ആയുര്‍വേദത്തിന്റെ സൂക്ഷ്‌മതത്ത്വങ്ങളെ പ്രകാശിപ്പിച്ചത്‌ ജനിതകശാസ്‌ത്രം -ഡോ. വല്യത്താന്‍

കോട്ടയ്‌ക്കല്‍: ആധുനിക ജനിതകശാസ്‌ത്രത്തിന്റെ കണ്ടെത്തലുകളാണ്‌ ആയുര്‍വേദത്തിന്റെ സൂക്ഷ്‌മതത്ത്വങ്ങളെ പ്രകാശിപ്പിക്കാന്‍ സഹായിച്ചതെന്ന്‌ മണിപ്പാല്‍ യൂണിവേഴ്‌സിറ്റിയിലെ നാഷണല്‍ റിസര്‍ച്ച്‌ പ്രൊഫസര്‍ ഡോ. എം.എസ്‌. വല്യത്താന്‍ പറഞ്ഞു. കോട്ടയ്‌ക്കല്‍ ആര്യവൈദ്യശാലയുടെ പ്രഥമ മാനേജിങ്‌ ട്രസ്റ്റിയും ചീഫ്‌ ഫിസിഷ്യനുമായിരുന്ന ഡോ. പി. മാധവവാരിയരുടെ ജന്മശതാബ്ദി ആഘോഷത്തിന്റെ ഉദ്‌ഘാടനച്ചടങ്ങില്‍ ‘എ സയന്‍സ്‌ ഇനീഷ്യേറ്റീവ്‌ ഇന്‍ ആയുര്‍വേദ’ എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം.

പഞ്ചഭൂതങ്ങള്‍, തൃദോഷങ്ങള്‍, പ്രകൃതി എന്നിവയാണ്‌ ആയുര്‍വേദത്തിന്റെ ആധാരശിലകള്‍. ഇതില്‍നിന്ന്‌ വ്യത്യസ്‌തമാണ്‌ ഭൗതികശാസ്‌ത്രം, രസശാസ്‌ത്രം, ജൈവശാസ്‌ത്രം എന്നിവയുടെ സമീപനങ്ങള്‍. അതിനാല്‍ ആയുര്‍വേദത്തെയും അടിസ്ഥാനശാസ്‌ത്രങ്ങളെയും വേര്‍തിരിക്കുന്ന ഒരു ഇരുമ്പുമറയുണ്ട്‌. ഈ മറ നീക്കാനുള്ള ഉപാധികളാണ്‌ ആധുനിക ഗവേഷണങ്ങള്‍ കണ്ടെത്തുന്നതെന്നും ഡോ. വല്യത്താന്‍ പറഞ്ഞു.

ചടങ്ങില്‍ ‘മാതൃഭൂമി’യുടെ മുന്‍ അസോസിയേറ്റ്‌ എഡിറ്റര്‍ സി. ഉത്തമക്കുറുപ്പ്‌ അധ്യക്ഷതവഹിച്ചു. ആയുര്‍വേദത്തോട്‌ അവഗണനയും പുച്ഛവുമുണ്ടായിരുന്ന കാലത്ത്‌ അതിനെ ലോകമെമ്പാടും ശാസ്‌ത്രമെന്ന നിലയില്‍ അംഗീകരിപ്പിച്ചത്‌ വൈദ്യരത്‌നം പി.എസ്‌ വാരിയരായിരുന്നു. എന്നാല്‍ ആയുര്‍വേദത്തെ ആധുനിക സാങ്കേതികവിദ്യയുടെ ലോകത്തേക്ക്‌ കൈപിടിച്ചുയര്‍ത്തിയത്‌ ഡോ. പി. മാധവവാരിയരായിരുന്നുവെന്ന്‌ ഉത്തമക്കുറുപ്പ്‌ അനുസ്‌മരിച്ചു. ഡോ. പി. മാധവവാരിയരുമായി ചെലവിടാന്‍ കഴിഞ്ഞ അപൂര്‍വനിമിഷങ്ങള്‍ കോഴിക്കോട്‌ സാമൂതിരി പി.കെ. ശ്രീമാനവേദന്‍രാജ ഉദ്‌ഘാടനപ്രസംഗത്തില്‍ വികാരതീവ്രമായി അനുസ്‌മരിച്ചു.

ചടങ്ങില്‍ മാധവവാരിയര്‍ മെമ്മോറിയല്‍ ഗോള്‍ഡ്‌മെഡലുകള്‍ ഡോ. വല്യത്താന്‍ വിതരണംചെയ്‌തു. തുടര്‍ന്നുനടന്ന ശാസ്‌ത്രസമ്മേളനത്തില്‍ പ്രൊഫ. എം.എസ്‌. ബഗേല്‍ (ജാംനഗര്‍), കേരള യൂണിവേഴ്‌സിറ്റി മുന്‍ വൈസ്‌ചാന്‍സലര്‍ ഡോ. ബി. ഇക്‌ബാല്‍, കോഴിക്കോട്‌ മെഡിക്കല്‍ കോളേജ്‌ മുന്‍ പ്രിന്‍സിപ്പല്‍ ഡോ. കെ. മാധവന്‍കുട്ടി, രഞ്‌ജിത്‌ പുരാണിക്ക്‌ (മുംബൈ) എന്നിവര്‍ പ്രബന്ധങ്ങള്‍ അവതരിപ്പിച്ചു.

ആര്യവൈദ്യശാല മാനേജിങ്‌ ട്രസ്റ്റിയും ചീഫ്‌ ഫിസിഷ്യനുമായ ഡോ. പി.കെ വാരിയര്‍ സ്വാഗതവും അഡീഷണല്‍ ചീഫ്‌ ഫിസിഷ്യന്‍ ഡോ. കെ. മുരളീധരന്‍ നന്ദിയും പറഞ്ഞു.

Advertisements

ഒരു അഭിപ്രായം ഇടൂ

Filed under ആയുര്‍വേദം, വാര്‍ത്ത

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )