ത്തകര്‍ സ്കൂളിന് മുന്നില്‍ ഉപരോധം സൃഷ്ടിക്കുകയും അധ്യാപകരെ തടഞ്ഞുവയ്ക്കുകയും ചെയ്തിരുന്നു. ഇതേ തുടര്‍ന്ന് ക്ളസ്റ്റര്‍ യോഗം നടത്തുന്നില്ലെന്ന് റിസോഴ്സ് പേഴ്സണായ ജയിംസിനെ ബി.ആര്‍.സി. ട്രെയ്നറായ രത്നാബായി അറിയിച്ചു. അവരുടെ നിര്‍ദ്ദേശപ്രകാരം സ്കൂള്‍ കോമ്പൌണ്ടില്‍ ഹാജരായ അധ്യാപകരുടെ പേരെഴുതി ഒപ്പിടുവിക്കാന്‍ ജയിംസ് ഡയറി എടുക്കുന്നതിനിടയിലാണ് ഒരു സംഘം യൂത്ത്ലീഗ് പ്രവര്‍ത്തകര്‍ സ്കൂള്‍ കോമ്പൌണ്ടിലേക്ക് ഇരച്ചുകയറിയത്. ഇവര്‍ അധ്യാപകരുമായി വാക്കേറ്റം നടത്തുകയും ജയിംസിന്റെ ഡയറി തട്ടിപ്പറിക്കുകയും ചെയ്തു. ഇതിനിടയില്‍ അക്രമികളുടെ ചവിട്ടേറ്റ് ജയിംസ് താഴെവീണു. ഉടന്‍ തന്നെ മറ്റ് അധ്യാപകര്‍ കിഴിശ്ശേരിയിലുള്ള അല്‍ അമീന്‍ ആശുപത്രിയില്‍ എത്തിച്ചു. സ്കാന്‍ ചെയ്യണമെന്ന് ഡോക്ടര്‍ നിര്‍ദ്ദേശിച്ചതിനെ തുടര്‍ന്ന് കോഴിക്കോട്ടെ ആശുപത്രിയിലേക്ക് കൊണ്ടുപോവുന്നവഴിയാണ് ജയിംസ് മരിച്ചത്.

ആക്രമിക്കപ്പെട്ട ശേഷം നടന്ന സംഭവങ്ങള്‍ ജയിംസ് എ.ഇ.ഒ കെ.എം.ജോസഫിനെ അറിയിച്ചിരുന്നു. ജയിംസിന്റെ സ്ഥിതി ഗുരുതരമാണെന്ന് മനസ്സിലായതിനെ തുടര്‍ന്ന് ഉച്ചയ്ക്ക് ഒന്നേകാലോടെ എ.ഇ.ഒ ആശുപത്രിയിലെത്തിയപ്പോഴേക്കും ജയിംസിനെ കോഴിക്കോട്ടേക്ക് കൊണ്ടുപോയിരുന്നു. സ്വകാര്യ ആശുപത്രിയില്‍ മരണം സ്ഥിരീകരിച്ചയുടനേ മൃതദേഹം കോഴിക്കോട് മെഡിക്കല്‍ കോളേജിലേക്കു മാറ്റി.
മൃതദേഹം പോസ്റ്റ്മോര്‍ട്ടത്തിനുശേഷം ഇന്ന് തോട്ടുമുക്കം പള്ളിയില്‍ സംസ്കരിക്കും. കുടിയേറ്റ കര്‍ഷകനായ അഗസ്റ്റ്യന്റെ മകനായ ജയിംസ് അഗസ്റ്റ്യന്‍ കഴിഞ്ഞ മാസമാണ് ഹെഡ്മാസ്റ്ററായത്. രാഷ്ട്രീയ പാര്‍ട്ടികളുമായി ബന്ധമില്ലെങ്കിലും കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ് അസോസിയേഷനില്‍ (കെ.പി.പി.എച്ച്.എ) അംഗമാണ്. ഭാര്യ മേരിക്കുട്ടി തോട്ടുമുക്കം സെന്റ് തോമസ് സ്കൂള്‍ അധ്യാപികയാണ്. മകള്‍ നീത ചങ്ങനാശ്ശേരി അസംപ്ഷന്‍ കോളേജില്‍ ഒന്നാം വര്‍ഷ ബി.എസ്സിക്ക് ചേര്‍ന്നിരിക്കുകയാണ്. മകന്‍ നിഖില്‍ വാഴക്കാട് വൊക്കേഷണല്‍ ഹയര്‍സെക്കന്‍ഡറി സ്കൂളിലെ പ്ളസ്വണ്‍ വിദ്യാര്‍ത്ഥിയാണ്. ജയിംസിന്റെ അമ്മ ഒരാഴ്ചയായി കോഴിക്കോട് എരഞ്ഞിപ്പാലം സഹകരണ ആശുപത്രിയില്‍ ചികിത്സയിലായിരുന്നു. ഏജീസ് ഓഫീസ് ഉദ്യോഗസ്ഥനായ ഗ്ളോയി അഗസ്റ്റ്യന്‍, കൂടരഞ്ഞി സെന്റ് സെബാസ്റ്റ്യന്‍സ് ഹയര്‍സെക്കന്‍ഡറി സ്കൂള്‍ അധ്യാപകന്‍ ജിജു അഗസ്റ്റ്യന്‍ എന്നിവരാണ് സഹോദരങ്ങള്‍.

വിശ്വസിക്കാനാവാതെ ജയിംസിന്‍െറ കുടുംബം
മലപ്പുറം: ഒരുവിധത്തിലുള്ള രാഷ്ട്രീയ പ്രവര്‍ത്തനത്തിലും ഇല്ലാതിരുന്ന അച്ഛന്‍ രാഷ്ട്രീയക്കാരാല്‍ കൊലചെയ്യപ്പെട്ടതറിഞ്ഞ് സ്തബ്ധരായിരിക്കുകയാണ് തോട്ടുമുക്കം എടക്കര വീട്ടില്‍ ജയിംസ് അഗസ്റ്റ്യന്റെ മക്കളായ നീതയും നിഖിലും. രാവിലെ ജോലിക്കുപോയ ഭര്‍ത്താവ് ചവിട്ടേറ്റ് മരിച്ചുവെന്ന് ഭാര്യ മേരിക്കുട്ടിക്ക് വിശ്വസിക്കാനേ ആവുന്നില്ല.

അധ്യാപക സംഘടനയില്‍ പോലും പേരിന് അംഗമായി എന്നല്ലാതെ യാതൊരുവിധ സംഘടനാ പ്രവര്‍ത്തനങ്ങളിലൊന്നും ജയിംസിന് അമിതാവേശമുണ്ടായിരുന്നില്ല. കൂടരഞ്ഞി സെന്റ് സെബാസ്റ്റ്യന്‍ ഹയര്‍സെക്കണ്ടറി സ്കൂളില്‍ നിന്ന് ഒന്നാം ക്ളാസോടെ പ്ളസ്ടു പാസായ മകള്‍ നീത കേരളത്തിന് പുറത്ത് എഞ്ചിനീയറിംഗ് കോളേജില്‍ ചേരാനുള്ള ശ്രമത്തിലായിരുന്നു. അതിനിടയിലാണ് ചങ്ങനാശ്ശേരി അസംപ്ഷന്‍ കോളേജില്‍ ബി. എസ്. സി. യ്ക്ക് ചേര്‍ന്നത്. വാഴക്കാട് വൊക്കേഷണല്‍ ഹയര്‍സെക്കണ്ടറി പ്ളസ്വണ്‍ വിദ്യാര്‍ത്ഥിയാണ് ഇളയമകന്‍ നിഖില്‍. ഒരാഴ്ചയോളം ആശുപത്രിയില്‍ ചികിത്സയില്‍ കഴിഞ്ഞിരുന്ന അമ്മ എരഞ്ഞിപ്പാലം സഹ. ആശുപത്രിയില്‍ നിന്ന് ഡിസ്ചാര്‍ജ്ജ് ആയി വീട്ടിലെത്തിയിട്ടേ ഉണ്ടായിരുന്നുള്ളൂ. വീട്ടിനടുത്തുള്ള ഹൈസ്കൂളില്‍ അധ്യാപികയാണ് ജയിംസിന്റെ ഭാര്യ മേരിക്കുട്ടി.

സൌമ്യസ്വഭാവക്കാരനായിരുന്നു ജയിംസെന്ന് കൂട്ടുകാര്‍ പറയുന്നു. ക്ളസ്റ്റര്‍ നടക്കുന്ന സ്കൂളില്‍ സ്വന്തം ബൈക്കിലെത്തിയ ജയിംസ് പരിപാടി നടക്കാത്തതുമൂലം തിരിച്ചുപോവുന്ന അധ്യാപകരുടെ ഹാജര്‍ രേഖപ്പെടുത്താനായി ശ്രമിക്കുമ്പോഴാണ് അക്രമികളുടെ ചവിട്ടേറ്റത്. കഴിഞ്ഞ കുറേനാളായി അസുഖങ്ങള്‍ ജയിംസിനെ വേട്ടയാടിക്കൊണ്ടിരിക്കുകയാണെന്ന് സുഹൃത്തുക്കള്‍ പറയുന്നു. വാഹനാപകടത്തില്‍പ്പെട്ട് ആറുമാസത്തോളം ചികിത്സയിലായിരുന്നു. ചിക്കന്‍പോക്സ് പിടിപെട്ടും കുറച്ചുനാള്‍ കിടപ്പിലായി
83 ല്‍ കോഴിക്കോട് ഗവ. ടി. ടി. ഐ. യില്‍ നിന്ന് പരിശീലനം കഴിഞ്ഞയുടനെ ഇതേ സ്കൂളില്‍ അധ്യാപകനായി ചേരുകയായിരുന്നു. കോഴിക്കോട് ദേവഗിരി സെന്റ് ജോസഫ് കോളേജില്‍ ബി. കോമിന് പഠിച്ചുകൊണ്ടിരിക്കെയാണ് ജയിംസിന് ടി. ടി. സി. യ്ക്ക് പ്രവേശനം ലഭിച്ചത്.

ഉച്ചയോടെയാണ് നാട്ടില്‍ മരണവാര്‍ത്തയെത്തിയത്. വിവരമറിഞ്ഞു തോട്ടുമുക്കം പള്ളിത്താഴത്തെ ജെയിംസ് അഗസ്റ്റിന്റെ വീട്ടിലേക്ക് സഹപ്രവര്‍ത്തകരും സുഹൃത്തുക്കളും ഓടിയെത്തുകയായിരുന്നു. അദ്ധ്യാപികയായ ഭാര്യയേയും മക്കളേയും എന്തുപറഞ്ഞ് ആശ്വസിപ്പിക്കുമെന്നറിയാതെ ബന്ധുക്കളും സഹപ്രവര്‍ത്തകരും കുഴങ്ങി. രോഷാകുലരായ നാട്ടുകാര്‍ വാലില്ലാപ്പുഴ അങ്ങാടിയില്‍ വാഹനങ്ങള്‍ തടഞ്ഞ് പ്രതിഷേധിച്ചു. മുക്കം, പന്നിക്കോട്, ചെറുവാടി, കൊടിയത്തൂര്‍ തുടങ്ങിയ സ്ഥലങ്ങളില്‍ ഇടതുമുന്നണിയുടെ ആഭിമുഖ്യത്തില്‍ പ്രതിഷേധ പ്രകടനം നടന്നു. ജോര്‍ജ് എം. തോമസ് എം. എല്‍. എ, സി.പി. ഐ നേതാവ് എം. റഹ്മത്തുള്ള എന്നിവര്‍ വീട്ടിലെത്തി അനുശോചനമറിയിച്ചു. മൃതദേഹം നാളെ തോട്ടുമുക്കം ഗവ. എല്‍.പി.സ്കൂളില്‍ പൊതുദര്‍ശനത്തിന് വച്ച ശേഷം വൈകിട്ട് സെന്റ് ഫെറോസ ചര്‍ച്ച് സെമിത്തേരിയില്‍ സംസ്കരിക്കും.
കടപ്പാട് – കേരളകൌമുദി

ക്ലസ്റ്റര്‍ യോഗത്തിനിടെ അക്രമം: പരിക്കേറ്റ അധ്യാപകന്‍ മരിച്ചു

മലപ്പുറം: മലപ്പുറം കിഴിശ്ശേരി ജിഎല്‍പി സ്‌കൂളില്‍ നടന്ന ക്ലസ്റ്റര്‍ പരിശീലനത്തിനിടെ സംഘര്‍ഷത്തില്‍ പരിക്കേറ്റ അധ്യാപകന്‍ മരിച്ചു.

അരീക്കോട്‌ തോട്ടുമുക്കം വാലില്ലാപുഴ എടക്കര ജയിംസ്‌ അഗസ്റ്റിന്‍ (46) ആണ്‌ മരിച്ചത്‌. വാലില്ലാപ്പുഴ എം.എന്‍.പി സ്‌ക്കൂളിലെ പ്രധാന അധ്യാപകനാണ്‌ ജയിംസ്‌. കോണ്‍ഗ്രസ്‌ അനുകൂല വിദ്യാഭ്യാസ സംഘടനയിലെ അംഗമാണ്‌ ഇദ്ദേഹം.

സംസ്ഥാന വ്യാപകമായി നടക്കുന്ന പാഠപുസ്‌തക സമരത്തിന്റെ ഭാഗമായി ക്ലസ്റ്റര്‍ പരിശീലനം തടയാന്‍ യൂത്ത്‌ ലീഗ്‌ പ്രവര്‍ത്തകര്‍ ജയിംസടക്കമുള്ള അധ്യാപകര്‍ പങ്കെടുത്തിരുന്ന ക്ലസ്റ്റര്‍ പരിശീലന ക്ലാസില്‍ കയറി അക്രമം അഴിച്ചു വിട്ടിരുന്നു.

സംഘര്‍ഷത്തില്‍ തലയ്‌ക്കടിയേറ്റ ജയിംസിനെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിയ്‌ക്കാനായില്ല.

മൃതദേഹം മെഡിക്കല്‍ കോളജ്‌ ആശുപത്രിയില്‍ സൂക്ഷിച്ചിരിയ്‌ക്കുകയാണ്‌. സംഭവത്തെക്കുറിച്ച്‌ അടിയന്തിരമായി റിപ്പോര്‍ട്ട്‌ നല്‌കാന്‍ പൊതുവിദ്യാഭ്യാസ ഡയറക്ടര്‍ ജില്ലാ ഡെപ്യൂട്ടി ഡയറക്ടറോട്‌ ആവശ്യപ്പെട്ടിട്ടുണ്ട്‌.

കടപ്പാട് – ദാറ്റ്സ്‌മലയാളം

ക്ലസ്റ്റര്‍ യോഗസ്ഥലത്ത്‌ സംഘര്‍ഷം; അധ്യാപകന്‍ മരിച്ചു
മലപ്പുറം വാലില്ലാപ്പുഴ എല്‍ പി സ്കൂളില്‍ ക്ലസ്റ്റര്‍ യോഗത്തിനിടെയുണ്ടായ യൂത്ത് ലീഗ് സംഘര്‍ഷത്തില്‍ പരുക്കേറ്റ പ്രധാന അധ്യാപകന്‍ മരിച്ചു. ജയിംസ്‌ അഗസ്‌റ്റിനാണ്‌ മരിച്ചത്‌. രാവിലെ യോഗം നടന്ന സ്ഥലത്തേക്ക്‌ യൂത്ത്‌ ലീഗുകാര്‍ നടത്തിയ പ്രതിഷേധ പ്രകടനം സംഘര്‍ഷത്തില്‍ കലാശിക്കുകയായിരുന്നു.

സംഘര്‍ഷത്തിനിടെ മാരകമായി പരിക്കേറ്റ ജെയിംസ് കുഴഞ്ഞുവീഴുകയായിരുന്നു. ഉടന്‍ തന്നെ മലപ്പുറത്തെ സ്വകാര്യ ആസ്‌പത്രിയില്‍ പ്രവേശിപ്പിച്ചു. സ്ഥിതി മോശമായതിനെ തുടര്‍ന്ന്‌ ജയിംസിനെ ഡോക്‌ടര്‍മാരുടെ നിര്‍ദേശാനുസരണം കോഴിക്കോട്‌ മെഡിക്കല്‍ കോളജിലേക്ക്‌ കൊണ്ടുപോകും വഴിയാണ്‌ മരണം സംഭവിച്ചത്‌. ജയിംസിന്‍റെ നെഞ്ചിലും കഴുത്തിലും ക്രൂരമായി മര്‍ദ്ദനമേറ്റിരുന്നു. തോട്ടുമുക്കം സ്‌കൂളിലെ അധ്യാപിക മേരിക്കുട്ടിയാണ്‌ ഭാര്യ.
കടപ്പാട് – യാഹൂ മലയാളം

സംഘര്‍ഷത്തിനിടെ അധ്യാപകന്‍ മരിച്ചു.
മലപ്പുറം : ക്ലസ്റ്റര്‍ യോഗത്തിലെ സംഘര്‍ഷത്തിനിടെ പരുക്കേറ്റ പ്രധാന അധ്യാപകന്‍ മരിച്ചു. വാലില്ലാപ്പുഴ ജി.എല്‍.പി. സ്‌കൂളിലെ പ്രധാന അധ്യാപകന്‍ ജെയിംസാണ്‌ മരിച്ചത്‌. ക്ലസ്റ്റര്‍യോഗം നടക്കുമ്പോള്‍ പ്രകടനമായെത്തിയ പ്രതിപക്ഷ സംഘടനാ പ്രവര്‍ത്തകര്‍ രാവിലെ സ്‌കൂളില്‍ സംഘര്‍ഷം സൃഷ്‌ടിച്ചിരുന്നു. ഇതിനിടെയാണ്‌ ജെയിംസിന്‌ മര്‍ദ്ദനമേറ്റത്‌. തുടര്‍ന്ന്‌ ഇദ്ദേഹത്തെ കോഴിക്കോട്ടെ സ്വകാര്യ ആശുപത്രിയിലേക്ക്‌ കൊണ്‌ടു പോകുന്നതിനിടെയാണ്‌ മരണം സംഭവിച്ചത്‌. ഇന്ന്‌ രാവിലെ പതിനൊന്ന്‌ മണിയോടാണ്‌ യൂത്ത്‌ ലീഗ്‌ പ്രവര്‍ത്തകര്‍ പ്രകടനമായി സ്‌കൂളില്‍ എത്തിയത്‌. ഇവര്‍ ക്ലസ്റ്റര്‍ യോഗം നടക്കുന്ന ക്ലാസ്‌ ലക്ഷ്യമാക്കി നീങ്ങി. ഇതിനിടയിലാണ്‌ ജയിംസ്‌ അടക്കമുള്ള അധ്യാപകര്‍ക്ക്‌ മര്‍ദ്ദനമേറ്റത്‌. മര്‍ദ്ദനമേറ്റ ജയിംസിനെ ഉടന്‍ തന്നെ കോഴിക്കോട്ടെ ആശുപത്രിയിലേക്ക്‌ കൊണ്‌ടു പോയി. പ്രതിഷേധക്കാര്‍ തന്റെ തലയിലും നെഞ്ചത്തും ചവിട്ടിയതായി ജെയിംസ്‌ ആശുപത്രിയലേക്ക്‌ പോകും വഴി സഹപ്രവര്‍ത്തകരോട്‌ പറഞ്ഞിരുന്നു. സംഭവത്തെ കുറിച്ച്‌ റിപ്പോര്‍ട്ട്‌ നല്‍കാന്‍ മലപ്പുറം എസ്‌പിയോട്‌ ആഭ്യന്തര മന്ത്രി ആവശ്യപ്പെട്ടിട്ടുണ്‌ട്‌.

കടപ്പാട് – അന്വേഷണം

2അഭിപ്രായങ്ങള്‍

Filed under കേരളം, പത്രവാര്‍ത്തകള്‍, മാധ്യമം

തൊഴിലുറപ്പില്‍ തളിര്‍ക്കുന്ന ജീവിതങ്ങള്‍ – മാതൃഭൂമി

ഇതോടൊപ്പം വായിക്കുവാന്‍ യൂണികോഡ് നിലവില്‍ വരുന്നതിന് ‍ മുമ്പ് ഞാന്‍ പ്രസിദ്ധീകരിച്ച ചില ലേഖനങ്ങള്‍ ഇവിടെ ചേര്‍ക്കുന്നു.

1. കൃഷിഭവനുകള്‍ – ചില നിര്‍ദ്ദേശങ്ങള്‍

2. ഞാന്‍ കണ്ട ഗ്രാമസഭ

27-03-08

ഇന്ത്യ കണ്ട ഏറ്റവും വിപുലമായ തൊഴില്‍ദാന പദ്ധതിയായ ദേശീയ ഗ്രാമീണ തൊഴിലുറപ്പ് പദ്ധതി ഗ്രാമങ്ങളിലെ ദരിദ്ര ജനകോടികളുടെ ജീവിതം മാറ്റിയെഴുതുകയാണ്. ഏപ്രില്‍ ഒന്നുമുതല്‍ കേരളത്തിലെ എല്ലാ ഗ്രാമപ്പഞ്ചായത്തുകളിലേക്കും ഈ പദ്ധതി വ്യാപിപ്പിക്കുന്നു. വയനാട്, പാലക്കാട്, ഇടുക്കി, കാസര്‍കോട് ജില്ലകളിലെ പഞ്ചായത്തുകളില്‍ ഇതിനകം നടപ്പാക്കിക്കഴിഞ്ഞ ഈ പദ്ധതിയുടെ
സാധ്യതകളെന്ത്? പദ്ധതി നടക്കുന്ന ജില്ലകളിലെ അനുഭവമെന്ത്? ഒരു അന്വേഷണം

എസ്.എന്‍. ജയപ്രകാശ്

ത്മഹത്യയുടെ ഇടിമുഴക്കങ്ങളുമായി കേരളത്തെ ഞെട്ടിച്ച് കടന്നുപോയ വയനാടന്‍ കര്‍ഷകരുടെ വിധവകള്‍ ഇപ്പോള്‍ എന്തുചെയ്യുന്നുവെന്ന് അന്വേഷിച്ചിട്ടുണ്ടോ?

കദനഭാരങ്ങള്‍ക്കു മുന്നില്‍ തലകുനിക്കാതെ തകര്‍ന്നുപോയ കുടുംബങ്ങളെ കരകയറ്റാന്‍ അധ്വാനത്തിന്റെ പാതയിലാണ് അവരില്‍ പലരും. ദേശീയ ഗ്രാമീണ തൊഴിലുറപ്പ് പദ്ധതിയിലെ പണിസ്ഥലങ്ങളില്‍ ജീവിതത്തിന്റെ പുതുവഴികള്‍ തുറക്കുന്ന ഇവരെ നിങ്ങള്‍ക്ക് കാണാം. കോളേരിയിലെ അജിത, വാളവയലിലെ ഉഷ, കൂവളത്തുംകാട്ടിലെ ഓമന, വാകേരിയിലെ സുമ… വിളനാശവും കടക്കെണിയും കാരണം 49 കര്‍ഷകര്‍ ആത്മഹത്യചെയ്ത പൂതാടി പഞ്ചായത്തില്‍ മാത്രം ഇരുപതോളം വിധവകള്‍ തൊഴിലുറപ്പ് പദ്ധതി പ്രകാരം തൊഴില്‍ നേടി. ഏറെപ്പേരും ആദ്യമായി തൊഴിലിനിറങ്ങിയവര്‍. നൂറു തൊഴില്‍ദിനങ്ങള്‍ പൂര്‍ത്തിയാക്കിയവരുണ്ട് ഇവരില്‍. ദിവസം 125 രൂപ കൂലി. നാടിന്റെ വികസനത്തില്‍ പങ്കാളിത്തം. ഒറ്റപ്പെടലില്‍നിന്ന് കൂട്ടായ്മയിലേക്ക്. ഉയിര്‍ത്തെഴുന്നേല്പിന്റെ പ്രതീക്ഷയിലാണവര്‍. കഴിഞ്ഞ ഏപ്രിലില്‍ ഗ്രാമീണ തൊഴിലുറപ്പ് പദ്ധതി നടപ്പാക്കിയ വയനാട്, പാലക്കാട് ജില്ലകള്‍ രണ്ടുവര്‍ഷം പിന്നിടുമ്പോള്‍ ദേശീയശ്രദ്ധ നേടിക്കഴിഞ്ഞു. എന്നാല്‍, ഇടുക്കി, കാസര്‍കോട് ജില്ലകളിലെ പദ്ധതി ശൈശവ ദശയിലാണ്. ഈ ഏപ്രില്‍ ഒന്നുമുതല്‍ കേരളത്തിലെ എല്ലാ ഗ്രാമപ്പഞ്ചായത്തുകളിലേക്കും പദ്ധതി വ്യാപിപ്പിക്കും. അതോടെ ഗ്രാമീണ ജനതയ്ക്കാകെ തൊഴില്‍ നിയമപരമായ അവകാശമായി മാറുകയാണ്.

2005 ആഗസ്തില്‍ പാര്‍ലമെന്റ് ഏകകണ്ഠമായി അംഗീകരിച്ച ദേശീയ ഗ്രാമീണ തൊഴിലുറപ്പ് നിയമമാണ് ഈ പദ്ധതിയുടെ നട്ടെല്ല്. ഗ്രാമീണ കുടുംബങ്ങള്‍ക്ക് വര്‍ഷത്തില്‍ നൂറുദിവസം കായികാധ്വാനം ആവശ്യമുള്ള അവിദഗ്ധ തൊഴില്‍ ഉറപ്പാക്കണമെന്നും അതിന് സംസ്ഥാനത്തെ മിനിമം കൂലി നല്കണമെന്നുമാണ് നിയമം അനുശാസിക്കുന്നത്. തൊഴില്‍ നിയമപരമായ അവകാശമാക്കുന്ന ഇത്തരമൊരു പദ്ധതി രാജ്യ ചരിത്രത്തില്‍ ആദ്യമാണ്.

പഞ്ചായത്തുകളാണ് പദ്ധതി നടപ്പാക്കേണ്ടത്. ഒരു കുടുംബത്തിലെ 18 വയസ്സുകഴിഞ്ഞ ആര്‍ക്കും പദ്ധതിയില്‍ ചേരാനായി രജിസ്റ്റര്‍ ചെയ്യാം. ഇവര്‍ പഞ്ചായത്തിലെ സ്ഥിരതാമസക്കാരായിരിക്കണം. ദാരിദ്ര്യരേഖയ്ക്ക് താഴെയുള്ളവരെന്നോ മുകളിലുള്ളവരെന്നോ വ്യത്യാസമില്ല. രജിസ്റ്റര്‍ ചെയ്തവരുടെ ഫോട്ടോയും വിശദവിവരങ്ങളും ഉള്‍പ്പെടുത്തിയ തൊഴില്‍കാര്‍ഡ് പഞ്ചായത്ത് നല്‍കും. പഞ്ചായത്തിലെ സ്ഥിരതാമസക്കാരും 18 വയസ്സു കഴിഞ്ഞവരുമായ ആര്‍ക്കും തൊഴില്‍ കാര്‍ഡ് നിഷേധിക്കരുതെന്നാണ് നിയമം.

കാര്‍ഡുള്ളവര്‍ തൊഴിലിനായി നിശ്ചിത മാതൃകയിലുള്ള അപേക്ഷ ഗ്രാമപ്പഞ്ചായത്ത് സെക്രട്ടറിക്ക് നല്കണം. 15 ദിവസത്തിനകം തൊഴില്‍ നല്കിയിരിക്കണം. ഇല്ലെങ്കില്‍ തൊഴിലില്ലായ്മാ വേതനത്തിന് അപേക്ഷകന്‍ അര്‍ഹനായിരിക്കും. തൊഴിലുറപ്പ് പദ്ധതിയില്‍പ്പെടുത്തി ഗ്രാമപ്പഞ്ചായത്തുകള്‍ നടപ്പാക്കുന്ന പ്രവൃത്തികളിലാണ് തൊഴില്‍ ലഭിക്കുക. ജലസംരക്ഷണ, ഭൂവികസന പരിപാടികള്‍ക്കാണ് പദ്ധതിയില്‍ മുന്‍ഗണന. പൊതുഭൂമിയിലും പട്ടികജാതി_വര്‍ഗ കുടുംബങ്ങളുടെ ഭൂമിയിലും പദ്ധതികള്‍ നടപ്പാക്കും. അഞ്ചേക്കറില്‍ താഴെയുള്ള ചെറുകിട, നാമമാത്ര കര്‍ഷകരുടെ ഭൂമിയില്‍ നീര്‍ത്തടാധിഷ്ഠിത പദ്ധതികളും കേരളത്തില്‍ നടപ്പാക്കുന്നു. തൊഴില്‍ നല്കുന്നതിനോടൊപ്പം വികസനത്തിനുതകുന്ന സാമൂഹിക ആസ്തികളും ഉണ്ടാക്കുക എന്നതാണ് ലക്ഷ്യം. സാധനസാമഗ്രികള്‍ക്ക് ഏറ്റവും കൂടിയത് എസ്റ്റിമേറ്റിന്റെ 40 ശതമാനമേ ചെലവാക്കാവൂ. 60 ശതമാനവും കൂലിക്കായി നല്കണം.

കരാറുകാരെ ഒഴിവാക്കിക്കൊണ്ടുള്ള ധീരമായ ചുവടുവെപ്പാണ് തൊഴിലുറപ്പ് പദ്ധതി. വന്‍തോതില്‍ മനുഷ്യാധ്വാനം ഒഴിവാക്കുന്ന ജെ.സി.ബി. പോലുള്ള യന്ത്രങ്ങള്‍ പ്രവൃത്തികളില്‍ ഉപയോഗിക്കാന്‍ പാടില്ല. വേതനത്തിനാവശ്യമായ മുഴുവന്‍ തുകയും സാധന സാമഗ്രികള്‍ക്കു വേണ്ടതിന്റെ മൂന്നില്‍ രണ്ടും കേന്ദ്രസര്‍ക്കാര്‍ നല്കും. മൊത്തം പദ്ധതിയില്‍ 10 ശതമാനം മാത്രമാണ് സംസ്ഥാന വിഹിതം.

തൊഴിലുറപ്പ് പദ്ധതിയില്‍ കേരളത്തില്‍ 125 രൂപയാണ് വേതനം. ആണിനും പെണ്ണിനും തുല്യം. വിദഗ്ധ തൊഴിലാളികളെ വേണ്ടിവന്നാല്‍ അവര്‍ക്ക് കൂടിയ വേതനം. രണ്ടാഴ്ച കൂടുമ്പോള്‍ വേതനം തൊഴിലാളികളുടെ അക്കൌണ്ടില്‍ ബാങ്കിലെത്തും. ബാങ്ക് അക്കൌണ്ട് തുടങ്ങാന്‍ പഞ്ചായത്ത് സഹായിക്കും. കരാറുകാരില്ലാത്തതും തൊഴിലാളികളുടെ കൂലി മറ്റാരുടെയും കൈകളില്‍ എത്താത്തതും അഴിമതി തടയുന്നതില്‍ മുഖ്യപങ്കു വഹിക്കുന്നു.

കുടുംബത്തില്‍നിന്ന് തൊഴിലിന് അപേക്ഷിച്ച എല്ലാവര്‍ക്കുമായി വര്‍ഷം 100 ദിവസം തൊഴില്‍ നല്കിയിരിക്കണം. കുടുംബത്തിലെ ഒരാള്‍ക്കു മാത്രമായും നൂറു ദിവസം തൊഴിലെടുക്കാം. നൂറു ദിവസം കഴിഞ്ഞാല്‍ ആ വര്‍ഷം പണി ലഭിക്കില്ല. മറ്റു തൊഴിലുകള്‍ ലഭിക്കാത്ത സമയം തൊഴിലുറപ്പ് പദ്ധതിയില്‍ പണിയെടുക്കാമെന്നതിനാല്‍ ഓരോ കുടുംബത്തിനും 100 തൊഴില്‍ദിനങ്ങള്‍ അധികം ലഭിക്കുമെന്നതാണ് പദ്ധതിയുടെ നേട്ടം. വര്‍ഷം 12,500 രൂപ വേതനവും.

മറുനാടന്‍ പണം കൊണ്ട് തിളങ്ങുന്ന കേരളത്തില്‍ ഈ വരുമാനം നിസ്സാരമായി തോന്നാം. പക്ഷേ, അവഗണനയിലായ കര്‍ഷകത്തൊഴിലാളി കുടുംബങ്ങളിലെ ദാരിദ്ര്യനിര്‍മാര്‍ജനത്തില്‍ ഗണ്യമായ പങ്കുവഹിക്കാന്‍ ഇതിനകം പദ്ധതിക്ക് കഴിഞ്ഞിട്ടുണ്ട്.

പറയത്തക്ക അഴിമതിയൊന്നുമില്ലെങ്കിലും കേരളത്തിലെ പദ്ധതി നടത്തിപ്പിനെക്കുറിച്ച് വിമര്‍ശനങ്ങളുണ്ട്. തൊഴില്‍ദിനങ്ങളും തൊഴിലിനുള്ള ആവശ്യങ്ങളും സൃഷ്ടിച്ചതിന്റെ ശരാശരി കണക്കില്‍ കേരളം പിന്നിലാണ്. എങ്കിലും ഗ്രാമവികസന വകുപ്പിന്റെ കണക്കനുസരിച്ച് 2007_08 ഫിബ്രവരി വരെ വയനാട് ജില്ലയില്‍ 62,219 കുടുംബങ്ങളിലെ 84,400 പേര്‍ക്കായി 29 കോടി രൂപ ചെലവഴിച്ചു; പാലക്കാട്ട് 69,064 കുടുംബങ്ങളിലെ 73,295 പേര്‍ക്കായി 28.95 കോടിയും.

ഇടുക്കിയിലും കാസര്‍കോട്ടും കഴിഞ്ഞ ഡിസംബറിലാണ് പ്രവൃത്തികള്‍ തുടങ്ങാനായത്. കാസര്‍കോട്ട് 12,476 കുടുംബങ്ങളിലെ 16,039 പേര്‍ക്കായി 1.8 കോടിയും ഇടുക്കിയില്‍ 10,837 കുടുംബങ്ങളിലെ 10,874 പേര്‍ക്കായി 1.26 കോടിയും ചെലവഴിച്ചു. നാലുജില്ലകളിലായി ചെലവഴിച്ചത് 61.04 കോടി രൂപ. ഇതിന്റെ സിംഹഭാഗവും വേതനമായി നേരിട്ടെത്തിയത് ആദിവാസികളും സ്ത്രീകളും ദുര്‍ബല വിഭാഗങ്ങളും ഉള്‍പ്പെടുന്ന 1,84,608 തൊഴിലാളികളുടെ കൈകളിലാണ്. ഇതുയര്‍ത്തുന്ന പ്രതീക്ഷകള്‍ മറ്റൊരു തൊഴില്‍ദാനപദ്ധതിക്കും നല്കാനാവാത്തതാണ്.

(തുടരും)

2അഭിപ്രായങ്ങള്‍

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 09-03-08

സായുധസഖാക്കളെ വിട്ടയയ്‌ക്കാന്‍ പോലീസ്‌ ഉന്നതന്‍ ഉത്തരവിട്ടു

ഒരു കുടുംബവും അനാഥമാകരുത്‌: വി.എസ്‌.

കേരളം ലോഡ്‌ഷെഡിംഗിലേക്ക്‌

സച്ചാര്‍ റിപ്പോര്‍ട്ട്‌ നടപ്പാക്കും: കേന്ദ്രമന്ത്രി അര്‍ജുന്‍സിംഗ്‌

ബഹിരാകാശ ഇന്‍സ്‌റ്റിറ്റ്യൂട്ടിന്‌ സ്‌ഥലം പത്തു ദിവസത്തിനകം

ധനമന്ത്രി വന്‍ ലോബിക്ക്‌ വഴങ്ങിയെന്നു ഭക്ഷ്യമന്ത്രി

മൂലമ്പിള്ളി കുടിയൊഴിപ്പിക്കല്‍: ‘ടി.കെ.എ. നായര്‍ നിര്‍ദേശിച്ചു; കലക്‌ടര്‍ ബേജാറായി’

80 ശതമാനം സ്‌ത്രീകളും ദുഃഖിതര്‍: ജസ്‌റ്റിസ്‌ ഡി. ശ്രീദേവി

ഭാവി വികസനം ശാസ്‌ത്ര പുരോഗതിയില്‍: ആന്റണി

യുവതിയെ കളിയാക്കിയതിന്‌ കൊലപാതകം; രണ്ടുപ്രതികള്‍ക്ക്‌ ജീവപര്യന്തം

സാഹിത്യ അക്കാദമിയില്‍ രാഷ്‌ട്രീയക്കളി; സെക്രട്ടറി സ്‌ഥാനത്തേക്ക്‌ പുരുഷന്‍ കടലുണ്ടി

നാഗാലാന്‍ഡില്‍ ഡാന്‍ അധികാരത്തിലേക്ക്‌; റിയോ മുഖ്യമന്ത്രിയാകും

നികുതിയിളവില്ല; ഒ.എന്‍.ജി.സി. പദ്ധതി പുനപരിശോധിക്കുന്നു

വണ്‍ഡേ ഹോം പ്രവര്‍ത്തനം ആരംഭിച്ചു

ഭാരതിയാര്‍ സര്‍വകലാശാലയില്‍ പഠനത്തോടൊപ്പം ജോലിയും

ഇന്ത്യന്‍ തൊഴിലാളികള്‍ അമേരിക്കയില്‍ സമരത്തില്‍

ബ്രിട്ടന്‍ വിസ നിയമങ്ങള്‍ മാറ്റുന്നു; ഇന്ത്യന്‍ വിദ്യാര്‍ത്ഥികള്‍ക്കവസരം

കലാകൗമുദിയില്‍ ബ്ലോഗുകളെ അപകീര്‍ത്തിപ്പെടുത്തി എം.കെ.ഹരികുമാറിന്റെ പ്രസിദ്ധീകരിച്ച ലേഖനത്തിന് പറ്റിയ തെറ്റ് തിരുത്തുന്നതുവരെ കേരളകൗമുദി വാര്‍ത്തകള്‍ യൂണികോഡിലാക്കി പ്രസിദ്ധീകരിക്കുന്നതല്ല.

1. ഇസ്രയേലുകാരന്‍ റോ നിരീക്ഷണത്തില്‍
പത്തനംതിട്ട: ചെങ്ങറയില്‍ സര്‍ക്കാര്‍ഭൂമി കൈയേറി നടക്കുന്ന സമരത്തിനുപിന്നിലെ വിദേശബന്ധസാധ്യത കേന്ദ്ര ഇന്റലിജന്‍സ് ഏജന്‍സിയായ റിസര്‍ച്ച് ആന്‍ഡ് അനാലിസിസ് വിങ്(റോ) അന്വേഷിക്കും. കഴിഞ്ഞദിവസം പൊലീസ് കസ്റ്റഡിയിലെടുത്ത ഇസ്രയേല്‍ യുവാവിന്റെ നീക്കങ്ങള്‍ റോ ഉദ്യോഗസ്ഥര്‍ നിരീക്ഷിച്ചു തുടങ്ങിയതായി ഉന്നതപൊലീസ് ഉദ്യോഗസ്ഥന്‍ അറിയിച്ചു.

അമേരിക്കയുടെ ഏറ്റവും അടുത്ത സഖ്യകക്ഷിയായ ഇസ്രയേലിലെ ജറുസലേമില്‍നിന്നുള്ള സംറെത് ഷിംറി (24) എന്ന യുവാവ് വ്യാഴാഴ്ചയാണ് പത്തനംതിട്ടയിലെത്തിയത്. ടൂറിസ്റ്റ് വിസയിലെത്തിയ ഇയാള്‍ ‘ടിഗ്ളിന്‍ പീസ് മൂവ്മെന്റ്’ എന്ന ഇസ്രയേലി സംഘടനയുടെ പ്രവര്‍ത്തകനാണ്. ചെങ്ങറയിലെ സമരക്കാരെക്കണ്ട് ഐക്യദാര്‍ഢ്യം രേഖപ്പെടുത്തുകയാണ് ലക്ഷ്യമെന്ന് ഷിംറി ‘ദേശാഭിമാനി’യോടു പറഞ്ഞു. ഐഎംഎഫിന്റെ സഹായത്തോടെ ആഗോള ജനാധിപത്യത്തിനുവേണ്ടി പ്രവര്‍ത്തിക്കുകയാണ് താനെന്നും യുവാവ് പറഞ്ഞു.

ഭൂസമര ഐക്യദാര്‍ഢ്യസമിതി ഭാരവാഹികള്‍ വാര്‍ത്താസമ്മേളനം നടത്തുന്നതിനിടയില്‍ ജനറല്‍ കണ്‍വീനര്‍ എം ഡി തോമസിനെ അന്വേഷിച്ച് ഇയാള്‍ പ്രസ്ക്ളബില്‍ എത്തുകയായിരുന്നു. പൊലീസിനോട് താന്‍ തത്വശാസ്ത്രത്തില്‍ ഗവേഷണം നടത്തുന്ന ആളാണെന്നും വിനോദസഞ്ചാരത്തിന്റെ ഭാഗമായി ഒരുമാസം മുമ്പ് ഇന്ത്യയിലെത്തിയെന്നുമാണ് പറഞ്ഞത്.

ചെങ്ങറയിലെ സമരത്തെപ്പറ്റി അറിഞ്ഞത് ഇന്റര്‍നെറ്റില്‍നിന്നും പത്രങ്ങളില്‍നിന്നുമാണെന്ന് ഇയാള്‍ പറഞ്ഞു. എന്നാല്‍ നേതാക്കളുടെ പേരും ഫോണ്‍നമ്പരും പത്രസമ്മേളനം നടക്കുന്ന വിവരവും എങ്ങനെ അറിഞ്ഞു എന്ന പൊലീസിന്റെ ചോദ്യത്തിന് വ്യക്തമായ ഉത്തരം ലഭിച്ചില്ല. ടിഗ്ളിന്‍ എന്ന സംഘടനയുമായുള്ള ബന്ധവും ഇയാള്‍ പൊലീസിനുമുന്നില്‍ നിഷേധിച്ചു. മൊഴിയില്‍ പൊരുത്തക്കേടുകള്‍ ഉണ്ടായിരുന്നെങ്കിലും യാത്രാരേഖകള്‍ ശരിയായിരുന്നതിനാല്‍ ഇയാളെ വിട്ടയച്ചു. തുടര്‍ന്നാണ് വിദേശിയുടെ നീക്കങ്ങള്‍ ഇന്റലിജന്‍സ് ഉദ്യോഗസ്ഥര്‍ നിരീക്ഷിച്ചുതുടങ്ങിയത്. ഹീബ്രു ഭാഷാവിദഗ്ധന്റെ സഹായത്തോടെ പൊലീസ് ഇയാളുടെ ഡയറിക്കുറിപ്പുകള്‍ പരിശോധിപ്പിച്ചിരുന്നു.

പത്തനംതിട്ടയില്‍ എത്തുന്നതിനുമുമ്പ് മൂന്നുദിവസം ഇയാള്‍ ആലപ്പുഴയില്‍ കല്ലുപാലത്തിന് സമീപമുള്ള ഒരു ലോഡ്ജിലാണ് തങ്ങിയത്. കയര്‍ തൊഴിലാളികളെ കാണണമെന്നും ലോകബാങ്കിന്റെ സഹായം ലഭ്യമാക്കാനാണ് താന്‍ വന്നിരിക്കുന്നതെന്നും ഇയാള്‍ ലോഡ്ജിലെ ജീവനക്കാരനോട് പറഞ്ഞതായി അന്വേഷണത്തില്‍ തെളിഞ്ഞിട്ടുണ്ട്. ഇതിനുമുമ്പ് കൊച്ചിയില്‍ മൂലമ്പള്ളിയിലെ സമരകേന്ദ്രത്തിലും പോയിരുന്നു. ഐഎംഎഫിന്റെയും ലോകബാങ്കിന്റെയും സഹായത്തെപ്പറ്റി പറയുന്ന ഇയാള്‍ ചെങ്ങറ ഭൂ സമരത്തിനുള്ള വിദേശ സാമ്പത്തികസഹായത്തിന്റെ സ്രോതസ്സിലെ കണ്ണിയാണോ എന്ന സംശയമാണ് ഉയര്‍ന്നിട്ടുള്ളത്.

രാത്രിസമരം മസാലമയം
തിരു: ചെങ്ങറ ഭൂസമരത്തിന് അനുഭാവം പ്രകടിപ്പിച്ച് സാംസ്കാരിക പ്രവര്‍ത്തകരുടെ കൂട്ടായ്മ സെക്രട്ടറിയറ്റിനു മുമ്പില്‍ നടത്തിയ ‘രാത്രി’ സമരത്തില്‍ അരങ്ങേറിയത് മസാലച്ചിത്രങ്ങളെ വെല്ലുന്ന ചൂടന്‍രംഗങ്ങള്‍. സംസ്ഥാനത്തിന്റെ വിവിധ ഭാഗത്തുനിന്ന് എത്തിയ ഒരു സംഘം യുവതീ യുവാക്കള്‍ സന്ധ്യക്ക് ആരംഭിച്ച സമരത്തിന് അര്‍ധരാത്രിയായതോടെയാണ് രൂപംമാറിയത്. പരസ്പരം കെട്ടിപ്പുണര്‍ന്നും കഞ്ചാവ് നിറച്ച സിഗററ്റ് ഊതി വലിച്ചും മദ്യക്കുപ്പികള്‍ പങ്കിട്ടും നേരം പുലരുംവരെ സമരം കൊഴുത്തു. രാത്രിസമരം തുടങ്ങിയപ്പോള്‍ ആണും പെണ്ണുമായി നാല്‍പ്പതോളം പേര്‍ ഉണ്ടായിരുന്നു. അര്‍ധരാത്രിയായപ്പോള്‍ പകുതിയോളം പേര്‍ എങ്ങോട്ടോ പോയി. അവശേഷിച്ചവരാണ് സമരപ്പന്തല്‍തന്നെ പ്രണയലീലകള്‍ക്ക് വേദിയാക്കിയത്. ആണുംപെണ്ണും കെട്ടിമറിയുന്നതും ചുംബിക്കുന്നതുമായ സമരക്കാഴ്ചകള്‍ കൈരളി-പീപ്പിള്‍ ചാനലാണ് ശനിയാഴ്ച സംപ്രേക്ഷണംചെയ്തത്.


സമരലഹരി: സെക്രട്ടറിയറ്റിനു മുന്നില്‍ ‘സാംസ്കാരിക പ്രവര്‍ത്തകര’ുടെ രാത്രി സമരം (കടപ്പാട്: കൈരളി-പീപ്പിള്‍ ടിവി)

ചെങ്ങറ ഭൂമരം ഒത്തുതീര്‍പ്പാക്കണമെന്ന് ആവശ്യപ്പെട്ട് നടത്തിയ ‘നിശാ സമരം’ ബി ആര്‍ പി ഭാസ്കറാണ് ഉദ്ഘാടനംചെയ്തത്. ഒ പി രവീന്ദ്രന്‍, സണ്ണി എം കപിക്കാട്, നളിനി ജമീല, സി എസ് ജയചന്ദ്രന്‍, വിധു വിന്‍സന്റ്, ശശികുമാര്‍, ഷീന, രഞ്ജിനി കൃഷ്ണന്‍, ജസീല, ബൈജു നടരാജന്‍, അജയന്‍ തുടങ്ങിയവര്‍ സംസാരിച്ചതായി സംഘാടക സമിതി വാര്‍ത്താക്കുറിപ്പില്‍ അറിയിച്ചു. മനുഷ്യാവകാശ പ്രവര്‍ത്തകരെന്ന പേരില്‍ നടക്കുന്ന നക്സല്‍, മാവേയിസ്റ് പ്രവര്‍ത്തകരാണ് സമരത്തിനെത്തിയതെന്ന് അന്വേഷണത്തില്‍ അറിയാന്‍ കഴിഞ്ഞു.

കബളിപ്പിക്കപ്പെട്ടെന്ന തിരിച്ചറിവ്;
സമരക്കാരില്‍ ഭിന്നത രൂക്ഷം

എം ശശികുമാര്‍
പത്തനംതിട്ട:
ചെങ്ങറ എസ്റ്റേറ്റ് കൈയേറി സമരത്തിനു നേതൃത്വം നല്‍കുന്ന സാധുജന വിമോചന സംയുക്ത വേദിയില്‍ ഭിന്നത രൂക്ഷമാകുന്നു. സംഘടനയുടെ ജനറല്‍ സെക്രട്ടറി സ്ഥാനത്തുനിന്ന് കഴിഞ്ഞ ദിവസം രാജിവച്ച തട്ടയില്‍ സരസ്വതി വേദി പ്രസിഡന്റ് ളാഹ ഗോപാലനെതിരെ നടത്തിയ വെളിപ്പെടുത്തലുകള്‍ അണികളെ കടുത്ത ആശയക്കുഴപ്പത്തിലാക്കി. തങ്ങളെ കരുവാക്കി സംഘടനാ നേതൃത്വത്തിലുള്ളവര്‍ സ്വാര്‍ഥ താല്‍പ്പര്യങ്ങള്‍ സംരക്ഷിക്കാന്‍ ശ്രമിക്കുകയാണെന്ന സംശയവും അണികളില്‍ ശക്തമായിട്ടുണ്ട്്.

ദിവസം കഴിയുന്തോറും സമര കേന്ദ്രത്തിലെ ആളുകള്‍ കുറഞ്ഞു വരുന്നതും നേതൃത്വത്തെ അങ്കലാപ്പിലാക്കുന്നുണ്ട്. കൈയേറിയ ഭൂമിക്ക് ചുറ്റും വടം കെട്ടി സമരനേതൃത്വം പുറമെ നിന്നുള്ളവര്‍ക്ക് ശനിയാഴ്ച മുതല്‍ കടുത്ത നിയന്ത്രണം ഏര്‍പ്പെടുത്തി. ചൂടു കൂടുകയും കടുത്ത ജലക്ഷാമം നേരിടുകയും ചെയ്തതോടെ കുടിലുകളില്‍ കഴിയുന്ന കുട്ടികള്‍ക്കുള്‍പ്പെടെ ചൊറിയും പനിയും അടക്കമുള്ള അസുഖങ്ങള്‍ തുടങ്ങി. ഇവരില്‍ പലരെയും ആശുപത്രിയില്‍ എത്തിക്കാനും നേതാക്കള്‍ സമ്മതിക്കുന്നില്ല. പോയ ആളുകള്‍ തിരികെ വരില്ലെന്ന ഭയമാണ് അസുഖം ബാധിച്ചവരെ ആശുപത്രിയില്‍ എത്തിക്കുന്നതില്‍ നിന്നു നേതൃത്വത്തെ പിന്തിരിപ്പിക്കുന്നത്. സമരത്തില്‍ പങ്കെടുക്കുന്നര്‍ക്ക് കടുത്ത നിയന്ത്രണമാണ് ഇപ്പോള്‍ അടിച്ചേല്‍പ്പിക്കുന്നത്. തടങ്കലില്‍ കഴിയുന്ന അവസ്ഥയാണ് ഭൂരിപക്ഷത്തിനും. ആദിവാസികള്‍ക്ക് ഭൂമി ലഭ്യമാക്കാനാണ് സമരമെന്നായിരുന്നു സാധുജനവേദി ആദ്യം അവകാശപ്പെട്ടത്. ആദിവാസികളാരും സമരരംഗത്തില്ലെന്ന കാര്യം പുറത്തു വന്നതോടെ സംഘടന നിലപാടില്‍ മാറ്റം വരുത്തി. പട്ടികജാതി-പട്ടിക വര്‍ഗക്കാര്‍ക്ക് വീടും സ്ഥലവും ലഭ്യമാക്കണമെന്ന ആവശ്യമായി പിന്നെ. അഞ്ചേക്കര്‍ കൃഷിഭൂമിയും അരലക്ഷം രൂപയും ആവശ്യപ്പെട്ടതും സമരം നീട്ടിക്കൊണ്ടുപോകാനാണെന്ന സംശയം സമരത്തില്‍ പങ്കെടുക്കുന്നവരില്‍ വളര്‍ത്തിയിട്ടുണ്ട്.

സ്വന്തമായി ഭൂമിയും വീടും ഇല്ലാത്തവര്‍ക്കെല്ലാം ഭൂമിയും വീടും ലഭ്യമാക്കുമെന്ന് സര്‍ക്കാര്‍ ആവര്‍ത്തിച്ചു വ്യക്തമാക്കിയതും സമരക്കാരില്‍ ഭിന്നത രൂക്ഷമാക്കാനിടയാക്കി. പട്ടികജാതി-പട്ടിക വര്‍ഗത്തില്‍പ്പെടാത്തവരും സ്വന്തമായി വീടും വസ്തുവും ഉള്ളവരും വേദിയുടെ വ്യാജ പ്രചാരണത്തില്‍ വിശ്വസിച്ച് സമരത്തിലുണ്ട്. തങ്ങള്‍ കബളിപ്പിക്കപ്പെട്ടെന്ന് മനസ്സിലായതോടെ ഇവരും പ്രതികരിക്കാന്‍ തുടങ്ങിയിട്ടുണ്ട്. ബലപ്രയോഗം നടത്താതെ പ്രശ്നം പരിഹരിക്കാന്‍ സര്‍ക്കാര്‍ ആത്മാര്‍ഥമായി നടത്തുന്ന ശ്രമങ്ങളോട് സഹകരിച്ച് സമരം ഒത്തുതീര്‍പ്പാക്കണമെന്നാണ് ഭൂരിപക്ഷത്തിന്റെയും ആഗ്രഹം.

2. ഉന്നതവിദ്യാഭ്യാസരംഗത്ത് 2000 കോടിയുടെ നിക്ഷേപം
ന്യൂഡല്‍ഹി: ഉന്നതവിദ്യാഭ്യാസരംഗത്തെ വിവിധ പദ്ധതിയുമായി ബന്ധപ്പെട്ട് കേരളത്തിന് 2000 കോടി രൂപയുടെ കേന്ദ്രനിക്ഷേപം ലഭിക്കുമെന്ന് വിദ്യാഭ്യാസമന്ത്രി എം എ ബേബി വാര്‍ത്താസമ്മേളനത്തില്‍ അറിയിച്ചു. കേരളത്തിനു ലഭിക്കുന്ന കേന്ദ്രസര്‍വകലാശാല കാസര്‍കോട്ടും അലിഗഢ് സര്‍വകലാശാലയുടെ ഉപകേന്ദ്രം മലപ്പുറത്തും സ്ഥാപിക്കും. കേരളസര്‍വകലാശാലയ്ക്കു കീഴില്‍ പ്രവര്‍ത്തിക്കുന്ന വി കെ കൃഷ്ണമേനോന്‍ പഠനകേന്ദ്രം സെന്റര്‍ ഓഫ് എക്സലന്‍സായി വികസിപ്പിക്കുമെന്നും സംസ്ഥാനത്തെ വിവിധ സര്‍വകലാശാലകളിലായി അഞ്ചുവിഷയത്തില്‍ ഉന്നതപഠന കേന്ദ്രങ്ങള്‍ തുടങ്ങുമെന്നും മന്ത്രി പറഞ്ഞു.

പ്രധാനമന്ത്രിയുമായും വിവിധ കേന്ദ്രമന്ത്രിമാരുമായും ചര്‍ച്ച നടത്തിയതായും മന്ത്രി ബേബി പറഞ്ഞു.കേരളത്തില്‍ ഐഐടി സ്ഥാപിക്കുമെന്ന് പ്രധാനമന്ത്രി വ്യക്തമായ ഉറപ്പുനല്‍കിയിട്ടുണ്ട്. ഐസറും ബഹിരാകാശപഠന ഇന്‍സ്റിറ്റ്യൂട്ടും തിരുവനന്തപുരത്ത് അടുത്തുതന്നെ പ്രവര്‍ത്തനം ആരംഭിക്കും.

അലിഗഢ് സര്‍വകലാശാലയുടെ ഉപകേന്ദ്രത്തിനായി മലപ്പുറത്ത് 500 ഏക്കര്‍ ഏറ്റെടുക്കും. മെഡിക്കല്‍കോളേജും എന്‍ജിനിയറിങ് കോളേജും മറ്റ് ഉന്നത പഠനകേന്ദ്രങ്ങളും അടങ്ങുന്നതായിരിക്കും ഇത്. ഉപകേന്ദ്രം സ്ഥാപിക്കാന്‍ ആവശ്യമായ നടപടി ഉടന്‍ ആരംഭിക്കുമെന്ന് മാനവശേഷി സഹമന്ത്രി എം എ എ ഫാത്മി ഉറപ്പു നല്‍കിയിട്ടുണ്ട്.

കാസര്‍കോട്ട് കേന്ദ്രസര്‍വകലാശാല സ്ഥാപിക്കാന്‍ മൂന്നു സ്ഥലം കണ്ടെത്തിയിട്ടുണ്ട്. കേന്ദ്രസംഘം വന്നുകണ്ടശേഷം എവിടെ വേണമെന്ന് തീരുമാനിക്കും. വി കെ കൃഷ്ണമേനോന്‍ പഠനകേന്ദ്രം പ്രതിരോധ-വിദേശകാര്യ പഠനങ്ങള്‍ക്കുള്ള ഉന്നതകേന്ദ്രമാക്കി മാറ്റാനാണ് ആഗ്രഹിക്കുന്നത്. പ്രതിരോധമന്ത്രി എ കെ ആന്റണിയെ കണ്ട് ഈ ആശയം അറിയിച്ച് ഡിആര്‍ഡിഒയുടെ സഹായം അഭ്യര്‍ഥിച്ചു. പ്രതിരോധവകുപ്പിന്റെ സഹകരണം അദ്ദേഹം വാഗ്ദാനംചെയ്തിട്ടുണ്ട്. ഉന്നതവിദ്യാഭ്യാസരംഗത്തെ നിലവാരശോഷണം തടയുന്നതിന് വിവിധ വിഷയത്തില്‍ മികവുകേന്ദ്രങ്ങള്‍ തുടങ്ങാന്‍ ഉന്നതവിദ്യാഭ്യാസകൌണ്‍സില്‍ നിര്‍ദേശിച്ചിട്ടുണ്ട്. ഇങ്ങനെ അഞ്ചു കേന്ദ്രം തുടങ്ങും. പരിസ്ഥിതി പഠന ഇന്‍സ്റിറ്റ്യൂട്ട്, മൂന്നാംലോക പഠന ഇന്‍സ്റിറ്റ്യൂട്ട് എന്നിവ മഹാത്മാഗാന്ധി സര്‍വകലാശാലയിലും ഇന്‍സ്റിറ്റ്യൂട്ട് ഫോര്‍ സ്റഡി ഓഫ് ഡിസ്ക്രിമിനേഷന്‍ ആന്‍ഡ് എക്സ്ക്ളൂഷന്‍, അറബിപഠന ഇന്‍സ്റിറ്റ്യൂട്ട് എന്നിവ കോഴിക്കോട് സര്‍വകലാശാലയിലും സ്ത്രീപഠന ഇന്‍സ്റിറ്റ്യൂട്ട് കേരള സര്‍വകലാശാലയിലുമാണ് സ്ഥാപിക്കുക.

കേരളത്തില്‍ ഉന്നതല പ്രവാസിപഠനകേന്ദ്രം തുടങ്ങാന്‍ പ്രവാസികാര്യമന്ത്രി വയലാര്‍ രവിയെ കണ്ട് അഭ്യര്‍ഥിക്കുകയും പ്രത്യക്ഷത്തില്‍ അംഗീകരിക്കുകയുംചെയ്തിട്ടുണ്ട്. കേരളത്തില്‍ ശേഷിക്കുന്ന 15 ലക്ഷത്തോളം നിരക്ഷരരെക്കൂടി സാക്ഷരരാക്കുന്നതിനുള്ള ബഹൃദ്പദ്ധതി കേന്ദ്രത്തിന് സമര്‍പ്പിച്ചു. നാലുവര്‍ഷംകൊണ്ട് 200 കോടി ചെലവു വരുന്ന പദ്ധതി അനുഭാവപൂര്‍വം പരിഗണിക്കുമെന്ന് മാനവശേഷിമന്ത്രി അര്‍ജുന്‍ സിങ് ഉറപ്പുനല്‍കി.

ഇന്ത്യ-ബ്രസീല്‍-ദക്ഷിണാഫ്രിക്ക (ഇബ്സ) കൂട്ടുകെട്ട് രൂപീകൃതമായ സാഹചര്യത്തില്‍ ഇബ്സ പഠനങ്ങള്‍ക്കായി കേരളത്തില്‍ ഒരു അന്താരാഷ്ട്രകേന്ദ്രം തുടങ്ങണമെന്ന് വിദേശമന്ത്രി പ്രണബ്മുഖര്‍ജിയെ കണ്ട് ആവശ്യപ്പെട്ടു. മേയില്‍ നടത്തുന്ന തെക്കന്‍അമേരിക്കന്‍ സന്ദര്‍ശനവേളയില്‍ ഇതിന്റെ സാധ്യത ആരായാമെന്ന് മന്ത്രി അറിയിച്ചു. ഇതിനു പുറമെ ഇംഗ്ളീഷ് ആന്‍ഡ് ഫോറിന്‍ ലാംഗ്വേജസ് സര്‍വകലാശാലയുടെ കേന്ദ്രവും ആദിവാസി സര്‍വകലാശാലയുടെ കേന്ദ്രവും കേരളത്തില്‍ തുടങ്ങുന്നതിന് ശ്രമിക്കുന്നുണ്ട്- മന്ത്രി ബേബി പറഞ്ഞു.

3. കേന്ദ്രാനുമതികാക്കാതെ കുട്ടനാട് പാക്കേജ് ആരംഭിക്കും: തോമസ് ഐസക്
ആലപ്പുഴ: കേന്ദ്രാനുമതിക്ക് കാത്തുനില്‍ക്കാതെ കുട്ടനാട് കാര്‍ഷികപാക്കേജിലെ പ്രധാന നിര്‍മാണപ്രവര്‍ത്തനങ്ങള്‍ സംസ്ഥാന സര്‍ക്കാര്‍ ആരംഭിക്കുമെന്ന്് ധനമന്ത്രി ഡോ. തോമസ് ഐസക് പറഞ്ഞു. പ്രസ്ക്ളബില്‍ മീറ്റ് ദി പ്രസ് പരിപാടിയില്‍ സംസാരിക്കുകയായിരുന്നു അദ്ദേഹം.

എം എസ് സ്വാമിനാഥന്‍ ശുപാര്‍ശ ചെയ്ത കുട്ടനാട് പാക്കേജിന്്് ആസൂത്രണ കമീഷന്‍ അംഗീകാരം നല്‍കിയിട്ടും കേന്ദ്രാനുമതിയായിട്ടില്ല.

തണ്ണീര്‍മുക്കം ബണ്ടിന്റെ നവീകരണത്തിന് തുക മാറ്റിവച്ച് സംസ്ഥാന സര്‍ക്കാര്‍ പാക്കേജ് നടപ്പാക്കാന്‍ തുടക്കമിടുകയാണ്. ഇതിനായി 160 കോടി രൂപ ബജറ്റില്‍ വകയിരുത്തിയിട്ടുണ്ട്. മധ്യഭാഗത്ത് ഒരു മൂവിങ് ബ്രിഡ്ജടക്കം വിഭാവനം ചെയ്യുന്നതാണ് പദ്ധതി. ആദ്യ ബജറ്റില്‍ തന്നെ പദ്ധതിക്ക് തുക വക കൊള്ളിച്ചിരുന്നു. പിന്നീട് കേന്ദ്രം കുട്ടനാട് പാക്കേജ് പ്രഖ്യാപിച്ചതോടെ സംസ്ഥാനം പദ്ധതി നടപ്പാക്കുന്നതിന് കാത്തുനിന്നു. നീളുന്ന സാഹചര്യത്തില്‍ ഇനി കാത്തുനില്‍ക്കുന്നില്ല. ആലപ്പുഴ-ചങ്ങനാശേരി തോട് 60 കോടി രൂപ ചെലവഴിച്ച് പുനരുദ്ധരിക്കും. തോട് വൃത്തിയാക്കി ഗതാഗതയോഗ്യമാക്കുന്നതാണ് പദ്ധതി.

പുനരുദ്ധാരണ പദ്ധതി നടപ്പാക്കുമ്പോള്‍ വിവാദങ്ങള്‍ ഒഴിവാക്കുന്നതാണ് നല്ലത്. കെഎസ്ഡിപിയുടെ നവീകരണത്തിന് 20 കോടി രൂപയാണ് നീക്കിവച്ചിട്ടുള്ളത്. മരുന്നുനിര്‍മാണ യൂണിറ്റടക്കം സ്ഥാപിക്കുന്നതിനുള്ള പദ്ധതിയാണ് തയാറാക്കിയിട്ടുള്ളത്. പൊതുആരോഗ്യ സംവിധാനത്തിനാവശ്യമുള്ള മരുന്നെല്ലാം വിതരണം ചെയ്യാന്‍ ഇതോടെ സാധ്യമാകും.

ഹോംകോയ്ക്ക് മരുന്നുനിര്‍മാണ യൂണിറ്റ് സ്ഥാപിക്കുന്നതിനുള്ള സ്ഥലം വാങ്ങുന്നതിന് കഴിഞ്ഞ ബജറ്റില്‍ ഒരു കോടി രൂപ അനുവദിച്ചു. സര്‍ക്കാര്‍ നല്‍കുന്ന പണം കൊണ്ട് പൊതുമേഖല സ്ഥാപനമായ ഹോംകോ മറ്റൊരു പൊതുമേഖല സ്ഥാപനമായ കെസ്ഡിപിയുടെ സ്ഥലം വാങ്ങുന്നതായിരുന്നു പദ്ധതി. ഇവിടെ ഫാര്‍മസി ഇന്‍സ്റ്റിറ്റ്യൂട്ടും സ്ഥാപിക്കാനാകും. ഇരു സ്ഥാപനങ്ങള്‍ക്കും നേട്ടമുണ്ടാകുന്ന പദ്ധതിക്ക് പിന്നില്‍ സ്വകാര്യസംരംഭങ്ങളില്ല. തെറ്റിദ്ധാരണകളായിരിക്കണം ചില എതിര്‍പ്പുകള്‍ക്ക് പിന്നിലെന്ന് കരുതുന്നു.

മത്സ്യമേഖലയിലെ വന്‍കുതിപ്പിന് വഴിവയ്ക്കുന്ന പലിശരഹിത വായ്പയടക്കം വന്‍കടാശ്വാസ പദ്ധതിയാണ് പ്രഖ്യാപിച്ചത്. ഏതു കാലത്താണ് ഇത്രയും കടാശ്വാസപദ്ധതി നടപ്പാക്കിയിട്ടുള്ളത്. അക്വാപാര്‍ക്ക് പദ്ധതിക്ക് ഈ വര്‍ഷം തന്നെ രൂപം നല്‍കും. മത്സ്യങ്ങളുടെ കയറ്റുമതി വര്‍ധിപ്പിക്കാന്‍ പദ്ധതി സഹായിക്കും.

കേരള സ്പിന്നേഴ്സ് മില്‍ അടച്ചുപൂട്ടല്‍ നിയമവിരുദ്ധമെന്ന് നോട്ടീസ് നല്‍കും. ഭൂമിയുടെ പാട്ടകരാര്‍ റദ്ദാക്കാനും നടപടിയുണ്ടാകും. ആലപ്പുഴ, കൊല്ലം ജില്ലകളില്‍ ആരോഗ്യസുരക്ഷാ ഇന്‍ഷുറന്‍സ് പദ്ധതി നടപ്പാക്കും. രണ്ടു ജില്ലകളിലെയും മുഴുവന്‍ കുടുംബങ്ങള്‍ക്കും ഗുണം ചെയ്യുന്നതാണ് പദ്ധതി. കയര്‍വ്യവസായമേഖലക്കും ബജറ്റില്‍ തുക വകകൊള്ളിച്ചിട്ടുണ്ട്. കയര്‍ഫെഡിന്റെ പുന:സംഘടനയ്ക്ക് പദ്ധതി തയാറാക്കി. പുന്നപ്രയില്‍ സഹകരണ എന്‍ജിനിയറിങ് കോളേജിന് അഞ്ചു കോടി രൂപ നീക്കിവച്ചു. പാതിരാമണല്‍ പദ്ധതി കഴിഞ്ഞമാസം തന്നെ പാസാക്കിയിരുന്നുവെന്നും മന്ത്രി പറഞ്ഞു.

4.  അനധികൃത മണലൂറ്റ്; പമ്പ വരളുന്നു
കോഴഞ്ചേരി: പത്തനംതിട്ട, ആലപ്പുഴ ജില്ലകളുടെ പ്രധാന ജലസ്രോതസ്സായ പമ്പാനദി വേനല്‍ ശക്തിപ്പെടുംമുമ്പ് വറ്റി വരളുന്നു. വനാന്തരങ്ങളില്‍നിന്ന് ഉത്ഭവിക്കുന്ന പമ്പയില്‍ ചെറുതും വലുതുമായ 288 നീരുറവകളാണ് ചേരുന്നത്. ശബരിമല ആറാട്ടുനടക്കാന്‍ ദിവസങ്ങള്‍ ബാക്കിനില്‍ക്കെ പമ്പയില്‍ കാല്‍ നനയാന്‍ പോലും വെള്ളമില്ല. ഒരു നേര്‍ത്ത ചാലുമാത്രമാണ് ഇപ്പോഴുള്ളത്. കുള്ളാര്‍ ഉള്‍പ്പടെയുള്ള പമ്പയിലെ ഏതെങ്കിലും ഡാം തുറന്നു വിട്ടാലേ ത്രിവേണിയില്‍ വെള്ളം എത്തിക്കാന്‍ കഴിയൂ. പമ്പാ തീരത്തെ പന്ത്രണ്ടിലധികം ശുദ്ധജല വിതരണ പദ്ധതികളും പ്രതിസന്ധിയിലാണ്. പലയിടത്തും നദിയില്‍ മണല്‍പ്പുറ്റുകളും കാടുകളും രൂപപ്പെട്ടിട്ടുണ്ട്.

നദിയില്‍ വെള്ളമില്ലാത്തതിനാല്‍ പമ്പാതീരത്തെ ഭൂരിപക്ഷം കിണറുകളും വറ്റി. അനിയന്ത്രിതവും അശാസ്ത്രീയവുമായ മണല്‍ വാരലിനെ തുടര്‍ന്ന് പമ്പയുടെ സ്വഭാവിക ഘടനതന്നെ നഷ്ടപ്പെട്ടിട്ടുണ്ട്. ഒരു വര്‍ഷം എത്തുന്നത് 17736 ഘനമീറ്റര്‍ മണലാണെന്നാണ് പഠന റിപ്പോര്‍ട്ട്. ഇത് 4436 ട്രക്കുകളില്‍ ശേഖരിക്കാന്‍ മാത്രമേയുള്ളു. ഒരു ദിവസം നൂറോളം വരുന്ന കടവുകളില്‍നിന്നും ഓരോ ലോഡ് മണല്‍ വാരിയാല്‍ 44 ദിവസംകൊണ്ട് ഈ മണല്‍ ശേഖരം ഇല്ലാതാകും.

1995 ഏപ്രില്‍ ഒന്നിനാണ് പമ്പയില്‍ മണല്‍ വാരല്‍ നിരോധനം ഏര്‍പ്പെടുത്തിയത്. 1995 നവംബര്‍ ഏഴിന് സെസ്സ് നല്‍കിയ റിപ്പോര്‍ട്ടിന്റെ അടിസ്ഥാനത്തില്‍ റാന്നി മുതല്‍ ആറാട്ടുപുഴവരെയുള്ള പ്രധാന കടവുകളില്‍ 11 ഇടങ്ങളില്‍ നിയന്ത്രണത്തോടെ മണല്‍ വാരല്‍ അനുവദിച്ചു. പിന്നീട് മണലിന്റെ ലഭ്യതയനുസരിച്ച് വാരാന്‍ ഉത്തരവ് നല്‍കിവരികയാണ്.

സര്‍ക്കാരും കോടതികളും ഏര്‍പ്പെടുത്തിയ നിയന്ത്രണങ്ങളും നിരോധനങ്ങളും നിലനില്‍ക്കുമ്പോഴും അംഗീകാരമുള്ള കടവുകളില്‍നിന്നും അനുവദിച്ചതില്‍ അധികവും മറ്റുകടവുകളില്‍നിന്ന് ഒരു നിയന്ത്രണവുമില്ലാതെയുമാണ് മണല്‍ കൊള്ള നടക്കുന്നത്. മണല്‍ വാരല്‍മൂലം നൂറു മീറ്ററിലധികമാണ് നദിയുടെ തിട്ട താഴ്ന്നത്. മാലക്കരയിലുള്ള സെന്‍ട്രല്‍ വാട്ടര്‍ കമീഷന്റെ ജല പരിശോധന കേന്ദ്രത്തിനടത്തുവരെ നദീ ജലത്തില്‍ ഉപ്പുരസം കലര്‍ന്നതായി പഠനം തെളിയിക്കുന്നു. ഡാമുകളുടെ ബാഹുല്യവും വനനശീകരണവും മണല്‍കൊള്ളയുമാണ് പമ്പയെ ഞെക്കിക്കൊല്ലുന്നത്.

5. പൊതുമേഖലാ സ്ഥാപനങ്ങളുടെ ഉല്‍പ്പാദനം വര്‍ധിപ്പിക്കും: മന്ത്രി
കൊച്ചി: ട്രാവന്‍കൂര്‍ കൊച്ചിന്‍ കെമിക്കല്‍സ് കമ്പനി (ടിസിസി) ഉള്‍പ്പെടെയുള്ള പൊതുമേഖലാ സ്ഥാപനങ്ങളുടെ ഉല്‍പ്പാദനശേഷി വര്‍ധിപ്പിക്കുമെന്ന് വ്യവസായമന്ത്രി എളമരം കരീം പറഞ്ഞു. ക്ളോറിന്‍-കാസ്റ്റിക്സോഡ വ്യവസായത്തെക്കുറിച്ച് ടിസിസി സംഘടിപ്പിച്ച ദേശീയ ശില്‍പ്പശാല ഉദ്ഘാടനം ചെയ്യുകയായിരുന്നു അദ്ദേഹം.

പൊതുമേഖലാ സ്ഥാപനങ്ങളുടെ ഉല്‍പ്പാദനം വര്‍ധിപ്പിക്കുന്നതിനും ശേഷി പരമാവധി വിനിയോഗിക്കുന്നതിനുമാണ് കഴിഞ്ഞവര്‍ഷം മുന്‍ഗണന നല്‍കിയത്. ഉല്‍പ്പാദനം നിലച്ചുകിടന്ന നിരവധി സ്ഥാപനങ്ങള്‍ തുറന്നുപ്രവര്‍ത്തിപ്പിച്ചു. ഈ വര്‍ഷം സ്ഥാപനങ്ങളുടെ ശേഷി വര്‍ധിപ്പിക്കുന്നതിനും വൈവിധ്യവല്‍ക്കരണത്തിനുമാണ് മുന്‍ഗണന.

മികച്ച സാങ്കേതിക വിദ്യ ഇവയുടെ വികസനത്തിനായി ഉപയോഗിക്കും. മുന്‍കാലങ്ങളില്‍നിന്ന് തികച്ചും വ്യത്യസ്തമായ വ്യാവസായിക നയമാണ് രണ്ടുവര്‍ഷമായി സംസ്ഥാനത്ത് നടപ്പാക്കുന്നത്. സംസ്ഥാനത്തിന്റെ സാമ്പത്തിക വികസനത്തെ വേഗത്തിലാക്കാന്‍ പൊതു-സ്വകാര്യ മേഖലയെ ഒരുപോലെ ശക്തിപ്പെടുത്തുന്ന വ്യവസായ നയമാണ് എല്‍ഡിഎഫ് സര്‍ക്കാര്‍ സ്വീകരിക്കുന്നത്. വ്യവസായ സ്ഥാപനങ്ങള്‍ തുടങ്ങാന്‍ കൂടുതല്‍ പേര്‍ മുന്നോട്ടുവരുന്നത് ഈ നയത്തിന്റെ വിജയമാണെന്നും എളമരം പറഞ്ഞു.

ടിസിസിയുടെ വൈവിധ്യവല്‍ക്കരണത്തിന് വ്യവസായത്തിലെ ആധുനിക സാങ്കേതികവിദ്യ ഉപയോഗിക്കുക എന്ന ലക്ഷ്യത്തോടെയാണ് ദേശീയ ശില്‍പ്പശാല സംഘടിപ്പിച്ചത്. അസഹി ഗ്ളാസ് ജപ്പാന്‍, അസഹി കെമിക്കല്‍സ് ജപ്പാന്‍, അഹ്ദേ ഇന്ത്യ ലിമിറ്റഡ് ഡ്യൂപോണ്ട്, ദെനോറ ആന്‍ഡ് ആല്‍ഫ ലവല്‍ ഇന്ത്യ തുടങ്ങിയ കമ്പനികളുടെ സാങ്കേതിക വിദഗ്ധര്‍ പങ്കെടുത്തു.

ടിസിസി മാനേജിങ് ഡയറക്ടര്‍ ഡോ. എം പി സുകുമാരന്‍നായര്‍ അധ്യക്ഷനായിരുന്നു. ജനറല്‍ മാനേജര്‍ (ടെക്നിക്കല്‍) കെ എ മുഹമ്മദ് സ്വാഗതവും ഡെപ്യൂട്ടി ജനറല്‍ മാനേജര്‍ കെ വി ബാലന്‍ നന്ദിയും പറഞ്ഞു.

6. കെപിസിസി യോഗത്തില്‍ ജയ്ഹിന്ദ് ചാനലിനെച്ചൊല്ലി വാക്കേറ്റം
തിരു: ജയ്ഹിന്ദ് ചാനലിന്റെ ഉടമസ്ഥതയെച്ചൊല്ലി കെപിസിസി നേതൃയോഗത്തില്‍ വാക്കേറ്റം. ജനറല്‍ സെക്രട്ടറിമാരായ എം ഐ ഷാനവാസും അജയ് തറയിലും ചാനലിന്റെ ചുമതലക്കാരനായ എം എം ഹസ്സനും തമ്മിലായിരുന്നു വാദപ്രതിവാദം.

ചാനല്‍ കെപിസിസിയുടെ നിയന്ത്രണത്തിലാക്കണമെന്ന് ഷാനവാസും അജയ് തറയിലും ആവശ്യപ്പെട്ടു. എ കെ ആന്റണിയെ അധിക്ഷേപിക്കുന്ന പരിപാടി ചാനലില്‍ സംപ്രേഷണം ചെയ്തതും യോഗത്തില്‍ ഉന്നയിച്ചു. എന്നാല്‍, കെപിസിസിയിലുള്ള ചിലരാണ് ചാനലിനെതിരെ ആരോപണം ഉന്നയിക്കുന്നതെന്നും അതെല്ലാം അടിസ്ഥാനരഹിതമാണെന്നും ഹസ്സന്‍ പറഞ്ഞു. കഴിഞ്ഞ ആറുമാസത്തിനുള്ളില്‍ ചാനലിനുവേണ്ടി 18 കോടി രൂപ മാത്രമേ ചെലവഴിച്ചിട്ടുള്ളൂവെന്നും അദ്ദേഹം പറഞ്ഞു.

കോണ്‍ഗ്രസിന്റെ പേരില്‍ നാടുനീളെ പണം പിരിച്ചുതുടങ്ങിയ ചാനലില്‍ പാര്‍ടിക്ക് നിയന്ത്രണമില്ലെന്ന് ഷാനവാസ് ആരോപിച്ചു. പണം പിരിച്ചതിന് കൃത്യമായ കണക്കുണ്ടെന്നും വേണമെങ്കില്‍ താന്‍ സ്ഥാനമൊഴിയാമെന്നും ഹസ്സന്‍ പറഞ്ഞു. ഒരു മാസത്തിനുള്ളില്‍ ചാനല്‍ പാര്‍ടിയുടെ ഉടമസ്ഥതയിലാക്കാന്‍ ഒടുവില്‍ യോഗം തീരുമാനിച്ചു. ഇതിനായി കെപിസിസി ട്രസ്റ്റ് രൂപീകരിക്കും. വീക്ഷണത്തിന്റെ മാനേജിങ്ങ് ഡയരക്ടര്‍ സ്ഥാനത്ത് തുടരാനാവില്ലെന്ന് ബെന്നി ബഹനാന്‍ യോഗത്തില്‍ പറഞ്ഞു. സാമ്പത്തികപ്രതിസന്ധിമൂലം പത്രം നടത്താനാവുന്നില്ലെന്നും കെപിസിസി സഹകരിക്കുന്നില്ലെന്നുമായിരുന്നു ബഹനാന്റെ പരാതി. പത്രം വലിയ നഷ്ടത്തിലാണെന്നും ബഹനാന്‍ പറഞ്ഞു. കെ കരുണാകരന്റെ കൂടെയുള്ളവര്‍ക്ക് സ്ഥാനങ്ങള്‍ നല്‍കുന്നത് ഉള്‍പ്പെടെയുള്ള പ്രശ്നങ്ങള്‍ ചര്‍ച്ച ചെയ്തില്ല.

7. വനിതാ ബില്‍ നടപ്പുസമ്മേളനത്തില്‍ അവതരിപ്പിക്കും: പ്രധാനമന്ത്രി
ന്യൂഡല്‍ഹി: വിവിധ രാഷ്ട്രീയ പാര്‍ടികളുമായി ചര്‍ച്ച നടത്തിയശേഷം പാര്‍ലമെന്റിന്റെ നടപ്പുസമ്മേളനത്തില്‍ത്തന്നെ വനിതാ സംവരണബില്‍ അവതരിപ്പിക്കുമെന്ന് പ്രധാനമന്ത്രി ഡോ. മന്‍മോഹന്‍സിങ് പറഞ്ഞു. അന്താരാഷ്ട്ര വനിതാദിനമായ ശനിയാഴ്ച, തന്നെ സന്ദര്‍ശിച്ച് നിവേദനം നല്‍കിയ വനിതാ സംഘടനാ പ്രതിനിധികള്‍ക്കാണ് പ്രധാനമന്ത്രി ഉറപ്പ് നല്‍കിയത്.

ആദ്യം യുപിഎ ഘടകകക്ഷികളുമായും തുടര്‍ന്ന് മറ്റ് പാര്‍ടികളുമായും ചര്‍ച്ച നടത്തിയശേഷം ഈ സമ്മേളനത്തില്‍ ബില്‍ അവതരിപ്പിക്കും. സ്ത്രീകളുടെ പ്രശ്നങ്ങളോട് അനുഭാവപൂര്‍ണമായ സമീപനമാണ് സര്‍ക്കാരിനുള്ളതെന്ന് അദ്ദേഹം പറഞ്ഞു. സ്ത്രീകള്‍ക്ക് പ്രയോജനം ലഭിക്കാന്‍ ദേശീയ ഗ്രാമീണ ആരോഗ്യമിഷന്‍ ഫലപ്രദമായി നടപ്പാക്കും. അങ്കണവാടി ജീവനക്കാരെ കേന്ദ്ര ജീവനക്കാരായി അംഗീകരിക്കണമെന്ന ആവശ്യം പ്രധാനമന്ത്രി സ്വീകരിച്ചില്ല. അവരുടെ പ്രശ്നങ്ങള്‍ അനുഭാവപൂര്‍വം പരിഗണിക്കുന്നുണ്ടെന്ന് അദ്ദേഹം പറഞ്ഞു.

വിവിധ വനിതാസംഘടനകളെ പ്രതിനിധാനംചെയ്ത് മോഹിനി ഗിരി, സുധ സുന്ദരരാമന്‍, ശ്രീരൂപ മിത്ര ചൌധരി, നീന നയ്യാര്‍, ഗോമതി നായര്‍, ജ്യോത്സ്ന ചാറ്റര്‍ജി, മീര ശിവ എന്നിവരാണ് സംഘത്തിലുണ്ടായിരുന്നത്.

അന്താരാഷ്ട്ര വനിതാദിനത്തിന്റെ ഭാഗമായി വിവിധ വനിതാ സംഘടനകളുടെ സംയുക്ത ആഭിമുഖ്യത്തില്‍ നഗരത്തില്‍ പ്രകടനം നടത്തി. മണ്ഡി ഹൌസില്‍നിന്ന് ആരംഭിച്ച പ്രകടനം ജന്ദര്‍ മന്തറില്‍ സമാപിച്ചു.

സ്ത്രീകളുടെ പ്രശ്നങ്ങള്‍ പാര്‍ലമെന്റില്‍
പ്രതിഫലിക്കുന്നില്ല: സ്പീക്കര്‍
ന്യൂഡല്‍ഹി: ജനാധിപത്യസ്ഥാപനങ്ങളുടെ മൂല്യം എക്കാലത്തെയും താഴ്ന്ന നിലവാരത്തിലാണെന്ന് ലോക്സഭാ സ്പീക്കര്‍ സോമനാഥ് ചാറ്റര്‍ജി പറഞ്ഞു. അന്താരാഷ്ട്ര വനിതാദിനത്തോടനുബന്ധിച്ച് ഡല്‍ഹിയില്‍ നടന്ന ചടങ്ങില്‍ സംസാരിക്കുകയായിരുന്നു അദ്ദേഹം.

പാര്‍ലമെന്ററി കീഴ്വഴക്കങ്ങളെ താഴ്ത്തിക്കെട്ടല്‍, തടസ്സപ്പെടുത്തലുകള്‍, ചെയറിനോട് ബഹുമാനമില്ലാതെയുള്ള പെരുമാറ്റം എന്നിവ പാര്‍ലമെന്റിനോട് ജനങ്ങള്‍ക്കുള്ള മതിപ്പ് കുറയ്ക്കുകയാണ്.

വിലപ്പെട്ട സമയമാണ് തടസ്സപ്പെടുത്തലുകളിലൂടെ നഷ്ടപ്പെടുന്നത്. പതിനൊന്നാം ലോക്സഭയില്‍ അഞ്ച് ശതമാനം സമയമാണ് ഇങ്ങനെ നഷ്ടപ്പെട്ടതെങ്കില്‍ പതിനാലാം ലോക്സഭയില്‍ അത് 21 ശതമാനമായി ഉയര്‍ന്നു. സ്ത്രീകളുടെ പ്രശ്നങ്ങളും ആശങ്കകളും പാര്‍ലമെന്റില്‍ പ്രതിഫലിക്കുന്നില്ല. സ്ത്രീകളുടെ അവകാശങ്ങള്‍ ലംഘിക്കപ്പെടുമ്പോഴോ അവര്‍ക്കുനേരെ കടുത്ത അതിക്രമങ്ങള്‍ നടക്കുമ്പോഴോ വലിയ വികാരപ്രകടനമൊന്നും സഭയില്‍ കണ്ടിട്ടില്ല. മര്യാദയില്ലാത്ത പെരുമാറ്റത്തിനും ബഹളങ്ങള്‍ക്കുമാണ് മാധ്യമങ്ങള്‍ പ്രാധാന്യം നല്‍കുന്നത്. പാര്‍ലമെന്റിന്റെ നടപടിക്രമങ്ങള്‍ക്ക് മാധ്യമങ്ങള്‍ ഇടം നല്‍കുന്നില്ലെന്നും അദ്ദേഹം പറഞ്ഞു.

8. മലേഷ്യയില്‍ ഭരണസഖ്യത്തിന് സംസ്ഥാനങ്ങളിലും തിരിച്ചടി
കോലാലംപുര്‍: മലേഷ്യന്‍ പാര്‍ലമെന്റിലേക്കും സംസ്ഥാന നിയമസഭകളിലേക്കും ശനിയാഴ്ച നടന്ന തെരഞ്ഞെടുപ്പിന്റെ ഫലം അറിഞ്ഞുതുടങ്ങിയപ്പോള്‍ ഭരണസഖ്യമായ ദേശീയമുന്നണിക്ക് തിരിച്ചടി. സ്വാതന്ത്യ്രം കിട്ടിയശേഷമുള്ള 50 വര്‍ഷത്തിനിടെ എല്ലാ തെരഞ്ഞെടുപ്പിലും വന്‍ ഭൂരിപക്ഷത്തോടെ ഭരണം നിലനിര്‍ത്തിയ മുന്നണിക്ക് ആദ്യ ഫലസൂചനകള്‍തന്നെ എതിരായി.

മുന്‍ ഉപപ്രധാനമന്ത്രിയും പ്രതിപക്ഷത്തെ പ്രധാന നേതാവുമായ അന്‍വര്‍ ഇബ്രാഹിമിന്റെ ജന്മനാടായ പെനാങ്ങില്‍ സംസ്ഥാനഭരണം പ്രതിപക്ഷം പിടിച്ചതായാണ് റിപ്പോര്‍ട്ട്. അഴിമതിക്കേസില്‍ ജയില്‍ശിക്ഷ അനുഭവിച്ചതിനാല്‍ വരുന്ന ഏപ്രില്‍വരെ പൊതു സ്ഥാനങ്ങള്‍ വഹിക്കുന്നതിന് വിലക്കുള്ള ഇബ്രാഹിമിനെ തടയാനാണ് പ്രധാനമന്ത്രി അബ്ദുള്ള അഹമ്മദ് ബദാവി അടുത്ത വര്‍ഷം ഏപ്രിലില്‍ നടക്കേണ്ടിയിരുന്ന തെരഞ്ഞെടുപ്പ് നേരത്തെയാക്കിയത്.

പാര്‍ലമെന്റില്‍ കഴിഞ്ഞതവണ 90 ശതമാനം സീറ്റ് ലഭിച്ച ദേശീയ മുന്നണിക്ക് ഇത്തവണ അവിടെയും ഭൂരിപക്ഷം ഗണ്യമായി കുറയുമെന്നാണ് സൂചന. ഭരണം നിലനിര്‍ത്താനായേക്കുമെങ്കിലും മൂന്നില്‍രണ്ട് ഭൂരിപക്ഷംപോലും നേടാന്‍ കഴിഞ്ഞേക്കില്ലെന്നാണ് റിപ്പോര്‍ട്ട്. 80 ശതമാനമായ 178 സീറ്റ് നേടാനായില്ലെങ്കില്‍ പ്രധാനമന്ത്രി ബദാവിക്ക് നേതൃത്വം നഷ്ടമായേക്കുമെന്ന് നിരീക്ഷകര്‍ പറഞ്ഞിരുന്നു.

മറ്റ് സംസ്ഥാന നിയമസഭകളില്‍ കലന്താന്‍ ഇത്തവണയും പിടിക്കാനാകുമെന്നാണ് പ്രതിപക്ഷ ഇസ്ളാമിക കക്ഷിയുടെ പ്രതീക്ഷ. 90 മുതല്‍ അവരാണ് അവിടെ ഭരണത്തില്‍. ന്യുനപക്ഷവിഭാഗക്കാരായ ഇന്ത്യന്‍ വംശജരെയും ചൈനീസ് വംശജരെയും പിണക്കിയതാണ് ഭരണകക്ഷിയുടെ ക്ഷീണത്തിന് പ്രധാന കാരണം. പരമ്പരാഗതമായി ഭരണസഖ്യത്തോടൊപ്പം നിന്നവയാണ് ഈ രണ്ട് വിഭാഗങ്ങളും.

പാര്‍ലമെന്റില്‍ 222 സീറ്റും 18 സംസ്ഥാന നിയസഭകളിലായി 505 സീറ്റുമാണുള്ളത്. ഇവയില്‍ എട്ട് പാര്‍ലമെന്റ് സീറ്റിലേക്കും മൂന്ന് നിയമസഭാസീറ്റിലേക്കും ഭരണമുന്നണി സ്ഥാനാര്‍ഥികള്‍ എതിരില്ലാതെ തെരഞ്ഞെടുക്കപ്പെട്ടിരുന്നു. ഒരു നിയമസഭാസീറ്റ് പ്രതിപക്ഷവും വിജയിച്ചിരുന്നു.

1. ഷാപ്പുകള്‍ കൂട്ടി ലൈസന്‍സ് ഫീ കുറച്ച് മദ്യം വ്യാപകമാക്കുന്നു
തിരുവനന്തപുരം: കള്ളു കച്ചവടവും, കള്ളു കുടി പ്രോസാഹിപ്പിക്കുന്നതിനും, കള്ളിന്റെ ലഭ്യത വ്യപകമാക്കുന്നതിനുമുള്ള പുതിയ നിര്‍ദേശങ്ങളാണു പുതിയ അബ്കരി നയത്തിലുള്ളത്.

കള്ളിന്റെ ലഭ്യത വ്യാപകമാക്കുന്നതിനുവേണ്ടി ടൂറിസ്റ്റ് കേന്ദ്രങ്ങളില്‍ ആധുനിക സൌകര്യങ്ങളോടെ ഈ വര്‍ഷം ടോഡി പാര്‍ലറുകള്‍ തുടങ്ങും. എത്ര എന്ന് തീരുമാനമായിട്ടില്ല. സ്വാഭാവികമായും കള്ള് ഷാപ്പുകളുടെ എണ്ണം കൂടും. കേരളത്തിലിപ്പോള്‍ 49039 കള്ളുഷാപ്പുണ്ട്.പുതിയ നയത്തില്‍ അമ്പരപ്പിക്കുന്ന മറ്റൊരു മാറ്റം ലൈസന്‍സ്ഫീയിലുണ്ടാ ക്കിയ കുറവാണ്. കഴിഞ്ഞ വര്‍ഷത്തെക്കാള്‍ 20 ശതമാനം കുറവാണ്. ഇതുമൂലം സംസ്ഥാന സര്‍ക്കാരിന് അഞ്ചുകോടിയോളം രൂപ നഷ്ടം വരും. കഴിഞ്ഞ വര്‍ഷം 25 കോടിയോളം രൂപ കള്ളുഷാപ്പുകളില്‍ നിന്നും ലഭിച്ചതാണ്.

കാസര്‍ഗോഡ്, കണ്ണൂര്‍, കോഴിക്കോട്, എറണാകുളം ജില്ലകളിലെ സഹകരണ സംഘങ്ങളെ സഹായിക്കാന്‍ എന്ന മറവില്‍ കോണ്‍ട്രാക്ടര്‍മാര്‍ക്കു ലാഭമുണ്ടാക്കുന്ന നയം മാറ്റമാണിത്.

സഹകരണ മേഖലയില്‍ മധുരക്കള്ള് ഉണ്ടാക്കി വിതരണം ചെയ്യാനും തീരുമാനമായി. വിലക്കുറഞ്ഞ വിദേശമദ്യം സുലഭമാക്കുന്നതിനുള്ള നടപടികളും സര്‍ക്കാര്‍ ആരംഭിക്കുന്നു. ഇതിനായി ചിറ്റൂര്‍ കോ ഓപ്പറേറ്റഡ് ഷുഗര്‍, ട്രാവങ്കൂര്‍ ഷുഗേഴ്സ്, തിരുവല്ല എന്നിവിടങ്ങളില്‍ വിലകുറഞ്ഞ വിദേശ മദ്യം നിര്‍മിക്കും.

വില കുറഞ്ഞ വിദേശ മദ്യം ചാരായത്തിന്റെ വിലക്കു ലഭ്യമാക്കാനാണ് നീക്കം. വിഷമദ്യം ഒഴിവാക്കാ നെ ന്ന മറയില്‍ ആരംഭിക്കുന്ന ഈ നടപടി മദ്യ ത്തിന്റെ ല ഭ്യതയും വ്യാപനവും വര്‍ധിപ്പിക്കും. ഇ വിടെ ഉത് പാദിപ്പിക്കുന്ന വി ദേശ മദ്യം ബിവറേജസ് കോര്‍പ്പറേഷന്‍ വഴി വിതരണം ചെയ്യും.

ബിവറേജസ് കോര്‍പ്പറേഷന്റെ കടകള്‍ വഴി വിദേശ നിര്‍മിത വിദേശ മദ്യം ലഭ്യമാക്കാനും തീരുമാനമായി. എല്ലാത്തരം മദ്യപാനികളെയും ആകര്‍ഷിക്കുന്നതിനും ഇഷ്ടമുള്ള ഇനങ്ങള്‍ ഏറ്റവും അടുത്തസ്ഥലത്ത് ലഭ്യമാക്കാനും ഈ നടപടികൊണ്ട് സാധിക്കും.വീഞ്ഞിന്റെ ലഹരി ്15 ശതമാനമായി ഉയര്‍ത്തി. ഇപ്പോള്‍ 12 ശതമാനമാണ്. പത്തനംതിട്ടയിലെ ആറന്മളയും ടൂറിസ്റ്റ് സെന്ററുകളില്‍ അവിടെ ബിയര്‍, വൈന്‍ പാര്‍ലറുകള്‍ അനുവദിക്കും.

പരമ്പരാഗത വ്യവസായമെന്ന പരിഗണനയില്‍ കള്ളുകച്ചവടത്തെ സംരക്ഷിക്കാനും വ്യാജമദ്യം തടയാനുമാണ് പുതിയ നയമെന്ന് ഉത്തരവില്‍ വ്യക്തമാക്കുന്നു. മദ്യപാനം ആരോഗ്യത്തിന് ഹാനികരമെന്ന് പ്രചാരണം നടത്തുമെന്നും 2007-08 ലെ നയത്തില്‍ പറഞ്ഞിരുന്നത് ഈ വര്‍ഷവും ആവര്‍ത്തിക്കുന്നു. എന്നാല്‍, ഈ വര്‍ഷം കള്ളുച്ചവടത്തെയും കച്ചവടക്കാരെയും സംരക്ഷിക്കുക എന്നതാണ് നയമെന്ന് പറയുന്നു.

കഴിഞ്ഞ വര്‍ഷം മുന്‍വര്‍ഷത്തെക്കാള്‍ പത്ത് ശതമാനം കൂടിയാണ് കള്ളു ഷാപ്പുകള്‍ക്ക് ലൈസന്‍സ് ഫീസ് നിശ്ചയിച്ചത്. എല്ലാ മേഖലയിലും കാത്തിരിക്കുന്ന സ്വാഭാവിക സമീപനമാണിത്. എന്നാല്‍ കള്ളുഷാപ്പുകളുടെ കാര്യത്തില്‍ തുക 20 ശതമാനം കുറച്ചിരിക്കുന്നു. അതു വ്യക്തമായ ഗൂഢല്യങ്ങളോടെയാണ്. ഇപ്പോഴുള്ള കരാറുകാരെ സഹാ യിക്കാനാണ്.

കഴിഞ്ഞ വര്‍ഷത്തേതുപോലെ അഞ്ചു മുതല്‍ ഏഴ് വരെ ഷാപ്പുകള ഗ്രൂപ്പായിട്ടാവും ഈ വര്‍ഷവും ലേലം ചെയ്യുക. ഒരാള്‍ക്കു പരമാവധി രണ്ട് ഗ്രൂപ്പ് പിടിക്കാം. ലേലം പോകാത്ത ഷാപ്പുകള്‍ റേഞ്ച്, താലൂക്ക് അടിസ്ഥാനത്തില്‍ ലേലം ചെയ്യും. കഴിഞ്ഞ വര്‍ഷം ഉണ്ടായിരുന്ന ഷാപ്പുകളെല്ലാം ഈ വര്‍ഷവും പ്രവര്‍ത്തിക്കും.

ബിനാമി ഇടപാട് അവസാനിപ്പിക്കുവാന്‍ ലൈസന്‍സ് എടുക്കുന്നവര്‍ വരുമാന സ്രോതസ് കാണിക്കണെന്നു നിര്‍ബന്ധമാക്കി. ലൈസന്‍സ് എടുക്കുന്നവര്‍ക്ക് കുറഞ്ഞ പ്രായം നിര്‍ബന്ധമാക്കും. റേഷന്‍കാര്‍ഡും ഇന്‍കം ടാക്സ് സര്‍ട്ടിഫിക്കറ്റും നിര്‍ബന്ധമാക്കും. അസിസ്റ്റന്റ് എക്സൈസ് കമ്മീഷണര്‍ അറ്റസ്റ്റ് ചെയ്ത ഫോട്ടോ ലൈസന്‍സില്‍ ഉണ്ടാവും. അവ കള്ളുഷാപ്പില്‍ പ്രദര്‍ശിപ്പിക്കണം.

മൂന്ന് വര്‍മായി ഷാപ്പ് നടത്തുന്നവര്‍ക്ക് ലൈസന്‍സിന് മുന്‍ഗണന ഉണ്ടാവും. അബ്കാരി കേസുകളെ മൈനര്‍എന്നും മേജര്‍ എന്നും തിരിക്കും. മൈനര്‍ കേസുകള്‍ കോമ്പൌണ്ട് ചെയ്യും.

ഡിസ്റ്റലറികളില്‍ എക്സ്ട്രാ ന്യൂട്രല്‍ ആല്‍ക്കഹോളിന് അനുവദിച്ചിരിക്കുന്ന വേസ്റ്റിന്റെ അളവ് ഒരു ശതമാനത്തില്‍ നിന്നും അര ശതമാനമാക്കി. ഡിസ്റ്ററികള്‍ ഏറെ കള്ളപ്പണം ഉണ്ടാക്കുന്ന പഴുതായിരുന്നു ഇത്. പ്ളാസ്റ്റിക് നിരോധനം പ്രാബല്യത്തില്‍ വരുന്നതിന്റെ ഭാഗമായി 750 എം.എല്ലിന്റെ പ്ളാസ്റ്റിക് മദ്യകുപ്പികള്‍ നിര്‍ത്തലാക്കി.

2. കമ്മീഷന്‍ ശിപാര്‍ശകളിന്‍മേല്‍ സര്‍ക്കാര്‍ നടപടികളില്ല: ജസ്റ്റിസ് ശ്രീദേവി
കോഴിക്കോട്: വനിതാ കമ്മീഷന്‍ പഠനം നടത്തി സമര്‍പ്പിക്കുന്ന ശിപാര്‍ശകളില്‍ സര്‍ക്കാര്‍ നടപടികളൊന്നും കൈക്കൊള്ളുന്നില്ലെന്ന് വനിതാ കമ്മീഷന്‍ ചെയര്‍പേഴ്സണ്‍ ജസ്റ്റിസ് ഡി. ശ്രീദേവി.

ശിപാര്‍ശകള്‍ നടപ്പാക്കാന്‍ സര്‍ക്കാരില്‍ സമ്മര്‍ദം ചെലുത്തും. കുടുംബ ജീവിതവും സാമൂഹിക ജീവിതവും തകര്‍ച്ചയിലേക്കു നീങ്ങുന്ന കാഴ്ചയാണ് ഇന്ന് കാണാന്‍ കഴിയുന്നത്. മനുഷ്യന് കൊല ചെയ്യുന്നതില്‍ യാതൊരു ഭയവുമില്ലാതായി. ഇവിടെ വ്യക്തികള്‍ തമ്മില്‍ അടുക്കുന്നില്ല. അകലുകയാണ് ചെയ്യുന്നത്.

നിയമങ്ങള്‍ പലതും കാറ്റില്‍പ്പറക്കുന്നു. നിയമങ്ങള്‍ കൊണ്ട് ഒന്നും ചെയ്യാന്‍ പറ്റാത്ത അവസ്ഥയിലേക്കാണ് കാര്യങ്ങളുടെ പോക്ക്.

സാമൂഹിക നീതി ഉറപ്പാക്കുക എന്നതാണ് വനിതാ കമ്മീഷന്റെ ലക്ഷ്യം. കുടുംബ പ്രശ്നങ്ങള്‍ പരിഹാരം കാണാന്‍ എല്ലാ പഞ്ചായത്തുകളിലും ജാഗ്രതാ സമിതികള്‍ രൂപവത്ക്കരിച്ചിട്ടുണ്െടന്നും ജസ്റ്റിസ് ശ്രീദേവി പറഞ്ഞു.

കേരള വനിതാ കമ്മീഷന്റെ ആഭിമുഖ്യത്തില്‍ കണ്ടംകുളം ജൂബിലി ഹാളില്‍ സംഘടിപ്പിച്ച സാര്‍വ്വദേശീയ മഹിളാ ദിനാചരണ – സ്ത്രീ ശാക്തീകരണ ബോധവത്ക്കരണ പരിപാടിയില്‍ അധ്യക്ഷത വഹിച്ച് പ്രസംഗിക്കുകയായിരുന്നു അവര്‍.

ചടങ്ങ് സംസ്ഥാന ആസൂത്രണ സമിതി അംഗം ഡോ. മൃദുല്‍ ഈപ്പന്‍ ഉദ്ഘാടനം ചെയ്തു. വനിതാ കമ്മീഷന്‍ അംഗങ്ങളായ പ്രഫ. മീനാക്ഷി തമ്പാന്‍, പി.കെ സൈനബ, രുഗ്മിണി ഭാസ്കര്‍ എന്നിവര്‍ പ്രസംഗിച്ചു. കമ്മീഷന്‍ അംഗം ടി. ദേവി സ്വാഗതം പറഞ്ഞു.

3. ഏറ്റവും കൂടുതല്‍ അഴിമതി നടക്കുന്നത് ശബരിമലയില്‍: സി.കെ.ഗുപ്തന്‍
കൊച്ചി: ഏറ്റവും കൂടുതല്‍ അഴിമതി നടക്കുന്നതു ശബരിമലയിലെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് സി.കെ. ഗുപ്തന്‍. ദേവസ്വം-പുതിയ സാമൂഹിക സമ്മര്‍ദങ്ങളും പരിഹാരങ്ങളും എന്ന വിഷയത്തില്‍ കൊച്ചിയില്‍ നടന്ന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. അഴിമതിയുടെയും സ്വജനപക്ഷപാദത്തിന്റെയും കുത്തരങ്ങായിരിക്കുകയാണു ദേവസ്വം ബോര്‍ഡുകള്‍. കൊച്ചി -ഗുരുവായൂര്‍ ദേവസ്വം ബോര്‍ഡുകള്‍ തിരുവിതാംകൂര്‍ ദേവസ്വം ബോര്‍ഡില്‍ ലയിപ്പിച്ച് ഒറ്റ ദേവസ്വം ബോര്‍ഡാക്കിയാല്‍ അഴിമതിയും ധൂര്‍ത്തും കുറയുമെന്നും താന്‍ സര്‍ക്കാരില്‍ ഇതിനായി സമ്മര്‍ദം ചെലുത്തുമെന്നും ഗുപ്തന്‍ വ്യക്തമാക്കി.

കൊച്ചി ദേവസ്വം ബോര്‍ഡില്‍ ബോര്‍ഡംഗങ്ങളല്ല ഉദ്യോഗസ്ഥരാണ് മോഷ്ടാക്കള്‍. തിരുവിതാംകൂര്‍ ദേവസ്വം ബോര്‍ഡ് പ്രസിഡന്റായ താന്‍ നോക്കുകുത്തിയുടെ അവസ്ഥയിലാണ്. അംഗങ്ങളും സെക്രട്ടറിയും ചേര്‍ന്നാണ് എല്ലാം തീരുമാനിക്കുന്നത്. ഭക്തന്‍മാരെന്നു നടിക്കുന്നവരാണു കൂടുതല്‍ മോഷ്ടിക്കുന്നത്. ശബരിമല വികസനത്തിന് പലരും ധനസഹായം വാഗ്ദാനം ചെയ്യുമ്പോള്‍ ബോര്‍ഡംഗങ്ങള്‍ കമ്മീഷന്‍ ആവശ്യപ്പെടുകയും കിട്ടില്ലെന്നറിയുമ്പോള്‍ തടയുകയും ചെയ്യുകയാണ്.

4. എയ്ഡഡ് സ്കൂള്‍ മാനേജര്‍മാര്‍ പ്രക്ഷോഭത്തിലേക്ക്
കോട്ടയം: കെ.ഇ.ആര്‍ പരിഷ്കരണത്തിലൂടെയും മറ്റ് അശാസ ്ത്രീയ ഉത്തരവുകളിലൂടെയും വിദ്യാഭ്യാസ മേഖലയിലെ പ്രവര്‍ത്തനങ്ങള്‍ തടസപ്പെടുത്തുന്ന സര്‍ക്കാരിന്റെ നീക്കങ്ങള്‍ക്കെതിരേ പ്രക്ഷോഭത്തി ലേക്കു നീങ്ങാന്‍ തീരുമാനിച്ചതായി സ്വകാര്യ- എയ്ഡഡ് സ്കൂള്‍ മാനേജര്‍മാര്‍ അറിയിച്ചു. ആദ്യപടിയായി 26-ന് സെക്രട്ടേറിയറ്റ് മാര്‍ച്ചും ധര്‍ണയും നടത്തും.കോട്ടയം ബേക്കര്‍ മെമ്മോറിയല്‍ ഹയര്‍ സെക്കന്‍ഡറി സ്കൂളില്‍ ചേര്‍ന്ന എയ്ഡഡ് സ്കൂള്‍ മാനേജര്‍മാരുടെ കോ-ഓര്‍ഡിനേഷന്‍ കമ്മിറ്റി യോഗത്തില്‍ വൈസ്ചെയര്‍മാന്‍ സി.സി സാജന്‍ അധ്യക്ഷനായിരുന്നു.

ജനറല്‍ സെക്രട്ടറി ഫാ. ജോസ് കരിവേലിക്കല്‍, ആര്‍.എം പരമേശ്വരന്‍, സി.ഡി മാത്യു, കാട്ടിക്കുളം ഭരതന്‍, ടി.കെ ജനാര്‍ദനന്‍, കെ.മണി, സി.വി ബെന്നി, ഗോകുലന്‍ കോഴിക്കോട്, കെ.എ ഹരി, കെ.അരവിന്ദാക്ഷന്‍, ആര്‍.വി ഭാസ്കരന്‍ എന്നിവര്‍ പ്രസംഗിച്ചു.
5. യു.ജി.സി വഴിയും സ്വാശ്രയ മേഖലയില്‍ നിയന്ത്രണത്തിനു നീക്കം
ന്യൂഡല്‍ഹി: സ്വാശ്രയ പ്രഫഷണല്‍ വിദ്യാഭ്യാസ സ്ഥാപനങ്ങള്‍ക്കു കൂടുതല്‍ നിയന്ത്രണങ്ങള്‍ ഏര്‍പ്പെടുത്തുന്നതുള്‍പ്പെടെയുള്ള നിര്‍ദേശങ്ങളടങ്ങിയ റിപ്പോര്‍ട്ട് യൂണിവേഴ്സിറ്റി ഗ്രാന്റ്സ്് കമ്മീഷന്‍ കേന്ദ്ര മാനവശേഷി വിഭവ മന്ത്രാലയത്തിനു സമര്‍പ്പിച്ചു.

ന്യൂനപക്ഷ പദവി ലഭിക്കാത്ത സ്വാശ്രയ കോളജുകളിലെ 85 ശതമാനം മെറിറ്റ് സീറ്റുകളിലേക്കു പ്ര വേശനം നടത്തേണ്ടതു സര്‍ക്കാരിന്റെ പൊതുലിസ്റ്റില്‍ നിന്നായിരിക്കണമെന്നാണ് നിര്‍ദേശം. ന്യൂന പക്ഷ പദവിയുള്ള സ്ഥാപനങ്ങളില്‍ ഇത് 50 ശതമാനമായിരിക്കണം. ദേശീയ കമ്മീഷന്റെ ചെയര്‍മാന്‍ റിട്ട. സുപ്രീം കോടതി ജഡ്ജിയും സംസ്ഥാന കമ്മീഷന്റെ ചെയര്‍മാന്‍ റിട്ട. ഹൈക്കോടതി ജഡ്ജിയും ആയിരിക്കണമെന്നതുള്‍പ്പെടെ നാല്‍പ ത്തിയഞ്ചോളം നിര്‍ദേശങ്ങളാണു റിപ്പോര്‍ട്ടിലുള്ളത്.

6. കേരളത്തിന് ഐ.ഐ.ടി പരിഗണനയിലെന്നു കേന്ദ്രം
ന്യൂഡല്‍ഹി: കേരളത്തില്‍ ഐ.ഐ.ടി സ്ഥാപിക്കുന്ന കാര്യം ഗൌരവമായി പരിഗണിക്കുമെന്ന് പ്രധാനമന്ത്രി ഉറപ്പ് നല്‍കിയതായി മുഖ്യമന്ത്രി വി.എസ്. അച്യുതാനന്ദന്‍. തിരുവനന്തപുരത്ത് ആരംഭിക്കുന്ന ബഹിരാകാശ പഠന കേന്ദ്രത്തിന്റേയും ഐസര്‍ ശാസ്ത്ര ഗവേഷണ കേന്ദ്രത്തിന്റേയും തറക്കല്ലിടീലിന് ക്ഷണിക്കാനെത്തിയപ്പോഴാണ് പ്രധാനമന്ത്രി ഡോ. മന്‍മോഹന്‍ സിംഗ് മുഖ്യമന്ത്രിക്ക് ഉറപ്പ് നല്‍കിയത്.

ഏപ്രില്‍ അവസാനമോ മേയ് മാസം ആദ്യമോ പഠന കേന്ദ്രങ്ങളുടെ തറക്കല്ലീടിലിനു കേരളം സന്ദര്‍ശിക്കാമെന്ന് പ്രധാനമന്ത്രി ഉറപ്പ് നല്‍കി. കേരളത്തില്‍ ഐ.ഐ.ടി സ്ഥാപിക്കാമെന്ന് പ്രധാനമന്ത്രി മുമ്പ് സന്ദര്‍ശിച്ചപ്പോള്‍ വാഗ്ദാനം ചെയ്തതാണ്.

പ്രഖ്യാപിച്ച എട്ട് ഐ. ഐ. ടി കളില്‍ മൂന്നെണ്ണം ബജറ്റില്‍ വകയിരുത്തിയപ്പോള്‍ മുന്തിയ പരിഗണന നല്‍കുമെന്ന് ഉറപ്പ് നല്‍കിയിരുന്ന കേരളത്തെ ഉള്‍പ്പെടുത്താത്തതിലുള്ള ആശങ്ക മുഖ്യമന്ത്രി അറിയിച്ചു. ആവശ്യം അനുഭാവപൂര്‍ണം പരിഗണിക്കുമെന്ന് പ്രധാനമന്ത്രി ഉറപ്പ് നല്‍കി.

1. ചോരക്കൊതി തീരുന്നില്ല; തലശേãരിയില്‍ മൂന്നുപേര്‍കൂടി കൊല്ലപ്പെട്ടു
തലശേãരി: സംഘര്‍ഷം തുടരുന്ന തലശേãരി മേഖലയില്‍ ഇന്നലെ മൂന്നുപേര്‍കൂടി കൊല്ലപ്പെട്ടു. ഒരു സി.പി.എം പ്രവര്‍ത്തകനും രണ്ടു ആര്‍.എസ്.എസ്^ബി.ജെ.പി പ്രവര്‍ത്തകരുമാണ് മരിച്ചത്. സി.പി.എം പ്രവര്‍ത്തകന്‍ പാനൂര്‍ പുത്തൂരില്‍ കല്ലായിന്റവിട അനീഷ് (30), ആര്‍.എസ്.എസ് പ്രവര്‍ത്തകന്‍ കോടിയേരി ഈങ്ങയില്‍ പീടികയില്‍ പുല്ലാമ്പള്ളി വീട്ടില്‍ കാട്ടില്‍പറമ്പത്ത് മമ്പള്ളി സുരേഷ്ബാബു (40), ബി.ജെ.പി പ്രവര്‍ത്തകന്‍ തലശേãരി തിരുവങ്ങാട് ‘സൌപര്‍ണിക’യില്‍ കെ.വി. സുരേന്ദ്രന്‍ (62) എന്നിവരാണ് കൊല്ലപ്പെട്ടത്. ഇതോടെ മൂന്നുദിവസത്തിനിടെ അക്രമപരമ്പരയില്‍ ഏഴുപേര്‍ കൊല്ലപ്പെട്ടു.അഞ്ചു ആര്‍.എസ്.എസ്^ബി.ജെ.പി പ്രവര്‍ത്തകരും രണ്ട് സി.പി.എം പ്രവര്‍ത്തകരുമാണ് കൊലക്കത്തിക്കിരയായത്. പാനൂരില്‍ അക്രമിസംഘത്തിനുനേരെ പോലിസ് വെടിവെച്ചു. മേഖലയില്‍ വീടുകള്‍ക്കുനേരെ ബോംബേറും അക്രമവും വ്യാപകമായി.

ഇന്നലെ പുലര്‍ച്ചെ അഞ്ചുമണിയോടെയാണ് അനീഷ് കൊല്ലപ്പെട്ടത്. വീട്ടിനടുത്ത് ഒരുസംഘം ആര്‍.എസ്.എസ് പ്രവര്‍ത്തകര്‍ ബോംബെറിഞ്ഞ് വീഴ്ത്തി വെട്ടിക്കൊല്ലുകയായിരുന്നു. അനീഷിനുനേരെ അക്രമികള്‍ ആദ്യം ബോംബെറിഞ്ഞു. ഓടി രക്ഷപ്പെടാന്‍ ശ്രമിക്കവെ പിന്തുടര്‍ന്ന് വീട്ടിന് തൊട്ടടുത്ത ഇടവഴിയില്‍ വെട്ടിവീഴ്ത്തുകയായിരുന്നുവെന്ന് പാനൂര്‍ പോലിസ് പറഞ്ഞു. സംഘര്‍ഷത്തെ തുടര്‍ന്ന് സ്വന്തം വീട്ടില്‍നിന്നും മാറിത്താമസിക്കുകയായിരുന്ന അനീഷ് പുലര്‍ച്ചെ മറ്റ് രണ്ടുപേര്‍ക്കൊപ്പം വീട്ടിലേക്ക് വരുന്നതിനിടെ അക്രമികള്‍ ബോംബെറിഞ്ഞുവീഴ്ത്തുകയായിരുന്നു. കൂടെയുണ്ടായിരുന്നവര്‍ രക്ഷപ്പെട്ടെങ്കിലും അനീഷിനെ പിന്തുടര്‍ന്ന് വെട്ടുകയായിരുന്നുവെന്ന് പറയുന്നു. ഇടവഴിയില്‍ കിടന്ന അനീഷിന്റെ മൃതദേഹം പോലിസെത്തിയാണ് പരിയാരം മെഡിക്കല്‍ കോളജ് ആശുപത്രിയിലേക്ക് കൊണ്ടുപോയത്. അക്രമികള്‍ ഉപേക്ഷിച്ച കൊടുവാളും അനീഷിന്റെ മൊബൈലും സംഭവസ്ഥലത്തുനിന്ന് കണ്ടെടുത്തു. പോസ്റ്റുമോര്‍ട്ടത്തിനു ശേഷം വൈകീട്ട് അഞ്ചുമണിയോടെ വന്‍ ജനാവലിയുടെ സാന്നിധ്യത്തില്‍ വീട്ടുവളപ്പില്‍ സംസ്കരിച്ചു. കല്‍പ്പണിക്കാരനായ അനീഷ് അവിവാഹിതനാണ്. പിതാവ്: ബാലന്‍. അമ്മ: കൌസു. സഹോദരങ്ങള്‍: പുരുഷു, ദിനേശന്‍, ശോഭ, മഹിജ.

ഇന്നലെ രാവിലെ 10.30 ഓടെ കോടിയേരി ഈങ്ങയില്‍ പീടികയിലെ വീട്ടിനടുത്ത് ഇളയമ്മയുടെ വീട്ടുമുറ്റത്ത് അവരുമായി സംസാരിച്ചുനില്‍ക്കെയാണ് ആര്‍.എസ്.എസ് പ്രവര്‍ത്തകന്‍ സുരേഷ്ബാബു ആക്രമിക്കപ്പെട്ടത്. ഒരുസംഘം സി.പി.എം പ്രവര്‍ത്തകര്‍ വെട്ടിവീഴ്ത്തുകയായിരുന്നു. വീട്ടുമുറ്റത്ത് വീണുകിടന്ന സുരേഷ്ബാബുവിനെ പോലിസെത്തി ആശുപത്രിയിലേക്ക് മാറ്റുകയായിരുന്നു. കോഴിക്കോട് മെഡിക്കല്‍ കോളജ് ആശുപത്രിയില്‍ പോസ്റ്റുമോര്‍ട്ടത്തിനുശേഷം ഇന്ന് സംസ്കരിക്കും. കല്‍പ്പണിക്കാരനാണ്. പിതാവ്: പരേതനായ നാണു. അമ്മ: കൌസു. ഭാര്യ: സുമ. മക്കള്‍: വിന്‍സി, രവീണ. സഹോദരങ്ങള്‍: അനീഷ്കുമാര്‍, രാജേഷ്, അനൂപ്, പുഷ്പ.

ഇന്നലെ രാത്രി 9.30ഓടെയാണ് കെ.വി സുരേന്ദ്രനെ ഒരു സംഘം വീട്ടില്‍ കയറി വെട്ടിപ്പരിക്കേല്‍പ്പിച്ചത് .മുഖത്തും തലക്കും കൈകാലുകള്‍ക്കും സാരമായ പരിക്കേറ്റ ഇയാളെ തലശേãരി ഇന്ദിരാഗാന്ധി സഹകരണ ആശുപത്രിയില്‍ പ്രഥമ ശുശ്രൂഷക്കുശേഷം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. ഇന്നലെ അര്‍ധ രാത്രിയോടെ യാണ് മരിച്ചത്. വര്‍ക്കുഷോപ്പ് ഉടമയാണ്.

പാനൂര്‍ ചമ്പാട് കുറിച്ചിക്കരയിലാണ് പോലിസിനുനേരെ ബോംബേറും അക്രമികളെ പിരിച്ചുവിടാന്‍ വെടിവെപ്പും നടന്നത്. ഇന്നലെ രാവിലെ 11 മണിയോടെയാണ് സംഭവം. ബോംബും ആയുധങ്ങളുമായി 30 ഓളം വരുന്ന അക്രമിസംഘം സംഘടിച്ചിട്ടുണ്ടെന്ന വിവരത്തെ തുടര്‍ന്ന് ഇരിട്ടി ഡിവൈ.എസ്.പി ഷൌക്കത്തലിയുടെ നേതൃത്വത്തില്‍ എത്തിയ പോലിസ് സംഘത്തിനുനേരെയാണ് ബോംബേറുണ്ടായത്. പിരിഞ്ഞുപോകാന്‍ ആവശ്യപ്പെട്ടിട്ടും തയാറാവാത്തതിനെ തുടര്‍ന്ന് ലാത്തിവീശാന്‍ ശ്രമിക്കവെയാണ് ബോംബെറിഞ്ഞത്. ഇതേത്തുടര്‍ന്ന് അക്രമിസംഘത്തെ പിരിച്ചുവിടാന്‍ മൂന്ന്റൌണ്ട് ആകാശത്തേക്ക് വെടിവെക്കുകയായിരുന്നു. തുടര്‍ന്ന് മൂന്ന് ഗ്രനേഡും പ്രയോഗിച്ചു.

2. കണ്ണൂരിലെ പോലിസ് രഹസ്യാന്വേഷണ വിഭാഗം ദുര്‍ബലം; സംഘര്‍ഷ മേഖലയില്‍ എതിരാളികള്‍ ലക്ഷ്യമിട്ട യുവാക്കള്‍ അപ്രത്യക്ഷരായി
കണ്ണൂര്‍: സംഘര്‍ഷ മേഖലയില്‍ എതിരാളികളാല്‍ ‘ടാര്‍ഗറ്റ് ചെയ്യപ്പെട്ടു’വെന്ന് കരുതുന്ന യുവാക്കള്‍ അപ്രത്യക്ഷരായി. കര്‍ണാടകയിലെ ചില അജ്ഞാത കേന്ദ്രങ്ങളില്‍ അഭയം തേടിയിരിക്കുകയാണിവര്‍. തലശേãരി, കൂത്തുറപമ്പ്, പാനൂര്‍ മേഖലയില്‍ പുരുഷന്മാരില്ലാത്ത വീടുകളുടെ എണ്ണം 1980^90 കളിലേതിനേക്കാള്‍ വര്‍ധിച്ചതായി മേഖലയിലെ സ്ഥിതികള്‍ വ്യക്തമാക്കുന്നു. സ്ത്രീകള്‍ പോലും യഥാര്‍ഥ വിവരം പോലിസിനെ അറിയിക്കാതെ മറച്ചുപിടിക്കുകയാണ്.

ഇന്നലെ കൊല്ലപ്പെട്ടവരില്‍ ഒരാള്‍ സ്വന്തം വീട്ടില്‍നിന്ന് മാറി ത്താമസിക്കാനുള്ള ശ്രമത്തിലായിരുന്നു. അതിന് മുമ്പെ വേട്ടയാടപ്പെട്ടു. യുവാക്കളില്ലാത്ത വീടുകളില്‍ പറഞ്ഞറിയിക്കാനാവത്ത വിഹ്വലതയാണ്. ഫോണുകള്‍ ശബ്ദിക്കുമ്പോള്‍ പോലും അവര്‍ ഭയപ്പെടുന്നു. മൈസൂരിനടുത്ത ഒരു കേന്ദ്രത്തിലേക്ക് ഒളിച്ചോടിയ ചിറ്റാരിപ്പറമ്പിലെ യുവാവിന്റെ മാതാവിന് വന്ന ഫോണ്‍ സന്ദേശം ഞെട്ടിപ്പിക്കുന്നതാണ്^ മകന്‍ അവിടെ റോഡപകടത്തില്‍പ്പെട്ട് ആശുപത്രിയിലാണ്. പരിക്ക് നിസ്സാരമാണ്. പക്ഷെ,വീട്ടില്‍ ഏകയായ അമ്മയുടെ മനസ്സില്‍ തീ പുകയുന്നു. മറ്റൊരു യുവാവ് ചിക്മംഗ്ളൂരിലെത്തുന്നതിനിടയില്‍ ബാഗിലെ പഴ്സ് മോഷണംപോയി. സംഘര്‍ഷ ഗ്രാമങ്ങളില്‍ ചെന്നപ്പോള്‍ ഇത്തരം പൊള്ളുന്ന അനുഭവങ്ങളാണ് തേടിയെത്തിയത്.

അതേസമയം, ഗ്രാമങ്ങളുടെ മനസ്സറിയുന്ന മുന്നൊരുക്കമോ അക്രമികളെക്കുറിച്ച് കുറിക്കുകൊള്ളുന്ന റിപ്പോര്‍ട്ടുകളോ പോലിസ് രഹസ്യാന്വേഷണ വിഭാഗത്തില്‍നിന്ന് ഉന്നതതലത്തിലേക്ക് പോകുന്നില്ല. അറിയുന്ന വിവരം തന്നെ യഥാവിധി റിപ്പോര്‍ട്ട് ചെയ്യാന്‍ മടിക്കുകയാണ്. അരഡസനോളം എസ്.പിമാരുള്‍പ്പെടുന്ന വന്‍ പോലിസ് വ്യൂഹത്തെ ഒരു താലൂക്കിലാകെ വിന്യസിച്ചിട്ടും രണ്ടുദിവസത്തിനകം അരഡസന്‍ പേര്‍ കൊല്ലപ്പെട്ടു. നൂറിലേറെ അക്രമകേസുകള്‍ ഉടലെടുത്തു. അരഡസനോളം കേന്ദ്രങ്ങളില്‍ പോലിസിന് നേരെ ബോംബേറുണ്ടായി. കൊലക്കേസുകളില്‍ പ്രതിയായ ഒരാളെ പോലും ഇത്ര വലിയസന്നാഹത്തിന് പിടികൂടാനായില്ല.

നാല് സി.പി.എം പ്രവര്‍ത്തകര്‍ കൊല്ലപ്പെടുകയും അവസാനത്തെ കൊലപാതകത്തിന്റെ ഉത്തരവാദിത്തം വിവാദമാവുകയുംചെയ്ത ശേഷമുള്ള ചില അടിയൊഴുക്കുകള്‍ ജില്ലയില്‍ ‘സ്കോറിംഗ്’ കൊലപാതകം തിരിച്ചുവരുമെന്ന് സൂചന നല്‍കുന്നതായിരുന്നു. വിവാദമായ ജിജേഷ് വധത്തിന്റെ ഉത്തരവാദിത്തം തങ്ങള്‍ക്കല്ലെന്ന ആര്‍.എസ്.എസിന്റെ വിശദീകരണവും പ്രതികള്‍ ആര്‍.എസ്.എസുകാരാണെന്ന സി.പി.എം ആരോപണവും പോലിസിനെ വലിയ പ്രതിസന്ധിയിലാക്കി. ഇക്കാര്യത്തില്‍ പോലിസിന് കടുത്ത നടപടി സ്വീകരിക്കാന്‍ കഴിയാത്തതാണ് പ്രശ്നം വഷളാക്കിയത്. സി.പി.എമ്മും ആര്‍.എസ്.എസും കടുത്ത വാശിയിലാണ്. ഈ വാശിയാണ് വൈരം കൂടുതല്‍ പഴുപ്പിച്ചത്.

തലശേãരി ജഗന്നാഥ ക്ഷേത്രോല്‍സവം കഴിഞ്ഞാല്‍ പ്രശ്നമുണ്ടാവുമെന്ന് പ്രാദേശിക അടിയൊഴുക്കുകളെ അടിസ്ഥാനമാക്കി ചില സ്റ്റേഷനുകളിലെ കോണ്‍സ്റ്റബിള്‍തല റിപ്പോര്‍ട്ട് മുകളിലോട്ട് പോയിരുന്നു. ഇത് പക്ഷെ, ബന്ധപ്പെട്ട കേന്ദ്രങ്ങളിലേക്ക് കൈമാറിയില്ല. യഥാര്‍ഥ വിവരം നല്‍കി പാര്‍ട്ടി നേതൃത്വത്തിന്റെ അപ്രീതി നേടേണ്ടതില്ലെന്ന നിലപാടിലായിരുന്നു ചില ഉദ്യോഗസ്ഥര്‍. ഭയപ്പെടുന്നതില്‍ ആര്‍.എസ്.എസ്^സി.പി.എം പക്ഷഭേദമില്ല. ഏതെങ്കിലും ഒരു വിഭാഗത്തെ ചൊടിപ്പിക്കേണ്ടതില്ലെന്ന നിലപാട് ചില പോലിസ് ഉദ്യോഗസ്ഥര്‍ക്കുണ്ട്. അതിനാല്‍ ചില അടിയൊഴുക്കുകള്‍ രഹസ്യാന്വേഷണ വിഭാഗം കണ്ടില്ലെന്ന് നടിച്ചു.

നവംബറില്‍ നടന്ന രണ്ട് സി.പി.എം പ്രവര്‍ത്തകരുടെ കൊലപാതകത്തിനുപിന്നില്‍ സംഘ്പരിവാറിനുള്ളിലെ ചില അന്തര്‍നാടകങ്ങളുണ്ടെന്ന് പോലിസ് രഹസ്യാന്വേഷണ വിഭാഗത്തിന് വിവരം കിട്ടിയിരുന്നു. പക്ഷെ, അതനുസരിച്ച് ജാഗ്രത പുലര്‍ത്താതിരുന്നത് വീണ്ടും കൊലപാതകങ്ങള്‍ അരങ്ങേറാന്‍ വഴിയൊരുക്കി. തുടര്‍ന്നുള്ള രണ്ട് കൊലപാതകങ്ങളിലും ആര്‍.എസ്.എസ് ഉത്തരവാദിത്തം ഒഴിയാന്‍ ശ്രമിച്ചത് ഈ പശ്ചാത്തലത്തിലാണ്. തിരിച്ചടിയുണ്ടാവുമെന്ന് നേരത്തേതന്നെ സംശയിക്കപ്പെട്ടതാണ്.

ഒരുമാസം മുമ്പാണ് ഒരു പ്രാദേശിക നേതാവിന് വധഭീഷണിയുടെ അടിസ്ഥാനത്തില്‍ രണ്ട് പോലിസുകാരെ സുരക്ഷക്ക് നിയോഗിക്കാന്‍ പോലിസ് ആസ്ഥാനത്തുനിന്ന് ഉത്തരവ് വന്നത്. ഇത് ജില്ലാ ആസ്ഥാനത്തുനിന്ന് യഥാവിധി നടപ്പാക്കിയപ്പോള്‍ ബന്ധപ്പെട്ട പ്രദേശത്തെ പ്രാദേശിക സ്തിഥിവിവരങ്ങള്‍ ശേഖരിക്കാനും ഉദ്ദേശിച്ചിരുന്നു. എന്നാല്‍ കുറ്റമറ്റ റിപ്പോര്‍ട്ട് വന്നില്ല. നേതാവിപ്പോള്‍ പോലിസ് അംഗരക്ഷകരുടെ സുരക്ഷയിലാണ്. ഈ മേഖല സംഘര്‍ഷത്തിലുമാണ്. ജിജേഷ് കൊലക്കേസിന്റെ പിന്നിലെ വിവാദത്തെക്കുറിച്ച് രഹസ്യാന്വേഷണ വിഭാഗം നല്‍കിയ റിപ്പോര്‍ട്ട് ഇപ്പോള്‍ പോലിസ് സേനയില്‍ വിവാദമാണ്.

കഴിഞ്ഞ 30 വര്‍ഷത്തെ ചരിത്രത്തിലാദ്യമായി ഒരു രാഷ്ട്രീയ കൊലപാതകങ്ങളും റിപ്പോര്‍ട്ട് ചെയ്യാത്ത വര്‍ഷമായ 2003ല്‍ യഥാര്‍ഥ പ്രതികളെ കേസില്‍ ഉള്‍പ്പെടുത്തി അറസ്റ്റ് ചെയ്തിരുന്ന നടപടിയാണ് സ്വീകരിച്ചത്. ഒപ്പം ഗൂഢാലോചന കുറ്റത്തിന് നേതാക്കളെയും പ്രതിചേര്‍ത്തു. ഇപ്പോഴത് മാറി. ഇരുനേതൃത്വവും നല്‍കുന്ന ലിസ്റ്റനുസരിച്ച് കേസെടുക്കാന്‍ പോലിസ് തുനിയുകയാണ്. ‘കില്ലര്‍ സ്ക്വാഡുകള്‍’ക്ക് സംരക്ഷണം നല്‍കപ്പെടുകയാണെന്ന് ഏതാണ്ട് പരസ്യമാവുന്ന വിധത്തിലാണ് ചില നേതാക്കളുടെ പ്രസ്താവനകള്‍. ഒരേ ‘കില്ലര്‍ സ്ക്വാഡ്’ തന്നെ വ്യത്യസ്ത സ്ഥലങ്ങളില്‍ കൃത്യം ചെയ്തുവെന്നാണ് ചില കൊലപാതകങ്ങളുടെ രീതി പരിശോധിച്ചശേഷമുള്ള പോലിസ് നിഗമനം.

ദുരഭിമാനംകൊണ്ട് പോലിസിന് അവരുടെ വൃത്തങ്ങളില്‍നിന്ന് പുറത്തുകടന്ന് ചിന്തിക്കാനാവുന്നില്ലെന്നാണ് വിലയിരുത്തല്‍. നിരോധാജ്ഞ നിലനില്‍ക്കെ ആള്‍ക്കൂട്ടങ്ങള്‍ സംഘടിച്ച നിരവധി സംഭവങ്ങള്‍ ഇന്നലെയുമുണ്ടായി. കര്‍ഫ്യൂ പ്രഖ്യാപിക്കുന്നത് പോലിസ് കുറച്ചിലായി കാണുന്നു. സി.ആര്‍.പി.എഫിനെ പോലെ മുഖംനോക്കാതെ നടപടി സ്വീകരിക്കുന്ന സായുധസേനയെ വിളിക്കണമെന്ന ആവശ്യം പോലിസിന് പരിഗണിക്കാനാവുന്നില്ല. ബോംബുകള്‍ തങ്ങള്‍ക്ക് നേരെ ചീറിപ്പാഞ്ഞുവരുമ്പോഴും പോലിസ് പകച്ചുനില്‍ക്കുകയാണ്. ഇതിന്റെ ദുരന്തം അനുഭവിക്കുന്നതാകട്ടെ സാധാരണക്കാരും.

3. സൂചികകളില്‍ വീണ്ടും വന്‍ തകര്‍ച്ച
മുംബൈ: ശക്തമായി വില്‍പന സമ്മര്‍ദം തുടരുന്ന ഓഹരി വിപണിയില്‍ വീണ്ടും വന്‍ തകര്‍ച്ച. 566 പോയന്റ് കൂടി ഇടിഞ്ഞ മുംബൈ ഓഹരി വിലസൂചിക ഇന്നലെ ആറുമാസത്തിനിടയിലെ ഏറ്റവും താഴ്ന്ന നിലവാരത്തിലാണ് ക്ലോസ് ചെയ്തത്. 16000 പോയന്റിലും താഴെ 15975.52ലായിരുന്നു ക്ലോസിംഗ്. ഒരവസരത്തില്‍ സൂചിക 800 പോയന്റോളം ഇടിഞ്ഞിരുന്നു.

149.80 പോയന്റ് ഇടിഞ്ഞ നിഫ്റ്റി 4771.60ലാണ് ക്ലോസ് ചെയ്തത്.

രാജ്യാന്തര വിപണികള്‍ ദുര്‍ബലമായതും നാണയപ്പെരുപ്പ നിരക്കില്‍ വന്‍ വര്‍ധന രേഖപ്പെടുത്തിയതുമാണ് തകര്‍ച്ചക്ക് വഴിയൊരുക്കിയത്. പ്രമുഖ സൂചികകളെല്ലാം ഇന്നലെ നഷ്ടത്തിലാണ് ക്ലോസ് ചെയ്തത്.

ഐ.സി.ഐ.സി.ഐ ബാങ്ക് 9.11ഉം റിലയന്‍സ് ഇന്‍ഡസ്ട്രീസ് 2.61ഉം റിലയന്‍സ് എനര്‍ജി 14.49ഉം ബജാജ് ഓട്ടോ 10.90ഉം എല്‍ ആന്റ് ടി 7.99ഉം എന്‍.ടി.പി.സി 5.60ഉം ശതമാനം ഇടിഞ്ഞു.

1. റെജി ഏബ്രഹാം അതിസമ്പന്ന മലയാളി
ബാംഗൂര്‍: അബാന്‍ ഓഫ്ഷോര്‍ ലിമിറ്റഡിന്റെ മാനേജിങ് ഡയറക്ടര്‍ റെജി ഏബ്രഹാം മലയാളികളായ അതിസമ്പന്നരില്‍ ഒന്നാമത്. മലയാളിയായ റെജി ഫോബ്സ് മാസികയുടെ അതിസമ്പന്നരുടെ പട്ടികയില്‍ 605 -ാം സ്ഥാനത്താണ്. ഫോര്‍ബ്സ് മാസികയുടെ വാര്‍ഷിക ശതകോടീശ്വര പട്ടികപ്രകാരം 200 കോടി ഡോളര്‍ (8,000 കോടി രൂപ) ആണ് റെജി എബ്രഹാമിന്റെ ആസ്തി.

5600 കോടി രൂപയുടെ ആസ്തിയുള്ള എന്‍.ആര്‍. നാരായണമൂര്‍ത്തി പട്ടികയില്‍ 843 -ാം സ്ഥാനത്താണ്. 897-ാം സ്ഥാനത്തുള്ള പി.എന്‍.സി. മേനോന് 5200 കോടി രൂപയുടെ ആസ്തിയാണുള്ളത്. കിങ്ഫിഷര്‍ ഉടമ വിജയ് മല്യ പട്ടികയില്‍  962 -ാം സ്ഥാനത്താണുള്ളത്. 4800 കോടി രൂപയുടെ സമ്പത്താണ് വിജയ് മല്യയ്ക്കുള്ളത്.

ഒരു സാധാരണ എന്‍ജിനീയറിംഗ് കമ്പനിയായി  1966 ല്‍ റെജി ഏബ്രഹാമിന്റെ പിതാവ് എം.എ. ഏബ്രഹാം തുടങ്ങി വച്ച അബാന്‍ കമ്പനിയെ ബഹുമുഖ കോര്‍പ്പറേറ്റ് എന്‍റ്റിറ്റി എന്ന നിലയില്‍ പ്രശസ്തിയിലെത്തിച്ചത് റെജി ഏബ്രഹാമാണ്. പരേതനായ എം. എ. ഏബ്രഹാമിന്റെ മകനായ റെജി എബ്രഹാം 1994 ലാണ് അബാന്‍ ഓഫ്ഷോര്‍ ലിമിറ്റഡിന്റെ മാനേജിങ് ഡയറക്ടറായി സ്ഥാനമേല്‍ക്കുന്നത്.

2. അഞ്ച് വനിതാ ശാസ്ത്രജ്ഞര്‍ക്ക് പുരസ്കാരം
ന്യൂഡല്‍ഹി: വനിതാ ദിനത്തില്‍ അഞ്ച് വനിതാ ശാസ്ത്രജ്ഞര്‍ക്ക് ദേശിയ ശാസ്ത്ര പുരസ്കാരം – 2007  രാഷ്ട്രപതി പ്രതിഭാപാട്ടീല്‍ സമ്മാനിച്ചു.

ഡോ.റാണി ബാങ്( മഹാരാഷ്ട്ര), ഡോ. വിജയ ലക്ഷ്മി( ആന്ധ്രാ പ്രദേശ്) എന്നിവര്‍ ് സീനിയര്‍ വിഭാഗത്തില്‍  പുരസ്കാരത്തിന് അര്‍ഹരായി. ജൂനിയര്‍ വിഭാഗത്തില്‍ ഡോ. മിതലി മുഖര്‍ജി, ഡെ. സംഗീതാ മഖോപാധ്യ, ഡോ. സുജാതാ ശര്‍മ്മ എന്നിവര്‍ക്ക് പുരസ്കാരം ലഭിച്ചു.

3. ഉല്‍ക്ക പതിക്കുന്ന ദൃശ്യം പകര്‍ത്തിയെന്ന് ഗവേഷകര്‍
ന്യൂയോര്‍ക്ക്:   ഭൂമിയിലേയ്ക്ക് ഒരു ഉല്‍ക്ക പതിക്കുന്നതിന്റെ   ദൃശ്യം ക്യാമറയില്‍ പകര്‍ത്തിയെന്ന് വാന നിരീക്ഷകര്‍. കാനഡയിലെ വെസ്റ്റേണ്‍ ഒന്റാറിയോ സര്‍വകലാശാലയിലെ ഗവേഷക സംഘമാണ് പ്രത്യേക ക്യാമറയില്‍ ഈ ദൃശ്യം പകര്‍ത്തിയതായി അവകാശപ്പെട്ടത്. ഭൂമിയില്‍ നിന്ന്   24 കിലോമീറ്റര്‍ മാത്രം ഉയരത്തില്‍ വച്ചാണ് ദൃശ്യം ലഭിച്ചതെന്ന് ഗവേഷക സംഘത്തിലുണ്ടായിരുന്ന വെയ്ന്‍ എഡ്വേര്‍ഡ്  അറിയിച്ചു. സാധാരണ ഭൂമിയില്‍ നിന്ന് 60 മുതല്‍ എഴുപതു വരെ ഉയരത്തിലെത്തുമ്പോഴേയ്ക്ക് ഉല്‍ക്കകള്‍ കത്തിത്തീരുകയാണ് പതിവെന്നും   അദ്ദേഹം പറഞ്ഞു.


ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 08-03-08

ആണവകരാര്‍- പിന്തുണ പിന്‍വലിക്കും: പ്രധാനമന്ത്രിക്ക്‌ ബര്‍ദന്റെ കത്ത്‌

ഹവാലപണം ഉപയോഗിച്ച്‌ ഭൂമാഫിയ 1500 ഏക്കര്‍ വാങ്ങി: ഇന്റലിജന്‍സ്‌

വെള്ളാപ്പള്ളി- മുരളീധരന്‍ കൂടിക്കാഴ്‌ച: ലക്ഷ്യം എന്‍.സി.പിയുടെ എല്‍.ഡി.എഫ്‌. പ്രവേശനം

സര്‍ക്കാരിനെ എച്ച്‌.എം.ടി. വഞ്ചിച്ചു; ഭൂവില്‍പന നിയമവിരുദ്ധം

കണ്ണൂരില്‍ സമാധാനം വേണമെങ്കില്‍ രാഷ്‌ട്രീയ നേതൃത്വം വിചാരിക്കണം

വൈദ്യുതി മുടങ്ങി: ഡല്‍ഹിയില്‍ ട്രെയിന്‍ ഗതാഗതം താറുമാറായി

പെണ്ണാണിവള്‍ മിടുമിടുക്കി; മനക്കരുത്തിലും തൊഴിലിലും

സമുദ്ര ജീവികളില്‍ നിന്ന്‌ ജൈവ സംയുക്‌തങ്ങള്‍; സെമിനാര്‍ 14 -ന്‌

കേന്ദ്രജീവനക്കാര്‍ക്കും പെന്‍ഷന്‍കാര്‍ക്കും 6 % ഡി.എ. വര്‍ധന

കര്‍ഷകതൊഴിലാളി പെന്‍ഷന്‍ വിതരണത്തിന്‌ 7.07 കോടി രൂപ അനുവദിച്ചു

ആയുര്‍വേദ മരുന്നുകള്‍ക്ക്‌ വില കൂടും

കലാകൗമുദിയില്‍ ബ്ലോഗുകളെ അപകീര്‍ത്തിപ്പെടുത്തി എം.കെ.ഹരികുമാറിന്റെ പ്രസിദ്ധീകരിച്ച ലേഖനത്തിന് പറ്റിയ തെറ്റ് തിരുത്തുന്നതുവരെ കേരളകൗമുദി വാര്‍ത്തകള്‍ യൂണികോഡിലാക്കി പ്രസിദ്ധീകരിക്കുന്നതല്ല.

1. ആചാരങ്ങളെ വില്‍പ്പനച്ചരക്കാക്കിയുള്ള ചൂഷണം ചെറുക്കണം: വൈക്കം വിശ്വന്‍
കൊച്ചി: വിശ്വാസത്തിന്റെ മറവില്‍ കൃത്രിമ പ്രചാരണം നടത്തി ആചാരങ്ങളെ വില്‍പ്പനച്ചരക്കാക്കി മാറ്റുകയാണെന്ന് എല്‍ഡിഎഫ് കണ്‍വീനര്‍ വൈക്കം വിശ്വന്‍ പറഞ്ഞു. ഇവരുടെ ചൂഷണത്തിന് ഏറെയും ഇരയാവുന്നത് സ്ത്രീകളാണ്. ഇതിനെ ചെറുക്കാനും പുതിയ മാറ്റങ്ങളുണ്ടാക്കിയെടുക്കാനും സ്ത്രീകള്‍ക്കു കഴിയണമെന്നും അദ്ദേഹം പറഞ്ഞു. കേരള ഗസറ്റഡ് ഓഫീസേഴ്സ് അസോസിയേഷന്റെ സംസ്ഥാനതല വനിതാ നേതൃത്വക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.

വിവരസാങ്കേതികരംഗത്തും ഔട്ട്സോഴ്സിങ്രംഗത്തും ഉള്‍പ്പെടെ എല്ലാ രംഗത്തും സ്ത്രീകള്‍ ചൂഷണത്തിനിരയാവുകയാണ്. നേരത്തെ കേരളീയ സമൂഹത്തില്‍ അടിച്ചമര്‍ത്തപ്പെട്ട പലതും ഉയര്‍ത്തിക്കൊണ്ടുവരാനാണ് ജാതിസംഘടനകളും മറ്റും ശ്രമിക്കുന്നത്. ആള്‍ദൈവങ്ങള്‍ വര്‍ധിക്കുന്നതും സൂര്യനെ നോക്കി കണ്ണുപോയിട്ടും ഇടയലേഖനം എഴുതി രക്ഷപ്പെടുന്നതും ഇതിന്റെ ഭാഗമായാണ് .മുതലാളിത്തപൂര്‍വ സമൂഹത്തിന്റെ സാംസ്കാരിക ഉള്ളടക്കം ഇന്നും നമ്മളില്‍ ശക്തമായ സ്വാധീനം ചെലുത്തുകയാണ്. ഇതിനെതിരെ നവോത്ഥാന കാലഘട്ടത്തിന്റെ ചുമതല നിര്‍വഹിക്കാനും, സാമൂഹികരംഗത്തെ വളര്‍ച്ചയ്ക്കുതകുന്ന രീതിയില്‍ പ്രവര്‍ത്തിക്കാനും കഴിയണം- അദ്ദേഹം പറഞ്ഞു. അസോസിയേഷന്‍ പ്രസിഡന്റ് കെ കൃഷ്ണ പണിക്കര്‍ അധ്യക്ഷനായിരുന്നു. ഡോ. ടി കെ ആനന്ദി മുഖ്യപ്രഭാഷണം നടത്തി. കെ പി മേരി, കെ കെ ശ്യാമള എന്നിവര്‍ സംസാരിച്ചു. കെ വി രമ അവകാശപ്രഖ്യാപന രേഖ അവതരിപ്പിച്ചു. ജനറല്‍ സെക്രട്ടറി കെ ശിവകുമാര്‍ സ്വാഗതവും ജില്ലാ സെക്രട്ടറി വി എം സുനില്‍ നന്ദിയും പറഞ്ഞു.

2. ആത്മഹത്യചെയ്താല്‍ കുടുംബത്തിന് രണ്ടുലക്ഷം വാഗ്ദാനംചെയ്തെന്ന് മുന്‍ ജനറല്‍ സെക്രട്ടറി
പത്തനംതിട്ട: ചെങ്ങറ എസ്റേറ്റ് കൈയേറി നടത്തുന്ന സമരത്തില്‍ ആത്മഹത്യചെയ്താല്‍ കുടുംബത്തിന് രണ്ടുലക്ഷം രൂപ നല്‍കാമെന്ന് സാധുജന വിമോചന സംയുക്തവേദി പ്രസിഡന്റ് ളാഹ ഗോപാലന്‍ വാഗ്ദാനംചെയ്തതായി വേദി ജനറല്‍ സെക്രട്ടറി സ്ഥാനത്തുനിന്ന് കഴിഞ്ഞദിവസം രാജിവച്ച സരസ്വതി ആരോപിച്ചു. ഇതിനുപുറമെ സര്‍ക്കാരില്‍നിന്ന് മറ്റൊരു രണ്ടുലക്ഷം രൂപയും കുടുംബത്തിന് ലഭ്യമാക്കാമെന്നും പറഞ്ഞതായി പന്തളം തെക്കേക്കര പഞ്ചായത്തില്‍ താമസിക്കുന്ന തട്ട-പാറക്കര ശ്രീനിലയത്തില്‍ സരസ്വതി ദേശാഭിമാനിയോടു പറഞ്ഞു.

പണത്തിനും പ്രശസ്തിക്കുംവേണ്ടി എന്ത് പ്രവൃത്തിചെയ്യാനും മടിക്കാത്ത വ്യക്തിയാണ് ഗോപാലനെന്നും സരസ്വതി പറഞ്ഞു. താന്‍ പറയുന്നത് അനുസരിക്കാത്തവരെ സംഘടനയില്‍നിന്ന് പുറത്താക്കുകയെന്നതാണ് ഇയാളുടെ ശൈലി. സംഘടനയിലെ അംഗങ്ങളെ ഇയാള്‍ എല്ലാവിധത്തിലും ചൂഷണം ചെയ്യുന്നുണ്ട്. ഇത്തരം കാര്യങ്ങള്‍ തനിക്ക് അറിയാവുന്നതുകൊണ്ട് സംഘടനയില്‍നിന്ന് എങ്ങനെയും പുറത്താക്കാന്‍ ഗോപാലന്‍ പദ്ധതിയിട്ടിരുന്നു.

ഇപ്പോള്‍ എനിക്കെതിരെ സാമ്പത്തിക ആരോപണവും ഉന്നയിക്കുന്നു. ഹാരിസണ്‍ പ്ളാന്റേഷന്‍കാരില്‍നിന്ന് ഒന്നരക്കോടിയോളം രൂപ വാങ്ങിയെന്നാണ് ആരോപണം. ആരില്‍നിന്നും പണം സ്വീകരിച്ചിട്ടില്ല.

2006 സെപ്തംബര്‍ എട്ടിനാണ് സംഘടനയില്‍ ചേര്‍ന്നത്. പട്ടികജാതിക്കാര്‍ക്ക് ഭൂമി നല്‍കുന്നതിനുവേണ്ടി പ്രവര്‍ത്തിക്കുന്ന ഒരുസംഘടനയുണ്ടെന്ന് ഭര്‍ത്താവ് പറഞ്ഞതനുസരിച്ചാണ് ഗോപാലനെ കാണാന്‍ ആദ്യം ഞാനും ഭര്‍ത്താവും പോയത്. ഓരോ അംഗത്തില്‍നിന്നും 1600 രൂപവീതമാണ് അന്ന് ഗോപാലന്‍ വാങ്ങിയിരുന്നത്. സംഘടനയില്‍ അംഗത്വമെടുത്ത ഞങ്ങളെ ആദ്യം ‘അണ്‍ എംപ്ളോയീസ്’ എന്ന വിഭാഗത്തിലാണ് പെടുത്തിയത്. സംഘടനയില്‍ ചേരുന്നതിനുമുമ്പ് പൊതുപ്രവര്‍ത്തനരംഗത്ത് പ്രവര്‍ത്തിച്ച ഒരു പരിചയവുമില്ല.

സംഘടനയില്‍ ചേര്‍ന്ന് കുറച്ചുദിവസത്തിനകംതന്നെ സംഘടനയുടെ വനിതാ വിഭാഗത്തിന്റെ സെക്രട്ടറിയാക്കി. കഴിഞ്ഞ ഏപ്രില്‍ 14നാണ് സംഘടനയുടെ ജനറല്‍ സെക്രട്ടറിയാക്കിയത്. സംഘടനയുടെ യോഗത്തില്‍ ഒരു പാനല്‍ അവതരിപ്പിക്കുമെന്നാണു പറഞ്ഞത്. എന്നാല്‍, അത് ചെയ്യാതെതന്നെ പേര് പ്രഖ്യാപിക്കുകയായിരുന്നു.

സംഘടനയുടെ പ്രസിദ്ധീകരണം ഇറക്കുന്നതിന് കൈയിലുണ്ടായിരുന്ന സ്വര്‍ണവും മറ്റും വിറ്റിരുന്നു. എന്നാല്‍, പ്രസിദ്ധീകരണം ചെലവാകാതെ നഷ്ടത്തിലായതിനെത്തുടര്‍ന്ന് അത്് നിര്‍ത്തി.

കേരള കൌണ്‍സില്‍ ഓഫ് ചര്‍ച്ചസ്, ഡൈനാമിക് ആക്ഷന്‍, നാഷണല്‍ കൌണ്‍സില്‍ ഓഫ് ചര്‍ച്ചസ് എന്നീ സംഘടനയുടെ ആളുകള്‍ സമരകേന്ദ്രത്തില്‍ നിരന്തരം വരുമായിരുന്നു. ഡൈനാമിക് ആക്ഷന്റെ നേതൃത്വത്തിലാണ് ആദ്യം സമരത്തിന് ഐക്യദാര്‍ഢ്യം പ്രകടിപ്പിക്കാന്‍ യോഗം ചേര്‍ന്നത്. ജാര്‍ഖണ്ഡ്, ബംഗാള്‍ തുടങ്ങിയ ഇടങ്ങളില്‍നിന്ന് മാവോയിസ്റ് ബന്ധമുണ്ടെന്നു സംശയമുള്ളവര്‍ പങ്കെടുത്തത് ഈ യോഗങ്ങളിലാണെന്നും സരസ്വതി പറഞ്ഞു.

3. ഭരണസംവിധാനം കാര്യക്ഷമമാക്കാന്‍ ഉദ്യോഗസ്ഥ പുനര്‍വിന്യാസം: ഐസക്
തിരു: സംസ്ഥാനത്തെ ഭരണസംവിധാനം കാര്യക്ഷമമാക്കുന്നതിന്റെ ഭാഗമായി ഉദ്യോഗസ്ഥപുനര്‍വിന്യാസം ഉള്‍പ്പെടെ വിവിധ നടപടികളുണ്ടാകുമെന്ന് ധനമന്ത്രി ടി എം തോമസ് ഐസക് പറഞ്ഞു. ഫയലുകള്‍ അനാവശ്യമായി വകുപ്പുകളില്‍ ചുറ്റിക്കറങ്ങുന്ന അവസ്ഥ ഇല്ലാതാകണം. മൂലധനച്ചെലവ് ഗണ്യമായി ഉയര്‍ത്താനാണ് എല്‍ഡിഎഫ് ലക്ഷ്യമിടുന്നത്. ഭരണസംവിധാനത്തിന്റെ കാര്യക്ഷമതയില്ലായ്മയാണ് പ്രധാന തടസ്സം. പദ്ധതികള്‍ അനിശ്ചിതമായി നീളുന്നു. വകുപ്പുകളില്‍ത്തന്നെ ഭരണപരമായ തീരുമാനം കൈക്കൊള്ളാനുതകുംവിധം ധനപരിധി വര്‍ധിപ്പിക്കും. വിവിധ വകുപ്പുകളുടെ ഫയലുകള്‍ പരിശോധിച്ച് തീര്‍പ്പുകല്‍പ്പിക്കാന്‍ സാമ്പത്തിക ഉപദേഷ്ടാവിനെ നിയമിക്കുമെന്നും മന്ത്രി പറഞ്ഞു. തിരുവനന്തപുരം പ്രസ് ക്ളബിന്റെ മീറ്റ് ദ പ്രസില്‍ സംസാരിക്കുകയായിരുന്നു അദ്ദേഹം.

എല്ലാ ഫയലും സെക്രട്ടറിയറ്റില്‍ എത്തണമെന്ന നിലയാണ് ഇപ്പോള്‍. ആവശ്യമില്ലാത്ത ഒരു ഫയലും ധനവകുപ്പിലേക്ക് അയക്കേണ്ട. വകുപ്പുകളില്‍ത്തന്നെ തീരുമാനമെടുക്കാനുതകുന്ന സംവിധാനം വേണം. ഭരണപരിഷ്കാരനടപടികളുടെ ഭാഗമായി സൂപ്രധാനമായ തീരുമാനങ്ങളുണ്ടാകും. അവ പിന്നീട് പ്രഖ്യാപിക്കും. ജീവനക്കാരും മറ്റുമായി ഇതേക്കുറിച്ച് വിശദമായ ചര്‍ച്ചനടത്തും. വാളയാര്‍ മാതൃകയില്‍ അഴിമതി തടയാനും മെച്ചപ്പെട്ട സേവനം ഉറപ്പുനല്‍കാനുമുള്ള നടപടികള്‍ ഇതര മേഖലകളിലേക്കും വ്യാപിപ്പിക്കും. ട്രഷറികളില്‍ നടപ്പാക്കിയ പൌരാവകാശരേഖയുടെ അടിസ്ഥാനത്തില്‍ സാമൂഹ്യഓഡിറ്റ് നടത്തും.

വില്‍പ്പനനികതിക്കും മൂല്യവര്‍ധിതനികുതിക്കും ഒരു ശതമാനം സര്‍ച്ചാര്‍ജ് ഏര്‍പ്പെടുത്താനുള്ള നിര്‍ദേശം പിന്‍വലിക്കില്ലെന്ന് മന്ത്രി ചോദ്യത്തിനു മറുപടി പറഞ്ഞു. സര്‍ച്ചാര്‍ജ് ചുമത്തുമ്പോള്‍ ഭാരം കൂടും. എന്നാല്‍, അതുവഴി കിട്ടുന്ന പണം 40 ശതമാനം വരുന്ന ജനവിഭാഗത്തിന്റെ സാമൂഹ്യക്ഷേമപദ്ധതികള്‍ക്കാണ് വിനിയോഗിക്കുന്നതെന്ന് ചൂണ്ടിക്കാട്ടി. വ്യത്യസ്തമായ ആരോഗ്യഇന്‍ഷുറന്‍സ് പദ്ധതിയാണ് എല്‍ഡിഎഫ് ആവിഷ്കരിച്ചിരിക്കുന്നത്. അത് കേന്ദ്രത്തിന്റെ വിലപേശലിനും ഇടപെടലിനും വിടില്ല.

സച്ചാര്‍ കമീഷന്‍ നിര്‍ദേശങ്ങള്‍ നടപ്പാക്കാന്‍ പത്തു കോടി രൂപ നീക്കിവച്ചത് അംഗീകരിച്ചുവേണം വിമര്‍ശനം നടത്താനെന്ന് മുസ്ളിംലീഗ് നേതൃത്വത്തെ മന്ത്രി ഓര്‍മിപ്പിച്ചു. ബംഗാളും കേരളവുമല്ലാതെ ഒരു സംസ്ഥാനവും റിപ്പോര്‍ട്ടിലെ നിര്‍ദേശങ്ങള്‍ നടപ്പാക്കാന്‍ നടപടിയെടുത്തില്ലെന്ന് മന്ത്രി ചൂണ്ടിക്കാട്ടി. വിലക്കയറ്റം തടയാന്‍ സംസ്ഥാനസര്‍ക്കാര്‍ സാധ്യമായതെല്ലാം ചെയ്യും. പരിധിയില്ലാതെ സപ്ളൈകോക്കും കണ്‍സ്യൂമര്‍ ഫെഡിനും ധനസഹായം അനുവദിക്കും. വിപണിയില്‍ വിലവര്‍ധിച്ചിട്ടും 2006നു ശേഷം സപ്ളൈകോ സാധനവില വര്‍ധിപ്പിച്ചിട്ടില്ല. റെക്കോഡ് നെല്ലുല്‍പ്പാദനം ഉണ്ടായെന്നു പറഞ്ഞ കേന്ദ്രധനമന്ത്രി ചിദംബരം നെല്ല് സംഭരിക്കാതെ വന്‍കിട കുത്തകകള്‍ക്ക് വാങ്ങിക്കൂട്ടാന്‍ സൌകര്യമൊരുക്കി. കേരളത്തിന്റെ റേഷന്‍ വിഹിതം വെട്ടിക്കുറച്ചു.

റെവന്യൂച്ചെലവ് കര്‍ശനമായി നിയന്ത്രിക്കും. എന്നാല്‍, മൂലധനച്ചെലവില്‍ ഒരു നിയന്ത്രണവും വരുത്തില്ല. എത്രവേണമെങ്കിലും വര്‍ധിപ്പിക്കും. ജനങ്ങളുടെമേല്‍ ഭാരം കയറ്റിവയ്ക്കാനും സാമൂഹ്യക്ഷേമപദ്ധതികള്‍ വെട്ടിക്കുറയ്ക്കാനും ഒരുക്കമല്ല. പാവപ്പെട്ടവര്‍ക്ക് കൊടുക്കാനുള്ളത് കൊടുക്കും. അതില്‍ ഒട്ടും പിശുക്ക് കാണിക്കില്ല. സാമ്പത്തികസ്ഥിതി മെച്ചപ്പെടുകയാണ്. ട്രഷറിമിച്ചം നല്ല ധനമാനേജ്മെന്റിന്റെ ലക്ഷണമല്ല. അറുപതിനായിരം കോടി രൂപയാണ് വിവിധ സംസ്ഥാനങ്ങളിലെ ട്രഷറിമിച്ചം. ഈ പണമത്രയും കേന്ദ്ര ഗവണ്‍മെന്റ് കടപ്പത്രമാക്കി മാറ്റിയിരിക്കുകയാണ്. ഇതില്‍ പങ്കുചേരാന്‍ കേരളത്തെ കിട്ടില്ലെന്ന് മന്ത്രി വ്യക്തമാക്കി.

4.     ത്രിപുര വീണ്ടും ചുവന്നു
അഗര്‍ത്തല: ത്രിപുരയില്‍ തകര്‍പ്പന്‍ ഭൂരിപക്ഷത്തോടെ സിപിഐ എം നേതൃത്വത്തിലുള്ള ഇടതുമുന്നണിക്ക് ആറാം വിജയം. ആകെയുള്ള 60 സീറ്റില്‍ 49ഉം നേടിയാണ് നാലില്‍മൂന്ന് ഭൂരിപക്ഷത്തോടെ ഇടതുമുന്നണി തുടര്‍ച്ചയായ നാലാം വിജയം കൊയ്തത്. ഭീകരവാദികളുമായി കൂട്ടുകൂടി അധികാരം നേടാന്‍ ശ്രമിച്ച കോണ്‍ഗ്രസ് ദയനീയമായി പരാജയപ്പെട്ടു. പത്തു സീറ്റുമാത്രമാണ് കോണ്‍ഗ്രസിന് ലഭിച്ചത്.

കോണ്‍ഗ്രസുമായി സഖ്യത്തില്‍ മത്സരിച്ച ഭീകരവാദ പ്രസ്ഥാനമായ ഇന്‍ഡിജിനസ് നാഷണല്‍ പാര്‍ടി ഓഫ് ത്രിപുര (ഐഎന്‍പിടി) ജനങ്ങളില്‍നിന്ന് തീര്‍ത്തും ഒറ്റപ്പെട്ടു. പാര്‍ടി തലവന്‍ ബിജോയ്കുമാര്‍ റംഗാള്‍ 115 വോട്ടിന് കുലായ് മണ്ഡലത്തില്‍നിന്ന് രക്ഷപ്പെട്ടതൊഴിച്ചാല്‍ അവരുടെ പട്ടിക ശൂന്യം. കഴിഞ്ഞ തെരഞ്ഞെടുപ്പില്‍ ഐഎന്‍പിടിക്ക് ആറു സീറ്റ് ലഭിച്ചിരുന്നു. സീറ്റുതര്‍ക്കത്തില്‍ ഇടതുമുന്നണിയുമായി ബന്ധംവിടര്‍ത്തി നക്സലൈറ്റുകളുമായി ചേര്‍ന്ന് മത്സരിച്ച ഫോര്‍വേഡ് ബ്ളോക്കിന് സീറ്റൊന്നും ലഭിച്ചില്ല.

കഴിഞ്ഞ തെരഞ്ഞെടുപ്പില്‍ 41 സീറ്റാണ് ഇടതുമുന്നണിക്കുണ്ടായിരുന്നത്. ഇത്തവണ എട്ടു സീറ്റ് വര്‍ധിച്ചു. 1978ല്‍ ലഭിച്ച 56 സീറ്റിനുശേഷം ലഭിച്ച ഏറ്റവും വലിയ വിജയമാണ് ഇത്. മുന്‍ തെരഞ്ഞെടുപ്പിലേതുപോലെ ആര്‍എസ്പിക്ക് രണ്ടും സിപിഐക്ക് ഒരു സീറ്റും ലഭിച്ചു. 38 സീറ്റുണ്ടായിരുന്ന സിപിഐ എം അത് 46 ആയി ഉയര്‍ത്തി.

ഇടതുമുന്നണിയുടെ പ്രമുഖ നേതാക്കളൊക്കെ വിജയിച്ചു. മുഖ്യമന്ത്രി മണിക് സര്‍ക്കാര്‍ ധന്‍പുര്‍ മണ്ഡലത്തില്‍നിന്ന് തുടര്‍ച്ചയായ മൂന്നാം വിജയം നേടി. ധനമന്ത്രി ബാദല്‍ ചൌധരി ഋഷ്യമുഖിലും സാംസ്കാരികമന്ത്രി അനില്‍ സര്‍ക്കാര്‍ പ്രതാപ്ഗഡിലും ആദിവാസിക്ഷേമമന്ത്രി ജിതേന്ദ്ര ചൌധരി മനുവിലും ഗതാഗതമന്ത്രി മണിക്ഡേ മജ്ലിസ്പുരിലും വിജയം ആവര്‍ത്തിച്ചു. പ്രതിപക്ഷനേതാവ് രത്തന്‍ലാല്‍ നാഥ് മോഹന്‍പുരില്‍ വിജയിച്ചത് മാത്രമാണ് കോണ്‍ഗ്രസിന് ആശ്വാസം. മുമ്പ് മുഖ്യമന്ത്രിയായിരുന്ന സമീര്‍ രഞ്ജന്‍ ബര്‍മന്‍ കോണ്‍ഗ്രസിന്റെ കോട്ടയെന്നറിയപ്പെടുന്ന ബിശാല്‍ഗഡില്‍ പരാജയപ്പെട്ടു. മുന്‍ എംപിയും രാജകുടുംബാംഗവുമായ ബിഗുകുമാരി ദേവി, ഐന്‍ടിയുസി സംസ്ഥാന പ്രസിഡന്റ് ദീപക് റോയി എന്നിവരും കോണ്‍ഗ്രസിന്റെ ഉറച്ച സീറ്റില്‍ തോറ്റു. ഡെപ്യൂട്ടി സ്പീക്കര്‍ സുബാല്‍ രുദ്ര സോണാമുരയില്‍ പരാജയപ്പെട്ടു.

സംസ്ഥാനത്തെ നാലു ജില്ലയിലും ഇടതുപക്ഷം ആധിപത്യം പുലര്‍ത്തി. പശ്ചിമ ത്രിപുര ജില്ലയിലെ 29ല്‍ 22 സീറ്റും സിപിഐ എം നേടി. ആറു സീറ്റ് വര്‍ധിപ്പിച്ചപ്പോള്‍ കോണ്‍ഗ്രസിന് നാലു സീറ്റും ഐഎന്‍പിടിക്ക് രണ്ടു സീറ്റും നഷ്ടമായി. അഗര്‍ത്തലയിലും സമീപത്തുമുള്ള സീറ്റുകളിലാണ് കോണ്‍ഗ്രസിന് വിജയിക്കാനായത്. 11 സീറ്റുള്ള ദക്ഷിണ ത്രിപുരയില്‍ കഴിഞ്ഞ തവണത്തെപ്പോലെ മുഴുവന്‍ സീറ്റും ഇടതുപക്ഷം നേടി. ആര്‍എസ്പിയും സിപിഐയും സീറ്റുകള്‍ നേടിയത് ഈ ജില്ലകളില്‍നിന്നാണ്. കഴിഞ്ഞ തെരഞ്ഞെടുപ്പില്‍ ഐഎന്‍പിടി നാലു സീറ്റ് നേടിയ ദലായ് ജില്ലയില്‍ ഇക്കുറി ഒന്നായി കുറഞ്ഞു. സിപിഐ എം ഏഴു സീറ്റുനേടിയപ്പോള്‍ കോണ്‍ഗ്രസിന് ഒരു സീറ്റ് ലഭിച്ചു. അസമിനോടു തൊട്ടുകിടക്കുന്ന വടക്കന്‍ ത്രിപുരയില്‍ ആകെയുള്ള പതിനൊന്നു സീറ്റിലും സിപിഐ എം വിജയിച്ചു.

സിപിഐ എം അഭിനന്ദിച്ചു
ന്യൂഡല്‍ഹി: നിയമസഭാ തെരഞ്ഞെടുപ്പില്‍ ചരിത്രം സൃഷ്ടിച്ച ത്രിപുര ജനതയെ സിപിഐ എം കേന്ദ്ര കമ്മിറ്റി പ്രസ്താവനയില്‍ അഭിവാദ്യംചെയ്തു.

തൊണ്ണൂറ്റിരണ്ട് ശതമാനം വോട്ട് രേഖപ്പെടുത്തി രാജ്യത്തിന്റെ തെരഞ്ഞെടുപ്പുചരിത്രത്തില്‍ റെക്കോഡ് സൃഷ്ടിച്ചതിനും സിപിഐ എമ്മിനും ഇടതുപക്ഷമുന്നണിക്കും 80 ശതമാനത്തിലധികം സീറ്റ് നല്‍കിയതിനുമാണ് കേന്ദ്രകമ്മിറ്റിയുടെ അഭിനന്ദനം.

അതുല്യവിജയം നേടിയതിന് സിപിഐ എം, ഇടതുമുന്നണി പ്രവര്‍ത്തകരെയും കേന്ദ്രകമ്മിറ്റി അഭിനന്ദിച്ചു. ഇടതുമുന്നണി സര്‍ക്കാരിന്റെ തിളങ്ങുന്ന ഭരണം ആദിവാസികളും മറ്റു ജനവിഭാഗങ്ങളുമടക്കം കോണ്‍ഗ്രസ് അനുഭാവികള്‍പോലും പാര്‍ടിക്ക് പിന്തുണ നല്‍കുന്നതിന് പ്രചോദനമായി. തീവ്രവാദിസംഘടനയായ ഐഎന്‍പിടിയുമായുള്ള കോണ്‍ഗ്രസിന്റെ അവസരവാദകൂട്ടുകെട്ടിനെ ജനങ്ങള്‍ തള്ളി.

പുതിയ ഇടത് ഗവണ്‍മെന്റും വികസനപ്രവര്‍ത്തനങ്ങള്‍ തുടരും. ജനങ്ങളുടെ ജീവിതനിലവാരം ഉയര്‍ത്തുന്നതിനായി സര്‍ക്കാര്‍ പ്രവര്‍ത്തിക്കുമെന്ന് കേന്ദ്രകമ്മിറ്റിക്ക് ഉത്തമവിശ്വാസമുണ്ടെന്നും പ്രസ്താവനയില്‍ പറഞ്ഞു.

5. മേഘാലയയില്‍ തൂക്കുസഭ
ന്യൂഡല്‍ഹി: മേഘാലയ നിയമസഭാ തെരഞ്ഞെടുപ്പില്‍ കോണ്‍ഗ്രസ് ഏറ്റവും വലിയ ഒറ്റക്കക്ഷിയായി. 60 അംഗ നിയമസഭയില്‍ തെരഞ്ഞെടുപ്പു നടന്ന 59 സീറ്റില്‍ 25 സീറ്റാണ് കോണ്‍ഗ്രസ് നേടിയത്. ഹില്‍ സ്റേറ്റ് പീപ്പിള്‍സ് ഡെമോക്രാറ്റിക് പാര്‍ടി (എച്ച്എസ്പിഡിപി), ഖുന്‍ ഹൈന്യൂട്രിപ്പ് നാഷണല്‍ എവേക്കനിങ് പാര്‍ടി (കെഎച്ച്എന്‍എഎം), സ്വതന്ത്രര്‍ എന്നിവരുടെ സഹായത്തോടെ ഭരണം നടത്തിയിരുന്ന കോണ്‍ഗ്രസിന് ഇനിയും ഇവരുടെ പിന്തുണ നേടിയാല്‍ സര്‍ക്കാര്‍ രൂപീകരിക്കാന്‍ കഴിയും.

മുന്‍ ലോക്സഭാ സ്പീക്കര്‍ പി എ സാംഗ്മയുടെ നേതൃത്വത്തില്‍ എന്‍സിപി 15 സീറ്റ് നേടി. യുണൈറ്റഡ് ഡെമോക്രാറ്റിക് പാര്‍ടി 11 സീറ്റും ബിജെപി ഒരു സീറ്റും നേടിയപ്പോള്‍ നാലു സ്വതന്ത്രരും വിജയിച്ചു. എച്ച്എസ്പിഡിപിക്ക് രണ്ടും കെഎച്ച്എന്‍എഎമ്മിന് ഒരു സീറ്റും കിട്ടി. കോണ്‍ഗ്രസ് ഒറ്റയ്ക്കാണ് ഇത്തവണ മത്സരിച്ചത്. കോണ്‍ഗ്രസ് സ്ഥാനാര്‍ഥി സെംഗറാന്‍ എം സാംഗ്മയുടെ മരണത്തെത്തുടര്‍ന്ന് ബാഗ്മറ മണ്ഡലത്തിലെ വോട്ടെടുപ്പ് മാറ്റിവച്ചിരുന്നു.

മുഖ്യമന്ത്രി ഡി ഡി ലപാങ് നോങ്പോ സീറ്റില്‍ വിജയിച്ചു. മുന്‍ മുഖ്യമന്ത്രിമാരായ പി എ സാംഗ്മ തുറസീറ്റിലും ഇ കെ മാവ്ലോങ് ഉംറോയ് സീറ്റിലും വിജയിച്ചു. മറ്റൊരു മുന്‍ മുഖ്യമന്ത്രിയായ എഫ് എ ഖോംഗ്ലം ഫ്ളോപ്പൌര്‍ മണ്ഡലത്തില്‍ തോറ്റു.

6. ഹെല്‍മെറ്റ്: കനഡയില്‍ സിഖുകാരന്റെ പരാതി തള്ളി
ടൊറോന്റോ: മോട്ടോര്‍ സൈക്കിള്‍ ഓടിക്കുമ്പോള്‍ ഹെല്‍മെറ്റ് നിര്‍ബന്ധമാക്കിയതിനെതിരെ കനഡയില്‍ സിഖുകാരന്‍ നല്‍കിയ അപേക്ഷ കോടതി തള്ളി. കാനഡയില്‍ കുടിയേറിയ ബല്‍ജിന്ദര്‍ ബാദ്ഷയാണ് പരാതി നല്‍കിയത്.

ഹെല്‍മെറ്റ് ധരിക്കുമ്പോള്‍ മതപരമായ തലപ്പാവ് വയ്ക്കാനാകുന്നില്ലെന്നായിരുന്നു പരാതി. ഇത് മതസ്വാതന്ത്യ്രത്തിന് എതിരാണെന്നും ചൂണ്ടിക്കാട്ടി. എന്നാല്‍, ഹെല്‍മെറ്റ് നിര്‍ബന്ധമാക്കല്‍ മതസ്വാതന്ത്യ്രത്തിന് എതിരാണെന്ന് അംഗീകരിച്ച കോടതി സുരക്ഷയ്ക്ക് ഇതാവശ്യമാണെന്നു പറഞ്ഞാണ് പരാതി തള്ളിയത്. വിധിക്കെതിരെ അപ്പീല്‍ നല്‍കുമെന്ന് ബല്‍ജിന്ദറിന്റെ അഭിഭാഷകന്‍ മെല്‍വിന്‍ സോക്കോള്‍സ്കി പറഞ്ഞു.്.

1. കുരുമുളകു കൃഷിക്ക് അനുവദിച്ച 30 കോടി സംസ്ഥാനം ചെലവഴിച്ചില്ല: മന്ത്രി ജയ്റാം രമേശ്
തിരുവനന്തപുരം:കുരുമുളകിന്റെ ആവര്‍ത്തന കൃഷിക്കായി കേന്ദ്രസര്‍ക്കാര്‍ സംസ്ഥാനത്തിന് അനുവദിച്ച 30 കോടി രൂപ സര്‍ക്കാര്‍ എന്തു ചെയ്തെന്നറിയില്ലെന്ന് കേന്ദ്ര വാണിജ്യമന്ത്രി ജയ്റാം രമേശ്.സി.ഡി.എസില്‍ നടത്തിയ പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം.

ഇടുക്കി, വയനാട് ജില്ലകളിലെ 20,000 ഹെക്ടറില്‍ കുരുമുളക് ആവര്‍ത്തനകൃഷിക്കായാണ് കേന്ദ്ര സര്‍ക്കാര്‍ പണം അനുവദിച്ചത്. ഇതുസംബന്ധിച്ച് കൃഷിമന്ത്രിയുമായി സംസാരിച്ചിട്ടുണ്ട്.

കുരുമുളക് കൃഷിക്കുള്ള ഫണ്ട് കേന്ദ്രവും സംസ്ഥാനവും തുല്യമായാണ് നല്‍കുന്നത്.

തോട്ടവിളകളുടെ സാമ്പത്തിക ഗവേഷണ കേന്ദ്രമായി സി.ഡി.എസിനെ മാറ്റും. നിലവില്‍ ദേശീയ തലത്തിലെ മൂന്നാം സ്ഥാനത്തു നില്‍ക്കുന്ന ഗവേഷണ സ്ഥാപനമാണിത്.

സി.ഡി.എസിന് അഞ്ചുകോടി രൂപ കേന്ദ്രം ബജറ്റില്‍ വക കൊള്ളിച്ചിട്ടുണ്ട്. തേയില, കാപ്പി, റബര്‍, സുഗന്ധവിളകള്‍, കശുവണ്ടി, നാളീകേരം തുടങ്ങിയ വിളകളുടെ സാമ്പത്തിക ഗവേഷണം ഇവിടെ നടക്കും. സി.ഡി.എസ് ദേശീയ ഗവേഷണകേന്ദ്രമാണ്. അതിനാല്‍ ദേശീയ തലത്തിലുള്ള വിഷയങ്ങളായിരിക്കും കൈകാര്യം ചെയ്യുക. ദേശീയ നയരൂപീകരണ കേന്ദ്രമായി ഇവിടം മാറും. തോട്ടവിളകളുടെ ആവര്‍ത്തകൃഷിയെപ്പറ്റി പദ്ധതികള്‍ തയാറാക്കും. തോട്ടവിള മേഖലയിലെ എല്ലാ ഗവേഷണവും ഇവിടെ നടക്കും.

ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പ്ളാന്റേഷന്‍ മാനേജ്മെന്റ് പ്രതിവര്‍ഷം 60 ബിരുദാനന്തര ബിരുദക്കാരെയാണ് പുറത്തിറക്കുന്നത്. സയന്റിഫിക് പ്രഫഷണല്‍ മാനേ ജ്മെന്റ് ശക്തമാക്കും. ഇന്ത്യയിലെ ഏറ്റവും മികച്ച റബര്‍ ഗവേഷണ കേന്ദ്രമാണ് കോട്ടയത്തേതെന്നും അദ്ദേഹം പറഞ്ഞു.ധനമന്ത്രി ഡോ.തോമസ് ഐസക്, സി.ഡി.എസ് ഡയറക്ടര്‍ കെ.ഐ നാരായണന്‍നായര്‍ എന്നിവരും പത്രസമ്മേളനത്തില്‍ പങ്കെടുത്തു.

2. അവര്‍ ഹൃദയം കീറിമുറിച്ചു; ഇവര്‍ ഹൃദയം തുന്നിച്ചേര്‍ത്തു
പരിയാരം: കണ്ണൂരിലെ തലശേരിയിലും പരിസരങ്ങളിലും മനുഷ്യര്‍ പരസ്പരം ഹൃദയം വെട്ടിപ്പിളര്‍ക്കുമ്പോള്‍ ഏറെ അകലെയല്ലാതെ, പരിയാരം സഹകരണ ഹൃദയാലയയില്‍ ഒരു സംഘം ഡോക്ടര്‍മാര്‍ പൊട്ടിപ്പിളര്‍ന്ന ഒരു ഹൃദയം തുന്നിച്ചേര്‍ക്കുന്ന തിരക്കിലായിരുന്നു.

കണ്ണൂരില്‍ രാഷ്ട്രീയ പകപോക്കല്‍ രൂക്ഷമായതിനിടയില്‍ ജില്ലയിലെ തന്നെ ആശുപത്രിയില്‍ നടന്ന അപൂര്‍വ ശസ്ത്രക്രിയ ശ്രദ്ധനേടി. ഹൃദയാഘാതത്തെ തുടര്‍ന്ന് പ്രവേശിപ്പിക്കപ്പെട്ട രോഗിയുടെ പൊട്ടിയ ഹൃദയമാണ് താക്കോല്‍ ദ്വാര ശസ ്ത്രക്രിയയിലൂടെ ഡോക്ടര്‍മാര്‍ കൂട്ടിച്ചേര്‍ത്തത്.

ഹൃദയാലയയിലെ ഹൃദ്രോ ഗ വിദഗ്ധന്‍ ഡോ. എസ്.എം. അഷറഫിന്റെ നേതൃത്വത്തിലാണ് ശസ്ത്രക്രിയ നടത്തിയത്.

ഹൃദയാഘാതത്തെ തുടര്‍ന്ന് ഹൃദയ ഭിത്തിയിലുണ്ടായ ഒന്നര സെന്റിമീറ്ററോളം വരുന്ന വിടവാണ് കൂട്ടിച്ചേര്‍ത്തത്.

സാധാരണയായി ഹൃദയം പൊട്ടിപ്പോകുന്ന രോഗികള്‍ 24 മണിക്കൂറിനുള്ളില്‍ മരിക്കാറാണ് പതിവ്. രോഗിയുടെ വലതുകാലിലെ ധമനി വഴിയും കഴുത്തിലെ ജുഗുലാര്‍ സിര വഴിയും ഹൃദയത്തിന്റെ ഇടതും വലതും ഭാഗത്തേക്ക് കത്തീറ്റര്‍ കടത്തിയും അന്നനാളത്തില്‍ എക്കോകാര്‍ഡിയോ ഗ്രാം ചെയ്തുമാണ് ഈ സങ്കീര്‍ണമായ ശസ്ത്രക്രിയ നടത്തിയത്.

പോസ്റ്റ് എം.ഐ.വി.എസ്.ആര്‍ ഡിവൈസ് ക്ളോഷര്‍ എന്നറിയപ്പെടുന്ന ഈ ശസ്ത്രക്രിയ ഇന്ത്യയില്‍ തന്നെ അപൂര്‍വമാണെന്നു പറയുന്നു.ഹൃദയത്തിലെ മാംസപേശികളില്‍ നാശം സംഭവിക്കുന്നതാണ് ഹൃദയത്തിന് പൊട്ടലുണ്ടാകാന്‍ കാരണം. ഇത്തരത്തില്‍ ഒരു ശതമാനം ഹൃദയാഘാത രോഗികളില്‍ ഹൃദയം പൊട്ടാറുണ്ട്. ഡോ. എസ്.എം. അഷ്റഫ്, ഡോ. ജോണ്‍ എഫ് ജോണ്‍, കാര്‍ഡിയാക് അനസ്തറ്റിസ്റ്റ് ഡോ. ഷിബു കള്ളിവളപ്പില്‍ എന്നിവരുടെ നേതൃത്വത്തിലാണ് ശസ്ത്രക്രിയ നടത്തിയത്.

3. കള്ള് പാര്‍ലറുകള്‍ക്കുള്ള തീരുമാനം പിന്‍വലിക്കണം: കെ.സി.ബി.സി മദ്യവിരുദ്ധ സമിതി
കൊച്ചി: ആധുനിക സൌകര്യങ്ങളോടെ ടൂറിസ്റ്റ് കേന്ദ്രങ്ങളില്‍ കള്ള് പാര്‍ലറുകള്‍ അനുവദിക്കാനുള്ള സര്‍ക്കാരിന്റെ പുതുക്കിയ അബ്കാരി നയം ജനദ്രോഹപരമാണെന്നും തീരുമാനം ഉടന്‍ പിന്‍വലിക്കണമെന്നും കെസിബിസ് മദ്യവിരുദ്ധ സമിതി.

സംസ്ഥാനത്തെ മുഴുവന്‍ പനയും തെങ്ങും ചെത്തിയാലും ഒരു മണിക്കൂര്‍ പോലും വില്‍ക്കുവാനുള്ള കള്ള് ലഭ്യമല്ലെന്നിരിക്കെ നിന്നു പോയ 1610 കള്ളുഷാപ്പ് പുനസ്ഥാപിച്ചതിനു പുറമേയാണ് സര്‍ക്കാരിന്റെ പുതിയ തീരുമാനം. ഇത് അബ്കാരി പ്രീണന നയമാണ്.

മുറുക്കാന്‍ കടകള്‍ തുടങ്ങുന്നതു പോലെ ആര്‍ക്കും ഷാപ്പുകള്‍ തുടങ്ങാം എന്ന അവസ്ഥായാണുണ്ടാക്കിയിരിക്കുന്നത്.

കള്ളുഷാപ്പുകള്‍ക്കു പകരം കള്ളഷാപ്പുകളാണ് കേരളത്തില്‍ പ്രവര്‍ത്തിക്കുന്നതെന്ന് കെസിബിസി മദ്യവിരുദ്ധ സമിതി സംസ്ഥാന സെക്രട്ടറിമാരായ ഫാ.പോള്‍ കാരാച്ചിറ, പ്രസാദ് കുരുവിള എന്നിവര്‍ ആരോപിച്ചു.

പ്രത്യക്ഷ സമര പരിപാടികളെ കുറിച്ച് ആലോചിക്കാന്‍ പത്തിനു വൈകുന്നേരം മൂന്നിന് കെസിബിസി മദ്യവിരുദ്ധ കമ്മീഷന്‍ ചെയര്‍മാന്‍ വിജയപുരം ബിഷപ് ഡോ.സെബാസ്റ്റ്യന്‍ തെക്കേ ത്തേ ച്ചേരിലിന്റെ അധ്യക്ഷതയില്‍ വിജയപുരം പാസ്റ്ററല്‍ സെന്ററില്‍ മദ്യവിരുദ്ധ സമിതി യോഗം ചേരും.

4. നെല്‍ക്കൃഷിയെ കേന്ദ്ര, സംസ്ഥാന ബജറ്റുകള്‍ അവഗണിച്ചു
ആലപ്പുഴ: കേന്ദ്ര- സംസ്ഥാന ബജറ്റുകളില്‍ കര്‍ഷകര്‍ക്കുവേണ്ടി ചില ആനുകൂല്യങ്ങള്‍ നല്‍കിയിട്ടുണ്െടങ്കിലും കുട്ടനാട് ഉള്‍പ്പെടെയുള്ള കേരളത്തിലെ നെല്‍ക്കൃഷിമേഖലയെ പൂര്‍ണമായും അവഗണിച്ചു.

കേന്ദ്രബജറ്റില്‍ കടം എഴുതിത്തുള്ളുന്നതിന് പ്രത്യേക പദ്ധതികള്‍ പ്രഖ്യാപിച്ചിട്ടുണ്െടങ്കിലും വായ്പ പലിശ കൃത്യമായി അടയ്ക്കുന്ന കര്‍ഷകര്‍ക്ക് ഇതിന്റെ ഫലം ലഭിക്കില്ല. കുടിശിക വരുത്തിയിട്ടുള്ള കര്‍ഷകര്‍ക്കാണ് കടാശ്വാസം ഏറെ ആശ്വാസം നല്‍കുന്നത്.

2007 മാര്‍ച്ച് 31 വരെയുള്ള കടങ്ങള്‍ എഴുതിത്തള്ളാനാണ് കേന്ദ്രബജറ്റില്‍ നിര്‍ദേശിച്ചിരിക്കുന്നത്. എന്നാല്‍ ഇതു ഡിസംബര്‍ 31 വരെയാക്കുകയാണെങ്കിലേ കുട്ടനാടന്‍ കര്‍ഷകര്‍ക്ക് പ്രയോജനമാകൂ. രണ്ടാംകൃഷിക്കുവേണ്ടി ഏപ്രിലിലും പുഞ്ചക്കൃഷിക്കുവേണ്ടി സെപ്റ്റംബറിലും എടുത്ത കടങ്ങള്‍ കടാശ്വാസത്തിന്റെ പരിധിയില്‍പ്പെടും എന്നതിനാലാണിത്. കടം എഴുതിത്തള്ളുന്നതൊഴിച്ചാല്‍ നെല്‍ക്കൃഷിയുടെ ഉന്നമനത്തിനായി ബജറ്റുകളില്‍ ഒരു നിര്‍ദേശവുമില്ല.

നെല്‍ക്കൃഷി രംഗത്തെ പ്രതിസന്ധി പരിഹരിക്കപ്പെടണമെങ്കില്‍ ഉത്പാദനം വര്‍ധിപ്പിക്കണം. കൃഷിച്ചെലവ് കുറയണം. വിത്തുമുതല്‍ വിപണി വരെ ഗവണ്‍മെന്റ് അടിസ്ഥാനസൌകര്യമൊരുക്കണം. ഇതൊന്നും ചെയ്യാതെ കടാശ്വാസം കൊണ്ടുമാത്രം കാര്‍ഷികരംഗം രക്ഷപ്പെടുകയില്ല. കഴിഞ്ഞവര്‍ഷം കൃഷിക്കായി സര്‍ക്കാര്‍ നല്‍കിയ വിത്ത് ഗുണമേന്മയില്ലാത്തതിനാല്‍ പകുതിയും കിളിര്‍ത്തില്ല.

കേരള ബജറ്റ് ക്ഷേമപ്രവര്‍ത്തനങ്ങളുടെ പുറംപൂച്ച് അണിഞ്ഞതാണെങ്കിലും കര്‍ഷകര്‍ക്ക് ആശ്വാസമാവില്ല. വിലസ്ഥിരതാനിധി, ക്ഷേമപദ്ധതി എന്നിവ എന്താണെന്നതിന് വ്യക്തമായ നിര്‍വചനം ബജറ്റില്‍ നല്‍കിയിട്ടില്ല. പാലക്കാട്, ആലപ്പുഴ, കോട്ടയം തുടങ്ങി കേരളത്തിലെ നെല്ലറകളില്‍ നിന്നും നെല്ലു സംഭരിക്കാന്‍ 48 കോടിയാണ് സംസ്ഥാനബജറ്റില്‍ നീക്കിവച്ചിരിക്കുന്നത്. എന്നാലിത് കുട്ടനാട്ടിലെ പകുതി നെല്ല് സംഭരിക്കുന്നതിനു പോലും തികയില്ല. 250 കോടിയെങ്കിലുമുണ്െടങ്കിലേ നെല്ലുസംഭരണം ഫലവത്താകു.

കഴിഞ്ഞവര്‍ഷം സര്‍ക്കാര്‍ നെല്ലുസംഭരിച്ച് മൂന്നുമാസം കഴിഞ്ഞിട്ടും കര്‍ഷകര്‍ക്ക് ഇതിന്റെ വില ലഭിച്ചില്ല. പ്രതിവര്‍ഷം 40000 ല്‍ അധികം ഏക്കര്‍ നിലത്താണ് കുട്ടനാട്ടില്‍ മടവീഴുന്നത്. കഴിഞ്ഞവര്‍ഷം നിലമൊരുക്കി വിതയ്ക്കാറായപ്പോഴാണ് മടവീഴ്ച വില്ലനായത്. ഇതുമൂലം ഒരു വര്‍ഷം കര്‍ഷകര്‍ പട്ടിണിയനുഭവിച്ചു.

കൃഷിക്കുവേണ്ടി അടിയന്തരഫണ്ടായി ഒരു കോടിയെങ്കിലും അനുവദിക്കുകയാണെങ്കില്‍ ഇങ്ങനെയുള്ള ദുരന്തങ്ങളെ തടയാനാകും. മടവീഴ്ചയുടെ ധനസഹായത്തിനുള്ള ഫയല്‍ തിരുവനന്തപുരത്തുപോയി മടങ്ങിവരാന്‍ നിലവില്‍ ഒരു വര്‍ഷമെടുക്കുന്നുണ്ട്. ഒരു മാസം കൊണ്െടങ്കിലും ഇതിന്റെ നഷ്ടപരിഹാരം അടിയന്തരഫണ്ടില്‍പ്പെടുത്തി കര്‍ഷകര്‍ക്കു നല്‍കിയാല്‍ കൃഷി മുടങ്ങാതിരിക്കും.

കുട്ടനാട്ടിലെ 12000 നും 15000 നും ഇടയ്ക്കു ഭൂമി പോളയും മറ്റുംകയറി കൃഷി ചെയ്യാതെ കിടക്കുകയാണ്. ഇവ പോള വാരിമാറ്റി ശുചീകരിക്കാനും ജലസേചനസൌകര്യമില്ലാത്ത പാടങ്ങളില്‍ ഇവ ഒരുക്കാനും സര്‍ക്കാര്‍ മുന്‍കൈയെടുത്താല്‍ ഈ പാടങ്ങളിലും നൂറുമേനി വിളയിക്കാനാകും. സ്വാമിനാഥന്‍ കമ്മീഷന്‍ ഫണ്ട് കര്‍ഷകമേഖലയ്ക്കു നല്‍കിയിട്ടുണ്െടങ്കിലും ഇതിന്റെ 25 ശതമാനം സംസ്ഥാനം കണ്െടത്തേണ്ടിയിരിക്കുന്നു. ഇതിനേക്കുറിച്ച് ബജറ്റില്‍ ഒരു പരാമര്‍ശവുമില്ല.

കുട്ടനാട്ടിലെ ഉള്‍നാടന്‍ മത്സ്യമേഖലയെക്കുറിച്ച് ബജറ്റുകള്‍ ഒന്നും പറയുന്നില്ല. ഒരു നെല്ലും ഒരു മീനും പദ്ധതി വ്യാപകമായ കുട്ടനാട്ടില്‍ ഇതിനുള്ള ധനസഹായങ്ങളും ബജറ്റില്‍ പരിഗണിക്കേണ്ടതുണ്ടായിരുന്നു. ചുരുക്കത്തില്‍ കേരളത്തിനു ഭക്ഷണം നല്‍കുന്ന നെല്ലറകളെ കേന്ദ്രവും സംസ്ഥാനവും പാടേ അവഗണിച്ചിരിക്കുകയാണ്.

5. മുല്ലപ്പെരിയാറില്‍ പുതിയ അണക്കെട്ടിനു സര്‍വേ തുടങ്ങി
കുമളി: മുല്ലപ്പെരിയാറില്‍ പുതിയ അണക്കെട്ടിനുള്ള സര്‍വേക്കു തുടക്കമിട്ടു കുമളിയിലെ ജലവിഭവ വകുപ്പിന്റെ ഓഫീസിന്റെ പ്രവര്‍ത്തനം വീണ്ടും തുടങ്ങി. പുതിയ അണക്കെട്ടിന്റെ പ്രോജക്ട് റിപ്പോര്‍ട്ട് തയാറാക്കുന്നതിന് തുടക്കമിട്ട ഇന്‍വെസ്റ്റിഗേഷന്‍ സബ് ഡിവിഷന്‍ ഓഫീസിന്റെ പ്രവര്‍ത്തനമാണ് ഏറെക്കാലത്തിനുശേഷം വീണ്ടും തുടങ്ങിയത്. 2007 നവംബര്‍ 19-ന് ഉദ്ഘാടനംചെയ്ത ഓഫീസിന്റെ പ്രവര്‍ത്തനം നിലച്ചിരി ക്കു കയായിരുന്നു.

അണക്കെട്ടിന്റെ താഴ്വാരത്ത് പത്തുകിലോമീറ്ററോളം ദൂരമാണ് സര്‍വേ ചെയ്യുന്നത്. മഴക്കാലത്തുണ്ടാകുന്ന വെള്ളപ്പൊക്കം തിട്ടപ്പെടുത്തുകയാണ് ലക്ഷ്യം.

1961-ലാണ് പെരിയാറ്റിലെ വെള്ളപ്പൊക്കം അവസാനമായി തിട്ടപ്പെടുത്തിയത്. അന്ന് അഞ്ച് മീറ്റര്‍ ഉയരത്തില്‍ വെള്ളം ഉയരുമെന്നാണ് തിട്ടപ്പെടുത്തിയിരുന്നത്. സമുദ്രനിരപ്പില്‍നിന്നും 801 മീറ്റര്‍ ഉയരം തിട്ടപ്പെടുത്തിയിരുന്നത് ഇപ്പോഴത്തെ സര്‍വേ പ്രകാരം അഞ്ച് മീറ്റര്‍ കൂടി ഉയര്‍ത്തി 806 മീറ്ററായി നിജപ്പെടുത്താനാണ് നീക്കം.

പുതിയ അണക്കെട്ടിന്റെ സ്പില്‍വേയുടെ രൂപകല്‍പന ഇപ്പോഴത്തെ റിവര്‍ സര്‍വേയുടെ അടിസ്ഥാനത്തിലാണ് നിശ്ചയിക്കുക.

പുതിയ അണക്കെട്ട് നിര്‍മിക്കുന്നതിനുള്ള സെന്‍ട്രല്‍ വാട്ടര്‍ കമ്മീഷന്റെ നിബന്ധനകളെ തുടര്‍ന്നാണ് റിവര്‍ സര്‍വേ. ജലവിഭവ വകുപ്പ് ചീഫ് എന്‍ജിനീയറുടെ നിര്‍ദേശപ്രകാരമാണ് ഇപ്പോഴത്തെ സര്‍വേയെന്ന് മേല്‍നോട്ടം വഹിക്കുന്ന അസിസ്റ്റന്റ് എന്‍ജിനീയര്‍ എ.എസ് ഡേവിഡ് പറഞ്ഞു.

6. ആറളം ഫാമില്‍ വന്‍ തീപിടുത്തം; നാനൂറ് ഏക്കര്‍ തോട്ടം കത്തി
ഇരിട്ടി: ആറളം ഫാമിലുണ്ടായ വന്‍ തീ പിടുത്തത്തില്‍ നാനൂറ് ഏക്കര്‍ കൃഷിത്തോട്ടം കത്തി നശിച്ചു. പ്രതിവര്‍ഷം അരക്കോടിയിലേറെ രൂപയുടെ വിളകള്‍ ലഭിക്കുന്ന തോട്ടങ്ങളാണ് പൂര്‍ണമായും കത്തി നശിച്ചത്. തീ ആളിക്കത്തിയതോടെ ഇരുപതു കിലോമീറ്ററോളം ചുറ്റളവില്‍ തീക്കാറ്റ് വീശിയടിച്ചു.

ആറളം ഫാമില്‍ ആദിവാസികള്‍ക്ക് വിതരണം ചെയ്യാന്‍ നീക്കിവച്ച ഏഴ്, പത്ത് ബ്ളോക്കുകളിലെ തോട്ടത്തിലാണ് തീപിടുത്തമുണ്ടായത്. ഏഴാം ബ്ളോക്കില്‍ നൂറേക്കര്‍ തെങ്ങിന്‍ തോട്ടവും പത്താം ബ്ളോക്കില്‍ മുന്നൂറ് ഏക്കര്‍ കശുമാവിന്‍ തോട്ടവും പൂര്‍ണമായി കത്തി നശിച്ചു. ആദിവാസികള്‍ താമസിക്കുന്ന ഭാഗത്ത് തീ പടരാത്തതിനാല്‍ വന്‍ ദുരന്തം ഒഴിവായി. മുമ്പ് ഫാം കൈയേറിയവര്‍ നിര്‍മിച്ച ഏതാനും താല്‍ക്കാലിക കുടിലുകളും തീയില്‍ നശിച്ചു.

ഇന്നലെ രാവിലെ പത്തിന് ബ്ളോക്ക് പത്തിലാണ് തീ ആദ്യം കണ്ടത്. ഉടന്‍തന്നെ ഫയര്‍ഫോഴ്സില്‍ വിവരമറിയിച്ചെങ്കിലും രണ്ടു മണിക്കൂറോളം കഴിഞ്ഞ് ഉച്ചയ്ക്ക് പന്ത്രണ്ടു മണിയോടെയാണ് ഫയര്‍ ഫോഴ്സെത്തിയത്. അപ്പോഴേക്കും തീ ആളിപ്പടര്‍ന്ന് നിയന്ത്രണാധീതമായിരുന്നു. ഫയര്‍ഫോഴ്സ് യൂണിറ്റ് തീ അണച്ചു തുടങ്ങുമ്പോഴേക്കും ടാങ്കറില്‍ വെള്ളം തീര്‍ന്നു. ഇതോടെ ഇവര്‍ മടങ്ങി. തീ പടര്‍ന്ന മിക്ക ഭാഗങ്ങളിലും റോഡു പോലുമില്ലാത്തതിനാല്‍ ഫയര്‍ഫോഴ്സിന് എത്തിപ്പെടാന്‍ പറ്റാത്ത സ്ഥിതിയുമായിരുന്നു.

ഇതിനിടെ തീ ഏഴാം ബ്ളോക്കിലേക്കും പടര്‍ന്നു പിടിച്ചു. പിന്നീട് ആദിവാസികളും ഫാം ജീവനക്കാരും ചേര്‍ന്നാണ് കൂടുതല്‍ സ്ഥലങ്ങളിലേക്ക് പടരാതെ തീ നിയന്ത്രിച്ചത്. രാത്രിയിലും തീ പൂര്‍ണമായി അണയ്ക്കാനാട്ടില്ല. ഫാമില്‍ നാനൂറോളം ഏക്കര്‍ സ്ഥലത്ത് തീ ആളിപ്പടര്‍ന്നതോടെ ഇരിട്ടി ടൌണുള്‍പ്പെടെ ഇരുപത് കിലോമീറ്ററോളം ചുറ്റളവില്‍ തീക്കാറ്റ് വീശിയടിച്ചു.

അത്യുഷ്ണത്തില്‍ ജനങ്ങള്‍ വലഞ്ഞു. ചൂടു കാറ്റില്‍ ഫാമില്‍ നിന്ന് കിലോമീറ്ററുകള്‍ അകലെ വരെയുള്ള മരങ്ങളുടെ ഇലകള്‍ കരിഞ്ഞുണങ്ങി കൊഴിഞ്ഞു വീണു. ഫാമില്‍ താമസിക്കുന്ന കുടുംബങ്ങള്‍ തീ കൈകാര്യം ചെയ്യുന്നതിനിടെ അബദ്ധത്തില്‍ പടര്‍ന്നു പിടിച്ചതാണെന്ന് കരുതുന്നതായി ഫാം അധികൃതര്‍ പറഞ്ഞു.

സിപിഎം ഇരിട്ടി ഏരിയാ സെക്രട്ടറി കെ. ശ്രീധരന്‍, ഏരിയാ കമ്മറ്റി അംഗങ്ങളായ എന്‍.ഐ. സുകുമാരന്‍, ബേബി ജോണ്‍ പൈനാപ്പള്ളി, ആദിവാസി ക്ഷേമ സമിതി ജില്ലാ സെക്രട്ടറി പി.കെ. സിരേഷ് ബാബു തുടങ്ങിയവര്‍ കത്തി നശിച്ച സ്ഥലങ്ങള്‍ സന്ദര്‍ശിച്ചു.

7. അപകടത്തില്‍പ്പെട്ട യുവതി ആണ്‍വേഷം കെട്ടിയതു ജോലി ലഭിക്കാന്‍
കൊല്ലം: തിരുവനന്തപുരത്ത് അപകടത്തില്‍ പെട്ട യുവതി പുരുഷ വേഷം ധരിച്ചതു ജോലി ലഭിക്കാന്‍.പുരുഷന്മാര്‍ക്കു മാത്രമേ ജോലി നല്‍കുകയുള്ളുവെന്ന് കമ്പനി അറിയിച്ചതാണ് ഇരുപത്തിമൂന്നുകാരിയെ വേഷം മാറാന്‍ പ്രേരിപ്പിച്ചതത്രേ.

കഴിഞ്ഞദിവസമാണ് പുരുഷവേഷം ധരിച്ച് സ്വകാര്യ മൊബൈല്‍ കമ്പനി സെയില്‍സ് എക്സിക്യൂട്ടീവായി ജോലി നോക്കിയ യുവതി സ്കൂട്ടര്‍ അപകടത്തില്‍ പെട്ടതിനെ തുടര്‍ന്ന് കള്ളി വെളിച്ചത്തായത്.

പുരുഷനായി അഭിനയിച്ച് ജോലി നേടിയ കൊല്ലം കളക്ട്രേറ്റിന് സമീപപ്രദേശത്തുള്ള യുവതിയാണു ബുധനാഴ്ച രാത്രി തിരുവനന്തപുരം വെള്ളയമ്പലത്ത് സ്കൂട്ടറില്‍ ഓട്ടോറിക്ഷ ഇടിച്ച് പരിക്കേറ്റ് ആശുപത്രിയിലായത്.

തുടര്‍ന്ന് മെഡിക്കല്‍ കോളജ് ആശുപത്രിയില്‍ പ്രവേശിച്ചപ്പോഴാണ് കള്ളി വെളിച്ചത്തായത്. തിരിച്ചറിയല്‍ കാര്‍ഡില്‍ നിന്ന് പുരുഷന്റെ പേരാണ് ആശുപത്രി അധികൃതര്‍ക്ക് ലഭിച്ചത്.

എന്നാല്‍, പരിക്കേറ്റ ഭാഗങ്ങളില്‍ പരിശോധന നടത്തിയ ഡോക്ടര്‍മാര്‍ സംശയം തോന്നി നഴ്സുമാരെക്കൊണ്ടു നടത്തിയ പരിശോധനയിലാണ് ഇവര്‍ സ്ത്രീയാണെന്ന് കണ്െടത്തിയത്.

8. ശ്രീകോവിലിനുള്ളില്‍ പൂജാരിയും യുവതിയും വിഷം ഉള്ളില്‍ച്ചെന്ന നിലയില്‍
കോന്നി: ക്ഷേത്ര ശ്രീകോവിലിനുള്ളില്‍ മധ്യവയസ്കനായ പൂജാരിയെയും യുവതിയെയും വിഷം കഴിച്ച് അവശനിലയില്‍ കണ്െടത്തി. വള്ളിക്കോട് കോട്ടയം മാളികപ്പുറം ഭഗവതിക്ഷേത്രം ശ്രീകോവിലിനുള്ളിലാണ് പൂജാരി ഓമല്ലൂര്‍ മുല്ലശേരി മഠത്തില്‍ സുഭാഷ് നമ്പൂതിരി (45), ഇയാളുടെ കാമുകിയെന്നു കരുതുന്ന വി. കോട്ടയം കുളിക്കുന്നുപാറ അടവി വാതുക്കല്‍ അഞ്ജലി ആര്‍. പിള്ള (21) എന്നിവരെ ഇന്നലെ പുലര്‍ച്ചെ കണ്െടത്തിയത്.

പുലര്‍ച്ചെ നാലിനു ക്ഷേത്രത്തിലെത്തിയ ജീവനക്കാരന്‍ ചന്ദ്രന്‍ ശ്രീകോവില്‍ തുറന്നു കിടക്കുന്നതു കണ്ടു പരിശോധിച്ചപ്പോഴാണു പരസ്പരം ആലിംഗനബദ്ധരായ നിലയില്‍ ഇവരെ കണ്ടത്.

ഭഗവതി പ്രതിഷ്ഠയോടു ചേര്‍ന്ന് അവശനിലയില്‍ കണ്െടത്തിയ ഇരുവരെയും ചന്ദ്രന്‍ നാട്ടുകാരെ വിളിച്ചുവരുത്തി ആശു പത്രിയിലാക്കുകയായിരുന്നു.

ക്ഷേത്രത്തില്‍ പൂജാരിയായ സുഭാഷ് നാലുമാസമായി ഇവിടെ നിന്നു മാറിനില്‍ക്കുകയായിരുന്നു. സമീപവാസിയായ പെണ്‍കുട്ടിയുമായി അടുപ്പത്തിലായതിനെ തുടര്‍ന്നു നാട്ടുകാര്‍ നേരത്തെ സുഭാഷിനെ ബന്ധനസ്ഥനാക്കിയിരുന്നതായും പറയപ്പെടുന്നു. തുടര്‍ന്ന് ഇവിടംവിട്ടുപോയ സുഭാഷ് ബാംഗളൂരില്‍ നിന്നാണ് വ്യാഴാഴ്ച രാത്രിയോടെ വി.കോട്ടയത്തെത്തിയത്.

ക്ഷേത്രശ്രീകോവില്‍ തള്ളിത്തുറന്ന് യുവതിക്കൊപ്പം അകത്തുകടന്ന സുഭാഷ് ഭക്ഷണത്തില്‍ ഫ്യുറിഡാന്‍ വിഷം കലര്‍ത്തി യുവതിക്ക് നല്‍കിയശേഷം സ്വയം കഴിക്കുകയായിരുന്നുവെന്ന് പോലീസ് പറഞ്ഞു. കോന്നിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുന്ന ഇരുവരുടെയും നില മെച്ചപ്പെട്ടതായി ആശുപത്രി അധികൃതര്‍ പറഞ്ഞു.

നാലുമാസം മുമ്പ് സുഭാഷിനെ ക്ഷേത്രത്തില്‍ നിന്നും പുറത്താക്കിയിരുന്നതായി ക്ഷേത്രം ഭാരവാഹികള്‍ പോലീസിനു മൊഴി നല്‍കിയിട്ടുണ്ട്.

9. ശബരിമല സ്ത്രീപ്രവേശനം: സര്‍ക്കാര്‍ നിലപാടില്‍ വൈരുധ്യമെന്നു സുപ്രീംകോടതി
ന്യൂഡല്‍ഹി: ശബരിമലയില്‍ സ്ത്രീപ്രവേശനം സംബന്ധിച്ച് സംസ്ഥാന സര്‍ക്കാരിന്റെ നിലപാടില്‍ വൈരുധ്യമുണ്െടന്നു സുപ്രീം കോടതി. ഹര്‍ജിയില്‍ വാദം കേള്‍ക്കുന്നതിനു കേസ് സുപ്രീം കോടതി മൂന്നംഗ ബഞ്ചിന്റെ പരിഗണനയ്ക്ക് വിട്ടു.

ശബരിമലയില്‍ പത്തിനും അമ്പതിനും ഇടയില്‍ പ്രായമുള്ള സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ട് യുവ അഭിഭാഷകരുടെ സംഘടനയാണ് സുപ്രീം കോടതിയെ സമീപിച്ചത്. ഹര്‍ജിയില്‍ സംസ്ഥാന സര്‍ക്കാര്‍ സമര്‍പ്പിച്ച സത്യവാങ്മൂലം ഹൈക്കോടതിയില്‍ സ്വീകരിച്ച നിലപാടില്‍ നിന്നു വ്യത്യസ്തമാണെന്നു സുപ്രീം കോടതി വിലയിരുത്തി.േ

കേസില്‍ കക്ഷിചേരുന്നതിന് എന്‍.എസ്.എസ് നല്കിയ ഹര്‍ജി അനുവദിച്ചിട്ടുണ്ട്. കേസ് വാദത്തില്‍ ഹിന്ദു മതത്തിലെ ഒരു സമുദായത്തെ പ്രതിനിധീകരിക്കുന്ന നായര്‍ സര്‍വീസ് സൊസൈറ്റിയുടെ വാദം കേള്‍ക്കേണ്ടതുണ്െടന്ന് സുപ്രീംകോടതി പറഞ്ഞു.

സ്ത്രീകളെ ശബരിമലയില്‍ പ്രവേശിപ്പിക്കുന്നതിനെ എതിര്‍ക്കില്ലെന്നാണ് സര്‍ക്കാര്‍ സുപ്രീം കോടതിയില്‍ നല്‍കിയ സത്യവാങ്മൂലത്തില്‍ വ്യക്തമാക്കുന്നത്. സ്ത്രീകളെ പ്രവേശിപ്പിക്കുന്നത് ഹൈക്കോടതി വിലക്കേര്‍പ്പെടുത്തിയപ്പോള്‍ സര്‍ക്കാര്‍ എതിര്‍ത്തിരുന്നില്ലെന്നും കോടതി ചൂണ്ടിക്കാട്ടി.

അഞ്ച് വര്‍ഷം കൂടുമ്പോള്‍ സര്‍ക്കാരല്ല, ഭരിക്കുന്ന പാര്‍ട്ടിയാണു മാറുന്നതെന്നും അതുകൊണ്ട് നിലപാട് മാറ്റുന്നത് ന്യായീകരിക്കാനാവില്ലെന്നും ജസ്റ്റിസുമാരായ എസ്.ബി. സിന്‍ഹ, വി.എസ്. സിര്‍പ്പൂക്കര്‍ എന്നിവര്‍ വ്യക്തമാക്കി.

നൂറ്റാണ്ടുകള്‍ പഴക്കമുള്ള ആചാരങ്ങള്‍ മാറ്റാന്‍ ഇപ്പോള്‍ എന്തിനാണ് ആവശ്യമുന്നയിച്ചതെന്നും കോടതി സര്‍ക്കാരിനോട് ആരാഞ്ഞു. ആചാരങ്ങളുടേയും നിയമത്തിന്റേയും വശങ്ങള്‍ പഠിക്കേണ്ടതിനാലാണ് കേസ് മൂന്നംഗ ബഞ്ചിന്റെ പരിഗണനയ്ക്ക് വിട്ടതെന്നും പരമോന്നത കോടതി വ്യക്തമാക്കി. കേസ് ഏത് ബഞ്ച് പരിഗണിക്കണമെന്നത് ചീഫ് ജസ്റ്റിസ് കെ.ജി. ബാലകൃഷ്ണന്‍ തീരുമാനിക്കും.

അതേസമയം ശബരിമലയില്‍ യുവതികളെ പ്രവേശിപ്പിക്കുന്നതിനെ അനുകൂലിക്കില്ലെന്ന് തിരുവിതാംകൂര്‍ ദേവസ്വം ബോര്‍ഡ് കോടതിയെ അറിയിച്ചിട്ടുണ്ട്.

10. കേരളത്തില്‍ നിന്നുള്ള അരി കയറ്റുമതി നിരോധിച്ചു
ന്യൂഡല്‍ഹി: കേരളം അടക്കം വിവിധ സംസ്ഥാനങ്ങള്‍ വഴിയുള്ള അരി കയറ്റുമതി കേന്ദ്രസര്‍ക്കാര്‍ നിരോധിച്ചു. മുംബൈ, കോല്‍ക്കത്ത, കാക്കിനഡ, കാണ്ട്ല തുറുമുഖങ്ങള്‍ വഴി മാത്രമേ ഇനി അരി കയറ്റുമതി അനുവദിക്കൂ.

കുറഞ്ഞ കയറ്റുമതി വില, ബസ്മതി അരിക്കു ടണ്ണിന് 36,000 രൂപയും സാധാരണ അരിക്ക് ടണ്ണിന് 26,000 രൂപയുമായി നിജപ്പെടുത്തിയിട്ടുണ്ട്

1. നികുതി കുടിശãിക പിരിക്കാന്‍ ഊര്‍ജിത പദ്ധതി
* 4280 കോടിയുടെ നികുതി കുടിശãിക പിരിക്കാന്‍ ഊര്‍ജിത പദ്ധതി ധനമന്ത്രി പ്രഖ്യാപിച്ചു.
* 1990^91 വരെയുള്ള നികുതിയുടെ 75% ഒടുക്കിയാല്‍ പലിശയും പിഴയും പൂര്‍ണമായും ഒഴിവാക്കും.
* 1991^92 മുതല്‍ 95^96 വരെ നികുതിയുടെ 100% ഒടുക്കണം. പലിശയും പിഴയും ഒഴിവാക്കും.
* 1996^97 മുതല്‍ 2000 വരെ കുടിശãികയുടെ പലിശ, പിഴ എന്നിവ അഞ്ചു ശതമാനം വീതവും നികുതി 100 ശതമാനവും ഒടുക്കണം.
* 2000^2001 മുതല്‍ 2004^05 വരെ കുടിശãികയുടെ പലിശ, പിഴ എന്നിവയുടെ പത്തു ശതമാനവും നികുതി നൂറു ശതമാനവും അടയ്ക്കണം.
* നികുതി മുഴുവനും അടച്ച, പലിശ മാത്രം ബാക്കിയുള്ളതില്‍ പലിശയുടെ പത്തു ശതമാനം അടയ്ക്കണം.
* കെ.ജി.എസ്.ടി പ്രകാരമുള്ള അസസ്മെന്റ് കുടിശãിക ഈ വര്‍ഷം പൂര്‍ത്തിയാക്കും.
* ഖാദിഗ്രാമ വ്യവസായ യൂനിറ്റുകള്‍ക്ക് കുടിശãിക തുകയിലെ പലിശ ഒഴിവാക്കും. കുടിശãിക തുക 60 ഗഡുക്കളാക്കും.
* അസസ്മെന്റ് കുടിശãികയായ 27,800 കേസുകള്‍ എറണാകുളം അദാലത്ത് മാതൃകയില്‍ പൂര്‍ത്തീകരിക്കും.

2. ഉത്തരകേരളത്തിന് പ്രത്യേക പാക്കേജ്
* കോഴിക്കോട് മുതല്‍ മഞ്ചേശ്വരം വരെ ഉത്തരകേരളത്തിന്റെ പിന്നാക്കാവസ്ഥ പരിഹരിക്കാന്‍ പ്രത്യേക പാക്കേജ്.
* കണ്ണൂര്‍ വിമാനത്താവളം, പെട്രോളിയം കോംപ്ലക്സ്, വ്യവസായ പാര്‍ക്ക് തുടങ്ങി ഭീമ മുതല്‍മുടക്ക് വേണ്ട പദ്ധതികള്‍ക്ക് സ്വകാര്യനിക്ഷേപം.
* പശ്ചാത്തല സൌകര്യവികസനത്തിന് വിഭവസ്രോതസ്സുകള്‍ കണ്ടെത്തണം.
* കണ്ണൂര്‍, കരിപ്പൂര്‍ വിമാനത്താവളങ്ങളുടെ സ്ഥലമെടുപ്പ് സമയബന്ധിതമാക്കും.
* കോഴിക്കോട് സിറ്റി ഇംപ്രൂവ്മെന്റ് പ്ലാനിന് സ്ഥലമെടുപ്പ് വേഗത്തിലാക്കും. ഇവയ്ക്കായി 20 കോടി വകയിരുത്തും.

3. സാധാരണക്കാരന് ഗുണം ചെയ്യുന്ന പദ്ധതികള്‍
തിരുവനന്തപുരം: ധനമന്ത്രി ഡോ. തോമസ് ഐസക് അവതരിപ്പിച്ച സംസ്ഥാന ബജറ്റില്‍ സാധാരണക്കാര്‍ക്ക് ഗുണകരമാകുന്ന ഒട്ടേറെ പദ്ധതികള്‍.

ദാരിദ്യ്രനിര്‍മാര്‍ജനത്തിനാണ് ബജറ്റില്‍ മുന്‍തൂക്കം. കാര്‍ഷികമേഖലക്ക് പ്രഖ്യാപിച്ച 365 കോടിയും മല്‍സ്യത്തൊഴിലാളി മേഖലക്ക് പ്രഖ്യാപിച്ച 78 കോടിയും ക്ഷേമ പെന്‍ഷനുകള്‍ 130ല്‍നിന്ന് 200 രൂപ ആക്കിയതും 180 കോടിയുടെ കാര്‍ഷിക പലിശ ഇളവ് ചെയ്തതും ആരോഗ്യ പെന്‍ഷന്‍ പദ്ധതികളും അഗതികള്‍ക്കും വയോജനങ്ങള്‍ക്കുമുള്ള പദ്ധതികളും വിലക്കയറ്റം തടയുന്നതിനുള്ള നടപടികളും സാധാരണക്കാരെ ലക്ഷ്യമിട്ടുള്ളതാണ്. സമഗ്ര^സാമൂഹിക^സുരക്ഷാ പദ്ധതിയുടെ അടിത്തറയായാണ് പെന്‍ഷന്‍ സ്കീമും ആരോഗ്യ ഇന്‍ഷുറന്‍സ് സ്കീമും മന്ത്രി പ്രഖ്യാപിച്ചത്.

കാര്‍ഷിക^ആരോഗ്യ^പരമ്പരാഗത വ്യവസായമേഖലകള്‍ക്ക് മുന്തിയ പരിഗണന നല്‍കുന്ന ബജറ്റില്‍ പുതിയ നികുതി നിര്‍ദേശങ്ങള്‍ അടിച്ചേല്‍പ്പിച്ച് ജനങ്ങളെ കാര്യമായി പിഴിയുന്നില്ലെന്ന പ്രത്യേകതയുണ്ട്. ഫലത്തില്‍ സംസ്ഥാന ബജറ്റ് ആരെയും നോവിക്കുന്നില്ല. സാമൂഹിക സുരക്ഷാ പദ്ധതികള്‍ നടപ്പാക്കുന്നതിനായി പ്രതിവര്‍ഷം നൂറ് കോടി ലക്ഷ്യമിട്ട് ആയിരം രൂപയുടെ ബില്ലുകള്‍ക്ക് ഒരു ശതമാനം സെസ് ഏര്‍പ്പെടുത്താനുള്ള നിര്‍ദേശം മാത്രമാണ് വ്യാപാര വ്യവസായ മേഖലയുടെ എതിര്‍പ്പിന് വഴിയൊരുക്കിയിട്ടുള്ളത്.

കാന്‍സര്‍ രോഗബാധിതരായ കുഞ്ഞുങ്ങള്‍ക്ക് ചികില്‍സാ ധനസഹായം സൌജന്യമായി നല്‍കാനും ഇതിനായി പ്രതിവര്‍ഷം 15 കോടി ട്രഷറിയില്‍ കോര്‍പസ് ഫണ്ടായി നിക്ഷേപിക്കാനുമുള്ള തീരുമാനം എല്ലാ വിഭാഗത്തിനും സഹായകമാകുന്ന പദ്ധതികളില്‍ ഒന്നാണ്. മാറാരോഗങ്ങള്‍ പിടിപെട്ട് ആശുപത്രികളില്‍നിന്ന് പുറത്താക്കപ്പെടുന്നവരെ സംരക്ഷിക്കുന്നതിനും രണ്ട് രൂപക്ക് മെഡിക്കല്‍ കോളജുകളില്‍ ഉച്ചഭക്ഷണം നല്‍കുന്നതിനുമുള്ള പദ്ധതിയും സാധാരണക്കാരെ ലക്ഷ്യമിട്ടുള്ളതാണ്. ഇതിനായി 60 കോടിയാണ് വകയിരുത്തിയിട്ടുള്ളത്.

അഗതികള്‍ക്കായി ആശ്രയ പദ്ധതി, കുടുംബശ്രീ യൂനിറ്റുകള്‍ ശക്തിപ്പെടുത്തുന്നതിന് 30 കോടി, സമഗ്ര സാമൂഹിക സുരക്ഷാ പദ്ധതി, കായികവും മാനസികവുമായ വെല്ലുവിളികള്‍ നേരിടുന്നവരെ സംരക്ഷിക്കുന്നതിനുള്ള പുതിയ പദ്ധതി, വയോജനങ്ങള്‍ക്ക് 250 രൂപ പെന്‍ഷന്‍ നല്‍കാനുള്ള തീരുമാനം, അങ്കണവാടി ടീച്ചര്‍മാര്‍ക്ക് ആനുകൂല്യങ്ങള്‍ എന്നിവയൊക്കെ സാമൂഹികക്ഷേം ലക്ഷ്യംവെച്ചുള്ളവയാണ്.

4. ആണവ കരാര്‍: ഇടതുപക്ഷം ഏറ്റുമുട്ടലിന്
ന്യൂദല്‍ഹി: അമേരിക്കന്‍ സമ്മര്‍ദത്തിനു വഴങ്ങി ആണവ കരാറുമായി മുന്നോട്ടുപോകാന്‍ കോണ്‍ഗ്രസ് തയാറാകുന്നുവെന്ന സൂചന ശക്തമായതോടെ യു.പി.എയുമായി വീണ്ടും ഏറ്റുമുട്ടാന്‍ ഇടതുപക്ഷം ഒരുങ്ങുന്നു. പുതിയ സാഹചര്യങ്ങള്‍ മുന്‍നിറുത്തി ഈ മാസം 15നു മുമ്പ് യു.പി.എ^ഇടത് സമിതിയോഗം വിളിച്ചുകൂട്ടി ആണവ കരാര്‍ പ്രശ്നം ചര്‍ച്ചക്ക് വിധേയമാക്കണമെന്ന് ഇടതുപാര്‍ട്ടികള്‍ ആവശ്യപ്പെട്ടു. സമിതിയെ നയിക്കുന്ന വിദേശകാര്യ മന്ത്രി പ്രണബ് മുഖര്‍ജിക്ക് സി.പി.എം ജനറല്‍ സെക്രട്ടറി പ്രകാശ് കാരാട്ട് അയച്ച കത്തിലാണ് ഈ ആവശ്യം.

കഴിഞ്ഞ നവംബറിലാണ് ആണവ കരാര്‍ പഠിക്കുന്ന യു.പി.എ^ഇടത് സമിതി ഏറ്റവുമൊടുവില്‍ സമ്മേളിച്ചത്. ഇന്ത്യക്കുവേണ്ടിയുള്ള ആണവ സുരക്ഷിതത്വ മാനദണ്ഡങ്ങള്‍ സംബന്ധിച്ച കരാറിന്റെ ഉള്ളടക്കം രൂപപ്പെടുത്തുന്നതിന് രാജ്യാന്തര ആണവോര്‍ജ ഏജന്‍സിയുമായി ചര്‍ച്ച നടത്താന്‍ ഇടതുപാര്‍ട്ടികള്‍ സര്‍ക്കാറിനെ അനുവദിച്ചത് ഈ യോഗത്തിലാണ്. ഇപ്പോള്‍ ഉള്ളടക്കം മിക്കവാറും തയാറായിക്കഴിഞ്ഞു. മെയ് മാസത്തിനു മുമ്പ് തീരുമാനം വേണമെന്ന അമേരിക്കന്‍ സമ്മര്‍ദങ്ങള്‍ക്ക് വഴങ്ങി അടുത്ത ഘട്ടത്തിലേക്ക് കടക്കാനുള്ള പുറപ്പാടിലാണ് സര്‍ക്കാര്‍. ഈ സാഹചര്യത്തിലാണ് അടിയന്തരമായി യു.പി.എ^ഇടത് സമിതി വിളിച്ചു കൂട്ടണമെന്ന ഇടതുപാര്‍ട്ടികളുടെ ആവശ്യം.

അമേരിക്ക നിര്‍ദേശിക്കുന്ന തീയതികള്‍ പ്രകാരമാണെങ്കില്‍ ഈ മാസംതന്നെ ഐ.എ.ഇ.എയുമായി സര്‍ക്കാര്‍ കരാറില്‍ ഏര്‍പ്പെടണം. എന്നിട്ടുവേണം ഇന്ത്യക്ക് ആണവ സാമഗ്രികള്‍ നല്‍കുന്നതിന് ആണവ വിതരണ രാജ്യങ്ങള്‍ ഏര്‍പ്പെടുത്തിയ ഉപരോധ വ്യവസ്ഥകള്‍ നീക്കിക്കിട്ടുന്നതിനുള്ള ചര്‍ച്ചകള്‍ മുന്നോട്ടുനീക്കാന്‍. മെയ് മാസം അമേരിക്കന്‍ കോണ്‍ഗ്രസ് സമ്മേളിക്കുകയുമാണ്. ജൂലൈ വരെ നീളുന്ന സമ്മേളന കാലയളവിനിടയില്‍ 1 2 3 കരാറിന് അമേരിക്കന്‍ കോണ്‍ഗ്രസിന്റെ അനുമതി നേടിയില്ലെങ്കില്‍, പിന്നെ തെരഞ്ഞെടുപ്പായി. ഇന്ത്യയുമായി കരാറില്‍ ഒപ്പുവെക്കാന്‍ ബുഷ് ഭരണകൂടത്തിന് കഴിയില്ല. കരാറിന് വേണ്ടി ബുഷ് ഭരണകൂടം അമിതാവേശം കാട്ടുന്നതും അതുകൊണ്ടു തന്നെ.

മന്‍മോഹന്‍സിംഗ് സര്‍ക്കാര്‍ ന്യൂനപക്ഷമായാലും കെയര്‍ടേക്കര്‍ സര്‍ക്കാര്‍ മാത്രമായാലും കരാര്‍ ഒപ്പിടുന്നതില്‍ തങ്ങള്‍ക്ക് തടസ്സമൊന്നുമില്ലെന്നാണ് ഏറ്റവുമൊടുവില്‍ അമേരിക്ക നടത്തിയിരിക്കുന്ന വലിയ വിട്ടുവീഴ്ച. സുപ്രധാന രാജ്യാന്തര ഉടമ്പടിയില്‍ ഏര്‍പ്പെടാന്‍ ഭൂരിപക്ഷ പിന്തുണയില്ലാത്ത സര്‍ക്കാറിന് കഴിയുമോ എന്ന പ്രശ്നം ബാക്കിനില്‍ക്കുന്നുണ്ടെങ്കിലും, ഇന്ത്യയിലെത്തിയ അമേരിക്കന്‍ വിദേശകാര്യ അസിസ്റ്റന്‍സ് സെക്രട്ടറി റിച്ചാര്‍ഡ് ബൌച്ചറുടെ ഈ വാക്കുകള്‍ കോണ്‍ഗ്രസിനും സര്‍ക്കാറിനും കൂടുതല്‍ ധൈര്യം നല്‍കിയിരിക്കുകയാണ്.

ഇടതുപക്ഷത്ത് സംശയങ്ങള്‍ വര്‍ധിപ്പിക്കുകയും ചെയ്തു. തങ്ങളെ അവഗണിച്ചും കരാറുമായി മുന്നോട്ടുപോകാന്‍ തന്നെയാണോ സര്‍ക്കാറിന്റെ തീരുമാനമെന്ന കാര്യത്തില്‍ യു.പി.എ^ഇടത് സമിതി യോഗത്തില്‍വെച്ച് വ്യക്തത കൈവരുത്താന്‍ കഴിയുമെന്നാണ് ഇടതുപാര്‍ട്ടികള്‍ കരുതുന്നത്. സി.പി.ഐ നേതാവ് ഡി. രാജ ഇന്നലെ രാവിലെ സി.പി.എം ജനറല്‍ സെക്രട്ടറി പ്രകാശ് കാരാട്ടിനെ ചെന്നുകണ്ടിരുന്നു. ഇതിനു ശേഷമാണ് മുഖര്‍ജിക്ക് കാരാട്ട് കത്തയച്ചത്.

5. മയക്കുമരുന്ന്: ഇന്ത്യക്കാരി ഉള്‍പ്പെടെ നാലുപേര്‍ പിടിയില്‍
അബ്ബാസിയ: മയക്കുമരുന്ന് വിപണന ശൃംഖലയിലെ കണ്ണികളായ ഇന്ത്യക്കാരി ഉള്‍പ്പെടെ നാലുപേരെ പോലിസ് അറസ്റ്റ് ചെയ്തു. കഴിഞ്ഞ ദിവസം ജലീബില്‍ നിന്നാണ് ഇന്ത്യക്കാരി പിടിയിലായത്.

സാല്‍മി അതിര്‍ത്തി വഴി രാജ്യത്തേക്ക് നുഴഞ്ഞുകയറാന്‍ ശ്രമിച്ച ഒരാളെ മയക്കുമരുന്നുമായി ഏതാനും ദിവസം മുമ്പ് പിടികൂടിയിരുന്നു. ഇയാളെ ചോദ്യം ചെയ്തപ്പോഴാണ് സ്ത്രീ ഉള്‍പ്പെടെയുള്ള വിതരണക്കാരെക്കുറിച്ച് വിവരം ലഭിച്ചതെന്ന് പോലിസ് പറഞ്ഞു.

6. ഇന്ത്യ_സൌദി സംയുക്ത വ്യവസായസംരംഭം നിലവില്‍ വന്നു
റിയാദ്: ഇന്ത്യ^സൌദി സംയുക്ത വ്യവസായ സംരംഭം നിലവില്‍വന്നതായി ബന്ധപ്പെട്ട വൃത്തങ്ങള്‍ അറിയിച്ചു. സൌദിയിലെ പ്രമുഖ ബിസിനസ് ഗ്രൂപ്പായ സാമില്‍ എയര്‍കണ്ടീഷനേഴ്സും ഇന്ത്യയിലെ അഡ്വാന്റിക് കോയില്‍ പ്രൈവറ്റ് ലിമിറ്റഡും ചേര്‍ന്നാണ് വ്യവസായ സംരംഭം ആരംഭിച്ചത്.

ഇരുകമ്പനികളും തമ്മില്‍ രൂപപ്പെട്ട ധാരണയനുസരിച്ച് അഡ്വാന്റിക് കോയിലിന്റെ 30 ശതമാനം ഓഹരികള്‍ സാമില്‍ ഗ്രൂപ്പിന് അവകാശപ്പെട്ടതായിരിക്കും. 59 ദശലക്ഷം സൌദി റിയാല്‍ വിലവരുന്ന ഈ ഇടപാടനുസരിച്ച് ഇന്ത്യയിലെ എയര്‍കണ്ടീഷന്‍ നിര്‍മാണ രംഗത്തേക്ക് പ്രവേശിക്കാനാണ് സാമില്‍ ഗ്രൂപ്പ് ആഗ്രഹിക്കുന്നത്. വലിയ സാധ്യതയുള്ളതാണ് ഇന്ത്യയിലെ എയര്‍കണ്ടീഷന്‍ വിപണിയെന്ന് സാമില്‍ കമ്പനി മേധാവി അബ്ദുല്ല അല്‍സാമില്‍ പറഞ്ഞു. ഇന്ത്യന്‍ സാമ്പത്തിക വിപണി അവഗണിക്കാനാവാത്തവിധം അനുദിനം വളര്‍ന്നു വരികയാണെന്നും അദ്ദേഹം കൂട്ടിച്ചേര്‍ത്തു.

അഡ്വാന്റിക് കോയിലിനെ പ്രതിനിധീകരിച്ച് കമ്പനിയുടെ സ്ഥാപകനും മാനേജിംഗ് ഡയറക്ടറുമായ ജി. പി. സിംഗാണ് ധാരണയില്‍ ഒപ്പുവെച്ചത്.

ഗള്‍ഫ് രാജ്യങ്ങളില്‍നിന്ന് ഇന്ത്യയില്‍ മുതല്‍മുടക്കുന്ന ഏറ്റവും വലിയ സംയുക്ത സംരംഭമാണ് നിലവില്‍വന്ന ജോയിന്റ് വെഞ്ച്വറെന്ന് സാമ്പത്തിക വിദഗ്ധര്‍ വിലയിരുത്തി. അന്താരാഷ്ട്ര നിലവാരമുള്ള എയര്‍കണ്ടീഷന്‍ ഉപകരണങ്ങളും പാര്‍ട്സുകളുമാണ് ഇവര്‍ ഉല്‍പാദിപ്പിക്കുകയെന്ന് സാമില്‍ കമ്പനിയുടെ പത്രക്കുറിപ്പില്‍ വ്യക്തമാക്കി.

7. ഒപെക് ഉല്‍പാദനം വര്‍ധിപ്പിക്കില്ല; എണ്ണ വിപണിയില്‍ നിരാശ
ദുബൈ: റെക്കോര്‍ഡ് തകര്‍ത്ത് മുന്നേറിയ എണ്ണ വില പിടിച്ചു നിര്‍ത്തുന്നതിന് എണ്ണയുല്‍പാദക രാജ്യങ്ങള്‍ ഇടപെടുമെന്ന പ്രതീക്ഷ അസ്ഥാനത്തായതോടെ എണ്ണ വിപണിയില്‍ നിരാശ. ഇന്നലെ വിയന്നയില്‍ ചേര്‍ന്ന 13 എണ്ണ കയറ്റുമതി രാജ്യങ്ങളുടെ സംഘടനയായ ഒപെക് യോഗം ഉല്‍പാദനം വര്‍ധിപ്പിക്കേണ്ടെന്ന് തീരുമാനിക്കുകയായിരുന്നു. ആഗോള സമ്പദ് വ്യവസ്ഥക്കുതന്നെ ഭീഷണിയായി മുന്നേറുന്ന എണ്ണവില പിടിച്ചുനിര്‍ത്തുന്നതിന് എണ്ണയുല്‍പാദക^കയറ്റുമതി രാജ്യങ്ങളുടെ സംഘടനയായ ഒപെക് ഇടപെടണമെന്ന് അമേരിക്കന്‍ പ്രസിഡന്റ് ജോര്‍ജ്ജ് ഡബ്ല്യൂ ബുഷ് ഉള്‍പ്പെടെയുള്ളവര്‍ ആവശ്യപ്പെട്ടിരുന്നു. എന്നാല്‍, ഉല്‍പാദനം നിലവിലുള്ളതിനേക്കാള്‍ കുറക്കണമെന്നാണ് അംഗരാജ്യങ്ങളില്‍ ചിലര്‍ ആവശ്യപ്പെട്ടതെന്ന് ശ്രദ്ധേയമാണ്. ലോകത്തെ മൊത്തം എണ്ണയുല്‍പാദനത്തിന്റെ നാല്‍പത് ശതമാനത്തിലേറെയും ഒപെക് രാജ്യങ്ങളില്‍ നിന്നാണ്.

കഴിഞ്ഞയാഴ്ച എണ്ണവില സര്‍വകാല റെക്കോര്‍ഡായ ബാരലിന് 103.95 ഡോളര്‍ എന്ന നിലയിലെത്തിയിരുന്നു. ഈ പശ്ചാത്തലത്തിലാണ് വിയന്നയില്‍ ഒപെക് അംഗരാജ്യങ്ങളിലെ മന്ത്രിമാരുടെ യോഗം ചേര്‍ന്നത്. ഒപെക് ഉല്‍പാദനം വര്‍ധിപ്പിക്കുമെന്ന പ്രതീക്ഷയില്‍ ഇന്നലെ എണ്ണവില ബാരലിന് നൂറു ഡോളറായി കുറയുകയും ചെയ്തിരുന്നു.

ഉല്‍പാദനവും ഉപഭോഗവും തമ്മിലെ അന്തരമല്ല വില വര്‍ധിക്കാന്‍ കാരണമെന്നാണ് ഒപെക് മന്ത്രിമാര്‍ വ്യക്തമാക്കിയത്. മാത്രമല്ല, വിപണിയില്‍ ആവശ്യത്തിന് എണ്ണയുണ്ടെന്നും അവര്‍ വ്യക്തമാക്കുന്നു. ഇപ്പോഴത്തെ വില വര്‍ധനക്ക് രാഷ്ട്രീയ കാരണങ്ങളാണുള്ളതെന്നും അതിനാല്‍ ഉല്‍പാദന വര്‍ധന പ്രശ്നത്തിന് പരിഹാരമാവില്ലെന്നുമാണ് ഒപെക് വാദിച്ചത്. മാത്രമല്ല, ഡോളറിന്റെ വിലയിടിയുന്ന സാഹചര്യത്തില്‍ ആഗോള രംഗത്ത് ഉപഭോഗം കുറയാനിടയുണ്ടെന്നും സമീപ ഭാവിയില്‍ ഉല്‍പാദനം കുറക്കേണ്ടിവരുമെന്നും ഇറാന്‍, വെനിസ്വേല തുടങ്ങിയ അംഗരാജ്യങ്ങള്‍ വാദിക്കുകയും ചെയ്തു. ഏപ്രിലില്‍ നടക്കുന്ന അടുത്ത ഒപെക് യോഗത്തില്‍ ഇത് സംബന്ധിച്ച് സജീവ ചര്‍ച്ചയുണ്ടാകുമെന്നും സൂചനയുണ്ട്.

കുതിച്ചുയരുന്ന എണ്ണവില ആഗോള സമ്പദ് വ്യവസ്ഥക്കുണ്ടാക്കുന്ന ആഘാതം ഒപെക് കാണാതെ പോകരുതെന്നാണ് വിയന്ന യോഗത്തിന് തൊട്ടുമുമ്പ് അമേരിക്കന്‍ പ്രസിഡന്റ് ജോര്‍ജ്ജ് ബുഷ് അംഗരാജ്യങ്ങളോട് ആവശ്യപ്പെട്ടത്. എണ്ണവില വര്‍ധനക്ക് കാരണം ഒപെകിന്റെ ചില നിലപാടുകളാണെന്നും അദ്ദേഹം വിമര്‍ശിച്ചിരുന്നു.

1. ടാര്‍ബില്‍ കേസ്: കൂടുതല്‍ എന്‍ജിനീയര്‍മാര്‍ കുടുങ്ങും
കൊച്ചി: ടാര്‍ബില്‍ തട്ടിപ്പു കേസില്‍ തിരൂര്‍, മലപ്പുറം, കോഴിക്കോട് തുടങ്ങി വടക്കന്‍ ജില്ലകളിലെ കൂടുതല്‍ പിഡബ്ള്യുഡി എന്‍ജിനീയര്‍മാര്‍ കുടുങ്ങും. ഇന്നോ നാളെയോ ആദ്യ അറസ്റ്റുകള്‍ നടക്കും. തിരൂരിലെ എന്‍ജിനീയര്‍ മുഹമ്മദ് ഇസ്മായിലിനെ കേസില്‍ പ്രതി ചേര്‍ത്തിട്ടുണ്ട്. ഇതിനിടെ, കേസില്‍ പ്രതി ചേര്‍ക്കപ്പെട്ട തിരൂരങ്ങാടിയിലെ കരാറുകാരനായ പി. മുഹമ്മദിന്റെ മുന്‍കൂര്‍ ജാമ്യാപേക്ഷ ഹൈക്കോടതി അടുത്തയാഴ്ച വിശദമായ വാദത്തിനു മാറ്റി. വ്യാജ ബില്ലുകളെക്കുറിച്ചു തനിക്ക് ഒന്നുമറിയില്ലെന്നും താന്‍ നിരപരാധിയാണെന്നും ചൂണ്ടിക്കാട്ടിയാണു ഹര്‍ജി.

കരാറുകാരും പൊതുമരാമത്തു വകുപ്പ് എന്‍ജിനീയര്‍മാരും ഒത്തുചേര്‍ന്ന് വ്യാജ ബില്ലുകള്‍ മുഖേന സര്‍ക്കാരിന്റെ കോടികള്‍ തട്ടിച്ചിട്ടുണ്ടെന്നാണു ക്രൈംബ്രാഞ്ചിന്റെ കണ്ടെത്തല്‍. കേസില്‍ നൂറിലധികം പേര്‍ പ്രതിയാവുമെന്നറിയുന്നു. സംസ്ഥാന സര്‍ക്കാരിനു കോടികളുടെ നഷ്ടമുണ്ടാക്കിയ ടാര്‍ബില്‍ കുംഭകോണ കേസിലെ പ്രതികളെ അറസ്റ്റു ചെയ്യാന്‍ ക്രൈംബ്രാഞ്ചിന് ആഭ്യന്തര വകുപ്പ് നിര്‍ദേശം നല്‍കിയിട്ടുണ്ട്.

ഒന്നാം പ്രതി തൃപ്പൂണിത്തുറ പാരിജാതത്തില്‍ രാജേഷിന്റെ ദുരൂഹ മരണത്തിനു ശേഷം കേസ് ഒതുക്കുന്നതിനുള്ള ഉന്നതതല ഗൂഢാലോചന നടന്നിരുന്നു. ഭരണതലത്തില്‍ ഉന്നത സ്വാധീനമുള്ള കണ്ണൂര്‍ സ്വദേശിയാണ് കേസ് ഒതുക്കാന്‍ ചരടുവലി നടത്തിയത്. ക്രൈംബ്രാഞ്ച് അന്വേഷണം ശരിയായ ദിശയില്‍ നീങ്ങിയതോടെ അന്വേഷണ ഉദ്യോഗസ്ഥനെ മാറ്റാനുള്ള നീക്കവും നടത്തിയിരുന്നു. ഗൂഢാലോചന ആഭ്യന്തര മന്ത്രിയുടെ ശ്രദ്ധയില്‍ പെട്ടതോടെയാണ് ഇപ്പോള്‍ അറസ്റ്റിനു വഴിയൊരുങ്ങിയത്.

മെഷര്‍മെന്റ് ബുക്കില്‍ ഇന്‍വോയ്സുകള്‍ രേഖപ്പെടുത്തിയിട്ടുണ്ടെങ്കിലും പിഡബ്ള്യുഡി ഫയലുകളില്‍ ഇന്‍വോയ്സ് കാണാനില്ലാത്തതിന്റെ പേരിലാണു തിരൂരിലെ എന്‍ജിനീയര്‍ മുഹമ്മദ് ഇസ്മായിലിനെ പ്രതി ചേര്‍ത്തിട്ടുള്ളത്. ദുരൂഹ സാഹചര്യത്തില്‍ മരിച്ച ഒന്നാം പ്രതി രാജേഷിന്റെ ലാപ്ടോപ്പില്‍ നിന്നു ടാറിനു പുറമേ സള്‍ഫര്‍, സ്പിരിറ്റ്, ടര്‍പന്റൈന്‍, ഫര്‍ണസ് ഓയില്‍ എന്നിവ വാങ്ങിയതിന്റെ വ്യാജ ഇന്‍വോയ്സുകളും അന്വേഷണ സംഘം കണ്ടെടുത്തിരുന്നു. ചെന്നൈ കേന്ദ്രീകരിച്ചു പ്രവര്‍ത്തിക്കുന്ന സംഘം ഇപ്പോഴും കേരളത്തിലെ പല കോണ്‍ട്രാക്ടര്‍മാര്‍ക്കും വ്യാജ ടാര്‍ ബില്ലുകള്‍ നല്‍കുന്നതായി പൊലീസിനു വിവരം ലഭിച്ചിട്ടുണ്ട്.

വ്യാജ ബില്ലുമായി തമിഴ്നാട് റജിസ്ട്രേഷന്‍ ലോറിയില്‍ അനധികൃതമായി കടത്തിക്കൊണ്ടുവന്ന 73 ബാരല്‍ ടാര്‍ അമ്പലപ്പുഴ പൊലീസ് കഴിഞ്ഞ ദിവസം പിടികൂടിയിരുന്നു. ഇന്ത്യന്‍ ഓയില്‍ കോര്‍പറേഷന്റെ അമ്പലമുകള്‍ ശാഖയില്‍ നിന്ന് 100 ബാരല്‍ വാങ്ങിയതിന്റെ വ്യാജരേഖകളാണ് ലോറിയില്‍ സൂക്ഷിച്ചിരുന്നത്. തൃപ്പൂണിത്തുറ പേട്ടയ്ക്കും ഗാന്ധിസ്ക്വയറിനും ഇടയ്ക്കുള്ള റോഡില്‍ വച്ചാണ് പേരു വെളിപ്പെടുത്താത്ത വ്യക്തി ടാര്‍ ലോറി കൈമാറിയതെന്നാണ് ഡ്രൈവര്‍ പൊലീസിനോടു പറഞ്ഞത്.

രാജേഷിന്റെ മരണശേഷവും തൃപ്പൂണിത്തുറ കേന്ദ്രീകരിച്ച് വ്യാജ ടാര്‍ബില്‍ ലോബിയുടെ പ്രവര്‍ത്തനം ശക്തമാണെന്ന സൂചനകളാണ് ഇതു നല്‍കുന്നത്. രാജേഷിന്റെ തിരോധാനവും രണ്ടു ദിവസത്തിനു ശേഷം ചിത്രപ്പുഴയില്‍ മരിച്ചനിലയില്‍ കണ്ടെത്തിയതും സംബന്ധിച്ച കേസന്വേഷണത്തിനും ഈ സൂചനകള്‍ വിലപ്പെട്ടതാണ്. കാണാതായതിന്റെ പിറ്റേന്നു രാത്രി വൈകി തൃപ്പൂണിത്തുറ പേട്ട ഭാഗത്ത് രാജേഷ് ഒറ്റയ്ക്കു നില്‍ക്കുന്നത് കണ്ടവരുണ്ട്. ആരെയോ കാത്തുനിന്ന രാജേഷ് പിന്നീട് അതുവഴി വന്ന കറുത്ത കാറില്‍ കയറിപ്പോയതായും ദൃക്സാക്ഷികള്‍ പൊലീസിനു മൊഴി നല്‍കിയിരുന്നു. സ്കൂട്ടറിലെ പെട്രോള്‍ തീര്‍ന്നതിനെ തുടര്‍ന്ന് രാജേഷ് ആരുടേയോ ലിഫ്റ്റ് സ്വീകരിച്ചതാവാമെന്നായിരുന്ന ഇതുവരെയുള്ള നിഗമനം.

എന്നാല്‍ പുതിയ വെളിപ്പെടുത്തലുകള്‍ തൃപ്പൂണിത്തുറയില്‍ ഇപ്പോഴും സജീവമായ വ്യാജ ടാര്‍ബില്‍ ലോബിയുടെ സാന്നിധ്യത്തിനു തെളിവാണ്. കോടതിയില്‍ എല്ലാം തുറന്നു പറഞ്ഞ് രാജേഷ് മാപ്പുസാക്ഷിയാവാനുള്ള നിയമോപദേശം തേടിയതിന്റെ രണ്ടാം ദിവസമാണ് അദ്ദേഹത്തെ കാണാതായത്. അജ്ഞാതനായ ഒരാളാണ് തൃപ്പൂണിത്തുറയില്‍ വച്ച് ടാര്‍ ലോറി കൈമാറിയതെന്ന, പിടിക്കപ്പെട്ട ലോറിഡ്രൈവര്‍ തേനി ഗൂഡല്ലൂര്‍ മന്തൈ അമ്മന്‍കോവില്‍ തെരുവില്‍ ശെല്‍വകുമാറിന്റെ മൊഴി പൊലീസ് പൂര്‍ണമായി വിശ്വസിക്കുന്നില്ല. ഇയാളോടൊപ്പം ലോറിയിലുണ്ടായിരുന്ന ക്ളീനര്‍ പ്രേംകുമാര്‍, സഹായി തിരുനല്‍വേലി തെങ്കാശി മഹാദേവി റോഡില്‍ യൂസഫ് എന്നിവരെ വിശദമായി ചോദ്യം ചെയ്യുന്നതോടെ വ്യാജ ടാര്‍ ബില്‍ ലോബിയെ പറ്റി കൂടുതല്‍ വിവരങ്ങള്‍ ലഭിക്കുമെന്ന പ്രതീക്ഷയിലാണ് പൊലീസ്.

2. റയില്‍വേ മേല്‍പാലം നിര്‍മാണത്തിനു പുതിയ സംവിധാനം വരുന്നു
കണ്ണൂര്‍: റയില്‍വേ മേല്‍പാലങ്ങളുടെയും നടപ്പാതകളുടെയും നിര്‍മാണ ഘടനയില്‍ മാറ്റം വരുത്തുന്നു. പാലങ്ങളുടെ നിര്‍മാണം കാരണം ഇനി മുതല്‍ ട്രെയിന്‍ ഗതാഗതം വൈകില്ല. ഉരുക്ക് ഉപയോഗിച്ചുള്ള കോര്‍പസ്റ്റില്‍ ഗേഡര്‍ എന്ന സംവിധാനത്തിലായിരിക്കും പാലങ്ങളുടെ നിര്‍മാണം. ദക്ഷിണ റയില്‍വേയില്‍ ആദ്യം പയ്യന്നൂര്‍  കൊറ്റി മേല്‍പാലമാണു പുതിയ രീതിയില്‍ നിര്‍മിക്കുക. റയില്‍വേയുടെ മറ്റു സോണുകളില്‍ നേരത്തെ തന്നെ ഈ രീതി ഉപയോഗിക്കുന്നുണ്ട്. നടപടി ക്രമങ്ങള്‍ കുറച്ചു നിര്‍മാണം വേഗത്തില്‍ പൂര്‍ത്തിയാക്കാന്‍ കഴിയുമെന്നതാണ് ഇതിന്റെ പ്രത്യേകത. ആദ്യഘട്ട നടപടികള്‍ക്കു സുരക്ഷാ കമ്മിഷണറുടെ അനുമതി ആവശ്യമില്ലെന്നു റയില്‍വേ എന്‍ജിനീയറിങ് വിഭാഗം ഉദ്യോഗസ്ഥര്‍ പറഞ്ഞു.

നിലവില്‍ സ്പാനുകളുടെ രൂപരേഖയ്ക്കും വാര്‍പ്പിനും കമ്മിഷണറുടെ അംഗീകാരം വേണം. പാളങ്ങളുടെ മുകളിലുള്ള ഭാഗം റയില്‍വേ നേരിട്ടാണു നിര്‍മിക്കുന്നത്. ഇത്തരം ഒരു സ്പാന്‍ നിര്‍മിക്കാന്‍ കുറഞ്ഞതു മൂന്നു മാസം വേണം. അതു വരെ ട്രെയിനുകളുടെ വേഗത്തില്‍ നിയന്ത്രണം ഏര്‍പ്പെടുത്തുക പതിവാണ്. തൂണുകള്‍ക്കു മുകളില്‍ പരമ്പരാഗത രീതിയില്‍  കോണ്‍ക്രീറ്റു ചെയ്താണ് ഇപ്പോള്‍ സ്പാനുകള്‍ തയാറാക്കുന്നത്. കോര്‍പസ്റ്റില്‍ ഗേഡര്‍ അനുസരിച്ച് സ്പാനുകളുടെ ഉരുക്കു ചട്ടക്കൂട് തൂണുകള്‍ക്കു മുകളില്‍ ഘടിപ്പിച്ച് അതില്‍ കോണ്‍ക്രീറ്റ് നിറയ്ക്കുകയാണു ചെയ്യുക. ദിവസങ്ങള്‍ക്കുള്ളില്‍ അതു ഉറയ്ക്കും.

എന്നാല്‍ ചട്ടക്കൂടു നിര്‍മിക്കാന്‍ ശരാശരി രണ്ടു മാസമെടുക്കും. പുതിയ സംവിധാനത്തില്‍ ഒരേ സമയം രണ്ടും മൂന്നും സ്പാനുകള്‍ ഒന്നിച്ചു നിര്‍മിക്കാന്‍ കഴിയുമെന്നതു നേട്ടമാണ്. കാലപ്പഴക്കം ചെന്നാല്‍ ഇതു നീക്കം ചെയ്യാന്‍ എളുപ്പമാണ്. പുനര്‍വില്‍പന മൂല്യവുമുണ്ട്. കരാറുകാര്‍ തന്നെയാണ് ഗേഡര്‍ നിര്‍മിക്കേണ്ടത്. പക്ഷെ കേരളത്തിലുള്ള കരാറുകാര്‍ക്ക് ഇതിനു സംവിധാനം ഇല്ലെന്നതു പദ്ധതിക്കു തടസ്സം ഉണ്ടാക്കുമെന്നാണ് ആശങ്ക.

3. കൈക്കൂലി: അസി.എക്സിക്യൂട്ടിവ് എന്‍ജിനീയര്‍ക്ക് തടവും പിഴയും
കോഴിക്കോട്: വൈദ്യുതി കണക്ഷന്‍ വലിക്കുന്നതിനുള്ള സമ്മതപത്രത്തിനായി 1000 രൂപ കൈക്കൂലി വാങ്ങുന്നതിനിടയില്‍ വിജിലന്‍സ് പിടിയിലായ കണ്ണൂര്‍ ഏച്ചൂര്‍ കെഎസ്ഇബി സെക്ഷനിലെ മുന്‍ അസി.എക്സിക്യൂട്ടീവ് എന്‍ജിനീയര്‍ കൊല്ലം പട്ടത്താനം വിദ്യാനഗര്‍ മളിയേക്കല്‍ വീട്ടില്‍ എം.എക്സ്.എഡ്വേര്‍ഡിനെ (58) കോഴിക്കോട് വിജിലന്‍സ് സ്പെഷല്‍ കോടതി ജഡ്ജി എം.കെ.കുട്ടികൃഷ്ണന്‍ രണ്ടുവര്‍ഷം കഠിനതടവിനും 5000 രൂപ പിഴ ഒടുക്കാനും ശിക്ഷിച്ചു. പിഴ ഒടുക്കാത്തപക്ഷം ആറുമാസം കൂടി  തടവ് അനുഭവിക്കണം.

2000 ജൂണ്‍ ആറിനാണ് കേസിനാസ്പദമായ സംഭവം. കണ്ണൂര്‍ അഞ്ചരക്കണ്ടി താഴേക്കണ്ടി വീട്ടില്‍ രാജന്‍ വെല്‍ഡിങ് യൂണിറ്റ് തുടങ്ങുന്നതിനു സര്‍ട്ടിഫിക്കറ്റിനായി എഡ്വേര്‍ഡിനെ സമീപിച്ചിരുന്നു. 1000 രൂപ കൊടുത്താല്‍മാത്രമെ സര്‍ട്ടിഫിക്കറ്റ് നല്‍കൂവെന്നു പറഞ്ഞതിന്റെ അടിസ്ഥാനത്തില്‍ രാജന്‍ കണ്ണൂര്‍ വിജിലന്‍സ് ഡിവൈഎസ്പി: എം.പത്മനാഭനെ വിവരം അറിയിക്കുകയായിരുന്നു. അവര്‍ അടയാളപ്പെടുത്തി നല്‍കിയ നോട്ടുകള്‍ വിജിലന്‍സ് സംഘം എഡ്വേര്‍ഡില്‍നിന്ന് പിടിച്ചെടുക്കുകയായിരുന്നു. കേസില്‍ അഞ്ച് സാക്ഷികളെയും 19 രേഖകളും പ്രോസിക്യൂഷന്‍ ഹാജരാക്കിയിരുന്നു. പ്രോസിക്യൂഷനു വേണ്ടി അഡീഷണല്‍ ലീഗല്‍ അഡ്വൈസര്‍ ഒ.ശശി ഹാജരായി.

4. ശബരിമല ഹര്‍ജി മൂന്നംഗ ബെഞ്ചിന്; എന്‍എസ്എസ് കക്ഷിചേര്‍ന്നു
ന്യൂഡല്‍ഹി: ശബരിമലയില്‍ സ്ത്രീകള്‍ക്കു പ്രവേശനം അനുവദിക്കണമെന്ന ഹര്‍ജി മൂന്നംഗ ബെഞ്ചിനു വിടാന്‍ സുപ്രീം കോടതി തീരുമാനിച്ചു. കേസില്‍ കക്ഷിചേരുന്നതിന് എന്‍എസ്എസ് ജനറല്‍ സെക്രട്ടറി പി.കെ. നാരായണപ്പണിക്കര്‍ നല്‍കിയ അപേക്ഷ ജഡ്ജിമാരായ എസ്.ബി. സിന്‍ഹ, വി.എസ്. സിര്‍പുര്‍ക്കര്‍ എന്നിവരുടെ ബെഞ്ച് അനുവദിച്ചു.

അവിശ്വാസികള്‍ വിശ്വാസപരമായ കാര്യങ്ങളില്‍ അധികാരം പ്രയോഗിക്കാന്‍ പാടില്ലെന്നും സ്ത്രീകളെ പ്രവേശിപ്പിക്കണമെന്ന സര്‍ക്കാര്‍ നിലപാടു തീര്‍ഥാടകരുടെ അടിസ്ഥാനപരമായ വിശ്വാസത്തിലുള്ള കടന്നുകയറ്റമാണെന്നും എന്‍എസ്എസ് കക്ഷിചേരല്‍ അപേക്ഷയില്‍ ആരോപിച്ചു. കാലങ്ങളായുള്ള ആചാരം ലംഘിച്ചു ശബരിമലയില്‍ പ്രവേശിക്കാന്‍ സ്ത്രീകള്‍ ആഗ്രഹിക്കുന്നില്ല.

സ്ത്രീകള്‍ക്കു പ്രവേശനമനുവദിക്കാത്തതു ചോദ്യംചെയ്ത് ഇന്ത്യന്‍ യങ് ലോയേഴ്സ് അസോസിയേഷനാണു കോടതിയെ സമീപിച്ചത്. കേസ് ഭരണഘടനാ ബെഞ്ചിനു വിടണമോയെന്നു പരിശോധിക്കുമെന്നു കോടതി നേരത്തേ വ്യക്തമാക്കിയിരുന്നു. ഇന്നലെ കേസു പരിഗണിച്ചപ്പോള്‍ വിശ്വാസപരമായ കാര്യങ്ങളില്‍ ഇടപെടാന്‍ ഉദ്ദേശിക്കുന്നില്ലെന്നു കോടതി വാക്കാല്‍ സൂചിപ്പിച്ചെങ്കിലും പ്രശ്നം ഭരണഘടനാപരമായ ചോദ്യങ്ങള്‍ ഉയര്‍ത്തുന്നതാണെന്നു ഹര്‍ജിക്കാരുടെ അഭിഭാഷകന്‍ ആവര്‍ത്തിച്ചപ്പോള്‍ വലിയ ബെഞ്ചിനു വിടാന്‍ തീരുമാനിക്കുകയായിരുന്നു.

എന്നാല്‍, ശബരിമലയില്‍ സ്ത്രീകളെ പ്രവേശിപ്പിക്കുന്നതിനെ സര്‍ക്കാര്‍ നേരത്തേ ഹൈക്കോടതിയില്‍ എതിര്‍ത്തത് ബെഞ്ച് ചൂണ്ടിക്കാട്ടി. മറ്റൊരു സര്‍ക്കാരിന്റെ കാലത്തായിരുന്നു അതെന്ന് അഭിഭാഷകര്‍ പറഞ്ഞപ്പോള്‍ പാര്‍ട്ടികള്‍ മാറുന്നതനുസരിച്ചു സര്‍ക്കാരിന്റെ നിലപാടു മാറ്റാനാവില്ലെന്നു കോടതി പ്രതികരിച്ചു.സ്ത്രീകള്‍ക്കു പ്രവേശനം അനുവദിക്കുന്നതിനോടു യോജിക്കുന്നില്ലെന്നു ദേവസ്വം ബോര്‍ഡ് സത്യവാങ്മൂലത്തില്‍ വ്യക്തമാക്കിയിരുന്നു. പ്രവേശനം അനുവദിക്കാത്തതു ഭരണഘടനാ ലംഘനമാണെന്നും കോടതി പറയുന്നത് അംഗീകരിക്കാമെന്നുമാണു സര്‍ക്കാര്‍ നല്‍കിയ സത്യവാങ്മൂലത്തില്‍ പറഞ്ഞത്.

അയ്യപ്പന്‍ ബ്രഹ്മചാരിയാണ്. ശബരിമലയില്‍ പ്രവേശിക്കുന്നവര്‍ക്കു മനസ്സിന്റെയും ശരീരത്തിന്റെയും പ്രവൃത്തികളുടെയും ശുദ്ധിവേണം. സ്ത്രീകള്‍ക്കു 41 ദിവസം തുടര്‍ച്ചയായി ശുദ്ധി ആചരിക്കാന്‍ സാധിക്കാത്തതിനാലാണ് അവരെ അനുവദിക്കാത്തത്. ആചാരങ്ങളെ സ്ത്രീ-പുരുഷ സമത്വത്തിന്റെ അടിസ്ഥാനത്തില്‍ ചര്‍ച്ചചെയ്യാനാവില്ല – എന്‍എസ്എസ് ചൂണ്ടിക്കാട്ടി.

മത, സാമൂഹിക സംഘടനകളോടോ പണ്ഡിതന്‍മാരോടോ ചര്‍ച്ചചെയ്യാതെയാണു സര്‍ക്കാര്‍ നിലപാടെടുത്തിട്ടുള്ളത്. ജനഹിതത്തിനു പുല്ലുവില കല്‍പിച്ചു സര്‍ക്കാര്‍ നിലപാടെടുക്കുന്നതു നിര്‍ഭാഗ്യകരമാണ്. കോടാനുകോടി വിശ്വാസികളുടെ താല്‍പര്യങ്ങളെ ബാധിക്കുന്ന വിധത്തില്‍ സര്‍ക്കാര്‍ കോടതിയില്‍ രാഷ്ട്രീയം കളിക്കാന്‍ പാടില്ല. ദൈവാരാധനയില്‍ വിശ്വാസമില്ലെന്നാണു സര്‍ക്കാരിന്റെ സത്യവാങ്മൂലം വ്യക്തമാക്കുന്നതെന്നും എന്‍എസ്എസ് ആരോപിച്ചു.

5. അതിസമ്പന്ന വനിത: ഫോബ്സ്പട്ടികയില്‍ മൂന്ന് ഇന്ത്യക്കാര്‍
ന്യൂയോര്‍ക്ക്: രാജ്യാന്തര വനിതാ ദിനത്തിനു മുന്നോടിയായി യുഎസ് വാണിജ്യ മാസികയായ ഫോബ്സ് പുറത്തിറക്കിയ അതിസമ്പന്ന വനിതകളുടെ പട്ടികയില്‍ മൂന്ന് ഇന്ത്യക്കാരും.

മൊത്തം  820 കോടി ഡോളറി (64,800 കോടിയോളം രൂപ) ന്റെ   ആസ്തി യുമായി സാവിത്രി ജിന്‍ഡലാണു പട്ടികയില്‍ ഇടംനേടിയ ഇന്ത്യ ക്കാരില്‍ ഒന്നാമത്; 440 കോടി ഡോളറി (17,600 കോടി രൂപ) ന്റെ ആസ്തികളുമായി ബെന്നറ്റ് കോള്‍മാന്‍ ആന്‍ഡ് കമ്പനി അധ്യക്ഷ ഇന്ദു ജെയിനും 110 കോടി ഡോളറി (4,400 കോടി രൂപ) ന്റെ സ്വത്തുകളുമായി തെര്‍മാക്സ് ഗ്രൂപ്പിലെ അനു ആഗയുമാണ് പട്ടികയില്‍ സ്ഥാനം നേടിയ മറ്റ് ഇന്ത്യക്കാര്‍.

ലോകത്തിലെ ഏറ്റവും സമ്പന്ന ലിലിന്‍സ് ബെറ്റെന്‍കോര്‍ട്ട് ആണ്; 2,290 കോടി ഡോളര്‍ (91,600 കോടി രൂപ) ആണ് ഈ ഫ്രഞ്ചുകാരി യുടെ ആസ്തി. 6,200 കോടി ഡോളറിന്റെ ആസ് തികളുമായി വാറെന്‍ ബുഫെ നയിക്കുന്ന ലോകത്തിലെ ധനാഢ്യരുടെ പട്ടികയില്‍ 17ാം സ്ഥാനവും ബെറ്റെന്‍കോര്‍ട്ടിനുണ്ട്.

അതേസമയം ഇന്ത്യക്കാരായ സമ്പന്നരുടെ സ്ഥാനവുമായി താരതമ്യം ചെയ്താല്‍ സമ്പന്നകള്‍ ഏറെ പിന്നിലാണ്; ആകെ 1,125 പേരുകളുള്‍പ്പെട്ട ഫോബ് സ് ബില്യനേഴ്സ് പട്ടികയില്‍ സാവിത്രി ജിന്‍ഡല്‍ 110-ാം സ് ഥാനത്താണ്. ഇന്ത്യന്‍ മാധ്യമ ലോകത്തു ശ്രദ്ധേയയായ ജെയിനാവട്ടെ 236-ാം സ്ഥാനത്തും തെ ര്‍മാക്സ് മുന്‍അധ്യക്ഷ ആഗ 1,014-ാം സ്ഥാനത്തുമാണ്.

ഭര്‍ത്താവ് ഓം പ്രകാശ് നിര്യാതനായതോടെ 2005ലാണു സാവിത്രി ജിന്‍ഡല്‍ ഒ. പി. ജിന്‍ഡല്‍ ഗ്രൂപ്പിന്റെ അധ്യക്ഷയായി ചുമതലയേറ്റത്. ഉരുക്ക് – ഊര്‍ജ മേഖലകളില്‍ ശ്രദ്ധേയസാന്നിധ്യമുള്ള ഗ്രൂപ്പിനെ നയിക്കുന്നതു സാവിത്രിയുടെ മക്കളായ പൃഥ്വിരാജ്, സജ്ജന്‍, രത്തന്‍, നവീന്‍ എന്നിവരാണ്.

ഭര്‍ത്താവ് റോഹിന്‍ടന്റെ വിയോഗത്തെ തുടര്‍ന്നു 1994ലാണ് ആഗ   തെര്‍മാക്സിന്റെ അധ്യക്ഷപദത്തിലെത്തിയത്; 2004ല്‍ മകള്‍ മെഹെറിനു സ്ഥാനം കൈമാറുകയും ചെയ്തു. സാമൂഹിക സേവന മേഖലയില്‍ സജീവസാന്നിധ്യമായ ആഗ ഇപ്പോഴും കമ്പനിയുടെ ബോര്‍ഡ് ഓഫ് ഡയറക്ടേഴ്സില്‍ അംഗമാണ്.

6. ബജറ്റ് നിര്‍ദേശം റബര്‍ വ്യാപാരത്തിനു ദോഷം: അസോസിയേഷന്‍
കോട്ടയം: അന്യസംസ്ഥാനങ്ങളിലേക്ക് ഏജന്‍സി ട്രാന്‍സ്ഫര്‍ അല്ലെങ്കില്‍ സ്റ്റോക്ക് ട്രാന്‍സ്ഫര്‍ ആയി അയയ്ക്കുന്ന സാധനങ്ങള്‍ വാങ്ങുമ്പോള്‍ നല്‍കിയ നികുതി നാലു ശതമാനത്തിലേറെയാണെങ്കില്‍, ഏറെ നല്‍കിയ നികുതി മാത്രമേ തിരിച്ചുനല്‍കൂ എന്ന ബജറ്റ് പ്രഖ്യാപനം റബര്‍ വ്യാപാരമേഖലയില്‍ ഏറെ പ്രശ്നങ്ങള്‍ സൃഷ്ടിക്കുമെന്നു റബര്‍ ഡീലേഴ്സ് അസോസിയേഷന്‍.

ഏപ്രില്‍ ഒന്നുമുതല്‍ സിഎസ്ടി രണ്ടു ശതമാനമാക്കുമ്പോള്‍ നിലവില്‍ ഏജന്‍സി അല്ലെങ്കില്‍ സ്റ്റോക്ക് ട്രാന്‍സ്ഫര്‍ ആയി വാങ്ങുന്ന വ്യാപാരികള്‍ മുഴുവന്‍ അന്തര്‍സംസ്ഥാന വാങ്ങലിലേക്കു മാറും. ഇതു വ്യവസായികളെ സഹായിക്കാന്‍ മാത്രമേ ഉപകരിക്കൂ. സര്‍ക്കാരിനു നികുതിയില്‍ വന്‍ കുറവുമുണ്ടാകും.

ബജറ്റിലൂടെയുണ്ടായ ഇൌ പ്രതിസന്ധിക്കു ധനമന്ത്രി പുനഃപരിശോധനയിലൂടെ പരിഹാരമുണ്ടാക്കണമെന്ന് അസോസിയേഷന്‍ പ്രസിഡന്റ് പയസ് സ്കറിയ ആവശ്യപ്പെട്ടു.


ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 07-03-08

കലാകൗമുദിയില്‍ ബ്ലോഗുകളെ അപകീര്‍ത്തിപ്പെടുത്തി എം.കെ.ഹരികുമാറിന്റെ പ്രസിദ്ധീകരിച്ച ലേഖനത്തിന് പറ്റിയ തെറ്റ് തിരുത്തുന്നതുവരെ കേരളകൗമുദി വാര്‍ത്തകള്‍ യൂണികോഡിലാക്കി പ്രസിദ്ധീകരിക്കുന്നതല്ല.

തിരു: സമൂഹത്തിന്റെ അടിത്തട്ടിലുള്ളവരുടെ ക്ഷേമം ലക്ഷ്യമാക്കിയുള്ള പദ്ധതികള്‍കൊണ്ട് സമ്പന്നം. ആരോഗ്യം, കൃഷി, വ്യവസായം, പൊതുവിദ്യാഭ്യാസം തുടങ്ങിയ മേഖലയ്ക്ക് പ്രത്യേക ഊന്നല്‍. ഇതാണ് ധനമന്ത്രി തോമസ് ഐസക് വ്യാഴാഴ്ച നിയമസഭയില്‍ അവതരിപ്പിച്ച ബജറ്റിന്റെ സവിശേഷത. 188 കോടി രൂപയുടെ അധിക വിഭവസമാഹരണം ലക്ഷ്യമിടുന്ന ബജറ്റില്‍ 25.12 കോടി രൂപയുടെ ഇളവുകളുണ്ട്. വര്‍ഷാന്ത കമ്മി 627.4 കോടി രൂപ. ജല അതോറിറ്റിക്കുള്ള സര്‍ക്കാര്‍ വായ്പയുടെ പലിശ ഇനത്തിലുള്ള 1006 കോടി രൂപ എഴുതിത്തള്ളും. സച്ചാര്‍ കമ്മിറ്റി റിപ്പോര്‍ട്ടിന്റെ അടിസ്ഥാനത്തിലുള്ള പാലോളി കമ്മിറ്റി നിര്‍ദേശങ്ങള്‍ നടപ്പാക്കാന്‍10 കോടി അനുവദിച്ചു. ഹയര്‍ സെക്കന്‍ഡറിയില്‍ 1700 ഉം വിഎച്ച്എസ്ഇയില്‍ 400ഉം ആര്‍ട്സ് ആന്‍ഡ് സയന്‍സ് കോളേജില്‍ 642ഉം അധ്യാപക തസ്തിക സൃഷ്ടിക്കും.

  • കെഎസ്ആര്‍ടിസി പ്രതിവര്‍ഷം 100 ബസ് നിരത്തിലിറക്കും
  • സഹായം 25 കോടി
  • കാഷ്വല്‍ സ്വീപ്പര്‍മാരുടെ വേതനം 1000 രൂപയാക്കി വര്‍ധിപ്പിച്ചു
  • ലാസ്റ്റ് ഗ്രേഡ് ജീവനക്കാര്‍ക്ക് പ്രൊമോഷന്‍ തസ്തിക 10 ശതമാനമാക്കി
  • പെന്‍ഷന്‍ പരിഷ്കരണം ആഗസ്ത് 31നകം പൂര്‍ത്തീകരിക്കും
  • ആറ്റിങ്ങല്‍, കോതമംഗലം, പിറവം, ആലത്തൂര്‍, ഹോസ്ദുര്‍ഗ് എന്നിവിടങ്ങളില്‍ പുതിയ മിനി സിവില്‍ സ്റ്റേഷനുകള്‍
  • കുടപ്പനക്കുന്ന്, നൂറനാട്, തൃശൂര്‍ മെഡിക്കല്‍ കോളേജ്, കോഴിക്കോട് മെഡിക്കല്‍ കോളേജ്, എന്നിവിടങ്ങളില്‍ സബ്ട്രഷറികള്‍
  • തലശേരിയില്‍ പെന്‍ഷന്‍ ട്രഷറി
  • കാസര്‍കോട്ടും ഇടുക്കിയിലും സ്റ്റാമ്പ് ഡിപ്പോ
  • ചോമ്പാല്‍, ഇരവിപുരം, പരിയാരം മെഡിക്കല്‍ കോളേജ്, നെടുമ്പാശേരി, കരിപ്പൂര്‍, എന്നീ അഞ്ച് പുതിയ പൊലീസ് സ്റ്റേഷന്‍
  • പരവൂര്‍, വടക്കാഞ്ചേരി, മണ്ണാര്‍ക്കാട്, നാദാപുരം, പേരാവൂര്‍, പെരിങ്ങോം, പൂവാര്‍ എന്നിവിടങ്ങളില്‍ പുതിയ ഫയര്‍ സ്റ്റേഷന്‍
  • ചില്ലറ മേഖലയിലെ വന്‍കിടക്കാര്‍ക്ക് 10 ശതമാനം സര്‍ച്ചാര്‍ജ്
  • ജില്ലകളില്‍ വനിതാ പ്രൊട്ടക്ഷന്‍ ഓഫീസര്‍മാരെ പുതിയതായി നിയമിക്കും
  • മാനസിക വളര്‍ച്ച നേടാത്ത കുട്ടികള്‍ക്കുള്ള 162 അംഗീകൃത സ്ഥാപനങ്ങള്‍ക്ക് 10 കോടി ധനസഹായം
  • അംഗവൈകല്യമുള്ളവര്‍ക്കും ബുദ്ധിമാന്ദ്യമുള്ളവര്‍ക്കും പെന്‍ഷന്‍ 200 രൂപ. അനാഥാലയങ്ങളിലെ കുട്ടികളുടെ ധനസഹായം പ്രതിമാസം 50 രൂപ വര്‍ധിപ്പിച്ചു
  • അനാഥാലയങ്ങളെ ഉള്‍പ്പെടുത്തി കാരുണ്യ നിക്ഷേപ പദ്ധതി
  • മെഡിക്കല്‍ കോളേജുകളോടു ചേര്‍ന്ന് സംരക്ഷണകേന്ദ്രങ്ങള്‍ഹവൃദ്ധസദനങ്ങള്‍, അഗതി മന്ദിരങ്ങള്‍, ജുവൈനല്‍ ഹോമുകള്‍ എന്നിവയുടെ നവീകരണത്തിന് അഞ്ചു കോടി
  • ആശ്രയ പദ്ധതി വ്യാപിപ്പിക്കാന്‍ പത്തുകോടി
  • സാമൂഹ്യ സുരക്ഷാമിഷന് 60 കോടിയുടെ നിധി
  • കുടുംബശ്രീ തൊഴില്‍ സംരംഭങ്ങളുടെ ഗുണനിലവാരം ഉയര്‍ത്തുന്നതിനും വിപണി ഉറപ്പാക്കുന്നതിനും പ്രത്യേക പരിപാടി-സമഗ്ര.
  • കര്‍ഷക കടാശ്വാസത്തിന് 50 കോടി
  • തൊഴിലുറപ്പ് പദ്ധതിയിലൂടെ കാര്‍ഷിക മേഖലയില്‍ 200 കോടി ചെലവഴിക്കും
  • കേരവികസന പദ്ധതിക്ക് 15 കോടി
  • ക്ഷീരകര്‍ഷകരുടെ ക്ഷേമനിധിക്ക് സര്‍ക്കാര്‍ അംശാദായം രണ്ടുകോടി
  • മത്സ്യമേഖലയില്‍ തൊഴില്‍ യൂണിറ്റുകള്‍ക്ക് 16 കോടി
  • സമഗ്ര ഇന്‍ഷുറന്‍സ് പദ്ധതി
  • ചെത്തി, കാസര്‍കോട്, ചേറ്റുവ, ചെറുവത്തൂര്‍, മത്സ്യബന്ധന തുറമുഖങ്ങളുടെ നിര്‍മാണം ഈ വര്‍ഷം
  • കശുവണ്ടിത്തൊഴിലാളി റിട്ടയര്‍മെന്റ് കുടിശ്ശികയ്ക്ക് അഞ്ചുകോടി
  • കാപ്പെക്സിന്റെയും കശുവണ്ടി വികസന കോര്‍പറേഷന്റെയും കുടിശ്ശിക തിരിച്ചടയ്ക്കാന്‍ 32 കോടി
  • കൈത്തറി സംഘങ്ങളുടെ റിബേറ്റ് കുടിശ്ശിക നല്‍കും
  • ഖാദിക്ക് അഞ്ചുകോടി. ബാംബു കോര്‍പറേഷന് ഏഴുകോടി
  • ചെറുകിട വ്യവസായ മേഖലയുടെ പുനരുദ്ധാരണത്തിന് സ്ഥാപനം
  • ജലസേചനത്തിനും കടല്‍ ഭിത്തി നിര്‍മ്മാണത്തിനുമായി 257 കോടി
  • മീനച്ചില്‍ നദീതട പദ്ധതിക്ക് 10 കോടി
  • മലമ്പുഴ ഇറിഗേഷന്‍ പദ്ധതിക്ക് 29 കോടി

സുസ്ഥിര നഗരവികസനത്തിന് 200 കോടി
തിരു: ഗ്രാമവികസന കേന്ദ്രാവിഷ്കൃത പദ്ധതികളുടെ സംസ്ഥാന വിഹിതമായി 79 കോടി രൂപ സംസ്ഥാന ബജറ്റില്‍ വകയിരുത്തി. ഇതില്‍ പ്രധാനം ദേശീയ തൊഴിലുറപ്പുപദ്ധതിയാണ്. പാലക്കാട്ടെയും വയനാട്ടിലെയും പദ്ധതിനടത്തിപ്പ് ദേശീയ അംഗീകാരം നേടി. സ്വയംതൊഴിലിനു വേണ്ടിയുള്ള എസ്ജിഎസ്വൈ പദ്ധതി കുടുംബശ്രീയുമായി സംയോജിച്ചാണ് നടപ്പിലാക്കുന്നത്. അട്ടപ്പാടി വികസന പ്രോജക്ടിനുവേണ്ടി 30 കോടിരൂപ വകയിരുത്തി.

ഗ്രാമപഞ്ചായത്തുകളുടെ വിഹിതം 30 ല്‍ നിന്ന് 10 ശതമാനമായി കുറച്ചു. ഈ കുറവുമൂലമുളള ബാധ്യത സംസ്ഥാന സര്‍ക്കാര്‍ ഏറ്റെടുക്കും. കേരള സുസ്ഥിര നഗരവികസന പദ്ധതിയില്‍ 200 കോടി രൂപയാണ് 2008-09 ല്‍ ചെലവഴിക്കുക. ഇതുവരെയുള്ള ഇരുപദ്ധതികളുടെയും നടത്തിപ്പ് വേഗത്തിലല്ല. ഇത് പരിഹരിക്കണം.

കൊച്ചി, തിരുവനന്തപുരം കോര്‍പറേഷനുകളില്‍ നടപ്പാക്കുന്ന ജവാഹര്‍ലാല്‍ നെഹ്റു അര്‍ബന്‍ റിന്യൂവല്‍ മിഷന്‍ പദ്ധതിക്ക് 307 കോടി രൂപ വകയിരുത്തി. ഇതില്‍ 107 കോടി സംസ്ഥാന വിഹിതമാണ്. തിരുവനന്തപുരം നഗരത്തില്‍ എഡിബി വായ്പയില്‍നിന്നുള്ള തുകയാണ് നഗരസഭയുടെ വിഹിതമായി വകയിരുത്തിയത്. എന്നാല്‍, കൊച്ചി നഗരസഭ വിഹിതം സ്വയം കണ്ടെത്തണം. അതിനാല്‍ കൊച്ചിയുടെ പദ്ധതിവിഹിതം 30 ശതമാനത്തില്‍നിന്ന് 20 ആക്കി കുറച്ചു.


വില കുറയും
എല്ലാത്തരം വെളിച്ചെണ്ണ, ആശുപത്രി ഉപകരണങ്ങള്‍,

ജനറേറ്ററുകള്‍, പേപ്പര്‍ ബാഗുകള്‍, കമ്പ്യൂട്ടര്‍ ഉപകരണങ്ങള്‍, ഉപയോഗിച്ച കാറുകള്‍, മൊബൈല്‍ റീചാര്‍ജ് കൂപ്പണുകള്‍, റബര്‍ മരത്തിനുള്ള റെയിന്‍ ഗാര്‍ഡിങ് കോമ്പൌണ്ട്,

പൂക്കള്‍, സില്‍പോളിന്‍ ഉള്‍പ്പെടെയുള്ള ടാര്‍പ്പോളിന്‍, അച്ചടിയന്ത്രം, ലെയ്ത്തുകളും അവയുടെ ഭാഗങ്ങളും, സൈക്കിള്‍, മെഷീന്‍ ടൂളുകള്‍, മുന്‍സിപ്പല്‍ ഖരമാലിന്യ സംസ്കരണ ഉപകരണവും പ്ളാന്റുകളും, കൈത്തറി പരുത്തി ഉല്‍പ്പന്നങ്ങള്‍, ഓടാമ്പല്‍, കപ്പി, വാതില്‍ ജനല്‍ പടികള്‍ എന്നിവ കോണ്‍ക്രീറ്റില്‍

പിടിപ്പിക്കുന്നതിനുള്ള കുറ്റി, കേരള ഫെഡറേഷന്‍ ഓഫ് ബ്ളൈന്‍ഡ് ഉല്‍പ്പാദിപ്പിക്കുന്ന ചോക്ക്, കുടകള്‍, മെഴുകുതിരി, ദേവസ്വംബോര്‍ഡ്

പ്രസാദം, കെഎസ്ആര്‍ടിസി, വാട്ടര്‍ അതോറിറ്റി എന്നിവയ്ക്ക് ആഭ്യന്തരമായി ഉല്‍പ്പാദിപ്പിച്ചു

നല്‍കുന്ന പെട്രോളിയം ഉല്‍പ്പന്നങ്ങള്‍ ഒഴികെയുള്ള സാധനങ്ങള്‍, വറുത്ത കശുവണ്ടി, കാഷ്യൂസൂപ്പ്, കാഷ്യൂവിറ്റ, കാഷ്യൂ പൌഡര്‍, കാഷ്യൂ ബിറ്റ്സ്, എല്ലാത്തരം ഹാങ്ങറും.

വില കൂടും
പ്ളാസ്റിക് കാരിബാഗ്, 1000 രൂപയില്‍

കൂടുതല്‍ പ്രതിദിന വാടകയുള്ള ആശുപത്രി

മുറികള്‍, പേപ്പര്‍ ലോട്ടറി, ഡയറക്ട് മാര്‍ക്കറ്റിങ് ഉല്‍പ്പന്നങ്ങള്‍

ടൂറിസം വിപണനത്തിന് വന്‍ പദ്ധതികള്‍
തിരു: ടൂറിസത്തിനുള്ള പദ്ധതി അടങ്കല്‍ 83 കോടി രൂപയില്‍നിന്ന് 98 കോടി രൂപയായി ഉയര്‍ത്തി. തീരദേശ വിനോദപദ്ധതികള്‍ക്കാണ് പ്രാമുഖ്യം. വിനോദസഞ്ചാരവികസന കോര്‍പറേഷന് ഒമ്പതുകോടി രൂപ അനുവദിച്ചിട്ടുണ്ട്. ടൂറിസം വിപണനത്തിനുമാത്രം 15 കോടി രൂപ നീക്കിവച്ചിട്ടുണ്ട്. കേന്ദ്രസര്‍ക്കാര്‍ സഹായത്തോടെ വരുന്ന പാതിരാമണല്‍ ഇക്കോടൂറിസം പ്രോജക്ട്, മുസരീസ് പ്രോജക്ട്, മലബാറിലെ ടൂറിസംകേന്ദ്രങ്ങള്‍ എന്നിവയ്ക്ക് സംസ്ഥാനവിഹിതമായി മൂന്നുകോടി രൂപയാണ് വകയിരുത്തിയത്. ഏഴുകോടി രൂപകൂടി ഇതിന് ബജറ്റില്‍ അധികമായി നല്‍കി.

കൊടുങ്ങല്ലൂര്‍ കോവിലകത്തെ ഒരു കൊട്ടാരം കുഞ്ഞിക്കുട്ടി തമ്പുരാട്ടി സ്മാരകമായി ഇപ്പോഴുള്ള ഉടമസ്ഥരുടെ അവകാശങ്ങള്‍ നിലനിര്‍ത്തിയോ അല്ലെങ്കില്‍ അവരുടെ സമ്മതത്തോടെ സര്‍ക്കാര്‍ ഏറ്റെടുത്തോ പുനരുദ്ധരിച്ച് സംരക്ഷിക്കും. ഇതേ അടിസ്ഥാനത്തില്‍ പാലിയം കൊട്ടാരവും പുനരുദ്ധരിക്കും. എറിയാടുള്ള അബ്ദുറഹിമാന്‍ സാഹിബിന്റെ ജന്മഗൃഹം ഏറ്റെടുക്കല്‍ ഈ വര്‍ഷം പൂര്‍ത്തിയാക്കും.

ഗ്രാന്‍ഡ് കേരള ട്രേഡ് ഫെയര്‍ അതോറിറ്റിക്ക് 20 കോടി
തിരു: ഗ്രാന്‍ഡ് കേരള ട്രേഡ് ഫെയര്‍ വ്യാപിപ്പിക്കുന്നതിനായി ട്രേഡ് ഫെയര്‍ അതോറിറ്റി സ്ഥാപിക്കും. പദ്ധതിക്ക് 20 കോടി രൂപ അധികമായി വകയിരുത്തി. ടൂറിസവുമായി ബന്ധപ്പെടുത്തി വിദേശരാജ്യങ്ങളില്‍ വ്യാപാരമേളയെക്കുറിച്ച് വലിയതോതില്‍ പരസ്യങ്ങള്‍ നല്‍കും. കോഴിക്കോട് മിഠായിത്തെരുവ്, ഫോര്‍ട്ടുകൊച്ചി, തിരുവനന്തപുരത്തെ ചാല കമ്പോളം, എറണാകുളം ബ്രോഡ്വേ തുടങ്ങിയ പുരാതന വ്യാപാരകേന്ദ്രങ്ങള്‍ സംരക്ഷിച്ച് വികസിപ്പിക്കുന്നതിനും കണ്ണൂര്‍ കൈത്തറി, ആലപ്പുഴ കയര്‍, മാന്നാര്‍ ഓട്ടു വ്യവസായം എന്നീ വ്യവസായകേന്ദ്രങ്ങളില്‍ വാണിജ്യമേള പശ്ചാത്തലസൌകര്യങ്ങള്‍ ഒരുക്കുന്നതിനും 2008-09ല്‍ ട്രേഡ് ഫെയര്‍ ഫണ്ട് ഉപയോഗിക്കുന്നതാണ്.

വിവരസാങ്കേതികവിദ്യക്ക് ഇരട്ടിയോളം തുക
തിരു: കേരളത്തിന്റെ ഭാവിയില്‍ നിര്‍ണായകമാകുന്ന ഐടി വികസനത്തിന് ബജറ്റുവിഹിതം 78 കോടി രൂപയിലേക്ക് കുത്തനെ ഉയര്‍ത്തി. കഴിഞ്ഞ ബജറ്റില്‍ ഇത് 44 കോടി രൂപയായിരുന്നു. ഇതില്‍ പ്രധാനപ്പെട്ടത് കേരള സ്റേറ്റ് ഇന്‍ഫര്‍മേഷന്‍ ടെക്നോളജി മിഷന് നല്‍കിയിരിക്കുന്ന 18.4 കോടി രൂപയാണ്. 20 കോടി രൂപ നാഷണല്‍ ഇ-ഗവേര്‍ണന്‍സ് പ്ളാനിന്റെ ഭാഗമായി മിഷന്‍ ചെലവഴിക്കുന്നു. ഐടി പശ്ചാത്തലസൌകര്യങ്ങള്‍ വികസിപ്പിക്കുന്നതിന് ഒരു ഇന്‍ഫ്രാസ്ട്രക്ചര്‍ കമ്പനി രൂപീകരിക്കും. ഇതിന് അഞ്ചുകോടി രൂപ വിപണി മൂലധനമായി വകയിരുത്തിയിട്ടുണ്ട്.പരമ്പരാഗതമേഖലകളിലെ തൊഴില്‍സാധ്യതകളെ സംരക്ഷിക്കുന്നതിന് പദ്ധതിയില്‍ മുന്‍ഗണന നല്‍കിയിട്ടുണ്ട്. ദേശീയ തൊഴിലുറപ്പുപദ്ധതി നടപ്പാക്കുന്നതിലൂടെ തൊഴിലില്ലായ്മയ്ക്ക് ആശ്വാസം നല്‍കാനാകും. അതേസമയം, അഭ്യസ്തവിദ്യരുടെ തൊഴിലില്ലായ്മയ്ക്ക് പരിഹാരമായി കാണുന്നത് ഐടി, ടൂറിസംപോലുള്ള പുതിയ മേഖലകളിലെ വളര്‍ച്ചയാണ്.

കയര്‍ഫെഡ് പുനഃസംഘടനയ്ക്ക് ആവശ്യമായ തുക: ധനമന്ത്രി
തിരു: കയര്‍ഫെഡിന്റെ പുനഃസംഘടനയ്ക്ക് പ്രാഥമിക പരിഗണന നല്‍കുന്നതിനാല്‍ ഇതിന് ആവശ്യമായ തുക ബജറ്റില്‍ അനുവദിക്കും. ഇതിന്റെ മൊത്തം ചെലവ് കണക്കാക്കിയിട്ടില്ല. അതിനാല്‍, പ്രരംഭഘട്ടത്തില്‍ രണ്ടു കോടി രൂപ വകയിരുത്തുന്നതായി ധനമന്ത്രി പറഞ്ഞു. കയര്‍വ്യവസായ ആധുനികവല്‍ക്കരണത്തിന് അഞ്ചു കോടി വകയിരുത്തി. ഇതിനു പുറമെ ചെറുകിട ഉല്‍പ്പാദകരെയും സഹകരണസംഘങ്ങളെയും സഹായിക്കാനും ട്രാന്‍സ്പോര്‍ട്ട് സബ്സിഡിക്കും അഞ്ചു കോടി രൂപ വകയിരുത്തി. രണ്ടു കോടി രൂപ പൊതുസേവന സൌകര്യകേന്ദ്രങ്ങള്‍ നിര്‍മിക്കാന്‍ നീക്കിവച്ചു. കയര്‍ കോര്‍പറേഷനില്‍നിന്ന് ഉല്‍പ്പന്നങ്ങള്‍ വാങ്ങുന്ന കയറ്റുമതിക്കാര്‍ക്ക് അംഗീകൃതവിലയില്‍നിന്ന് പത്തു ശതമാനം റിബേറ്റ് നല്‍കാന്‍ അഞ്ചു കോടിയും വകയിരുത്തി.

സ്വര്‍ണം നികുതി 97 കോടി കവിഞ്ഞു
തിരു: സ്വര്‍ണാഭരണമേഖലയില്‍ നിന്നുള്ള നികുതിവരുമാനം നടപ്പുവര്‍ഷം ജനുവരിയില്‍ത്തന്നെ 97 കോടി കവിഞ്ഞതായി മന്ത്രി പറഞ്ഞു. 2005-06ല്‍ 21 കോടി കിട്ടിയ സ്ഥാനത്ത് കഴിഞ്ഞ വര്‍ഷം 97 കോടി കിട്ടി. ഈ വര്‍ഷം വരുമാനം ഇനിയും വര്‍ധിക്കും. അടുത്തവര്‍ഷം മുതല്‍ കൂടുതല്‍ വ്യാപാരികളെ കോമ്പൌണ്ടിങ് വ്യവസ്ഥയിലേക്ക് കൊണ്ടുവരും. അതിനായി കോമ്പൌണ്ടിങ് സമ്പ്രദായം ലഘൂകരിക്കുമെന്നും മന്ത്രി അറിയിച്ചു.

വര്‍ക്സ് കോണ്‍ട്രാക്ടുകള്‍ക്കുള്ള കോമ്പൌണ്ടിങ് വ്യവസ്ഥ ലഘൂകരിക്കുന്നതിന് ഉദ്ദേശിക്കുന്നതായി മന്ത്രി പറഞ്ഞു. സിഎസ്ടി രജിസ്ട്രേഷന്‍ ഉള്ള കരാറുകാര്‍ക്ക് എട്ട് ശതമാനം നിരക്കിലും അല്ലാത്തവയ്ക്ക് മൂന്ന് ശതമാനം നിരക്കിലും കോമ്പൌണ്ടിങ് അനുവദിക്കും. ബാര്‍ ഹോട്ടലുകള്‍ രജിസ്റ്റര്‍ചെയ്ത വ്യാപാരിയില്‍നിന്ന് വാങ്ങുന്ന പാക്കേജ്ഡ് വെള്ളം, മറ്റ് പാനീയങ്ങള്‍ എന്നിവയെ കോമ്പൌണ്ടിങ്ങിന്റെ പരിധിയില്‍ കൊണ്ടുവരും. ബാര്‍ ഹോട്ടലുകളില്‍ പാകംചെയ്യുന്ന ഭക്ഷണ പദാര്‍ഥങ്ങള്‍ക്ക് നികുതി മദ്യത്തിന്റെ വിറ്റുവരവുമായി ബന്ധപ്പെടുത്താതെ കോമ്പൌണ്ട് ചെയ്യാന്‍ അനുവദിക്കും.

മുളവികസനത്തിന് സമഗ്രപദ്ധതി
തിരു: മുള ഉല്‍പ്പന്ന വികസനത്തിന് സമഗ്രപരിപാടി നടപ്പാക്കുന്നതിന് ബാംബൂ വികസന കോര്‍പറേഷന് ഏഴു കോടി രൂപ വകയിരുത്തി. ഖാദി ഗ്രാമ വ്യവസായത്തിന് അഞ്ചു കോടിയും അനുവദിച്ചു. പയ്യന്നൂരില്‍ ഖാദി ക്ളസ്റര്‍ സെന്റര്‍ സ്ഥാപിക്കുന്ന നൂതനപദ്ധതിക്ക് സെറിഫെഡിന് മൂന്നു കോടി രൂപ ഉള്‍പ്പെടുത്തി.

കശുവണ്ടി മേഖലയ്ക്ക് 65.5 കോടി
തിരു: യുഡിഎഫ് സര്‍ക്കാര്‍ കശുവണ്ടി മേഖലയ്ക്ക് ശരാശരി മൂന്നു കോടി രൂപ അനുവദിച്ച സ്ഥാനത്ത് ഇക്കുറി വകയിരുത്തിയത് 65.5 കോടി രൂപ. കശുവണ്ടി കോര്‍പറേഷനും കാപെക്സിനും ഒറ്റത്തവണ സഹായ ധനമായി കഴിഞ്ഞവര്‍ഷം 25 കോടി രൂപ നല്‍കിയിരുന്നു. ഈ വര്‍ഷം 16 കോടി രൂപകൂടി വകയിരുത്തി. സ്ഥാപനങ്ങളുടെ തുടര്‍ പ്രവര്‍ത്തനത്തിന് സഹായമാകുന്നവിധത്തില്‍ ബാങ്കുകളിലെ കടം ഒറ്റത്തവണ തീര്‍പ്പാക്കാന്‍ ധാരണയുണ്ടാക്കും. തിരിച്ചടവിന്റെ ഭാരം സര്‍ക്കാര്‍ വഹിക്കും. കശുവണ്ടിത്തൊഴിലാളികള്‍ക്ക് കുടിശ്ശികയുള്ള ഗ്രാറ്റുവിറ്റിയും റിട്ടയര്‍മെന്റ് ആനൂകൂല്യവുമായുള്ള ഭീമമായ തുകയില്‍ ഒരു ഭാഗം ഈ വര്‍ഷം കൊടുത്തുതീര്‍ക്കും. ഇതിനായി അഞ്ചു കോടി രൂപ അധികം നീക്കിവച്ചു.

കെഎസ്ഡിപിക്ക് 20 കോടി; ഔഷധിക്ക് രണ്ടുകോടി
തിരു: ഗുണനിലവാരമുള്ള മരുന്നുകള്‍ ഉറപ്പുവരുത്തുന്നതിനായി സംസ്ഥാനത്ത് മരുന്ന് ഉല്‍പ്പാദിപ്പിക്കുന്ന പൊതുമേഖലാ സ്ഥാപനങ്ങളെ ശക്തിപ്പെടുത്തും. കേരള ഡ്രഗ്സ് ആന്‍ഡ് ഫാര്‍മസ്യൂട്ടിക്കല്‍സിന് 20 കോടി രൂപയുടെ നവീകരണപദ്ധതി നടപ്പാക്കും. ഇതിലേക്ക് ഏഴുകോടി രൂപ പ്രത്യേകം അനുവദിച്ചു. ഔഷധിയുടെ നവീകരണത്തിന് രണ്ടുകോടി രൂപ അധികമായി വകയിരുത്തി. ഹോംകോയുടെ പുതിയ ഫാക്ടറിക്കെട്ടിടത്തിന്റെ നിര്‍മാണത്തിനായി 50 ലക്ഷം രൂപയും ഫാര്‍മസി കോളേജ് സ്ഥാപിക്കുന്നതിനായി 20 ലക്ഷം രൂപയും വകയിരുത്തി. എറണാകുളത്തെ ഡ്രഗ്സ് ആന്‍ഡ് ഫാര്‍മസ്യൂട്ടിക്കല്‍ വ്യവസായ സഹകരണ സംഘത്തിന് 20 ലക്ഷം രൂപ അനുവദിച്ചു.

വന്‍കിട സ്ഥാപനങ്ങള്‍ക്ക് സര്‍ചാര്‍ജ്
തിരു: ചില്ലറ വ്യാപാരമേഖലയില്‍ പുതുതായി കടന്നുവന്ന വന്‍കിട സ്ഥാപനങ്ങള്‍ക്ക് സര്‍ചാര്‍ജ് ഏര്‍പ്പെടുത്തുമെന്ന് ധനമന്ത്രി അറിയിച്ചു. ഡയറക്ട് മാര്‍ക്കറ്റിങ് നടത്തുന്നവര്‍ ഉള്‍പ്പെടെയുള്ള ചില്ലറ വ്യാപാര ശൃംഖലയിലെ വന്‍കിട വ്യാപാര സ്ഥാപനങ്ങളുടെമേല്‍ കേരള നികുതിയുടെ പത്ത് ശതമാനം സര്‍ചാര്‍ജ് ഈടാക്കും. ഇതുവഴി രണ്ടുകോടിയുടെ അധികവരുമാനം പ്രതീക്ഷിക്കുന്നു.

ദിവസം 1000 രൂപയോ, കൂടുതലോ വാടകയുള്ള ആശുപത്രി മുറികള്‍ക്ക് പത്ത് ശതമാനം ആഡംബര നികുതി ചുമത്തുന്നതിലൂടെ ഒരു കോടിയുടെ അധികവരുമാനം കിട്ടും. പേപ്പര്‍ ലോട്ടറി സാധാരണ നറുക്കെടുപ്പിന് ഏഴു ലക്ഷമായും ബമ്പര്‍ നറുക്കെടുപ്പിന് 17 ലക്ഷമായും വര്‍ധിപ്പിക്കും. ഇതുവഴി 25 കോടിയുടെ അധികവരുമാനം ലഭിക്കും.

നികുതിദായകര്‍ക്കുള്ള അവാര്‍ഡുകള്‍ ഉടന്‍ പ്രഖ്യാപിക്കും. ജേതാക്കള്‍ക്ക് ഗ്രീന്‍ കാര്‍ഡുകള്‍ നല്‍കും. ഇലക്ട്രോണിക് ആയി റിട്ടേണ്‍ ഫയല്‍ ചെയ്യാനും നിയന്ത്രണങ്ങള്‍ക്ക് വിധേയമായി സ്റ്റാറ്റ്യൂട്ടറി ഫോമുകള്‍ ഡൌണ്‍ലോഡ് ചെയ്യാനുമുള്ള സൌകര്യങ്ങള്‍ ഏര്‍പ്പെടുത്തും. വ്യാപാര ക്ഷേമനിധി ബോര്‍ഡും വാറ്റ് കണ്‍സള്‍ട്ടേറ്റീവ് കമ്മിറ്റിയും പുനഃസംഘടിപ്പിക്കും.

പുതിയ വ്യവസായ സംരംഭങ്ങള്‍ക്കായി അതിവേഗ താല്‍ക്കാലിക രജിസ്ട്രേഷന്‍ സമ്പ്രദായം ഏര്‍പ്പെടുത്താന്‍ ഉദ്ദേശിക്കുന്നതായും മന്ത്രി പറഞ്ഞു.

റിട്ടേണ്‍ ഹാജരാക്കിയശേഷം നികുതിവെട്ടിപ്പ് കണ്ടെത്തിയ സംഭവങ്ങളില്‍ പുതുക്കിയ റിട്ടേണുകള്‍ സമര്‍പ്പിക്കാന്‍ അവസരം ഉണ്ടായിരിക്കില്ല. സെന്റര്‍ ഫോര്‍ ടാക്സേഷന്‍ സ്റ്റഡീസിന്റെ ഡിപ്ളോമ സര്‍ട്ടിഫിക്കറ്റ് നേടിയ പാര്‍ട്ട്ടൈം ജീവനക്കാരെയും സെയില്‍സ് ടാക്സ് പ്രാക്ടീഷണറുടെ നിര്‍വചനത്തില്‍ ഉള്‍പ്പെടുത്തും.

കൃഷിക്ക് 365 കോടി
തിരു: കൃഷിക്കും അനുബന്ധമേഖലയ്ക്കും 365 കോടി രൂപയാണ് വകയിരുത്തിയത്. ഇതില്‍‘രാഷ്ട്രീയ കൃഷിവികാസ് യോജനയുടെ വിഹിതംപെടുന്നില്ല. പ്ളാനിങ് കമീഷനുമായുള്ള ചര്‍ച്ചയുടെ അടിസ്ഥാനത്തില്‍ ഈ ഇനത്തില്‍ 150 കോടി രൂപയെങ്കിലും ലഭിക്കുമെന്നു കരുതുന്നു. ഇതിനു പുറമെയാണ് 765 കോടി രൂപയുടെ വിദര്‍ഭപാക്കേജും 1840 കോടി രൂപയുടെ കുട്ടനാടിനുള്ള സ്വാമിനാഥന്‍ കമീഷന്‍ പാക്കേജും. കേന്ദ്രസര്‍ക്കാര്‍ പണം അനുവദിക്കുന്ന മുറയ്ക്ക് ആവശ്യമായ സംസ്ഥാനവിഹിതം അനുവദിക്കും.

നെല്‍കൃഷി പ്രോത്സാഹിപ്പിക്കാന്‍ സഹകരണ മേഖലയില്‍ പ്രത്യേക പാക്കേജ് ഈ സാമ്പത്തികവര്‍ഷം നടപ്പാക്കും. ഇതുവരെ പലിശയിളവ്, മോറട്ടോറിയം, കടമെഴുതിത്തള്ളല്‍ തുടങ്ങിയവയിലൂടെ 3100 കോടി രൂപയുടെ ഇളവുകള്‍ കൃഷിക്കാര്‍ക്ക് സഹകരണമേഖല നല്‍കി.

നമ്മുടെ താല്‍പ്പര്യങ്ങള്‍ സംരക്ഷിച്ചുകൊണ്ട് സഹകരണ പാക്കേജില്‍നിന്ന് എങ്ങനെ ആനുകൂല്യങ്ങള്‍ നേടാം എന്നു ചര്‍ച്ചചെയ്തു വരികയാണെന്ന് ധനമന്ത്രി പറഞ്ഞു. വിലക്കയറ്റം നിയന്ത്രിക്കുന്നതില്‍ സഹകരണ വിപണനം കേരളീയം’പരിപാടി വലിയ സംഭാവന നല്‍കി.

നെല്‍ക്കൃഷിക്ക് പലിശ സബ്സിഡി, ഗ്രൂപ്പ് ഫാമിങ്, തരിശുഭൂമി കൃഷിയോഗ്യമാക്കല്‍, യന്ത്രവല്‍ക്കരണം തുടങ്ങിയവയ്ക്കായി 20 കോടി രൂപ വകയിരുത്തി. നെല്‍ക്കൃഷിക്ക് പ്രഖ്യാപിച്ച ഒമ്പത് രൂപ താങ്ങുവില ഇന്ത്യയില്‍ ഏറ്റവും ഉയര്‍ന്നതാണ്. സംയോജിത കേര വികസന പരിപാടിക്ക് 15 കോടി രൂപയും നീക്കിവച്ചു. 1000 പച്ചക്കറിഗ്രാമങ്ങള്‍ക്ക് രൂപം നല്‍കി‘ഹരിതശ്രീപദ്ധതി ശക്തമാക്കും. ഹോര്‍ട്ടികള്‍ച്ചര്‍ മിഷന്റെ സംസ്ഥാന വിഹിതമായി മൂന്നു കോടി രൂപയും വകയിരുത്തി.

കാര്‍ഷിക സര്‍വകലാശാലയുടെ ധനസഹായം 20 കോടി രൂപയില്‍നിന്ന് 30.25 കോടിയായി ഉയര്‍ത്തി. ലോകബാങ്ക് സഹായത്തോടെയുള്ള ദേശീയ കാര്‍ഷിക നവീനപദ്ധതിയില്‍നിന്നും കുട്ടനാട്ടിലെ സ്പെഷ്യല്‍ പാക്കേജില്‍നിന്നും കാര്‍ഷിക സര്‍വകലാശാലയ്ക്ക് ധനസഹായം ലഭ്യമാക്കും.

പെന്‍ഷനുകള്‍ വര്‍ധിപ്പിച്ചു; ലക്ഷങ്ങള്‍ക്ക് ആശ്വാസമാകും
തിരു: അസംഘടിതമേഖലയിലെ മുഴുവന്‍ പെന്‍ഷനും 200 രൂപയായി വര്‍ധിപ്പിച്ചു. കര്‍ഷകത്തൊഴിലാളികള്‍ക്കും മത്സ്യബന്ധനം, കയര്‍, കശുവണ്ടി, കൈത്തറി, ബീഡി, പനമ്പ്, ആര്‍ട്ടിസാന്‍സ്, കെട്ടിട നിര്‍മാണം തുടങ്ങിയ മേഖലയിലെല്ലാം പണിയെടുക്കുന്ന ദശലക്ഷക്കണക്കിനു തൊഴിലാളികള്‍ക്ക് ഇതിന്റെ പ്രയോജനം ലഭിക്കുമെന്ന് ധനമന്ത്രി പറഞ്ഞു. എത്ര വലിയ സാമ്പത്തിക ഞെരുക്കമുണ്ടായാലും പാവങ്ങള്‍ക്ക് കൊടുക്കാനുള്ളത് ഈ സര്‍ക്കാര്‍ കൊടുക്കും. പെന്‍ഷനുകള്‍ ബാങ്കു മുഖേന എല്ലാ മാസവും ആദ്യം ലഭ്യമാക്കും.

ധനമന്ത്രി എന്ന നിലയില്‍ താന്‍ ഏറ്റവും കൂടുതല്‍ അഭിമാനിക്കുന്നത് പെന്‍ഷന്‍ കുടിശ്ശിക കൊടുത്തുതീര്‍ത്തതിലാണ്. 686 കോടി രൂപയാണ് കഴിഞ്ഞ രണ്ടുവര്‍ഷമായി പാവങ്ങളുടെ പെന്‍ഷന്‍ കൊടുക്കാന്‍ ചെലവഴിച്ചത്. ഇപ്പോള്‍ കുടിശ്ശികയെല്ലാം തീര്‍ന്നു. രണ്ടു പതിറ്റാണ്ടുകൊണ്ട് പെന്‍ഷന്‍ 110-130 രൂപയിലേക്കെത്തിയിട്ടേയുള്ളൂ. ഈ സ്ഥതി മാറുകയാണ്.

ദാരിദ്യ്രരേഖയ്ക്കു കീഴിലുള്ള വയോജനങ്ങള്‍ക്ക് കേന്ദ്രസര്‍ക്കാരിന്റെ പദ്ധതിയനുസരിച്ച് 250 രൂപ പെന്‍ഷന്‍ നല്‍കും. നിലത്തെഴുത്ത് ആശാന്മാരെ ആര്‍ട്ടിസാന്‍സ് ആന്‍ഡ് സ്കില്‍ഡ് വര്‍ക്കേഴ്സ് വെല്‍ഫെയര്‍ ഫണ്ട് ബോര്‍ഡില്‍ ഉള്‍പ്പെടുത്തി പെന്‍ഷന്‍ അനുവദിക്കും. കക്കവാരല്‍ തൊഴിലാളികള്‍ക്ക് മത്സ്യ ക്ഷേമനിധിബോര്‍ഡില്‍ അംഗത്വം നല്‍കി പെന്‍ഷന്‍ അനുവദിക്കും. അങ്കണവാടി ജീവനക്കാര്‍ക്ക് അവരുടെ ക്ഷേമനിധിയുടെ ഭാഗമായി പെന്‍ഷന്‍ നല്‍കും. കര്‍ഷകത്തൊഴിലാളി ക്ഷേമനിധി ബോര്‍ഡിന്റെ ക്ഷേമപദ്ധതികളിലേക്ക് അഞ്ചു കോടി രൂപ അധികം അനുവദിച്ചു.

ഒരാള്‍ക്ക് രണ്ടു പെന്‍ഷന് അര്‍ഹതയുണ്ടാകില്ല. വിവിധ പെന്‍ഷന്‍ ലിസ്റുകള്‍ പരിശോധിച്ച് ആവര്‍ത്തനങ്ങള്‍ ഒഴിവാക്കി ഏകീകൃത ലിസ്റിന് രൂപം നല്‍കും.

വിലക്കയറ്റം യുഡിഎഫ് ആകെ നല്‍കിയത് 177 കോടി; ഇപ്പോള്‍ 311 കോടി കഴിഞ്ഞു
തിരു: വിലക്കയറ്റം തടയാന്‍ യുഡിഎഫ്-എല്‍ഡിഎഫ് സര്‍ക്കാരുകള്‍ എടുക്കുന്ന നടപടികളിലെ ഭീമമായ വ്യത്യാസം ധനമന്ത്രിയുടെ ബജറ്റ് പ്രസംഗത്തില്‍ തെളിഞ്ഞുനിന്നു. 2001-02 മുതല്‍ 2005-06 വരെയുള്ള അഞ്ചു വര്‍ഷം യുഡിഎഫ് റേഷന്‍ സബ്സിഡിയായും സിവില്‍ സപ്ളൈസ് കോര്‍പറേഷന് ധനസഹായമായും 177 കോടി രൂപയാണ് നല്‍കിയത്. എന്നാല്‍, 2006-07, 2007-08 എന്നീ രണ്ടു വര്‍ഷത്തില്‍ ഇതിനകം 311 കോടി രൂപ ചെലവാക്കി.

വിലക്കയറ്റം നിയന്ത്രിക്കാന്‍ റേഷന്‍ സംവിധാനത്തിനുപുറമെ സിവില്‍ സപ്ളൈസ് കോര്‍പറേഷന്‍, കണ്‍സ്യൂമര്‍ഫെഡ് തുടങ്ങിയ ഏജന്‍സികള്‍വഴിയുള്ള മാര്‍ക്കറ്റ് ഇടപെടല്‍ ശക്തിപ്പെടുത്തുമെന്ന് ധനമന്ത്രി പറഞ്ഞു. ഇവയുടെ ശൃംഖല കൂടുതല്‍ വിപുലപ്പെടുത്തും.

നടപ്പുവര്‍ഷത്തില്‍ 119 കോടി രൂപ റേഷന്‍ സബ്സിഡിയായി നല്‍കി. ഇതിനുപുറമെ സിവില്‍ സപ്ളൈസ് കോര്‍പറേഷന് 38 കോടി രൂപയും കണ്‍സ്യൂമര്‍ഫെഡിന് 13 കോടി രൂപയും ധനസഹായം നല്‍കി. കണക്കുകള്‍ പരിശോധിച്ച് മാര്‍ക്കറ്റിടപെടല്‍വഴി ഉണ്ടായ നഷ്ടം പൂര്‍ണമായും നികത്തും. വിലക്കയറ്റത്തിന് കടിഞ്ഞാണിടാനുള്ള പോരാട്ടത്തിന് വിഭവപരിധികള്‍ നിശ്ചയിച്ചിട്ടില്ല.

വിലക്കയറ്റത്തിന്റെ കെടുതിയില്‍നിന്ന് സാധാരണക്കാര്‍ക്ക് പരമാവധി സംരക്ഷണം നല്‍കാന്‍ സര്‍ക്കാര്‍ പ്രതിജ്ഞാബദ്ധമാണ്. കേന്ദ്രസര്‍ക്കാര്‍ നയങ്ങള്‍ സൃഷ്ടിച്ചിരിക്കുന്ന വിലക്കയറ്റം താരതമ്യേന രൂക്ഷമായി ബാധിക്കുന്ന സംസ്ഥാനങ്ങളിലൊന്നാണ് കേരളം.

ആരോഗ്യമിഷന്‍ പദ്ധതിക്ക് 133 കോടി
തിരു: ദേശീയ ഗ്രാമീണ ആരോഗ്യ മിഷന്‍പദ്ധതിപ്രകാരം 133 കോടി രൂപ ആരോഗ്യമേഖലയില്‍ ചെലവഴിക്കും. ആരോഗ്യ വിദ്യാഭ്യാസത്തിന്റെ അടങ്കല്‍ 2007-08ല്‍ 13 കോടി രൂപയായിരുന്നത് 30 കോടി രൂപയായി ഉയര്‍ത്തി. തദ്ദേശീയ ആരോഗ്യസമ്പ്രദായങ്ങള്‍ക്കുള്ള അടങ്കല്‍ അഞ്ചുകോടി രൂപയില്‍നിന്ന് 16.5 കോടിയായി ഉയര്‍ത്തി.

കലവൂര്‍, കൂത്താളി, കോന്നി, മറ്റത്തൂര്‍ എന്നീ പിഎച്ച്സി കളുടെയും പനങ്ങാട്, പിണറായി സിഎച്ച്സികളുടെയും കൊയിലാണ്ടി, കൊട്ടാരക്കര, റാന്നി, പെരുമ്പാവൂര്‍ താലൂക്കാശുപത്രികളുടെയും പുതുക്കാട്, ഐരാണിമുട്ടം ആശുപത്രികളുടെയും പുതിയ കെട്ടിടങ്ങളുടെ നിര്‍മാണം ഈ വര്‍ഷം തുടങ്ങും. മാനന്തവാടി നേഴ്സിങ് സ്കൂളിന്റെ നിര്‍മാണവും ഈ വര്‍ഷം ആരംഭിക്കും.

കണ്ണൂരില്‍ പബ്ളിക് ഹെല്‍ത്ത് ലബോറട്ടറി ആരംഭിക്കുന്നതിന് 70 ലക്ഷവും ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഡയബറ്റിക്സിനും കോഴിക്കോട് മെഡിക്കല്‍ കോളേജില്‍ സ്റേറ്റ് ഇന്‍സ്റിറ്റ്യൂട്ട് ഓഫ് സ്പോര്‍ട്സ് മെഡിസിനും വേണ്ടി ഒരുകോടി രൂപയും വകയിരുത്തി. ഈ വര്‍ഷം പാരാമെഡിക്കല്‍ കൌണ്‍സില്‍ സ്ഥാപിക്കും. ഇതിനായി 50 ലക്ഷം രൂപ ഉള്‍ക്കൊള്ളിച്ചു. മെഡിക്കല്‍ കോളേജുകളുടെ ഹോസ്റല്‍ നവീകരിക്കുന്നതിനും പുതിയ ഹോസ്റലുകള്‍ പണിയുന്നതിനും മൂന്നുകോടി രൂപ വകയിരുത്തി. കോഴിക്കോട് റീജണല്‍ ഇന്‍സ്റ്റിറ്റ്യൂട്ട് ഓഫ് ഓഫ്താല്‍മോളജി, തിരുവനന്തപുരത്ത് സ്പൈന്‍ സര്‍ജറി യൂണിറ്റ് എന്നിവ സ്ഥാപിക്കുന്നതിന് 50 ലക്ഷം രൂപവീതം അനുവദിച്ചു.

പടന്നയിലെ ഇ എം എസ് മെമ്മോറിയല്‍ സഹകരണ ആശുപത്രിക്ക് 2000-01ല്‍ 10 ലക്ഷം രൂപ അനുവദിച്ചതാണ്. ഇതുവരെ ലഭ്യമാക്കിയിട്ടില്ല. ഈ തുക അധികമായി അനുവദിച്ചു. ഉഴവൂരില്‍ കെ ആര്‍ നാരായണന്‍ സ്മാരക മാതൃകാ കമ്യൂണിറ്റി ഹെല്‍ത്ത് ആശുപത്രിക്ക് 25 ലക്ഷം രൂപ അധികമായി അനുവദിച്ചു.

കുട്ടികളുടെ ക്യാന്‍സര്‍ ചികിത്സ സര്‍ക്കാര്‍ വഹിക്കും;രണ്ടു രൂപയ്ക്ക് ഉച്ചഭക്ഷണം പദ്ധതി
തിരു: സംസ്ഥാനത്തെ ക്യാന്‍സര്‍ രോഗബാധിതരായ കുട്ടികള്‍ക്ക് ചികിത്സാ ധനസഹായം സര്‍ക്കാര്‍ നല്‍കുമെന്ന് ധനമന്ത്രി പറഞ്ഞു. കഴിഞ്ഞ വര്‍ഷത്തെ ബജറ്റില്‍ കുട്ടികള്‍ക്കുള്ള ക്യാന്‍സര്‍ സുരക്ഷാ പദ്ധതിക്ക് നീക്കിവച്ച തുക കുറവായിരുന്നു. ഈ വര്‍ഷം 15 കോടി രൂപ ട്രഷറിയില്‍ കോര്‍പ്പസ് ഫണ്ടായി നിക്ഷേപിക്കും.

കോഴിക്കോട് മെഡിക്കല്‍ കോളേജ് ആശുപത്രിയില്‍ രോഗികള്‍ക്ക് ഭക്ഷണം നല്‍കാനുള്ള ബേസ് കിച്ചന്‍ പ്രയോജനപ്പെടുത്തി രണ്ടു രൂപയ്ക്ക് ഏതൊരാള്‍ക്കും ഉച്ചഭക്ഷണം നല്‍കുന്ന പദ്ധതി പരീക്ഷണാടിസ്ഥാനത്തില്‍ കോഴിക്കോട് നഗരത്തില്‍ നടപ്പാക്കും. സന്നദ്ധ സംഘടനകളുടെയും വ്യവസായ സ്ഥാപനങ്ങളുടെയുമെല്ലാം സഹകരണത്തോടുകൂടിയാണ് നടപ്പാക്കുക. പരീക്ഷണം വിജയിച്ചാല്‍ മറ്റ് പ്രധാന നഗരങ്ങളിലും വ്യാപിപ്പിക്കും.

സര്‍ക്കാര്‍ ആശുപത്രികളില്‍ ഇനി ‘വാര്‍ഡ് നമ്പര്‍ 9’ ഉണ്ടാവാന്‍ പാടില്ലെന്നാണ് സര്‍ക്കാര്‍ ആഗ്രഹിക്കുന്നത്. ഇത് ഉറപ്പുവരുത്തുന്നതിന് സര്‍ക്കാര്‍ ആശുപത്രികളില്‍നിന്ന് മാറാരോഗങ്ങളുമായി ഡിസ്ചാര്‍ജ് ചെയ്യുന്നവരെ സംരക്ഷിക്കാനുള്ള കേന്ദ്രം നടത്താന്‍ സന്നദ്ധ സംഘടനകള്‍ക്ക് ധനസഹായം നല്‍കും. തുടക്കമെന്ന നിലയില്‍ എല്ലാ മെഡിക്കല്‍ കോളേജ് ആശുപത്രികളോടും ബന്ധപ്പെടുത്തി ഇത്തരം ഒരു സ്ഥാപനത്തിനെങ്കിലും ഈ വര്‍ഷം അംഗീകാരം നല്‍കും.

സാമൂഹ്യ സുരക്ഷാ മിഷനായിരിക്കും പദ്ധതികള്‍ നടപ്പാക്കുക . 60 കോടി രൂപയാണ് മിഷന്റെ മൊത്തം ഫണ്ട്. ഇതില്‍ 20 കോടി രൂപ ആശ്രയ പദ്ധതിയെ പിന്തുണയ്ക്കുന്നതിനായിരിക്കും. ആരോഗ്യ പരിരക്ഷ മുഖ്യപ്രശ്നമായി വരുന്ന നിരാലംബ ആശ്രയ കുടുംബങ്ങളുടെ പദ്ധതിക്കുള്ള ധനസഹായം മിഷനായിരിക്കും നല്‍കുക. പഞ്ചായത്തുകള്‍ ആരംഭിക്കുന്ന ‘ബഡ്സ്’ സ്കൂളുകള്‍ക്കുള്ള ധനസഹായവും പദ്ധതിയില്‍നിന്ന് നല്‍കും. സോഷ്യല്‍ വെല്‍ഫെയര്‍ വകുപ്പിന് കീഴിലുള്ള വൃദ്ധസദനങ്ങള്‍, അഗതി മന്ദിരങ്ങള്‍, ജുവനൈല്‍ വീടുകള്‍ തുടങ്ങിയ 48 സ്ഥാപനങ്ങള്‍ നവീകരിക്കുന്നതിന് അഞ്ചുകോടി രൂപ ചെലവഴിക്കും.

ഭൂബാങ്കിന് അഞ്ചുകോടി
തിരു: അന്യാധീനപ്പെട്ട അമ്പതിനായിരത്തോളം ഏക്കര്‍ ഭൂമി, പുറമ്പോക്കു ഭൂമി, റെവന്യൂ ഭൂമി, മിച്ചഭൂമി തുടങ്ങിയവ എല്ലാം കേരള സംസ്ഥാന ഭൂബാങ്കിന്റെ കീഴില്‍ കൊണ്ടുവരുമെന്ന് ധനമന്ത്രി പറഞ്ഞു. ഭൂരഹിതര്‍ക്കും വ്യവസായവല്‍ക്കരണത്തിനും ഇതില്‍ നിന്ന് ഭൂമി ലഭ്യമാക്കും. കേരള ഭൂബാങ്കിന് അഞ്ചുകോടി രൂപ ബജറ്റില്‍ വകയിരുത്തി. ആറ്റിങ്ങല്‍, കോതമംഗലം, പിറവം, ആലത്തൂര്‍, ഹോസ്ദുര്‍ഗ് എന്നിവിടങ്ങളില്‍ പുതിയ മിനി സിവില്‍ സ്റേഷനുകള്‍ ആരംഭിക്കും. കണ്ണൂര്‍, പള്ളുരുത്തി ഗവണ്‍മെന്റ് ഓഫീസ് കോംപ്ളക്സുകള്‍, പെരുമ്പാവൂര്‍, പേരാമ്പ്ര, റാന്നി, കുന്നംകുളം, നെടുങ്കണ്ടം മിനി സിവില്‍ സ്റേഷനുകള്‍, സുല്‍ത്താന്‍ ബത്തേരി ഗവണ്‍മെന്റ് സെര്‍വന്റ്സ് ക്വാര്‍ട്ടേഴ്സ് എന്നിവയാണ് പുതിയ പ്രധാന നിര്‍മാണപ്രവൃത്തികള്‍. കോഴിക്കോട് കോടതിയുടെ ഇരുനൂറാം വാര്‍ഷികാഘോഷത്തിന്റെ ഭാഗമായി നിര്‍മിക്കുന്ന കെട്ടിടസമുച്ചയത്തിന്റെ ഒന്നാംഘട്ടത്തിന് പണം വകയിരുത്തി.

ആനസംരക്ഷണ കേന്ദ്രത്തിന് അരക്കോടി
തിരു: ശ്രീലങ്കയിലെ പിന്നവേലിയിലെപോലെ ആനകള്‍ക്കൊരു സംരക്ഷണകേന്ദ്രം സ്ഥാപിക്കുന്നതിന് 50 ലക്ഷം രൂപ അധികമായി വകയിരുത്തി. വനംവകുപ്പുമായി സഹകരിച്ച് പദ്ധതി നടപ്പാക്കും. കൂട്ടംതെറ്റി വരുന്ന കാട്ടാനക്കുട്ടികളെ ഇവിടെ പരിപാലിക്കും. ആറന്മുള വള്ളംകളിയുടെ സുഗമമായ നടത്തിപ്പിന് പമ്പാനദിക്കുകുറുകെ റബര്‍ ചെക്ഡാം നിര്‍മിക്കുന്നതിനുള്ള സാധ്യതാ പഠനത്തിനായി 10 ലക്ഷം രൂപയും വകയിരുത്തി.

 

മിഥ്യാബജറ്റ്: ഉമ്മന്‍ ചാണ്ടി
തിരു: മിഥ്യാബജറ്റാണ് ധനമന്ത്രി ഡോ. തോമസ് എസക്ക് അവതരിപ്പിച്ചതെന്ന് പ്രതിപക്ഷ നേതാവ് ഉമ്മന്‍ചാണ്ടി വാര്‍ത്താസമ്മേളനത്തില്‍ പറഞ്ഞു. ക്ഷേമപെന്‍ഷന്‍ തുക വര്‍ധിപ്പിക്കാനുള്ള തീരുമാനത്തെ സ്വാഗതം ചെയ്യുന്നു. എന്നാല്‍ കേന്ദ്രസര്‍ക്കാര്‍ അനുവദിച്ച വാര്‍ധക്യകാല പെന്‍ഷന്‍ കേരളത്തില്‍ ഒരാള്‍ക്ക് പോലും അനുവദിക്കാന്‍ സര്‍ക്കാരിനായില്ല.

=====================================

1. മുന്നോട്ടുവയ്ക്കുന്നത് ഇടതുപക്ഷ ബദല്‍
തിരു: പാവങ്ങള്‍ക്കും ദുര്‍ബലവിഭാഗങ്ങള്‍ക്കും കയ്യയച്ച് സഹായം. സര്‍വതലസ്പര്‍ശിയായ വികസനവകയിരുത്തല്‍. കേരളത്തിന്റെ സമഗ്രവികസനത്തിനുള്ള മാര്‍ഗരേഖ മുന്നോട്ടുവെച്ച ധനമന്ത്രി ഡോ. ടി എം തോമസ് ഐസക്ക് ആഗോളവത്കരണനയങ്ങളുടെയും കേന്ദ്രസര്‍ക്കാറിന്റെ നയസമീപനങ്ങളുടെയും പശ്ചാത്തലത്തില്‍ ഇടതുപക്ഷ ബദല്‍ എന്തെന്ന് പ്രഖ്യാപിക്കുന്നു.

കടക്കെണി, നികുതിവരുമാനം, നികുതി കുടിശിക, പലിശഭാരം, പണം ചെലവഴിക്കുന്നതില്‍ നിയന്ത്രണം, ധനമാനേജ്മെന്റ് തുടങ്ങി ചില കേന്ദ്രങ്ങള്‍ ഉയര്‍ത്തിയ എല്ലാ വാദങ്ങളെയും പൊളിച്ച ധനമന്ത്രി കേരളത്തിന്റെ മെച്ചപ്പെടുന്ന ധനസ്ഥിതിയുടെ ചിത്രമാണ് ബജറ്റില്‍ വരച്ചുകാട്ടിയത്. 2010-11ഓടെ റെവന്യുകമ്മി ഇല്ലാതാക്കാനും ധനകമ്മി പുര്‍ണമായും നിയന്ത്രണാധീനമാക്കാനും കഴിയുമെന്ന് അദ്ദേഹത്തിന് ആത്മവിശ്വാസമുണ്ട്. ഉല്പാദനവര്‍ധനവുമായി ബന്ധപ്പെടുത്തിയ സാമ്പത്തിക വളര്‍ച്ച, കൃഷി-പരമ്പരാഗത വ്യവസായമേഖലകള്‍ മെച്ചപ്പെടുത്തുന്നതിനൊപ്പം വിജ്ഞാനാധിഷ്ഠിതവ്യവസായങ്ങളും സേവനമേഖലകളും ശക്തിപ്പെടുത്തല്‍, പൊതുമേഖലാസ്ഥാപനങ്ങളുടെ നവീകരണം, അടിസ്ഥാനസൌകര്യങ്ങളുടെ വികസനം, കൂടുതല്‍ തൊഴിലവസരങ്ങള്‍ തുടങ്ങിയവ ലക്ഷ്യമാക്കുന്ന ബജറ്റ് ക്ഷേമപദ്ധതികള്‍ക്ക് പ്രത്യേക ഊന്നല്‍ നല്‍കുന്നു. പാവങ്ങളുടെ പരിരക്ഷ ഉറപ്പുവരുത്താത്ത ഒരു വികസനപാതയും കേരളത്തിന് സ്വീകാര്യമല്ല എന്ന നിലപാടിനുള്ള പൂര്‍ണ പിന്തുണയാണ് എല്‍ഡിഎഫ് സര്‍ക്കാറിന്റെ മൂന്നാമത് ബജറ്റ്. കഷ്ടപ്പെടുന്നവരെ സംരക്ഷിക്കാന്‍ സമൂഹത്തിനുള്ള ബാധ്യത ബജറ്റ് ഓര്‍മ്മിപ്പിക്കുന്നു.

സാമൂഹ്യസുരക്ഷാപദ്ധതികള്‍ക്ക് നല്‍കുന്ന പ്രാധാന്യമാണ് ബജറ്റിനെ ശ്രദ്ധേയമാക്കുന്നത്്. യുഡിഎഫ് സര്‍ക്കാര്‍ അഞ്ചുവര്‍ഷം ക്ഷേമപെന്‍ഷനുകളുടെ ഇനത്തില്‍ വരുത്തിയ 686 കോടി രൂപയുടെ കുടിശിക വിതരണം ചെയ്ത എല്‍ഡിഎഫ് എല്ലാ ക്ഷേമപെന്‍ഷനുകളും വര്‍ധിപ്പിച്ചു. വിലക്കയറ്റം തടയുന്നതിനായി വിപണിയില്‍ ഇടപെടാന്‍ സപ്ളൈകോയ്ക്കും കണ്‍സ്യുമര്‍ഫെഡറേഷനും പരിധിയില്ലാതെ ധനസഹായം പ്രഖ്യാപിച്ചത് ശ്രദ്ധേയമാണ്്. രണ്ടു രുപയ്ക്ക് ഉച്ചഭക്ഷണം നല്‍കാനുള്ള പദ്ധതി ഈ സര്‍ക്കാറിന്റെ സാമൂഹ്യപ്രതിബദ്ധതയുടെ വിളംബരമാണ്. ദരിദ്രരും പട്ടിണിക്കാരുമില്ലാത്ത കേരളമാണ് ബജറ്റ് ലക്ഷ്യമാക്കുന്നത്. ദാരിദ്യ്രരേഖക്കു താഴെയുള്ള എല്ലാ കുടുംബങ്ങള്‍ക്കും ആരോഗ്യ ഇന്‍ഷൂറന്‍സ്; സാമൂഹ്യസുരക്ഷാമിഷനായി 70 കോടി; മാനസികവളര്‍ച്ചയില്ലാത്ത കുട്ടികള്‍, അനാഥാലയങ്ങളിലെ കുട്ടികള്‍, രോഗികളായ കുഞ്ഞുങ്ങള്‍ തുടങ്ങിയവര്‍ക്കുള്ള സഹായപദ്ധതികള്‍; സച്ചാര്‍ റിപ്പോര്‍ട്ട് നടപ്പാക്കാനുള്ള വകയിരുത്തല്‍, വിദ്യാഭ്യാസപ്രോത്സാഹന നടപടികള്‍, സ്ത്രീശാക്തീകരണപദ്ധതികള്‍ തുടങ്ങി വന്‍കിട വികനപദ്ധതികള്‍ക്കൊപ്പം സമൂഹത്തിന്റെയാകെ ഉന്നമനമാണ് ബജറ്റ് ലക്ഷ്യമിടുന്നത്. കഴിവുള്ളവര്‍ അധ:സ്ഥിതരെ സഹായിക്കുന്നതില്‍ ഭാഗഭാക്കാകണം എന്ന സന്ദേശമാണ് ചില്ലറവ്യാപാരമേഖലയിലെ കുത്തകകേന്ദ്രങ്ങളില്‍ നിന്ന് ഒരു ശതമാനം സര്‍ച്ചാര്‍ജ്ജ് ഈടാക്കാനുള്ള തീരുമാനം.

2.  നികുതികുടിശ്ശിക തീര്‍പ്പാക്കാന്‍ ആംനെസ്റ്റി സ്കീം
തിരു: വാണിജ്യ നികുതി വകുപ്പില്‍ ഒടുക്കേണ്ട എല്ലാതരം നികുതി കുടിശ്ശികകളും തീര്‍പ്പാക്കുന്നതിന് ആംനെസ്റ്റി സ്കീം എന്ന പേരില്‍ പദ്ധതി കൊണ്ടുവരുമെന്ന് മന്ത്രി തോമസ് ഐസക് ബജറ്റ് പ്രസംഗത്തില്‍ പറഞ്ഞു. 2007 ഡിസംബര്‍ 31ലെ കണക്കനുസരിച്ച് നികുതിവകുപ്പിന് ഏകദേശം 4280 കോടിയോളം രൂപ പിരിഞ്ഞുകിട്ടാനുണ്ട്. ഈ തുക പിരിച്ചെടുക്കുകയാണ് ലക്ഷ്യം.

1990-91 വരെയുള്ള നികുതിയുടെ 75 ശതമാനം ഒടുക്കിയാല്‍ പലിശയും പിഴയും പൂര്‍ണമായും മുതലിന്റെ 25 ശതമാനവും ഒഴിവാക്കും. 91-96 കാലത്തെ നികുതി പൂര്‍ണമായും ഒടുക്കിയാല്‍ പലിശയും പിഴയും ഒഴിവാക്കും. 97-2000 വരെയുള്ള കുടിശ്ശികയുടെ പലിശ, പിഴ എന്നിവയുടെ അഞ്ച് ശതമാനം അടയ്ക്കണം. 2000-05 കാലത്തെ കുടിശ്ശികയുടെ പലിശ, പിഴ എന്നിവയുടെ 10 ശതമാനം അടയ്ക്കണം. പലിശമാത്രം അടയ്ക്കാനുള്ള കേസുകളില്‍ അതിന്റെ 10 ശതമാനംമാത്രം അടച്ചാല്‍ മതിയാകുമെന്ന് മന്ത്രി പറഞ്ഞു.

ഈ പദ്ധതി അനുസരിച്ച് കുടിശ്ശിക സെറ്റില്‍ചെയ്യാന്‍ ആഗ്രഹിക്കുന്നവര്‍ നികുതി നിര്‍ണയ അധികാരി മുമ്പാകെ 2008 ജൂണ്‍ 30നുള്ളില്‍ അപേക്ഷിക്കണം.

നികുതി നിര്‍ണയം സംബന്ധിച്ച കേസുകള്‍ അദാലത്തുകള്‍ മുഖേന ഈ വര്‍ഷംതന്നെ തീര്‍പ്പാക്കും. സിഎസ്ടി നിയമപ്രകാരമുള്ള 2005-06ലെ അസെസ്മെന്റുകള്‍ പൂര്‍ത്തിയാക്കുന്നതിനുള്ള കാലാവധി ഒരു വര്‍ഷത്തേക്ക് നീട്ടിനല്‍കുമെന്ന് മന്ത്രി പറഞ്ഞു. നികുതി നിരക്കുകളില്‍ കുറവ് വരുത്തുന്നതിന് വാറ്റ് നിയമത്തില്‍ ഭേദഗതി വരുത്തും. വാറ്റ് ട്രിബ്യൂണലിന് അപ്പലേറ്റ് ബഞ്ച് ബാധകമാക്കുമെന്നും മന്ത്രി പറഞ്ഞു.

3. പാവങ്ങള്‍ക്ക് ചികിത്സ ഉറപ്പ്; വരുന്നു സമഗ്ര ആരോഗ്യ ഇന്‍ഷുറന്‍സ്
തിരു: ദാരിദ്യ്രരേഖയ്ക്ക് കീഴിലുള്ള മുഴുവന്‍ കുടുംബങ്ങള്‍ക്കും ആരോഗ്യ ഇന്‍ഷുറന്‍സ് ഏര്‍പ്പെടുത്തുന്ന പദ്ധതി ധനമന്ത്രി തോമസ് ഐസക് പ്രഖ്യാപിച്ചു. പാവപ്പെട്ടവര്‍ ചികിത്സയ്ക്കായി അനുഭവിക്കുന്ന കഷ്ടപ്പാടിന് പരിഹാരമായി നടപ്പാക്കുന്ന പദ്ധതി കേന്ദ്രം പ്രഖ്യാപിച്ച ആരോഗ്യ ഇന്‍ഷുറന്‍സ് പദ്ധതി പ്രയോജനപ്പെടുത്തിയാകും. ഏറ്റവും താഴേക്കിടയിലുള്ള 30 ശതമാനം പേര്‍ക്കെങ്കിലും സൌജന്യവും കാര്യക്ഷമവുമായ ചികിത്സ പദ്ധതിയിലൂടെ ലഭ്യമാകും.

കേന്ദ്രസര്‍ക്കാര്‍ ദാരിദ്യ്രരേഖയ്ക്ക് കീഴിലെന്ന് അംഗീകരിച്ച മുഴുവന്‍ കുടുംബങ്ങള്‍ക്കുമാണ് ഈ വര്‍ഷം ആരോഗ്യ ഇന്‍ഷുറന്‍സ് ഏര്‍പ്പെടുത്തുന്നത്. ഇതിന് 20 കോടി രൂപ വകയിരുത്തി.

ആരോഗ്യ ഇന്‍ഷുറന്‍സ് ദാരിദ്യ്രരേഖയ്ക്കു കീഴിലുള്ളവര്‍ക്കു മാത്രമായി പരിമിതപ്പെടുത്തിക്കൂടെന്നും താല്‍പ്പര്യമുള്ള ഏതൊരാളെയും പദ്ധതിയില്‍ ഉള്‍പ്പെടുത്തണമെന്നുമാണ് കാഴ്ചപ്പാട്. ഇതിന്റെ ഭാഗമായി‘കേരള സമഗ്ര ആരോഗ്യ ഇന്‍ഷുറന്‍സ്’ എന്ന പദ്ധതിക്ക് രൂപം നല്‍കും. കൊല്ലം, ആലപ്പുഴ ജില്ലകളിലാണ് പരീക്ഷണാടിസ്ഥാനത്തില്‍ നടപ്പാക്കുക. ‘രാഷ്ട്രീയ സ്വാസ്ത്യ ബീമ യോജന പദ്ധതിക്കായി കേന്ദ്രസര്‍ക്കാര്‍ ഈ ജില്ലകളെയാണ് തെരഞ്ഞെടുത്തത്. കേരള സമഗ്ര ആരോഗ്യ ഇന്‍ഷുറന്‍സ്’ പദ്ധതിയുടെ പ്രത്യേകത, മുഴുവന്‍ കുടുംബങ്ങള്‍ക്കും ആരോഗ്യ ഇന്‍ഷുറന്‍സ് നല്‍കുന്നു എന്നതാണ്. ഈ പദ്ധതിക്കും 20 കോടി വകയിരുത്തി.

കേന്ദ്രസര്‍ക്കാരിന്റെ ദാരിദ്യ്രരേഖയ്ക്കു കീഴില്‍വരുന്നവര്‍ക്ക് 30 രൂപ രജിസ്ട്രേഷന്‍ ഫീസ് നല്‍കിയാല്‍ മതി. പ്രീമിയമായ 750 രൂപ കേന്ദ്ര സംസ്ഥാന സര്‍ക്കാരുകള്‍ സബ്സിഡിയായി നല്‍കും. സംസ്ഥാന സര്‍ക്കാരിന്റെ ദാരിദ്യ്രരേഖയ്ക്കു കീഴില്‍ വരുന്നവര്‍ 100 രൂപ ഗുണഭോക്തൃ വിഹിതമായി നല്‍കണം. ബാക്കി പ്രീമിയം സംസ്ഥാന സര്‍ക്കാര്‍ സബ്സിഡിയായി നല്‍കും. ദാരിദ്യ്ര രേഖയ്ക്ക് മുകളിലാണെങ്കില്‍, കുടുംബാംഗങ്ങളില്‍ ഒരാള്‍ക്കുപോലും സംഘടിത മേഖലയില്‍ തൊഴിലില്ലാതിരിക്കുകയും ഒരു ഹെക്ടറില്‍ താഴെമാത്രം ഭൂമിയുണ്ടായിരിക്കുകയും ചെയ്യുന്നവര്‍ക്ക് 500 രൂപയാണ് പ്രീമിയം; ബാക്കിയുള്ളവര്‍ മുഴുവന്‍ പ്രീമിയവും അടയ്ക്കണം. പൊതു ആരോഗ്യ സംവിധാനത്തെ ആസ്പദമാക്കി നടപ്പാക്കുന്ന ആരോഗ്യ ഇന്‍ഷുറന്‍സാണ് ഇതെന്ന പ്രത്യേകതയുമുണ്ട്. കണ്‍സള്‍ട്ടേഷന്‍ ഫീസ്, ടെസ്റുകളുടെ തുക, മുറിക്കോ കിടക്കയ്ക്കോ ഉള്ള വാടക, മരുന്ന് ഇവയൊക്കെ പൊതു ആരോഗ്യ സംവിധാനത്തെ അടിസ്ഥാനമാക്കിയായിരിക്കും രൂപം നല്‍കുക. ഈ നിരക്കിന് സേവനം നല്‍കാന്‍ സന്നദ്ധരായുള്ള സ്വകാര്യ ആശുപത്രികള്‍ക്കും പദ്ധതിയില്‍ പങ്കാളികളാകാം. ഇപ്പോഴുള്ള കേന്ദ്രപദ്ധതിയിലെ ആനുകൂല്യങ്ങള്‍ക്കു പുറമെ ഒപി ചികിത്സ, പ്രസവം, അപകടം തുടങ്ങിയവയ്ക്കുകൂടി പരിരക്ഷ നല്‍കാന്‍ ശ്രമിക്കും.

4.  പിന്നോക്കക്ഷേമത്തിന് 16 കോടി സച്ചാര്‍ : പാലോളി ശുപാര്‍ശ നടപ്പാക്കാന്‍ 10 കോടി
തിരു: സച്ചാര്‍ കമീഷന്‍ റിപ്പോര്‍ട്ട് നടപ്പാക്കുന്നത് സംബന്ധിച്ച് മന്ത്രി പാലോളി മുഹമ്മദ്കുട്ടിയുടെ അധ്യക്ഷതയിലുള്ള സമിതിയുടെ ശുപാര്‍ശകള്‍ പ്രാവര്‍ത്തികമാക്കാന്‍ ബജറ്റില്‍ 10 കോടി രൂപ അനുവദിച്ചു. സച്ചാര്‍ റിപ്പോര്‍ട്ടിന്റെ അടിസ്ഥാനത്തിലാണ് നിര്‍ദേശങ്ങള്‍ സമര്‍പ്പിക്കാന്‍ പാലോളി കമ്മറ്റിയെ ചുമതലപ്പെടുത്തിയിരുന്നത്. മുസ്ളിം ജനവിഭാഗങ്ങളുടെ സാമൂഹ്യ സാമ്പത്തിക പിന്നോക്കാവസ്ഥ സച്ചാര്‍ റിപ്പോര്‍ട്ട് വെളിപ്പെടുത്തുകയുണ്ടായി. കേരളത്തിലെ പ്രത്യേക സാഹചര്യം കണക്കിലെടുത്താണ് സച്ചാര്‍ നിര്‍ദേശങ്ങള്‍ക്ക് പ്രവര്‍ത്തന പരിപാടി ആവിഷ്കരിക്കുന്നതെന്നും മന്ത്രി തോമസ് ഐസക് ബജറ്റ് പ്രസംഗത്തില്‍ പറഞ്ഞു.

മദ്രസ അധ്യാപകര്‍ക്ക് ക്ഷേമനിധി ഏര്‍പ്പെടുത്തണമെന്ന ദീര്‍ഘകാലത്തെ ആവശ്യം അംഗീകരിച്ചു. അറബിക്-മാപ്പിള പഠനങ്ങള്‍ക്ക് കലിക്കറ്റ് സര്‍വകലാശാലയുമായി ബന്ധപ്പെട്ട് ഇന്‍സ്റിറ്റ്യൂട്ട് സ്ഥാപിക്കും. പാവപ്പെട്ട മുസ്ളിം പെണ്‍കുട്ടികള്‍ക്ക് ഉപരിപഠനത്തിന് സ്കോളര്‍ഷിപ്പ് ഏര്‍പ്പെടുത്തും.

പിന്നോക്ക സമുദായ വികസനത്തിന് 16 കോടി രൂപ വകയിരുത്തി. പരിവര്‍ത്തിത ക്രൈസ്തവ വികസന കോര്‍പറേഷന് 3.5 കോടി രൂപയും പിന്നോക്ക സമുദായ വികസന കോര്‍പറേഷന് ഏഴുകോടി രൂപയും നീക്കിവച്ചിട്ടുണ്ട്. സ്കോളര്‍ഷിപ്പിന് 3.7 കോടി രൂപ വകയിരുത്തി.

സംയോജിത പാര്‍പ്പിട ചേരിവികസന പരിപാടിയില്‍ 100 കോടി രൂപ ചെലവഴിക്കുമെന്ന് ധനമന്ത്രി പറഞ്ഞു. ചെറുകിട-മധ്യ നഗരങ്ങളുടെ വികസനത്തിനുള്ള കേന്ദ്രപദ്ധതി പ്രകാരം 60 കോടി രൂപ ചെലവാക്കും. ആലപ്പുഴ കുടിവെള്ള പദ്ധതി ഇതിന്റെ കീഴില്‍ വരും. എന്നാല്‍, ഈ കുടിവെള്ള പദ്ധതിയുടെ ഗ്രാമീണ മേഖലയിലെ ജലവിതരണത്തിനു വേണ്ടിവരുന്ന പണം കേന്ദ്രാവിഷ്കൃത പദ്ധതിയില്‍നിന്ന് നേടാന്‍ കഴിഞ്ഞിട്ടില്ല. ഇത് പദ്ധതി നടത്തിപ്പിന് തടസ്സമാവില്ല. കേന്ദ്ര പണം ലഭിച്ചില്ലെങ്കില്‍ ബജറ്റില്‍നിന്ന് ആവശ്യമായ തുക നല്‍കും.

ആറ്റുകാല്‍ ടൌണ്‍ഷിപ്പിന്റെ നിര്‍മാണപ്രവര്‍ത്തനം ഈ വര്‍ഷം ആരംഭിക്കും. കേരള റൂറല്‍ ആന്‍ഡ് അര്‍ബന്‍ ഡെവലപ്മെന്റ് ഫിനാന്‍സ് കോര്‍പറേഷന്‍ പുനഃസംഘടിപ്പിച്ച് തദ്ദേശ സ്വയംഭരണ സ്ഥാപനങ്ങള്‍ക്കുള്ള വായ്പാ സഹായം നല്‍കാനുള്ള ധനകാര്യ ഏജന്‍സിയായി വികസിപ്പിക്കും. 2008-09 ല്‍ പ്രവര്‍ത്തനം ആരംഭിക്കും. മാസ്റര്‍പ്ളാനുകളും വിശദമായ ടൌണ്‍ പ്ളാനുകളും പരിഷ്കരിക്കാന്‍ 2.5 കോടി രൂപ അധികം വകയിരുത്തി.

5.  അങ്കമാലി നഗരസഭാ സെക്രട്ടറിയെ വധിക്കുമെന്ന് വൈസ് ചെയര്‍മാന്റെ ഭീഷണി
അങ്കമാലി: അങ്കമാലി നഗരസഭാ സെക്രട്ടറിയെ വധിക്കുമെന്ന് മുനിസിപ്പല്‍ വൈസ് ചെയര്‍മാന്‍കൂടിയായ കോണ്‍ഗ്രസ് നേതാവിന്റെ ഭീഷണി. തനിക്കെതിരെ വധഭീഷണി ഉയര്‍ത്തിയ വൈസ് ചെയര്‍മാന്‍ വിത്സണ്‍ മുണ്ടാടനെതിരെ നടപടിയെടുക്കണമെന്നാവശ്യപ്പെട്ട് സെക്രട്ടറി ബന്ധപ്പെട്ടവര്‍ക്ക് പരാതി നല്‍കി.

അങ്കമാലി പൊലീസ് സര്‍ക്കിള്‍ ഇന്‍സ്പെക്ടര്‍ക്കും സെക്രട്ടറി പരാതി നല്‍കി. എറണാകുളം റൂറല്‍ എസ്പി, ആഭ്യന്തരവകുപ്പ് സെക്രട്ടറി, തദ്ദേശ സ്വയംഭരണവകുപ്പ് സെക്രട്ടറി, സംസ്ഥാന തെരഞ്ഞെടുപ്പു കമീഷന്‍ എന്നിവര്‍ക്കും പരാതി നല്‍കി. വൈസ് ചെയര്‍മാന്റെ അംഗത്വം റദ്ദാക്കണമെന്ന് തെരഞ്ഞെടുപ്പു കമീഷനു നല്‍കിയ പരാതിയില്‍ ആവശ്യപ്പെട്ടു.

ഫെബ്രുവരി 26ന് പകല്‍ മൂന്നിനാണ് സംഭവം. ഔദ്യോഗിക കൃത്യനിര്‍വഹണത്തിനായി നഗരസഭയിലെ ഉദ്യോഗസ്ഥരുമായി പുറത്തുപോകുമ്പോള്‍ വൈസ് ചെയര്‍മാന്‍ വിത്സന്‍ മുണ്ടാടന്‍ തന്നെ തടയുകയും അധിക്ഷേപിക്കുകയും ചെയ്തതായി പരാതിയില്‍ പറയുന്നു. പിറ്റേന്ന് പകല്‍ മൂന്നിന് ഫോണില്‍വിളിച്ച് വീണ്ടും അധിക്ഷേപിച്ചു. തുടര്‍ന്ന് മൂന്നേമുക്കാലോടുകൂടി മുറിയിലേക്ക് അതിക്രമിച്ചു കയറി ‘എടാ പട്ടി നിന്നെ ക്വാര്‍ട്ടേഴ്സില്‍വന്ന് കഥകഴിക്കുമെന്നും തിരുവനന്തപുരത്തേക്ക് രക്ഷപ്പെടാനാണ് ശ്രമമെങ്കില്‍ അവിടെവന്നാണെങ്കിലും കൈകാലുകള്‍ വെട്ടു’മെന്നും വൈസ് ചെയര്‍മാന്‍ ഭീഷണിപ്പെടുത്തിയെന്ന് സെക്രട്ടറി പരാതിയില്‍ പറയുന്നു.

ഈ സാഹചര്യം കണക്കിലെടുത്ത് തനിക്കും കുടുംബാംഗങ്ങള്‍ക്കും സംരക്ഷണം നല്‍കണമെന്നും ഇയാള്‍ക്കെതിരെ നിയമാനുസൃത നടപടി സ്വീകരിക്കണമെന്നും സര്‍ക്കിള്‍ ഇന്‍സ്പെക്ടര്‍ക്കു നല്‍കിയ പരാതിയില്‍ ആവശ്യപ്പെട്ടിട്ടുണ്ട്.

നഗരസഭാ സെക്രട്ടറിയുടെ ഔദ്യോഗിക കൃത്യനിര്‍വഹണത്തിന് തടസ്സമുണ്ടാക്കുകയും വധഭീഷണി മുഴക്കുകയുംചെയ്ത വൈസ് ചെയര്‍മാന്റെ നടപടിയില്‍ നഗരസഭ എല്‍ഡിഎഫ് പാര്‍ലമെന്ററി പാര്‍ടി നേതാക്കളായ വത്സല ഹരിദാസും കെ ഐ കുര്യാക്കോസും പ്രതിഷേധിച്ചു. വൈസ് ചെയര്‍മാന്റെ നടപടി ഗുരുതരമാണെന്നും വച്ചുപൊറുപ്പിക്കാവുന്നതല്ലെന്നും എല്‍ഡിഎഫ് നേതാക്കള്‍ പറഞ്ഞു.

വൈസ് ചെയര്‍മാന്റെ വഴിവിട്ട കാര്യങ്ങള്‍ക്ക് സെക്രട്ടറി കൂട്ടുനില്‍ക്കാത്തതാണ് ഭീഷണിക്കു കാരണമായത്. വധഭീഷണി മുഴക്കിയ പശ്ചാത്തലത്തില്‍ മുനിസിപ്പല്‍ സെക്രട്ടറിക്ക് പൊലീസ് സംരക്ഷണം നല്‍കണം. പൊലീസ് സര്‍ക്കിള്‍ ഇന്‍സ്പെക്ടര്‍ ഇക്കാര്യത്തിലെടുക്കുന്ന നിലപാടിനോട് പാര്‍ലമെന്ററി പാര്‍ടിക്ക് യോജിപ്പില്ല. മുനിസിപ്പല്‍ സെക്രട്ടറി പരാതി കൊടുത്ത് ഒരാഴ്ച കഴിഞ്ഞിട്ടും അന്വേഷണം പോലുമുണ്ടാകാതിരുന്നത് ഗൌരവമാണ്. വൈസ് ചെയര്‍മാനെ സംരക്ഷിക്കുന്ന നിലപാട് സര്‍ക്കിള്‍ ഇന്‍സ്പെക്ടര്‍ ഉപേക്ഷിക്കണം. ഇതുസംബന്ധിച്ച് ആഭ്യന്തരമന്ത്രിക്ക് പരാതി കൊടുക്കുമെന്ന് വത്സല ഹരിദാസും കുര്യാക്കോസും പറഞ്ഞു.

അതേസമയം, സംഭവത്തില്‍ കേസെടുത്തെന്ന് അങ്കമാലി പൊലീസ് അറിയിച്ചു.

6.  സംയുക്തയോഗം 15നകം വിളിക്കണം: ഇടതുപക്ഷം
ന്യൂഡല്‍ഹി: ആണവകരാറിനെക്കുറിച്ച് ചര്‍ച്ചചെയ്യാന്‍ മാര്‍ച്ച് 15നകം യുപിഎ-ഇടതുപക്ഷ പ്രത്യേകസമിതിയുടെ യോഗം വിളിക്കണമെന്ന് ഇടതുപക്ഷം ആവശ്യപ്പെട്ടു. ഈ ആവശ്യം അടങ്ങുന്ന കത്ത് സിപിഐ എം ജനറല്‍സെക്രട്ടറി പ്രകാശ് കാരാട്ട് സമിതി കണ്‍വീനര്‍കൂടിയായ വിദേശമന്ത്രി പ്രണബ്മുഖര്‍ജിക്ക് വ്യാഴാഴ്ച നല്‍കി.

ആണവകരാര്‍വിഷയത്തില്‍ യുപിഎസര്‍ക്കാര്‍ നിലപാട് വ്യക്തമാക്കണമെന്ന് ഇടതുപക്ഷം ആവശ്യപ്പെട്ടു. ബുഷ് ഭരണകൂടത്തിന് വഴങ്ങുമോ അതോ ജനാധിപത്യപരമായി പാര്‍ലമെന്റിന്റെയും ജനങ്ങളുടെയും ഇച്ഛയ്ക്കൊത്ത് കരാറിനെതിരെ നില്‍ക്കുമോ എന്ന കാര്യത്തില്‍ ഉടന്‍ തീരുമാനമെടുക്കണം. ഇതിന്റെ അടിസ്ഥാനത്തിലായിരിക്കും സര്‍ക്കാരിന്റെ ഭാവി നിര്‍ണയിക്കപ്പെടുകയെന്നും ഇടതുപക്ഷം മുന്നറിയിപ്പു നല്‍കി. മാര്‍ച്ച് അവസാനവാരം വിദേശമന്ത്രി അമേരിക്ക സന്ദര്‍ശിക്കാനിരിക്കെയാണ് ഇടതുപക്ഷത്തിന്റെ നിര്‍ദേശം.

കരാറില്‍ ഒപ്പുവയ്ക്കുകയെന്ന രാജ്യത്തിന് ദോഷകരമായ നീക്കം തടയാനാവശ്യമായ എല്ലാ നടപടിയും ഇടതുപക്ഷം കൈക്കൊള്ളുമെന്ന് സിപിഐ എമ്മിന്റെ മുഖപത്രമായ ‘പീപ്പീള്‍സ് ഡെമോക്രസി’ രാഷ്ട്രീയാവലോകനത്തില്‍ അഭിപ്രായപ്പെട്ടു. അന്താരാഷ്ട്ര ആണവോര്‍ജ ഏജന്‍സിയില്‍ സുരക്ഷാകരാര്‍ സംബന്ധിച്ച് യോജിച്ച കരട് ഉണ്ടാക്കാന്‍ കഴിഞ്ഞതുകൊണ്ടുമാത്രം തുടര്‍നടപടി കൈക്കൊള്ളാന്‍ കഴിയുമെന്ന് സര്‍ക്കാര്‍ കരുതേണ്ട. യുപിഎ നേരത്തെ രേഖാമൂലം നല്‍കിയ ഉറപ്പനുസരിച്ച് സമിതിയില്‍ ഇക്കാര്യം ചര്‍ച്ചചെയ്യുകതന്നെവേണം. അതിനുമുമ്പുതന്നെ തുടര്‍നടപടിയുമായി മുന്നോട്ടുപോകുമെന്ന രീതിയില്‍ വിദേശമന്ത്രിയും പ്രധാനമന്ത്രിയും പാര്‍ലമെന്റില്‍ നടത്തിയ പ്രസ്താവന ഖേദകരമാണെന്നും സപിഐ എം വ്യക്തമാക്കി.

പ്രകാശ് കാരാട്ടുമായി എ കെ ജി ഭവനില്‍ വ്യാഴാഴ്ച രാവിലെ സമിതി അംഗവും സിപിഐ നേതാവുമായ ഡി രാജ ചര്‍ച്ച നടത്തി.

7. തെരഞ്ഞെടുപ്പ്: കോണ്‍ഗ്രസ് വിഷമവൃത്തത്തില്‍
ന്യൂഡല്‍ഹി: പൊതു തെരഞ്ഞെടുപ്പ് ഈ വര്‍ഷം നടത്തണോ വേണ്ടയോ എന്ന കാര്യത്തില്‍ കോണ്‍ഗ്രസില്‍ വന്‍ ആശയക്കുഴപ്പം. കര്‍ഷകര്‍ക്കും മധ്യവര്‍ഗത്തിനും ആനുകൂല്യങ്ങള്‍ പ്രഖ്യാപിച്ച പൊതു ബജറ്റ് ഉയര്‍ത്തിക്കാട്ടി ഉടന്‍ തെരഞ്ഞെടുപ്പിലേക്കു പോകണമെന്നാണ് പാര്‍ടിയിലെ ഒരു വിഭാഗം വാദിക്കുന്നത്. ഒക്ടോബറില്‍ ഉത്തരേന്ത്യയിലെ നാലു സംസ്ഥാനത്ത് നടക്കുന്ന തെരഞ്ഞെടുപ്പിനൊപ്പം ലോക്സഭാ തെരഞ്ഞെടുപ്പും നടത്തണമെന്നാണ് പാര്‍ടിയിലെ യുവതുര്‍ക്കികളും ഉദാരവല്‍്ക്കരണലോബിയും വാദിക്കുന്നത്.

എന്നാല്‍, സീനിയര്‍ നേതാക്കള്‍ ഇതിനോട് യോജിക്കുന്നില്ല. മധ്യപ്രദേശ്, രാജസ്ഥാന്‍, ഛത്തീസ്ഗഢ് തുടങ്ങിയ സംസ്ഥാനങ്ങളിലെ തെരഞ്ഞെടുപ്പില്‍ കോണ്‍ഗ്രസ് ജയിക്കുമെന്നതിന് ഒരു ഉറപ്പുമില്ലെന്ന് ഇവര്‍ പറയുന്നു. അതോടൊപ്പം പൊതുതെരഞ്ഞെടുപ്പ് നടത്തിയാല്‍ തോല്‍വിയായിരിക്കും ഫലം.

ആണവകരാര്‍ മുന്നോട്ടു കൊണ്ടുപോയി തെരഞ്ഞെടുപ്പിലേക്ക് പോകണമെന്നാണ് യുവതുര്‍ക്കികളും മറ്റും വാദിക്കുന്നത്. കരാറിന്റെ പേരില്‍ സര്‍ക്കാരിനെ താഴെ ഇറക്കിയാല്‍ ഇടതുപക്ഷത്തെ കര്‍ഷകവിരുദ്ധരെന്ന് ആക്ഷേപിച്ച് അവര്‍ ശക്തമായ സംസ്ഥാനങ്ങളില്‍ തളര്‍ത്താമെന്നാണ് വാദം. എന്നാല്‍, പ്രണബ് മുഖര്‍ജി, അര്‍ജുന്‍ സിങ് തുടങ്ങിയ സീനിയര്‍ നേതാക്കള്‍ ഈ നീക്കത്തിന് എതിരാണ്.

രണ്ടു കാരണമാണ് ഈ നീക്കത്തെ എതിര്‍ക്കുന്നവര്‍ നിരത്തുന്നത്. അന്താരാഷ്ട്ര ആണവോര്‍ജ ഏജന്‍സിയില്‍ സുരക്ഷാ കരാറിനെക്കുറിച്ച് എത്തുന്ന ധാരണ യുപിഎ-ഇടതുപക്ഷ സമിതിയില്‍ വയ്ക്കാമെന്ന് ഇടതുപക്ഷത്തിന് രേഖാമൂലം ഉറപ്പ് നല്‍കിയിരുന്നു. അതുചെയ്യാതെ മുന്നോട്ടുപോകുന്നത് യുപിഎ വഞ്ചകരാണെന്ന പ്രചാരണം നടത്താന്‍ ഇടതുപക്ഷത്തിന് അവസരം നല്‍കും. രണ്ടാമതായി ആണവകരാറിന്റെ പേരില്‍ സര്‍ക്കാര്‍ വീണാല്‍ പ്രചാരണവേളയില്‍ അക്കാര്യം മുഴച്ചു നില്‍ക്കാനുള്ള സാധ്യത തള്ളിക്കളയാനാകില്ല. അങ്ങനെ വന്നാല്‍ സച്ചാര്‍ കമ്മിറ്റി റിപ്പോര്‍ട്ട്, ന്യൂനപക്ഷ ക്ഷേമത്തിനുവേണ്ടി ബജറ്റില്‍ പ്രഖ്യാപിച്ച നടപടി എന്നിവയ്ക്കെല്ലാം മങ്ങലേല്‍ക്കും. അമേരിക്കന്‍ വിരുദ്ധതലത്തില്‍ പ്രചാരണം മാറിയാല്‍ അത് ന്യൂനപക്ഷത്തിന്റെ വോട്ട് നഷ്ടമാക്കുകയുംചെയ്യും.

തെരഞ്ഞെടുപ്പില്‍ ആര്‍ക്കും ഭൂരിപക്ഷം കിട്ടാത്ത സ്ഥിതി പഴയതുപോലെ സംജാതമായാല്‍ ഇടതുപക്ഷത്തെ ആശ്രയിക്കേണ്ടി വരുമെന്നതിനാല്‍ അവരെ വെറുപ്പിച്ച് പറഞ്ഞയക്കേണ്ട എന്ന ചിന്താഗതിയും ശക്തമാണ്. തെരഞ്ഞെടുപ്പിലേക്കു പോകണമെങ്കില്‍പ്പോലും അത് ആണവകരാര്‍ വിഷയത്തില്‍ ഇടതുപക്ഷത്തെ ചൊടിപ്പിച്ചായിരിക്കരുതെന്നാണ് ഇവരുടെ അഭിപ്രായം.

ആണവകരാര്‍ നടപ്പാക്കാന്‍ താല്‍പ്പര്യമുള്ള അമേരിക്കയാകട്ടെ പണമിറക്കി മാധ്യമങ്ങളില്‍ കരാര്‍ നടപ്പാക്കാന്‍ പോകുകയാണെന്ന് എഴുതിപ്പിടിപ്പിക്കയുമാണ്. ഈ മാധ്യമ സിന്‍ഡിക്കറ്റിന് വളമേകാന്‍ ബിജെപിയും അദ്വാനിയും മറ്റും രംഗത്തുണ്ട്.

8. ഭക്ഷ്യശേഖരം കുറയുന്നു; സാര്‍ക് കൃഷിസമ്മേളനത്തില്‍ ആശങ്ക
ന്യൂഡല്‍ഹി: ആഗോള ഭക്ഷ്യധാന്യശേഖരം കുറഞ്ഞുവരുന്നതില്‍ സാര്‍ക് രാജ്യങ്ങളിലെ കൃഷിമന്ത്രിമാരുടെയും ശാസ്ത്രജ്ഞരുടെയും സമ്മേളനം ആശങ്ക പ്രകടിപ്പിച്ചു.

കൃഷി ആഗോളമായും പ്രാദേശികമായും പ്രതിസന്ധിയിലേക്ക് പ്രവേശിച്ചിരിക്കയാണെന്ന് പ്രമുഖ കാര്‍ഷിക ശാസ്ത്രജ്ഞന്‍ ഡോ. എം എസ് സ്വാമിനാഥന്‍ പറഞ്ഞു. കാര്‍ഷികരംഗത്തുള്ള ഈ പ്രതിസന്ധി മറികടക്കാന്‍ ആശയങ്ങളും വിജ്ഞാനവും പരസ്പരം കൈമാറാന്‍ തയ്യാറാകണം. ദാരിദ്യ്രവും വിശപ്പും ഇല്ലാതാക്കാന്‍ ചെറുകിട കര്‍ഷകരെ ശക്തിപ്പെടുത്തണം. ആ മേഖലയിലുണ്ടാകുന്ന തൊഴിലവസരങ്ങളും ഉല്‍പ്പാദനവര്‍ധനയുംകൊണ്ട് മാത്രമേ ഗ്രാമീണമേഖലയിലെ ദാരിദ്യ്രവും പട്ടിണിയും ഇല്ലാതാക്കാന്‍ കഴിയൂ. കാര്‍ഷികവളര്‍ച്ചനിരക്ക് കൈവരിച്ചാല്‍മാത്രമേ വാണിജ്യത്തിലും നേട്ടമുണ്ടാക്കാന്‍ കഴിയൂ. ദാരിദ്യ്രം, ഭക്ഷ്യപ്രതിസന്ധി എന്നീ ഭീഷണികളെ നേരിടാനും വളര്‍ച്ചനിരക്ക് ഉയരണം. ദക്ഷിണേഷ്യ സ്വതന്ത്ര വ്യാപാരക്കരാര്‍ ശക്തിപ്പെടുത്തണം. സാര്‍ക് രാജ്യങ്ങള്‍ക്കിടയില്‍ വിജ്ഞാനവ്യാപനം, കീടങ്ങളെക്കുറിച്ചും രോഗങ്ങളെക്കുറിച്ചുമുള്ള മുന്നറിയിപ്പ് കൈമാറല്‍ എന്നിവ പ്രോത്സാഹിപ്പിക്കണമെന്നും അദ്ദേഹം നിര്‍ദേശിച്ചു.

നിക്ഷേപം, ഗ്രാമീണ പശ്ചാത്തലസൌകര്യങ്ങള്‍, ഗവേഷണ-വികസന പ്രവര്‍ത്തനങ്ങള്‍, വൈവിധ്യവല്‍ക്കരണം എന്നീ കാര്യങ്ങളില്‍ വളര്‍ച്ച നേടാത്തതാണ് ദക്ഷിണേഷ്യന്‍ രാജ്യങ്ങളില്‍ കാര്‍ഷികവളര്‍ച്ച പിന്നോട്ടടിക്കാന്‍ കാരണമെന്ന് കേന്ദ്രകൃഷിമന്ത്രി ശരത് പവാര്‍ പറഞ്ഞു.

കൃഷിക്കളങ്ങള്‍ക്ക് ഗുണനിലവാരമുള്ള വളം, കീടനാശിനി എന്നിവ ലഭ്യമാക്കാത്തതും മണ്ണിന്റെ ഫലഭുയിഷ്ഠത കുറഞ്ഞുവരുന്നതും ജലവിഭവത്തിന്റെ ദൌര്‍ലഭ്യവും കാര്‍ഷികമേഖലയെ പ്രതികൂലമായി ബാധിക്കുന്നു. ദേശീയ ഗവണ്‍മെന്റുകള്‍ കൃഷിക്ക് മുന്തിയ പരിഗണന നല്‍കിയാല്‍മാത്രമേ കാര്‍ഷികവളര്‍ച്ചനിരക്ക് ഉയര്‍ത്താന്‍ കഴിയുകയുള്ളൂവെന്നും അദ്ദേഹം പറഞ്ഞു.

സാര്‍ക് രാജ്യങ്ങള്‍ക്കായി പൊതു വിത്തുബാങ്ക്, സംയുക്ത ഗവേഷണകേന്ദ്രം, പൊതുവായ്പാനിധി എന്നിവ രൂപീകരിക്കണമെന്ന് അഫ്ഗാനിസ്ഥാന്‍ കൃഷിമന്ത്രി ഉബൈദുള്ള റമിന്‍ നിര്‍ദേശിച്ചു.

ശ്രീലങ്കയുടെ ഭക്ഷ്യാവശ്യത്തിന്റെ 32 ശതമാനം ഇറക്കുമതിയിലൂടെയാണ് നിര്‍വഹിക്കുന്നതെന്ന് ശ്രീലങ്കന്‍ കൃഷിമന്ത്രി മല്‍ത്രിപല സിരിദെന പറഞ്ഞു. ഭക്ഷ്യ ഇറക്കുമതിക്കായി 100 ബില്യന്‍ ശ്രീലങ്കന്‍ രൂപ ചെലവഴിക്കുന്നുണ്ടെന്നും അദ്ദേഹം പറഞ്ഞു.

മുഖപ്രസംഗം – ദീപിക

അടിസ്ഥാന പ്രശ്നങ്ങള്‍ മറന്ന് കണക്കു കൊണ്ടൊരു കളി
കണക്കിലെ കളികളുമായി ധനമന്ത്രി അവതരിപ്പിച്ച സംസ്ഥാന ബജറ്റ് അടിസ്ഥാന സാമ്പത്തിക പ്രശ്നങ്ങളെയും വികസന പ്രതിസന്ധികളെയും പരിഗണിച്ചിട്ടില്ല. നക്കാപ്പിച്ച ആനുകൂല്യങ്ങള്‍ പുതുതായി ഏര്‍പ്പെടുത്തിയും ക്ഷേമ പദ്ധതികളുടെ തുക വര്‍ധിപ്പിച്ചും കുറെ ആളുകള്‍ക്ക് പണം വീതം വച്ചു നല്‍കിയിരിക്കയാണ്. ഇത് ഒരിക്കലും മികച്ചൊരു ധനകാര്യ മാനേജ്മെന്റ് ആവില്ല. കംപ്ട്രോളര്‍ ആന്‍ഡ് ഓഡിറ്റര്‍ ജനറല്‍ റിപ്പോര്‍ട്ടിലും ബജറ്റിനു മുമ്പ് പുറത്തിറക്കിയ സാമ്പത്തിക നയരേഖയിലും പറഞ്ഞിരിക്കുന്ന കാര്യങ്ങള്‍ മിഥ്യാധാരണകളാണെന്നാണ് ഇപ്പോള്‍ ധനമന്ത്രി പറയുന്നത്.

സംസ്ഥാനത്തിന്റെ ആകെ വരുമാനത്തിന്റെ 68 ശതമാനം ശമ്പളത്തിനും പെന്‍ഷനും വേണ്ടിയാണ് ചെലവാക്കുന്നതെന്നും റവന്യൂ കമ്മി കുറഞ്ഞെങ്കിലും കടബാധ്യത മൂന്നിരട്ടിയായെന്നും നിയമസഭയില്‍ അവതരിപ്പിച്ച സി എ ജി റിപ്പോര്‍ട്ടില്‍ ചൂണ്ടിക്കാട്ടിയിരുന്നു. കേരളത്തിന്റെ പൊതുക്കടം 57138.71 കോടി രൂപയായി ഉയര്‍ന്നവെന്നു സാമ്പത്തിക സര്‍വേയും വ്യക്തമാക്കി. 2005-’06 ല്‍ കടത്തിന്റെ വര്‍ധന നിരക്ക് 9.67 ശതമാനമായിരുന്നത് 2007-’08 ല്‍ 14.56 ശതമാനമായി ഉയര്‍ന്നിരുന്നു. എന്നാല്‍ സാമ്പത്തിക സര്‍വേയിലെ വിവരങ്ങള്‍ പുറത്തു വന്നതിന്റെ അടുത്ത ദിവസം അവതരിപ്പിച്ച ബജറ്റില്‍ സംസ്ഥാനത്തിന്റെ കടബാധ്യത ഒട്ടും ആശങ്കാജനകമല്ലെന്ന് ധനമന്ത്രി പറയുന്നത് ഉള്‍ക്കൊള്ളാന്‍ സാമ്പത്തിക വിദഗ്ദ്ധരും സാമാന്യ ജനങ്ങളും മടിക്കുന്നു.

കേരളത്തിന്റെ ധനസ്ഥിതിയെക്കുറിച്ച് ആശങ്ക വേണ്െടന്ന് ധനമന്ത്രി ആവര്‍ത്തിച്ചു പറഞ്ഞതുകൊണ്ടു മാത്രം അത് ഒഴിവാകുമോ? അല്ലെങ്കില്‍ അത് ബോധ്യപ്പെടുത്താന്‍ അദ്ദേഹത്തിനു സാധിക്കേണ്ടിയിരുന്നു. ബജറ്റിലെ സാമ്പത്തിക സ്ഥിതിവിവരങ്ങള്‍ പോലും ഈ നിലപാടിനെ സാധൂകരിക്കുന്നില്ല. തെന്നിന്ത്യന്‍ സംസ്ഥാനങ്ങളില്‍ ഏറ്റവും ഉയര്‍ന്ന റവന്യൂ കമ്മി കാണിക്കുന്ന സംസ്ഥാനമാണ് കേരളമെന്ന് സാമ്പത്തിക സര്‍വേയില്‍ ചൂണ്ടിക്കാട്ടിയ കാര്യവും ബജറ്റില്‍ സൌകര്യപൂര്‍വം വിസ്മരിക്കുന്നു.

ഇന്ത്യയിലെ മറ്റു സംസ്ഥാനങ്ങളെ അപേക്ഷിച്ച് കേരളത്തിലെ സാമ്പത്തിക സ്ഥിതി അതീവ ഗുരുതരമാണെന്ന് കഴിഞ്ഞ വര്‍ഷം റിസര്‍വ് ബാങ്ക് പുറത്തിറക്കിയ റിപ്പോര്‍ട്ടിലും ചൂണ്ടിക്കാട്ടിയിരുന്നു. ഇന്ത്യയില്‍ ഏറ്റവും കൂടുതല്‍ ആളോഹരി കടബാധ്യതയുള്ളതു കേരളത്തിലാണെന്നും ആ റിപ്പോര്‍ട്ടില്‍ പറഞ്ഞിരുന്നു. ഇതൊക്കെ അടിസ്ഥാനമില്ലാത്ത നിഗമനങ്ങളാണെന്ന് പറയാന്‍ ഏങ്ങനെ സാധിക്കും.

ബജറ്റ് പ്രസംഗത്തിന്റെ ആമുഖത്തില്‍ പറഞ്ഞ ഒന്‍പത് മിഥ്യാധാരണകള്‍ മന്ത്രിയുടെ മാത്രം മിഥ്യാധാരണകളാണോ എന്ന് സംശയിക്കത്ത നിലയിലാണ് സംസ്ഥാനത്തിന്റെ സാമ്പത്തിക നിലയെക്കുറിച്ചുള്ള ബജറ്റ് നിരീക്ഷണങ്ങളും നിര്‍ദ്ദേശങ്ങളും. മിഥ്യകളില്‍ നിന്ന് യാഥാര്‍ഥ്യങ്ങളിലേക്ക് സമൂഹത്തെ നയിക്കാനുതകുന്ന നിര്‍ദ്ദേശങ്ങള്‍ ഏതാനും ക്ഷേമ പദ്ധതികളിലൂടെ മാത്രം സാധിതമാകുമോ എന്നും സംശയിക്കണം. കേരളം കടക്കെണിയിലാണെന്ന സംസ്ഥാന ആസൂത്രണ ബോര്‍ഡിന്റെ വിലയിരുത്തല്‍ മിഥ്യാധാരണയാണെന്ന് ധനകാര്യമന്ത്രി പറയുന്നെങ്കില്‍ നമ്മുടെ ധനകാര്യ നയങ്ങള്‍ ഇനി ഏത് ദിശയിലാവും പോവുക എന്ന് ആശങ്കപ്പെടേണ്ടിയിരിക്കുന്നു.

വികസന പദ്ധതികള്‍ക്ക് കടം എടുക്കാമെന്ന നിലപാട് സാധൂകരിക്കുന്നതിനുവേണ്ടി ചില അഭ്യാസ പ്രകടനങ്ങളും ധനമന്ത്രി ബജറ്റ് പ്രസംഗത്തില്‍ നടത്തുന്നുണ്ട്. റവന്യൂ കമ്മി കുറച്ചുകൊണ്ടുവന്ന് രണ്ടായിരത്തിപ്പത്തോടെ പൂജ്യത്തിലാക്കാമെന്നും അങ്ങനെ വികസനപ്രവര്‍ത്തനങ്ങള്‍ക്കു മാത്രമായി മൂലധനസമാഹരണം കൂടുതല്‍ സാധ്യമാക്കാമെന്നുമാണ് ധനമന്ത്രിയുടെ വാദം. വരവും ചെലവും തുല്യമാക്കി കമ്മി കുറയ്ക്കുന്നതുകൊണ്ടു മാത്രം ഒരു സംസ്ഥാനത്തന്റെ ധനകാര്യസ്ഥിതി മെച്ചപ്പെടില്ല. അതിന് ദീര്‍ഘ വീക്ഷണത്തോടെയുള്ള നയങ്ങളും പദ്ധതികളുമാണാവശ്യം.

ഇത്തവണത്തെ സംസ്ഥാന ബജറ്റ് ധനമന്ത്രിയുടെ കണക്കുകൂട്ടല്‍ വൈദഗ്ദ്ധ്യത്തിന്റെയും അവതരണമികവിന്റെയും ബലത്തില്‍ പുറമെ ചില മിനുക്കുപണികള്‍ നടത്തിയിട്ടുണ്െടങ്കിലും അടിസ്ഥാന പ്രശ്നങ്ങളെ ആഴത്തില്‍ സ്പര്‍ശിച്ചിട്ടില്ല. പാവങ്ങളെയും പ്രായമായവരെയും പ്രത്യേകം പരിഗണിക്കുന്ന ചില പ്രഖ്യാപനങ്ങള്‍ സ്വാഗതം ചെയ്യപ്പെടേണ്ടവ തന്നെ. ക്ഷേമ പെന്‍ഷന്‍ തുക വര്‍ധിപ്പിച്ചതും ദാരിദ്രരേഖയ്ക്കു താഴെയുള്ളവര്‍ക്ക് ആരോഗ്യ ഇന്‍ഷ്വറന്‍സ് ഏര്‍പ്പെടുത്തിയതും ദുര്‍ബല വിഭാഗങ്ങള്‍ക്ക് ഏറെ ്പ്രയോജനകരമാണ്. ഇന്‍ഷ്വറന്‍സ് പദ്ധതിയുടെ പ്രായോഗികതയും നടപ്പാക്കലും സംബന്ധിച്ച് വിശദാംശങ്ങള്‍ വരുമ്പോഴേ വ്യക്തതയുണ്ടാവൂ. പദ്ധതികള്‍ പലതിനും പണം അനുവദിക്കുന്നതിനെക്കുറിച്ച് പറയുന്നുണ്െടങ്കിലും അത് എവിടെനിന്ന് എന്ന് ചൂണ്ടിക്കാട്ടാത്തതും പ്രഖ്യാപനങ്ങളുടെ വിശ്വാസ്യത ചോദ്യം ചെയ്യുന്നു.

കാര്‍ഷിക മേഖലയ്ക്ക് അര്‍ഹമായ പരിഗണന നല്‍കുന്നതിലും ബജറ്റ് പരാജയപ്പെട്ടു. കേന്ദ്രബജറ്റില്‍ പ്രഖ്യാപിച്ച കാര്‍ഷിക കടാശ്വാസ പദ്ധതികളുടെ പ്രയോജനം രാഷ്ട്രീയമായി പരിഹരിച്ചെടുക്കുന്നതിന് സമൂഹത്തിലെ മറ്റു ചില വിഭാഗങ്ങളെ ആനുകൂല്യങ്ങളിലൂടെ സ്വാധീനക്കാനുള്ള ശ്രമവും ബജറ്റ് നിര്‍ദ്ദേശങ്ങളില്‍ നിഴലിച്ചുകാണാം. കെ എസ് ആര്‍ ടി സിയുടെയും ജല അഥോറിറ്റിയുടെയും വന്‍തുക ബാധ്യത എഴുതിത്തള്ളിയെങ്കിലും അത് ഈ സ്ഥാപനങ്ങളുടെ അടിസ്ഥാനപ്രശ്നങ്ങള്‍ക്കു പരിഹാരമാവില്ല. മികച്ച ധനകാര്യ മാനേജ്മെന്റിലുപരി രാഷ്ട്രീയമായ ചില നീക്കങ്ങളാണ് ഈ ബജറ്റ് വെളിപ്പെടുത്തുന്നത്.

==============================

1. ദീപിക റിപ്പോര്‍ട്ട് ശരിവച്ചു – പതിനായിരം വിദ്യാര്‍ഥികള്‍ക്കു സ്കോളര്‍ഷിപ്പ് നല്‍കും: ബജറ്റ്
തിരുവനന്തപുരം: സംസ്ഥാന ബജറ്റിലെ പുതിയ പദ്ധതികളായി ഇന്നലെ ദീപിക എക്സ്ക്ളൂസീവ് ആയി റിപ്പോര്‍ട്ട് ചെയ്ത എല്ലാ പദ്ധതികളും അടുത്തവര്‍ഷം നടപ്പാക്കുന്നവയാണെന്ന് ഇന്നലെ നിയമസഭയില്‍ സമര്‍പ്പിച്ച ബജറ്റ് രേഖകള്‍ വ്യക്തമാക്കുന്നു. പതിനൊന്നാം പഞ്ചവത്സര പദ്ധതി (2007-12) രണ്ടാം വര്‍ഷം (2008-09) സംസ്ഥാനം നടപ്പാക്കുന്ന പദ്ധതികളായി നിയമസഭയില്‍ സമര്‍പ്പിക്കപ്പെട്ട രേഖയിലാണ് ഈ വിവരമുള്ളത്.

ഈ രേഖയിലാണ് ഓരോ വകുപ്പും നടത്തുന്ന പദ്ധതി പ്രവര്‍ത്തനങ്ങളുടെ വിശദാംശങ്ങളുള്ളത്. 527 പേജുള്ള ഈ രേഖയില്‍ പറഞ്ഞിട്ടുള്ള എല്ലാ പദ്ധതികളും ധനമന്ത്രിയുടെ ബജറ്റ് പ്രസംഗത്തില്‍ ഉള്‍പ്പെടുത്തിയിട്ടില്ല. ഉള്‍പ്പെടുത്തിയവയുടെ തന്നെ വിശദാംശങ്ങള്‍ നല്‍കിയിട്ടില്ല.

സ്കൂള്‍ വിദ്യാര്‍ഥികള്‍ക്കു സ്കോളര്‍ഷിപ്പായി അഞ്ചുകോടി രൂപയും, കോളജ് വിദ്യാര്‍ഥികള്‍ക്ക് സ്കോളര്‍ഷിപ്പായി 4.6 കോടി രൂപയും ചെലവാക്കുമെന്ന് ബജറ്റ് പ്രസംഗത്തിലുണ്ട്.

ദീപിക ഇന്നലെ റിപ്പോര്‍ട്ട് ചെയ്തിരുന്ന പ്രധാന പദ്ധതിയാണിത്. ഈ സ്കോളര്‍ഷിപ്പിന്റെ വിശദാംശങ്ങള്‍ ബജറ്റ് രേഖയില്‍ ഇങ്ങനെ പറയുന്നു.

ഹയര്‍ സെക്കന്‍ഡറി മേഖലയിലെ 10,000 വിദ്യാര്‍ഥികള്‍ക്ക് വാര്‍ഷിക സ്കോളര്‍ഷിപ്പ് നല്‍കുന്നതിന് 500 ലക്ഷം രൂപ നീക്കി വയ്ക്കുന്നു. സര്‍ക്കാര്‍ എയ്ഡഡ് സ്കൂളുകളിലെ വിദ്യാര്‍ഥികള്‍ക്കു മാത്രമായിരിക്കും ഇത്. (പേജ് 151 ഇനം 27)

ഉന്നത വിദ്യാഭ്യാസ മേഖയില്‍ വിദ്യാര്‍ഥികള്‍ക്ക് സ്കോളര്‍ഷിപ്പ് നല്‍കുന്നതിന് പ്രസംഗത്തില്‍ പ്രഖ്യാപിച്ചത് 4.6 കോടി രൂപയാണ് എന്നാല്‍, രേഖയിലുള്ളത് ദീപിക റിപ്പോര്‍ട്ട് ചെയ്തതുപോലെ 4000 കോളജ് വിദ്യാര്‍ഥികള്‍ക്കു 10,000 രൂപവീതം നല്‍കാന്‍ നാലുകോടി രൂപ എന്നാണ്.

ദീപിക ഇന്നലെ റിപ്പോര്‍ട്ട് ചെയ്തിരുന്നതുപോലെ ഹൈസ്കൂളിലെ ഉച്ചഭക്ഷണ പരിപാടിക്കായി 10 കോടി രൂപ നീക്കിവച്ചതായും ബജറ്റ് രേഖയിലുണ്ട്. (പേജ് 151 ഇനം 26)

പുതിയ ഐടിഐകള്‍ സ്ഥാപിക്കുന്നതിന് 4.2 കോടിരൂപ നീക്കിവയ്ക്കുന്നതായി ധനമന്ത്രി നിയമസഭയില്‍ പ്രഖ്യാപിച്ചു.

സര്‍ക്കാര്‍ കോളജുകളില്‍ പുതിയ തൊഴിലധിഷ്ഠിത കോഴ്സുകള്‍ ആരംഭിക്കുന്നതിന് 75 ലക്ഷം രൂപ നീക്കിവച്ചതായി ബജറ്റ് രേഖയിലുണ്ട് (പേജ് 153 ഇനം 4).

കോഴിക്കോട് മെഡിക്കല്‍ കോളജില്‍ സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് സ്പോര്‍ട്സ് മെഡിസിന്‍ സ്ഥാപിക്കുന്നതിനു ഒരു കോടി രൂപ

നല്‍കുമെന്ന് ധനമന്ത്രി പ്രഖ്യാപിച്ചു. ഹോമിയോ ഫാര്‍മസികോളജിന് 20 ലക്ഷം നല്‍കുന്നതായും മന്ത്രി പ്രഖ്യാപിച്ചു.

ഏഴാംക്ളാസിലെ അവസാന പരീക്ഷയ്ക്ക് 75 ശതമാനത്തിലധികം മാര്‍ക്ക് വാങ്ങി ജയിക്കുന്ന വിദ്യാര്‍ഥികള്‍ക്ക് പ്രത്യേകപരിശീലനം നല്‍കുവാന്‍ 30 ലക്ഷം രൂപ നീക്കിവയ്ക്കുന്നതായും ബജറ്റ് രേഖയിലുണ്ട്. (പേജ് 148:11).

കലാകാരന്മാരായ കുട്ടികള്‍ക്ക് കലാമത്സരങ്ങളില്‍ സംബന്ധിക്കുവാന്‍ സഹായിക്കുന്നതിനും 30 ലക്ഷം രൂപ നീക്കിവയ്ക്കുന്നതായി ബജറ്റ് രേഖ സൂചിപ്പിക്കുന്നു. തിരുവനന്തപുരം മെഡിക്കല്‍ കോളജിന്റെ വികസനത്തിനു കേന്ദ്രസര്‍ക്കാര്‍ അനുവദിച്ച 100 കോടിക്കു മാച്ചിംഗ് തുകയായി കേരളം 20 കോടിരൂപ നല്‍കേണ്ടതുണ്ട്. അതിനായി പക്ഷേ, 50 ലക്ഷം രൂപയാണ് ബജറ്റിലുള്ളതെന്ന് രേഖ ചൂണ്ടിക്കാണിക്കുന്നു (പേജ് 188:6)

ഹോമിയോപ്പതി മെഡിക്കല്‍ എഡ്യൂക്കേഷനു പ്രത്യേക ഡയറക്ടറേറ്റ് സ്ഥാപിക്കുവാന്‍ 25 ലക്ഷം രൂപ ചെലവാക്കുമെന്നും ബജറ്റ് രേഖയിലുണ്ട്. (പേജ് 193. ഇനം 2) ഇക്കാര്യവും മന്ത്രി പ്രസംഗത്തില്‍ സൂചിപ്പിച്ചിരുന്നില്ല. നഗര പ്രദേശങ്ങളിലെ ദുര്‍ബല വിഭാഗങ്ങള്‍ ആയി റസിഡന്‍ഷ്യല്‍ ഫ്ളാറ്റുകള്‍ ആരംഭിക്കുവാന്‍ രണ്ടരക്കോടി രൂപ 2008 -09 ല്‍ നീക്കിവയ്ക്കുന്നതായും രേഖകള്‍ പറയുന്നു.

സുനാമി ഭവന നിര്‍മാണ പദ്ധതിക്ക് 27 കോടി സുനാമി ഭവന നിര്‍മാണ പദ്ധതിക്ക് ഭൂമി ഏറ്റെടുക്കുവാന്‍ 80.2 കോടിയും നീക്കിവയ്ക്കുന്നതായി ബജറ്റ് രേഖയിലുണ്ട്. (പേജ് 202).

സ്റ്റേറ്റ് അര്‍ബന്‍ ഇന്‍ഫര്‍മേഷന്‍ സിസ്റ്റത്തിന് 12 ലക്ഷം നീക്കിവച്ചു.

തൊഴിലും തൊഴില്‍ ക്ഷേമവും വകുപ്പ്, എറണാകുളത്തോ കൊല്ലത്തോ വെല്‍ഡിംഗ് ഇന്‍സ്റ്റിറ്റ്യൂട്ട് കം ടെസ്റ്റിംഗ് സെന്റര്‍ തുടങ്ങുമെന്ന് ബജറ്റ് രേഖയിലുണ്ട്. ഇതിനായി ഒരു കോടി രൂപയാണ് നീക്കിവച്ചിരിക്കുന്നത്. (പേജ് 213)

നോര്‍ക്കയുടെ ആഭിമുഖ്യത്തില്‍ ആഭിമുഖ്യത്തില്‍ പ്രവാസി ഗ്രാമം പണിയുവാന്‍ 50 ലക്ഷം രൂപ ബജറ്റിലുണ്ട്. (പേജ് 213 ഇനം 20)

വീടില്ലാത്ത പട്ടികജാതിക്കാര്‍ക്കു വീട് നിര്‍മ്മിക്കുവാന്‍ 10 കോടി രൂപ ബജറ്റിലുണ്ട്. ഭൂമിയില്ലാത്ത പട്ടികജാതിക്കാര്‍ക്കു ഭൂമി വാങ്ങിക്കാന്‍ അഞ്ചുകോടി രൂപയും ബജറ്റിലുണ്ട്. (പേജ് 221).

വൃദ്ധസദനങ്ങള്‍ ആരംഭിക്കുന്ന തദ്ദേശസ്ഥാപനങ്ങള്‍ക്ക് അവ നടത്തിക്കൊണ്ടുപോകുവാനുള്ള ഭരണച്ചെലവുകള്‍ക്കായി പ്രതിമാസം രണ്ടു ലക്ഷം രൂപ വീതം നല്‍കുമെന്നും ബജറ്റ് രേഖയിലുണ്ട്.

വിഴിഞ്ഞം പദ്ധതി 25 കോടി രൂപ നീക്കിവയ്ക്കുന്നതായി ബജറ്റ് പ്രസംഗത്തിലുണ്ട്. ജില്ലാ കാര്‍ഷിക പദ്ധതിക്കായി 50 ലക്ഷം രൂപയും പ്രോജക്ടുകള്‍ തയാറാക്കുന്നതില്‍ തദ്ദേശ സ്ഥാപനങ്ങളെ സജ്ജമാക്കുവാന്‍ പ്ളാനിംഗ് ബോര്‍ഡില്‍ സംവിധാനം ഉണ്ടാക്കുവാന്‍ 90 ലക്ഷം രൂപയും രണ്ടാം വര്‍ഷത്തെ പദ്ധതിയിലുണ്ട്. (പേജ് 244).

ജഡജിമാരുടെ ക്വാര്‍ട്ടേഴ്സിന് 4.75 കോടി (പേജ് 252) റേഷന്‍ കടകളുടെ മുഖം മിനുക്കാന്‍ 15 ലക്ഷം (പേജ് 254) കുട്ടനാട് എക്കോ സിസ്റ്റം വികസനത്തിന് 50 ലക്ഷം (പേജ് 12) കന്നുകാലി വികസനത്തിന് 10 കോടി (പേജ് 21) ഡയറി കര്‍ഷകര്‍ക്കു ഇന്‍ഷ്വറന്‍സ് ഏര്‍പ്പെടുത്തുവാന്‍ 25 ലക്ഷം (പേജ് 29) മത്സ്യബന്ധന ഉപകരണങ്ങള്‍ ഇന്‍ഷ്വര്‍ ചെയ്യുവാന്‍ ഒരുകോടി (പേജ് 38) തുടങ്ങിയവയെല്ലാം സര്‍ക്കാരിന്റെ അടുത്ത വര്‍ഷത്തെ പദ്ധതി പരിപാടികളാണെന്നും രേഖ പറയുന്നു.

ആതിരപ്പിള്ളി, ചിമ്മിനി, അച്ചന്‍കോവില്‍, ചിന്നാര്‍, പീച്ചി എന്നീ പുതിയ വൈദ്യുതി പ്രോജക്ടുകള്‍ ഏറ്റെടുക്കുമെന്ന് ബജറ്റിലുണ്ട്. ആതിരപ്പിള്ളി പദ്ധതിക്കു 60 കോടിരൂപയാണ് നീക്കിവയ്ക്കുന്നത്.

41 സബ്സ്റ്റേഷുകള്‍ക്കായി 160 കോടി ചെലവഴിക്കുമെന്നും മന്ത്രി പ്രഖ്യാപിച്ചു. ഇക്കാര്യവും ദീപിക ഇന്നലെ റിപ്പോര്‍ട്ട് ചെയ്തിരുന്നു. കൊച്ചിമെട്രോ റെയില്‍വേക്കു ഒന്നരക്കോടി രൂപ നീക്കിവയ്ക്കുമെന്നും ദീപിക റിപ്പോര്‍ട്ട് ചെയ്തിരുന്നു.

2. സംസ്ഥാന ബജറ്റ് 2008
കാര്‍ഷിക ഉത്പന്നങ്ങള്‍ക്ക് വിലസ്ഥിരതാ പദ്ധതി

തിരുവനന്തപുരം: കാര്‍ഷിക ഉത്പന്നങ്ങളുടെ വില സ്ഥിരതയ്ക്കായി പദ്ധതി നടപ്പിലാക്കുമെന്നു ധനകാര്യമന്ത്രി തോമസ് ഐസക് അവതരിപ്പിച്ച ബജറ്റ് ചൂണ്ടികാട്ടുന്നു. കടാശ്വാസ പദ്ധതിയില്‍ മിച്ചം വരുന്ന തുക ഇതിലേക്ക് വിനിയോഗിക്കും. കാര്‍ഷികോത്പന്ന സംഭരണത്തിനായിട്ടുള്ള മറ്റു ഫണ്ടുകളും ഇതുമായി സംയോജിപ്പിക്കും.കൃഷിക്കാര്‍ക്കുള്ള ക്ഷേമനിധി ഈ വര്‍ഷം രൂപീകരിക്കും. സര്‍ക്കാര്‍ വിഹിതമായി ഒരുകോടി രൂപ വകയിരുത്തി. കിസാന്‍ശ്രീ ഈ വര്‍ഷം വിപുലപ്പെടുത്തും.

കൃഷിക്കും അനുബന്ധ മേഖലയ്ക്കും 365 കോടി രൂപയാണ് വകയിരുത്തിയിരിക്കുന്നത്. ദേശീയ തൊഴിലുറപ്പ് പദ്ധതി കാര്‍ഷിക പുനരുദ്ധാരണം ലക്ഷ്യമിട്ടു കൊണ്ട് നടപ്പാക്കും.

നെല്‍കൃഷിക്ക് പലിശ സബ്സിഡി, ഗ്രൂപ്പ് ഫാമിംഗ്, തരിശുഭൂമി കൃഷി യോഗ്യമാക്കല്‍ യന്ത്രവല്‍ക്കരണം തുടങ്ങിയവയ്ക്കായി 20 കോടി രൂപ നല്കും. സംയോജിത കേര വികസന പരിപാടിക്കായി 15 കോടി രൂപ നീക്കി വച്ചു. നാളികേരത്തിന് പരീക്ഷണാടിസ്ഥാനത്തില്‍ നാലു രൂപ താങ്ങുവില പ്രഖ്യാപിച്ചു. 1000 പച്ചക്കറി ഗ്രാമങ്ങള്‍ക്ക് രൂപം നല്കി കൊണ്ട് ഹരിതശ്രീ പദ്ധതി ശക്തിപ്പെടുത്തും. ഹോര്‍ട്ടികള്‍ച്ചര്‍ മിഷന്റെ വിഹിതമായി മൂന്ന് കോടിരൂപ വകയിരുത്തി. കാര്‍ഷിക സര്‍വകലാശാലയുടെ ധനസഹായം 20 കോടി രൂപയില്‍ നിന്ന് 30.25 കോടി രൂപയായി ഉയര്‍ത്തുന്നു.

ഡയറി വികസനത്തിന് ആറു കോടി രൂപ വകയിരുത്തിയിട്ടുണ്ട്.20 കോടി രൂപ എക്സ്റ്റന്‍ഷന്‍ പ്രവര്‍ത്തനങ്ങള്‍ക്കും സേവനശൃംഖല മെച്ചപ്പെടുത്തുന്നതിനുവേണ്ടി വകയിരുത്തിയിട്ടുണ്ട്. കന്നുകുട്ടി പരിപാലന പരിപാടിക്ക് 8.25 കോടി രൂപയാണുള്ളത്. പുരയിട കൃഷി സമ്പ്രാദായത്തിന്റെ ഭാഗമായി പശു, കോഴി, ആട്, ടര്‍ക്കി, തീറ്റപ്പുല്‍ എന്നിവയടങ്ങുന്ന സംയോജിത യൂണിറ്റുകള്‍ സ്ഥാപിക്കുന്നതിനായി 10 കോടി വകയിരുത്തി.മൊത്തം 70 കോടി രൂപയാണ് മൃഗസംരക്ഷണമേഖലയ്ക്ക് വേണ്ടി വിനിയോഗിച്ചിരിക്കുന്നത്.ക്ഷീര കൃഷിക്കാരുടെ ക്ഷേമനിധിയില്‍ സര്‍ക്കാരിന്റെ അംശാദായമില്ല.

നികുതി കുടിശിക തീര്‍പ്പാക്കാന്‍ പ്രത്യേക പദ്ധതി

തിരുവനന്തപുരം: നികുതി കുടിശിക തീര്‍പ്പാക്കാന്‍ പ്രത്യേ ക ആംനസ്റ്റി സ്കീം നടപ്പാക്കാന്‍ ഉദ്ദേശിക്കുന്നതായി ബജറ്റ് പ്രസംഗത്തില്‍ ധനമന്ത്രി ഡോ.തോമസ് ഐസക് വ്യക്തമാക്കി. വാണിജ്യ നികുതി വകുപ്പില്‍ ഒടുക്കേണ്ട എല്ലാത്തരം നികുതി കുടിശികകളും തീര്‍പ്പാക്കുന്ന പദ്ധതിയാണിത്.

ഈ പദ്ധതി പ്രകാരം 1990-91 വരെയുള്ള കാലത്തേക്കുള്ള നികുതിയുടെ 75 ശതമാനം ഒടുക്കിയാല്‍ പലിശയും പിഴയും പൂര്‍ണമായും മുതലിന്റെ 25 ശതമാനവും ഒഴിവാക്കും. 1991-92 മുതല്‍ 1995-96 കാലത്തേക്കുള്ള നികുതിയുടെ 100 ശതമാനം ഒടുക്കണം. പലിശയും പിഴയും പൂര്‍ണമായും ഒഴിവാക്കും. 1996-97 മുതല്‍ 1999-2000 വരെയുള്ള കാലത്തേക്കുള്ള കുടിശിക യുടെ പലിശ, പിഴ എന്നിവയുടെ അഞ്ചു ശതമാനം വീതവും നികുതി 100 ശതമാനവും ഒടുക്കണം. 2001-01 മുതല്‍ 2004-05 കാലത്തേക്കുള്ള കുടിശികയുടെ പലിശ, പിഴ എന്നിവയുടെ 10 ശതമാനം വീതവും നികുതി 100 ശതമാനവും അടയ്ക്കണം. നികുതി മുഴുവനും അടച്ചുകഴിഞ്ഞതും പ ലിശമാത്രം അടയ്ക്കാനുള്ളതുമായ കേസുകളില്‍ പലിശയുടെ പത്തുശതമാനം തുകമാത്രം അടച്ചാല്‍ മതി. കെ.ജി.എസ്.ടി പ്രകാരമുള്ള അസസ്മെന്റ് കുടിശി കകള്‍ ഈ വര്‍ഷം പൂര്‍ത്തീകരിക്കും.

ആനകള്‍ക്ക് ‘വൃദ്ധസദനം’

തിരുവനന്ത പുരം: പ്രായം ചെ ന്ന നാട്ടാനകളെയും നാട്ടിലിറങ്ങു ന്ന കുട്ടിയാനകളെയും സംരക്ഷിക്കാന്‍ പാര്‍ക്ക് തുടങ്ങുന്നതു പരിഗണനയിലെന്നു സര്‍ക്കാര്‍.

ബജറ്റ് അവതരണത്തില്‍ ധനമന്ത്രി തോമസ് ഐസക്കാണു ശ്രീലങ്കയിലെ പിന്നാവാലയിലേതുപോലെ ആനകള്‍ക്കായി പാര്‍ക്കു തുടങ്ങുമെന്നു പ്രഖ്യാപിച്ചത്. ആദ്യഘട്ടമായി 50 ലക്ഷം രൂപയും അനുവദിച്ചു. ഇതു വിനോദസഞ്ചാര കേന്ദ്രമായി മാറ്റാനും പദ്ധതിയുണ്െടന്നും അദ്ദേഹം പറഞ്ഞു.

വാട്ടര്‍ അഥോറിറ്റിയുടെ 1006 കോടി എഴുതിതള്ളും

തിരുവനന്തപുരം: കേരളാ വാട്ടര്‍ അഥോറിറ്റിയില്‍ സമഗ്ര പുനരുദ്ധാരണപാക്കേജ് നടപ്പിലാക്കുമെന്ന് ധനകാര്യമന്ത്രി തോമസ് ഐസക്. കേരള വാട്ടര്‍ അഥോറിറ്റിക്ക് സര്‍ക്കാര്‍ കൊടുത്തിട്ടുള്ള വായ്പയുടെ പലിശയിനത്തില്‍ 1006 കോടി രൂപ എഴുതിത്തള്ളാന്‍ തീരുമാനിച്ചു.

2007 മാര്‍ച്ച് 31 വരെ നല്‍കിയ വായ്പകളുടെ മുതല്‍ സംഖ്യ 839.6 കോടി രൂപ കേരള വാട്ടര്‍ അഥോറിറ്റിക്കുള്ള പലിശരഹിത ഫണ്ടായി മാറ്റും. തിരുവനന്തപുരത്തെ വെല്ലിംഗ്ടണ്‍ വാട്ടര്‍ സപ്ളൈ സ്കീമിന്റെ പ്ളാറ്റിനം ജൂബിലി വര്‍ഷമാണിത്. പേപ്പാറ ഡാമിന്റെ സില്‍വര്‍ ജൂബിലി വര്‍ഷവുമാണ്.ഇവയുടെ നവീകരണത്തിന് ഒരു കോടി രൂപ അനുവദിച്ചു.

ഹഡ്കോ സഹായത്തോടു കൂടിയുള്ള കൊച്ചി, വാട്ടര്‍ സ പ്ളൈ സ്കീം കമ്മീഷന്‍ ചെയ്തിട്ടുണ്െടങ്കിലും കടവന്ത്ര, തേവര ഭാഗങ്ങളില്‍ വെള്ളം എത്തിക്കുന്നതിനു ശേഷി പൂര്‍ണമായും വിനി യോഗിക്കുന്നതിന് നാലുകോടി അനുവദിച്ചു. ഏതാണ്ട് 2000യുടെ മുതല്‍മുടക്കുള്ള പ ദ്ധതികളാണ് വിവിധ ഘട്ടങ്ങളിലെത്തി നില്‍ക്കുന്നത്. ചാവറയില്‍ പി.വി.സി പൈപ്പ് നിര്‍മാണ ഫാക്ടറി സ്ഥാപിക്കുന്നതിന് ഒരു കോടി രൂപ വകയിരുത്തിരിക്കുന്നു.

മന്ത്രിക്കു നാക്കു പിഴച്ചു, മാധ്യമങ്ങള്‍ വെട്ടിലായി

തിരുവനന്തപുരം: ബജറ്റ് പ്രസംഗം അവതരിപ്പിച്ചപ്പോള്‍ പറ്റിയ തെറ്റ് ധനമന്ത്രി തോമസ് ഐസക് പത്രസമ്മേളനത്തില്‍ തിരുത്തി.

കെ.എസ്.ആര്‍.ടി.സിയുടെ 700 കോടിരൂപയുടെ നികുതി കുടിശിക എഴുതിത്തള്ളും എന്നതിനു പകരം ബജറ്റ് പ്രസംഗം അവതരിപ്പിച്ചപ്പോള്‍ ധനമന്ത്രി പറഞ്ഞത് 7000 കോടി എന്നാണ്.

പല മാധ്യമങ്ങളും അത് അതേപടി സ്വീകരിച്ചു. പിന്നീട് പത്രസമ്മേളനത്തിലാണ് മന്ത്രി തെറ്റു മനസിലാക്കി തിരുത്തിയത്.

ഇതു അറിയാതെ ബജറ്റ് പ്രസംഗത്തെ അടിസ്ഥാനമാക്കി നടന്ന ചര്‍ച്ചകളിലും പലരും ഏഴായിരം എന്നാണ് ഉപയോഗിച്ചത്.

മത്സ്യത്തൊഴിലാളികള്‍ക്ക് കടാശ്വാസം

തിരുവനന്തപുരം: മത്സ്യമേഖലയ്ക്ക് പുതുജീവന്‍ നല്കുന്നതിന്റെ ഭാഗമായി മത്സ്യത്തൊഴിലാളികള്‍ക്ക് കടാശ്വാസനിയമം വരുന്നു.

ഇന്ത്യയില്‍ ആദ്യമായിട്ടാണ് മത്സ്യമേഖലയില്‍ കടാശ്വാസനിയമം കൊണ്ടുവരുന്നത്. മണ്‍സൂണ്‍ കാലത്ത് പരമ്പരാഗത വള്ളങ്ങള്‍ക്ക് മത്സ്യബന്ധനാവകാശം ഉറപ്പുവരുത്തുന്ന നിയമനിര്‍മാണം, ക്ഷേമനിധിയില്‍ കയറ്റുമതിക്കാരുടെ അംശാദായം ഉറപ്പുവരുത്തുന്ന നിയമം, ഇപ്പോള്‍ പാസാക്കുന്ന കടാശ്വാസനിയമം, സുനാമി ദുരിതാശ്വാസ പദ്ധതി തുടങ്ങിയവയെല്ലാം പ്രതീക്ഷകളാണ് ഉണര്‍ത്തിയിട്ടുള്ളത്.

സുനാമി പ്രദേശത്തിനു പുറത്തുള്ള തീരപ്രദേശത്തെ കടാശ്വാസ പദ്ധതിയിലേക്ക് ബജറ്റില്‍ 10 കോടി രൂപ വകയിരുത്തിയിരിക്കുന്നു. 2007-08ല്‍ 51 കോടി രൂപയാണ് മത്സ്യമേഖലയ്ക്ക് വകയിരുത്തിയിരുന്നെങ്കില്‍ 2008-09ല്‍ 89 കോടി രൂപയാണ് വകയിരുത്തിയിരിക്കുന്നത്.

ഇതിനു പുറമേയാണ് മറ്റ് വകുപ്പുകള്‍ വഴി സുനാമി പുനരധിവാസ പദ്ധതിയില്‍ ഉള്‍പ്പെടുത്തി ചെലവഴിക്കപ്പെടുന്ന 375 കോടി രൂപ. ഈ വര്‍ഷം ആരംഭിക്കുന്ന ഒരു പുതിയ സ്ക്കീം പലിശരഹിത വായ്പയാണ്.

ഇതിനു സബ്സിഡിയായി 50 ലക്ഷം രൂപ വകയിരുത്തിയിട്ടുണ്ട്. മത്സ്യമേഖലയില്‍ തൊഴി ല്‍യൂണിറ്റുകള്‍ ആരംഭിക്കുന്നതിനുവേണ്ടി 16 കോടി രൂപ വകയിരുത്തിയിട്ടുണ്ട്. ബേപ്പൂരില്‍ ഒരുമറൈന്‍ പാര്‍ക്ക് ആരംഭിക്കുന്നതിനുവേണ്ടി ഒരു കോടി രൂപ കിന്‍ഫ്രയ്ക്ക് ഭൂമി ഏറ്റെടുക്കുന്നതിനായി അധികമായി അനുവദിച്ചിട്ടുണ്ട്.

ആലുവയില്‍ കടുങ്ങല്ലൂരില്‍ സ്വകാര്യപങ്കാളിത്തതോടെ അക്വാ ടെക്നോളജി പാര്‍ക്ക് സ്ഥാപിക്കുന്നതിനുള്ള നടപടികള്‍ പുരോഗമിക്കുന്നു. അലങ്കര മത്സ്യകൃഷി പ്രോത്സഹിപ്പിക്കുന്നതിനാണ് ഈ അക്വ ടെക്നോളജി പാര്‍ക്കില്‍ മുന്‍ഗണന നല്‍കുക.

ചെത്തി, കാസര്‍കോട്, ചേറ്റുവ, ചെറുവത്തൂര്‍ എന്നീ മത്സ്യബന്ധനതുറമുഖങ്ങളുടെ നിര്‍മാണ പ്രവര്‍ത്തനങ്ങള്‍ ആരംഭിക്കുന്നതാണ്. ചെല്ലാനം, അര്‍ത്തുങ്കല്‍ എന്നിവടങ്ങളില്‍ ചെറു മത്സ്യബന്ധന തുറമുഖങ്ങള്‍ വികസിപ്പിക്കുന്നത് ടി.ആര്‍.പി. പദ്ധതിയില്‍ ഉള്‍പ്പെടുത്തിയിട്ടുണ്ട്.

കെ.എസ്.ആര്‍.ടി.സിയുടെ 700 കോടി നികുതി കുടിശിക എഴുതിത്തള്ളും

തിരുവനന്തപുരം: കെ.എസ്. ആര്‍. ടി.സിയുടെ 700 കോടി നികുതി കുടിശിക എഴുതിത്തള്ളുമെന്ന് ധനകാര്യമന്ത്രി തോമസ് ഐസക്. അ തു പോലെ തന്നെ 153 കോടി രൂപയുടെ പലിശയും പിഴപ്പലിശയും ഉപേ ക്ഷിക്കുന്നു.

സര്‍ക്കാര്‍ നല്‍കിയിട്ടുള്ള വായ്പകള്‍ ഓഹരി മൂലധനമാക്കി മാറ്റും. കെ.ആര്‍.ടി.സിയുടെ ഭൂമിക്ക് പട്ടയം നല്‍കി അവയുടെ വില പുനര്‍നിര്‍ണയം ചെയ്ത് ആസ്തി ബാധ്യത കണക്കില്‍ ചേര്‍ക്കും. ഇതു കെ.എസ്. ആര്‍. ടി.യെ വാണിജ്യാടിസ്ഥാനത്തില്‍ വായ്പ എടുക്കുവാന്‍ പ്രാപ്തമാക്കും.

സര്‍ക്കാര്‍ഗ്യാരണ്ടിയോടു കൂടിയുള്ള വായ്പയി ല്‍ പ്രതിവര്‍ഷം 1000 ബസ് വീതം പുതിയതായി പുറത്തിറക്കും. ഇതുവഴി മൈ ലേജ് ഗണ്യ മായി ഉയര്‍ത്താനാകും. ഈ ഇനത്തില്‍ മാ ത്രം ഏതാണ്ട് 100 കോടി യുടെ ചെലവ് കുറയ്ക്കാനാവും. ബസുകളുടെ എണ്ണം കൂടുന്നതിനുസരിച്ച് സമാന്തരസര്‍വീസ് നിര്‍ത്താലാക്കാന്‍ സാധിക്കും. ചുരുങ്ങിയത് 26 രൂപ കിലോമീറ്ററിന് വരുമാനം ലഭിച്ചാലേ ലാഭവും നഷ്ടുമില്ലാതെ വണ്ടി ഓടിക്കാനാകൂ. 25 കോടി രൂപ കെ.എസ്.ആര്‍.ടി.സിക്ക് ഈ വര്‍ഷം പദ്ധതിയില്‍ വകയിരുത്തിയിട്ടുണ്ട്. രണ്ട് വര്‍ഷം കൊണ്ട് 166 കോടി രൂപ ഈ സര്‍ക്കാര്‍ നല്‍കി കഴിഞ്ഞു.

3. പെന്‍ഷന്‍ പരിഷ്കരണം ഓഗസ്റ്റ് 31-നകം
തിരുവനന്തപുരം: സര്‍ക്കാര്‍ ജീവനക്കാരുടെ പെന്‍ഷന്‍ പരിഷ്കരണം ഓഗസ്റ്റ് 31 നകം പൂര്‍ത്തിയാക്കുമെന്നു ധനമന്ത്രി ഡോ. തോമസ് ഐസക് അവതരിയ പ്പിച്ച ബജറ്റില്‍ വ്യക്ത മാക്കി.

കാഷ്വല്‍ സ്വീപ്പര്‍മാരുടെ വേതനം 750 രൂപയില്‍ നിന്ന് 1000 രൂപയാക്കി വര്‍ധിപ്പിച്ചു. അഴിമതി രഹിതമായ സിവില്‍ സര്‍വീസ് വാര്‍ത്തെടുക്കുന്നതിന് ഫയല്‍ നോട്ടത്തിന് പ്രത്യേക സംവിധാനം ഏര്‍പ്പെടുത്തി. എല്ലാ ഫയലുകളും ധനകാര്യവകുപ്പിന്റെ പരിശോധന ആവശ്യമില്ല എന്ന സംവിധാനമാണ് ഏര്‍പ്പെടുത്തുന്നത്. ധനകാര്യ അഡ്വൈസര്‍ സംവിധാനം സെക്രട്ടേറിയറ്റില്‍ നടപ്പാക്കാനാകുമോയെന്നും പരിശോധിക്കും.

വികസന വകുപ്പുകളുടെ ഡയറക്ടറേറ്റുകള്‍ക്കുള്ള ധനപരമായ അധികാരം ഉയര്‍ത്തും. അറ്റകുറ്റപ്പണികള്‍ക്ക് വര്‍ധിപ്പിച്ച ധനാധികാരപരിധി സംബന്ധിച്ച് മൂന്നുമാസത്തിനുള്ളില്‍ ഉത്തരവുണ്ടാവും. വാളയാര്‍ അഴിമതിരഹിത ചെക്പോസ്റ്റില്‍ നികുതി- എക്സൈസ്- മോട്ടോര്‍വെഹിക്കിള്‍സ് ഏകോപനത്തോടെ ഏപ്രില്‍ മാസത്തോടെ പുതിയ ഘട്ടത്തിലേക്ക് പ്രവേശിക്കും.

സര്‍ക്കാര്‍ ജീവനക്കാര്‍ക്ക് ക്ഷാമബത്ത അനുവദിച്ചതിന്റെ കൂടെ 2948 കോടിരൂപയാണ് അധികമായി കൊടുക്കേണ്ടിവരുന്നതെന്നും ബജറ്റില്‍ പറഞ്ഞു.

ഉത്തരകേരളത്തിനു പ്രത്യേക പാക്കേജ്

കോഴിക്കോട് മുതല്‍ മഞ്ചേശ്വരം വരെയുള്ള ഉത്തരകേരളത്തിനായി ഒരു പ്രത്യേക പാക്കേജിന് രൂപം നല്‍കുമെന്ന് ബജറ്റില്‍ വ്യവസ്ഥ ചെയ്തു.

കണ്ണൂര്‍വിമാനത്താവളം, പെട്രോളിയം കോംപ്ളക്സ്, വ്യവസായ പാര്‍ക്ക് തുടങ്ങി ഭീമമായ മുതല്‍മുടക്ക് വേണ്ടിവരുന്ന പദ്ധതികള്‍ ഇവിടെ സ്വകാര്യ നിക്ഷേപത്തെ ആസ്പദമാക്കി ആരംഭിക്കും.

കണ്ണൂര്‍, കരിപ്പൂര്‍ വിമാനത്താവളത്തിന് ആവശ്യമായ സ്ഥലമെടുപ്പ് സമയബന്ധിതമായി നടത്തും. കോഴിക്കോട് തയാറാക്കിയിട്ടുള്ള സിറ്റി ഇംപ്രൂവ്മെന്റ് പ്ളാനിന് സ്ഥലമെടുക്കുന്നതിന് 20 കോടി രൂപ വകയിരുത്തി.

വിഴിഞ്ഞത്തിന് 25.7 കോടി

തിരുവനന്തപുരം: വിഴിഞ്ഞം തുറമുഖപദ്ധതിക്ക് പശ്ചാത്തല സൌകര്യങ്ങള്‍ ഒരുക്കുന്നതിന് 25.7 കോടിരൂപ ബജറ്റില്‍ വകയിരുത്തി.

തുറമുഖ പദ്ധതിക്കായി രൂപീകരിച്ച വിഴിഞ്ഞം അന്താരാഷ്ട്ര സീ പോര്‍ട്ട് ലിമിറ്റഡ് എന്ന സര്‍ക്കാര്‍ കമ്പനിയായിരിക്കും ഇത് നടത്തുക. അഴീക്കല്‍ തുറമുഖത്തിന്റെ നിര്‍മാണത്തിന് 2.8 കോടിരൂപയും തങ്കശേരിയില്‍ കാര്‍ഗോബര്‍ത്തിന് 1.10 കോടിരൂപയും വകയിരുത്തി. മഞ്ചേശ്വരം കേരളാ മാരിടൈം ഇന്‍സ്റ്റിറ്റ്യൂട്ടിന് ഒരു കോടിരൂപ മാറ്റിവച്ചു. രാജീവ് ഗാന്ധി സെന്റര്‍ ഫോര്‍ സിവില്‍ ഏവിയേഷന്‍ ഹാംഗറിന് ഒരുകോടിരൂപയാണ് വകയിരുത്തിയത്. കൊച്ചിന്‍ മെട്രോ റെയില്‍ പദ്ധതി ആരംഭിക്കുമെന്നും പ്രഖ്യാപിച്ചിട്ടുണ്ട്.

ആലപ്പുഴയില്‍ കാര്‍ഗോ തുറമുഖം നിര്‍മിക്കും.ആലപ്പുഴയില്‍ കടല്‍പ്പാലം നവീകരിക്കാന്‍ പത്തുലക്ഷം വകയിരുത്തി.

ബഷീര്‍ സ്മാരകത്തിന് 50 ലക്ഷം

കോഴിക്കോട് വൈക്കം മുഹമ്മദ് ബഷീര്‍ സ്മാരകം നിര്‍മിക്കുന്നതിന് 50 ലക്ഷം രൂപ സംസ്ഥാന ബജറ്റില്‍ വകയിരുത്തി. ലാറി ബേക്കറുടെ സ്മരണക്കായി പൈതൃകപഠനത്തിനും ബദല്‍ സാങ്കേതിക വിദ്യക്കും വേണ്ടി തിരുവനന്തപുരത്ത് 80 ലക്ഷം രൂപ ചെലവില്‍ കേന്ദ്രം സ്ഥാപിക്കും.

ഇന്റര്‍നാഷണല്‍ ഇന്‍സ്റ്റിറ്റ്യൂട്ട് ഓഫ് എസ്തെറ്റിക്സ് സ്ഥാപിക്കുന്നതിന് 50 ലക്ഷം രൂപ വകയിരുത്തും. തുഞ്ചന്‍ സ്മാരക ട്രസ്റ്റ്, ശിവഗിരി കണ്‍വന്‍ഷന്‍ സെന്റര്‍, ശങ്കരമംഗലത്ത് തകഴി മെമ്മോറിയല്‍ , മഞ്ചേശ്വരത്ത് രാഷ്ട്രകവി ഗോവിന്ദപ്പൈ സ്മാരകം മാവേലിക്കര എ.ആര്‍. രാജരാജവര്‍മ സ്മാരകം എന്നിവയ്ക്ക് 20 ലക്ഷം രൂപവീതം അനുവദിച്ചു. സംഗീത നാടക അക്കാദമിക്ക് ഏഷ്യന്‍ തീയറ്റര്‍ ഫെസ്റ്റ് നടത്താന്‍ 20 ലക്ഷം രൂപ അധികമായി നീക്കിവച്ചു. സാഹിത്യ അക്കാദമിക്ക് സുവര്‍ണജൂബിലി സ്മാരകമന്ദിരം നിര്‍മിക്കാന്‍ 25 ലക്ഷം രൂപ അനുവദിച്ചിട്ടുണ്ട്.

കെ.എസ്.എഫ്.ഡി.സിയുടെ സ്റ്റുഡിയോ ശീതീകരിക്കുന്നതിനും ആധുനിക ഉപകരണങ്ങളും മറ്റും വാങ്ങുന്നതിനും 50 ലക്ഷം രൂപ വകയിരുത്തി. ദേവരാജന്‍ മാസ്റ്ററുടെ നാമധേയത്തിലായിരിക്കും സ്റ്റുഡിയോ അറിയപ്പെടുക. കോഴിക്കോട്ടെ മൊയ്തു മൌലവി സ്മാരകം പൂര്‍ത്തിയാക്കാന്‍ 10 ലക്ഷം രൂപ, പന്മന ആശ്രമവികസനത്തിന് പത്തുലക്ഷം രൂപ. ചെറായിയില്‍ സഹോദരന്‍ അയ്യപ്പന്‍ സമാരകത്തിനും അക്കദാമി ഓഫ് മാജിക്കല്‍ സയന്‍സസിനും അഞ്ചുലക്ഷം, ഇരിങ്ങാലക്കുട ഉണ്ണായിവാര്യര്‍ സ്മാരക കലാനിലയത്തിന് 10 ലക്ഷംരൂപ ഗ്രാന്റ് എന്നിവയും അനുവദിച്ചു.

അയല്‍കൂട്ടങ്ങള്‍ക്കു പരിഗണന

കുടുംബശ്രീ അയല്‍കൂട്ടങ്ങളെ ഗ്രാമസഭകളുടെ ഉപഘടകങ്ങളാക്കി മാറ്റും. സ്ത്രീ പദവി പഠനം, മാലിന്യ നിര്‍മാര്‍ജനപദ്ധതി ഉദ്യോഗസ്ഥ പുനര്‍വിന്യാസം, തീവ്രയജ്ഞ പരിശീലന പരിപാടി, തുടങ്ങിയവ നടപ്പിലാക്കും.

അടുത്ത വാര്‍ഷികപദ്ധതി തയാറാക്കിയതിനുശേഷം മാത്രമേ കാമ്പയിന്‍ പ്രവര്‍ത്തനങ്ങള്‍ ആരംഭിക്കൂ. ഏപ്രില്‍ മാസം തുടങ്ങി ജൂണ്‍ മാസത്തോടെ ആസൂത്രണ പ്രക്രിയ പൂര്‍ത്തീകരിച്ച് ജൂലൈ മാസത്തില്‍ പദ്ധതികള്‍ക്ക് അംഗീകാരം നല്‍കാനാണ് ഉദ്ദേശിക്കുന്നത്. ഏപ്രില്‍ മാസം മുതല്‍ തന്നെ പദ്ധതി നിര്‍വഹണം ആരംഭിക്കും.

സ്പില്‍ ഓവര്‍ പ്രോജ്ക്ടുകള്‍, സ്കൂളുകളുടെയും മറ്റും അറ്റകുറ്റപ്പണികള്‍, പാര്‍പ്പിടം, കേന്ദ്രാവിഷ്കൃത പദ്ധതികളുടെ വഹിതം , കാര്‍ഷിക പ്രോജക്ടുകള്‍ ഇവ പദ്ധതി രേഖ അംഗീകരിക്കുന്നതിനു മുമ്പുതന്നെ നടപ്പാക്കി തുടങ്ങും. ഇതിനുള്ള ഉത്തരവ് ഈ മാസം തന്നെ പുറത്തിറക്കും. കിലയ്ക്ക് അഞ്ചു കോടിരൂപ അധികമായി അനുവദിക്കും. വിവിധ ഗ്രാമവികസന കേന്ദ്രാവിഷ്കൃത പദ്ധതികള്‍ക്ക് സംസ്ഥാനവിഹിതമായി 79 കോടിരൂപ വകയിരുത്തി.ദേശീയ തൊഴിലുറപ്പുപദ്ധതിയാണ് ഇതില്‍ പ്രധാനം. അട്ടപ്പാടി വികസന പദ്ധതിക്ക് 30 കോടിരൂപ നീക്കിവച്ചു.

അര്‍ബന്‍ റിന്യൂവല്‍ മിഷന്‍ പദ്ധതിക്കു 307 കോടി

കൊച്ചി – തിരുവനന്തപുരം കോര്‍പറേഷനുകളില്‍ നടപ്പാക്കുന്ന ജവഹര്‍ലാല്‍ നെഹ്റു അര്‍ബന്‍ റിന്യൂവല്‍ മിഷന്‍ പദ്ധതിക്ക് 307 കോടിരൂപയാണ് വകയിരുത്തിയത്. ഇതില്‍ 107 കോടിരൂപ സംസ്ഥാന വിഹിതമാണ്. കൊച്ചി നഗരസഭയുടെ പദ്ധതി വിഹിതം 20 ശതമാനമായി താഴ്ത്തി. ഗ്രാമപഞ്ചായത്തുകളുടെ വിഹിതം 30 ല്‍ നിന്ന് 10 ശതമാനമായി കുറച്ചു. ഇതുമൂലമുള്ള ബാധ്യത സംസ്ഥാനം ഏറ്റെടുക്കും. കേരള സുസ്ഥിര നഗര വികസന പദ്ധതി 200 കോടിരൂപയാണ് 2008-09 ല്‍ ചെലവാക്കാന്‍ ഉദ്ദേശിക്കുന്നത്.

സംയോജിത പാര്‍പ്പിട ചേരി വികസന പദ്ധിക്ക് 100 കോടിരൂപ. അര്‍ബന്‍ ഇന്‍ഫ്രാ സ്ട്രെക്ചര്‍ ആന്‍ഡ് ഡെവലപ്മെന്റ് സ്കീം ഫോര്‍ സ്മോള്‍ ആന്‍ഡ് മീഡിയം ടൌണ്‍ പദ്ധതിക്ക് 60 കോടിരൂപയാണ് ചെലവ്.ആറ്റുകാല്‍ ടൌണ്‍ഷിപ്പിന്റെ നിര്‍മാണം ഈവര്‍ഷം ആരംഭി ക്കും.മാസ്റ്റര്‍ പ്ളാനുകളും വിശദമായ ടൌണ്‍പ്ളാനുകളും പരിഷ്കരിക്കുന്നതിന് 2.5 കോടിരൂപ അധികമായി വകയിരുത്തി.

4.നിയമസഭാവലോകനം : ഇനിയും സ്വപ്നം കണ്ടിരിക്കാം
കേരളത്തിന്റെ സാമ്പത്തിക മേഖലയില്‍ അത്ഭുതകരമായ മാറ്റങ്ങള്‍ സംഭവിച്ചുകൊണ്ടിരിക്കുന്നുവെന്ന് സമര്‍ഥിക്കാനാണ് ഇന്നും ധനമന്ത്രി തോമസ് ഐസക്ക് ശ്രമിച്ചത്. ഇടതുമുന്നണിയുടെ ധനമന്ത്രിയായി അദ്ദേഹം ചുമതലയേറ്റ നാള്‍ മുതല്‍ കേരളം കേള്‍ക്കുന്ന വായ്ത്താരിയാണിത്. അദ്ദേഹം പറയുന്നത് കേട്ടിരുന്നാല്‍ സത്യമാണോ എന്നു സംശയം തോന്നിപ്പിക്കത്തക്ക വാക്വിലാസവും ധനമന്ത്രിക്കുണ്ട്. എന്നാല്‍ കണക്കു പുസ്തകത്തിന്റെ താളുകളിലൂടെ സൂക്ഷ്മമായി കടന്നപോകുമ്പോള്‍ മന്ത്രി എന്തൊക്കെയോ ഒളിക്കുന്നതായി തോന്നിപ്പോകുകയും ചെയ്യും.

വലിയ ബജറ്റ് പ്രഖ്യാപിക്കുക. നടപ്പാക്കുന്നതില്‍ കാലവിളംബം വരുത്തുക. ഉള്ള പണം ബഹളം കൂട്ടുന്ന സംഘടിത വര്‍ഗത്തിനു പങ്കുവച്ചു നല്‍കി കൈയടി നേടുക തുടങ്ങിയ ജനകീയ നടപടികളാണല്ലോ ഇന്നലെകളില്‍ ഈ ധനമന്ത്രിയില്‍ നിന്നുണ്ടായതെന്ന് തിരിച്ചറിയുമ്പോള്‍ ഈ ബജറ്റിലെയും പ്രഖ്യാപനങ്ങള്‍ നല്‍കുന്നത് നല്ല സ്വപ്നങ്ങ ള്‍ മാത്രമാവില്ലേ എന്നു സംശയിച്ചു പോവും.

രാഷ്ട്രീയക്കാരായ ധനമന്ത്രിമാര്‍ക്ക് തെരഞ്ഞെടുപ്പ് മുന്നില്‍ കാണാതെ ബജറ്റ് തയാറാക്കാനാവില്ല. കേരളത്തിന്റെ ധനമന്ത്രിക്ക് ഇന്നത്തെ നിലയില്‍ അതൊരു വലിയ പരാധീനതയുമാണ്. മൂന്നാം വര്‍ഷം ലോക്സഭാ തെരഞ്ഞെടുപ്പ്, നാലാം വര്‍ഷം തദ്ദേശ സ്വയംഭരണ തെരഞ്ഞെടുപ്പ്, അഞ്ചാം വര്‍ഷം നിയമസഭാ തെരഞ്ഞെടുപ്പ്. അവതരിപ്പിക്കുന്ന അഞ്ചില്‍ മൂന്ന് ബജറ്റും തെരഞ്ഞെടുപ്പ് ബജറ്റ് ആകേണ്ടിവരുന്നു. വോട്ടര്‍മാരെ വെറുപ്പിക്കാത്ത ബജറ്റ് ഉണ്ടാക്കണം.

തോമസ് ഐസക്ക് ഇക്കുറി ചെയ്തതും അതുതന്നെയാണ്. ക്ഷേമ പദ്ധതികള്‍ മൂന്നു നാലെണ്ണം കൂടി പ്രഖ്യാപിച്ചു. പെന്‍ഷന്‍ തുക വര്‍ധിപ്പിച്ചു. കോളജ് അധ്യാപക നിയമനത്തിനുണ്ടായിരുന്ന വിലക്കു മാറ്റി. വിദ്യാര്‍ഥികള്‍ക്ക് പുതിയ സ്കോളര്‍ഷിപ്പുകള്‍ പ്രഖ്യാപിച്ചു. നടപ്പാക്കാനാവുമോ എന്ന സംശയമുള്ളതുകൊണ്ടാകാം ബജറ്റ് രേഖയിലുള്ള വിശദാംശങ്ങളില്‍ പലതും സഭയില്‍ പറയാന്‍പോലും ധനമന്ത്രി ധൈര്യം കാണിച്ചില്ല.

സംസ്ഥാന സര്‍ക്കാരിന്റെ പതിനൊന്നാം പഞ്ചവത്സര പദ്ധതിയുടെ രണ്ടാം വര്‍ഷമാണിത്. ഈ വര്‍ഷം നടപ്പാക്കാന്‍ ഉദ്ദേശിക്കുന്ന പരിപാടികള്‍ നേരത്തെ തയാറാക്കി പ്ളാനിംഗ് കമ്മീഷന്റെ അംഗീകാരം നേടിയതാണ്. അവയെല്ലാം ബജറ്റിനോടൊപ്പം നല്‍കുന്നുമുണ്ട്. രഹസ്യരേഖയാണ്. ഈ രേഖയില്‍ നല്‍കുന്ന വിവരങ്ങളെല്ലാം ബജറ്റ് പ്രസംഗത്തില്‍ ഉള്‍പ്പെടുത്താനാവില്ല. എങ്കിലും 10000 വിദ്യാര്‍ഥികള്‍ക്ക് സ്കോളര്‍ഷിപ്പ് നല്‍കാനുള്ള അഞ്ചുകോടിയുടെ പദ്ധതിപോലും എത്ര തിളക്കം കുറച്ചാണ് പ്രഖ്യാപിച്ചത്! ഒരു പക്ഷേ, നടപ്പാക്കാനുള്ളതല്ല എന്നു തിരി ച്ചറിയുന്നതുകൊണ്ടാവണം.

ധനമന്ത്രിക്ക് പാവങ്ങളോടും ദുര്‍ബലരോടുമുള്ള ആഭിമുഖ്യം എല്ലാ ബജറ്റിലും പ്രകടമാണ്. പ്രത്യേകിച്ചും വികലാംഗരോടും ബുദ്ധിമാന്ദ്യമുള്ളവരോടുമൊക്കെ കാണിക്കുന്ന കരുതല്‍ പ്രശംസനീയവുമാണ്. ഈവര്‍ഷവും നിഷിന് 25 ലക്ഷവും ഐക്കോണ്‍സിന് 50 ലക്ഷവും അധികമായി നല്‍കുന്നുണ്ട്.

തോമസ് ഐസക്ക് അവതരിപ്പിച്ച മൂന്ന് ബജറ്റിലും പ്രകടിപ്പിക്കുന്ന മറ്റൊരു ആഭിമുഖ്യം ജന്‍ഡര്‍ നീതിയാണ്. ഇടതുമുന്നണി അധികാരത്തില്‍ വന്നശേഷം ആദ്യം അവതരിപ്പിച്ച ബജറ്റില്‍ പറഞ്ഞിരുന്ന ജന്‍ഡര്‍ ഓഡിറ്റ് ഇനിയും നടപ്പായില്ല. കഴിഞ്ഞ ബജറ്റില്‍ കുറ്റസമ്മതം നടത്തുന്ന ധനമന്ത്രി ഈ ബജറ്റില്‍ ജന്‍ഡര്‍ ബോര്‍ഡ് രൂപീകരിക്കുമെന്നു പ്രഖ്യാപിച്ചിട്ടുണ്ട്. അടുത്തവര്‍ഷം മുതല്‍ ബജറ്റിനോടൊപ്പം ബജറ്റിന്റെ ജന്‍ഡര്‍ സ്റ്റേറ്റ്മെന്റ് നല്‍കുമെന്നും പ്രഖ്യാപനമുണ്ട്. കഴിഞ്ഞ വര്‍ഷം അദ്ദേഹം വാഗ്ദാനം ചെയ്ത ഇംപാക്ട് ബജറ്റ് പോലെ ഒരു സ്വപ്നമാവില്ലേ ജന്‍ഡര്‍ ബജറ്റെന്നു സംശയിച്ചുപോകും.

ഐസക് മന്ത്രിക്ക് ഏറെ അടുപ്പമുള്ള ഗുലാത്തിയുടെ പേരില്‍ സ്ഥാ പിക്കുമെന്ന് കഴിഞ്ഞ ബജറ്റില്‍ പറഞ്ഞ ഗിഫ്റ്റ് (ഗുലാത്തി ഇന്‍സ്റ്റിറ്റ്യൂട്ട് ഓഫ് പബ്ളിക് ഫിനാന്‍സ് ആന്‍ഡ് ടാക്സേഷന്‍) എങ്ങുമെത്താതെ കിടക്കുന്നു. കേന്ദ്രം 20 കോടി തന്നിട്ടും തുടങ്ങാനാവുന്നില്ല. ധനമന്ത്രിയുടെ ഹൃദയത്തോട് ചേര്‍ന്ന മറ്റൊരു സ്വ പ്നം.

കേരളത്തിന്റെ സാമ്പത്തിക നിലയെക്കുറിച്ചുള്ള ഒമ്പത് ‘മിഥ്യാ ധാരണകള്‍ ഒരധ്യാപകനെപോലെ ധനമന്ത്രി നിയമസഭയില്‍ വിശദീകരിച്ചു. കേരളം കടക്കെണിയിലാണെന്ന പ്ളാനിംഗ് ബോര്‍ഡിന്റെ നിലപാടാണ് ഒന്നാമത്തെ മിഥ്യാധാരണ. കടം നമ്മുടെ ശേഷിക്കുള്ളിലാണെന്ന് അദ്ദേഹം സമര്‍ഥിച്ചു. 57000 കോടി കടമൊന്നും കടമല്ലെന്നപക്ഷക്കാരനാണ് തോമസ്. ഈ വിശദീകരണം കേള്‍ക്കുവാന്‍ പ്ളാനിംഗ് ബോര്‍ഡ് വൈസ് ചെയര്‍മാന്‍ പ്രഭാത് പട്നായിക്കും നിയമസഭയുടെ വിശിഷ്ടാതിഥികള്‍ക്കുള്ള ഗാലറിയില്‍ ഉണ്ടായിരുന്നു. രണ്ടാമത്തെ മിഥ്യാധാരണ കടം എവിടെനിന്നു എടുക്കുമെന്നതിനെക്കുറിച്ചായിരുന്നു.

യു.ഡി.എഫ് ഭരിക്കുന്ന കാലത്ത് എ.ഡി.ബി വായ്പയ്ക്കെതിരെ ഇടതു നേതാക്കള്‍, മുഖ്യമന്ത്രി വി.എസും ബാലനും അടക്കമുള്ളവര്‍ വളര്‍ത്തിക്കൊണ്ടുവന്ന വാദമാണ് ധനമന്ത്രി തകര്‍ത്തത്. അന്നവര്‍ ചോദിച്ചു, നമ്മുടെ സഹകരണ ബാങ്കിലുള്ള പണം എടുത്തുകൂടെ? സാധാരണക്കാര്‍ ചോദ്യം കേട്ട് ശരിയെന്നും കരുതി. അന്ന് യു.ഡി.എഫ് നേതാക്കള്‍ അതിനാവില്ലെന്നു പറഞ്ഞപ്പോള്‍ പുലഭ്യം പറഞ്ഞവരാണ് ഇന്ന് അതുതന്നെ പറയുന്നത്. അതുകൊണ്ടാവണം ധനമന്ത്രി മിഥ്യാധാരണകള്‍ പൊളിക്കുമ്പോള്‍ ഭരണ ബഞ്ചില്‍ ഏറെ കൈയടി ഉണ്ടായില്ല. നികുതി കുടിശിക പിരിക്കാത്തത് മുന്‍ സര്‍ക്കാരും സമ്പന്നരും തമ്മിലുള്ള ഒത്തുകളിമൂലമാണെന്ന് സമര്‍ഥിച്ചവര്‍ ഇന്നു പറയുന്നു 4280 കോടി കുടിശികയില്‍ 773 കോടി മാത്രമാണ് പിരിക്കാനാവുന്നതെന്ന്.

മൂന്ന് ബജറ്റിലും ഇടതുപക്ഷ ബദലിന്റെ മഹത്വം വിവരിക്കുന്നു. പക്ഷേ, സാധാരണക്കാരന് അനുഭവപ്പെടുന്നത് ഭീകരമായ വിലക്കയറ്റവും ദുരിതങ്ങളും. ധനമന്ത്രി അവകാശപ്പെടുന്നത് 2010 – 11 ഓടെ കേരളം കമ്മി ഇല്ലാത്ത സംസ്ഥാനമാകുമെന്നാണ്. നിയമസഭാ തെരഞ്ഞെടുപ്പിന് മുന്നോടിയായുള്ള ബജറ്റില്‍ ആ പ്രഖ്യാപനവും ഉണ്ടാകാം. സത്യം അറിയണമെങ്കില്‍ മറ്റൊരു സര്‍ക്കാരും ധനമന്ത്രിയും ഉണ്ടാകണമെന്ന് മാത്രം.

വില്‍പ്പന നികുതി ഒരു ശതമാനം കൂട്ടുന്നതിലൂടെ എല്ലാ വിഭവങ്ങള്‍ക്കും വില കൂടാമെങ്കിലും ധനമന്ത്രി അതും വളരെ ലാഘവമായി പറഞ്ഞുവച്ചു. ആയിരം രൂപയ്ക്ക് സാധനം വാങ്ങുമ്പോള്‍ പത്ത് പൈസയേ വരൂ എന്നായിരുന്നു ഒരു ശതമാനത്തിനു തന്ന വ്യാഖ്യാനം.

ഒരു ശതമാനത്തിന് അത്തരമൊരു വ്യാഖ്യാനം കേട്ടപ്പോഴും ഭരണകക്ഷി കൈയടിച്ചു. വിവരം മനസിലായല്ല കൈയടിച്ചതെന്ന് കരുതിപോകും. ഒന്നേമുക്കാല്‍ മണിക്കൂറിലേറെ നീണ്ട പ്രസംഗത്തില്‍ വേറെയും ചില കണക്കുകള്‍ തെറ്റിയെന്ന് പിന്നീട് മന്ത്രി സമ്മതിച്ചു.തൊഴിലവസരങ്ങള്‍ വര്‍ധിപ്പിക്കുന്നതിനോ കാര്‍ഷിക മേഖല അഭിവൃദ്ധിപ്പെടുത്തുന്നതിനോ അടക്കമുള്ള ദീര്‍ഘവീക്ഷണമുള്ള ഏറെ പദ്ധതികള്‍ കേള്‍ക്കാനുണ്ടായില്ല.

മനസിലുള്ളത് തുറന്നു പറഞ്ഞുപോകുന്ന അവസരങ്ങളുമുണ്ടായി. കാരുണ്യ ഡിപ്പോസിറ്റ് സ്കീമിനെക്കുറിച്ച് വിശദീകരിക്കുമ്പോള്‍ മന്ത്രി പറഞ്ഞു. ട്രഷറിയില്‍ ഒരുലക്ഷം രൂപ അടച്ചാല്‍ 15000 രൂപ നിക്ഷേപകന്‍ പറയുന്ന സ്ഥാപനത്തിന് നല്‍കും. നിക്ഷേപകന് പലിശ കിട്ടില്ല. ചുരുക്കത്തില്‍ 15 ശതമാനം പലിശ ഒരു സ്ഥാപനത്തിനായി സര്‍ക്കാര്‍ നല്‍കുന്നു. അതിലൊരു ചൂണ്ടയുണ്ട്. അടുത്ത വാക്കില്‍ മന്ത്രി അത് പറഞ്ഞുപോയി. ഈ പദ്ധതി ഫലപ്രദമായി ഉപയോഗപ്പെടുത്തണമെന്ന്. ധനമന്ത്രിയിലെ സൂത്രക്കാരന്റെ മനസ്.

റബര്‍ക്കായിലെ എണ്ണ ബയോഗ്യാസ് ഡീസലാക്കി ഉപയോഗിക്കുന്നതിനെക്കുറിച്ചും ചകിരിച്ചോറ് ബയോമിഥനേഷന്‍ നടത്തി ഗ്യാസ് നിര്‍മിക്കുന്നതിനെക്കുറിച്ചുമൊക്കെ കഴിഞ്ഞവര്‍ഷം ധനമന്ത്രി കണ്ട സ്വപ്നങ്ങള്‍ ഓര്‍ത്തുപോയി.

5. കേരകര്‍ഷകര്‍ക്ക് പ്രതീക്ഷ
കോട്ടയം: കേരളത്തിലെ കേരകര്‍ഷകര്‍ക്ക് പ്രതീക്ഷ നല്‍കുന്നതാണ് സംസ്ഥാന ബജറ്റെന്ന് നാളികേര വികസന ബോര്‍ഡ് ഉപസമിതി അംഗം ജോസഫ് ആലപ്പാട്ട് പറഞ്ഞു. കാര്‍ഷിക വില ഉറപ്പ് പദ്ധതി കര്‍ശനമായി നടപ്പാക്കുമെന്ന പ്രഖ്യാ പനം ന്യായ വില ലഭിക്കാന്‍ വഴി തെളിക്കും. സമഗ്ര വികസന ത്തിനായി പ്രഖ്യാ പിച്ചിട്ടുള്ള 47 കോടി രൂപ വിനിയോഗിക്കുന്നത് ബന്ധപ്പെട്ടവരുമായി കൂടിയാലോചിച്ച് വേണമെന്നും ജോസഫ് ആലപ്പാട്ട് ആവശ്യപ്പെട്ടു.

മെട്രോറെയിലിനു തുക നീക്കിവയ്ക്കാത്തത് നിരാശാജനകമെന്ന്

കൊച്ചി:കൊച്ചി മെട്രോറെയിലിനു തുക നീക്കിവക്കാത്തത് നിരാശാജനകമാണെന്നും എങ്കിലും ഇക്കാര്യത്തില്‍ പുനര്‍വിചിന്തനമുണ്ടാകുമെന്നാണ് പ്ര തീക്ഷിക്കു ന്നതായി കോണ്‍ ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രി കേരള ഘടകം ചെയര്‍മാന്‍ ഉമാംഗ് പട്ടോഡിയ അസംഘടിതമേഖലയില്‍ പ്രവര്‍ത്തിക്കുന്നവര്‍ക്കും കര്‍ഷകര്‍ക്കും സാമൂഹ്യസുരക്ഷിതത്വം ഉറപ്പു വരുത്തുന്നതിന് ഊന്ന ല്‍ നല്‍കിയിട്ടുള്ള ബജറ്റ് നിര്‍ദേശങ്ങളെ അനുകൂല മനോഭാവ ത്തോ ടെ വിലയിരുത്തണമെന്നും അദ്ദേഹം പറഞ്ഞു.

കെ.എസ്.ആര്‍.ടി. സിയെ വ്യവസായമായി കണക്കാക്കുന്നത് ജീവനക്കാര്‍ക്ക് കൂടുതല്‍ ഉത്തരവാദിത്ത ബോധമുണ്ടാക്കാന്‍ സ ഹായിക്കുമെന്ന് ചാര്‍ട്ടേഡ് അക്കൌണ്ട ന്റായ എ. ഗോപാലകൃഷ്ണന്‍ പറഞ്ഞു.

സാമൂഹ്യസുര ക്ഷി തത്വ ത്തിന് കൂടുതല്‍ ഊന്നല്‍ നല്‍കി യ ബജറ്റ് നിര്‍ദേശങ്ങളെ സ്വാഗതം ചെയ്യുകയാണെന്ന് സി.ഐ. ഐ മുന്‍ ചെയര്‍മാനും ഈസ്റ്റേണ്‍ ഗ്രൂപ്പ് മാനേജിംഗ് ഡയറക്ടറുമായ നവാസ് മീരാന്‍ പറഞ്ഞു.

സ്വകാര്യ സര്‍ക്കാര്‍ സംയുക്തസംരംഭമെന്ന ആശയം സംസ്ഥാനത്തെ അടിസ്ഥാന സൌകര്യവിക സ നത്തില്‍ കുതിച്ചുചാട്ടമുണ്ടാക്കും. കെ.എസ്.ആര്‍ .ടി.സിയെ വ്യവസായമായി പരിഗണിച്ചുള്ള നീക്കം കൂടുതല്‍ ബസുകള്‍ നിരത്തിലിറക്കാന്‍ സഹായകമാകും.

ചവറയിലെ പി.വി.സി ഫാക്ടറി തുറക്കാനുള്ള തീരുമാനം ഫലപ്രാപ്തിയിലെത്തുമോയെന്ന് സംശയമാണ്. മൂല്യവര്‍ധിതനി കുതിയുടെ അടിസ്ഥാനതത്വങ്ങള്‍ ബലി കഴിച്ചു കൊണ്ടുള്ള തീരുമാനങ്ങള്‍ പുനഃപരിശോധിക്കണമെന്നും നവാസ് മീരാന്‍ ആവശ്യപ്പെട്ടു.

സര്‍ക്കാര്‍ എന്‍ജിനീയറിംഗ് കോളജുകള്‍ക്ക് 19 കോടി

തിരുവനന്തപുരം: ശാസ്ത്രാ സാങ്കേതിക കൌണ്‍സിലിനു കീഴില്‍ വരുന്ന സ്ഥാപനങ്ങള്‍ക്കായി 22 കോടി രൂപയുണ്ട്. കൌണ്‍സിലിന് 17 കോടി രൂപയും ലഭിക്കുന്നു.

തിരുവനന്തപുരത്തെ സിഡിഎസിനു ഒരു കോടിയും മലബാര്‍ കാന്‍സര്‍ സെന്ററിനു അഞ്ചുകോടിയും ബജറ്റിലുണ്ട്.

സ്വാഗതാര്‍ഹം: ഓയില്‍ മര്‍ച്ചന്റ്സ് അസോസിയേഷന്‍

കൊച്ചി: നികുതിയിളവുകളില്‍ വെളിച്ചെണ്ണയുടെ ഇതര വിഭാഗങ്ങളെക്കൂടി ഉള്‍പ്പെടുത്തിയ സര്‍ക്കാര്‍ നടപടിയെ കൊച്ചിന്‍ ഓയില്‍ മര്‍ച്ചന്‍സ് അസോസിയേഷന്‍ പ്രസിഡന്റ് എം.ജെ കുര്യാക്കോസും വൈസ് പ്രസിഡന്റ് പ്രകാശ് ബി.റാവു എന്നിവര്‍ സ്വാഗതം ചെയ്തു.

ഇതു മൂലം കേരളത്തിലെ നാളീകേര കര്‍ഷകര്‍ക്കും മില്ലുകള്‍ക്കും മറ്റും ഗുണം ലഭിക്കും. നാളികേരത്തിന് മെച്ചപ്പെട്ട വില ലഭിക്കുകയും ചെയ്യും.

ഇതിനുപുറമെ നികുതി കുടിശിക പിരിവിന് ഇപ്പോള്‍ ഏര്‍പ്പെടുത്തിയ പദ്ധതികള്‍ വാണിജ്യ വ്യവസായ മേഖലയ്ക്ക് പൊതുവായും പീഡിത വ്യവസായ ങ്ങള്‍ക്ക് പ്രത്യേകിച്ചും ഉണര്‍വേകുമെന്നും അവര്‍ ചൂണ്ടിക്കാട്ടി.

6. ടൂറിസ്റ്റ് കേന്ദ്രങ്ങളില്‍ കള്ള് പാര്‍ലര്‍; സഹകരണ മേഖലയില്‍ മധുരക്കള്ള് ഉത്പാദനം
തിരുവനന്തപുരം: ടൂറിസ്റ്റ് കേന്ദ്രങ്ങളില്‍ കള്ളു പാര്‍ലറുകള്‍ തുടങ്ങാനും സഹകരണമേഖലയില്‍ മധുരക്കള്ള് ഉത്പാദനത്തിനും നിര്‍ദേശിക്കുന്ന 2008-09 വര്‍ഷത്തെ മദ്യനയം സര്‍ക്കാര്‍ പുറത്തിറക്കി.

2007-08 സാമ്പത്തിക വര്‍ഷം പ്രവര്‍ത്തിച്ച എല്ലാ ഷാപ്പുകള്‍ക്കും 2008-09 വര്‍ഷവും പ്രവര്‍ത്തനാനുമതി നല്‍കും. ദൂരപരിധിയില്‍ പ്രത്യേക ഇളവ് നല്കി പ്രവര്‍ത്തിച്ചു വന്ന ഷാപ്പുകള്‍ക്ക് ആനുകൂല്യം 2008-09 വര്‍ഷവും തുടരും.

മദ്യവ്യവസായത്തില്‍ നിന്നു ബിനാമികളെ പൂര്‍ണമായും ഒഴിവാക്കാന്‍ ലക്ഷ്യമിടുന്നതാണു നയം. വില്പനയില്‍ പങ്കെടുക്കുന്നവര്‍ ഷാപ്പ് ചെലവഴിക്കുന്ന പണത്തിന്റെ ഉറവിടം വ്യക്തമാക്കണം. റേഷന്‍കാര്‍ഡ് വരുമാന സര്‍ട്ടിഫിക്കറ്റ് എന്നിവ കള്ളുഷാപ്പു വില്പന സമയത്ത് ഹാജരാക്കണം. ലൈസന്‍സിയുടെ ഫോട്ടോ പതിച്ച ലൈസന്‍സ് നടപ്പാക്കും.

അഞ്ച് മുതല്‍ ഏഴ് വരെ കള്ള് ഷാപ്പുകള്‍ ഉള്‍പ്പെടുന്ന ഗ്രൂപ്പുകളായിട്ടാണ് ലൈസന്‍സ് നല്‍കുക. ഒരാള്‍ക്ക് രണ്ട് ഗ്രൂപ്പില്‍ കൂടുതല്‍ ഷാപ്പുകള്‍ക്ക് ലൈസന്‍സ് അനുവദിക്കില്ല. എറ്റെടുക്കാന്‍ ആളുകള്‍ മുന്നോട്ട് വരാത്ത് ഷാപ്പുകള്‍ക്ക് റേഞ്ച്/താലൂക്ക് അടിസ്ഥാനത്തില്‍ നല്‍കും.

സഹകരണമേഖലയിലുള്ള ഷാപ്പുവാടക 12 തുല്യഗഡുക്കളായി അടച്ചാല്‍ മതി. ഓരോ ഷാപ്പിലും ചെത്തേണ്ട തെങ്ങ്, പന, ചൂണ്ടപ്പന എന്നിവയുടെ എണ്ണം 50, 100, 25 ക്രമത്തിലായിരിക്കും.

മദ്യവ്യവസായ മേഖലയില്‍ നേരിടുന്ന പ്രശ്നപരിഹാരത്തിന് അബ്കാരിചട്ടങ്ങളില്‍ ഭേദഗതി വരുത്തുന്നതിനായി വിദഗ്ധസമിതിക്ക് രൂപം നല്കി.

7. കൊലക്കത്തിയില്‍ അനാഥമായത് നിര്‍ധന കുടുംബങ്ങള്‍
തലശേരി: തലശേരിയില്‍ രാഷ്ട്രീയ ക്രിമിനലുകള്‍ മത്സരിച്ച് നാലു യുവാക്കളെ കൊലക്കത്തിക്കിരയാക്കിയപ്പോള്‍ അനാഥമായത് നിര്‍ധന കുടുംബങ്ങളാണ്. ബുധനാഴ്ച കൊല്ലപ്പെട്ട നിഖിലും സത്യനും രഞ്ചിത്ത്കുമാറും അവരുടെ കുടുംബങ്ങളുടെ ഏക അത്താണികളായിരുന്നു.

കുടുംബം പോറ്റാന്‍ ലോറി ക്ളീനറായി ജോലിക്കു പോയ നിഖിലിന്റെ ഏക സഹോദരി നിഖിനയും ദാരിദ്രവും വാര്‍ധക്യ സഹജമായ അസുഖങ്ങളും നിമിത്തം അവശനിലയിലുള്ള സത്യന്റെ മാതാവ് പാഞ്ചുവും കടമെടുത്തു വാങ്ങിയ ഓട്ടോറിക്ഷയുമായി അന്നം തേടിപ്പോയ രഞ്ചിത്ത്കുമാറിന്റെ ഭാര്യ ഷൈനിയുമെല്ലാം ഉത്തരം കിട്ടാത്ത വലിയ ചോദ്യചിഹ്നങ്ങളായി സമൂഹത്തില്‍ അവശേഷിക്കും.

കുടികിടപ്പ് കിട്ടിയ അഞ്ച് സെന്റ് സ്ഥലത്ത് ഓലമേഞ്ഞ കൂരക്കുള്ളിലാണ് പാറക്കെട്ട് ചിങ്ങന്‍ മുക്കിലെ നിഖില്‍ മാതാപിതാക്കളോടും ഏക സഹോദരിയോടുമൊപ്പം താമസിച്ചിരുന്നത്. കുടിലിനോട് ചേര്‍ന്ന് രണ്ട് മുറിയുള്ള വീട് നിര്‍മിക്കാനുള്ള ശ്രമത്തിലായിരുന്നു നിഖിലും കൂലിപ്പണിക്കാരനായ പിതാവ് അനിലും. വീടിന്റെ കോണ്‍ക്ര്രീറ്റ് കഴിഞ്ഞിട്ട് നാളുകളേറെയായി. പണി പൂര്‍ത്തിയാക്കാനായി കഠിനാധ്വാനത്തിലായിരുന്നു അച്ഛനും മകനും.

ഇതിനിടയിലാണ് രാഷ്ട്രീയ ക്രിമിനലുകള്‍ ആ ഇരുപത്തിരണ്ടുകാരന്റെ ജീവന്‍ കൊലക്കത്തിയിലൊടുക്കിയത്. ബൈക്കിലെത്തിയ കൊലയാളി സംഘം നിഖിലിനെ അരിഞ്ഞു വീഴ്ത്തിയപ്പോള്‍ ഒരു കുടുംബത്തിന്റെ മുഴുവന്‍ പ്രതീക്ഷകളുമാണ് തകര്‍ന്നത്.

തലശേരി കൊടുവള്ളിയില്‍ നിന്നും ചാക്കില്‍ കല്ലുമ്മക്കായും വാങ്ങി വെണ്ടുട്ടായിയിലും പരിസരത്തും വില്പന നടത്തി കുടുംബം പോറ്റിയിരുന്ന എണ്‍തുകാരിയായ പാഞ്ചു എന്ന പാഞ്ചാലിക്ക് മകന്‍ സത്യന്റെ കൊലപാതകം ജീവിതത്തിലെ രണ്ടാം ദുരന്തമാണ്. രണ്ടാമത്തെ മകന്‍ ചന്ദ്രന്‍ വര്‍ഷങ്ങള്‍ക്കു മുമ്പ് വീട്ടുപറമ്പിലെ കശുമാവിന്‍ കൊമ്പിന്‍ ജീവനൊടുക്കിയിരുന്നു. പാഞ്ചുവിന് നാല് പെണ്‍കുട്ടികളും മൂന്ന് ആണ്‍ മക്കളുമായിരുന്നു. ഇപ്പോള്‍ രണ്ട് ആണ്‍ മക്കളെ നഷ്ടപ്പെട്ടു. ഭര്‍ത്താവ് ഗോപാലന്‍ വര്‍ഷങ്ങള്‍ക്കു മുമ്പ് മരണമടഞ്ഞിരുന്നു. സത്യന്റെ ഭാര്യ അരുണയ്ക്കും ഏക മകന്‍ അരുണിനും ആശ്രയം നഷ്ടപ്പെട്ടു.

വായ്പയെടുത്തു വാങ്ങിയ ഓട്ടോറിക്ഷയുമായി അന്നം തേടിയുള്ള യാത്രയാണ് രഞ്ചിത്ത് കുമാറിന്റെ അന്ത്യയാത്രയായി മാറിയത്. പട്ടാപ്പകല്‍ നഗരമധ്യത്തില്‍ രഞ്ചിത്ത് കുമാര്‍ വെട്ടേറ്റ് മരിച്ചു വീണപ്പോള്‍ അനാഥമായത് നിട്ടൂര്‍ മീത്തലെപരയത്ത് കുടുംബമാണ്. ഭര്‍ത്താവ് നേരത്തെ മരിച്ച രാധയ്ക്ക് ഏകആശ്രയമായിരുന്നു മകന്‍ രഞ്ചിത്ത.്

മൂന്നു യുവാക്കളുടെയും മൃതദേഹങ്ങള്‍ വന്‍ ജനാവലിയുടെ സാന്നി ധ്യത്തില്‍ ഇന്നലെ സംസ്കരിച്ചു. ഉറ്റവര്‍ അലറിക്കരഞ്ഞപ്പോള്‍ അത് കണ്ണൂരിലെ ക്രിമിനല്‍ രാഷ്ട്രീത്തിനെതിരെയുള്ള ചാട്ടുളികളായി.

8. വാറ്റിന് സെസ് : അധിക ഭാരം ജനങ്ങള്‍ക്ക്
കൊച്ചി: ബജറ്റില്‍ വാറ്റിന് ഒരു ശതമാനം സെസ് ഏര്‍പ്പെടുത്തിയത് നിത്യോപയോഗ സാധനങ്ങള്‍ക്ക് വില വര്‍ധിപ്പിക്കുകയും ജനങ്ങള്‍ക്ക് അധികഭാരമുണ്ടാക്കുകയും ചെയ്യും. സെസ് ഏര്‍പ്പെടുത്താനുള്ള ബജറ്റ് നിര്‍ദേശം വാറ്റിന്റെ അടിസ്ഥാന തത്വങ്ങള്‍ക്ക് വിരുദ്ധമാണ്.

പല തട്ടിലുള്ള നികുതികള്‍ ഒഴിവാക്കുക എന്ന ലക്ഷ്യത്തോടെയാണ് വാറ്റ് ഏര്‍പ്പെടുത്തിയത്. ഇന്ന് ഒരു ശതമാനം ഏര്‍പ്പെടുത്തിയ സെസ് നാളെ രണ്ടുശതമാനമാകാനും സാധ്യതയുണ്ട്. ഇത് അംഗീകരിക്കാനാവില്ല. സെസ് ഏര്‍പ്പെടുത്തിയതിലൂടെ നൂറ് കോടി രൂപ സമാഹരിക്കാനാണ് സര്‍ക്കാര്‍ ലക്ഷ്യമിടുന്നത് എന്ന് ധനമന്ത്രി പറഞ്ഞു. എന്നാല്‍ നൂറു കോടിയോ ഇരുന്നൂറ് കോടിയോ സമാഹരിക്കാന്‍ ഉദ്ദേശിച്ചാലും അവസാനം അതെല്ലാം ലക്ഷ്യമിടുന്നത് ഉപഭോക്താവിന്റെ കീശയെതന്നെയാണ്.

ചെറുകിട വ്യാപരമേഖലയിലെ വന്‍കിടക്കാര്‍ക്ക് പത്ത് ശതമാനം അധിക നികുതി ഏര്‍പ്പെടുത്തിയുള്ള ബജറ്റ് നിര്‍ദേശം കേരളത്തില്‍ അവര്‍ക്ക് പ്രവര്‍ത്തിക്കാനുള്ള നിയമപരമായ അവകാശമായി മാറി.

റിലയന്‍സ്, വാള്‍മാര്‍ട്ട് തുടങ്ങിയ വന്‍കിടക്കാരെ എതിര്‍ക്കുന്ന രാഷ്ട്രീയ പാര്‍ട്ടികള്‍ ഭരണമുന്നണിയില്‍തന്നെയുണ്ട്. ഇവരെ പ്രവര്‍ത്തിക്കാന്‍ അനുവദിക്കില്ലെന്ന് പ്രസംഗിക്കുന്നവര്‍തന്നെ ഇവര്‍ക്ക് നികുതി ഏര്‍പ്പെടുത്തിയത് അവര്‍ക്ക് പ്രവര്‍ത്തിക്കാനുള്ള അവകാശം നല്‍കുന്നതിന് തുല്യമാണ്. ഈ ബജറ്റില്‍ മൊത്തത്തില്‍ പരിശോധിച്ചാല്‍ വ്യാപാര സമൂഹത്തിന് വളരെ ദോഷം ചെയ്യുന്നതാണെന്ന് വ്യക്തമാണ്.

എല്‍.എ ജോഷി

പ്രസിഡന്റ്, എറണാകുളം മര്‍ച്ചന്‍സ് യൂണിയന്‍

ബജറ്റ് വികസനത്തിനെതിരേ മുഖം തിരിക്കല്‍ : പി.പി.തങ്കച്ചന്‍

കൊച്ചി:സംസ്ഥാന ബജറ്റ് വികസനത്തിനെതിരേ മുഖം തിരിച്ചു നില്‍ക്കുന്നതാണെന്ന് യുഡിഎഫ് കണ്‍വീനര്‍ പി.പി.തങ്കച്ചന്‍.

ജനങ്ങളെ ബാധിക്കുന്ന വിലക്കയറ്റം തടയുന്നതിനോ തൊഴിലില്ലായ്മയ്ക്ക് പരിഹാരം കാണുന്നതിനോ ബജറ്റില്‍ നിര്‍ദേശങ്ങള്‍ ഒന്നും തന്നെയില്ല. ബജറ്റ് ലോക്സഭാ തെരെഞ്ഞെടുപ്പ് മുന്നില്‍ കണ്ടുള്ളതാണെന്നും അദ്ദേഹം കുറ്റപ്പെടുത്തി.

വാറ്റ് സെസ് വിലകയറ്റത്തിന് കാരണമാകും: പി.സി. സിറിയക്

കൊച്ചി: വാറ്റിന് സെസ് ഏര്‍പ്പെടുത്തിയത് വിലക്കയറ്റത്തിന് കാരണമാകുമെന്ന് പി.സി സിറിയക്ക് അഭിപ്രായപ്പെട്ടു. ഇപ്പോള്‍ തന്നെ വില വര്‍ധിച്ചിരിക്കുന്ന അവശ്യ സാധനങ്ങള്‍ക്ക് ഇനിയും വില വര്‍ധിപ്പിക്കുന്നതിനേ ഈ നിര്‍ദേശം ഉപകരിക്കുകയുള്ളൂ.

ബജറ്റില്‍ കാര്‍ഷിക ഉത്പന്നങ്ങളുടെ ന്യായമായ വില സംരക്ഷിക്കാന്‍ നടപടികളെടുക്കുമെന്നത് നല്ല അഭിപ്രായമണ് എന്നാല്‍ അതിന്റെ വിശദാംശങ്ങള്‍ വിവരിക്കാന്‍ മന്ത്രി തയാറാവായില്ല. കാര്‍ഷിക മേഖല വളരാനും വികസിക്കാനും ഓരോ കൃഷിയും മെച്ചപ്പെടുത്താനുമുള്ള നടപടിക്രമങ്ങളൊന്നും ബജറ്റില്‍ അവതരിപ്പിക്കപ്പെട്ടില്ലെന്നും അദ്ദേഹം അഭിപ്രായപ്പെട്ടു.

കെ.എസ്.ആര്‍,ടി.സി ഉള്‍പ്പെടെ നഷ്ടത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളുട ബാലന്‍സ് ഷീറ്റ് വെടിപ്പാക്കുമെന്നുള്ള മന്ത്രിയുടെ പ്രസ്ഥാവന സ്വാഗതാര്‍ഗം തന്നെ. എന്നാല്‍ ബാലന്‍സ് ഷീറ്റ് വെടിപ്പാക്കി പൊതുമേഖലാ സ്ഥാപനങ്ങളുടെ സ്ഥലം ഉള്‍പ്പെടെയുള്ള ആസ്തി റീവാല്യൂ ചെയ്ത് അതിന്റെ അടിസ്ഥാനത്തില്‍ പുതിയ വായ്പയിലൂടെ പ്രവര്‍ത്തന മൂലധനം സമാഹരിക്കുന്ന നിര്‍ദ്ദേശം നല്ലതാണ്. എന്നാല്‍ നഷ്ടത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളുടെ പ്രവര്‍ത്തന ശൈലി കൂടി മാറ്റി കൂടുതല്‍ പ്രഫഷണലായ സമീപനം സ്വീകരിക്കണമെന്നും അദ്ദേഹം പറഞ്ഞു.

9. ഐ.ടി മേഖലയില്‍ വിവാഹമോചന കേസുകള്‍ പത്തിരട്ടിയായെന്ന്
കോഴിക്കോട്: ഐ.ടി മേഖലയിലെ വിവാഹമോചന കേസുകളില്‍ കഴിഞ്ഞ ഒരു വര്‍ഷത്തിനിടെ പത്തിരട്ടി വര്‍ധനവുണ്ടായെന്ന് സംസ്ഥാന വനിതാ കമ്മീഷന്‍. കോഴിക്കോട്ട് നടത്തിയ പത്രസമ്മേളനത്തില്‍ വനിതാ കമ്മീഷന്‍ ചെയര്‍പേഴ്സന്‍ ജസ്റ്റീസ് ഡി.ശ്രീദേവിയാണ് ഇക്കാര്യം വെളിപ്പെടുത്തിയത്.

കഴിഞ്ഞ വര്‍ഷം ഐ.ടി മേഖലയില്‍ 250 വിവാഹമോചന കേസുകളുണ്ടായെന്നാണ് പഠന റിപ്പോര്‍ട്ടുകള്‍. ഈ വര്‍ഷമത് 2500 ത്തോളമായെന്നാണ് പഠന റിപ്പോര്‍ട്ടുകള്‍ സൂചിപ്പിക്കുന്നതെന്നും ശ്രീദേവി പറഞ്ഞു. ഐ.ടി മേഖലയിലെ ദമ്പതികളുടെയും സ്ത്രീകളുടെയും പ്രശ്നങ്ങളെ വനിതാ കമ്മീഷന്‍ പഠന വിധേയമാക്കും. എപ്രിലില്‍ ഇതേ വിഷയത്തില്‍ പഠനം ആരംഭിക്കുമെന്നും കമ്മീഷന്‍ വ്യക്തമാക്കി.

വനിതാ കമ്മീഷന്റെ ജാഗ്രതാ സമിതികളുടെ പ്രവര്‍ത്തനം കൂടുതല്‍ ഊര്‍ജിതമാക്കുന്നതിനുളള നടപടികള്‍ സ്വീകരിക്കും. ഇപ്പോള്‍ കേസുകള്‍ നേരിട്ട് വനിതാ കമ്മീഷനിലേക്ക് വരികയാണ്. ഇതില്‍ ഭൂരിഭാഗവും വ്യക്തിപരമായ കേസുകളാണ്. ഇത്തരം കേസുകള്‍ ജാഗ്രതാ സമിതികള്‍ കൈകാര്യം ചെയ്യുകയും ഗൌരവമേറിയ കേസുകളില്‍ കമ്മീഷന്‍ ഇടപെടുകയും ചെയ്യും.

വനിതാ കമ്മീഷന്റെ ശിപാര്‍ശകളില്‍ സര്‍ക്കാര്‍ നടപടി സ്വീകരിക്കുന്നത് കുറവാണെന്ന് കമ്മീഷന്‍ കുറ്റപ്പെടുത്തി. പുതിയ കമ്മീഷന്‍ നിലവില്‍ വന്നതിനു ശേഷം 7000 പരാതികളാണ് കമ്മീഷന് ലഭിച്ചത്. ഇതില്‍ തിരുവനന്തപുരം, കൊല്ലം ജില്ലകളില്‍ നിന്നാണ് കൂടുതല്‍ പരാതികള്‍ ലഭിച്ചതെന്നും ജസ്റ്റീസ് ശ്രീദേവി പറഞ്ഞു.

സ്ത്രീ ശാക്തീകരണത്തിന്റെ ഭാഗമായി മാര്‍ച്ച് എട്ടിന് കോഴിക്കോട് കണ്ടംകുളം ജൂബിലി ഹാളില്‍ സെമിനാര്‍ സംഘടിപ്പിക്കും. കൂടാതെ എക്സിബിഷന്‍, ഡോക്യൂമെന്ററി, കലാമേളകള്‍ എന്നിവ വനിതാ കമ്മീഷന്‍ സംഘടിപ്പിക്കുന്നുണ്ട്.

വിവിധ വിഷയങ്ങളെ അധികരിച്ച് കമ്മീഷന്‍ ഹൃസ്വചിത്രങ്ങള്‍ പുറത്തിറിക്കിയിട്ടുണ്െടന്നും വനിതാകമ്മീഷന്‍ ചെയര്‍പേഴ്സന്‍ പറഞ്ഞു. ജസ്റ്റീസ് ശ്രീദേവിക്കൊപ്പം കമ്മീഷനംഗം ടി.ദേവിയും പത്രസമ്മേളനത്തില്‍ പങ്കെടുത്തു.

1. നികുതി പിരിവിന് ഊര്‍ജിത നടപടി
തിരുവനന്തപുരം: നികുതി പിരിവിന് ഊര്‍ജിത നടപടികള്‍ നിര്‍ദേശിക്കുന്ന സംസ്ഥാന ബജറ്റ് ധനമന്ത്രി തോമസ് ഐസക് നിയമസഭയില്‍ അവതരിപ്പിച്ചു. ബജറ്റിലെ പ്രധാന പ്രഖ്യാപനങ്ങള്‍ ഇവയാണ്:

. വാണിജ്യനികുതി കുടിശിക തീര്‍പ്പാക്കാന്‍ പ്രത്യേക പദ്ധതി
. 1990^95 വര്‍ഷത്തെ നികുതി കുടിശികകള്‍ 75 ശതമാനം അടച്ച് തീര്‍പ്പാക്കാം
. മറ്റ് കുടിശികകള്‍ക്ക് പിഴപ്പലിശ ഒഴിവാക്കി
. കുടുംബശ്രീക്ക് 30 കോടി
. കെ.എസ്.ആര്‍.ടി.സിയുടെ കടം 700 കോടി എഴുതിത്തള്ളി
. വില്‍പന നികുതിക്കും വാറ്റിനും ഒരു ശതമാനം സെസ്
. സിനിമവ്യവസായത്തിന് നികുതിയിളവ്
. പരമ്പരാഗത അടിസ്ഥാന മേഖലയില്‍ പെന്‍ഷന്‍ ഉയര്‍ത്തി
. സമഗ്ര ആരോഗ്യ ഇന്‍ഷൂറന്‍സ് പദ്ധതി
. നിലത്തെഴുത്ത് ആശാന്‍മാര്‍ക്ക് പെന്‍ഷന്‍
. കോഴിക്കോട്ട് ബഷീര്‍ സ്മാരകം
. സച്ചാര്‍ റിപ്പോര്‍ട്ട് തുടര്‍നടപടികള്‍ക്ക് 10 കോടി
. സര്‍വകലാശാലകള്‍ക്ക് 35 കോടി
. ഖാദിക്ക് നികുതിയിളവ്
. പൊതുമേഖലാ നവീകരണത്തിന് 50 കോടി
. കെ.എസ്.എഫ്.ഇക്ക് 10 കോടി, 40 ബ്രാഞ്ചുകള്‍ കൂടി
. കൈത്തറി മേഖലക്ക് അഞ്ചു കോടി
. ബാംബൂ കോര്‍പറേഷന് ഏഴു കോടി
. സെറിഫെഡിന് മൂന്നു കോടി
. ടൂറിസം വികസനത്തിന് മുന്തിയ പരിഗണന
. ആര്‍.സി.സിക്ക് 10 കോടി
. കാന്‍സര്‍ ബാധിച്ച കുട്ടികള്‍ക്ക് സൌജന്യ ചികില്‍സ
. കിലക്ക് അഞ്ചു കോടി
. വിഴിഞ്ഞം പദ്ധതിക്ക് 75 കോടി
. കരിപ്പൂര്‍ വിമാനത്താവള സ്ഥലമെടുപ്പ് പൂര്‍ത്തിയാക്കും
. കണ്ണൂര്‍ വിമാനത്താവള സ്ഥലമെടുപ്പ് പൂര്‍ത്തിയാക്കും
. നിര്‍ധന വൃദ്ധര്‍ക്ക് 250 കോടിയുടെ പദ്ധതി
. മല്‍സ്യത്തൊഴിലാളികള്‍ക്ക് ഇന്‍ഷൂറന്‍സ്
. കയര്‍ഫെഡിന് രണ്ടു കോടി
. കാര്‍ഷിക കടാശ്വാസത്തിന് 50 കോടി
. തൊഴിലുറപ്പു പദ്ധതി കാര്യക്ഷമമാക്കും
. നെല്‍കൃഷിക്ക് 20 കോടി
. കിസാന്‍ശ്രീ വിപുലപ്പെടുത്തും
. സിവില്‍ സപ്ലൈസിന് കൂടുതല്‍ സഹായം
. വിലക്കയറ്റം തടയും
. മൃഗസംരക്ഷണത്തിന് 70 കോടി

2. വൈദ്യുതി ബോര്‍ഡിനെ കമ്പനിയാക്കി പൊതുമേഖലയില്‍ നിലനിര്‍ത്തും: മന്ത്രി
തിരുവനന്തപുരം: വൈദ്യുതി ബോര്‍ഡിനെ കമ്പനിയാക്കി പുനഃസംഘടിപ്പിച്ച് പൊതുമേഖലയില്‍ നിലനിര്‍ത്തുമെന്ന് മന്ത്രി എ.കെ. ബാലന്‍ അറിയിച്ചു. അടുത്ത ജൂണ്‍ ഒമ്പത് വരെയാണ് നിലവിലെ ബോര്‍ഡിന് കാലാവധി നീട്ടി നല്‍കിയിരിക്കുന്നത്. അത് കഴിഞ്ഞാല്‍ നീട്ടില്ലെന്ന് ഉറപ്പായ സാഹചര്യത്തില്‍ വിദഗ്ധ സമിതി റിപ്പോര്‍ട്ടിന്റെ അടിസ്ഥാനത്തില്‍ പുനഃസംഘടന നടത്തുമെന്നും മന്ത്രി വാര്‍ത്താസമ്മേളനത്തില്‍ പറഞ്ഞു.

ഛത്തീസ്ഗഢില്‍ കേന്ദ്രം സമയം നീട്ടിനല്‍കാഞ്ഞതിനാല്‍ കടുത്ത പ്രതിസന്ധി രൂപപ്പെട്ടിരിക്കുകയാണ്. അതിനാല്‍ ഉത്പാദനം, പ്രസരണം, വിതരണം എന്നിവയെ ഒരുകുടക്കീഴില്‍ കൊണ്ടുവരികയും സ്വകാര്യ മേഖലയില്‍ ഒരു കാരണവശാലും ഷെയറുകള്‍ ലഭിക്കാത്ത വിധത്തിലുമായിരിക്കും പുനഃസംഘടന.

2003ലെ ആക്ടിലെ വ്യവസ്ഥ ഉപയോഗിച്ച് തന്നെ ഇപ്രകാരം നിലനിര്‍ത്താന്‍ കഴിയുമെന്ന് വിദഗ്ധാഭിപ്രായം ലഭിച്ചിട്ടുണ്ട്. എന്നാല്‍ ഇതിന് വിരുദ്ധമായി പ്രചരിപ്പിച്ച് ചിലര്‍ ആളുകളെ പറ്റിക്കുകയാണ്. അക്കൌണ്ടന്റ് ജനറലിന്റെ കണക്ക് പ്രകാരം 2006^07ല്‍ വൈദ്യുതി ബോര്‍ഡിന് 142.21 കോടിയുടെ കമ്മിയുണ്ട്. എന്നാല്‍ റഗുലേറ്ററി കമീഷന്‍ 154.61 കോടി ലാഭമുണ്ടെന്നാണ് കണക്ക് കൂട്ടിയിരുന്നത്. നടപ്പ് വര്‍ഷം കമ്മി 750 കോടി രൂപയിലേറെ വരും. 200 മെഗാവാട്ടോളം അധികം വേണ്ടിവരുന്നതും കേന്ദ്രപൂളില്‍ നിന്ന് 180 മെഗാവാട്ട് കുറഞ്ഞതും മൂലം വിലകൂടിയ താപവൈദ്യുതി വാങ്ങിയാണ് പ്രതിസന്ധി നേരിടുന്നത്. സ്വാഭാവികമായും ഇത് താങ്ങാനാകാത്ത പ്രതിസന്ധി സൃഷ്ടിച്ചു.

പവര്‍കട്ടും ലോഡ്ഷെഡിംഗും ഏര്‍പ്പെടുത്താതെ മുറിച്ചു കടക്കാനാകുമോ എന്നാണ് നോക്കുന്നത്. മുമ്പ് എല്ലാകൊല്ലവും പവര്‍കട്ടും ലോഡ്ഷെഡിംഗും ഏതെങ്കിലും രൂപത്തില്‍ ഉണ്ടായിട്ടുണ്ട്. താങ്ങാനാകുന്നതുവരെ ഇപ്പോഴത്തെ സ്ഥിതിയില്‍ പോകും. കമ്മി കൂടിയ സാഹചര്യത്തില്‍ നിരക്ക് വര്‍ധിക്കുമോ എന്ന് ചോദിച്ചപ്പോള്‍ റഗുലേറ്ററി കമീഷനാണ് അത്തരം കാര്യങ്ങള്‍ പരിശോധിക്കുന്നതെന്നായിരുന്നു മറുപടി. ലോഡ്ഷെഡിംഗ് ഉണ്ടാകുമോ എന്നചോദ്യത്തിനും മന്ത്രി വ്യക്തമായി മറുപടി നല്‍കിയില്ല.

3. സ്റ്റാമ്പ് ഡ്യൂട്ടി വരുമാനത്തില്‍ അഞ്ചിരട്ടി വര്‍ധന; ഇക്കൊല്ലം 2000 കോടി കവിയും
തിരുവനന്തപുരം: സ്റ്റാമ്പ് ഡ്യൂട്ടിയിനത്തില്‍ സര്‍ക്കാറിന്റെ വരുമാനം കഴിഞ്ഞ പത്ത് വര്‍ഷം കൊണ്ട് വര്‍ധിച്ചത് അഞ്ചിരട്ടി. ഭൂമി ഇടപാടുകളെ സര്‍ക്കാര്‍ കറവപ്പശുവാക്കിമാറ്റിയതോടെയാണ് അതില്‍ നിന്നുള്ള വരുമാനം കുത്തനെ ഉയര്‍ന്നുകൊണ്ടിരിക്കുന്നത്. 97^98ല്‍ 331.30 കോടിയാണ് സ്റ്റാമ്പ് ഡ്യൂട്ടിയായി സര്‍ക്കാറിന് ലഭിച്ചത്. 2006^07ല്‍ അത് 1519.91 കോടി ആയി. ഇക്കൊല്ലം 2000 കോടി കവിയുമെന്നാണ് കണക്കുകള്‍ വ്യക്തമാക്കുന്നത്.
ഭൂമിക്ക് ന്യായ വില നിശ്ചയിച്ച് വരുമാനം വീണ്ടും വര്‍ധിപ്പിക്കാനുള്ള നടപടികളാണ് ധന^രജിസ്ട്രേഷന്‍ വകുപ്പുകള്‍ ആലോചിക്കുന്നത്. വാറ്റ് വന്നതോടെ വില്‍പന നികുതിയിലൂടെ ലഭിക്കുന്ന വരുമാനത്തില്‍ മദ്യവും സിഗരറ്റും പെട്രോളുമൊഴികെ മറ്റുള്ളവയുടെ നികുതിയില്‍ കാര്യമായ വര്‍ധന ഉണ്ടാകുന്നില്ല. അതിനാല്‍ വരുമാനം വര്‍ധിപ്പിക്കാന്‍ കാര്യമായി ലക്ഷ്യം വെക്കുന്നത് സ്റ്റാമ്പ് ഡ്യൂട്ടിയെയാണ്.
ഈ വര്‍ഷം 1524.12 കോടി രൂപയുടെ സ്റ്റാമ്പ് ഡ്യൂട്ടിയാണ് ബജറ്റ് എസ്റ്റിമേറ്റായി കണക്കാക്കിയിരുന്നത്. എന്നാല്‍ സാമ്പത്തിക വര്‍ഷത്തില്‍ മൂന്ന് മാസം ബാക്കി നില്‍ക്കെ 31^12^07ലെ കണക്ക് പ്രകാരം 1460.63 കോടി ഖജനാവിലെത്തിക്കഴിഞ്ഞു. അവശേഷിക്കുന്ന മൂന്ന് മാസം ക്രയവിക്രയങ്ങള്‍ നന്നായി നടന്നെങ്കില്‍ അത് 2000 കോടിക്കടുത്തെത്തും. അതായത് ലക്ഷ്യമിട്ടതിനെക്കാള്‍ 500 കോടിയോളം രൂപ അധികം ലഭിക്കും. 2004^05 ഓടെയാണ് കേരളത്തില്‍ സ്റ്റാമ്പ് ഡ്യൂട്ടിയില്‍ നിന്നുള്ള വരുമാനം മുഖ്യലക്ഷ്യമാകുന്നത്.മുന്‍വര്‍ഷത്തെ 549 കോടിയില്‍ നിന്ന് 775.35 കോടിയായാണ് സ്റ്റാമ്പ് ഡ്യൂട്ടി 2004^05ല്‍ വര്‍ധിച്ചത്. അടുത്ത വര്‍ഷം 1101.42 കോടിയായി. കഴിഞ്ഞ വര്‍ഷം അത് 1500 കോടി കവിയുകയായിരുന്നു. ഒറ്റ വര്‍ഷം കൊണ്ട് 38 ശതമാനത്തിന്റെ വര്‍ധന. ചരിത്രത്തിലെ ഏറ്റവും വലിയ വരുമാന വര്‍ധനയായിരുന്നു ആ വര്‍ഷം. ഇക്കൊല്ലം അതും മറികടക്കും.
ഭൂമിയുടെ വില കുതിച്ചു കയറാന്‍ ഇത് വഴിവച്ചു. ഇപ്പോള്‍ പാവപ്പെട്ടവര്‍ക്ക് ഭൂമി വാങ്ങാന്‍ നിവൃത്തിയില്ലാത്ത സ്ഥിതി വരികയും ചെയ്തു. കോര്‍പറേഷനുകളില്‍ 13.5 ശതമാനവും മുനിസിപ്പാലിറ്റികളില്‍ 12.5 ശതമാനവും പഞ്ചായത്തുകളില്‍ 10 ശതമാനവുമാണ് സ്റ്റാമ്പ് ഡ്യൂട്ടി ഈടാക്കുന്നത്. ഇതിനു പുറമെ രണ്ട് ശതമാനം രജിസ്ട്രേഷന്‍ ഫീസ് കൂടി നല്‍കണം. അതായത് ആറ് പ്രാവശ്യം ഒരു ഭൂമി വില്‍പന നടന്നാല്‍ ഭൂമിയുടെ ആകെ വില തന്നെ സര്‍ക്കാറിന് നികുതിയായി ലഭിക്കും. ന്യായവില നടപ്പായില്ലെങ്കിലും ധാരണാ വിലയനുസരിച്ചാണ് രജിസ്ട്രേഷന്‍ നടക്കുന്നത്.

1. വിലക്കയറ്റം തടയാന്‍ ഒന്നുമില്ല
വിലക്കയറ്റം തടയുന്നതിനു സര്‍ക്കാര്‍ പ്രതിജ്ഞാബദ്ധമാണെന്നു പ്രഖ്യാപിക്കുന്ന ബജറ്റ് പക്ഷേ, അതിനായി തുകയൊന്നും വകയിരുത്തിയില്ല. കാര്‍ഷിക മേഖലയിലെ വിലസ്ഥിരതാ പദ്ധതിയുടെ കാര്യത്തിലും ഇതാണവസ്ഥ.

സിവില്‍ സപ്ളൈസ് കോര്‍പറേഷനും കണ്‍സ്യൂമര്‍ ഫെഡിനും നല്‍കിയ തുകയുടെ കണക്കുപറയുന്ന ബജറ്റില്‍, നിലവിലുള്ള വിലക്കയറ്റം തടയാന്‍ ഇവര്‍ക്ക് എന്തു നല്‍കുമെന്നു വ്യക്തമല്ല. കമ്പോളത്തില്‍ ഇടപെട്ടതു മൂലം ഈ സ്ഥാപനങ്ങള്‍ക്കുണ്ടായ നഷ്ടം നികത്തുമെന്നു പറയുന്ന ബജറ്റ്, വിലക്കയറ്റത്തിനു കടിഞ്ഞാണിടാനുള്ള പോരാട്ടത്തിനു വിഭവപരിധികള്‍ നിശ്ചയിച്ചിട്ടില്ലെന്നും ഒഴുക്കന്‍മട്ടില്‍ പറഞ്ഞുപോകുന്നു. രൂക്ഷമായ വിലക്കയറ്റം തടയാന്‍ ബജറ്റ് വിഹിതമെത്ര എന്ന ചോദ്യം ഉത്തരംകിട്ടാതെ ശേഷിക്കുന്നു. നേരത്തേ നല്‍കിയ തുകയുടെ കണക്കുകള്‍ ആവര്‍ത്തിക്കുന്നുമുണ്ട്.

സിവില്‍ സപ്ളൈസ് കോര്‍പറേഷന്റെയും കണ്‍സ്യൂമര്‍ ഫെഡിന്റെയും ശൃംഖല വിപുലപ്പെടുത്തും. നടപ്പുവര്‍ഷം 119 കോടി റേഷന്‍ സബ്സിഡിയായി നല്‍കി. ഇതിനു പുറമേ യഥാക്രമം 38 കോടിയും 13 കോടിയും ധനസഹായമായി നല്‍കി. യുഡിഎഫ് സര്‍ക്കാര്‍ അഞ്ചുവര്‍ഷംകൊണ്ടു 117 കോടി ഈ മേഖലയില്‍ നല്‍കിയപ്പോള്‍ ഈ സര്‍ക്കാര്‍ രണ്ടു വര്‍ഷംകൊണ്ടു 311 കോടി നല്‍കിയതായും ബജറ്റ് അവകാശപ്പെടുന്നു. കേന്ദ്ര നയങ്ങള്‍മൂലം റേഷന്‍ സമ്പ്രദായം തകര്‍ന്നു തരിപ്പണമായെന്നും പരമാര്‍ശമുണ്ട്.

കാര്‍ഷികോല്‍പന്നങ്ങളുടെ വിലസ്ഥിരതയ്ക്കു വേണ്ടി പദ്ധതി നടപ്പാക്കുമെന്നതു സര്‍ക്കാരിന്റെ തുടക്കംമുതലുള്ള വാഗ്ദാനമാണ്. അതിനും തുകയില്ല. കടാശ്വാസ പദ്ധതിയില്‍ മിച്ചംവരുന്ന പണം ഇതിനു വിനിയോഗിക്കുമെന്നാണു പറയുന്നത്. ഉല്‍പന്ന സംഭരണത്തിനായുള്ള മറ്റു ഫണ്ടുകളും ഇതുമായി സംയോജിപ്പിക്കും. കര്‍ഷക സംഘടനകളുമായി ചര്‍ച്ചചെയ്തു നിശ്ചയിക്കുന്ന പദ്ധതി, കാര്‍ഷിക വികസന ചരിത്രത്തില്‍ നാഴികക്കല്ലാകുമെന്നും വിഭാവനം ചെയ്യുന്നു.

2. ബജറ്റ്: ക്ഷേമമായും ഭാരമായും
ലോക്സഭാ തിരഞ്ഞെടുപ്പു മുന്നില്‍കണ്ട് കേരള ബജറ്റില്‍ ക്ഷേമപദ്ധതികള്‍ക്കു കൂടുതല്‍ തുക

കാര്‍ഷിക വിലസ്ഥിരതാ പദ്ധതി, (പക്ഷേ, കൂടുതല്‍ വിശദീകരണമില്ല)

വിലക്കയറ്റം നിയന്ത്രിക്കാന്‍ പരിധിയില്ലാത്ത ധനസഹായം. (തുക വകയിരുത്താതെ)

കയര്‍, കശുവണ്ടി, കൈത്തറി, ബീഡി, പനമ്പ്, ആര്‍ട്ടിസാന്‍, കെട്ടിടനിര്‍മാണ, കര്‍ഷകത്തൊഴിലാളി പെന്‍ഷന്‍ 200 രൂപ

നിലത്തെഴുത്താശാന്മാര്‍, കക്കാവാരല്‍ തൊഴിലാളികള്‍, അംഗന്‍വാടി ജീവനക്കാര്‍ എന്നിവര്‍ക്കു പെന്‍ഷന്‍

ദാരിദ്യ്രരേഖയ്ക്കു താഴെയുള്ള വയോജനങ്ങള്‍ക്കു കേന്ദ്രപദ്ധതിപ്രകാരം 250 രൂപ പെന്‍ഷന്‍

കേന്ദ്ര സര്‍ക്കാരിന്റെ ദാരിദ്യ്രരേഖയ്ക്കു താഴെയുള്ള കുടുംബങ്ങളെ ആരോഗ്യ ഇന്‍ഷുറന്‍സ് പദ്ധതിയില്‍പെടുത്താന്‍ 20 കോടി

കാര്‍ഷിക കടാശ്വാസത്തിന് 50 കോടി

മുസ്ലിം പിന്നാക്കാവസ്ഥ പരിഹരിക്കാന്‍ 10 കോടി. പാവപ്പെട്ട മുസ്ലിം പെണ്‍കുട്ടികള്‍ക്കു സ്കോളര്‍ഷിപ്

കെഎസ്ആര്‍ടിസിക്കും വാട്ടര്‍ അതോറിറ്റിക്കും പുനരുദ്ധാരണ പാക്കേജ്. കെഎസ്ആര്‍ടിസിയുടെ 700 കോടി നികുതി കുടിശികയും 153 കോടി പലിശ – പിഴപ്പലിശയും എഴുതിത്തള്ളും. വാട്ടര്‍ അതോറിറ്റിക്കു സര്‍ക്കാര്‍ നല്‍കിയ വായ്പയുടെ കുടിശികയായ 1006 കോടി എഴുതിത്തള്ളും

കര്‍ഷക ക്ഷേമനിധി ഈ വര്‍ഷം

എല്ലാ കുടുംബങ്ങള്‍ക്കും ആരോഗ്യ ഇന്‍ഷുറന്‍സ്. കൊല്ലം, ആലപ്പുഴ ജില്ലകളില്‍ പരീക്ഷണാര്‍ഥം നടപ്പാക്കാന്‍ 20 കോടി

ക്യാന്‍സര്‍ ബാധിച്ച കുട്ടികള്‍ക്കു ചികില്‍സാ സഹായം

ആശ്രയ പദ്ധതി എല്ലാ പഞ്ചായത്തുകളിലേക്കും വ്യാപിപ്പിക്കാന്‍ 10 കോടി

ക്ഷേമപദ്ധതികള്‍ നടപ്പാക്കാന്‍ സാമൂഹിക സുരക്ഷാ മിഷന്‍. തുക 60 കോടി
കുടുംബശ്രീക്കു 30 കോടി. കുടുംബശ്രീക്കു ധനസ്ഥാപനങ്ങളില്‍ നിന്നുള്ള വായ്പ 1500 കോടിയാക്കും

നെല്‍ക്കൃഷിക്ക് 20 കോടി. സംയോജിത കേരവികസന പദ്ധതിക്കു 15 കോടി. ഹോര്‍ട്ടിക്കള്‍ച്ചര്‍ മിഷനു മൂന്നു കോടി

മൃഗസംരക്ഷണത്തിനും ക്ഷീരവികസനത്തിനുമായി 70 കോടി.

നികുതി നിര്‍ദേശങ്ങള്‍

എല്ലാ സാധനങ്ങളുടെയും വില്‍പന നികുതി, മൂല്യവര്‍ധിത നികുതി എന്നിവയില്‍ ഒരു ശതമാനം സെസ്സ്. (ഇതുവഴി 100 കോടിരൂപ വരുമാന വര്‍ധന)

ചില്ലറ വ്യാപാര ശൃംഖലയിലെ വന്‍കിട സ്ഥാപനങ്ങള്‍ക്കു 10% സര്‍ചാര്‍ജ്. (അധികവരുമാനം രണ്ടുകോടി)

ദിവസം 1000 രൂപയോ അതിലധികമോ വാടകയുള്ള ആശുപത്രി മുറികള്‍ക്കു 10% ആഡംബര നികുതി. (പ്രതീക്ഷ ഒരുകോടി)

പ്ളാസ്റ്റിക് ക്യാരി ബാഗ് നികുതി 12.5%.

ബാര്‍ ഹോട്ടലുകള്‍ വില്‍ക്കുന്ന കുപ്പിവെള്ളം, മറ്റു പാനീയങ്ങള്‍ എന്നിവയും ഭക്ഷണ, പാനീയങ്ങളെപ്പോലെ കോംപൌണ്ടിങ് പരിധിയില്‍

ബാര്‍ ഹോട്ടല്‍ മദ്യത്തിന്റെ വിറ്റുവരവുമായി ബന്ധപ്പെടുത്താതെ,
ഭക്ഷണ സാധനങ്ങള്‍ക്കു തൊട്ടുമുന്‍പുള്ള മൂന്നുവര്‍ഷം ഇവര്‍ നല്‍കിയതോ നല്‍കാനുള്ളതോ ആയ നികുതിയുടെ 125% എന്ന നിരക്കില്‍ കോംപൌണ്ടിങ്

നികുതിയിളവുകള്‍

കടലാസ് ബാഗുകള്‍ക്കു നികുതി ഒഴിവാക്കി

സെക്കന്‍ഡ്ഹാന്‍ഡ് കാര്‍ നികുതി നാലില്‍ നിന്നു 0.5% ആക്കി

മൊബൈല്‍ റീചാര്‍ജ് കൂപ്പണ്‍ മൂല്യവര്‍ധിത നികുതി 2005 ഏപ്രില്‍ ഒന്നുമുതല്‍ മുന്‍കാല പ്രാബല്യത്തോടെ ഒഴിവാക്കി

ജനറേറ്റര്‍ – ആശുപത്രി ഉപകരണങ്ങള്‍ – കംപ്യൂട്ടര്‍ പെരിഫറല്‍സ് നികുതി നാലു ശതമാനമാക്കി കുറച്ചത് എല്ലാ ആശുപത്രി ഉപകരണങ്ങള്‍ക്കും ബാധകമാക്കി
ദേവസ്വംബോര്‍ഡ് വിതരണം ചെയ്യുന്ന പ്രസാദം, ഭക്തരുടെ കാണിക്ക സാധനങ്ങളുടെ വില്‍പന എന്നിവ നികുതിയില്‍ നിന്ന് ഒഴിവാക്കി

കശുവണ്ടിപ്പരിപ്പിന്റെ നികുതി നാലു ശതമാനമാക്കി കുറച്ചതു വറുത്തതും ഉപ്പുചേര്‍ത്തതുമായ കശുവണ്ടിപ്പരിപ്പ്, കാഷ്യൂസൂപ്പ്, കാഷ്യൂവിറ്റ, കാഷ്യൂപൌഡര്‍, കാഷ്യൂബിറ്റ്സ് എന്നിവയ്ക്കും ബാധകം

വാതില്‍ – ജനല്‍ പടികള്‍, ക്ളാംപ്, കപ്പി, മുനിസിപ്പല്‍ ഖരമാലിന്യ സംസ്കരണ പ്ളാന്റുകള്‍, സൈക്കിള്‍ ഭാഗങ്ങള്‍, കൈത്തറി – പരുത്തി നിര്‍മിത ചവിട്ടി, പരവതാനികള്‍ തുടങ്ങിയവയുടെ നികുതി നാലു ശതമാനമാക്കി കുറച്ചു

പാകംചെയ്ത ഭക്ഷണസാധനങ്ങള്‍ക്കു കോംപൌണ്ട് നിരക്കില്‍ നികുതി ഒടുക്കാന്‍ അര്‍ഹതയുള്ള ഹോട്ടലുകളുടെ നിരക്കു നാലു ശതമാനമാക്കി

3. സ്വകാര്യ ഗോഡൌണില്‍ നിന്ന് 1100 ചാക്ക് റേഷനരിയും ഗോതമ്പും പിടികൂടി
ഒല്ലൂര്‍: കമ്പനിപ്പടിക്കു സമീപം സ്വകാര്യ ഗോഡൌണില്‍ അനധികൃതമായി സൂക്ഷിച്ചിരുന്ന 1100 ചാക്ക് റേഷന്‍ ഉല്‍പ്പന്നങ്ങള്‍ പിടികൂടി. ഫുഡ് കോര്‍പറേഷനില്‍ നിന്നു സപ്ളൈകോ വഴി റേഷന്‍ കടകളിലേക്കു പോകേണ്ട അരിയും ഗോതമ്പുമാണ് പിടികൂടിയത്. സെന്റ് ജോസഫ് റൈസ് ആന്‍ഡ് ഓയില്‍ മില്ലിന്റെ പുറകുവശത്തെ ഗോഡൌണിലിറക്കി ‘എലിഫന്റ് ബ്രാന്‍ഡ് എന്നെഴുതിയ ചാക്കുകളിലേയ്ക്കു പകര്‍ത്തുന്നതിനിടെയായിരുന്നു റെയ്ഡ്.

സ്വകാര്യഗോഡൌണില്‍ അരി തിരിമറി നടക്കുന്നതായി കലക്ടര്‍ക്കു ലഭിച്ച വിവരത്തിന്റെ അടിസ്ഥാനത്തിലാണ് സപ്ളൈ ഓഫിസ് അധികൃതരുടെ നടപടി. 863 ചാക്ക് പച്ചരി, 213 ചാക്കു ഗോതമ്പ്, 24 ചാക്ക് മട്ട അരി എന്നിവയാണ് പിടിച്ചെടുത്തത്. ഗോഡൌണ്‍ ഉടമയ്ക്കും ചരക്കു കൊണ്ടുവന്ന ലോറി ഉടമയ്ക്കുമെതിരെ പൊലീസ് കേസെടുത്തു. ഗോഡൌണിലെ തൊഴിലാളികളും ലോറിയിലെ ജീവനക്കാരും രക്ഷപെട്ടു. ഉദ്യോഗസ്ഥര്‍ നടത്തിയ പരിശോധനയില്‍ റേഷന്‍ കടകളിലേക്കുള്ള ബില്ലുകള്‍ കണ്ടെടുത്തു.

പൂത്തോളിലെ എഫ്സിഐ ഗോഡൌണില്‍ നിന്നു റേഷന്‍ കടകളിലേക്കു കൊണ്ടുപോയ അരിയാണ് സ്വകാര്യ ഗോഡൌണില്‍ ഇറക്കിയത്. സര്‍ക്കാര്‍ സബ്സിഡിയോടെ വിലകുറച്ചു നല്‍കുന്ന അരി പുതിയ ചാക്കിലാക്കി 21 രൂപ വരെ ഈടാക്കി പൊതുവിപണിയില്‍ മറിച്ചുവിറ്റാണ് തട്ടിപ്പ്. ഒരു കിലോ വില്‍ക്കുമ്പോള്‍ 13 രൂപ വരെ തട്ടിപ്പുകാര്‍ക്ക് ലഭിക്കുന്നു. റേഷന്‍ കടയുടമകളുടെ അറിവോടെയാണ് ഈ തിരിമറിയെന്നു സൂചന ലഭിച്ചതോടെ ചില റേഷന്‍ കടയുടമകളെ ചുറ്റിപ്പറ്റിയും അന്വേഷണം തുടങ്ങിയിട്ടുണ്ട്.

പിടിച്ചെടുത്ത അരി നടപടിക്രമങ്ങള്‍ പൂര്‍ത്തിയാക്കി റേഷന്‍ കടകളിലൂടെ വിതരണം ചെയ്യുമെന്ന് റെയ്ഡിനു നേതൃത്വം നല്‍കിയ ജില്ലാ സപ്ളൈ ഓഫിസര്‍ കെ.കെ. ബാലകൃഷ്ണന്‍ അറിയിച്ചു. അഡീഷനല്‍ തഹസില്‍ദാര്‍ സി.വി. ആനീസ്, താലൂക്ക് സപ്ളൈ ഓഫിസര്‍ പി.കെ. സുധാകരന്‍, റേഷനിങ് ഇന്‍സ്പെക്ടര്‍മാരായ ജോമോന്‍ വര്‍ഗീസ്, എകെ. സതീഷ്കുമാര്‍ എന്നിവര്‍ റെയ്ഡില്‍ പങ്കെടുത്തു.

4. ബജറ്റ് പ്രഖ്യാപനത്തിനു ശേഷവും വിദര്‍ഭയില്‍ കര്‍ഷക ആത്മഹത്യ
മുംബൈ: കാര്‍ഷിക വായ്പകള്‍ എഴുതിത്തള്ളാ നുള്ള കേന്ദ്ര ബജറ്റിലെ പ്രഖ്യാപനം പുറത്തുവന്ന ശേഷവും പടിഞ്ഞാറന്‍ വിദര്‍ഭയില്‍ മൂന്നു കര്‍ഷകര്‍ കൂടി കടക്കെണി മൂലം ജീവനൊടുക്കി. ബുല്‍ഡാനയില്‍ നിന്ന് രണ്ടു കര്‍ഷകരും യവത്മാളില്‍ നിന്ന് ഒരാളുമാണു ജീവനൊടുക്കിയത്.

5. ലോറിയില്‍ കടത്തിയ 73 വീപ്പ ടാര്‍ പിടികൂടി
അമ്പലപ്പുഴ: വ്യാജബില്ലും ഡെലിവറി നോട്ടും സൃഷ്ടിച്ച് തമിഴ്നാടു റജിസ്ട്രേഷന്‍ ലോറിയില്‍ കടത്തിക്കൊണ്ടുവന്ന 73 വീപ്പ ടാര്‍ അമ്പലപ്പുഴ പൊലീസ് പിടികൂടി. ലോറി ഡ്രൈവര്‍ തേനി ജില്ലയില്‍ ഗൂഡല്ലൂര്‍ വില്ലേജില്‍ മന്തൈ അമ്മന്‍കോവില്‍ തെരുവില്‍ ശെല്‍വകുമാര്‍ (26), കിളി പ്രേംകുമാര്‍ (20), സഹായി തിരുനല്‍വേലി തെങ്കാശി മഹാദേവി റോഡില്‍ യൂസഫ് (41) എന്നിവരെ  സിഐ സി.കെ. ഉത്തമന്റെ നേതൃത്വ ത്തില്‍ അറസ്റ്റ് ചെയ്തു. സിഐയ്ക്കു ലഭിച്ച രഹസ്യ വിവരത്തെ തുടര്‍ന്നായിരുന്നു അറസ്റ്റ്.

അമ്പലമുകളിലെ ഇന്ത്യന്‍ ഓയില്‍ കോര്‍പറേഷന്റെ സ്റ്റേഷനില്‍ നിന്നു 100 ബാരല്‍ ടാര്‍ എടുത്തതായിട്ടാണു വാഹനരേഖയില്‍ ഉള്ളത്. എന്നാല്‍, അന്വേഷണത്തില്‍ ഇതു വ്യാജമാണെന്നും അവിടെ നിന്നു ടാര്‍ നല്‍കിയിട്ടില്ലെന്നും വ്യക്തമായി.ടിഎന്‍ 60 റ്റ 1612  നമ്പര്‍ ലോറി യിലെ ടാര്‍ തിരുവനന്തപുരം കോര്‍പറേഷനിലേക്കുള്ള താണെന്നാണു ഡ്രൈവര്‍ ഉള്‍പ്പെടെയുള്ള ജീവനക്കാര്‍ പറഞ്ഞത്.

തൃപ്പൂണിത്തുറ പേട്ടയ്ക്കും ഗാന്ധിസ്ക്വയറിനും ഇടയ്ക്കുള്ള റോഡിലാണു ലോറി ഇവര്‍ക്കു പേരു വെളിപ്പെടുത്താത്ത വ്യക്തി കൈമാറിയതെന്നു പൊലീസിനെ അറിയിച്ചു. എന്നാല്‍, ഇവരുടെ മൊഴിയില്‍ വൈരുധ്യമുണ്ടെന്നു പൊലീസ് പറഞ്ഞു. പ്രതികളെ അമ്പലപ്പുഴ കോടതിയില്‍ ഹാജരാക്കി.

ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം