Monthly Archives: ജനുവരി 2008

മംഗളം ദിനപത്രത്തിന് ആശംസകള്‍ – യൂണികോഡിലായതിന്

1. വ്യോമ മേഖലയില്‍  പൂര്‍ണ വിദേശ നിക്ഷേപം
ന്യൂഡല്‍ഹി: വിമാനങ്ങളുടെ അറ്റകുറ്റപ്പണികള്‍, വിമാനത്താവളങ്ങളിലെ ഗ്രൌണ്ട്ഹാന്‍ഡ്്ലിങ് സര്‍വീസുകള്‍, ചരക്കുകൈമാറ്റം, വായ്പാ വിവര സേവനം എന്നീ മേഖലകളില്‍ നൂറുശതമാനം വിദേശനിക്ഷേപം അനുവദിക്കാന്‍ കേന്ദ്രമന്ത്രിസഭ തീരുമാനിച്ചു. എണ്ണശുദ്ധീകരണശാലകളിലെ വിദേശനിക്ഷേപം 26 ശതമാനത്തില്‍നിന്ന് 49 ആക്കി ഉയര്‍ത്തി.

ടൈറ്റാനിയമടങ്ങിയ ധാതുലവണങ്ങള്‍ കുഴിച്ചെടുക്കുന്നതിനും നൂറ് ശതമാനം വിദേശനിക്ഷേപം അനുവദിച്ചു. റെയില്‍വെയില്‍ പശ്ചാത്തല സൌകര്യങ്ങള്‍ വര്‍ധിപ്പിക്കുന്ന റൈറ്റ്സിന്റെയും ബിഎസ്എന്‍എല്ലിന്റെയും ഓഹരികള്‍ വില്‍ക്കാന്‍ തീരുമാനിച്ചശേഷം കേന്ദ്രസര്‍ക്കാര്‍ കൈക്കൊള്ളുന്ന പ്രധാന ഉദാരവല്‍ക്കരണ നടപടികളാണിത്. ഇടതുപക്ഷത്തിന്റെ കടുത്ത വിമര്‍ശനത്തിന് ഇത് കാരണമാകും.

സിവില്‍ വ്യോമയാന രംഗത്ത് ഗുരുതരമായ പ്രത്യാഘാതങ്ങള്‍ ഉണ്ടാക്കുന്ന തീരുമാനങ്ങളാണ് ബുധനാഴ്ച പ്രധാനമന്ത്രിയുടെ അധ്യക്ഷതയില്‍ ചേര്‍ന്ന കേന്ദ്രമന്ത്രിസഭായോഗം എടുത്തത്. വിമാനങ്ങളുടെ നടത്തിപ്പ്, അറ്റകുറ്റപ്പണികള്‍, മാറ്റംവരുത്തല്‍, സിവില്‍ വ്യോമയാന പരിശീലനസ്ഥാപനങ്ങള്‍, സാങ്കേതിക പരിശീലനസ്ഥാപനങ്ങള്‍, ഹെലികോപ്ടര്‍ സര്‍വീസ്, തീരദേശപട്ടണങ്ങളെ ബന്ധിപ്പിക്കുന്ന വ്യോമയാനസര്‍വീസുകള്‍ തുടങ്ങിയ മേഖലയില്‍ നൂറ് ശതമാനം വിദേശനിക്ഷേപമാണ് അനുവദിച്ചിട്ടുള്ളത്. സിവില്‍ ഏവിയേഷന്‍ ഡയറക്ടര്‍ ജനറലിന്റെ അനുവാദം വേണമെന്ന നിബന്ധന മാത്രമാണുള്ളത്.

ഗ്രൌണ്ട്ഹാന്‍ഡ്ലിങ് സര്‍വീസുകള്‍ വിദേശ കമ്പനികള്‍ക്ക് കൈമാറാനുള്ള തീരുമാനം രാജ്യസുരക്ഷയെ ബാധിക്കുന്നതാണെന്ന് സിഐടിയു സെക്രട്ടറി തപന്‍ സെന്‍ പറഞ്ഞു.

ടൈറ്റാനിയമുള്ള ധാതുലവണങ്ങള്‍ കുഴിച്ചെടുക്കുന്നതിന് വിദേശകമ്പനികളെ അനുവദിച്ചിരിക്കയാണ്. ഈ ധാതുക്കളില്‍നിന്ന് ഉല്‍പ്പന്നങ്ങള്‍ ഉണ്ടാക്കുന്ന സ്ഥാപനങ്ങള്‍ ഇന്ത്യയില്‍തന്നെ സ്ഥാപിക്കണമെന്നും അതിനുള്ള സാങ്കേതികവിദ്യ നല്‍കണമെന്നും നിബന്ധന വച്ചിട്ടുണ്ട്. എന്നാല്‍, കുഴിച്ചെടുക്കുന്ന അയിരുകള്‍ കയറ്റുമതിചെയ്യാന്‍ അനുവാദമുള്ള സ്ഥിതിക്ക് ഇത് എത്രമാത്രം ഫലപ്രദമാകുമെന്ന് പറയാനാവില്ല.

എണ്ണശുദ്ധീകരണശാലകളിലെ വിദേശനിക്ഷേപം 26 ശതമാനത്തില്‍നിന്ന് 49 ശതമാനമാക്കി ഉയര്‍ത്തി. നേരത്തെ എച്ച്പിസിഎല്ലില്‍ ലക്ഷ്മി മിത്തല്‍ ഗ്രൂപ്പിന് 49 ശതമാനം ഓഹരി അനുവദിച്ചിരുന്നു. അത് എല്ലാ കമ്പനികള്‍ക്കും ഇപ്പോള്‍ ബാധകമാക്കിയിരിക്കയാണ്. എന്നാല്‍, നിലവിലുള്ള പൊതുമേഖലാ സ്ഥാപനങ്ങളില്‍ ഓഹരിവില്‍പ്പന ലക്ഷ്യമാക്കുന്നില്ല. തല്‍ക്കാലം ഈ മേഖല പൂര്‍ണ സ്വകാര്യവല്‍ക്കരണത്തിലേക്ക് നീങ്ങില്ലെങ്കിലും ഭാവിയില്‍ അതിലേക്കുള്ള ചുവടുവയ്പ്് നടത്തിയിരിക്കയാണ്.

പെട്രോളിയം ഉല്‍പ്പന്നങ്ങള്‍ വ്യാപാരം നടത്തുന്ന വിദേശകമ്പനി 26 ശതമാനം ഓഹരി ഇന്ത്യന്‍പങ്കാളിക്ക് നല്‍കണമെന്ന നിബന്ധന എടുത്തുകളയാന്‍ തീരുമാനിച്ചു. ബ്രിട്ടീഷ് ഗ്യാസ് പോലുള്ള വിദേശകമ്പനികള്‍ക്ക് ഇത് ഗുണകരമാവും.

2. വ്യക്തിഹത്യയുടെ തരംതാണ വഴിയില്‍ വീണ്ടും മാതൃഭൂമി
തിരു: ന്യായാധിപന്മാരുടെ പരാമര്‍ശമില്ല, അഭിഭാഷകരോ കേസന്വേഷിക്കുന്ന ഏജന്‍സിയോ ഹൈക്കോടതി മുമ്പാകെ വന്ന ഹര്‍ജി പരിഗണിക്കുന്നതിനിടയില്‍ പേര് പറഞ്ഞില്ല, എന്നിട്ടും ‘പിണറായിയെ ചോദ്യംചെയ്യു’മെന്ന ലീഡ് വാര്‍ത്തയുമായി മാതൃഭൂമി വ്യക്തിഹത്യയുടെ നെറികെട്ട മുഖം ബുധനാഴ്ചയും പ്രകടിപ്പിച്ചു. മറ്റു ചിലരില്‍നിന്ന് സിബിഐ തെളിവെടുത്തെന്ന് എഴുതിയപ്പോള്‍ സിപിഐ എം സംസ്ഥാനസെക്രട്ടറിയെ ചോദ്യംചെയ്യുമെന്നായി. കരാര്‍ ഒപ്പിട്ട മുന്‍മന്ത്രി ജി കാര്‍ത്തികേയന്റെ കാര്യം പരാമര്‍ശിച്ചുമില്ല.

പാര്‍ടികോണ്‍ഗ്രസിന്റെ മുന്നോടിയായി സിപിഐ എം സമ്മേളനങ്ങള്‍ ആരംഭിച്ചതോടെ കൊടുമ്പിരിക്കൊണ്ടതാണ് മാതൃഭൂമിയുടെ ഈ രോഗം. ജില്ലാസമ്മേളനങ്ങള്‍വരെ മാതൃഭൂമിയും കൂട്ടാളികളായ അപവാദവ്യവസായികളും ഉദ്ദേശിച്ച കാര്യങ്ങള്‍ നടന്നില്ല. മാതൃഭൂമി ഒരുക്കിയ കെണിയില്‍ പാര്‍ടിപ്രവര്‍ത്തകര്‍ വീണില്ലെന്നു കണ്ടാണ് സംസ്ഥാനസമ്മേളനം കണക്കിലെടുത്ത് ‘ചോദ്യം ചെയ്യലെന്ന’ ഞെട്ടിക്കല്‍ വാര്‍ത്ത. ഇതേ വാര്‍ത്തതന്നെ ഒന്നാംപേജില്‍ ഒന്നിലേറെ തവണ മാതൃഭൂമി കൊടുത്തിരുന്നു. കേരളത്തിന്റെ സാമൂഹ്യ-സാംസ്കാരികാന്തരീക്ഷത്തില്‍ ദുര്‍ഗന്ധം പരത്തുന്ന ക്രൈം വാരികയെ സ്പോണ്‍സര്‍ചെയ്യുന്ന മാതൃഭൂമിയാണ് ഹൈക്കോടതിയില്‍ ലാവ്ലിന്റെ പേരിലുള്ള ഹര്‍ജിയുടെ പിന്നില്‍ ചരടുവലിക്കുന്നത് എന്നതിന്റെ തെളിവാണ് മറ്റൊരുപത്രത്തിലും ബുധനാഴ്ച കാണാത്ത ഈ വാര്‍ത്ത. പാര്‍ടിനേതാക്കളെ അപകീര്‍ത്തിപ്പെടുത്താന്‍ സ്ഥിരം ഹര്‍ജികള്‍ സമര്‍പ്പിക്കലാണ് ക്രൈം എഡിറ്റര്‍ നന്ദകുമാറിന്റെ ജോലി. ഇയാളുടെ ഹര്‍ജികളില്‍ ചിലത് കോടതി തള്ളിയതാണ്. ലാവ്ലിന്‍ കേസില്‍ അന്വേഷണപുരോഗതി പരിശോധിക്കണമെന്നാവശ്യപ്പെട്ട് സമര്‍പ്പിച്ച ഹര്‍ജി ഹൈക്കോടതി ചീഫ് ജസ്റ്റിസ് നേരത്തേ തള്ളിയിരുന്നു. എന്നാല്‍,ഇതേ ആവശ്യവുമായി ഇയാള്‍ കഴിഞ്ഞദിവസം ഉപഹര്‍ജി നല്‍കി. ചൊവ്വാഴ്ച ഇത് പരിഗണനയ്ക്കുവന്നപ്പോള്‍ കോടതി അന്വേഷണത്തെക്കുറിച്ച് ആരാഞ്ഞതല്ലാതെ മറ്റ് പരാമര്‍ശം നടത്തിയില്ല. എന്നാല്‍ മാതൃഭൂമി, കോടതി പരാമര്‍ശമെന്ന നിലയില്‍ പുളിച്ച വാര്‍ത്ത വീണ്ടും വിളമ്പി.

3. വാണിജ്യ നികുതിയില്‍ 88 കോടി വര്‍ധന
കൊച്ചി: സംസ്ഥാനത്ത് ആദ്യമായി സംഘടിപ്പിച്ച ഗ്രാന്‍ഡ് ഷോപ്പിങ് ഫെസ്റ്റിവലില്‍ ആദ്യ 31 ദിവസം വാണിജ്യനികുതി വരുമാനത്തില്‍ വന്‍ വര്‍ധനവ്. 2007 ഡിസംബറിലെ വാണിജ്യനികുതി വരുമാനത്തില്‍ 2006 ഡിസംബറിനെ അപേക്ഷിച്ച് 88 കോടി രൂപയുടെ വര്‍ധനയുണ്ടായതായി പ്രാഥമിക കണക്കുകള്‍ സൂചിപ്പിക്കുന്നു.

ഡിസംബറിലെ യഥാര്‍ഥ നികുതി വര്‍ധന 95 കോടി രൂപയായി ഉയരുമെന്നാണ് പ്രതീക്ഷയെന്ന് ഫെസ്റ്റിവല്‍ ഡയറക്ടര്‍ കെ എന്‍ സതീഷ് പറഞ്ഞു. അന്തിമ കണക്ക് ആയിട്ടില്ല. 2006 ഡിസംബറില്‍ വാണിജ്യനികുതി വരുമാനം 561 കോടിയായിരുന്നു. 2007 ഡിസംബറിലെ കണക്ക് സൂചിപ്പിക്കുന്നത് 649 കോടി രൂപയുടെ വരുമാനമാണ്. ജനുവരി ഒന്നുമുതല്‍ പതിനഞ്ചുവരെയുള്ള കണക്കെടുപ്പ് പൂര്‍ത്തിയായില്ല. പ്രതീക്ഷക്കപ്പുറമുള്ള വ്യാപാരക്കുതിപ്പ് മേള ഉപഭോക്താക്കള്‍ സ്വാഗതം ചെയ്തതിന്റെ തെളിവായി.

പതിവുരീതിക്ക് വിരുദ്ധമായി പാറശാല മുതല്‍ കാസര്‍കോടുവരെയുള്ള വ്യാപാരസ്ഥാപനങ്ങള്‍ക്ക് പങ്കാളിത്തം നല്‍കിയാണ് 45 ദിവസത്തെ മേള സംഘടിപ്പിച്ചത്. വ്യാപാര, വാണിജ്യ, വ്യവസായ, ആയുര്‍വേദ മേഖലയിലുള്ള 2195 സ്ഥാപനങ്ങള്‍ പങ്കാളിയായി. വസ്ത്ര-സ്വര്‍ണാഭരണ മേഖലയില്‍ ഒമ്പതുലക്ഷം സമ്മാനക്കൂപ്പണ്‍ വിതരണം ചെയ്തു. ഓട്ടോമൊബൈല്‍ രംഗത്ത് 20,000 കൂപ്പണ്‍ നല്‍കി. 200 കോടി രൂപയുടെ ഇടപാട് ഫെസ്റ്റിവല്‍ കാലയളവില്‍ ഈ രംഗത്തുണ്ടായതായി കണക്കാക്കുന്നു. ഗൃഹോപകരണരംഗത്ത് 50 കോടിയുടെ വില്‍പ്പന നടന്നു. ഒന്നരലക്ഷം കൂപ്പണ്‍ നല്‍കി. മേളയ്ക്ക് സംസ്ഥാന സര്‍ക്കാര്‍ 10 കോടി രൂപ അനുവദിച്ചു. രജിസ്ട്രേഷന്‍ ഫീസ്, സ്പോണ്‍സര്‍ഷിപ്പ് എന്നിവയിലൂടെ രണ്ടേമുക്കാല്‍ കോടി രൂപയും കണ്ടെത്തി. 10 കോടിയോളം രൂപയുടെ സമ്മാനങ്ങള്‍ വിതരണം ചെയ്തു. നാലു കോടിയോളം രൂപ പ്രചാരണങ്ങള്‍ക്കായി.

മറ്റെങ്ങും ലഭിക്കാത്ത സമ്മാനങ്ങളും മേളയ്ക്ക് മികവേകി. ആറു വാരാന്ത്യ നറുക്കെടുപ്പിലൂടെ 72 ഹ്യൂണ്ടായ് സാന്‍ട്രോ കാറും 72 സോണി ബ്രാവ്യോ എല്‍സിഡി ടിവിയും മെഗാ സമ്മാനമായി മൂന്ന് മെഴ്സിഡസ് ബെന്‍സ് കാറും മൂന്നു ഫ്ളാറ്റും സമ്മാനം നല്‍കി. 10 പേര്‍ക്ക് വിദേശ യാത്രയ്ക്കുള്ള അവസരവും ലഭിച്ചു. പ്രത്യേകമായി നടത്തിയ നറുക്കെടുപ്പിലൂടെ ഒരു മെസ്ഴിഡസ് ബെന്‍സ് കാറിനും ആറു ഹ്യൂണ്ടായി കാറിനും മേളയില്‍ പങ്കെടുത്ത സ്ഥാപനങ്ങള്‍ ഉടമകളായി.

4. ഇന്ത്യന്‍ സേവന കയറ്റുമതിക്ക് ഭീഷണി; വില ഇനിയും കൂടും
ന്യൂഡല്‍ഹി: അമേരിക്കന്‍ സമ്പദ്വ്യവസ്ഥയിലുണ്ടായ തകര്‍ച്ച ഇന്ത്യയുടെ സേവന കയറ്റുമതിയെ ഗുരുതരമായി ബാധിക്കും. നാണയപ്പെരുപ്പവും വിലക്കയറ്റവും വര്‍ധിക്കും. തൊഴിലില്ലായ്മ വര്‍ധിക്കുമെന്നും സാമ്പത്തികത്തകര്‍ച്ച കൂടുതല്‍ രൂക്ഷമാകുമെന്നും ലോകബാങ്ക് തന്നെ മുന്നറിയിപ്പ് നല്‍കുന്നു.

ഇന്ത്യയില്‍നിന്നുള്ള സേവനക്കയറ്റുമതിയില്‍ വലിയൊരു ഭാഗം അമേരിക്കയിലേക്ക് ആയതിനാല്‍ അമേരിക്കന്‍ സാമ്പത്തിക പ്രതിസന്ധി ഇന്ത്യയെ ദോഷകരമായി ബാധിക്കുമെന്ന് പ്രശസ്ത സാമ്പത്തികശാസ്ത്രജ്ഞനും ജെഎന്‍യുവിലെ സെന്റര്‍ ഫോര്‍ ഇക്കണോമിക് സ്റ്റഡീസിലെ പ്രൊഫസറുമായ സി പി ചന്ദ്രശേഖര്‍ ‘ദേശാഭിമാനി’യോട് പറഞ്ഞു.

അമേരിക്കയിലേക്കുള്ള ഇന്ത്യയുടെ ചരക്കു കയറ്റുമതിയുടെ ഇരട്ടിയിലധികമാണ് സേവന കയറ്റുമതി. പുറംതൊഴില്‍ കരാര്‍ പ്രകാരം ഇന്ത്യയിലേക്കു വരുന്ന തൊഴിലവസരങ്ങളില്‍ ഗണ്യമായ കുറവുണ്ടാകുമെന്നാണ് കരുതുന്നത്.

ആഗോള സാമ്പത്തികമാന്ദ്യംമൂലം ലോകത്താകെ ഭക്ഷ്യധാന്യ ഉല്‍പ്പാദനം കുറയുകയും ഭക്ഷ്യവസ്തുക്കളുടെ വില ഉയരുകയും ചെയ്തിട്ടുണ്ട്. ഈ പ്രവണത തുടരാനാണ് സാധ്യത. അതിനാല്‍ ഭക്ഷ്യവസ്തുക്കളുടെ വിലക്കയറ്റം തുടരുമെന്നും അദ്ദേഹം പറഞ്ഞു.

അമേരിക്കയിലെ വിവിധ വ്യവസായ സ്ഥാപനങ്ങളില്‍നിന്ന് വന്‍തോതില്‍ ജീവനക്കാരെ വെട്ടിക്കുറയ്ക്കുന്നത് തുടരുകയാണ്. അമേരിക്കയിലെ ഏറ്റവും പ്രധാന വിമാനക്കമ്പനിയായ ഡെല്‍റ്റയില്‍ നിന്ന് ആയിരക്കണക്കിന് ജീവനക്കാരെ പിരിച്ചുവിട്ടു. വന്‍ വ്യവസായ സ്ഥാപനങ്ങള്‍ അടച്ചുപൂട്ടുകയോ ജീവനക്കാരെ വെട്ടിക്കുറയ്ക്കുകയോ ചെയ്യുന്ന പ്രവണത അമേരിക്കയിലും യൂറോപ്യന്‍ രാജ്യങ്ങളിലും ശക്തമാവുകയാണ്.

അമേരിക്കയിലേക്കുള്ള വിവിധ ഉല്‍പ്പന്നങ്ങളുടെ കയറ്റുമതിയെയും ഇത് ബാധിക്കും. ഡോളറിനുണ്ടായ മൂല്യത്തകര്‍ച്ചമൂലം കയറ്റുമതിമേഖല നേരിടുന്ന നഷ്ടത്തിനു പുറമെയായിരിക്കും കയറ്റുമതി കുറയുന്നതു മൂലമുണ്ടാകുന്ന നഷ്ടം. കയറ്റുമതി കുറയുന്നത് ചെറുകിട വ്യവസായ യൂണിറ്റുകളെയും പ്രതിസന്ധിയിലാക്കും.

ലോകത്തെ ഭക്ഷ്യധാന്യശേഖരം കഴിഞ്ഞ 25 വര്‍ഷത്തിനിടെ ഏറ്റവും വെല്ലുവിളി നേരിട്ട വര്‍ഷമായിരുന്നു 2007. ലോകവ്യാപകമായി ഭക്ഷ്യധാന്യവില വര്‍ധിച്ചു. കാര്‍ഷികോല്‍പ്പാദനം ചൈനയിലടക്കം കുറയുകയാണ്. ചൈന ഭക്ഷ്യധാന്യ ഇറക്കുമതി വര്‍ധിപ്പിക്കുകയുംചെയ്തു. ഇന്ത്യയിലും ഭക്ഷ്യധാന്യ ഉല്‍പ്പാദനം പ്രതിസന്ധിയിലാണ്.

ഭക്ഷ്യവസ്തുക്കള്‍ ജൈവ ഇന്ധനം ഉല്‍പ്പാദിപ്പിക്കാന്‍ വന്‍തോതില്‍ മാറ്റുന്നതും ഭക്ഷ്യപ്രതിസന്ധിക്ക് കാരണമാണ്. അമേരിക്കയില്‍ ഉല്‍പ്പാദിപ്പിച്ച ചോളത്തിന്റെ 20 ശതമാനം ജൈവ ഇന്ധനം ഉല്‍പ്പാദിപ്പിക്കാനായി വഴിമാറ്റി. ഗോതമ്പുപാടങ്ങള്‍ വന്‍തോതില്‍ ചോളക്കൃഷിക്കായി മാറ്റിക്കൊണ്ടിരിക്കുന്നു. ഇതുമൂലം ഗോതമ്പിന്റെ വില അന്താരാഷ്ട്രവിപണിയില്‍ വന്‍തോതില്‍ ഉയരുകയാണ്.

5. ഗാന്ധിജിയുടെ അവസാന ചിതാഭസ്മവും നിമജ്ജനം ചെയ്തു
മുംബൈ: രാഷ്ട്രപിതാവ് മഹാത്മാ ഗാന്ധിയുടെ അവസാന ചിതാഭസ്മവും അറബിക്കടലില്‍ ഒഴുക്കി. ഗാന്ധിജിയുടെ 60-ാം ചരമ വാര്‍ഷിക ദിനമായ ബുധനാഴ്ച ദക്ഷിണ മുംബൈയിലെ ഗിര്‍ഗാം ചൌപതിയില്‍ നടന്ന ചടങ്ങിലാണ് ചിതാഭസ്മം കടലിലൊഴുക്കിയത്.

മുംബൈയിലെ മണി ഭവനില്‍ സൂക്ഷിച്ചിരുന്ന ചിതാഭസ്മമാണ് ഗാന്ധിജിയുടെ ബന്ധുക്കളുടെ അഭ്യര്‍ഥനപ്രകാരം കടലിലൊഴുക്കിയത്. പ്രമുഖ വ്യവസായി ജമനാലാല്‍ ബജാജിന്റെ ചെറുമകന്‍ ഭരത് നാരായണനാണ് ഇത് സംരക്ഷിച്ചിരുന്നത്. ഔദ്യോഗിക ബഹുമതികളോടെ ആയിരുന്നു നിമജ്ജനം. ആഭ്യന്തരമന്ത്രി ശിവരാജ് പാട്ടീല്‍ മഹാരാഷ്ട്ര ഗവര്‍ണര്‍ എസ് എം കൃഷ്ണ, ഉപമുഖ്യമന്ത്രി ആര്‍ ആര്‍ പാട്ടീല്‍ തുടങ്ങിയവരും ഗാന്ധിജിയുടെ അനുയായികളും ചടങ്ങില്‍ പങ്കെടുത്തു.

1948 ല്‍ ഹിന്ദു വര്‍ഗീയവാദിയായ ഗോഡ്സെയുടെ വെടിയേറ്റ് മരിച്ച ഗാന്ധിജിയുടെ ചിതാഭസ്മം അന്ന് രാജ്യത്തെ പ്രധാന നദികളിലും കടലുകളിലും ഒഴുക്കിയിരുന്നു. അന്ന് ഒഴുക്കാതെ സൂക്ഷിച്ച രണ്ടാമത്തെ ചിതാഭസ്മമാണിത്. 1997 ല്‍ ഭുവനേശ്വറിലെ ഒരു ബാങ്ക് ലോക്കറില്‍ നിന്നാണ് മുമ്പ് ചിതാഭസ്മം കണ്ടെത്തിയത്. ഇത് പിന്നീട് നിമജ്ജനംചെയ്തു.

രാജ്യം മുഴുവന്‍ ഗാന്ധി രക്തസാക്ഷി ദിനം ആചരിച്ചു. രാജ്ഘട്ടില്‍ രാഷ്ട്രപതി പ്രതിഭാ പാട്ടീല്‍ പ്രധാനമന്ത്രി മന്‍മോഹന്‍ സിങ് തുടങ്ങി ഒട്ടേറെപേര്‍ ആദരാഞജലി അര്‍പ്പിച്ചു.

6. ആംബുലന്‍സ് സേവനത്തിന് രാജ്യമാകെ ഒറ്റ ഫോണ്‍നമ്പര്‍
ന്യൂഡല്‍ഹി: രാജ്യത്താകെ ഒരു പൊതു നമ്പരില്‍ വിളിച്ചാല്‍ ആംബുലന്‍സ് സേവനം ലഭ്യമാകുന്ന പദ്ധതി ആരംഭിക്കുമെന്ന് കേന്ദ്ര ആരോഗ്യമന്ത്രി അന്‍പുമണി രാംദോസ് പറഞ്ഞു. ഈ ടെലിഫോണ്‍ നമ്പരിലേക്കുള്ള വിളി സൌജന്യമായിരിക്കും. എട്ടു മുതല്‍ 15 മിനിറ്റിനുള്ളില്‍ ആംബുലന്‍സ് സൌകര്യം ലഭ്യമാകും.

സുവര്‍ണ ചതുഷ്കോണപാതകളിലും ദേശീയപാതകളിലും ട്രോമകെയര്‍ സെന്ററുകള്‍ സ്ഥാപിക്കുന്ന പദ്ധതി 2010 ഓടെ പൂര്‍ത്തിയാകും. എട്ടാമത് എഡിറ്റേഴ്സ് കോണ്‍ഫറന്‍സ് ഓണ്‍ സോഷ്യല്‍ സെക്ടര്‍ ഇഷ്യൂസില്‍ സംസാരിക്കുകയായിരുന്നു അദ്ദേഹം. ആലപ്പുഴയിലെ വൈറോളജി ഇന്‍സ്റിറ്റ്യൂട്ടിന് 24 കോടി രൂപ അനുവദിച്ചു. ഇന്‍സ്റിറ്റ്യൂട്ടിനായി തെരഞ്ഞെടുത്ത അഞ്ചേക്കര്‍ സ്ഥലം അനുയോജ്യമാണെന്നു കണ്ടെത്തിയിട്ടുണ്ട്്.

കുട്ടികളുടെ അവകാശം സംരക്ഷിക്കാനുള്ള സംസ്ഥാനതല കമീഷനുകള്‍ ഉടന്‍ രൂപീകരിക്കുമെന്ന് വനിത-കുടുംബക്ഷേമമന്ത്രി രേണുകാചൌധരി പറഞ്ഞു. കുട്ടികളെ ദോഷകരമായി ബാധിക്കുന്ന ടെലിവിഷന്‍ പരിപാടികളും പരസ്യങ്ങളും തടയാന്‍ നിയമം കൊണ്ടുവരും. ഇതിനായി ശുപാര്‍ശ സമര്‍പ്പിക്കാന്‍ കുട്ടികള്‍ക്കായുള്ള ദേശീയകമീഷനോട് ആവശ്യപ്പെട്ടിട്ടുണ്ട്. ശിശുക്ഷേമരംഗത്ത് പ്രവര്‍ത്തിക്കുന്ന സര്‍ക്കാരിതര സംഘടനകള്‍ക്ക് അക്രിഡിറ്റേഷന്‍ ഉള്‍പ്പെടെയുള്ള നിയന്ത്രണങ്ങള്‍ കൊണ്ടുവരും. ദത്തെടുക്കല്‍ സംബന്ധിച്ച് ദേശീയതലത്തില്‍ നിയമനിര്‍മാണം കൊണ്ടുവരുമെന്നും മന്ത്രി പറഞ്ഞു.

7. തെല്‍ഗിക്ക് 10 വര്‍ഷം തടവും മൂന്നുകോടി പിഴയും
ചെന്നൈ: തമിഴ്നാട്ടില്‍ നടന്ന കോടികളുടെ മുദ്രപ്പത്ര കുംഭകോണക്കേസിലെ മുഖ്യ പ്രതി അബ്ദുള്‍ കരീം തെല്‍ഗിക്ക് സിബിഐ പ്രത്യേക കോടതി പത്തുവര്‍ഷം കഠിനതടവും മൂന്നുകോടി രൂപ പിഴയും വിധിച്ചു. പിഴയടച്ചില്ലെങ്കില്‍ മൂന്നുവര്‍ഷം കൂടി തടവുശിക്ഷ അനുഭവിക്കണമെന്നും വിധിന്യായത്തില്‍ പറയുന്നു. ചെന്നൈയില്‍ ബുധനാഴ്ച രാവിലെ പ്രത്യേക കോടതി ജഡ്ജി എന്‍ വേലുവാണ് വിധി പ്രസ്താവിച്ചത്. ഗൂഢാലോചന, വഞ്ചന, സര്‍ക്കാര്‍ രേഖകള്‍ ദുരുപയോഗപ്പെടുത്തല്‍ തുടങ്ങിയ കുറ്റങ്ങള്‍ ചുമത്തിയാണ് ശിക്ഷ. മുദ്രപ്പത്ര കുംഭകോണക്കേസില്‍ പുണെ കോടതി തെല്‍ഗിക്ക് 13 വര്‍ഷം കഠിനതടവിന് നേരത്തേ ശിക്ഷിച്ചിട്ടുണ്ട്. ശിക്ഷ ഒന്നിച്ചനുഭവിച്ചാല്‍ മതിയെന്ന് കോടതി നിര്‍ദേശിച്ചു.

കൂട്ടുപ്രതികളായ നാലുപേരുടെ ശിക്ഷയും ബുധനാഴ്ച വിധിച്ചു. അബ്ദുള്‍ വാഹിദിന് അഞ്ചുവര്‍ഷം തടവും മൂന്നുലക്ഷം പിഴയും ബാലാജിക്ക് അഞ്ചുവര്‍ഷം തടവും രണ്ടുകോടി പിഴയും ജേക്കബ് ചാക്കോയ്ക്ക് അഞ്ചുവര്‍ഷം തടവും മൂന്നുലക്ഷം പിഴയും പീറ്റര്‍ കെന്നഡിക്ക് മൂന്നുവര്‍ഷം തടവും 25,000 രൂപ പിഴയും വിധിച്ചു. പ്രതികള്‍ നേരത്തേ അനുഭവിച്ച ജയില്‍വാസം ശിക്ഷാകാലാവധിയില്‍ ഉള്‍ക്കൊള്ളിക്കുമെന്നും വിധിന്യായത്തില്‍ വ്യക്തമാക്കുന്നു. രാജ്യവ്യാപകമായി നടന്ന 30,000 കോടിയുടെ മുദ്രപ്പത്ര കുംഭകോണത്തില്‍ 5000 കോടിയുടെ വെട്ടിപ്പ് നടന്ന തമിഴ്നാട്ടില്‍ സിബിഐ പ്രത്യേകം അന്വേഷണം നടത്തിയിരുന്നു. തമിഴ്നാട് മുന്‍ ഡിഐജി മുഹമ്മദ് അലി ഉള്‍പ്പെടെ 11 പേരാണ് കേസിലെ പ്രതികള്‍. നേരത്തേ കുറ്റം സമ്മതിച്ച ബാംഗ്ളൂര്‍ സ്വദേശി സര്‍ഫറോസ് നവാസിന് അഞ്ചുവര്‍ഷത്തെ തടവിന് വിധിച്ചിരുന്നു. കുറ്റം സമ്മതിക്കാത്ത മുഹമ്മദലി ഉള്‍പ്പെടെയുള്ള മറ്റ് പ്രതികള്‍ക്കെതിരായ കേസില്‍ ഫെബ്രുവരി 15ന് കോടതി വാദം കേള്‍ക്കും.

8. ചാര ഉപഗ്രഹം ഭൂമിയില്‍ പതിക്കല്‍ നേരിടാന്‍ നടപടി
വാഷിങ്ടണ്‍: നിയന്ത്രണംവിട്ട അമേരിക്കയുടെ ചാര ഉപഗ്രഹം ഭൂമിയില്‍ പതിച്ചാലുണ്ടാകുന്ന സാഹചര്യം നേരിടാന്‍ നടപടി തുടങ്ങി. 2006ല്‍ അമേരിക്ക വിക്ഷേപിച്ച ‘യുഎസ് 193’ ഉപഗ്രഹമാണ് ഭൂമിയിലേക്ക് പതിക്കാനിരിക്കുന്നത്.

വൈദ്യുതിബന്ധം തകരാറിലായ ഉപഗ്രഹം തീര്‍ത്തും പ്രവര്‍ത്തനരഹിതമാണ്. ഉപഗ്രഹത്തിന്റെ ചില കഷണങ്ങള്‍ ഭ്രമണപഥത്തില്‍നിന്ന് കത്തിനശിക്കാതെ ഭൌമാന്തരീക്ഷത്തില്‍ എത്തും. ഫെബ്രുവരി അവസാനത്തിലോ മാര്‍ച്ച് ആദ്യമോ ഇത് വടക്കേ അമേരിക്കയില്‍ പതിക്കുമെന്നാണ് ശാസ്ത്രജ്ഞര്‍ പറയുന്നത്. മാരകമായ രാസവസ്തുക്കളാണ് ഇതിനുള്ളില്‍.

ദുരന്തനിവാരണ ഏജന്‍സിയും ആഭ്യന്തര സുരക്ഷാവിഭാഗവും മുന്‍കരുതല്‍ എടുത്തിട്ടുണ്ടെന്ന് അമേരിക്കന്‍ എയര്‍ഫോഴ്സ് നോര്‍ത്തേണ്‍ കമാന്‍ഡന്റ് ജനറല്‍ ഗനെ റിനോര്‍ട് പറഞ്ഞു.

9. കാര്‍ഷിക കടാശ്വാസം വയനാട് ജില്ലയില്‍
വി എസ് അച്യുതാനന്ദന്‍

ഒന്നരവര്‍ഷം മുമ്പ് കല്‍പ്പറ്റയില്‍വച്ച് മാധ്യമപ്രവര്‍ത്തകര്‍ എന്നോട് ചോദിച്ചു, കാര്‍ഷിക കടങ്ങള്‍ മുഴുവന്‍ എഴുതി ത്തള്ളുമോ? കര്‍ഷകന്‍ എടുത്ത കടങ്ങള്‍ മുഴുവന്‍ എഴുതിത്തള്ളുമോ? കൃഷിക്കാര്‍ എടുത്ത എല്ലാ കടങ്ങളും എഴുതിത്തള്ളാന്‍ കഴിയുന്ന സാഹചര്യമല്ല ഇപ്പോള്‍ ഉള്ളത്. കടം എഴുതിത്തള്ളുന്നതുള്‍പ്പെടെ കടാശ്വാസനടപടികള്‍ സ്വീകരിക്കാന്‍ സര്‍ക്കാര്‍ നടപടിയെടുക്കും എന്ന് എല്ലാ കാര്യങ്ങളും വിശദീകരിച്ചുകൊണ്ട് ഞാന്‍ പറഞ്ഞു. പക്ഷേ, പിറ്റേദിവസം മിക്ക പത്രങ്ങളിലും വലിയ തലക്കെട്ടായി വന്നത് കാര്‍ഷിക കടം എഴുതിത്തള്ളില്ല-മുഖ്യമന്ത്രി എന്നാണ്. ആ തലക്കെട്ടുയര്‍ത്തിപ്പിടിച്ച് യുഡിഎഫ് വയനാട് ജില്ലയില്‍ ഹര്‍ത്താല്‍വരെ നടത്തി. കടം എഴുതിത്തള്ളില്ലെന്ന് ഞാന്‍ പറഞ്ഞതായി പ്രചരിപ്പിച്ച് പ്രതിപക്ഷനേതാവ് ഉമ്മന്‍ചാണ്ടിയുള്‍പ്പെടെയുള്ള യുഡിഎഫ് നേതാക്കള്‍ സര്‍ക്കാരിനെതിരെ ആക്ഷേപം ചൊരിഞ്ഞു.

വാസ്തവത്തില്‍ അന്ന് ഞാന്‍ വിശദീകരിച്ചത് വയനാട് ജില്ലയുള്‍പ്പെടെയുള്ള പ്രദേശങ്ങളിലെ കൃഷിക്കാര്‍ അകപ്പെട്ട കടക്കെണിയില്‍നിന്ന് അവരെ രക്ഷിക്കാന്‍ ദീര്‍ഘകാല-ഹ്രസ്വകാല നടപടികള്‍ സര്‍ക്കാര്‍ കൈക്കൊള്ളുമെന്നാണ്.

കാര്‍ഷിക പ്രതിസന്ധിയും കടക്കെണിയും പരിഹരിക്കാന്‍ കടം എഴുതിത്തള്ളുകയാണ് ഏക പോംവഴിയെന്ന് സര്‍ക്കാര്‍ കരുതുന്നില്ല. കടം എഴുതിത്തള്ളുന്നതിന് നിരവധി പ്രശ്നങ്ങളുണ്ട്. സര്‍ക്കാരിന്റെ സാമ്പത്തികസ്ഥിതി പരിഗണിക്കേണ്ടതുണ്ട്.

രണ്ടാമതായി സാമ്പത്തിക നടപടികള്‍ ഒരവസരത്തില്‍ മാത്രമുള്ള കാര്യമല്ല, തുടര്‍ച്ചയാണ്. ബാങ്കുകളുടെ നിലനില്‍പ്പും ബാങ്കിങ്ങിന്റെയും വായ്പാ സമ്പ്രദായത്തിന്റെയും തുടര്‍ച്ചയും വളര്‍ച്ചയുമൊക്കെ പരിഗണിക്കേണ്ട വിഷയമാണ്.

എന്നാല്‍, പശ്ചാത്തലം ഇതാണെങ്കിലും ദുരിതമനുഭവിക്കുന്ന കൃഷിക്കാരുടെ ഋണബാധ്യത പരിഹരിക്കാന്‍ അടിയന്തര നടപടികള്‍ വേണംതാനും. ആര്‍ദ്രതയോടെയും ദീര്‍ഘവീക്ഷണത്തോടുകൂടിയതുമായ ശാസ്ത്രീയമായ ഒരു സമീപനം ഇക്കാര്യത്തില്‍ ആവശ്യമാണ്. വയനാടിന്റെ കണ്ണീരൊപ്പണം; കേരളത്തിന്റെ കണ്ണീരൊപ്പണം. നമ്മുടെ കാര്‍ഷിക മേഖലയില്‍ ഉന്മേഷമുളവാക്കണം. അതിന് കടം എഴുതിത്തള്ളുക ഉള്‍പ്പെടെയുള്ള നടപടികള്‍ ആവശ്യമായി വരും.

കടത്തിന്റെ സ്വഭാവവും സാഹചര്യവും എല്ലാ വശവും സൂക്ഷ്മമായി വിശകലനംചെയ്ത് അത് എഴുതിത്തള്ളുന്നതുള്‍പ്പെടെയുള്ള നടപടികള്‍ എടുക്കേണ്ടിവരും. അത് പക്ഷേ, മന്ത്രിസഭ നേരിട്ട് ഒരുത്തരവിലൂടെ ചെയ്യുന്ന നടപടിയായിരിക്കില്ല. അതിനൊക്കെ വേണ്ടിയാണ് കടാശ്വാസ കമീഷന്‍.

നിലവിലുള്ള കടക്കെണിയില്‍നിന്ന് കൃഷിക്കാരെ രക്ഷിക്കാന്‍ വേണ്ട നടപടികളാണ് കമീഷന്‍ കൈക്കൊള്ളുക. കടാശ്വാസ കമീഷന് ഏതെങ്കിലും പ്രദേശത്തെയോ വിളയെയോ കാര്‍ഷിക ദുരന്തമേഖലയായി പ്രഖ്യാപിക്കാന്‍ അധികാരമുണ്ടാവും. ആ മേഖലകളില്‍ എന്തു ചെയ്യാനാകും? ഉദാഹരണത്തിന് വയനാട്-

കടദുരിതം അനുഭവിക്കുന്ന കൃഷിക്കാരില്‍നിന്ന് ഹര്‍ജികള്‍ സ്വീകരിക്കുക, കടത്തിന്റെ സ്വഭാവം പരിശോധിക്കുക, കൃഷിനാശമോ നഷ്ടമോ സംഭവിച്ചോ എന്നന്വേഷിക്കുക തുടങ്ങി എല്ലാ കാര്യങ്ങളും പഠിക്കുകയാണ് ആദ്യപടി. ഒറ്റത്തവണ തീര്‍പ്പാക്കല്‍, പലിശ ഇളവുചെയ്യല്‍, വേണ്ടി വന്നാല്‍ മുതല്‍ തിരിച്ചടവില്‍ത്തന്നെ കുറവുചെയ്യല്‍, കടം എഴുതിത്തള്ളല്‍, മൊറട്ടോറിയം പ്രഖ്യാപിക്കല്‍ തുടങ്ങിയ നടപടികളിലൂടെ കൃഷിക്കാരനെ കടക്കുരുക്കില്‍നിന്ന് ഇറക്കിക്കൊണ്ടു വരാനാകും. അതാണ് കടാശ്വാസ കമീഷന്റെ ചുമതല. ഇതാണ് കല്‍പ്പറ്റയില്‍ ഞാന്‍ സൂചിപ്പിച്ചത്. അതാണ് വളച്ചൊടിച്ചതും ആക്ഷേപിക്കപ്പെട്ടതും. കടാശ്വാസ കമീഷനെ യുഡിഎഫും മറ്റും പരിഹസിക്കുകയും കടാശ്വാസത്തിന് നീക്കിവച്ച തുക ലാപ്സാക്കുകയാണെന്ന് കുപ്രചാരണം നടത്തുകയുംചെയ്തു. എന്നാല്‍, അന്ന് കല്‍പ്പറ്റയില്‍ ഞാന്‍ പറഞ്ഞ കാര്യങ്ങള്‍ ഇപ്പോള്‍ പ്രവൃത്തിയില്‍ എത്തിയിരിക്കുന്നു. ഇന്ത്യക്കാകെ മാതൃകയായി കേരളത്തില്‍ പ്രാബല്യത്തില്‍ വന്ന കാര്‍ഷിക കടാശ്വാസനിയമത്തിന്റെ ഗുണഫലം കൃഷിക്കാര്‍ക്ക് ലഭ്യമായിക്കഴിഞ്ഞു.

വയനാട് ജില്ലയെ ദുരിതബാധിത മേഖലയായി പ്രഖ്യാപിക്കുകയാണ് കടാശ്വാസ കമീഷന്‍ ആദ്യം ചെയ്തത്. തുടര്‍ന്ന് ഒരേക്കറില്‍ താഴെമാത്രം ഭൂമിയുള്ള കൃഷിക്കാര്‍ സഹകരണ ബാങ്കുകളില്‍നിന്ന് എടുത്ത കാല്‍ലക്ഷം രൂപവരെയുള്ള കാര്‍ഷികവായ്പകള്‍ സര്‍ക്കാര്‍ ഏറ്റെടുക്കണമെന്ന് ശുപാര്‍ശ ചെയ്തു. 2006 ജൂണ്‍ 30 വരെയുള്ള കാലയളവിലെ വായ്പയാണ് സര്‍ക്കാര്‍ ഏറ്റെടുക്കുക. ഇത് സംബന്ധിച്ച തീരുമാനം മന്ത്രിസഭ അംഗീകരിച്ചുകഴിഞ്ഞു. 42100 കൃഷിക്കാരുടെ അമ്പത്തി ഒന്നുകോടി മുപ്പതുലക്ഷം രൂപയുടെ കടങ്ങളാണ് സര്‍ക്കാര്‍ ഏറ്റെടുക്കുക. സര്‍ക്കാര്‍ ഏറ്റെടുക്കുക എന്നാല്‍ സഹകരണസംഘങ്ങള്‍ക്ക് സര്‍ക്കാര്‍ തുക നല്‍കുമെന്നാണ്. അല്ലാതെ സംഘങ്ങളെ തകര്‍ക്കുകയല്ല.

എന്നാല്‍, യുഡിഎഫ് ഭരണകാലത്ത് പലിശയിളവ് അനുവദിക്കുമെന്ന് പ്രഖ്യാപിക്കുകയും അതിന്റെ ബാധ്യത സഹകരണസംഘങ്ങളുടെ തലയില്‍ത്തന്നെ വയ്ക്കാന്‍ ശ്രമിക്കുകയുമായിരുന്നു. 2001 ഡിസംബര്‍ 29 ന് മുമ്പും അതിനു ശേഷവും കര്‍ഷകര്‍ സഹകരണസംഘങ്ങളില്‍നിന്ന് എടുത്ത വായ്പകള്‍ക്ക് ഒരു വര്‍ഷത്തേക്ക് മൊറട്ടോറിയവും പലിശയിളവും യുഡിഎഫ് സര്‍ക്കാര്‍ പ്രഖ്യാപിച്ചിരുന്നു. സര്‍ക്കാര്‍ ഉത്തരവ് അനുസരിച്ച് സംഘങ്ങള്‍ ആനുകൂല്യങ്ങള്‍ നല്‍കുകയുംചെയ്തു. എന്നാല്‍, ആ ഇനത്തില്‍ സംഘങ്ങള്‍ക്ക് നല്‍കേണ്ട അമ്പത്തിമൂന്നു കോടി എഴുപത്തി മൂന്നു ലക്ഷത്തോളം രൂപ നല്‍കാന്‍ യുഡിഎഫ് സര്‍ക്കാര്‍ കൂട്ടാക്കിയില്ല. ഈ വഞ്ചന കേരളത്തിലെ പ്രാഥമിക സഹകരണസംഘങ്ങളെ കടുത്ത പ്രതിസന്ധിയിലാക്കി. ഇപ്പോഴത്തെ സര്‍ക്കാര്‍ ആ നയവഞ്ചന തിരുത്തുകയും 2004 ല്‍ യുഡിഎഫ് ഭരണകാലത്ത് കൃഷിക്കാര്‍ക്ക് പലിശയിളവ് നല്‍കിയ വകയില്‍ സംഘങ്ങള്‍ക്കുണ്ടായ ബാധ്യത കൊടുത്തു തീര്‍ക്കാന്‍ ഏതാനും ദിവസംമുമ്പ് തീരുമാനിക്കുകയും ചെയ്തു.

യുഡിഎഫ് ഗവണ്‍മെന്റിന്റെ ഭരണകാലത്താണ് കേരളത്തില്‍ കാര്‍ഷികമേഖല ആത്മഹത്യയുടെ വിളനിലമായത്. അഞ്ച് വര്‍ഷത്തിനിടയില്‍ ആയിരത്തഞ്ഞൂറില്‍പ്പരം കൃഷിക്കാര്‍ ആത്മഹത്യചെയ്തു. അതില്‍ ഏതാണ്ട് മൂന്നിലൊന്നും വയനാട് ജില്ലയിലായിരുന്നു. ഇടതുപക്ഷ ജനാധിപത്യമുന്നണി ഗവണ്‍മെന്റ് അധികാരത്തില്‍ വന്നപ്പോള്‍ ഒന്നാമത്തെ പരിഗണന നല്‍കിയത് കാര്‍ഷികമേഖലയില്‍നിന്ന് നൈരാശ്യമകറ്റി പുത്തനുണര്‍വ് ഉണ്ടാക്കുന്നതിനാണ്. ആത്മഹത്യ ചെയ്ത കൃഷിക്കാരുടെ കുടുംബങ്ങള്‍ക്ക് അര ലക്ഷം രൂപ സഹായധനം, അവരുടെ കടങ്ങള്‍ മുഴുവന്‍ എഴുതിത്തള്ളല്‍, മറ്റു കൃഷിക്കാരുടെ കടങ്ങള്‍ക്ക് മൊറട്ടോറിയം, പലിശയിളവ് എന്നിവ താല്‍ക്കാലിക നടപടിയായി സ്വീകരിച്ചു. തുടര്‍ന്ന് കാര്‍ഷിക കടാശ്വാസ കമീഷന്‍ രൂപീകരിച്ചു. കാര്‍ഷിക കടാശ്വാസം നല്‍കുന്നതിന് 160 കോടി രൂപ നീക്കിവച്ചു. അതിനുംപുറമെ വയനാട്, പാലക്കാട്, കാസര്‍കോട് ജില്ലകള്‍ക്ക് വിദര്‍ഭാ പാക്കേജ് നേടിയെടുത്തു. അതിന്റെ ഭാഗമായി പലിശകള്‍ മുഴുവന്‍ എഴുതിത്തള്ളി. വയനാട്, പാലക്കാട് ഉള്‍പ്പെടെയുള്ള ദുരിതബാധിത ജില്ലകളില്‍ കാര്‍ഷിക മേഖലയിലെ തൊഴിലില്ലായ്മ പരിഹരിക്കാന്‍ തൊഴിലുറപ്പ് പദ്ധതി നടപ്പാക്കി. ആലപ്പുഴയിലും ഇടുക്കിയിലും പ്രത്യേക പാക്കേജ് നടപ്പാക്കുന്നതിന് മുന്നൊരുക്കങ്ങള്‍ തുടങ്ങി. നെല്ലിന് കിലോയ്ക്ക് രണ്ടു രൂപ അധികം നല്‍കി സംഭരണം കാര്യക്ഷമമാക്കി, പച്ചത്തേങ്ങ സബ്സിഡി നല്‍കി സംഭരിക്കാന്‍ തുടങ്ങി.

ഇങ്ങനെ വിവിധങ്ങളായ നടപടികളിലൂടെ കാര്‍ഷികമേഖലയില്‍നിന്ന് ആത്മഹത്യാപ്രവണത തുടച്ചുനീക്കാന്‍ കഴിഞ്ഞിരിക്കുന്നു. ഇന്ത്യയിലെ 36 ജില്ലകളാണ് കര്‍ഷക ആത്മഹത്യാമേഖലയായി കേന്ദ്രസര്‍ക്കാര്‍ കണ്ടെത്തിയിരുന്നത്. അതില്‍ കേരളത്തില്‍നിന്നുള്ളത് വയനാടും പാലക്കാടും കാസര്‍കോടും. ഇന്ത്യയില്‍ കൃഷിക്കാര്‍ കടക്കെണിയിലായ ഗ്രാമത്തിലാകെ സഞ്ചരിച്ച പ്രശസ്ത മാധ്യമപ്രവര്‍ത്തകനായ പി സായിനാഥ് കണക്കുകള്‍ ഉദ്ധരിച്ചുകൊണ്ട് ഈയിടെ എഴുതിയത് കേരളത്തിലെ മൂന്നു ജില്ലകളും കര്‍ഷക ആത്മഹത്യാപ്രവണതയില്‍നിന്ന് മുക്തമായി എന്നാണ്. അതേ സമയം 36 ല്‍ ഉള്‍പ്പെട്ട മഹാരാഷ്ട്രയിലെ വിദര്‍ഭയിലും ആന്ധ്ര, കര്‍ണാടക സംസ്ഥാനങ്ങളിലെ മറ്റ് ജില്ലകളിലും കര്‍ഷക ആത്മഹത്യ തുടരുകയുമാണ്.

വയനാട്ടിലെയും കേരളത്തിലാകെയുമുള്ള കൃഷിക്കാരെ കടക്കെണിയില്‍നിന്ന് മോചിപ്പിക്കും, അവരുടെ കണ്ണീരൊപ്പും എന്നത് എല്‍ഡിഎഫ് സര്‍ക്കാരിന്റെ ദൃഢനിശ്ചയമാണ്. അത് നല്ല തോതില്‍ സഫലമായിരിക്കുന്നു. യുഡിഎഫ് ഭരണകാലത്ത് ദുരിതത്തിലേക്ക് തള്ളിയിടപ്പെട്ട കൃഷിക്കാരെ അവിടെ നിന്ന് കരകയറ്റിയിരിക്കുന്നു. അങ്ങനെ കരകയറ്റാന്‍ സര്‍ക്കാര്‍ സ്വീകരിച്ച നടപടികളില്‍ സുപ്രധാനമാണ് കാര്‍ഷിക കടാശ്വാസ കമീഷന്‍, കമീഷന്റെ പ്രവര്‍ത്തനം തുടരുകയാണ്. സംസ്ഥാനത്തിന്റെ മറ്റു ഭാഗങ്ങളിലുള്ള കൃഷിക്കാരുടെ കടങ്ങള്‍ സംബന്ധിച്ചും കമീഷന്‍ തെളിവെടുപ്പും പഠനവും നടത്തിവരികയാണ്. ഓരോ പ്രദേശത്തിന്റെയും അവിടത്തെ വിളകളുടെയും സ്ഥിതിഗതികള്‍ പഠിച്ച് കമീഷന്‍ നല്‍കുന്ന ശുപാര്‍ശകള്‍ പ്രകാരം സര്‍ക്കാര്‍ ആശ്വാസനടപടികള്‍ സ്വീകരിക്കും.

കാര്‍ഷിക മേഖലയില്‍ കടാശ്വാസ നടപടികള്‍ക്ക് ദേശീയതലത്തില്‍ ഒരു കടാശ്വാസ കമീഷന്‍ രൂപീകരിക്കണമെന്ന് കേരളം നിരന്തരം ആവശ്യപ്പെട്ടുവരികയാണ്. കേരള നിയമസഭ പാസാക്കിയ നിയമത്തിന്റെ മാതൃകയില്‍ കേന്ദ്രനിയമം കൊണ്ടുവരണമെന്നതാണ് ആവശ്യം. പ്രധാനമന്ത്രിക്ക് പലതവണ നിവേദനം നല്‍കിയതാണ്. കഴിഞ്ഞമാസം നടന്ന ദേശീയ വികസനസമിതി യോഗത്തില്‍ വീണ്ടും പ്രശ്നം ഉയര്‍ന്നുവരികയുണ്ടായി. അതേത്തുടര്‍ന്ന് കടാശ്വാസ നടപടികള്‍ നിര്‍ദേശിക്കാനായി കമ്മിറ്റിയെ നിയോഗിക്കാന്‍ ആസൂത്രണകമീഷന്‍ സന്നദ്ധമായിട്ടുണ്ട്.

താല്‍ക്കാലികമായ കടാശ്വാസനടപടികള്‍കൊണ്ടോ കടം സര്‍ക്കാര്‍ ഏറ്റെടുക്കുന്നതുകൊണ്ടോ കാര്‍ഷികമേഖലയെ പൂര്‍ണമായി രക്ഷിക്കാനാവില്ല. കാര്‍ഷികമേഖലയാണ് ഏറ്റവും അടിസ്ഥാനമേഖല എന്ന കാഴ്ചപ്പാടോടെ സബ്സിഡികള്‍ നല്‍കാനും ഇറക്കുമതിനയം തിരുത്താനും കേന്ദ്രസര്‍ക്കാര്‍ തയ്യാറാവുകയും കൃഷിമേഖലയിലെ പൊതു മുതല്‍മുടക്ക് വര്‍ധിപ്പിക്കുകയും വേണം. കടാശ്വാസനടപടികള്‍ അടിസ്ഥാനപരമല്ല; താല്‍ക്കാലികമാണ്.

Mangalam Daily in Unicode

മംഗളം എനിക്ക് യൂണിക്കോടായി കാണുവാന്‍ കഴിയുന്നു. നിങ്ങള്‍ക്കോ? 

മംഗളം പത്രം പൂര്‍ണമായി യുണികോഡില്‍ ആയതില്‍ സന്തോഷവും ആയിരമായിരം ആശംസകളും.


ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 30-01-08

1. ഒടുവില്‍ പാവപ്പെട്ടവരുടെ കോപ്പിയടിക്ക് ഇളവ് വേണ്ടെന്ന് തീരുമാനം
തിരുവനന്തപുരം: പരീക്ഷയിലെ കോപ്പിയടിക്ക് ദരിദ്രരും സമ്പന്നരുമെന്ന വ്യത്യാസമുണ്ടോ? ദാരിദ്ര്യരേഖയ്ക്ക് താഴെയുള്ളവരുടെ മക്കള്‍ കോപ്പിയടിക്കുന്നതിന് പിഴയീടാക്കുന്നതില്‍ ഇളവു നല്‍കണമെന്ന കേരള സര്‍വകലാശാല സിന്‍ഡിക്കേറ്റ് സബ് കമ്മിറ്റിയുടെ ശുപാര്‍ശ സിന്‍ഡിക്കേറ്റ് വിവേചനപരമായി കണ്ടു. പകരം ഇളവ് എല്ലാവര്‍ക്കുമായി പ്രഖ്യാപിച്ചു.

ഇതുവരെ പരീക്ഷയില്‍ ക്രമക്കേട് കാട്ടുന്നതിന് പിടിക്കപ്പെട്ടാല്‍ സിന്‍ഡിക്കേറ്റ് സബ്കമ്മിറ്റി ഹിയറിങ്ങിന് വിളിക്കുമ്പോള്‍ 2000 രൂപ വിദ്യാര്‍ഥി അടയ്ക്കണമായിരുന്നു. തുടര്‍ന്ന് കുറ്റത്തിന്റെ ഗൌരവമനുസരിച്ച് ഒന്നോ രണ്ടോ മൂന്നോ ചാന്‍സുകളില്‍ നിന്ന് വിലക്കുകയാണ് ശിക്ഷ. എന്നാല്‍ സ്വാധീനമുള്ളവര്‍,കോപ്പിയടി പിടിക്കപ്പെട്ട ചാന്‍സിന് മാത്രം വിലക്ക് ബാധകമാക്കി രക്ഷപ്പെടുകയാണ് പതിവ്. ഫലത്തില്‍ പിഴയായി അടയ്ക്കുന്ന 2000 രൂപയായി ശിക്ഷ ഒതുങ്ങും. വിദ്യാര്‍ഥി സംഘടനകളുടെ ശക്തമായ പിന്തുണയുള്ളവര്‍ ഈ പിഴ മാത്രമേ പലപ്പോഴും അടയ്ക്കാറുള്ളൂ.

ഇതില്‍ നിന്നുകൂടി രക്ഷപ്പെടാനാണ് ദാരിദ്ര്യരേഖയ്ക്ക് താഴെയുള്ളവര്‍ക്ക് പിഴ 1000 രൂപയാക്കി കുറയ്ക്കണമെന്ന ആവശ്യം സബ്കമ്മിറ്റി മുമ്പാകെ വന്നത്. ദാരിദ്ര്യരേഖ റേഷന്‍കാര്‍ഡിലെ വരുമാനത്തിന്റെ അടിസ്ഥാനത്തില്‍ നിശ്ചയിക്കണമെന്നും ശുപാര്‍ശയുണ്ടായിരുന്നു. നാട്ടിലെ പതിവുപ്രകാരം റേഷന്‍കാര്‍ഡില്‍ ഭൂരിഭാഗംപേരും കുറഞ്ഞ വരുമാനംരേഖപ്പെടുത്തുമെന്നതിനാല്‍ 1000 രൂപയില്‍ പിഴ ഒതുങ്ങുന്ന തരത്തിലായിരുന്നു ശുപാര്‍ശ.

ചൊവ്വാഴ്ച ചേര്‍ന്ന സിന്‍ഡിക്കേറ്റ് സബ്കമ്മിറ്റിയുടെ ശുപാര്‍ശ തെറ്റായി വ്യാഖ്യാനിക്കുമെന്ന് വിലയിരുത്തി. കോപ്പിയടിക്ക് സാമ്പത്തികാടിസ്ഥാനത്തില്‍ രണ്ടു മാനദണ്ഡം ബാധകമാക്കുന്നത് ശരിയല്ലെന്ന് ചില അംഗങ്ങള്‍ വാദിച്ചു. ഇതേത്തുടര്‍ന്നാണ് 1000 രൂപയായി പിഴ കുറയ്ക്കാനും അത് എല്ലാവര്‍ക്കും ബാധകമാക്കാനും സിന്‍ഡിക്കേറ്റ് തീരുമാനിച്ചത്.

2. ഗാര്‍ഹിക പീഡനം: എല്ലാ ജില്ലകളിലും ഓഫീസറെ നിയമിക്കണമെന്നു കേന്ദ്രം
ന്യൂഡല്‍ഹി: വീടുകളില്‍ പീഡിപ്പിക്കപ്പെടുന്ന സ്ത്രീകളെ സഹായിക്കാനായി ഗാര്‍ഹിക പീഡന നിയമമനുസരിച്ച് എല്ലാ ജില്ലകളിലും പ്രത്യേക ഓഫീസറെ ഉടന്‍ നിയമിക്കണമെന്ന് കേന്ദ്ര വനിതാ ശിശുക്ഷേമ വകുപ്പ് മന്ത്രി രേണുകാ ചൌധരി ആവശ്യപ്പെട്ടു. എല്ലാ ജില്ലകളിലും പ്രത്യേക ഓഫീസറെ നിയമിക്കണമെന്ന നിര്‍ദേശം പാലിക്കാതെ സമഗ്ര ശിശുക്ഷേമ പദ്ധതിയില്‍പ്പെട്ട ഓഫീസര്‍മാരെ ഇതിനായി നിയോഗിക്കുന്നത് തെറ്റാണെന്നും അവര്‍ അഭിപ്രായപ്പെട്ടു.

കുട്ടികള്‍ക്കു നേരെയുള്ള അക്രമങ്ങള്‍ തടയുന്നതിനായി കേരളം മാത്രമാണ് ശിശുസംരക്ഷണ കമ്മീഷന്‍ സ്ഥാപിച്ചിട്ടുള്ളത്. മറ്റു സംസ്ഥാനങ്ങളും എത്രയും പെട്ടെന്ന് ഇത് നടപ്പിലാക്കണമെന്നും രേണുകാ ചൌധരി നിര്‍ദേശിച്ചു.

അങ്കണവാടികള്‍ ആവശ്യപ്പെടുന്ന മുറയ്ക്ക് അനുവദിക്കാന്‍ കേന്ദ്ര വനിതാ ശിശുക്ഷേമ വകുപ്പ് തയ്യാറാണ്. അവയ്ക്ക് ആവശ്യമായ കെട്ടിടം നിര്‍മിക്കുന്നതിനു പണം നല്കാനും കേന്ദ്രം തയ്യാറാണ്.

3. അന്വേഷണ പുരോഗതി കോടതി തിരക്കി ലാവ്ലിന്‍: നൂറോളം പേരില്‍നിന്ന് തെളിവെടുത്തു; പിണറായിയെ ചോദ്യംചെയ്യും
കൊച്ചി: എസ്എന്‍സി ലാവ്ലിന്‍ കേസ് അന്വേഷിക്കുന്ന സിബിഐ സംഘം നൂറോളം സാക്ഷികളില്‍ നിന്നായി തെളിവെടുത്തു. അന്വേഷണം അവസാനഘട്ടത്തില്‍ എത്തുന്നതോടെ മുന്‍ വൈദ്യുതിമന്ത്രിയും സിപിഎം സെക്രട്ടറിയുമായ പിണറായി വിജയനെ ചോദ്യംചെയ്യും.

തെളിവെടുപ്പിന്റെ ഭാഗമായി കാനഡയില്‍ പോകുന്നതിനായി അന്വേഷണ സംഘം കേന്ദ്രസര്‍ക്കാരിന്റെ അനുമതി തേടുന്നുണ്ട്. കേരളത്തിലും ഡല്‍ഹി, ബാംഗ്ലൂര്‍, ചെന്നൈ എന്നിവിടങ്ങളിലും അന്വേഷണം നടത്തിയിട്ടുണ്ട്.

ഇതുവരെയായി നടത്തിയിട്ടുള്ള അന്വേഷണത്തിന്റെ പുരോഗതി വിവരിക്കുന്ന റിപ്പോര്‍ട്ട് മൂന്നാഴ്ചക്കുള്ളില്‍ നല്‍കാന്‍ സിബിഐക്ക് ഹൈക്കോടതി ചൊവ്വാഴ്ച നിര്‍ദേശം നല്‍കിയിട്ടുണ്ട്. കേസ് അന്വേഷണം സമയബന്ധിതമായി പൂര്‍ത്തിയാക്കാന്‍ ക്രൈം എഡിറ്റര്‍ ടി.പി നന്ദകുമാര്‍ നല്‍കിയ ഹര്‍ജിയാണ് ഹൈക്കോടതി പരിഗണിച്ചത്.

അന്വേഷണം പുരോഗമിക്കുന്നുണ്ടെന്നാണ് സിബിഐയുടെ അഭിഭാഷകന്‍ എസ്. ശ്രീകുമാര്‍ കോടതിയെ അറിയിച്ചത്. സിബിഐ കാര്യമായ അന്വേഷണം നടത്തുന്നില്ലെന്ന് ആക്ഷേപമുണ്ടെന്ന് ഹൈക്കോടതി ഡിവിഷന്‍ ബഞ്ച് ചൂണ്ടിക്കാട്ടി. അന്വേഷണം കാര്യക്ഷമമാണെന്ന് അഭിഭാഷകര്‍ ഇതിനോടു പ്രതികരിച്ചപ്പോഴാണ് അതെക്കുറിച്ച് റിപ്പോര്‍ട്ട് ഹൈക്കോടതി ആവശ്യപ്പെട്ടത്.

ചീഫ് ജസ്റ്റിസ് എച്ച്.എല്‍. ദത്തുവും ജസ്റ്റിസ് കെ.എം.ജോസഫും ഉള്‍പ്പെട്ട ഡിവിഷന്‍ ബഞ്ചാണ് ഹര്‍ജി പരിഗണിച്ചത്. സിബിഐ ചെന്നൈ യൂണിറ്റില്‍ നിന്നുള്ള അന്വേഷണ ഉദ്യോഗസ്ഥര്‍ അപ്പോള്‍ ഹൈക്കോടതിയില്‍ ഹാജരായിരുന്നു. അന്വേഷണം സംബന്ധിച്ച് കൂടുതല്‍ വിവരങ്ങള്‍ ഹൈക്കോടതി ചോദിച്ചിരുന്നുവെങ്കില്‍ ഉടനെ മറുപടി നല്‍കാനാണ് അന്വേഷണ ഉദ്യോഗസ്ഥനോട് എത്തിച്ചേരാന്‍ സിബിഐയുടെ അഭിഭാഷകര്‍ നിര്‍ദേശിച്ചിരുന്നത്.

പന്നിയാര്‍, ചെങ്കുളം, പള്ളിവാസല്‍ എന്നീ ജലവൈദ്യുതി പദ്ധതികളുടെ നവീകരണത്തിനായിട്ടാണ് കാനഡയിലെ എസ്എന്‍സി ലാവ്ലിന്‍ കമ്പനിയുമായി സംസ്ഥാന സര്‍ക്കാര്‍ കരാര്‍ ഉണ്ടാക്കിയത്. അന്ന് പിണറായി വിജയനായിരുന്നു വൈദ്യുതി മന്ത്രി. 340 കോടിയുടെ അഴിമതി നടന്നുവെന്നാണ് ആരോപണം. വിജിലന്‍സ് അന്വേഷിച്ചിരുന്ന കേസ് സിബിഐയെ ഏല്പിച്ചുകൊണ്ട് ഹൈക്കോടതിയാണ് കഴിഞ്ഞവര്‍ഷം ജനവരി 17ന് ഉത്തരവിട്ടത്.

മുന്‍ വൈദ്യുതിമന്ത്രിമാരായ ആര്യാടന്‍ മുഹമ്മദ്, കടവൂര്‍ ശിവദാസന്‍, എസ്.ശര്‍മ, തിരുവഞ്ചൂര്‍ രാധാകൃഷ്ണന്‍ എന്നിവരില്‍ നിന്ന് സിബിഐ നേരത്തെ തെളിവെടുത്തിരുന്നു.

4. കമ്പനിയില്‍ സിമന്റ് എടുക്കാനെത്തിയത് കള്ളവണ്ടി സ്പിരിറ്റുകടത്ത് കേസില്‍ ദുരൂഹതയേറുന്നു
പാലക്കാട്: മലബാര്‍ സിമന്റ്സിലെ ഗ്രീന്‍ചാനല്‍ ടോക്കണ്‍ ഉപയോഗിച്ച് 23 ലക്ഷത്തിന്റെ സ്പിരിറ്റ് കടത്താന്‍ശ്രമിച്ച സംഭവത്തില്‍ ദുരൂഹതയേറുന്നു.

സ്പിരിറ്റ്കടത്തിന് പിന്നിലെ യഥാര്‍ഥ പ്രതിയെന്ന് പറയുന്ന ഇടനിലക്കാരന്‍ വടക്കഞ്ചേരി സ്വദേശി ജോയിയും മലബാര്‍ സിമന്റ്സില്‍നിന്ന് 200 ചാക്ക് സിമന്റുമായി പുറത്തുകടന്ന ലോറിയും അപ്രത്യക്ഷമായതാണ് ദുരൂഹത വര്‍ധിപ്പിക്കുന്നത്. അതിനിടെ മലബാര്‍ സിമന്റ്സില്‍നിന്ന് സിമന്റുമായി പുറത്തുകടന്ന ലോറിയും കള്ളവണ്ടിയാണെന്ന് അസിസ്റ്റന്റ് എക്സൈസ് കമ്മീഷണര്‍ അറിയിച്ചു.

കോഴിക്കോട്ടെ ട്രാന്‍സ്പോര്‍ട്ട് ഏജന്‍സിയുടെ പേരില്‍ ഈ വണ്ടി ഇതിനുമുമ്പ് നാലുതവണ സിമന്റ് കൊണ്ടുപോയിട്ടുണ്ടെന്നും പരിശോധനയില്‍ കണ്ടെത്തി. എക്സൈസ്സംഘം മലബാര്‍ സിമന്റ്സില്‍നിന്ന് സിമന്റ് കയറ്റിയതിന്റെ രേഖകളും മറ്റും പരിശോധനക്കെടുത്തു. സ്പിരിറ്റ്കടത്ത് കേസ് സംസ്ഥാനതലത്തില്‍ ശ്രദ്ധിക്കപ്പെട്ടിരിക്കെ കേസില്‍ ഉന്നതതല അന്വേഷണം വേണമെന്ന ആവശ്യവും ഉയരുന്നുണ്ട്.

സ്പിരിറ്റ് കടത്താന്‍ ശ്രമംനടന്ന ജനവരി 24 ന് കോഴിക്കോട്ടെ എക്സ്പെര്‍ട്ട്ലൈന്‍ ട്രാന്‍സ്പോര്‍ട്ട് ഏജന്‍സിയുടെ പേരില്‍ കെ.എല്‍.11 ക്യു 1903 നമ്പര്‍ ലോറിയാണ് സിമന്റ് എടുക്കാന്‍ വന്നത്. കാസര്‍കോട്ടെ ഡീലറായ അനീസുര്‍ റഹ്മാനുവേണ്ടി 200 ചാക്ക് സിമന്റുമായി 1.45 ന് ലോറി കമ്പനിയില്‍നിന്ന് പുറത്തുകടന്നു. എന്നാല്‍ ഇതേനമ്പറില്‍ കൊയിലാണ്ടിയില്‍ അഷറഫ് എന്നയാള്‍ക്ക് മോട്ടോര്‍ സൈക്കിളാണ് ഉള്ളതെന്നും സിമന്റ് എടുക്കാന്‍വന്ന ലോറി കള്ളവണ്ടിയാണെന്നും എക്സൈസ് അസിസ്റ്റന്റ് കമ്മീഷണര്‍ പറഞ്ഞു.

200 ചാക്ക് സിമന്റുമായി പുറത്തുകടന്ന ലോറി നേരെ വാളയാര്‍ക്ക് പോവേണ്ടതിന് പകരം ജോയിയുടെ നിര്‍ദേശപ്രകാരം കോയമ്പത്തൂര്‍ ഭാഗത്തേക്കാണ് പോയത്. നവക്കരയിലെത്തി ഗ്രീന്‍ചാനല്‍ ടോക്കണ്‍ സ്പിരിറ്റ് വണ്ടിക്ക് കൈമാറുകയും ചെയ്തു. സിമന്റെടുക്കാന്‍ വന്ന ലോറിഡ്രൈവറുടെ പേര് അശോകനെന്നാണ് ബില്ലിലുള്ളത്. ഇയാളുടെ മറ്റ് വിവരങ്ങളൊന്നും ലഭിച്ചിട്ടില്ല. സിമന്റ് ലോറിയെക്കുറിച്ചും വിവരം കിട്ടിയിട്ടില്ല.

സ്പിരിറ്റ് കടത്ത് കേസില്‍ പ്രധാന കണ്ണിയെന്ന് പറയുന്ന ഇടനിലക്കാരന്‍ ജോയിക്ക് മുമ്പും സ്പിരിറ്റ് മാഫിയയുമായി ബന്ധമുണ്ടെന്ന് എക്സൈസിന് വിവരം ലഭിച്ചിട്ടുണ്ട്. തമിഴ്നാട് അതിര്‍ത്തികള്‍ കേന്ദ്രീകരിച്ച് സംസ്ഥാനത്തിന്റെ തെക്കന്‍ ജില്ലകളിലേക്ക് സ്പിരിറ്റ് കടത്തുന്ന സംഘവുമായി ഇയാള്‍ക്ക് ബന്ധമുണ്ടെന്നും പറയുന്നു.

കോഴിക്കോട്ടെ ട്രാന്‍സ്പോര്‍ട്ട് ഏജന്‍സിയുടെ പേരില്‍ വ്യാജലോറി സിമന്‍റെടുക്കാന്‍ വന്നത് വിശദമായി അന്വേഷിക്കുമെന്ന് എക്സൈസ് അധികൃതര്‍ പറഞ്ഞു. ഏജന്‍സി ഉടമയുടെ മൊഴിയെടുക്കും. ഒളിവിലായ ഇടനിലക്കാരന്‍ ജോയിയെ പിടികൂടിയാല്‍ മാത്രമേ സ്പിരിറ്റ് കടത്തിന് പിന്നിലെ യഥാര്‍ഥ പ്രതികളാരെന്ന് കണ്ടെത്താന്‍ കഴിയൂ.

5. വിദഗ്ദ്ധ സംഘത്തിന്റെ മുന്നറിയിപ്പ് മഞ്ഞപ്പനി, പക്ഷിപ്പനി ഭീഷണിയില്‍ കേരളം
തിരുവനന്തപുരം: കേരളം മഞ്ഞപ്പനി, പക്ഷിപ്പനി തുടങ്ങിയ പകര്‍ച്ചവ്യാധികളുടെ ഭീഷണിയിലാണെന്ന് ഇരുപതാമത് കേരള ശാസ്ത്ര കോണ്‍ഗ്രസ് മുന്നറിയിപ്പു നല്കി. ഇതുസംബന്ധിച്ച് അവലോകനം നടത്തിയ വിദഗ്ദ്ധ ഡോക്ടര്‍മാരുടെ സംഘം സര്‍ക്കാരിനു കൈമാറുന്നതിനായി റിപ്പോര്‍ട്ട് തയ്യാറാക്കിയിട്ടുണ്ട്. ‘കേരളത്തിലെ ആരോഗ്യരംഗത്തെ വെല്ലുവിളികള്‍ _ കൂടെക്കൂടെ വരുന്നതും തിരിച്ചുവരുന്നതുമായ പകര്‍ച്ചവ്യാധികള്‍’ എന്നതാണ് ഇത്തവണത്തെ ശാസ്ത്ര കോണ്‍ഗ്രസ് ചര്‍ച്ച ചെയ്യുന്ന മുഖ്യവിഷയം.

ആഫ്രിക്കയിലും ലാറ്റിനമേരിക്കന്‍ രാജ്യങ്ങളിലും കാണപ്പെടുന്ന മഞ്ഞപ്പനിക്കുള്ള സാധ്യത കേരളത്തില്‍ ഇപ്പോള്‍ വളരെ കൂടുതലാണെന്ന് വിദഗ്ദ്ധ സംഘാംഗങ്ങള്‍ പത്രസമ്മേളനത്തില്‍ പറഞ്ഞു. ചിക്കുന്‍ ഗുനിയയ്ക്കു കാരണമാകുന്ന അതേ കൊതുകു തന്നെയാണ് മഞ്ഞപ്പനിയും പടര്‍ത്തുന്നത്. മഞ്ഞപ്പനി 50 മുതല്‍ 60 വരെ ശതമാനം മാരകമാണ്. ആഫ്രിക്കന്‍ രാജ്യങ്ങളിലേക്കു പോകുന്നവരും അവിടെ നിന്നു വരുന്നവരും യെല്ലോ ഫീവര്‍ വാക്സിന്‍ നയം കൃത്യമായി പാലിക്കുന്നുണ്ടെന്ന് ഉറപ്പാക്കണമെന്ന് അവര്‍ നിര്‍ദ്ദേശിച്ചു. ബംഗാളില്‍ ബാധിച്ച പക്ഷിപ്പനിക്കെതിരെ സമാന സാഹചര്യങ്ങളുള്ള കേരളത്തില്‍ ജാഗ്രത വേണമെന്നും ഡോക്ടര്‍മാരുടെ സംഘം ആവശ്യപ്പെട്ടു.

എലിപ്പനി, ഡെങ്കിപ്പനി, ചിക്കുന്‍ ഗുനിയ എന്നിവ നിയന്ത്രിക്കുന്നതിനുള്ള അലോപ്പതി _ ആയുര്‍വേദ പ്രതിരോധ നിര്‍ദ്ദേശങ്ങള്‍ സര്‍ക്കാരിനു സമര്‍പ്പിക്കുന്നതിനായി സമിതി തയ്യാറാക്കി. ഡോക്ടര്‍മാര്‍ രോഗം തിട്ടപ്പെടുത്തുന്നതില്‍ കഴിഞ്ഞ തവണ വരുത്തിയ കാലതാമസം ഒഴിവാക്കണം. എല്ലാ വൈറല്‍ പനികളും കൃത്യമായി റിപ്പോര്‍ട്ട് ചെയ്യണം. ജനവരി_മാര്‍ച്ച്, ഏപ്രില്‍_ജൂണ്‍, ജൂലായ്_സപ്തംബര്‍ എന്നിങ്ങനെ മൂന്നു ഘട്ടങ്ങളിലായി ശുചീകരണം ക്രമീകരിക്കണമെന്നും നിര്‍ദ്ദേശമുണ്ട്.

പ്രാഥമികാരോഗ്യകേന്ദ്രങ്ങളില്‍ ആയുര്‍വേദ ഡോക്ടര്‍മാരെയും ആയുര്‍വേദത്തില്‍ പരിശീലനം സിദ്ധിച്ച ആരോഗ്യപ്രവര്‍ത്തകരെയും നിയോഗിക്കണമെന്നാണ് മറ്റൊരു പ്രധാന നിര്‍ദ്ദേശം. ആയുര്‍വേദത്തിലെ പ്രതിരോധ നടപടികളെയും ചെറിയ രീതിയിലുള്ള ചികിത്സാവിധികളെയും കുറിച്ച് ജനങ്ങളെ ബോധവത്കരിക്കണം. മെയ് 15നും ജൂണ്‍ 30നുമിടയ്ക്ക് പകര്‍ച്ചവ്യാധിയുടെ ആവിര്‍ഭാവമുണ്ടാവാന്‍ സാധ്യതയുള്ളതിനാല്‍ അതനുസരിച്ച് പ്രവര്‍ത്തനങ്ങള്‍ ക്രമീകരിക്കണം. ഓരോ വീട്ടിലും 750 രൂപയില്‍ താഴെ മാത്രം ചെലവു വരുന്ന പ്രതിരോധ_ചികിത്സാ നടപടികളാണ് ആയുര്‍വേദ വിദഗ്ദ്ധര്‍ മുന്നോട്ടുവച്ചിരിക്കുന്നത്.

എല്ലാത്തരം പകര്‍ച്ചവ്യാധികളെയും തടയാന്‍ കേരളം മുന്‍കരുതലെടുക്കേണ്ടതുണ്ടെന്നാണ് വിദഗ്ദ്ധ സമിതിയുടെ അഭിപ്രായം. കഴിഞ്ഞ തവണ ചിക്കുന്‍ ഗുനിയ ബാധിച്ച സ്ഥാനങ്ങളെക്കാള്‍ മറ്റിടങ്ങളിലാണ് ഇക്കുറി രോഗം പ്രത്യക്ഷപ്പെടാനുള്ള സാധ്യത കൂടുതലെന്ന മുന്നറിയിപ്പും അവര്‍ നല്കിയിട്ടുണ്ട്. സംസ്ഥാന ശാസ്ത്ര സാങ്കേതിക പരിസ്ഥിതി കൌണ്‍സില്‍ എക്സിക്യൂട്ടീവ് വൈസ് ചെയര്‍മാന്‍ ഡോ. ഇ.പി. യശോധരന്‍, വിദഗ്ദ്ധ സമിതിയംഗങ്ങളായ ഡോ. കെ.വി. കൃഷ്ണദാസ്, ഡോ. ജി.ജി. ഗംഗാധരന്‍, ഡോ. രാംദാസ് പിഷാരടി, ഡോ. ജെ. ഹരീന്ദ്രന്‍നായര്‍, ഡോ. എസ്. രാജശേഖരന്‍, ഡോ.ശങ്കരന്‍, ഡോ. അനിതാ ജേക്കബ്, ഡോ. സുരേഷ്കുമാര്‍ തുടങ്ങിയവര്‍ പത്രസമ്മേളനത്തില്‍ സംബന്ധിച്ചു.

6. ബാണാസുരസാഗര്‍: അന്വേഷണത്തിന് ഉത്തരവ്
തിരുവനന്തപുരം: ബാണാസുര സാഗര്‍ പദ്ധതിയുടെ ജലസേചന ഉപകനാല്‍ നിര്‍മ്മാണവേളയില്‍ പടിഞ്ഞാറേത്തറ 16_ാംമൈലില്‍ മണ്ണിടിഞ്ഞുവീണ് മൂന്ന് തൊഴിലാളികള്‍ മരിച്ച സംഭവം അന്വേഷിക്കാന്‍ മന്ത്രി എന്‍.കെ. പ്രേമചന്ദ്രന്‍ ഉത്തരവിട്ടു.

ജലവിഭവ വകുപ്പ് പ്രിന്‍സിപ്പല്‍ സെക്രട്ടറി കെ. ജയകുമാര്‍ ചെയര്‍മാനും എം.കെ. പരമേശ്വരന്‍നായര്‍, ഡോ. ടി.കെ. ഗോപാലകൃഷ്ണന്‍നായര്‍ എന്നിവര്‍ അന്വേഷണ സമിതി അംഗങ്ങളുമാണ്.

ബാണാസുരസാഗര്‍, കാരാപ്പുഴ ജലസേചന പദ്ധതികളുടെ നിര്‍വ്വഹണത്തിലെ ഗുരുതരമായ കാലതാമസം, സമയബന്ധിതമായി പദ്ധതി പൂര്‍ത്തീകരിക്കാനുള്ള കര്‍മ്മ പദ്ധതി, പദ്ധതി സംബന്ധിച്ച് കമ്മിറ്റിക്ക് യുക്തമെന്ന് തോന്നുന്ന മറ്റ് വിഷയങ്ങള്‍ സംബന്ധിച്ച് വിശദമായ പഠനം നടത്താനും കമ്മിറ്റിയെ ചുമതലപ്പെടുത്തിയിട്ടുണ്ട്. രണ്ടുമാസത്തിനകം സര്‍ക്കാരിന് റിപ്പോര്‍ട്ട് നല്‍കണമെന്നും നിര്‍ദ്ദേശിച്ചിട്ടുണ്ട്.

7. നിയമ കമ്മീഷന്‍ നിര്‍ദേശങ്ങള്‍ തേടുന്നു
കൊച്ചി: നിയമ പരിഷ്കരണ കമ്മീഷന്റെ അടുത്ത യോഗം ഫിബ്രവരി 2ന് ഉച്ചയ്ക്ക് 3ന് ജസ്റ്റിസ് വി.ആര്‍.കൃഷ്ണയ്യരുടെ വസതിയില്‍ നടക്കും.

പൊതുജനങ്ങളും സര്‍ക്കാര്‍ ഇതര സംഘടനകളുംഅഭിഭാഷകരും കമ്മീഷനുമായി സഹകരിക്കണമെന്ന് കമ്മീഷന്‍ ചെയര്‍മാന്‍ ജസ്റ്റിസ് കൃഷ്ണയ്യര്‍ അഭ്യര്‍ഥിച്ചു.

നിലവിലുള്ള നിരവധി നിയമങ്ങള്‍ പരിഷ്കരിക്കണമെന്നാണ് കമ്മീഷന്റെ അഭിപ്രായം. അതിനായി ബന്ധപ്പെട്ടവരില്‍നിന്ന് കമ്മീഷന്‍ ശുപാര്‍ശകള്‍ ക്ഷണിക്കുന്നു. അഭിപ്രായങ്ങള്‍ ജസ്റ്റിസ് വി.ആര്‍.കൃഷ്ണയ്യര്‍, ‘സത്ഗമയ’, എം.ജി.റോഡ്, കൊച്ചി_11 എന്ന വിലാസത്തില്‍ അറിയിക്കണം.

സിവില്‍_ക്രിമിനല്‍ നടപടിക്രമം, ടൌണ്‍പ്ലാനിങ് നിയമം, ഭൂമി ഏറ്റെടുക്കല്‍ നിയമം, മനുഷ്യാവകാശം, പരിസ്ഥിതി, പുനരധിവാസം, പോലീസ്, രജിസ്ട്രേഷന്‍ എന്നീ വിഭാഗങ്ങളിലെ നിയമങ്ങളാണ് അടിയന്തരമായി പരിഷ്കരിക്കാന്‍ ഉദ്ദേശിക്കുന്നത്.

8. പ്ലാച്ചിമടയില്‍ കൊക്കകോള മാമ്പഴ സംസ്കരണ ഫാക്ടറി അനുവദിക്കില്ല _സമര ഐക്യദാര്‍ഢ്യ സമിതി
കൊച്ചി: പ്ലാച്ചിമടയില്‍ കൊക്കകോള മാമ്പഴ സംസ്കരണ ഫാക്ടറി തുടങ്ങാന്‍ അണിയറ നീക്കങ്ങള്‍ നടത്തുകയാണെന്ന് പ്ലാച്ചിമട കൊക്കകോള വിരുദ്ധ സമര ഐക്യദാര്‍ഢ്യ സമിതി ചൂണ്ടിക്കാട്ടി. കൊക്കകോളയ്ക്കെതിരെ മലിനീകരണ നിയന്ത്രണ ബോര്‍ഡ് കാരണം കാണിക്കല്‍ നോട്ടീസ് നല്‍കിയ സാഹചര്യത്തില്‍ നിയമനടപടികളില്‍ നിന്നു രക്ഷപ്പെടാനും തദ്ദേശവാസികള്‍ക്ക് നല്‍കേണ്ട നഷ്ടപരിഹാരം നിഷേധിക്കാനുമാണ് മാമ്പഴസത്ത് ഉദ്പാദനവുമായി കൊക്കകോള രംഗത്തുവരുന്നത്.

പ്ലാച്ചിമടയില്‍ കൊക്കകോളയ്ക്കെതിരെയുള്ള നിയമവിചാരണ നടപടികള്‍ പൂര്‍ത്തിയാക്കാതെ മാമ്പഴച്ചാര്‍ ഫാക്ടറി തുടങ്ങാന്‍ അനുവദിക്കില്ല. ഇക്കാര്യത്തില്‍ സമരസമിതിക്ക് ഐക്യദാര്‍ഢ്യ സമിതിയുടെ പിന്തുണയുണ്ടാവും.

കൊച്ചിയില്‍ നടന്ന യോഗത്തില്‍ എന്‍.പി. ജോണ്‍സണ്‍ അധ്യക്ഷത വഹിച്ചു. സണ്ണി പൈകട, കെ.എം. സുലൈമാന്‍, ജിയോ ജോസ്, സി.എ. നോബിന്‍ തുടങ്ങിയവര്‍ സംസാരിച്ചു.

9. പാസ്പോര്‍ട്ട് അദാലത്ത് ഫിബ്രവരി ആറിന്
കൊച്ചി: റീജണല്‍ പാസ്പോര്‍ട്ട് ഓഫീസില്‍ ഫിബ്രവരി 6 ന് പാസ്പോര്‍ട്ട് അദാലത്ത് നടക്കും. 2007 നവംബര്‍ 30 വരെ സമര്‍പ്പിച്ച പാസ്പോര്‍ട്ട് അപേക്ഷകളാണ് അദാലത്തില്‍ പരിഗണിക്കുന്നത്.

അദാലത്തിലേക്ക് ‘പാസ്പോര്‍ട്ട് അദാലത്ത്’ 06 ഫിബ്രവരി, 2008′ എന്ന തലക്കെട്ടില്‍ പരാതി ഫാക്സ് വഴി അയക്കാം. ഫാക്സ് നമ്പര്‍ : 0484 _ 2310915 ഓഫീസില്‍ സ്ഥാപിച്ച പാസ്പോര്‍ട്ട് അദാലത്ത് ബോക്സിലും പരാതിയിടാം. ഫിബ്രവരി ഒന്ന് വൈകിട്ട് 5 വരെയാണ് പരാതി സമര്‍പ്പിക്കാനുള്ള അവസരം.

10. ഡെപ്യൂട്ടേഷനില്‍ അനിശ്ചിതകാലം തുടരാനാവില്ല_ ട്രൈബ്യൂണല്‍
ന്യൂഡല്‍ഹി: ഡെപ്യൂട്ടേഷന്‍ വഴി ഏതെങ്കിലും പദവിയില്‍ ജോലി ചെയ്യുന്നയാള്‍ക്ക് അനിശ്ചിതകാലം തത്സ്ഥാനത്ത് തുടരാനാവില്ലെന്ന് കേന്ദ്ര ഭരണ നിര്‍വഹണ ട്രൈബ്യൂണല്‍ (സി.എ.ടി.) വ്യക്തമാക്കി. സെന്‍സസ് ഡെപ്യൂട്ടി ഡയറക്ടറായിരുന്ന പി.എസ്. ചിക്കാര തന്റെ ഡെപ്യൂട്ടേഷന്‍ നിയമനം റദ്ദാക്കിയതിനെ ചോദ്യം ചെയ്തു സമര്‍പ്പിച്ച ഹര്‍ജിയിലാണ് ട്രൈബ്യൂണലിന്റെ ഉത്തരവ്.

തനിക്കു പകരം ഡെപ്യൂട്ടി ഡയറക്ടറായി ഡോ. ഡി. വെങ്കിടേശനെ നിയമിച്ചതിനെ ചോദ്യം ചെയ്ത് ചിക്കാര സമര്‍പ്പിച്ച ഹര്‍ജി ട്രൈബ്യൂണല്‍ തള്ളി. സര്‍ക്കാര്‍ നിര്‍ദേശമനുസരിച്ച് ഡെപ്യൂട്ടേഷനില്‍ ജോലി ചെയ്യാനുള്ള കാലാവധി മൂന്നു മുതല്‍ അഞ്ചുവര്‍ഷംവരെയാണ്. ഹര്‍ജിക്കാരന്‍ കാലയളവ് പൂര്‍ത്തിയാക്കിയതായും ട്രൈബ്യൂണല്‍ അഭിപ്രായപ്പെട്ടു.

ജസ്റ്റിസ് എം. രാമചന്ദ്രന്‍, നീനരഞ്ജന്‍ എന്നിവരടങ്ങിയ ഡിവിഷന്‍ ബെഞ്ചിന്റേതാണ് ഉത്തരവ്.

11. നാര്‍ക്കോ പരിശോധനാ റിപ്പോര്‍ട്ട് തുറക്കാന്‍ ഹര്‍ജി
കൊച്ചി: അഭയ കേസില്‍ മുദ്രവച്ച കവറില്‍ സിബിഐ നല്‍കിയ നാര്‍ക്കോ അനാലിസിസ് പരിശോധനാ റിപ്പോര്‍ട്ട് തുറന്ന് കൂടുതല്‍ അന്വേഷണം നടത്താന്‍ ഹര്‍ജി.

ജോമോന്‍ പുത്തന്‍പുരയ്ക്കലാണ് ഇതിനായി ചീഫ് ജുഡീഷ്യല്‍ മജിസ്ട്രേറ്റ് കോടതിയില്‍ ഹര്‍ജി നല്‍കിയത്. ഫിബ്രവരി 4 ന് അതില്‍ വാദം കേള്‍ക്കാന്‍ കോടതി മാറ്റിവച്ചു. ഹൈക്കോടതിയുടെ നേരത്തെയുള്ള ഉത്തരവ് പ്രകാരമാണ് സിബിഐ പ്രസ്തുത റിപ്പോര്‍ട്ട് നല്‍കിയിട്ടുള്ളത്.

ഫാ. തോമസ് കോട്ടൂര്‍, ഫാ.ജോസ് പൂതൃക്കയില്‍, സിസ്റ്റര്‍ സ്റ്റെഫി എന്നിവരെയാണ് നാര്‍ക്കോ പരിശോധനക്ക് സിബിഐ വിധേയരാക്കിയിരുന്നത്.

1. വിദ്യാഭ്യാസ സ്ഥാപനങ്ങള്‍ക്കും വകുപ്പുകള്‍ക്കും ഇന്ന് അവധി
തിരുവനന്തപുരം: മുന്‍ മന്ത്രി ബേബി ജോണിനോടുള്ള ആദരസൂചകമായി സംസ്ഥാനത്തെ പ്രഫഷണല്‍ കോളജുകള്‍ അടക്കമുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്ന് അവധി പ്രഖ്യാപിച്ചു. ഇന്ന് നടത്താനിരുന്ന സര്‍വകലാശാല, പി.എസ്.സി പരീക്ഷകള്‍ക്ക് മാറ്റമില്ല.

റവന്യൂ, എക്സൈസ്, സഹകരണം, വിദ്യാഭ്യാസം, തൊഴില്‍, ജലസേചനം, ജലവിതരണം, ലീഗല്‍ മെട്രോളജി വകുപ്പുകളുടെ വകുപ്പു മേധാവികളുടെ ഓഫീസുകള്‍ക്കും സോബോഡിനേറ്റ് ഓഫീസുകള്‍ക്കും ഇന്ന് അവധി പ്രഖ്യാപിച്ചു. ഗവണ്‍മെന്റ് സെക്രട്ടേറയറ്റിന് അവധി ഉ ണ്ടാ യിരിക്കില്ല.

പരീക്ഷകള്‍മാറ്റി

തിരുവനന്തപുരം: ഇന്ന് നടത്താനിരുന്ന സംസ്കൃത സ്കോളര്‍ഷിപ്പ് യു.പി.വിഭാഗം പരീക്ഷ 31 ന് 11 നടത്തുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.

തൊഴിലധിഷ്ഠിത ഹയര്‍ സെക്കന്‍ഡറി പരീക്ഷാവിഭാഗം ഇന്ന് നടത്താനിരുന്ന രണ്ടാം വര്‍ഷ മോഡല്‍ പരീക്ഷ ഫെബ്രുവരി എട്ടിന് രാവിലെ 9.30ലേക്ക് മാറ്റി. മറ്റ് പരീക്ഷകളുടെ സമയക്രമത്തിനും തീയതിക്കും മാറ്റമില്ല.

ഇന്ന് നടത്താനിരുന്ന പത്താംതരം എ ലെവല്‍ തുല്യതാ പരീക്ഷയുടെ സോഷ്യല്‍ സയന്‍സ് ഫെബ്രുവരി ഒന്നിന് നടത്തുമെന്ന് പരീക്ഷാ സെക്രട്ടറി അറിയിച്ചു. പരീക്ഷാ സമയത്തില്‍ മാറ്റമില്ല.

ഇന്ന് നടത്താനിരുന്ന രണ്ടാം വര്‍ഷ ഹയര്‍ സെക്കന്‍ഡറി മോഡല്‍ പരീക്ഷ ഫെബ്രുവരി എട്ടിന് രാവിലെ 9.30 ലേക്ക് മാറ്റിയതായി ഹയര്‍ സെക്കന്‍ഡറി ഡയറക്ടര്‍ അറിയിച്ചു. മറ്റ് പരീക്ഷകളുടെ സമയത്തിനും തീയതികളിലും മാറ്റമില്ല.

2. വിവാദ ഫ്ളാറ്റ്: സുരക്ഷാ സംവിധാനമില്ലാതെ നിര്‍മാണം പാടില്ലെന്നു ഹൈക്കോടതി
കൊച്ചി: നാഗമ്പടത്ത് കന്യാസ്ത്രീകളുടെ മരണത്തിനിടയാക്കിയ ഫ്ളാറ്റ് നിര്‍മാണത്തിന്റെ തുടര്‍ പ്രവര്‍ത്തനങ്ങള്‍ സുരക്ഷാ സംവിധാനങ്ങള്‍ ഏര്‍പ്പെടുത്തിയതിനു ശേഷം മതിയെന്ന് ഹൈക്കോടതി വ്യക്തമാക്കി.

ഫ്ളാറ്റ് നിര്‍മാണം നിരോധിച്ച കോട്ടയം മുനിസിപ്പാലിറ്റിയുടെ ഉത്തരവിനെതിരേ ഉടമകള്‍ സമര്‍പ്പിച്ച ഹര്‍ജിയിലാണ് ജസ്റ്റിസ് പയസ് കുര്യാക്കോസിന്റെ ഉത്തരവ്. കെട്ടിട നിര്‍മാണച്ചട്ടങ്ങളും സുരക്ഷയും സംബന്ധിച്ച നിര്‍ദേശങ്ങള്‍ കര്‍ശനമായി പാലിക്കണം.

കെട്ടിടത്തിന്റെ മുകളിലേക്ക് നിര്‍മാണത്തിനുവേണ്ടി അസംസ്കൃത വസ്തുക്കള്‍ കൊണ്ടുപോകുന്ന ലിഫ്റ്റിന്റെ സുരക്ഷ ഉറപ്പാക്കണം. ലിഫ്റ്റിന്റെ മൂന്നു വശവും അടയ്ക്കണമെന്ന് ഹൈക്കോടതി നിര്‍ദേശിച്ചു. കൂടാതെ ലിഫ്റ്റ് ഘടിപ്പിച്ചിരിക്കുന്ന തൂണുകള്‍ക്ക് താഴെയും മുകളിലും രണ്ടു മീറ്റര്‍ ഉയരത്തില്‍ അടച്ചിരിക്കണമെന്നും നിര്‍ദേശിച്ചു. ലിഫ്റ്റിലേക്കു കയറുന്നതിനുള്ള ഭാഗം, നിര്‍മാണം നടക്കാത്തപ്പോള്‍ ബാരിക്കേഡ് ഉപയോഗിച്ച് അടയ്ക്കണമെന്നും നിര്‍ദേശിച്ചിട്ടുണ്ട്. മുകളിലിരുന്ന് ജോലി ചെയ്യുന്ന തൊഴിലാളികള്‍ ഉപയോഗിക്കുന്ന ഉപകരണങ്ങളുടെ ഒരറ്റം അരയില്‍ ബന്ധിച്ചിരിക്കുന്ന ബെല്‍റ്റില്‍ ഘടിപ്പിച്ചിരിക്കണം. ഇക്കാര്യങ്ങള്‍ ഏര്‍പ്പെടുത്തിയതിനു ശേഷം മാത്രമേ ഫ്ളാറ്റ് നിര്‍മാണം പുനഃരാരംഭിക്കാവൂവെന്നും നിര്‍ദേശിച്ചിട്ടുണ്ട്. ബന്ധപ്പെട്ട ഉദ്യോഗസ്ഥന്‍ വന്നു പരിശോധിച്ച ശേഷം മാത്രമേ അനുമതി നല്കാവൂ-കോടതി നിര്‍ദേശിച്ചു.

3. കര്‍ശന പരിശോധന: എംപി പരാതിക്കാരനായി
നെടുമ്പാശേരി: വിമാനത്താവളത്തിലെ വഴിവിട്ട പരിശോധനയില്‍ അസ്വസ്ഥനായ എംപി പരാതിക്കാരനായി. രാജ്യസഭാംഗം എ. വിജയരാഘവനാണ് പ്രശ്നമുണ്ടായത്. ഡല്‍ഹിക്ക് പോകാന്‍ കാറില്‍ വിമാനത്താവളത്തിലേക്ക് വന്ന ഇദ്ദേഹത്തെ പ്രധാന കവാടത്തില്‍ തടഞ്ഞു. എംപിയുടെ തിരിച്ചറിയല്‍ കാര്‍ഡ് കാണിച്ചിട്ടും കാറു മുഴുവന്‍ സുരക്ഷാ ഭടന്മാര്‍ പരിശോധിച്ചു. കാറ് പരിശോധന കഴിഞ്ഞപ്പോള്‍ വീണ്ടും തിരിച്ചറിയല്‍ കാര്‍ഡ് കാണണമെന്ന് ആവശ്യപ്പെട്ടെങ്കിലും എംപി അതിന് തയാറായില്ല. ഇതിനെതിരേ ഉന്നതതലങ്ങളില്‍ പരാതിപ്പെടുമെന്ന് അദ്ദേഹം പറഞ്ഞു.

4. മാലിന്യപ്രശ്നം: നിയമ നിര്‍മാണം പരിഗണനയിലെന്നു നിയമസഭാ സമിതി
കോഴിക്കോട്: നഗരമാലിന്യ സംസ്കരണവുമായി ബന്ധപ്പെട്ടുണ്ടാകുന്ന പ്രശ്നങ്ങള്‍ക്കു പരിഹാരം കാണുന്നതിനു നിയമനിര്‍മാണം നടത്താന്‍ ആലോചനയുണ്െടന്നു നിയമസഭ പരിസ്ഥിതി സമിതി. കോഴിക്കോട് ടൌണ്‍ഹാളില്‍ നടന്ന സിറ്റിംഗിലാണു കമ്മിറ്റി ഇക്കാര്യം വ്യക്തമാക്കിയത്. പലയിടത്തും ഫലപ്രദമായി നഗരമാലിന്യങ്ങളെ സംസ്കരിക്കാന്‍ കഴിയുന്നില്ല. ഇതിനെകുറിച്ച് വിശദമായ പഠനത്തിന് ശേഷം റിപ്പോര്‍ട്ട് നിയമസഭക്ക് സമര്‍പ്പിക്കും.

സമിതി ചെയര്‍മാന്‍ രാജാജി മാത്യു തോമസ് എംഎല്‍എ, അംഗം കെ.വി.അബ്ദുള്‍ ഖാദര്‍ എംഎല്‍എ എന്നിവര്‍ പങ്കെടുത്തു.

5. മതം മാറിയെന്നതുകൊണ്ടു മാത്രം വിവാഹമോചനം അനുവദിക്കാനാവില്ല: കോടതി
കൊച്ചി: ഹിന്ദു വിവാഹ നിയമ പ്രകാരം വിവാഹ മോചനത്തിന് മതം മാറിയെന്നതു കാരണമാകുന്നില്ലെന്നു ഹൈക്കോടതി ഡിവിഷന്‍ ബഞ്ച് വ്യക്തമാക്കി. തൃശൂര്‍ ഊരകം സ്വദേശി ബിനി സമര്‍പ്പിച്ച ഹര്‍ജിയിലാണു ജസ്റ്റിസുമാരായ കുര്യന്‍ ജോസഫ്, ഹാറൂണ്‍ അല്‍ റഷീദ് എന്നിവരടങ്ങിയ ഡിവിഷന്‍ ബഞ്ചിന്റെ ഉത്തരവ്.

ഹിന്ദു വിവാഹ നിയമ പ്രകാരം വിവാഹ മോചനത്തിന് അപേക്ഷിക്കുന്ന ഭാര്യാഭര്‍ത്താക്കന്മാരുടെ അനുരഞ്ജനം നടത്താനാകുമോയെന്നു പരിശോധിക്കാനുള്ള നിയമപരമായ ബാധ്യത കുടുംബക്കോടതിക്കുണ്െടന്നും ഹൈക്കോടതി വ്യക്തമാക്കി.

കുടുംബക്കോടതി നിയമ പ്രകാരം വിവാഹ ബന്ധം കഴിയുന്നിടത്തോളം തകരാതെ സംരക്ഷിക്കുകയാണു ലക്ഷ്യം.

അനുരഞ്ജനം അസാധ്യമാകുന്ന പക്ഷം വിയോജിപ്പ് പരിഹരിക്കുന്നതിനുള്ള ശ്രമം നടത്തണം. അതു നടക്കാതെ വന്നാല്‍ മാത്രമേ വിവാഹ മോചന നടപടിയിലേക്കു തിരിയാന്‍ വ്യവസ്ഥ ചെയ്യുന്നുള്ളൂ. എന്നാല്‍ തീര്‍പ്പിന് യുക്തമായ നിയമം പാലിക്കണമെന്നില്ലെന്നും കോടതി വ്യക്തമാക്കി.

മതം മാറിയെന്നതു കൊണ്ടു മാത്രം വിവാഹമോചനം അനുവദിക്കാനാവില്ല. മതേതര രാജ്യമായതിനാല്‍ വിഭിന്ന മതത്തിലുള്ളവര്‍ തമ്മില്‍ പരസ്പരം യോജിച്ചു ജീവിക്കാനാണ് നോക്കേണ്ടത്. പരസ്പരമുള്ള ജീവിതത്തിനു മതം മാറിയെന്നതു വിലങ്ങുതടി ആകരുതെന്നും കോടതി നിര്‍ദേശിച്ചു.

6. ജോമോന്‍ പുത്തന്‍പുരയ്ക്കലിനെ കോടതി ശാസിച്ചു
തിരുവനന്തപുരം: കോടതി നടപടികളില്‍ അനാവശ്യ ഇടപെടലുകള്‍ നടത്തിയതിന് സാമൂഹ്യ പ്രവര്‍ത്തകനായ ജോമോന്‍ പുത്തന്‍പുരയ്ക്കലിനെ വിജിലന്‍സ് കോടതി ജഡ്ജി കെ.ശശിധരന്‍നായര്‍ രൂക്ഷമായി വിമര്‍ശിച്ചു. ജോമോന്‍ ഹര്‍ജിക്കാരനായ ഒരു ഹര്‍ജി ഇന്നലെ പരിഗണിക്കവേയാണ് കോടതി ഇയാളെ ശാസിച്ചത്.

കോടതിയുടെ മുന്നില്‍ വലിയവരും ചെറിയവരുമില്ല. എല്ലാവരും സമന്മാരാണ്. ഹര്‍ജിക്കാരനു വാദിക്കണമെങ്കില്‍ അഭിഭാഷകനെ മാറ്റിയ ശേഷം കോടതിയുടെ അനുമതി തേടണമെന്നും കോടതി പരാമര്‍ശിച്ചു.

കഴിഞ്ഞ വ്യാഴാഴ്ച ജോമോന്റെ പേരില്‍ തിരുവനന്തപുരം വിജിലന്‍സ് സ്പെഷല്‍ ജഡ്ജിന് വന്ന കത്ത് വിവാദമായിരുന്നു. കത്തിന്റെ ഉറവിടത്തെക്കുറിച്ച് അന്വേഷിക്കാന്‍ അന്ന് കോടതി ഉത്തരവിട്ടിരുന്നു.

1. പോക്കുവരവ് റദ്ദാക്കാന്‍ നീക്കം
തിരുവനന്തപുരം: നിയമവകുപ്പിന്റെയും ഹൈക്കോടതിയുടെയും ഇടപെടലിനെ തുടര്‍ന്ന് കളമശേãരിയിലെ എച്ച്.എം.ടി ഭൂമി ബ്ലൂസ്റ്റാര്‍ റിയല്‍റ്റേഴ്സിന് വില്‍പന നടത്തിയതിന്റെ പോക്കുവരവ് റദ്ദാക്കുന്നതടക്കം നടപടികള്‍ സര്‍ക്കാറിന്റെ സജീവപരിഗണനയില്‍. നിയമവകുപ്പിന്റെ അനുമതിയില്ലാതെ നടന്ന ഭൂമി ഇടപാടിന് നിയമസാധുത ഉണ്ടാവില്ലെന്ന് നിയമവിദഗ്ധര്‍ ചൂണ്ടിക്കാട്ടിയ സാഹചര്യത്തിലാണ് പോക്കുവരവ് ഏതുവിധേനയും റദ്ദാക്കുന്നതിനെക്കുറിച്ച ആലോചനകള്‍ റവന്യു^വ്യവസായ^രജിസ്ട്രേഷന്‍ മന്ത്രിമാരുടെ ഓഫീസുകള്‍ കേന്ദ്രീകരിച്ച് നടന്നുവരുന്നത്. ഇന്നലെ റവന്യുമന്ത്രി ബന്ധപ്പെട്ടവരുമായി നടത്തിയ ചര്‍ച്ചയില്‍ ഭൂമി കച്ചവടത്തിന്റെ പോക്കുവരവ് റദ്ദാക്കുന്നതിന് ബന്ധപ്പെട്ട തഹസില്‍ദാര്‍ക്ക് നിര്‍ദേശം നല്‍കാന്‍ തീരുമാനമെടുത്തതായി അറിയുന്നു.
റവന്യു വകുപ്പ് ഉദ്യോഗസ്ഥര്‍, നിയമസെക്രട്ടറി എന്നിവരുമായി ഇന്നലെ റവന്യുമന്ത്രി കെ.പി. രാജേന്ദ്രന്‍ ചര്‍ച്ച നടത്തിയിരുന്നു. എച്ച്.എം.ടി ഭൂമി സംബന്ധിച്ച രേഖകള്‍ പരിശോധിച്ചശേഷം റവന്യുവകുപ്പ് ഇക്കാര്യത്തില്‍ അന്തിമതീരുമാനത്തിലെത്തിയതായാണ് വിവരം. ഭൂമി ഇടപാടില്‍ തെറ്റ്പറ്റിയിട്ടുണ്ടെങ്കില്‍ പരിശോധിക്കുമെന്നും വീഴ്ചയുണ്ടെങ്കില്‍ പോക്കുവരവ് റദ്ദാക്കുമെന്നും ഹൈക്കോടതിയില്‍ അഡീഷനല്‍ അഡ്വക്കേറ്റ് ജനറല്‍ വ്യക്തമാക്കിയ സാഹചര്യത്തിലാണ് നിയമനടപടികളില്‍ നിന്ന് തലയൂരാന്‍ എത്രയും വേഗം പോക്കുവരവ് റദ്ദാക്കുന്നതടക്കം കാര്യങ്ങളിലേക്ക് സര്‍ക്കാര്‍ എത്തിയിട്ടുള്ളത്.
സംസ്ഥാനത്തെ മുഴുവന്‍ പൊതുമേഖലാസ്ഥാപനങ്ങള്‍ക്കും നല്‍കിയ സര്‍ക്കാര്‍ഭൂമി അളന്ന് തിട്ടപ്പെടുത്താനും തീരുമാനിച്ചിട്ടുണ്ട്. വെറുതെ കിടക്കുന്ന സര്‍ക്കാര്‍ഭൂമി ഏറ്റെടുത്തും അളന്ന് തിരിച്ച് ഇവയുടെ സംരക്ഷണത്തിന് ഭൂബാങ്ക് രൂപവത്കരിക്കണമെന്ന നിര്‍ദേശത്തിനും സര്‍ക്കാര്‍ പച്ചക്കൊടി കാട്ടിക്കഴിഞ്ഞു. നിലവില്‍ സര്‍ക്കാര്‍ പൊതുമേഖലാസ്ഥാപനങ്ങള്‍ക്ക് നല്‍കിയിട്ടുള്ള ഭൂമിയുടെ അളവോ മറ്റ് രേഖകളോ റവന്യുവകുപ്പിന്റെ കൈവശമില്ല. വ്യവസായ ആവശ്യത്തിനായി നല്‍കിയ ഭൂമി ഉപയോഗിക്കാതെ കിടക്കുന്നത് എച്ച്.എം.ടിയില്‍ നിന്ന് ഏറ്റെടുക്കണമെന്ന് നിയമവകുപ്പ് സര്‍ക്കാറിന് നിര്‍ദേശം നല്‍കിയിരുന്നു. എന്നിട്ടും സര്‍ക്കാര്‍ ഭൂമികച്ചവടത്തിന് അനുമതി നല്‍കിയതാണ് നിയമവകുപ്പിന്റെ വിമര്‍ശത്തിനിടയാക്കിയിട്ടുള്ളത്.
നിരവധി ഫയലുകള്‍ നിയമവകുപ്പിന് മുന്നില്‍ വരുമെന്നും അതെല്ലാം വ്യക്തമായി പരിശോധിക്കുക അസാധ്യമാണെന്നും എന്നാല്‍, എച്ച്.എം.ടി ഭൂമിയിടപാടില്‍ വീഴ്ചപറ്റിയിട്ടുണ്ടെങ്കില്‍ പരിശോധിക്കുമെന്നും നിയമമന്ത്രി എം. വിജയകുമാറും വ്യക്തമാക്കി. വ്യവസായ വികസനത്തിന് എച്ച്.എം.ടിക്ക് നല്‍കിയ നൂറേക്കര്‍ സ്ഥലത്തില്‍ 70 ഏക്കറാണ് ചുളുവിലയ്ക്ക് റിയല്‍ എസ്റ്റേറ്റ് കമ്പനിക്ക് വിറ്റത്. വിവാദ എച്ച്.എം.ടി ഭൂമിയോടുചേര്‍ന്നുള്ള 400 ഏക്കറില്‍ 240 ഏക്കര്‍ സ്പെഷല്‍ ഇക്കണോമിക് സോണില്‍ ഉള്‍പ്പെടുത്തി നാല് സ്ഥാപനങ്ങള്‍ക്ക് കൈമാറിയതും സര്‍ക്കാര്‍ പരിശോധിക്കും. സ്ഥാപനങ്ങള്‍ക്ക് കൈമാറിയിട്ടും ഉപയോഗിക്കാതെ കിടക്കുന്ന ഭൂമി ഏറ്റെടുക്കുന്ന കാര്യവും സര്‍ക്കാറിന്റെ പരിഗണനയിലാണ്.

2. സര്‍ക്കാര്‍ പ്രതിരോധത്തിലേക്ക്
കൊച്ചി: എച്ച്.എം.ടി ഭൂമിയിടപാട് വിവാദത്തില്‍ സര്‍ക്കാര്‍ പ്രതിരോധത്തിലേക്ക്. ഇക്കാര്യത്തില്‍ തെറ്റുപറ്റിയെന്ന് സര്‍ക്കാര്‍ ഹൈക്കോടതിയില്‍ സമ്മതിച്ചതിന് പിന്നാലെ പദ്ധതിക്കായി നിരന്തരം വാദിച്ചിരുന്ന വ്യവസായ മന്ത്രി എളമരം കരീം കര്‍ശന നിലപാടുകളില്‍ നിന്ന് പിന്‍വാങ്ങുന്ന രീതിയില്‍ നടത്തിയ പ്രസ്താവന ഇതിന്റെ സൂചനയാണ്. ഇതോടൊപ്പം, ഭൂമി തിരിച്ചുപിടിക്കണമെന്ന് നിയമ സെക്രട്ടറി ഉപദേശം നല്‍കിയിരുന്നെന്ന നിയമമന്ത്രി എം. വിജയകുമാറിന്റെ വിശദീകരണത്തില്‍ ഇക്കാര്യത്തില്‍ മന്ത്രിസഭക്കുള്ള ആശയക്കുഴപ്പവും നിഴലിക്കുന്നുണ്ട്. വ്യവസായ വികസനമെന്ന മുദ്രാവാക്യം ഉയര്‍ത്തി വ്യവസായ വകുപ്പാണ് ഭൂമി കൈമാറ്റത്തിന് കൂടുതല്‍ താല്‍പര്യം പ്രകടിപ്പിച്ചതെന്നാണ് സൂചന. കൂടുതല്‍ ഭൂമി ഏറ്റെടുക്കുന്നതിനെതിരെ ഹൈക്കോടതിയില്‍ നിയമ യുദ്ധം നടത്തുന്ന എച്ച്.എം.ടി, സര്‍ക്കാര്‍ ഒഴിവാക്കി നല്‍കിയ ഭൂമി വില്‍ക്കുമ്പോള്‍ സര്‍ക്കാറിനും ഉദ്യോഗസ്ഥര്‍ക്കും കൂടുതല്‍ കരുതല്‍ വേണമായിരുന്നുവെന്ന വിമര്‍ശത്തെ കാര്യമായി പ്രതിരോധിക്കാന്‍ സര്‍ക്കാറിന് കഴിയുന്നില്ല.

സ്ഥലംവാങ്ങിയ ബ്ലൂസ്റ്റാര്‍ റിയല്‍റ്റേഴ്സിന് ഐ.ടിയുടെ കാര്യത്തില്‍ കൂടുതല്‍ വൈദഗ്ധ്യമില്ലെന്ന വാദം സര്‍ക്കാറും ഏറക്കുറെ അംഗീകരിക്കുന്നുണ്ട്. സ്മാര്‍ട്ട്സിറ്റി കരാറിന്റെ കാര്യത്തില്‍ കര്‍ശന പരിശോധന നടത്തിയ മുഖ്യമന്ത്രിപോലും ഈ ഇടപാടില്‍ കാര്യമായി ശ്രദ്ധിച്ചില്ലെന്നാണ് ആക്ഷേപ ം. നിയമ സെക്രട്ടറി ഭൂമി ഏറ്റെടുക്കാന്‍ റിപ്പോര്‍ട്ട് നല്‍കിയതായി ശ്രദ്ധയില്‍പ്പെട്ടില്ലെന്നാണ് വ്യവസായ മന്ത്രി പറഞ്ഞത്. റിപ്പോര്‍ട്ട് നല്‍കിയതായി നിയമമന്ത്രി സമ്മതിക്കുന്നുണ്ട്. ഈ റിപ്പോര്‍ട്ട് എവിടെയാണ് കുടുങ്ങി യതെന്ന് കണ്ടെത്തേണ്ടതുണ്ട്. കോടികള്‍ വിലമതിക്കുന്ന ഭൂമിയായതിനാല്‍ ഇക്കാര്യം മന്ത്രിസഭയുടെ പരിഗണനക്ക് എത്തേണ്ടതാണ്. വിഷയത്തില്‍ തല്‍പര കക്ഷികളുടെ ഇടപെടല്‍ ഉണ്ടായെന്ന് സംശയിക്കേണ്ടിയിരിക്കുന്നു.

വിവാദ ഭൂമിയില്‍ നിര്‍മാണ പ്രവര്‍ത്തനങ്ങള്‍ക്ക് അനുമതി നല്‍കിയില്ലെന്നും ഇത്തരം പ്രവര്‍ത്തനങ്ങള്‍ തടയുമെന്നുമാണ് വ്യവസായ മന്ത്രിയുടെ നിലപാട്. വാങ്ങിയ ഭൂമിക്ക് ചുറ്റും തിരക്കിട്ട് മതില്‍നിര്‍മാണമാണ് ഇപ്പോള്‍ നടക്കുന്നത്. ബ്ലൂസ്റ്റാര്‍ കമ്പനിയുടെ സമ്പൂര്‍ണ ഉടമസ്ഥാവകാശത്തില്‍ തര്‍ക്കമുണ്ടെന്ന സൂചനകളാണ് ഇതിലുള്ളത്. പ്രശ്നത്തില്‍ പ്രതിപക്ഷം ശക്തമായ സമരമുറകളാണ് ആസൂത്രണം ചെയ്യുന്നത്. ഈ സാഹചര്യത്തിലാണ് വ്യവസായമന്ത്രി പോലും പ്രതിരോധത്തിന്റെ പാതയിലേക്ക് നീങ്ങുന്നത്.

3. പൊതുപ്രവര്‍ത്തകരുടെ സ്വത്ത് വിവരം: വ്യവസ്ഥ ലംഘിക്കപ്പെട്ടു
കൊച്ചി: പൊതുപ്രവര്‍ത്തകരുടെയും കുടുംബാംഗങ്ങളുടെയും സ്വത്ത് വിവരങ്ങള്‍ ’07 ജൂണ്‍ 30^നകം ലോകായുക്തക്ക് മുമ്പാകെ സമര്‍പ്പിക്കണമെന്ന നിയമ വ്യവസ്ഥ വ്യാപകമായി ലംഘിക്കപ്പെട്ടു.

സമയപരിധിക്കുള്ളില്‍ സ്വത്ത് വിവരങ്ങളും ബാധ്യതകളും ഉള്‍ക്കൊള്ളുന്ന സ്റ്റേറ്റ്മെന്റ് സമര്‍പ്പിച്ചത് 19 എം.എല്‍.എ മാര്‍ മാത്രം. ലോകായുക്ത നിയമപ്രകാരം സര്‍ക്കാര്‍ ജീവനക്കാരല്ലാത്ത എല്ലാ പൊതു പ്രവര്‍ത്തകരും നിയമം നിലവില്‍ വന്ന് ഒരുവര്‍ഷത്തിനകം അവരുടെ വസ്തു വകകളുടെയും ബാധ്യതകളുടെയും വിശദാംശങ്ങള്‍ ലോകായുക്തയുടെ കോംപിറ്റന്റ് അതോറിറ്റിക്ക് സമര്‍പ്പിച്ചിരിക്കണം.

ഈ വിവരം യഥാസമയം സമര്‍പ്പിക്കാത്തവരെക്കുറിച്ച റിപ്പോര്‍ട്ട് അതോറിറ്റി ലോകായുക്തക്ക് നല്‍കണമെന്നും റിപ്പോര്‍ട്ട് ലഭിച്ച് രണ്ടുമാസത്തിനകം വീഴ്ച വരുത്തിയ പൊതുപ്രവര്‍ത്തകരുടെ പേര് മൂന്ന് പ്രമുഖ പത്രങ്ങള്‍ക്ക് പ്രസിദ്ധീകരണത്തിന് നല്‍കണമെന്നും വ്യവസ്ഥയുണ്ട്.

വീഴ്ച വരുത്തിയവരുടെ പേര് പത്രങ്ങളില്‍ പ്രസിദ്ധീകരിക്കാനും ലോകായുക്ത തയാറായില്ല. ഈ സാഹചര്യത്തില്‍ കൊച്ചി കേന്ദ്രമായ ഹ്യൂമന്‍ റൈറ്റ്സ് ഡിഫന്‍സ് ഫോറം വിവരാവകാശ നിയമപ്രകാരം രാജ്ഭവനില്‍ ഇതുസംബന്ധിച്ച വിശദീകരണം ആവശ്യപ്പെട്ട് കത്ത് നല്‍കിയപ്പോഴാണ് മറ്റ് എം.എല്‍.എമാര്‍ സ്വത്ത് വിവരം സമര്‍പ്പിച്ചത്.

എന്നിട്ടും നെടുമങ്ങാട് എം.എല്‍.എ മാങ്കോട് രാധാകൃഷ്ണന്‍ സ്റ്റേറ്റ്മെന്റ് നല്‍കിയില്ലെന്ന് രാജ്ഭവന്‍ പബ്ലിക് ഇന്‍ഫര്‍മേഷന്‍ ഓഫീസര്‍ ശ്രീവരാഹം ബാലകൃഷ്ണന്‍ അറിയിച്ചു.
സ്വത്ത് വിവരം സംബന്ധിച്ച സ്റ്റേറ്റ്മെന്റ് നല്‍കാത്തവരെപ്പറ്റി വിവരാവകാശ നിയമപ്രകാരം അന്വേഷിച്ചപ്പോള്‍ ആറുമാസംകഴിഞ്ഞാണ് രാജ്ഭവന്‍ അധികൃതര്‍ മറുപടി നല്‍കിയത്. 30 ദിവസത്തിനകം മറുപടി നല്‍കാതെ വിവരാവകാശ നിയമത്തിലെ വ്യവസ്ഥ രാജ്ഭവന്‍ അധികൃതര്‍ ലംഘിച്ചതായി ഹ്യൂമന്‍ റൈറ്റ്സ് ഡിഫന്‍സ് ഫോറം ജനറല്‍ സെക്രട്ടറി അഡ്വ. ഡി.ബി. ബിനു ആരോപിച്ചു.

വിവരാവകാശ നിയമത്തിലെ വ്യവസ്ഥ ലംഘിച്ച രാജ്ഭവന്‍ അധികൃതര്‍ക്കെതിരെ നടപടി ആവശ്യപ്പെട്ട് സംസ്ഥാന ഇന്‍ഫര്‍മേഷന്‍ കമീഷന് ഹ്യൂമന്‍ റൈറ്റ്സ് ഡിഫന്‍സ് ഫോറം ഹരജി സമര്‍പ്പിച്ചിരിക്കുകയാണ്.

വീഴ്ച വരുത്തിയ പൊതു പ്രവര്‍ത്തകരുടെ പേര് ലോകായുക്തക്ക് അതത് വര്‍ഷം അയച്ചുകൊടുത്തിട്ടുണ്ടെന്നും നടപടിയെടുക്കേണ്ടത് ലോകായുക്തയാണെന്നുമാണ് രാജ്ഭവന്‍ പബ്ലിക് ഇന്‍ഫര്‍മേഷന്‍ ഓഫീസറുടെ വിശദീകരണം.

4. പദ്ധതി വെട്ടിക്കുറച്ചു; പണം പാര്‍ട്ടിക്കാര്‍ വഴി ചെലവാക്കും
തിരുവനന്തപുരം: ഈ സാമ്പത്തികവര്‍ഷം ഇനി പദ്ധതി വിഹിതത്തിന്റെ 40 ശതമാനം മാത്രം ചെലവഴിച്ചാല്‍ മതിയെന്ന് തദ്ദേശസ്വയംഭരണ സ്ഥാപനങ്ങള്‍ക്ക് സര്‍ക്കാര്‍ നിര്‍ദേശം നല്‍കിയതിന് പിന്നില്‍ പാര്‍ട്ടി താല്‍പര്യമെന്ന ആരോപണമുയരുന്നു. സാമ്പത്തിക പ്രതിസന്ധിമൂലമാണ് പദ്ധതി വെട്ടിച്ചുരുക്കുന്നതെന്ന് സര്‍ക്കാര്‍ വൃത്തങ്ങള്‍ വിശദീകരിക്കുന്നുണ്ടെങ്കിലും മാര്‍ച്ച് മുതല്‍ പദ്ധതി പ്രവര്‍ത്തനം ഗുണഭോക്തൃ സമിതികള്‍ക്ക് വിടുന്നതിനും മുഴുവന്‍ തുകയും അവര്‍ക്ക് വിനിയോഗിക്കാന്‍ സൌകര്യം നല്‍കുന്നതിനുമുള്ള സര്‍ക്കാര്‍ നീക്കം പാര്‍ട്ടിയുടെ പ്രവര്‍ത്തകര്‍ക്ക് പണം കൈകാര്യം ചെയ്യാന്‍ അവസരമുണ്ടാക്കുന്നതിനാണെന്നാണ് ആരോപണം.

ബജറ്റില്‍ അനുവദിച്ച പദ്ധതി വിഹിതത്തിന്റെ 15 ശതമാനം മാത്രമേ ഫെബ്രുവരിയില്‍ ഉപയോഗിക്കാവൂ എന്നാണ് സര്‍ക്കാറിന്റെ സര്‍ക്കുലര്‍. മാര്‍ച്ച് മാസത്തില്‍ 25 ശതമാനം ഉപയോഗിക്കാം. അതായത് 40 ശതമാനംവരെമാത്രം. ഇതുവരെ ഏതെങ്കിലും തദ്ദേശസ്ഥാപനം 60 ശതമാനം ഉപയോഗിച്ചു കഴിഞ്ഞിട്ടുണ്ടെങ്കില്‍ അവര്‍ക്ക് 100 ശതമാനം തികക്കാന്‍ അവസരമുണ്ട്. ഒട്ടും ഉപയോഗിച്ചിട്ടില്ലാത്തവര്‍ക്ക് 40 ശതമാനംവരെ മാത്രമേ ചെലവഴിക്കാനാകൂ. പലതദ്ദേശസ്ഥാപനങ്ങള്‍ക്കും സര്‍ക്കാറിന്റെ സര്‍ക്കുലര്‍ കുരുക്കുകളാല്‍ ഡിസംബറിലേ പദ്ധതി അനുവദിച്ച് ലഭിച്ചിട്ടുള്ളൂ. ജനുവരിയില്‍ ടെണ്ടര്‍ ചെയ്ത് ഫെബ്രുവരിയില്‍ പദ്ധതി പ്രവര്‍ത്തനം ആരംഭിക്കാനിരിക്കെയാണ് പുതിയ സര്‍ക്കുലര്‍. മൊത്തം ശരാശരി 22 ശതമാനം വരെ പദ്ധതി പ്രവര്‍ത്തനം നടന്നതായി സര്‍ക്കാര്‍ വിലയിരുത്തുന്നുണ്ട്. അങ്ങനെയെങ്കില്‍ പുതിയ സര്‍ക്കുലര്‍ പ്രകാരം ഈവര്‍ഷം 62 ശതമാനം വരെ മാത്രമേ പദ്ധതി നിര്‍വഹണം നടക്കൂ. 38 ശതമാനം വെട്ടിച്ചുരുക്കിയതായാണ് കണക്കാക്കേണ്ടത്. സേവന^ഉത്പാദന^പശ്ചാത്തല മേഖലകളിലാണ് പദ്ധതിപ്പണം ചെലവഴിക്കേണ്ടത്. ഇതില്‍ പശ്ചാത്തല മേഖല മുഴുവന്‍ കരാറുകാരാണ് കൈകാര്യം ചെയ്തുവന്നത്.

ഇനിയുള്ള മാസങ്ങളില്‍ 40 ശതമാനത്തില്‍ അധികം ചെലവഴിക്കാനാവില്ലെന്ന സര്‍ക്കുലര്‍ വന്നതോടെ ബില്‍ മാറിക്കിട്ടില്ലെന്നതിനാല്‍ കരാര്‍ ഏറ്റെടുത്ത പലരും പിന്‍മാറിക്കഴിഞ്ഞു. അഞ്ച് ലക്ഷം വരെ വരുന്ന മരാമത്ത് പണികള്‍ മുഴുവന്‍ ഗുണഭോക്തൃ സമിതികള്‍ക്ക് വിടണമെന്ന സര്‍ക്കുലര്‍ ഇതിന് പിന്നാലെയാണ് വന്നത്. സമിതിയുണ്ടാക്കി കണ്‍വീനര്‍മാരെക്കൊണ്ട് പണിനടത്താം. മാര്‍ച്ച് കഴിയുന്നതോടെ പാര്‍ട്ടി സമ്മേളനങ്ങള്‍ക്ക് ശേഷം ഭരിക്കുന്ന പ്രധാന പാട്ടികളുടെ പ്രവര്‍ത്തകര്‍ക്ക് ജോലി ഏറ്റെടുത്ത് നടത്താന്‍ അവസരം ലഭിക്കും. അങ്ങനെ പിന്‍വാതിലിലൂടെ പാര്‍ട്ടിപ്രവര്‍ത്തകര്‍ക്ക് പദ്ധതിപ്പണം കൈകാര്യം ചെയ്യാന്‍ അവസരം ലഭിക്കുമെന്നാണ് ആരോപണം.

5. കലൈഞ്ജര്‍_സണ്‍ ചാനല്‍ യുദ്ധം മൂര്‍ധന്യത്തില്‍
ചെന്നൈ: കലൈഞ്ജര്‍ ടി.വി^സണ്‍ ടി.വി പോര് തെരുവുയുദ്ധത്തിന്റെ തലത്തിലേക്ക് നീങ്ങുന്നത് തമിഴ്നാട്ടുകാര്‍ക്ക് കൌതുകം പകരുന്നു. ഡി.എം.കെ ആസ്ഥാനമായ അണ്ണാ അറിവാലയത്തില്‍തന്നെയാണ് ഇരു ടി.വി ചാനലുകളുടെയും ആസ്ഥാനമെങ്കിലും മാധ്യമരംഗത്ത് കടുത്ത ശത്രുതയാണ് ഇവര്‍ പുലര്‍ത്തുന്നത്. വാര്‍ത്തയുടെ സമയം മല്‍സരബുദ്ധിയോടെ നാള്‍ക്കുനാള്‍ മാറ്റുന്നതിനൊപ്പം ഒരു ചാനല്‍ പ്രഖ്യാപിക്കുന്ന പ്രത്യേക പരിപാടിക്ക് പാരവെക്കാന്‍ മറ്റേ ചാനല്‍ തന്ത്രം മെനയുന്നതുവരെ മാധ്യമരംഗത്തെ കുടുംബശത്രുത എത്തിയിരിക്കുന്നു.

കരുണാനിധിയുടെ അനന്തരവനായ മുന്‍ കേന്ദ്രമന്ത്രി പരേതനായ മുരശൊലിമാരന്റെ കുടുംബസ്വത്താണ് സണ്‍ ടി.വി. ഏതാനും മാസം മുമ്പ് തുടങ്ങിയ കലൈഞ്ജര്‍ ടി.വി.യാവട്ടെ, ഡി.എം.കെ.യുടെ ഔദ്യോഗിക ചാനലും.
കലൈഞ്ജര്‍ ടി.വി വന്നെങ്കിലും സണ്‍ ടി.വിയുടെ ഡി.എം.കെ അനുകൂല നിലപാടില്‍ മാറ്റമൊന്നുമുണ്ടായില്ല. ഇരു ചാനലുകളുടെയും പ്രേക്ഷകര്‍ ഒന്നുതന്നെയായതാണ് കാരണം.

സണ്‍ ടി.വിയുടെ രാത്രി എട്ടുമണിക്കുള്ള വാര്‍ത്താബുള്ളറ്റിന്‍ ഏറെ പ്രസിദ്ധമാണ്. കലൈഞ്ജര്‍ ടി.വി രാത്രി ഏഴരക്ക് വാര്‍ത്താപ്രക്ഷേപണം തുടങ്ങിയതോടെ സണ്‍ ടി.വിയും സമയം ഏഴരയിലേക്കഞ്ജര്‍ വാര്‍ത്ത ഏഴു മണിക്കാക്കി. ഒരു മുന്നറിയിപ്പുമില്ലാതെ സണ്‍ ടി.വിയും വാര്‍ത്താസമയം ഏഴുമണിയാക്കി. നാളുകള്‍ക്കിടയിലാണ് ഇതത്രയും. ചാനലുകളുടെ പോര് പ്രേക്ഷകരിലും തെല്ലല്ല നീരസമുണ്ടാക്കിയിരിക്കുന്നത്.
യുദ്ധം വാര്‍ത്താപ്രക്ഷേപണത്തിലൊതുങ്ങുന്നില്ല. ഏതാനും ആഴ്ച മുമ്പ് രജനീകാന്തിന്റെ ‘ചന്ദ്രമുഖി’ സിനിമയുടെ വിജയാഘോഷം ചെന്നൈയില്‍ നടന്നു. ഇത് പ്രത്യേകമായി സംപ്രേഷണം ചെയ്യാന്‍ കലൈഞ്ജര്‍ ടി.വി അനുമതി വാങ്ങിയിരുന്നുവത്രേ. ഇതേ പരിപാടി ഏറക്കുറെ പൂര്‍ണമായും ചിത്രീകരിച്ച് ഉടനടി സംപ്രേഷണം ചെയ്ത സണ്‍ ടി.വി, കലൈഞ്ജര്‍ക്ക് കിട്ടേണ്ടിയിരുന്ന പരസ്യവരുമാനം ഗണ്യമായി തുലച്ചുവെന്നാണ് ആരോപണം.

മെഗാസീരിയലുകളുടെയും മറ്റു പരിപാടികളുടെയും കാര്യത്തിലും ഈ കിടമല്‍സരം തുടരുകയാണെന്നാണ് ബന്ധപ്പെട്ടവര്‍ പറയുന്നത്. സണ്‍ ഗ്രൂപ്പിന്റെ ഉടമസ്ഥതയിലുള്ള സുമംഗലി കേബിള്‍ വിഷനാണ് സംസ്ഥാനത്തെ കേബിള്‍ ടി.വി ശൃംഖലയുടെ പൂര്‍ണനിയന്ത്രണം. ഇത് മറികടക്കാന്‍ സര്‍ക്കാര്‍ നേരിട്ട് കേബിള്‍ ടി.വി ശൃംഖല തുടങ്ങാന്‍ തീരുമാനിക്കുകയും പ്രത്യേക കോര്‍പറേഷന്‍ രൂപവത്കരിക്കുകയും ചെയ്തു.
സണ്‍ ഡി.ടി.എച്ചിന് തുടക്കമിട്ടാണ് മാരന്‍ സഹോദരന്മാര്‍ ഇതിനെ നേരിട്ടത്. സുമംഗലി കേബിള്‍ വിഷനില്‍ കലൈഞ്ജര്‍ ടി.വിയുടെ സംപ്രേഷണം തടഞ്ഞും മാരന്‍ കുടുംബത്തിന്റെ ചെറുത്തുനില്‍പ് തുടരുന്നു. കരാര്‍ കാലാവധി തീരാത്തതാണ് ഡി.എം.കെ ആസ്ഥാനത്തുനിന്ന് സണ്‍ ടി.വിയെ ഇറക്കിവിടാനുള്ള മുഖ്യതടസ്സമത്രേ.

1. കീറ്റമിന്‍ കടത്തിയത് ബാഗിലെ സുരക്ഷാ സീല്‍ മാറ്റിയൊട്ടിച്ച്
മലപ്പുറം: എക്സ്റേ പരിശോധനയ്ക്കു ശേഷം ബാഗിലെ സുരക്ഷാ സീല്‍ മാറ്റിയൊട്ടിച്ചാണ് കോഴിക്കോട് വിമാനത്താവളത്തിലൂടെ അഞ്ചു കോടി രൂപയുടെ കീറ്റമിന്‍ കടത്താന്‍ ശ്രമിച്ചതെന്നു വ്യക്തമായി. കീറ്റമിന്‍ ഇല്ലാത്ത ബാഗ് രണ്ടു തവണ എക്സ്റേ പരിശോധനയ്ക്കു വിധേയമാക്കി, ഒാരോ പ്രാവശ്യവും സുരക്ഷാ സീല്‍ ഇളക്കിയെടുത്ത് കീറ്റമിന്‍ അടങ്ങിയ ബാഗുകളില്‍ ഒട്ടിക്കുകയായിരുന്നു. വിമാനത്താവളത്തിലെ ക്ളോസ്ഡ് സര്‍ക്യൂട്ട് ടിവി ക്യാമറയിലെ ദൃശ്യങ്ങള്‍ ഇന്നലെ പരിശോധിച്ചപ്പോഴാണ് ഡയറക്ടറേറ്റ് ഓഫ് റവന്യു ഇന്റലിജന്‍സ് ഉദ്യോഗസ്ഥര്‍ക്ക് ഇക്കാര്യം വ്യക്തമായത്.

ശ്രീലങ്കന്‍ എയര്‍ലൈന്‍സ് വിമാനത്തില്‍ 50 കിലോഗ്രാം കീറ്റമിന്‍ കടത്താന്‍ ശ്രമിക്കുന്നതിനിടെ തമിഴ്നാട് തിരുച്ചിറപ്പള്ളി സ്വദേശി ഖാദര്‍ മൊയ്തീന്‍ ജലാലുദ്ദീന്‍, നൈന മുഹമ്മദ് ബാബു എന്നിവരെ കഴിഞ്ഞ 26ന് ഡിആര്‍ഐ അറസ്റ്റ് ചെയ്തിരുന്നു. വിമാനത്താവളത്തിനകത്തെ ബാഗേജ് പരിശോധനാ സംവിധാനത്തിലെ വീഴ്ചയാണ് കീറ്റമിന്‍ കടത്താന്‍ സംഘം മുതലാക്കിയതെന്ന് അന്വേഷണ സംഘത്തിനു ബോധ്യമായിട്ടുണ്ട്. എക്സ്റേ പരിശോധനയ്ക്കു ശേഷം, എയര്‍ലൈനിന്റെ ചെക്ക് ഇന്‍ കൌണ്ടറിലേക്ക് യാത്രക്കാരന്‍തന്നെയാണ് ബാഗേജുകള്‍ കൊണ്ടുപോകുന്നത്.  ഈ സമയത്താണ് സ്റ്റിക്കര്‍ മാറ്റിയൊട്ടിച്ചത്.

അന്വേഷണ സംഘത്തിനു ലഭിച്ച വിഡിയോ ദൃശ്യങ്ങള്‍ പ്രകാരം സംഭവം നടന്നത് ഇങ്ങനെ: പിടിയിലായ രണ്ടു പേരടക്കം, കീറ്റമിന്‍ കടത്ത് സംഘത്തിലെ മൂന്നു പേരാണ് ശനിയാഴ്ച രാവിലെ 7.28ന് രാജ്യാന്തര ടെര്‍മിനലിനകത്തെത്തിയത്. മൂന്നു പേരും ഓരോ ബാഗുകള്‍ വച്ച ട്രോളികളും തള്ളിയാണ് ടെര്‍മിനലില്‍ പ്രവേശിച്ചത്. ക്യാമറകളുടെ സാന്നിധ്യം അറിഞ്ഞുതന്നെ, അവയില്‍നിന്ന് പരമാവധി അകന്നും മുഖം വ്യക്തമാക്കാതിരിക്കാന്‍ ശ്രദ്ധിച്ചുമാണ് ടെര്‍മിനലിനകത്ത് ഇവര്‍ നടന്നത്.

രണ്ടു പേര്‍ എക്സ്റേ യന്ത്രത്തിന് അകലെയായി ട്രോളികള്‍ സഹിതം നില്‍ക്കുന്നു. മൂന്നാമന്‍ എക്സ്റേ ചെയ്ത ശേഷം സുരക്ഷാ സീല്‍ പതിച്ച തന്റെ ബാഗുമായി ഇവര്‍ക്കടുത്തേക്ക് വരുന്നു. സുരക്ഷാ സീല്‍ ഇളക്കിയെടുത്ത് ആദ്യത്തെയാളുടെ ബാഗില്‍ പതിക്കുന്നു. പിന്നീട്, രണ്ടാമന്‍ ആദ്യം സീല്‍ ഇളക്കിയെടുത്ത ബാഗ് വീണ്ടും എക്സ്റേ പരിശോധനയ്ക്കു വിധേയമാക്കുന്നു. സുരക്ഷാ  സീല്‍ വീണ്ടും പതിച്ച ബാഗുമായി മറ്റു രണ്ടുപേരുടെ അടുത്തേക്ക്. സീല്‍ വീണ്ടും ഇളക്കി മൂന്നാമത്തെ ബാഗില്‍ പതിക്കുന്നു. എക്സ്റേ ചെയ്യാത്ത ഓരോ ബാഗുകളുമായി, പിടിയിലായ രണ്ടു പേര്‍ ചെക്ക് ഇന്‍ കൌണ്ടറിലേക്ക്.  മൂന്നാമന്‍, രണ്ടു തവണ സുരക്ഷാ സീല്‍ ഇളക്കിമാറ്റിയ ബാഗുമായി ടെര്‍മിനലിനു പുറത്തേക്കു പോകുന്നു. വഴിയില്‍, ഒന്നര മിനിറ്റോളം സുരക്ഷാ ഭടനുമായി സംസാരിക്കുന്നു. പുറത്തേക്കു പോകാനുള്ള കാരണം വിശദീകരിക്കാനാണിതെന്ന് ഡിആര്‍ഐ കരുതുന്നു.

ബോര്‍ഡിങ് പാസ് ലഭിക്കുന്നതിനു മുന്‍പ് യാത്രക്കാരന് ടെര്‍മിനലിനു പുറത്തു പോകാന്‍ അനുവാദമുണ്ട്. പതിച്ച ശേഷം ഇളക്കിയാല്‍ സുരക്ഷാ സീല്‍ വീണ്ടും ചേരാത്ത വിധം കഷണങ്ങളാകണമെന്നാണ് സിവില്‍ ഏവിയേഷന്‍ നിയമം അനുശാസിക്കുന്നത്. നിലവാരം കുറവായതിനാലാണ് സുരക്ഷാ സീല്‍ കഷണങ്ങളാകാതിരുന്നതെന്നു വ്യക്തമായിട്ടുണ്ട്. ശ്രീലങ്കന്‍ എയര്‍ലൈന്‍സ് ഉപയോഗിക്കുന്ന സീലുകള്‍ ഇന്നലെത്തന്നെ ഡിആര്‍ഐ സംഘം പരിശോധിച്ചിരുന്നു.

2. വിവരാകാശ നിയമം: നടപടിയില്‍ കേരളം മൂന്നാമത്
ന്യൂഡല്‍ഹി: വിവരാവകാശ നിയമത്തിന്‍ കീഴില്‍ ലഭിച്ച പരാതികളിലും അപേക്ഷകളിലും നടപടി സ്വീകരിക്കുന്നതില്‍ ദേശീയ തലത്തില്‍ കേരളത്തിന് മൂന്നാം സ്ഥാനം. ഹരിയാനയും ആന്ധ്രപ്രദേശുമാണ് തൊട്ടു മുന്നില്‍. നിയമത്തിന്റെ പ്രചാരണത്തിനായി പ്രവര്‍ത്തിക്കുന്ന ‘പ്രിയ (സൊസൈറ്റി ഓഫ് പാര്‍ട്ടിസിപ്പേറ്ററി റിസര്‍ച് ഇന്‍ ഇന്ത്യ) പുറത്തിറക്കിയ റിപ്പോര്‍ട്ടിലാണ് ഇൌ വിവരങ്ങള്‍. വിരമിച്ച സര്‍ക്കാര്‍ ഉദ്യോഗസ്ഥരെ സംസ്ഥാന വിവരാവകാശ കമ്മിഷനുകളില്‍ നിയമിച്ചത് കേരളമടക്കമുള്ള വയില്‍ കമ്മിഷന്റെ പ്രവര്‍ത്തനത്തിനു ദോഷകരമായിട്ടുണ്ടെന്ന് റിപ്പോര്‍ട്ടില്‍ പറഞ്ഞു.

വിവരങ്ങള്‍ ഗോപ്യമായി സൂക്ഷിക്കാനുള്ള സര്‍ക്കാര്‍ സംവിധാനങ്ങളുടെ പതിവുരീതി ഇത്തരം ഉദ്യോഗസ്ഥര്‍ തുടരുന്നതായി റിപ്പോര്‍ട്ട് കുറ്റപ്പെടുത്തി. കേരളത്തില്‍ വിവരാവകാശ നിയമത്തിന്‍ കീഴില്‍ ലഭിച്ചിട്ടുള്ള പരാതികളില്‍ 62% റവന്യൂ വകുപ്പുമായി ബന്ധപ്പെട്ടതാണെന്ന് പ്രിയയുമായി സഹകരിച്ചു പ്രവര്‍ത്തിക്കുന്ന തിരുവനന്തപുരം ആസ്ഥാനമായുള്ള ‘സഹായിയുടെ പഠനത്തില്‍ കണ്ടെത്തിയിട്ടുണ്ട്. നിര്‍ദിഷ്ട സമയത്തിനകം വിവരങ്ങള്‍ നല്‍കാത്ത അധികാരികള്‍ക്ക് സംസ്ഥാന കമ്മിഷന്‍ പിഴയിട്ട ശേഷം തുടര്‍നടപടികള്‍ സംബന്ധിച്ച വിവരങ്ങള്‍ കേരളത്തില്‍ ലഭ്യമല്ല.

മാറാട് അന്വേഷണ റിപ്പോര്‍ട്ട്, മുന്‍മന്ത്രി പി.ജെ. ജോസഫിന്റെ വിമാനയാത്ര വിവാദം സംബന്ധിച്ച് ഐജി ബി.സന്ധ്യയുടെ റിപ്പോര്‍ട്ട് എന്നിവയുടെ പകര്‍പ്പ് ആവശ്യപ്പെട്ട് നല്‍കിയ അപേക്ഷകളില്‍ തക്ക സമയത്ത് മറുപടി നല്‍കാഞ്ഞതിനാല്‍ ആഭ്യന്തര വകുപ്പ് ഉദ്യോഗസ്ഥയ്ക്ക് പിഴയിട്ടിരുന്നു. എന്നാല്‍ തുടര്‍നടപടികള്‍ അജ്ഞാതമാണ്.

മതിയായ ഉദ്യോഗസ്ഥരെ നിയമിക്കാത്തതും അടിസ്ഥാന സൌകര്യങ്ങള്‍ നല്‍കാത്തതും കമ്മിഷനുകളുടെ പ്രവര്‍ത്തനത്തെ ബാധിച്ചിട്ടുണ്ട്. ഫോണിലൂടെ അപേക്ഷകള്‍ സ്വീകരിക്കാന്‍ ബിഹാറില്‍ ഏര്‍പ്പെടുത്തിയിട്ടുള്ള കോള്‍ സെന്റര്‍ സംവിധാനം മറ്റു സംസ്ഥാനങ്ങള്‍ക്ക് പകര്‍ത്താമെന്നും പ്രിയയുടെ റിപ്പോര്‍ട്ട് ശുപാര്‍ശ ചെയ്യുന്നു.

3. ദേശീയപാത 208നുള്ള ടാറും കടത്തിയതായി സൂചന
ആര്യങ്കാവ്: ദേശീയപാത 208ന് അനുവദിച്ച ബിറ്റുമെനും (ടാര്‍) തമിഴ്നാട്ടിലേക്കു കടത്തിയിരുന്നതായി സൂചന ലഭിച്ചു. കഴിഞ്ഞ ദിവസം ടാര്‍ കടത്തിയ ഒരു ലോറി വില്‍പ്പന നികുതി ഇന്റലിജന്‍സ് പിടികൂടിയതിനെ തുടര്‍ന്നാണു കൂടുതല്‍ വിവരങ്ങള്‍ പുറത്തായത്.  തെക്കന്‍ കേരളത്തിലെ ജില്ലകളിലെ റോഡ് ടാറിങ്ങിനു സര്‍ക്കാര്‍ അനുവദിച്ച ബാരല്‍കണക്കിനു ബിറ്റുമെനില്‍ നല്ലൊരു ഭാഗവും ഒരു മാസം മുന്‍പു ചെക്ക് പോസ്റ്റിലെ ചിലരുടെ ഒത്താശയോടെ തമിഴ്നാട്ടിലേക്കു കടത്തിയതായാണു വിവരം. ദേശീയപാത 208ലെ അറ്റകുറ്റപ്പണികള്‍ക്കു ടാര്‍ ക്ഷാമം നേരിട്ടതിനു കാരണം ഇതാണെന്നും സൂചനയുണ്ട്.

ചെറിയ പാക്കറ്റില്‍ ലഭിക്കുന്ന ബിറ്റുമെന്‍ ഉപയോഗിക്കുകയും അധികമായി ലഭിക്കുന്ന ബാരല്‍ ബിറ്റുമെന്‍ കടത്തുകയുമായിരുന്നു പതിവ്. രാത്രിയിലാണു ടാര്‍ അതിര്‍ത്തി കടന്നു പോകുന്നത്.   ഇത്തരത്തില്‍ ഒരു ലോഡ് ബിറ്റുമെന്‍ മുരുകന്‍പാഞ്ചാലില്‍വച്ച് ഇടനിലക്കാര്‍ വഴി കാര്യങ്ങള്‍ ഉറപ്പിച്ചശേഷം തമിഴ്നാട്ടിലേക്കു കടത്തിയതിനെക്കുറിച്ച് അന്വേഷണം തുടങ്ങിയിട്ടുണ്ട്. ഇടനിലക്കാരുമായി ബന്ധമില്ലാത്ത ഉദ്യോഗസ്ഥര്‍ ചെക്ക് പോസ്റ്റില്‍ ഉണ്ടായിരുന്നതിനാല്‍ ലോഡ് ഒന്നര ദിവസത്തോളം മുരുകന്‍പാഞ്ചാലിലും ഇടപ്പാളയത്തുമായി മാറ്റിയിട്ടിരുന്നതാണ് ആള്‍ക്കാരില്‍ സംശയം ഉണ്ടാക്കിയത്. ലോറിയെപ്പറ്റി നാട്ടുകാര്‍ പൊലീസിനെ വിവരം അറിയിച്ചെങ്കിലും നടപടിയുണ്ടായില്ല.

ലോറി പരിശോധന നടത്തിയ പൊലീസ് വന്‍തുക കയ്യിലാക്കി പ്രശ്നം ഒതുക്കുകയായിരുന്നുവെന്ന ആരോപണത്തെക്കുറിച്ചും അധികൃതര്‍ അന്വേഷിക്കുന്നുണ്ട്.  തെന്മല – ആര്യങ്കാവ് പാതയില്‍ അറ്റകുറ്റപ്പണി നടത്തിയ ഭൂരിഭാഗം പ്രദേശവും പഴയപടിയിലേക്ക് എത്തി തുടങ്ങിയതിനു കാരണം മാനദണ്ഡ പ്രകാരമുള്ള അളവില്‍ ടാര്‍ ചേര്‍ക്കാതെ പണി നടത്തിയതുമൂലമാണെന്ന് ആരോപണമുണ്ട്.

4. ഡല്‍ഹി മെട്രോ തൊഴില്‍പരമായ ധാര്‍മികതയുടെ വിജയം:ശ്രീധരന്‍
ന്യൂഡല്‍ഹി: 2020 ആകുമ്പോഴേക്കും ഡല്‍ഹിയിലും സമീപത്തുമായി 400 കിലോമീറ്റര്‍ മെട്രോ റയില്‍ നിലവില്‍വരുമെന്നു ഡല്‍ഹി മെട്രോ കോര്‍പറേഷന്‍ ചെയര്‍മാന്‍ ഇ. ശ്രീധരന്‍ വെളിപ്പെടുത്തി. സിഎന്‍എന്‍ – ഐബിഎന്‍ ഇന്ത്യന്‍ ഒാഫ് ദി ഇയര്‍ 2007 അവാര്‍ഡ് ഏറ്റുവാങ്ങുകയായിരുന്നു അദ്ദേഹം. ഡല്‍ഹി മെട്രോ വളര്‍ത്തിയെടുത്ത ചില മൂല്യങ്ങളുണ്ടെന്നും അവ ഇപ്പോള്‍ രാജ്യത്തു മറ്റു പല സ്ഥാപനങ്ങള്‍ക്കും മാതൃകയാണെന്നും ശ്രീധരന്‍ പറഞ്ഞു.

വ്യക്തികളുടെ കഴിവുകള്‍ പരമാവധി വികസിപ്പിക്കുക, തൊഴില്‍പരമായ കാര്യക്ഷമത ഉയര്‍ത്തുക, സമയം പണമാണ് എന്ന ബോധത്തോടെ പ്രവര്‍ത്തിക്കുക എന്നിവയാണു ഡല്‍ഹി മെട്രോ നല്‍കുന്ന സന്ദേശം. തൊഴില്‍പരമായ ഈ ധാര്‍മികതയാണു ഡല്‍ഹി മെട്രോയുടെ വിജയം.ഡല്‍ഹി നഗരത്തെക്കുറിച്ചു മെട്രോയ്ക്ക് ഒരു ദര്‍ശനമുണ്ട്. സുരക്ഷിതവും വിശ്വസനീയവും വേഗമേറിയതുമായ ഗതാഗതസംവിധാനം ജനങ്ങള്‍ക്കു നല്‍കുക എന്നതാണത്. ആദ്യഘട്ടം 65 കിലോമീറ്റര്‍ പൂര്‍ത്തിയാക്കിയതു ലക്ഷ്യമിട്ടതിലും രണ്ടു വര്‍ഷവും ഒന്‍പതു മാസവും നേരത്തേയാണ്.

രണ്ടാം ഘട്ടം 124 കിലോമീറ്റര്‍ പൂര്‍ത്തിയാക്കാന്‍ നല്‍കിയിരിക്കുന്ന സമയം 2010 ഒക്ടോബറില്‍ കോമണ്‍വെല്‍ത്ത് ഗെയിംസ് തുടങ്ങുന്നതിനു മുന്‍പാണ്. ഡല്‍ഹി മെട്രോയിലെ ജീവനക്കാരെ സംബന്ധിച്ചിടത്തോളം ഇതൊരു വികാരവും ലക്ഷ്യവുമാണ് – അദ്ദേഹം പറഞ്ഞു.മുംബൈ, ബാംഗൂര്‍, ചെന്നൈ, ഹൈദരാബാദ്, കൊച്ചി, കൊല്‍ക്കൊത്തയിലെ പുതിയ ലൈന്‍ എന്നിങ്ങനെ രാജ്യത്തിന്റെ വിവിധ ഭാഗങ്ങളില്‍ മെട്രോ റയില്‍ തുടങ്ങുന്നതിനുള്ള നടപടിയും ഡല്‍ഹി മെട്രോ തന്നെയാണു ചെയ്യുന്നതെന്നു ശ്രീധരന്‍ ചൂണ്ടിക്കാട്ടി.

ഈ അവാര്‍ഡ് വ്യക്തിപരമായ ബഹുമതിയായല്ല കണക്കാക്കുന്നത്. ഇതു ഡല്‍ഹി മെട്രോയിലെ അസംഖ്യം എന്‍ജിനീയര്‍മാരും സാങ്കേതിക വിദഗ്ധരും ചേര്‍ന്നു നേടിയ വിജയമാണ്. അവര്‍ക്കുള്ള അംഗീകാരമായാണ് ഇത് ഏറ്റു വാങ്ങുന്നതെന്നും അദ്ദേഹം പറഞ്ഞു.

5. ഭാവിയുടെ ആവശ്യം ഹൈടെക് പൊലീസ്:ശിവരാജ് പാട്ടീല്‍
ജയ്പൂര്‍: സാങ്കേതികവിദ്യയുടെ വളര്‍ച്ചയ്ക്കൊപ്പം ഭീകരതയുടെയും കുറ്റകൃത്യങ്ങളുടെയും സ്വഭാവം മാറുകയാണെന്നും ആണവ – ജൈവ – രാസ ഭീകരതപോലും നേരിടാന്‍ പൊലീസ് സേനകള്‍ തയാറെടുക്കണമെന്നും കേന്ദ്ര ആഭ്യന്തരമന്ത്രി ശിവരാജ് പാട്ടീല്‍ മുന്നറിയിപ്പു നല്‍കി. സാങ്കേതികവിദ്യാരംഗത്തെ പുതിയ സങ്കേതങ്ങളും അവയുടെ പ്രയോഗസാധ്യതകളും ഇന്നത്തെ സൈബര്‍ യുഗത്തില്‍ പൊലീസ് സേനയ്ക്ക് അന്യമാകാന്‍ പാടില്ലെന്നും അദ്ദേഹം അഭിപ്രായപ്പെട്ടു.

ഇതിനായി പൊലീസ് സേനയെ ആധുനികീകരിക്കാന്‍ സംസ്ഥാനങ്ങള്‍ ബജറ്റില്‍ വന്‍ തുക വകയിരുത്തേണ്ടതുണ്ടെന്നും 38-ാമത് അഖിലേന്ത്യാ പൊലീസ് സയന്‍സ് കോണ്‍ഗ്രസിലെ ഉദ്ഘാടനപ്രസംഗത്തില്‍ അദ്ദേഹം നിര്‍ദേശിച്ചു. പൊലീസിന്റെ പരിശീലനം, ആയുധസന്നാഹം, പൊലീസ് നിയമങ്ങള്‍ എന്നിവയൊക്കെ കാലോചിതമായി പരിഷ്കരിക്കപ്പെടേണ്ടതുണ്ട്. ഭാവിയില്‍ ആശുപത്രികളില്‍ ഉപയോഗിക്കുന്ന ആണവ വികിരണ പദാര്‍ഥങ്ങളുപയോഗിച്ചു ചെറുകിട അണുബോംബ് നിര്‍മിക്കാന്‍പോലും ഭീകരര്‍ ശ്രമിച്ചുകൂടെന്നില്ലെന്നു പാട്ടീല്‍ ചൂണ്ടിക്കാട്ടി.

ഭാവിയിലെ സാഹചര്യങ്ങള്‍കൂടി പരിഗണിച്ചു പ്രഫഷനല്‍ പൊലീസ് സേനയെ വളര്‍ത്തിയെടുക്കാന്‍ പൊലീസ് സര്‍വകലാശാല തുടങ്ങണമെന്ന നിര്‍ദേശം കേന്ദ്ര ഗവണ്‍മെന്റ് ഗൌരവമായി പരിഗണിക്കുകയാണെന്നും ആഭ്യന്തരമന്ത്രി വെളിപ്പെടുത്തി. ആധുനിക ഗവേഷണ – സാങ്കേതികവിദ്യാ വികസന സൌകര്യങ്ങള്‍കൂടി സമന്വയിപ്പിച്ചാകും ഇതിനു രൂപം നല്‍കുക. ആകര്‍ഷകമായ തൊഴില്‍മേഖലയായി പൊലീസിനെ വളര്‍ത്തിയെടുക്കുകകൂടിയാണ് ഇതിലൂടെ ലക്ഷ്യമിടുന്നത്.

ആഭ്യന്തരമന്ത്രാലയത്തിനു കീഴിലുള്ള അര്‍ധസൈനിക വിഭാഗങ്ങളുടെ അംഗസംഖ്യ വര്‍ധിപ്പിക്കും. കൂടുതല്‍ പൊലീസുകാരെ റിക്രൂട്ട് ചെയ്തു പൊലീസ് സേനയെ ശക്തമാക്കാന്‍ സംസ്ഥാനങ്ങളും ശ്രമിക്കണം. പൊലീസ് സേനയില്‍ വനിതാ പ്രാതിനിധ്യവും കൂട്ടാന്‍ നിര്‍ദേശം നല്‍കിയതായി പാട്ടീല്‍ പറഞ്ഞു. നിലവില്‍ ഇന്ത്യന്‍ പൊലീസ് സേനകളില്‍ 2.5% മാത്രമാണു വനിതകള്‍.

6. ബാംഗൂരില്‍ മലിനജലം കുടിച്ച് 500 പേര്‍ക്ക് രോഗം
ബാംഗൂര്‍: മലിനജലം കുടിച്ചതിനെത്തുടര്‍ന്ന് പത്തു കുട്ടികള്‍ ഉള്‍പ്പെടെ അഞ്ഞൂറിലേറെ പേര്‍ക്ക് അതിസാരവും ഛര്‍ദിയും പിടിപെട്ടതായി കോര്‍പറേഷന്‍ അധികൃതര്‍ അറിയിച്ചു. ഭാരതിനഗറിലാണ് കുടിവെള്ളത്തില്‍ മാലിന്യം കലര്‍ന്നത്. മുപ്പതു പേരെ രോഗം സാരമായി ബാധിച്ചിട്ടുണ്ട്. കോളറ ഉള്ളതായി സംശയമുള്ളവരെ  ഒാള്‍ഡ് മദ്രാസ്  റോഡിലെ എസെലേഷന്‍  ആശുപത്രിയിലേക്ക് മാറ്റി.

ജലജന്യ രോഗങ്ങള്‍ പടര്‍ന്നുപിടിച്ചതിനെ തുടര്‍ന്ന് പ്രദേശത്തെ നൂറുക്കണക്കിന് കുടുംബങ്ങള്‍ പരിഭ്രാന്തിയിലാണ്. കഴിഞ്ഞ രണ്ടു ദിവസമായി ഭാരതിനഗര്‍, തിമ്മയ്യ റോഡ്, നീലസന്ദ്ര ഭാഗങ്ങളില്‍ ഇരുനൂറോളം പേര്‍ക്ക് രോഗം ബാധിച്ചിരുന്നു. തിമ്മയ്യറോഡിലെ വീട്ടമ്മ മരിച്ചത് മലിനജലം കുടിച്ചതു മൂലമാണെന്ന ആരോപണവുമുണ്ട്. പ്രദേശത്തെ അഴുക്കുചാലുകള്‍ യുദ്ധകാലാടിസ്ഥാനത്തില്‍ വൃത്തിയാക്കിക്കൊണ്ടിരിക്കുകയാണ്. ഈ ഭാഗത്തേക്ക് പൈപ്പ് ലൈന്‍ മുഖേനയുള്ള കുടിവെള്ള വിതരണം നിര്‍ത്തി പകരം ടാങ്കര്‍ ലോറികളിലാണ്  ജലവിതരണം.

7. പക്ഷിപ്പനി: പരിശോധന ഉപേക്ഷിച്ചത് സമ്മര്‍ദംമൂലം
തൊടുപുഴ: പക്ഷിപ്പനിയെക്കുറിച്ചു കേരളത്തിലെ മൃഗസംരക്ഷണ വകുപ്പ് ഉദ്യോഗസ്ഥര്‍ നാമക്കലില്‍ നടത്തിയ പരിശോധന പാതിവഴിയില്‍ ഉപേക്ഷിക്കേണ്ടി വന്നതു തമിഴ്നാടിന്റെ സമ്മര്‍ദംമൂലം. കേരളത്തില്‍നിന്നുള്ള ഉദ്യോഗസ്ഥ സംഘത്തിന്റെ പരിശോധനയില്‍ പക്ഷിപ്പനി സംബന്ധിച്ച ഒളിച്ചുകളികള്‍ പുറത്താകുമെന്നായതോടെയാണു പൌള്‍ട്രി ഫാം ലോബി ചരടു വലിച്ചത്.

കഴിഞ്ഞ ശനിയാഴ്ചയാണ് വെറ്ററിനറി വകുപ്പ് ഉന്നത ഉദ്യോഗസ്ഥ സംഘം പക്ഷിപ്പനി ഭീതി നിലനില്‍ക്കുന്ന നാമക്കലില്‍ സന്ദര്‍ശനത്തിന് എത്തിയത്. കാര്യമായ തയാറെടുപ്പോ സര്‍ക്കാര്‍ നിര്‍ദേശമോ ഇല്ലാതെ നാമക്കലില്‍ എത്തിയ സംഘത്തെ ഒരുഫാമില്‍ പോലും ഉടമകള്‍ പ്രവേശിപ്പിച്ചില്ല.

കേരള സംഘത്തിന്റെ സന്ദര്‍ശനത്തിന്റെ ഗൌരവം മനസിലാക്കിയ ഫാം ഉടമകള്‍ ഉടന്‍ തമിഴ്നാട് മുഖ്യമന്ത്രി തലത്തില്‍ സമ്മര്‍ദ്ദം ചെലുത്തി. ഉടന്‍തന്നെ തമിഴ്നാട് മൃഗസംരക്ഷണ വകുപ്പ് സംസ്ഥാന സര്‍ക്കാരുമായി ബന്ധപ്പെട്ടു.
അനുമതിയും അറിവും കൂടാതെയുള്ള പരിശോധനയുടെ ബുദ്ധിമുട്ടുകള്‍ ഇവര്‍ ധരിപ്പിച്ചുവെന്നാണ് അറിവ്. ഇതേത്തുടര്‍ന്നാണു പോയതിലും വേഗത്തില്‍ മടങ്ങാന്‍ കേരള സംഘത്തോട് വെറ്ററിനറി ഡയറക്ടര്‍ നിര്‍ദേശിച്ചത്.

”സംഭവം ഗുരുതരമാണ്, ഉന്നതങ്ങളില്‍ നിന്നുള്ള ഇടപെടലാണ്, ഉടന്‍ മടങ്ങുക എന്നായിരുന്നു കേരള സംഘത്തിനു ലഭിച്ച സന്ദേശം. ഇതോടെ ഒരു ഫാം പോലും കാണാതെ സംഘം മടങ്ങി. പക്ഷിപ്പനിയല്ല, കോഴിവസന്തയാണ് തമിഴ്നാട്ടിലെന്ന സര്‍ക്കാര്‍ വിശദീകരണം റിപ്പോര്‍ട്ടാക്കി സംഘം ജോലി തീര്‍ക്കുകയും ചെയ്തു.

8. റിയല്‍ എസ്റ്റേറ്റ് മേഖലയ്ക്കും വാഹന വിപണിക്കും നിരാശ
കൊച്ചി: പലിശ നിരക്കുകള്‍ കുറയ്ക്കാനുതകുന്ന നിര്‍ദേശങ്ങള്‍ റിസര്‍വ് ബാങ്ക് ഗവര്‍ണര്‍ വൈ.വി. റെഡ്ഡിയുടെ ത്രൈമാസ നയപ്രഖ്യാപനത്തിലില്ലാതെപോയതു റിയല്‍ എസ്റ്റേറ്റ്, വാഹന വ്യവസായ മേഖലകളുടെ പ്രതീക്ഷകള്‍ തെറ്റിച്ചു. ബാങ്കിങ് മേഖലയും ഒരളവു വരെ പലിശ നിരക്കുകളില്‍ ഇളവു പ്രതീക്ഷിച്ചിരുന്നതാണ്.

റിയല്‍ എസ്റ്റേറ്റ് മേഖലയില്‍ പരക്കെ അനുഭവപ്പെടുന്ന മാന്ദ്യത്തിനുള്ള പ്രധാന കാരണങ്ങളിലൊന്ന് ഉയര്‍ന്ന നിരക്കിലുള്ള പലിശയാണ്. അസ്വാഭാവിക നിലയില്‍ വില വര്‍ധിച്ചതിനെ തുടര്‍ന്നുളവായ സ്വാഭാവികമായ തിരുത്തല്‍വേള കൂടിയായപ്പോള്‍ മാന്ദ്യത്തിനു ദൈര്‍ഘ്യമേറിയിരിക്കുന്നു. പലിശ നിരക്കുകളില്‍ കുറവു വരുത്തിയിരുന്നെങ്കില്‍ റിയല്‍ എസ്റ്റേറ്റ് മേഖലയ്ക്കു കുറച്ചെങ്കിലും പ്രസരിപ്പു വീണ്ടെടുക്കാനാകുമായിരുന്നു.

വാഹന വിപണിയെയും ഉയര്‍ന്ന പലിശ നിരക്കുകള്‍ വല്ലാതെ ബാധിച്ചിട്ടുണ്ട്; പ്രത്യേകിച്ചും ഇരു ചക്ര വാഹനങ്ങളുടെ വിപണിയെ. കിട്ടാക്കടം വര്‍ധിച്ച സാഹചര്യത്തില്‍ പല സ്ഥാപനങ്ങളും ഇരു ചക്ര വാഹനങ്ങള്‍ക്കു വായ്പ അനുവദിക്കാത്ത സ്ഥിതിവരെയുണ്ട്.

വായ്പ വിതരണത്തിന്റെ തോതു പോതുവേ കുറഞ്ഞിരിക്കുന്ന പശ്ചാത്തലത്തില്‍ പലിശ നിരക്കുകള്‍ കുറയ്ക്കാന്‍ പ്രേരിപ്പിക്കുന്ന നയം മാറ്റം ബാങ്കിങ് മേഖല ആഗ്രഹിച്ചിരുന്നു. എന്നാല്‍ അതുണ്ടായില്ല. പക്ഷേ പലിശ നിരക്കുകള്‍ സ്വയം കുറയ്ക്കാന്‍ ചില വാണിജ്യ ബാങ്കുകളെങ്കിലും മുന്‍കയ്യെടുത്തെന്നു വരാം. വായ്പയിന്‍മേല്‍ ഈടാക്കുന്ന പലിശയില്‍ കുറവു വരുത്താനായിരിക്കും ഈ ബാങ്കുകള്‍ ആദ്യം തയാറാകുക. ഇതാകട്ടെ ബാങ്കിങ് മേഖലയില്‍ പലിശ യുദ്ധത്തിനു വഴിതുറക്കും.

യുഎസ് ഫെഡറല്‍ റിസര്‍വ് കഴിഞ്ഞ ആഴ്ച അടിയന്തരമായി പലിശ നിരക്കില്‍ 0.75% വെട്ടിക്കുറവു വരുത്തിയിരുന്നു. യുഎസ് ഫെഡറല്‍ റിസര്‍വിന്റെ പണ, വായ്പ നയ സമിതിയായ ഫെഡറല്‍ ഓപ്പണ്‍ മാര്‍ക്കറ്റ് കമ്മിറ്റി (എഫ്ഒഎംസി) ഇന്നു വീണ്ടും യോഗം ചേരുന്നുണ്ട്.

പലിശ നിരക്കുകള്‍ അര ശതമാനം വരെ വെട്ടിക്കുറയ്ക്കാന്‍ യോഗത്തില്‍ തീരുമാനമുണ്ടാകുമെന്നു പ്രതീക്ഷിക്കുന്നു.അങ്ങനെയെങ്കില്‍ യുഎസ് നിരക്കും ഇന്ത്യയിലെ നിരക്കും തമ്മിലുള്ള അന്തരം കൂടും. ഇന്ത്യയിലേക്കു കനത്ത ഡോളര്‍ പ്രവാഹമുണ്ടാകുകയായിരിക്കും ഫലം. അതാകട്ടെ റിസര്‍വ് ബാങ്കിനു തലവേദനയാകുകയും ചെയ്യും.



1 അഭിപ്രായം

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 29-01-08

1. കേരള ശാസ്ത്ര കോണ്‍ഗ്രസ് തുടങ്ങി
തിരു: ഇരുപതാമത് കേരള ശാസ്ത്ര കോണ്‍ഗ്രസിന് തലസ്ഥാനത്ത് തുടക്കമായി. ഗവേഷണസ്ഥാപനങ്ങളുടെ ഉന്നമനവും സംസ്ഥാനത്തെ വികസനപ്രശ്നങ്ങള്‍ പരിഹരിക്കുന്നതിനായി ശ്രമിക്കുന്ന സ്ഥാപനങ്ങളെ പ്രോത്സാഹിപ്പിക്കുന്നതും ലക്ഷ്യമിട്ടാണ് സയന്‍സ് കോണ്‍ഗ്രസ് നടത്തുന്നത്. സെനറ്റ് ഹാളില്‍ നടന്ന ചടങ്ങില്‍ മുഖ്യമന്ത്രി വി എസ് അച്യുതാനന്ദന്‍ കോണ്‍ഗ്രസ് ഉദ്ഘാടനം ചെയ്തു.

ജനുവരി 31 വരെ നീണ്ടുനില്‍ക്കുന്ന കോണ്‍ഗ്രസില്‍ ആരോഗ്യരംഗത്തെ വെല്ലുവിളികളാണ് മുഖ്യ ചര്‍ച്ചാവിഷയം. കോണ്‍ഗ്രസിനോട് അനുബന്ധിച്ച് ചൊവ്വാഴ്ച മുതല്‍ നാലാഞ്ചിറയിലെ കൊട്ടേക്കാട്ട് കണ്‍വെന്‍ഷന്‍ സെന്ററില്‍ സാങ്കേതിക പരിപാടികള്‍ ആരംഭിക്കും. രാവിലെ ഒമ്പതിന് പ്രൊഫ എം എസ് വല്യത്താന്‍ പ്രൊഫ. പി ആര്‍ പിഷാരടി അനുസ്മരണപ്രഭാഷണം നടത്തും. തുടര്‍ന്ന് കേരളത്തിന്റെ ആരോഗ്യപ്രതിസന്ധികള്‍-പകര്‍ച്ചവ്യാധികളുടെ ആവിര്‍ഭാവവും പുനരാവിര്‍ഭാവവും എന്ന വിഷയത്തില്‍ ചര്‍ച്ച നടക്കും. ഡോ. ബി ഇക്ബാല്‍, ഡോ. സി ആര്‍ സോമന്‍, ഡോ. കെ ആര്‍ ലീല, ഇട്ടിയമ്മ, ഡോ. വി രാമന്‍കുട്ടി തുടങ്ങിയവര്‍ പ്രബന്ധങ്ങള്‍ അവതരിപ്പിക്കും.

ആകെ ലഭിച്ച 472 പ്രബന്ധങ്ങളില്‍നിന്ന് 210 എണ്ണം കോണ്‍ഗ്രസില്‍ അവതരിപ്പിക്കും. യുവശാസ്ത്ര പുരസ്കാരത്തിനായി 48 പേര്‍ മത്സരിക്കുന്നുണ്ട്. ജനുവരി മുപ്പതിന് അഞ്ച് വേദികളിലായി ഒരേസമയം ശാസ്ത്രപ്രബന്ധങ്ങള്‍ അവതരിപ്പിക്കും. 31ന് ഉച്ചവരെയുള്ള സെഷനില്‍ ബാലശാസ്ത്രജ്ഞര്‍ പ്രബന്ധങ്ങള്‍ അവതരിപ്പിക്കും. കുട്ടികളുടെ ശാസ്ത്രകോണ്‍ഗ്രസില്‍ എല്ലാ ജില്ലകളില്‍ നിന്നുമായി ഇരുനൂറോളം കുട്ടികള്‍ പങ്കെടുക്കും.

സെനറ്റ് ഹാളില്‍ നടന്ന ചടങ്ങില്‍ ശാസ്ത്രസാങ്കേതിക പരിസ്ഥിതി കൌണ്‍സില്‍ വൈസ് പ്രസിഡന്റ് ഡോ. ഇ പി യശോദരന്‍ അധ്യക്ഷനായിരുന്നു. കേരള സര്‍വകലാശാല വൈസ് ചാന്‍സലര്‍ ഡോ. എം കെ രാമചന്ദ്രന്‍നായര്‍, സയന്‍സ് കോണ്‍ഗ്രസ് ചെയര്‍മാന്‍ ഡോ. ആര്‍ വി ജി മേനോന്‍, ജനറല്‍ കണ്‍വീനര്‍ ടി ഇളങ്കോവന്‍, ഡോ. സി പി സൈഗാള്‍, ഡോ. കമലാക്ഷന്‍ കോക്കല്‍ എന്നിവര്‍ സംസാരിച്ചു. കോണ്‍ഗ്രസിന്റെ സിഡി മുഖ്യമന്ത്രി പ്രകാശനംചെയ്തു.

2. സ്വാശ്രയ മെഡിക്കല്‍ മെറിറ്റിലും ഗ്രാമീണസേവനം നിര്‍ബന്ധം
കൊച്ചി: സ്വാശ്രയ മെഡിക്കല്‍ കോളേജുകളില്‍ മെഡിക്കല്‍- ദന്തല്‍ കോഴ്സുകളില്‍ സര്‍ക്കാര്‍ മെറിറ്റ് സീറ്റില്‍ പ്രവേശനം നേടുന്നവര്‍ക്കും ഗ്രാമീണസേവനം നിര്‍ബന്ധമാക്കി. പ്രൊഫഷണല്‍ കോഴ്സുകള്‍ക്കുള്ള ഈ വര്‍ഷത്തെ പൊതുപ്രവേശന പരീക്ഷയുടെ പ്രോസ്പെക്ടസിലാണ് ഈ വ്യവസ്ഥ ഉള്‍പ്പെടുത്തിയത്. ഏപ്രില്‍ 21മുതല്‍ 24വരെയാണ് പ്രവേശനപ്പരീക്ഷ. പ്രസ്ക്ളബില്‍ നടന്ന ചടങ്ങില്‍ വിദ്യാഭ്യാസമന്ത്രി എം എ ബേബിയാണ് പ്രോസ്പെക്ടസ് പ്രകാശനംചെയ്തത്.

കാതലായ ഒമ്പത് മാറ്റങ്ങളോടെയാണ് ഈ വര്‍ഷം പൊതുപ്രവേശനപ്പരീക്ഷ നടത്തുന്നതെന്ന് മന്ത്രി പറഞ്ഞു. സ്വാശ്രയ മെഡിക്കല്‍ കോളേജുകളില്‍ സര്‍ക്കാര്‍ സീറ്റില്‍ പ്രവേശനം നേടുന്നവര്‍ക്ക് ഒന്നുമുതല്‍ മൂന്നുവര്‍ഷംവരെയാണ് ഗ്രാമീണസേവനം. സര്‍ക്കാര്‍ കോളേജുകളില്‍ പ്രവേശനം ലഭിക്കുന്നവര്‍ക്ക് നേരത്തേ ഈ നിബന്ധനയുണ്ട്. ഇതുസംബന്ധിച്ച് ഓരോ വിദ്യാര്‍ഥിയും പ്രവേശനസമയത്ത്് സര്‍ക്കാരിന് ബോണ്ട് നല്‍കണം. സര്‍ക്കാര്‍ കോളേജുകളില്‍നിന്ന് ബിരുദമെടുത്തശേഷം ഗ്രാമീണസേവനത്തിന് തയ്യാറാകാത്തവര്‍ 5 ലക്ഷം രൂപയും അവരുടെ വിദ്യാഭ്യാസത്തിന് സര്‍ക്കാര്‍ ചെലവാക്കിയ തുകയും തിരിച്ചടയ്ക്കണം. സ്വാശ്രയ കോളേജുകളില്‍ പഠിച്ചിറങ്ങുന്നവര്‍ 5 ലക്ഷം രൂപ സര്‍ക്കാരിലേക്ക് അടയ്ക്കേണ്ടിവരും.

സാമൂഹ്യമായും വിദ്യാഭ്യാസപരമായും പിന്നോക്കംനില്‍ക്കുന്നവരുടെ ആനുകൂല്യങ്ങള്‍ക്കുള്ള ജാതി- വരുമാന സര്‍ട്ടിഫിക്കറ്റുകളുടെ പരിശോധന കൂടുതല്‍ കര്‍ശനവും കാര്യക്ഷമവുമാക്കും. വ്യാജ വരുമാന സര്‍ട്ടിഫിക്കറ്റ് നല്‍കുന്നവരുടെ അലോട്ട്മെന്റും പ്രവേശനവും റദ്ദാക്കും. ഇത്തരം വിദ്യാര്‍ഥികളെ അടുത്ത രണ്ടുവര്‍ഷം പരീക്ഷ എഴുതുന്നതില്‍നിന്ന് വിലക്കും. ഒഇസി വിഭാഗം വിദ്യാര്‍ഥികളെ വാര്‍ഷിക കുടുംബവരുമാനപരിധി കണക്കാക്കാതെ അലോട്ട്മെന്റ്സമയത്ത് ഫീസ് അടയ്ക്കുന്നതില്‍നിന്ന് ഒഴിവാക്കി.

പൊതുപ്രവേശന പരീക്ഷാ റാങ്ക്ലിസ്റ്റില്‍നിന്ന് സര്‍ക്കാരിന്റെ മുന്‍കൂര്‍ അനുമതിവാങ്ങാതെ സ്വാശ്രയ സ്ഥാപനങ്ങള്‍ പ്രവേശനം നടത്താന്‍ പാടില്ല. ഓവര്‍സീസ് സിറ്റിസണ്‍ഷിപ്പ് ഓഫ് ഇന്ത്യ കാര്‍ഡുള്ളവര്‍ക്കും പേഴ്സണ്‍ ഓഫ് ഇന്ത്യന്‍ ഒറിജിന്‍ കാര്‍ഡുള്ളവരെപ്പോലെ പ്രവേശനത്തിന് അര്‍ഹതയുണ്ടാകും.

പ്രവേശനത്തിനുള്ള അടിസ്ഥാനയോഗ്യത പ്രവേശനദിനത്തിലെങ്കിലും നേടിയാല്‍മതി എന്ന ഭേദഗതിയും വരുത്തി. ദന്തല്‍ കോഴ്സിന്റെ കാലാവധി നാലരവര്‍ഷവും ഒരുവര്‍ഷം ഇന്റേണ്‍ഷിപ്പുമെന്നത് മൊത്തം അഞ്ചുവര്‍ഷമായി കുറച്ചു. പൊതുപ്രവേശന പരീക്ഷയില്‍ ആദ്യമായി ബാച്ചിലര്‍ ഓഫ് ഫിസിയോത്തെറാപ്പി (ബിപിടി) കോഴ്സിനെയും ഉള്‍പ്പെടുത്തി. ഈവര്‍ഷം മുതല്‍ കേരള കാര്‍ഷിക സര്‍വകലാശാലയുടെ ബിഎസ്സി അഗ്രിക്കള്‍ച്ചര്‍, ബിഎസ്സി ഫോറസ്ട്രി കോഴ്സുകള്‍ ഓണേഴ്സ് കോഴ്സുകളാകും.

പൊതുപ്രവേശന പരീക്ഷയ്ക്കുള്ള അപേക്ഷാഫോറവും പ്രോസ്പെക്ടസും തിങ്കളാഴ്ചമുതല്‍ വിതരണം തുടങ്ങി. എസ്ബിടി യുടെ 53ഉം കനറ ബാങ്കിന്റെ 96ഉം ശാഖകളിലായി മൊത്തം 149 കേന്ദ്രങ്ങള്‍വഴിയാണ് വിതരണം. പൂരിപ്പിച്ച അപേക്ഷ ഫെബ്രുവരി 29ന് വൈകിട്ട് അഞ്ചിനുമുമ്പ് പ്രവേശനപരീക്ഷാ കമീഷണറുടെ ഓഫീസില്‍ ലഭിക്കണം.

മാനേജ്മെന്റ് ഫീസടച്ചില്ല; പരീക്ഷ മുടങ്ങിയ വിദ്യാര്‍ഥികള്‍ സ്ഥാപന ഉടമയെ തടഞ്ഞുവച്ചു
അമ്പലപ്പുഴ: കോളേജ് മാനേജ്മെന്റ് പരീക്ഷാഫീസടയ്ക്കാത്തതിനാല്‍ ഹാള്‍ടിക്കറ്റ് ലഭിക്കാതെ പരീക്ഷ മുടങ്ങിയ വിദ്യാര്‍ഥികള്‍ സ്ഥാപന ഉടമയെ തടഞ്ഞുവച്ചു. വണ്ടാനം പള്ളിമുക്കിന് സമീപം സിക്കിം-മണിപ്പാല്‍ യൂണിവേഴ്സിറ്റിയുടെ കോഴ്സുകള്‍ നടത്തുന്ന ക്രൈസ്റ്റ് കോളേജ് ഓഫ് അലൈഡ് ഹെല്‍ത്ത് സയന്‍സ് എന്ന സ്ഥാപനത്തിലാണ് സംഭവം. വിദ്യാര്‍ഥികളില്‍ നിന്ന് പരീക്ഷാഫീസായി വാങ്ങിയ പണം സര്‍വകലാശാലയില്‍ അടച്ചില്ലെന്ന് ആരോപിച്ച് വിദ്യാര്‍ഥികളും രക്ഷിതാക്കളും ചേര്‍ന്ന് സ്ഥാപന ഉടമയും നടത്തിപ്പുകാരിയുമായ ചങ്ങനാശേരി സ്വദേശിനി ഹെല്‍ഡ വര്‍ഗീസിനെയാണ് മണിക്കൂറുകളോളം തടഞ്ഞുവെച്ചത്.

ബിഎസ്സി, എംഎല്‍ടി, ഡിആര്‍ഐടി, എച്ച്ഐഎ, എംബിഎ, എക്സ്റേ, സിടി സ്കാന്‍, ഡിഎംഎല്‍ടി തുടങ്ങി ഒന്നുമുതല്‍ മൂന്നുവര്‍ഷം വരെ ദൈര്‍ഘ്യമുള്ള കോഴ്സാണ് മൂന്നുവര്‍ഷത്തിന് മുമ്പാരംഭിച്ച ഈ സ്ഥാപനത്തില്‍ പഠിപ്പിക്കുന്നത്. ആവശ്യമുള്ള ജീവനക്കാരോ യോഗ്യതയുള്ള അധ്യാപകരോ മതിയായ ലബോറട്ടറി സൌകര്യമോ ഇല്ലെന്ന് വിദ്യാര്‍ഥികള്‍ പറയുന്നു.

ആറ് സെമസ്റ്ററുകളുള്ള വിഷയങ്ങള്‍ക്ക് ഒന്നിന് 17,200 രൂപയാണ് സ്ഥാപനം ഒരു വിദ്യാര്‍ഥിയില്‍ നിന്നും വാങ്ങുന്നത്. ഇതില്‍ 8,700 രൂപ സര്‍വകലാശാല ഫീസ് കഴിച്ചാല്‍ ബാക്കി ട്രയിനിങ് ഫീസാണ്. ഒന്നോ രണ്ടോദിവസം വൈകിയാല്‍ ആയിരം രൂപയ്ക്ക് മുകളില്‍ ഫൈന്‍ ഒടുക്കേണ്ടി വരുമെന്ന് രക്ഷിതാക്കള്‍ പറഞ്ഞു.

സംസ്ഥാനത്തിന്റെ വിവിധ ഭാഗങ്ങളില്‍ നിന്ന് ഇവിടെയുള്ള 44ഓളം വിദ്യാര്‍ഥികളില്‍ 24 പേര്‍ സ്ഥിരമായും ബാക്കിയുള്ളവര്‍ കറസ്പോണ്ടന്‍സ് കോഴ്സിനും ചേര്‍ന്ന് പഠിക്കുകയാണ്. ഭൂരിപക്ഷം വിദ്യാര്‍ഥികളും ബാങ്കില്‍ നിന്ന് ലോണെടുത്താണ് പഠിക്കുന്നത്.

ചങ്ങനാശേരി ചെത്തിപ്പുഴ സെന്റ്തോമസ് കോളേജിന്റെ പ്രിന്‍സിപ്പലായിരുന്നപ്പോള്‍ വിദ്യാര്‍ഥികളുടെ പരീക്ഷാഫീസ് തിരിമറി നടത്തിയതിന് ഹെല്‍ഡ വര്‍ഗീസിനെ മുറിയ്ക്കുള്ളില്‍ പൂട്ടിയിട്ടിരുന്നതായും ആരോപണമുണ്ട്.

ബാങ്ക് വായ്പയെടുത്ത് പഠിക്കുന്ന വിദ്യാര്‍ഥികള്‍ നല്‍കിയിട്ടുള്ള പരീക്ഷാഫീസ് ഉള്‍പ്പെടെയുള്ള മുഴുവന്‍ തുകയും ഉടന്‍ നല്‍കണമെന്നാണ് വിദ്യാര്‍ഥികളുടെയും രക്ഷിതാക്കളുടെയും ആവശ്യം. ഡിവൈഎഫ്ഐ അമ്പലപ്പുഴ ഏരിയസെക്രട്ടറി അഡ്വ. ജെ ഷേര്‍ളി, മേഖലാസെക്രട്ടറി മുജീബ് റഹ്മാന്‍, എസ്എഫ്ഐ ഏരിയസെക്രട്ടറി ജയേഷ് എന്നിവരുടെ നേതൃത്വത്തില്‍ ചര്‍ച്ച നടത്തി.

വിദ്യാര്‍ഥികളെയും മാനേജര്‍ ഹെല്‍ഡ വര്‍ഗീസിനെയും പുന്നപ്ര പൊലീസ് സ്റ്റേഷനില്‍ എത്തിച്ച് ഒത്തുതീര്‍പ്പുചര്‍ച്ച നടത്തി. കുട്ടികളില്‍ നിന്ന് ഈടാക്കിയിട്ടുള്ള മുഴുവന്‍ പണവും ഫെബ്രുവരിയില്‍ നല്‍കാമെന്ന് സ്ഥാപന ഉടമ ഉറപ്പുനല്‍കി.

3. സ്മാര്‍ട്ട്സിറ്റിക്കു സമീപം 65 ലക്ഷത്തിന്റെ ഭൂമി തട്ടിയെടുത്തു
കൊല്ലം: സ്മാര്‍ട്ട്സിറ്റിക്കു സമീപം 65 ലക്ഷംരൂപ വിലയുള്ള വസ്തു, ഉടമ അറിയാതെ കുടുംബസുഹൃത്തും സംഘവും വ്യാജരേഖ ചമച്ച് കൈവശപ്പെടുത്തി. ബിസിനസുകാരനായ മൈനാഗപ്പള്ളി കണ്ടത്തില്‍ അബ്ബാസിന്റെ 43.5 സെന്റ് ഭൂമി സുഹൃത്തായ എറണാകുളം പനമ്പള്ളിനഗര്‍ സ്വദേശിയുടെ നേതൃത്വത്തിലുള്ള സംഘം കൈവശപ്പെടുത്തിയെന്നാണ് കേസ്. ആള്‍മാറാട്ടം, വ്യാജരേഖചമയ്ക്കല്‍ എന്നിവ അരങ്ങേറിയ ഇടപാടില്‍ സബ്രജിസ്ട്രാര്‍ ഉള്‍പ്പെട്ട ഒമ്പതംഗ സംഘത്തിനെതിരെ അബ്ബാസ് കോലഞ്ചേരി മജിസ്ട്രേട്ട് കോടതിയില്‍ ഹര്‍ജി ഫയല്‍ചെയ്തു.

കുന്നത്തുനാട് താലൂക്കിലെ മഴുവന്നൂര്‍ വില്ലേജിലാണ് അബ്ബാസിന്റെ 43.5 സെന്റ് ഭൂമി. ഇതുള്‍പ്പെടെ 73.5 സെന്റ് സ്ഥലം അബ്ബാസിന് ഉണ്ടായിരുന്നു. അബ്ബാസ് 1998 മുതല്‍ എറണാകുളത്ത് വാടകയ്ക്കാണ് താമസം. 2003ല്‍ സുഹൃത്തിന്റെ വീട്ടില്‍ വാടകയ്ക്കു താമസമാക്കി. 2004ലാണ് അബ്ബാസ് സ്ഥലം വാങ്ങുന്നത്. രണ്ട് ആധാരങ്ങളിലായി 73.5 സെന്റ് രജിസ്റ്റര്‍ ചെയ്തു. ഭൂമി വാങ്ങി ഏറെ കഴിയുംമുമ്പ് 30 സെന്റിന്റെ ആധാരം പണയംവച്ച് കൊച്ചി എച്ച്എസ്ബിസി ബാങ്കില്‍നിന്ന് വായ്പയെടുക്കേണ്ടിവന്നു. തുടര്‍ന്ന് ബിസിനസ് മതിയാക്കി 2005ല്‍ അബ്ബാസ് നാട്ടിലേക്ക് മടങ്ങുകയും ചെയ്തു. വായ്പാ തിരിച്ചടവ് മുടങ്ങിയതിനാല്‍ 30 സെന്റ് ഭൂമി ബാങ്ക് അറ്റാച്ച് ചെയ്യാന്‍ നടപടിയെടുത്തു.

ബാങ്ക് അറ്റാച്ച്മെന്റ് ഒഴിവാക്കാനെന്ന പേരില്‍ 2006ല്‍ അബ്ബാസിനെ സമീപിച്ച സുഹൃത്ത് 43.5 സെന്റ് ഭൂമിയുടെ ഒറിജിനല്‍ ആധാരം കൈവശപ്പെടുത്തി. ഏറെ താമസിയാതെ അബ്ബാസ് വായ്പാകുടിശ്ശികയുമായി സുഹൃത്തിനെ സമീപിച്ചു. എന്നാല്‍, അയാള്‍ ഉരുണ്ടുകളിച്ചു. സംശയംതോന്നിയ അബ്ബാസ് ബാങ്കിലെത്തി അന്വേഷിച്ചപ്പോള്‍ 30 സെന്റ് ഭൂമി അറ്റാച്ച് ചെയ്തെന്നും 43.5 സെന്റിന്റെ പ്രമാണം ബാങ്ക് വാങ്ങിയിട്ടില്ലെന്നും അറിയാന്‍ കഴിഞ്ഞു. വസ്തു പട്ടിമറ്റത്ത് സ്വദേശിയായ ഒരാളുടെ പേരില്‍ പുത്തന്‍കുരിശ് സബ്രജിസ്ട്രാര്‍ ഓഫീസില്‍വച്ച് വിലയാധാരം രജിസ്റ്റര്‍ ചെയ്തതായും കണ്ടെത്തി.

പനമ്പള്ളി നഗര്‍ സ്വദേശിയെ ഒന്നാംപ്രതിയാക്കിയും വസ്തു വാങ്ങിയ ആളെ രണ്ടാംപ്രതിയാക്കിയുമാണ് അബ്ബാസ് ഇപ്പോള്‍ ഹര്‍ജി ഫയല്‍ചെയ്തിരിക്കുന്നത്. ആധാരമെഴുത്തുകാരന്‍, രണ്ടുസാക്ഷികള്‍, ആള്‍മാറാട്ടക്കാരനായ വസ്തുഉടമയെ തിരിച്ചറിഞ്ഞ രണ്ടു സാക്ഷികള്‍, പുത്തന്‍കുരിശ് സബ്രജിസ്ട്രാര്‍, അബ്ബാസിന്റെ ഡ്യൂപ്പ് എന്നിവരാണ് യഥാക്രമം മൂന്നുമുതല്‍ ഒമ്പതുവരെ പ്രതികള്‍.

അഡ്വ. വെളിയം കെ എസ് രാജീവ് മുഖേന ഫയല്‍ചെയ്ത ഹര്‍ജി തുടര്‍നടപടികള്‍ക്കായി പുത്തന്‍കുരിശ് പൊലീസ്സ്റ്റേഷന് കൈമാറിയിരിക്കുകയാണ് ഇപ്പോള്‍.

1. ബേബി ജോണ്‍ അന്തരിച്ചു
കൊല്ലം: മുന്‍ മന്ത്രിയും മുതിര്‍ന്ന ആര്‍.എസ്.പി നേതാവുമായിരുന്ന ബേബി ജോണ്‍ അന്തരിച്ചു. കൊല്ലത്തെ ബിഷപ്പ് ബെന്‍സിന്‍ ആശുപത്രിയില്‍ ഇന്ന് പുലര്‍ച്ചെ 1.05 നായിരുന്നു അന്ത്യം.
കേരള രാഷ്ട്രീയത്തില്‍ കരുത്തനായി മാറിയ ബേബിജോണ്‍ നീണ്ടകര പടിഞ്ഞാറ്റതില്‍ ജോണിന്റെയും മേരിയുടെയും മകനായി 1917 ഒക്ടോബര്‍ 28ന് ആണ് ജനിച്ചത്.

മത്സ്യബന്ധനവും കയര്‍പിരിയും ജീവനോപാധിയാക്കിയ പാവപ്പെട്ട ജനങ്ങള്‍ക്കിടയില്‍ ജനിച്ച ബേബിജോണ്‍ നീണ്ടകര സെന്റ് സെബാസ്റ്റ്യന്‍ എല്‍.പി. സ്കൂളില്‍ പ്രാഥമിക വിദ്യാഭ്യാസം നേടി. തുടര്‍ന്ന് ശക്തികുളങ്ങര സെന്റ് ലിയോണ്‍സ് സ്കൂള്‍, ചവറ ഹൈസ്കൂള്‍ എന്നിവിടങ്ങളില്‍ പഠിച്ചു. വിദ്യാര്‍ത്ഥിയായിരിക്കുമ്പോള്‍ നല്ല വോളിബോള്‍ കളിക്കാരനായിരുന്നു ബേബിജോണ്‍.

അക്കാലങ്ങളില്‍ പൊതുജീവിതവുമായി ബന്ധപ്പെട്ട് പ്രവര്‍ത്തിച്ചുതുടങ്ങി. സ്വാതന്ത്യ്ര ലബ്ധിക്കുമുമ്പ് ശ്രീമൂലം അസംബ്ളി തിരഞ്ഞെടുപ്പില്‍ പ്രവര്‍ത്തിച്ചതോടെ വീട്ടുകാരുടെ നോട്ടപ്പുള്ളിയായി. എസ്.എസ്.എല്‍.സി ജയിച്ചത് കോട്ടാല്‍ കാര്‍മല്‍ സ്കൂളില്‍നിന്നായിരുന്നു. പക്ഷേ അപ്പോഴേക്കും രാഷ്ട്രീയ താല്പര്യം വര്‍ദ്ധിച്ചിരുന്നു. യൂത്ത്ലീഗിന്റെ പ്രവര്‍ത്തകനായി. അതിനിടയില്‍ കുറച്ചുനാള്‍ അദ്ധ്യാപകനായും ജോലി ചെയ്തു.
കൊല്ലത്ത് കോണ്‍ഗ്രസ് സംഘടനയുമായി പ്രവര്‍ത്തിച്ചിരുന്ന കാലത്താണ് പാളയം കോട്ട സെന്റ് അലോഷ്യസ് കോളേജില്‍ ചേര്‍ന്നത്. ദേശീയ സമരത്തിന്റെ അലയടികള്‍ അവിടെയുണ്ടായി. 1942-ലെ ക്വിറ്റിന്ത്യാസമരം അവിടെ കോളേജ് അന്തരീക്ഷം കലുഷിതമാക്കി. കോളേജിലെ സമരത്തെ തുടര്‍ന്ന് അറസ്റ്റ് ചെയ്യപ്പെട്ട അദ്ദേഹം കോളേജില്‍നിന്ന് പുറത്താക്കപ്പെട്ടു. മടങ്ങി കൊല്ലത്തെത്തിയ ബേബിജോണ്‍ രാഷ്ട്രീയ രംഗത്ത് സജീവമായി. ഇതിനിടെ കൊച്ചി തേവര കോളേജില്‍ ചേര്‍ന്നു. ശ്രീകണ്ഠന്‍നായരുടെ നേതൃത്വത്തിലുള്ള പ്രക്ഷോഭസമരങ്ങളില്‍ അദ്ദേഹം സജീവപങ്കാളിയായി. സോഷ്യലിസ്റ്റ് പ്രസ്ഥാനത്തിലേക്ക് ആകൃഷ്ടനായി സജീവ ട്രേഡ് യൂണിയന്‍ പ്രവര്‍ത്തനം ആരംഭിച്ചു. 1948-ലെ തിരഞ്ഞെടുപ്പില്‍ കൊല്ലത്ത് കെ.എസ്.പിടിക്കറ്റില്‍ മത്സരിച്ച ബേബിജോണ്‍ പരാജയപ്പെട്ടു.

1951 ഡിസംബറില്‍ തിരു-കൊച്ചി നിയമസഭാംഗമായ ബേബിജോണ്‍ 1954ലും വിജയം ആവര്‍ത്തിച്ചു. 1957-ലെ നിയമസഭാ തിരഞ്ഞെടുപ്പില്‍ പരാജയപ്പെട്ട ബേബിജോണ്‍ 1960, 67, 70 വര്‍ഷങ്ങളില്‍ കരുനാഗപ്പള്ളിയില്‍നിന്നും 1977, 80, 82, 87, 92, 97 വര്‍ഷങ്ങളില്‍ ചവറയില്‍നിന്നും വിജയിച്ചു. 2001 വരെ നിയമസഭാംഗമായിരുന്നു.
സി. അച്യുതമേനോന്‍, കെ. കരുണാകരന്‍, എ.കെ. ആന്റണി, പി.കെ. വാസുദേവന്‍നായര്‍, ഇ.കെ. നായനാര്‍ എന്നീ മുഖ്യമന്ത്രിമാരുടെ കീഴില്‍ റവന്യു, എക്സൈസ്, സഹകരണം, വിദ്യാഭ്യാസം, ജലവിഭവവം, തൊഴില്‍ എന്നീ വകുപ്പുകള്‍ കൈകാര്യം ചെയ്തു. ചവറയ്ക്ക് അദ്ദേഹം നല്‍കിയ ഏറ്റവും വലിയ സംഭാവന പ്രശസ്തമായ കേരള മിനറല്‍സ് ആന്റ് മെറ്റല്‍സ് ലിമിറ്റഡ് (കെ.എം.എം.എല്‍) ആണ്.

നായനാരുടെ മൂന്നാം മന്ത്രിസഭയില്‍ തൊഴില്‍-ജലവിഭവ വകുപ്പ് മന്ത്രിയായിരിക്കേ 1997 ആഗസ്റ്റ് 27ന് ആണ് ബേബിജോണിനെ രോഗം തളര്‍ത്തിയത്. ആഴ്ചകളോളം വെന്റിലേറ്ററിന്റെ സഹായത്തോടെ ജീവന്‍ നിലനിര്‍ത്തിയ അദ്ദേഹം അത്ഭുതകരമായി ജീവിതത്തിലേക്ക് മടങ്ങിവന്നു. പക്ഷേ ക്രമേണ അദ്ദേഹത്തിന്റെ ഓര്‍മ്മശക്തിയും ചലനശേഷിയും കുറഞ്ഞുവന്നു. കഴിഞ്ഞ ഏതാനും വര്‍ഷങ്ങളായി അദ്ദേഹം പൂര്‍ണ്ണമായും രോഗശയ്യയിലായിരുന്നു.
റിട്ട. ഹൈസ്കൂള്‍ ഹെഡ്മിസ്ട്രസ് അന്നമ്മയാണ് ഭാര്യ. ഷീല, എന്‍ജിനിയര്‍ ഷാജി, മുന്‍ എം.എല്‍.എ ഷിബുബേബിജോണ്‍ എന്നിവരാണ് മക്കള്‍. മരുമക്കള്‍: മുന്‍ അക്കൌണ്ടന്റ് ജനറല്‍ ജെയിംസ് ജോസഫ്, റീറ്റ, ആനി.

2. എച്ച്.എം.ടി. ഭൂമി ഇടപാട് : തെറ്റുപറ്റിയെന്ന് ഹൈക്കോടതിയില്‍ സര്‍ക്കാര്‍
കൊച്ചി: വിവാദ എച്ച്.എം.ടി ഭൂമി ഇടപാടിന്റെ കാര്യത്തില്‍ സര്‍ക്കാരിന് ചില തെറ്റുകള്‍ പറ്റിയിട്ടുണ്ടെന്ന് അഡി. അഡ്വ. ജനറല്‍ വെങ്ങാനൂര്‍ ചന്ദ്രശേഖരന്‍ നായര്‍ നാടകീയമായി ഹൈക്കോടതി മുമ്പാകെ സമ്മതിച്ചു.
എച്ച്.എം.ടിക്ക് സര്‍ക്കാര്‍ നല്‍കിയ ഭൂമിയില്‍ 70 ഏക്കര്‍ സ്വകാര്യകമ്പനിക്ക് വിറ്റനടപടി റദ്ദാക്കണമെന്നാവശ്യപ്പെട്ട് തൃശൂരിലെ ഹ്യൂമന്‍ റൈറ്റ്സ് പ്രൊട്ടക്ഷന്‍ സെന്റര്‍ ജനറല്‍ സെക്രട്ടറി ജോയി കൈതാരത്ത് നല്‍കിയ ഹര്‍ജിയുടെ പരിഗണനയ്ക്കിടയിലാണ് സര്‍ക്കാരിനുവേണ്ടി ഹാജരായ അഡി. അഡ്വക്കേറ്റ് ജനറലിന് കോടതിയുടെ ചോദ്യത്തിനു മറുപടിയായി ഇങ്ങനെ ബോധിപ്പിക്കേണ്ടിവന്നത്. ഹര്‍ജിക്കാരന്റെ ആവശ്യത്തോട് ഭാഗികമായി അനുകൂല നിലപാടാണ് ഉള്ളതെന്നും വെങ്ങാനൂര്‍ ചന്ദ്രശേഖരന്‍ നായര്‍ കോടതിയെ അറിയിച്ചു.
എച്ച്.എം.ടിക്ക് ഭൂമി വില്പന നടത്താന്‍ വേണ്ടി പോക്കുവരവിനുള്ള വിലക്ക് നീക്കിയതില്‍ ക്രമക്കേട് എന്തെങ്കിലും സംഭവിച്ചിട്ടുണ്ടെങ്കില്‍ പോക്കുവരവ് റദ്ദാക്കുമെന്നും അദ്ദേഹം അറിയിച്ചു. “വിവാദ ഭൂമിഇടപാടിനെക്കുറിച്ച് എല്ലാം അന്വേഷിച്ച് ക്രമക്കേടുകള്‍ നടന്നിട്ടുണ്ടെങ്കില്‍ നടപടി എടുക്കാനാണ് സര്‍ക്കാര്‍ തീരുമാനിച്ചിട്ടുള്ളത്.” ചീഫ് ജസ്റ്റിസ് എച്ച്.എല്‍. ദത്തുവും ജസ്റ്റിസ് കെ.എം. ജോസഫും അടങ്ങുന്ന ഡിവിഷന്‍ ബെഞ്ച് മുമ്പാകെ അദ്ദേഹം വ്യക്തമാക്കി.
വിവാദ ഭൂമിഇടപാടിനെക്കുറിച്ച് സി.ബി.ഐ അന്വേഷണത്തിന് ഉത്തരവിടണമെന്ന് ആവശ്യപ്പെടുന്ന കേസില്‍ ഹര്‍ജിക്കാരനുവേണ്ടി അഡ്വ. ശിവന്‍ മഠത്തില്‍ ഇന്നലെ ഉച്ചയ്ക്ക് 12 മണിയോടെയാണ് പ്രാരംഭവാദം പൂര്‍ത്തിയാക്കിയത്. തുടര്‍ന്ന് അഡി. അഡ്വ. ജനറലിനോട് ഡിവിഷന്‍ ബെഞ്ച് ചില ചോദ്യങ്ങള്‍ ഉന്നയിക്കുകയായിരുന്നു. പോക്കുവരവ് വിലക്കിക്കൊണ്ടുള്ള ഉത്തരവ് മന്ത്രിമാര്‍ പങ്കെടുത്ത യോഗത്തില്‍ നീക്കിയതുമൂലമല്ലേ എച്ച്.എം.ടിക്ക് ഭൂമി വില്ക്കാന്‍ അനുകൂലസാഹചര്യമുണ്ടായത് എന്നായിരുന്നു കോടതിയുടെ ആദ്യ ചോദ്യം. “നിങ്ങളുടെ മന്ത്രിതന്നെ ആദ്യം വിലക്കി. പിന്നീട് വിലക്ക് നീക്കി”- കോടതി പറഞ്ഞു.
ഈ ഘട്ടത്തിലാണ് സര്‍ക്കാരിന് ചില പിഴവുകള്‍ പറ്റിയിട്ടുണ്ടെന്ന് അഡി. അഡ്വക്കേറ്റ് ജനറല്‍ സമ്മതിച്ചത്. “നിങ്ങളിപ്പോള്‍ ഹര്‍ജിക്കാരന്റെ അഭിഭാഷകനായ ശിവന്‍ മഠത്തിലിനോട് യോജിക്കുകയാണോ” എന്നായി കോടതി. “ഭാഗികമായി” എന്ന് അഡി.എ.ജിയുടെ മറുപടിയും വന്നു.
എച്ച്.എം.ടി പ്രവര്‍ത്തിക്കുന്നതിന് പുറത്ത് കാടുപിടിച്ച് പാമ്പുകള്‍ പെറ്റുപെരുകിക്കൊണ്ടിരുന്ന സ്ഥലമാണ് കമ്പനിക്കുവേണ്ടി നല്‍കിയിരുന്നതെന്ന് ഒരു ഘട്ടത്തില്‍ അഡി. എ.ജി. വിശദീകരിച്ചു. മന്ത്രി എന്തിനാണ് പോക്കുവരവ് നടത്താന്‍ അനുമതി നല്‍കുന്ന യോഗത്തില്‍ പങ്കെടുത്തതെന്ന് കോടതി ആരാഞ്ഞു.
“വ്യവസായ മന്ത്രിയാണ് യോഗം വിളിച്ചത്. തൊഴിലാളി പ്രതിനിധികളും മറ്റും യോഗത്തില്‍ ഉണ്ടായിരുന്നു. റവന്യു മന്ത്രി യോഗത്തിലെ പല ചര്‍ച്ചകളും കഴിഞ്ഞ് അവസാനമാണ് എത്തിയത്.” അഡി. എ. ജി പറഞ്ഞു.
എച്ച്.എം.ടി നിയമവിരുദ്ധമായി എന്തെങ്കിലും ചെയ്തിട്ടുണ്ടെങ്കില്‍ നടപടിയെടുക്കുമോ എന്ന ചോദ്യത്തിന് അഡി. എ.ജിയുടെ പക്കല്‍ ഉറച്ച മറുപടിയുണ്ടായിരുന്നു. “ക്രമക്കേടുകണ്ടാല്‍ എച്ച്.എം.ടിക്കെതിരെയും നടപടിയെടുക്കും.”
തെറ്റു പറ്റിയെന്ന് പറഞ്ഞിട്ടില്ല: മന്ത്രികരിം
കൊച്ചി: എച്ച്.എം.ടി ഭൂമി ഇടപാടില്‍ തെറ്റ് സംഭവിച്ചെന്ന് അഡി. അഡ്വക്കേറ്റ് ജനറല്‍ ഹൈക്കോടതി യില്‍ പറഞ്ഞിട്ടില്ലെന്ന്
മന്ത്രി എളമരം കരിം പ്രസ്താവിച്ചു. സ്ഥലം ഇടപാടുമായി ബന്ധപ്പെട്ടുണ്ടായ വിവാദം പരിശോധിക്കുമെന്ന് മാത്രമാണ് കോടതിയെ അറിയിച്ചതെന്ന് അദ്ദേഹം വാര്‍ത്താലേഖകരോട് പറഞ്ഞു.
എച്ച്.എം.ടിയുടെ ഭൂമി കൈമാറ്റം നിയമവിരുദ്ധമാണെന്ന് നിയമവകുപ്പ് നല്‍കിയ റിപ്പോര്‍ട്ടിനെക്കുറിച്ച് തനിക്കറിയില്ല. ബന്ധപ്പെട്ട ഫയല്‍ പരിശോധിക്കാതെ ഒന്നും പറയാന്‍ കഴിയില്ല. കൈമാറിയ ഭൂമിയില്‍ നിര്‍മ്മാണം നടത്താന്‍ അനുമതി നല്‍കിയിട്ടില്ല. അനുമതി കൂടാതെ നിര്‍മ്മാണം നടത്തിയാല്‍ തടയും.
എച്ച്.എം.ടി ഭൂമി ഇടപാടിനെക്കുറിച്ച് അന്വേഷണം ആവശ്യപ്പെട്ട് കേന്ദ്രവ്യവസായമന്ത്രിക്ക് കത്തെഴുതിയതായും അദ്ദേഹം പറഞ്ഞു.
നിയമ വകുപ്പ് സെക്രട്ടറി റിപ്പോര്‍ട്ട് നല്‍കി: നിയമ മന്ത്രി
തിരുവനന്തപുരം: എച്ച്. എം. ടിക്ക് സര്‍ക്കാര്‍ നല്‍കിയ ഭൂമി വില്ക്കാന്‍ പാടില്ലെന്ന് നിയമ വകുപ്പ് സെക്രട്ടറി പി. എസ്. ഗോപിനാഥന്‍ റിപ്പോര്‍ട്ട് നല്‍കിയ കാര്യം നിയമവകുപ്പ് മന്ത്രി എം. വിജയകുമാര്‍ സ്ഥിരീകരിച്ചു.
ഭൂമി ഇടപാട് സംബന്ധിച്ച പ്രശ്നത്തില്‍ എന്ത് നടപടി കൈക്കൊള്ളണമെന്ന് മന്ത്രിസഭ കൂട്ടായി തീരുമാനിക്കേണ്ടതാണെന്നും മന്ത്രി വിജയകുമാര്‍ വാര്‍ത്താലേഖകരോടു പറഞ്ഞു.

3. കാര്‍ യാത്രക്കാരനെ പത്തംഗ സംഘം അടിച്ചുകൊന്നു
ഈരാറ്റുപേട്ട : സൈഡ് കൊടുക്കാത്തതിന്റെ പേരിലുണ്ടായ തര്‍ക്കത്തെ തുടര്‍ന്ന് കാര്‍ യാത്രക്കാരനെ പത്തംഗസംഘം അടിച്ചു കൊന്നു.
തിടനാട് വെയില്‍കാണാംപാറ കല്ലാശേരില്‍ വീട്ടില്‍ ജോര്‍ജ് തോമസാണ് (വര്‍ക്കിച്ചന്‍-46) കൊല്ലപ്പെട്ടത്. വെയില്‍കാണാംപാറ ജംഗ്ഷനില്‍ ഞായറാഴ്ച രാത്രി 10.45നായിരുന്നു സംഭവം. വാരിയാനിക്കാട് പള്ളി പെരുന്നാളിന് സുഹൃത്തുമായി പോയി മടങ്ങുകയായിരുന്നു ജോര്‍ജ് തോമസ്. ഇവര്‍ സഞ്ചരിച്ച സ്കോര്‍പിയോയ്ക്കു മുന്നില്‍ പോയ ബൈക്ക് സൈഡുകൊടുക്കാതിരുന്നതാണ് പ്രശ്നത്തിനു തുടക്കം.
പല തവണ ലൈറ്റ് ഡിം ചെയ്തിട്ടും ഹോണ്‍ മുഴക്കിയിട്ടും ബൈക്ക് യാത്രക്കാര്‍ വഴി നല്‍കിയില്ല. സ്കോര്‍പിയോ ഒരുവിധത്തില്‍ ഓവര്‍ടേക്ക് ചെയ്യുകയും ബൈക്കുകാരെ ശകാരിക്കുകയും ചെയ്തു.
തുടര്‍ന്ന് വെയില്‍കാണാംപാറ ജംഗ്ഷനില്‍ നിറുത്തിയപ്പോള്‍ ബൈക്കില്‍ വന്നവര്‍ കാര്‍ ചെറുത്തു. ഇതിനിടെ ഇവര്‍ മൊബൈലില്‍ വിളിച്ചതനുസരിച്ച് നാലു ബൈക്കുകളിലായി എട്ടുപേര്‍ കൂടി എത്തി ആക്രമിക്കുകയായിരു ന്നുവത്രേ. തോരണം കെട്ടിയിരുന്ന കഴകള്‍ ഊരി ആരോ ജോര്‍ജ് തോമസിനെ അടിച്ചുവീഴ്ത്തുകയായിരുന്നു. രക്തം വാര്‍ന്നു നിലത്തുവീണ ജോര്‍ജിനെ എറണാകുളം മെഡിക്കല്‍ ട്രസ്റ്റ് ആശുപത്രിയിലേക്ക് കൊണ്ടുപോയെങ്കിലും വഴിക്കുവച്ച് മരിച്ചു.
കാര്‍ ഓടിച്ചിരുന്ന പ്ളാത്തോട്ടത്തില്‍ സജിയെ പരിക്കുകളോടെ കോട്ടയം മെഡിക്കല്‍ കോളേജാശുപത്രിയില്‍ പ്രവേശിപ്പിച്ചെങ്കിലും പിന്നീട് അവിടെ നിന്നുമാറ്റി. കൂടുതല്‍ വിവരങ്ങള്‍ വെളിപ്പെടുത്താന്‍ സജിയുടെ ബന്ധുക്കള്‍ വിസമ്മതിച്ചു. ഈരാറ്റുപേട്ട സി.ഐ കെ.വി. വിജയകുമാര്‍, തിടനാട് എസ്.ഐ ഗോപിനാഥന്‍ എന്നിവരുടെ നേതൃത്വത്തില്‍ അന്വേഷണം ആരംഭിച്ചു. പ്രതികള്‍ ഒളിവിലാണ്. അക്രമികള്‍ മദ്യലഹരിയിലായിരുന്നുവെന്നും ഇവരെക്കുറിച്ച് വ്യക്തമായ വിവരം ലഭിച്ചിട്ടുണ്ടെന്നും സി.ഐ പറഞ്ഞു. കൊല്ലപ്പെട്ട ജോര്‍ജുമായി പ്രതികള്‍ക്ക് പൂര്‍വവൈരാഗ്യമുള്ളതായി അറിവില്ല. ഏതാനും പ്രതികള്‍ പിടിയിലായതായി സൂചനയുണ്ട്. തലയ്ക്കേറ്റ മുറിവുകളാണ് ജോര്‍ജിന്റെ മരണത്തിനു കാരണമായതെന്നാണ് പോസ്റ്റു മോര്‍ട്ടം റിപ്പോര്‍ട്ട്. സംസ്കാരം ഇന്നലെ വൈകിട്ട് നടന്നു. ഗ്രേസിയാണ് ഭാര്യ. മക്കള്‍: ഡോണ, ഐഡ, തോമസുകുട്ടി.

4. മില്‍മ പാല്‍വില കൂട്ടരുതെന്ന് മനുഷ്യാവകാശ കമ്മിഷന്‍
കൊല്ലം: സബ്സിഡി കൊടുത്തായാലും മില്‍മാ പാലിന്റെ വില ഉയര്‍ത്താതെ തന്നെ വിതരണം ഉറപ്പാക്കണമെന്ന് മനുഷ്യാവകാശ കമ്മിഷന്‍ അംഗം പ്രൊഫ. എസ്. വര്‍ഗീസ് സര്‍ക്കാരിന് നിര്‍ദ്ദേശം നല്‍കി.
കമ്മിഷന്റെ കൊല്ലത്തു നടന്ന സിറ്റിംഗിലാണ് നിര്‍ദ്ദേശം. ക്ഷീര വകുപ്പ് ഡയറക്ടര്‍ കെ.ടി. സരോജിനി, മില്‍മ എം.ഡിയുടെ ചാര്‍ജ് വഹിക്കുന്ന ജോര്‍ജ് ജോസഫ് എന്നിവര്‍ സിറ്റിംഗില്‍ പങ്കെടുത്തു. പാല്‍ വില കൂട്ടാതെ മില്‍മയ്ക്ക് പിടിച്ചുനില്ക്കാനാവില്ലെന്നും അല്ലെങ്കില്‍ സര്‍ക്കാര്‍ സബ്സിഡി അനുവദിക്കണമെന്നും മില്‍മ അധികൃതര്‍ പറഞ്ഞു. ക്ഷീര കര്‍ഷകരുടെ നഷ്ടം നികത്താന്‍ വില കൂട്ടുകയല്ലാതെ മറ്റ് വഴിയില്ലെന്നും അവര്‍ പറഞ്ഞു.
മില്‍മാ പാല്‍ ക്ഷാമം രൂക്ഷമായ സാഹചര്യത്തില്‍ ‘കേരളകൌമുദി’ റിപ്പോര്‍ട്ടുകളുടെ അടിസ്ഥാനത്തില്‍ മനുഷ്യാവകാശ കമ്മിഷന്‍ സ്വമേധയാ കേസെടുക്കുകയായിരുന്നു.

5. പ്രവേശനപരീക്ഷ ഏപ്രില്‍ 21 മുതല്‍;ഒമ്പതു വ്യവസ്ഥകളില്‍ മാറ്റം
കൊച്ചി : പൊതു പ്രവേ ശനപരീ ക്ഷാ ക മ്മിഷണര്‍ തയ്യാ റാക്കുന്ന മെഡി ക്കല്‍- എന്‍ജി നിയറിംഗ് റാങ്ക് ലി സ്റ്റി ല്‍ നിന്ന് പ്രവേ ശനം നട ത്താന്‍ സ്വാശ്രയ പ്രൊഫഷണല്‍ സ്ഥാപനങ്ങള്‍ മുന്‍കൂര്‍ അനുമതി വാങ്ങണം. ഇതുള്‍പ്പെടെ പുതിയ ഒമ്പത് വ്യവസ്ഥ കളോടെ 2008-2009 വര്‍ഷത്തെ പ്രൊഫഷണല്‍ കോളേജ് പ്രവേശനപ്പ രീക്ഷയ്ക്കുള്ള പ്രോസ് പെക്ട്സ് വിദ്യാഭ്യാസ മന്ത്രി എം.എ. ബേബി ഇന്നലെ പുറത്തിറക്കി.
ഏപ്രില്‍ 21 മുതല്‍ 24 വരെയാണ് എന്‍ട്രന്‍സ് പരീക്ഷ. അപേക്ഷാ ഫോറം എസ്.ബി.ടിയുടെയും കാനറാ ബാങ്കിന്റെയും 149 ശാഖകള്‍ വഴി വിതരണം തുടങ്ങി. പ്രോസ്പെക്ടസ് പ്രവേശന പരീക്ഷാ കമ്മിഷണറുടെ “നഫഫലഫഴദവദ.സഴഭ” എന്ന വെബ് സൈറ്റില്‍ ലഭ്യമാണ്. അപേക്ഷ സ്വീകരിക്കുന്ന അവസാന തീയതി ഫെബ്രുവരി 29 ആണ്.
സ്വാശ്രയ മെഡിക്കല്‍-ഡെന്റല്‍ കോളേജുകളില്‍ നിന്ന് സര്‍ക്കാര്‍ ഫീസില്‍ പഠനം പൂര്‍ത്തിയാക്കുന്നവര്‍ ഒരു വര്‍ഷം മുതല്‍ മൂന്ന് വര്‍ഷംവരെ ഗ്രാമീണ മേഖലയില്‍ നിര്‍ബന്ധസേവനം അനുഷ്ഠിക്കണം. ഇതു സംബന്ധിച്ച് വിദ്യാര്‍ത്ഥികള്‍ പ്രവേശന സമയത്ത് സര്‍ക്കാരിന് ബോണ്ട് നല്‍കണം. സര്‍ക്കാര്‍ സേവനത്തിന് വിമുഖത പ്രകടിപ്പിക്കുന്നവര്‍ അഞ്ച് ലക്ഷം രൂപ തിരിച്ചടയ്ക്കണം.
കഴിഞ്ഞ വര്‍ഷം സര്‍ക്കാര്‍ മെഡിക്കല്‍ കോളേജുകളില്‍ നിന്ന് എം.ബി.ബി.എസ്. കോഴ്സ് പൂര്‍ത്തിയാക്കുന്ന വിദ്യാര്‍ത്ഥികള്‍ക്ക് മാത്രമായിരുന്നു ഗ്രാമീണ മേഖലയില്‍ നിര്‍ബന്ധ സേവനം.
ഗ്രാമീണ സേവനത്തിന് വിമുഖത പ്രകടിപ്പിക്കുകയാണെങ്കില്‍ അഞ്ചു ലക്ഷം രൂപയും വിദ്യാഭ്യാസത്തിനായി സര്‍ക്കാര്‍ ചെലവാക്കിയ തുകയും തിരിച്ചടയ്ക്കേ ണ്ടിവരും.
* പ്രവേശന പരീക്ഷയ്ക്ക് ഈ വര്‍ഷം മുതല്‍ ബാച്ചിലര്‍ ഓഫ് ഫിസിയോതെറാപ്പി (ബി.പി.ടി) കോഴ്സും ഉള്‍പ്പെടുത്തി. കഴിഞ്ഞ വര്‍ഷം യോഗ്യതാ പരീക്ഷയുടെ അടിസ്ഥാനത്തില്‍ മെഡിക്കല്‍ വിദ്യാഭ്യാസ ഡയറക്ടറാണ് ബി.പി.ടി. പ്രവേശനം നടത്തിയത്.
* ഡെന്റല്‍ കൌണ്‍സില്‍ ഒഫ് ഇന്ത്യയുടെ നിബന്ധന പ്രകാരം ബി.ഡി.എസ്. കോഴ്സിന്റെ ദൈര്‍ഘ്യം അഞ്ചര വര്‍ഷത്തില്‍ നിന്ന് അഞ്ച് വര്‍ഷമായി കുറച്ചു. ഈ വര്‍ഷം പ്രവേശനം നേടുന്ന വിദ്യാര്‍ത്ഥികള്‍ കോഴ്സിനോടൊപ്പം ഇന്റേണ്‍ഷിപ്പ് ചെയ്താല്‍ മതിയാകും. നേരത്തെ കോഴ്സ് കാലാവധി നാലര വര്‍ഷവും ഇന്റേണ്‍ഷിപ്പ് ഒരു വര്‍ഷവുമായിരുന്നു.
* സാമൂഹ്യവും സാമ്പത്തികവുമായി പിന്നാക്കം നില്‍ക്കുന്നവര്‍ക്കുള്ള ആനുകൂല്യത്തിനായി അപേക്ഷിക്കുന്നവരുടെ ജാതി സര്‍ട്ടിഫിക്കറ്റ്, കുടുംബ വാര്‍ഷിക വരുമാനം എന്നിവ കര്‍ശന പരിശോധനകള്‍ക്ക് വിധേയമാക്കും.
* ഒ.ഇ.സി. വിഭാഗത്തില്‍പ്പെട്ട വിദ്യാര്‍ത്ഥികളെ അലോട്ട്മെന്റ് സമയത്ത് ഫീസ് അടയ്ക്കുന്നതില്‍ നിന്നും ഒഴിവാക്കി.
* അലോട്ട്മെന്റ് ലഭിച്ച് പ്രവേശനം നേടാന്‍ ആഗ്രഹിക്കുന്ന വിദ്യാര്‍ത്ഥികള്‍ പ്രവേശന ദിനത്തിലെങ്കിലും അക്കാഡമിക്ക് യോഗ്യത നേടിയാല്‍ മതി.
* കേരള കാര്‍ഷിക സര്‍വ്വകലാശാല നടത്തുന്ന ബി.എസ്.സി. അഗ്രിക്കള്‍ച്ചര്‍, ഫോറസ്ട്രി കോഴ്സുകള്‍ ഇനി മുതല്‍ ഓണേഴ്സ് കോഴ്സുകളായിരിക്കുമെന്നും വ്യവസ്ഥ ചെയ്തിട്ടുണ്ട്.

6. മാതൃഭൂമി എഫ്. എം റേഡിയോ ഇന്നു മുതല്‍ തലസ്ഥാനത്തു നിന്ന്
തിരുവനന്തപുരം : മാതൃഭൂമിയുടെ എഫ്. എം റേഡിയോ ‘ക്ളബ് എഫ്. എം 94.3’ ഇന്നുമുതല്‍ തിരുവനന്തപുരത്തുനിന്ന് പ്രക്ഷേപണം ആരംഭിക്കും.
രാവിലെ 7.53 മുതല്‍ 94.3 ഫ്രീക്വന്‍സിയില്‍ റേഡിയോ പ്രോഗ്രാം കേള്‍ക്കാനാവും. തിരുവനന്തപുരത്തിന്റെ 50 കിലോമീറ്റര്‍ ചുറ്റളവില്‍ റേഡിയോ സിഗ്നല്‍ ലഭിക്കും.
24 മണിക്കൂറും പ്രവര്‍ത്തിക്കുന്ന ക്ളബ് എഫ്. എമ്മില്‍ കൂടുതലും ഹാസ്യ, വിനോദ, സംഗീത പരിപാടികളാണുള്ളത്. ഫോണ്‍ ഇന്‍ പ്രോഗ്രാമുകളില്‍ പങ്കെടുക്കുന്ന ശ്രോതാക്കള്‍ക്ക് നിരവധി സമ്മാനങ്ങളും വാഗ്ദാനം ചെയ്യുന്നു. ക്ളബ് എഫ്. എമ്മിന്റെ മൂന്നാമത്തെ സ്റ്റേഷനാണ് തിരുവനന്തപുരത്തേത്. നേരത്തേ തൃശൂരിലും കണ്ണൂരിലും സ്റ്റേഷന്‍ സ്ഥാപിച്ചിരുന്നു.

7. ചെറുമീനുകള്‍ക്കു പിന്നാലെ പോയി എക്സൈസ് സമയം കളയുന്നു: ഹൈക്കോടതി
കൊച്ചി: സ്പിരിറ്റു കേസുകളില്‍ വന്‍ സ്രാവുകളെ ഒഴിവാക്കി ചെറുമീനുകള്‍ക്ക് പിന്നാലെ നടന്ന് എക്സൈസ് വകുപ്പ് സമയം പാഴാക്കുകയാണെന്ന് ഹൈക്കോടതി വിമര്‍ശിച്ചു. പാലക്കാട്, തൃശൂര്‍, നെയ്യാറ്റിന്‍കര റേഞ്ചുകളിലെ സ്പിരിറ്റ് കേസ് പ്രതികള്‍ നല്‍കിയ ജാമ്യാപേക്ഷ പരിഗണിക്കവേയാണ് ജസ്റ്റിസ് ആര്‍. ബസന്തിന്റെ പരാമര്‍ശം. സ്പിരിറ്റ് കേസുകളില്‍ തൃപ്തികരമായ അന്വേഷണമല്ല നടക്കുന്നതെന്നും ഹൈക്കോടതി പറഞ്ഞു.
പാലക്കാടു നിന്ന് 594 ലിറ്റര്‍, നെയ്യാറ്റിന്‍കരയില്‍ 1,768 ലിറ്റര്‍, തൃശൂരില്‍ 8,400 ലിറ്റര്‍ എന്നിങ്ങനെ സ്പിരിറ്റ് പിടികൂടിയ കേസുകളുടെ അന്വേഷണമാണ് മന്ദഗതിയില്‍ നീങ്ങുന്നത്. അന്വേഷണത്തില്‍ വീഴ്ച പറ്റിയിട്ടുണ്ടെന്ന് ഡയറക്ടര്‍ ജനറല്‍ ഒഫ് പ്രൊസിക്യൂഷന്‍ പി.ജി. തമ്പി കോടതിയില്‍ സമ്മതിച്ചു. സംസ്ഥാന എക്സൈസ് കമ്മിഷണര്‍ നല്‍കിയ പത്രിക സര്‍ക്കാര്‍ കോടതിയില്‍ സമര്‍പ്പിച്ചു. അബ്കാരി കേസുകളില്‍ മതിയായ അന്വേഷണം നടന്നിട്ടില്ലെന്ന് എക്സൈസ് കമ്മിഷണര്‍ പത്രികയില്‍ വ്യക്തമാക്കിയിട്ടുണ്ട്.
കേസന്വേഷണത്തിലെ വീഴ്ചകള്‍ പരിഹരിക്കാന്‍ കൈക്കൊള്ളുന്ന നടപടികളും പത്രികയിലുണ്ട്. പുല്പള്ളി സ്പിരിറ്റ് കേസിന്റെ അന്വേഷണത്തില്‍ പൊലീസിന്റെ മാതൃകയില്‍ പ്രത്യേക അന്വേഷണ സംഘത്തെ നിയമിക്കും. മാസത്തിന്റെ ആദ്യ ആഴ്ചയില്‍ ഡിവിഷണല്‍ അസിസ്റ്റന്റ് എക്സൈസ് കമ്മിഷണറുടെ നേതൃത്വത്തില്‍ കേസന്വേഷണ പുരോഗതി വിലയിരുത്തും. ഇവയുടെ വിശദാംശങ്ങള്‍ മേഖലാ ഡെപ്യൂട്ടി എക്സൈസ് കമ്മിഷണര്‍ക്ക് കൈമാറും. അന്വേഷണപുരോഗതി വിലയിരുത്താന്‍ ഉന്നത ഉദ്യോഗസ്ഥരുടെ നേതൃത്വത്തില്‍ മേഖലായോഗം കൂടും. ജാമ്യാപേക്ഷയില്‍ ഹൈക്കോടതി ഇന്ന് വിധി പറയും.

8. നാടന്‍ പേരുമായ് നൂറിനം തവളകള്‍
കോഴിക്കോട്: മുറ്റത്തും പാടത്തും ഇരുന്നു കരയുന്ന തവളകളെ ഇനി പേരു ചൊല്ലി വിളിക്കാം. വായില്‍ കൊള്ളാത്ത ശാസ്ത്രനാമമല്ല. നല്ല നാടന്‍ മലയാളം പേരുകള്‍. ഉഭയജീവിയെന്ന നിലയില്‍ പരിണാമചക്രത്തില്‍ സവിശേഷസ്ഥാനമുള്ള തവളവര്‍ഗ്ഗത്തെക്കുറിച്ച് ഒരു വ്യാഴവട്ടക്കാലമായി പഠനഗവേഷണ പ്രവര്‍ത്തനങ്ങളിലേര്‍പ്പെട്ടുവരുന്ന ഡോ. അനില്‍ സക്കറിയയാണ് കാടും മലയും പാടവും തോടും താണ്ടി നൂറോളം ഇനം തവളകളെ കണ്ടുപിടിച്ച് പേരിട്ടത്.
ചിത്രത്തവള, കാട്ടുമണവാട്ടി, കുറിവായന്‍ ചെമ്പന്‍തവള, പറക്കും മരത്തവള, മണവാട്ടിത്തവള, മരതകനീലി,നീര്‍ത്തുള്ളിത്തവള, ചെങ്കല്‍ത്തവള…..
ആകൃതിയും നിറവും ശബ്ദമുണ്ടാക്കുന്നതിലും ഇരപിടിക്കുന്നതിലുമുള്ള പ്രത്യേകതകളും പരിഗണിച്ചാണ ്ഈ പേരുകള്‍ നിര്‍ദ്ദേശിച്ചത്. കോഴിക്കോട് ആസ്ഥാനമായുള്ള മലബാര്‍ നാച്വറല്‍ ഹിസ്ററി സൊസൈറ്റി മുഖേന ഈ മേഖലയിലെ വിദഗ്ധരുമായി ചര്‍ച്ചചെയ്താണ് പേരുകള്‍ ഉറപ്പിച്ചത്.
റണ മലബാറിക്ക എന്ന് ശാസ്ത്രീയനാമമുള്ള ചുവപ്പും കറുപ്പും കലര്‍ന്ന സുന്ദരിയാണ് മണവാട്ടിത്തവള. കല്ള്യാണ ആഘോഷങ്ങള്‍ക്ക് മുമ്പായി ഇവ വീടുകളില്‍ വിരുന്നെത്തുമെന്ന് നാട്ടുവിശ്വാസം. റണ കേര്‍ട്ടിപ്പസ് എന്ന കാട്ടുമണവാട്ടി പ്രധാനമായും കാടുകളിലാണ് വാസം. ചുവപ്പുംചാരവും കലര്‍ന്ന ചുളുങ്ങിയ തൊലിപ്പുറം നിറയെ ചിത്രപ്പണിയുണ്ട് കലൌല ടപ്രോബനിക എന്ന ചിത്രത്തവളയ്ക്ക്. മൈക്രോ ഹൈല റുബ്രയെന്ന കുറിവായന്‍ ചെമ്പന് പേര് സുചിപ്പിക്കുംപോലെ ചെറിയ വായയാണുള്ളത്. ഉയര്‍ന്ന മരക്കൊമ്പുകളില്‍ കഴിയുന്ന നീര്‍ത്തുള്ളിത്തവള പ്രജനനകാലത്ത് കരയുന്നത് മഴത്തുള്ളിവീഴുന്ന ഈണത്തിലാണ്. മുന്നാറിലും മറ്റും പ്രധാനമായി കാണുന്ന നീലയും പച്ചയും ഇടകലര്‍ന്ന ചെറിയഇനം ഇലത്തവളയാണ് മരതകനീലി. വയനാട് പൊഴുതന മൃഗാശുപത്രിയില്‍ സര്‍ജനായ അനില്‍ സക്കറിയ സ്വന്തം നിലയില്‍ കണ്ടെത്തി വര്‍ഗ്ഗീകരിച്ച നൂറോളം തവളകളുടെ വിശദാംശങ്ങള്‍ ചിത്രങ്ങളും മലയാളം പേരുകളും സഹിതം പുസ്തകമായി പ്രസിദ്ധീകരിക്കാനുള്ള തയ്യാറെടുപ്പിലാണ്.

9. മന്ത്രി എളമരം കരീമിന് ദൂതന്‍ മുഖേന നോട്ടീസ്
കൊച്ചി: എച്ച്.എം.ടി ഭൂമി കൈമാറ്റക്കേസില്‍ വ്യവസായ മന്ത്രി എളമരം കരീമിനും മുംബയിലെ ബ്ളൂസ്റ്റാര്‍ റിയല്‍റ്റേഴ്സിനും പ്രത്യേക ദൂതന്‍ മുഖേന നോട്ടീസയയ്ക്കാന്‍ ഹൈക്കോടതി ഉത്തരവിട്ടു. ചീഫ് സെക്രട്ടറി, എച്ച്.എം.ടി. കണയന്നൂര്‍ താലൂക്ക് ലാന്‍ഡ്ബോര്‍ഡ്, കണയന്നൂര്‍ തഹസില്‍ദാര്‍, എറണാകുളം ജില്ലാ കളക്ടര്‍, കേന്ദ്ര വ്യവസായ വകുപ്പു സെക്രട്ടറി എന്നിവര്‍ക്കു പുറമെ സി.ബി.ഐക്കും നോട്ടീസയയ്ക്കാന്‍ ചീഫ് ജസ്റ്റിസ് എച്ച്.എല്‍. ദത്തു, ജസ്റ്റിസ് കെ.എം. ജോസഫ് എന്നിവരടങ്ങുന്ന ഡിവിഷന്‍ ബെഞ്ച് ഉത്തരവിട്ടിട്ടുണ്ട്.
എച്ച്.എം.ടിക്ക് സര്‍ക്കാര്‍ ഏറ്റെടുത്തു നല്‍കിയ ഭൂമിയിലെ 70 ഏക്കര്‍ സെന്റിന് 1.30 ലക്ഷം രൂപ വിലവച്ച് വിറ്റത് റദ്ദാക്കണമെന്നും ഭൂമി പോക്കുവരവ് നടത്താന്‍ മന്ത്രിമാര്‍ അനുമതി നല്‍കിയതിനെക്കുറിച്ച് അന്വേഷിക്കാന്‍ സി.ബി.ഐക്ക് ഉത്തരവ് നല്‍കണമെന്നും ആവശ്യപ്പെട്ട് ജോയി കൈതാരത്ത് നല്‍കിയ ഹര്‍ജിയിലാണ് ഹൈക്കോടതി നടപടി.
ഔദ്യോഗിക വിശദീകരണം നല്‍കുമെന്ന് എച്ച്. എം. ടി
കൊച്ചി: എച്ച്. ഡി. ഐ. എല്‍. സൈബര്‍സിറ്റിക്ക് എച്ച്. എം.ടി ഭൂമി വിട്ടുകൊടുത്തതുമായി ബന്ധപ്പെട്ട വിവാദത്തില്‍ ഔദ്യോഗിക വിശദീകരണം ഉടന്‍ ഉണ്ടാകുമെന്ന് എച്ച്. എം. ടി മാനേജിംഗ് ഡയറക്ടര്‍ ഹേമചന്ദ്രബാബു പത്രലേഖക രോടു പറഞ്ഞു.
‘ഞങ്ങള്‍ സാങ്കേതിക വിദഗ്ധര്‍ മാത്രമാണ്. സൈബര്‍ സിറ്റി വിവാദവുമായി ബന്ധപ്പെട്ട് ബാംഗ്ളൂരില്‍ നിന്നും ഔദ്യോഗിക വിശദീകരണം ഉടന്‍ ഉണ്ടാകും. അടച്ചിട്ട മുറിയ്ക്കുള്ളില്‍ നടന്ന ചര്‍ച്ചയുടെ വിശദാംശങ്ങള്‍ വെളിപ്പെടുത്താനാവില്ല അദ്ദേഹം പറഞ്ഞു.
വ്യവസായ, റവന്യു മന്ത്രിമാര്‍ രാജിവയ്ക്കണം: ഉമ്മന്‍ചാണ്ടി
കോട്ടയം: എച്ച്.എം.ടി. ഭൂമി ഇടപാടില്‍ സര്‍ക്കാരിന് ചില തെറ്റുകള്‍ പറ്റിയെന്ന് ഹൈക്കോടതിയില്‍ സമ്മതിച്ച സാഹചര്യ ത്തില്‍ വ്യവസായ, റവന്യു മന്ത്രിമാര്‍ രാജിവയ്ക്കണമെന്ന് പ്രതിപക്ഷ നേതാവ് ഉമ്മന്‍ചാണ്ടി ആവശ്യപ്പെട്ടു.

10. പക്ഷിപ്പനിയെന്ന് സംശയം: തമിഴ്നാട്ടില്‍ കോഴികളെ കൂട്ടത്തോടെ തീയിട്ടു
ഇടുക്കി: തേനിജില്ലയിലെ ബോഡിനായ്ക്കന്നൂരില്‍ കോഴികളെ കൂട്ടത്തോടെ ചുട്ടുകരിച്ചനിലയില്‍ കണ്ടെത്തി. തമിഴ്നാട് പൊലീസും ആരോഗ്യവകുപ്പും അന്വേഷണം ആരംഭിച്ചു. കേരളത്തിലേക്ക് ഇറച്ചിക്കോഴികളെ കയറ്റി അയക്കുന്ന മേഖലയിലാണ് സംഭവം ഉണ്ടായിരിക്കുന്നത്.
ബോഡിനായ്ക്കന്നൂരിനടുത്ത് വിജനമായ പ്രദേശത്ത് ഞായറാഴ്ച വൈകിട്ട് 6 മണിയോടെയാണ് കത്തിക്കരിഞ്ഞ നിലയില്‍ ഇറച്ചിക്കോഴിക്കൂമ്പാരം കണ്ടത്. അയ്യായിരത്തിലേറെ കോഴികളെ ഇങ്ങനെ കൊന്നൊടുക്കിയിട്ടുണ്ട്. ദൂരെ എവിടെ നിന്നോ കൊണ്ടുവന്ന് കത്തിച്ചതാണെന്ന് പൊലീസ് കരുതുന്നു.

11. സിഗ്നല്‍ കാക്കുന്ന ട്രെയിനുകളും പേട്ട സ്റ്റേഷനില്‍ നിറുത്തും
തിരുവനന്തപുരം : പേട്ട റെയില്‍വേ സ്റ്റേഷനില്‍ സ്റ്റോപ്പില്ലാത്ത ട്രെയിനുകള്‍ സിഗ്നല്‍ കിട്ടാതെ ഔട്ടറില്‍ പിടിച്ചിടുന്നത് ഒഴിവാക്കും. പകരം ഈ ട്രെയിനുകള്‍ പേട്ട സ്റ്റേഷനില്‍ നിറുത്തിയിടും.
യാത്രക്കാര്‍ക്ക് ട്രെയിനില്‍ കാത്തിരിക്കാതെ സ്റ്റേഷനില്‍ ഇറങ്ങാന്‍ സൌകര്യത്തിനുവേണ്ടിയാണിതെന്ന് ഡിവിഷണല്‍ റെയില്‍വേ മാനേജര്‍ ടൈറ്റസ് പി. കോശി പറഞ്ഞു.
റെയില്‍വേ തിരുവനന്തപുരം ഡിവിഷന്റെ റിപ്പബ്ളിക് ദിനാഘോഷ ചടങ്ങില്‍ സംസാരിക്കുകയായിരുന്നു അദ്ദേഹം. പേട്ട സ്റ്റേഷനില്‍ നിറുത്താത്ത പല ട്രെയിനുകളും സിഗ്നല്‍ കിട്ടാത്തതുകാരണം ഉപ്പിടാംമൂട് പാലത്തിന് സമീപം നിറുത്തിയിടുകയാണ് പതിവ്. ഇത് യാത്രക്കാര്‍ക്ക് ബുദ്ധിമുട്ടുണ്ടാക്കുന്നു.
തിരുവനന്തപുരം-ഹൈദരാബാദ് ശബരി എക്സ്പ്രസിലെ മൂന്നു സ്ളീപ്പര്‍ കോച്ചുകളില്‍ കോയമ്പത്തൂര്‍ വരെ റിസര്‍വേഷന്‍ ഒഴിവാക്കും. എസ് – 11, 12, 13 എന്നീ കോച്ചുകളാണ് റിസര്‍വേഷന്‍ ഇല്ലാതെ ഓടിക്കുക.
സ്ത്രീകള്‍ക്കുവേണ്ടി തമ്പാനൂര്‍ സെന്‍ട്രല്‍ റെയില്‍വേ സ്റ്റേഷനില്‍ നിര്‍മ്മിക്കുന്ന എ.സി. ഡോര്‍മിറ്ററി ഹാള്‍ ഉടന്‍ ഉദ്ഘാടനം ചെയ്യും. കാലാവധി കഴിഞ്ഞിട്ടും പണിതുടങ്ങാത്ത കരാറുകള്‍ റദ്ദാക്കും. റിസര്‍വേഷന്‍ സെന്ററില്‍ ക്യൂ ഒഴിവാക്കുന്നതിനുള്ള പുതിയ സംവിധാനം ഉടന്‍ നിലവില്‍ വരുമെന്ന് ഡി. ആര്‍. എം. പറഞ്ഞു.
യാത്രക്കാര്‍ക്ക് വേസ്റ്റ് നിക്ഷേപിക്കാന്‍ എല്ലാ സ്ളീപ്പര്‍ ക്ളാസ് കോച്ചുകളിലും വേസ്റ്റ് തൊട്ടികള്‍ സ്ഥാപിക്കും. ട്രെയിനുകളിലെ ടോയ്ലറ്റുകള്‍ അടിക്കടി വൃത്തിയാക്കാന്‍ മൊബൈല്‍ സംഘത്തെ നിയോഗിക്കും. കഴക്കൂട്ടത്ത് ഗുഡ്സ് ഷെഡ് സംവിധാനമൊരുക്കുമെന്നും ഡി.ആര്‍.എം പറഞ്ഞു.

12. വികലാംഗയായ പെണ്‍കുട്ടികള്‍ക്ക് നിക്ഷേപ പദ്ധതി
കോട്ടയം: വികലാംഗരായി ജനിക്കുന്ന പെണ്‍കുട്ടികളുടെ പേരില്‍ പതിനായിരം രൂപ ബാങ്കില്‍ നിക്ഷേപിക്കുന്ന പദ്ധതി സംസ്ഥാനത്ത് ഉടന്‍ ആരംഭിക്കും.
കേന്ദ്ര-സംസ്ഥാന സര്‍ക്കാരുകളുടെയും തദ്ദേശ സ്വയംഭരണ സ്ഥാപനങ്ങളുടെയും പങ്കാളിത്തത്തോടെയാണ് 18 വര്‍ഷത്തെ ഫിക്സഡ് ഡിപ്പോസിറ്റായി തുക നിക്ഷേപിക്കുന്നതെന്ന് സംസ്ഥാന വികലാംഗ ക്ഷേമകോര്‍പ്പറേഷന്‍ ചെയര്‍മാന്‍ ഉഴവൂര്‍ വിജയന്‍ പത്രസമ്മേളനത്തില്‍ പറഞ്ഞു. 18 വയസ് പൂര്‍ത്തിയാകുമ്പോള്‍ പലിശയടക്കം തുക വിനിയോഗിക്കാം.
നിര്‍ദ്ധനരായ വികലാംഗര്‍ക്കായി പാറശാലയില്‍ സഹായ ഉപകരണ യൂണിറ്റും കണ്ണൂരില്‍ ഉപകരണ നിര്‍മ്മാണ യൂണിറ്റും സ്ഥാപിക്കും. വിവാഹധനസഹായം അയ്യായിരത്തില്‍ നിന്നും 20000 രൂപയായി വര്‍ദ്ധിപ്പിച്ചു.
കേന്ദ്ര വികലാംഗ പുനരധിവാസ കോര്‍പ്പറേഷന്‍ മുഖാന്തിരം ഒന്നര ലക്ഷം രൂപ കോര്‍പ്പറേഷന്‍ അനുവദിക്കും.
കൂടുതല്‍ പണം വേണ്ടവര്‍ക്ക് എന്‍. എച്ച്. എഫ്. ഡി. സി മുഖേന നാലു ശതമാനം പലിശയ്ക്ക് സ്വയം തൊഴിലിനു വേണ്ടി വായ്പ നല്‍കും.
വൊക്കേഷണല്‍ ട്രെയിനിംഗിന്റെ ഭാഗമായി തടിപ്പണിക്ക് സ്റ്റൈപ്പന്റോടുകൂടി പരിശീലനം നല്‍കുമെന്നും ഉഴവൂര്‍ വിജയന്‍ പറഞ്ഞു.

1. 2007ലെ മലയാളിക്കുള്ള ഏഷ്യാനെറ്റ് പുരസ്കാരം എ.കെ.ആന്റണിക്ക്
തിരുവനന്തപുരം: കഴിഞ്ഞ വര്‍ഷത്തെ ശ്രദ്ധേയനായ മലയാളിയായി പ്രതിരോധമന്ത്രി എ.കെ.ആന്റണിയെ ഏഷ്യാനെറ്റ് തിരഞ്ഞെടുത്തു.

വിവിധ മേഖലകളില്‍ മികവ് കാട്ടിയ പ്രമുഖരായ പത്തുപേരുടെ പട്ടികയില്‍നിന്നായിരുന്നു എസ്.എം.എസ്. മുഖേനയുള്ള തിരഞ്ഞെടുപ്പ്. ആകെ ചെയ്ത വോട്ടില്‍ 24 ശതമാനം ആന്റണിക്ക് ലഭിച്ചു. ഫിബ്രവരി എട്ടിന് തിരുവനന്തപുരം കനകക്കുന്ന് കൊട്ടാരത്തില്‍ മുഖ്യമന്ത്രി വി.എസ്.അച്യുതാനന്ദന്‍ ബഹുമതി സമ്മാനിക്കും. വൈകീട്ട് 5.30ന് ‘കേരളം _ വെല്ലുവിളികള്‍, സാധ്യതകള്‍’ എന്ന വിഷയത്തില്‍ പ്രമുഖര്‍ പങ്കെടുക്കുന്ന ശില്പശാലയോടെയാണ് ചടങ്ങുകള്‍ തുടങ്ങുക. പിന്നീട് ആന്റണിയെ ആദരിക്കുന്ന ചടങ്ങ് നടക്കും.

ഏഷ്യാനെറ്റ് ചെയര്‍മാനും ‘ഫിക്കി’യുടെ നിയുക്ത പ്രസിഡന്റുമായ രാജീവ് ചന്ദ്രശേഖര്‍ എം.പി., ഏഷ്യാനെറ്റ് വൈസ് ചെയര്‍മാനും എം.ഡി.യുമായ കെ.മാധവന്‍ തുടങ്ങിയവരും ചടങ്ങില്‍ പങ്കെടുക്കും.

2. പോലീസുകാരുടെ മക്കളുടെ വിദ്യാഭ്യാസത്തിന് കൂടുതല്‍ പരിഗണന_കോടിയേരി
മലപ്പുറം: പോലീസുകാരുടെ മക്കള്‍ക്ക് വിദ്യാഭ്യാസം നല്കുന്നതിന് കൂടുതല്‍ ശ്രദ്ധ കൊടുക്കുമെന്ന് മന്ത്രി കൊടിയേരി ബാലകൃഷ്ണന്‍ പറഞ്ഞു. മലപ്പുറം എം.എസ്.പി സ്കൂളിന്റെ ശതാബ്ദി ആഘോഷങ്ങളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.

തിരുവനന്തപുരത്ത് എസ്.എ.പി ക്യാമ്പിനോടുചേര്‍ന്ന് സെന്‍ട്രല്‍സ്കൂള്‍ തുടങ്ങിയിട്ടുണ്ട്. തൃശ്ശൂരില്‍ പോലീസ് അക്കാദമിയുടെ ഭാഗമായി ഒരു സ്കൂള്‍ ഉടന്‍ തുടങ്ങും. ഇതിനാവശ്യമായ സ്ഥലം ആഭ്യന്തരവകുപ്പ് നല്കും.

മലപ്പുറം എം.എസ്.പി സ്കൂളിന്റെ വികസന മാര്‍ഗരേഖ സമര്‍പ്പിച്ചാല്‍ അനുകൂല നിലപാട് സര്‍ക്കാര്‍ ഭാഗത്തുനിന്നുണ്ടാകുമെന്നും മന്ത്രി ഉറപ്പുനല്കി.

ഉന്നത വിദ്യാഭ്യാസരംഗത്ത് കേരളത്തിന്റെ പിന്നാക്കാവസ്ഥ മറികടക്കുന്നതിന് സര്‍ക്കാര്‍ ശ്രമങ്ങള്‍ നടത്തും. കേന്ദ്രസര്‍വകലാശാല വടക്കേ മലബാറില്‍ സ്ഥാപിക്കുമെന്നും ഐ.ഐ.ടി സ്ഥാപിക്കുന്നതിന് കേന്ദ്രാനുമതി ലഭിച്ചിട്ടുണ്ടെന്നും കോടിയേരി പറഞ്ഞു.

3. പാഠപുസ്തകങ്ങളുടെ അച്ചടി നഷ്ടമായി ഷൊറണൂര്‍ ഗവ. പ്രസ്സ് അവഗണനയില്‍
ഷൊറണൂര്‍: അനുവദിച്ച ആധുനിക യന്ത്രങ്ങള്‍ പലതും ഇനിയും ലഭിക്കാത്തതും അച്ചടി വകുപ്പിന്റെ അവഗണനയുംമൂലം ഷൊറണൂര്‍ ഗവണ്‍മെന്റ് പ്രസ്സിന്റെ നിലനില്‍പ്പ് ഭീഷണിയില്‍. അതിനിടെ, പാഠപുസ്തക അതോറിറ്റി യഥാസമയം കടലാസ് എത്തിക്കാതിരുന്നതിനാല്‍ ഷൊറണൂര്‍ ഗവണ്‍മെന്റ് പ്രസ്സിന് പാഠപുസ്തകങ്ങളുടെ അച്ചടിക്കരാറും നഷ്ടമായി. ജീവനക്കാരുടെ കുറവും പ്രസ്സിന്റെ ദൈനംദിന പ്രവര്‍ത്തനങ്ങളെ ബാധിക്കുന്നുണ്ട്.

2005_06 ലെ ബജറ്റ്വിഹിതം ഉപയോഗിച്ച് വാങ്ങിയ യന്ത്രങ്ങള്‍ ഷൊറണൂര്‍ പ്രസ്സില്‍ ഇനിയും പൂര്‍ണമായി സ്ഥാപിച്ചിട്ടില്ല. അനുവദിച്ച യന്ത്രങ്ങളില്‍ പലതും തിരുവനന്തപുരത്തെയും എറണാകുളത്തെയും സര്‍ക്കാര്‍ പ്രസ്സുകളിലാണ് അധികൃതര്‍ സ്ഥാപിച്ചത്. പ്രസ്സിന്റെ പ്രവര്‍ത്തനത്തിന് വളരെ ഗുണകരമായ റീ_ഗ്രൈന്‍ഡിങ് യന്ത്രം വരെ ഇത്തരത്തില്‍ എറണാകുളത്തേക്ക് കൊണ്ടു പോയി. ഇതിനെതിരെ തൊഴിലാളി യൂണിയനുകള്‍ പ്രതിഷേധം ഉയര്‍ത്തിയിരുന്നെങ്കിലും ഫലമുണ്ടായില്ല.

എട്ടാംക്ലാസ്സിലെ അറബിക്, സോഷ്യല്‍ സയന്‍സ്, ഇംഗ്ലീഷ് പുസ്തകങ്ങളുടെ അച്ചടിക്കരാര്‍ ഷൊറണൂര്‍ ഗവ. പ്രസ്സിന് ലഭിച്ചിരുന്നതാണ്. എന്നാല്‍ കടലാസ് സമയത്ത് ടെക്സ്റ്റ്ബുക്ക് അതോറിറ്റി എത്തിച്ചില്ല. അതിനെത്തുടര്‍ന്ന് പാഠപുസ്തകങ്ങളുടെ അച്ചടി കഴിഞ്ഞ ദിവസം കോഴിക്കോട് ഗവണ്‍മെന്റ് പ്രസ്സിലേക്ക് അധികൃതര്‍ മാറ്റി.

മുന്നൂറോളം ജീവനക്കാരുള്ള ഷൊറണൂര്‍ പ്രസ്സിന് ഇപ്പോള്‍ മുഖ്യമായും പോലീസ് വകുപ്പിന്റെയും മറ്റും അച്ചടിക്കരാറുകളാണ് ലഭിക്കുന്നത്. പോലീസ് വകുപ്പില്‍ കമ്പ്യൂട്ടര്‍വത്കരണം വരുന്നതോടെ സ്ഥിതി പരുങ്ങലിലാവും. പാഠപുസ്തകങ്ങള്‍ അച്ചടിക്കാനുള്ള ചുമതല ലഭിച്ചില്ലെങ്കില്‍ പ്രസ്സിന്റെ സ്ഥിതി കൂടുതല്‍ വഷളാകുമെന്ന് തൊഴിലാളി യൂണിയനുകള്‍ പറയുന്നു.

സ്ഥലസൌകര്യങ്ങളുടെ പരിമിതിയും പ്രശ്നങ്ങള്‍ സൃഷ്ടിക്കുന്നുണ്ട്. അച്ചടി പൂര്‍ത്തിയാക്കിയവ യഥാസമയം പ്രസ്സില്‍നിന്ന് നീക്കംചെയ്യാന്‍ സാധിക്കാത്തത് സുരക്ഷാ ഭീഷണിയുണ്ടാക്കുന്നതായി ഡെപ്യൂട്ടി സൂപ്രണ്ടിന്റെ ചുമതലവഹിക്കുന്ന ശേഖരന്‍കുട്ടി പറഞ്ഞു. വിവിധ വകുപ്പുകളുടെ രേഖകള്‍ മാസങ്ങളായി പ്രസ്സില്‍ കൂടി ക്കിടക്കുകയാണ്.

ജില്ലയിലെ ഏക ഗവ. പ്രസ്സായ ഇവിടെ ഡെപ്യൂട്ടി സൂപ്രണ്ടിന്റെ തസ്തിക മാസങ്ങളായി ഒഴിഞ്ഞുകിടക്കുകയാണ്. ചുമതല അസിസ്റ്റന്റ് സൂപ്രണ്ടിനാണ് നല്‍കിയിരിക്കുന്നത്. ജനറല്‍ ഫോര്‍മാന്‍മാരുടെ ഒഴിവുകളും നികത്തിയിട്ടില്ല.

അവഗണന അവസാനിപ്പിക്കണം_ സി.പി.മുഹമ്മദ് എം.എല്‍.എ.

ഷൊറണൂര്‍: അച്ചടിവകുപ്പധികൃതര്‍ കാലാകാലങ്ങളായി ഷൊറണൂര്‍ ഗവ. പ്രസ്സിനെ അവഗണിക്കുന്നതാണ് ഇപ്പോഴത്തെ പ്രശ്നങ്ങള്‍ക്കു കാരണമെന്ന് സി.പി.മുഹമ്മദ് എം.എല്‍.എ. പറഞ്ഞു. ഭഗവാന്‍ പ്രസാദിച്ചിട്ടും പൂജാരി പ്രസാദിക്കാത്തത് പോലെയാണ് നിലവിലെ സ്ഥിതി. സര്‍ക്കാര്‍ഫണ്ട് ഉപയോഗിച്ച് ഷൊറണൂര്‍ ഗവ. പ്രസ്സിന് വാങ്ങിയ മെഷീനുകള്‍ മറ്റ് പ്രസ്സുകളിലേക്ക് കൊണ്ടുപോയതിന് യാതൊരു ന്യായീകരണവുമില്ല. പ്രസ്സിന് അര്‍ഹതപ്പെട്ട ഉപകരണങ്ങള്‍ പൂര്‍ണമായും ഉടന്‍തന്നെ നല്‍കണമെന്ന് സര്‍ക്കാരിനോട് ആവശ്യപ്പെടുമെന്ന് അദ്ദേഹം പറഞ്ഞു.

4. വാര്‍ത്താവിനിമയം പുതിയ സാങ്കേതികവിദ്യയുമായി മലയാളി യുവാവ്
കോട്ടയം: ഉപഗ്രഹത്തിന്റെ സഹായമില്ലാതെ വാര്‍ത്താവിനിമയം സാധ്യമാക്കുന്ന സാങ്കേതികവിദ്യ കണ്ടെത്തിയതായി മലയാളിയുവാവ്. പൊന്‍കുന്നം സ്വദേശിയും സൌദിഅറേബ്യയില്‍ സ്വകാര്യകമ്പനിയില്‍ ചീഫ് എന്‍ജിനിയറുമായ ഷാന്‍ ഷെറീഫ് കല്ലംപറമ്പില്‍ (24) ആണ് ഈ അവകാശവാദവുമായി രംഗത്തെത്തിയിരിക്കുന്നത്.

അള്‍ട്രാസോണിക് സങ്കേതം ഉപയോഗിച്ച് വാര്‍ത്താവിനിമയം നടത്താമെന്നാണ് ഷാനിന്റെ കണ്ടെത്തല്‍. അള്‍ട്രാസോണിക് റെഡ്ജ് ട്രാന്‍സ്ഡ്യൂസര്‍ എന്ന ഉപകരണം ഇതിനായി ഷാന്‍ വികസിപ്പിച്ചെടുത്തിട്ടുണ്ട്. ശബ്ദസിഗ്നലുകളെ അള്‍ട്രാസോണിക് തരംഗങ്ങളുമായി ബന്ധിപ്പിച്ചാണ് ഈ രീതിയില്‍ വാര്‍ത്താവിനിമയം സാധ്യമാക്കുന്നത്.

ഉപഗ്രഹസഹായത്തോടെയുള്ള ടെലികമ്മ്യൂണിക്കേഷന്‍ ഏറെ ചെലവേറിയതാണ്. എന്നാല്‍, പുതിയ കണ്ടെത്തല്‍ ഉപയോഗപ്പെടുത്തിയാല്‍ ചെലവ് വളരെ കുറയും. ഒരുരൂപ ചെലവില്‍ ഒരുമണിക്കൂറോളം മൊബൈല്‍ഫോണില്‍ സംസാരിക്കാന്‍ ഇത് വഴിയൊരുക്കുമെന്നും പത്രസമ്മേളനത്തില്‍ ഷാന്‍ പറഞ്ഞു.

5. അരിവില നിയന്ത്രിക്കാന്‍ ഇറങ്ങിയ കണ്‍സ്യൂമര്‍ഫെഡിന് നഷ്ടം 10 കോടി
തൃശ്ശൂര്‍: സംസ്ഥാനത്തെ അരിക്ഷാമവും വിലക്കയറ്റവും നിയന്ത്രിക്കാന്‍ അരിവിപണിയില്‍ ഇറങ്ങിയ കണ്‍സ്യൂമര്‍ഫെഡിന് നഷ്ടം 10 കോടി. നഷ്ടം പെരുകിയതിനെത്തുടര്‍ന്ന് 4000_ഓളം അരിക്കടകള്‍ അടച്ചിട്ടിട്ട് ഒരാഴ്ച കഴിഞ്ഞു. സ്ഥാപനത്തിന് ആശ്വാസമേകാന്‍ സര്‍ക്കാരിന്റെ തുടര്‍നടപടികള്‍ ഇല്ലാത്തത് കാര്യങ്ങള്‍ പ്രതിസന്ധിയിലാക്കി. ഇതുമായി ബന്ധപ്പെട്ട് 23ന് ചര്‍ച്ച വെച്ചിരുന്നെങ്കിലും നടന്നില്ല.

ജനവരി 20_നാണ് ഫെഡിന്റെ അരിക്കടകള്‍ പൂര്‍ണ്ണമായും നിര്‍ത്തിയത്. 25 കോടിയുടെ കച്ചവടമാണ് സ്ഥാപനം നടത്തിയത്. 17.50 രൂപയ്ക്ക് ആന്ധ്രാ അരി വാങ്ങിയാണ് 14 രൂപയ്ക്ക് വിറ്റത്. ഈയിനത്തില്‍ കിലോഗ്രാമിന് 3.50 രൂപ പ്രകാരമാണ് 10 കോടി രൂപയുടെ നഷ്ടമുണ്ടായിരിക്കുന്നത്. നഷ്ടം സര്‍ക്കാര്‍ നല്‍കുമെന്ന ധാരണയിലാണ് സ്ഥാപനം വിലകുറച്ചു വിറ്റത്.

ഇതോടെ ലാഭത്തിലേക്ക് മടങ്ങിവരികയായിരുന്ന സ്ഥാപനം ബുദ്ധിമുട്ടിലായി. 23ന് ധനകാര്യമന്ത്രിയുടെ നേതൃത്വത്തില്‍ സാമ്പത്തിക സഹായം സംബന്ധിച്ച് നടത്താനിരുന്ന യോഗം നടന്നതുമില്ല. പുതിയ യോഗദിവസം നിശ്ചയിച്ചിട്ടുമില്ല. 50 ലക്ഷം കുടുംബങ്ങള്‍ക്ക് പ്രയോജനം കിട്ടേണ്ട പദ്ധതി തുടര്‍ന്ന് നടക്കുമെന്ന് ഉറപ്പില്ലാതായി.

അടുത്തകാലത്ത് കണ്‍സ്യൂമര്‍ഫെഡ് നടത്തിയ മറ്റ് വിവിധ വിപണി ഇടപെടലുകളിലും സര്‍ക്കാര്‍വിഹിതം ഇനിയും നല്‍കിയിട്ടില്ല.

സഹകരണ വിപണനം കേരളീയം 60 ദിവസം നടത്തിയപ്പോള്‍ 15.79 കോടിയാണ് നഷ്ടം വന്നത്. ഇതില്‍ 5.79 കോടി ഇനിയും സര്‍ക്കാര്‍ നല്‍കാനുണ്ട്. ഓണക്കച്ചവടത്തിന് നഷ്ടം 6.32 കോടിയായിരുന്നു. സര്‍ക്കാര്‍ നല്‍കിയത് മൂന്നു കോടിയും. റംസാന്‍, ക്രിസ്മസ്, ബക്രീദ് വിപണികളില്‍ ഇറങ്ങി നഷ്ടംവന്ന ഓരോ കോടി വീതവും സര്‍ക്കാര്‍ നല്‍കാനുണ്ട്. വിലക്കൂടുതലുള്ള സാധനങ്ങള്‍ വാങ്ങി പൊതുവിപണിയേക്കാള്‍ താഴ്ന്ന നിരക്കില്‍ വിറ്റപ്പോഴുണ്ടായ നഷ്ടമാണ് ഇവയെല്ലാം.

ഒട്ടാകെ 25 കോടി രൂപയോളമാണ് സര്‍ക്കാര്‍ ഈയിനങ്ങളിലെല്ലാംകൂടി കണ്‍സ്യൂമര്‍ഫെഡിന് നല്‍കാനുള്ളത്. കിട്ടാനുള്ള തുക സംബന്ധിച്ച് സര്‍ക്കാരിന് ഇടക്കാല റിപ്പോര്‍ട്ട് നല്‍കി കാത്തിരിക്കുകയാണ് കണ്‍സ്യൂമര്‍ഫെഡ്.

6. സിന്‍ഡിക്കേറ്റിന് വേദിയൊരുക്കാന്‍ ലക്ഷങ്ങള്‍; ആരോപണം ഭയന്ന് യോഗസ്ഥലം മാറ്റി
തിരുവനന്തപുരം: കേരള സര്‍വകലാശാലയുടെ സിന്‍ഡിക്കേറ്റ് യോഗം ചേരാന്‍ ലക്ഷങ്ങള്‍ പൊടിപൊടിക്കുന്നത് വിവാദമാകുന്നു. സര്‍വകലാശാല ആസ്ഥാനത്തുള്ള സിന്‍ഡിക്കേറ്റ്ഹാള്‍ അടുത്ത സമയത്താണ് ശീതീകരിച്ച് നന്നായി ഫര്‍ണിഷ് ചെയ്തെടുത്തത്. ഇതിനായി അഞ്ചുലക്ഷത്തോളം രൂപ ചെലവായി.

ഇതിനിടെ ഒന്നിടവിട്ട സിന്‍ഡിക്കേറ്റ് യോഗങ്ങള്‍ കാര്യവട്ടം കാമ്പസ്സില്‍ ചേരാന്‍ തീരുമാനിച്ചു. ഉടനടി അഞ്ചുലക്ഷത്തോളം രൂപ മുടക്കി കാര്യവട്ടത്തെ സര്‍വകലാശാല ഗസ്റ്റ്ഹൌസ് മോടിപിടിപ്പിച്ചു. സിന്‍ഡിക്കേറ്റിന്റെ ആവശ്യത്തിനായി അഞ്ചുലക്ഷം രൂപ അനുവദിക്കുന്ന കാര്യം ചൊവ്വാഴ്ചത്തെ യോഗത്തിന്റെ അജണ്ടയിലും ഉള്‍പ്പെട്ടിരുന്നു. കാര്യവട്ടം കാമ്പസ്സില്‍ ഇടയ്ക്കിടയ്ക്ക് യോഗം ചേരുന്നത് അവിടെ കൂടുതല്‍ ശ്രദ്ധപതിപ്പിക്കാന്‍ ഇടവരുത്തുമെന്നാണ് യോഗവേദി അങ്ങോട്ടേയ്ക്ക് മാറ്റാനുള്ള കാരണമായി പറഞ്ഞത്.

എന്നാല്‍ സര്‍വകലാശാലാഅധികൃതരില്‍ത്തന്നെ ഒരു വിഭാഗത്തിന് ഈ ധൂര്‍ത്തില്‍ അമര്‍ഷം തോന്നി. സര്‍വകലാശാലാആസ്ഥാനത്ത് യോഗം ചേര്‍ന്നാല്‍ നല്ലൊരു പങ്ക് സിന്‍ഡിക്കേറ്റംഗങ്ങളും നഗരത്തിലെ താമസക്കാരായതിനാല്‍ യാത്രാപ്പടിക്ക് അര്‍ഹരല്ല. കാര്യവട്ടം കാമ്പസ്സിലേക്ക് 14 കിലോമീറ്റര്‍ ഉള്ളതിനാല്‍ അവിടെ യോഗം ചേര്‍ന്നാല്‍ യാത്രാപ്പടി ലഭിക്കുകയും ചെയ്യും. ഇതില്‍ കണ്ണുവെച്ചാണ് യോഗവേദി മാറ്റുന്നതെന്നാണ് ആരോപണം ഉയര്‍ന്നത്.

7. വയനാട്ടിലെ കാര്‍ഷിക വായ്പകളുടെ ബാധ്യത സര്‍ക്കാര്‍ ഏറ്റെടുക്കും _മന്ത്രി
തിരുവനന്തപുരം: വയനാട് ജില്ലയിലെ വിവിധ സഹകരണ ബാങ്കുകളില്‍ നിന്നെടുത്ത കാര്‍ഷിക വായ്പകളുടെ ബാധ്യത ഗവണ്മെന്റ് ഏറ്റെടുക്കുമെന്ന് മന്ത്രി ജി. സുധാകരന്‍ അറിയിച്ചു.

ജില്ലയിലെ കര്‍ഷകര്‍ നേരിടുന്ന കടുത്ത സാമ്പത്തിക പ്രതിസന്ധി കണക്കിലെടുത്താണ് ഗവണ്മെന്റ് ഈ തീരുമാനമെടുത്തിട്ടുള്ളത്. ഒരേക്കര്‍ വരെ കൃഷിഭൂമിയുള്ള കര്‍ഷകര്‍ 2006 ജൂണ്‍ 30 വരെ സഹകരണ സംഘങ്ങളില്‍ നിന്നെടുത്ത 25,000 രൂപ വരെയുള്ള കടങ്ങള്‍ എഴുതിത്തള്ളാനും തന്മൂലം സഹകരണ സംഘങ്ങള്‍ക്കുണ്ടാകുന്ന നഷ്ടം ഗവണ്മെന്റ് നികത്താനും തീരുമാനമായി. പദ്ധതി നടത്തിപ്പിനായി മന്ത്രി ജി. സുധാകരന്റെ അധ്യക്ഷതയില്‍ ചേര്‍ന്ന യോഗത്തില്‍ വയനാട് ജില്ലയില്‍ 25,000 രൂപ വരെയുള്ള വായ്പകള്‍ എഴുതിത്തള്ളുന്നതുമൂലം അതത് സംഘങ്ങള്‍ക്ക് നല്‍കേണ്ടി വരുന്ന തുകകള്‍ പരിശോധിച്ച് കൃത്യമായ കണക്കുകള്‍ ജനവരി 30 നകം സമര്‍പ്പിക്കാന്‍ രജിസ്ട്രാര്‍ക്ക് നിര്‍ദ്ദേശം നല്‍കിയതായി മന്ത്രിയുടെ ഓഫീസ് അറിയിച്ചു. കാര്‍ഷികേതര വായ്പകള്‍ ഈ പദ്ധതിയില്‍ ഉള്‍പ്പെടുത്തുന്നതല്ല. അതത് സംഘങ്ങള്‍ തയ്യാറാക്കുന്ന കണക്കുകള്‍ ജില്ലയിലെ സഹകരണ അസിസ്റ്റന്റ് രജിസ്ട്രാര്‍, ജോയിന്റ് രജിസ്ട്രാര്‍ എന്നിവര്‍ പരിശോധിച്ച് പ്രസ്തുത കണക്കുകളുടെ കൃത്യതയും അനര്‍ഹമായ വായ്പകള്‍ ഉള്‍പ്പെടുത്തിയിട്ടില്ല എന്ന് ഉറപ്പുവരുത്തി വിശദമായ റിപ്പോര്‍ട്ട് രജിസ്ട്രാര്‍ക്ക് സമര്‍പ്പിക്കണം. അത് ധനകാര്യ വകുപ്പിന്റെ പരിഗണനയ്ക്ക് ഉടനെ സമര്‍പ്പിക്കേണ്ടതാണെന്നും മന്ത്രി നിര്‍ദ്ദേശിച്ചു.

കഴിഞ്ഞ സര്‍ക്കാരിന്റെ കാലത്ത് സഹകരണ സ്ഥാപനങ്ങളില്‍ നിന്നെടുത്ത കാര്‍ഷിക വായ്പകള്‍ തിരിച്ചടയ്ക്കാന്‍ മൊറട്ടോറിയം പ്രഖ്യാപിക്കുകയും മൊറട്ടോറിയം കാലയളവിലെ പലിശ ഗവണ്മെന്റ് നല്‍കുമെന്ന് ഉത്തരവ് പുറപ്പെടുവിക്കുകയും ചെയ്തിരുന്നു. ഈ ഉത്തരവ് പ്രകാരം സംഘങ്ങള്‍ വായ്പക്കാര്‍ക്ക് പലിശയിളവ് നല്‍കി വായ്പാ കണക്കുകള്‍ അവസാനിപ്പിച്ചു. ഗവണ്മെന്റ് ഉത്തരവിലെ നിര്‍ദ്ദേശങ്ങള്‍ സംഘംതലത്തില്‍ നടപ്പാക്കിയ ശേഷം മേല്‍പ്പറഞ്ഞ ഉത്തരവ് ഗവണ്മെന്റ് റദ്ദ് ചെയ്യുകയായിരുന്നു. ഗവണ്മെന്റ് ഉത്തരവ് യഥാസമയം പാലിക്കുകയും അതുമൂലം സംഘങ്ങള്‍ക്കുണ്ടായ സാമ്പത്തിക ബാധ്യതകള്‍ നല്‍കുന്നതില്‍ നിന്ന് പിന്നീട് ഗവണ്മെന്റ് പിന്തിരിയുകയും ചെയ്തതുമൂലം പല സംഘങ്ങളും സാമ്പത്തിക ബുദ്ധിമുട്ടിലായി. 2008 ഫിബ്രവരി ഒന്നുമുതല്‍ ഒരുമാസക്കാലം വായ്പാ സംഘങ്ങളില്‍ നിന്നും അംഗങ്ങള്‍ എടുത്തിട്ടുള്ള വിവിധ വായ്പകള്‍ കുടിശ്ശികയായി നില്‍ക്കുന്നത് അടവാക്കാന്‍ പ്രത്യേക ഇളവുകള്‍ പ്രഖ്യാപിച്ചിട്ടുണ്ട്. ഈ കുടിശ്ശിക നിവാരണ പദ്ധതി പ്രകാരം ഗവണ്മെന്റ് പ്രഖ്യാപിച്ചിട്ടുള്ള ഇളവുകള്‍ പ്രയോജനപ്പെടുത്തി കടബാധ്യതയില്‍ നിന്നും ഒഴിവാകാനും അതോടൊപ്പം സഹകരണ സ്ഥാപനങ്ങളുടെ സാമ്പത്തികനില മെച്ചപ്പെടുത്താനും എല്ലാ വായ്പക്കാരും സഹകരിക്കണമെന്ന് മന്ത്രി ജി. സുധാകരന്‍ പറഞ്ഞു.

8. റെയില്‍വേ സ്റ്റേഷനുകളുടെ വികസനത്തിന് 20 കോടിയുടെ പദ്ധതി
തിരുവനന്തപുരം: തിരുവനന്തപുരം റെയില്‍വേ ഡിവിഷന്റെ കീഴിലുള്ള റെയില്‍വേ സ്റ്റേഷനുകളില്‍ യാത്രക്കാരുടെ സൌകര്യങ്ങള്‍ വര്‍ധിപ്പിക്കുന്നതിനായി അടുത്ത സാമ്പത്തിക വര്‍ഷം 20 കോടി രൂപ ചെലവാക്കുമെന്ന് തിരുവനന്തപുരം ഡിവിഷണല്‍ മാനേജര്‍ ടൈറ്റസ് പി. കോശി അറിയിച്ചു.

തിരുവനന്തപുരം സെന്‍ട്രല്‍ റെയില്‍വേ സ്റ്റേഷനില്‍ നിര്‍മ്മിച്ചുകൊണ്ടിരിക്കുന്ന സ്ത്രീകള്‍ക്കായുള്ള എയര്‍ കണ്ടീഷന്‍ ചെയ്ത വിശ്രമ മുറിയുടെ മാതൃകയില്‍ മറ്റുപ്രധാന സ്റ്റേഷനുകളില്‍ വിശ്രമ മുറികള്‍ നിര്‍മ്മിക്കും. സ്റ്റേഷനുകളിലെ പ്ലാറ്റ്ഫോമിന്റെ ഉയരം വര്‍ധിപ്പിക്കും. തീവണ്ടിയില്‍ നിന്നും ഇറങ്ങുന്നവര്‍ തെന്നി വീഴാതിരിക്കാനായി പ്രത്യേകതരം തറയോടുകള്‍ പാകും. ഡിവിഷന്റെ കീഴിലുള്ള സ്റ്റേഷനുകളില്‍ നടന്നുകൊണ്ടിരിക്കുന്ന അറ്റകുറ്റപ്പണികള്‍ ത്വരപ്പെടുത്തുമെന്നും ഡി. ആര്‍. എം. അറിയിച്ചു.

ഹൃസ്വദൂര യാത്രക്കാരെ സഹായിക്കുക എന്ന ലക്ഷ്യത്തോടെ ശബരിഎക്സ്പ്രസിലെ മൂന്നുകോച്ചുകളില്‍ സീസണ്‍ ടിക്കറ്റുകാര്‍ക്ക് ഇനി യാത്രചെയ്യാന്‍ കഴിയും. തിരുവനന്തപുരം മുതല്‍ കോയമ്പത്തൂര്‍ വരെ എസ്_11, എസ്_12, എസ്_13 കോച്ചുകളിലാണ് സീസണ്‍ ടിക്കറ്റുകാര്‍ക്ക് യാത്രാനുമതി നല്‍കിയിരിക്കുന്നത്. കമ്പ്യൂട്ടര്‍ റിസര്‍വേഷന്‍ സമ്പ്രദായം നടപ്പിലാക്കിയ ശേഷം ആദ്യമായാണ് സീസണ്‍ ടിക്കറ്റുകാര്‍ക്ക് യാത്രാനുമതി നല്‍കുന്നതെന്ന് ഡി. ആര്‍. എം. പറഞ്ഞു.

തിരുവനന്തപുരം ഡിവിഷന്‍ ഈ വര്‍ഷം 430 കോടി രൂപ വരുമാനം നേടി. കഴിഞ്ഞ വര്‍ഷത്തെക്കാള്‍ 70 കോടി അധികം നേടിയതായി അദ്ദേഹം പറഞ്ഞു. സംസ്ഥാന സര്‍ക്കാരിന്റെ സഹകരണത്തോടെ റെയില്‍വേ സ്റ്റേഷനുകളില്‍ എയ്ഡ്സ് കൌണ്‍സലിങ് സെന്ററുകള്‍ ആരംഭിക്കും. തിരുവനന്തപുരത്തായിരിക്കും ആദ്യസെന്റര്‍ ആരംഭിക്കുക. ഇതിന്റെ പ്രവര്‍ത്തനങ്ങള്‍ അന്തിമഘട്ടത്തിലാണ്_ ഡി. ആര്‍. എം. പറഞ്ഞു.

9. സര്‍വരുടെയും ജീവിതനിലവാരം ഉയര്‍ത്തുന്നതാണ് വികസനം_വി. എസ്.
തിരുവനന്തപുരം: വികസനമെന്നാല്‍ സര്‍വരുടെയും ജീവിത നിലവാരം ഉയര്‍ത്തുക എന്നാണര്‍ത്ഥമെന്ന് മുഖ്യമന്ത്രി വി. എസ്. അച്യുതാനന്ദന്‍ അഭിപ്രായപ്പെട്ടു. എല്ലാവര്‍ക്കും വളരുവാനും അഭിവൃദ്ധിയുണ്ടാകുവാനും ഉതകുംവിധത്തില്‍ പൊതുസമ്പത്തും സാമൂഹിക സൌകര്യങ്ങളും നീതിപൂര്‍വകമായി ലഭിക്കാന്‍ വേണ്ട അവസരങ്ങള്‍ സൃഷ്ടിക്കപ്പെടണമെന്നും അദ്ദേഹം നിര്‍ദ്ദേശിച്ചു. തിങ്കളാഴ്ച ഇരുപതാമത് സംസ്ഥാന ശാസ്ത്രകോണ്‍ഗ്രസ് ഉദ്ഘാടനം ചെയ്യുകയായിരുന്നു മുഖ്യമന്ത്രി.

സാധാരണക്കാരന്റെ ജീവിത സംബന്ധിയായ പ്രശ്നങ്ങള്‍ പഠിക്കാനും അവയ്ക്ക് സാമൂഹിക പ്രതിബദ്ധതയോടെ പരിഹാരങ്ങള്‍ കണ്ടെത്താനുമുള്ള ശ്രമം ശാസ്ത്രജ്ഞരുടെ ഭാഗത്തുനിന്നുണ്ടാവണമെന്ന് വി. എസ്. ആവശ്യപ്പെട്ടു. നമ്മുടെ മണ്ണും ജലസ്രോതസ്സുകളും വനവും മറ്റു പ്രകൃതി സമ്പത്തുമെല്ലാം നേരിടുന്ന വെല്ലുവിളികളെ അഭിമുഖീകരിക്കാനും പരിഹാരം കാണാനുമുള്ള പ്രധാന ചുമതല ശാസ്ത്ര സാങ്കേതിക സ്ഥാപനങ്ങള്‍ക്കും അവയില്‍ പ്രവര്‍ത്തിക്കുന്ന പ്രതിഭാശാലികള്‍ക്കുമുണ്ടെന്ന് അദ്ദേഹം ചൂണ്ടിക്കാട്ടി.

സംസ്ഥാനത്തിന്റെ പ്രത്യേകമായ വ്യാവസായിക വികസന ആവശ്യങ്ങള്‍ മുന്‍നിര്‍ത്തി ധാതുഗവേഷണ വികസന കേന്ദ്രം, പരിസ്ഥിതി ശാസ്ത്ര സാങ്കേതിക സ്ഥാപനം എന്നിവ തുടങ്ങാന്‍ പ്രാരംഭ നടപടികള്‍ സ്വീകരിച്ചിട്ടുണ്ടെന്ന് മുഖ്യമന്ത്രി അറിയിച്ചു. കേന്ദ്രസര്‍ക്കാര്‍ സഹായത്തോടെ പാരമ്പര്യ വിജ്ഞാനകേന്ദ്രം, സുസ്ഥിര തീരദേശ മേഖലാ വികസന സ്ഥാപനം എന്നിവ ആരംഭിക്കാന്‍ ശ്രമിച്ചുവരികയാണെന്നും അദ്ദേഹം പറഞ്ഞു.

കേരള ശാസ്ത്ര സാങ്കേതിക പരിസ്ഥിതി കൌണ്‍സില്‍ എക്സിക്യൂട്ടീവ് വൈസ് പ്രസിഡന്റ് ഡോ. ഇ. പി. യശോധരന്‍ അധ്യക്ഷനായിരുന്നു. കേന്ദ്ര സര്‍ക്കാരിന്റെ ശാസ്ത്രസാങ്കേതിക ഉപദേഷ്ടാവ് ഡോ. സി. പി. സൈഗാള്‍, കേരള സര്‍വകലാശാല വൈസ് ചാന്‍സലര്‍ ഡോ. എം. കെ. രാമചന്ദ്രന്‍ നായര്‍, ശാസ്ത്ര കോണ്‍ഗ്രസ് സമിതി ചെയര്‍മാന്‍ പ്രൊഫ. ആര്‍. വി. ജി. മേനോന്‍, സംഘാടക സമിതി ജനറല്‍ കണ്‍വീനര്‍ ടി. ഇളങ്കോവന്‍, കണ്‍വീനര്‍ ഡോ. കമലാക്ഷന്‍ കൊക്കല്‍ തുടങ്ങിയവരും സംബന്ധിച്ചു.

10. ശിശുക്േഷമ പദ്ധതിക്കായി നല്‍കിയ പണം കേരളം പാഴാക്കി
ന്യൂഡല്‍ഹി: ലോകബാങ്കിന്റെ സഹായത്തോടെ കേന്ദ്ര വനിതാ ശിശുക്ഷേമ വകുപ്പ് സമഗ്ര ശിശുവികസന പദ്ധതിയില്‍(ഐ.സി.ഡി.എസ്.) പ്പെടുത്തി വിവിധ സംസ്ഥാനങ്ങള്‍ക്ക് നല്‍കിയ തുകയില്‍ ഏറ്റവും കുറച്ചുതുക ചെലവഴിച്ചത് കേരളമെന്ന് റിപ്പോര്‍ട്ട്.

ന്യൂഡല്‍ഹിയില്‍ തിങ്കളാഴ്ച ആരംഭിച്ച സംസ്ഥാന വനിതാ ശിശുക്ഷേമ വകുപ്പ് മന്ത്രിമാരുടെ സമ്മേളനത്തിലാണ് ഈ റിപ്പോര്‍ട്ട് സമര്‍പ്പിച്ചത്. 2006 മാര്‍ച്ച് 31നകം ചെലവഴിക്കാനായി നല്‍കിയ പണത്തില്‍ 5.07 കോടി രൂപ കേരളം ചെലവഴിച്ചിട്ടില്ല. കൂടുതല്‍ സമയം അനുവദിച്ചിട്ടും പണം ചെലവഴിക്കാത്തതിന്റെ വിശദീകരണവും റിപ്പോര്‍ട്ടില്‍ ആവശ്യപ്പെട്ടിട്ടുണ്ട്.

കഴിഞ്ഞ വര്‍ഷം മാര്‍ച്ച് വരെ 32115 അങ്കണവാടികള്‍ കേരളത്തില്‍ കേന്ദ്രശിശുക്ഷേമവകുപ്പ് അംഗീകരിച്ചിട്ടുണ്ടെങ്കിലും അവയില്‍ 4,000_ത്തിലേറെ പ്രവര്‍ത്തനക്ഷമമായിട്ടില്ലെന്നും റിപ്പോര്‍ട്ടുകള്‍ സൂചിപ്പിക്കുന്നു. 2007ന്റെ ആദ്യപാദത്തിലെ റിപ്പോര്‍ട്ടനുസരിച്ച് ഐ.സി.ഡി.എസ്സിനു കീഴില്‍ ജോലി ചെയ്യുന്നവര്‍ക്ക് തുടര്‍പരിശീലനങ്ങള്‍ സംഘടിപ്പിക്കുന്നതില്‍ കേരളം മോശം പ്രകടനമാണ് നടത്തിയിട്ടുള്ളത്.

ഗാര്‍ഹിക പീഡന നിരോധന നിയമത്തെക്കുറിച്ചും ഐ.സി.ഡി.എസ്സില്‍ വരുത്തേണ്ട മാറ്റങ്ങളെക്കുറിച്ചും ചൊവ്വാഴ്ചയോടെ സമാപിക്കുന്ന സമ്മേളനം ചര്‍ച്ച ചെയ്യുന്നുണ്ട്. നിയമത്തിന്റെ പ്രായോഗിക പ്രശ്നങ്ങള്‍ സംബന്ധിച്ച റിപ്പോര്‍ട്ട് മാര്‍ച്ച് മാസത്തില്‍ കേന്ദ്രവനിതാ ശിശുക്ഷേമ വകുപ്പ് പ്രധാനമന്ത്രിക്ക് സമര്‍പ്പിക്കാനിരിക്കുകയാണ്. ഇതിനു മുമ്പായി വിവിധ സംസ്ഥാനങ്ങളില്‍ സ്ത്രീകള്‍ നേരിടുന്ന പ്രശ്നങ്ങള്‍, ഐ.സി.ഡി.എസ്സിന്റെ നടത്തിപ്പ് എന്നിവയെക്കുറിച്ച് ചര്‍ച്ച ചെയ്യാനായി ഉദ്ദേശിച്ചാണ് കേന്ദ്ര വനിതാ ശിശുക്ഷേമ വകുപ്പ് മന്ത്രി രേണുകാ ചൌധരിയുടെ അധ്യക്ഷതയില്‍ സമ്മേളനം ചേരുന്നത്.

രാജ്യത്തെ 58 ശതമാനം ഗര്‍ഭിണികള്‍ വിളര്‍ച്ച ബാധിച്ചവരാണെന്നും 50 ശതമാനം പെണ്‍കുട്ടികള്‍ തൂക്കക്കുറവുള്ളവരാണെന്നും കണ്ടെത്തിയിട്ടുണ്ട്.

അങ്കണവാടി വര്‍ക്കര്‍മാര്‍ക്കും ഹെല്‍പ്പര്‍മാര്‍ക്കും ഇന്‍ഷുറന്‍സ് പരിരക്ഷ നല്‍കാനും തീരുമാനമായി.

11. കമ്മീഷന്‍നടപടി: വകുപ്പ് സെക്രട്ടറി സത്യവാങ്മൂലം നല്‍കണം
കൊച്ചി: ജസ്റ്റിസ് കെ.കെ. നരേന്ദ്രന്‍കമ്മീഷന്‍ പ്രവര്‍ത്തനത്തെ ചോദ്യംചെയ്തുകൊണ്ട് എല്‍ദോ കുരുവിള നല്‍കിയ ഹര്‍ജിയില്‍ പൊതുഭരണ പ്രിന്‍സിപ്പല്‍ സെക്രട്ടറി സത്യവാങ്മൂലം നല്‍കണമെന്ന് ഹൈക്കോടതി ഉത്തരവിട്ടു.

രണ്ടാഴ്ചയ്ക്കുള്ളില്‍ സത്യവാങ്മൂലം നല്‍കിയില്ലെങ്കില്‍ വകുപ്പ് പ്രിന്‍സിപ്പല്‍ സെക്രട്ടറി ഫിബ്രവരി 7ന് ഹൈക്കോടതിയില്‍ നേരിട്ട് ഹാജരാകണമെന്നും ജസ്റ്റിസ് സിരിജഗന്‍ നിര്‍ദേശിച്ചു. മുന്‍മന്ത്രി ടി.യു. കുരുവിളയുടെ മകനാണ് എല്‍ദോ കുരുവിള.

മുന്‍മന്ത്രിയുടെ മക്കള്‍ ഉള്‍പ്പെട്ട ഇടുക്കിയിലെ ഭൂമി ഇടപാടിനെക്കുറിച്ചാണ് ജസ്റ്റിസ് നരേന്ദ്രന്‍ കമ്മീഷന്‍ അന്വേഷണം നടത്തുന്നത്.

കമ്മീഷന്റെ സിറ്റിങ് കൊച്ചിയില്‍ തിങ്കളാഴ്ച നടന്നു. മുന്‍മന്ത്രി വക്കീല്‍മുഖേന ഹാജരായി. അടുത്ത സിറ്റിങ് മാര്‍ച്ച് ഒന്നിന് നടക്കും.

12. മെര്‍ക്കിസ്റ്റണ്‍: സേവി മനോമാത്യുവിന്റെ ഹര്‍ജി ഹൈക്കോടതിയില്‍
കൊച്ചി: മെര്‍ക്കിസ്റ്റണ്‍ എസ്റ്റേറ്റിലുള്‍പ്പെട്ട ഭൂമി പരിസ്ഥിതി ദുര്‍ബല പ്രദേശ സംരക്ഷണ വ്യവസ്ഥയുടെ പരിധിയില്‍ നിന്ന് ഒഴിവാക്കിയ ഉത്തരവ് പിന്‍വലിച്ചതിനെതിരെ സേവി മനോമാത്യു ഹൈക്കോടതിയെ സമീപിച്ചു. എസ്റ്റേറ്റിലെ 24.4 ഹെക്ടര്‍ ഒഴിച്ചുള്ള ഭൂമിയാണ് മുന്‍ വനം കസ്റ്റോഡിയന്‍ വി.ഗോപിനാഥ് പരിസ്ഥിതിദുര്‍ബല പ്രദേശ സംരക്ഷണ വ്യവസ്ഥയില്‍ നിന്ന് ഒഴിവാക്കി നല്‍കിയത്. ഈ ഭൂമി ഐ.എസ്.ആര്‍.ഒയ്ക്ക് വില്‍ക്കാന്‍ നടപടികളായതോടെയാണ് പ്രശ്നം വിവാദമായത്. ഒടുവില്‍ വനം കസ്റ്റോഡിയന്റെ ഉത്തരവ് സര്‍ക്കാര്‍ പിന്‍വലിക്കുകയാണുണ്ടായത്. ഹര്‍ജി തിങ്കളാഴ്ച ജസ്റ്റിസ് ആന്റണി ഡൊമിനിക്കിന്റെ മുമ്പാകെ വന്നെങ്കിലും അദ്ദേഹം കേള്‍ക്കാന്‍ വിസമ്മതിച്ചതിനെത്തുടര്‍ന്ന് അടുത്ത ദിവസം മറ്റൊരു ജഡ്ജിയുടെ മുമ്പാകെ കൊണ്ടുവരാനായി മാറ്റുകയാണുണ്ടായത്.

മെര്‍ക്കിസ്റ്റണ്‍ ഭൂമി ഐ.എസ്.ആര്‍.ഒയ്ക്ക് വിറ്റതിനെച്ചൊല്ലിയുള്ള പൊതുതാല്പര്യ ഹര്‍ജിയും മറ്റും ചീഫ് ജസ്റ്റിസ് ഉള്‍പ്പെട്ട ഡിവിഷന്‍ബഞ്ച് മുമ്പാകെ നിലവിലുണ്ട്.

1. പുനരര്‍പ്പണം പ്രഭാപൂര്‍ണം
കോട്ടയം: ആയിരക്കണക്കിന് അഭ്യുദയകാംഷികളുടെയും വായനക്കാരുടെയും ഹൃദയത്തുടിപ്പുകള്‍ കരഘോഷങ്ങളായി അലയടിച്ച പുണ്യനിമിഷത്തില്‍ ദീപികയുടെ പുനരര്‍പ്പണം ആവേശത്തി ന്റെ പ്രഭ ചൊരിഞ്ഞു. കോട്ടയം ഇന്ദ്രപ്രസ്ഥം ഓഡിറ്റോറിയത്തില്‍ സഭാപിതാക്കന്‍മാരും രാഷ്ട്രീയ സാംസ്കാരിക നായകരും ഉള്‍പ്പെട്ട പ്രൌഢഗംഭീരമായ സദസ് പുത്തന്‍ സൂര്യോദയത്തെ വരവേറ്റു.

ദീപിക എക്കാലവും ജനങ്ങളുടെ പക്ഷത്തായിരിക്കും. സ ത്യവും നീതിയുമായിരിക്കും ദീപികയുടെ ആദര്‍ശം. വലിയൊരു ജനസമൂഹത്തിന്റെ വികാരത്തിലും വിചാരത്തിലും ദീപികയ്ക്ക് എക്കാലവും ഇടമുണ്ട്. വരും നാളുകളില്‍ ഈ ജിഹ്വയുടെ ധര്‍മത്തിന് പ്രസക്തി വര്‍ധിക്കുകയാണ്-മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ വര്‍ക്കി വിതയത്തില്‍ ഉദ്ഘാടന പ്രസംഗത്തില്‍ വ്യക്തമാക്കി.

ദീപിക സഭയുടെ സുരക്ഷിത കരങ്ങളിലെത്തുന്നതും പുനരര്‍പ്പണവും കാലം കാത്തിരുന്ന അനല്‍പമായ സന്തോഷത്തിന്റെ പുണ്യനിമിഷമാണെന്നു മേജര്‍ ആര്‍ച്ച് ബിഷപ് മാര്‍ ബസേലിയോസ് ക്ളിമീസ് കാതോലിക്കാ ബാവ അധ്യക്ഷപ്രസംഗത്തില്‍ പറഞ്ഞു.മാധ്യമ ലോകത്ത് സത്യസന്ധമായ കടമ നിര്‍വഹിക്കുന്ന പത്രമായിരിക്കും ദീപികയെന്നു അദ്ദേഹം കൂട്ടിച്ചേര്‍ത്തു.

ആര്‍ച്ച് ബിഷപുമാരായ മാര്‍ ജോസഫ് പെരുന്തോട്ടം, മാര്‍ മാത്യു മൂലക്കാട്ട്, പ്രതിപക്ഷനേതാവ് ഉമ്മന്‍ ചാണ്ടി, മന്ത്രി മോന്‍സ് ജോസഫ്, എംപിമാരായ കെ.ഫ്രാന്‍സിസ് ജോര്‍ജ്, കെ.സുരേഷ് കുറുപ്പ്, എം.എല്‍.എ മാരായ കെ.എം മാണി, പി.ജെ ജോസഫ്, വി.എന്‍ വാസവന്‍, ദീപിക ചീഫ് എഡിറ്റര്‍ ഫാ.ജോസ് പന്തപ്ളാംതൊട്ടിയില്‍, മുന്‍ മന്ത്രി ടി.എം ജേക്കബ്, ജില്ലാ പഞ്ചായത്ത് പ്രസിഡന്റ് തോമസ് കുന്നപ്പള്ളി, ജില്ലാ കളക്ടര്‍ ഡോ. ഷര്‍മിള മേരി ജോസഫ് എന്നിവര്‍ ആശംസകളര്‍പ്പിച്ചു. രാഷ്ട്രദീപിക ചെയര്‍മാന്‍ ഡോ.ഫ്രാന്‍സിസ് ക്ളീറ്റസ് കളത്തില്‍ ആമുഖ പ്രഭാഷണം നടത്തി.

മാനേജിംഗ് ഡയറക്ടര്‍ സുനില്‍ ജോസഫ് കൂഴാമ്പാല സ്വാഗതവും വൈസ് ചെയര്‍മാന്‍ റവ. ഡോ ജെയിംസ് ഏര്‍ത്തയില്‍ കൃതജ്ഞതയും പറഞ്ഞു.

ഡയറക്ടര്‍ ബോര്‍ഡ് അംഗങ്ങളായ ജോര്‍ജ് ജേക്കബ് മണ്ണംപ്ളാക്കല്‍, ലിസി ചാക്കോ മലയില്‍, ഫാ. മാത്യു ചങ്ങങ്കരി, ചീഫ് സര്‍ക്കുലേഷന്‍ മാനേജര്‍ ഫാ.ജോസ് നെല്ലിക്കാത്തരുവില്‍ എന്നിവര്‍ വേദിയില്‍ സന്നിഹിതരാ യിരുന്നു.

ആര്‍ച്ച് ബിഷപ് മാര്‍ ആന്‍ഡ്രൂസ് താഴത്തിന്റെ സന്ദേശം പ്രതിനിധി ഫാ. ജോഷി വെണ്ണാട്ടുപറമ്പില്‍ വായിച്ചു. ദീപിക ബാലസഖ്യം കൊച്ചേട്ടന്‍ ഫാ. റോയി കണ്ണന്‍ചിറ പരിപാടിയുടെ ചീഫ് കോ-ഓഡിനേറ്ററായിരുന്നു.

2. എച്ച്.എം.ടി ഭൂമി തിരിച്ചുപിടിക്കാന്‍ നിര്‍ദേശിച്ചിരുന്നു: മന്ത്രി വിജയകുമാര്‍
തിരുവനന്തപുരം: എച്ച്.എം.ടിയുടെ ഭൂമി വില്‍പനയുമായി ബന്ധ പ്പെട്ട് നിയമവകുപ്പിന്റെ ശിപാര്‍ശ അവഗണിച്ചുവെന്ന് നിയമമന്ത്രി എം.വിജയകുമാര്‍ സ്ഥിരീകരിച്ചു.

ഭൂമിയിടപാടുമായി ബന്ധപ്പെട്ട് ദുരൂഹത ഉയര്‍ന്നപ്പോള്‍ 2007 ജനുവരി പന്ത്രണ്ടിനാണ് വില്‍പ്പന നടത്തിയ 70 ഏക്കര്‍ഭൂമി തിരിച്ചു പിടിക്കണമെന്നാവശ്യപ്പെട്ട് നിയമവകുപ്പ് സെക്രട്ടറി പി.എസ് ഗോപിനാഥന്‍ നിര്‍ദേശം നല്‍കിയത്. എ ന്നാല്‍ ഈ നിര്‍ദേശം വ്യവസായ, റവന്യൂവകുപ്പുകള്‍ അവഗണി ക്കു കയായിരുന്നു.

ഭൂമി തിരിച്ചുപിടിക്കാന്‍ നിര്‍ദേശം നല്‍കിയതായി സ്ഥിരീകരിച്ച മന്ത്രി എം.വിജയകുമാര്‍, വകുപ്പ് സെക്രട്ടറിയുടെ ശിപാര്‍ശ എന്തു കൊണ്ട് നടപ്പായില്ല എന്നത് കൂട്ടായി പരിശോധിക്കേണ്ടതാണെന്നും പറഞ്ഞു. ഇതു സംബന്ധിച്ച് ഉയര്‍ന്ന മാധ്യമവാര്‍ത്തകളോട് തിരുവനന്തപുരത്ത് പ്രതികരിക്കുകയായിരുന്നു അദ്ദേഹം.

ഇക്കാര്യം നിയമവകുപ്പിലെ സാധാരണ നടപടിക്രമം മാത്രമാണ്. എല്ലാ വകുപ്പുകള്‍ക്കും നിയ മോ പദേശം നല്‍കുന്നത് നിയമവകുപ്പാണെന്നും അദ്ദേഹം പറഞ്ഞു.

ഇതിനായി പ്രത്യേകവിഭാഗം തന്നെ നിയമവകുപ്പിലുണ്ട്. ആയിരക്കണക്കിന് ഫയലുകള്‍ ഇവര്‍ക്ക് മുന്നില്‍വരും. കാര്യക്ഷമതയോടെയാണ് വകുപ്പിന്റെ പ്രവര്‍ത്തനം. എന്നാല്‍ ഈ ഫയല്‍ തന്റെ മുന്നില്‍ വന്നിട്ടില്ല- വിജയകുമാര്‍ പറഞ്ഞു.

3. മോണ്‍ഫോര്‍ട്ടിന്റെ സേവനം നൂറ്റാണ്ടു പിന്നിട്ടപ്പോള്‍ കേരളത്തില്‍ പീഡനം
കട്ടപ്പന: ഭാരതത്തില്‍ 104 വര്‍ഷം മുമ്പ് സേവനം തുടങ്ങിയ മോ ണ്‍ ഫോര്‍ട്ട് ബ്രദേഴ്സ് ഓഫ് സെന്റ് ഗബ്രിയേല്‍ വിദ്യാഭ്യാസ മിഷനറി സഭയ്ക്ക് കേരളത്തിലെത്തി 15 വര്‍ഷം കഴിഞ്ഞപ്പോള്‍ പീഡനം.

കേന്ദ്രമന്ത്രി വയലാര്‍ രവിയുടെയും മുന്‍ മന്ത്രിമാരായ കെ.എം മാണിയുടെയും പി.ജെ ജോസഫിന്റെയും മക്കളും മുന്‍ എംപി മറ്റത്തില്‍ വക്കച്ചനും ഉള്‍പ്പെടെ ആയിരക്കണക്കിന് പ്രമുഖര്‍ പഠിച്ചിറങ്ങിയ മോണ്‍ഫോര്‍ട്ട് സഭാ സ്ഥാപനത്തിനാണ് കേരളത്തില്‍ പീഡനം. ഭൂമി കൈയേറി സ്കൂള്‍ സ്ഥാപിച്ച് ഇവിടെ വിദ്യാഭ്യാസം നല്‍കണമെന്ന് നിര്‍ബന്ധം തീരെയില്ലാത്ത മിഷനറിമാര്‍ നിലവിലുള്ള നിയമ വ്യവസ്ഥകള്‍ പാലിച്ചാണ് സ്ഥാപനങ്ങള്‍ ആരംഭിച്ചത്.

1993-ല്‍ അണക്കരയില്‍ സ്കൂള്‍ ആരംഭിച്ചാണ് കേരളത്തില്‍ ഇവര്‍ പ്രവര്‍ത്തനം തുടങ്ങിയത്. 95-ലാണ് ചിന്നക്കനാലില്‍ സ്കൂള്‍ തുടങ്ങിയത്.

കേരളത്തിലെ ഇവരുടെ സ്കൂളുകളില്‍ അമേരിക്ക, കാനഡ തുടങ്ങിയവ ഉള്‍പ്പെടെയുള്ള വി ദേശ രാജ്യങ്ങളിലെ കുട്ടികള്‍വരെ പഠനത്തിനായി എത്തുന്നുണ്ട്. രാജ്യാന്തര നിലവാരമുള്ള സ്കൂളിനെ കൈയേറ്റക്കാരുടെ പട്ടികയില്‍ വരുത്തിതീര്‍ത്തു ‘കൊടിനാട്ടിയത്’ യഥാര്‍ഥ കൈയേറ്റക്കാരെ സഹായിക്കാനാണെന്നു ആരോ പണമുണ്ട്.

പാര്‍ട്ടി ഓഫീസുകള്‍വരെ കൈയേറ്റഭൂമി യി ലാ ണെന്ന് വ്യക്തമായിട്ടും വ്യാജപട്ടയത്തിലെ ഭൂമി വേണ്െടന്ന് ഒരു രാഷ്ട്രീയകക്ഷി പ്രഖ്യാ പനം നടത്തിയിട്ടും ഒഴിപ്പിക്കലിനിറങ്ങി തിരിക്കാത്തവരാണ് ഒരു സ്കൂളിന്റെ സ്ഥലം പിടിച്ചെടുക്കാന്‍ അമിതാവേശം കാട്ടിയത്.

കോടതിയെ സമീപിക്കും

കട്ടപ്പന: നിലവിലുള്ള വ്യവസ്ഥകള്‍ക്ക് വിധേയമായി വിലകൊടുത്തു വാങ്ങിയ സ്ഥലം പിടി ച്ചെ ടുത്ത റവന്യു ഉദ്യോഗസ്ഥരുടെ നടപടിക്കെതിരേ കോടതിയെ സമീപിക്കുമെന്ന് ചിന്നക്കനാല്‍ മോണ്‍ഫോര്‍ട്ട് റെസിഡന്‍ഷ്യല്‍ സ്കൂള്‍ പ്രിന്‍സിപ്പല്‍ ബ്രദര്‍ കെ. കെ തോമസ് പറഞ്ഞു.

സ്കൂളുകളുടെ സ്ഥലങ്ങളോട് ചേര്‍ന്നുള്ള വിരിവ് വസ്തു സ്കൂളുകള്‍ക്ക് ഉപയോഗിക്കാമെന്ന് സര്‍ക്കാര്‍ ഉത്തരവ് നിലവിലുണ്ട്. ആധാരത്തില്‍ രജിസ്റ്റര്‍ ചെയ്ത് നല്‍കിയ ഭൂമി മാത്രമേ തങ്ങളുടെ കൈവശത്തിലുള്ളൂവെന്ന് പ്രിന്‍സിപ്പല്‍ അറിയിച്ചു.

4. സഹകരണബാങ്ക് വിദ്യാഭ്യാസ മേഖലയിലേക്ക്
തിരുവനന്തപുരം: സംസ്ഥാന സഹകരണ ബാങ്ക് ഉന്നത വിദ്യാഭ്യാസ മേഖലയിലേക്ക് കടക്കുന്നു. ആദ്യമായി എം.ബി.എ, എം.സി.എ കോളജാണ് ആരംഭിക്കുന്നത്. ഇതോടപ്പം ഹ്രസ്വകാല തൊഴില ധിഷ്ഠിതകോഴ്സുകളും ആരംഭിക്കാനും ബാങ്ക് പദ്ധതിയിടുന്നുണ്ട്. തിരുവനന്തപുരത്ത് മണ്‍വിളയില്‍ ബാങ്കിന്റെ സ്ഥലത്ത് കോ-ഓപ്പറേറ്റീവ് ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് ആന്റ് ടെക്നോളജി(സി.ഐ. എം.എ.ടി) എന്ന പേരിലാണ് കോളജ്. സര്‍ക്കാരിന് ഉന്നത വിദ്യാഭ്യാസ മേഖലയില്‍ കൂടുതല്‍ മുതല്‍ മുടക്കിന് പരിമിതിയുള്ള സാഹചര്യത്തില്‍ പഠന സൌകര്യം ഒരുക്കുകയാണ് സഹകരണ ബാങ്ക് ലക്ഷ്യം- പ്രസിഡന്റ് കടകംപള്ളി സുരേന്ദ്രന്‍ പറഞ്ഞു.

5. മെര്‍ക്കിസ്റ്റണ്‍: മുന്‍ മുഖ്യവനപാലകന്റെ ഉത്തരവ് റദ്ദാക്കിയതിനെതിരേ ഹര്‍ജി
കൊച്ചി: വിവാദമായ മെര്‍ക്കിസ്റ്റണ്‍ എസ്റ്റേറ്റിലെ 24.40 ഹെക്ടര്‍ ഒഴിച്ചുള്ള ഭൂമിക്ക് പാരിസ്ഥിതിക ദുര്‍ബല പ്രദേശ നിയമം ഒഴിവാക്കിയ മുന്‍ മുഖ്യവനപാലകന്റെ ഉത്തരവ് പിന്‍വലിച്ച സര്‍ക്കാര്‍ നട പടി ക്കതിരേ സേവി മനോ മാത്യു ഹ ര്‍ജി സമര്‍പ്പിച്ചു.

ഐ.എസ്.ആര്‍.ഒയുടെ ബഹിരാകാശ ഗവേഷണ കേന്ദ്രം സ്ഥാപിക്കുന്നതിന് നേരത്തെ അക്വയര്‍ ചെയ്ത ഭൂമിയാണ് മെര്‍ക്കിസ്റ്റണ്‍ എസ്റ്റേറ്റ്. ഈ എസ്റ്റേറ്റിന്റെ പാരിസ്ഥിതിക ദുര്‍ബല പ്രദേശമായി കണക്കുകൂട്ടിയ സ്ഥലം ഒഴികെ ബാക്കിയുള്ള ഭൂമിക്കാണ് മുന്‍ മുഖ്യവനപാലകന്‍ വി. ഗോപിനാഥ് ഉത്തരവ് ഇറക്കിയിരുന്നത്.

6. ചത്തകോഴികളെ റോഡരികില്‍ തള്ളിയ കോഴിഫാം ഉടമ അറസ്റ്റില്‍
കുമളി: പക്ഷിപ്പനി പേടിച്ച് തമിഴ്നാട്ടില്‍ ചത്ത കോഴികളെ റോഡരുകളില്‍ തള്ളിയ കോഴി ഫാം ഉടമയെ പോലീസ് അറസ്റ്റ് ചെയ്തു. തേനി ജില്ലയില്‍ കോടി സ്വ ദേശി ശേഖറാണ് അറസ്റ്റിലായത്. രണ്ടു ദിവസം മുമ്പ് ഇയാളുടെ ഫാമിലുണ്ടായിരുന്ന അയ്യായിരത്തോളം ചത്ത കോഴികളെയാണ് റോഡരുകില്‍ തള്ളിയത്. വിവിധ സംസ്ഥാനങ്ങളില്‍ പക്ഷിപ്പനി റിപ്പോര്‍ട്ട് ചെയ്തിരിക്കവേ ചത്ത കോഴികളെ റോഡില്‍ തള്ളിയത് തമിഴ്നാട് സര്‍ക്കാര്‍ ഗൌരവത്തോടെയാണ് എടുത്തത്.

തുടര്‍ന്നുള്ള അന്വേഷണത്തിലാണ് ശേഖറിന്റെ ഫാമില്‍ നിന്നുള്ള കോഴികളാണ് ചത്തതെന്ന് പോലീസ് കണ്െടത്തിയത്. കോഴി ഫാമുകളില്‍ കോഴികള്‍ ഒന്നടങ്കം ചാകുന്നത് റിപ്പോര്‍ട്ട് ചെയ്തിട്ടും അധികൃതര്‍ കാര്യമായ നടപടികള്‍ എടുത്തിട്ടില്ല. കോഴികളെ നിര്‍ബാധം കേരളമടക്കമുള്ള സംസ്ഥാനങ്ങളിലേക്ക് തകൃതിയായി കയറ്റി അയയ്ക്കുന്നുണ്ട്. കോഴികളുടെ മാംസം ഗീതികരണ സംവിധാനമുള്ള വാഹനങ്ങളിലും അല്ലാതെയും കേരളത്തിലേക്ക് കടത്തുന്നുണ്ട്.

7. കല്ലടപദ്ധതി: സൂപ്രണ്ടിംഗ് എന്‍ജിനീയര്‍ക്ക് കഠിന തടവും പിഴയും
തിരുവനന്തപുരം: കല്ലട ജലസേചന സൂപ്രണ്ടിംഗ് എന്‍ജീനിയര്‍ക്ക് അഴിമതിക്കേസില്‍ നാലുവര്‍ഷം കഠിനതടവും നാലുലക്ഷം പിഴയും വിജിലന്‍സ് കോടതി വിധിച്ചു. കോട്ടയം കുഴിമറ്റം സ്വദേശി കെ.കെ. ഫിലിപ്പിനെയാണ് തിരുവനന്തപുരം എന്‍ക്വയറി കമ്മീഷണര്‍ ആന്‍ഡ് വിജിലന്‍സ് സ്പെ ഷല്‍ ജഡ്ജ് ജസ്റ്റിസ് കെ. കെ. ശശിധരന്‍നായര്‍ ശിക്ഷിച്ചത്. പ്രതിയെ സെന്‍ട്രല്‍ ജയിലേക്ക് മാറ്റി.

1990 ജൂലൈ മുതല്‍ 91 ഫെബ്രൂവരി വരെ കല്ലറ ഇറിഗേഷന്‍ പ്രോജക്ടിലെ കൊട്ടാരക്കര റൈറ്റ്ബാങ്ക് സര്‍ക്കിലെ സൂപ്രണ്ടിംഗ് ഇന്‍ജിനീയറായിരുന്നു പ്രതി.

കരാറുകാരന്‍ സത്യപാലന് അര്‍ഹതയില്ലാതെ ബില്‍ പാസാക്കി കൊടുത്ത പ്രതി അധികമായി 7,98,660 രൂപ അനുവദിച്ചു നല്കിയതെന്നാണ് കേസ്.

മോണ്‍.ഏബ്രഹാം കാക്കനാട്ടിന്റെ റമ്പാന്‍സ്ഥാന സ്വീകരണ ശൂശ്രൂഷ നാളെ

തിരുവല്ല: മലങ്കര കത്തോലിക്കാ സഭയുടെ മൂവാറ്റുപുഴ രൂപതയുടെ അധ്യക്ഷനായി നിയമിതനായ മോണ്‍.ഡോ.ഏബ്രഹാം കാക്കനാട്ടിന്റെ റമ്പാന്‍ സ്ഥാന സ്വീകരണ ശുശ്രൂഷ നാളെ തിരുവല്ല സെന്റ് ജോണ്‍സ് മെത്രാപ്പോലീത്തന്‍ കത്തീഡ്രലില്‍ നടക്കും.

രാവിലെ 8.30-ന് മേജര്‍ ആര്‍ച്ച് ബിഷപ് മാര്‍ ബസേലിയോസ് ക്ളീമിസ് കാതോലിക്കാ ബാവയെയും, നിയുക്ത മെത്രാനെയും കത്തീ ഡല്‍ കവാടത്തില്‍ സ്വീകരിച്ച് ദേവാലയത്തിലേക്ക് ആനയിക്കും. തുടര്‍ന്ന് ശുശ്രൂഷകള്‍ ആരംഭിക്കും. കാതോലിക്കാ ബാവയുടെ പ്രധാന കാര്‍മികത്വത്തില്‍ നടക്കുന്ന വിശുദ്ധ കുര്‍ബാന മധ്യേയായിരിക്കും റമ്പാന്‍ സ്ഥാനം നല്‍കുന്നത്. മലങ്കര കത്തോലിക്കാ സഭയിലെ എല്ലാ മെത്രാപ്പോലീത്താമാരും ശുശ്രൂഷകളില്‍ സഹകാര്‍മികരായിരിക്കും. ബത്തേരി രൂപതാധ്യക്ഷന്‍ ഗീവര്‍ഗീസ് മാര്‍ ദിവന്നാസിയോസ് മെത്രാപ്പോലീത്ത വചനസന്ദേശം നല്‍കും.

മെത്രാന്‍ പദവി സ്വീകരിക്കുന്നതിനു മുന്നോടിയായാണ് അന്ത്യോക്യന്‍ സഭാ പാരമ്പര്യത്തില്‍ റമ്പാന്‍ പട്ടം നല്‍കുന്നത്. ഭൌതിക സമ്പത്തുകളെ ത്യജിക്കുന്നതിന്റെ അടയാളമായി മസ്നപ്സായും (ശിരോവസ്ത്രം) മനുഷ്യ വര്‍ഗത്തിന്റെ പാപപരിഹാരത്തിനായി അനുതാപ ജീവിതത്തിനുള്ള അടയാളമായി കറുത്ത കുപ്പായവും, പീഡാനുഭവത്തെയും, കുരിശുമരണത്തെയും സ്മരിച്ച് ത്യാഗപൂര്‍ണമായ ജീവിതം നയിക്കുന്നതിന്റെ അടയാളമായി കഴുത്തില്‍ തടിക്കുരിശും, ലോകത്തിന്റെ അന്ധകാര ശക്തികള്‍ക്കെതിരേ ആത്മീകയുദ്ധത്തിനു തയാറായിരിക്കുന്നതിന്റെ അടയാളമായി പ്രത്യേക ഇടക്കെട്ടും, ചെരുപ്പും ശുശ്രൂഷമധ്യേ റമ്പാനെ അണിയിക്കും.

റമ്പാന്‍ സ്ഥാനശുശ്രൂഷയുടെ സുഗമമായ നടത്തിപ്പിന് വികാരി ജനറാള്‍ മോണ്‍.ചെറിയാന്‍ രാമനാലില്‍ കോര്‍ എപ്പിസ്കോപ്പ ജനറല്‍ കണ്‍വീനറായി വിവിധ കമ്മിറ്റികള്‍ പ്രവര്‍ത്തനം തുടങ്ങി. ഫാ.ചെറിയാന്‍ താഴമണ്‍, ഫാ.ഐസക് പാറപ്പള്ളില്‍, ഫാ.ഫിലിപ്പ് വലിയകാവുങ്കല്‍, ഫാ.ഷാജി വാഴയില്‍, ഫാ.രഞ്ജിത് മഠത്തിപ്പറമ്പില്‍, പ്രഫ.ജേക്കബ് എം.ഏബ്രഹാം, ഷിബു പുതുക്കേരില്‍, ബാബു കല്ലുങ്കല്‍, ഷിബു ചുങ്കത്തില്‍, എജി പാറപ്പാട്ട്, ഏബ്രഹാം പാലത്തിങ്കല്‍, രജി കരിമ്പനാക്കുഴി, ഷാജി കൂളിയാട്ട് എന്നിവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിക്കുന്നു.

ശുശ്രൂഷയില്‍ പങ്കെടുക്കാനെത്തുന്നവരുടെ വാഹനങ്ങള്‍ കത്തീഡ്രല്‍ പള്ളി ഗ്രൌണ്ട്, സെന്റ് ജോണ്‍സ് കോളജ്, ശാന്തിനിലയം, സമീക്ഷ സ്ഥാപനങ്ങളുടെ പരിസരങ്ങളില്‍ പാര്‍ക്കു ചെയ്യണം. ഫാ.ഡോ.ആന്റണി കാക്കനാട്ട്, ഫാ.സന്തോഷ് അഴകത്ത്, എജി പാറപ്പാട്ട്, ഏബ്രഹാം പാലത്തിങ്കല്‍ എന്നിവര്‍ പത്രസമ്മേളനത്തില്‍ പരിപാടികള്‍ വിശദീകരിച്ചു.

ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 22-01-08

1. സ്ത്രീധനക്കോന്തന്മാര്‍ക്ക് ഒരു താക്കീത്
കൊല്ലം: കളക്ടറേറ്റിനടുത്ത് തെക്കേകച്ചേരി മുക്കിനടുത്തുള്ള വിഘ്നേഷ്വിഹാര്‍ എന്ന വാടകവീടിന്റെ പറമ്പിലെ ഒഴിഞ്ഞ കോണില്‍ കുഴിവെട്ടി മൂടിയിരിക്കുന്നത് അഞ്ഞൂറുപേര്‍ക്ക് സദ്യ ഉണ്ണാനുള്ള ചോറ്. തൊട്ടടുത്ത കുഴികളില്‍ സദ്യയ്ക്ക് ഒരുക്കിയ പരിപ്പും സാമ്പാറും മറ്റു കറികളും.
സ്ത്രീധനത്തുകയില്‍ 25,000 രൂപയുടെ കുറവിന് വരന്റെയും കുട്ടരുടെയും അധിക്ഷേപം കേട്ട് വിവാഹം വേണ്ടെന്നുവച്ച ശ്രീകലയുടെ വീട്ടിലെ ഇന്നലത്തെ തീരുശേഷിപ്പുകളാണിവ.
സ്വര്‍ണപ്പണിക്കാരനായ പിതാവ് ഗോപാലകൃഷ്ണന്‍ ആചാരി മുറ്റത്തിരിപ്പുണ്ട്; ഇനിയെന്ത്? എന്ന ചിന്തയുമായി. പക്ഷേ ശ്രീകലയുടെ നിശ്ചയദാര്‍ഢ്യത്തില്‍ അദ്ദേഹം അഭിമാനംകൊണ്ടു.
“പാവപ്പെട്ടവരാണ് ഞങ്ങള്‍. പക്ഷേ അഭിമാനമുണ്ട്. പണമില്ലെങ്കില്‍ പോയി തോര്‍ത്ത് വിരിച്ചിരിക്കാന്‍ പറഞ്ഞവരുടെ വീട്ടിലേക്ക് എങ്ങനെ എന്റെ മകളെ പറഞ്ഞു വിടും?”
ഞായറാഴ്ച സ്വയംവര ഓഡിറ്റോറിയത്തില്‍ ശ്രീകലയുടെ വിവാഹം നടക്കേ ണ്ടതായിരുന്നു. പക്ഷേ പ്രതീക്ഷിച്ച പോലെ കാര്യങ്ങള്‍ ഒത്തുവന്നില്ല. ശേഷിച്ച സ്ത്രീധനത്തുകയായ 25,000 രൂപ കല്യാണത്തിന് മുമ്പ് കൊടുക്കാന്‍ നിവൃത്തിയുണ്ടായില്ല. വിവരം തലേദിവസം തന്നെ വരന്റെ വീട്ടുകാരെ അറിയിച്ചു.
“ഒരു മാസത്തെ സാവകാശം തരണം”- ഗോപാലകൃഷ്ണന്‍ ആചാരി കെഞ്ചുകയായിരുന്നു.
ഫോണിലൂടെ തിരികെ വന്ന മറുപടി കുടുംബം മൊത്തംകേട്ടുനില്‍ക്കുകയായിരുന്നു. എടാ, പോടാ, വിളികള്‍… അധിക്ഷേപം… റോഡില്‍ തുണിവിരിച്ചിരിക്കാനുള്ള നിര്‍ദ്ദേശം…
ഒടുവില്‍സഹികെട്ട് ഗോപാലകൃഷ്ണന്‍ ആചാരി പറഞ്ഞു:
“കുറച്ച് മര്യാദയ്ക്ക് സംസാരിക്കണം. കടപ്പുറത്തെ ഭാഷ ഞങ്ങളോട് സംസാരിക്കരുത്…”
മറുപടി സഭ്യമല്ലാതായപ്പോള്‍ ശ്രീകല തന്നെ ഫോണ്‍ കട്ട് ചെയ്തു.
“അപ്പാ, എനിക്ക് വേണ്ട ഈ കല്യാണം. അവിടെ പോയി ജീവിക്കാന്‍ എനിക്ക് വയ്യാ…”
പിതാവിന്റെ മനസ്സില്‍ കനലെരിഞ്ഞു. പിന്നെ മകള്‍ പറഞ്ഞതാണ് ശരിയെന്നോര്‍ത്ത് ആശ്വസിച്ചു.
ശ്രീകലയുടെ കണ്ണീര്‍ തോര്‍ന്നിട്ടില്ല. കല്യാണം മുടങ്ങിയതുകൊണ്ടല്ല സങ്കടം, ബന്ധുക്കളെയെല്ലാം ക്ഷണിച്ചുവരുത്തി അപമാനിച്ചല്ലോ എന്നോര്‍ത്ത്.
ജനു. 14-ാം തീയതി ‘പൊന്നുരുക്ക്’ സമയത്ത് വാക്കുതെറ്റിക്കാതെ 50,000 രൂപ വട്ടിപ്പലിശയ്ക്ക് കടംവാങ്ങി കൊടുത്തതിന്റെ പെടാപ്പാട് ഗോപാലകൃഷ്ണന്‍ ആചാരിക്ക് മാത്രമേ അറിയൂ. വാക്കു തെറ്റിക്കുന്ന സ്വഭാവവും നഗരത്തിലെ ജൂവലറി കടകളിലെ പണിക്കാരനായ ഗോപാലകൃഷ്ണന്‍ ആചാരിക്കില്ല.
“പക്ഷേ കല്യാണത്തിന്റെ തലേന്ന് വിചാരിച്ച കാശ് ഒത്തുവന്നില്ല. കിട്ടിയ കാശുകൊണ്ടാണ് അപ്പപ്പോള്‍ പോയി സാധനങ്ങളെടുത്തത്”- സാമ്പത്തിക ബുദ്ധിമുട്ട് ഒരു മറവുമില്ലാത അദ്ദേഹം വിശദീകരിച്ചു.
കമ്പനി സ്വര്‍ണത്തിന്റെയും റെഡിമെയ്ഡ് ആഭരണങ്ങളുടെയും വരവോടെ കേരളത്തിലെ സ്വര്‍ണത്തൊഴിലാളികള്‍ നേരിടുന്ന പട്ടിണിയുടെ ഇരയാണ് ഗോപാലകൃഷ്ണന്‍ ആചാരിയും. “ആറ് വര്‍ഷം മുമ്പുവരെ ദിവസം ഏറ്റവും കുറഞ്ഞത് 200 രൂപയുടെ പണി കിട്ടുമായിരുന്നു. അതുകൊണ്ട് മൂത്തമകള്‍ ദീപയെ അയച്ചപ്പോള്‍ 25,000 രൂപയുടെ കടമേ ഉണ്ടായിരുന്നുള്ളൂ. ഇപ്പോള്‍ പണിക്കുപോയാല്‍ കിട്ടുന്നത് 50 രൂപ, അല്ലെങ്കില്‍ നൂറ് രൂപ. ചിലപ്പോള്‍ ഒന്നും കിട്ടാത്ത ദിവസവുമുണ്ട്. എങ്ങനെ കുടുംബം പുലര്‍ത്തും? മകള്‍ ശ്രീകല വീട്ടിലിരുന്ന് ചെയ്യുന്ന തുന്നല്‍ ജോലികൊണ്ട് അരിവാങ്ങാന്‍ പറ്റുന്നു”- ഗോപാലകൃഷ്ണന്‍ ആചാരി പറഞ്ഞു.
പൊന്നും സ്ത്രീധനവും ഒപ്പിച്ചതിന്റെ ഭാരം മാത്രമല്ല ഈ പിതാവിന്റെ ചുമലില്‍ വീണിരിക്കുന്നത്. വിവാഹത്തിനായി കല്യാണ മണ്ഡപം ബുക്ക് ചെയ്തത്, എഴുന്നൂറോളം പേര്‍ക്ക് സദ്യ ഒരുക്കിയത്, ബന്ധുമിത്രാദികളെ ക്ഷണിച്ചതും വിവാഹത്തിന്റെ മറ്റ് ഒരുക്കങ്ങളുമൊക്കെ ഗോപാലകൃഷ്ണന്‍ ആചാരിക്ക് കടുത്ത സാമ്പത്തിക ബാദ്ധ്യതകളാണ്. ഏറ്റ അപമാന ഭാരത്തിനും സാമ്പത്തിക നഷ്ടത്തിനും പൊലീസ് മേധാവികള്‍ക്കും മറ്റു ബന്ധപ്പെട്ട അധികാരികള്‍ക്കും പരാതി കൊടുത്തിട്ടുണ്ട്. ഒരു മാതാപിതാക്കള്‍ക്കും ഈ അവസ്ഥ വരരുതെന്ന് കരുതിയാണ് പരാതി നല്‍കിയത്.
“ജീവിതത്തില്‍ ആദ്യമായാണ് എനിക്കും എന്റെ കുടുംബത്തിനും അപമാനമേറ്റത്. പക്ഷേ ഈ അപമാനം അഭിമാനമായാണ് കരുതുന്നത്. ഏത് കോടതിയിലും ഞാനത് തെളിയിക്കും”- നിശ്ചയദാര്‍ഢ്യത്തോടെ ഗോപാലകൃഷ്ണന്‍ ആചാരി പറഞ്ഞു.

2. പിടിച്ചുനില്‍ക്കാന്‍ ഒരു അടവുനയം
തിരുവനന്തപുരം : വരുന്ന ലോക്സഭാ തിരഞ്ഞെടുപ്പില്‍ സി.പി.എമ്മിന് കേരളത്തില്‍ യാതൊരുവിധ ബുദ്ധിമുട്ടും ഉണ്ടാകാത്ത വിധത്തിലാണ് പാര്‍ട്ടിയുടെ കരട് രാഷ്ട്രീയ പ്രമേയം തയ്യാറാക്കിയിരിക്കുന്നത്.
കേന്ദ്രത്തില്‍ ഭരണം നടത്തുന്നതിന് കോണ്‍ഗ്രസിനെ പിന്തുണയ്ക്കുമ്പോള്‍തന്നെ അതിരൂക്ഷമായ വിമര്‍ശനമാണ് ആ പാര്‍ട്ടിക്കെതിരെ കരട് രാഷ്ട്രീയ പ്രമേയത്തില്‍ ഉയര്‍ത്തുന്നത്. കോണ്‍ഗ്രസിന്റെ സാമ്പത്തിക നയങ്ങളെയും വിദേശ നയത്തെയും വിട്ടുവീഴ്ചയില്ലാതെയാണ് പ്രമേയം കടന്നാക്രമിക്കുന്നത്. ആണവ കരാര്‍ നടപ്പാക്കാന്‍ അനുവദിക്കുകയില്ലെന്ന് പ്രഖ്യാപിക്കുന്നു. ഇവയ്ക്ക് എല്ലാം ഒപ്പമാണ് വര്‍ഗ്ഗീയതയ്ക്കെതിരെ ശക്തമായ പോരാട്ടം തുടരുമെന്ന പ്രഖ്യാപനവും. ഹിന്ദുത്വശക്തികളെ സാമ്രാജ്യത്വ അനുകൂല ശക്തികളായും പ്രമേയം വിശേഷിപ്പിക്കുന്നു.
അതായത്, കേന്ദ്രത്തില്‍ ഒപ്പം നില്‍ക്കുന്ന കോണ്‍ഗ്രസിനെയും ശത്രുപക്ഷത്ത് നില്‍ക്കുന്ന ബി.ജെ.പിയെയും ഒരേപോലെ എതിര്‍ ചേരിയിലെത്തിച്ചിരിക്കുകയാണ് സി.പി.എം. വരുന്ന ലോക്സഭാ തിരഞ്ഞെടുപ്പില്‍ സി.പി.എമ്മിന് കേരളത്തിലും പശ്ചിമ ബംഗാളിലും പിന്തുടരേണ്ട നയമാണിത്.
കോണ്‍ഗ്രസിനും, ബി.ജെ.പിക്കും എതിരെ മൂന്നാംമുന്നണി കെട്ടിപ്പടുക്കുകയാണ് ലക്ഷ്യമെന്ന് പ്രഖ്യാപിക്കുക വഴി തങ്ങളുടെ നിലപാടിനെ മനോഹരമായി സാധൂകരിക്കാനും സി.പി.എമ്മിന് കഴിഞ്ഞിരിക്കുന്നു. മാത്രമല്ല, വരുന്ന തിരഞ്ഞെടുപ്പുകളില്‍ സി.പി.എമ്മും ഇടതുപക്ഷവും അതതിടത്തെ സൌകര്യംപോലെ മതേതര രാഷ്ട്രീയ സഖ്യങ്ങള്‍ ഉണ്ടാക്കുമെന്നും പ്രമേയത്തില്‍ പറയുന്നുണ്ട്. വേണമെങ്കില്‍ കേരളത്തില്‍ എന്‍.സി.പിയുമായി സഖ്യമുണ്ടാക്കുന്നതിനുള്ള പഴുതും ഇതുവഴി ലഭ്യമായിട്ടുണ്ട്. അത് നടക്കുമോ എന്നത് വേറെ കാര്യം.
കോണ്‍ഗ്രസ് പിന്തുടരുന്ന നവ ഉദാരവത്കരണ പ്രമേയം തള്ളിപ്പറയുന്നു. സി.പി. എമ്മിലെ പരിഷ്കരണവാദികള്‍ ഇതിനോട് അടുക്കുകയും ലോക ബാങ്ക്, എ.ഡി.ബി തുടങ്ങിയ സാമ്രാജ്യത്വ ഏജന്‍സികളില്‍ നിന്ന് വായ്പ വാങ്ങുന്ന കാര്യത്തില്‍ പാര്‍ട്ടി ഭരിക്കുന്ന സംസ്ഥാനങ്ങള്‍ ഉദാര സമീപനം സ്വീകരിക്കുകയും ചെയ്യുമ്പോഴാണ് പ്രമേയത്തില്‍ ഈ എതിര്‍പ്പ് എന്നത് ശ്രദ്ധേയമാണ്. ഇപ്പോഴത്തെ സാഹചര്യത്തില്‍ സോഷ്യലിസം കൊണ്ടുവരുന്നത് അപ്രായോഗികമാണെന്ന ജ്യോതിബസുവിന്റെ നിരീക്ഷണം അടുത്തകാലത്ത് പാര്‍ട്ടിയില്‍ ഗൌരവമേറിയ സൈദ്ധാന്തിക ചര്‍ച്ചയ്ക്ക് തുടക്കം കുറിച്ചിരുന്നു. പാര്‍ട്ടി പരിപാടിക്കുള്ളില്‍ നിന്നുകൊണ്ടുതന്നെയാണ് ബസു സംസാരിച്ചതെന്നായിരുന്നു പ്രകാശ് കാരാട്ട് നല്‍കിയ വിശദീകരണം. അതെന്തായാലും സോഷ്യലിസത്തോടുള്ള പ്രതിബദ്ധതയ്ക്ക് അടിവരയിടുന്നതാണ് കരട് രാഷ്ട്രീയ പ്രമേയം.

3. എന്‍.എസ്.എസിന്റെയും സഭകളുടെയും പ്രചരണം തെറ്റെന്നു തെളിഞ്ഞു: മുഖ്യമന്ത്രി
കോഴിക്കോട്: വിദ്യാഭ്യാസരംഗത്ത് സര്‍ക്കാര്‍ ഇതുവരെ തീരുമാനമെടുക്കാത്ത വിഷയങ്ങളുന്നയിച്ചാണ് ക്രൈസ്തവ സഭകളും എന്‍.എസ്.എസും പ്രചാരണം നടത്തുന്നതെന്ന് മുഖ്യമന്ത്രി വി.എസ്.അച്യുതാനന്ദന്‍ പറഞ്ഞു.
വിദ്യാഭ്യാസ നയത്തെ സംബന്ധിച്ച ആശങ്കകളകറ്റാന്‍ രണ്ടുതവണ ചര്‍ച്ചക്ക് ശ്രമിച്ചിട്ടും തയ്യാറാകാതിരുന്ന മാനേജ്മെന്റുകള്‍, കെ.ഇ.ആര്‍ പരിഷ്കരണ റിപ്പോര്‍ട്ട് വന്നതിനുശേഷം ചര്‍ച്ച മതിയെന്ന നിലപാടിലേക്ക് പിന്നീട് മാറിയതുതന്നെ ഇതിന് തെളിവാണെന്നും അദ്ദേഹം പറഞ്ഞു.
കോഴിക്കോട് എരഞ്ഞിക്കല്‍ പി.വി.എസ് ഹൈസ്കൂള്‍ സില്‍വര്‍ ജൂബിലി ആഘോഷത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു വി.എസ്.
ദേശീയതലത്തില്‍ നടക്കുന്ന പരിഷ്കാരത്തിന്റെ ഭാഗമായാണ് കേരളത്തിലും പാഠ്യപദ്ധതി മാറ്റം കൊണ്ടുവരുന്നത്. പൊതു വിദ്യാഭ്യാസം സംരക്ഷിക്കാന്‍ സര്‍ക്കാരിനെക്കൊണ്ട് മാത്രം കഴിയില്ല. മാതൃഭാഷയോടുള്ള അവഗണനയും ഇംഗ്ളീഷ് മീഡിയം- അണ്‍ എയ്ഡഡ് സ്കൂളുകളോടുള്ള അതിരുകടന്ന ഭ്രമവും മാറിയ കാലത്തെ ചിന്താരീതിയുടെ ഫലമാണ്.
രക്ഷിതാക്കളും അദ്ധ്യാപകരും ഉള്‍പ്പെടെ പൊതുസമൂഹം ബോധപൂര്‍വ്വം ഇതിനെതിരെ രംഗത്തുവരണം – വി.എസ്. പറഞ്ഞു.

4. പാല്‍ വില ലിറ്ററിന് 3 രൂപ കൂട്ടണമെന്ന് മില്‍മ
തിരുവനന്തപുരം: സാധാരണ പാലിന്റെ (ടോണ്‍ഡ് മില്‍ക്ക്) വില ലിറ്ററിന് 20 രൂപയായി ഉയര്‍ത്തണമെന്ന് സര്‍ക്കാരിനോട് ശുപാര്‍ശ ചെയ്തിരിക്കുകയാണെന്ന് മില്‍മ ചെയര്‍മാന്‍ പി.ടി. ഗോപാലക്കുറുപ്പ് വാര്‍ത്താസമ്മേളനത്തില്‍ പറഞ്ഞു. സര്‍ക്കാരിന്റെ അനുമതിയോടുകൂടി മാത്രമേ വില ഉയര്‍ത്താന്‍ കഴിയൂ. ഇപ്പോള്‍ 17 രൂപയാണ് വില. മൂന്നു രൂപ വര്‍ദ്ധിപ്പിച്ചു കിട്ടിയാല്‍ ഇതില്‍ 2.25 രൂപ കര്‍ഷകന് ലഭിക്കും. ഒരു ലിറ്റര്‍ പാല്‍ ഉത്പാദിപ്പിക്കാന്‍ കാലിത്തീറ്റ ഉള്‍പ്പെടെ 16.80 രൂപ ചെലവാകുന്നുണ്ട്. എന്നാല്‍, ലിറ്ററിന് ഇപ്പോള്‍ നല്‍കുന്നത് 13.50 മുതല്‍ 14 രൂപ വരെയാണ്. വില കൂട്ടി കൊടുത്താലേ പാല്‍ സംഭരണം ഉയര്‍ത്താന്‍ കഴിയുകയുള്ളൂവെന്നും മില്‍മ ചെയര്‍മാന്‍ പറഞ്ഞു.
സര്‍ക്കാര്‍ സഹായിച്ചില്ലെങ്കില്‍ ‘റിച്ച്’, ‘സ്മാര്‍ട്ട്’ പാലിന്റെ ഉത്പാദനം ഉപേക്ഷിക്കേണ്ടിവരുമെന്ന് ചെയര്‍മാന്‍ തുടര്‍ന്നു പറഞ്ഞു.
കര്‍ണാടകത്തില്‍ നിന്ന് കൂടിയ വില നല്‍കി കൊണ്ടുവരുന്ന പാലാണ് 22 രൂപയ്ക്കുള്ള കൊഴുപ്പേറിയ ‘റിച്ച്’ പാലാക്കുന്നത്. ഓരോ ലിറ്ററിലും 2.60 രൂപയാണ് നഷ്ടമുണ്ടാവുന്നത്. അതുപോലെ തന്നെ പാല്‍പ്പൊടി കൊണ്ടു വന്ന് തയ്യാറാക്കുന്ന ‘സ്മാര്‍ട്ട്’ പാല്‍ ലിറ്ററിന് 3.33 രൂപയുടെ നഷ്ടം ഉണ്ടാക്കുന്നുണ്ട്. അതേസമയം റിച്ചിന് 2 രൂപ കുറയ്ക്കണമെന്ന് സര്‍ക്കാര്‍ ആവശ്യപ്പെടുന്നുണ്ട്. കര്‍ണാടകത്തില്‍ നിന്ന് മൂന്നു ലക്ഷം ലിറ്റര്‍ പാല്‍ കൊണ്ടുവരുന്നതിലൂടെ പ്രതിദിനമുണ്ടാകുന്ന മൂന്നു ലക്ഷത്തിലേറെ രൂപയുടെ നഷ്ടം സര്‍ക്കാര്‍ നികത്തണം. ‘റിച്ചി’ന്റെ ഉത്പാദനം മില്‍മയുടെ അടുത്ത ഭരണസമിതി യോഗം വരെ താത്കാലികമായി നിറുത്തിയിരിക്കുകയാണ്. കേരളത്തിലെ ആഭ്യന്തര പാല്‍ ഉത്പാദനം ഓരോ വര്‍ഷവും കുറയുകയാണ്. ഇപ്പോള്‍ 7.10 ലക്ഷം ലിറ്ററായി പിന്നെയും അത് കുറഞ്ഞിരിക്കുകയാണെന്നും മില്‍മ ചെയര്‍മാന്‍ പറഞ്ഞു.
മില്‍മ മേഖലാ യൂണിയന്‍ ചെയര്‍മാന്‍മാരായ കല്ലട രമേശ് (തിരുവനന്തപുരം) ടി.പി മാര്‍ക്കോസ് (എറണാകുളം) പി.പി ഗോപിനാഥപിള്ള (മലബാര്‍) എന്നിവരും വാര്‍ത്താസമ്മേളനത്തില്‍ പങ്കെടുത്തു.

5. സ്വാശ്രയ മെഡി. ഫീസ് 31നും എന്‍ജി. ഫീസ് 2നും പ്രഖ്യാപിക്കും
തിരുവനന്തപുരം: സ്വാശ്രയ മെഡിക്കല്‍ കോളേജുകളുടെ ഫീസ് ജനുവരി 31നും എന്‍ജിനീയറിംഗ് കോളേജുകളുടെ ഫീസ് ഫെബ്രുവരി രണ്ടിനും പ്രഖ്യാപിക്കുമെന്ന് ജസ്റ്റിസ്.പി.എ മുഹമ്മദ് വ്യക്തമാക്കി.
തിരുവല്ല പുഷ്പഗിരി, കോലഞ്ചേരി, തൃശൂല്‍ അമല, ജൂബിലി, എം.ഇ.എസ് എന്നീ മെഡിക്കല്‍ കോളേജുകളുടെയും 49 എന്‍ജിനീയറിംഗ് കോളേജുകളുടെയും ഫീസാണ് നിശ്ചയിക്കുന്നത്. ഈ ഫീസിന് മൂന്നുവര്‍ഷത്തെ പ്രാബല്യമുണ്ടായിരിക്കും.
മറ്റ് ആറ് സ്വാശ്രയ മെഡിക്കല്‍ കോളേജുകള്‍ക്ക് കഴിഞ്ഞവര്‍ഷം നിശ്ചയിച്ച ഫീസ് ഈ വര്‍ഷവും തുടരുമെന്ന് അദ്ദേഹം പറഞ്ഞു. ഇതനുസരിച്ച് തിരുവനന്തപുരം എസ്.യു.ടി, ഗോകുലം, പാലക്കാട് കരുണ, പരിയാരം, കണ്ണൂര്‍ മെഡിക്കല്‍ കോളേജുകള്‍ക്ക് 1.30 ലക്ഷം രൂപയും കാരക്കോണം മെഡിക്കല്‍ കോളേജിന് 1.38 ലക്ഷം രൂപയുമാണ് ഈ വര്‍ഷത്തെ ഫീസ്.
ഫീസ് നിര്‍ണയിക്കാനുള്ള മാനദണ്ഡങ്ങള്‍ കമ്മിറ്റി ഇന്നലെ തീരുമാനിച്ചു. കോളേജിന്റെ വികസനം, ബാങ്ക് വായ്പ, പ്രവര്‍ത്തനച്ചെലവ് എന്നിവ മുഖവിലയ്ക്കെടുത്ത് ഫീസ് നിശ്ചയിക്കും.
സമയത്തിന് ഫീസ് നിശ്ചയിക്കാത്തതിന് കമ്മിറ്റിയെ അനാവശ്യമായി കുറ്റപ്പെടുത്തരുതെന്ന് ജസ്റ്റിസ് മുഹമ്മദ് പറഞ്ഞു. മാനേജുമെന്റുകള്‍ ബോധപൂര്‍വം നിസഹകരിക്കുന്നു. കഴിഞ്ഞവര്‍ഷം മാനേജുമെന്റുകള്‍ തന്നിഷ്ടപ്രകാരമാണ് പ്രവര്‍ത്തിച്ചത്. എന്‍ജിനീയറിംഗ് മാനേജുമെന്റുകള്‍ കമ്മിറ്റിയുടെ ഒരു നിര്‍ദ്ദേശവും പാലിച്ചില്ല.എന്‍ജിനീയറിംഗ് കോളേജുകള്‍ക്ക് കമ്മിറ്റി താത്കാലിമായി 38700 രൂപ ഫീസ് നിര്‍ണയിച്ചിരുന്നു. അന്തിമ ഫീസ് നിശ്ചയിക്കുമ്പോള്‍ ഇത് കുറവാണെങ്കില്‍ ബാക്കി തുകകൂടി വിദ്യാര്‍ഥികള്‍ നല്‍കണമെന്നും മറിച്ചാണെങ്കില്‍ ആ തുക മാനേജുമെന്റുകള്‍ മടക്കി നല്‍കണമെന്നുമാണ് കമ്മിറ്റി നിര്‍ദ്ദേശിച്ചിരുന്നത്. ഇതിനെതിരെ മാനേജുമെന്റുകള്‍ ഉത്തരവ് സംഘടിപ്പിച്ച് തോന്നുംപോലെ ഫീസ് ഈടാക്കിയെന്നും അദ്ദേഹം ആരോപിച്ചു.
കമ്മിറ്റി തീരുമാനത്തെ എതിര്‍ത്തുകൊണ്ട് അഞ്ച് മെഡിക്കല്‍ കോളേജുകള്‍ ഹൈക്കോടതിയെ സമീപിച്ചിരുന്നു. ഈ മാനേജുമെന്റുകളോട് കമ്മിറ്റിക്കുമുന്നില്‍ ഹാജരാകാനാണ് കോടതി നിര്‍ദ്ദേശിച്ചത്. ഒരു കോളേജും കോടതിയുടെ നിര്‍ദ്ദേശം പാലിച്ചിട്ടില്ല. പലതവണ നോട്ടീസ് അയച്ചെങ്കിലും പ്രതികരിച്ചില്ലെന്ന് ജസ്റ്റിസ് മുഹമ്മദ് പറഞ്ഞു.

6. പാര്‍ട്ടി സമ്മേളനങ്ങള്‍ക്ക് നടുവില്‍ ബഡ്ജറ്റ് സമ്മേളനം
തിരുവനന്തപുരം : പാര്‍ട്ടി സമ്മേളനങ്ങളുടെ തിരക്കിനിടയില്‍ നിയമസഭയുടെ ബഡ്ജറ്റ് സമ്മേളനത്തിന് സമയം കണ്ടെത്താനാകാതെ വലയുകയാണ് സംസ്ഥാന സര്‍ക്കാര്‍.
സി.പി. എമ്മിന്റെ ജില്ലാ സമ്മേളനങ്ങള്‍ അവസാനിച്ചു. ഇനി ഫെബ്രുവരി 10 മുതല്‍ 14 വരെ കോട്ടയത്ത് സംസ്ഥാന സമ്മേളനമാണ്. സി. പി. ഐയുടെ ജില്ലാ സമ്മേളനങ്ങള്‍ നടക്കുന്നതേയുള്ളൂ. തൃശൂരില്‍ മാര്‍ച്ച് ആദ്യമാണ് സി.പി.ഐ സംസ്ഥാന സമ്മേളനം.
ഈ തിരക്കിനിടയില്‍ ഫെബ്രുവരി അവസാനം നിയമസഭാ സമ്മേളനം വിളിച്ചുകൂട്ടാനാണ് ഇപ്പോള്‍ ആലോചന. ഫെബ്രുവരി 22ന് സമ്മേളനം ആരംഭിക്കാമെന്നാണ് കരുതിയതെങ്കിലും അന്ന് ആറ്റുകാല്‍ പൊങ്കാല പ്രമാണിച്ച് പ്രാദേശിക അവധിയാണ്. അതിനാല്‍ 21ന് സമ്മേളനം തുടങ്ങാനാണ് ആലോചിക്കുന്നത്. അപ്പോള്‍ സമ്മേളനം തുടങ്ങിയാലും സമ്പൂര്‍ണ്ണ ബഡ്ജറ്റ് എന്ന സ്വപ്നം പോയിട്ട് നാലുമാസത്തെ ചെലവുകള്‍ക്കുള്ള വോട്ട് ഓണ്‍ അക്കൌണ്ട് എന്ന മുട്ടുശാന്തിപോലും നിറവേറ്റാന്‍ ബുദ്ധിമുട്ടാണ്. കാരണം, ബില്ലുകള്‍ ഒന്നും അവതരിപ്പിക്കാതെ വോട്ട് ഓണ്‍ അക്കൌണ്ട് അവതരിപ്പിച്ച് പാസ്സാക്കിയെടുക്കുന്നതിനും 13 സിറ്റിംഗുകളെങ്കിലും വേണം. ഗവര്‍ണറുടെ നയപ്രഖ്യാപനത്തോടെയാവണം തുടക്കം. തുടര്‍ന്ന് അതിന്റെ നന്ദിപ്രമേയ ചര്‍ച്ച മൂന്ന് ദിവസം. പിന്നീട് ബഡ്ജറ്റ് അവതരണം. അതിന്റെ മൂന്നു ദിവസത്തെ പൊതു ചര്‍ച്ച. വോട്ട് ഓണ്‍ അക്കൌണ്ടിന്മേലുള്ള ചര്‍ച്ച, അതിന്റെ ധനകാര്യബില്ലും ധനവിനിയോഗ ബില്ലും.
പക്ഷേ, മാര്‍ച്ച് 1 മുതല്‍ 4 വരെ തൃശൂരില്‍ സി.പി. ഐ സമ്മേളനമായതിനാല്‍ ഒറ്റയടിക്ക് ഇതെല്ലാം തീരില്ല. ഇടയ്ക്ക് സഭയ്ക്ക് ഇടവേള നല്‍കേണ്ടിവരും. ഈ സമ്മേളനത്തിന് ശേഷം 3 മാസം കഴിഞ്ഞായിരിക്കും ബഡ്ജറ്റിന്റെ വകുപ്പ് തിരിഞ്ഞുള്ള ചര്‍ച്ച പൂര്‍ത്തിയാക്കി അത് പാസ്സാക്കുക. ഒട്ടേറെ ബില്ലുകള്‍ മന്ത്രിമാര്‍ റെഡിയാക്കി വച്ചിരിക്കുകയാണ്. തല്‍ക്കാലം അവയും കോള്‍ഡ് സ്റ്റോറേജില്‍ വയ്ക്കേണ്ടിവരും.

7. സമ്പൂര്‍ണ ബഡ്ജറ്റ് വീണ്ടും സ്വപ്നം
തിരുവനന്തപുരം : സമ്പൂര്‍ണ ബഡ്ജറ്റായിരിക്കും ഇത്തവണ എന്ന് പ്രഖ്യാപിച്ച സര്‍ക്കാര്‍ തന്നെ വാക്കുതെറ്റിച്ചു. ഇത്തവണ വോട്ട് ഓണ്‍ അക്കൌണ്ട് പാസാക്കലേ നടപ്പുള്ളൂ എന്ന് ധനകാര്യമന്ത്രി ഡോ. തോമസ് ഐസക് തന്നെ വ്യക്തമാക്കിയിരിക്കുകയാണ്.
വോട്ട് ഓണ്‍ അക്കൌണ്ടും സമ്പൂര്‍ണ ബഡ്ജറ്റും തമ്മിലുള്ള വ്യത്യാസം ലളിതമാണ്. ഓരോ വകുപ്പായെടുത്ത് വിശദമായി ചര്‍ച്ച നടത്തി ബഡ്ജറ്റ് പാസാക്കാന്‍ സമയം കിട്ടാത്തതിനാല്‍ നാലുമാസത്തെ ചെലവുകള്‍ക്കുള്ള പണം മാത്രം പാസാക്കിയെടുക്കുന്നതാണ് വോട്ട് ഓണ്‍ അക്കൌണ്ടിലെ രീതി. നാലുമാസത്തിനകം വീണ്ടും സഭ ചേര്‍ന്ന് ബഡ്ജറ്റ് പൂര്‍ണമായി പാസാക്കും. മറിച്ച് ഫെബ്രുവരിയില്‍ ബഡ്ജറ്റ് അവതരിപ്പിക്കുമ്പോള്‍ത്തന്നെ വകുപ്പുതിരിഞ്ഞുള്ള ചര്‍ച്ച പൂര്‍ത്തിയാക്കി ഒറ്റയടിക്ക് പാസാക്കുന്നതിനെയാണ് സമ്പൂര്‍ണ ബഡ്ജറ്റിംഗ് എന്ന് പറയുന്നത്. കഴിഞ്ഞ യു.ഡി. എഫ് സര്‍ക്കാരിന്റെ കാലത്ത് വക്കം പുരുഷോത്തമന്‍ ധനകാര്യമന്ത്രിയായിരിക്കെയാണ് നിരവധി വര്‍ഷങ്ങള്‍ക്കിടയില്‍ സമ്പൂര്‍ണ ബഡ്ജറ്റ് പാസാക്കിയിട്ടുള്ളത്.
ഒരുവര്‍ഷത്തെ പദ്ധതിയെ സമഗ്രമായ കാഴ്ചപ്പാടോടെ സമീപിച്ച് ആസൂത്രിതമായി പണം ചെലവിടാനാവില്ല എന്നതാണ് സമ്പൂര്‍ണ ബഡ്ജറ്റ് അവതരിപ്പിക്കാന്‍ കഴിയാതെ പോകുന്നതുകൊണ്ടുള്ള ന്യൂനത. ഉദാഹരണത്തിന് 50 കോടിയുടെ ഒരു പദ്ധതിയുണ്ടെന്ന് വയ്ക്കുക. സമ്പൂര്‍ണ ബഡ്ജറ്റാണെങ്കില്‍ 50 കോടിയും തുടക്കം മുതലേ ബന്ധപ്പെട്ട വകുപ്പിന്റെ കൈകളിലെത്തും. ആവശ്യാനുസരണം ചെലവാക്കാം. വോട്ട് ഓണ്‍ അക്കൌണ്ടാവുമ്പോള്‍ ഈ 50 കോടിയുടെ നാലുമാസത്തെ വിഹിതം മാത്രമേ പാസായി വരുകയുള്ളൂ. മാത്രമല്ല അതിന്‍മേലും ധനകാര്യവകുപ്പ് ഉടക്കിടും.
നാലുമാസം കഴിഞ്ഞ് സമ്പൂര്‍ണ ബഡ്ജറ്റ് പാസായി നടപടിക്രമങ്ങള്‍ പൂര്‍ത്തിയായി വരുമ്പോള്‍ മിക്കവാറും ജൂണാവും. തുക കൈകളിലെത്താന്‍ വീണ്ടും ഒന്നോ രണ്ടോ മാസങ്ങള്‍കൂടി വൈകും. ഫലത്തില്‍ ബഡ്ജറ്റില്‍ എന്ത് പദ്ധതി പ്രഖ്യാപിച്ചാലും അത് നടപ്പില്‍ വരുത്താന്‍ കഷ്ടിച്ച് മൂന്നോ നാലോ മാസമേ കിട്ടാറുള്ളൂ. വര്‍ഷാവസാനമാവുമ്പോള്‍ തുക എങ്ങനെയും ചെലവഴിച്ചുതീര്‍ക്കാനുള്ള വെപ്രാളമാണ്. അഴിമതിക്ക് നല്ല സൌകര്യമുള്ള സമയവുമാണത്. ബഡ്ജറ്റ് സമ്പൂര്‍ണമായവതരിപ്പിച്ചാല്‍ നിയമസഭയില്‍ ഫലപ്രദമായ ചര്‍ച്ച നടത്താനാവും എന്നതാണ് മറ്റൊരു പ്രത്യേകത. ചര്‍ച്ചകളുടെ അടിസ്ഥാനത്തില്‍ ബഡ്ജറ്റില്‍ എന്തെങ്കിലും മാറ്റംവരുത്താനുമാവും. സാമ്പത്തിക വര്‍ഷത്തിന്റെ നടുക്കുവച്ചുള്ള ചര്‍ച്ചയാവുമ്പോള്‍ അതിന് ‘സ്കോപ്പില്ല.’

8. സ്കൂള്‍ പീരിയഡ് ഒരു മണിക്കൂറാക്കാന്‍ ശുപാര്‍ശ
തിരുവനന്തപുരം: സ്കൂള്‍ പീരിയഡുകള്‍ ഒരു മണിക്കൂറാക്കി ഉയര്‍ത്താന്‍ പാഠ്യപദ്ധതി പരിഷ്കരണസമിതി ശുപാര്‍ശ ചെയ്തു.
ഇപ്പോള്‍ 45 മിനിറ്റുകളുള്ള ഏഴ് പീരിയഡുകളാണുള്ളത്. അത് അഞ്ച് പീരിയഡുകളായി കുറയ്ക്കണം. പ്രതിദിന പഠന സമയത്തില്‍ മാറ്റംവരുത്തേണ്ടതില്ലെന്ന് സമിതിയില്‍ ധാരണയുണ്ടായി.
പാഠപുസ്തകങ്ങള്‍ രണ്ട് ഭാഗങ്ങളായി പ്രസിദ്ധീകരിക്കുക, വര്‍ഷത്തില്‍ രണ്ട് പരീക്ഷകള്‍ നടത്തുക തുടങ്ങിയ ശുപാര്‍ശകള്‍ സമിതി നേരത്തേ അംഗീകരിച്ചിട്ടുണ്ട്.
ഇന്ന് വിദ്യാഭ്യാസമന്ത്രി എം.എ ബേബിയുടെ അധ്യക്ഷതയില്‍ നടക്കുന്ന പൂര്‍ണ കരിക്കുലം കമ്മിറ്റി യോഗത്തില്‍ ഈ ശുപാര്‍ശകള്‍ സമര്‍പ്പിക്കും.

9. “സ്വപ്നപദ്ധതികളല്ല,വേണ്ടത് കര്‍ഷകര്‍ക്കും ചെറുകിടവ്യവസായത്തിനും പ്രോത്സാഹനം”
കൊച്ചി: സ്വപ്നപദ്ധതികളല്ല, കര്‍ഷകര്‍ക്കും ചെറുകിട വ്യവസായത്തിനും കൂടുതല്‍ പ്രോത്സാഹനമാണ് കേരള മോഡല്‍ വികസനം നിലനിര്‍ത്താന്‍ ആവശ്യമെന്ന് ആസൂത്രണ ബോര്‍ഡ് ഉപാധ്യക്ഷന്‍ പ്രഭാത് പട്നായിക് പറഞ്ഞു.
സെന്റ് തെരേസാസ് കോളേജ് ധനകാര്യ വിഭാഗത്തിന്റെ സപ്തതി ആഘോഷങ്ങളുടെ ഭാഗമായി പ്രഭാഷണം നടത്തുകയായിരുന്നു അദ്ദേഹം. കേരളമോഡല്‍ വികസനം തകരുന്ന സ്ഥിതിയാണിത്. അതിന്റെ തകര്‍ച്ചയ്ക്ക് ആക്കംകൂട്ടാനല്ല നിലനിര്‍ത്താനാണ് മാര്‍ഗങ്ങള്‍ ആരായേണ്ടത്. കര്‍ഷകരുടെയും ചെറുകിട വ്യവസായങ്ങളുടെയും താല്‍പര്യങ്ങള്‍ സംരക്ഷിക്കുന്നതുവഴിയെ അതുകഴിയൂ. കാര്‍ഷിക ഉത്പാദനം വര്‍ധിപ്പിക്കാനും ഉത്പന്നങ്ങളുടെ മൂല്യവര്‍ധന വരുത്തുന്നതിലും നാം പ്രാധാന്യം നല്‍കണം. കഴിഞ്ഞ പത്തുവര്‍ഷത്തിനിടയില്‍ നികുതി വരുമാനം കാര്യമായി വര്‍ദ്ധിച്ചിട്ടില്ല. പുരോഗമനപരമായ നികുതി സംവിധാനം കേരളത്തിന് ആവശ്യമാണ്. വലിയ പ്രശ്നം ആവശ്യത്തിന് ഫണ്ടില്ല എന്നതാണ്. വിദേശ സഹായം ഉള്‍പ്പെടെ ലഭിക്കുന്ന ഫണ്ടാവട്ടെ പരാമവധി 35 ശതമാനമാണ് വിനിയോഗിക്കപ്പെടുന്നത്.

10. കേബിള്‍ കണക്ഷന്‍ നല്‍കാത്തതിന് 50,000 നഷ്ടപരിഹാരം
തിരുവനന്തപുരം: എന്‍. ആര്‍. ഐ സ്കീം പ്രകാരം കേബിള്‍ കണക്ഷന്‍ നല്‍കാതിരുന്ന ഏഷ്യാനെറ്റ് കമ്മൃൂണിക്കേഷന്‍ 50000 രൂപ നഷ്ട പരിഹാരം നല്‍കാന്‍ ഉപഭോക്തൃ കമ്മിഷന്‍ ഉത്തരവായി.ചെങ്ങന്നൂര്‍ തെങ്ങില്‍ ഹൌസില്‍ ടി. എന്‍. നൈനാനാണ് പരാതിക്കാരന്‍. അപേക്ഷിച്ച് മൂന്നുമാസത്തിനുള്ളില്‍ കണക്ഷന്‍ നല്‍കിയില്ലെങ്കില്‍ പലിശ സഹിതം തിരിച്ചു നല്‍കുമെന്നായിരുന്നു വ്യവസ്ഥ. ഇത് ലംഘിച്ചപ്പോള്‍ നൈനാന് ജില്ലാ ഉപഭോക്തൃ ഫോറം അനുകൂലമായി വിധിച്ചു. ഇതിനെതിരെ കമ്മ്യൂണിക്കേഷന്‍ നല്‍കിയ അപ്പീലിലാണ് നഷ്ടപരിഹാരം നല്‍കാന്‍ ഉത്തരവായത്.

11. പെട്രോള്‍ വില: തീരുമാനം നീളും
ന്യൂഡല്‍ഹി: വിദേശ രാഷ്ട്രത്തലവന്‍മാരുടെ സന്ദര്‍ശനവും ചര്‍ചയ്ക്ക് മന്ത്രിമാരുടെ സമയക്കുറവും നിമിത്തം പെട്രോളിയം വില വര്‍ദ്ധനക്കാര്യത്തില്‍ തീരുമാനം വൈകിയേക്കുമെന്നു സൂചന.
ബ്രിട്ടീഷ് പ്രധാനമന്ത്രി ഗോര്‍ഡന്‍ ബ്രൌണ്‍ ഇന്ത്യന്‍ സന്ദര്‍ശനത്തിലാണ്. ഫ്രഞ്ച് പ്രസിഡന്റ് നിക്കൊളാസ് സര്‍ക്കോസി ആഴ്ച അവസാനം എത്തുന്നുണ്ട്. ഇവരുടെ സന്ദര്‍ശനവേളയില്‍ വില കൂട്ടി പ്രതിഷേധം ക്ഷണിച്ചുവരുത്തേണ്ട എന്ന നിലപാടിലാണ് കേന്ദ്രം. ഇവരുടെ സന്ദര്‍ശനം പ്രമാണിച്ച് തിരക്കിലാണ് വിദേശകാര്യ മന്ത്രി പ്രണബ് മുഖര്‍ജി.
മുംബയിലുള്ള പെട്രോളിയം മന്ത്രി മുരളി ദേവ്റ ലണ്ടനിലേക്കു പോവുകയാണ്. ഈ മാസം 27ന് അദ്ദേഹം തിരിച്ചെത്തും. വിലവര്‍ദ്ധന സംബന്ധിച്ച തീരുമാനമെടുക്കാന്‍ മന്ത്രിതല യോഗം ചേരാന്‍ ഈ മന്ത്രിമാരുടെ അസാന്നിദ്ധ്യവും സമയക്കുറവും കാരണമാകുന്നു.
17ന് ചേര്‍ന്ന മന്ത്രിതല സമിതിയും രണ്ടു മന്ത്രിമാരുടെ അസാന്നിദ്ധ്യം നിമിത്തം തീരുമാനമെടുക്കാതെ പിരിയുകയായിരുന്നു.

1. എച്ച്.എം.ടിയുടെ 251 ഏക്കര്‍ ഭൂമി കേസും സജീവമാകുന്നു
കൊച്ചി: കളമശ്ശേരി എച്ച്എംടിയുടെ എഴുപത് ഏക്കര്‍ ഹൌസിങ് ഡെവലപ്മെന്റ് ഇന്‍ഫ്രാസ്ട്രചര്‍ ലിമിറ്റഡിന് (എച്ച്ഡിഐഎല്‍) വിറ്റ നടപടി വിവാദമാകുമ്പോള്‍ എച്ച്എംടിയുടെ 251 ഏക്കര്‍ സര്‍ക്കാര്‍ ഏറ്റെടുക്കുന്നതു സംബന്ധിച്ച മറ്റൊരു കേസും ശ്രദ്ധേയമാകുന്നു.

എച്ച്എംടിക്ക് ലഭിച്ച 781 ഏക്കറില്‍ 400 ഏക്കറാണ് 1995 ല്‍ താലൂക്ക് ലാന്‍ഡ് ബോര്‍ഡ് മിച്ചഭൂമിയായി കണ്ടെത്തി നടപടി എടുത്തത്. മിച്ചഭൂമിയില്‍ നിന്നൊഴിവാക്കി എച്ച്എംടിയുടെ കൈവശമിരുന്ന 381 ഏക്കറില്‍ 251.40 ഏക്കര്‍ 2002 ല്‍ വീണ്ടും മിച്ചഭൂമിയായി താലൂക്ക് ലാന്‍ഡ് ബോര്‍ഡ് ഏറ്റെടുക്കുന്നതിനെ ചോദ്യം ചെയ്യുന്ന ഹര്‍ജി ഹൈക്കോടതിയിലാണ്. 2002 ല്‍ എച്ച്എംടി ഫയല്‍ ചെയ്ത റിവിഷന്‍ പെറ്റീഷന്‍ തിങ്കളാഴ്ച ജസ്റ്റിസ് കെ.ടി.ശങ്കരന്റെ മുമ്പാകെ വന്നെങ്കിലും എച്ച്എംടി ഒരാഴ്ചകൂടി ആവശ്യപ്പെട്ടതിനെ തുടര്‍ന്ന് മാറ്റി.

സൈബര്‍ സിറ്റിക്കായി എച്ച്എംടി വിറ്റ 70 ഏക്കറിന്റെ പ്രമാണം ഹാജരാക്കിയാണ് സര്‍ക്കാര്‍ സ്വന്തം നിലപാട് ന്യായീകരിക്കുന്നത്. 1995ല്‍ നായനാര്‍ സര്‍ക്കാരാണ് 100 ഏക്കര്‍ എച്ച്എംടിക്ക് വിട്ടുകൊടുത്തത്. ഈ ഭൂമി കമ്പനിയുടെ വികസനാവശ്യത്തിന് ഉപയോഗിക്കാതെ സ്വകാര്യവ്യക്തിക്ക് വിറ്റതോടെ എച്ച്എംടിയുടെ കൈവശമുള്ള ബാക്കി ഭൂമി ഏറ്റെടുക്കുന്നതിനെ എതിര്‍ക്കാന്‍ എച്ച്എംടിക്ക് അവകാശം നഷ്ടപ്പെട്ടെന്നാണു സര്‍ക്കാര്‍ നിലപാട്.

1964 ല്‍ എച്ച്എംടി എന്ന മെഷീന്‍ ടൂള്‍സ് വ്യവസായത്തിനു വേണ്ടി സംസ്ഥാന സര്‍ക്കാര്‍ കേന്ദ്രസര്‍ക്കാരിന് സൌജന്യമായി നല്‍കിയ 781.59 ഏക്കറിനെച്ചൊല്ലിയാണ് വിവാദം. ഇതില്‍ എച്ച്എംടി കമ്പനിക്കായി ഉപയോഗിക്കാത്ത 400 ഏക്കര്‍ അധികഭൂമിയെന്ന നിലയില്‍ തിരിച്ചെടുക്കാനാണ് സര്‍ക്കാര്‍ 1995 ല്‍ നടപടി എടുത്തത്.

ഇതില്‍ 360 ഏക്കറില്‍ സംസ്ഥാന സര്‍ക്കാരുമായി സംയുക്ത സംരംഭം തുടങ്ങാമെന്ന നിര്‍ദേശം എച്ച്എംടി വച്ചു. സര്‍ക്കാര്‍ ആദ്യം സമ്മതിച്ചെങ്കിലും പിന്നീട് പിന്‍വാങ്ങി. 400 ഏക്കര്‍ ഒഴിഞ്ഞു നല്‍കണമെന്നായി. ഇതിനെതിരെ എച്ച്എംടി 1995 ല്‍ ഹൈക്കോടതിയില്‍ ഹര്‍ജി നല്‍കി. ഇതിനിടെ സര്‍ക്കാരും താലൂക്ക് ലാന്‍ഡ് ബോര്‍ഡും എച്ച്എംടിയും തമ്മില്‍ ചര്‍ച്ച നടന്നു. 400 ഏക്കറില്‍ 100 ഏക്കര്‍ എച്ച്എംടിക്ക ്വിട്ടു നല്‍കി 300 ഏക്കര്‍ സര്‍ക്കാരിന് എടുക്കാന്‍ ഒത്തുതീര്‍പ്പുണ്ടാക്കി. ഈ കരാറനുസരിച്ച് എച്ച്എംടി ഹര്‍ജി പിന്‍വലിച്ചു. എച്ച്എംടിയുടെ 781 ഏക്കറില്‍ 400 ഏക്കര്‍ അധികഭൂമിയെന്നു കണ്ടെത്തി തിരിച്ചുപിടിക്കാന്‍ സര്‍ക്കാര്‍ 1995 ല്‍ നടപടി പൂര്‍ത്തിയാക്കിയെന്നാണ് എച്ച്എംടിയുടെ വാദം. 400 ഏക്കറില്‍ 100 ഏക്കര്‍ എച്ച്എംടിക്ക് വിട്ടുകൊടുത്തു. 300 ഏക്കര്‍ സര്‍ക്കാര്‍ ഏറ്റെടുക്കുകയും ചെയ്തു. ഈ 300 ഏക്കറില്‍ നിന്നാണ് 60 ഏക്കര്‍ സഹകരണമെഡിക്കല്‍ കോളേജിനും ബാക്കി കിന്‍ഫ്രക്കും സര്‍ക്കാര്‍ നല്‍കിയത്. 400 ഏക്കര്‍ ഒഴിച്ച് ബാക്കി 381 ഏക്കര്‍ ഭൂപരിഷ്കരണ നിയമ പരിധിക്കകത്ത് കമ്പനിക്ക് അനുവദിക്കപ്പെട്ടതാണ് എന്ന് എച്ച്എംടി വാദിക്കുന്നു. ഇതില്‍നിന്ന് വീണ്ടും 251 ഏക്കര്‍ ഏറ്റെടുക്കുന്നത് ഏകപക്ഷീയവും ഭൂപരിഷ്കരണ നിയമവ്യവസ്ഥകള്‍ക്ക് എതിരാണെന്നും തങ്ങള്‍ക്ക് സമയം നല്‍കാതെയാണ് താലൂക്ക് ലാന്‍ഡ് ബോര്‍ഡ് അത് ഏറ്റെടുത്തതെന്നും എച്ച്എംടി റിവിഷന്‍ ഹര്‍ജിയില്‍ പറയുന്നു.

2. വൈസ് പ്രിന്‍സിപ്പലാകാന്‍ തിരിമറി; അന്വേഷണം തുടങ്ങി
നെടുങ്കണ്ടം: സഹപ്രവര്‍ത്തകയുടെ സര്‍ട്ടിഫിക്കറ്റില്‍ തിരിമറിനടത്തി യുവതി ആലുവ നഴ്സിങ് സ്കൂള്‍ വൈസ്പ്രിന്‍സിപ്പലായെന്ന കേസില്‍ എം.ജി.യൂണിവേഴ്സിറ്റി വിജിലന്‍സ് അന്വേഷണം തുടങ്ങി.

രാജകുമാരി വാരിക്കാട്ട് ജാസ്മിനെതിരെയാണ് കേസ്. 2005ല്‍ കേരള നഴ്സിങ് കൌണ്‍സിലില്‍നിന്ന് ജാസ്മിന് രജിസ്ട്രേഷന്‍ കിട്ടിയത് വ്യാജമായാണെന്ന് കരുതുന്നു. ഈ സര്‍ട്ടിഫിക്കറ്റുമായി ജാസ്മിന്‍ നെടുങ്കണ്ടത്തെ കരുണ നഴ്സിങ് സ്കൂളില്‍ ട്യൂട്ടറായി ഒരുവര്‍ഷം ജോലിചെയ്യുകയുണ്ടായി.

ആ കാലയളവില്‍ കരുണ നഴ്സിങ് സ്കൂളില്‍ ആറുമാസം ജോലിചെയ്ത ട്യൂട്ടറായ അനുറോജി തോമസ് വിദേശത്തേക്ക്പോയി. അനു ഇവിടം വിടുന്നതിന് മുമ്പ് നഴ്സിങ് സ്കൂളില്‍ ഏല്‍പ്പിച്ചിരുന്ന സര്‍ട്ടിഫിക്കറ്റുകളുടെ കോപ്പി തിരിച്ചുചോദിച്ചു. ഫയല്‍ കാണാനില്ലെന്നായിരുന്നു സ്കൂള്‍ അധികൃതരുടെ മറുപടി. അനുവിന്റെ സര്‍ട്ടിഫിക്കറ്റുകള്‍ സ്കൂളില്‍ നിന്ന് എങ്ങനെയോ ജാസ്മിന്‍ കരസ്ഥമാക്കിയെന്നും അതില്‍ തിരിമറി നടത്തിയാണ് ആലുവയിലെ നഴ്സിങ് സ്കൂളില്‍ വൈസ്പ്രിന്‍സിപ്പലായി ജോലി നേടിയതെന്നും സംശയിക്കപ്പെടുന്നു. വ്യാജസര്‍ട്ടിഫിക്കറ്റിലാണ് ആലുവയിലെ സ്കൂളില്‍ ജോലിക്ക് പ്രവേശിച്ചതെന്ന് മനസ്സിലാക്കിയതിനെ തുടര്‍ന്ന് മാനേജ്മെന്റ് ജാസ്മിനെ കഴിഞ്ഞദിവസം പുറത്താക്കി.

സംഭവത്തെക്കുറിച്ച് കൂടുതല്‍ അന്വേഷണത്തിന് എം.ജി.യൂണിവേഴ്സിറ്റി രജിസ്ട്രാര്‍ യൂണിവേഴ്സിറ്റി വിജിലന്‍സിന് പേപ്പര്‍ കൈമാറിയിട്ടുണ്ട്. യൂണിവേഴ്സിറ്റി അധികൃതര്‍ക്കുമുന്നില്‍ കഴിഞ്ഞദിവസം എത്തിയ ജാസ്മിന്‍, കരുണയില്‍വച്ചാണ് വ്യാജസര്‍ട്ടിഫിക്കറ്റ് ഉണ്ടാക്കിയതെന്ന് മൊഴിനല്‍കിയതായാണ് അറിയുന്നത്.

3. വിദ്യാഭ്യാസരംഗത്തെ പരിഷ്കാരം ജനകീയ ചര്‍ച്ചയ്ക്കുശേഷം_ മുഖ്യമന്ത്രി
കോഴിക്കോട്:വിദ്യാഭ്യാസരംഗത്തെ പരിഷ്കരണം ജനകീയചര്‍ച്ചകള്‍ക്കുശേഷം സുതാര്യമായേ നടപ്പാക്കുകയുള്ളൂവെന്ന് മുഖ്യമന്ത്രി വി.എസ്. അച്യുതാനന്ദന്‍ പറഞ്ഞു. എരഞ്ഞിക്കല്‍ പി.വി.എസ്. ഹൈസ്കൂള്‍ രജതജൂബിലി ആഘോഷത്തിന്റെ സമാപനസമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി.

വസ്തുത മനസ്സിലാക്കാതെയാണ് വിദ്യാഭ്യാസമേഖലയില്‍ ഇപ്പോള്‍ അനാവശ്യവിവാദങ്ങള്‍ അരങ്ങേറുന്നത്. എയ്ഡഡ് അധ്യാപക നിയമനം പി.എസ്.സി.ക്ക് വിടുന്നു, അധ്യയനസമയം മാറ്റുന്നു, സ്കൂള്‍ ഭരണം പഞ്ചായത്തുകള്‍ക്ക് കൈമാറുന്നു തുടങ്ങിയവയാണ് പ്രചാരണങ്ങള്‍. ഇവയെല്ലാം അടിസ്ഥാനരഹിതമാണ്.

ഇതുസംബന്ധിച്ച ആശങ്ക അകറ്റാന്‍ എന്‍.എസ്.എസ്സിനെയും ക്രൈസ്തവ മാനേജ്മെന്റുകളെയും താന്‍ ചര്‍ച്ചയ്ക്ക് ക്ഷണിച്ചു. രണ്ടു തവണ സാങ്കേതിക കാരണം പറഞ്ഞ് അവര്‍ ചര്‍ച്ചയ്ക്കെത്തിയില്ല. മൂന്നാംതവണ ക്ഷണിച്ചപ്പോള്‍ കെ.ഇ.ആര്‍. പരിഷ്കരണ സമിതി റിപ്പോര്‍ട്ട് കിട്ടട്ടെ എന്നിട്ട് ചര്‍ച്ചയാവാം എന്നാണ് അവര്‍ അറിയിച്ചത്. ഈ നിലപാട് ശരിയാണ്. അതേസമയം റിപ്പോര്‍ട്ട് ഇതുവരെ വന്നിട്ടില്ല. ഇല്ലാത്ത റിപ്പോര്‍ട്ടിന്റെ പേരിലാണ് വിവാദം ഉണ്ടാവുന്നതെന്ന് മനസ്സിലാക്കണം_ മുഖ്യമന്ത്രി പറഞ്ഞു.

സാമ്പത്തികമായി പിന്നാക്കം നില്‍ക്കുന്ന 10,000 ഹയര്‍ സെക്കന്‍ഡറി സ്കൂള്‍ വിദ്യാര്‍ഥികള്‍ക്ക് 5000രൂപ വീതം സ്കോളര്‍ഷിപ്പ് നല്‍കാന്‍ സര്‍ക്കാര്‍ തീരുമാനിച്ചിട്ടുണ്ട്. അടുത്തവര്‍ഷം സംസ്ഥാനത്തെ എല്ലാ വിദ്യാലയങ്ങളിലും ഇന്റര്‍നെറ്റ് സൌകര്യം ലഭ്യമാക്കും.

ചടങ്ങില്‍ എം.പി. വീരേന്ദ്രകുമാര്‍ എം.പി. അധ്യക്ഷതവഹിച്ചു. ബന്ധപ്പെട്ടവരുമായി ആലോചിച്ച് പി.വി.എസ്. സ്കൂളിന് പ്ലസ്ടു അനുവദിക്കുന്ന കാര്യം പരിഗണിക്കുമെന്ന് മുഖ്യമന്ത്രി ഉറപ്പു നല്‍കിയതായി വീരേന്ദ്രകുമാര്‍ പറഞ്ഞു.

വിദ്യാലയചരിത്രം മുഖ്യമന്ത്രിക്ക് കൈമാറി സ്കൂള്‍ മാനേജര്‍ പി.വി. ചന്ദ്രന്‍ പ്രകാശനം ചെയ്തു. എ.കെ. ശശീന്ദ്രന്‍ എം.എല്‍.എ. മുഖ്യപ്രഭാഷണം നടത്തി. സര്‍വീസില്‍ നിന്ന് വിരമിക്കുന്ന അധ്യാപകരായ സി.കെ. അശോകന്‍, കെ. വസന്തകുമാരി എന്നിവരെ സ്കൂള്‍ മാനേജിങ് കമ്മിറ്റി അംഗങ്ങളായ ഹേമലത ചന്ദ്രന്‍, കുമാരി ജയരാജ് എന്നിവര്‍ പൊന്നാട അണിയിച്ച് ആദരിച്ചു.

സ്കൂള്‍ ഹെഡ്മാസ്റ്റര്‍ കെ. പ്രശാന്ത്കുമാര്‍ റിപ്പോര്‍ട്ട് അവതരിപ്പിച്ചു. ജില്ലാ പഞ്ചായത്ത് പ്രസിഡന്റ് കെ.പി. കുഞ്ഞമ്മദ്കുട്ടി, മുന്‍മന്ത്രി എ.സി. ഷണ്‍മുഖദാസ്, ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റ് കെ. ജമീല, ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍മാരായ കെ. ചന്ദ്രന്‍, എം. രാധാകൃഷ്ണന്‍, കക്കോടി പഞ്ചായത്ത് പ്രസിഡന്റ് എം.എ. സിറാജ്, തലക്കുളത്തൂര്‍ പഞ്ചായത്ത് പ്രസിഡന്റ് സത്യന്‍, ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ മക്കടോല്‍ ഗോപാലന്‍, വാര്‍ഡ് മെമ്പര്‍ കൊടമന ഹരിദാസ്, ഡി.ഇ.ഒ. എ. മൂസ, മുന്‍ പ്രധാനാധ്യാപിക എ.കെ. ശാന്ത, പി.ടി.എ. പ്രസിഡന്റ് വേണു അമ്പലപ്പടി, മാതൃസംഗമം ചെയര്‍പേഴ്സണ്‍ സജിത എന്നിവര്‍ സംസാരിച്ചു.

സ്വാഗതസംഘം ചെയര്‍മാന്‍ വി.കെ. മോഹന്‍ദാസ് സ്വാഗതവും സ്റ്റാഫ് സെക്രട്ടറി കെ. സുന്ദരന്‍ നന്ദിയും പറഞ്ഞു.

4. നെല്‍വയല്‍ സംരക്ഷണബില്ലിനെതിരെ യു.ഡി.എഫ്. പാലക്കാട്ടുനിന്ന് പ്രക്േഷാഭം തുടങ്ങും
പാലക്കാട്: നെല്‍വയല്‍_നീര്‍ത്തട സംരക്ഷണബില്ലിലെ കര്‍ഷകദ്രോഹ വ്യവസ്ഥകള്‍ക്കെതിരെ യു.ഡി.എഫ്. പാലക്കാട്ടുനിന്ന് ബഹുജന പ്രക്ഷോഭം തുടങ്ങും.

ജില്ലയിലെ ഭൂരിപക്ഷം കര്‍ഷക സംഘടനാ പ്രതിനിധികളെയും പങ്കെടുപ്പിച്ച് പ്രതിപക്ഷ നേതാവ് ഉമ്മന്‍ചാണ്ടിയുടെ അധ്യക്ഷതയില്‍ നടന്ന ചര്‍ച്ചയിലാണ് ബില്ല് നിയമസഭയ്ക്കകത്ത് വരുന്നതുതടയാന്‍ ശക്തമായ സമരം നടത്താന്‍ തീരുമാനമായത്. ഇടതുപക്ഷത്തോട് ചായ്വുണ്ടായിരുന്ന കര്‍ഷക സംഘടനാപ്രതിനിധികളും യോഗത്തില്‍ പങ്കെടുത്ത് ബില്ലിനെ ശക്തമായി എതിര്‍ക്കണമെന്ന ആവശ്യമുന്നയിച്ചു.

കര്‍ഷകരെ രക്ഷിക്കാനെന്നുപറഞ്ഞ് കൊണ്ടുവന്ന ബില്‍ കര്‍ഷകവിരുദ്ധമാണെന്നും ഇത് ഒരുതരത്തിലും അംഗീകരിക്കാനാവില്ലെന്നും ഉമ്മന്‍ചാണ്ടി പറഞ്ഞു. കൃഷിഭൂമിയുടെ പരമാധികാരം കര്‍ഷകനാണ്. എന്തു വിള ഇറക്കണമെന്ന് നിശ്ചയിക്കേണ്ടത് സര്‍ക്കാരല്ല. നെല്‍കൃഷി ലാഭകരമാക്കാനുള്ള സാഹചര്യം ഒരുക്കിയാല്‍ മാത്രമേ അത് സംരക്ഷിക്കാനാവൂ എന്നും ഉമ്മന്‍ചാണ്ടി പറഞ്ഞു.

നിയമസഭയില്‍ മൃഗീയഭൂരിപക്ഷമുണ്ടെന്ന അഹങ്കാരത്തില്‍ ബില്‍ നിയമമാക്കാനാണ് ഇടതുപക്ഷം ഒരുങ്ങുന്നതെന്നും ആ നീക്കം ചെറുത്തു തോല്പിക്കണമെന്നും ബില്ലിന്റെ സെലക്ട് കമ്മിറ്റി അംഗമായ തിരുവഞ്ചൂര്‍ രാധാകൃഷ്ണന്‍ എം.എല്‍.എ. പറഞ്ഞു. നിയമസഭയ്ക്കകത്തും പുറത്തും ശക്തമായ ബഹുജന പ്രക്ഷോഭമുയരണം. കൃഷിഭൂമി തരിശിട്ടാല്‍ കര്‍ഷകനെ കല്‍ത്തുറങ്കലിലടയ്ക്കണമെന്ന് പറയുന്ന ബില്ലിനുപിന്നില്‍ വ്യക്തമായ രാഷ്ട്രീയ അജന്‍ഡയുണ്ടെന്നും തിരുവഞ്ചൂര്‍ പറഞ്ഞു. ഈ നിയമം നടപ്പായാല്‍ പാലക്കാട്ടെ നെല്‍കൃഷി മുഴുവന്‍ റിയല്‍ എസ്റ്റേറ്റ് മാഫിയയുടെ കൈകളിലമരുമെന്നും അദ്ദേഹം മുന്നറിയിപ്പ് നല്‍കി.

നീര്‍ത്തട സംരക്ഷണ ബില്‍ കാടന്‍ നിയമമാണെന്ന് സി.പി. മുഹമ്മദ് എം.എല്‍.എ. കുറ്റപ്പെടുത്തി. ജീവന്‍ പണയംവെച്ചും കര്‍ഷകര്‍ ബില്ലിനെതിരെ രംഗത്തു വരണമെന്ന് അദ്ദേഹം പറഞ്ഞു. ക്രിമിനല്‍ നിയമത്തെക്കാള്‍ ശക്തമായ വ്യവസ്ഥകളുള്ള നിര്‍ദിഷ്ട ബില്ല് നടപ്പായാല്‍ നെല്ലറയിലെ കര്‍ഷകര്‍ക്ക് ആത്മഹത്യയല്ലാതെ മറ്റ് പോംവഴിയില്ലെന്ന് കര്‍ഷകോത്തമ അവാര്‍ഡ് ജേതാവ് പൊല്‍പ്പുള്ളി വാസുദേവന്‍ പറഞ്ഞു. കരിനിയമങ്ങളുള്ള ബില്‍ ഉപേക്ഷിക്കണമെന്നും അദ്ദേഹം ആവശ്യപ്പെട്ടു.

മൂന്നരമണിക്കൂര്‍നീണ്ട ചര്‍ച്ചയില്‍ പങ്കെടുത്ത 21 കര്‍ഷക പ്രതിനിധികളും ബില്ലിനെതിരെ ആഞ്ഞടിച്ചു. നെല്‍കൃഷി ലാഭകരമാക്കി കര്‍ഷകനെ സംരക്ഷിക്കേണ്ടതിന് പകരം കരിനിയമങ്ങള്‍ അടിച്ചേല്പിക്കാന്‍ ശ്രമിച്ചാല്‍ പ്രക്ഷോഭത്തിനിറങ്ങുമെന്ന് കര്‍ഷകര്‍ വ്യക്തമാക്കി.

നീര്‍ത്തടബില്ലിലെ സെലക്ട് കമ്മിറ്റി അംഗമായ എം. ഉമ്മര്‍ എം.എല്‍.എ., ചിറ്റൂര്‍ എം.എല്‍.എ. കെ. അച്യുതന്‍, യു.ഡി.എഫ്. നേതാക്കളായ എ.വി. ഗോപിനാഥ്, വി.എസ്. വിജയരാഘവന്‍, കല്ലടി മുഹമ്മദ്, വി.സി. കബീര്‍, കെ.എ. ചന്ദ്രന്‍, മറ്റ് സംഘടനാ ഭാരവാഹികള്‍ എന്നിവരും പങ്കെടുത്തു. പ്രക്ഷോഭപരിപാടികള്‍ ആസൂത്രണം ചെയ്യുന്നതിന് സംയുക്തസമരസമിതി രൂപവത്കരിക്കാനും തീരുമാനിച്ചു.

5. മീന്‍പിടിത്തത്തിന് കൂടുതല്‍ വിദേശക്കമ്പനികള്‍, കേരളത്തില്‍ 10 കപ്പലുകള്‍ക്ക് കൂടി അനുമതി
തോപ്പുംപടി: കേരളത്തിന്റെ അതിര്‍ത്തിക്കടലിലെ ട്യൂണമത്സ്യശേഖരത്തിന്റെ വന്‍സാധ്യതകള്‍ മുന്നില്‍കണ്ട്, മീന്‍ പിടിത്ത മേഖലയിലേക്ക് കൂടുതല്‍ വിദേശക്കമ്പനികളെത്തുന്നു.

വിദേശക്കമ്പനികളുമായി സംയുക്ത സംരംഭത്തിന് അനുമതി നല്‍കുന്ന കേന്ദ്രസര്‍ക്കാരിന്റെ ഉത്തരവിന്റെ മറപിടിച്ചാണ് ഇന്ത്യയിലെ വമ്പന്‍കമ്പനികളുമായി കൂട്ടുകെട്ടുണ്ടാക്കി വിദേശസ്ഥാപനങ്ങള്‍ എത്തുന്നത്. ടാറ്റാ , ഹിന്ദുസ്ഥാന്‍ ലീവര്‍, ഐടിസി, മഹീന്ദ്ര, ഡണ്‍ലപ്പ് തുടങ്ങിയ ഇന്ത്യന്‍ കമ്പനികളുമായി അമേരിക്കയിലേയും ജപ്പാനിലേയും കമ്പനികളാണ് കൂട്ടുകെട്ടുണ്ടാക്കിയിട്ടുള്ളത്.

സംയുക്ത സംരംഭമായി ട്യൂണയെ പിടിക്കുന്ന സജ്ജീകരണങ്ങളുള്ള 110 യാനങ്ങള്‍ കടലില്‍ ഇറക്കുവാന്‍ കേന്ദ്രസര്‍ക്കാര്‍ അനുമതി നല്‍കിയിട്ടുണ്ട്. മത്സ്യബന്ധനത്തിനായി മൊത്തം 725 യാനങ്ങള്‍ക്കാണ് കേന്ദ്രസര്‍ക്കാര്‍ അനുമതി നല്‍കിയത്.

കേരളത്തിലെ മൂന്നുകമ്പനികള്‍ക്ക് വിദേശ കമ്പനികളുമായി സഹകരിച്ച് യാനങ്ങള്‍ ഇറക്കുവാന്‍ ഇപ്പോള്‍ കേന്ദ്രം അനുമതി നല്‍കിയിട്ടുണ്ട്.

കൊച്ചിയിലെ കീ ഫുഡ്, പിസാ നാവിഗേഷന്‍, മൂണ്‍ ഫിഷറീസ് എന്നീ സ്ഥാപനങ്ങള്‍ക്കാണ് ഈ അനുമതി ലഭിച്ചത്. വിദേശ കമ്പനികളുമായി സഹകരിച്ച് 10 കൂറ്റന്‍ യാനങ്ങള്‍ സര്‍ക്കാരിന്റെ അംഗീകാരത്തോടെ മൂണ്‍ ഫിഷറീസ് കടലില്‍ ഇറക്കിക്കഴിഞ്ഞു.

ലൈസന്‍സ് ലഭിച്ചിട്ടുള്ളതിനാല്‍ ഇന്ത്യയിലെവിടെയും ഇവയ്ക്ക് മീന്‍ പിടിക്കാം. വിദേശയാനങ്ങള്‍ കൂട്ടത്തോടെ കടന്നുവരുന്നത് ആഴക്കടല്‍ മത്സ്യബന്ധനത്തിന് ഏറെ സാധ്യതയുള്ള കേരളത്തെയാണ് ദോഷകരമായി ബാധിക്കുക.

ട്യൂണയോടൊപ്പം ഓലക്കണവ, കലവ, ശീലാവ്, ചേമീന്‍ തുടങ്ങിയ മീനുകളും ഇവ പിടിച്ചെടുക്കുന്നതായി മത്സ്യത്തൊഴിലാളികള്‍ പറയുന്നു. വിദേശയാനങ്ങള്‍ക്ക് ലൈസന്‍സ് കൊടുക്കേണ്ടതില്ലെന്ന് 1997ല്‍ പാര്‍ലമെന്റ് തന്നെ തീരുമാനമെടുത്തിട്ടുള്ളതാണ്.

2006ല്‍ പാര്‍ലമെന്റിന്റെ അംഗീകാരമില്ലാതെ പുതിയ തീരുമാനം വന്നതാണ് കേരളത്തിലെ മത്സ്യമേഖലയ്ക്ക് തിരിച്ചടിയായതെന്ന് ഫിഷറീസ് കോ_ഓര്‍ഡിനേഷന്‍ കമ്മിറ്റി കണ്‍വീനര്‍ ചാള്‍സ് ജോര്‍ജ് ചൂണ്ടിക്കാട്ടുന്നു.

കേരളത്തിന്റെ അതിര്‍ത്തിക്കടലില്‍ വിദേശയാനങ്ങള്‍ കടന്നുവരുന്നതു തടയുവാന്‍ സംസ്ഥാന സര്‍ക്കാരിന് കഴിയുമെന്നും ചൂണ്ടിക്കാണിക്കപ്പെടുന്നു.

6. ശരി തെറ്റാക്കി പി.എസ്.സിയുടെ ഉത്തരസൂചിക
തിരുവനന്തപുരം: തെറ്റുകള്‍ തിരുത്തി, ഭേദഗതി ചെയ്ത് പി.എസ്.സി. പുറത്തിറക്കിയ ഉത്തരസൂചികയില്‍ നിറയെ തെറ്റുകള്‍. തിരുവനന്തപുരം, ഇടുക്കി, കാസര്‍കോട് ജില്ലകളിലെ ലാസ്റ്റ് ഗ്രേഡ് സര്‍വന്റ് തസ്തികയിലേക്ക് ജൂണ്‍ 23 ന് നടത്തിയ പരീക്ഷയുടെ തിരുത്തിയ ഉത്തരസൂചികയിലാണ് തെറ്റുകള്‍ കടന്നുകൂടിയിരിക്കുന്നത്.

രണ്ട് മാസങ്ങള്‍ക്ക് മുമ്പ് ആദ്യം പ്രസിദ്ധീകരിച്ച ഉത്തരസൂചികയില്‍ ശരിയായി രേഖപ്പെടുത്തിയിരുന്ന ഉത്തരങ്ങള്‍ പലതും ഇപ്പോള്‍ ‘തിരുത്തി’ തെറ്റാക്കിയിരിക്കുകയാണ്. കേരളപ്പിറി സമയത്ത് കേരളത്തിലെ ഗവര്‍ണര്‍ ആരായിരുന്നു എന്ന ചോദ്യത്തിന് ആദ്യ ഉത്തരസൂചികയില്‍ പി.എസ്. റാവു എന്ന ശരിയുത്തരമാണ് നല്‍കിയിരുന്നതെങ്കില്‍ ഇപ്പോഴത് ബി. രാമകൃഷ്ണറാവു എന്നാക്കി മാറ്റി. ഭാഷാടിസ്ഥാനത്തില്‍ സംസ്ഥാന പുനഃസംഘടന നിലവില്‍ വന്നത് എന്ന് എന്ന ചോദ്യത്തിന് 1956 നവംബര്‍ ഒന്ന് എന്ന ഉത്തരം ചോയിസിലുണ്ടെങ്കിലും ചോദ്യം റദ്ദുചെയ്തിരിക്കുകയാണ്.

എവറസ്റ്റ് കൊടുമുടി ഇന്ത്യയിലാണെന്ന കണ്ടെത്തലും പി.എസ്.സിയുടെ ‘വിഷയവിദഗ്ദ്ധന്‍’ നടത്തിയിട്ടുണ്ട്. ഇന്ത്യയിലെ ഉയരം കൂടിയ കൊടുമുടി ഏതെന്ന ചോദ്യത്തിന് എവറസ്റ്റ് എന്നാണ് പി.എസ്.സി. നല്‍കുന്ന ഉത്തരം. കാഞ്ജന്‍ഗംഗ എന്ന ശരിയുത്തരം തിരുത്തിയാണ് ഈ അബദ്ധം ചെയ്തിരിക്കുന്നത്. വിയന്ന ഏത് രാജ്യത്തിന്റെ തലസ്ഥാനമാണ് എന്ന ചോദ്യത്തിന്റെ ഉത്തരമായി ഓസ്ട്രിയ ആദ്യ ഉത്തരസൂചികയില്‍ രേഖപ്പെടുത്തിയിരുന്നു. എന്നാല്‍ ഇപ്പോള്‍ ആ ചോദ്യം തന്നെ റദ്ദാക്കപ്പെട്ടു. കാരണമെന്തെന്ന് ആര്‍ക്കുമറിയില്ല.

ആദ്യത്തെ വനിതാ ബഹിരാകാശ സഞ്ചാരി ആര് എന്ന ചോദ്യം അനൌഷേഅന്‍സാരി എന്ന ശരിയുത്തരം ചോയ്സിലുണ്ടായിരുന്നിട്ടും റദ്ദുചെയ്തു. ഇങ്ങനെ ഒട്ടേറെ തെറ്റുകളാണ് ‘തിരുത്തിയ’ ഉത്തരസൂചികയില്‍ കടന്നുകൂടിയിട്ടുള്ളത്. 17 ചോദ്യങ്ങളാണ് ഇപ്പോള്‍ തിരുത്തിയത്. പക്ഷേ ഇതില്‍ ഒമ്പതെണ്ണവും തെറ്റാണ്. ഉത്തരസൂചിക തിരുത്തിയപ്പോള്‍ തെറ്റുകളുടെ എണ്ണം കൂടുകയായിരുന്നു. ആദ്യ ഉത്തരസൂചിക പ്രസിദ്ധീകരിച്ച് ഉദ്യോഗാര്‍ഥികളുടെ നിര്‍ദ്ദേശം സ്വീകരിച്ചശേഷം വിഷയ വിദഗ്ദ്ധരുമായി ബന്ധപ്പെട്ടാണ് അത് ഭേദഗതി ചെയ്തതെന്ന് പി.എസ്.സി.അധികൃതര്‍ പറയുന്നു. എന്നാല്‍ വിഷയവിദഗ്ദ്ധര്‍ക്ക് തീരെ വിവരമില്ലെന്നാണ് ഉത്തരസൂചികകള്‍ തെളിയിക്കുന്നതെന്ന് ഉദ്യോഗാര്‍ഥികള്‍ കുറ്റപ്പെടുത്തുന്നു. മൂന്നു ജില്ലകളിലായി രണ്ടേകാല്‍ ലക്ഷം പേരാണ് ലാസ്റ്റ്ഗ്രേഡ് സര്‍വന്റ് പരീക്ഷ എഴുതിയത്.

7. സുതാര്യ സേവന പ്രോജക്ട് കേരളത്തിലേയ്ക്ക്
തിരുവനന്തപുരം: കേന്ദ്ര ഗവണ്മെന്റിന്റെ ‘ഇ_ഗവണ്മെന്റ് പ്രൊക്യുര്‍മെന്റ് പ്രോജക്ടിന്റെ’ ഫ്ലാഗ് ഓഫ് മീറ്റിങ് ചീഫ് സെക്രട്ടറി പി.ജെ. തോമസ് ഉദ്ഘാടനം ചെയ്തു. കേരളം ഉള്‍പ്പെടെ മൂന്ന് സംസ്ഥാനങ്ങളിലാണ് ഈ പ്രോജക്ട് നടപ്പാക്കുക. കേന്ദ്ര വാണിജ്യ വകുപ്പിന്റെ നേതൃത്വത്തിലുള്ള ഈ പ്രോജക്ട് കേരളത്തില്‍ ആദ്യം പരീക്ഷണാടിസ്ഥാനത്തില്‍ നടപ്പാക്കുകയാണ് ലക്ഷ്യം.

കരാറും ഇടനിലക്കാരും തമ്മില്‍ നിലനിന്നിരുന്ന അഴിമതി തുടച്ചുമാറ്റാനാകുമെന്നതാണ് ഈ പദ്ധതിയുടെ ഒരു പ്രത്യേകത.

ഐ.ടി. വകുപ്പ് പ്രിന്‍സിപ്പല്‍ സെക്രട്ടറി ഡോ. അജയ്കുമാര്‍, സ്പെഷ്യല്‍ സെക്രട്ടറി കെ.ആര്‍. ജ്യോതിലാല്‍, വൈദ്യുതി ബോര്‍ഡ് ചെയര്‍മാന്‍ രാജീവ്സദാനന്ദന്‍, പൊതുമരാമത്ത് വകുപ്പ് പ്രില്‍സിപ്പല്‍ സെക്രട്ടറി ടോംജോസ്, ഐ.ടി. മിഷന്‍ ഡയറക്ടര്‍ സൌരഭ്ജയിന്‍ എന്നിവര്‍ പങ്കെടുത്തു.

8. സൈബര്‍ സിറ്റി: ഐ.ടി. വകുപ്പ് അറിഞ്ഞില്ല; റവന്യൂ വകുപ്പ് അന്വേഷിക്കുന്നു
തിരുവനന്തപുരം: കൊച്ചി കളമശ്ശേരിയില്‍ എച്ച്.എം.ടി. വിറ്റ 70 ഏക്കര്‍ സ്ഥലത്ത് സൈബര്‍ സിറ്റി സ്ഥാപിക്കുന്നതിനെക്കുറിച്ച് ഒരറിവുമില്ലെന്ന് സംസ്ഥാന ഐ.ടി. വകുപ്പ്. അതേസമയം, കേന്ദ്ര പൊതുമേഖലാ സ്ഥാപനമായ എച്ച്.എം.ടി. നടത്തിയ ഭൂമിവില്പന നിയമവിധേയമാണോയെന്ന് റവന്യൂ വകുപ്പ് അന്വേഷണവും തുടങ്ങി. ബന്ധപ്പെട്ട രേഖകളെല്ലാം വിളിച്ചുവരുത്തി റവന്യൂമന്ത്രിയുടെ നേതൃത്വത്തിലാണ് പരിശോധന.

ഭൂമി ഇടപാട് വിവാദമായ പശ്ചാത്തലത്തില്‍, മുഖ്യമന്ത്രി വി.എസ്. അച്യുതാനന്ദന്‍ സൈബര്‍ സിറ്റിയുടെ ശിലാസ്ഥാപനച്ചടങ്ങില്‍ നിന്ന് വിട്ടുനിന്ന സംഭവം പ്രതിപക്ഷം ഏറ്റുപിടിക്കുകയാണ്. കോണ്‍ഗ്രസ് നേതാക്കളായ വി.ഡി. സതീശന്‍ എം.എല്‍.എയും മുന്‍ എം.എല്‍.എ. കെ. മുഹമ്മദലിയും വിമര്‍ശനം ഉന്നയിച്ച് രംഗത്തെത്തിക്കഴിഞ്ഞു. നിയമവിരുദ്ധമായ ഭൂമി കൈമാറ്റത്തിന് സര്‍ക്കാര്‍ ഒത്താശ ചെയ്യുകയാണെന്നാണ് അവരുടെ ആക്ഷേപം.

ഫ്ലാറ്റും വില്ലയും മാത്രം പണിത് പരിചയമുള്ള ഹൌസിങ് ഡെവലപ്മെന്റ് ഇന്‍ഫ്രാസ്ട്രക്ചര്‍ ലിമിറ്റഡിന്റെ ഈ പദ്ധതിയെപ്പറ്റി ഒരു കാര്യവും ഐ.ടി. വകുപ്പ് അറിഞ്ഞിട്ടില്ലെന്ന് മുഖ്യമന്ത്രിയുടെ ഐ.ടി. ഉപദേഷ്ടാവ് ജോസഫ് മാത്യു പറഞ്ഞു. സ്വകാര്യ ഐ.ടി. സംരംഭങ്ങള്‍ക്ക് സര്‍ക്കാര്‍ സ്ഥാപനത്തിന് ലഭിക്കുന്ന അതേ തരത്തില്‍ ആനുകൂല്യവും പ്രോത്സാഹനവും നല്‍കണമെന്നാണ് സര്‍ക്കാരിന്റെ ഐ.ടി. നയം. എന്നാല്‍ ഇതിന് സര്‍ക്കാര്‍ നിര്‍ദ്ദേശിക്കുന്ന ചില നിബന്ധനകള്‍ സ്വകാര്യ സ്ഥാപനങ്ങള്‍ അംഗീകരിക്കേണ്ടതുണ്ട്.

70 ശതമാനം വരെ സ്ഥലം ഐ.ടി.ക്കായി ഉപയോഗിക്കണം, സൃഷ്ടിക്കുന്ന തൊഴിലവസരങ്ങളെക്കുറിച്ചുള്ള വ്യക്തത വേണം എന്നിവ നിബന്ധനകളില്‍ പ്രധാനമാണ്. കൊച്ചി സ്മാര്‍ട്ട് സിറ്റി കാര്യത്തില്‍ ഈ വ്യവസ്ഥകള്‍ പാലിച്ചിരുന്നു. ഇത് പാലിക്കാനാകാതെ വന്നാല്‍ സ്ഥലത്തിന്റെ പാട്ടക്കരാര്‍ റദ്ദാക്കുമെന്നും പരാതിയുണ്ടെങ്കില്‍ അത് തീര്‍ക്കാന്‍ ആര്‍ബിട്രേറ്ററെ സമീപിക്കണമെന്നും സ്പാര്‍ട്ട് സിറ്റി കരാറില്‍ വ്യവസ്ഥയുണ്ട്.

എന്നാല്‍ കളമശ്ശേരിയിലെ സൈബര്‍സിറ്റി പദ്ധതി സംബന്ധിച്ച് സര്‍ക്കാരുമായി ഒരു കരാറും ഇതുവരെ ഒപ്പുവെച്ചിട്ടില്ല. ഐ.ടി. വകുപ്പ് അറിയാതെ നടത്തിയ ഈ സംരംഭത്തിന് ചുക്കാന്‍ പിടിച്ചത് വ്യവസായ വകുപ്പായിരുന്നു. വ്യവസായ വകുപ്പുമായി നടത്തിയ ഒരു ചര്‍ച്ചയെ തുടര്‍ന്ന് തിരുവനന്തപുരം മസ്കറ്റ് ഹോട്ടലില്‍ പത്രസമ്മേളനം നടത്തി സൈബര്‍ സിറ്റി സ്ഥാപിക്കുമെന്ന് എച്ച്.ഡി.ഐ.എല്‍. അധികൃതര്‍ പ്രഖ്യാപിക്കുകയായിരുന്നു. ഇതേ തുടര്‍ന്ന് പ്രശ്നത്തില്‍ ഇടപെട്ട മുഖ്യമന്ത്രി ഇതുസംബന്ധിച്ച ചര്‍ച്ചകള്‍ ഐ.ടി. വകുപ്പുമായി ബന്ധപ്പെട്ട് നടത്തണമെന്ന് നിര്‍ദ്ദേശിച്ചിരുന്നതായി അറിയുന്നു.

എന്നാല്‍ പിന്നീട് പ്രത്യക്ഷത്തില്‍ ഇതുസംബന്ധിച്ച ചര്‍ച്ചകളോ, നടപടികളോ ഉണ്ടായില്ല. തറക്കല്ലിടല്‍ ചടങ്ങ് നടക്കുന്ന വിവരമാണ് പിന്നീട് പുറത്തുവന്നത്.

4000 കോടി രൂപയുടെ നേരിട്ടുള്ള നിക്ഷേപവും 60000 പേര്‍ക്ക് നേരിട്ട് തൊഴിലും നല്‍കുമെന്നാണ് കമ്പനിയുടെ വാഗ്ദാനം. എന്നാല്‍ ഇത് ഉറപ്പാക്കാന്‍ ഒരു കരാറും സര്‍ക്കാരുമായി കമ്പനി ഒപ്പുവെച്ചിട്ടില്ല. അതുകൊണ്ടുതന്നെ വാഗ്ദാനം പാലിച്ചില്ലെങ്കിലും നഷ്ടപരിഹാരം ഈടാക്കാനോ, സ്ഥലം തിരിച്ചെടുക്കാനോ സര്‍ക്കാരിനാകില്ല. ഭൂമിയാകട്ടെ സ്വകാര്യ സംരംഭകരുടെ പക്കല്‍ എത്തുകയും ചെയ്തു.

സ്മാര്‍ട്ട് സിറ്റി പദ്ധതിയില്‍ കര്‍ശനമായ വ്യവസ്ഥകള്‍ നിര്‍ദ്ദേശിച്ച സര്‍ക്കാര്‍ എച്ച്.ഡി.ഐ.എല്‍. ന് സ്ഥലം നല്‍കുന്നതിന് ഒരു കരാറില്‍പ്പോലും ഏര്‍പ്പെടാത്തത് ഒരേ കടയില്‍ രണ്ടുതരം വില്പന നടത്തുന്നതിന് തുല്യമാണെന്ന് വിമര്‍ശകര്‍ പറയുന്നു.

9. സര്‍ക്കാര്‍ ഭൂമി നഷ്ടപ്പെടുമെന്ന് അഞ്ച് വര്‍ഷം മുമ്പേ മുന്നറിയിപ്പ്
കൊച്ചി: സര്‍ക്കാരിന് നിയമപരമായി അവകാശപ്പെട്ട ഭൂമി നഷ്ടപ്പെട്ടേക്കാമെന്ന് അഞ്ചു വര്‍ഷം മുമ്പുതന്നെ കണയന്നൂര്‍ താലൂക്ക് ലാന്‍ഡ് ബോര്‍ഡ് മുന്നറിയിപ്പ് നല്‍കിയിരുന്നു.

251 ഏക്കര്‍ എച്ച്.എം.ടി.യില്‍ നിന്ന് തിരിച്ചുപിടിക്കാന്‍ താലൂക്ക് ലാന്‍ഡ് ബോര്‍ഡ് 2002 ഏപ്രില്‍ 27ന് പുറപ്പെടുവിച്ച ഉത്തരവില്‍ ഈ മുന്നറിയിപ്പുണ്ട്. ഈ ഉത്തരവിനെ ചോദ്യംചെയ്ത്, എച്ച്.എം.ടി. ഹൈക്കോടതിയില്‍ 2002 ജൂണ്‍ 15ന് നല്‍കിയ ഹര്‍ജിയില്‍ തീര്‍പ്പായിട്ടില്ല.

വ്യാവസായികാവശ്യത്തിനായി എച്ച്.എം.ടി.ക്ക് 1972ലെ സര്‍ക്കാര്‍ ഉത്തരവുപ്രകാരം എണ്ണൂറോളം ഏക്കര്‍ സൌജന്യമായി നല്‍കിയിരുന്നു. വ്യാവസായികാവശ്യത്തിനായി ഉപയോഗിക്കാതെ ഭൂമി ബാക്കി കിടക്കുന്നുണ്ട്. സ്വകാര്യവത്കരണത്തിന് കമ്പനി കൈമാറ്റം ചെയ്താല്‍ കമ്പനിയുടെ കൈവശമുള്ള ഭൂമിയും ഉള്‍പ്പെടുമെന്ന് താലൂക്ക് ലാന്‍ഡ് ബോര്‍ഡ് 2002ലെ ഉത്തരവില്‍ പറഞ്ഞിരുന്നു. ”ഭൂമി കേരളത്തില്‍ വളരെ വിലപ്പെട്ടതാണ്. പ്രത്യേകിച്ച് എറണാകുളത്തും പരിസരപ്രദേശത്തും. അതിനാല്‍ ഉചിതമായ രീതിയില്‍ ഭൂമി ഉപയോഗപ്പെടുത്തണം”_ ഉത്തരവില്‍ പറയുന്നു.

അതേസമയം, ഒരു ഹൌസിങ് കോളനിക്കു വേണ്ടി ജില്ലാ കളക്ടര്‍ സ്ഥലം ചോദിച്ചപ്പോള്‍ കമ്പനിക്ക് സ്വീകാര്യമായില്ലെന്നും ഇതേത്തുടര്‍ന്ന് താലൂക്ക് ലാന്‍ഡ് ബോര്‍ഡിനെ മറയാക്കി, കളക്ടര്‍ പകരം വീട്ടുന്നുവെന്നുമാണ് കമ്പനിയുടെ ആരോപണം.

10. ഇസ്രായേലി ഉപഗ്രഹം ഇന്ത്യ ഭ്രമണപഥത്തിലെത്തിച്ചു
ശ്രീഹരിക്കോട്ട (ആന്ധ്രപ്രദേശ്): ഇസ്രാലേയിന്റെ ചാരഉപഗ്രഹത്തെ ഇന്ത്യ ഭ്രമണപഥത്തിലെത്തിച്ചു. ഐ.എസ്.ആര്‍.ഒ.യുടെ ശ്രീഹരിക്കോട്ടയിലെ വിക്ഷേപണകേന്ദ്രത്തില്‍നിന്ന് പി.എസ്.എല്‍.വി. റോക്കറ്റാണ് പൊളാരിസ് എന്ന ഇസ്രായേലിന്റെ ഉപഗ്രഹത്തെ തിങ്കളാഴ്ച വിജയകരമായി വിക്ഷേപിച്ചത്. തീയതിയും സമയവും മുന്‍കൂട്ടി അറിയിക്കാതെ രഹസ്യമായായിരുന്നു വിക്ഷേപണം.

തികച്ചും വാണിജ്യാടിസ്ഥാനത്തില്‍ ഐ.എസ്.ആര്‍.ഒ. നടത്തുന്ന രണ്ടാമത്തെ ഉപഗ്രഹവിക്ഷേപണമാണിത്. ഇന്ത്യന്‍ ബഹിരാകാശവകുപ്പിന്റെ വാണിജ്യവിഭാഗമായ ആന്‍ട്രിക്സ് കോര്‍പ്പറേഷനാണ് ഇസ്രായേലിന്റെ ബഹിരാകാശ ഏജന്‍സിക്കുവേണ്ടി വിക്ഷേപണച്ചുമതല ഏറ്റെടുത്തത്. ഐ.എസ്.ആര്‍.ഒ.യുടെ പി.എസ്.എല്‍.വി_സി_10 വിക്ഷേപണവാഹനം തിങ്കളാഴ്ച രാവിലെ 9.15ന് ഉപഗ്രഹത്തെയും വഹിച്ച് കുതിച്ചുയര്‍ന്നു. 1185 സെക്കന്‍ഡുകൊണ്ട് ഉപഗ്രഹത്തെ നിശ്ചിത ഭ്രമണപഥത്തിലെത്തിക്കുകയും ചെയ്തു.

മേഘങ്ങള്‍ക്കിടയിലൂടെപോലും കാണാന്‍ കഴിവുള്ള ഉപഗ്രഹമാണ് പൊളാരിസ് എന്നു വിളിക്കുന്ന ടെക്സാര്‍ സാറ്റലൈറ്റ്. ഇതിന്റെ ഭ്രമണപഥത്തില്‍ ഭൂമിയോടു അടുത്തുനില്‍ക്കുന്ന ഭാഗം 450 കിലോമീറ്ററും വിദൂര ഭാഗം 580 കിലോമീറ്ററും അകലെയാണ്.

ഉപഗ്രഹ വിക്ഷേപണവിവരം മുന്‍കൂട്ടി പ്രഖ്യാപിക്കാറുള്ള ഐ.എസ്.ആര്‍.ഒ. ഇസ്രായേലി ഉപഗ്രഹത്തിന്റെ കാര്യം രഹസ്യമായി വെക്കുകയായിരുന്നു. കഴിഞ്ഞ സപ്തംബറില്‍ വിക്ഷേപണം നടന്നേക്കുമെന്ന് സൂചനയുണ്ടായിരുന്നെങ്കിലും പ്രത്യേകിച്ച് കാരണമൊന്നും പറയാതെ അത് മാറ്റിവെച്ചു. ചില രാജ്യങ്ങളുടെ സമ്മര്‍ദത്തിനു വഴങ്ങി ഇന്ത്യ വിക്ഷേപണ പദ്ധതി ഉപേക്ഷിച്ചതായി വാര്‍ത്ത വന്നിരുന്നു. ഇക്കാര്യം നിഷേധിച്ച ഐ.എസ്.ആര്‍.ഒ. പറയുന്നത് സാങ്കേതിക കാരണങ്ങള്‍കൊണ്ടാണ് വിക്ഷേപണം നീണ്ടുപോയതെന്നാണ്.

ശ്രീഹരിക്കോട്ടയില്‍നിന്ന് ഐ.എസ്.ആര്‍.ഒ. നടത്തുന്ന 25_ാമത്തെ ഉപഗ്രഹവിക്ഷേപമാണിത്; 1994_ല്‍ അവതരിപ്പിച്ച പി.എസ്.എല്‍.വി.യുടെ 11_ാമത്തെ വിക്ഷേപണവും. പൂര്‍ണമായും വാണിജ്യാടിസ്ഥാനത്തില്‍ ഇന്ത്യ ഉപഗ്രഹവിക്ഷേപണം തുടങ്ങുന്നത് കഴിഞ്ഞവര്‍ഷമാണ്. ഇറ്റലിയുടെ എജൈല്‍ ഉപഗ്രഹമാണ് ഇത്തരത്തില്‍ ആദ്യം വിക്ഷേപിച്ചത്.

11. വിവരാവകാശ നിയമം: ഏകീകൃത ചട്ടം പറ്റില്ല _സുപ്രീംകോടതി
ന്യൂഡല്‍ഹി: വിവരാവകാശ നിയമ പ്രകാരമുള്ള അപേക്ഷകള്‍ കൈകാര്യംചെയ്യുന്നതിന് എല്ലാ ഹൈക്കോടതികള്‍ക്കുമായി ഏകീകൃതചട്ടങ്ങള്‍ രൂപവല്‍ക്കരിക്കണമെന്നാവശ്യപ്പെട്ടുള്ള ഹര്‍ജി സുപ്രീം കോടതി തള്ളി.

വിവരാവകാശ നിയമപ്രകാരമുള്ള അപേക്ഷകള്‍ തീര്‍പ്പാക്കാന്‍ വ്യത്യസ്ത ഹൈക്കോടതികള്‍ വ്യത്യസ്തചട്ടങ്ങളാണ് ഉപയോഗിക്കുന്നതെന്നും ഇവ നിയമത്തിന്റെ അന്തസ്സത്തയ്ക്ക് അനുസൃതമല്ലെന്നും കാണിച്ച് ഒരു സന്നദ്ധ സംഘടനയണ് ഹര്‍ജി നല്‍കിയത്. വ്യത്യസ്ത മാനദണ്ഡങ്ങള്‍ പ്രകാരമുള്ള ഉത്തരവുകള്‍ വിവരാവകാശ നിയമത്തിന്റെ ഉദ്ദേശ്യത്തെതന്നെ പരാജയപ്പെടുത്തുന്നതിനാല്‍ സുപ്രീംകോടതി ഏകീകൃത ചട്ടങ്ങള്‍ക്ക് രൂപം നല്‍കണമെന്നായിരുന്നു ഹര്‍ജിക്കാരുടെ ആവശ്യം.

എന്നാല്‍ എല്ലാ കോടതികള്‍ക്കുംവേണ്ടി ചട്ടമുണ്ടാക്കാന്‍ സുപ്രീംകോടതിക്ക് കഴിയില്ലെന്ന് ചീഫ് ജസ്റ്റിസ് കെ.ജി. ബാലകൃഷ്ണന്റെ നേതൃത്വത്തിലുള്ള ബെഞ്ച് വ്യക്തമാക്കി. വ്യതിരിക്ത സ്ഥാപനങ്ങളാണ് ഹൈക്കോടതികള്‍. ഹൈക്കോടതികള്‍ക്കുവേണ്ടി ചട്ടങ്ങള്‍ അവര്‍തന്നെയാണുണ്ടാക്കേണ്ടത്. സുപ്രീംകോടതിയുടെ കീഴ്ഘടകങ്ങളല്ല ഹൈക്കോടതികള്‍. ഹൈക്കോടതികളുടെ പ്രവര്‍ത്തനം സുപ്രീംകോടതിയുടെ മേല്‍നോട്ടത്തിനു കീഴിലല്ല_സുപ്രീംകോടതി വ്യക്തമാക്കി.

12. സ്കൂളുകളിലെ സയന്‍സ് പഠനം മെച്ചപ്പെടുത്താന്‍ പദ്ധതിയുമായി ചെന്നൈ ഐ.ഐ.ടി.
ന്യൂഡല്‍ഹി: സ്കൂള്‍ തലത്തിലെ സയന്‍സ് പഠനം മെച്ചപ്പെടുത്താനുള്ള പദ്ധതിക്ക് ചെന്നൈ ഐ.ഐ.ടി. രൂപം നല്‍കുന്നു. അഞ്ചു മുതല്‍ പ്ലസ്ടു ക്ലാസുവരെയുള്ള കുട്ടികള്‍ക്ക് കെമിസ്ട്രി, ഫിസിക്സ് വിഷയങ്ങളില്‍ പ്രാവീണ്യം നല്‍കാനുതകുന്ന തരത്തില്‍ ആയിരിക്കും പദ്ധതി നടപ്പാക്കുക. ചെന്നൈ ഐ.ഐ.ടി. അധ്യാപകന്‍ ഡോ.ടി.എസ്. നടരാജന്‍ ആവിഷ്കരിച്ച പദ്ധതിക്ക് സ്ഥാപനം പൂര്‍ണ പിന്തുണ നല്‍കുകയാണുണ്ടായത്. സ്കൂള്‍ വിദ്യാഭ്യാസരംഗത്ത് ചെന്നൈ ഐ.ഐ.ടി.യുടെ ആദ്യ കാല്‍വെയ്പാണിത്.

പ്രശ്നാധിഷ്ഠിതവും പ്രവര്‍ത്തന കേന്ദ്രീകൃതവുമായ പഠനരീതി നടപ്പാക്കി സയന്‍സിനെ രസകരവും എളുപ്പവുമായ വിഷയമാക്കി മാറ്റുക എന്നതാണ് പരിപാടിയിലൂടെ ലക്ഷ്യമിടുന്നത്. സയന്‍സ് അധ്യാപകര്‍ക്ക് അവരുടെ വൈദഗ്ദ്ധ്യം വര്‍ധിപ്പിക്കാനാവശ്യമായ സാഹചര്യമൊരുക്കാനും വിഭാവനം ചെയ്യുന്നുണ്ട്.

13. വാണിജ്യവിക്േഷപണരംഗത്ത് നേട്ടം കൊയ്ത് ഐ.എസ്.ആര്‍.ഒ.
ചെന്നൈ: ഉപഗ്രഹങ്ങളുടെ വാണിജ്യവിക്ഷേപണമേഖലയില്‍ പുതിയൊരധ്യായം എഴുതിച്ചേര്‍ത്തുകൊണ്ട് ഇന്ത്യ തിങ്കളാഴ്ച നടത്തിയ ഇസ്രായേലിന്റെ ഉപഗ്രഹവിക്ഷേപണം പൂര്‍ണമായും വിജയകരമാണെന്ന് ചെന്നൈയില്‍ തിങ്കളാഴ്ച വൈകിട്ട് നടത്തിയ പത്രസമ്മേളനത്തില്‍ ഐ.എസ്.ആര്‍.ഒ. ചെയര്‍മാന്‍ ജി. മാധവന്‍നായര്‍ പറഞ്ഞു.

ഇന്ത്യന്‍ ബഹിരാകാശവകുപ്പിന്റെ വാണിജ്യവിഭാഗമായ ആന്‍ട്രിക്സ് കോര്‍പ്പറേഷനാണ് വാണിജ്യവിക്ഷേപണങ്ങള്‍ക്ക് ചുക്കാന്‍പിടിക്കുന്നത്. ചെറിയ ഉപഗ്രഹങ്ങള്‍ വിക്ഷേപിക്കുന്നതില്‍ ഇന്ത്യ ആഗോളതലത്തില്‍ ശ്രദ്ധാകേന്ദ്രമായി മാറിക്കൊണ്ടിരിക്കുകയാണെന്ന് മാധവന്‍നായര്‍ ചൂണ്ടിക്കാട്ടി.

ഇസ്രായേല്‍ എയ്റോ സ്പേസ് ഇന്‍ഡസ്ട്രീസുമായുണ്ടാക്കിയ കരാറിന്റെ അടിസ്ഥാനത്തിലാണ് ‘ടെക്സാര്‍’ എന്ന ഉപഗ്രഹം ഭ്രമണപഥത്തിലെത്തിച്ചത്. ഈ വിക്ഷേപണത്തിന് ഇസ്രായേല്‍ ഇന്ത്യക്ക് പ്രതിഫലമായി നല്‍കിയ തുക വെളിപ്പെടുത്താന്‍ ആന്‍ട്രിക്സ് കോര്‍പ്പറേഷന്‍ അധികൃതര്‍ വിസമ്മതിച്ചു. അന്താരാഷ്ട്രവിപണിയില്‍ ഇത്തരം വിക്ഷേപണങ്ങള്‍ക്ക് ഒരു കിലോയ്ക്ക് (ഉപഗ്രഹത്തിന്റെ ഭാരം) 15,000 ഡോളറാണ് ഈടാക്കുന്നതെന്നും (ടെക്സാറിന് 300 കിലോഗ്രാം തൂക്കമാണുള്ളത്). പി.എസ്.എല്‍.വിയുടെ സവിശേഷതകള്‍ കാരണം ഇസ്രായേലില്‍നിന്ന് ഇതിലും മികച്ച നിരക്ക് ഈടാക്കാനായെന്നും ആന്‍ട്രിക്സ് കോര്‍പ്പറേഷന്‍ മേധാവി ശ്രീധര്‍മൂര്‍ത്തി പറഞ്ഞു. ആഗോളതലത്തില്‍ ഇത്തരം വിക്ഷേപണങ്ങളുടെ വിപണി എണ്ണായിരം കോടി രൂപ വരുമെന്നും ഇന്ത്യക്ക് ഇതില്‍ വലിയൊരു പങ്ക് സ്വന്തമാക്കാനാവുമെന്നും മൂര്‍ത്തി പറഞ്ഞു. 600 കോടി രൂപയാണ് കഴിഞ്ഞവര്‍ഷം കോര്‍പ്പഷന്റെ വരുമാനം.

‘ടെക്സാര്‍’ ചാര ഉപഗ്രഹമാണോയെന്ന് തനിക്കറിയില്ലെന്ന് മാധവന്‍നായര്‍ പറഞ്ഞു. ഏത് ഉപഗ്രഹവും വിവിധ ആവശ്യങ്ങള്‍ക്കായി ഉപയോഗിക്കാമെന്നും മാധവന്‍നായര്‍ ചൂണ്ടിക്കാട്ടി. ഒരു യാത്രക്കാരനെ കൊണ്ടുപോകുന്നതുപോലെയാണ് ഇത്തരം സംരംഭങ്ങള്‍ കൈകാര്യം ചെയ്യുന്നതെന്നും ഉപഗ്രഹത്തിന്റെ വിശദാംശങ്ങള്‍ നല്‍കേണ്ട ബാധ്യത ഇസ്രായേലിനില്ലെന്നും മാധവന്‍നായര്‍ പറഞ്ഞു.

ഗള്‍ഫ് രാഷ്ട്രങ്ങളുടെയും അമേരിക്കയുടെയും സമ്മര്‍ദ്ദം കാരണമാണ് വിക്ഷേപണം നീണ്ടുപോയതെന്ന ആരോപണം മാധവന്‍നായര്‍ നിഷേധിച്ചു. ”ചില സാങ്കേതികപ്രശ്നങ്ങളും കാലാവസ്ഥയിലുണ്ടായ വ്യതിയാനങ്ങളുമാണ് വിക്ഷേപണം നീളാന്‍ ഇടയാക്കിയത്’. 50 കോടി രൂപയാണ് ഇതിനായി പി.എസ്.എല്‍.വിക്ക് മൊത്തം ചെലവായത്.

നെതര്‍ലാന്‍ഡ്സിന്റെ മൂന്ന് ചെറു ഉപഗ്രഹങ്ങള്‍ അടുത്ത മൂന്നുമാസങ്ങള്‍ക്കുള്ളില്‍ ഐ.എസ്.ആര്‍.ഒ. വിക്ഷേപിക്കുമെന്ന് മാധവന്‍നായരും മൂര്‍ത്തിയും പറഞ്ഞു.

തുമ്പയിലെ വി.എസ്.എസ്.സി. ഡയറക്ടര്‍ രാധാകൃഷ്ണന്‍, പി.എസ്.എല്‍.വി. ദൌത്യസംഘം മേധാവി ജോര്‍ജ് കോശി എന്നിവരും പത്രസമ്മേളനത്തില്‍ പങ്കെടുത്തു.

1. പി.ജി.ജി നമ്പൂതിരി തുടക്കമിട്ട സമരത്തില്‍ ബില്‍ക്കിസിനു നീതി
ന്യൂഡല്‍ഹി: ഗുജറാത്ത് കലാ പത്തിനിടെ കൂട്ടബലാത്സംഗത്തിനിരയായ ബില്‍ക്കിസ് ബാനുവിന് ഒടുവില്‍ നീതി ലഭിക്കുമ്പോള്‍ ഏറ്റവും ആഹ്ളാദിക്കുന്നത് ഒരു മലയാളി. കലാപത്തിനെതിരെ ശക്തമായ നടപടികള്‍ സ്വീകരിച്ച ദേശീയ മനുഷ്യാവകാശ കമ്മീഷന്റെ നിയമസഹായി തൃശൂര്‍ സ്വദേശി പി.ജി. ജാതവേദന്‍ നമ്പൂതിരി.

ബാനുവിനും കുടുംബത്തിനും നേരെയുണ്ടായ അക്രമങ്ങള്‍ ദേശീയ തലത്തില്‍ എത്തിച്ചതും കേസ് സി.ബി.ഐയെ ക്കൊണ്ട് അന്വേഷിപ്പിച്ചതും വിചാരണ മുംബൈ പ്രത്യേക കോടതിയിലേക്ക് മാറ്റിയതും മനുഷ്യാവകാശ കമ്മീഷന്റെ ഇടപെടലുകളെ തുടര്‍ന്നായിരുന്നു.

സി.ബി.ഐ ഉദ്യോഗസ്ഥനായും ഗുജറാത്ത് ഡി.ജി.പിയായും സേവനമനുഷ്ടിച്ച ജാതവേദന്‍ നമ്പൂതിരിയായിരുന്നു ദേശീയ മനുഷ്യാവകാശ കമ്മീഷന്റെ അക്കാലത്തെ നിയമസഹായി.

കലാപ ബാധിതരോടു തെളിവെടുക്കുമ്പോഴാണു ദുരിതബാധിതരുടെ ക്യാമ്പില്‍ ബില്‍ക്കിസിനെ നമ്പൂതിരി കാണുന്നത്. പിന്നീടിങ്ങോട്ടുള്ള പോരാട്ടങ്ങളില്‍ അദ്ദേഹം അവര്‍ ക്കൊപ്പമായിരുന്നു. കലാപകാരി കള്‍ക്ക് അനുകൂലമായ ഗുജറാത്ത് സര്‍ക്കാരിന്റെ നിലപാടുകള്‍ക്കെതിരേ കമ്മീഷന്‍ നിരവധി റിപ്പോര്‍ട്ടുകള്‍ സമര്‍പ്പിച്ചിരുന്നു. ഗോദ്ര കലാപം, ബെസ്റ്റ് ബേക്കറി കേസ് ഉള്‍പ്പെടെ അഞ്ച് കേസുകള്‍ സി.ബി.ഐ യെ ക്കൊണ്ടു അന്വേഷിപ്പിക്കണമെന്ന് മനുഷ്യാവകാശ കമ്മീഷന്‍ ആവശ്യപ്പെട്ടിരുന്നു. ഗുജറാത്തിലുണ്ടായ കലാപങ്ങള്‍ ആസൂത്രിതമാണെന്നു സംശയിക്കുന്നതായും പോലീസ് വിചാരിച്ചിരുന്നെങ്കില്‍ കലാ പം ഇത്രയും രൂക്ഷമാകില്ലായിരുന്നെന്നും അദ്ദേഹം അഭിപ്രാ യപ്പെട്ടു..

2. വിദ്യാലയങ്ങളില്‍ പഞ്ചായത്തുകളുടെ ഇടപെടല്‍ വേണ്ട; പിന്തുണ മതി
തിരുവനന്തപുരം: സ്കൂളുകളില്‍ തദ്ദേശസ്വയംഭരണ സ്ഥപനങ്ങളുടെ ഇടപെടല്‍ വേണ്െടന്നും സുഗമമായ നടത്തിപ്പിന് ആവശ്യമായ പിന്തുണ മാത്രം മതിയെന്നും പാഠ്യപദ്ധതി പരിഷ്കരണ സമിതിയുടെ കോര്‍കമ്മറ്റിയില്‍ ധാരണയായി. സ്കൂളുകളുടെ കാര്യത്തില്‍ തദ്ദേശ സ്ഥാപനങ്ങള്‍ക്കു പ്രാദേശികമായി സമയം നിശ്ചയിക്കാമെന്ന ചട്ടക്കൂടിലെ കരടു നിര്‍ദേശവും ഒഴിവാക്കി.

ഇതടക്കം വിവാദമായ പല നിര്‍ദേശങ്ങളിലും വിട്ടുവീഴ്ച ചെയ്യാന്‍ പൊതുവിദ്യാഭ്യാസ സെക്രട്ടറിയുടെ അധ്യക്ഷതയില്‍ ഇന്നലെ ചേര്‍ന്ന കോര്‍കമ്മറ്റിയോഗത്തില്‍ ധാരണയായി. ഇതുള്‍പ്പടെയുള്ള സുപ്രധാനനിര്‍ദേശങ്ങളില്‍ ഇന്നു വിദ്യാഭ്യാസ മന്ത്രിയുടെ അധ്യക്ഷതയില്‍ ചേരുന്ന കരിക്കുലം കമ്മറ്റി തീരുമാനമെടുക്കും. ഒരു പിരിയഡ് ഒരു മണിക്കൂറാക്കി നിജപ്പെടുത്തണമെന്ന നിര്‍ദേശത്തിലും ഒരു ടേം പരീക്ഷ ഒഴിവാക്കണമെന്ന നിര്‍ദേശത്തിലും പല അംഗങ്ങളും വിയോജിപ്പ് പ്രകടിപ്പിച്ചെങ്കിലും കോര്‍കമ്മറ്റിയുടെ നിര്‍ദേശങ്ങളില്‍ ഇതുള്‍പ്പെടുത്തിയിട്ടുണ്ട്.

ഒരു പീരിയഡ് ഒരുമണിക്കൂറാക്കുമ്പോള്‍ പല വിഷയങ്ങള്‍ക്കും പിരീഡ് ഇല്ലാതെയാവും. തസ്തിക നഷ്ടപ്പെടുന്നതുവഴി അധ്യാപകരുടെ ജോലിസ്ഥിരതയെയും ഭാഷാപഠനത്തെയും ഇത് പ്രതികൂലമായി ബാധിക്കുമെന്ന് ചില അംഗങ്ങള്‍ ആശങ്ക പ്രകടിപ്പിച്ചു. കരിക്കുലം കമ്മറ്റി ഇക്കാര്യത്തില്‍ അന്തിമതീരുമാനമെടുക്കും. പാഠപുസ്തകങ്ങള്‍ രണ്ടു ഭാഗങ്ങളാക്കണമെന്ന നിര്‍ദേശത്തിലും തീരുമാനമായില്ല.

തദ്ദേശസ്ഥാപനങ്ങളില്‍ ഉദ്യോഗസ്ഥ പുനര്‍വിന്യാസം നടക്കുമ്പോഴും വിദ്യാലയങ്ങളില്‍ ഇടപെടേണ്ടതില്ല. ഇക്കാര്യങ്ങളില്‍ പൊതുസമീപനം സ്വീകരിക്കണമെന്ന് കെ.ഇ.ആര്‍ പരിഷ്കരണകമ്മറ്റിയോട് ആവശ്യപ്പെടാനും കോര്‍കമ്മറ്റിയില്‍ ധാരണയായി.

സ്കൂള്‍സമയം എട്ടു മുതല്‍ അഞ്ചുവരെയെന്നത് ഒഴിവാക്കി നിലവിലുളള രീതി പിന്തുടരാനും തീരുമാനിച്ചു. അഞ്ചുമണിക്കൂറായിരിക്കും സ്കൂള്‍സമയം. പഠനസമയം രാവിലെയാണ് നല്ലതെന്ന അഭിപ്രായവും കോര്‍കമ്മറ്റിയിലുണ്ടായി. സ്കൂളുകളില്‍ ലിംഗസമത്വം വേണമെന്ന നിര്‍ദേശവും ഒഴിവാക്കാന്‍ ധാരണയായി. ഇതിന് പകരം വിദ്യാഭ്യാസരംഗതത് സ്ത്രീപുരുഷ സമത്വം വേണമെന്ന നിര്‍ദേശം പുതിയതായി ഉള്‍പ്പെടുത്തി. സ്കൂളുകളില്‍ ആണ്‍-പെണ്‍ വ്യത്യാസമില്ലാതെ സീറ്റുകള്‍ സജ്ജീകരിക്കണമെന്ന നിര്‍ദേശം വിവാദമായിരുന്നു. ഇത് ഒഴിവാ ക്കും.

ഹയര്‍സെക്കന്‍ഡറി ഭാഷാപഠനത്തില്‍ ഇംഗ്ളീഷ് നിര്‍ബന്ധിതവിഷയമായി നിലവിലുള്ള രീതി തുടരും. ഇംഗ്ളീഷ് ഭാഷ ഒഴിവാക്കി ജിയോളജി, സ്റ്റാറ്റിറ്റിക്സ് എന്നിവയുള്‍പ്പടെ ഏതെങ്കിലും വിഷയം പഠിച്ചാല്‍ മതിയെന്നായിരുന്നു കരടിലെ നിര്‍ദേശം. ഇതിനെതിരെ വ്യാപക പ്രതിഷേധം ഉയര്‍ന്നിരുന്നു. കോര്‍കമ്മറ്റിയിലും ഇതുസംബന്ധിച്ച വിയോജിപ്പ് പ്രകടമായിരുന്നു. ഇതേത്തുടര്‍ന്നാണ് ഒഴിവാക്കാന്‍ തീരുമാനിച്ചത്.

ഹയര്‍സെക്കന്ററിയില്‍ ഹ്യുമാനിറ്റീസ് ഗ്രൂപ്പില്‍ എക്കണോമിക്സ് ഉള്‍പ്പെടുത്തും. ബിസിനസ് മാനേജ്മെന്റ് എന്നത് ബിസിനസ് സ്റ്റഡീസ് എന്നാക്കും. എല്ലാ തൊഴിലും ആണ്‍കുട്ടിയും പെണ്‍കുട്ടിയും ചെയ്യണമെന്ന നിര്‍ദേശവും ഒഴിവാക്കി. ലൈംഗികവിദ്യാഭ്യാസം നിര്‍ബന്ധമാക്കേണ്ടതില്ലെന്നും തീരുമാനിച്ചു. പകരം ലൈംഗിക വിദ്യാഭ്യാസത്തെ ക്കു റിച്ച് സാമാന്യ അറിവ് ലഭ്യമാക്കണമെന്ന നിര്‍ദേശം ഉള്‍പ്പെടുത്തും.

പാഠ്യപദ്ധതി ചട്ടക്കൂട് വേണ്ടവിധം ചര്‍ച്ചചെയ്യപ്പെടാതെയാണ് അവതരിപ്പിച്ചതെന്ന വിമര്‍ശനവും ഉയര്‍ന്നു. ചട്ടക്കൂടിന് ജനാധിപത്യസ്വഭാവം നഷ്ടപ്പെട്ടെന്ന ആക്ഷേപവും ഉയര്‍ന്നു. പതിനാല് ഫോക്കസ് ഗ്രൂപ്പകളാണ് ചട്ടക്കൂട് തയാറാക്കിയത്. കോര്‍കമ്മറ്റി ഇക്കാര്യം അറിഞ്ഞിരുന്നില്ലെന്ന് പലഅംഗങ്ങളും ചൂണ്ടിക്കാട്ടി.

3. സൌരോര്‍ജ ഗവേഷണ മേഖല ശക്തമാക്കണം: കേന്ദ്രഊര്‍ജ സെക്രട്ടറി
കൊച്ചി: സൌരോര്‍ജം വൈദ്യുതിയായി മാറ്റുമ്പോഴുണ്ടാകുന്ന ചെലവ് കുറയ്ക്കാനും കാര്യക്ഷമത വര്‍ധിപ്പിക്കാനും ഗവേഷണ പ്രവര്‍ത്തനങ്ങള്‍ ശക്തമാക്കണമെന്ന് കേന്ദ്ര ഊര്‍ജ സെക്രട്ടറി വി.സുബ്രഹ്മണ്യന്‍.

ഗവേഷണശാലയില്‍ കൈവരിക്കുന്ന കാര്യക്ഷമത ഉത്പാദനത്തിലും ആവര്‍ത്തിച്ചാല്‍ മാത്രമേ ഉപയോക്താക്കള്‍ക്ക് ചെലവു കുറഞ്ഞ സൌരോര്‍ജ വൈദ്യുതി സുഗമമായി വിതരണം ചെയ്യാന്‍ കഴിയുവെന്നും അദ്ദേഹം പറഞ്ഞു.

കൊച്ചി ശാസ്ത്ര സാങ്കേതിക സര്‍വകലാശാലയിലെ ഫിസിക്സ് വകുപ്പ് സംഘടിപ്പിച്ച സൌര ബാറ്ററികളെക്കുറിച്ചുള്ള പ്രഥമ ആഗോള സമ്മേളനം ഉദ്ഘാടനം ചെയ്യുകയായിരുന്നു കേന്ദ്ര ഊര്‍ജ സെക്രട്ടറി.

സൌര വൈദ്യുത പ്ളാന്റ് സ്ഥാപിച്ച് പ്രവര്‍ത്തിപ്പിക്കുന്നതിനുള്ള വര്‍ധിച്ച ചെലവ് കണക്കിലെടുത്ത് വൈദ്യുത ഗ്രിഡില്‍ നല്‍കുന്ന സൌരോര്‍ജത്തിന്റെ ഉത്പാദനത്തിനു പത്തു വര്‍ഷത്തേക്ക് കേന്ദ്രം പ്രത്യേക ആനുകൂല്യങ്ങള്‍ നല്‍കും.

ഇന്റര്‍ആക്ടീവ് ആയ വൈദ്യുതനിലയങ്ങള്‍ സ്ഥാപിക്കുന്നതിനും നടപടി സ്വീകരിക്കുമെന്ന് അദ്ദേഹം വ്യക്തമാക്കി.

നിര്‍മാണ ചെലവും ദൈനംദിന ചെലവുകളും ഒപ്പം കാര്യക്ഷമതക്കുറവുമാണ് കേരളത്തിലെ വൈദ്യുതോത്പാദനരംഗത്ത് സൌര ബാറ്ററികളോടുള്ള താല്‍പര്യം കുറയാന്‍ കാരണമെന്ന് ചടങ്ങില്‍ അധ്യക്ഷത വഹിച്ച സയന്‍സ് ഡീന്‍ പ്രഫ. വി.ഉണ്ണികൃഷ്ണന്‍ നായര്‍ പറഞ്ഞു.

അനര്‍ട്ട് ഡയറക്ടര്‍ കെ.എം ധരേശന്‍ ഉണ്ണിത്താന്‍, ഡോ.എന്‍ ഗോഡ്ഫ്രൈ, പ്രഫ.കെ.പി ജയകുമാര്‍ തുടങ്ങിയവര്‍ സംസാരിച്ചു.

ലോകത്തിലെ ഏറ്റവും ഇന്ധനക്ഷമതയുള്ള സിലിക്കന്‍ സൌര സെല്ലുകള്‍ രൂപപ്പെടുത്തിയ ഡോ.മാര്‍ട്ടിന്‍ ഗ്രീന്‍, പ്രമുഖ സൌരോര്‍ജ വിദഗ്ധന്‍ ഡോ.മകാതോ തുടങ്ങിയവര്‍ മൂന്നു ദിവസത്തെ സമ്മേളനത്തില്‍ പങ്കെടുക്കും. 250 പ്രതിനിധികള്‍ പങ്കെടുക്കുന്ന കോണ്‍ഫറന്‍സില്‍ 72 പ്രബന്ധങ്ങള്‍ അവതരിപ്പിക്കും.

4. നടപടിയെടുക്കാനാളില്ല; കരിഞ്ചന്തയും പൂഴ്ത്തിവയ്പും വ്യാപകം
തിരുവനന്തപുരം: ആന്ധ്രയിലും തമിഴ്നാട്ടിലും നിന്ന് അരിയുള്‍പ്പടെയുള്ള അവശ്യസാധനങ്ങള്‍ എത്താന്‍ വൈകുമെന്ന് മനസിലാക്കി സംസ്ഥാനത്ത് കരിഞ്ചന്തയും പൂഴ്ത്തിവയ്പും വീണ്ടും വ്യാപകമാകുന്നു. കരിഞ്ചന്തയും പൂഴ്ത്തിവയ്പും നടക്കുന്നുണ്േടായെന്ന് പരിശോധിക്കുകയും നിയന്ത്രിക്കുകയും ചെയ്യേണ്ട വകുപ്പിന്റെ തലപ്പത്തെ പ്രധാന കസേരകളിലൊന്നും കഴിഞ്ഞ ആറുമാസമായി ആളില്ല.

റേഷന്‍ കമ്മീഷണര്‍, സിവില്‍ സപ്ളൈസ് ഡെപ്യൂട്ടി കമ്മീഷണര്‍, സിവില്‍ സ്പ്ളൈസ് കണ്‍ട്രോളര്‍, ഡെപ്യൂട്ടി കണ്‍ട്രോളര്‍, വിജിലന്‍സ് ഓഫീസര്‍ തുടങ്ങിയ പ്രധാന തസ്തികളിലാണ് ഒഴിഞ്ഞു കിടക്കുന്നത്. ഇതു കൂടാതെ ഇടുക്കിയിലും കോട്ടയത്തും ജില്ലാ സപ്ളൈ ഓഫീസര്‍മാരുടെ ഒഴിവുകളും നിലവിലുണ്ട്.

ഉദ്യോഗസ്ഥരെ വേണമെന്ന് പരാതി പറയാനാളില്ലാത്തതിനാല്‍ വകുപ്പ് മന്ത്രി ഉള്‍പ്പടെയുള്ളവര്‍ ഇതറിഞ്ഞിട്ടും അറിയാത്ത ഭാവം നടിക്കുകയാണ്. അവശ്യസാധന ക്ഷാമത്താല്‍ കഷ്ടപ്പെടുന്ന സംസ്ഥാനത്തെ കൊള്ളയടിക്കാനായി കുത്തക മുതലാളിമാര്‍ വന്‍തോതിലാണ് ഗോഡൌണുകളില്‍ അരിയുള്‍പ്പടെയുള്ള അവശ്യ സാധനങ്ങള്‍ പൂഴ്ത്തിവച്ചിരിക്കുന്നത്. ഭക്ഷ്യമന്ത്രിയുള്‍പ്പടെയുള്ളവര്‍ അവശ്യ സാധനങ്ങള്‍ ശേഖരിക്കാനായി സംസ്ഥാനങ്ങള്‍ കയറി ഇറങ്ങുകയാണ്. ഇപ്പോഴത്തെ ക്ഷാമം പരിഹരിക്കുന്നതിനുള്ള അവശ്യ സാധനങ്ങള്‍ സംസ്ഥാനത്തെ കുത്തക മുതലാളിമാരുടെ പക്കലുണ്െടന്നാണ് സിവില്‍ സപ്ളൈസ് വകുപ്പിലെ ഉദ്യോഗസ്ഥര്‍ തന്നെ പറയുന്നത്. ഇത് പരിശോധിച്ച് നടപടിയെടുക്കാന്‍ ഉദ്യോഗസ്ഥര്‍ തയാറാണെങ്കിലും അതിന് ഉത്തരവിടേണ്ടവര്‍ കസേരകളില്‍ ഇല്ലാത്തതാണ് ഇപ്പോഴത്തെ പ്രശ്നമെന്ന് ചൂണ്ടിക്കാണിക്കപ്പെടുന്നു. ജില്ലാ കളക്ടര്‍മാരുടെ നേതൃത്വത്തില്‍ പൂഴ്ത്തിവയ്പും കരിഞ്ചന്തയും തടയുന്നതിനായി സ്പെഷ്യല്‍ ടീമിനെ നിയോഗിച്ചെങ്കിലും ഉദ്യോഗസ്ഥരുടെ അഭാവം കാരണംഅതും പ്രവര്‍ത്തനം നിലച്ച മട്ടാണ്.

അവശ്യ സാധനങ്ങള്‍ നല്‍കാനുള്ള സന്നദ്ധത തമിഴ്നാടും ആന്ധ്രയും ഭക്ഷ്യമന്ത്രി സി ദിവാകരനെ അറിയിച്ചെങ്കിലും അത് എന്നു ലഭിക്കുമെന്ന് വ്യക്തമല്ല. തമിഴ്നാട് ഉള്‍പ്പടെയുള്ള സംസ്ഥാനങ്ങളില്‍ വിളവെടുപ്പ് മഹോത്സവം പൂര്‍ത്തിയാകാത്തതിനാല്‍ അതും കഴിഞ്ഞ് രണ്ടാംവട്ട ചര്‍ച്ച കൂടി പൂര്‍ത്തിയായാലേ ഒരു ധാരണയിലെത്താന്‍ കഴിയുകയുള്ളു. ഇതിന് ഇനിയും രണ്ടാഴ്ചയെങ്കിലും പിടിക്കും.

പെട്രോളിന്റേയും ഡീസലിന്റേയും വില വര്‍ധന ആസന്നമായിരിക്കുന്ന സാഹചര്യത്തില്‍ അവശ്യസാധനങ്ങളുടെ കൃത്രിമക്ഷാമം സൃഷ്ടിച്ച് ജനത്തെ വന്‍തോതില്‍ കൊള്ളയടിക്കാനാണ് മുതലാളിമാര്‍ അണിയറയില്‍ കോപ്പുകൂട്ടുന്നത്. ഇതിന് ഭക്ഷ്യവകുപ്പിലെ ചില ഉദ്യോഗസ്ഥരുടെ പങ്ക് പകല്‍പോലെ വ്യക്തമാണ്.

5. വിലങ്ങന്‍കുന്നിലെ ഫ്ളാറ്റ് നിര്‍മാണം: കളക്ടറടക്കം നാലുപേര്‍ക്കെതിരെ വിജിലന്‍സ് അന്വേഷണം
തൃശൂര്‍: വിലങ്ങന്‍കുന്നിലെ അനധികൃത ഫ്ളാറ്റ് നിര്‍മാണം തടയുന്നതില്‍ നടപടി സ്വീകരിച്ചില്ലെന്ന പരാതിയില്‍ തൃശൂര്‍ കളക്ടര്‍ ഡോ. എം ബീനയടക്കം നാലുപേര്‍ക്കെതിരെ അന്വേഷണം നടത്തണമെന്ന് വിജിലന്‍സ് കോടതി ജഡ്ജി പി.ക്യു ബര്‍ക്കത്തലി ഉത്തരവിട്ടു.

പുറനാട്ടുകര ജനകീയ വേദി സെക്രട്ടറി കൃഷ്ണകുമാര്‍ നല്‍കിയ ഹര്‍ജിയിലാണ് ഉത്തരവ്. കളക്ടറെ കൂടാതെ ജില്ലാ പഞ്ചായത്ത് സെക്രട്ടറി, തൃശൂര്‍ തഹസില്‍ദാര്‍, പുറനാട്ടുകര വില്ലേജ് ഓഫീസര്‍ എന്നിവര്‍ക്കെതിരെയാണ് ഉത്തരവ്.

ഭൂമാഫിയ അനധികൃതമായി ഫ്ളാറ്റ് നിര്‍മിക്കുന്നുവെന്ന പരാതിയെതുടര്‍ന്ന് അടാട്ട് പഞ്ചായത്ത് നിര്‍മാണം സ്റ്റേ ചെയ്തിരുന്നു. പിന്നീട് ഉന്നത ഇടപെടലിനെതുടര്‍ന്ന് വീണ്ടും നിര്‍മാണം ആരംഭിച്ചുവത്രേ. കളക്ടര്‍ക്ക് പരാതി നല്‍കിയതിനെതുടര്‍ന്ന് ഡി.എഫ്.ഒയോടും റവന്യൂ ഉദ്യോഗസ്ഥരോടും അന്വേഷിച്ച് റിപ്പോര്‍ട്ട് നല്‍കാന്‍ ആവശ്യപ്പെട്ടു.

ഡി.എഫ്.ഒ റിപ്പോര്‍ട്ട് നല്‍കിയെങ്കിലും റവന്യൂ ഉദ്യോഗസ്ഥര്‍ റിപ്പോര്‍ട്ട് നല്‍കിയില്ലെന്നു പറയുന്നു. നിര്‍മാണ പ്രവര്‍ത്തനങ്ങള്‍ വീണ്ടും ആരംഭിച്ചതോടെ ജനകീയവേദി പ്രവര്‍ത്തകര്‍ തന്നെ ഇടപെട്ട് പണി തടസപ്പെടുത്തി. പണി തടയാന്‍ കളക്ടറും ഉദ്യോഗസ്ഥരും വേണ്ട രീതിയില്‍ ഇടപെട്ടില്ലെന്ന് കാണിച്ചാണ് വിജിലന്‍സ് കോടതിയെ സമീപിച്ചത്.

1. ചികില്‍സാരംഗം കച്ചവടമാവുന്നു: സുപ്രീം കോടതി
ന്യൂദല്‍ഹി: രാജ്യത്തെ ആരോഗ്യ സംരക്ഷണ മേഖലക്ക് പരമോന്നത കോടതിയുടെ രൂക്ഷവിമര്‍ശം. സ്വകാര്യ ആശുപത്രികളിലെയും സര്‍ക്കാര്‍ ആശുപത്രികളിലെയും ഇന്നത്തെ സ്ഥിതിയെ അപലപിച്ച കോടതി ഈ ദുരവസ്ഥ മാറ്റാന്‍ സര്‍ക്കാര്‍ ഗൌരവമായ നടപടികള്‍ സ്വീകരിക്കണമെന്ന് നിര്‍ദേശിച്ചു.

അനുമതിയില്ലാതെ ഗര്‍ഭപാത്രം നീക്കംചെയ്തു എന്നാരോപിച്ച് സാമിറ കോഹ്ലി എന്ന സ്ത്രീ സമര്‍പ്പിച്ച പരാതി തീര്‍പ്പാക്കിയാണ് ജസ്റ്റിസ് ബി.എന്‍. അഗര്‍വാളും പി.പി. നവ്ലേകറും ആര്‍.വി. രവീന്ദ്രനും അടങ്ങിയ ബെഞ്ചിന്റെ ഈ നിരീക്ഷണം.

ജീവന്‍ അപകടത്തിലാവുന്ന അടിയന്തര ഘട്ടങ്ങളിലൊഴികെ അധിക ശസ്ത്രക്രിയകള്‍ പാടില്ലെന്നും കോടതി വിധിച്ചു. ദരിദ്രകോടികള്‍ പെരുകിവരുന്ന നമ്മുടേതുപോലുള്ള ഒരു വികസ്വര രാജ്യത്ത് ചികില്‍സാചെലവുകള്‍ എളുപ്പത്തില്‍ ലഭ്യമാവുന്നതും താങ്ങാവുന്നതുമാകണം. ജീവകാരുണ്യ പ്രസ്ഥാനങ്ങളെ ചികില്‍സാ ചുമതല ഏല്‍പിച്ചാല്‍ നന്നായി നടക്കുമെന്നും കോടതി അഭിപ്രായപ്പെട്ടു.

ആശുപത്രിയില്‍ പ്രവേശിപ്പിക്കപ്പെട്ട പാവം രോഗികള്‍ കിടക്ക കിട്ടാന്‍ ആശുപത്രി വരാന്തകളിലും പരിശോധനക്കുവേണ്ടി വഴിയരികിലും കാത്തുകിടക്കുന്നത് സാധാരണ കാഴ്ചയാണ്. സൌകര്യങ്ങളുടെ അപര്യാപ്തതയും നിലവാരമില്ലാത്ത ചികില്‍സയും അവഗണനയും അഴിമതിയുമെല്ലാംമൂലം ദരിദ്ര ജനവിഭാഗങ്ങള്‍ക്ക് സര്‍ക്കാര്‍ ആശുപത്രികളില്‍ ശത്രുതാപരമായ സമീപനമാണ് കിട്ടുന്നത്. മാരകരോഗങ്ങള്‍ക്ക് ഇരയായവര്‍ രോഗനിര്‍ണയവും ചികില്‍സയും ലഭിക്കാന്‍ മാസങ്ങള്‍ കാത്തിരിക്കേണ്ടിവരുന്നു. അവസരം കാത്തുകഴിയുന്ന നിരവധി പേര്‍ അത് കിട്ടുംമുമ്പെ മരിക്കുന്നു. ഈ ദരിദ്രസമൂഹത്തിന്റെ മുമ്പില്‍ എന്ത് വഴിയാണുള്ളത്?

മറുഭാഗത്ത് സ്വകാര്യ ആശുപത്രികള്‍ അനാവശ്യവും ചെലവേറിയതുമായ ചികില്‍സകള്‍ നടത്തി രോഗികളെ പിഴിയുകയാണ്. പവിത്രവും സേവനാധിഷ്ഠിതവുമായ ഒരു തൊഴില്‍മേഖല പതുക്കെ വെറും കച്ചവടമായി അധഃപതിച്ചു. സ്പെഷലിസ്റ്റുകളും സൂപ്പര്‍ സ്പെഷലിസ്റ്റുകളും പെരുകുന്നതുമൂലം രോഗികള്‍ നിരവധി ഡോക്ടര്‍മാരെ കണ്ടുതളരുന്ന അവസ്ഥയുണ്ടാക്കി. ചികില്‍സാചെലവ് താങ്ങാവുന്ന പരിധിയില്‍ നിലനിര്‍ത്താന്‍ വേണ്ടത് ചെയ്യണം.

അമേരിക്കന്‍ മാതൃകയിലുള്ള ചികില്‍സാ സങ്കല്‍പങ്ങളും ചികില്‍സാ നിലവാരങ്ങളും മറ്റും അമേരിക്കന്‍ നിലവാരമുള്ള ചികില്‍സാ ചെലവാണ് ഉണ്ടാക്കുക. ഇന്ത്യന്‍ രോഗികള്‍ക്ക് ഇത് താങ്ങാനാവില്ല ^കോടതി ചൂണ്ടിക്കാട്ടി.

2. മറ്റു നിയമത്തിന്റെ വിലക്കുണ്ടെങ്കില്‍ വിവരാവകാശനിയമം ബാധകമല്ല: കമീഷന്‍
ന്യൂദല്‍ഹി: മറ്റേതെങ്കിലും നിയമത്തിന്റെ വിലക്കുണ്ടെങ്കില്‍ വിവരാവകാശ നിയമമനുസരിച്ച് ഏതെങ്കിലും അന്വേഷണത്തിന്റെ വിശദവിവരങ്ങള്‍ പുറത്തുവിടേണ്ടതില്ലെന്ന് കേന്ദ്ര ഇന്‍ഫര്‍മേഷന്‍ കമീഷന്‍ (സി.ഐ.സി) വ്യക്തമാക്കി.

തങ്ങളുടെ മുഴുസമയ അംഗം അന്വേഷണം നടത്തുന്നതിനാല്‍ ഒരു കമ്പനിക്കെതിരായ അഴിമതിക്കേസിന്റെ വിവരങ്ങള്‍ നല്‍കേണ്ടതില്ലെന്ന സെബിയുടെ വാദം അംഗീകരിച്ചാണ് വിധി.

സൂര്യ അഗ്രോയില്‍സ് ലിമിറ്റഡിനെതിരായ അന്വേഷണത്തിന്റെ വിശദവിവരങ്ങള്‍ നല്‍കണമെന്നാവശ്യപ്പെട്ട് ഹൈദരാബാദുകാരനായ കെ.എസ്. പ്രസാദ് സെബിക്ക് ഹരജി നല്‍കിയിരുന്നു.

എന്നാല്‍, കേസിന്റെ വിവരങ്ങള്‍ നല്‍കുന്നത് നിലവിലുള്ള അന്വേഷണപ്രക്രിയയെ തകിടം മറിക്കുമെന്ന് ചൂണ്ടിക്കാട്ടി അവര്‍ ഇത് നിരസിച്ചു. സെബി നിയമത്തില്‍ ഇതിന് വ്യവസ്ഥയുണ്ടെന്നും അവര്‍ വ്യക്തമാക്കിയിരുന്നു.
സെബിയുടെ വാദം ശരിവെച്ചാണ് ഇന്‍ഫര്‍മേഷന്‍ കമീഷണര്‍ എ.എന്‍. തിവാരി സുപ്രധാന വിധി പ്രസ്താവിച്ചത്.

3. തീവ്രവാദ ബന്ധം: സ്പെയിനില്‍ രണ്ട് ഇന്ത്യക്കാര്‍ അറസ്റ്റില്‍
മാഡ്രിഡ്: സ്പെയിനില്‍ ഭീകരാക്രമണ പദ്ധതിയുമായി ബന്ധമുണ്ടെന്നാരോപിച്ച് രണ്ട് ഇന്ത്യക്കാരും 12 പാക്കിസ്ഥാന്‍കാരും അറസ്റ്റിലായി. വടക്കന്‍ തുറമുഖ നഗരമായ ബാഴ്സലോണയില്‍ അറസ്റ്റിലായ ഇവരെ ദേശീയ കോടതിയില്‍ ചോദ്യം ചെയ്യുന്നതിനായി മാഡ്രിഡിലേക്ക് മാറ്റിയതായി ഔദ്യോഗിക വൃത്തങ്ങള്‍ അറിയിച്ചു.

ബാഴ്സലോണയിലെ റാവലില്‍ അഞ്ച് വീടുകളില്‍ നടത്തിയ റെയ്ഡിലാണ് തീവ്രവാദികള്‍ അറസ്റ്റിലായതെന്ന് പോലിസ് പറഞ്ഞു. നാല് ടൈം ബോംബുകള്‍ അടങ്ങിയ മൂന്ന് വലിയ ബാഗുകളും ബോംബ് ഉണ്ടാക്കാന്‍ ഉപയോഗിക്കുന്ന സാധനങ്ങളും ഇവരില്‍ നിന്ന് പിടികൂടിയതായും പോലിസ് പറഞ്ഞു.
സുസംഘടിതമായ ഇസ്ലാമിക ഭീകര സംഘടനയുമായി ബന്ധമുള്ളവരാണ് അറസ്റ്റിലായതെന്ന് കരുതുന്നതായി സ്പാനിഷ് ആഭ്യന്തര മന്ത്രി ആല്‍ഫ്രഡോ പെരസ് റുബല്‍കാബ പറഞ്ഞു.

ഭീകരാക്രമണ പദ്ധതിക്ക് തീവ്രവാദികള്‍ തയാറെടുത്തിരിക്കുകയാണെന്ന് സ്പാനിഷ് ഇന്റലിജന്‍സ് ഏജന്‍സി ഫ്രാന്‍സ്, ബ്രിട്ടന്‍, പോര്‍ച്ചുഗല്‍ എന്നീ രാജ്യങ്ങള്‍ക്ക് മുന്നറിയിപ്പ് നല്‍കിയിരുന്നതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

അതേസമയം, അറസ്റ്റിലായ ഇന്ത്യക്കാരെക്കുറിച്ചുള്ള വിശദവിവരങ്ങള്‍ അറിയിക്കണമെന്ന് സ്പാനിഷ് സര്‍ക്കാറിനോട് ആവശ്യപ്പെട്ടതായി ന്യൂദല്‍ഹിയില്‍ ഔദ്യോഗിക വൃത്തങ്ങള്‍ അറിയിച്ചു. മാഡ്രിഡിലെ ഇന്ത്യന്‍ എംബസി വൃത്തങ്ങള്‍ സ്പെയിന്‍ അധികൃതരുമായി ബന്ധപ്പെട്ടിട്ടുണ്ടെന്നും അവര്‍ പറഞ്ഞു.

1. നാല് ജില്ലകളില്‍ ഇന്നു മുതല്‍ ലോഡ് ഷെഡിങ്
പത്തനംതിട്ട: മധ്യകേരളത്തില്‍ ഇന്നു മുതല്‍ ഒരാഴ്ചത്തേക്ക് ലോഡ് ഷെഡിങ് ഏര്‍പ്പെടുത്തി. വൈകിട്ട് 6.30നും 10.30നും മധ്യേയാണ് വൈദ്യുതി വിതരണത്തില്‍ നിയന്ത്രണം ഏര്‍പ്പെടുത്തിയിട്ടുള്ളത്. കോട്ടയം, പത്തനംതിട്ട, ആലപ്പുഴ, കൊല്ലം ജില്ലകളിലായി 13 സബ് സ്റ്റേഷനുകളില്‍ നിന്നുള്ള 11 കെവി ഫീഡറുകളിലാണ് വൈദ്യുതി നിയന്ത്രണം.

ഇടപ്പോണ്‍, പത്തനംതിട്ട, റാന്നി, കോഴഞ്ചേരി, കൂടല്‍, അടൂര്‍, പത്തനാപുരം, കായംകുളം, മാവേലിക്കര, തിരുവല്ല, ചെങ്ങന്നൂര്‍, മല്ലപ്പള്ളി, കരുനാഗപ്പള്ളി സബ് സ്റ്റേഷനുകളില്‍ നിന്നുള്ള 11 കെവി ഫീഡറുകളില്‍ ഇന്ന് ആരംഭിക്കുന്ന ലോഡ് ഷെഡിങ് 29 വരെ തുടരും. പള്ളം – ചെങ്ങന്നൂര്‍ 110 കെവി ലൈനില്‍ നിര്‍മാണപ്രവര്‍ത്തനം നടക്കുന്നതിനാലാണ് ഈ പ്രദേശങ്ങളില്‍ വൈദ്യുതി വിതരണത്തില്‍ നിയന്ത്രണം ഏര്‍പ്പെടുത്തേണ്ടിവന്നതെന്ന് ഇടപ്പോണ്‍ ട്രാന്‍സ്മിഷന്‍ വിഭാഗം എക്സിക്യൂട്ടീവ് എന്‍ജിനീയര്‍ അറിയിച്ചു. തൃക്കൊടിത്താനത്ത് പുതിയ സബ് സ്റ്റേഷന്റെ നിര്‍മാണവുമായി ബന്ധപ്പെട്ട പണികള്‍ക്കുവേണ്ടിയാണ് ഒരാഴ്ചത്തെ നിയന്ത്രണം.

2. ബാരമുളള ട്രെയിന്‍ ചോദിച്ചുവെന്ന് രേഖ; റയില്‍ ഉദ്യോഗസ്ഥരില്‍ പഴിചാരാനും ശ്രമം
തിരുവനന്തപുരം: റയില്‍പാത ഇല്ലാത്ത ബാരാമുള്ളയിലേക്കു കേരളം ട്രെയിന്‍ ചോദിച്ചിട്ടില്ലെന്നു മന്ത്രി എം. വിജയകുമാര്‍ പറഞ്ഞെങ്കിലും മന്ത്രിയുടെ വാദം തെറ്റാണെന്നു വ്യക്തമായി. 16നു മുഖ്യമന്ത്രി വിളിച്ചുകൂട്ടിയ എംപിമാരുടെ യോഗത്തിനു തയാറാക്കിയ കുറിപ്പുകളുടെ പത്താംപേജില്‍ ബാരാമുള്ളയില്‍നിന്നു കന്യാകുമാരിയിലേക്കു പുതിയ ട്രെയിന്‍ സംസ്ഥാനം ആവശ്യപ്പെടണമെന്നു വ്യക്തമാക്കിയിട്ടുണ്ട്.

എംപിമാരുടെ സാന്നിധ്യത്തില്‍ തയാറാക്കിയ ഈ രേഖയും യോഗത്തില്‍ ഉയര്‍ന്ന പുതിയ അഭിപ്രായങ്ങളും ഉള്‍ക്കൊള്ളിച്ചായിരിക്കും റയില്‍വേ മന്ത്രിക്കു മുഖ്യമന്ത്രി നിവേദനം നല്‍കുക. ബജറ്റിനു മുന്നോടിയായി നല്‍കുന്ന നിവേദനത്തില്‍ അപ്രായോഗിക ആവശ്യങ്ങള്‍ ഉന്നയിക്കുമ്പോള്‍, കേരളത്തിന്റെ സ്വാഭാവിക ആവശ്യങ്ങളും നിരസിക്കപ്പെടുമെന്നു വിമര്‍ശനമുയര്‍ന്നുകഴിഞ്ഞു.

റയില്‍ ഇല്ലാത്ത സ്ഥലത്തേക്കു ട്രെയിന്‍ ചോദിച്ചു എന്ന ‘മലയാള മനോരമ വാര്‍ത്ത വിവാദമായപ്പോള്‍, അങ്ങനെയൊരു അഭിപ്രായം യോഗത്തില്‍ ഉയര്‍ന്നിട്ടില്ലെന്നും നിവേദനത്തില്‍ ഇക്കാര്യം ഇല്ലെന്നുമായിരുന്നു മന്ത്രി എം. വിജയകുമാറിന്റെ നിലപാട്.

യോഗത്തിനു തയാറാക്കിയ കുറിപ്പില്‍ ഇക്കാര്യം വ്യക്തമായി പറയുന്നതു ചൂണ്ടിക്കാട്ടിയപ്പോള്‍, റയില്‍വേ ഉദ്യോഗസ്ഥര്‍ നല്‍കിയ അഭിപ്രായങ്ങള്‍ ഉള്‍ക്കൊള്ളിച്ചാണു കുറിപ്പു തയാറാക്കിയതെന്നു മന്ത്രിയുടെ ഓഫിസ് പ്രതികരിച്ചു. എന്നാല്‍ കുറിപ്പു തയാറാക്കാന്‍വേണ്ടി ഡിവിഷനല്‍ റയില്‍വേ മാനേജറുടെ ഓഫിസില്‍നിന്ന് ആരും നിര്‍ദേശങ്ങള്‍ സമര്‍പ്പിച്ചിട്ടില്ല എന്നാണ് അറിവ്.

ബാരാമുള്ളയിലേക്കു 2010ല്‍ റയില്‍പാത വന്നേക്കാമെന്നു മുന്‍കൂട്ടിക്കണ്ട്, സംസ്ഥാനം ആവശ്യപ്പെട്ടതാകാമെന്നും റയില്‍വേ അധികൃതര്‍ ചൂണ്ടിക്കാട്ടി. ഇക്കാര്യം തങ്ങളോടു ചര്‍ച്ചചെയ്തിട്ടില്ലെന്നും അവര്‍ പറഞ്ഞു.

യോഗത്തിനെത്തിയപ്പോള്‍ മാത്രമാണു കുറിപ്പുകള്‍ ലഭിച്ചതെന്നും ഇതേക്കുറിച്ചു നേരത്തേ പഠിക്കാന്‍ അവസരം കിട്ടിയില്ലെന്നും എംപിമാര്‍ ആരോപിക്കുന്നുണ്ട്. ഇത്തരം അപ്രായോഗിക ആവശ്യങ്ങള്‍ സംസ്ഥാനത്തിനു ദോഷകരമാണെന്നും അവര്‍ പറയുന്നു. ജമ്മു-ഉധംപൂര്‍ വരെയുള്ള 24.85 കിലോമീറ്റര്‍ പാത മാത്രമാണു പൂര്‍ത്തിയായിട്ടുള്ളത്. ഉധംപൂര്‍-ശ്രീനഗര്‍-ബാരാമുള്ള 290 കിലോമീറ്റര്‍ 2010ല്‍ പൂര്‍ത്തിയാവുമെന്നാണു റയില്‍വേയുടെ പ്രതീക്ഷ. മറ്റേതെങ്കിലും സംസ്ഥാനം ബാരാമുള്ളയില്‍ പിടിക്കുന്നതിനുമുന്‍പേ കേരളം അവിടെ കൊരുക്കുകയായിരുന്നു.

3. യുഎന്നിലും ഐഎംഎഫിലും സമഗ്ര പരിഷ്കരണം വേണം: ഗോര്‍ഡന്‍ ബ്രൌണ്‍
ന്യൂഡല്‍ഹി: യുഎന്‍, ലോക ബാങ്ക്, ഐഎംഎഫ് എന്നിവയുടെ പ്രവര്‍ത്തനം ആഗോളവല്‍ക്കരിക്കപ്പെട്ട പുതുലോകത്തിനു യോജിക്കുംവിധം സമഗ്രമായി പരിഷ്കരിക്കണമെന്ന് ബ്രിട്ടീഷ് പ്രധാനമന്ത്രി ഗോര്‍ഡന്‍ ബ്രൌണ്‍ അഭിപ്രായപ്പെട്ടു.

സാമ്പത്തിക പ്രതിസന്ധികള്‍ കൈകാര്യം ചെയ്യാനും ഇന്ത്യയെപ്പോലെ ഉയരുന്ന ശക്തികളെ അംഗീകരിക്കാനും കാലാവസ്ഥാ വ്യതിയാനം പോലെ മുന്‍ഗണന നല്‍കി പരിഗണിക്കേണ്ട വിഷയങ്ങള്‍ പരിഹരിക്കാനുമെല്ലാം ഇതാവശ്യമാണെന്ന് ഇന്ത്യാ സന്ദര്‍ശനത്തിന്റെ രണ്ടാം ദിവസം ബിസിനസ് ഗ്രൂപ്പ് പ്രതിനിധികളെ അഭിസംബോധന ചെയ്ത് അദ്ദേഹം പറഞ്ഞു.യുഎന്‍ രക്ഷാസമിതിയില്‍ അംഗത്വത്തിനുള്ള ഇന്ത്യയുടെ ശ്രമങ്ങളെ ബ്രിട്ടന്‍ പിന്തുണയ്ക്കും.

സാമ്പത്തിക കുഴപ്പങ്ങള്‍ക്കെതിരെ കാലേക്കൂട്ടി മുന്നറിയിപ്പു നല്‍കുന്ന സ്വതന്ത്ര ആഗോള സ്ഥാപനമായി ഐഎംഎഫ് പ്രവര്‍ത്തിക്കണം. ഒരു രാഷ്ട്രത്തിലെ സെന്‍ട്രല്‍ ബാങ്ക് പോലെ സ്വതന്ത്രമായിരിക്കണം ഐഎംഎഫ്.ദരിദ്രരാജ്യങ്ങളെ പാരിസ്ഥിതിക അനുകൂല വികസനത്തിനു സഹായിക്കാന്‍ യുഎന്നില്‍ ആഗോള കാലാവസ്ഥാ വ്യതിയാന ഫണ്ട് ഉണ്ടാവണം.

അണ്വായുധ നിരായുധീകരണ ശ്രമങ്ങള്‍ക്കു ബ്രിട്ടന്‍ മുഖ്യപങ്കു വഹിക്കുമെന്നും അദ്ദേഹം പറഞ്ഞു.ഗോര്‍ഡന്‍ ബ്രൌണിനു ഡല്‍ഹി യൂണിവേഴ്സിറ്റി ഒാണററി ഡി ലിറ്റ് നല്‍കി. ഉപരാഷ്ട്രപതി ഹാമിദ് അന്‍സാരി ബഹുമതി സമ്മാനിച്ചു. അക്കാദമിക് രംഗത്തും മാനുഷിക മൂല്യങ്ങള്‍ സംരക്ഷിക്കുന്നതിലും ബ്രൌണിന്റെ സേവനങ്ങള്‍ മുന്‍നിര്‍ത്തിയാണ് ബഹുമതി.

4. ഇന്ത്യ-ഗള്‍ഫ് സ്വതന്ത്ര വ്യാപാരക്കരാര്‍ ഉടന്‍
ദുബായ്: ഗള്‍ഫ് സഹകരണ കൌണ്‍സില്‍ (ജിസിസി) രാജ്യങ്ങളും ഇന്ത്യയുമായി ഇൌ വര്‍ഷംതന്നെ സ്വതന്ത്ര വ്യാപാരക്കരാറില്‍ ഒപ്പുവയ്ക്കും. യുഎഇയുടെ സാമ്പത്തിക, വ്യാവസായിക കാര്യമന്ത്രി മുഹമ്മദ് ഖല്‍ഫാന്‍ ബിന്‍ ഖര്‍ബാഷാണ് ഇക്കാര്യം വ്യക്തമാക്കിയത്. ഇതോടൊപ്പം ചൈനയും യൂറോപ്യന്‍ യൂണിയനുമായും സ്വതന്ത്ര വാണിജ്യക്കരാറില്‍ ഒപ്പിടുമെന്ന് അദ്ദേഹം പറഞ്ഞു.

ബഹ്റൈന്‍, കുവൈത്ത്, യുഎഇ, സൌദി അറേബ്യ, ഖത്തര്‍, ഒമാന്‍ തുടങ്ങിയ രാജ്യങ്ങളുള്‍പ്പെടുന്നതാണു കൌണ്‍സില്‍. സ്വതന്ത്ര വ്യാപാര ഉടമ്പടി നടപ്പാകുന്നതോടെ വ്യാപാര, നിക്ഷേപ മേഖലകളില്‍ കുതിച്ചുചാട്ടമുണ്ടാകുമെന്നാണു പ്രതീക്ഷ.ഇന്ത്യന്‍ കയറ്റുമതിയുടെ 34% ജിസിസി രാഷ്ട്രങ്ങളിലേക്കാണ്.

ഇറക്കുമതിയുടെ 20% ഈ മേഖലയില്‍നിന്നാണ്. യുഎസ് കഴിഞ്ഞാല്‍ ഇന്ത്യയുടെ ഏറ്റവും വലിയ വ്യാപാര പങ്കാളികള്‍ ജിസിസി രാഷ്ട്രങ്ങളാണ്. ഇൌ രാജ്യങ്ങളുമായുള്ള വ്യാപാരത്തില്‍ നാലിരട്ടിയുടെ വര്‍ധനയാണ് അഞ്ചു വര്‍ഷത്തിനുള്ളിലുണ്ടായത്.ഇന്ത്യയുടെ ആകെ വിദേശ നിക്ഷേപത്തിന്റെ ഒരു ശതമാനം ഇപ്പോള്‍ ജിസിസി രാജ്യങ്ങളുടെ സംഭാവനയാണ്. മൂന്നു വര്‍ഷത്തിനകം 200 കോടി ഡോളറിന്റെ നിക്ഷേപമാണു ജിസിസി രാജ്യങ്ങളില്‍നിന്ന് ഇന്ത്യ ലക്ഷ്യമിടുന്നത്.

5. സഹകരണ ബാങ്കുകള്‍ക്ക് ആദായനികുതി വന്നാല്‍ പ്രക്ഷോഭം: യെച്ചൂരി
ബാംഗൂര്‍: സഹകരണബാങ്കുകള്‍ക്ക് ആദായനികുതി ഏര്‍പ്പെടുത്തുന്നത് പ്രത്യാഘാതങ്ങള്‍ക്ക് ഇടയാക്കുമെന്നും ഇതിനെതിരായ പ്രക്ഷോഭത്തിന് പാര്‍ട്ടി പിന്തുണ നല്‍കുമെന്നും സിപിഎം പൊളിറ്റ് ബ്യൂറോ അംഗം സീതാറാം യെച്ചൂരി പറഞ്ഞു. തീരുമാനം പുനഃപരിശോധിപ്പിക്കാന്‍ കേന്ദ്രത്തില്‍ സമ്മര്‍ദം ചെലുത്തുമെന്നും മറ്റു പാര്‍ട്ടികളുടെ പിന്തുണയോടെ പ്രശ്നം പാര്‍ലമെന്റില്‍ ഉന്നയിക്കുമെന്നും ഫോറം ഒാഫ് അര്‍ബന്‍ കോ-ഒാപറേറ്റീവ് ബാങ്ക്സ് സംഘടിപ്പിച്ച സെമിനാര്‍ ഉദ്ഘാടനം ചെയ്യവെ അദ്ദേഹം പറഞ്ഞു.

ആഗോളവത്കൃത സാഹചര്യങ്ങളില്‍ ഇടത്തരക്കാരുടെയും തൊഴിലാളികളുടെയും മറ്റും അവകാശസംരക്ഷണത്തില്‍ പ്രധാന പങ്കുവഹിക്കുന്നതു സഹകരണ പ്രസ്ഥാനങ്ങളാണ്. രാജ്യത്തെ പാവപ്പെട്ടവരുടെയും ഇടത്തരക്കാരുടെയും തൊഴിലാളികളുടെയും ജീവിതം കരുപിടിപ്പിക്കുന്നതില്‍ സഹകരണ ബാങ്കുകള്‍ക്ക് വലിയ പങ്കാണുള്ളത്. വരുമാനനികുതി ഇത്തരം സ്ഥാപനങ്ങളെ തകര്‍ക്കാന്‍ ഇടയാക്കുമെന്നും അവരുടെ താല്‍പര്യം സംരക്ഷിക്കേണ്ടതുണ്ടെന്നും യെച്ചൂരി പറഞ്ഞു.

കര്‍ണാടക നിയമനിര്‍മാണ കൌണ്‍സില്‍ ചെയര്‍മാന്‍ പ്രഫ.ബി.കെ.ചന്ദ്രശേഖര്‍, ബിഎസ്പി ദേശീയ ജനറല്‍സെക്രട്ടറി പി.ജി.ആര്‍.സിന്ധ്യ, അര്‍ബന്‍ കോ-ഒാപറേറ്റീവ് ഫെഡറേഷന്‍ ചെയര്‍മാന്‍ രാമമൂര്‍ത്തി, കണ്‍വീനര്‍ സി.വി.കുമാര്‍, അര്‍ബന്‍ കോ-ഒാപറേറ്റീവ് ബാങ്ക് കണ്‍ട്രോളര്‍ സി.ആര്‍.കൃഷ്ണമൂര്‍ത്തി എന്നിവര്‍ പ്രസംഗിച്ചു. കേരളത്തില്‍ നിന്നടക്കം ദക്ഷിണേന്ത്യന്‍ സംസ്ഥാനങ്ങളിലെ സഹകരണ ബാങ്ക് പ്രതിനിധികള്‍ പങ്കെടുത്തു.

6. വിലവര്‍ധന: പാമോയിലില്‍ വെളിച്ചെണ്ണ കലര്‍ത്തല്‍ വ്യാപകം
കൊച്ചി: പാമോയില്‍ വില കുതിച്ചുയര്‍ന്നതോടെ വെളിച്ചെണ്ണ ചേ ര്‍ത്ത വ്യാജന്‍ വ്യാപകമാവുന്നു. ഭക്ഷ്യ എണ്ണകളില്‍ ഏറ്റവും വില കുറവായതിനാലാണു പാമോയിലില്‍ മായമായി വെളിച്ചെണ്ണ കലര്‍ത്തുന്നത്. നേരത്തെ വെളിച്ചെണ്ണയില്‍ മായം ചേര്‍ക്കാന്‍ വ്യാപകമായി ഉപയോഗിച്ചിരുന്നത് പാമോയിലാണ്. പാമോയിലിന് കിലോയ്ക്ക് 62 രൂപയ്ക്ക് മുകളിലുണ്ട്. 15 കിലോ ടിന്നിന് കഴിഞ്ഞ 820 മുതല്‍ 850 രൂപ വരെയുണ്ടായിരുന്നത് 900 രൂപയിലേക്ക് ഉയര്‍ന്നു. രാജ്യാന്തര വിപണിയില്‍ വില കൂടിയതിനെ തുടര്‍ന്നാണിത്.

നാളികേരത്തിന്റെ വിളവെടുപ്പുകാലം ആരംഭിച്ചതോടെ വെളിച്ചെണ്ണ വില അല്‍പം കുറഞ്ഞിരിക്കുകയാണ്. കൊപ്രയ്ക്ക് താങ്ങുവില ഉയര്‍ത്തി പ്രഖ്യാപിച്ചതിനെ തുടര്‍ന്ന് മെച്ചപ്പെട്ടെങ്കിലും പിന്നീട് കുറഞ്ഞ് കിന്റലിന് 5300 രൂപയിലെത്തി. ശുദ്ധീകരിച്ച വെളിച്ചെണ്ണ പാമോയലിലും മറ്റും ചേര്‍ത്താല്‍, രുചിയിലും മണത്തിലും വ്യത്യാസമില്ലതാനും.

നല്ലെണ്ണ (എള്ളെണ്ണ), തവിടെണ്ണ, കടലയെണ്ണ എന്നിവയ്ക്കെല്ലാം വില വല്ലാതെ കൂടി. നല്ലെണ്ണയുടെ പ്രമുഖ ബ്രാന്‍ഡുകള്‍ക്ക് കിലോയ്ക്ക് 122 രൂപ മുതല്‍ 145 രൂപ വരെയുണ്ട്. എള്ളിന്‍ പിണ്ണാക്കിന് 14 രൂപയും. വിളക്കിലൊഴിക്കാന്‍ നല്ലെണ്ണ ഉപയോഗിക്കുന്നതു കുറഞ്ഞു. ഇൌ ആവശ്യത്തിനു കുറഞ്ഞ വിലയ്ക്ക് വിളക്കെണ്ണ ലഭ്യമാണ്. കിലോയ്ക്ക് 80 രൂപ വരെയേയുള്ളൂ.

എള്ളു കൃഷി ഗണ്യമായി കുറഞ്ഞതാണ് വിലക്കയറ്റത്തിന് കാരണം. കയറ്റുമതിയും നടക്കുന്ന ത്രെ. ആന്ധ്രാ, ബംഗാള്‍, ഒറീസ, മഹാരാഷ്ട്രാ എന്നിവിടങ്ങളിലാണ് കൃഷി. കേരളത്തില്‍ വളരെ പരിമിതമായിട്ടേയുള്ളൂ. വെള്ള എള്ളിന് കിലോയ്ക്ക് 53 രൂപയും ചുവന്ന ഇനത്തിന് 46 രൂപയുമാണു വില. കൃഷിക്കാര്‍ കൂടുതല്‍ ആദായകരമായ സൂര്യകാന്തിപോലുള്ള വിളകളിലേക്കു തിരിഞ്ഞത് എള്ളിന്റെ ഉല്‍പാദനം കുറച്ചു. ആന്ധ്രായില്‍ വിളവെടുപ്പ് ആരംഭിച്ചാല്‍ വില കുറഞ്ഞേക്കുമെന്നാണ് പ്രതീക്ഷ.

അരിക്കും പഞ്ചസാരയ്ക്കും പുറകെ, ഭക്ഷ്യ എണ്ണകള്‍ക്കും വില കൂടിയത് കേരളത്തിന് തിരിച്ചടിയായി. അതേ സമയം സംസ്ഥാനത്തിന്റെ സ്വന്തം ഉല്‍പന്നമായ വെളിച്ചെണ്ണ വില കൃഷിക്കാര്‍ക്ക് നഷ്ടക്കച്ചവടമായി തുടരുന്നു. ഉത്തരേന്ത്യന്‍ വിപണി വെളിച്ചെണ്ണയ്ക്ക് പൂര്‍ണമായും ആശ്രയിക്കുന്നത് അയല്‍ സംസ്ഥാനങ്ങളെയാണ്.

1. മുന്നില്‍ ചാടിയാലും തീവണ്ടി കൊല്ലില്ല
നെടുമങ്ങാട്: ട്രെയിനിനുമുന്നില്‍ ചാടിയുള്ള ആത്മഹത്യകള്‍ തടയുക എന്ന ലക്ഷ്യത്തില്‍ നെടുമങ്ങാട് കരകുളം ആറാംകല്ല് സ്വദേശി കെ ടി അജയകുമാറിന്റെ കണ്ടുപിടിത്തം ശ്രദ്ധേയമാകുന്നു.

ആത്മഹത്യചെയ്യുന്നതിനോ അബദ്ധത്തിലോ ഓടിക്കൊണ്ടിരിക്കുന്ന ട്രെയിനിനുമുന്നില്‍പ്പെടുന്നവരെ രക്ഷപ്പെടുത്തുന്നതിനുള്ള രക്ഷാകവചമാണ് അജയകുമാറിന്റെ പുതിയ കണ്ടുപിടിത്തം. ഇതിന്റെ മാസ്റര്‍പ്ളാന്‍ പന്ന്യന്‍ രവീന്ദ്രന്‍ എംപിവഴി റെയില്‍വെമന്ത്രി ലാലുപ്രസാദ് യാദവിന് അജയകുമാര്‍ കൈമാറിയിട്ടുണ്ട്. വേഗത്തില്‍ വരുന്ന ട്രെയിനിനുമുന്നില്‍പ്പെടുന്നവരെ ഒരു പരിക്കുമേല്‍ക്കാതെ തട്ടിമാറ്റുന്നതരത്തില്‍ രൂപകല്‍പ്പനചെയ്തിട്ടുള്ളതാണ് അജയകുമാറിന്റെ രക്ഷാകവചം.

ആറുമീറ്റര്‍ നീളമുള്ള രക്ഷാകവചം ഏഴ് സ്പോഞ്ച് ബോക്സും 24 സ്പ്രിങ്ങുകളും ചേര്‍ത്താണ് നിര്‍മിക്കുക. ഇത് ട്രെയിനിനുമുന്നില്‍ ഘടിപ്പിക്കും. ട്രെയിന്‍ എന്‍ജിന്റെ ചൂട് ഏല്‍ക്കാതിരിക്കാന്‍ അലുമിനിയം ബോക്സിലാണ് കവചം സ്ഥാപിക്കുന്നത്. പാളത്തില്‍നിന്ന് നാലിഞ്ചുവരെ ഉയരത്തില്‍ കവചം പൊങ്ങിനില്‍ക്കും. പാളത്തില്‍ നില്‍ക്കുകയോ കിടക്കുകയോ ചെയ്യുന്ന മനുഷ്യനെ കവചം തട്ടി വശത്തേക്ക് മാറ്റും. കവചത്തിനുമുന്നിലെ സ്പോഞ്ചാണ് ഈ രീതിയില്‍ പ്രവര്‍ത്തിക്കുന്നത്. മനുഷ്യന്റെ ദേഹത്ത് തട്ടുന്ന സ്പോഞ്ച് ഉള്‍വലിഞ്ഞശേഷം രണ്ടാമത്തെ ആക്ഷനില്‍ ആളിനെ തട്ടി വശത്തേക്ക് മാറ്റും. കവചത്തില്‍ തട്ടുന്ന മനുഷ്യനെ കാന്തികശക്തിയാല്‍ ഉയര്‍ത്തിപ്പിടിച്ച് സംരക്ഷിക്കുന്നതരത്തില്‍ ഈ രക്ഷാകവചത്തെ പിന്നീട് പരിഷ്കരിക്കാനാകുമെന്നും അജയകുമാര്‍ പറയുന്നു. ശ്രദ്ധേയങ്ങളായ നിരവധി കണ്ടുപിടിത്തങ്ങള്‍ ഇതിനുമുമ്പും അജയകുമാര്‍ നടത്തിയിട്ടുണ്ട്.

2. പുതുക്കിയ കെഎസ്ടിപി പദ്ധതി ഒരുമാസത്തിനകം
തിരു: കെഎസ്ടിപി പദ്ധതിയുടെ രണ്ടാംഘട്ട ലോകബാങ്ക് വായ്പയ്ക്കായുള്ള പുനര്‍നവീകരിച്ച പദ്ധതി ഒരു മാസത്തിനുള്ളില്‍ സമര്‍പ്പിക്കാനാകുമെന്ന് പൊതുമരാമത്തു മന്ത്രി മോന്‍സ് ജോസഫ് പറഞ്ഞു. ഭൂമി ഏറ്റെടുത്ത പദ്ധതികള്‍ക്കേ പണം അനുവദിക്കൂ എന്നാണ് ലോകബാങ്ക് അറിയിച്ചിട്ടുള്ളത്. പൂര്‍ത്തിയാക്കാന്‍ കഴിയുന്ന പദ്ധതികളുടെ വിശദാംശങ്ങള്‍ ഉള്‍ക്കൊള്ളിച്ച് പുനര്‍നവീകരിച്ച പദ്ധതി സമര്‍പ്പിക്കാനുള്ള നടപടി നടന്നുവരികയാണെന്നും അദ്ദേഹം പറഞ്ഞു. സുകുമാര്‍ അഴീക്കോട് ട്രസ്റ്റ് ‘പൊതുമരാമത്തിലെ കുണ്ടും കുഴിയും’ എന്ന വിഷയത്തില്‍ സംഘടിപ്പിച്ച സംവാദത്തില്‍ സംസാരിക്കുകയായിരുന്നു അദ്ദേഹം.

റോഡ് നിര്‍മാണത്തിലെ വലിയൊരു പ്രതിസന്ധി കരാറുകാര്‍ക്ക് നല്‍കാനുള്ള കുടിശ്ശികയാണ്. 1000 കോടിയോളമാണ് കുടിശ്ശികയുള്ളത്. ഇത് എങ്ങനെ കൊടുത്തുതീര്‍ക്കാനാകുമെന്ന് പരിശോധിക്കണം. ഇതു നല്‍കാനായാല്‍ കുറേക്കൂടി ഫലപ്രദമായി ഇടപെടാനാകും. പിഡബ്ള്യുഡി റേറ്റും സമൂഹത്തില്‍ നിലനില്‍ക്കുന്ന റേറ്റും തമ്മില്‍ അശാസ്ത്രീയത നിലവിലുണ്ട്. ഇത് അഴിമതിക്ക് സാഹചര്യം ഒരുക്കും. ഇത് കാലാനുസൃതമായി പരിഷ്കരിക്കേണ്ടതുണ്ടെന്നും മോന്‍സ് ജോസഫ് പറഞ്ഞു.

കേരളത്തിന് കുണ്ടും കുഴികളുമില്ലാത്ത ഡിസൈന്‍ഡ് റോഡുകളാണ് ആവശ്യമെന്ന് തുടര്‍ന്നു സംസാരിച്ച മുന്‍ പൊതുമരാമത്ത് മന്ത്രി എം കെ മുനീര്‍ പറഞ്ഞു. പ്രവൃത്തിചെയ്യുന്നവര്‍ക്കു നേരെയാണ് വിമര്‍ശനമുണ്ടാകുന്നത്. കഴിഞ്ഞ അഞ്ചുവര്‍ഷം പ്രവര്‍ത്തിച്ചെന്നതിന്റെ പേരില്‍ താനിപ്പോള്‍ വേട്ടയാടപ്പെടുകയാണെന്നും മുനീര്‍ പറഞ്ഞു.

ഭരണകര്‍ത്താക്കള്‍ മാത്രം വിചാരിച്ചാല്‍ പോരാ, ഉദ്യോഗസ്ഥവൃന്ദവും വിചാരിച്ചെങ്കിലേ വികസനം നടപ്പാകുകയുള്ളൂവെന്ന് അധ്യക്ഷനായിരുന്ന ഡോ. സുകുമാര്‍ അഴീക്കോട് പറഞ്ഞു.

ഭരണമെന്നാല്‍ ജനങ്ങളുടെ പൊതുവായ ധാരണ മന്ത്രിസഭയെന്നാണ്. എന്നാല്‍, മാറിമാറി വരുന്ന മുഖം മാത്രമാണ് അത്. പഞ്ചായത്തുതലംവരെയുള്ള ഉദ്യോഗസ്ഥവൃന്ദം ഒരിക്കലും മാറുന്നില്ല.

ഭരണത്തിന് മുറിവില്ല. തുടര്‍ച്ചയേയുള്ളൂ. മുറിവുണ്ടെന്നത് തെറ്റിദ്ധാരണ മാത്രമാണ്. തുടര്‍ച്ച ഉദ്യോഗസ്ഥരുടെ മനസ്സിലും ഉണ്ടായാല്‍ പ്രശ്നങ്ങള്‍ക്ക് ഒരുപരിധിവരെ പരിഹാരം ഉണ്ടാകുമെന്നും അദ്ദേഹം പറഞ്ഞു. ടി എന്‍ ജയചന്ദ്രന്‍ സ്വാഗതം പറഞ്ഞു.

3. വിജ്ഞാന കമീഷന്‍ ശുപാര്‍ശകള്‍ പുതിയ ‘ജാതിവ്യവസ്ഥ’യ്ക്ക്് വഴിവയ്ക്കും: പട്നായിക്
കൊച്ചി: കൊട്ടിഘോഷിച്ചു കൊണ്ടുവരുന്ന വിജ്ഞാന കമീഷന്‍ ശുപാര്‍ശകള്‍ വിദ്യാഭ്യാസമേഖലയില്‍ പുതിയ ജാതിവ്യവസ്ഥയ്ക്കാണ് വഴിവയ്ക്കുകയെന്ന് സംസ്ഥാന ആസൂത്രണ ബോര്‍ഡ് ഉപാധ്യക്ഷന്‍ പ്രഭാത് പട്നായിക് പറഞ്ഞു. ദേശീയ പരിഗണനകളും പൊതുസമൂഹത്തിന്റെ ആവശ്യങ്ങളുമായി പൊരുത്തപ്പെടാത്ത രീതിയില്‍ ഉന്നതവിദ്യാഭ്യാസരംഗം വിദേശ സര്‍വകലാശാലകളുടെ മാനദണ്ഡങ്ങള്‍ക്കനുസരിച്ച് രൂപപ്പെടുത്താനാണ് കമീഷന്റെ ശ്രമം. അസോസിയേഷന്‍ ഓഫ് ശ്രീ ശങ്കരാചാര്യ സാന്‍സ്ക്രിറ്റ് യൂണിവേഴ്സിറ്റി ടീച്ചേഴ്സി (അസ്യൂട്ട്)ന്റെ വാര്‍ഷിക സമ്മേളനം കാലടിയില്‍ ഉദ്ഘാടനംചെയ്യുകയായിരുന്നു അദ്ദേഹം.

പ്രൊഫഷണലുകളെ സൃഷ്ടിക്കുകയല്ല, ജനതാല്‍പ്പര്യം ഉയര്‍ത്തിപ്പിടിക്കുന്ന ജൈവബുദ്ധിജീവികളെ സൃഷ്ടിക്കുകയാണ് വിദ്യാഭ്യാസത്തിന്റെ ലക്ഷ്യം. സ്വതന്ത്ര ഭാരതം ഉയര്‍ത്തിപ്പിടിച്ച വിദ്യാഭ്യാസ സങ്കല്‍പ്പങ്ങളെ അട്ടിമറിക്കുന്ന പ്രതി വിപ്ളവങ്ങളാണ് ഇപ്പോള്‍ നടക്കുന്നത്. വിദേശങ്ങളില്‍നിന്ന് ഇറക്കുമതിചെയ്യുന്ന അധ്യാപകര്‍ വിദ്യാഭ്യാസമേഖലയെ പുതിയ വിഭജനങ്ങളിലേക്ക് നയിക്കുമെന്നും ഗവേഷണ അജന്‍ഡകള്‍ മൂലധന താല്‍പ്പര്യത്തിനനുസരിച്ച് രൂപപ്പെടുമെന്നും അദ്ദേഹം പറഞ്ഞു.

രാജ്യത്ത് സാമ്പത്തിക വളര്‍ച്ചാനിരക്കിനൊപ്പം ദാരിദ്യ്രം വര്‍ധിച്ചിട്ടും ഇന്ത്യ തിളങ്ങുന്നുവെന്ന പ്രചാരണം ശരിയല്ലെന്ന് എറണാകുളം സെന്റ് തെരേസാസ് കോളജിലെ ഇക്കണോമികസ് വിഭാഗത്തിന്റെ സപ്തതി ആഘോഷത്തോടനുബന്ധിച്ച് സംഘടിപ്പിച്ച സെമിനാറില്‍ പ്രഭാത് പട്നായിക് പറഞ്ഞു. സാമ്പത്തികവളര്‍ച്ചാ നിരക്കിനനുസരിച്ച് തൊഴിലവസരങ്ങള്‍ സൃഷ്ടിക്കാന്‍ കഴിയുന്നില്ല. ഗ്രാമീണമേഖലയില്‍ ദാരിദ്യ്രം വര്‍ധിക്കുകയും കാര്‍ഷികമേഖല തകര്‍ച്ചനേരിടുകയുമാണ്. പ്രത്യേക സാമ്പത്തികമേഖലയുള്‍പ്പെടെയുള്ള പദ്ധതികള്‍ക്കു പകരം കാര്‍ഷിക, ചെറുകിട വ്യവസായമേഖലയക്ക് പ്രാധാന്യം നല്‍കണമെന്നും അദ്ദേഹം പറഞ്ഞു.

കേരളത്തിലെ കര്‍ഷക ആത്മഹത്യ തടയാന്‍ സാധിച്ചുവെങ്കിലും ഈ രംഗത്ത് വെല്ലുവിളികള്‍ തുടരുകയാണ്. ഏറെ പ്രശസ്തമായ കേരളമാതൃകയെ മരണത്തിലേക്ക് തള്ളിവിടാതിരിക്കാനാണ് ആസൂത്രണ ബോര്‍ഡിന്റെ ശ്രമമെന്നും പട്നായിക് പറഞ്ഞു. കാര്‍ഷിക, ചെറുകിട വ്യവസായമേഖലയെ അവഗണിച്ചതും നാമമാത്രമായ കേന്ദ്രസര്‍ക്കാരിന്റെ ധനസഹായം ഫലപ്രദമായി വിനിയോഗിക്കാന്‍ കഴിയാത്തതും സംസ്ഥാനങ്ങളെ ബാധിച്ചിട്ടുണ്ട്.

തെരേസാസ് കോളജിലെ വിദ്യാര്‍ഥികളുമായും അദ്ദേഹം ആശയവിനിമയം നടത്തി. ഇക്കണോമിക്സ് വിഭാഗം മേധാവി സ്യാലമ്മ എബ്രാഹം സ്വാഗതം പറഞ്ഞു.

അസ്യൂട്ട് വാര്‍ഷികത്തില്‍ ഡോ. സി എം നീലകണ്ഠന്‍ അധ്യക്ഷനായിരുന്നു. സിന്‍ഡിക്കറ്റ് അംഗം ഡോ. സി ബാലന്‍, എകെജിസിടി ജനറല്‍ സെക്രട്ടറി ഡോ. ജെ പ്രസാദ്, ഡോ. ടി അരവിന്ദാക്ഷന്‍, ഡോ. രാജന്‍ വര്‍ഗീസ്, ടി ചന്ദ്രബാബു, ഡോ. എസ് ശിവദാസ്, പി വി നാരായണന്‍ എന്നിവര്‍ സംസാരിച്ചുു

4.  ഇന്ന് സംഘടനാ നേതാക്കളുമായി ചര്‍ച്ച ബാങ്ക് ലയനം: കേന്ദ്രത്തിന് ധൃതി
ന്യൂഡല്‍ഹി: സ്റ്റേറ്റ് ബാങ്ക് ഓഫ് ഇന്ത്യയുടെ അസോസിയേറ്റ് ബാങ്കുകളുടെ ലയനം ഈ സാമ്പത്തികവര്‍ഷം തന്നെ പൂര്‍ത്തിയാക്കാന്‍ കേന്ദ്രസര്‍ക്കാര്‍ തിരക്കിട്ട നീക്കം നടത്തുന്നു. ലയനം സംബന്ധിച്ച് ബാങ്ക് ജീവനക്കാരുടെ സംഘടനാ നേതാക്കളുമായി എസ്ബിഐ മേധാവികള്‍ ചൊവ്വാഴ്ച മുംബൈയില്‍ ചര്‍ച്ച നടത്തും.

ബാങ്ക് ലയനനീക്കത്തിനെതിരെ ജനുവരി 25ന് പണിമുടക്ക് നടത്താന്‍ ജീവനക്കാരുടെ സംഘടനകളുടെ സംയുക്തസമിതി തീരുമാനിച്ചിരുന്നു. ജീവനക്കാരുടെ ആശങ്കകള്‍ ദൂരീകരിക്കാനാണത്രെ ചര്‍ച്ച. ലയനനീക്കത്തില്‍ നിന്ന് പിന്തിരിഞ്ഞില്ലെങ്കില്‍ ഫെബ്രുവരി 25, 26 തീയതികളിലും പണിമുടക്ക് നടത്തും. ആവശ്യം അംഗീകരിച്ചില്ലെങ്കില്‍ മാര്‍ച്ച് മാസത്തില്‍ അനിശ്ചിതകാല പണിമുടക്ക് നടത്താനാണ് ജീവനക്കാരുടെ സംഘടനകളുടെ സംയുക്തസമിതിയുടെ തീരുമാനം. ആറ് അസോസിയേറ്റ് ബാങ്കുകളുടെ ഡയറക്ടര്‍ ബോര്‍ഡുകള്‍ ജുനവരി 24ന് യോഗം ചേര്‍ന്ന് ലയനകാര്യത്തില്‍ തീരുമാനമെടുക്കാനിരിക്കയാണ്. ഇന്ത്യന്‍ ബാങ്ക്സ് അസോസിയേഷന്‍, യുണൈറ്റഡ് ഫോറം ഓഫ് ബാങ്ക് എംപ്ളോയീസ് എന്നിവയുടെ പ്രതിനിധികളുമായി കേന്ദ്ര സര്‍ക്കാര്‍ ബുധനാഴ്ച ചര്‍ച നടത്തുന്നുണ്ട്.

ഏഴ് അസോസിയേറ്റ് ബാങ്കുകളില്‍ സ്റ്റേറ്റ് ബാങ്ക് ഓഫ് സൌരാഷ്ട്രയെ എസ്ബിഐയില്‍ ലയിപ്പിക്കാന്‍ ഇതിനകം തീരുമാനമായി. ഇനി സ്റ്റേറ്റ് ബാങ്ക് ഓഫ് ട്രാവന്‍കൂര്‍, സ്റ്റേറ്റ് ബാങ്ക് ഓഫ് മൈസൂര്‍, സ്റ്റേറ്റ് ബാങ്ക് ഓഫ് പട്യാല, സ്റ്റേറ്റ് ബാങ്ക് ഓഫ് ബിക്കാനീര്‍ ആന്‍ഡ് ജയ്പൂര്‍, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് ഇന്‍ഡോര്‍ എന്നിവയുടെ ഡയറക്ടര്‍ ബോര്‍ഡ് യോഗമാണ് ചൊവ്വാഴ്ച നടക്കുക.

ഡയറക്ടര്‍ ബോര്‍ഡ് യോഗങ്ങളില്‍ ലയന നീക്കത്തെ ജീവനക്കാരുടെ സംഘടനാ പ്രതിനിധികള്‍ എതിര്‍ക്കും. എന്നാല്‍ ജീവനക്കാരുടെ പ്രതിനിധികള്‍ ഡയറക്ടര്‍ ബോര്‍ഡില്‍ ന്യൂനപക്ഷമാണ്.

മൊത്തം അസോസിയേറ്റ് ബാങ്കുകളും എസ്ബിഐയില്‍ ലയിക്കാന്‍ പാര്‍ലമെന്റില്‍ പ്രത്യേക നിയമഭേദഗതി അവതരിപ്പിക്കേണ്ടതുണ്ട്. പാര്‍ലമെന്റിന്റെ ബജറ്റ് സമ്മേളനത്തില്‍ തന്നെ നിയമഭേദഗതി അവതരിപ്പിച്ച് ലയനത്തിനുള്ള സാഹചര്യമൊരുക്കാനാണ് കേന്ദ്ര സര്‍ക്കാര്‍ തിരക്കുകൂട്ടുന്നത്.

സിപിഐ എം അടക്കമുള്ള ഇടതുപക്ഷ പാര്‍ടികള്‍ ലയനനീക്കത്തോട് ശക്തമായ എതിര്‍പ്പ് പ്രകടിപ്പിച്ചിട്ടുണ്ട്. എന്നാല്‍ ധനമന്ത്രി പി ചിദംബരം ലയനം പൂര്‍ത്തിയാക്കുമെന്ന വാശിയോടെ മുന്നോട്ടുപോവുകയാണ്.

5. വാതകക്കുഴല്‍: ഇന്ത്യയുടെ പിന്മാറ്റം പൂര്‍ണം
ന്യൂഡല്‍ഹി: ഊര്‍ജ പ്രതിസന്ധി പരിഹരിക്കുന്നതില്‍ രാജ്യത്തിന് ഏറെ പ്രയോജനംചെയ്യുമായിരുന്ന ഇറാന്‍-ഇന്ത്യ വാതകക്കുഴല്‍ പദ്ധതിയില്‍നിന്ന് ഇന്ത്യ പൂര്‍ണമായും പിന്‍വാങ്ങുന്നു. അമേരിക്കയെ ഭയന്നാണ് ഇന്ത്യയുടെ പിന്മാറ്റം. പദ്ധതിയുടെ ഏറ്റവും നിര്‍ണായകഘട്ടമായ താരിഫ് സംബന്ധമായ കരാറില്‍ പാകിസ്ഥാനും ഇറാനും അടുത്തയാഴ്ച ഒപ്പുവയ്ക്കും. ഇതിനു മുന്നോടിയായുള്ള ചര്‍ച്ചകള്‍ അബുദാബിയിലാണ് നടക്കുക. ചര്‍ച്ചയില്‍ ഇന്ത്യ പങ്കെടുക്കുന്നില്ല.

ഇസ്ളാമാബാദില്‍ കഴിഞ്ഞ ഒക്ടോബറില്‍ നടന്ന ചര്‍ച്ചയിലും ഇന്ത്യ പങ്കെടുത്തിരുന്നില്ല. വിലയെച്ചൊല്ലിയുള്ള തര്‍ക്കം കാരണമാണ് വിട്ടുനില്‍ക്കുന്നതെന്നാണ് പെട്രോളിയം മന്ത്രാലയം നല്‍കുന്ന വിശദീകരണം. എന്നാല്‍, വിലയുടെ കാര്യത്തില്‍ തര്‍ക്കമുണ്ടെങ്കില്‍ ചര്‍ച്ചകളില്‍ പങ്കെടുക്കാതെ അതെങ്ങനെ പരിഹരിക്കുമെന്ന ചോദ്യം നിലനില്‍ക്കുന്നു.

പദ്ധതിയുടെ കാര്യത്തില്‍ തുടക്കത്തില്‍ ഏറെ താല്‍പ്പര്യം കാണിച്ചിരുന്ന ഇന്ത്യ പിന്നീട് അമേരിക്ക ആണവകരാറെന്ന ആശയവുമായി മുന്നോട്ടുവന്നപ്പോഴാണ് ഇറാന്‍ പദ്ധതിയോട് വിമുഖത കാട്ടിത്തുടങ്ങിയത്. പിന്നീട് ഓരോ കാരണം പറഞ്ഞ് ഇന്ത്യ ചര്‍ച്ചകളില്‍നിന്ന് ഒഴിഞ്ഞുനില്‍ക്കുകയായിരുന്നു. ഇറാനുമായി ഒരു സഹകരണവും പാടില്ലെന്ന അമേരിക്കയുടെ താക്കീതും പിന്മാറ്റത്തിനു കാരണമാണ്. അമേരിക്കന്‍ സമര്‍ദത്തിനു വഴങ്ങി രണ്ടുവട്ടം ഐഎഇഎയില്‍ ഇറാനെതിരെ ഇന്ത്യ വോട്ട് ചെയ്തതും ഈ പശ്ചാത്തലത്തിലാണ്.

അങ്ങേയറ്റം കുഴഞ്ഞുമറിഞ്ഞ ആഭ്യന്തരസാഹചര്യങ്ങളിലും പദ്ധതി മുന്നോട്ടുകൊണ്ടുപോകുന്നതില്‍ പാകിസ്ഥാന്‍ അതീവ താല്‍പ്പര്യമാണ് കാണിക്കുന്നത്. അമേരിക്കയുടെ അടുത്ത കൂട്ടാളിയായ പാകിസ്ഥാനെ ഇത്തരമൊരു പദ്ധതിയില്‍ പങ്കാളിയായി ലഭിക്കുന്നത് ഇറാനും നേട്ടമാണ്. എന്നാല്‍, ഇന്ത്യമാത്രം അമേരിക്കന്‍ ഇടപെടലുകളെ ഭയന്ന് ഊര്‍ജരംഗത്ത് വലിയ നേട്ടമാകുന്ന പദ്ധതിയില്‍നിന്ന് ഒളിച്ചോടുകയാണ്.

മുപ്പതു വര്‍ഷത്തേക്ക് പ്രകൃതിവാതകം ലഭ്യമാക്കുന്നതിനുള്ള കരാറില്‍ 2005ല്‍ ഇറാനും പാകിസ്ഥാനും ഒപ്പുവച്ചിരുന്നു. വിലനിര്‍ണയം സംബന്ധിച്ച കരാറിലും ഇരു രാജ്യവും ഒപ്പുവച്ചു.

6. ഗാസ ഇരുട്ടിലായി; ആശുപത്രികളും അത്യാസന്ന നിലയില്‍
ഗാസാ സിറ്റി: ഇസ്രയേല്‍ ഉപരോധം രൂക്ഷമാക്കിയത് 15 ലക്ഷത്തോളമാളുകള്‍ തിങ്ങിപ്പാര്‍ക്കുന്ന ഗാസയിലെ ജനജീവിതം ദുരിതമാക്കി. ഇന്ധനമില്ലാത്തതിനാല്‍ ഗാസയിലെ പ്രധാന വൈദ്യുതിനിലയം നിശ്ചലമായതോടെ ജനസംഖ്യയില്‍ പകുതി താമസിക്കുന്ന ഗാസാസിറ്റി ഇരുട്ടിലായി. ആശുപത്രികളില്‍ ഒന്നുരണ്ട് ദിവസത്തിനകം മരുന്നുകളും ജനറേറ്ററുകള്‍ പ്രവര്‍ത്തിപ്പിക്കാനാവശ്യമായ ഇന്ധനവും തീരുമെന്ന് റെഡ്ക്രോസ് അധികൃതര്‍ വ്യക്തമാക്കി. ഒഴിവാക്കാനാവത്ത ശസ്ത്രക്രിയകള്‍ മാത്രമാണ് ഇപ്പോള്‍ ആശുപത്രികളില്‍ നടത്തുന്നത്. പല ആശുപത്രികളും ജനറേറ്ററുകള്‍ ഉപയോഗിച്ചാണ് പ്രവര്‍ത്തിപ്പിക്കുന്നത്.

ഗാസയിലേക്കുള്ള അതിര്‍ത്തികള്‍ അടച്ച് ഇസ്രയേല്‍ അവിടേക്കുള്ള യുഎന്‍ ഭക്ഷ്യസഹായംപോലും തടഞ്ഞതിനെത്തുടര്‍ന്നാണ് സ്ഥിതി മൂര്‍ഛിച്ചിരിക്കുന്നത്. ചെറിയ തുണ്ടുഭൂമിയില്‍ ലക്ഷക്കണക്കിന് അഭയാര്‍ഥികളടക്കം ജനങ്ങള്‍ തിങ്ങിപ്പാര്‍ക്കുന്ന ഗാസ നേരത്തെതന്നെ തുറന്ന ജയിലായാണ് വിശേഷിപ്പിക്കപ്പെടുന്നത്. വാഹനങ്ങള്‍ കാണാനാവാത്ത തെരുവുകളും പൂട്ടിയിട്ട കടകളുമാണ് ഇപ്പോള്‍ ഗാസയില്‍. ഇവിടെ ജീവിതം തീര്‍ത്തും അസാധ്യമാക്കുന്ന ഇസ്രയേലിന്റെ പുതിയ പ്രകോപനങ്ങള്‍ പശ്ചിമേഷ്യന്‍ സമാധാനശ്രമങ്ങളെ വീണ്ടും അവതാളത്തിലാക്കുമെന്ന് വെസ്റ്റ് ബാങ്ക് കേന്ദ്രമായി ഭരിക്കുന്ന ഇസ്രയേലി പിന്തുണയുള്ള പലസ്തീന്‍ അതോറിറ്റിയും ആശങ്ക പ്രകടിപ്പിച്ചിട്ടുണ്ട്.

ജീവകാരുണ്യപരമായ സാധനങ്ങളും ഇന്ധനവും മറ്റും കൊണ്ടുവരുന്നതിനുമാത്രമെങ്കിലും ഇസ്രയേല്‍ അനുവദിക്കണമെന്ന് റെഡ് ക്രോസ് വക്താവ് മിഷേല്‍ മേഴ്സിയര്‍ അഭ്യര്‍ഥിച്ചു. പൂട്ടിയ വൈദ്യുതിനിലയത്തിന് ചൊവ്വാഴ്ചയോടെയെങ്കിലും വ്യവസായ ഇന്ധനം ലഭ്യമാക്കാന്‍ അനുവദിക്കുന്നതിന് യൂറോപ്യന്‍ യൂണിയനും ഇസ്രയേലിനുമേല്‍ സമ്മര്‍ദം ചെലുത്തുന്നുണ്ട്.

ഇസ്രയേലിലേക്ക് ഗാസയില്‍നിന്ന് പലസ്തീന്‍ സ്വാതന്ത്യ്രപ്പോരാളികള്‍ റോക്കറ്റാക്രമണങ്ങള്‍ നടത്തുന്നത് തടയാനെന്ന പേരിലാണ് ഇസ്രയേല്‍ ഉപരോധം ശക്തമാക്കിയത്. ഇസ്രയേലി സേന കഴിഞ്ഞ ചൊവ്വാഴ്ച ഗാസയില്‍ കനത്ത ആക്രമണം നടത്തി 19 പലസ്തീന്‍കാരെ കൊന്നതിന് പ്രതികരണമായാണ് പലസ്തീന്‍കാര്‍ റോക്കറ്റുകള്‍ അയച്ചുതുടങ്ങിയത്.

7. അന്റാര്‍ട്ടിക്കയില്‍ അഗ്നിപര്‍വത സ്ഫോടനത്തിന്റെ  തെളിവുകള്‍
പാരിസ്: അന്റാര്‍ട്ടിക്കയിലെ മഞ്ഞുപാളികള്‍ക്കിടയില്‍ രണ്ടായിരം വര്‍ഷംമുമ്പ് പൊട്ടിത്തെറിച്ച അഗ്നിപര്‍വതം ഇപ്പോഴും സജീവമെന്ന് കണ്ടെത്തല്‍. പടിഞ്ഞാറന്‍ അന്റാര്‍ട്ടിക്കയിലെ ഹഡ്സന്‍ മലനിരകളിലാണ് അഗ്നിപര്‍വതം സ്ഥിതിചെയ്യുന്നത്.

207 ബി സിയില്‍ സ്ഫോടനം സംഭവിച്ചുവെന്നാണ് കരുതുന്നത്. 2004-05 ല്‍ ബ്രിട്ടീഷ് അമേരിക്കന്‍ സംഘം ആരംഭിച്ച സര്‍വെയിലാണ് ഇത് കണ്ടെത്താനായത്. റഡാര്‍ ഉപയോഗിച്ചാണ് പഠനം നടത്തിയത്. സിലിക്ക ഉരുകിയതുമൂലമുണ്ടാകുന്ന ചാരം, പാറ, ഗ്ളാസ് തുടങ്ങിയവ കണ്ടെത്താനായി.

ഇതുപോലെ മറ്റ് അഗ്നി പര്‍വതങ്ങള്‍ ഇനിയും ഉരുകി കടല്‍ജലത്തിന്റെ അളവിനെ ബാധിക്കുമോയെന്ന ചോദ്യവും ഉയരുന്നുണ്ട്.

1. മരാമത്തിലെ ക്രമക്കേടു മറയ്ക്കാന്‍ ഉദ്യോഗസ്ഥര്‍ രേഖ നനശിപ്പിച്ചു
തിരുവനന്തപുരം: കഴിഞ്ഞ വര്‍ഷം പൊതുമരാമത്ത് വകുപ്പിലെ കരാറുകളില്‍ നടന്ന കോടികളുടെ ക്രമക്കേടില്‍ അസിസ്റ്റന്റ് എന്‍ജിനീയര്‍മാര്‍ മുതല്‍ ചീഫ് എന്‍ജിനീയര്‍ക്കു വരെ പങ്ക്.

29.12 കോടിയുടെ നിര്‍മാണ ജോലികളില്‍ കരാറുകാര്‍ക്ക് അധിക തുക നേടിക്കൊടുക്കാനായി ഉദ്യോഗസ്ഥര്‍ വ്യാജരേഖ നിര്‍മിക്കുകയും സര്‍ക്കാരിനെ തെറ്റിദ്ധരിപ്പിക്കുകയും ചെയ്തു. വിലപ്പെട്ട പല രേഖകളും നശിപ്പിച്ചതായും അന്വേഷണത്തില്‍ കണ്െടത്തി.
മഞ്ചേരി ഡിവിഷനിലെ എട്ടു കരാറുകളിലാണ് ക്രമക്കേടു നടന്നത്. എസ്റ്റിമേറ്റ് അംഗീകരിക്കാനും പുതുക്കാനും കൂട്ടു നിന്നത് ഉദ്യോഗസ്ഥരായിരുന്നു. 2006 ജൂണ്‍ മുതല്‍ 2007 സെപ്റ്റംബര്‍ വരെ പൊതുമരാമത്തു വകുപ്പിലെ വിവിധ തലങ്ങളിലുള്ള ഉദ്യോഗസ്ഥര്‍ക്ക് ഈ ക്രമക്കേടിലും അഴിമതിയിലും നിര്‍ണായകമായ പങ്കുണ്െടന്ന് ധനകാര്യ പരിശോധനാ വിഭാഗം കണ്െടത്തി. തിരിമറിയിലൂടെ ലഭിച്ച തുക ഇവര്‍ വീതം വച്ചു. എട്ടു കരാറുകളില്‍ ഓരോന്നിലും ഉദ്യോഗസ്ഥര്‍ നടത്തിയ തിരിമറി വ്യക്തമാണ്. യഥാര്‍ഥ ചെലവിന്റെ പലി മടങ്ങാണ് എസ്റ്റിമേറ്റുകളില്‍ ഉള്ളത്. ആധികാരിക രേഖയായ എം ബുക്കില്‍ കണക്കുകള്‍ പെരുപ്പിച്ച് കാണിച്ചതും ഉദ്യോഗസ്ഥരായിരുന്നു.

തിരൂര്‍-മലപ്പുറം-മഞ്ചേരി റോഡിന് സാങ്കേതികാനുമതി നല്‍കിയത് റോഡ്സ് ആന്‍ഡ് ബ്രിഡ്ജസ് ചീഫ് എന്‍ജിനീയറാണ്. 790 ലക്ഷം രൂപയുടെ പണികള്‍ക്കാണ് സര്‍ക്കാര്‍ ഭരണാനുമതി നല്‍കിയിരുന്നതെങ്കിലും ചീഫ് എന്‍ജിനീയര്‍ സാങ്കേതികാനുമതി നല്‍കിയപ്പോള്‍ ഇത് 908.50 ലക്ഷമായി. ഒരു വര്‍ഷത്തിനകം പണി പൂര്‍ത്തിയാക്കണമെന്ന കരാറോടെ 2006 മേയ് മാസത്തിലാണ് ഏറനാട് എന്‍ജിനീയറിംഗ് എന്റര്‍പ്രൈസസിന് അനുമതി നല്‍കിയത്. ഇതിനു ശേഷം 2007 ജനുവരി 16ന് പ്രത്യേക ഉത്തരവിലൂടെ ചീഫ് എന്‍ജിനീയര്‍ തന്നെ കരാര്‍ തുക പുതുക്കി 999 ലക്ഷം രൂപയാക്കി. യാതൊരു കാരണവുമില്ലാതെയാണ് ഇതനുവദിച്ചത്. റോഡ് നിര്‍മാണത്തിന്റെ മേല്‍നോട്ടത്തിലും പരിശോധനിലും കൃത്രിമം കാട്ടിയാണ് താഴെ തലത്തിലുള്ള ഉദ്യോഗസ്ഥര്‍ ക്രമക്കേടിന് കൂട്ടുനിന്നത്. റോഡിന്റെ പല ഭാഗങ്ങളിലും ആവശ്യത്തിനുള്ള അളവ് മെറ്റലും സിമന്റും ഉപയോഗിച്ചിട്ടില്ല.

സിമന്റും സ്റ്റീലും പണി സ്ഥലത്ത് എത്തിക്കാമെന്നായിരുന്നു കരാര്‍. അഞ്ചു കിലോമീറ്റര്‍ ദൂരത്തില്‍ ഇതു ലഭിക്കുമെന്നിരിക്കെ 23 കിലോമീറ്റര്‍ ദൂരത്തു നിന്ന് ഇതു വാങ്ങിയെന്നാണ് രേഖ. ഇതു വാസ്തവ വിരുദ്ധമാണെന്നും സമീപപ്രദേശത്തു നിന്നാണ് ഇതു വാങ്ങിയിട്ടുള്ളതെന്നും അന്വേഷണത്തില്‍ തെളിഞ്ഞു. പുതുക്കിയ എസ്റ്റിമേറ്റില്‍ 5.31 ലക്ഷം രൂപയുടെ അധിക നിര്‍മാണം പറഞ്ഞിരുന്നു. ഫീല്‍ഡ് എന്‍ജിനിയര്‍മാരുടെ

പരിശോധനില്‍ അധിക നിര്‍മ്മാണം കണ്െടത്താനായില്ല. മറ്റു ഏഴ് കരാറുകളിലും ഇതേ സ്വഭാവത്തിലുള്ള ക്രമക്കേടു തന്നെയാണ് നടന്നത്. കീഴ് ഉദ്യോഗസ്ഥര്‍ നല്‍കിയ പുതുക്കിയ എസ്റ്റിമേറ്റ് അന്നത്തെ ചീഫ് എന്‍ജിനീയര്‍ അതേപടി അംഗീകരിക്കുകയായിരുന്നു.

ഗുണനിലവാരമില്ലാത്ത ടാര്‍, മെറ്റല്‍, സിമന്റ് എന്നിവ ഉപയോഗിച്ചാണ് റോഡു നിര്‍മിച്ചത്. വെട്ടിച്ചിറ-കാടാമ്പുഴ-കൂട്ടിലങ്ങാടി റോഡിന്റെ കിലോമീറ്ററുകള്‍ നീളമുള്ള ഭാഗം മറ്റൊരു പദ്ധതിയില്‍ ഉള്‍പ്പെടുത്തി വേറൊരു

ഏജന്‍സി അറ്റകുറ്റപണി നടത്തിയിരുന്നു. ഇതും കരാറുകാരന്‍ നടത്തിയതാണെന്ന് ബന്ധപ്പെട്ട മരാമത്ത് ഉദ്യോഗസ്ഥര്‍ രേഖയുണ്ടാക്കി. ഇതും ചേര്‍ത്ത് എസ്റ്റിമേറ്റ് പുതുക്കുകയും ചെയ്തു. മെറ്റല്‍ ചെയ്തതാണെന്ന് ഉദ്യോഗസ്ഥര്‍ എം ബുക്കില്‍ എഴുതിയിരുന്നു. ഈ ഭാഗം പൊട്ടിപ്പൊളിഞ്ഞെന്നും ഇവിടെ റോഡിനു പകരം തോടാണെന്നും തെളിഞ്ഞു. കുഴി അടയ്ക്കലിനും ടാറിംഗിനും ശേഷം ഏതാനും ദിവസങ്ങള്‍ക്കുള്ളില്‍ റോഡ് വിണ്ടുകീറി. റോഡിന്റെ വീതി വര്‍ധിപ്പിച്ചിട്ടുണ്െടങ്കിലും മുന്‍പ് ഉപയോഗിച്ച അളവിലുള്ള വസ്തുക്കള്‍ ഉപയോഗിച്ചാണ് നിര്‍മാണം നടത്തിയിരിക്കുന്നത്. എന്നാല്‍ പൊതുമരാമത്ത് വകുപ്പിന്റെ രേഖകളില്‍ കൂടിയ അളവ് എന്നാണ് രേഖപ്പെടുത്തിയിട്ടുള്ളത്. ഡ്രെയിനേജ് സിസ്റ്റം ആവശ്യമില്ലാത്തിടത്ത് കിലോമീറ്റര്‍ ദൂരത്തില്‍ ഇതു ചെയ്തതായി രേഖയുണ്ടാക്കി.

2. തൃശൂരില്‍ ആയുര്‍വേദ ക്ളസ്റ്റര്‍ തുടങ്ങാന്‍ കേന്ദ്രാനുമതി
ന്യൂഡല്‍ഹി: തൃശൂര്‍ ജില്ലയിലെ കൊരട്ടിയില്‍ ആയുര്‍വേദ ക്ളസ്റ്റര്‍ സ്ഥാപിക്കാന്‍ കേന്ദ്രസര്‍ക്കാര്‍ തീരുമാനിച്ചു. സംസ്ഥാന സര്‍ക്കാരിനു കീഴിലുള്ള കിന്‍ഫ്ര പാര്‍ക്കിലെ അഞ്ചേക്കര്‍ സ്ഥലത്തായിരിക്കും ആയുര്‍വേദ മരുന്നു നിര്‍മാണ യൂണിറ്റുകളും ലബോറട്ടറിയുമെല്ലാം അടങ്ങുന്ന ക്ളസ്റ്റര്‍ സ്ഥാപിക്കുക.

ഇതിന് ഗ്രാന്റായി കേന്ദ്ര ആരോഗ്യ മന്ത്രാലയത്തിനു കീഴിലുള്ള ആയുഷ് വകുപ്പ് 10 കോടി രൂപ വകയിരുത്തിയതായി ആയുഷ് സെക്രട്ടറി അനിത ദാസ് പറഞ്ഞു. സംസ്ഥാനത്തെ പ്രമുഖ ആയുര്‍വേദ മരുന്നു നിര്‍മാതാക്കളും ഔഷധശാലകളും അംഗങ്ങളായ കോണ്‍ഫെഡറേഷന്‍ ഓഫ് ആയുര്‍വേദ റിനൈസന്‍സ് കേരള (കെയര്‍ കേരളം) എന്ന കമ്പനിയായിരിക്കും പദ്ധതി നടപ്പാക്കുക. പദ്ധതിക്ക് മൊത്തം20 കോടി രൂപയുടെ മുതല്‍ മുടക്ക് പ്രതീക്ഷിക്കുന്നു.
ആയുര്‍വേദ ഔഷധങ്ങളുടെ ഗുണനിലവാര പരിശോധന്ക്കായി ആയുഷ് വകുപ്പ് ഇവിടെ പ്രത്യേക ലബോറട്ടറിയും അനുവദിക്കും.

അംഗങ്ങളായ സ്ഥാപനങ്ങള്‍ക്കും പുറത്തു നിന്നുള്ളവര്‍ക്കും നിശ്ചിത ഫീസ് നല്‍കി ഗുണനിലവാര പരിശോധന നടത്താനാകും. പരിശോധന്ക്കു പുറമെ ഉല്‍പന്നങ്ങളുടെ ബ്രാന്‍ഡിംഗ്, പായ്ക്കിംഗ്, വിതരണം തുടങ്ങിയ കാര്യങ്ങളില്‍ കേന്ദ്രസര്‍ക്കാര്‍ മാര്‍ഗനിര്‍ദ്ദേശവും സാങ്കേതിക സഹായവും നല്‍കും. മരുന്നു നിര്‍മാതാക്കള്‍ ഇനിമുതല്‍ രാജ്യാന്തര മാനണ്ഡങ്ങള്‍ പാലിക്കേണ്ടതിനാല്‍ ഇതിനു ശേഷിയില്ലാത്ത ധാരാളം ചെറുകിട കമ്പനികള്‍ അടച്ചുപൂട്ടാന്‍ ഇവരെ സംരക്ഷിക്കുകയെന്ന ലക്ഷ്യത്തോടെയാണ് ആരോഗ്യ വകുപ്പ് രാജ്യവ്യാപകമായി ക്ളസ്റ്റര്‍ പദ്ധതി ആവിഷ്കരിച്ചത്.

ഔഷധങ്ങളുടെ ഗുണമേന്മ ഉറപ്പുവരുത്തുക, മരുന്നുകളില്‍ ഈയം പോലുള്ള ഘന ലാഹങ്ങളുടെ സാന്നിധ്യം ഒഴിവാക്കുക എന്നിവയും പദ്ധതിയുടെ മുഖ്യ ലക്ഷ്യങ്ങളാണ്. ലാബിനും മറ്റുമായി ഇറക്കുമതി ചെയ്യുന്ന ഉപകരണങ്ങള്‍ക്ക് കേന്ദ്രസര്‍ക്കാര്‍ 30 ശതമാനം സബ്സിഡി നല്‍കുമെന്ന് ആയുഷ് ഡയറക്ടര്‍ സഞ്ജീവ് കെ. ഛദ്ദ മംഗള’ത്തോട് പറഞ്ഞു. ക്ളസറ്റര്‍ സ്കീം ഒരാഴ്ചയ്ക്കകം രാജ്യത്ത് നിലവില്‍വരുമെന്നും അദ്ദേഹം അറിയിച്ചു.

3. ഓഹരി വിപണിയില്‍ വന്‍ ഇടിവ്: ഒറ്റദിവസത്തെ നഷ്ടം 60 ലക്ഷം കോടി രൂപ
മുംബൈ: നിക്ഷേപകര്‍ക്ക് ഒറ്റദിവസം കൊണ്ട് 60 ലക്ഷം കോടി രൂപയുടെ നഷ്ടം വരുത്തിവച്ചുകൊണ്ട് ബോംബെ ഓഹരിസൂചികയില്‍ കനത്ത ഇടിവ്. ചരിത്രത്തിലെ ഏറ്റവും വലിയ തകര്‍ച്ചയുമായി 1408.35 പോയിന്റാണ് ഓഹരിസൂചിക താഴേക്കുപോയത്.

കനത്തവില്‍പന സമ്മര്‍ദവും അമേരിക്കന്‍ സാമ്പത്തിക വിപണി വന്‍ നഷ്ടത്തിലേക്കു നീങ്ങുന്നെന്ന വിവരവും വിപണിയെ പ്രതികൂലമായി ബാധിച്ചു. ആറുദിവമായി തുടരുന്ന ഇടിവില്‍ ആകെ 11,85,285 കോടി രൂപയുടെ നഷ്ടമാണ് നിക്ഷേപകര്‍ക്കുണ്ടായത്. 2000 പോയിന്റിന്റെ തകര്‍ച്ചയിലേക്കു സൂചിക നീങ്ങിയതിനെത്തുടര്‍ന്ന് രണ്ടുതവണ വ്യാപാരം നിര്‍ത്തിവച്ചു.
ഇതിനുമുമ്പ് കഴിഞ്ഞ മേയ് 18 നാണ് 826 പോയിന്റിന്റെ നഷ്ടവുമായി വിപണി വന്‍ ഇടിവ് രേഖപ്പെടുത്തിയത്. 16951.50 നും 18919.57 പോയിന്റിനും ഇടയില്‍ ചാഞ്ചാടി നിന്ന മുംബൈസൂചിക 17605.35-ല്‍ വ്യാപാരം അവസാനിപ്പിച്ചു.

കഴിഞ്ഞ ആറുദിവസമായി തകര്‍ച്ച നേരിടുന്ന വിപണിയിലെ മൊത്തം ഇടിവ് 3170.80 പോയിന്റാണ്. ദേശീയ ഓഹരിസൂചിക(നിഫ്റ്റി) 496.50 പോയിന്റിന്റെ ഇടിവുമായി 5208.80 ല്‍ വ്യാപാരം അവസാനിപ്പിച്ചു.

ചെറുകിട നിക്ഷേപകര്‍ക്ക് ഓഹരിവിപണിയിലേക്കു കടക്കാന്‍ പറ്റിയ അവസരമാണിതെന്ന് വിദഗ്ധര്‍ വിലയിരുത്തി.

4. മലേഷ്യക്കാരിയായ എസ്റ്റേറ്റ് ഉടമയെ ക്രൈംബ്രാഞ്ച് വേട്ടയാടുന്നു
ഇടുക്കി: സ്വത്തുതര്‍ക്കത്തിന്റെ പേരില്‍ മലേഷ്യന്‍ വംശജയായ എസ്റ്റേറ്റ് ഉടമയെ ക്രൈംബ്രാഞ്ച് വേട്ടയാടുന്നതായി ആക്ഷേപം. മൂന്നാറിലെ വ്യാജപട്ടയങ്ങളെക്കുറിച്ച് അന്വേഷിക്കാനെത്തിയ ക്രൈംബ്രാഞ്ച് സംഘത്തിനെതിരേയാണു വിമര്‍ശനം. സംഘം വന്‍ കോഴ ആവശ്യപ്പെടുന്നതായും ആക്ഷേപമുണ്ട്. തമിഴ്നാട്ടില്‍ താമസിക്കുന്ന എസ്റ്റേറ്റ് ഉടമയായ വനിത ഉന്നത പോലീസ് അധികൃതര്‍ക്കു പരാതി നല്‍കി.

കേസ് അന്വേഷണത്തിന്റെ പേരില്‍ ക്രൈംബ്രാഞ്ച് അന്വേഷകര്‍ മേലധികാരികളുടെ അനുമതിയില്ലാതെ എസ്റ്റേറ്റുടമയുടെ കൊടൈക്കനാലിലെ നക്ഷത്ര ഹോട്ടലില്‍ വിരുന്നു പോയതായും പരാതിയുണ്ട്. കേസില്‍ എസ്റ്റേറ്റ് ഉടമ പ്രതിചേര്‍ത്തിരിക്കുന്ന ഭര്‍ത്താവിന്റെ ഉടമസ്ഥതയിലുള്ളതാണ് ഈ ഹോട്ടല്‍. എസ്റ്റേറ്റ് ഉടമയായ യുവതി കോയമ്പത്തൂരിലാണു താമസിക്കുന്നത്. ഇവരെ ഭീഷണിപ്പെടുത്തുന്നതായും വന്‍ തുക കോഴ ആവശ്യപ്പെടുന്നതായും ഇവര്‍ പരാതിപ്പെട്ടിട്ടുണ്ട്.
എസ്റ്റേറ്റിന്റെ ഉടമസ്ഥാവകാശവുമായി ബന്ധപ്പെട്ടു തൊടുപുഴ കോടതിയില്‍ നിലനില്‍ക്കുന്ന കേസില്‍ പ്രതിയായ ഭര്‍ത്താവിനു ജാമ്യം കൊടുക്കരുതെന്ന് അഭ്യര്‍ഥിച്ച് യുവതി കോടതിയെ സമീപിച്ചു. കോടതി ജാമ്യം നിഷേധിച്ചു.

1971-ലാണു മലേഷ്യക്കാരിയായ ഹര്‍ജിക്കാരിയും തമിഴ്നാട്ടില്‍ എല്‍.ഐ.സി. ഏജന്റായിരുന്ന യുവാവുമായി ഒരു ബന്ധു മുഖേന വിവാഹിതരായത്. മലേഷ്യയിലെ കുടുംബസ്വത്തുപയോഗിച്ചായിരുന്നു തോട്ടം വാങ്ങിയത്. ഇതിന്റെ നിയന്ത്രണം ഭര്‍ത്താവിനെ ഏല്പിച്ചു. തോട്ടം നഷ്ടമാണെങ്കിലും ഫാക്ടറി ലാഭമായിരുന്നു. ഇതു ഭര്‍ത്താവ് പാട്ടത്തിനെടുത്തു. ഇതിനിടെ സ്വത്ത് തട്ടിയെടുക്കാന്‍ ശ്രമം തുടങ്ങി. തുടര്‍ന്നാണു സ്വത്തുതര്‍ക്കം തുടങ്ങിയത്. തുടര്‍ന്ന് ഇരുവരും വേര്‍പിരിഞ്ഞാണു താമസിക്കുന്നത്.

5. കേന്ദ്രസഹായം പോലും ചെലവിടാത്തത് വികസനത്തിന് തിരിച്ചടി: പ്രഭാത് പട്നായിക്
കൊച്ചി: സാമ്പത്തിക വളര്‍ച്ചാ സൂചികയുടെ കുതിപ്പ് താഴേത്തട്ടിലുള്ളവരുടെ ക്ഷേമത്തിലും ജീവിത നിലവാരത്തിലും പ്രതിഫലിക്കുമെന്ന സാമ്പത്തിക വാദം കേരളത്തിന്റെ സാഹചര്യത്തില്‍ പരാജയപ്പെട്ടെന്ന് ആസൂത്രണ ബോര്‍ഡ് ഉപാധ്യക്ഷന്‍ പ്രഭാത് പട്നായിക് അഭിപ്രായപ്പെട്ടു.

ധനലഭ്യതയുടെ അപര്യാപ്തത മാത്രമല്ല, കേന്ദ്ര വിഹിതം ഉള്‍പ്പെടെയുള്ള സഹായം ചെലവഴിക്കാത്തതും വികസനത്തില്‍ കേരളത്തിനു തിരിച്ചടിയായി. നടപ്പു സാമ്പത്തിക വര്‍ഷത്തില്‍ ബാഹ്യസഹായത്തിന്റെ 35 ശതമാനം മാത്രമാണ് ചെലവഴിച്ചത്. ബജറ്റിനുള്ള ഒരുക്കങ്ങളില്‍ ഇത് വലിയ വെല്ലുവിളിയാണെന്നും എറണാകുളം സെന്റ് തെരേസാസ് കോളജ് ഇക്കണോമിക്സ് വിഭാഗത്തിന്റെ സപ്തതി ആഘോഷ സമാപനച്ചടങ്ങില്‍ പട്നായിക് പറഞ്ഞു.
സാമ്പത്തിക സൂചിക വളര്‍ച്ചയില്ലാതെനിന്ന കാലഘട്ടത്തിലും വികസനത്തില്‍ മാതൃകയാകാന്‍ കേരളത്തിനു കഴിഞ്ഞു. എന്നാല്‍ കൃഷി, ചെറുകിട വ്യവസായ, ആരോഗ്യ മേഖലകളെ അവഗണിച്ചത് വികസനത്തിന്റെ കേരള മോഡലിനു തിരിച്ചടിയായി. ഏറെ പ്രശസ്തമായ കേരള മാതൃക ഇപ്പോള്‍ കരിനിഴലിലാണ്. അതിനെ മരണത്തില്‍ നിന്നു രക്ഷിക്കാനാണ് ശ്രമം. പ്രത്യേക സാമ്പത്തിക മേഖല അടക്കമുള്ള വന്‍കിട വ്യവസായങ്ങളല്ല മറിച്ച് അടിസ്ഥാന മേഖലകളുടെ ക്ഷമത വര്‍ധിപ്പിക്കുന്ന തരത്തിലുള്ള നിക്ഷേപങ്ങളെ മുന്‍നിര്‍ത്തിയുള്ള ആസൂത്രണമാണ് കേരളത്തിന് ആവശ്യം.

നാണ്യവിള കര്‍ഷകര്‍ കടക്കെണിയില്‍ കുടുങ്ങി ആത്മഹത്യയുടെ വഴി സ്വീകരിച്ചപ്പോള്‍ ഭക്ഷ്യവിള കര്‍ഷകര്‍ക്ക് അത്തരം പ്രതിസന്ധിയിയുണ്ടായില്ല. കര്‍ഷക ആത്മഹത്യ തടയാന്‍ സാധിച്ചെന്നും പട്നായിക് പറഞ്ഞു. ഇക്കണോമിക്സ് വിഭാഗം മേധാവി സലിമ്മ ഏബ്രഹാം പങ്കെടുത്തു.

ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 21-01-08

 1. വിവാഹ രജിസ്ട്രേഷന്‍: സുപ്രീംകോടതി നിര്‍ദേശം നടപ്പാക്കുമെന്നു മുഖ്യമന്ത്രി
തിരുവനന്തപുരം: ക്രൈസ്തവ- മുസ്ലിം വിവാഹ രജിസ്ട്രേഷന്‍ സംബന്ധിച്ച സുപ്രീം കോടതി നിര്‍ദേശം സംസ്ഥാനത്തു നടപ്പാക്കുമെന്ന് മുഖ്യമന്ത്രി വി.എസ് അച്യുതാനന്ദന്‍. മതസ്ഥാപനങ്ങളില്‍ രജിസ്ട്രേഷന്‍ നടത്തിയ ശേഷം തദ്ദേശ സ്ഥാപനങ്ങളില്‍ വിവാഹം രജിസ്റ്റര്‍ ചെയ്യുന്ന രീതിയില്‍ നിയമം നടപ്പാക്കാനാണ് തീരുമാനം. ഇങ്ങനെയാവുമ്പോള്‍ മത സ്ഥാപനങ്ങളില്‍ നടത്തുന്ന രജിസ്ട്രേഷന് പ്രാധാന്യം നഷ്ടപ്പെടില്ല. ക്രൈസ്തവ- മുസ്ലിം പള്ളികളിലെ വിവാഹ രജിസ്ട്രേഷന്റെ സാധുത പൂര്‍ണമായി അംഗീകരിച്ചാകും സുപ്രീംകോടതി നിര്‍ദേശം നടപ്പാക്കുകയെന്നും അദ്ദേഹം പത്രസമ്മേളനത്തില്‍ പറഞ്ഞു.

നിര്‍ദേശം നടപ്പാക്കുന്നതിനെതിരെ മതസംഘടനകള്‍ കടുത്ത എതിര്‍പ്പ് പ്രകടിപ്പിച്ചിരുന്നു. ഇതേത്തുടര്‍ന്ന് ഇന്നലെ മുഖ്യമന്ത്രി വിളിച്ച് ചേര്‍ത്ത മുസ്ലിം സംഘടനാ നേതാക്കളുടെ യോഗത്തിലാണ് ഈ തീരുമാനം. ഇതു നടപ്പാവുന്നതോടെ മത സ്ഥാപനങ്ങളിലും തദ്ദേശ സ്ഥാപനങ്ങളിലും നടത്തുന്ന രജിസ്ട്രേഷന് തുല്യ പ്രാധാന്യമമുണ്ടാകുമെന്നു മുഖ്യമന്ത്രി പറഞ്ഞു.

മാതാപിതാക്കളുടെ അനുമതിയോടെ പള്ളികളുടെ അധികാരമുള്ള ആളുകളാണ് വിവാഹം നടത്തിക്കൊടുക്കുന്നത്. നിര്‍ദേശങ്ങള്‍ ക്രൈസ്തവ സമുദായം നേരത്തെ അംഗീകരിച്ചിരുന്നതാണ്. അതുകൊണ്ടാണ് അവര്‍ ചര്‍ച്ചയ്ക്ക് വരാതിരുന്നതെന്നും മുഖ്യമന്ത്രി പറഞ്ഞു.

2006 ഫെബ്രുവരിയില്‍ അശ്വനികുമാര്‍ സിന്‍ഹ കേസിലെ സുപ്രീം കോടതി വിധി അനുസരിച്ചാണ് തദ്ദേശ സ്ഥാപനങ്ങളില്‍ വിവാഹ രജിസ്ട്രേഷന്‍ നടപ്പാക്കാന്‍ സംസ്ഥാനം നിര്‍ബന്ധിതമായത്. 2007 ഒക്ടോബറില്‍ സംസ്ഥാനത്ത് എന്ത് കൊണ്ടാണ് നിര്‍ദേശം നടപ്പാക്കാത്തതെന്ന് ചോദ്യമുയര്‍ന്നതിനെത്തുടര്‍ന്ന് സംസ്ഥാനം മൂന്ന് മാസം കൂടി അധികം സമയം ആവശ്യപ്പെടുകായിരുന്നു.

സമുദായ ആചാര പ്രകാരം പ്രധാനപ്പെട്ട ചടങ്ങാണ് വിവാഹം. വിവാഹത്തിന്റെ മൂല്യം നഷ്ടപ്പെടാതെ തന്നെ സുപ്രീം കോടതി വിധി നടപ്പാക്കുന്നതിന് തടസമൊന്നുമില്ലെന്ന് മുഖ്യമന്ത്രി പറഞ്ഞു. നിയമം സംബന്ധിച്ച് ചട്ടങ്ങള്‍ ഉടന്‍ ഉണ്ടാക്കി ഗസറ്റില്‍ പരസ്യം ചെയ്യും.

സ്ത്രീക്ക് കൂടുതല്‍ സംരക്ഷണം നല്‍കുന്നതും അനാഥത്വം ഒഴിവാക്കുന്നതുമാണ് സുപ്രീം കോടതി വിധിയുടെ അന്തസത്ത.

മന്ത്രിമാരായ പാലോളി മുഹമ്മദ് കുട്ടി, എം.വിജയകുമാര്‍, ചീഫ് സെക്രട്ടറി പി.ജെ തോമസ് എന്നിവര്‍ ചര്‍ച്ചയില്‍ പങ്കെടുത്തു.

സമസ്ത കേരള സുന്നി ജംഇയ്യത്തുല്‍ ഉലമയെ പ്രതിനിധീകരിച്ച് എസ്.വൈ.എസ് സെക്രട്ടറിമാരായ എന്‍.അലി അബ്ദുല്ല, എ.സൈഫുദ്ദീന്‍ ഹാജി, ഇസ്സുദ്ദീന്‍ കാമില്‍ സഖാഫി, ജമാഅത്ത് കൌണ്‍സില്‍ പ്രസിഡന്റ് അഡ്വ. എ.പൂക്കുഞ്ഞ്, ദക്ഷിണ കേരള ജംഇയ്യത്തുല്‍ ഉലമയുടെ കടയ്ക്കല്‍ അബ്ദുല്‍ അസീസ് മൌലവി, തൊടിയൂര്‍ മുഹമ്മദ് കുഞ്ഞ് മൌലവി, എം.ഇ.എസ് പ്രസിഡന്റ് ഡോ.ഫസല്‍ ഗഫൂര്‍, ജമാഅത്തെ ഇസ്ലാമി നേതാവ് ഹമീദ് വാണിമേല്‍, കെ.എന്‍.എം നേതാവ് ടി.പി അബ്ദുല്ലക്കോയ മദനി, നദ്വത്തുല്‍ മുജാഹിദീന്‍ നേതാവ് ഹുസൈന്‍ മടവൂര്‍, മുസ്ളീലീഗിന്റെ ഇ.ടി മുഹമ്മദ് ബഷീര്‍, പി.ഡി.പി വര്‍ക്കിംഗ് പ്രസിഡന്റ് പൂന്തുറ സിറാജ്, മെക്ക പ്രസിഡന്റ് എം.അലിയാരു കുട്ടി, എം.എസ.്എസ് സെക്രട്ടറി അബ്ദുല്‍ കരീം, ഐ.എന്‍.എല്‍ നേതാവ് പ്രൊഫ. എ.പി അബ്ദുല്‍ വഹാബ്, ഇ.കെ വിഭാഗം സമസ്തയെ പ്രതിനിധീകരിച്ച് പ്രൊഫ. ബഹാവുദ്ദീന്‍ നദ്വി കൂരിയാട് എന്നിവര്‍ ചര്‍ച്ചയില്‍ പങ്കെടുത്തു.

2. കടകളുടെ ലൈസന്‍സ്: വ്യവസ്ഥകള്‍ കര്‍ശനമാക്കും
തിരുവനന്തപുരം: സര്‍ക്കാര്‍ വ്യവസ്ഥകള്‍ പാലിക്കുന്ന കച്ചവടസ്ഥാപനങ്ങള്‍ക്കുമാത്രം ഈ വര്‍ഷം ലൈസന്‍സ് പുതുക്കി നല്‍കിയാല്‍ മതിയെന്നു നഗരസഭകള്‍ക്കും പഞ്ചായത്തുകള്‍ക്കും നിര്‍ദേശം നല്‍കിയതായി തദ്ദേശമന്ത്രി പാലോളി മുഹമ്മദ് കുട്ടി പത്രക്കുറിപ്പില്‍ അറിയിച്ചു.

കടയും സ്ഥാപനവും സ്ഥിതി ചെയ്യുന്നിടത്തെ പരസ്യബോര്‍ഡുകളില്‍ സ്ഥലനാമം എഴുതാത്തവര്‍ക്കും അനുവദനീയമായ മൈക്രോണില്‍ താഴെ പ്ളാസ്റ്റിക് ഉപയോഗിക്കുന്നവര്‍ക്കും ലൈസന്‍സ് പുതുക്കി നല്‍കില്ല. ഹോട്ടലുകളിലും ഷോപ്പിംഗ് കോംപ്ളക്സുകളിലും പ്രാഥമികാവശ്യത്തിനുള്ള സംവിധാനം നിര്‍ബന്ധമാക്കിയിട്ടുണ്ട്. എന്നാല്‍ പല സ്ഥാപന ഉടമകളും ഇതില്‍ വീഴ്ചവരുത്തിയതായി ശ്രദ്ധയില്‍പ്പെട്ടിട്ടുണ്െടന്ന് മന്ത്രി പറഞ്ഞു. ഈ സാഹചര്യത്തില്‍ ഈ വര്‍ഷത്തെ ലൈസന്‍സ് പുതുക്കി നല്‍കണമെങ്കില്‍ ഇത്തരം സ്ഥാപനങ്ങള്‍ പ്രാഥമികസൌകര്യത്തിന് ആധുനികരീതിയിലുള്ളതും വൃത്തിയുള്ളതുമായ സംവിധാനങ്ങള്‍ ഏര്‍പ്പെടുത്തണം. കോഴിക്കടകള്‍, മത്സ്യമാംസ സ്റ്റാളുകള്‍ എന്നിവ സ്വന്തമായി മാലിന്യനിര്‍മാര്‍ജന സംവിധാനം ഏര്‍പ്പെടുത്തിയാലെ ലൈസന്‍സ് പുതുക്കി നല്‍കുകയുള്ളുവെന്നും മന്ത്രി പറഞ്ഞു.

ഇക്കാര്യങ്ങളില്‍ വീഴ്ചവരുത്തി കച്ചവട ലൈസന്‍സ് നല്‍കിയതായി കണ്ടുപിടിച്ചാല്‍ ബന്ധപ്പെട്ട ഉദ്യോഗസ്ഥര്‍ക്കെതിരെ കര്‍ശനനടപടി സ്വീകരിക്കുമെന്നും മന്ത്രി പറഞ്ഞു.

3. മാതൃഭാഷാ പഠനം: സാഹിത്യകാരന്മാര്‍ സമരത്തിലേക്ക്
തൃശൂര്‍: ഹയര്‍ സെക്കന്‍ഡറിയില്‍ മാതൃഭാഷാപഠനം നിര്‍ബന്ധമാക്കണമെന്നാവശ്യപ്പെട്ട് സാഹിത്യനായകന്‍മാരും അധ്യാപകരും പ്രക്ഷോഭത്തിലേക്ക്. ഇതിനുമുന്നോടിയായി രണ്ടാം മലയാളി മെമ്മോറിയല്‍ എന്നു പേരിട്ടിട്ടുള്ള സാംസ്കാരിക നായകരും അധ്യാ പകരും ഒപ്പിട്ട നിവേദനം വിദ്യാഭ്യാസമന്ത്രി എം.എ ബേബിക്കാണ് സമര്‍പ്പിച്ചു.

‘പ്രജാക്ഷേമ തത്പരരായ ഇടതുമുന്നണി ഭരണകൂടത്തിന്റെ ബഹുമാന്യ വിദ്യാഭ്യാസമന്ത്രി എം.എ ബേബി മുമ്പാകെ കേരളക്കരയിലെ ബഹുഭൂരിപക്ഷം വ രുന്ന അടിസ്ഥാനവര്‍ഗ പ്രജകള്‍ അവരുടെ അമ്മമൊഴിയായ മലയാളത്തിനുവേണ്ടി ബോധിപ്പിക്കുന്ന സങ്കടം’ എന്നു തുടങ്ങുന്ന നിവേദനം ഹയര്‍ സെക്കന്‍ഡറിയില്‍ മലയാളത്തെ ദുര്‍ബലമാക്കുന്ന കേരള പാഠ്യപദ്ധതി ചട്ടക്കൂട്-2007 കരടുരേഖ ഭാഷയെ തന്നെ ഇല്ലാതാക്കുമെന്ന ആശങ്കയുയര്‍ത്തുന്നു.

മാതൃഭാഷാ പഠനത്തിലൂടെ സാമൂഹിക പഠനത്തിലൂടെ സാമൂഹിക അവബോധവും ഉയര്‍ന്ന ആസ്വാദനസംസ്കാരവും നാട്ടറിവുകളോടുള്ള മമതാബന്ധവും ദേശ-ഭാഷാഭിമാനബോധവും ഈ ഘട്ടത്തില്‍ ഊട്ടിയുറപ്പിക്കേണ്ടതിനാല്‍ പ്രശ്നത്തില്‍ ഉടന്‍ പരിഹാരം കാണണമെന്നും നിവേദനത്തില്‍ പറ യുന്നു.

രണ്ടാം മലയാളി മെമ്മോറിയലെന്ന ഭീമഹര്‍ജിയില്‍ കന്നഡ കവി ചന്ദ്രശേഖരകമ്പര്‍, കെ. സച്ചിദാനന്ദന്‍, കെ.ജി ശങ്കരപ്പിള്ള, ഉണ്ണിക്കൃഷ്ണന്‍ പുതൂര്‍, ആറ്റൂര്‍ രവിവര്‍മ, ബാലചന്ദ്രന്‍ ചുള്ളിക്കാട്, സാറാ ജോസഫ്, വൈശാഖന്‍, ശോഭന പരമേശ്വരന്‍ നായര്‍, കെ.ഇ.എന്‍ കുഞ്ഞഹമ്മദ്, ഡോ. എം.ആര്‍ രാഘവവാര്യര്‍, മാടമ്പ് കുഞ്ഞുകുട്ടന്‍, ഡോ. എം.എം ബഷീര്‍, ഡോ. ഡി. ബഞ്ചമിന്‍, ഡോ.ദേശമംഗലം രാമകൃഷ്ണന്‍, ലോഹിതദാസ്, മുല്ലനേഴ്, ചാത്തനാത്ത് അച്യുതനുണ്ണി, അക്ബര്‍ കക്കട്ടില്‍, കെ.പി ശങ്കരന്‍, മണമ്പൂര്‍ രാജന്‍ ബാബു, വി.ആര്‍ സുധീഷ്, സുകുമാരി നരേന്ദ്രമേനോന്‍, ഡോ. കെ.കെ രാഹുലന്‍, ആലങ്കോട് ലീലാകൃഷ്ണന്‍, കെ.പി സുധീര തുടങ്ങി സാഹിത്യ- കലാ- സാംസ്കാരിക രംഗത്തെ പ്രമുഖര്‍ ഒപ്പുവച്ചിട്ടുണ്ട്.

4. ദേശാടനക്കിളികള്‍ കുമരകം ഉപേക്ഷിക്കുന്നു
കുമരകം: കുമരകത്തെത്തുന്ന ദേശാടനപ്പക്ഷികളുടെ എണ്ണത്തില്‍ കുറവുണ്െടന്ന് പഠനം. വനംവകുപ്പും കോട്ടയം നേച്ചര്‍ സൊസൈറ്റിയും സംയുക്തമായി കുമരകത്ത് നടത്തിയ വേമ്പനാട് നീര്‍പക്ഷി സര്‍വേയു പ്രാഥമിക വിലയിരുത്തലിലാണ് ഇക്കാര്യം കണ്െടത്തിയിരിക്കുന്നത്.

കായല്‍ മലിനീകരണവും കാടുകള്‍ തെളിക്കുന്നതുമാണു ദേശാടനക്കിളികളുടെ വരവിനെ പ്രതികൂലമായി ബാധിച്ചതെന്നും സര്‍വേ പറയുന്നു. ഇന്നലെ രാവിലെ ആറുമുതല്‍ സര്‍വേ ആരംഭിച്ചു. ജനുവരി മുതല്‍ ആറുമാസത്തേക്ക് ഇവിടെയെത്തുന്ന ദേശാടനക്കിളികളെയും മറ്റു പക്ഷികളെയുമാണ് സംഘം നിരീക്ഷിക്കുന്നത്.

പത്തുപേരടങ്ങുന്ന പത്തു സംഘങ്ങളായി കുമരകം പക്ഷി സങ്കേതം, ചീപ്പുങ്കല്‍, കൈപ്പുഴമുട്ട്, നാരകത്തറ, തണ്ണീര്‍മുക്കം, പാതിരാമണല്‍, നെടുമുടി, പള്ളാത്തുരുത്തി എന്നിവിടങ്ങളിലാണ് സര്‍വേ നടത്തിയത്. ഈ വര്‍ഷത്തെ നിരീക്ഷണത്തില്‍ ഏകദേശം 130-ാളം ഇനങ്ങളില്‍പ്പെട്ട പക്ഷികളുള്ളതായി കണ്െടത്തിയിട്ടുണ്ട്.

മെഡിറ്ററേനിയന്‍ ഭാഗങ്ങള്‍, സൈബീരിയ, ജപ്പാന്‍ തുടങ്ങിയ വിദേശരാജ്യങ്ങളോടൊപ്പം ഹിമാലയന്‍ താഴ്വരയിലെ പക്ഷികളും ഇവിടെ എത്തിയിട്ടുണ്െടന്നു സംഘാംഗങ്ങള്‍ പറഞ്ഞു.ചേരക്കോഴി, ചാരമുണ്ടി, കാലമുണ്ടി, നീലക്കോഴി, താമരക്കോഴി, പനംകൊക്ക്, കാട്ടുതാറാവ് തുടങ്ങിയ പക്ഷികളാണ് ഇവിടെയുള്ളതില്‍ പ്രധാനികള്‍. രണ്ടുമണിക്കൂറോളം സര്‍വേയ്ക്ക് വനംമന്ത്രി ബിനോയ് വിശ്വവും സംഘത്തോടൊപ്പമുണ്ടായിരുന്നു. കോട്ടയം നേച്ചര്‍ സൊസൈറ്റി പ്രസിഡന്റ് ഡോ. ശ്രീകുമാര്‍, സെക്രട്ടറി ഡോ. ഉണ്ണികൃഷ്ണന്‍, വന്യജീവി ബോര്‍ഡംഗം സുനില്‍കുമാര്‍, കോട്ടയം ഫീല്‍ഡ് ഡയറക്ടര്‍ ഒ. പി കലേര്‍, പെരിയാര്‍ ടൈഗര്‍ റിസര്‍ച്ച് വെസ്റ്റ് ഡെപ്യൂട്ടി ഡയറക്ടര്‍ രാജേന്ദ്രന്‍, ഡി.എഫ്.ഓ എം.എല്‍ തോമസ് എന്നിവര്‍ നേതൃത്വം നല്കി.

എം.ജി സര്‍വകലാശാലയിലെയും മണ്ണുത്തി കോളജ് ഓഫ് ഫോറസ്റ്റിലെയും വിദ്യാര്‍ഥികളും പങ്കെടുത്തു.

5. ജയറാം രമേഷ് വാഗ കടന്നു; അപമാനിച്ചെന്നു പാക്കിസ്ഥാന്‍
ന്യൂഡല്‍ഹി: വാഗ അതിര്‍ത്തിയില്‍ കേന്ദ്ര വാണിജ്യ സഹമന്ത്രി ജയറാം രമേഷിനു പറ്റിയത് അശ്രദ്ധ മൂലമുള്ള അബദ്ധമായിരിക്കാം. എന്നാലതു നിസാരമായി കാണാനാവില്ലെന്ന നിലപാടിലാണു പാക്കിസ്ഥാന്‍.

വെള്ളിയാഴ്ച വാഗ അതിര്‍ത്തിയിലെത്തിയ ജയറാം രമേഷ് പാക് ഭൂപരിധിയില്‍ അനുവാദമില്ലാതെ കടന്നെന്നതാണു പുതിയ വിവാദത്തിനു തുടക്കമിട്ടിരിക്കുന്നത്. രാഷ്ട്രത്തിന്റെ പരമാധികാരത്തിലുള്ള ഇടപെടലായാണു സംഭവത്തെ കാണുന്നതെന്നാണ് ഇതു സംബന്ധിച്ചു പാക്കിസ്ഥാന്റെ പക്ഷം. ജയറാം രമേഷ് അതിര്‍ത്തിയില്‍ പാലിക്കേണ്ട ധാരണകളും ചട്ടങ്ങളും ലംഘിച്ചെന്ന് ആരോപിച്ചു പാക് ഭരണകൂടം വാഗയിലെ സൈനിക നേതൃത്വത്തോട് ഇതുസംബന്ധിച്ചു വിശദീകരണം തേടിയതോടെ പ്രശ്നം സങ്കീര്‍ണമാകുമെന്നാണു റിപ്പോര്‍ട്ട്.

ജയറാം രമേഷ് അതിര്‍ത്തിയില്‍ നിന്നു നാല്പതു വാര അകലെ പാക് ഭൂമിയിലുള്ള പാരാമിലിട്ടറി റേഞ്ചേഴ്സ് കോണ്‍ഫറന്‍സ് ഹാളില്‍ കയറിയെന്നാണ് ആരോപണം. എന്നാല്‍, അതിര്‍ത്തി നിയമങ്ങളൊന്നും താന്‍ ലംഘിച്ചില്ലെന്നു ജയറാം രമേഷ് പറയുന്നു. ആകാംക്ഷകൊണ്ട് പാക് അതിര്‍ത്തിയിലേക്കു രണ്ടടി ദൂരം മാത്രമാണു മന്ത്രി നടന്നു കയറിയതെന്നും പാക്കിസ്ഥാനി അധികൃതരൊന്നും അദ്ദേഹത്തെ തടഞ്ഞില്ലെന്നും ജയറാം രമേഷിനോട് അടുത്തവൃത്തങ്ങള്‍ പറയുന്നു.

താന്‍ അവധിയായിരുന്നെന്നും അന്വേഷിച്ചശേഷം വിവരം പറയാമെന്നാണ് ഇതേപ്പറ്റി ബി.എസ്.എഫ് ഇന്‍സ്പെക്ടര്‍ ജനറല്‍ അരവിന്ദ് രഞ്ജന്റെ പ്രതികരണം.

കരസേനാ മേധാവിയായിരുന്ന ജന. കെ.എം. കരിയപ്പ 1947-ല്‍ വാഗ അതിര്‍ത്തി കടന്നതു വിവാദമായിരുന്നു. അവിഭക്ത ഇന്ത്യയില്‍ ബ്രിഗേഡിയറായി ഒപ്പം ജോലി ചെയ്തിരുന്ന അന്നത്തെ പാക് കരസേനാ മേധാവി ജന. മൂസാഖാനെ കാണാന്‍ കരിയപ്പ വാഗ കടന്നു ജീപ്പോടിച്ചു പോകുകയായിരുന്നു. ഓഫീസിനു പുറത്തെത്തിയ കരിയപ്പയെ പക്ഷേ മൂസാഖാന്‍ സുഹൃത്തായല്ല, ഇന്ത്യന്‍ ബ്രിഗേഡിയറായാണു കണ്ടത്. ഏറ്റവും വേഗം ഇന്ത്യന്‍ മണ്ണിലേക്കു മടങ്ങിയില്ലെങ്കില്‍ വെടിവയ്ക്കുകയോ അറസ്റ്റുചെയ്യുകയോ മൂസാഖാന്റെ പ്രതികരണം. ഇതേത്തുടര്‍ന്നു കരിയപ്പ മടങ്ങുകയായിരുന്നു.

6. റെയില്‍വേ പാസഞ്ചര്‍ കോച്ചുകളിലെ ടോയ്ലറ്റുകള്‍ നവീകരിക്കുന്നു
ന്യൂഡല്‍ഹി: തീവണ്ടി യാത്രാ കോച്ചുകളിലേ വൃത്തിഹീനവും അപര്യാപ്തവുമായ ടോയ്ലറ്റുകള്‍ക്കു പകരം പുതിയ തരം ടോയ്ലറ്റുകളുമായി റെയില്‍വേ രംഗത്ത്. യാത്രക്കാര്‍ക്കുള്ള പരമ്പരാഗത ടോയ്ലറ്റുകള്‍ക്കു പകരം പ്രകൃതിക്ക് അനുയോജ്യവും വൃത്തിയും വെടിപ്പുമുള്ളതുമായ പുതിയ സംവിധാനം ഏര്‍പ്പെടുത്താനാണു റെയില്‍വേ ഒരുങ്ങുന്നത്.

വിമാനങ്ങളിലും മറ്റുമുപയോഗിക്കുന്ന വാക്വം അസിസ്റ്റഡ് ടോയ്ലറ്റുകള്‍ ഉള്‍പ്പെടെ നവീന മാതൃകയിലുള്ള മൂന്നു തരം ടോയ്ലറ്റുകള്‍ യാത്രക്കാര്‍ക്കായി ഏര്‍പ്പെടുത്താനാണു റെയില്‍വേ തീരുമാനം. ഇതിനെക്കുറിച്ചുള്ള സാങ്കേതിക വിശകലനങ്ങള്‍ നടത്തിവരികയാണെന്നു റെയില്‍വേ അധികൃതര്‍ അറിയിച്ചു. നിലവില്‍ യാത്രാ കോച്ചുകളിലെ ടോയ്ലറ്റുകളില്‍ നിന്നുള്ള വിസര്‍ജ്യങ്ങള്‍ പാളവും അതിന്റെ പരിസരങ്ങളും വൃത്തിഹീനമാകുവാന്‍ ഇടയാകുന്നു. ഇതിനു പരിഹാരമായിട്ടാണു റെയില്‍ വേയുടെ പുതിയ സംവിധാനം. 1.6 കോടി യാത്രക്കാര്‍ ദിനംപ്രതി 8000 ട്രെയിന്‍ സര്‍വീസുകളിലായി സഞ്ചരിക്കുന്നുണ്ട്.

7. അമേരിക്കയില്‍ ഇന്ത്യന്‍ വിദ്യാര്‍ഥിയെ വെടിവച്ചു കൊന്നു
ഗമറിയ: അമേരിക്കയില്‍ നോര്‍ത്തു കരോലിനയിലെ ദുര്‍ഗമില്‍ എന്‍ജിനീയറിംഗ് കോളജില്‍ കംപ്യൂട്ടര്‍ മെക്കാനിക്സില്‍ ഗവേഷണം നടത്തി കൊണ്ടിരുന്ന ഇന്ത്യന്‍ വിദ്യാര്‍ഥിയെ അപ്പാര്‍ട്ടുമെന്റില്‍ വെടിയേറ്റു മരിച്ച നിലയില്‍ കണ്െടത്തി.

ജാര്‍ഖണ്ഡ് സ്വദേശി അഭിജിത്ത് മഹതോ(29) ആണു വെടിയേറ്റു മരിച്ചത്. ഡ്യൂക്ക് പ്രറ്റ് സ്കൂള്‍ ഓഫ് എന്‍ജിനീയറിംഗിലാണ് അഭിജിത്ത് ഗവേഷണം നടത്തി കൊണ്ടിരുന്നത്.
സഹപാഠികളാണ് അഭിജിത്ത് അപ്പാര്‍ട്ട്മെന്റില്‍ വെടിയേറ്റു മരിച്ച നിലയില്‍ കിടക്കുന്നത് കണ്ടത്. പ്രതികള്‍ക്ക് വേണ്ടി പോലീസ് തെരച്ചില്‍ ആരംഭിച്ചു.

കൊലപാതകത്തിന് കാരണം വ്യക്തമല്ല. ഇത് രണ്ടാം തവണയാണ് ഇന്ത്യന്‍ വിദ്യാര്‍ഥികള്‍ക്ക് നേരെ ആക്രമണം ഉണ്ടാകുന്നത്. അഞ്ച് ആഴ്ച്ചകള്‍ക്ക് മുന്‍പ് രണ്ട് ഇന്ത്യന്‍ വിദ്യാര്‍ഥികളെ കാമ്പസിന് ഉള്ളില്‍ വെടിവച്ചു കൊലപ്പെടുത്തിയിരുന്നു.

1. 2,335 കോടിയുടെ പുനര്‍കൃഷി പദ്ധതി അനിശ്ചിതത്വത്തില്‍
ന്യൂദല്‍ഹി: കാര്‍ഷിക വിളകളുടെ പുനരുദ്ധാരണത്തിന് വാണിജ്യമന്ത്രാലയം തയാറാക്കിയ 2,335 കോടി രൂപയുടെ പദ്ധതി ധനമന്ത്രാലയത്തിന്റെ ഉടക്കു മൂലം ചുവപ്പുനാടയില്‍ കുരുങ്ങി.

നാളികേരം, കുരുമുളക്, കാപ്പി, ഏലം, റബര്‍, കശുവണ്ടി എന്നിവയുടെ പുനര്‍കൃഷി പദ്ധതിയാണ് അനിശ്ചിതത്വത്തിലായത്. കഴിഞ്ഞ ബജറ്റിലെ പ്രഖ്യാപന പ്രകാരം രൂപം നല്‍കിയ പദ്ധതിക്ക് കേന്ദ്രമന്ത്രിസഭാ സാമ്പത്തികകാര്യ സമിതിയുടെ അനുമതി മാത്രമാണ് ബാക്കി.

4,760 കോടിയുടെ തേയില നിധിക്ക് സമാനമായ പദ്ധതിയില്‍ നാളികേര പുനര്‍കൃഷിക്ക് 1,350 കോടി രൂപ വകയിരുത്തിയിട്ടുണ്ട്. രാജ്യത്ത് എട്ടര ലക്ഷത്തിലധികം ഹെക്ടര്‍ നാളികേര കൃഷിയുള്ളതില്‍ പകുതിയോളം വിസ്തൃതിയില്‍ 10 കൊല്ലം കൊണ്ട് മോശം തെങ്ങുകള്‍ വെട്ടിമാറ്റി പുനര്‍കൃഷി നടത്താനാണ് പദ്ധതി ലക്ഷ്യമിടുന്നത്.

കുരുമുളകിന്റെ പുനര്‍കൃഷിക്ക് 300 കോടി മുടക്കാനും ലക്ഷ്യമിടുന്നു. ആകെയുള്ള 2.68 ലക്ഷത്തില്‍ ഒരു ലക്ഷം ഹെക്ടറില്‍ അഞ്ചുകൊല്ലം കൊണ്ട് പുതിയ കുരുമുളക് നടും. കാപ്പിക്ക് 180 കോടി, റബറിന് 323 കോടി, ഏലത്തിന് 122 കോടി, കശുവണ്ടിക്ക് 60 കോടി എന്നിങ്ങനെയാണ് തുക വകയിരുത്തിയിരിക്കുന്നത്. 69,000 ഹെക്ടര്‍ ഏലകൃഷിയില്‍ 65,000 ഹെക്ടറിലും പുനര്‍കൃഷി നടത്താനാണ് പരിപാടി.

ബജറ്റ് പ്രഖ്യാപനം നടത്തിയ ധനമന്ത്രി പി. ചിദംബരം തന്നെയാണ് അധികച്ചെലവിന്റെ പേരില്‍ അന്തിമ ഘട്ടത്തില്‍ പദ്ധതിക്ക് ഉടക്കിട്ടത്. പുതിയ ബജറ്റ് അവതരിപ്പിക്കാന്‍ സമയമായി വരുമ്പോഴും, ഒരു കൊല്ലം മുമ്പത്തെ പ്രഖ്യാപനം എന്ന് നടപ്പില്‍ വരുമെന്ന് വ്യക്തതയില്ല. വാണിജ്യമന്ത്രാലയത്തിന്റെ നടപടിക്രമങ്ങള്‍ നേരത്തെ തന്നെ പൂര്‍ത്തിയായിട്ടുണ്ടെന്നും മന്ത്രിസഭാ സാമ്പത്തികകാര്യ സമിതിയാണ് അന്തിമാനുമതി നല്‍കേണ്ടതെന്നും വാണിജ്യ സഹമന്ത്രി ജയ്റാം രമേശ് വാര്‍ത്താലേഖകരോട് വിശദീകരിച്ചു.

4,760 കോടി രൂപയുടെ പ്രത്യേക തേയില നിധി പദ്ധതി പ്രകാരമുള്ള പുനര്‍കൃഷി പരിപാടി പുരോഗമിക്കുകയാണെന്ന് മന്ത്രി പറഞ്ഞു. പദ്ധതി തുകയുടെ നാലിലൊന്നു വീതം കേന്ദ്ര സബ്സിഡിയും കര്‍ഷക വിഹിതവും ബാക്കി വായ്പയുമാണ്. ഇതേ മാതൃകയില്‍ തന്നെയാണ് മറ്റ് കാര്‍ഷിക വിളകള്‍ക്കുള്ള സഹായ പദ്ധതി. തേയില നിധി പദ്ധതിപ്രകാരം, പഴയ തേയിലച്ചെടി വെട്ടിമാറ്റി പുതിയത് നടുന്നതിന് കേരളത്തില്‍ നിന്ന് അപേക്ഷ കുറവാണെന്ന് മന്ത്രി പറഞ്ഞു. ഉയര്‍ന്ന ചെലവും തൊഴിലാളികളെ കിട്ടാനില്ലാത്തതുമാണ് കാരണം.

2. തമിഴ്നാട്ടില്‍നിന്ന് 10,000 ടണ്‍ അരി; പാല്‍ ഇറക്കുമതിക്കും ധാരണ
ചെന്നൈ: കേരളത്തിലെ ഭക്ഷ്യപ്രതിസന്ധി പരിഹരിക്കാനുള്ള നീക്കങ്ങളുടെ ഭാഗമായി തമിഴ്നാട്ടില്‍നിന്ന് 10,000 ടണ്‍ അരി ലഭ്യമാക്കാനും പാല്‍ ഇറക്കുമതി പുനരാരംഭിക്കാനും മന്ത്രിതല ചര്‍ച്ചയില്‍ ധാരണയായി. അരി സ്ഥിരമായി നല്‍കണമെന്നും കേരളം ആവശ്യപ്പെട്ടിട്ടുണ്ട്. ക്ഷീരോല്‍പാദനത്തിലും കോഴിവളര്‍ത്തലിലും സ്വയംപര്യാപ്തത കൈവരിക്കാനുള്ള കേരളത്തിന്റെ നീക്കങ്ങള്‍ക്കും തമിഴ്നാടിന്റെ സഹകരണം ഉറപ്പാക്കിയിട്ടുണ്ട്.

അരിവിലവര്‍ധനയും പാല്‍ക്ഷാമവും പരിഹരിക്കുന്നതിന് സംസ്ഥാന ഭക്ഷ്യമന്ത്രി സി. ദിവാകരന്‍ കഴിഞ്ഞ രണ്ടു ദിവസങ്ങളിലായി ചെന്നൈയിലാണ് തമിഴ്നാട് മന്ത്രിമാരുമായി ചര്‍ച്ച നടത്തിയത്. അരി ലഭ്യമാക്കുന്നതു സംബന്ധിച്ച് തമിഴ്നാട് ഭക്ഷ്യമന്ത്രി എ.വി. വേലുവുമായി നടത്തിയ ചര്‍ച്ച ഒരു മണിക്കൂര്‍ നീണ്ടു. എഫ്.സി.ഐ നിരക്കില്‍ 10,000 ടണ്‍ ചമ്പാ അരി (കുറുവ) നല്‍കണമെന്നായിരുന്നു കേരളത്തിന്റെ ആവശ്യം. ചമ്പാ അരിയുടെ വിളവെടുപ്പ് തുടങ്ങിയിട്ടുണ്ടെങ്കിലും തമിഴ്നാട്ടില്‍ ഇതിന് ഡിമാന്റ് കുറവാണ്. അളവിന്റെ കാര്യത്തില്‍ തമിഴ്നാട്ടില്‍നിന്ന് ഉറപ്പൊന്നും ലഭിച്ചില്ലെങ്കിലും അടുത്ത മാസത്തോടെ പരമാവധി അരി നല്‍കാമെന്ന് സമ്മതിച്ചിട്ടുണ്ട്. ഇതിന് മുഖ്യമന്ത്രി കരുണാനിധി ഔപചാരിക അനുമതി നല്‍കേണ്ടതുണ്ട്. അതിനായി കേരള മുഖ്യമന്ത്രി വി.എസ്. അച്യുതാനന്ദന്‍ കരുണാനിധിയുമായി ഫോണില്‍ ബന്ധപ്പെടുമെന്ന് സി. ദിവാകരന്‍ പിന്നീട് മാധ്യമപ്രവര്‍ത്തകരോട് പറഞ്ഞു. ചര്‍ച്ചയില്‍ ഇരുസംസ്ഥാനങ്ങളിലെയും ഭക്ഷ്യവകുപ്പ് സെക്രട്ടറിമാരും സിവില്‍ സപ്ലൈസ് കോര്‍പറേഷന്‍ മാനേജിംഗ് ഡയറക്ടര്‍മാരും പങ്കെടുത്തു.

തമിഴ്നാട് ക്ഷീരവികസനമന്ത്രി മതിവാണനുമായി സി. ദിവാകരന്‍ നടത്തിയ ചര്‍ച്ചയില്‍ തമിഴ്നാട്ടില്‍നിന്നുള്ള പാല്‍ ഇറക്കുമതി പുനരാരംഭിക്കുന്ന കാര്യത്തിലും ധാരണയിലെത്തി. കേരളത്തിന്റെ പ്രതിദിന ആവശ്യം എട്ടു ലക്ഷം ലിറ്റര്‍ പാലും ഉല്‍പാദനം ആറു ലക്ഷം ലിറ്ററുമാണ്. രണ്ടു ലക്ഷം ലിറ്ററിന്റെ കുറവാണുള്ളത്. തമിഴ്നാട്, ആന്ധ്ര, കര്‍ണാടക എന്നിവിടങ്ങളില്‍നിന്നുള്ള ഇറക്കുമതിയിലൂടെയാണ് ഇത് പരിഹരിക്കുന്നത്. നേരത്തേ കേരളത്തിന് പ്രതിദിനം ഒരു ലക്ഷം ലിറ്റര്‍ പാല്‍ നല്‍കിയിരുന്ന തമിഴ്നാട് ഏതാനും മാസങ്ങളായി പാലിന്റെ ഇറക്കുമതി ക്രമേണ കുറച്ചുകൊണ്ടുവന്ന് ഇപ്പോള്‍ പൂര്‍ണമായി നിര്‍ത്തിയിരിക്കുകയാണ്. പഴയതുപോലെ ഒരു ലക്ഷം ലിറ്റര്‍ പാല്‍ നല്‍കണമെന്ന ആവശ്യമാണ് കേരളം മുന്നോട്ടുവെച്ചത്. എന്നാല്‍ തമിഴ്നാട്ടിലും ഇപ്പോള്‍ പാല്‍ ഉല്‍പാദനത്തില്‍ പ്രതിസന്ധിയുണ്ടെന്നും ഈ മാസം അവസാനത്തോടെ പ്രശ്നം പരിഹരിക്കപ്പെടുമെന്ന് പ്രതീക്ഷയുണ്ടെന്നും മന്ത്രി മതിവാണന്‍ അറിയിച്ചു. ഇതിനുശേഷം കേരളത്തിന് പ്രതിദിനം ഒരു ലക്ഷം ലിറ്റര്‍ വീതം പാല്‍ നല്‍കാമെന്നും തമിഴ്നാട് മന്ത്രി ഉറപ്പുനല്‍കി. ചര്‍ച്ചയില്‍ മില്‍മ മാനേജിംഗ് ഡയറക്ടര്‍ പട്ജോഷി, ജനറല്‍ മാനേജര്‍ സതീശന്‍ എന്നിവരും പങ്കെടുത്തു.

ക്ഷീരോല്‍പാദനത്തിലും കോഴിവളര്‍ത്തലിലും തമിഴ്നാട് അനിമല്‍ ഹസ്ബന്‍ഡറി വകുപ്പിന്റെ സഹകരണത്തിന് സി. ദിവാകരനും തമിഴ്നാട് മൃഗസംരക്ഷണമന്ത്രി ഗീതാ ജീവനുമായി നടത്തിയ ചര്‍ച്ചയില്‍ ധാരണയായിട്ടുണ്ട്. കഴിഞ്ഞ വര്‍ഷം കേരളം തമിഴ്നാട് അനിമല്‍ ഹസ്ബന്‍ഡറി വകുപ്പില്‍നിന്ന് മൂന്നു കോടി രൂപക്കുള്ള ഹൈബ്രീഡ് ഇനം പശുക്കളെ ഇറക്കുമതി ചെയ്തിരുന്നു. ഈ വര്‍ഷം അഞ്ചു കോടി രൂപക്കുള്ള പശുക്കളെ ഇറക്കുമതി ചെയ്യും. തമിഴ്നാട്ടിലെ നാമക്കല്‍ മാതൃകയില്‍ കേരളത്തിലും കോഴിവ്യവസായം വികസിപ്പിച്ച് സ്വയംപര്യാപ്തത കൈവരിക്കാനും തമിഴ്നാട് സഹായം വാഗ്ദാനം ചെയ്തിട്ടുള്ളതായി മന്ത്രി അറിയിച്ചു.

3. സംവരണത്തിന് എതിരെ വിജ്ഞാന കമീഷന്‍
ന്യൂദല്‍ഹി: സാമുദായികാടിസ്ഥാനത്തിലുള്ള സംവരണത്തിന് ദേശീയ വിജ്ഞാന കമീഷന്റെ എതിര്‍പ്പ്. സാമുദായിക സംവരണത്തിനുപകരം എല്ലാവര്‍ക്കും തുല്യാവസരം ലഭ്യമാക്കുന്നതിലാണ് ഗവണ്‍മെന്റ് ശ്രദ്ധ കേന്ദ്രീകരിക്കേണ്ടതെന്ന് സാം പിത്രോഡ ചെയര്‍മാനായ കമീഷന്‍ അഭിപ്രായപ്പെട്ടു. പ്രധാനമന്ത്രി നിയമിച്ച ഉന്നതാധികാര ഉപദേശക സമിതിയാണ് ഡോ. ജയതിഘോഷ്, ഡോ. അശോക് ഗാംഗുലി, ഡോ. ദീപക് നയ്യാര്‍, നന്ദന്‍ നിലേകാനി, സുജാതാ രാമദുരൈ എന്നിവര്‍ അംഗങ്ങളായ കമീഷന്‍. കമീഷന്റെ രണ്ടാം റിപ്പോര്‍ട്ട് ഇന്നലെ പ്രധാനമന്ത്രിക്ക് സമര്‍പ്പിച്ചു.

സംവരണ കാര്യത്തില്‍ തങ്ങളുടെ പഴയ നിലപാടില്‍ മാറ്റമില്ല. ഈ നിലപാട് തള്ളണോ കൊള്ളണോ എന്ന കാര്യം ഗവണ്‍മെന്റിന് തീരുമാനിക്കാം ^സാംപിത്രോഡ വ്യക്തമാക്കി.
സംവരണമാണ് പരിഹാരമാര്‍ഗം എന്ന് ഞങ്ങള്‍ കരുതുന്നില്ലെന്ന് അദ്ദേഹത്തോടൊപ്പമുണ്ടായിരുന്ന കമീഷന്‍ അംഗം ജയതിഘോഷ് അഭിപ്രായപ്പെട്ടു. സ്കൂള്‍ സൌകര്യങ്ങള്‍ വര്‍ധിപ്പിക്കുകയും ഉന്നതവിദ്യാഭ്യാസ സൌകര്യങ്ങള്‍ വ്യാപിപ്പിക്കുകയുമാണ് വേണ്ടതെന്ന് അവര്‍ കൂട്ടിച്ചേര്‍ത്തു. അമ്പത് ശതമാനമേ സംവരണം പാടുള്ളൂ എന്ന് ഹൈക്കോടതിയും പറഞ്ഞിട്ടുണ്ടെന്ന് അവര്‍ ചൂണ്ടിക്കാട്ടി.

വിദ്യാഭ്യാസ സ്ഥാപനങ്ങളുടെ നിയന്ത്രണത്തില്‍ അഴിച്ചുപണി വേണമെന്ന് വിജ്ഞാന കമീഷന്‍ പ്രധാനമന്ത്രിക്ക് സമര്‍പ്പിച്ച റിപ്പോര്‍ട്ടില്‍ ശിപാര്‍ശ ചെയ്തു. അതോടൊപ്പം, അവയുടെ നിലവാരം നിശ്ചയിക്കാന്‍ സ്വതന്ത്രമായ റേറ്റിംഗ് സംവിധാനങ്ങള്‍ ഉണ്ടാകണമെന്നും ശിപാര്‍ശയുണ്ട്.
യു.ജി.സി, ബാര്‍കൌണ്‍സില്‍, മെഡിക്കല്‍ കൌണ്‍സില്‍ തുടങ്ങിയ നിയന്ത്രണ ഏജന്‍സികള്‍ ഇപ്പോള്‍തന്നെ അമിതഭാരത്താല്‍ ബുദ്ധിമുട്ടുകയാണെന്ന് മാധ്യമപ്രവര്‍ത്തകരുമായി സംസാരിക്കവെ പിത്രോഡ ചൂണ്ടിക്കാട്ടി.
കമീഷന്റെ പ്രവര്‍ത്തനം ജില്ല, സംസ്ഥാനതലത്തിലേക്ക് നീങ്ങുകയാണെന്ന് അദ്ദേഹം അറിയിച്ചു. പതിനൊന്നാം പദ്ധതിയില്‍ നിര്‍ദേശിക്കുന്ന തരത്തിലുള്ള സംവിധാനങ്ങള്‍ വിദ്യാഭ്യാസ സ്ഥാപനങ്ങളില്‍ സൃഷ്ടിക്കുകയാണ് ഇതില്‍ ഉദ്ദേശിക്കുന്നത്. ഇതിനായി 17 സംസ്ഥാനങ്ങളുമായി കമീഷന്‍ ചര്‍ച്ച നടത്തി.

ഇപ്പോള്‍ പ്രധാനമന്ത്രിക്ക് സമര്‍പ്പിച്ച രണ്ടാം റിപ്പോര്‍ട്ടില്‍ നിയമം, ആരോഗ്യം, മാനേജ്മെന്റ് വിദ്യാഭ്യാസം, ബൌദ്ധികാവകാശം, പാരമ്പര്യ ആരോഗ്യം എന്നീ മേഖലകളാണ് ഉള്‍ക്കൊള്ളിച്ചിരിക്കുന്നത്. നിയമവിദ്യാഭ്യാസത്തിന്റെ എല്ലാ വശങ്ങളെയും നിയന്ത്രിക്കാന്‍ കഴിയുംവിധം ശക്തമായ ഒരു നിയന്ത്രണ സംവിധാനം ഉണ്ടാകണമെന്നും കമീഷന്‍ ശിപാര്‍ശ ചെയ്തിട്ടുണ്ട്. കേന്ദ്ര, സംസ്ഥാന ഗവണ്‍മെന്റുകളുടെ കീഴിലുള്ള എല്ലാ നിയമപഠന സ്ഥാപനങ്ങളും ഇതിന്റെ നിയന്ത്രണത്തിലാകും.

ഡോക്ടര്‍മാര്‍ക്ക് തൊഴില്‍ ലൈസന്‍സ് കൊടുക്കുന്നതിനും പരീക്ഷകള്‍ നടത്തുന്നതിനും മെഡിക്കല്‍ കൌണ്‍സിലിനുള്ള അധികാരങ്ങള്‍ പരിമിതപ്പെടുത്തുന്നതിന് ഇന്ത്യന്‍ മെഡിക്കല്‍ കൌണ്‍സില്‍ ആക്ട് ഭേദഗതി ചെയ്യണമെന്നതാണ് കമീഷന്റെ മറ്റൊരു ശിപാര്‍ശ. ഇത് സ്വാശ്രയ മെഡിക്കല്‍ കോളജുകളെ നിയന്ത്രിക്കാനുള്ള മെഡിക്കല്‍ കൌണ്‍സിലിന്റെ അധികാരം ഇല്ലായ്മ ചെയ്യും.

വിവരസാങ്കേതിക വിദ്യ, ബൌദ്ധിക സ്വത്തവകാശം എന്നീ മേഖലകളില്‍ പൊളിച്ചെഴുത്ത് നടത്തുന്നതിനുതകുന്ന ഏതാനും ശിപാര്‍ശകളും ഇക്കൂട്ടത്തിലുണ്ട്. 20 വിഷയങ്ങളില്‍ 160 നടപടികള്‍ക്കാണ് കമീഷന്‍ ശിപാര്‍ശ ചെയ്തിരിക്കുന്നത്. കമീഷന്റെ ശിപാര്‍ശകള്‍ സ്വീകരിക്കപ്പെടുന്നതിന്റെ തെളിവാണ് 11ാം പദ്ധതിയില്‍ വിദ്യാഭ്യാസത്തിന് 30,000 കോടി രൂപ വകയിരുത്തിയതെന്ന് സാംപിത്രോഡ പറഞ്ഞു.

4. കണ്ണൂര്‍ വിമാനത്താവള പദ്ധതിയില്‍ ബി.ഒ.ടി വ്യവസ്ഥ അട്ടിമറിച്ചു
ന്യൂദല്‍ഹി: കണ്ണൂര്‍ വിമാനത്താവളം ബി.ഒ.ടി വ്യവസ്ഥയിലോ നെടുമ്പാശേരി മാതൃകയില്‍ പൊതുജന, പൊതുസ്ഥാപന പങ്കാളിത്തമുള്ള കമ്പനി രൂപവത്കരിച്ചോ നിര്‍മിക്കണമെന്ന നിര്‍ദേശം വ്യവസായ ലോബിയുടെ സമ്മര്‍ദത്തിനിടയില്‍ അട്ടിമറിക്കപ്പെട്ടു.

സര്‍ക്കാറിന് നാലിലൊന്ന് പങ്കാളിത്തം മാത്രമുള്ള സംയുക്ത സംരംഭം തുടങ്ങി വിമാനത്താവളം നിര്‍മിക്കാനുള്ള തീരുമാനം ഇതിന്റെ ഫലമാണ്. കണ്ണൂരിന് വിമാനത്താവളം വേണമെന്ന ആവശ്യത്തിന് വര്‍ഷങ്ങളുടെ പഴക്കമുണ്ടെങ്കില്‍, നിര്‍മാണം സ്വന്തംനിലക്ക് നടത്താന്‍ വരെ താല്‍പര്യം പ്രകടിപ്പിച്ച് അക്കാലം മുതല്‍ പ്രമുഖ ഹോട്ടല്‍^വ്യവസായ ശൃംഖലയായ ലീലാഗ്രൂപ്പിനെ നയിക്കുന്ന കണ്ണൂര്‍ സ്വദേശി ക്യാപ്ടന്‍ കൃഷ്ണന്‍ നായര്‍ സജീവമായി രംഗത്തുണ്ടായിരുന്നു. എ.കെ ആന്റണി മുഖ്യമന്ത്രിയായിരുന്ന സമയത്ത് കൊച്ചിയില്‍ നടന്ന നിക്ഷേപക സംഗമത്തില്‍ ലീലാ ഗ്രൂപ്പും സംസ്ഥാന സര്‍ക്കാറുമായി വിമാനത്താവള നിര്‍മാണത്തിന് ധാരണാപത്രം ഒപ്പിടുന്നുവെന്ന ഘട്ടം വരെ എത്തിയിരുന്നു.

പിന്നെയും മന്ദീഭവിച്ചുപോയ വിമാനത്താവള നിര്‍മാണത്തിന് വേണ്ടിയുള്ള ശ്രമങ്ങള്‍ ഉമ്മന്‍ചാണ്ടി മുഖ്യമന്ത്രിയായപ്പോള്‍ സജീവമാക്കി. സ്വകാര്യമേഖലയില്‍ നിര്‍മിച്ച് നിശ്ചിതകാലം പ്രവര്‍ത്തിപ്പിച്ച് സര്‍ക്കാറിലേക്ക് കൈമാറുന്ന ബി.ഒ.ടി വ്യവസ്ഥ പ്രകാരം വിമാനത്താവളം നിര്‍മിക്കുന്നതിന്റെ സാധ്യത ആരായാന്‍ 2004 നവംബര്‍ 24ന് നടന്ന സംസ്ഥാന മന്ത്രിസഭാ യോഗം തത്വത്തില്‍ തീരുമാനിച്ചിരുന്നു. അതിന് ശേഷം ഇടതുമുന്നണി അധികാരത്തില്‍ വന്നപ്പോള്‍ നെടുമ്പാശേരി മാതൃകയില്‍ സര്‍ക്കാര്‍ നിയന്ത്രണമുള്ള കമ്പനി ഉണ്ടാക്കി നിര്‍മാണം നടത്തുന്നതിനോടായിരുന്നു താല്‍പര്യം. ഇതിനൊപ്പം ബി.ഒ.ടി വ്യവസ്ഥയും അഭികാമ്യമായി ചര്‍ച്ച ചെയ്യപ്പെട്ടു.

എന്നാല്‍ ശാശ്വതമായി സ്വകാര്യ ഗ്രൂപ്പിന് നിയന്ത്രണമുള്ള വിമാനത്താവളം കണ്ണൂരില്‍ നിര്‍മിക്കുന്നതിനുള്ള അന്തിമാനുമതിയാണ് ഏറ്റവുമൊടുവില്‍ ഉണ്ടായിരിക്കുന്നത്. നിര്‍മിച്ച് പ്രവര്‍ത്തിപ്പിച്ച് കൈമാറുക എന്നതിന് പകരം, നിര്‍മിച്ച് സ്വന്തമാക്കി പ്രവര്‍ത്തിപ്പിക്കുക എന്ന വ്യവസ്ഥയാണ് ഇപ്പോഴുള്ളത്. ബി.ഒ.ടി വ്യവസ്ഥ പ്രകാരം 30 വര്‍ഷത്തേക്ക് പ്രവര്‍ത്തിപ്പിച്ച് സര്‍ക്കാറിലേക്ക് കൈമാറുന്നതാണ് നിലവിലെ രീതി. വേണമെങ്കില്‍ മറ്റൊരു 30 വര്‍ഷം കൂടി സര്‍ക്കാറിന് നീട്ടിക്കൊടുക്കാം. എന്നാല്‍ കണ്ണൂര്‍ വിമാനത്താവളത്തില്‍ വര്‍ഷമെത്ര കഴിഞ്ഞാലും ഇന്നത്തെ നിലക്ക് സര്‍ക്കാറിനോ പൊതുജനങ്ങള്‍ക്കോ സ്വാധീനമുണ്ടാവില്ല.

പുതിയ വിമാനത്താവളങ്ങള്‍ നിര്‍മിക്കുന്ന കാര്യത്തില്‍ നെടുമ്പാശേരി രീതി സ്വീകരിക്കുന്നതാണ് ഉചിതമെന്ന് വ്യോമയാന പാര്‍ലമെന്ററി സ്റ്റാന്‍ഡിംഗ് കമ്മിറ്റി മുന്‍പ് ശിപാര്‍ശ ചെയ്തിരുന്നു. സി.പി.എം നേതാവ് നീലോല്‍പല്‍ ബസു നയിച്ച സമിതിയായിരുന്നു ഇത്. നെടുമ്പാശേരി വിമാനത്താവളത്തിലെ സ്വകാര്യ പങ്കാളിത്ത പ്രശ്നമുയര്‍ത്തി പ്രക്ഷോഭം നയിച്ച സി.പി.എം, സ്വന്തം സര്‍ക്കാറിന്റെ നേതൃത്വത്തില്‍ വിമാനത്താവള നിയന്ത്രണം സ്വകാര്യ ഗ്രൂപ്പിന്റെ കൈയില്‍ ഏല്‍പിച്ചു കൊടുക്കുന്നതാണ് കണ്ണൂരില്‍ സംഭവിക്കുന്നത്.

വിമാനത്താവള നിര്‍മാണം 650 കോടി രൂപക്ക് തീര്‍ക്കാന്‍ കഴിയുമെന്ന് പദ്ധതി ചര്‍ച്ചാ ഘട്ടത്തില്‍ നിന്നപ്പോള്‍ ലീലാഗ്രൂപ്പ് ചെയര്‍മാന്‍ ക്യാപ്ടന്‍ കൃഷ്ണന്‍നായര്‍ തന്നെ ഒരിക്കല്‍ അഭിപ്രായപ്പെട്ടിട്ടുണ്ട്. സിങ്കപ്പൂരിലെ ചാങ്ഗി എയര്‍പോര്‍ട്ടിനെക്കൂടി പങ്കാളിയാക്കുന്ന നിര്‍ദേശവും അദ്ദേഹം മുന്നോട്ടു വെച്ചിരുന്നു. കൃഷ്ണന്‍ നായര്‍ പറഞ്ഞ 650 കോടിക്കും അപ്പുറം 930 കോടിയില്‍ എത്തിനില്‍ക്കുകയാണ് സര്‍ക്കാര്‍ എസ്റ്റിമേറ്റ്.

5. വിമാനത്താവളത്തിനെതിരെ കര്‍ണാടക ലോബി കരുനീക്കുന്നു
കണ്ണൂര്‍: ഉത്തരമലബാറിന്റെ ചിരകാലാഭിലാഷമെന്ന നിലയില്‍ കഴിഞ്ഞദിവസം കേന്ദ്രസര്‍ക്കാര്‍ അംഗീകാരം നല്‍കിയ കണ്ണൂര്‍ വിമാനത്താവളത്തിനെതിരെ കര്‍ണാടക ലോബി അണിയറ നീക്കം ശക്തിപ്പെടുത്തി. മംഗലാപുരം വിമാനത്താവള വികസനവും മൈസൂരില്‍ ഒരു മിനി വിമാനത്താവള പദ്ധതിയും മുന്നില്‍ക്കണ്ടാണിത്. കണ്ണൂര്‍ വിമാനത്താവളത്തിന്റെ സാമ്പത്തിക ഘടനയും വരുമാനവും പുന:പരിശോധിക്കണമെന്നാവശ്യപ്പെട്ട് ദക്ഷിണ കാനറയിലെ ചില എം.പിമാര്‍ കേന്ദ്ര സര്‍ക്കാറിനെ സമീപിക്കുമെന്നാണ് സൂചന.

കണ്ണൂര്‍ വിമാനത്താവളം യാഥാര്‍ഥ്യമാവുന്നതോടെ കാസര്‍കോട് ജില്ലയിലെയും കുടകിലെയും യാത്രക്കാരും വ്യാപാര മേഖലയും മംഗലാപുരത്തുനിന്ന് അകലുമെന്നുറപ്പാണ്. 2000ല്‍ കണ്ണൂര്‍ വിമാനത്താവളത്തിന്റെ പ്രോജക്ട് റിപ്പോര്‍ട്ട് പുറത്തുവന്നതോടെയാണ് മംഗലാപുരം ബജ്പെ വിമാനത്താവള വികസന പദ്ധതിക്ക് കര്‍ണാടക സര്‍ക്കാര്‍ കേന്ദ്രത്തില്‍ സമര്‍ദം ചെലുത്തിയത്. 2003ല്‍ കണ്ണൂര്‍ വിമാനത്താവളം കൊച്ചി ഗ്ലോബല്‍ മീറ്റില്‍ ഉള്‍പ്പെടുത്തി സ്വകാര്യപങ്കാളിത്തം ഉറപ്പാക്കിയതോടെ മംഗലാപുരത്തിന്റെ വികസന പദ്ധതി ത്വരിതപ്പെടുത്തി.

അതുവരെചെറുകിട വിമാനങ്ങള്‍ മാത്രം സര്‍വീസ് നടത്തിയ ബജ്പെക്ക് അന്താരാഷ്ട്ര പദവി നല്‍കി വികസിപ്പിക്കാനുള്ള നീക്കം ഏറെക്കുറെ വിജയിച്ചു. ഏഴുമാസം മുമ്പ് ഗള്‍ഫ് വിമാന സര്‍വീസ് നേരിട്ട് ആരംഭിക്കുകയും ചെയ്തു. സൌദി, കുവൈത്ത് ഒഴികെയുള്ള മിക്ക ഗള്‍ഫ് രാജ്യങ്ങളിലേക്കും ഇവിടെനിന്ന് ഇപ്പോള്‍ സര്‍വീസുണ്ട്. കണ്ണൂര്‍ വിമാനത്താവളം ഇതിന് കനത്ത തിരിച്ചടിയാണ്.
മംഗലാപുരം നഗരത്തില്‍നിന്ന് 21 കിലോമീറ്റര്‍ ദൂരമുള്ള ബജ്പെയില്‍നിന്ന് മാറി 16 കിലോമീറ്റര്‍ അകലെയുള്ള കെന്‍ജാറില്‍ പുതിയ റണ്‍വേ നിര്‍മാണം തുടങ്ങിയിട്ടുണ്ട്. ഈ വര്‍ഷം ആഗസ്റ്റില്‍ പൂര്‍ത്തിയാവുമെന്നാണ് നേരത്തെ അറിയിച്ചത്. തുറമുഖ നഗരമെന്ന നിലയില്‍ മംഗലാപുരത്തേക്കുള്ള കാര്‍ഗോ സര്‍വീസ്കൂടി മുന്നില്‍കണ്ടുള്ളതാണ് നിലവിലെ വിമാനത്താവളം. മംഗലാപുരത്തെ യാത്രക്കാരില്‍ 35 ശതമാനവും കേരളത്തില്‍നിന്നുള്ളവരാണ്.

സ്വകാര്യ ഘടനയെക്കുറിച്ചും പദ്ധതി അടങ്കലിനെക്കുറിച്ചും സംശയമുയര്‍ന്നിട്ടുണ്ടെങ്കിലും കണ്ണൂര്‍ വിമാനത്താവളം ഉത്തരമലബാറിന്റെ വികസനത്തില്‍ നിര്‍ണായക സൂചികയാണെന്നതില്‍ സംശയമില്ല. 300 കോടിയുടെ കൈത്തറി തുണിത്തരങ്ങള്‍ കയറ്റുമതി ചെയ്യുന്ന ജില്ലയാണ് കണ്ണൂര്‍. ഇത് 600^700 കോടി എന്ന നിലയില്‍ പുഷ്പിച്ചുനിന്ന കാലമുണ്ടായിരുന്നു. ഇതുപോലൊരു കൈത്തറി സംരംഭം കേരളത്തിലെ മറ്റ് ജില്ലകളിലില്ല.വിമാനത്താവളം കൈത്തറി വ്യവസായത്തിന്റെ വന്‍കുതിപ്പിന് കാരണമാവും. കുടക് മേഖലയുമായി ബന്ധപ്പെട്ടു കിടക്കുന്ന കണ്ണൂരിലെ മരവ്യവസായത്തിന്റെയും മറ്റ് അനുബന്ധ സംരംഭങ്ങളുടെയും വളര്‍ച്ചക്കും വഴിതുറക്കും. ഏഴിമല നാവിക അക്കാദമി നേരത്തെ പ്രഖ്യാപിച്ച പൂര്‍ണരൂപത്തില്‍ നടപ്പാകാത്തതിന്റെ കാരണം വിമാനത്താവളത്തിന്റെ അഭാവമായിരുന്നു. അക്കാദമി കൂടുതല്‍ വികസിക്കാന്‍ വിമാനത്താവളം ഉപകരിക്കും.

കണ്ണൂര്‍, കാസര്‍കോട് ജില്ലകളില്‍നിന്നുള്ള വിദേശ യാത്രക്കാരുടെ എണ്ണം ദിനംപ്രതി വര്‍ധിക്കുകയാണ്. കോഴിക്കോട് പാസ്പോര്‍ട്ട് ഓഫീസ് വിഭജിച്ച് മലപ്പുറം പാസ്പോര്‍ട്ട് ഓഫീസ് രണ്ടുവര്‍ഷം മുമ്പ് നിലവില്‍വന്നശേഷം കോഴിക്കോട്ട് ഏറ്റവും കൂടുതല്‍ അപേക്ഷകളുള്ളത് കണ്ണൂര്‍, കാസര്‍കോട് ജില്ലകളില്‍നിന്നാണ്. അതുകൊണ്ടുതന്നെ കണ്ണൂരില്‍ പാസ്പോര്‍ട്ട് ഓഫീസ് തുടങ്ങണമെന്ന ആവശ്യം ഉയര്‍ന്നുകഴിഞ്ഞു. അത്രത്തോളം വിദേശയാത്രക്കാരുടെ എണ്ണം പെരുകിയ ഒരു മേഖലയെന്ന നിലയില്‍ കണ്ണൂര്‍ വിമാനത്താവളം അനിവാര്യമായ പദ്ധതിയാണെന്നതില്‍ തര്‍ക്കമില്ല.

76 ശതമാനം സ്വകാര്യ മേഖലക്ക് പങ്കാളിത്തമുള്ള പദ്ധതിയില്‍ റിയല്‍എസ്റ്റേറ്റ് മാഫിയയെ സഹായിക്കാനാണ് ഭൂമി സര്‍ക്കാര്‍ ഏറ്റെടുക്കുന്നതെന്ന ആരോപണവുമായി ഒരുവിഭാഗം രംഗത്തുണ്ട്. സ്വകാര്യഘടനയെക്കുറിച്ച വിവാദത്തിനിടെ ഇന്നലെ ചേര്‍ന്ന സി.പി.എം കണ്ണൂര്‍ ജില്ലാ സമ്മേളനം ഇതുസംബന്ധിച്ച പ്രമേയത്തില്‍ പുതിയ നിര്‍ദേശമാണ് മുന്നോട്ടുവെച്ചത്. നെടുമ്പാശേãരി മാതൃകയില്‍ സംസ്ഥാന സര്‍ക്കാറിന് നേതൃത്വവും മുന്‍കൈയുമുള്ള കമ്പനിയാണ് രൂപവത്കരിക്കേണ്ടതെന്നാണ് സമ്മേളനത്തിന്റെ ആവശ്യം.
അതിനിടെ, വിമാനത്താവളത്തിന് പഴശãിരാജയുടെ പേരിടണമെന്ന് ഒരുവിഭാഗം ആവശ്യപ്പെട്ടിട്ടുണ്ട്. എ.കെ.ജിയുടെ നാമധേയമാണ് സി.പി.എം ആഗ്രഹിക്കുന്നത്. എന്നാല്‍ വിമാനത്താവളത്തിന്റെ ഘടനയെയും പേരിനെയുംകുറിച്ച വിവാദമുയര്‍ത്തി പദ്ധതി നഷ്ടപ്പെടുത്തരുതെന്നാണ് പൊതുവെ ഉയര്‍ന്ന ആവശ്യം.

6. മിച്ചഭൂമിയില്‍ ഞങ്ങള്‍ക്ക് 300, നിങ്ങള്‍ക്ക് 70; തൊഴിലാളിക്ക് 30
തൊടുപുഴ: എച്ച്.എം.ടി ഭൂമി കുംഭകോണത്തില്‍ എച്ച്.എം.ടിക്കൊപ്പം സര്‍ക്കാറും രാഷ്ട്രീയ നേതാക്കളും തൊഴിലാളി യൂനിയനുകളും പ്രതിക്കൂട്ടില്‍.
എച്ച്.എം.ടിയില്‍ നിന്ന് ഭൂപരിഷ്കരണ നിയമപ്രകാരം സര്‍ക്കാര്‍ ഏറ്റെടുത്ത 400 ഏക്കറില്‍ 300 ഏക്കര്‍ ഞങ്ങള്‍ക്ക്, 70 ഏക്കര്‍ നിങ്ങള്‍ക്ക്, തൊഴിലാളിക്ക് 30 ഏക്കറും, സ്വകാര്യ നിയമ പഠനകേന്ദ്രത്തിന് പത്തേക്കറും എന്ന രീതിയിലാണ് പദ്ധതിക്ക് ചരട് വലിച്ചവര്‍ ഭൂമി വീതം വെച്ചതെന്നാണ് രേഖകള്‍ തെളിയിക്കുന്നത്.

എച്ച്.എം.ടിക്ക് വ്യവസായ യൂനിറ്റ് തുടങ്ങാന്‍ 878 ഏക്കര്‍ ഭൂമിയാണ് വില ഈടാക്കാതെ 1972 ല്‍ സംസ്ഥാന സര്‍ക്കാര്‍ കളമശേãരിയില്‍ ഏറ്റെടുത്ത് നല്‍കിയത്. കേന്ദ്ര സര്‍ക്കാര്‍ സ്ഥാപനം എന്ന നിലയില്‍ ഭൂപരിധി നിയമത്തില്‍നിന്ന് മുഴുവന്‍ ഭൂമിയും ഒഴിവാക്കി. ’76 ജൂലൈ 31 ന് ലാന്റ് ബോര്‍ഡ് ഇതുസംബന്ധിച്ച നടപടികള്‍ അവസാനിപ്പിച്ചു. എന്നാല്‍, ഇത് ശരിയായ നടപടിയുടെ അടിസ്ഥാനത്തിലല്ലാത്തതിനാല്‍ മിച്ചഭൂമി സറണ്ടര്‍ ചെയ്യാന്‍ വീണ്ടും കമ്പനിക്ക് നോട്ടീസ് നല്‍കി. കമ്പനിയും സര്‍ക്കാറും തമ്മില്‍ നടന്ന ചര്‍ച്ചയില്‍ 781 ഏക്കര്‍ ഭൂമി മിച്ചഭൂമിയില്‍ നിന്ന് ഒഴിവാക്കി ’91 ജൂലൈ 29 ന് റവന്യൂ വകുപ്പ് ഉത്തരവിട്ടു. ഒഴിവാക്കിക്കൊടുത്ത ഭൂമി ഉപയോഗിക്കാത്തതിനാല്‍ വീണ്ടും മിച്ചഭൂമി ഏറ്റെടുക്കാന്‍ എച്ച്.എം.ടിക്ക് നോട്ടീസ് നല്‍കി. മിച്ചഭൂമി ഏറ്റെടുക്കാന്‍ വ്യവസായ വകുപ്പ് ഉത്തരവും കൊടുത്തു. ഇതിനെതിരെ എച്ച്.എം.ടി ഹൈക്കോടതിയില്‍ കേസ് ഫയല്‍ ചെയ്തു.

തുടര്‍ന്ന് ചര്‍ച്ചയുടെ അടിസ്ഥാനത്തില്‍ 300 ഏക്കര്‍ സര്‍ക്കാറിന് വിട്ടുകൊടുക്കാനും നൂറ് ഏക്കര്‍ മിച്ചഭൂമി കമ്പനിക്ക് കൊടുക്കാനും ധാരണയായി. എന്നാല്‍, ഇത് 400 ഏക്കര്‍ ഭൂമിയുടെ കാര്യം മാത്രമാണെന്നും ഒറിജിനല്‍ നോട്ടിഫിക്കേഷന്‍ പ്രകാരം 781 ഏക്കര്‍ മിച്ചഭൂമിയായി ഉണ്ടെന്നുമുള്ള വസ്തുതയുടെ അടിസ്ഥാനത്തില്‍ ബാക്കി മിച്ചഭൂമി സറണ്ടര്‍ ചെയ്യാന്‍ 2002 മാര്‍ച്ച് 21 ന് താലൂക്ക് ലാന്റ് ബോര്‍ഡ് വീണ്ടും കമ്പനിക്ക് നോട്ടീസ് നല്‍കി. എച്ച്.എം.ടി ഇതിനെതിരെ ഒബ്ജക്ഷന്‍ ഫയല്‍ ചെയ്തു. തുടര്‍ന്ന് 251 ഏക്കര്‍ ഭൂമികൂടി മിച്ചഭൂമിയായി ഏറ്റെടുക്കാന്‍ 2002 ഏപ്രില്‍ 27ന് താലൂക്ക് ലാന്റ് ബോര്‍ഡ് ഉത്തരവിട്ടു.കണയന്നൂര്‍ തഹസില്‍ദാര്‍ ഭൂമി ഏറ്റെടുത്തു. ഇതിനെതിരെ എച്ച്.എം.ടി ഹൈക്കോടതിയില്‍ കേസ് ഫയല്‍ ചെയ്തു. ഈ കേസ് നിലനില്‍ക്കെയാണ് നൂറേക്കറില്‍ 70 ഏക്കര്‍ എച്ച്.എം.ടി അധികൃതര്‍ ബ്ലൂസ്റ്റാര്‍ റിയല്‍റ്റേഴ്സിന് വില്‍പന നടത്തിയത്. ഇതിന്റെ പോക്കുവരവാണ് റവന്യൂ വകുപ്പ് തടഞ്ഞത്.
എച്ച്.എം.ടിയില്‍ നിന്ന് ഏറ്റെടുത്ത 300 ഏക്കറില്‍ സംയുക്ത സംരംഭ പങ്കാളിയെ കണ്ടെത്തി സംയോജിത വ്യവസായ സമുച്ചയം സ്ഥാപിക്കുന്നതിന് 99 മേയില്‍ സര്‍ക്കാര്‍ തീരുമാനിച്ചിരുന്നു.ഇതിനായി 250 ഏക്കര്‍ കിന്‍ഫ്രക്ക് കൈമാറി. പത്തേക്കര്‍ സ്ഥലം കൊച്ചിയിലെ സ്വകാര്യ നീതിന്യായ പഠനകേന്ദ്രത്തിന് 90 വര്‍ഷത്തെ പാട്ടത്തിന് പാട്ടക്കരമില്ലാതെ കൈമാറി. കുറച്ച് സ്ഥലം കൊച്ചി സഹകരണ മെഡിക്കല്‍ കോളജിനും നല്‍കി.

മിച്ചഭൂമിയില്‍പെട്ട 250 ഏക്കറില്‍ സ്വകാര്യ പങ്കാളിയെ കണ്ടെത്താത്തതിനെ തുടര്‍ന്ന് വി.എസ് സര്‍ക്കാര്‍ ബയോടെക്നോളജി, ആഭരണ, ഐ.ടി സെസുകള്‍ സ്ഥാപിക്കുന്നതിന്റെ പേരില്‍ റിയല്‍ എസ്റ്റേറ്റ് ഗ്രൂപ്പുകള്‍ക്ക് പ്രതിഫലവും കൃത്യമായ വ്യവസ്ഥയും കൂടാതെ കൈമാറി. ഭൂമി നല്‍കിയതിന് പ്രതിഫലമായി എച്ച്.എം.ടിക്ക് സംസ്ഥാന സര്‍ക്കാര്‍ കനിഞ്ഞ നൂറേക്കറില്‍ 70 ഏക്കര്‍ ഇന്നലെ മുതല്‍ ഐ.ടി സൈബര്‍ സിറ്റിയുടെ മറവില്‍ റിയല്‍ എസ്റ്റേറ്റ് ഗ്രൂപ്പിന് സ്വന്തവുമായി.
ഇതിനെല്ലാം കൂട്ടുനിന്ന വ്യവസായ തൊഴിലാളികള്‍ക്ക് വീടുവെക്കാന്‍ 30 ഏക്കറും കിട്ടിയിരിക്കുകയാണ്.

1. മില്‍മ: ടോണ്‍ഡ് ബ്രാന്‍ഡുകള്‍ വിപണിയില്‍
തിരുവനന്തപുരം: മില്‍മ റിച്ച് നിര്‍ത്തലാക്കിയതോടെ ഇന്നലെ പൂര്‍ണമായും ടോണ്‍ഡ്, ഡബിള്‍ ടോണ്‍ഡ് ബ്രാന്‍ഡുകള്‍ വിപണിയില്‍ എത്തി. തിരുവനന്തപുരം മേഖലയ്ക്കു കീഴില്‍ മാത്രം 1,88,000 ലിറ്റര്‍ പാലാണ് ഇന്നലെ വിറ്റഴിഞ്ഞത്.  ഭക്ഷ്യമന്ത്രി സി. ദിവാകരന്‍ ചെന്നൈയില്‍ നടത്തുന്ന ചര്‍ച്ചകളുടെ ഫലം അടുത്ത ആഴ്ചയോടെയേ വ്യക്തമാവുകയുള്ളൂ. പ്രതിദിനം ഒരുലക്ഷം ലിറ്റര്‍ പാല്‍ കേരളത്തിനു തമിഴ്നാട്ടില്‍നിന്നു ലഭിക്കുമെന്നാണു തന്റെ പ്രതീക്ഷയെന്ന് സി. ദിവാകരന്‍ ചര്‍ച്ചകള്‍ക്കുശേഷം പറഞ്ഞിരുന്നു. നിലവിലെ 20,000 ലിറ്റര്‍ ഒരുലക്ഷം ലിറ്ററായി വര്‍ധിപ്പിക്കുമ്പോള്‍, കേരളത്തിലെ കുറവു നേരിയ തോതിലെങ്കിലും പരിഹരിക്കപ്പെടും. എങ്കിലും ആഭ്യന്തര ഉല്‍പാദനം വര്‍ധിപ്പിക്കാതെ കേരളത്തിനു പിടിച്ചു നില്‍ക്കാന്‍ സാധിക്കില്ലെന്ന നിലപാടിലാണു മില്‍മ അധികൃതര്‍. പാല്‍ ഇറക്കുമതി മൂലമുള്ള നഷ്ടം സര്‍ക്കാര്‍ നികത്തുക, അല്ലെങ്കില്‍ വില കൂട്ടുക എന്ന മില്‍മയുടെ നിലപാട് അവര്‍ ആവര്‍ത്തിക്കുന്നു.

2. പറക്കുളത്ത് റസിഡന്‍ഷ്യല്‍ സ്കൂളില്‍ ഭക്ഷ്യവിഷബാധ; 6 കുട്ടികള്‍ ആശുപത്രിയില്‍
കുമരനെല്ലൂര്‍: പറക്കുളം മോഡല്‍ റസിഡന്‍ഷ്യല്‍ സ്കൂളിലെ മുപ്പതോളം വിദ്യാര്‍ഥികള്‍ക്കു ഭക്ഷ്യവിഷബാധയെത്തുടര്‍ന്നു ചികില്‍സ നല്‍കി. ആറുപേരെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചയോടെ വയറുവേദനയും വയറിളക്കവും അനുഭവപ്പെട്ട കുട്ടികളെ സ്കൂള്‍ അധികൃതര്‍ തന്നെയാണ് എടപ്പാളിലെ സ്വകാര്യ ആശുപത്രിയില്‍ എത്തിച്ചത്. കൂടുതല്‍ അവശരായ സ്വാതി, നീതുകൃഷ്ണ, വിനി, ശിവരശ്മി, ചിത്ര, അശ്വതി എന്നിവരെ നിരീക്ഷണത്തിനായി ആശുപത്രിയില്‍ പ്രവേശിപ്പിച്ചു. മറ്റുള്ളവരെ പ്രഥമശുശ്രൂഷ നല്‍കി വിട്ടയച്ചു. ഭക്ഷ്യവിഷബാധയ്ക്കു കാരണം വ്യക്തമായിട്ടില്ല. ശനിയാഴ്ച ഉച്ചയ്ക്കു മാംസ ഭക്ഷണം കഴിച്ച ശേഷമാണ് അസ്വാസ്ഥ്യം തുടങ്ങിയതെന്നു കുട്ടികള്‍ പറയുന്നു. എന്നാല്‍, പതിവു ക്രമമനുസരിച്ചുള്ള ഭക്ഷണമാണു കുട്ടികള്‍ക്കു നല്‍കിയതെന്നു പ്രധാനാധ്യാപിക പറഞ്ഞു. കുട്ടികളുടെ സ്ഥിതി ഗുരുതരമല്ലെന്ന് ആശുപത്രി അധികൃതര്‍ അറിയിച്ചു.

3. വൈദ്യുതി കുടിശിക 600 കോടി; നിരക്ക് കൂട്ടണമെന്നു വാട്ടര്‍ അതോറിറ്റി
പാലക്കാട്: വാട്ടര്‍ അതോറിറ്റിയുടെ വൈദ്യുതിനിരക്കു കുടിശിക 600 കോടി രൂപയായി. കുടിശിക തീര്‍ക്കാനും ഉല്‍പാദന ചെലവിലെ വര്‍ധന താങ്ങാനും വെള്ളക്കരം കൂട്ടണമെന്ന നിലപാടിലാണ് വാട്ടര്‍ അതോറിറ്റി. എന്നാല്‍ സര്‍ക്കാര്‍ ഇക്കാര്യത്തില്‍ തീരുമാനമെടുത്തിട്ടില്ല. വൈദ്യുതി നിരക്കു കുടിശികയായതിന്റെ പേരില്‍ വൈദ്യുതി ബോര്‍ഡ് പല തവണ വാട്ടര്‍ അതോറിറ്റിക്കു നോട്ടീസ് നല്‍കിയെങ്കിലും തിരിച്ചടച്ചിട്ടില്ല. വെള്ളക്കരം കൂട്ടാതെ നിര്‍വാഹമില്ലെന്ന നിലപാടിലാണ് വാട്ടര്‍ അതോറിറ്റി. ഉല്‍പാദനചെലവു കൂടിയതിനാല്‍ വന്‍നഷ്ടമുണ്ടെന്നും ഒരു കിലോലിറ്ററിന് 8.35 രൂപയാണു ചെലവാകുന്നതെങ്കിലും മൂന്നു രൂപയോളം മാത്രമാണ് തിരികെ ലഭിക്കുന്നതെന്നും അതോറിറ്റി പറയുന്നു. 1999നു ശേഷം വെള്ളക്കരം വാട്ടര്‍ അതോറിറ്റി വര്‍ധിപ്പിച്ചിട്ടില്ല.  കഴിഞ്ഞ വര്‍ഷം മേയില്‍ വെള്ളക്കരം വര്‍ധിപ്പിക്കുന്നതിനായി ശുപാര്‍ശ നല്‍കിയിരുന്നുവെങ്കിലും സര്‍ക്കാര്‍ പരിഗണിച്ചില്ല. നവംബറില്‍ പുതുക്കിയ ശുപാര്‍ശകള്‍ നല്‍കിയിരുന്നു. എന്നാല്‍, വെള്ളക്കരം വര്‍ധിപ്പിക്കുന്നത് സംബന്ധിച്ച് സര്‍ക്കാര്‍ ഇതുവരെ തീരുമാനമെടുത്തിട്ടില്ലെന്നു  മന്ത്രി എന്‍.കെ.പ്രേമചന്ദ്രന്‍ ‘മനോരമയോടു പറഞ്ഞു.

4. വിവരം നല്‍കാന്‍ മടി; ഇന്‍ഫര്‍മേഷന്‍ കമ്മിഷന്‍ എക്സൈസിനെതിരെ
കൊച്ചി: സംസ്ഥാനത്തു വിറ്റഴിയുന്ന വ്യാജക്കള്ളിനെക്കുറിച്ചു വിവരം നല്‍കാന്‍ വിസമ്മതിച്ച എക്സൈസ് വകുപ്പിനെതിരെയുള്ള പരാതിയില്‍ സംസ്ഥാന ഇന്‍ഫര്‍മേഷന്‍ കമ്മിഷന്‍ നടപടി സ്വീകരിക്കുന്നു. സംസ്ഥാന എക്സൈസിന്റെ പബ്ളിക് ഇന്‍ഫര്‍മേഷന്‍ ഓഫിസര്‍ ഫെബ്രുവരി രണ്ടിനു കമ്മിഷന്‍ ആസ്ഥാനത്തു തെളിവെടുപ്പിനു ഹാജരാകാനാണു നിര്‍ദേശം. ഹ്യൂമന്‍ റൈറ്റ്സ് ഡിഫന്‍സ് ഫോറം സമര്‍പ്പിച്ച അപേക്ഷയില്‍ അപൂര്‍ണമായ മറുപടിയാണ് എക്സൈസ് വകുപ്പു നല്‍കിയത്. 2007 നവംബര്‍ 16നു സംസ്ഥാന ഇന്‍ഫര്‍മേഷന്‍ കമ്മിഷന്‍ നിര്‍ദേശിച്ചിട്ടും കള്ളുവില്‍പന സംബന്ധിച്ച പൂര്‍ണവിവരം നല്‍കാന്‍ തയാറായില്ലെന്നാരോപിക്കുന്ന ഹര്‍ജിയിലാണു നടപടി.

5. സിപിഎം കരടുപ്രമേയത്തില്‍ ബംഗാളിലെ പാഠങ്ങളും
ന്യൂഡല്‍ഹി: ബംഗാളിലെ ദുരനുഭവങ്ങള്‍ സര്‍ക്കാരിതര സാമൂഹിക സംഘടനകളെ (എന്‍ജിഒ) കുറിച്ചുള്ള വിമര്‍ശനം രാഷ്ട്രീയ-സംഘടനാ റിപ്പോര്‍ട്ടിലൊതുക്കാതെ 19-ാം പാര്‍ട്ടി കോണ്‍ഗ്രസിന്റെ രാഷ്ട്രീയ പ്രമേയത്തിലേക്കു തന്നെ കൊണ്ടുവരാന്‍ സിപിഎമ്മിനെ പ്രേരിപ്പിച്ചു. വ്യവസായവല്‍ക്കരണം അടക്കമുള്ള വിഷയങ്ങളില്‍ പാര്‍ട്ടിയിലെ മുതലാളിത്ത വിരുദ്ധ പക്ഷത്തിന്റെ ശബ്ദം കരടുരാഷ്ട്രീയ പ്രമേയത്തില്‍ ശക്തമാണ്.

അന്തര്‍ സംസ്ഥാന ജല തര്‍ക്കങ്ങള്‍ നിയമപ്രക്രിയയും ചര്‍ച്ചകളുംവഴി പരിഹരിക്കണമെന്ന് ആവശ്യപ്പെടുന്ന പ്രമേയം പക്ഷേ, ജലതര്‍ക്കങ്ങളായി കാവേരി പ്രശ്നവും പഞ്ചാബും ഹരിയാനയുമായുള്ള തര്‍ക്കവും മാത്രമേ പറയുന്നുള്ളൂ. മുല്ലപ്പെരിയാര്‍ ഇല്ല.

നന്ദിഗ്രാമിലും സിംഗൂറിലും മനുഷ്യാവകാശ ലംഘനം ഉണ്ടായപ്പോള്‍ ചില ഇടതു ബുദ്ധിജീവികളും എന്‍ജിഒകളും സ്വീകരിച്ച ശക്തമായ നിലപാടുകള്‍ പാര്‍ട്ടിക്ക് ഇരുട്ടടി ആയിരുന്നു.  ഇതാണു പ്രമേയത്തിലൂടെത്തന്നെ എന്‍ജിഒകളെ ആക്രമിക്കാന്‍ സിപിഎമ്മിനെ പ്രേരിപ്പിച്ചതെന്നാണു സൂചന. ഹിന്ദുത്വ അജന്‍ഡയ്ക്കെതിരെ ശബ്ദിക്കുന്ന എന്‍ജിഒകളെ ആര്‍എസ്എസ് വിമര്‍ശിക്കാറുള്ള മാതൃകയില്‍ തന്നെയാണു ബംഗാള്‍ പ്രശ്നത്തില്‍ സിപിഎമ്മും കുറ്റപ്പെടുത്തുന്നത്.

രാഷ്ട്രീയ പ്രവര്‍ത്തനങ്ങളില്‍ ഏര്‍പ്പെടുന്ന എന്‍ജിഒകളുടെ വിദേശസഹായം തടയണമെന്നും ഇടതുവിരുദ്ധ എന്‍ജിഒകളെ നേരിടണമെന്നും പ്രമേയം ആവശ്യപ്പെടുന്നു.രാഷ്ട്രീയ ഇടപെടലുകള്‍ ഉള്ളതും ഇല്ലാത്തതും വിദേശസഹായമുള്ളതും അത് ഇല്ലാത്തതുമായ എന്‍ജിഒകള്‍ സമ്മേളിക്കാറുള്ള വേള്‍ഡ് സോഷ്യല്‍ ഫോറത്തിലും മറ്റും കേരളത്തിലേതടക്കമുള്ള സിപിഎം നേതാക്കള്‍ സജീവ സാന്നിധ്യങ്ങളാണ് എന്നതു പക്ഷേ, പാര്‍ട്ടി നിലപാടിനുമേല്‍ നിഴല്‍ വീഴ്ത്തുന്നു.

സിപിഎം ഉയര്‍ത്തിപ്പിടിക്കുന്ന ദേശീയ തൊഴിലുറപ്പു നിയമം, ആദിവാസികളുടെ വന അവകാശങ്ങള്‍, വിവരാവകാശ നിയമം തുടങ്ങി പല വിഷയങ്ങളും ആദ്യം ഉന്നയിച്ചതും എന്‍ജിഒകളായിരുന്നു. ഇന്നലെ പുറത്തുവിട്ട കരടുപ്രമേയത്തിലൂടെ സിപിഎം ഏറ്റെടുക്കുന്ന ‘കാലാവസ്ഥ മാറ്റം എന്ന വിഷയം കൊണ്ടുവന്നതും എന്‍ജിഒകള്‍ തന്നെ.  വിദേശ കുത്തക കമ്പനികള്‍ ഇന്ത്യയിലേക്കു കടന്നുവരുന്ന തിനോടുള്ള എതിര്‍പ്പ് ഉപേക്ഷിച്ച സിപിഎം പക്ഷേ, ഇത്തരം കമ്പനികളുടേത് ഉള്‍പ്പെടെയുള്ള സഹായം സ്വീകരിക്കാറുള്ള എന്‍ജിഒകള്‍ ക്കെതിരെ വാളോങ്ങുന്നതും ഇരട്ടത്താപ്പാണെന്നു വ്യാഖ്യാനമുണ്ട്.

പ്രത്യേക സാമ്പത്തിക മേഖലകള്‍ സ്ഥാപിക്കുമ്പോള്‍ കര്‍ഷക താല്‍പര്യം ഉറപ്പാക്കണമെന്നു ബംഗാളില്‍നിന്നുള്ള പാഠം ഉള്‍ക്കൊണ്ടു പ്രമേയം പരാമര്‍ശിക്കുന്നു. വ്യവസായങ്ങള്‍ കൊണ്ടുവരാന്‍ ഇളവു നല്‍കി സംസ്ഥാനങ്ങള്‍ മല്‍സരിക്കുന്നതിനെപ്പറ്റി കേരള ആസൂത്രണ ബോര്‍ഡ് ഉപാധ്യക്ഷന്‍ പ്രഫ. പ്രഭാത് പട്നായിക് ഉന്നയിച്ച വിമര്‍ശനവും പ്രമേയത്തിലുണ്ട്. കേരളത്തില്‍ കാര്‍ഷിക മേഖലയുടെ പുനരുദ്ധാരണവും പരിസ്ഥിതി സൌഹൃദ വ്യവസായങ്ങളുമാണ് ആവശ്യം.

ഇടതു സര്‍ക്കാരുകള്‍ നിക്ഷേപവും വ്യവസായവും അടിസ്ഥാന സൌകര്യ വികസനവും കൊണ്ടുവരണം. പക്ഷേ എല്ലാ സാമ്പത്തിക-സാമൂഹിക മേഖലകളിലും സ്വകാര്യവല്‍ക്കരണം എന്ന രീതി പാടില്ല. ജനകീയ ജനാധിപത്യവിപ്ളവം എന്ന ലക്ഷ്യത്തില്‍ എത്തണമെങ്കില്‍ ജനകീയ ജനാധിപത്യ മുന്നണി സാധ്യമാക്കണമെന്ന് ആവശ്യപ്പെടുന്ന പ്രമേയം ചൈനയുടെ ദ്രുത സാമ്പത്തിക വളര്‍ച്ച സാമ്പത്തികവും പ്രാദേശികവുമായ അസമത്വങ്ങളുണ്ടാക്കി എന്ന ചൈനീസ് കമ്യൂണിസ്റ്റ് പാര്‍ട്ടിയുടെ ഏറ്റുപറച്ചിലും എടുത്തുപറയുന്നു.

മാധ്യമങ്ങള്‍ക്കു പെരുമാറ്റച്ചട്ടം വേണമെന്നത് പാര്‍ട്ടിയുടെ പുതിയ ആവശ്യമാണ്. പത്രം, ടിവി തുടങ്ങി പല മേഖലകളില്‍ ഒരു കൂട്ടര്‍ തന്നെ ഉടമസ്ഥരാകുന്നതിനെ ഇപ്പോഴും എതിര്‍ക്കുന്നു. എന്നാല്‍ പത്രം നടത്തുന്ന പാര്‍ട്ടി തന്നെ ചാനലിനെ നിയന്ത്രിക്കുന്നതും ചാനല്‍ റേഡിയോ രംഗത്തേക്കു കടക്കാന്‍ ശ്രമിച്ചതും ശ്രദ്ധയില്‍പെടുത്തിയപ്പോള്‍ ചാനല്‍ പാര്‍ട്ടിയുടേതല്ലെന്നും പബ്ളിക് ലിമിറ്റഡ് കമ്പനി ആണെന്നുമായിരുന്നു ജനറല്‍ സെക്രട്ടറി പ്രകാശ് കാരാട്ടിന്റെ മറുപടി.

6. ‘മാരത്തണ്‍’ വ്യാകരണം: ഇന്ത്യക്കാരന് റെക്കോര്‍ഡ്
മുംബൈ: ഏറ്റവും കൂടുതല്‍ സമയം തുടര്‍ച്ചയായി വ്യാകരണം പഠിപ്പിച്ചതിന്റെ ഗിന്നസ് റെക്കോര്‍ഡ് ഇന്ത്യക്കാരന്. ‘ഗ്രാമത്തോണ്‍ മാന്‍ എന്ന് സ്വയം വിശേഷിപ്പിക്കുന്ന ഇംഗീഷ് അധ്യാപകന്‍ സഞ്ജയ് കുമാര്‍ സിന്‍ഹയാണ് 73 മണിക്കൂര്‍ 37 മിനിറ്റ് പഠിപ്പിച്ചു റെക്കോര്‍ഡ് സ്വന്തമാക്കിയത്.

ബാന്ദ്രയിലെ ബേ സിറ്റി ക്ളബില്‍ 2005 ഒക്ടോബര്‍ 20നായിരുന്നു സഞ്ജയിന്റെ റെക്കോര്‍ഡ് അധ്യാപനം. അദ്ദേഹം വ്യാകരണം പകര്‍ന്ന 59 വിദ്യാര്‍ഥികള്‍ക്കും സര്‍ട്ടിഫിക്കറ്റുകള്‍ ലഭിച്ചു. ഗിന്നസ് ബുക്ക് അധികൃതര്‍ക്ക് അന്നുതന്നെ വിവരം കൈമാറിയെങ്കിലും ഇപ്പോഴാണു സര്‍ട്ടിഫിക്ക് ലഭിച്ചതെന്നു സഞ്ജയ് പറഞ്ഞു. 2004 ജനുവരിയില്‍ താക്കൂര്‍ കോളജില്‍ നടത്തിയ ക്ളാസില്‍ ഏറ്റവും വേഗത്തില്‍ വ്യാകരണം പഠിപ്പിച്ച അധ്യാപകന്‍ എന്ന റെക്കോര്‍ഡും സഞ്ജയ് നേടിയിരുന്നു.

വിഷയം വേഗത്തില്‍ മനസ്സിലാക്കുന്നതിന് ആനിമേഷന്‍, സൌണ്ട് ഇഫക്ട്, നിറങ്ങള്‍ എന്നിവയുടെ സഹായത്തോടെയാണ് സഞ്ജയിന്റെ ക്ളാസ്. വ്യാകരണത്തെക്കുറിച്ച് അഞ്ചു പുസ്തകങ്ങളും രചിച്ചിട്ടുണ്ട്.

7. രണ്ടുലക്ഷം വിദേശ ജോലിക്കാരെ മലേഷ്യ അടുത്തവര്‍ഷം തിരിച്ചയയ്ക്കും
ക്വാലലംപൂര്‍: മലേഷ്യന്‍ ഗവണ്‍മെന്റ് ഇന്ത്യക്കാരടക്കം രണ്ടുലക്ഷം വിദേശജോലിക്കാരെ അടുത്ത വര്‍ഷാവസാനത്തോടെ തിരിച്ചയച്ചേക്കും. അവിടത്തെ പൌരന്മാര്‍ക്കു കൂടുതല്‍ ജോലി നല്‍കാന്‍വേണ്ടിയാണിത്. ഇന്ത്യന്‍ ജോലിക്കാരെ പുതുതായി റിക്രൂട്ടു ചെയ്യുന്നതു മരവിപ്പിച്ചുവെന്ന വാര്‍ത്ത ഗവണ്‍മെന്റ് കഴിഞ്ഞമാസം നിഷേധിച്ചതിനു പിന്നാലെയാണ് ഇൌ നടപടി.ഇന്ത്യ, ബംഗ്ലദേശ്, പാക്കിസ്ഥാന്‍, ശ്രീലങ്ക എന്നിവിടങ്ങളില്‍നിന്ന് 20ലക്ഷത്തില്‍പരം ജോലിക്കാരാണു രാജ്യത്തുള്ളത്. അവരെ ഘട്ടംഘട്ടമായി തിരിച്ചയയ്ക്കാനാണു പദ്ധതി. ഒരു വിദേശജോലിക്കാരനും ഇനിമേല്‍ അഞ്ചുവര്‍ഷമോ കൂടുതലോ കാലത്തേക്കു ജോലി അനുമതി നല്‍കുകയില്ലെന്ന ആഭ്യന്തര മന്ത്രാലയത്തിന്റെ ഉത്തരവ് പ്രാബല്യത്തില്‍ വന്നുകഴിഞ്ഞു. വിദേശജോലിക്കാരുടെ സംഖ്യ അടുത്തവര്‍ഷം 18 ലക്ഷമായും 2015ല്‍ 15 ലക്ഷമായും കുറയ്ക്കാനാണു ഗവണ്‍മെന്റ് ഉദ്ദേശിക്കുന്നത്.

1. ബഷീര്‍കൃതികള്‍ പ്രസാധനത്തില്‍ ‘ഇമ്മിണി ബല്യ’ വിസ്മയം
കോഴിക്കോട്: മലയാളിയുടെ വായനയെ ഹൃദ്യമാക്കിയ ബഷീര്‍കൃതികള്‍ പുസ്തകവില്‍പ്പനയില്‍ ഇന്നും വിസ്മയം. കാരുണ്യത്തിന്റെയും നന്മയുടെയും കഥപറഞ്ഞ പുസ്തകങ്ങളെ മലയാളി നെഞ്ചോട് ചേര്‍ത്തിരിക്കുകയാണ്.

നോവല്‍, ചെറുകഥ, ലേഖനം, തിരക്കഥ തുടങ്ങിയ ഇനങ്ങളിലായി 32 പുസ്തകമാണ് വൈക്കം മുഹമ്മദ് ബഷീറിന്റേതായി ഇറങ്ങിയത്. രണ്ട് വാള്യങ്ങളിലായി സമ്പൂര്‍ണകൃതികളും. 1943ല്‍ പുറത്തിറങ്ങിയ ‘പ്രേമലേഖന’മാണ് ആദ്യപുസ്തകം. ‘ബാല്യകാലസഖി’ 44ലും ‘ന്റെപ്പൂപ്പാക്കൊരാനേണ്ടാര്‍ന്നു’ 51ലും ‘പാത്തുമ്മയുടെ ആട്’ 59ലും ഇറങ്ങി. ‘ചെവിയോര്‍ക്കുക അന്തിമകാഹളം’ എന്ന ലേഖനമാണ് അവസാനകൃതി. കഥാബീജം, ശബ്ദങ്ങള്‍, ഓര്‍മക്കുറിപ്പ്, വിഡ്ഢികളുടെ സ്വര്‍ഗം, മരണത്തിന്റെ നിഴലില്‍, പാവപ്പെട്ടവരുടെ വേശ്യ, സ്ഥലത്തെ പ്രധാന ദിവ്യന്‍, ആനവാരിയും പൊന്‍കുരിശും, ജീവിതനിഴല്‍പ്പാട്, വിശ്വവിഖ്യാതമായ മൂക്ക്, വിശപ്പ്, മതിലുകള്‍, ഒരു ഭഗവദ്ഗീതയും കുറേ മുലകളും, മാന്ത്രികപ്പൂച്ച, താരാ സ്പെഷ്യല്‍സ്, ആനപ്പൂട, ഭൂമിയുടെ അവകാശികള്‍ തുടങ്ങിയവയാണ് പ്രധാന കൃതികള്‍. കാലഭേദമില്ലാതെ ഈ പുസ്തകങ്ങള്‍ ഇന്നും വായനക്കാരനെ ചിന്തിപ്പിക്കുകയും രസിപ്പിക്കുകയും ചെയ്യുന്നു.

ബഷീര്‍കൃതികളുടെ വാര്‍ഷികവില്‍പ്പന ആറായിരത്തിലധികമാണ്. മിക്ക പുസ്തകങ്ങള്‍ക്കും വര്‍ഷത്തില്‍ രണ്ടു പതിപ്പിറങ്ങുന്നു. വില്‍പ്പനയില്‍ മുന്നിലുള്ള ‘ബാല്യകാലസഖി’ക്കും ‘പാത്തുമ്മയുടെ ആടി’നും 21 പതിപ്പിറങ്ങി. ‘വിശ്വവിഖ്യാതമായ മൂക്ക’് 15ഉം ‘മുച്ചീട്ടുക്കളിക്കാരന്റെ മകള്‍’ 14ഉം പതിപ്പുകളായി. ’92ല്‍ രണ്ട് വാള്യങ്ങളിലായി പുറത്തിറക്കിയ ബഷീര്‍ സമ്പൂര്‍ണകൃതികളുടെ ഒമ്പതാംപതിപ്പാണ് ഇപ്പോഴുള്ളത്. ന്റെപ്പൂപ്പാക്കൊരാനേണ്ടാര്‍ന്നു, പ്രേമലേഖനം, മതിലുകള്‍, ശബ്ദങ്ങള്‍, വിശപ്പ് തുടങ്ങി പത്തു പുസ്തകങ്ങള്‍ വില്‍പ്പനയില്‍ മാസ്റ്റര്‍പീസാണെന്ന് ഡിസി ബുക്സിന്റെ പബ്ളിക്കേഷന്‍സ് മാനേജര്‍ എ വി ശ്രീകുമാര്‍ പറഞ്ഞു.

ബഷീര്‍ ജന്മശതാബ്ദിയുടെ ഭാഗമായി സി പിയുടെ ഭരണകാലത്ത് തിരുവിതാംകൂറില്‍ നിരോധിച്ച ‘ധര്‍മരാജ്യം’ ഉള്‍പ്പെടെ എട്ട് അപൂര്‍വലേഖനങ്ങളുടെ സമാഹാരവും ഡിസി ഇറക്കുന്നുണ്ട്.

ലളിതമായ ഭാഷ, ജീവിതഗന്ധിയായ വിഷയം ഇതൊക്കെയാണ് ബഷീര്‍കൃതികളെ വായനക്കാരനുമായി അടുപ്പിക്കുന്നത്. ഇതിനാല്‍ കുട്ടികളും മുതിര്‍ന്നവരും ഒരേപോലെ ഇഷ്ടപ്പെടുന്നു. വ്യാകരണത്തിന്റെ മറ്റും പേരില്‍ ബഷീറിന്റെ രചനയെ ചിലര്‍ എതിര്‍ക്കുന്നുണ്ട്. എന്നാല്‍, അതൊക്കെ അസ്ഥാനത്താണെന്ന് അക്കാദമിക് മേഖലയില്‍ ഈ കൃതികള്‍ക്കുള്ള അംഗീകാരം തെളിയിക്കുന്നു. പാത്തുമ്മയുടെ ആട്, ന്റെപ്പൂപ്പാക്കൊരാനേണ്ടാര്‍ന്നു, ബാല്യകാലസഖി, ജന്മദിനം, ടൈഗര്‍, ഭൂമിയുടെ അവകാശികള്‍ തുടങ്ങിയ കൃതികള്‍ മലയാളത്തില്‍ പാഠപുസ്തകമായി. ‘ന്റെപ്പൂപ്പാക്കൊരാനേണ്ടാര്‍ന്നു’ എന്ന നോവല്‍ പാഠപുസ്തകമാക്കുന്നതിനെതിരെ ’57ല്‍ ജോസഫ് മുണ്ടശ്ശേരിക്കെതിരെ കോണ്‍ഗ്രസും മുസ്ളിംലീഗും തെരുവിലിറങ്ങിയതും ചരിത്രം.

2. പക്ഷിപ്പനി: നാമക്കല്ലില്‍ കോടിക്കണക്കിന് രൂപയുടെ മുട്ട കെട്ടിക്കിടക്കുന്നു
പാലക്കാട്: പശ്ചിമബംഗാളില്‍ പക്ഷിപ്പനി ബാധ വാര്‍ത്ത വന്നതോടെ തമിഴ്നാട്ടിലെ പ്രധാന മുട്ട ഉല്‍പ്പാദനകേന്ദ്രമായ നാമക്കല്ലില്‍ കോടിക്കണക്കിന് രൂപയുടെ മുട്ട കെട്ടിക്കിടക്കുന്നു. വിദേശരാജ്യങ്ങളിലേക്കുള്ള കയറ്റുമതിയും നിലച്ചു. ഇതോടെ മുട്ടവില ഒരു രൂപ 20 പൈസയായും ഇറച്ചിക്കോഴിവില കിലോയ്ക്ക് 15 രൂപയായും കുറച്ചു.

നാമക്കല്ലില്‍നിന്നുള്ള മുട്ടയും ഇറച്ചിക്കോഴിയുമാണ് കേരളത്തിലേക്ക് കൊണ്ടുവരുന്നത്. ഒരു ദിവസം 90 ലക്ഷം മുട്ടയാണ് ഉല്‍പ്പാദിപ്പിക്കുന്നത്. 40 ലക്ഷം മുട്ട കയറ്റുമതി ചെയ്യുന്നു. ഭൂട്ടാന്‍, മസ്കറ്റ്, ദോഹ, ആഫ്രിക്കന്‍ രാജ്യങ്ങള്‍ എന്നിവിടങ്ങളിലേക്കാണ് പ്രധാമായും കയറ്റുമതി. പക്ഷിപ്പനി വാര്‍ത്ത പരന്നതോടെ ഭൂട്ടാന്‍, മസ്കറ്റ്, ദോഹ എന്നിവകയറ്റുമതി നിരോധിച്ചു. ആഫ്രിക്കയിലേക്ക് മാത്രമാണ് ഇപ്പോഹകയറ്റുമതി.

ദിവസവുംനാല്‍പ്പത് ലക്ഷം മുട്ട കെട്ടിക്കിടക്കുകയാണ്. പൊങ്കല്‍ അവധിയായതിനാല്‍ മുട്ടശേഖരണവും നടന്നിട്ടില്ല. അതുകൂടിയായാല്‍ കോടിക്കണക്കിന് മുട്ട നശിക്കും.

നാമക്കല്ലില്‍ 2000 കോഴി വളര്‍ത്തല്‍ കേന്ദ്രങ്ങളുണ്ട്. മൂന്നു കോടി മുട്ടക്കോഴികളാണ് വളര്‍ത്തുന്നത്. 1000 വന്‍കിട മുട്ടക്കോഴി വളര്‍ത്തല്‍ കേന്ദ്രങ്ങളും 1,000 ചെറുകിട കേന്ദ്രങ്ങളും പ്രവര്‍ത്തിക്കുന്നു. ഫാമുകളില്‍ 20,000 തൊഴിലാളികള്‍ പണിയെടുക്കുന്നു. ഇതിനുപുറമെ കോഴിക്കാഷ്ടം നീക്കം ചെയ്യാനും കേന്ദ്രങ്ങള്‍ വൃത്തിയായി സൂക്ഷിക്കാനും 5,000 ത്തോളം തൊഴിലാളികള്‍ വേറേയുമുണ്ട്. വന്‍കിട, ചെറുകിട മുട്ടക്കച്ചവടക്കാര്‍ 10,000ത്തിലധികമുണ്ട്്. മാസം നാല്കോടി മുട്ട തമിഴ്നാട് സര്‍ക്കാര്‍ ഉച്ചഭക്ഷണകേന്ദ്രംവഴി കുട്ടികള്‍ക്ക് നല്‍കാന്‍വാങ്ങുന്നു.

കോഴിക്കാഷ്ടം ജൈവവളമായി വിതരണം ചെയ്യുന്നവരും അത് ചാക്കിലാക്കുന്ന തൊഴിലാളികളും ചേര്‍ന്നാല്‍ ഒരുലക്ഷത്തോളം പേര്‍ പണിയെടുക്കുന്ന വ്യവസായമാണ് മുട്ടക്കോഴിവളര്‍ത്തല്‍. പക്ഷിപ്പനിബാധ കൂടുതലായാല്‍ ഇതും നിലയ്ക്കാന്‍ സാധ്യതയുണ്ട്. ആന്ധ്രപ്രദേശില്‍നിന്ന് മുട്ടയുടെ വരവ്കൂടിയായപ്പോള്‍ നാമക്കല്ലില്‍ മുട്ടഉല്‍പ്പാദകര്‍ വന്‍ പ്രതിസന്ധിയിലാണ്.

3. വികസിതരാഷ്ട്രങ്ങള്‍ കാര്‍ബണ്‍ ബഹിര്‍ഗമനം കുറയ്ക്കണം
കാര്‍ബണ്‍ ബഹിര്‍ഗമനം തടയാന്‍ ശക്തമായ നിയന്ത്രണസംവിധാനങ്ങള്‍ അമേരിക്ക ഉള്‍പ്പെടെയുള്ള വ്യവസായവല്‍ക്കൃത രാഷ്ട്രങ്ങള്‍ സ്വീകരിക്കണമെന്ന് സിപിഐ എം ആവശ്യപ്പെട്ടു. കാലാവസ്ഥാവ്യതിയാനം തടയാനാവശ്യമായ നടപടികള്‍ സ്വീകരിക്കാന്‍ വികസ്വരരാഷ്ട്രങ്ങള്‍ക്ക് പണം നല്‍കാന്‍ വികസിതരാഷ്ട്രങ്ങള്‍ തയ്യാറാകണം. കരടുരാഷ്ട്രീയപ്രമേയത്തില്‍ ആദ്യമായാണ് കാലാവസ്ഥാവ്യതിയാനത്തെക്കുറിച്ച് പറയുന്നത്. നാല് ഖണ്ഡികകള്‍ പ്രമേയത്തില്‍ ഇതിനായി മാറ്റിവച്ചിട്ടുണ്ട്.

ആഗോള മൂലധനശക്തികളുടെ അത്യാര്‍ത്തിയാണ് ലോകത്തെ ഇത്തരമൊരു നാശത്തിലേക്ക് വലിച്ചിഴയ്ക്കുന്നത്. ഇന്ത്യ പോലുള്ള വികസ്വരരാഷ്ട്രങ്ങളെയാണ് ഇത് ഏറ്റവുമധികം ബാധിക്കുന്നത്. തീരദേശത്തെ പല ദ്വീപുകളും സമുദ്രം വിഴുങ്ങുന്നു. നെല്ല്, ഗോതമ്പ് എന്നിവയുടെ ഉല്‍പ്പാദനം കുറയുന്നു. പകര്‍ച്ചവ്യാധികള്‍ വര്‍ധിക്കുന്നു. 21-ാം നൂറ്റാണ്ടില്‍ അഞ്ച് ഡിഗ്രി സെല്‍ഷ്യസ് ചൂട് വര്‍ധിക്കുമെന്നാണ് പ്രവചിക്കുന്നത്. ഇത് തടയാനായില്ലെങ്കില്‍ ലോകത്തിലെ നാല്‍പ്പത് ശതമാനംവരുന്ന പാവപ്പെട്ടവരാണ് ഇതിന്റെ ദുരിതം പേറേണ്ടിവരിക.

ലോകജനസംഖ്യയില്‍ നാല് ശതമാനം മാത്രം വരുന്ന അമേരിക്കയാണ് അന്തരീക്ഷമലിനീകരണത്തിന്റെ 16 ശതമാനം സംഭാവന ചെയ്യുന്നത്. എന്നിട്ടും അന്താരാഷ്ട്രസമൂഹം മുന്നോട്ടുവച്ച ക്യോട്ടോ പ്രഖ്യാപനം അമേരിക്ക അംഗീകരിക്കുന്നില്ല. കാര്‍ബണ്‍ ബഹിര്‍ഗമനം നിശ്ചിത അളവില്‍ കുറയ്ക്കാന്‍ അമേരിക്ക തയ്യാറാകാത്തതുകൊണ്ടാണ് ബാലി സമ്മേളനം പരാജയപ്പെട്ടത്. മറ്റ് പരിസ്ഥിതിപ്രശ്നങ്ങളെ കുറിച്ചും കരട് പ്രമേയം വിശദമായി പരാമര്‍ശിക്കുന്നുണ്ട്.
4. അധ്വാനിക്കാം… പഠിക്കാം ഇതാ കുമ്പള മാതൃക
കാസര്‍കോട്: കടപ്പുറത്തെ പണികഴിഞ്ഞ് നേരത്തെ വന്നാലേ ഒമ്പതാംക്ളാസിലെ ഷംസീറിന് രാവിലെ സ്കൂളിലെത്താനാവൂ. മൈക്കുസെറ്റുകാരോടൊപ്പം രാത്രി ജോലിക്കുപോകുന്ന എട്ടാം ക്ളാസുകാരന്‍ സജിത്ത്കുമാറും വീട്ടില്‍ ബീഡിതെറുക്കുന്ന രമ്യയും ശാലിനിയും തുടങ്ങി 28 സഹപാഠികള്‍ മണിയൊച്ചക്കൊപ്പം ആര്‍ത്തുല്ലസിച്ച് കുമ്പള ഗവ. ഹയര്‍ സെക്കന്‍ഡറി സ്കൂളിലെത്തും.

ജീവിതപ്പരീക്ഷ വിയര്‍പ്പുമുത്തുകളൊഴുക്കി വിജയിച്ച് സമൂഹത്തിന് മാതൃകകാട്ടുന്ന ഇവരില്‍ മിഠായിക്കച്ചവടക്കാരും പത്രവില്‍പ്പനക്കാരുംമുതല്‍ കെട്ടിടം പണിക്കാരുടെ സഹായികള്‍വരെയുണ്ട്. ദിവസം 20 രൂപമുതല്‍ 150 രൂപവരെ പണിയെടുത്തുണ്ടാക്കും.

ഭൂരിഭാഗവും പാവപ്പെട്ടവരുടെ മക്കള്‍ പഠിക്കുന്ന സ്കൂളാണ് കുമ്പള ഗവ. ഹയര്‍ സെക്കന്‍ഡറി സ്കൂള്‍. പ്രാരാബ്ദംമൂലം പഠനം നിലയ്ക്കുമെന്ന ഘട്ടത്തിലാണ് പലരും പണി തേടിപ്പോയത്. കിട്ടുന്ന കൂലി മാതാപിതാക്കള്‍ക്ക് നല്‍കി കുടുംബഭാരം അകറ്റുന്നതിലും ഇവര്‍ പങ്കാളികളാകുന്നു. ബദിയഡുക്കയിലെ നിസാമുദീനും കരീമും കോണ്‍ക്രീറ്റ് പണിക്കാരാണ്. രതീഷ് മരംവെട്ടുകാരനും രഞ്ജിത്കുമാര്‍ തയ്യല്‍ക്കാരനുമാണ്. അടയ്ക്കാത്തോട്ടം നനയ്ക്കുന്ന ജയദീപും കൂലിപ്പണിയെടുക്കുന്ന കൃഷ്ണകുമാറുമൊക്കെ കൂട്ടുകാരില്‍ ആദരവാണുണ്ടാക്കുന്നതെന്ന് അധ്യാപകരായ വിനോദും ദിവാകരനും പറയുന്നു.

ഇതേ വളപ്പില്‍ത്തന്നെയുള്ള കുമ്പള ഗവ. സീനിയര്‍ ബേസിക് യുപി സ്കൂളിലുമുണ്ട് അധ്വാനത്തിന്റെ വിലയറിയുന്ന മിടുക്കന്മാര്‍. നാസിര്‍, ഫക്രുദീന്‍ സെയ്ദ്, ഫിര്‍ദൌസ്, രവിരാജ്, ജാബിര്‍, അജിത്ത്, സുഹൈല്‍, ഉഷാകിരണ്‍ എന്നിവരാണവര്‍. പഠനസമയം കഴിഞ്ഞും അവധി ദിനങ്ങളിലുമാണ് ജോലിയുടെ ടൈംടേബിള്‍.

കുട്ടികള്‍ക്ക് അഭിമാനക്ഷതമോ പ്രയാസങ്ങളോ ഇല്ലാതിരിക്കാന്‍ തങ്ങളും ശ്രദ്ധിക്കുന്നതായി സീനിയര്‍ ബേസിക് സ്കൂള്‍ ഹെഡ്മാസ്റ്റര്‍ എം വിശ്വനാഥറൈ പറഞ്ഞു. ടൌണില്‍ ഇവരെ കണ്ടാല്‍ കടലയും പത്രവും പൂവുമൊക്കെ വാങ്ങി പ്രോത്സാഹിപ്പിക്കും. പഠനം മുടങ്ങാതിരിക്കണമെന്ന് സ്നേഹപൂര്‍വം ഉപദേശിക്കും.

പഠനത്തിലും ഇവര്‍ മിടുക്കരാണെന്ന് അധ്യാപകനായ പത്മനാഭന്‍ ബ്ളാത്തൂര്‍ പറഞ്ഞു. നേരം തെറ്റിയെന്നോ, ഹോംവര്‍ക്ക് ചെയ്തില്ലെന്നോ ഉള്ള കുറ്റങ്ങള്‍ക്ക് ഒരാനുകൂല്യവും ഇവര്‍ക്ക് നല്‍കേണ്ടിവരുന്നില്ല. പോക്കറ്റ്മണി വാങ്ങി ഐസ്ക്രീമും മിഠായിയും നുണഞ്ഞ് അലസതയുടെ ആദ്യപാഠം പഠിക്കുന്നവര്‍ക്കിടയില്‍ ഇവരുടേത് വേറിട്ട വഴിയാണ്.


1. ഇടതുമുന്നണി അധികാരമേറ്റശേഷം റോഡ് കരാറുകളില്‍ കോടികളുടെ ക്രമക്കേട്
തിരുവനന്തപുരം: വി.എസ്. സര്‍ക്കാര്‍ അധികാരമേറ്റ ശേഷം പൊതുമരാമത്ത് വകുപ്പിന്റെ കരാറുകളില്‍ വന്‍ക്രമക്കേടു നടന്നതായി ധനകാര്യ പരിശോധനാ വിഭാഗത്തിന്റെ അന്വേഷണത്തില്‍ കണ്ടെത്തി. ക്രമക്കേടുകളിലൂടെ കോടികളുടെ നഷ്ടമുണ്ടാകുമെന്ന് ഈ മാസമാദ്യം സര്‍ക്കാരിനു സമര്‍പ്പിച്ച റിപ്പോര്‍ട്ട് വ്യക്തമാക്കുന്നു. 2006 ജൂണ്‍ മുതല്‍ 2007 സെപ്റ്റംബര്‍വരെ മലപ്പുറം ജില്ലയിലെ എട്ടു റോഡുകളുടെ നിര്‍മാണവുമായി ബന്ധപ്പെട്ടാണ് അഴിമതി നടന്നത്.

എസ്റ്റിമേറ്റ് തുക ക്രമാതീതമായി വര്‍ധിപ്പിച്ചു, പലതിലും ടെന്‍ഡര്‍ ക്ഷണിച്ചിട്ടില്ല. കാരണമില്ലാതെ എസ്റ്റിമേറ്റ് പുതുക്കുകയും കൂടുതല്‍ തുക അനുവദിക്കുകയും ചെയ്തു. ‘മെഷര്‍മെന്റ് ബുക്കി’ല്‍ തിരിമറി നടത്തി റോഡ് നിര്‍മാണത്തിന് ഉപയോഗിച്ച അസംസ്കൃത വസ്തുക്കളുടെ അളവില്‍ കൃത്രിമം നടത്തിയെന്നും കണ്ടെത്തി. മഞ്ചേരി ഡിവിഷനു കീഴിലാണ് പ്രധാനമായും ക്രമക്കേടുകള്‍ നടന്നത്.
തിരൂര്‍-മലപ്പുറം-മഞ്ചേരി റോഡിന്റെ നിര്‍മാണത്തിന് ടെന്‍ഡര്‍ ക്ഷണിച്ചില്ല. ചീഫ് എന്‍ജിനീയര്‍ സാങ്കേതിക അനുമതി നല്‍കിയത് 908.5 ലക്ഷം രൂപയുടെ കരാറായിരുന്നെങ്കിലും പിന്നീടു കാരണം കൂടാതെ ടെന്‍ഡര്‍ പുതുക്കി 999 ലക്ഷമാക്കി. നിര്‍മാണം 13 കിലോമീറ്റര്‍ മുതല്‍ 26 കിലോമീറ്റര്‍വരെയെന്നാണ് മെഷര്‍മെന്റ് ബുക്കില്‍ രേഖപ്പെടുത്തിയിരുന്നത്.

എന്നാല്‍ അത്രയും കിലോമീറ്റര്‍ ദൂരത്തില്‍ റോഡ് നിര്‍മാണം നടന്നിട്ടില്ല. അസംസ്കൃതവസ്തുക്കളുടെ കണക്കില്‍ തിരിമറി നടത്തി. ഒന്‍പതു ലോഡ് മെറ്റല്‍ വേണ്ടിടത്ത് ഒരു ലോഡ് മെറ്റലാണ് ഉപയോഗിച്ചത്.

തൃക്കലങ്ങോട്്-വണ്ടൂര്‍-കാളികാവ് റോഡ് നിര്‍മാണത്തിന് 2006 ഫെബ്രുവരി എട്ടിനാണ് ഭരണാനുമതി നല്‍കിയത്. ടെന്‍ഡര്‍ നടപടികള്‍ ഒഴിവാക്കി ‘ത്രിമതി’ കോണ്‍ട്രാക്ടിംഗ് കമ്പനിക്ക് കരാര്‍ നല്‍കുകയായിരുന്നു. 3.77 കോടി രൂപയായിരുന്നു കരാര്‍ തുകയെങ്കിലും പിന്നീട് 4.86 കോടിയായി പുതുക്കി. 2006 ഡിസംബര്‍ നാലിനായിരുന്നു കരാര്‍തുക പുതുക്കി നല്‍കിയത്. കരാറുകാരനെ സഹായിക്കാനാണിതെന്ന് അന്വേഷണത്തില്‍ കണ്ടെത്തി. കാട്ടുങ്ങച്ചോല- പിലാക്കല്‍ പുഴക്കടവ്-പുല്ലന്‍ചേരി റോഡിന് അനുവദിച്ച 517.50 ലക്ഷം രൂപയുടെ കരാര്‍ 2007 ജനുവരി 17-ന് 628.50 ലക്ഷം രൂപയായി ഉയര്‍ത്തിയത് ഉന്നതോദ്യോഗസ്ഥരുടെ അറിവോടെയാണ്.

മഞ്ചേരി റോഡില്‍ ആക്സിഡന്റ് പ്രോണ്‍ വളവില്‍ നടന്ന നിര്‍മ്മാണം, 410 ലക്ഷം രൂപയുടെ മലപ്പുറം-കൊട്ടപ്പാഡി ബൈപാസ് റോഡ്, കാവനൂര്‍-ത്രിപ്പാഞ്ചി-മോംഗം റോഡ്, 56 ലക്ഷം രൂപയുടെ രണ്ടത്താണി-വാരിയത്ത്-കുറുകതാണി റോഡ്, 50 ലക്ഷത്തിന്റെ വെട്ടിച്ചിറ-കാടാമ്പുഴ കൂട്ടിലങ്ങാടി റോഡ് എന്നിവയുടെ നിര്‍മ്മാണത്തിലും ക്രമക്കേട് നടന്നു.

ഈ അഞ്ചു റോഡുകളുടെ നിര്‍മ്മാണത്തിന് നിയമവിരുദ്ധമായി 92.5 ലക്ഷം രൂപ അധികമനുവദിച്ചു.

2. വി.എസ്. പക്ഷത്തെ തുടച്ചുനീക്കും; പി.ബി. നോക്കുകുത്തിയാകും
തിരുവനന്തപുരം: സംസ്ഥാന കമ്മിറ്റിയില്‍നിന്നു വി.എസ്. പക്ഷത്തെ തുടച്ചുനീക്കി പാര്‍ട്ടിയില്‍ സമ്പൂര്‍ണ ആധിപത്യം ഉറപ്പിക്കാന്‍ സി.പി.എമ്മിലെ ഔദ്യോഗിക വിഭാഗം നീക്കം തുടങ്ങി. ജില്ലാ സമ്മേളനങ്ങളില്‍ താരതമ്യേന ഏകപക്ഷീയ വിജയം നേടിയ പിണറായിവിഭാഗം പൊളിറ്റ് ബ്യൂറോയുടെ നിയന്ത്രണങ്ങള്‍ സമര്‍ഥമായി മറികടക്കാനുള്ള തന്ത്രങ്ങളാണു മെനഞ്ഞിട്ടുള്ളത്. പിണറായി വിജയന്‍ തന്നെ സംസ്ഥാന സെക്രട്ടറിയായി തുടരും.വാര്‍ധക്യത്തിന്റെ പേരിലും ബഹുജന മുന്നണി പ്രവര്‍ത്തനത്തിലുള്ള പോരായ്മ ചൂണ്ടിക്കാട്ടിയും അച്യുതാനന്ദ പക്ഷത്തെ പലരേയും വെട്ടിനിരത്തും.

സംസ്ഥാന കമ്മിറ്റിയെ തെരഞ്ഞെടുക്കുന്നത് സാങ്കേതികമായി സംസ്ഥാന സമ്മേളനമാണ്.
പൊളിറ്റ് ബ്യൂറോയ്ക്ക് ശക്തമായ നിരീക്ഷണം നടത്താന്‍ മാത്രമേ കഴിയു. വിഭാഗീയത നടന്നാല്‍ ഇടപെട്ട് അത് ഒഴിവാക്കണമെന്നാണ് പോളിറ്റ് ബ്യൂറോയിലും കേന്ദ്ര കമ്മിറ്റിയിലും വന്ന തീരുമാനം.

കോട്ടയത്ത് അടുത്തമാസം 11 ന് ആരംഭിക്കുന്ന സംസ്ഥാന സമ്മേളനത്തില്‍ വിഭാഗീയതയെന്ന സംശയം ഉയരാന്‍ ഇടനല്‍കാത്തവിധം ‘വെട്ടിനിരത്തല്‍’ നടത്താന്‍ പിണറായി വിഭാഗത്തിന് യാതൊരു ബുദ്ധിമുട്ടുമില്ല.

കൊല്ലവും എറണാകുളവും ഭാഗികമായി ഇടുക്കിയും മാത്രമാണ് വി.എസ്. വിഭാഗത്തിന് മുന്‍തൂക്കമുള്ള ജില്ലകള്‍. ഈ ജില്ലകളില്‍നിന്നുപോലും സമവായത്തിലൂടെ ഏതാനും പ്രതിനിധികളെ പിണറായി വിഭാഗം നേടിയെടുത്തിട്ടുണ്ട്.

പ്രധാനമായി യുവജന വിദ്യാര്‍ഥി രംഗത്തെ തന്റെ ഉറച്ച അനുയായികളെ ഇക്കുറി സംസ്ഥാന കമ്മിറ്റിയില്‍ പിണറായി പുതുതായി കൊണ്ടുവരും. എസ്.എഫ്.ഐ അഖിലേന്ത്യാ സെക്രട്ടറി കെ.കെ.രാഗേഷ്, ഡി.വൈ.എഫ്.ഐ അഖിലേന്ത്യ പ്രസിഡന്റ് ശ്രീരാമകൃഷ്ണന്‍, കടകംപള്ളി സുരേന്ദ്രന്‍ എന്നിവരെ സംസ്ഥാന കമ്മിറ്റിയില്‍ ഉള്‍പ്പെടുത്തുന്നുണ്ട്.

കൊല്ലത്ത് വി.എസ്. വിഭാഗം വെട്ടിനിരത്തിയ പിണറായി വിജയന്റെ ഉറ്റ അനുയായി കെ.വരദരാജനെ സംസ്ഥാന കമ്മിറ്റിയില്‍ കൊണ്ടുവന്നുകൊണ്ടായിരിക്കും പിണറായി മധുരമായി പകരം വീട്ടുന്നത്.

വി.എസിന്റെ ശക്തരായ വക്താക്കളായ എം.ചന്ദ്രന്‍, എസ്.ശര്‍മ്മ എന്നിവരെ സംസ്ഥാന കമ്മിറ്റിയില്‍നിന്നും ഒഴിവാക്കാന്‍ പിണറായി പക്ഷം ആലോചിക്കുന്നുണ്ട്.

വി.എസിനുവേണ്ടി സംസ്ഥാന കമ്മിറ്റിയില്‍ ശക്തമായി വാദിക്കുന്നവര്‍ ഇവരാണ്. പിണറായി വിജയനെതിരേ പ്രത്യക്ഷ പ്രവര്‍ത്തനവും ഇവര്‍ നടത്തുന്നുണ്ട്.

ബഹുജന മുന്നണികളുടെ നേതൃത്വത്തിലുള്ളവരെ സംസ്ഥാന സമിതിയില്‍നിന്ന് ഒഴിവാക്കരുതെന്ന് നിര്‍ദ്ദേശമുണ്ട്.

ഇക്കാരണത്താല്‍ കര്‍ഷകസംഘം സംസ്ഥാന സെക്രട്ടറി സി.കെ.പി. പത്മനാഭനുനേരെ വാളോങ്ങാന്‍ ഔദ്യോഗിക വിഭാഗം തയാറാകില്ല. എന്നാല്‍ ബഹുജന മുന്നണികളുടെ ഭാരവാഹിത്വം വഹിക്കാത്ത വി.എസ്.പക്ഷക്കാരെ തെരഞ്ഞുകണ്ടെത്താനുള്ള നടപടികള്‍ ആരംഭിച്ചുകഴിഞ്ഞു.

3. പരിസ്ഥിതി കാക്കാന്‍ പഞ്ചായത്തുകളില്‍ ജൈവവൈവിധ്യ മാനേജ്മെന്റ് കമ്മറ്റി
കൊച്ചി: പരിസ്ഥിതി സംരക്ഷണത്തിനു ഗ്രാമപഞ്ചായത്ത് അടിസ്്ഥാനത്തില്‍ ആരംഭിച്ച ജൈവ വൈവിധ്യ മാനേജ്മെന്റ് കമ്മറ്റികള്‍ വ്യാപകമാക്കുന്നു.

വിതുര (തിരുവനന്തപുരം), കുമരകം (കോട്ടയം), മലമ്പുഴ (പാലക്കാട്), ചിറയ്ക്കല്‍ (കണ്ണൂര്‍), നീലേശ്വരം (കാസര്‍ഗോഡ്) പഞ്ചായത്തുകളില്‍ ആദ്യഘട്ടമായി കമ്മിറ്റി രൂപീകരിച്ചു. മാര്‍ച്ച് 31നുമുമ്പായി എല്ലാ പഞ്ചായത്തുകളിലും കമ്മിറ്റി രൂപീകരിക്കും. സംസ്ഥാന ജൈവ വൈവിധ്യ ബോര്‍ഡിന്റെ കീഴിലായിരിക്കും കമ്മിറ്റികളുടെ പ്രവര്‍ത്തനം.
പഞ്ചായത്ത് പ്രസിഡന്റ് അധ്യക്ഷനായ കമ്മിറ്റിയില്‍ വിദഗ്ധരും ഉദ്യോഗസ്ഥ പ്രതിനിധികളും ഉള്‍പ്പെടും. എല്ലാ പഞ്ചായത്തുകളിലും ജൈവ വൈധിധ്യ രജിസ്റ്റര്‍ ഉണ്ടാക്കുകയാണു പ്രധാന നടപടി. കമ്മിറ്റിയുടെ മേല്‍നോട്ടത്തില്‍ പഞ്ചായത്ത് അതിര്‍ത്തിക്കുള്ളിലെ ജൈവ സമ്പത്ത് ചൂഷണം നിയന്ത്രിക്കാനാണു ലക്ഷ്യമിടുന്നത്.

ആവാസ വ്യസ്ഥകളെയും നാട്ടറിവുകളെയും പൈതൃകസ്വത്തായി കണ്ടു രജിസ്റ്ററില്‍ രേഖപ്പെടുത്തി സൂക്ഷിക്കും. പ്രത്യേക സ്ഥലത്തു മാത്രം വളരുന്ന ചെടികള്‍ ഔഷധ നിര്‍മാണത്തിനോ മറ്റാവശ്യങ്ങള്‍ക്കോ ഉപയോഗിക്കുന്നതിന് ഫീസ് നല്‍കി പഞ്ചായത്തിന്റെ അനുമതി വാങ്ങണം. ഇങ്ങനെ ലഭിക്കുന്ന പണം ജൈവ വൈവിധ്യ സംരക്ഷണത്തിനു പ്രയോജനപ്പെടുത്തും.

പഞ്ചായത്ത് അതിര്‍ത്തിയിലെ തടാകങ്ങളിലും മറ്റു ജലാശയങ്ങളിലും മീന്‍ പിടിക്കുന്നതിനു അനുമതിവേണ്ടിവരും. വിഷം, സ്ഫോടന വസ്തുക്കള്‍, വൈദ്യുതി തുടങ്ങിയ ഉപയോഗിച്ച് മത്സ്യം പിടിക്കുന്നതു കര്‍ശനമായി തടയും. വിവരപ്പട്ടിക നിലവില്‍ വരുന്നതോടെ മരംമുറി, മത്സ്യബന്ധനം എന്നിവയ്ക്കു നിയന്ത്രണവും ഫീസും ഏര്‍പ്പെടുത്തും.

ഓരോ പഞ്ചായത്തിലുമുള്ള ചെടികള്‍, വൃക്ഷങ്ങള്‍, പക്ഷികള്‍, കന്നുകാലി, കോഴി-താറാവ്, മത്സ്യങ്ങള്‍, മേഖലയില്‍ കണ്ടുവരുന്ന ജന്തുക്കള്‍, പ്രാണികള്‍ വരെ രജിസ്റ്ററിലാക്കാനാണു നിര്‍ദേശം.

സന്നദ്ധ സംഘടനകള്‍, യുവാക്കള്‍, കുട്ടികള്‍, ഗ്രാമീണര്‍, കുടുംബശ്രീ പ്രവര്‍ത്തകര്‍ എന്നിവരുടെ സഹകരണത്തോടെയാണു രജിസ്റ്റര്‍ തയാറാക്കുന്നത്. വിവരപ്പട്ടിക കാലകാലങ്ങളില്‍ പുതുക്കും.

4. വനിതാ കമ്മിഷന് സര്‍ക്കാര്‍ സഹായം ലഭിക്കുന്നില്ല: ജസ്റ്റിസ് ശ്രീദേവി
തിരുവനന്തപുരം: കമ്മിഷന് ആവശ്യമായിട്ടുള്ള സഹായങ്ങള്‍ സര്‍ക്കാരിന്റെ ഭാഗത്തുനിന്നും ലഭിക്കുന്നില്ലെന്ന് വനിതാ കമ്മിഷന്‍ ചെയര്‍ പേഴ്സണ്‍ ജസ്റ്റിസ് ഡി.ശ്രീദേവി. കമ്മിഷന്‍ നടത്തിയ അദാലത്തിനു ശേഷം പത്രസമ്മേളനത്തില്‍ സംസാരിക്കുകയായിരുന്നു അവര്‍.

അദാലത്തില്‍ വന്ന നൂറ്റിപ്പത്ത് കേസുകളില്‍ 71 എണ്ണത്തിന് തീര്‍പ്പുകല്‍പ്പിച്ചു. പത്തെണ്ണം പോലീസിന്റെ പരിഗണനയ്ക്ക് വിട്ടു. ഒമ്പത് കേസുകള്‍ ലീഗല്‍ സര്‍വീസ് അഥോറിറ്റിയുടെ പരിഗണനയ്ക്കും എട്ടെണ്ണം പ്രൊട്ടക്ഷന്‍ ഓഫീസറുടെ നിര്‍ദ്ദേശത്തിനും വിട്ടു. അദാലത്തില്‍ പുതിയ പരാതികളൊന്നും ലഭിച്ചില്ലെന്ന് ചെയര്‍പേഴ്സണ്‍ പറഞ്ഞു.
ഏഴ് കേസുകള്‍ ജാഗ്രതാ സമിതിക്കും അഞ്ച് കേസുകള്‍ വകുപ്പുതല അന്വേഷണത്തിനും കമ്മിഷന്‍ ശുപാര്‍ശ ചെയ്തു. ഗാര്‍ഹിക പീഡന കേസുകളും കുടുംബ പ്രശ്ന പരാതികളുമാണ് കൂടുതലായും അദാലത്തില്‍ ഉണ്ടായിരുന്നത്. ചെക്കുകേസ്സുകളും വഞ്ചനാ കേസുകളും കമ്മിഷന്‍ പരിഗണനയ്ക്കെടുത്തു. മിക്ക വഞ്ചനാ കേസുകളിലും എതിര്‍ കക്ഷികള്‍ ഹാജരാകാതിരുന്നത് കാരണം തീര്‍പ്പുകല്‍പ്പിക്കാന്‍ കമ്മിഷനു കഴിഞ്ഞില്ല. മക്കളുപേക്ഷിച്ച തൊണ്ണൂറുകാരിയായ കരിക്കകം സ്വദേശി ദാക്ഷായണിയമ്മ, സഹോദരങ്ങള്‍ ഉപേക്ഷിച്ച ശ്രീകാര്യം സ്വദേശി കുഞ്ഞുമോള്‍, അയല്‍പക്കക്കാരുടെ പീഡനം സഹിക്കാതെ പരാതിയുമായെത്തിയ അമ്പലത്തിന്‍മൂല സ്വദേശി വില്‍സിയുടെയും പരാതികള്‍ കമ്മിഷന്‍ മുമ്പാകെ എത്തി.

ദൂരദര്‍ശനില്‍ പ്രോഗ്രാം ചെയ്യാനെന്നു പറഞ്ഞ് പലരില്‍ നിന്ന് പണം കൈപ്പറ്റി തിരിച്ചുകൊടുക്കാത്തയാള്‍ക്കെതിരെയുള്ള പരാതിയും കമ്മിഷനു മുന്നിലെത്തി.

ഭര്‍ത്തൃപീഡനം സഹിക്കാതെ വീടുവിടേണ്ടിവന്ന ഭാര്യയുടേയും മക്കളുടേയും പരാതികള്‍ തുടങ്ങിയ നിരവധി കേസുകളാണ് കമ്മിഷന്‍ പരിഗണനയ്ക്ക് എടുത്തത്.

ഗാര്‍ഹിക പീഡനക്കേസുകളില്‍ പൊലീസ് വേണ്ട നടപടി സ്വീകരിക്കുന്നില്ലെന്ന് ജസ്റ്റിസ് ശ്രീദേവി കുറ്റപ്പെടുത്തി. ഇതിനായി പൊലീസ് വകുപ്പില്‍ ബോധവത്ക്കരണം നടത്താനുള്ള നടപടി സ്വീകരിക്കുമെന്ന് അവര്‍ പറഞ്ഞു.

5. ഭക്ഷ്യമന്ത്രിയുടെ വാഗ്ദാനം പാളി; അവശ്യസാധന നിയമം നടപ്പായില്ല
കരിഞ്ചന്തയും പൂഴ്ത്തിവയ്പും നിയന്ത്രിക്കാന്‍ ഭക്ഷ്യമന്ത്രി സി. ദിവാകരന്‍ പ്രഖ്യാപിച്ച അവശ്യ സാധന നിയമം (എസന്‍ഷ്യല്‍ കമ്മോഡിറ്റി ആക്ട്) നടപ്പായില്ല. പൊതു വിപണിയില്‍ വിലക്കയറ്റം രൂക്ഷമായ അവസരത്തില്‍ അതു നിയന്ത്രിക്കാനും നിയമത്തിനു കഴിയും. എന്നാല്‍ അത്യാവശ്യഘട്ടത്തില്‍ പോലും നിയമം നടപ്പാക്കാനുള്ള സന്നദ്ധത സര്‍ക്കാര്‍ കാണിക്കുന്നില്ല.

നിയമം നടപ്പാക്കാത്തതിന്റെ പേരില്‍ പൊതുമാര്‍ക്കറ്റിലെ വില വ്യാപാരികള്‍ നിശ്ചയിക്കുന്ന സ്ഥിതിയാണുള്ളത്.പലയിടങ്ങളിലും അമിതമായി സാധനങ്ങള്‍ സ്റ്റോക്കു ചെയ്യുന്നുണ്ടെങ്കിലും, നിയമമില്ലാത്തതിനാല്‍ പൂഴ്ത്തിവയ്പും കരിഞ്ചന്തയും കണ്ടെത്തി നടപടിയെടുക്കാന്‍ കഴിയുന്നില്ല. വ്യാപാരസ്ഥാപനങ്ങളില്‍ റേഷനരി സ്റ്റോക്കു ചെയ്താല്‍ കണ്ടെത്തുകയും വില വിവരപ്പട്ടിക സ്ഥാപിച്ചില്ലെങ്കില്‍ നടപടിയെടുക്കുകയുമാണു വ്യാപാരികള്‍ക്കെതിരേ കേരളത്തില്‍ സ്വീകരിക്കാവുന്ന നടപടി. പക്ഷേ റേഷനരി സ്റ്റോക്കു ചെയ്താല്‍ പോലും പലപ്പോഴും തെളിവുകള്‍ കണ്ടെത്താന്‍ കഴിയാത്ത പ്രശ്നമാണ് ഉദ്യോഗസ്ഥര്‍ അനുഭവിക്കുന്നത്. വിലവിവരപ്പട്ടിക വച്ചില്ലെങ്കിലും ഗുരുതരമായ നടപടി അസാധ്യമാണ്.
അവശ്യ സാധന നിയമത്തിന്റെ അഭാവം കുത്തക വ്യാപാര സ്ഥാപനങ്ങള്‍ക്കും വന്‍കിട വ്യാപാരികള്‍ക്കും സഹായകമാവുകയാണ്. ബഹുരാഷ്ട്ര കുത്തകകളെ നിയന്ത്രിക്കുക എന്നലക്ഷ്യത്തോടെയാണു നിയമം കൊണ്ടുവരുന്നത് എന്നായിരുന്നു മന്ത്രി പറഞ്ഞത്. എന്നാല്‍ കുത്തക സ്ഥാപനങ്ങള്‍ കര്‍ഷകരില്‍ നിന്നു നേരിട്ടു സാധനങ്ങള്‍ ശേഖരിച്ചു വിപണിയിലിറക്കാതെ തടഞ്ഞുവയ്ക്കുകയാണു ചെയ്യുന്നത്. വ്യാപാരികള്‍ ലോറിമാര്‍ഗമെത്തുന്ന ഭക്ഷ്യ സാധനങ്ങള്‍ ഗോഡൌണുകളില്‍ പൂഴ്ത്തിവയ്ക്കുന്നുവെന്നാണു ഭക്ഷ്യവകുപ്പ് ഉദ്യോഗസ്ഥര്‍ പറയുന്നത്. നേരത്തേ ഉണ്ടായിരുന്ന നിയമത്തില്‍ ഓരോ വ്യാപാര സ്ഥാപനങ്ങളും നിശ്ചിത കണക്കില്‍ മാത്രമേ സാധനങ്ങള്‍ സ്റ്റോക്കു ചെയ്യാന്‍ പാടുള്ളൂ എന്നുണ്ടായിരുന്നു. എന്നാല്‍ 2002ല്‍ ബി.ജെ.പി സര്‍ക്കാര്‍ ഉദാരീകരണത്തിന്റെ ഭാഗമായി അവശ്യസാധന നിയമം പിന്‍വലിച്ചു.

നിയമം പിന്‍വലിക്കുമ്പോള്‍ സംസ്ഥാനങ്ങള്‍ക്ക് ഇക്കാര്യത്തില്‍ നിയമ നിര്‍മാണം നടത്താമെന്ന വ്യവസ്ഥയും വച്ചിരുന്നു. കഴിഞ്ഞ യു.ഡി.എഫ്. സര്‍ക്കാര്‍ ഇക്കാര്യത്തില്‍ നടപടികള്‍ സ്വീകരിച്ചില്ല. എല്‍.ഡി.എഫ്. അധികാരത്തില്‍ വന്നു സി. ദിവാകരന്‍ ഭക്ഷ്യമന്ത്രിയായപ്പോഴാണു നിയമം നടപ്പാക്കുമെന്ന് ഉറപ്പുനല്‍കിയത്.



ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 20-01-08

 1. സൈബര്‍ സിറ്റിയെ ചൊല്ലി ഭൂമി ഇടപാട് വിവാദം
മുഖ്യമന്ത്രി ചടങ്ങില്‍ പങ്കെടുത്തില്ല

കളമശ്ശേരി: സൈബര്‍ സിറ്റിയെ ചൊല്ലി ഭൂമി ഇടപാട് വിവാദമുയര്‍ന്നതിനെ തുടര്‍ന്ന് പദ്ധതിയുടെ തറക്കല്ലിടല്‍ ചടങ്ങില്‍ മുഖ്യമന്ത്രി വി.എസ്. അച്യുതാനന്ദന്‍ പങ്കെടുത്തില്ല. മുഖ്യമന്ത്രിക്ക് പകരം ചടങ്ങ് ഉദ്ഘാടനത്തിനെത്തിയ വ്യവസായമന്ത്രി മാധ്യമങ്ങളെ അതിരൂക്ഷമായ ഭാഷയില്‍ വിമര്‍ശിച്ചു.

4000 കോടി രൂപയുടെ നേരിട്ടുള്ള നിക്ഷേപവും 60,000 പേര്‍ക്ക് നേരിട്ട് തൊഴിലും ലഭ്യമാക്കുമെന്ന വാഗ്ദാനവുമായാണ് സൈബര്‍ സിറ്റി നിര്‍മാതാക്കളായ ഹൌസിങ് ഡവലപ്പ്മെന്റ് ഇന്‍ഫ്രാ സ്ട്രക്ചര്‍ ലിമിറ്റഡ് (എച്ച്.ഡി.ഐ.എല്‍) കേരളത്തിലെത്തിയത്.

പദ്ധതിക്കായി കേന്ദ്ര പൊതുമേഖലാസ്ഥാപനമായ കളമശ്ശേരി എച്ച്.എം.ടി.യുടെ കൊച്ചി സഹകരണ മെഡിക്കല്‍ കോളേജിനോട് ചേര്‍ന്ന് കിടക്കുന്ന 70 ഏക്കര്‍ ഭൂമിയാണ് എച്ച്.ഡി.ഐ.എല്ലിന് വിറ്റത്. ഈ ഭൂമി വില്‍ക്കാന്‍ എച്ച്.എം.ടി.ക്ക് അധികാരമില്ലെന്നും ഇതില്‍ സര്‍ക്കാര്‍ നിര്‍മാണാനുമതി നല്‍കിയത് നിയമപരമല്ലെന്നുമുള്ള വിവാദമാണ് ഇപ്പോള്‍ ഉയര്‍ന്നിരിക്കുന്നത്.

എച്ച്.എം.ടി. കമ്പനിക്കായി സംസ്ഥാന സര്‍ക്കാര്‍ 781 ഏക്കറോളം ഭൂമിയാണ് നല്‍കിയിരുന്നത്. കളമശ്ശേരിയില്‍ വന്ന വിവിധ വ്യവസായങ്ങള്‍ക്കായി ഈ ഭൂമിയില്‍ നിന്നും സ്ഥലം വിട്ടുകൊടുത്തിരുന്നു. ഇതിനുശേഷം 642 ഏക്കറാണ് എച്ച്.എം.ടി.ക്ക് ഉണ്ടായിരുന്നത്. എച്ച്.എം.ടി. സ്ഥലം വിട്ടുകൊടുക്കുമ്പോള്‍ സംസ്ഥാന സര്‍ക്കാര്‍ മുന്നോട്ട് വെച്ച നിബന്ധനപ്രകാരം വ്യാവസായിക ആവശ്യത്തിന് വേണ്ടി ഉപയോഗിക്കപ്പെടാതെ കിടക്കുന്ന ഭൂമി 25 വര്‍ഷത്തിനുശേഷം സംസ്ഥാനത്തിന് തിരിച്ചെടുക്കാമെന്നാണ്. ഇതനുസരിച്ച് 25 വര്‍ഷം പൂര്‍ത്തിയായപ്പോള്‍ 400 ഏക്കര്‍ ഭൂമി തിരിച്ചെടുക്കാന്‍ സര്‍ക്കാര്‍ തീരുമാനിച്ചു. ഇതില്‍ 300 ഏക്കര്‍ ഭൂമി കിന്‍ഫ്രയ്ക്ക് നല്‍കി. തങ്ങളുടെ സാമ്പത്തിക ബുദ്ധിമുട്ട് കണക്കിലെടുത്ത് തിരിച്ചെടുക്കുന്ന 400 ഏക്കറില്‍ 100 ഏക്കര്‍ സ്വതന്ത്രമായി ക്രയവിക്രയം ചെയ്യാന്‍ തരണമെന്ന് എച്ച്.എം.ടി. ആവശ്യപ്പെട്ടിരുന്നു. ഇതനുസരിച്ച് എച്ച്.എം.ടി.ക്ക് സംസ്ഥാന സര്‍ക്കാര്‍ നല്‍കിയ 100 ഏക്കര്‍ ഭൂമിയില്‍ 70 ഏക്കറാണ് എച്ച്.ഡി.ഐ.എല്ലിന് എച്ച്.എം.ടി. 91 കോടി രൂപയ്ക്ക് വിറ്റത്.

കേന്ദ്രസ്ഥാപനമായ എച്ച്.എം.ടി.ക്ക് സ്വകാര്യസ്ഥാപനത്തിന് ഭൂമി വില്‍ക്കാന്‍ അധികാരമില്ലെന്നുള്ള വാദവും സംസ്ഥാന സര്‍ക്കാര്‍ ഈ ഭൂമിയില്‍ നിര്‍മാണാനുമതി നല്‍കരുതായിരുന്നെന്ന വാദവുമാണ് ഇപ്പോള്‍ ഉയരുന്നത്. നിയമവ്യവസ്ഥകള്‍ മറികടന്നുള്ള ഈ ഇടപാടില്‍ അന്വേഷണം വേണമെന്നുള്ള ആവശ്യവും ഉയര്‍ന്നിട്ടുണ്ട്.

പദ്ധതിക്ക് മുഖ്യമന്ത്രി തറക്കല്ലിടും എന്നാണ് എച്ച്.ഡി.ഐ.എല്‍. അധികൃതര്‍ പത്രസമ്മേളനത്തില്‍ പറഞ്ഞിരുന്നത്. ഇതിനിടെയാണ് സൈബര്‍ സിറ്റിയെ ചൊല്ലി വിവാദമുയര്‍ന്നത്. ഇതേത്തുടര്‍ന്ന് രാത്രി തന്നെ മുഖ്യമന്ത്രി പരിപാടിയില്‍പങ്കെടുക്കേണ്ട എന്നു തീരുമാനിച്ചതായാണ് സൂചന.

ഏലൂരില്‍ രാവിലെ 9.30ന് സി.പി.എമ്മിന്റെ പരിപാടിയും മുഖ്യമന്ത്രിക്കുണ്ടായിരുന്നു. വൈകീട്ട് നടത്താന്‍ നിശ്ചയിച്ചിരുന്ന പരിപാടി മുഖ്യമന്ത്രിക്ക് വേണ്ടി ശനിയാഴ്ച രാവിലെ ആക്കുകയായിരുന്നു.

മാധ്യമസുഹൃത്തുക്കള്‍ സഹായിച്ചില്ലെങ്കിലും പാര വെയ്ക്കരുതെന്ന് മുഖ്യമന്ത്രിക്ക് പകരം ചടങ്ങ് ഉദ്ഘാടനം ചെയ്ത വ്യവസായമന്ത്രി എളമരം കരീം വിമര്‍ശനമുന്നയിച്ചു. വികസന പദ്ധതികളെ വിവാദത്തില്‍ കുടുക്കി അവയുടെ വേഗം കുറയ്ക്കുന്നതിനുള്ള ഗൂഢശ്രമങ്ങള്‍ നടക്കുന്നുണ്ട്. വസ്തുതകള്‍ കൃത്യമായി മനസ്സിലാക്കി സര്‍ക്കാരിന്റെയും കമ്പനി അധികൃതരുടെയും വിശദീകരണം തേടിയശേഷം വാര്‍ത്തകള്‍ നല്‍കിയാലും കുഴപ്പമില്ലല്ലോയെന്ന് അദ്ദേഹം വ്യക്തമാക്കി.

കേരളത്തില്‍ വ്യവസായം തുടങ്ങുമ്പോള്‍ നിര്‍മിക്കുന്ന കെട്ടിടങ്ങളിലെ 70 ശതമാനം സ്ഥലവും വ്യവസായത്തിന് ഉപയോഗിക്കണമെന്ന് കര്‍ശന നിബന്ധനയുണ്ട്. ഒരുസ്വകാര്യ കമ്പനിക്കും ഇതില്‍ സൌജന്യം ചെയ്യാന്‍ ഉദ്ദേശിക്കുന്നില്ല. ഈ കമ്പനിക്കും സൌജന്യം ചെയ്തിട്ടില്ല. 70 ശതമാനം വ്യവസായങ്ങള്‍ക്കായി നീക്കിവെച്ചിട്ടുണ്ടോയെന്ന് പരിശോധിച്ചിട്ടായിരിക്കും പദ്ധതിക്ക് അന്തിമാംഗീകാരം നല്‍കുകയെന്ന് അദ്ദേഹം പറഞ്ഞു.

ഭരണപരമായ എല്ലാ കാര്യങ്ങളും പൂര്‍ത്തീകരിച്ചശേഷമാണ് പദ്ധതിക്ക് അംഗീകാരം നല്‍കിയതെന്ന് ചടങ്ങില്‍ അധ്യക്ഷത വഹിച്ച രജിസ്ട്രേഷന്‍ വകുപ്പ് മന്ത്രി എസ്. ശര്‍മ പറഞ്ഞു.

വിമര്‍ശനങ്ങളെ സൂക്ഷ്മമായി നിരീക്ഷിക്കുകയും പരിശോധിക്കുകയും ചെയ്യുമെന്നും അദ്ദേഹം പറഞ്ഞു.

2. നാളികേര വികസനപദ്ധതി താളംതെറ്റുന്നു
കൊല്ലം: കൃഷിവകുപ്പ് നടപ്പാക്കുന്ന നാളികേര വികസനപദ്ധതി താളംതെറ്റുന്നു.

കൃഷിക്കാര്‍ക്ക് ഒരു പ്രയോജനവും ലഭിക്കാത്ത തരത്തില്‍ പദ്ധതി നടപ്പാക്കാന്‍ കൃഷിവകുപ്പിലെ ചില ഉദ്യോഗസ്ഥരുടെ സഹായത്തോടെ ജൈവവള കമ്പനികളും കൃഷിവകുപ്പിന് കീഴിലുള്ള കോര്‍പ്പറേഷനും ശ്രമിക്കുകയാണെന്ന ആരോപണം ശക്തമായി.

നാളികേര വികസനപദ്ധതി നടപ്പാക്കുന്നതിന് കൃഷിഭവന്‍ പ്രദേശത്തെ എല്ലാ വാര്‍ഡുകളും ചേര്‍ത്ത് രണ്ടോ മൂന്നോ ക്ലസ്റ്ററുകള്‍ രൂപവത്കരിച്ച് പഞ്ചായത്തുസമിതികളും കാര്‍ഷിക വികസനസമിതികളും ചേര്‍ന്ന് നടപ്പാക്കണമെന്നാണ് തീരുമാനം. ആദ്യപടിയായി കേരകര്‍ഷകരുടെ യോഗം വിളിച്ചുകൂട്ടി പദ്ധതികള്‍ വിശദീകരിക്കണം. യോഗത്തില്‍ പങ്കെടുക്കുന്ന കര്‍ഷകരില്‍ ഒരാളെ കണ്‍വീനറായും വാര്‍ഡുമെമ്പറെ ചെയര്‍മാനായും തിരഞ്ഞെടുക്കണമെന്നാണ് സര്‍ക്കാര്‍ നിര്‍ദ്ദേശം. എന്നാല്‍ ചില കൃഷിഭവനുകളില്‍ പദ്ധതികളെ കുറിച്ച് വിശദീകരണം നടന്നിട്ടില്ലെന്ന് കര്‍ഷക സംഘടനകള്‍ ചൂണ്ടിക്കാട്ടുന്നു. അതുകൊണ്ടുതന്നെ കര്‍ഷകര്‍ക്ക് പദ്ധതിയുടെ പ്രയോജനം പൂര്‍ണ്ണമായി ലഭിക്കുന്നില്ല. കൃഷിവകുപ്പ് ഉദ്യോഗസ്ഥര്‍ക്ക് താത്പര്യമുള്ളവരെ കണ്ടുപിടിച്ച് കണ്‍വീനര്‍മാരാക്കുന്നത് മുതലാണ് പദ്ധതികളുടെ താളംതെറ്റുന്നത്.

പ്രാദേശിക സഹകരണസംഘങ്ങളില്‍ വളംഡിപ്പോകള്‍ ഉണ്ടെങ്കില്‍ പദ്ധതിയുടെ ഭാഗമായി വിതരണം ചെയ്യേണ്ട രാസവളവും ജൈവവളവും സംഘംവഴി തന്നെ വിതരണം ചെയ്യണമെന്നാണ് നടപടിക്രമം. എന്നാല്‍ ചില കൃഷിഭവനുകളില്‍ രാസവളം മാത്രം സംഘംവഴി വിതരണം ചെയ്യുന്നു. ജൈവവളം, പമ്പ് സെറ്റ് എന്നിവയുടെ വിതരണം കൃഷിവകുപ്പിന് കീഴിലെ ആഗ്രോ ഇന്‍ഡസ്ട്രീസ് കോര്‍പ്പറേഷന്‍ വഴിയുമാക്കും. ജൈവവളം സ്റ്റോക്ക് ചെയ്യാന്‍ ആഗ്രോ ഇന്‍ഡസ്ട്രീസ് കോര്‍പ്പറേഷന് കൃഷിഭവന്‍ പ്രദേശത്ത് ഡിപ്പോകളില്ലാതിരിക്കെ ജൈവവളവിതരണം പേരിന് വേണ്ടി മാത്രമാകുന്നുവെന്ന ആക്ഷേപം ശക്തമാണ്. രാസവളവും ജൈവളവും രണ്ടു രീതിയില്‍ വിതരണം ചെയ്യുന്നത് ക്രമക്കേടിന് വഴിവെക്കുന്നുവെന്ന് ചൂണ്ടിക്കാണിക്കപ്പെടുന്നു.

3. എല്‍.എന്‍.ജി. പദ്ധതി വരുന്നതോടെ ഇന്ധനക്ഷാമം കുറയും
കോട്ടയ്ക്കല്‍: കൊച്ചിയിലെ എല്‍.എന്‍.ജി. ടെര്‍മിനല്‍ കേന്ദ്രീകരിച്ച് നടപ്പാക്കുന്ന പ്രകൃതിവാതക പൈപ്പ് ലൈന്‍ പദ്ധതി പ്രാവര്‍ത്തികമാകുന്നതോടെ സംസ്ഥാനത്തെ ഗാര്‍ഹിക, വാണിജ്യ, വ്യാവസായിക ഇന്ധനക്ഷാമം ഒരുപരിധിവരെ പരിഹരിക്കാന്‍ സാധിക്കുമെന്ന് ഗ്യാസ് അതോറിറ്റി ഓഫ് ഇന്ത്യയുടെ എക്സി. ഡയറക്ടര്‍ എ.കെ. വിജയ്കുമാര്‍ പറഞ്ഞു.

കോട്ടയ്ക്കല്‍ ആര്യവൈദ്യശാലയുടെ ഔഷധസസ്യ സംരക്ഷണ പ്രവര്‍ത്തനങ്ങള്‍ക്ക് അതോറിറ്റിയുടെ ധനസഹായവിതരണം നിര്‍ഹിച്ച് സംസാരിക്കുകയായിരുന്നു അദ്ദേഹം. ഗ്യാസ് അതോറിറ്റിയുടെ പുതിയ പൈപ്പ് ലൈന്‍ പദ്ധതിക്ക് 2500 കോടി രൂപയാണ് നീക്കിവെച്ചിട്ടുള്ളത്. 840 കി.മീ. ദൂരം വരുന്ന പൈപ്പ് കൊച്ചിയില്‍നിന്ന് കര്‍ണാടകം, തമിഴ്നാട് സംസ്ഥാനങ്ങള്‍ വഴിയാണ് കടന്നുപോകുന്നത്. ഇതിന്റെ പ്രയോജനം കേരളത്തിനാണ് ലഭിക്കുകയെന്നും വിജയ്കുമാര്‍ പറഞ്ഞു.

ചടങ്ങില്‍ ഗ്യാസ് അതോറിറ്റി ഓഫ് ഇന്ത്യ എക്സി. ഡയറക്ടറില്‍നിന്ന് ആര്യവൈദ്യശാലാ മാനേജിങ് ട്രസ്റ്റി ഡോ. പി.കെ. വാരിയര്‍ സഹായധനമായ 20 ലക്ഷം രൂപ സ്വീകരിച്ചു. പ്രൊഫ. എം.എസ്. സ്വാമിനാഥന്‍ ചടങ്ങില്‍ മുഖ്യാതിഥിയായിരുന്നു. അതോറിറ്റി ഡെ. ജനറല്‍ മാനേജര്‍ ആര്‍.വി. സുബ്രഹ്മണ്യന്‍ ആശംസാ പ്രസംഗം നടത്തി. ഡോ. ഇന്ദിരാബാലചന്ദ്രന്‍ സ്വാഗതവും ഡോ. ഗീത എസ്. പിള്ള നന്ദിയും പറഞ്ഞു.

4. രാജവീഥിയില്‍ കാഴ്ചവിസ്മയം തീര്‍ക്കാന്‍ എഴുമറ്റൂര്‍ പടയണിയും ചേറൂരിലെ പുലികളും
ന്യൂഡല്‍ഹി : റിപ്പബ്ലിക് ദിന പരേഡിനു വിസ്മയമേകാന്‍ ഓണത്തിന്റെ നിശ്ചല ദൃശ്യവുമായി കേരളം എത്തുന്നു. മധ്യതിരുവിതാംകൂറിലെ പടയണിയും മഹാപൂരത്തിന്റെ നാട്ടിലെ പുലികളിയും അതിന് അകമ്പടി. ഓണം വിഷയമാകുന്ന കേരളീയ ദൃശ്യത്തില്‍ മാവേലി മന്നനും തിരുവാതിരകളിയും അത്തപ്പൂക്കളുവുമെല്ലാം കാണികള്‍ക്കു കൌതുകമേകും. ആറന്മുള വള്ളംകളിക്കു മുന്നോടിയായുള്ള ജലഘോഷയാത്രയില്‍ അണിനിരത്താറുള്ള അരയന്നത്തോണിയിലായിരിക്കും മലയാളദൃശ്യം ചലിക്കുക.

ഡല്‍ഹി കന്റോണ്‍മെന്റിലെ പരിശീലനക്കളരിയില്‍ പടയണിക്കോലങ്ങളും പുലികളും ഒരുങ്ങുകയാണ്. എഴുമറ്റൂര്‍ പടയണി സംഘമാണ് പരേഡില്‍ അണിനിരക്കുക. മുസ്ലിങ്ങളുടെ വേഷമണിഞ്ഞുള്ള തങ്ങളും പടയും കോലങ്ങളും കെട്ടിയാടുമെന്നതാണ് എഴുമറ്റൂര്‍ പടയണിയുടെ പ്രത്യേകത.
പച്ചപ്പാളകളില്‍ തീര്‍ത്ത കോലങ്ങളും ചെമ്പട്ടും നേര്യതും ചുറ്റി പച്ചയിട്ടും കുരുത്തോലയണിഞ്ഞു ഒറ്റത്താളത്തില്‍ ചുവടുവെച്ച് 12 പേര്‍ പരേഡില്‍ പടയണിചേരും. 51 പാളകളുള്ള ഭൈരവിക്കോലം, 32 പാളകളുള്ള കാലം, പക്ഷിക്കോലങ്ങളും ചെറിയ രണ്ടു കുതിരക്കോലങ്ങളുമാണ് കളിക്കുക. താളലയം തീര്‍ക്കാന്‍ പാട്ടുകാരും തപ്പു,തുടി, ചെണ്ട മേളക്കാരുമുണ്ടാകും. എ.വി.പ്രസന്നകുമാറാണ് പടയണി സംഘത്തിന്റെ തലവന്‍.
പൂരനഗരിയായ തൃശൂരില്‍ നിന്നും ചേറൂര്‍ സംഘമാണ് പരേഡില്‍ പുലികളിയുടെ താളലഹരിയും വര്‍ണവിസ്മയവും തീര്‍ക്കുക. റിപ്പബ്ലിക് ദിനത്തില്‍ വെള്ളപ്പുലിയും കരിമ്പുലിയും പുള്ളിപ്പുലിയും വരയന്‍പുലിയുമെല്ലാം തലസ്ഥാന നഗരിയിലെ രാജവീഥിയിലൂടെ മൂന്നു ചുവുടകളുമായി കളിച്ചു നീങ്ങും. ചേറൂര്‍ അജിയാണ് സംഘ നേതാവ്. റിപ്പബ്ലിക് ദിന പരേഡില്‍ കേരള ഹൌസ് പി.ആര്‍.ഡി ഫീല്‍ഡ് പബ്ലിസിറ്റി അസിസ്റ്റന്റ് കെ.ഗണേശന്‍ കേരള സംഘത്തെ നയിക്കും.

5. കേരള കാര്‍ഷിക സര്‍വകലാശാലയ്ക്ക് ദേശീയ അവാര്‍ഡ്
ന്യൂഡല്‍ഹി: ഇക്കൊല്ലം ഏറ്റവും കൂടുതല്‍ ജൂനിയര്‍ റിസര്‍ച്ച് ഫെല്ലോഷിപ്പുകള്‍ ലഭിച്ചതിനുള്ള ദേശീയ അവാര്‍ഡ് കേരള കാര്‍ഷിക സര്‍വകലാശാലയ്ക്ക്. ഡല്‍ഹിയില്‍ ശനിയാഴ്ച നടന്ന വൈസ് ചാന്‍സലര്‍മാരുടെ സമ്മേളനത്തില്‍ കേന്ദ്ര കൃഷിമന്ത്രി ശരദ് പവാര്‍,കേരള കാര്‍ഷിക സര്‍വകലാശാല വൈസ് ചാന്‍സലര്‍ കെ.ആര്‍.വിശ്വംഭരന് അവാര്‍ഡ് സമ്മാനിച്ചു.

ദേശീയ തലത്തില്‍ നടന്ന ജെ.ആര്‍.എഫ്.പരീക്ഷയില്‍ 51 കാര്‍ഷിക സര്‍വകലാശാലകളില്‍ ഏറ്റവും നല്ല ഫലം കാഴ്ചവെച്ചത് കേരള കാര്‍ഷിക സര്‍വകലാശാലയാണ്. അവിടത്തെ 41 വിദ്യാര്‍ഥികള്‍ക്ക് ഗവേഷണത്തിനുള്ള ഫെല്ലോഷിപ്പ് ലഭിച്ചു. രണ്ടാംസ്ഥാനം കര്‍ണാടകത്തിനും മൂന്നാംസ്ഥാനം മഹാരാഷ്ട്രയ്ക്കുമാണ്. 2003 ലും 2005 ലും കേരള കാര്‍ഷിക സര്‍വകലാശാലയ്ക്ക് ദേശീയ അവാര്‍ഡ് ലഭിച്ചിരുന്നു.

കേരള കാര്‍ഷിക സര്‍വകലാശാലയില്‍ ഇക്കൊല്ലം എം.എസ്സി. ബയോടെക്നോളജി കോഴ്സ് തുടങ്ങുമെന്ന് വൈസ് ചാന്‍സലര്‍ പറഞ്ഞു. പ്ലസ് ടു കഴിഞ്ഞ വിദ്യാര്‍ഥികളെ പ്രവേശന പരീക്ഷയിലൂടെയായിരിക്കും അഞ്ചു വര്‍ഷത്തെ എം.എസ്സി. (ഇന്റഗ്രേറ്റഡ്)കോഴ്സിന് തിരഞ്ഞെടുക്കുക.

6. റേഷന്‍ അരിയും ഗോതമ്പും വെട്ടിക്കുറയ്ക്കാനുള്ള കേന്ദ്രനീക്കം തടയണം
തിരുവനന്തപുരം: കേരളത്തിലെ 60 ലക്ഷത്തോളം വരുന്ന റേഷന്‍ കാര്‍ഡുടമകള്‍ക്ക് ലഭിക്കേണ്ട അരിയും ഗോതമ്പും വെട്ടിക്കുറയ്ക്കാനുള്ള കേന്ദ്രനീക്കം തടയണമെന്ന് റേഷന്‍ ഡീലേഴ്സ് ഫെഡറേഷന്‍ അഭിപ്രായപ്പെട്ടു. കേരളത്തിലെ 15000 ത്തോളം വരുന്ന റേഷന്‍ കട ലൈസന്‍സികളുടെ തൊഴില്‍ അടക്കം സ്തംഭിക്കാവുന്ന രീതിയിലാണ് കേന്ദ്രഗവണ്‍മെന്റിന്റെ ഈ നീക്കം.

ഫെഡറേഷന്‍ സംസ്ഥാന കമ്മിറ്റിയുടെ പ്രത്യേക യോഗം ബി. സതീഷിന്റെ അധ്യക്ഷതയില്‍ ചേര്‍ന്ന് ഭാരവാഹികളെ തീരുമാനിച്ചു. സംസ്ഥാന പ്രസിഡന്റായി ആര്‍. ശെല്‍വരാജ് എം.എല്‍.എയേയും വര്‍ക്കിങ് പ്രസിഡന്റായി പേരൂര്‍ക്കട ബി. സതീഷിനെയും ജനറല്‍ സെക്രട്ടറിയായി പട്ടം ബി. ഹരികുമാറിനെയും വൈസ് പ്രസിഡന്റായി ശശിധരന്‍ നായരെയും സെക്രട്ടറിമാരായി പത്മനാഭന്‍ നായര്‍, സുഭാഷിതന്‍ എന്നിവരേയും ട്രഷററായി എസ്.പ്രേംകുമാറിനെയും തിരഞ്ഞെടുത്തു.

7. കോട്ടയം പബ്ലിക് ലൈബ്രറിക്ക് സ്വദേശി പുരസ്കാരം
തിരുവനന്തപുരം: മാതൃകാപരമായ രീതിയില്‍ സ്വദേശി ഉല്പന്ന നിര്‍മ്മാണ വിതരണ കൌണ്ടറും സൂപ്പര്‍ മാര്‍ക്കറ്റും നടത്തിയ മികച്ച സ്ഥാപനങ്ങള്‍ക്ക് നല്‍കുന്ന സ്വദേശി പുരസ്കാരത്തിന് കോട്ടയം പബ്ലിക് ലൈബ്രറി അര്‍ഹമായി. മഹാത്മാഗാന്ധിയുടെ സ്വദേശി ആശയം നടപ്പാക്കിയതിന്റെ അടിസ്ഥാനത്തില്‍ അഞ്ചുവ്യക്തികള്‍ക്കും ഈ പുരസ്കാരം സമര്‍പ്പിക്കുമെന്ന്ഡയറക്ടര്‍ ഡോ. ജേക്കബ് പുളിക്കന്‍ അറിയിച്ചു.

ഏകതാ പരിഷത്ത് അഖിലേന്ത്യാ ചെയര്‍മാന്‍ പി. വി. രാജഗോപാല്‍, വയനാട് സര്‍വസേവാ മണ്ഡലം സെക്രട്ടറി പി. കേശവന്‍നായര്‍, മലങ്കര സോഷ്യല്‍ സര്‍വീസ് സൊസൈറ്റി ഡയറക്ടര്‍ ഫാദര്‍ വില്‍സണ്‍ തട്ടാരുതുണ്ടില്‍, സ്വദേശി മലബാര്‍ മേഖല കോ_ഓര്‍ഡിനേറ്റര്‍ സി. കെ. വിനിരാജ്, ജി. സി. ആര്‍. ഡി. കണ്‍സല്‍ട്ടന്റ് മുസ്തഫ എന്നിവര്‍ക്കാണ് സ്വദേശി പുരസ്കാരം നല്‍കുന്നത്.

31ന് തൈക്കാട് ഗാന്ധിഭവനില്‍ നടക്കുന്ന ചടങ്ങില്‍ പുരസ്കാരങ്ങള്‍ വിതരണം ചെയ്യും. കേരള ഗാന്ധിസ്മാരകനിധി പ്രസിഡന്റ് പി. ഗോപിനാഥന്‍നായര്‍ ചെയര്‍മാനായ കമ്മിറ്റിയാണ് പുരസ്കാരങ്ങള്‍ പ്രഖ്യാപിച്ചത്.

8. വിദ്യാഭ്യാസരംഗത്തെ പരിഷ്കാരങ്ങള്‍ തുഗ്ലക്കിനെയും ലജ്ജിപ്പിക്കുന്നവ _വയലാര്‍ രവി
തൃശ്ശൂര്‍: വിദ്യാഭ്യാസമേഖലയില്‍ ഇടതുസര്‍ക്കാര്‍ നടപ്പാക്കുന്ന പരിഷ്കാരങ്ങള്‍ തുഗ്ലക്കിനെപ്പോലും ലജ്ജിപ്പിക്കുന്നവയാണെന്ന് കേന്ദ്ര പ്രവാസികാര്യമന്ത്രി വയലാര്‍ രവി പറഞ്ഞു. ഈ പരിഷ്കാരങ്ങള്‍ വിദ്യാഭ്യാസരംഗത്തെ പിന്നാക്കംപിടിക്കുകയാണെന്നും അദ്ദേഹം ചൂണ്ടിക്കാട്ടി. കെ.എ.പി.ടി. യൂണിയന്‍ സുവര്‍ണ്ണജൂബിലി സമ്മേളനത്തില്‍ പ്രഭാഷണം നടത്തുകയായിരുന്നു അദ്ദേഹം.

തന്റെ കുട്ടി എന്തു പഠിക്കണം എന്ന് തീരുമാനിക്കുന്നത് രക്ഷിതാവാണ്. അല്ലാതെ അത് പാര്‍ട്ടി തീരുമാനിക്കേണ്ട കാര്യമല്ല. പഞ്ചായത്തുകളെ സ്കൂളിലേക്ക് ചൂരലുമായി വിടാമെന്നത് വ്യാമോഹം മാത്രമാണെന്നും അദ്ദേഹം വ്യക്തമാക്കി. ജഡ്ജിമാരെപ്പോലും ആക്ഷേപിക്കുകയും മുഖ്യമന്ത്രിവരെ അവരെ കടന്നാക്രമിക്കുകയും ചെയ്യുന്ന സ്ഥിതിയാണ്. പക്ഷേ, ഇതൊന്നും കേരളം അംഗീകരിക്കാന്‍ പോകുന്നില്ല _വയലാര്‍ രവി പറഞ്ഞു.

തേറമ്പില്‍ രാമകൃഷ്ണന്‍ എം.എല്‍.എ., കെ.സി. വേണുഗോപാല്‍ എം.എല്‍.എ., ടി.എന്‍. പ്രതാപന്‍ എം.എല്‍.എ., വി.യു. രാധാകൃഷ്ണന്‍, ഡി.സി.സി. പ്രസിഡന്റ് സി.എന്‍. ബാലകൃഷ്ണന്‍, പി. രാധാകൃഷ്ണന്‍, ഡി.എ. ഹരിഹരന്‍, എ.ടി. ആന്റോ, എം.എഫ്. ജോയ്, ടി. വിനയദാസ്, എ.കെ. സൈനുദ്ദീന്‍, വി. അബ്ദുള്‍ബഷീര്‍, പി.സി. വേലായുധന്‍കുട്ടി, എ.കെ. സാദിഖ്, എ. വിക്രമന്‍ നായര്‍, പി.എസ്.എം. സാദിഖ്, കെ.ജെ. റാഫി, പി. ഹരിഗോവിന്ദന്‍ തുടങ്ങിയവര്‍ പ്രസംഗിച്ചു.

തൃശ്ശൂരില്‍ നടക്കുന്ന കെ.എ.പി.ടി. യൂണിയന്‍ സുവര്‍ണജൂബിലി സമ്മേളനത്തില്‍ കേന്ദ്ര പ്രവാസികാര്യമന്ത്രി വയലാര്‍ രവി പ്രസംഗിക്കുന്നു

9. കാടാമ്പുഴയില്‍ വിളിച്ചുവരുത്തി അപമാനിച്ചെന്ന് യേശുദാസ്
തിരുവനന്തപുരം: എലിക്കും പൂച്ചക്കും വരെ ദൈവത്തിന്റെ അടുത്തു പോകാം. യേശുദാസിന് മാത്രം അത് നിഷിദ്ധമാണ്. കാടാമ്പുഴ ക്ഷേത്രത്തില്‍ അവര്‍ വിളിച്ചുവരുത്തി അപമാനിക്കുകയായിരുന്നു. ക്ഷണിച്ചുചെന്നപ്പോള്‍ പുറത്തുനിര്‍ത്തി. ഗുരുവായൂരിലും കയറ്റിയില്ല. എന്റെ അമ്മയായ മൂകാംബികയുടെ സന്നിധിയില്‍ ഒരു വിവേചനവുമില്ല. അവിടെ ആര്‍ക്കും പോകാം. മനുഷ്യരെ അപമാനിക്കുന്ന ശൈലിയാണ് മാറേണ്ടത്.

യേശുദാസ് വികാരഭരിതനായി ഇതു പറഞ്ഞപ്പോള്‍ സദസ്സ് നിശബ്ദമായി. അവരത് ഉള്‍ക്കൊള്ളുകയായിരുന്നു. സഹപാഠികളും ഗുരുക്കന്മാരും ശിഷ്യഗണങ്ങളുമൊക്കെ അക്കൂട്ടത്തിലുണ്ടായിരുന്നു. വര്‍ഷങ്ങള്‍ക്കുശേഷം താന്‍ പഠിച്ച തൈക്കാട് സ്വാതി തിരുന്നാള്‍ സംഗീത കോളേജിലെ ഒത്തുചേരലിന് എത്തിയതായിരുന്നു യേശുദാസ്. ‘സ്വരലയ’യും കോളേജും സംയുക്തമായാണിത് ഒരുക്കിയത്.

ഗായിക പാറശ്ശാല പൊന്നമ്മാള്‍, മൃദംഗവിദ്വാന്‍ മാവേലിക്കര എസ്.ആര്‍. രാജു, കുമാര കേരളവര്‍മ്മ, കളക്ടര്‍ എന്‍. അയ്യപ്പന്‍, കെ. ജയകുമാര്‍ തുടങ്ങിയ പ്രശസ്തരും പ്രഗല്‍ഭരും അണിനിരന്ന വേദിയില്‍ നിന്ന് യേശുദാസ് സഹപാഠിയായിരുന്ന ചന്ദ്രോത്ഭവനെ തിരിച്ചറിഞ്ഞ് വേദിയിലേക്ക് ക്ഷണിച്ചു. അവരുടെ മനസ്സില്‍ഗതകാലസ്മരണകള്‍ തെളിഞ്ഞു. ”അച്ഛനുമൊത്ത് കോളേജില്‍ ചേരാനെത്തിയ ദിവസം. മകന്റെ ചുമതല ചന്ദ്രോത്ഭവനെന്ന സഹപാഠിയെ ഏല്പിച്ച് അച്ഛന്‍ മടങ്ങി. തംബുരുവും ശ്രുതിപ്പെട്ടിയുമില്ലാതെ സാധകം നടത്തിയ ദാരിദ്ര്യത്തിന്റെ ദിനങ്ങളില്‍ തണലും കരുത്തുമായത് ചന്ദ്രോല്‍ഭവന്‍…” ഓര്‍മകള്‍ യേശുദാസ് സദസ്സിന് പങ്കുവെച്ചു.

ഈ വിനയവും ഗുരുഭക്തിയും ഈശ്വരവിശ്വാസവും സല്‍സ്വഭാവങ്ങളുമാണ് യേശുദാസിനെ ഉന്നതിയിലെത്തിച്ചതെന്ന് പാറശ്ശാല പൊന്നമ്മാള്‍ പറഞ്ഞു. ഒരു ഷെഹനായിയുടെ കഥ തിരുവിഴ ജയശങ്കര്‍ ഓര്‍ത്തെടുത്തു. ”ഷെഹനായി കാണണമെന്നായിരുന്നു മോഹം. യേശുദാസ് വളര്‍ന്ന് വലിയ ആളായപ്പോള്‍ കൊല്‍ക്കത്തയില്‍ നിന്ന് ഷെഹനായി വാങ്ങിക്കൊണ്ടുവന്ന് സമ്മാനിച്ചു”

ഓര്‍മകളില്‍ ഇങ്ങനെ പല അനുഭവങ്ങളും തെളിഞ്ഞു. പുതിയ തലമുറയുമായി മുഖാമുഖമായിരുന്നു അടുത്തത്. ഗുരു_ശിഷ്യബന്ധത്തില്‍ ആത്മാര്‍ത്ഥത ഇല്ലാതാകുകയാണെന്ന് യേശുദാസ് പറഞ്ഞു. കൂടുതല്‍ സംഗീതാധ്യാപകരെ നിയമിക്കണമെന്നും അദ്ദേഹം നിര്‍ദ്ദേശിച്ചു. പ്രശസ്ത ഫോട്ടോഗ്രാഫര്‍ ഗോപാലകൃഷ്ണന്‍ പകര്‍ത്തിയ യേശുദാസിന്റെ അപൂര്‍വചിത്രങ്ങളുടെ പ്രദര്‍ശനവും നടന്നു. വിദ്യാര്‍ത്ഥികളുടെ സംഗീതാര്‍ച്ചനയോടെയാണ് ഓര്‍മ പങ്കിടല്‍ തുടങ്ങിയത്. സ്വരലയ കേരള ചാപ്റ്റര്‍ ചെയര്‍മാന്‍ ജി. രാജ്മോഹന്‍, പ്രിന്‍സിപ്പല്‍ പ്രൊഫ. രാജലക്ഷ്മി എന്നിവരും പങ്കെടുത്തു.

10. കേരളത്തിന് തമിഴ്നാട് അരിയും പാലും നല്കും_ മന്ത്രി സി. ദിവാകരന്‍
ചെന്നൈ: കേരളത്തില്‍ അരി, പാല്‍ എന്നിവയ്ക്ക് അനുഭവപ്പെടുന്ന ക്ഷാമം പരിഹരിക്കാന്‍ 10 മെട്രിക് ടണ്‍ അരിയും ഒരു ലക്ഷം ലിറ്റര്‍ പാലും നല്കാന്‍ തമിഴ്നാട് തത്ത്വത്തില്‍ തീരുമാനിച്ചിട്ടുണ്ടെന്ന് ഭക്ഷ്യ സിവില്‍ സപ്ലൈസ് മന്ത്രി സി. ദിവാകരന്‍ പറഞ്ഞു. ചെന്നൈയില്‍ തമിഴ്നാട് മന്ത്രിമാരുമായി ചര്‍ച്ചനടത്തിയതിനു ശേഷം കേരള വര്‍ക്കിങ് ജേര്‍ണലിസ്റ്റ്സ് യൂണിയന്‍ തമിഴ്നാട് ഘടകം സംഘടിപ്പിച്ച മീറ്റ് ദ പ്രസ്സില്‍ സംസാരിക്കുകയായിരുന്നു മന്ത്രി.

ഇക്കാര്യത്തില്‍ മുഖ്യമന്ത്രി വി.എസ്. അച്യുതാന്ദന്‍ തമിഴ്നാട് മുഖ്യമന്ത്രി എം. കരുണാനിധിയുമായി ചര്‍ച്ച നടത്തും. ഫുഡ് കോര്‍പ്പറേഷന് കേരളം നല്കുന്ന വിലയ്ക്ക് തമിഴ്നാട്ടില്‍ നിന്ന് അരി ലഭിക്കുമെന്നാണ് പ്രതീക്ഷിക്കുന്നത്.

എല്ലാവര്‍ഷങ്ങളിലും തുടര്‍ന്ന് അരി ലഭിക്കാനുള്ള സാധ്യതയുണ്ട്_ മന്ത്രിപറഞ്ഞു. ഇതിലൂടെ കേരളത്തിലെ അരിവിലക്കയറ്റം പിടിച്ചുനിര്‍ത്താനാകും. ഫിബ്രവരിയോടെ അരി ലഭിക്കുമെന്നാണ് സൂചന.

തമിഴ്നാട് ഒരു ലക്ഷം ലിറ്റര്‍ പാല്‍ നല്കാമെന്നും തത്ത്വത്തില്‍ സമ്മതിച്ചിട്ടുണ്ട്.

ഇപ്പോള്‍ 20,000 ലിറ്റര്‍ പാലാണ് കേരളത്തിന് തമിഴ്നാട് നല്കുന്നത്.

കേന്ദ്രസര്‍ക്കാര്‍, കേരളത്തിനുള്ള അരിവിഹിതംവെട്ടിക്കുറച്ചിട്ടുണ്ട്. ഇതേത്തുടര്‍ന്നാണ് അരിക്ഷാമം രൂക്ഷമായത്_ മന്ത്രി പറഞ്ഞു.

കേരളത്തിലേക്ക് തമിഴ്നാട്ടില്‍ നിന്ന് മുന്തിയയിനം പശുക്കളെ കൊണ്ടുപോകുന്നത് സംബന്ധിച്ച് മൃഗസംരക്ഷണ മന്ത്രി ഗീതജീവനുമായി ചര്‍ച്ച നടത്തുമെന്നും സി. ദിവാകരന്‍ പറഞ്ഞു.

ജേര്‍ണലിസ്റ്റ്സ് യൂണിയന്‍ തമിഴ്നാട് ഘടകം പ്രസിഡന്റ് പി.എസ്. ശ്രിനിവാസന്‍ അധ്യക്ഷത വഹിച്ചു. ജനറല്‍ സെക്രട്ടറി കെ.എ. ജോണി സ്വാഗതം പറഞ്ഞു.

11. ചില്ലറവില്പനരംഗത്ത് ബഹുരാഷ്ട്ര കമ്പനികള്‍ക്ക് നിയന്ത്രണമേര്‍പ്പെടുത്തും_ മന്ത്രി
ചെന്നൈ: കേരളത്തില്‍ ചില്ലറവില്പനരംഗത്ത് ബഹുരാഷ്ട്ര കമ്പനികളെ നിയന്ത്രിക്കാനുള്ള നിയമം ഉടന്‍ കൊണ്ടുവരുമെന്ന് ഭക്ഷ്യ സിവില്‍ സപ്ലൈസ് മന്ത്രി സി. ദിവാകരന്‍ പറഞ്ഞു. ബഹുരാഷ്ട്ര കമ്പനി ഉത്പന്നങ്ങളുടെ അളവും തൂക്കവും വിലയും പരിശോധിക്കാനും നിയമത്തില്‍ വ്യവസ്ഥയുണ്ടാവും.

വരുമാനത്തിനനുസൃതമായി കമ്പനി നികുതി നല്‍കുന്നുണ്ടോയെന്നും കമ്പനികള്‍ എവിടെനിന്നാണ് ഉത്പന്നങ്ങള്‍ ശേഖരിക്കുന്നതെന്നും പരിശോധിക്കും.

ചില്ലറവില്പനരംഗത്ത് ജനങ്ങള്‍ക്ക് മികച്ച ഉത്പന്നങ്ങള്‍ കുറഞ്ഞവിലയ്ക്ക് ലഭ്യമാക്കുകയെന്ന ലക്ഷ്യത്തോടെ പീപ്പിള്‍ബസാര്‍ തിരുവനന്തപുരത്ത് ആരംഭിക്കാന്‍ തീരുമാനിച്ചിട്ടുണ്ട്. തുടര്‍ന്ന് പാലക്കാട്, കോഴിക്കോട്, തലശ്ശേരി എന്നിവിടങ്ങളിലും പീപ്പിള്‍ബസാര്‍ ആരംഭിക്കും. ജനങ്ങളെ കബളിപ്പിക്കാന്‍ ബഹുരാഷ്ട്ര കമ്പനികളെ അനുവദിക്കില്ലെന്നും മന്ത്രി പറഞ്ഞു. ബഹുരാഷ്ട്ര കുത്തകകളെ ചില്ലറവില്പന രംഗത്തേക്ക് പ്രവേശിപ്പിച്ചാല്‍ ഒട്ടേറെപ്പേര്‍ തൊഴില്‍രഹിതരാകുമെന്ന് മന്ത്രി അഭിപ്രായപ്പെട്ടു.

1. പൂട്ടിക്കിടക്കുന്ന തോട്ടങ്ങള്‍; താത്പര്യപത്രം അടുത്ത ആഴ്ച
ന്യൂഡല്‍ഹി: കേരളത്തില്‍ അടഞ്ഞുകിടക്കുന്ന അഞ്ച് തേയില തോട്ടങ്ങള്‍ക്ക് പുതിയ ഉടമസ്ഥരെ ക്ഷണിച്ചുകൊണ്ടുള്ള താത്പര്യ പത്രം അടുത്തയാഴ്ചയോടെ പുറപ്പെടുവിക്കാനാവുമെന്ന് പ്രതീക്ഷിക്കുന്നതായി കേന്ദ്ര വാണിജ്യ സഹമന്ത്രി ജയറാം രമേഷ്. തോട്ടങ്ങള്‍ തുറന്നു പ്രവര്‍ത്തിക്കുന്നതിനെ ചില യൂണിയന്‍ നേതാക്കളാണ് എതിര്‍ക്കുന്നതെന്നും മന്ത്രി പറഞ്ഞു.

പുതിയ ഉടമസ്ഥരെ ക്ഷണിക്കുന്ന നടപടികള്‍ക്കു കേന്ദ്ര നിയമ മന്ത്രാലയത്തിന്റെ അനുമതി ഉടനെ ലഭിക്കുമെന്നും മന്ത്രി പറഞ്ഞു. തോട്ടങ്ങള്‍ തുറക്കാനുള്ള പ്രവര്‍ത്തനങ്ങള്‍ക്ക് സംസ്ഥാന മന്ത്രി പൂര്‍ണ പിന്തുണയാണ് നല്‍കുന്നതെന്നും മന്ത്രി അഭിപ്രായ പ്പെട്ടു.

കാര്‍ഷിക ബോര്‍ഡുകളില്‍ ശാസ്ത്ര സങ്കേതിക വിഭാഗങ്ങളിലേക്കു ജീവനക്കാരെ നിയമിക്കാന്‍ ഏര്‍പ്പെടുത്തിയിരുന്ന വിലക്കു കേന്ദ്ര സര്‍ക്കാര്‍ മാറ്റിയെന്ന് ജയറാം രമേശ് പത്രസമ്മേളനത്തില്‍ അറിയിച്ചു. ടീ ബോര്‍ഡില്‍ 15, കോഫി ബോര്‍ഡില്‍ 74, റബര്‍ ബോര്‍ഡില്‍ 70, സ്പൈസസ് ബോര്‍ഡില്‍ ഏഴ് എന്നിവ ഉള്‍പ്പെടെ 246 ഒഴിവുകള്‍ നികത്താനാണ് സര്‍ക്കാര്‍ അംഗീകാരം നല്‍കിയിരി ക്കുന്നത്.

2. ജനമധ്യത്തില്‍ യുവാവിനെ ഫോര്‍ട്ട് പോലീസ് നഗ്നനാക്കി
തിരുവനന്തപുരം: മോഷണക്കുറ്റം ആരോപിച്ച് പിടികൂടിയ യുവാവിനെ ഫോര്‍ട്ട് പോലീസ് ജനമധ്യത്തില്‍ നഗ്നനാക്കിയ സംഭവത്തില്‍ മനുഷ്യാവകാശ കമ്മീഷന്‍ സ്വമേധയാ കേസെടുത്തു.

സംഭവത്തെക്കുറിച്ച് നേരിട്ട് ഹാജരായി വിശദീകരണം നല്‍കണമെന്ന് തിരുവനന്തപുരം സിറ്റി പോലീസ് കമ്മീഷണറോട് കമ്മീഷന്‍ ആവശ്യപ്പെട്ടു. ഇതിനിടെ സംഭവത്തെക്കുറിച്ച് അന്വേഷിക്കാന്‍ ആഭ്യന്തരമന്ത്രി കോടിയേരി ബാലകൃഷ്ണനും ഉത്തരവിട്ടു. നാര്‍ക്കോട്ടിക് അസിസ്റ്റന്റ് കമ്മീഷണര്‍ രമേശ്ബാനുവിനാണ് അന്വേഷണചുമതല.

വെള്ളിയാഴ്ച രാത്രി കിഴക്കേകോട്ടയില്‍ കെ.എസ്.ആര്‍. ടി.സി ജീവനക്കാര്‍ നടത്തിയ മിന്നല്‍പണിമുടക്കിനിടെയാണ് മോഷണക്കുറ്റം ചുമത്തി യാത്രക്കാര്‍ പിടികൂടി നല്‍കിയ യുവാവിനെ പോലീസ് പരസ്യമായി വസ്ത്രാ ക്ഷേപം നടത്തിയത്. അക്രമാസക്തരായ ജനക്കൂട്ടത്തിനുനേരെ യുവാവിനെ തള്ളിവിടാനും പോലീസിന്റെ ഭാഗത്തുനിന്നും ശ്രമമുണ്ടായി.

യാത്രക്കാരില്‍ ചിലര്‍ ഇടപെട്ടതിനെത്തുടര്‍ന്നാണ് പിന്നീട് ഈ യുവാവിനെ സ്റ്റേഷനിലേക്ക് മാറ്റിയത്. ഇയാള്‍ മൊബൈല്‍ ഫോണ്‍ മോഷ്ടിച്ചില്ലെന്ന് വ്യക്തമായതോടെ പിന്നീട് വിട്ടയയ്ക്കുകയും ചെയ്തു.

ഊമയായ മറ്റൊരു യുവാവിനോടും ഇതേരീതിയില്‍ പെരുമാറാന്‍ ശ്രമിച്ചെങ്കിലും യാത്രക്കാര്‍ ഇടപെട്ടതോടെ പോലീസ് പിന്തിരിയുകയായിരുന്നു.

ബസ് പാര്‍ക്കിംഗുമായി ബന്ധപ്പെട്ടുണ്ടായ തര്‍ക്കത്തില്‍ കെ.എസ്.ആര്‍.ടി.സി ഡ്രൈവര്‍മാരെ പോലീസ് മര്‍ദ്ദിച്ചതിനെ തുടര്‍ന്നായിരുന്നു മിന്നല്‍പണിമുടക്ക്.

പ്രകോപിതരായ യാത്രക്കാരും കെ.എസ്.ആര്‍.ടി.സി ജീവനക്കാരും തമ്മില്‍ നടന്ന സംഘര്‍ഷത്തിനിടെയാണ് മൊബൈല്‍ ഫോണ്‍ കാണാതായത്. സംശയം തോന്നിയ ചിലര്‍ ഈ യുവാവിനെ പിടികൂടി പോലീസില്‍ ഏല്‍പ്പിക്കുകയായിരുന്നു. താന്‍ മോഷ്ടിച്ചിട്ടില്ലെന്ന് യുവാവ് ആണയിട്ടു പറഞ്ഞെങ്കിലും വിശ്വസിക്കാന്‍ കൂട്ടാക്കാതെ പോലീസ് പരസ്യമായി യുവാവിന്റെ തുണിയുരിഞ്ഞു. യുവാവ് മൊ ബൈല്‍ ഫോണ്‍ മോഷ്ടിച്ചെങ്കില്‍ത്തന്നെ സ്റ്റേഷനിലോ അടുത്തുളള എയിഡ് പോസ്റ്റിലോ കൊണ്ടുപോകാതെയാണ് ജനക്കൂട്ടത്തിന്റെ മധ്യത്തില്‍ വച്ച് പരസ്യമായി അവഹേളിച്ചത്. അവസാനം യുവാവ് നിരപരാധിയെന്നു തെളിയുകയും ചെയ്തു. കളഞ്ഞു പോയ മൊബൈല്‍ ഫോണ്‍ അധികം വൈകാതെ തന്നെ ബസ് സ്റ്റാ ന്‍ഡ് പരിസരത്തു നിന്നു തന്നെ കിട്ടി. ഇതോടെയാണ് യുവാവിനെ വെറുതേവിടാന്‍ പോലീസ് തയാ റായത്.

മിന്നല്‍പണിമുടക്ക് മൂലം ജനങ്ങള്‍ രോഷാകുലരായിട്ടും സ്ഥല ത്തെത്തിയ പോലീസ് യാതൊരു വിധക്രമീകരണങ്ങള്‍ക്കും തയാറായില്ല. പ്രകോപിതരായ യാത്രക്കാര്‍ ജീവനക്കാരുമായി ഏറ്റുമുട്ടിയിട്ടും പോലീസ് ഇടപെട്ടില്ല. അവസാനം എം.എല്‍.എ വി.ശിവന്‍കുട്ടിയും ഡി.സി.പിയും രംഗത്തെത്തിയതോടെയാണ് സംഘര്‍ഷാന്തരീക്ഷത്തിന് അയവ് വന്നത്.

പരിക്കേറ്റ് ആശുപത്രിയില്‍ കഴിയുന്ന കെ.എസ്.ആര്‍.ടി.സി ജീവനക്കാരെ എം.ഡി സെന്‍കുമാര്‍ സന്ദര്‍ശിച്ചു.

3. അടുത്ത വര്‍ഷം മുതല്‍ സ്കൂളുകളിലും സെമസ്റ്റര്‍ രീതി
തിരുവനന്തപുരം: അടുത്ത അക്കാദമിക് വര്‍ഷം മുതല്‍ ഓണം, ക്രിസ്മസ്, വാര്‍ഷിക പരീക്ഷകളുണ്ടാവില്ല. പകരം വര്‍ഷമധ്യത്തിലും മാര്‍ച്ചിലുമായിരിക്കും പരീക്ഷകള്‍. ഫലത്തില്‍ അടുത്ത അക്കാദമിക് വര്‍ഷം മുതല്‍ സ്കൂള്‍ വിദ്യാഭ്യാസവും സെമസ്റ്റര്‍ രീതിയിലേക്ക് മാറും. ഒന്‍പത്, പത്ത് ക്ളാസുകളില്‍ സാധാരണവിഷയങ്ങള്‍ ക്കൊപ്പം വിദ്യാര്‍ഥികള്‍ക്ക് ഒരു വിഷയം കൂടി പുതിയതായി പഠിക്കേണ്ടിവരും. ഇതോടൊപ്പം പാഠപുസ്തകങ്ങള്‍ രണ്ടു ഭാഗങ്ങളായി തിരിക്കാനും തീരുമാനമെ ടുത്തി ട്ടുണ്ട്.

പാഠ്യപദ്ധതി പരിഷ്കരണകമ്മറ്റിയാണ് ഇതു സംബന്ധിച്ച ശിപാര്‍ശകള്‍ മുന്നോട്ടുവച്ചത്. പൊതുവിദ്യാഭ്യാസ സെക്രട്ടറി അധ്യക്ഷനായ കോര്‍കമ്മറ്റി 21ന് യോഗം ചേര്‍ന്ന് ഈ ശിപാര്‍ശകള്‍ക്ക് അന്തിമരൂപം നല്‍കും. 22ന് വിദ്യാഭ്യാസമന്ത്രി എം.എ ബേബിയുടെ അധ്യക്ഷതയില്‍ ചേരുന്ന കരിക്കുലം കമ്മറ്റിയി അന്തിമതീരുമാനം ഉണ്ടാകും.

അടുത്ത അധ്യയന വര്‍ഷം മുതല്‍ ഒരു വിഷയത്തിന് രണ്ടു പുസ്തകങ്ങള്‍ ഉണ്ടാവും. അമിതഭാരം ഒഴിവാക്കാന്‍ രണ്ടുഭാഗങ്ങളായി പുസ്തകങ്ങള്‍ പ്രസിദ്ധീകരിക്കാന്‍ തീരുമാനിച്ച സാഹചര്യത്തിലാണ് ഇത്. ഓക്ടോബര്‍- നവംബര്‍ മാസങ്ങളില്‍ നടക്കുന്ന പരീക്ഷകള്‍ക്കുവേണ്ടിയുള്ള പുസ്തകങ്ങള്‍ സ്കൂള്‍വര്‍ഷാരംഭത്തില്‍ പ്രസിദ്ധീകരിക്കും.

മാര്‍ച്ചില്‍ നടക്കുന്ന വാര്‍ഷികപരീക്ഷയ്ക്കു വേണ്ടിയുള്ള പുസ്തകങ്ങള്‍ വര്‍ഷമധ്യത്തില്‍ പ്രസിദ്ധീകരിക്കും. ആദ്യഭാഗത്തില്‍ പ്രസിദ്ധീകരിക്കുന്ന പുസ്തകത്തിലെ ചോദ്യ ങ്ങള്‍ വാര്‍ഷിക പരീക്ഷയ്ക്ക് ഉണ്ടായിരിക്കില്ല. പുസ്തകങ്ങളി ലെ പേജുകളുടെ എണ്ണം 50 കവിയരുതെന്നും നിര്‍ദേശമുണ്ട്.

തുടര്‍വിദ്യാഭ്യാസത്തിന് ഊന്നല്‍ നല്‍കുന്നതിന്റെ ഭാഗമായാണ് 9,10 ക്ളാസുകളില്‍ തെരഞ്ഞെടുത്ത ഏതെങ്കിലും ഒരു വിഷയം കൂടി പഠിക്കണമെന്ന നിര്‍ദേശം കമ്മറ്റി മുന്നോട്ടുവയ്ക്കുന്നത്. ശാസ്ത്രം, ഗണിതം, മാനവികവിഷയങ്ങള്‍, കലാകായികം എന്നിവയില്‍ നിന്ന് ഒന്ന് സവിശേഷ വിഷയമായി തെരഞ്ഞെടുത്തായിരി ക്കണം പഠിക്കേണ്ടത്.

തെരഞ്ഞെടുത്ത സ്കൂളുകളിലായിരിക്കും ആദ്യഘട്ടത്തില്‍ ഇത് നടപ്പാക്കുക. ഇംഗ്ളീഷും ഐ.ടിയും ഒന്നാം ക്ളാസുമുതല്‍ വിദ്യാര്‍ഥികള്‍ക്ക് പരിചയപ്പെടുത്തിക്കൊടുക്കണമെന്നും കമ്മറ്റി ശിപാര്‍ശ ചെയ്യുന്നു.

നിലവില്‍ മൂന്നാം ക്ളാസുമുതലാണ് ഇംഗ്ളീഷ് പഠനം. എല്ലാ വിഷയങ്ങളെയും ഐ.ടിയുമായി ബന്ധ പ്പെടുത്തണം. സ്പോക്കണ്‍ ഇംഗ്ളീഷിനായിരിക്കണം പ്രാമുഖ്യം നല്‍കേണ്ടത്. അടുത്ത അക്കാദമിക് വര്‍ഷം മുതല്‍ 1, 3, 5, 7 ക്ളാസുകളിലെ പുസ്തകങ്ങളില്‍ മാറ്റംവരും. 9,11ക്ളാസുകളിലെ പുസ്തകങ്ങള്‍ക്കും മാറ്റം വരുത്താന്‍ തീരുമാനിച്ചെങ്കിലും ഇപ്പോള്‍ വേണ്െടന്നാണ് കമ്മറ്റിയുടെ തീരുമാനം.

സ്കൂള്‍ സമയമാറ്റം സംബന്ധിച്ച് 22ന് ചേരുന്ന കരിക്കുലം കമ്മറ്റി അന്തിമതീരുമാനമെടുക്കും. നിലവില്‍ ഏഴ് പിരീഡ് എന്നത് ഒരു മ ണിക്കൂര്‍ വീതമുള്ള അഞ്ച് പിരീഡാക്കണമെന്നും നിര്‍ദേ ശമുണ്ട്.

തദ്ദേശസ്ഥാപനങ്ങളുടെ ഇട പെടല്‍ ഉള്‍പ്പടെയുള്ള നയപരമായ കാര്യങ്ങളില്‍ സര്‍ക്കാരിന്റെ രാഷ്ട്രീയ തീരുമാനം അത്യാവശ്യമാണെങ്കിലും അക്കാദമിക് കാര്യങ്ങളില്‍ കമ്മറ്റിയുടെ നിര്‍ദേശങ്ങള്‍ കാര്യമായ മാറ്റമില്ലാതെ തന്നെ അംഗീകരിക്കും.

4. ഭാര്യയറിയാതെ സ്ഥലം വിറ്റു; ഭര്‍ത്താവടക്കം മൂന്നു പേര്‍ അറസ്റ്റില്‍
പാലാ: വ്യാജ ആധാരം ഇടപാടില്‍ മൂന്നു പേര്‍ അറസ്റ്റില്‍. ഭാര്യയുടെ പേരിലുള്ള സ്ഥലം അവരറിയാതെ വില്പന നടത്തിയതോടെ ആള്‍മാറാട്ടം അടക്കമുള്ള സംഭവം പുറത്തായി. അന്ത്യാളം സ്വദേശി ബ ന്നിച്ചന്‍, ഇയാളുടെ സുഹൃത്ത് എടപ്പള്ളി സ്വദേശി ഷാജി, ഭാര്യ ബിന്ദു എന്നിവരാണ് അറസ്റ്റിലായത്. ഇവരെ പിന്നീട് കോടതിയില്‍ ഹാജരാക്കി റിമാന്‍ഡു ചെയ്തു.

ബന്നിച്ചന്റെ ഭാര്യ ബിന്ദുവിന്റെ പേരിലുള്ള 10 സെന്റ് സ്ഥലം അവരറിയാതെ വില്പന നടത്തിയെന്നായിരുന്നു കേസ്. ബന്നിച്ചന്റെ ഭാര്യ ഇംഗ്ളണ്ടിലാണ്.

ഷാജിയുടെ ഭാര്യ ബിന്ദുവാണ് ബന്നിച്ചന്റെ ഭാര്യയായി രജിസ്ട്രാര്‍ ഓഫീസിലെത്തി ഒപ്പിട്ടത്. ഇരുവരുടെയും പേര് ബിന്ദു എന്നായതാണ് ആള്‍മാറാട്ടം സുഗമമാക്കിയത്. സ്ഥലം ആദ്യം ഷാജിക്കും പിന്നീട് മറ്റൊരാള്‍ക്കും വില്പന നടത്തിയിരുന്നു.

ഇംഗ്ളണ്ടിലുള്ള ഭാര്യ അറിയാതെ സ്ഥലം വില്പന നടത്തിയതിനെതിരേ പോലീസില്‍ പരാതി നല്കിയപ്പോഴാണ് ആധാരം എഴുതുന്നതിന് ആള്‍മാറാട്ടം നടത്തിയതായി കണ്െടത്തിയത്. തുടര്‍ന്ന് കോട്ടയം ഡിവൈ.എസ്.പി നടത്തിയ അന്വേഷണത്തിലാണ് അറസ്റ്റിന് വഴിതെളിച്ചത്.

5. ഹരിതഗൃഹ കൃഷി പരീക്ഷണം വിജയം
തൃശൂര്‍: കുറഞ്ഞ സ്ഥലത്തുനിന്നും കൂടുതല്‍ വിളവുനല്കുന്ന ഹരിതഗൃഹകൃഷി കാര്‍ഷികസര്‍വകലാശാലയുടെ മണ്ണുത്തി കാര്‍ഷിക ഗവേഷണകേന്ദ്രത്തില്‍ വിജയകരമായി പരീക്ഷിച്ചു. ഇവിടെ നടത്തിയ പാവല്‍ കൃഷിയില്‍ സാധാരണയില്‍ ലഭിക്കുന്നതിനേക്കാള്‍ പത്തിരട്ടിയോളം വിളവു ലഭിച്ചു.

താപനിലയും ഈര്‍പ്പവും ചെടികളുടെ വളര്‍ച്ചയ്ക്കനുസരിച്ച് സ്വാഭാവികമായി നിയന്ത്രിക്കുന്ന ചെലവുകുറഞ്ഞ 1700 ചതുരശ്ര മീറ്റര്‍ വിസ്തൃതിയുള്ള ഹരിതഗൃഹമാണ് ഇവിടെ ഉപയോഗിച്ചത്. സൂര്യപ്രകാശം 89 ശതമാനം മാത്രം കടത്തിവിടുന്ന പോളിത്തീന്‍ യു.പി ഷീറ്റാണ് മേല്‍ക്കൂര. വശങ്ങളിലും ജാലകങ്ങളിലും കീടങ്ങള്‍ കടക്കാതിരിക്കാന്‍ വലയും പിടിപ്പിച്ചു. വെള്ളവും വളവും കണികദ്രാവക വളപ്രയോഗ രീതിയിലൂടെയാണ് നല്കിയത്.

വളത്തിന്റെ ഉപയോഗം ഗണ്യമായി കുറയ്ക്കുകയും ഉല്പാദനക്ഷമത പതിന്മടങ്ങ് വര്‍ധിപ്പിക്കുകയും ചെയ്യുന്നതാണ് ഈ കൃഷിയെന്ന് ശാസ്ത്രജ്ഞര്‍ അഭിപ്രായപ്പെട്ടു. മഹാരാഷ്ട്ര, കര്‍ണാടക എന്നിവടങ്ങളില്‍ പുഷ്പങ്ങളും പച്ചക്കറികളും കയറ്റുമതിക്കുവേണ്ടി വളര്‍ത്താനാണ് ഹരിതഗൃഹ കൃഷി ഉപയോഗിക്കുന്നത്. ചെലവുകുറഞ്ഞ ഹരിതഗൃഹങ്ങള്‍ നിര്‍മിച്ച് കേരളത്തിലെ പച്ചക്കറി ഉല്പാദനത്തില്‍ വിപ്ളവങ്ങള്‍ സൃഷ്ടിക്കാനാകുമെന്ന് മണ്ണുത്തി കാര്‍ഷിക ഗവേഷണകേന്ദ്രത്തിലെ പഠനങ്ങള്‍ സൂചിപ്പിക്കുന്നു.

6. വാഹനങ്ങളില്‍ നിന്ന് ഇന്ധന മോഷണം; വില്‍പ്പനയില്‍ ദുരൂഹത
ആലപ്പുഴ: റോഡരികില്‍ രാത്രിയില്‍ പാര്‍ക്കുചെയ്യുന്ന ബസുകളില്‍ നിന്നും മറ്റു വാഹനങ്ങളില്‍ നിന്നുമുള്ള ഇന്ധനം മോഷണം വര്‍ധിക്കുന്നു. മോഷ്ടിക്കുന്ന എണ്ണ പൊതുവിപണിയില്‍ വില്‍ക്കാനാവില്ലാത്തതിനാല്‍ വ്യാജമദ്യലോബികളുടെ വാഹനങ്ങള്‍ക്കും തീവ്രവാദി ഗ്രൂപ്പുകള്‍ക്കും ഇതു മറിച്ചുവി ല്‍ക്കുന്നതായും ആരോപണമുണ്ട്.

ഡീസല്‍ മോഷ്ണവുമായി ബന്ധപ്പെട്ടു മൂന്നംഗസംഘത്തെ പുന്നപ്രയില്‍ പോലീസ് അറസ്റ്റു ചെയ്തിരുന്നു. പുന്നപ്ര വടക്കു പഞ്ചായത്ത് ഏഴാം വാര്‍ഡില്‍ കാട്ടുപറമ്പില്‍ റിയാസ് (19), അമ്പലപ്പുഴ വടക്കു പുതുവല്‍ വീട്ടില്‍ സഹീര്‍ (20) എന്നിവരെയാണ് എ. എസ്.ഐ രാധാകൃഷ്ണപിള്ളയു ടെ നേതൃത്വത്തിലുള്ള സംഘം ക ഴിഞ്ഞ ദിവസം പുലര്‍ച്ചെ മൂ ന്നോ ടെ കസ്റ്റഡിയിലെടുത്തത്. ഇവര്‍ തീവ്രവാദ ബന്ധമുള്ളവര്‍ക്കും ഇന്ധനം വിറ്റിട്ടുണ്േടാ എന്നതിനെ ക്കുറിച്ചു സൂചന ലഭിച്ചിട്ടില്ല. കളിത്തട്ട് മുത്തൂറ്റ് കെട്ടിടത്തിലെ സ്വകാര്യ മൊബൈല്‍ ഫോണ്‍ ടവറിലെ ജനറേറ്ററിലു പയോഗിക്കാന്‍ വച്ചിരുന്ന ഡീസല്‍ മോഷ്ടിക്കുന്നതിനിടെയാണ് ഇവര്‍ പിടിയിലായത്. 20 ലിറ്റര്‍ ഡീസല്‍ ഇവരു ടെ കൈയില്‍ നിന്നും പിടിച്ചെടുത്തിട്ടുണ്ട്. ഡീസലുമായി ഓട്ടോയി ല്‍ കയറുന്നതിനിടെ സംശയം തോന്നി ചോദ്യം ചെയ്തപ്പോഴാണ് മോഷണവിവരം പുറത്തായത്. കേരളത്തിലെ ചില മരുന്നുകമ്പനികള്‍ ശ്രീലങ്കയുള്‍പ്പെ ടെയുള്ള സ്ഥലങ്ങളിലെ തീവ്രവാദ ഗ്രൂപ്പുകള്‍ക്കു മരുന്നുകള്‍ നല്‍കുന്നുണ്െടന്നു ഇന്റലിജന്‍സ് റിപ്പോര്‍ട്ടു ചെയ്തിരുന്നു. ആലപ്പുഴയുടെ കടല്‍ത്തീരങ്ങളില്‍ നിന്നും ഇത്തരത്തിലുള്ള മരുന്നുകടത്തു വ്യാ പകമായി നടക്കുന്നുണ്െടന്നും റി പ്പോര്‍ട്ടില്‍ പരാമര്‍ ശമുണ്ട്.

ഈ സാഹചര്യങ്ങള്‍ നിലനില്‍ ക്കെയാണ് തീവ്രവാദഗ്രൂപ്പു കളുടേ യും വ്യാജമദ്യലോബിയുടേയും പ്രവര്‍ത്തനങ്ങള്‍ക്കായി ഇത്തര ത്തില്‍ ഇന്ധനം ലഭിക്കുന്നതെ ന്നും സൂചനയുണ്ട്. ഫിഷിംഗ് ബോട്ടുകളിലൂടെ സ്പിരിറ്റും മരു ന്നുകളും കടത്തുന്ന ലോബിക്കാണ് മോഷ്ടാക്കള്‍ ഇന്ധനം മറിച്ചുവില്‍ക്കുന്നതെന്നാണ് ആരോ പണം. പൊതുവിപണിയേക്കാള്‍ കൂടിയ വില നല്‍കിയാണു മോഷ്ടാക്കളെ ഇവര്‍ ആകര്‍ഷിക്കു ന്നത്.

വൈകുന്നേരം സര്‍വീസ് അവസാനിപ്പിച്ചു റോഡ് സൈഡുകളിലും പെട്രോള്‍പമ്പുകളുടെ സമീ പവും പാര്‍ക്കുചെയ്യുന്ന ബസുകളുടെ പെട്രോള്‍ ടാങ്കിന്റെ അടിഭാഗത്തെ ബോള്‍ട്ട് ഊരിയും താഴുതകര്‍ത്തുമാണ് എണ്ണ ഊറ്റുന്നത്. പോലീസ് വരുന്നതു കാണുമ്പോള്‍ ബസ്ജീവനക്കാരെ പോലെ അഭിനയിച്ചു രക്ഷപ്പെടും. ഇതോടൊപ്പം ബസിനുള്ളില്‍ നിന്നു മറ്റു സാ ധനങ്ങളും മോഷണം പോകുന്നതും പതിവാണ്.

ജാക്കി, ലിവര്‍ തുടങ്ങിയവയും മോഷ്ടാക്കള്‍ ഇന്ധനത്തോടൊപ്പം അപഹരിക്കുന്നു.

7. രാജ്യത്തിനാവശ്യമായ റബര്‍ മുഴുവന്‍ ഉത്പാദിപ്പിക്കണം
കോട്ടയം: റബര്‍ ഉത്പാദനം വര്‍ധിപ്പിച്ചു രാജ്യത്തിനാവശ്യമായ റബര്‍ ആഭ്യന്തരമായിത്തന്നെ ഉത്പാദിപ്പിക്കുവാന്‍ റബര്‍ ബോര്‍ഡ് ശ്രമിക്കണമെന്നു പ്രതിപക്ഷനേതാവ് ഉമ്മന്‍ചാണ്ടി. ഓള്‍ ഇന്ത്യ റബര്‍ ബോര്‍ഡ് എംപ്ളോയീസ് ഓര്‍ഗനൈസേഷന്റെ ഏഴാം വാര്‍ഷിക പൊതുയോഗം കോട്ടയം ദര്‍ശന ഓഡിറ്റോറിയത്തില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.

പ്രസിഡന്റ് കെ.ബാബു എംഎല്‍എയുടെ അധ്യക്ഷതയില്‍ കൂടിയ യോഗത്തില്‍ കെ.സി. ജോസഫ് എംഎല്‍എ, ജോസഫ് വാഴയ്ക്കന്‍, ടോമി കല്ലാനി, എസ്.ഗോപകുമാര്‍ എന്നിവര്‍ സംബന്ധിച്ചു.

പുതിയ ഭാരവാഹികളായി കെ.ബാബു എംഎല്‍എ-പ്രസിഡന്റ്, പി.എന്‍. ദേവരാജന്‍-വര്‍ക്കിംഗ് പ്രസിഡന്റ്, എം.അജയകുമാര്‍, ഇ.ടി. തോമസ് – വൈസ് പ്രസിഡന്റുമാര്‍, ജി.മധു-ജനറല്‍ സെക്രട്ടറി, പി.എ. വത്സപ്പന്‍, സി.പ്രദീപ്, ബാബുരാജ് ഇ.ജി., കെ.സുകുമാരന്‍-ജോയിന്റ് സെക്രട്ടറിമാര്‍, പി.കെ. മാത്യു-ട്രഷറര്‍, ജോബി ജോസഫ്, സാം ജോണ്‍സണ്‍-ജോയിന്റ് ട്രഷറര്‍മാര്‍ എന്നിവരെ തെരഞ്ഞെടുത്തു.

8. കുടിശിക പിരിച്ചില്ലെങ്കില്‍ ബോര്‍ഡിന്റെ നിലനില്‍പ്പ് അപകടത്തില്‍: വൈദ്യുതി മന്ത്രി
കണ്ണൂര്‍: വൈദ്യുതി കുടിശികയിനത്തില്‍ ലഭിക്കാനുള്ള 1800 കോടി രൂപ പിരിച്ചെടുക്കാന്‍ സാധിച്ചില്ലെങ്കില്‍ വൈദ്യുതി ബോര്‍ഡിന്റെ നിലനില്പ്പു തന്നെ അപകടത്തിലാകുമെന്ന് വൈദ്യുതി മന്ത്രി എ.കെ. ബാലന്‍. കുടിശികയിനത്തില്‍ സര്‍ക്കാര്‍ സ്ഥാപനങ്ങളില്‍ നിന്നുമാത്രം 1150 കോടി രൂപ പിരിഞ്ഞു കിട്ടാനുണ്ട്.

വാട്ടര്‍ അഥോറിറ്റിയുടെ മാത്രം കുടിശിക 840 കോടി രൂപയാണ്. കുടിശിക നല്‍കിയില്ലെങ്കിലും വൈദ്യുതി ലഭിക്കുമെന്നാണ് സര്‍ക്കാര്‍ സ്ഥാപനങ്ങളുടെ വിശ്വാസം. എന്നാല്‍ കുടിശികയുടെ കാര്യത്തില്‍ ഇനി വിട്ടുവീഴ്ചയില്ലെന്ന് മന്ത്രി വ്യക്തമാക്കി.

ഇക്കാര്യം മുഖ്യമന്ത്രിയുടെ ശ്രദ്ധയില്‍ പെടുത്തിയിട്ടുണ്ട്. 840 കോടി കുടിശികയുള്ള ജലവകുപ്പ് ഉപഭോക്താക്കളില്‍ നിന്ന് പിരിച്ചെടുക്കുന്ന തുകപോലും വൈദ്യുതി വകുപ്പിന് നല്‍കുന്നില്ല. കുടിശിക തീര്‍ക്കുക സര്‍ക്കാര്‍ നിയന്ത്രണ സ്ഥാപനങ്ങളുടെ ഉത്തരവാദിത്വമാണ്.

സംസ്ഥാനത്ത് നിലവില്‍ മുന്നൂറിലധികം മെഗാവാട്ട് വൈദ്യുതിയുടെ കുറവുണ്ട്. കേന്ദ്ര ഗവണ്‍മെന്റ് രണ്ടു തവണ വെട്ടിക്കുറച്ച വൈദ്യുതി പുനസ്ഥാപിച്ചില്ലെങ്കില്‍ വേനല്‍ക്കാലം കഴിഞ്ഞാല്‍ സംസ്ഥാനത്ത് അര മണിക്കൂര്‍ ലോഡ് ഷെഡിംഗ് ഏര്‍പ്പെടുത്തേണ്ട സാഹചര്യം ഉണ്ടാകുമെന്ന് മന്ത്രി എ.കെ. ബാലന്‍ പറഞ്ഞു.

സംസ്ഥാനം 1000 മെഗാവാട്ട് വൈദ്യുതി ഉത്പാദിപ്പിക്കാനുള്ള ചെറുകിട വൈദ്യുതി പദ്ധതികളുടെ പ്രവര്‍ത്തനം പുരോഗമിക്കുകയാണ്.

ആഗോളവത്ക്കരണത്തിന്റെ ഭാഗമായി സംസ്ഥാന സര്‍ക്കാര്‍ വൈദ്യുതി ബോര്‍ഡിനെ സ്വകാര്യവത്കരിക്കാത്തതാണ് കേരളത്തോടുള്ള കേന്ദ്ര അവഗണനയ്ക്ക് കാരണമെന്ന് മന്ത്രി ആരോപിച്ചു.

9. ജെല്ലിക്കെട്ട്: അധികൃതര്‍ വിശദ റിപ്പോര്‍ട്ടു തയാറാക്കുന്നു
മധുര: പൊങ്കല്‍ ആഘോഷത്തിന്റെ ഭാഗമായി തമിഴ്നാട്ടിലെ മധുര ജില്ലയിലെ പാലമേട്, അളഗനല്ലൂര്‍ ഗ്രാമങ്ങളില്‍ ജനുവരി 16-നും 17-നും നടന്ന ജല്ലിക്കെട്ട് മത്സരങ്ങളുടെ വീഡിയോ ക്ളിപ്പിംഗുകള്‍ അടക്കമുള്ള വിശദ റിപ്പോര്‍ട്ട് ജില്ലാ അധികൃതര്‍ തയാറാക്കുന്നു.

വിശദമായ റിപ്പോര്‍ട്ടു സമര്‍പ്പിക്കണമെന്ന സുപ്രീം കോടതി നിര്‍ദേശപ്രകാരമാണിത്. നേരത്ത തമിഴ്നാട്ടില്‍ ജെല്ലിക്കെട്ട് നടത്തുന്നത് സുപ്രീം കോടതി തടഞ്ഞിരുന്നു. എന്നാല്‍ പിന്നീട് ജനവികാരം മാനിച്ച് ഉപാധികളോടെ ഇതു നടത്താന്‍ അനുമതി നല്കുകയായിരുന്നു. വീഡിയോ ക്ളിപ്പിംഗുകള്‍ അടക്കമുള്ള വിശദ റിപ്പോര്‍ട്ടു സമര്‍പ്പിക്കണമെന്നും ജില്ലാ ഭരണകൂടത്തിന്റെയും പോലീസിന്റെയും മേല്‍നോട്ടത്തിലും ഉത്തരവാദിത്വത്തിലും മാത്രമേ ജല്ലിക്കെട്ട് നടത്താവൂ എന്നുമായിരുന്ന സു പ്രീം കോടതി നിര്‍ദേശിച്ച ഉപാ ധികള്‍.

മധുര ജില്ലയിലെ 16 സ്ഥലങ്ങളില്‍ നടന്ന ജല്ലിക്കെട്ടില്‍ നൂറോളം പേര്‍ക്കു പരിക്കേറ്റിരുന്നു.

1. കണ്ണൂര്‍ വിമാനത്താവള പദ്ധതിയില്‍ ക്രമക്കേട്
ന്യൂദല്‍ഹി: വടക്കന്‍ കേരളത്തിന്റെ വികസന സ്വപ്നങ്ങള്‍ക്ക് ചിറകുമുളപ്പിക്കുന്ന കണ്ണൂര്‍ വിമാനത്താവള പദ്ധതിയില്‍ തുടക്കത്തില്‍തന്നെ ക്രമക്കേട്. വിമാനത്താവളത്തിന് അംഗീകാരം നല്‍കി കേന്ദ്രമന്ത്രിസഭ അംഗീകരിച്ച ഭീമമായ നിര്‍മാണച്ചെലവ് പദ്ധതിയെ അപ്പാടെ ദുരൂഹതയിലാഴ്ത്തി.

നെടുമ്പാശേരിയില്‍നിന്ന് വ്യത്യസ്തമായി സ്വകാര്യ മേഖലയുടെ കൈകളിലേക്ക് പോകുന്ന വിമാനത്താവളം, നിര്‍മാണഘട്ടം മുതല്‍ ലാഭക്കൊയ്ത്തിനും യാത്രക്കാരെ അമിതമായി ചൂഷണം ചെയ്യുന്നതിനും ഇടയാക്കും. വിമാനത്താവള സ്വകാര്യവത്കരണത്തെ എതിര്‍ക്കുന്ന ഇടതുപക്ഷം നയിക്കുന്ന സര്‍ക്കാരിന് ഇതിലുള്ള കാര്‍മികത്വം കാര്യഗൌരവം ഒന്നുകൂടി വര്‍ധിപ്പിക്കുന്നു.

930 കോടി രൂപയാണ് അംഗീകരിച്ചുകഴിഞ്ഞ വിമാനത്താവള നിര്‍മാണച്ചെലവ്. അക്വയര്‍ ചെയ്യുന്ന ഭൂമിയുടെ വില ഇതില്‍പെടില്ല. ഏറ്റെടുത്തു നല്‍കുന്ന 2,000 ഏക്കറിന്റെ വിലയും പുനരധിവാസ ചെലവും സര്‍ക്കാരാണ് വഹിക്കേണ്ടത്. എന്നാല്‍, നെടുമ്പാശേരി വിമാനത്താവളത്തിന്റെ നിര്‍മാണച്ചെലവ് 160 കോടി രൂപ മാത്രമാണ്. ഒമ്പതു കൊല്ലം മുമ്പത്തെ കണക്കില്‍ ആനുപാതികമായ വര്‍ധന കണക്കിലെടുത്താല്‍ തന്നെ, കണ്ണൂര്‍ വിമാനത്താവളത്തിന്റെ നിര്‍മാണച്ചെലവ് 500 കോടി കവിയില്ലെന്ന് ഈ രംഗത്തെ വിദഗ്ധര്‍ ചൂണ്ടിക്കാട്ടുന്നു. നെടുമ്പാശേരി വിമാനത്താവളത്തിന്റെ വിപുല സൌകര്യങ്ങളാകട്ടെ, നിര്‍ദിഷ്ട പദ്ധതിപ്രകാരം കണ്ണൂര്‍ വിമാനത്താവളത്തില്‍ ഉണ്ടാവുകയുമില്ല. യഥാര്‍ഥത്തില്‍ വേണ്ടിവരുന്നതിന്റെ ഇരട്ടിയോളം വരുന്ന കണ്ണൂര്‍ വിമാനത്താവള എസ്റ്റിമേറ്റ് തയാറാക്കുന്നതിലും അംഗീകരിപ്പിക്കുന്നതിലും ഉന്നതതലങ്ങളില്‍ ക്രമക്കേട് നടന്നുവെന്നാണ് ഇതിലൂടെ വ്യക്തമാവുന്നത്. സംസ്ഥാന തലത്തില്‍ തയാറാക്കപ്പെടുന്ന എസ്റ്റിമേറ്റ് എയര്‍പോര്‍ട്ട്സ് അതോറിറ്റിയും വ്യോമയാന മന്ത്രാലയവും സൂക്ഷ്മപരിശോധനയില്‍ അംഗീകരിക്കേണ്ടതുണ്ട്. 930 കോടിയുടെ എസ്റ്റിമേറ്റ് ഈ വ്യത്യസ്ത പരിശോധനാ ഘട്ടങ്ങള്‍ അനായാസം മറികടന്നു. എസ്റ്റിമേറ്റ് ഉയര്‍ത്തി നിശ്ചയിക്കുന്നത് നിര്‍മാണ നടത്തിപ്പുകാര്‍ക്ക് ഉണ്ടാക്കിക്കൊടുക്കുന്ന പിന്നാമ്പുറ നേട്ടം ചെറുതല്ല. ചെലവിനേക്കാള്‍ ഉയര്‍ന്ന തുകക്ക് കരാര്‍ ഉറപ്പിക്കാം. യഥാര്‍ഥ ചെലവും കരാര്‍ തുകയും തമ്മിലെ അന്തരം ബിനാമി കരാറുകാര്‍ക്ക് ‘മാന്യമായ’ ലാഭം നല്‍കി സ്വകാര്യ പങ്കാളിക്ക് കൈക്കലാക്കാം. ഫലത്തില്‍ വിമാനത്താവളം പൂര്‍ത്തിയാവുമ്പോള്‍ തന്നെ മുടക്കുമുതല്‍ സ്വകാര്യ പങ്കാളിയുടെ പക്കലെത്തും.

നെടുമ്പാശേരി വിമാനത്താവളത്തിന്റെ മാതൃകയിലാണ് കണ്ണൂരില്‍ വിമാനത്താവളം നിര്‍മിക്കുന്നതെന്ന് സംസ്ഥാന സര്‍ക്കാര്‍ വിശദീകരിക്കുന്നുണ്ടെങ്കിലും അനുമതി ലഭിച്ച പദ്ധതി ഇതില്‍നിന്ന് വ്യത്യസ്തമാണ്. 26 ശതമാനം ഓഹരി സര്‍ക്കാരിനും 74 ശതമാനം ഓഹരി ‘തന്ത്രപരമായ സ്വകാര്യ പങ്കാളി’ക്കുമെന്ന് വ്യവസ്ഥ ചെയ്തിട്ടുള്ള സംയുക്ത സംരംഭമായാണ് വിമാനത്താവളം നിര്‍മിക്കുന്നത്. സംസ്ഥാന സര്‍ക്കാര്‍ നിയന്ത്രണത്തിലുള്ള നെടുമ്പാശേരിയില്‍നിന്ന് ഭിന്നമായി, കണ്ണൂര്‍ വിമാനത്താവളം സ്വകാര്യ വ്യക്തികള്‍ നിയന്ത്രിക്കും. നെടുമ്പാശേരി വിമാനത്താവളത്തിന്റെ ഉടമയായ കൊച്ചി അന്താരാഷ്ട്ര വിമാനത്താവള കമ്പനിയില്‍ സംസ്ഥാന സര്‍ക്കാരിന് 32 ശതമാനം വരെയാണ് ഓഹരി പങ്കാളിത്തം. അത്രത്തോളം തന്നെ ഓഹരികള്‍ പൊതുമേഖലാ സ്ഥാപനങ്ങളായ ഭാരത് പെട്രോളിയം, എയര്‍ ഇന്ത്യ എന്നിവക്കും എസ്.ബി.ടി, ഫെഡറല്‍ ബാങ്ക് എന്നിവക്കും നാമമാത്രമായെങ്കിലും പൊതുജനങ്ങള്‍ക്കുമുണ്ട്. ബാക്കി വിദേശ ഇന്ത്യക്കാരായ അഞ്ചു വ്യവസായികളുടെ കൈയിലുമാണ്. മുഖ്യമന്ത്രിയാണ് കമ്പനിയുടെ ചെയര്‍മാന്‍. എന്നാല്‍ കണ്ണൂരിലെ സ്ഥിതി അതല്ല. 26 ശതമാനം സംസ്ഥാന സര്‍ക്കാര്‍ ഓഹരി കഴിച്ചാല്‍ 74 ശതമാനവും സ്വകാര്യ പങ്കാളിയുടെ പക്കലാവും. പ്രദേശവാസികള്‍ക്ക് ഓഹരി പങ്കാളിത്തം ഉണ്ടാവില്ല. ഹൈദരാബാദില്‍ നിര്‍മിച്ച ഗ്രീന്‍ഫീല്‍ഡ് എയര്‍പോര്‍ട്ട് ഉദാഹരണമാണ്. ജി.എം റാവു അസോസിയേറ്റ്സിന് 64 ശതമാനം, അവരുടെ കൂട്ടാളികളായ മലേഷ്യന്‍ എയര്‍പോര്‍ട്ട്സിന് 10 ശതമാനം, സംസ്ഥാന സര്‍ക്കാരിന് 24 ശതമാനം എന്നിങ്ങനെയാണ് പൊതു^സ്വകാര്യ പങ്കാളിത്ത വ്യവസ്ഥയില്‍ ഓഹരി വീതംവെച്ചത്. ഫലത്തില്‍ വിമാനത്താവളം റാവു അസോസിയേറ്റ്സിന്റെ ഉടമസ്ഥതയില്‍. ബാംഗ്ലൂരില്‍ മൂന്നു പ്രമുഖ വ്യവസായ സ്ഥാപനങ്ങള്‍ ഉള്‍പ്പെട്ട ഗ്രൂപ്പിന്റെ പക്കലാണ് 74 ശതമാനം ഓഹരി.

അതേപോലെ, കണ്ണൂര്‍ വിമാനത്താവളത്തിന്റെ ഓഹരികളില്‍ സിംഹഭാഗവും നിയന്ത്രണവും സംസ്ഥാന സര്‍ക്കാരിന് താല്‍പര്യമുള്ള ഒരു വ്യവസായ ഗ്രൂപ്പിനാകും. സര്‍ക്കാരിന്റെ നിയന്ത്രണവും പ്രവര്‍ത്തനപരിചയവുമുള്ള കൊച്ചി വിമാനത്താവള കമ്പനിയാകട്ടെ, പ്രധാന പങ്കാളി സ്ഥാനത്തേക്ക് പരിഗണിക്കപ്പെടുന്നുമില്ല.

930 കോടി വരുന്ന നിര്‍മാണച്ചെലവിന്റെ 30 ശതമാനം, അഥവാ 310 കോടി രൂപ സര്‍ക്കാരും സ്വകാര്യ പങ്കാളിയും ചേര്‍ന്ന് മുടക്കേണ്ട തുകയാണ്. ഇതില്‍ സ്വകാര്യ പങ്കാളിയുടെ മുതല്‍മുടക്ക് 230 കോടി വരും. 620 കോടി വായ്പയാണ്. ഇതിന്റെ പ്രതിവര്‍ഷ പലിശ തന്നെ 70 കോടിയില്‍പരം വരും. മുതലിനത്തില്‍ വര്‍ഷംതോറുമുള്ള തിരിച്ചടവിന് ഉദ്ദേശം 60 കോടി വേണ്ടിവരും. പ്രവര്‍ത്തനച്ചെലവുകൂടി കണക്കിലെടുത്താല്‍ ഒരു വര്‍ഷം കണ്ടെത്തേണ്ട തുക 200 കോടിയോളം. കഴിഞ്ഞ സാമ്പത്തികവര്‍ഷം 38 കോടി ലാഭമുണ്ടാക്കിയ നെടുമ്പാശേരി വിമാനത്താവളത്തിന്റെ വരുമാനം 110 കോടി രൂപയായിരുന്നു. കണ്ണൂരിന് ഇത്രത്തോളം വരുമാനം ഉണ്ടാവില്ലെന്ന് ഉറപ്പ്. വരവും ചെലവും തമ്മിലെ അന്തരവും മുടക്കുമുതലിന് ആനുപാതിക ലാഭവും ഉണ്ടാക്കാന്‍ സ്വകാര്യ പങ്കാളിയുടെ നിയന്ത്രണത്തിലുള്ള വിമാനത്താവളം യാത്രക്കാരെയാവും പിഴിയുക. യൂസേഴ്സ് ഫീയും മറ്റുമായി വന്‍തുക യാത്രക്കാരനു മേല്‍ കെട്ടിവെക്കപ്പെടും. പ്രവര്‍ത്തനലാഭത്തിനു പുറമെ, 2000 ഏക്കറിലെ വിമാനത്താവളവും ചുറ്റുവട്ടത്തെ വ്യാപാര സൌകര്യങ്ങളുമെല്ലാം സ്വകാര്യ പങ്കാളിക്ക് സ്വന്തം.

2. സേതുസമുദ്രം പദ്ധതി പൂര്‍ത്തീകരിക്കാന്‍ കേന്ദ്ര മന്ത്രിസഭാ തീരുമാനം
ചെന്നൈ: സേതുസമുദ്രം കനാല്‍ നിര്‍മാണജോലികള്‍ വീണ്ടും തുടങ്ങാന്‍ കേന്ദ്രസര്‍ക്കാര്‍ തീരുമാനിച്ചതായി വിശ്വസനീയകേന്ദ്രങ്ങള്‍ അറിയിച്ചു. പദ്ധതിക്കെതിരായ കേസില്‍ കേന്ദ്രനിലപാട് അറിയിക്കാന്‍ സുപ്രീംകോടതി രണ്ടാഴ്ച സമയം നല്‍കിയിരിക്കേ മന്ത്രിസഭ ഇക്കാര്യത്തില്‍ വ്യക്തമായ തീരുമാനം കൈക്കൊണ്ടതായാണ് കേന്ദ്രസര്‍ക്കാറുമായി ബന്ധപ്പെട്ട വൃത്തങ്ങള്‍ പറയുന്നത്.

സേതുസമുദ്രം പദ്ധതി സംബന്ധിച്ച് പഠനം നടത്താന്‍ കേന്ദ്രസര്‍ക്കാര്‍ നിയോഗിച്ച പത്തംഗ സമിതിയുടെ റിപ്പോര്‍ട്ടും ബന്ധപ്പെട്ട മന്ത്രാലയങ്ങളുടെ അഭിപ്രായവും ആരാഞ്ഞ ശേഷം കേന്ദ്ര കപ്പല്‍ ഗതാഗത മന്ത്രാലയം സമര്‍പ്പിച്ച റിപ്പോര്‍ട്ട് ചര്‍ച്ച ചെയ്ത ശേഷമാണ് മന്ത്രിസഭ ഈ തീരുമാനം കൈക്കൊണ്ടതെന്നറിയുന്നു.
രാമസേതു പ്രകൃത്യാ ഉള്ള മണ്‍തിട്ട മാത്രമാണെന്നും ഒരു ഇതിഹാസ കഥാപാത്രവും നിര്‍മിച്ചതല്ലെന്നും അതിനാല്‍ പദ്ധതി ഉപേക്ഷിക്കേണ്ട ആവശ്യമില്ലെന്നുമാണ് റിപ്പോര്‍ട്ടിലുള്ളത്. ഇക്കാര്യം അംഗീകരിച്ച കേന്ദ്രസര്‍ക്കാര്‍ സുപ്രീംകോടതിയിലും ഈ നിലപാടുതന്നെയാവും കൈക്കൊള്ളുക.

കഴിഞ്ഞയാഴ്ച പ്രധാനമന്ത്രി മന്‍മോഹന്‍സിംഗിന്റെ അധ്യക്ഷതയില്‍ ചേര്‍ന്ന മന്ത്രിസഭാ സമിതി യോഗം പദ്ധതി താല്‍ക്കാലികമായി നിര്‍ത്തിവെക്കാനും സുപ്രീംകോടതിയില്‍ കൂടുതല്‍ സാവകാശം തേടാനും തീരുമാനിച്ചിരുന്നു. ഗുജറാത്ത്, ഹിമാചല്‍പ്രദേശ് നിയമസഭാ തെരഞ്ഞെടുപ്പുകളില്‍ കോണ്‍ഗ്രസിനേറ്റ തിരിച്ചടിയുടെ പശ്ചാത്തലത്തിലാണ് പദ്ധതി നിര്‍ത്താന്‍ തീരുമാനിച്ചത്.

സേതുസമുദ്രം പദ്ധതിക്കു വേണ്ടി ശക്തമായി നിലകൊള്ളുന്ന ഡി.എം.കെ പ്രതിനിധിയും കേന്ദ്ര കപ്പല്‍ ഗതാഗതമന്ത്രിയുമായ ടി.ആര്‍. ബാലുവിന്റെ കടുത്ത എതിര്‍പ്പ് അവഗണിച്ചായിരുന്നു ഈ തീരുമാനം. പത്തോളം നിയമസഭകളിലേക്കും അടുത്ത വര്‍ഷം ലോക്സഭയിലേക്കും തെരഞ്ഞെടുപ്പ് വരാനിരിക്കേ ബി.ജെ.പി രാമസേതു പ്രചാരണായുധമാക്കുമെന്ന കോണ്‍ഗ്രസിന്റെ ആശങ്കയായിരുന്നു ഇതിനുപിന്നില്‍.

എന്നാല്‍, സേതുസമുദ്രം പദ്ധതി അഭിമാനപ്രശ്നമായി ഏറ്റെടുത്തിരിക്കുന്ന ഡി.എം.കെ പ്രസിഡന്റ് എം. കരുണാനിധി കോണ്‍ഗ്രസ് നിലപാടിനെതിരെ ശക്തമായി രംഗത്തെത്തിയതോടെ തീരുമാനം മാറ്റാന്‍ പ്രധാനമന്ത്രിയും കോണ്‍ഗ്രസും നിര്‍ബന്ധിതരാവുകയായിരുന്നുവത്രേ. ഡി.എം.കെ.ക്കൊപ്പം സി.പി.എം, സി.പി.ഐ കക്ഷികളും സേതുസമുദ്രം പദ്ധതി ഉടന്‍ നടപ്പാക്കണമെന്ന ആവശ്യവുമായി രംഗത്തെത്തിയിരുന്നു.

3. അലീഗഢ് വിദൂര കാമ്പസ് മലപ്പുറത്ത്; കോഴിക്കോട്ട് പ്രവേശന പരീക്ഷാ കേന്ദ്രം
ന്യൂദല്‍ഹി: അലീഗഢ് സര്‍വകലാശാലയുടെ പ്രവേശന പരീക്ഷാകേന്ദ്രം കോഴിക്കോട്ട് ആരംഭിക്കാന്‍ സര്‍വകലാശാലാ എക്സിക്യൂട്ടീവ് കൌണ്‍സില്‍ തീരുമാനിച്ചു. വിദൂര കാമ്പസ് മലപ്പുറത്ത് തുടങ്ങുന്നതിനും എക്സിക്യൂട്ടീവ് കൌണ്‍സില്‍ തത്വത്തില്‍ അനുമതി നല്‍കി. കൌണ്‍സില്‍ തീരുമാന പ്രകാരം അടുത്ത അധ്യയന വര്‍ഷത്തെ എം.ബി.ബി.എസ്, ബി.ഡി.എസ്, ബി.ടെക്, എം.ബി.എ, ക്ലാസ് 11, എഞ്ചിനീയറിംഗ് ഡിപ്ലോമ കോഴ്സുകളിലേക്കുള്ള പ്രവേശന പരീക്ഷ കോഴിക്കോട്ടും നടത്തപ്പെടും. സര്‍വകലാശാലയുടെ അഖിലേന്ത്യാ സ്വഭാവം ശക്തിപ്പെടുത്തുന്ന നടപടിയുടെ ഭാഗമാണ് തീരുമാനം.

സര്‍വകലാശാലയുടെ വിദൂര കാമ്പസുകള്‍ നാല് സംസ്ഥാനങ്ങളിലായി ആരംഭിക്കുന്നതിനാണ് തത്വത്തില്‍ തീരുമാനമായത്. കേന്ദ്രസര്‍ക്കാറിന്റെ അനുമതി കൂടി ആവശ്യമായതിനാല്‍ തീരുമാനം ഔദ്യോഗികമായി പ്രഖ്യാപിച്ചിട്ടില്ല. അനുമതിയും ധനസഹായവും ലഭിക്കുന്ന മുറക്ക് പഠനകേന്ദ്രങ്ങള്‍ തുറക്കും. കേരളത്തിലെ ന്യൂനപക്ഷ കേന്ദ്രീകൃത ജില്ലയെന്ന നിലയിലാണ് മലപ്പുറം തെരഞ്ഞെടുക്കപ്പെട്ടത്.

സര്‍വകലാശാലാ നിയമാവലിക്ക് അനുസൃതമായി മുസ്ലിംകളുടെ വിദ്യാഭ്യാസ ഉന്നമനം ഉദ്ദേശിച്ചാണ് പഠനകേന്ദ്രങ്ങള്‍. ഇവിടങ്ങളില്‍ സര്‍വകലാശാലയുടെ മെഡിക്കല്‍, എഞ്ചിനീയറിംഗ് കോഴ്സുകള്‍ക്ക് അടക്കം സൌകര്യമൊരുക്കാനാണ് ഉദ്ദേശ്യം. വിശദമായ രൂപരേഖ തയാറാകേണ്ടതുണ്ട്. പഠന കേന്ദ്രം തുടങ്ങിയാല്‍ ആവശ്യമായ സ്ഥലം സൌജന്യമായി ലഭ്യമാക്കാമെന്ന് കേരള സര്‍ക്കാറിന്റെ വാഗ്ദാനമുണ്ട്. മുന്‍രാഷ്ട്രപതി ഡോ.എ.പി.ജെ അബ്ദുല്‍കലാം, വിപ്രോ മേധാവി അസിം പ്രേംജി, രത്തന്‍ ടാറ്റ, കാര്‍ഷിക വിദഗ്ധന്‍ ഡോ. എം.എസ് സ്വാമിനാഥന്‍ എന്നിവരെ ഡി.ലിറ്റ് ബിരുദം നല്‍കി ആദരിക്കാനും തീരുമാനിച്ചിട്ടുണ്ട്. മാര്‍ച്ചില്‍ നടക്കുന്ന ബിരുദദാന ചടങ്ങില്‍ രാഷ്ട്രപതി പ്രതിഭാ പാട്ടീല്‍ ബഹുമതി ബിരുദം സമ്മാനിക്കും. അലീഗഢ് സര്‍വകലാശാലയിലെ പൂര്‍വവിദ്യാര്‍ഥികളുടെ ആഗോള ഉച്ചകോടി ഒക്ടോബര്‍ 16ന് നടത്താനുള്ള നിര്‍ദേശവും എക്സിക്യൂട്ടീവ് കൌണ്‍സില്‍ അംഗീകരിച്ചു. പൂര്‍വവിദ്യാര്‍ഥികളുടെ സഹകരണത്തോടെ രാജ്യാന്തര ഗവേഷണ ഫെലോഷിപ്പുകള്‍ ഏര്‍പ്പെടുത്തും. വൈസ് ചാന്‍സലര്‍ ഡോ.പി.കെ അബ്ദുല്‍ അസീസ് അധ്യക്ഷനായിരുന്നു.

4. ബാംഗ്ലൂരില്‍ ‘പരമ്പര’കൊലയാളിയും കുടുംബവും പിടിയില്‍
ബാംഗ്ലൂര്‍: വൃദ്ധന്റെ കൊലപാതകവുമായി ബന്ധപ്പെട്ട് ‘പരമ്പര’കൊലയാളിയും കുടുംബവും അറസ്റ്റില്‍. മഹാരാഷ്ട്ര സ്വദേശികളായ ചന്ദ്രകാന്ത് ശര്‍മ (48), ഭാര്യ ഹര്‍ഷാ ശര്‍മ (43),മകന്‍ മഞ്ജുശര്‍മ എന്ന മാണ്ഡോ (21) എന്നിവരെയാണ് കെമ്പെഗൌഡെ നഗര്‍ പോലിസ് അറസ്റ്റ് ചെയ്തത്. 1978 മുതല്‍ 81 വരെ മഹാരാഷ്ട്രയിലെ പൂനെ,നാസിക്ക്,അന്ധേരി അടക്കം വിവിധ സ്ഥലങ്ങളിലായി 20 പേരെ കൊലപ്പെടുത്തിയെന്ന് ചന്ദ്രകാന്ത് ശര്‍മ സമ്മതിച്ചതായി പോലിസ് പറഞ്ഞു. ബാംഗ്ലൂര്‍ കെ.ജി ഹള്ളി നഞ്ചമ്പ അഗ്രഹാര സ്വദേശിയും ബെസ്കോം റിട്ട. എക്സിക്യൂട്ടീവ് എഞ്ചിനീയറുമായിരുന്ന എസ്.പി രാഘവനായിരുന്നു അവസാന ഇര. മൂവരും ചേര്‍ന്നാണ് ഇയാളെ കൊലപ്പെടുത്തിയത്. രാഘവന്റെ ഹെന്നൂരിലെ വീട്ടില്‍ വാടകക്ക് താമസിക്കുകയായിരുന്ന ഇവര്‍ മാസങ്ങളായി വാടക നല്‍കിയിരുന്നില്ല.

കഴിഞ്ഞ 10ന് വാടക നല്‍കണമെന്നാവശ്യപ്പെട്ടെത്തിയ രാഘവനെ മൂവരും ചേര്‍ന്ന് കഴുത്തില്‍ കയര്‍ കുരുക്കി കൊലപ്പെടുത്തുകയായിരുന്നു. തമിഴ്നാട്ടിലെ കൃഷ്ണഗിരി,സൊളിഗിരി ഭാഗത്ത് കൊണ്ടുപോയി കത്തിച്ച ശേഷം ഉപേക്ഷിച്ച മൃതദേഹം കഴിഞ്ഞ പതിനൊന്നിന് കണ്ടെത്തി യിരുന്നു. ഭര്‍ത്താവിനെ കാണാനില്ലെന്ന് കാണിച്ച് ഭാര്യ ഗീതാമണി നല്‍കിയ പരാതിയെ തുടര്‍ന്ന് നടത്തിയ അന്വേഷണത്തിലാണ് പോലിസ് ഇവരെ കസ്റ്റഡിയിലെടുത്തത്. പണസംബന്ധമായ തര്‍ക്കങ്ങളും നിസ്സാര വഴക്കുകളുമാണ് കൊലകള്‍ക്ക് കാരണമെന്ന് പോലിസ് പറഞ്ഞു. ചന്ദ്രകാന്ത് ക്ലോറോഫോം പ്രയോഗത്തിലൂടെയാണ് രണ്ടിലധികം പേരെ കൊന്നതെന്ന് ഡി.സി.പി അലോക് കുമാര്‍ പറഞ്ഞു.

1985ല്‍ ബാംഗ്ലൂരിലെത്തിയ ഇയാള്‍ റിയല്‍എസ്റ്റേറ്റ് തട്ടിപ്പുനടത്തി കഴിയുകയായിരുന്നു. വ്യാജരേഖകള്‍ ചമച്ച് വീട് വില്‍ക്കാനുണ്ടെന്ന് പരസ്യം നല്‍കി അഡ്വാന്‍സ് വാങ്ങി മുങ്ങാറായിരുന്നു പതിവ്. 15 കോടിയില്‍പരം രൂപയുടെ തട്ടിപ്പാണ് ഇയാള്‍ ഇങ്ങനെ നടത്തിയത്. കൊല്ലപ്പെട്ട രാഘവന്റെ വീടും വ്യാജരേഖ ചമച്ച് 1.5 കോടി രൂപക്ക് വില്‍ക്കാന്‍ ശര്‍മ കരാറാക്കിയിരുന്നു. ഇതില്‍ 50 ലക്ഷം രൂപ അഡ്വാന്‍സായി കൈപ്പറ്റുകയും ചെയ്തുവത്രേ. രാഘവന്റെ മൃതദേഹം തമിഴ്നാട്ടില്‍ ഉപേക്ഷിച്ച് മടങ്ങുംവഴിയാണ് താന്‍ 20 കൊലപാതകങ്ങള്‍ നടത്തിയ കാര്യം ഭാര്യയോടും മക്കളോടും പറയുന്നതെന്നും അലോക് കുമാര്‍ കൂട്ടിച്ചേര്‍ത്തു.

5. ഭൂരഹിത ആദിവാസികള്‍ക്കായി 40000 ഏക്കര്‍ ഭൂമി കണ്ടെത്താന്‍ നിര്‍ദേശം
തിരുവനന്തപുരം: സംസ്ഥാനത്തെ ഭൂരഹിത ആദിവാസികള്‍ക്ക് വിതരണം ചെയ്യാന്‍ 40000 ഏക്കര്‍ ഭൂമി കണ്ടെത്താന്‍ സര്‍ക്കാര്‍ ജില്ലാ കലക്ടര്‍മാര്‍ക്ക് നിര്‍ദേശം നല്‍കി. ഒരു മാസത്തിനകം ഭൂമി കണ്ടെത്തി അറിയിക്കണം. ഇന്നലെ റവന്യു^പട്ടിക വിഭാഗ വകുപ്പ് മന്ത്രിമാര്‍ ജില്ലാകലക്ടര്‍മാരുടെ യോഗം വിളിച്ചാണ് ഈ നിര്‍ദേശം നല്‍കിയത്.

കേന്ദ്ര സര്‍ക്കാര്‍ പാസാക്കിയ പുതിയ ആദിവാസി സംരക്ഷണ നിയമത്തിന്റെ ചുവടുപിടിച്ചാണ് കേരളത്തിലെ മുഴുവന്‍ ആദിവാസികള്‍ക്കും ഭൂമി ലഭ്യമാക്കാന്‍ നടപടി ആരംഭിച്ചത്. 22300 ഏക്കര്‍ ഭൂമിയാണ് ഭൂരഹിതര്‍ക്ക് നല്‍കാന്‍ വേണ്ടത്. ഒരേക്കറില്‍ താഴെ ഭൂമിയുള്ള 33000 കുടുംബങ്ങളുണ്ട്. 40000 ഏക്കര്‍ ഭൂമിയുണ്ടെങ്കില്‍ എല്ലാവര്‍ക്കും ഭൂമി നല്‍കാനാകുമെന്നാണ് കരുതുന്നതെന്ന് യോഗത്തിന് ശേഷം മന്ത്രി എ.കെ. ബാലന്‍ വാര്‍ത്താസമ്മേളനത്തില്‍ അറിയിച്ചു.

കഴിയുന്നത്ര വേഗം ഭൂമി വിതരണം ചെയ്യാന്‍ ശ്രമം നടത്തും. വനം, റവന്യു, പട്ടിക വിഭാഗം, തദ്ദേശം വകുപ്പുകള്‍ സംയുക്തമായാണ് ഭൂമി കണ്ടെത്തി വിതരണം ചെയ്യാന്‍ നടപടി എടുക്കുക. ഓരോ ജില്ലയിലും ആവശ്യമായ ഭൂമി കണ്ടെത്താനാണ് നിര്‍ദേശം. വയനാട്, പാലക്കാട്, ഇടുക്കി ജില്ലയിലാണ് കൂടുതല്‍ ഭൂമി കണ്ടെത്തേണ്ടത്. ലഭ്യമാകുന്ന റവന്യൂ, വനം ഭൂമിയുടെ അളവ്, രേഖകളില്ലാതെ താമസിക്കുന്നവരുടെ വിവരം, മിച്ചഭൂമിയില്‍ താമസിക്കുന്നവരുടെ എണ്ണം എന്നിവ സംബന്ധിച്ച് കലക്ടര്‍മാര്‍ പ്രാഥമിക പരിശോധന നടത്തും.

ഗ്രാമസഭ തെരഞ്ഞെടുക്കുന്ന 15 അംഗങ്ങള്‍ വരെയുള്ള ഫോറസ്റ്റ് റൈറ്റ്സ് കമ്മിറ്റിയാണ് ഗുണഭോക്താക്കളെ തീരുമാനിക്കുക. കമ്മിറ്റിയില്‍ മൂന്നിലൊന്ന് പട്ടിക വര്‍ഗക്കാരും മൂന്നിലൊന്ന് സ്ത്രീകളുമായിരിക്കും. ഇത് ബ്ലോക്ക് തലത്തിലുള്ള സബ്ഡിവിഷന്‍ കമ്മിറ്റി പരിശോധിക്കും. ജില്ലാ കലക്ടറുടെ നേതൃത്വത്തിലുള്ള ജില്ലാതല കമ്മിറ്റിയാണ് ഭൂമി അനുവദിക്കുന്നത്. ചീഫ് സെക്രട്ടറിയുടെ നേതൃത്വത്തില്‍ സംസ്ഥാന തലത്തിലും കമ്മിറ്റി ഉണ്ടാക്കും.

6. ചിന്നക്കനാലില്‍ 13 ഏക്കര്‍ വനഭൂമി ഭൂമാഫിയ മുംബൈ ഹോട്ടല്‍ ഗ്രൂപ്പിന് വിറ്റു
തൊടുപുഴ: ചിന്നക്കനാലില്‍ റവന്യൂ വകുപ്പ് വനംവകുപ്പിന് കൈമാറിയ 725 ഏക്കര്‍ വനഭൂമിയില്‍ 13 ഏക്കര്‍ ഭൂമാഫിയ മുംബൈയിലെ സ്വകാര്യ ഹോട്ടല്‍ ഗ്രൂപ്പിന് വിറ്റതായി പ്രത്യേക അന്വേഷണസംഘം കണ്ടെത്തി. പഴയ സര്‍വേ നമ്പര്‍ 20/1 ^ല്‍ വരുന്ന മുഴുവന്‍ ഭൂമിയും ’90 ഒക്ടോബര്‍ 25 ന് റവന്യൂ വകുപ്പ് പ്രത്യേക ഉത്തരവ് വഴി (ജി.ഒ.എം.എസ് നമ്പര്‍ 647/90/RD) വനംവകുപ്പിന് കൈമാറിയിരുന്നു. ഇതില്‍ സര്‍വേ നമ്പര്‍ 20/1 ^ല്‍ ഒരേക്കര്‍ 95 സെന്റ്, അതേ സര്‍വേ നമ്പറില്‍ നാലേക്കര്‍ 30 സെന്റ്, ഒരേക്കര്‍ 90 സെന്റ്, രണ്ടേക്കര്‍ 67 സെന്റ് എന്നിങ്ങനെ 13 ഏക്കര്‍ സ്വകാര്യ വ്യക്തികള്‍ കൈയേറി സ്വന്തമാക്കുകയും അതിനു ശേഷം ഏക്കറിന് രണ്ടുകോടി രൂപ വില നിശ്ചയിച്ച് മുംബൈയിലെ സ്വകാര്യ ഹോട്ടല്‍ ഗ്രൂപ്പിന് കൈമാറിയെന്നുമാണ് കണ്ടെത്തിയത്. വനവത്കരണത്തിനായി ’90ല്‍ റവന്യൂവകുപ്പ് പ്രത്യേക ഉത്തരവ് വഴി വനംവകുപ്പിന് കൈമാറിയ 290.35 ഹെക്ടറില്‍പെടുന്നതാണ് ഈ ഭൂമി.

10614/90/B1 നമ്പറായി ഉടുമ്പന്‍ചോല തഹസീല്‍ദാര്‍ ഭൂമി അളന്നുതിരിച്ച് സ്കെച്ചും പ്ലാനും തയാറാക്കി വനംവകുപ്പിന് കൈമാറാന്‍ താലൂക്ക് സര്‍വേയര്‍ക്ക് നിര്‍ദേശം നല്‍കിയിരുന്നെങ്കിലും ഇതിനിടെ ചിന്നക്കനാലിലെ ഭൂമിയില്‍ കൈയേറ്റം ആരംഭിച്ചിരുന്നു.
അതുകൊണ്ടുതന്നെ ഭൂമി കൈമാറ്റ നടപടികള്‍ പല കാരണങ്ങളാല്‍ പൂര്‍ണമായും നടന്നില്ല. റവന്യൂ വകുപ്പ് ഉത്തരവ് വഴി വനംവകുപ്പിന് കൈമാറുകയും എന്നാല്‍, പൂര്‍ണമായി വനംവകുപ്പിന്റെ നിയന്ത്രണത്തിലേക്ക് എത്താതിരിക്കുകയും ചെയ്ത ഈ ഭൂമിയിലാണ് ചിന്നക്കനാലിലെ എല്ലാ പ്രധാന റിസോര്‍ട്ടുകളും സ്ഥിതി ചെയ്യുന്നതെന്നാണ് അന്വേഷണ സംഘം കണ്ടെത്തിയിരിക്കുന്നത്. സര്‍ക്കാര്‍ ഭൂമി കൈയേറി പ്രമുഖ ഇംഗ്ലീഷ് മീഡിയം സ്കൂളും സ്ഥാപിച്ചിട്ടുണ്ട്.
വ്യാജ പട്ടയരേഖകള്‍, തണ്ടപ്പേര്‍ രജിസ്റ്റര്‍, ചെല്ലാന്‍ എന്നിവ സൃഷ്ടിച്ച് ഭൂമിയുടെ ഉടമസ്ഥാവകാശം സ്ഥാപിച്ച ശേഷം സബ്രജിസ്ട്രാര്‍ ഓഫീസിനെ സ്വാധീനിച്ചാണ് സര്‍ക്കാര്‍ ഭൂമി റിസോര്‍ട്ട് ഉടമകള്‍ക്ക് വിറ്റത്.

ചിന്നക്കനാലിലെ സര്‍ക്കാര്‍ ഭൂമി കൈയേറ്റത്തിന്റെയും വില്‍പനയുടെയും വ്യാപ്തിയും കുറ്റകൃത്യത്തിന്റെ സ്വഭാവവും കണക്കിലെടുത്ത് അന്വേഷണം ക്രൈംബ്രാഞ്ചിന് വിടണമെന്ന് ഇടുക്കി ജില്ലാ കലക്ടര്‍ നേരത്തേ സര്‍ക്കാറിന് ശിപാര്‍ശ സമര്‍പ്പിച്ചിരുന്നെങ്കിലും നടപടിയായിട്ടില്ല. അന്വേഷണം അട്ടിമറിക്കാന്‍ റിസോര്‍ട്ടുകളുടെ ഉടമകള്‍ സജീവമായി രംഗത്തിറങ്ങിയതാണ് കാരണം. എല്ലാ പട്ടയങ്ങളും അംഗീകരിക്കണമെന്ന് ആവശ്യപ്പെട്ട് സി.പി.എം ഇടുക്കി ജില്ലാ കമ്മിറ്റി മുഖ്യമന്ത്രി വി.എസ്. അച്യുതാനന്ദനും റവന്യൂ മന്ത്രി കെ.പി. രാജേന്ദ്രനും എതിരെ ആരംഭിച്ചിരിക്കുന്ന സമരം ഈ റിസോര്‍ട്ട് ഉടമകളുടെ വ്യാജപട്ടയങ്ങള്‍ ക്രമപ്പെടുത്തുന്നതിന് വേണ്ടിയാണെന്നും ആക്ഷേപമുണ്ട്.

7. പാഠപുസ്തകങ്ങള്‍ വിഭജിച്ച് നല്‍കും
തിരുവനന്തപുരം: പുസ്തകഭാരം കുറക്കുന്നതിന്റെ ഭാഗമായി സ്കൂള്‍ കുട്ടികളുടെ പാഠപുസ്തകങ്ങള്‍ വിഭജിച്ച് നല്‍കാന്‍ ശിപാര്‍ശ. പാഠ്യപദ്ധതി പരിഷ്കരണ കമ്മിറ്റിയാണ് ഈ ശിപാര്‍ശക്ക് രൂപം നല്‍കിയത്. കമ്മിറ്റിയുടെ ശിപാര്‍ശകള്‍ ഈമാസം 22ന് ചേരുന്ന കരിക്കുലം കമ്മിറ്റി പരിഗണിച്ച് അന്തിമ തീരുമാനമെടുക്കും.

സ്കൂള്‍തലത്തില്‍ ഇനിമുതല്‍ അര്‍ധവാര്‍ഷിക പരീക്ഷയും വാര്‍ഷിക പരീക്ഷയും നടത്തിയാല്‍ മതിയെന്നാണ് പരിഷ്കരണ കമ്മിറ്റിയുടെ ശിപാര്‍ശ. അര്‍ധവാര്‍ഷിക പരീക്ഷവരെ പഠിക്കേണ്ട പാഠങ്ങള്‍ മാത്രം ഉള്‍പ്പെടുത്തിയായിരിക്കും പുസ്തകങ്ങള്‍ ആദ്യഘട്ടത്തില്‍ വിദ്യാര്‍ഥികള്‍ക്ക് ലഭ്യമാക്കുക. ഈ പുസ്തകത്തില്‍ നിന്നും വാര്‍ഷിക പരീക്ഷക്ക് ചോദ്യങ്ങള്‍ ഉണ്ടാവില്ല. ആദ്യഘട്ടത്തില്‍ നല്‍കിയതിന്റെ ശേഷിച്ച പാഠഭാഗങ്ങള്‍ ഉള്‍പ്പെടുത്തിയായിരിക്കും രണ്ടാംഘട്ടത്തില്‍ വിവിധ വിഷയങ്ങളുടെ പുസ്തകങ്ങള്‍ തയാറാക്കുക. ഈ പുസ്തകങ്ങളില്‍ നിന്ന് മാത്രമേ വാര്‍ഷിക പരീക്ഷക്ക് ചോദ്യങ്ങള്‍ ഉണ്ടാകാവൂവെന്നും ശിപാര്‍ശ ചെയ്യുന്നു. അര്‍ധവാര്‍ഷിക പരീക്ഷ ഒക്ടോബര്‍^നവംബര്‍ മാസത്തോടെയും വാര്‍ഷിക പരീക്ഷ മാര്‍ച്ചിലും നടത്തണം.

പ്ലസ്ടുതല വിദ്യാര്‍ഥികള്‍ നിലവിലെ പഠനവിഷയങ്ങള്‍ക്ക് പുറമെ ഏതെങ്കിലും ഒരു തൊഴിലധിഷ്ഠിത പഠനം കൂടി നടത്തണം. തൊഴിലധിഷ്ഠിത പഠനത്തിന്റെ ഭാഗമായി തിയറിക്ക് പുറമെ പ്രായോഗിക പരിശീലനവും ഉണ്ടാകും. ഇതിനായി ബ്ലോക്ക്തലത്തില്‍ സെന്ററുകള്‍ സ്ഥാപിക്കുന്നതിനാണ് ആലോചിക്കുന്നത്. തൊഴിലധിഷ്ഠിത പഠനത്തിന് തെരഞ്ഞെടുക്കേണ്ട മേഖല ഏതെന്ന് ഓരോ വിദ്യാര്‍ഥിക്കും തീരുമാനിക്കാം. തൊഴിലധിഷ്ഠിത പഠനത്തിന് മുന്നോടിയായി ഒമ്പത്, പത്ത് ക്ലാസുകളില്‍ സാമാന്യ പഠനത്തിനൊപ്പം പ്രത്യേക വിഷയങ്ങളില്‍ സവിശേഷ പഠനവും നടത്തണം. ഓരോരുത്തര്‍ക്കും അവരിഷ്ടപ്പെടുന്ന ഒരു വിഷയത്തിലായിരിക്കും സവിശേഷ പഠനം നല്‍കുക.

പ്രൈമറി തലം മുതല്‍ പ്ലസ്ടു വരെ ഭാഷാപഠനം നിലവിലെ രീതിയില്‍ തുടരണമെന്നാണ് കമിറ്റി ശിപാര്‍ശ. എന്നാല്‍ ഇതര ഭാഷാപഠനം നടത്തുന്നവര്‍ക്ക് മാതൃഭാഷയില്‍ വേണ്ടത്ര പരിജ്ഞാനം ഇല്ലാത്ത നിലവിലെ സാഹചര്യം ഒഴിവാക്കണമെന്ന് കമ്മിറ്റി നിര്‍ദേശിക്കുന്നു. ഇതൊഴിവാക്കാന്‍ മാതൃഭാഷാ പഠനം കാര്യക്ഷമമാക്കണം.
ഇംഗ്ലീഷ്, ഐടി എന്നീ വിഷയങ്ങളുടെ സാമാന്യമായ പരിചയപ്പെടുത്തല്‍ പ്രൈമറിതലം മുതല്‍ ഉണ്ടാകണമെന്നും കമ്മിറ്റി നിര്‍ദേശിക്കുന്നു. എല്ലാ വിഷയങ്ങളുമായും ബന്ധപ്പെടുത്തി ഐടി പഠിപ്പിക്കണമെന്നാണ് കമ്മിറ്റി ശിപാര്‍ശ.

പാഠ്യപദ്ധതി പരിഷ്കരണത്തിനുള്ള കോര്‍ കമ്മിറ്റിയുടെ യോഗം ഈമാസം 21ന് ചേര്‍ന്ന് ശിപാര്‍ശകള്‍ക്ക് അന്തിമരൂപം നല്‍കും. 22ന് ചേരുന്ന കരിക്കുലം കമ്മിറ്റി ശിപാര്‍ശകളിന്മേല്‍ അന്തിമതീരുമാനം കൈക്കൊള്ളും. അടുത്ത അധ്യയനവര്‍ഷം മുതല്‍ ഒന്ന്, മൂന്ന്, അഞ്ച്, ഏഴ്, ഒമ്പത്, 11 ക്ലാസുകളില്‍ പുതിയ പാഠപുസ്തകങ്ങള്‍ ഏര്‍പ്പെടുത്താന്‍ കരിക്കുലം കമ്മിറ്റി തീരുമാനിച്ചിരുന്നെങ്കിലും ഒന്ന്, മൂന്ന്, അഞ്ച്, ഏഴ് ക്ലാസുകളില്‍ മാത്രമേ ഇത് നടപ്പാക്കാന്‍ കഴിയൂവെന്ന് മൂന്നുമാസം മുമ്പ് ചേര്‍ന്ന കരിക്കുലം കമ്മിറ്റി വിലയിരുത്തിയിരുന്നു. നടപ്പ് അധ്യയന വര്‍ഷത്തിന്റെ ആരംഭത്തില്‍ ഏര്‍പ്പെടുത്തുകയും കോടതിവിധിമൂലം പിന്‍വലിക്കേണ്ടിയും വന്ന പാഠപുസ്തകങ്ങളായിരിക്കും. 11ാം ക്ലാസില്‍ (പ്ലസ്വണ്‍) അടുത്ത തവണ നല്‍കേണ്ടതെന്നും കമ്മിറ്റി നിശ്ചയിച്ചിട്ടുണ്ട്. സിലബസിനും പാഠപുസ്തകത്തിനും അംഗീകാരം നല്‍കുന്നതിലുണ്ടായ കാലതാമസം മുന്‍നിര്‍ത്തി ഒമ്പതാംക്ലാസിലെ പാഠപുസ്തകമാറ്റം തല്‍ക്കാലം മാറ്റിവെക്കാനുമാണ് തീരുമാനം.

8. റഷ്യന്‍ സുരക്ഷാ ഏജന്‍സിയുമായി ഭീകരവിരുദ്ധ സഹകരണം ബ്രിട്ടന്‍ അവസാനിപ്പിച്ചു
മോസ്കോ: റഷ്യയുമായി ഉടലെടുത്ത പുതിയ വിവാദത്തിന്റെ പശ്ചാത്തലത്തില്‍ റഷ്യന്‍ സുരക്ഷാ ഏജന്‍സിയായ എഫ്.എസ്.ബിയുമായുള്ള സഹകരണ ബന്ധം റദ്ദാക്കാന്‍ ബ്രിട്ടന്‍ തീരുമാനിച്ചു.
ഭീകരവിരുദ്ധ നീക്കങ്ങളില്‍ ഈ ഏജന്‍സിയുമായി ബ്രിട്ടന്‍ അടുത്ത സഹകരണ ബന്ധം സ്ഥാപിച്ചിരുന്നു.

കഴിഞ്ഞദിവസം സെന്റ്പീറ്റേഴ്സ് ബര്‍ഗിലെ സാംസ്കാരിക കൌണ്‍സില്‍ ബ്രിട്ടന്‍ അടച്ചുപൂട്ടുകയും ചെയ്തു. കൌണ്‍സിലിലെ ചില ജീവനക്കാരെ റഷ്യന്‍ ഏജന്‍സി ചോദ്യം ചെയ്തതിനെ തുടര്‍ന്നാണിത്.
മുന്‍ കെ.ജി.ബി ചാരന്‍ അലക്സാണ്ടര്‍ ലിറ്റ്വിനെങ്കോ വധത്തില്‍ പങ്കുണ്ടെന്ന് കരുതുന്ന റഷ്യന്‍ ഉദ്യോഗസ്ഥന്‍ ആന്ദ്രേ ലുഗോപോയിനെ വിചാരണക്ക് വിട്ടുതരണമെന്ന ബ്രിട്ടന്റെ അഭ്യര്‍ഥന എഫ്.എസ്.ബി തള്ളിയിരുന്നു. ഈ സാഹചര്യത്തിലാണ് എഫ്.എസ്.ബിയുമായുള്ള ബന്ധങ്ങള്‍ റദ്ദാക്കാന്‍ ബ്രിട്ടന്‍ തീരുമാനിച്ചത്.

9. തണുപ്പ് തുടരും; മരണമേറുന്നു, കന്നുകാലികളും ചത്തൊടുങ്ങുന്നു
ജിദ്ദ/റിയാദ്: സൌദി അറേബ്യയുടെ വിവിധ മേഖലകളില്‍ അനുഭവപ്പെട്ട അതിശൈത്യം മൂലം മരണസംഖ്യ വര്‍ധിക്കുന്നു. വടക്കന്‍ പ്രവിശ്യയില്‍ കന്നുകാലികളും വ്യാപകമായി ചത്തൊടുങ്ങുന്നുണ്ട്.

ചെങ്കടല്‍തീര നഗരമായ ജിദ്ദയിലും താപനില 11 ഡിഗ്രി വരെയെത്തുമെന്നാണ് കാലാവസ്ഥ അധികൃതരുടെ നിരീക്ഷണം. റിയാദ് ^2, മദീന ^ 2, തബൂക്ക് ^4 എന്നിങ്ങിനെ താപനില കുറയുമെന്നും സൂചനയുണ്ട്. കിഴക്കന്‍ പ്രവിശ്യയിലും റിയാദ് മേഖലയിലും മഴയുണ്ടാകാനുള്ള സാധ്യതയും കാലാവസ്ഥാ നിരീക്ഷകര്‍ പ്രവചിക്കുന്നു.

തണുപ്പും മഴയും മൂലം ഇതിനകം സൌദിയില്‍ 16 പേര്‍ക്ക് ജീവഹാനി സംഭവിച്ചിട്ടുണ്ട്. 18കാരിയായ ഒരു വിദ്യാര്‍ഥിനിയും ഒരു ഇന്ത്യന്‍ തൊഴിലാളിയുമടക്കം മൂന്ന് പേരാണ് അല്‍ഉലയില്‍ ശൈത്യംമൂലം മരിച്ചത്. മദീനയില്‍നിന്നു 400 കിലോമീറ്റര്‍ വടക്ക് നബാതിയന്‍ ചരിത്ര സമുച്ചയങ്ങള്‍ സ്ഥിതിചെയ്യുന്ന അല്‍ഉലയില്‍ അതിരാവിലെ സ്കൂളില്‍ പോകുംവഴിയാണ് വിദ്യാര്‍ഥിനി മരണപ്പെട്ടത്.

അതിശൈത്യം മൂലമുള്ള ഹൃദയസ്തംഭനമാണ് മരണകാരണമെന്ന് ഡോക്ടര്‍മാര്‍ സ്ഥിരീകരിച്ചു. മദീനയില്‍നിന്നു 300 കി.മീ വടക്ക് മഹദിലെ റോഡില്‍ വിദേശി മരിക്കാന്‍ കാരണം അതിശൈത്യമാണെന്ന് ആരോഗ്യ വകുപ്പ് വക്താവ് അബ്ദുല്‍ റഹീം അറിയിച്ചു. മദീനയിലെ ലേബര്‍ ക്യാമ്പില്‍ രണ്ട് വിദേശികള്‍ മരിച്ചത് പുക ശ്വസിച്ചാണ്. തണുപ്പില്‍നിന്ന് രക്ഷനേടാന്‍ റൂമില്‍ കല്‍ക്കരി കത്തിച്ചതാണ് മരണകാരണം. അശാസ്ത്രീയ രീതിയിലുള്ള തീ കത്തിക്കലിനെതിരെ സിവില്‍ ഡിഫന്‍സ് വക്താവ് മന്‍സൂര്‍ അല്‍ജുഹ്നി മുന്നറിയിപ്പ് നല്‍കി. ശൈത്യകാലത്തുണ്ടാകുന്ന അപകട മരണങ്ങളില്‍ ഭൂരിഭാഗവും അശാസ്ത്രീയ രീതിയിലുള്ള വിറക് ഉപയോഗം മൂലമാണെന്ന് കിഴക്കന്‍ പ്രവിശ്യ സിവില്‍ ഡിഫന്‍സ് ഡയറക്ടര്‍ മേജര്‍ ജനറല്‍ ഹാമിദ് അല്‍അല്‍ജുഅയ്ദ് പറഞ്ഞു. ഇതിലകപ്പെടുന്നവരില്‍ അധികവും വിദേശികളാണെന്നും അദ്ദേഹം പറഞ്ഞു.

അല്‍ഹസ മേഖലയില്‍ രണ്ട് വിദേശികള്‍ മരിച്ചത് ഉറങ്ങുന്നതിനിടെ തീപിടിത്തമുണ്ടായാണ്. തണുപ്പിനെ പ്രതിരോധിക്കാനുണ്ടാക്കിയ തീ ടെന്റിന് പിടിക്കുകയായിരുന്നത്രെ. വടക്കന്‍ മേഖലയിലെ ചില നഗരങ്ങളില്‍ മഞ്ഞുവീഴ്ചയനുഭവപ്പെട്ടു. ഒരു ഏഷ്യക്കാരനും ഈജിപ്ഷ്യനും മരിച്ചു. ഇവര്‍ക്ക് പുറമെ ജോലി ചെയ്യുന്ന തോട്ടത്തിലെ ഒരു മുറിയില്‍ അതിശൈത്യംമൂലവും റൂമില്‍ കത്തിച്ച കല്‍ക്കരിയില്‍നിന്നുള്ള പുകശ്വസിച്ചും രണ്ട് ഈജിപ്തുകാര്‍ മരണപ്പെട്ടിട്ടുണ്ട്. റിയാദില്‍ ഇന്നലെ താപനില പുജ്യം ഡിഗ്രിക്ക് താഴെയായതോടെ ജനജീവിതം ദുസ്സഹമായി. അല്‍ഖര്‍ജിലും കിഴക്കന്‍ പ്രവിശ്യയിലും താപനില പൂജ്യത്തിലെത്തി.
സൌദിയില്‍ 20 സ്ഥലങ്ങളിലാണ് താപനില പൂജ്യം ഡിഗ്രിയില്‍ താഴ്ന്നതായി രേഖപ്പെടുത്തിയത്. വടക്കന്‍ മേഖലയില്‍ മദായിന്‍ സാലിഹിനടുത്തുള്ള അല്‍ഉലാ പട്ടണത്തിലാണ് ഏറ്റവും കൂടിയ തണുപ്പ് അനുഭവപ്പെടുന്നത് 13 ഡിഗ്രി.

കൊടും തണുപ്പ് സ്വദേശികള്‍ക്കും വിദേശികള്‍ക്കും ഒരുപോലെ ആരോഗ്യ പ്രശ്നങ്ങളുണ്ടാക്കുന്നതിനാല്‍ ആശുപത്രികളിലും ക്ലിനിക്കുകളിലും നല്ല തിരക്കാണനുഭവപ്പെടുന്നത്. വാരാന്ത്യ അവധിയായിട്ടുപോലും പതിവിനു വിപരീതമായി നിരത്തുകളും ഷോപ്പിംഗ് മാളുകളും ഒഴിഞ്ഞുകിടക്കുകയാണ്്. സമീപകാല റെക്കോര്‍ഡുകള്‍ ഭേദിച്ച തണുപ്പില്‍നിന്നു സംരക്ഷണം നേടാന്‍ സ്വദേശികളും വിദേശികളും പുറത്തിറങ്ങാതെ വീടുകളില്‍ ഒതുങ്ങിക്കഴിയുകയാണ്.

1. അതിശൈത്യം; മൂന്നാറില്‍ താപനില മൈനസ് മൂന്ന്
മൂന്നാര്‍: അതിശൈത്യത്തിലേക്കു നീങ്ങിയ കാലാവസ്ഥാമാറ്റം മൂന്നാറിനെ മഞ്ഞുപുതപ്പിക്കുന്നു. കേരളം തണുത്തു വിറയ്ക്കുമ്പോള്‍ മൂന്നാറില്‍ താപനില മൈനസ് മൂന്നുവരെയായി. അതിശൈത്യ മേഖലകളായ നല്ലതണ്ണി, കന്നമല, ചെണ്ടുവരൈ, ചൊക്കനാട്, സെവന്‍മല എന്നിവിടങ്ങളിലാണ് താപനില പൂജ്യത്തിലും താഴേക്കു പതിച്ചത്. മഞ്ഞുമലകളുടെ ഉയര്‍ന്ന പ്രതലങ്ങളില്‍ ഐസ് പാളികളും രൂപപ്പെട്ടു.

കാലാവസ്ഥാ മാറ്റമനുസരിച്ചു കേരളത്തില്‍ അനുഭവപ്പെടുന്ന മഞ്ഞിനു പുറമേ ഉത്തരേന്ത്യയില്‍നിന്നുള്ള തണുത്ത കാറ്റും കിഴക്കന്‍ കാറ്റും ശക്തിയായതാണ് അതിശൈത്യത്തിനു കാരണം.മലകടന്നെത്തുന്ന ഉത്തരേന്ത്യന്‍ ശീതക്കാറ്റില്‍ സംസ്ഥാനത്തെ ഏറ്റവും കുറഞ്ഞ താപനില ശരാശരി 18 ഡിഗ്രി സെല്‍ഷ്യസായി താഴ്ന്നിട്ടുണ്ട്. അതേസമയം, താല്‍ക്കാലികമായ ഈ കാലാവസ്ഥാ വ്യതിയാനം ഏതാനും ദിവസങ്ങള്‍ക്കുള്ളില്‍ പിന്‍വാങ്ങുമെന്ന് കൊച്ചി ശാസ്ത്ര സാങ്കേതിക സര്‍വകലാശാലാ മണ്‍സൂണ്‍ പഠന കേന്ദ്രം തലവന്‍ ഡോ. സി. കെ. രാജന്‍ പറഞ്ഞു. സൂര്യോദയത്തിന് ഒരുമണിക്കൂര്‍ മുന്‍പാണ് ഏറ്റവും കൂടുതല്‍ തണുപ്പ് അനുഭവപ്പെടുന്നത്.

2. കോട്ടയം വരുതിയിലാക്കാന്‍ പിബി; പകുതി അംഗങ്ങളും പങ്കെടുക്കും
തിരുവനന്തപുരം: പൊളിറ്റ് ബ്യൂറോയുടെ സൂക്ഷ്മ നിരീക്ഷണത്തിലാകും സിപിഎമ്മിന്റെ കോട്ടയം സംസ്ഥാന സമ്മേളനം. ജനറല്‍ സെക്രട്ടറി പ്രകാശ് കാരാട്ട് ഉള്‍പ്പെടെ പതിനഞ്ചംഗ പിബിയിലെ ഏഴു പേരെങ്കിലും സന്നിഹിതരാകും. ആര്‍. ഉമാനാഥ്, സീതാറാം യെച്ചൂരി, എസ്. രാമചന്ദ്രന്‍പിള്ള, എം.കെ. പന്ഥെ എന്നിവരെക്കൂടാതെ കേരളത്തില്‍ നിന്നു വി.എസും പിണറായിയും.

മലപ്പുറത്തും പിബിയുടെ വലിയ സംഘം തന്നെ ഉണ്ടായിരുന്നു. പക്ഷേ വിഭാഗീയത നടമാടിയ വോട്ടെടുപ്പു തടയാന്‍ അവര്‍ക്കായില്ല. അതിനു ശേഷം സംസ്ഥാന ഘടകത്തിലെ സംഘടനാപ്രശ്നങ്ങള്‍ പരിഹരിക്കാന്‍ നിരന്തര ഇടപെടലാണു പിബി നടത്തുന്നത്. അതു ഫലവത്തായെന്ന് ഉറപ്പിക്കാന്‍ പറ്റിയ വേദിയായി കോട്ടയത്തെ മാറ്റണമെന്നാകും കേന്ദ്ര നേതൃത്വത്തിന്റെ ഉദ്ദേശ്യം. മല്‍സരം ഒഴിവാക്കി സംസ്ഥാന കമ്മിറ്റിയെയും സെക്രട്ടറിയെയും ഏകകണ്ഠമായി തിരഞ്ഞെടുക്കുക എന്നത് ആ നിലയ്ക്കു പ്രധാനമാണ്.

മലപ്പുറത്തിനു മുന്നോടിയായുള്ള പടയൊരുക്കം സമാനമായി പ്രകടമല്ലാത്തതിനാല്‍  പിബിയുടെ ദൌത്യം കുറേക്കൂടി എളുപ്പമാകും. എന്നാല്‍ ഇടഞ്ഞുനില്‍ക്കുന്ന രണ്ടു വിഭാഗങ്ങളെ മെരുക്കിയും കേരളത്തിനായുള്ള പ്രത്യേക മാര്‍ഗരേഖ പാലിച്ചും സമ്മേളന നടപടി പൂര്‍ത്തിയാക്കുക എന്ന ഉത്തരവാദിത്തം പ്രധാനമായും പിബിക്കാണ്. ‘പാര്‍ട്ടി സമ്മേളനങ്ങളുടെ നടത്തിപ്പു നോക്കിക്കോളൂ എന്നാണു പ്രത്യേക മാര്‍ഗരേഖ അംഗീകരിച്ച സംസ്ഥാന കമ്മിറ്റി യോഗത്തിനു ശേഷം പിബി ഇടപെടലുകളുടെ ഫലത്തെക്കുറിച്ചു കാരാട്ട് പ്രതികരിച്ചതും.

കോട്ടയം മാമ്മന്‍ മാപ്പിള ഹാളില്‍ സംസ്ഥാന സമ്മേളനം 11ന് ഉദ്ഘാടനം ചെയ്യുന്നതു കാരാട്ട് തന്നെയാണ്. 14നു തിരഞ്ഞെടുപ്പിനു ശേഷം പൊതുസമ്മേളനത്തോടെ  സമാപിക്കും. സംസ്ഥാന കമ്മിറ്റി അംഗങ്ങളടക്കം അറൂന്നൂറില്‍പ്പരം പ്രതിനിധികള്‍ പങ്കെടുക്കും. മലപ്പുറത്ത് 545 പേരായിരുന്നു. അംഗത്വത്തിലെ വര്‍ധനയാണു പ്രതിനിധികളുടെ എണ്ണത്തിലെ വര്‍ധനയ്ക്കു പിന്നില്‍. ജില്ലകളില്‍ ഇപ്പോള്‍ സമ്മേളനം നടന്നുവരുന്ന കണ്ണൂരില്‍ നിന്നു തന്നെയാകാം ഏറ്റവും കൂടുതല്‍ പ്രതിനിധികള്‍.

സംസ്ഥാന സമ്മേളനങ്ങളില്‍, ബംഗാളിലേതു കഴിഞ്ഞു. ത്രിപുരയില്‍ ഏറ്റവുമൊടുവിലാണ്. ഹിമാചല്‍പ്രദേശ്, അസം, ഗുജറാത്ത് എന്നിവിടങ്ങളിലാണ് ഇനി നടക്കാനുള്ളത്. മധ്യപ്രദേശിലായിരുന്നു ആദ്യ സമ്മേളനം. സമ്മേളനം നടക്കാത്ത സംസ്ഥാനങ്ങളും ഉണ്ട്. മേഘാലയ, നാഗാലാന്‍ഡ്, മിസോറം, അരുണാചല്‍പ്രദേശ് എന്നിവിടങ്ങളില്‍ ഇനിയും സമ്മേളനം നടത്തേണ്ട സ്ഥിതിയായില്ല. കേന്ദ്രഭരണ പ്രദേശങ്ങളുള്‍പ്പെടെ ആകെ 25 ഇടത്താണു ഷെഡ്യൂള്‍ നിശ്ചയിച്ചിരിക്കുന്നത്.

ഫെബ്രുവരി  10നു സമാപിക്കുന്ന ആന്ധ്ര സമ്മേളനം കഴിഞ്ഞാകും കോട്ടയത്തേക്കു നേതാക്കള്‍ എത്തുക. അതിനു മുന്‍പായി ഇൌ മാസം അവസാനം നടക്കുന്ന നിര്‍ണായക  സെക്രട്ടേറിയറ്റ്, സംസ്ഥാന കമ്മിറ്റി യോഗങ്ങളിലും പിബി അംഗങ്ങളുടെ സാന്നിധ്യം പ്രതീക്ഷിക്കുന്നു. സംസ്ഥാന സമ്മേളനങ്ങളുടെ തിരക്കായതിനാല്‍ പിബി ഇൌ മാസം ചേരാനിടയില്ല. കേരളത്തിലെ തര്‍ക്കവിഷയങ്ങള്‍ അവരുടെ സാന്നിധ്യത്തില്‍ ഇവിടെ ചര്‍ച്ച ചെയ്തു ധാരണയിലെത്താന്‍ ശ്രമിക്കും.

3. തളര്‍ന്ന ശരീരവുമായി വാഹന മോഷണം; ‘ആയി’ സജിയും കൂട്ടാളികളും അറസ്റ്റില്‍
മൂവാറ്റുപുഴ: അരയ്ക്കുതാഴെ തളര്‍ന്ന കുപ്രസിദ്ധ കുറ്റവാളി ‘ആയി സജിയുടെ നേതൃത്വത്തിലുള്ള മോഷണ-ക്വട്ടേഷന്‍ സംഘം അറസ്റ്റില്‍. കൂത്താട്ടുകുളത്തു നിന്ന് കഴിഞ്ഞ 14ന് വാഹന ഉടമയെ ആയുധംകാട്ടി ഭീഷണിപ്പെടുത്തി വാന്‍ തട്ടിയെടുത്തു എന്ന കേസിന്റെ അന്വേഷണത്തിനിടെയാണ് സംഘം പിടിയിലായത്. പാലാ ഭരണങ്ങാനം ഇഞ്ചിയില്‍ സജി (ആയി സജി-35), ആലുവ പാറക്കുടി കുറുമശേരി മക്കോലില്‍ ജയപ്രകാശ് (38), തോപ്പുംപടി കാട്ടിപ്പറമ്പില്‍ ബിജോയി (23) എന്നിവരെയാണ് അറസ്റ്റ് ചെയ്തത്.

സംഘത്തിലെ വടക്കന്‍ പറവൂര്‍ സ്വദേശികളായ സാബു, ജബാര്‍, സനു എന്നിവര്‍ക്കുവേണ്ടി തിരച്ചില്‍ നടത്തുകയാണെന്ന് പൊലീസ് പറഞ്ഞു. മോഷ്ടിക്കപ്പെട്ട വണ്ടിയും മോഷണത്തിനായി പ്രതികള്‍ എത്തിയ കാറും, സജി യാത്ര ചെയ്തിരുന്ന വാനും പൊലീസ് പിടിച്ചെടുത്തു. ശരീരം തളര്‍ന്നിട്ടും ഗുണ്ടാ – ക്രിമിനല്‍ ഒാപ്പറേഷനുകള്‍ ആസൂത്രണം ചെയ്യുന്നതില്‍ വിരുതു കാട്ടുന്ന സജിയെ വാഹനത്തില്‍ കൊണ്ടു നടന്നാണ് സംഘത്തിന്റെ പ്രവര്‍ത്തനം.

മൂവാറ്റുപുഴ സിഐ ബിജു കെ. സ്റ്റീഫന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. പത്രത്തില്‍ കണ്ട പരസ്യത്തിലെ ഫോണ്‍ നമ്പറില്‍ വിളിച്ച് പരിചയപ്പെട്ട ശേഷമാണ് ജയപ്രകാശും സാബുവും സ്കോര്‍പിയോ എസ്യുവി വാങ്ങാന്‍ കൂത്താട്ടുകുളം നെല്ലാമറ്റത്തില്‍ സാബുവിന്റെ വീട്ടിലെത്തിയത്. വില പറഞ്ഞ് ഉറപ്പിച്ചശേഷം വാഹനം ഓടിച്ചു നോക്കാനായി ഇവരില്‍ ഒരാള്‍ വണ്ടിയില്‍ കയറി. ഉടമയേയും കൂട്ടി കോട്ടയം റൂട്ടില്‍ പോകുന്നതിനിടെ ബാപ്പുജി ജംക്ഷന് സമീപം രണ്ടുപേര്‍ കൂടി വണ്ടിയില്‍ കയറി. പുതുവേലിക്കു സമീപം തിരക്കൊഴിഞ്ഞ സ്ഥലത്ത് എത്തിയപ്പോള്‍ ഉടമയെ ആയുധംകാട്ടി ഭീഷണിപ്പെടുത്തിയ ശേഷം വണ്ടിയുമായി കടന്നുകളയുകയായിരുന്നു.

വണ്ടി പാലായിലെത്തിച്ച് ഒളിപ്പിച്ചിരിക്കുകയായിരുന്നു. തുടര്‍ന്ന് തമിഴ്നാട്ടിലേക്കു കടത്താനുള്ള ശ്രമത്തിനിടെ തൊടുപുഴ കോലാനിയില്‍ നിന്നാണു പൊലീസ് ഇവരെ പിടിച്ചത്. ആലുവ രണ്ടാം ജുഡീഷ്യല്‍ മജിസ്ട്രേറ്റ് കോടതിയില്‍ ഹാജരാക്കിയ പ്രതികളെ 14 ദിവസത്തേക്കു റിമാന്‍ഡ് ചെയ്തു. സംഘത്തിലെ പ്രധാനിയായ ജയപ്രകാശ് മുംബൈയിലെ ബാന്ദ്രയില്‍ കൊലക്കേസില്‍ ജയില്‍ശിക്ഷ അനുഭവിച്ചു പുറത്തുവന്നയാളാണെന്ന് പൊലീസ് പറഞ്ഞു.

മൂവാറ്റുപുഴ ഏനാനല്ലൂര്‍ മാരിക്കുന്നേല്‍ അനൂപിനെ വെട്ടി പരുക്കേല്‍പിച്ചതും മാഞ്ഞാലിയില്‍ പെട്രോള്‍ പമ്പ് ഉടമയെ ഭീഷണിപ്പെടുത്തി പണം തട്ടിയെടുത്തതും കൂനമ്മാവില്‍ ജ്വല്ലറിയില്‍ മോഷണം നടത്തിയതും ഇഷ്ടികക്കളം നടത്തിപ്പുകാരനെ വെട്ടിപരുക്കേല്‍പിച്ചതും ജയപ്രകാശിന്റെ നേതൃത്വത്തിലായിരുന്നുവെന്ന് പൊലീസ് പറഞ്ഞു.

വാഹനം വാങ്ങാനെന്നു പറഞ്ഞ് ജയപ്രകാശും ബിജോയിയും എത്തിയ നെല്ലാമറ്റത്തെ സ്വകാര്യ സ്ഥാപനത്തിലും പരിസരത്തും പൊലീസ് പ്രതികളുമായി തെളിവെടുപ്പിനെത്തി. മോഷണസംഘം ഇടയ്ക്കു തങ്ങിയ ടീ സ്റ്റാള്‍ തുടങ്ങിയ ഇടങ്ങളിലും തെളിവെടുപ്പു നടത്തി. കൂത്താട്ടുകുളത്തു ചിലര്‍ അക്രമികളെ സഹായിച്ചെന്നു സൂചനയുണ്ട്. അത്യാധുനിക സാങ്കേതിക വിദ്യകളും പൊലീസിന്റെ രഹസ്യാന്വേഷണ സംവിധാനവും മറ്റും ഉപയോഗപ്പെടുത്തിയാണ് ചുരുങ്ങിയ ദിവസത്തിനുള്ളില്‍ പ്രതികളെ പിടികൂടാന്‍ കഴിഞ്ഞതെന്ന് പറയുന്ന പൊലീസ് അതു സംബന്ധിച്ച വിശദാംശങ്ങള്‍ വെളിപ്പെടുത്താന്‍ വിസമ്മതിച്ചു.

ഐജി വിന്‍സന്‍ എം. പോള്‍, റൂറല്‍ എസ്പി: എം. പത്മനാഭന്‍, മൂവാറ്റുപുഴ ഡിവൈഎസ്പി: എന്‍. സുധീഷ് എന്നിവരുടെ മേല്‍നോട്ടത്തില്‍ മൂവാറ്റുപുഴ സിഐ: ബിജു കെ. സ്റ്റീഫന്‍, എഎസ്ഐ: ജോര്‍ജ് ഫ്രാന്‍സിസ്, ഹെഡ് കോണ്‍സ്റ്റബിള്‍മാരായ വി.ജെ. ജോര്‍ജ്, കെ.കെ. ജോസ്, ജോസ് ജയിംസ്, കോണ്‍സ്റ്റബിള്‍മാരായ സി.എം. സതീശന്‍, ആര്‍. അനില്‍കുമാര്‍ എന്നിവരും മൂവാറ്റുപുഴ ഇന്റലിജന്‍സ് എസ്ഐ: സി. ജയകുമാറിന്റെ നേതൃത്വത്തിലുള്ള സംഘവുമാണ് അന്വേഷണം നടത്തിയത്.

4. പൊലീസിനു 100 ഡിജിറ്റല്‍ ക്യാമറ; തീരസേനയ്ക്ക് ഇരുമ്പു കവചവും
പാലക്കാട്: സമരങ്ങള്‍ക്കിടയില്‍ കുഴപ്പങ്ങള്‍ സൃഷ്ടിക്കുന്നവരെ കണ്ടെത്തിപിടികൂടാന്‍ പൊലീസ് 100 ഡിജിറ്റല്‍ ക്യാമറകള്‍ വാങ്ങുന്നു.  തീരദേശ പൊലീസ് സേനയ്ക്കായി ഇരുമ്പു കവചങ്ങളും ഫോറന്‍സിക് ലാബിലേക്കായി ആധുനിക ഉപകരണങ്ങളടങ്ങുന്ന കിറ്റുകളും വാങ്ങാന്‍ നടപടിയായിട്ടുണ്ട്.

സംസ്ഥാന പൊലീസിന്റ്െ ആധുനികവല്‍ക്കരണത്തിനായുള്ള ഫണ്ട് ഉപയോഗിച്ചാണ് ഉപകരണങ്ങള്‍ വാങ്ങുന്നത്.  ഇതിനായി പൊലീസ് ആസ്ഥാനത്ത് നിന്നു ടെന്‍ഡര്‍ ക്ഷണിച്ചു. ഓരോ പൊലീസ് സ്റ്റേഷനിലും ഒരു ക്യാമറ വീതം നല്‍കാനാണ് ഉദ്ദേശിക്കുന്നത്. പ്രകടനങ്ങള്‍ക്കിടെ പ്രശ്നങ്ങള്‍ സൃഷ്ടിക്കുന്നവരെ കണ്ടെത്തുകയാണ് ഇതിന്റെ ഉദ്ദേശ്യം.

വെള്ളത്തിനടിയില്‍ ഉപയോഗിക്കാവുന്ന ക്യാമറകളും വാങ്ങാന്‍ തീരുമാനിച്ചിട്ടുണ്ട്. പുതുതായി രൂപീകരിച്ച തീരദേശ സംരക്ഷണ സേനയ്ക്കായി പത്ത് ഇരുമ്പു കവചങ്ങളും വാങ്ങാന്‍ നടപടിയായിട്ടുണ്ട്. പൊലീസ് സേനയില്‍ നിയമിക്കുന്നവര്‍ക്ക് ഡ്രൈവിങ് പരിശീലനം നല്‍കുന്നതിന് രണ്ട് ഡ്രൈവിങ് സ്റ്റിമുലേറ്റും ഉടനെ വാങ്ങും. തിരുവനന്തപുരത്തെ ഫോറന്‍സിക് സയന്‍സ് ലാബിലേക്ക് 225 മോഡേണ്‍ സയന്റിഫിക് ഇന്‍വെസ്റ്റിഗേഷന്‍ കിറ്റുകളും വിരലടയാളങ്ങള്‍ ശേഖരിക്കുന്നതിനായി 100 ഫിംഗര്‍ പ്രിന്റിങ് ബോക്സുകളും വാങ്ങുന്നതിനു നടപടിയായി.

ഒരു മാസത്തിനുള്ളില്‍ ഇവ സപ്ളൈ ചെയ്യണമെന്നാണ് ഡിജിപിയുടെ പേരില്‍ ക്ഷണിച്ച ടെന്‍ഡറില്‍ നിര്‍ദ്ദേശിച്ചിരിക്കുന്നത്. ടെന്‍ഡറുകള്‍ 29വരെ പൊലീസ് ആസ്ഥാനത്ത് സ്വീകരിക്കും. ഇതിനു ശേഷം വിദഗ്ധരടങ്ങുന്ന കമ്മിറ്റി ഉപകരണങ്ങള്‍ പരിശോധിച്ച ശേഷമാണ് കരാര്‍ ഉറപ്പിക്കുക. സംസ്ഥാനത്ത് ചില പൊലീസ് സ്റ്റേഷനുകളില്‍ മാത്രമാണ് ഇപ്പോള്‍ ഡിജിറ്റല്‍ ക്യാമറകള്‍ ഉപയോഗിക്കുന്നത്.

5. വിവാഹ റജിസ്ട്രേഷന്‍: രേഖകള്‍ നല്‍കാമെന്ന് ജമാഅത്ത് കൌണ്‍സില്‍
കൊച്ചി: മുസ്ലിം ആചാരപ്രകാരം നടക്കുന്ന വിവാഹങ്ങള്‍ സംബന്ധിച്ച രേഖകള്‍ മാസത്തിലൊരിക്കലോ ആഴ്ചയിലൊരിക്കലോ സമുദായസംഘടനകള്‍ തദ്ദേശ സ്വയംഭരണ സ്ഥാപനങ്ങളില്‍ റജിസ്റ്റര്‍ ചെയ്യുന്ന രീതിയില്‍ സമര്‍പ്പിക്കാമെന്നു  കേരള മുസ്ലിം ജമാഅത്ത് കൌണ്‍സില്‍ അറിയിച്ചു. വിവാഹങ്ങള്‍ തദ്ദേശ സ്വയംഭരണ സ്ഥാപനങ്ങളില്‍ റജിസ്റ്റര്‍ ചെയ്യണമെന്ന സുപ്രീംകോടതി വിധി നടപ്പിലാക്കാനുള്ള സര്‍ക്കാര്‍ നീക്കം ഉപേക്ഷിക്കണമെന്നും പകരം കൌണ്‍സില്‍ നിര്‍ദേശിച്ച ബദല്‍ സംവിധാനം നടപ്പിലാക്കണമെന്നും  സംസ്ഥാന ജന. സെക്രട്ടറി അഡ്വ. എ. പൂക്കുഞ്ഞ്, ഭാരവാഹികളായ മാവുടി മുഹമ്മദ്, ജലാലിയാ കരീം എന്നിവര്‍ ആവശ്യപ്പെട്ടു. ശരിയത്ത് പ്രകാരം വിവാഹിതരാകുന്നവരുടെ വിവരങ്ങള്‍ മഹല്ലുകള്‍ നിശ്ചിത കാലയളവിനുള്ളില്‍ റജിസ്ട്രേഷനായി കൈമാറാന്‍ തയാറാണെന്നു ജമാഅത്ത് കൌണ്‍സില്‍ പറഞ്ഞു. അല്ലാത്തപക്ഷം സമുദായത്തിന്റെ ധാര്‍മിക അധഃപതനത്തിനും മഹല്ല് ജമാഅത്തുകളുടെ കെട്ടുറപ്പിനെയും ഇതു ബാധിക്കുമെന്നു ഭാരവാഹികള്‍ പറഞ്ഞു.

6. സിപിഎം നേതാക്കള്‍ പീഡിപ്പിച്ചെന്ന കേസ് അന്വേഷിക്കാന്‍ മുഖ്യമന്ത്രിയുടെ നിര്‍ദേശം
തിരുവനന്തപുരം: കണ്ണൂര്‍ ജില്ലയിലെ കരിവെള്ളൂരില്‍ വാടക വീട്ടില്‍ താമസിച്ചിരുന്ന പത്തൊന്‍പതുകാരിയെ ഭര്‍ത്താവില്ലാത്ത സമയത്തു സിപിഎം നേതാക്കളുള്‍പ്പെടെയുള്ളവര്‍ പീഡിപ്പിച്ചുവെന്ന പരാതിയിന്മേല്‍ അന്വേഷണം ഉൌര്‍ജിതപ്പെടുത്താന്‍ ഡിജിപി രമണ്‍ ശ്രീവാസ്തവയ്ക്കു മുഖ്യമന്ത്രി നിര്‍ദേശം നല്‍കി. കഴിഞ്ഞ ഫെബ്രുവരിയില്‍ പല ദിവസങ്ങളിലായി പതിനേഴോളം പേര്‍ പീഡിപ്പിച്ചെന്നും ഭര്‍ത്താവിനോടു പറഞ്ഞാല്‍ കൊന്നുകളയുമെന്നു ഭീഷണിപ്പെടുത്തിയെന്നും യുവതി പൊലീസിനു മൊഴി നല്‍കി.

വാടക വീടിന്റെ ഉടമയായ സ്ത്രീയും അയല്‍വാസിയായ സ്ത്രീയുമാണ് ഇൌ പീഡനത്തിന് ഒത്താശ ചെയ്തുകൊടുത്തതെന്നും അവര്‍ പറഞ്ഞു. ഒരിക്കല്‍ മാനഭംഗത്തിനു വിധേയയാക്കി, അതു പുറത്താകാതിരിക്കാന്‍ കൂടുതല്‍ പേര്‍ക്കു വഴങ്ങേണ്ടി വന്നുവെന്നുമാണു യുവതിയുടെ മൊഴി.

നീതി തേടി ഭര്‍ത്താവും ഭാര്യയും തലസ്ഥാനത്തു തങ്ങുകയാണ്. കോഴിക്കോട് ചേവായൂര്‍ സ്വദേശിയായ ഭര്‍ത്താവ് ജോലി സംബന്ധമായി യാത്രയിലായിരുന്ന സമയത്തായിരുന്നു പീഡനം.

ഭര്‍ത്താവ് ആദ്യം കോഴിക്കോട് മെഡിക്കല്‍ കോളജ് പൊലീസില്‍ പരാതി നല്‍കി. പയ്യന്നൂര്‍ പൊലീസിനു കേസ് കൈമാറിയെങ്കിലും രാഷ്ട്രീയ സ്വാധീനം ഉപയോഗിച്ചു കേസ് തേച്ചുമായ്ച്ചുകളയാന്‍ ശ്രമിക്കുന്നതായി ഭര്‍ത്താവ് മുഖ്യമന്ത്രിക്കു നല്‍കിയ പരാതിയില്‍ പറയുന്നു. സിപിഎം നേതാക്കളെ പ്രതിസ്ഥാനത്തു നിന്ന് ഒഴിവാക്കണമെന്നാവശ്യപ്പെട്ടു തങ്ങളെ നിരന്തരം പീഡിപ്പിക്കുകയാണെന്നു ഭര്‍ത്താവും ഭാര്യയും പറഞ്ഞു.

കേസ് പിന്നീടു കോഴിക്കോട് ക്രൈംബ്രാഞ്ചിനു കൈമാറി. പക്ഷേ ആറു മാസം അന്വേഷിച്ചിട്ടും, വ്യക്തമായ തെളിവുണ്ടായിട്ടും പ്രതികളെ അറസ്റ്റ് ചെയ്യാന്‍ പൊലീസ് തയാറാവുന്നില്ലെന്നും പരാതിയില്‍ പറയുന്നു. താന്‍ ഗര്‍ഭിണിയാണെന്നതു പോലും പരിഗണിക്കാതെയാണു പീഡിപ്പിച്ചതെന്നു യുവതി പറഞ്ഞു.

ഇപ്പോള്‍ അവര്‍ രണ്ടു മാസം പ്രായമുള്ള കുഞ്ഞിന്റെ അമ്മയാണ്. വനിതാ കമ്മിഷനും യുവതി പരാതി നല്‍കിയിരുന്നു. ഇങ്ങനെയൊരു പരാതിയുമായി അധികാരകേന്ദ്രങ്ങള്‍ കയറിയിറങ്ങുന്നതു വലിയ മാനസിക പീഡനമാണെങ്കിലും ഇനിയൊരു സ്ത്രീക്കും ഇൌ ദുരന്തം ഉണ്ടാവരുതെന്നതിനാലാണു കേസുമായി മുന്നോട്ടുപോകുന്നതെന്നു ഭര്‍ത്താവ് പറഞ്ഞു. എന്തു പ്രതിസന്ധിയുണ്ടായാലും രണ്ടിലൊന്നറിയുന്നതുവരെ അതു തുടരും.

7. കര്‍ണാടകയില്‍ ഇന്നു മുതല്‍ ലോറി സമരം
ബാംഗൂര്‍: വേഗപ്പൂട്ട്  ഘടിപ്പിക്കുന്നതു നിര്‍ബന്ധമാക്കുന്നതില്‍ പ്രതിഷേധിച്ച് കര്‍ണാടക ലോറി ഉടമകളുടെയും ഏജന്റുമാരുടെയും സംഘടന ആഹ്വാനം ചെയ്ത സമരത്തിന് ഇന്നു തുടക്കം. മൊത്തം2.75 ലക്ഷം ലോറികളാണ് സമരത്തിനുണ്ടാകുക. വേഗപ്പൂട്ട് സ്ഥാപിക്കുന്നതിനു സംസ്ഥാന സര്‍ക്കാര്‍ കോടതിയില്‍ സാവകാശം തേടാമെന്നു ഗവര്‍ണര്‍ നല്‍കിയ ഉറപ്പു വകവയ്ക്കാതെയാണു ലോറിക്കാരും എണ്‍പതിനായിരത്തോളം മാക്സി ക്യാബുകളും മറ്റു ചെറുകിട ചരക്കുവാഹനങ്ങളും പണിമുടക്കുന്നത്.

ബാംഗൂര്‍ മേഖലയിലെ ഐടി-ബിടി കമ്പനികളുടെ പ്രവര്‍ത്തനം താറുമാറാക്കുന്നതാണ് മാക്സി ക്യാബ് സമരം. ജീവനക്കാരെ കൊണ്ടുപോകാനും ഉപകരണങ്ങളും മറ്റും എത്തിക്കാനുമായി പതിനായിരക്കണക്കിനു ക്യാബുകളാണ് ഓടുന്നത്. വേഗപ്പൂട്ട് വ്യവസ്ഥ പൂര്‍ണമായി ഒഴിവാക്കാതെ സമരത്തില്‍ നിന്നു പിന്മാറില്ലെന്നു ലോറി ഓണേഴ്സ് അസോസിയേഷന്‍ പ്രസിഡന്റ് ജി.ആര്‍.ഷണ്‍മുഖപ്പ അറിയിച്ചു. ലക്ഷ്വറി കാര്‍ ഉടമസ്ഥ സംഘവും കര്‍ണാടക ഗുഡ്സ് ട്രാന്‍സ്പോര്‍ട്ട് അസോസിയേഷനും സമരത്തിനു പിന്തുണ പ്രഖ്യാപിച്ചിട്ടുണ്ട്.

കഴിഞ്ഞയാഴ്ച മുതല്‍ വേഗപ്പൂട്ട് ഘടിപ്പിക്കാത്ത വാഹനങ്ങള്‍ക്കു ഗതാഗത വകുപ്പ് ഫിറ്റ്നസ് സര്‍ട്ടിഫിക്കറ്റ് നല്‍കുന്നില്ലെന്ന് അസോസിയേഷന്‍ ജനറല്‍ സെക്രട്ടറി ഗുണശേഖര്‍ ചൂണ്ടിക്കാട്ടി.

8. ഇ മെയില്‍ ലോട്ടറി തട്ടിപ്പ്; നൈജീരിയന്‍ പൌരനടക്കം 3 പേര്‍ അറസ്റ്റില്‍
മുംബൈ: ഇ മെയിലിലൂടെ ലോട്ടറി തട്ടിപ്പ് നടത്തിയ നൈജീരിയക്കാരന്‍ ഉള്‍പ്പെടെ മൂന്നു പേര്‍ അറസ്റ്റിലായി. നൈജീരിയന്‍ സ്വദേശി സെസ്തോസ് അല്‍ബായിബീ, ജയന്ത് സംഘ്വികാര്‍, ഹരിഷ്ചന്ദ്ര ആചാര്യ എന്നിവരാണ് അറസ്റ്റിലായത്.

9. 25,000 രൂപയുടെ കാറുമായി സ്കൂള്‍കുട്ടി
വാരാണസി: ഒരു ലക്ഷം രൂപയുടെ നാനോ കാറിന് വെല്ലുവിളിയായി കാല്‍ ലക്ഷംരൂപയുടെ ഫെയിം മിനി കാര്‍. പതിനാറു വയസുള്ള പ്ലസ് ടു വിദ്യാര്‍ഥി ചന്ദന്‍കുമാറാണ് നാനോയുടെ നിര്‍മാതാവായ രത്തന്‍ ടാറ്റയ്ക്ക് ഭീഷണിയുയര്‍ത്തുന്നത്.ബനാറസ് ഹിന്ദു യൂണിവേഴ്സിറ്റിയില്‍ നടത്തിയ ‘യങ് ഇന്നവേറ്റേഴ്സ് പ്രദര്‍ശനത്തിലാണ് ഇൌ ചെറുകാര്‍ പ്രദര്‍ശിപ്പിച്ചിരുന്നത്.

സ്കൂട്ടറിന്റെ 150 സിസി ഫോര്‍ സ്ട്രോക്ക് എന്‍ജിന്‍ ഉപയോഗപ്പെടുത്തി നിര്‍മിച്ച കാറിന് ആകെ ഭാരം 160 കിലോ. രണ്ടു സീറ്റ്. 45-50 കിലോമീറ്റര്‍ മൈലേജ്. നാലു ഗിയറുണ്ട്. കൂടിയ സ്പീഡ് 80 കിലോമീറ്റര്‍. 150 കിലോമീറ്റര്‍ അകലെയുള്ള അസംഗഢില്‍നിന്ന് പച്ച നിറമുള്ള തുറന്ന കാര്‍ ഒാടിച്ചാണ് ചന്ദന്‍ പ്രദര്‍ശനത്തിനെത്തിയത്.മെക്കാനിക്കായ അച്ഛനോടൊപ്പം പണിശാലയില്‍ മൂന്നു വര്‍ഷമായി കാര്‍ നിര്‍മാണത്തിലായിരുന്നു. വാരാണസിയിലെ ഇടവഴികളില്‍ കൂടിയും ഒാടിക്കാന്‍ പറ്റിയ വണ്ടിയാണെന്നും പഴയ സാധനങ്ങള്‍ ഉപയോഗിച്ചതിനാല്‍ കൃത്യമായ വില കണക്കാക്കിയിട്ടില്ലെന്നും ചന്ദന്‍ പറയുന്നു.

കാര്‍ നിര്‍മാണത്തില്‍ യാതൊരു ഒൌപചാരിക പരിശീലനവും ലഭിച്ചിട്ടില്ല. നാനോ ഇറങ്ങുന്നതിനു രണ്ടു വര്‍ഷം മുന്‍പേ ഫെയിം തയാറായിരുന്നു. പിന്നീട് ബോഡി മെച്ചപ്പെടുത്തുകയായിരുന്നു. നാനോയെക്കാളും നല്ല വണ്ടിയായി ഇതിനെ മാറ്റാനാണ് ചന്ദന്‍ ലക്ഷ്യമിടുന്നത്. കാറുണ്ടാക്കാന്‍ യാതൊരു ധനസഹായവും ലഭിച്ചിട്ടില്ല. യൂണിവേഴ്സിറ്റിയുടെ സഹായം ലഭിക്കുമെന്നാണ് പ്രതീക്ഷ.

10. റയില്‍വേയ്ക്ക് 15,500 കോടിലാഭം: മന്ത്രി വേലു
പുതുച്ചേരി: റയില്‍വേ നടപ്പു സാമ്പത്തികവര്‍ഷം ഇതുവരെ 15,500 കോടി രൂപ ലാഭം നേടിയെന്നു സഹമന്ത്രി ആര്‍. വേലു അറിയിച്ചു. 12 ശതമാനം വളര്‍ച്ചാനിരക്കു കൈവരിക്കാന്‍ സാധിച്ചു. ഇതു മതിപ്പുളവാക്കുന്ന നേട്ടമാണ്. സാമ്പത്തിക വര്‍ഷത്തിന്റെ ഒടുവില്‍ 20,000 കോടി ലാഭം പ്രതീക്ഷിക്കുന്നുവെന്നും പുതുച്ചേരി റയില്‍വേ സ്റ്റേഷന്റെ വികസനപ്രവര്‍ത്തനങ്ങള്‍ പരിശോധിച്ചശേഷം വേലു പറഞ്ഞു.യാത്രക്കാരുടെ പക്ഷത്തുനിന്നുകൊണ്ടുള്ള സമീപനമാണു റയില്‍വേയുടെ നേട്ടത്തിനു കാരണം. പാളം സ്ഥാപിക്കുന്നതും വൈദ്യുതീകരണവും ഉള്‍പ്പെടെയുള്ള അടിസ്ഥാന വികസനച്ചെലവിന്റെ പകുതി നല്‍കണമെന്ന് സംസ്ഥാന ഗവണ്‍മെന്റുകള്‍ക്ക് എഴുതിയിട്ടുണ്ടെന്നും അദ്ദേഹം അറിയിച്ചു.

1. അമേരിക്കയില്‍ 15,000 കോടി ഡോളറിന്റെ നികുതിയിളവ്
വാഷിങ്ടണ്‍: അമേരിക്കന്‍ സമ്പദ്വ്യവസ്ഥ നേരിടുന്ന മാന്ദ്യവുംതകര്‍ച്ചയും മറികടക്കുന്നതിനായി 15,000 കോടി ഡോളറിന്റെ നികുതിയിളവുകള്‍ പ്രസിഡന്റ് ജോര്‍ജ് ഡബ്ള്യു ബുഷ് പ്രഖ്യാപിച്ചു. എന്നാല്‍, ഈ പ്രഖ്യാപനത്തിനുശേഷവും അമേരിക്കന്‍ ഓഹരിവിപണി ഇടിഞ്ഞു.

സമ്പദ്വ്യവസ്ഥയില്‍ നേരിട്ട് സ്വാധീനമുണ്ടാക്കുന്ന വിധത്തില്‍ പ്രത്യക്ഷനികുതിയിലും വാണിജ്യനികുതിയിലുമാണ് ഇളവുകള്‍. ഇതുവഴി കൂടുതല്‍ നിക്ഷേപം വരുന്നതിലൂടെ തൊഴിലവസരങ്ങളുയരുമെന്നും ഇത് അമേരിക്കക്കാരുടെ ഉപഭോഗം കൂട്ടുമെന്നും ബുഷ് പറഞ്ഞു.

അമേരിക്കന്‍ സമ്പദ്വ്യവസ്ഥ അടിസ്ഥാനപരമായി ശക്തമാണെന്ന് അവകാശപ്പെട്ട ബുഷ് സമ്പദ്വ്യവസ്ഥയെ ഉണര്‍ത്താനുള്ള ഹ്രസ്വകാല നടപടിയാണ് ഇതെന്നും കൂട്ടിച്ചേര്‍ത്തു. ഭവനവായ്പാ പ്രതിസന്ധി, ക്രൂഡോയില്‍ വിലവര്‍ധന, ഓഹരിവിപണിയിലെ തകര്‍ച്ച, ഡോളറിന്റെ മൂല്യശോഷണം തുടങ്ങിയ പ്രശ്നങ്ങളിലുഴലുന്ന അമേരിക്കന്‍ സമ്പദ്വ്യവസ്ഥയെ പുതിയ നികുതിയിളവ് എത്രമാത്രം രക്ഷപ്പെടുത്തുമെന്നു കണ്ടറിയണം.

നികുതിയിളവായി നല്‍കുന്ന 15,000 കോടി ഡോളര്‍ അമേരിക്കയുടെ മൊത്തം ആഭ്യന്തരോല്‍പ്പാദനത്തിന്റെ ഒരു ശതമാനം വരും. നികുതിയിളവ് താമസംകൂടാതെ നടപ്പാക്കാന്‍ കോണ്‍ഗ്രസ് മുന്‍കൈയെടുക്കണമെന്ന് ബുഷ് അഭ്യര്‍ഥിച്ചു. കോണ്‍ഗ്രസില്‍ ഭൂരിപക്ഷമുള്ള ഡെമോക്രാറ്റുകള്‍ ബുഷിന്റെ പ്രഖ്യാപനത്തെ സ്വാഗതംചെയ്തെങ്കിലും പാവപ്പെട്ടവരുടെ ആവശ്യങ്ങള്‍ മറക്കരുതെന്ന് ഓര്‍മിപ്പിച്ചു.

ഈ മാസം അവസാനത്തോടെ അരശതമാനം പലിശകൂടി ഫെഡറല്‍ റിസര്‍വ് കുറയ്ക്കാനിരിക്കെയാണ് ബുഷിന്റെ നികുതിയിളവ്. ഭവനവായ്പാ പ്രശ്നത്തില്‍ കോടിക്കണക്കിനു ഡോളര്‍ നഷ്ടമുണ്ടായെന്ന് പ്രമുഖ ധനകാര്യസ്ഥാപനങ്ങളായ സിറ്റിഗ്രൂപ്പും മെറില്‍ ലിഞ്ചും കഴിഞ്ഞദിവസം മൂന്നാംപാദ സാമ്പത്തിക റിപ്പോര്‍ട്ടില്‍ വെളിപ്പെടുത്തിയിരുന്നു. തുടര്‍ന്നാണ് ആഗോള ഓഹരിവിപണിയില്‍ വന്‍ തകര്‍ച്ച തുടങ്ങിയത്. ലോകമെങ്ങും ശാഖകളുള്ള സിറ്റിബാങ്ക് പ്രതിസന്ധിയിലായി. ബുഷിന്റെ പ്രഖ്യാപനത്തിനുശേഷവും ഡൌജോണ്‍സ് സൂചിക 59 പോയിന്റ് താഴ്ന്നു.

അമേരിക്കയിലുണ്ടായ മാന്ദ്യവും പ്രതിസന്ധിയും ആഗോള സാമ്പത്തികമേഖലയിലേക്കും വ്യാപിച്ചിട്ടുണ്ട്. 2007-08 വര്‍ഷത്തെ ഇന്ത്യന്‍ സമ്പദ്വ്യവസ്ഥയുടെ പുനരവലോകന റിപ്പോര്‍ട്ട് പുറത്തിറക്കവെ പ്രധാനമന്ത്രിയുടെ സാമ്പത്തിക ഉപദേശകസമിതി ചെയര്‍മാന്‍ ഡോ. സി രംഗരാജനും ഈ പ്രതിസന്ധിയെപ്പറ്റി പരാമര്‍ശിച്ചിരുന്നു. ഭവന വായ്പാ തകര്‍ച്ചയില്‍ തുടങ്ങിയ പ്രതിസന്ധി രൂക്ഷമാക്കിയത് എണ്ണവിലക്കയറ്റമാണ്.

ലോകത്തെ കീഴ്പ്പെടുത്താനുള്ള അടങ്ങാത്ത ദുരമൂലം പശ്ചിമേഷ്യയില്‍ യുദ്ധവും അസമാധാനവും വരുത്തിവച്ച് അമേരിക്കതന്നെ വിളിച്ചുവരുത്തിയതാണ് ഈ പ്രതിസന്ധി. എണ്ണവില നൂറു ഡോളര്‍ വരെ കുതിച്ചുയര്‍ന്നതോടെ വിലക്കയറ്റവും മറ്റു പ്രശ്നങ്ങളും പരിഹരിക്കാനാകാത്ത വിധം അമേരിക്കയില്‍ പ്രശ്നമായിട്ടുണ്ട്. സാമ്പത്തിക വിനിമയത്തില്‍ ഡോളറിനെ തള്ളി പല രാജ്യങ്ങളും യൂറോയെ ആശ്രയിച്ചതും അമേരിക്കന്‍ പ്രതിസന്ധി മൂര്‍ഛിപ്പിച്ചു. അമേരിക്കന്‍ ഫെഡറല്‍ റിസര്‍വ് ചെയര്‍മാന്‍ ബെന്‍ ബെര്‍നാക് തങ്ങളുടെ സമ്പദ്വ്യവസ്ഥ പ്രതിസന്ധിയിലാണെന്ന് തുറന്നുപറഞ്ഞിരുന്നു. ഇപ്പോള്‍ നികുതി ഇളവുകളില്‍ ആകൃഷ്ടരായി ജനങ്ങള്‍ ഉപഭോഗം വര്‍ധിപ്പിക്കുമ്പോള്‍ പിടിച്ചുനില്‍ക്കാനാവുമെന്നാണ് ബുഷ് ഭരണകൂടത്തിന്റെ പ്രതീക്ഷ.

2. ഓര്‍മകളുടെ സുഗന്ധവുമായി ബഷീറിന്റെ നായിക
കൊച്ചി: കൊച്ചി നഗരമധ്യത്തിലെ വീട്ടില്‍ ഒഴിവുവേള ചെലവഴിക്കാനെത്തിയ ലളിതയുടെ മനസ്സില്‍ വൈക്കം മുഹമ്മദ് ബഷീറിന്റെ ജന്മശതാബ്ദി ആഘോഷങ്ങള്‍, സാഹിത്യമോ, ചരിത്രമോ കുറിച്ചുവയ്ക്കാത്ത ഒരാത്മബന്ധത്തിന്റെ ഊഷ്മളമായ ഓര്‍മകളാണ് ഉണര്‍ത്തുന്നത്. ബഷീറിന്റെ ഓര്‍മകള്‍, എഴുപത്തിനാലിലെത്തിയ ഈ അമ്മയെ പഴയ ഒരാറാംക്ളാസുകാരിയുടെ കുട്ടിത്തത്തിലേക്കും കുസൃതികളിലേക്കും കൂട്ടിക്കൊണ്ടുപോകുന്നു. അറുപതാണ്ടുകള്‍ പിന്നിടുമ്പോഴും സുഗന്ധം പൊഴിക്കുന്ന അനുഭവങ്ങള്‍ ഓര്‍ത്തെടുക്കുകയാണ് ലളിത.

എറണാകുളത്തെ പ്രശസ്തമായ പുല്ലയില്‍ തറവാട്ടിലെ പൊതുകാര്യപ്രസക്തനായ കൃഷ്ണന്‍കുട്ടിമേനോന്റെ മകളായ ലളിത ആറാംക്ളാസില്‍ പഠിക്കുന്ന കാലം. മഹാരാജാസ് കോളേജിലെ വിദ്യാര്‍ഥികള്‍ കലാപരിഷത്തിന്റെ ആഭിമുഖ്യത്തില്‍ വൈക്കം മുഹമ്മദ് ബഷീറിന്റെ ‘കഥാബീജം’ എന്ന നാടകം കോളേജില്‍ അവതരിപ്പിക്കാന്‍ തീരുമാനിച്ചു. അതില്‍ പതിനാലുകാരി മാധവിയെന്ന കഥാപാത്രത്തെ അവതരിപ്പിക്കാന്‍ പറ്റിയ പെണ്‍കുട്ടിയെ വേണം. പൊതുകാര്യങ്ങളില്‍ ഇടപെടുന്നയാള്‍ എന്ന നിലയില്‍ കുട്ടികള്‍ കൃഷ്ണന്‍കുട്ടിമേനോനെ സമീപിച്ചു. ടി എന്‍ ഗോപിനാഥന്‍നായര്‍ സംവിധാനംചെയ്യുന്ന നാടകത്തില്‍ തന്റെ മകള്‍ അഭിനയിക്കുന്നതില്‍ മേനോന് ഒരെതിര്‍പ്പും ഉണ്ടായില്ല.

പാവാടയും ബ്ളൌസും ധരിച്ച് കുസൃതികള്‍കാട്ടി നാടകത്തിലെ കേന്ദ്രകഥാപാത്രമായ സാഹിത്യകാരന്‍ സദാശിവനെ ചൊടിപ്പിക്കുകയും ക്ഷോഭംകൊള്ളിക്കുകയുമൊക്കെ ചെയ്യുന്ന ‘മാധവി’യെ പ്രേക്ഷകര്‍ അഭിനന്ദിച്ചു.

ഏറെക്കഴിയുംമുമ്പ് സാഹിത്യപരിഷത്തിന്റെ വാര്‍ഷികവുമായി ബന്ധപ്പെട്ട് ‘കഥാബീജം’ വീണ്ടും അവതരിപ്പിക്കാനിടയായി. ജീവിതാനുഭവങ്ങളുടെ കടലുകള്‍താണ്ടി കൊച്ചിയിലെത്തിയ ബഷീര്‍ അന്ന് ബോട്ടുജെട്ടിയില്‍ ബുക്ക്സ്റാള്‍ നടത്തുകയായിരുന്നു. ഇത്തവണ നാടകത്തിലെ നായകന്‍ സദാശിവനെ അവതരിപ്പിച്ചത് സാക്ഷാല്‍ ബഷീര്‍. ബഷീറിന്റെ ആത്മനൊമ്പരങ്ങളുടെ നനവു കിനിയുന്ന കഥയാണ് ‘കഥാബീജ’ത്തിന്റേത്. നായകന്‍ സദാശിവന്‍ സത്യത്തില്‍ ബഷീര്‍തന്നെയായിരുന്നു. വീട്ടുവാടക കൊടുക്കാന്‍ നിവൃത്തിയില്ലാതെ, പലപ്പോഴും ഭക്ഷണംപോലും കഴിക്കാനാകാതെ, സാഹിത്യത്തെ ഉപാസിച്ച് ഒടുവില്‍ ഒന്നുമില്ലാതെ തെരുവിലേക്കിറങ്ങേണ്ടിവരുന്ന സദാശിവന്റെ നായികയുടെ വേഷമായിരുന്നു ഒരര്‍ഥത്തില്‍ ലളിത അവതരിപ്പിച്ച മാധവിയുടെ കഥാപാത്രം.

‘മാധവി’യുടെ അവതരണം ബഷീറിന് ഇമ്മിണി ബല്യനിലയില്‍ പിടിച്ചു. നാടകം കഴിഞ്ഞപ്പോള്‍ ബഷീറിന്റെ പടംപതിച്ച ഒരു മെഡല്‍ അദ്ദേഹംതന്നെ സമ്മാനമായി നല്‍കി. അമൂല്യമായ ആ സമ്മാനം സൂക്ഷിച്ചുവയ്ക്കാനായില്ലല്ലോ എന്ന സങ്കടമാണ് ഇപ്പോള്‍ ലളിതയ്ക്ക്. വര്‍ഷങ്ങള്‍ ചിലതുകൂടി കഴിഞ്ഞപ്പോള്‍ ലളിത ടി ശങ്കരന്‍കുട്ടിമേനോന്‍ എന്ന ടി എസ് കെ മേനോനെ വിവാഹംകഴിച്ചു. ടി എസ് കെയും ബഷീറും അടുത്ത സുഹൃത്തുക്കളാണെന്നത് ലളിത അറിയുന്നത്് വിവാഹത്തിനുശേഷം. അപ്പോഴേക്കും ബഷീര്‍ കൊച്ചിയോടു വിടപറഞ്ഞ് ബേപ്പൂരിലെ വൈലാലിലേക്ക് താമസംമാറിയിരുന്നു. 1965ലെ ഏതോ ഒരുദിവസം ഇരുവരുംകൂടി ബേപ്പൂരിലെത്തി സുല്‍ത്താനെ മുഖംകാണിച്ചു.

കുറച്ചുനാള്‍മുമ്പ് കൊച്ചിവിട്ട ടി എസ് കെയും ലളിതയും ഇപ്പോള്‍ മകന്റെകൂടെ കനഡയിലാണ് താമസം.

ബഷീര്‍ ജന്മശതാബ്ദിക്ക് തുടക്കം
കൊച്ചി: കഥയുടെ സുല്‍ത്താന്‍ വൈക്കം മുഹമ്മദ് ബഷീറിന്റെ ജന്മശതാബ്ദി ആഘോഷങ്ങള്‍ക്ക് മലയാളക്കരയില്‍ തുടക്കമായി. രണ്ടുപതിറ്റാണ്ടുകാലത്തെ ബഷീറിന്റെ ജീവിതസ്മരണകള്‍ ഹൃദയത്തില്‍ സൂക്ഷിക്കുന്ന കൊച്ചി നഗരത്തിലും കഥാകാരന്റെ പില്‍ക്കാല ജീവിതത്തിന് വേദിയായ കോഴിക്കോട്ടെ ബേപ്പൂരും ശനിയാഴ്ച ആ ധന്യസ്മരണകള്‍ നിറഞ്ഞു. ബഷീറിന്റെ ജന്മനാടായ തലയോലപ്പറമ്പില്‍ ബഷീര്‍ സ്മാരക ട്രസ്റ്റ് പ്രവര്‍ത്തനം ആരംഭിച്ചു.

ബഷീറിന്റെ ഓര്‍മകള്‍ നിറഞ്ഞുനില്‍ക്കുന്ന ബേപ്പൂരിലെ വൈലാലില്‍ വീട്ടില്‍ ബഷീര്‍ കഥാപാത്രങ്ങള്‍ ബേപ്പൂര്‍ സുല്‍ത്താന് പ്രണാമം അര്‍പ്പിച്ചത് കൌതുകമായി. കോഴിക്കോട് ബാങ്ക്മെന്‍സ് ക്ളബിന്റെ ആഭിമുഖ്യത്തില്‍ അവതരിപ്പിച്ച ഡോക്യുഡ്രാമയിലാണ് കഥാപാത്രങ്ങള്‍ വൈലാലില്‍ വീട്ടില്‍ ഒത്തുചേര്‍ന്നത്. ജന്മനാടായ തലയോലപ്പറമ്പില്‍ നിന്ന് പാത്തുമ്മയുടെ മകള്‍ കദീജയും മകന്‍ നാസും ബഷീറിന്റെ സഹോദരന്‍ അബുവിന്റെ മരുമക്കളായ നജി, നാസ എന്നിവരും ഇവിടെ എത്തിയിരുന്നു.

തലയോലപ്പറമ്പില്‍ ട്രസ്റ്റിന്റെ ഉദ്ഘാടനവും ജന്മശതാബ്ദി പ്രഭാഷണവും ഡോ. സുകുമാര്‍ അഴീക്കോട് നിര്‍വ്വഹിച്ചു. ചടങ്ങില്‍ ട്രസ്റ്റ് ചെയര്‍മാന്‍ പി കെ ഹരികുമാര്‍ അധ്യക്ഷനായിരുന്നു.

ബഷീറിന്റെ കൊച്ചിയിലെ ജീവിതത്തിലേക്കും സാഹിത്യത്തിലേക്കും വീണ്ടും സഞ്ചരിച്ചുകൊണ്ടാണ് ബഷീറിന് ഏറെ പ്രിയപ്പെട്ട കൊച്ചി നഗരം ജന്മശതാബ്ദി ആഘോഷങ്ങളില്‍ പങ്കുകൊണ്ടത്.

ജില്ലാ ലൈബ്രറി കൌണ്‍സിലിന്റെയും സി-ഹെഡിന്റെയും ആഭിമുഖ്യത്തില്‍ നടന്ന ബഷീര്‍ അനുസ്മരണസമ്മേളനം പ്രൊഫ. എം കെ സാനു ഉദ്ഘാടനംചെയ്തു. ഡെപ്യൂട്ടി മേയര്‍ സി കെ മണിശങ്കര്‍ അധ്യക്ഷനായിരുന്നു.

ബഷീര്‍കൃതികളുടെ തെരുവുവായന, കഥാപ്രസംഗാവിഷ്കാരം എന്നീ പരിപാടികളോടെ നടന്ന അനുസ്മരണച്ചടങ്ങ് ബോട്ടുജെട്ടിക്കടുത്തുള്ള കാനന്‍ഷെഡ് റോഡില്‍ ബഷീര്‍ കൊച്ചിയില്‍ ആദ്യം പുസ്തകശാല നടത്തിയ കൊച്ചിന്‍ ബേക്കറി കെട്ടിടത്തിനുമുന്നിലായിരുന്നു.

സമസ്തകേരള സാഹിത്യപരിഷത്തിന്റെ ആഭിമുഖ്യത്തില്‍ ജി ഓഡിറ്റോറിയത്തില്‍ ചേര്‍ന്ന അനുസ്മരണസമ്മേളനം കാക്കനാടന്‍ ഉദ്ഘാടനംചെയ്തു. പ്രൊഫ. എം അച്യുതന്‍ അധ്യക്ഷനായിരുന്നു.

3. പ്രകൃതിയെ മലിനമാക്കാത്ത പദാര്‍ഥങ്ങള്‍കണ്ടെത്തണം: ജി മാധവന്‍നായര്‍
തൃശൂര്‍: പ്രകൃതി മലിനമാക്കാത്ത പദാര്‍ഥങ്ങള്‍ കണ്ടുപിടിക്കാന്‍ ശാസ്ത്രസമൂഹം തയ്യാറാകണമെന്ന് ഐഎസ്ആര്‍ഒ ചെയര്‍മാന്‍ ഡോ. ജി മാധവന്‍നായര്‍ പറഞ്ഞു. ഗവ. എന്‍ജിനിയറിങ് കോളേജില്‍ ഭാവിയിലെ പദാര്‍ഥങ്ങള്‍ എന്ന ദേശീയ സെമിനാറിന്റെ സമാപനസമ്മേളനം ഉദ്ഘാടനംചെയ്യുകയായിരുന്നു അദ്ദേഹം. ലോകം മുഖ്യമായും നേരിടുന്നത് മാലിന്യപ്രശ്നമാണ്. അതുകൊണ്ട് പുതിയ പരീക്ഷണങ്ങളില്‍ ഏര്‍പ്പെടുമ്പോള്‍ കണ്ടെത്തുന്ന ഉല്‍പ്പന്നങ്ങളുടെ പ്രായോഗികതയെക്കുറിച്ച് ബോധ്യമുണ്ടാകണം. പരിസ്ഥിതിക്ക് ദോഷംവരുത്താത്ത പദാര്‍ഥങ്ങള്‍ കണ്ടുപിടിക്കാനാകണം.

ഊര്‍ജരംഗത്ത് നാം ഏറ്റവും കൂടുതല്‍ ആശ്രയിക്കുന്നത് കല്‍ക്കരിയെയാണ്. ഇത് വന്‍ മലിനീകരണം സൃഷ്ടിക്കുന്നുണ്ട്. സൌരോര്‍ജമേഖലയ്ക്ക് പ്രാധാന്യം നല്‍കിയാല്‍ മലിനീകരണം കുറയ്ക്കാന്‍ കഴിയും. ശാസ്ത്രരംഗത്തും പദാര്‍ഥങ്ങളുടെ കാര്യത്തിലും ലോകം ഉറ്റുനോക്കുന്നത് ഇന്ത്യയെയാണ്. ഇത് പരമാവധി പ്രയോജനപ്പെടുത്താന്‍ കഴിയണം.

എന്‍ജിനിയറിങ് കോളേജിന്റെ സുവര്‍ണ ജൂബിലി ആഘോഷങ്ങളുടെ ഭാഗമായി നടന്ന ചടങ്ങില്‍ മേയര്‍ ആര്‍ ബിന്ദു അധ്യക്ഷയായിരുന്നു. വിഎസ്എസ്സി ഡയറക്ടര്‍ ഡോ. കെ രാധാകൃഷ്ണന്‍ സംസാരിച്ചു. പ്രിന്‍സിപ്പല്‍ പ്രൊഫ. വിജയന്‍രാജ സ്വാഗതവും കണ്‍വീനര്‍ പ്രൊഫ. എസ് എ സോയ നന്ദിയും പറഞ്ഞു.

4. നാനൂറോളം ഔഷധച്ചെടികള്‍ വംശനാശ ഭീഷണിയില്‍
ന്യൂഡല്‍ഹി: ഔഷധനിര്‍മാണത്തിനുപയോഗിക്കുന്ന നൂറു കണക്കിനു സസ്യങ്ങള്‍ വംശനാശഭീഷണിയിലെന്ന് പഠനം. നമ്മുടെ നാട്ടിന്‍പുറങ്ങളില്‍ വന്‍ തോതില്‍ കണ്ടിരുന്ന കുറുന്തോട്ടി, കറ്റാര്‍വാഴ, തഴുതാമ, പൂവാംകുറുന്തല്‍, പഞ്ചാരക്കൊല്ലി തുടങ്ങി വിദേശികളായ മഗ്നോളിയാസ്, ഹൂഡിയ, ക്രോക്കസ്, യൂ മരം എന്നിങ്ങനെ നാനൂറോളം സസ്യങ്ങളാണ് കുറ്റിയറ്റുപോകുന്നത്. 120 രാജ്യങ്ങളിലായി ബൊട്ടാണിക് ഗാര്‍ഡന്‍സ് കണ്‍സര്‍വേഷന്‍ ഇന്റര്‍നാഷണല്‍ നടത്തിയ പഠനത്തിലാണ് ഈ വെളിപ്പെടുത്തല്‍.

വനനശീകരണവും വന്‍തോതിലുള്ള ചൂഷണവുമാണ് ഈ ഔഷസസ്യങ്ങളുടെ നിലനില്‍പ്പ് അപകടത്തിലാക്കിയിരിക്കുന്നത്. ക്യാന്‍സറിനും എയ്ഡ്സിനുംവരെ മരുന്ന് നിര്‍മിക്കാന്‍ കഴിയുന്ന സസ്യങ്ങള്‍ ഇനിയും കണ്ടെത്തി സംരക്ഷിച്ചില്ലെങ്കില്‍ അവയൊക്കെ ഈ ഭൂമുഖത്തുനിന്നുതന്നെ ഇല്ലാതാകും.

പ്രധാനമായും യൂറോപ്പില്‍ കണ്ടുവരുന്ന യൂ മരത്തിന്റെ തൊലിയില്‍നിന്നാണ് ക്യാന്‍സറിനുള്ള മരുന്നായ പാക്ളിടാക്സല്‍ നിര്‍മിക്കുന്നത്. ഒരു ഡോസ് മരുന്നിന് ആറു മരങ്ങള്‍ വേണ്ടിവരും. അതിനാല്‍ത്തന്നെ ഈ മരങ്ങള്‍ നട്ടുവളര്‍ത്തുകയെന്നത് ബുദ്ധിമുട്ടാണ്.

കള്ളിമുള്‍ച്ചെടിവിഭാഗത്തില്‍പ്പെട്ട ഹൂഡിയ വിശപ്പില്ലായ്മക്കുള്ള മരുന്ന് നിര്‍മാണത്തിന് ഉപയോഗിക്കുന്നതാണ്. നമീബിയയാണ് ഹൂഡിയയുടെ ജന്മദേശം.

അര്‍ബുദം, ചിത്തഭ്രമം, ഹൃദ്രോഗം എന്നിവയ്ക്കുള്ള മരുന്നായി ചൈനക്കാര്‍ 5000 വര്‍ഷമായി ഉപയോഗിക്കുന്ന ചെടിയാണ് മഗ്നോളിയ. ഇതിന്റെ അമ്പതു ശതമാനത്തോളം വനനശീകരണംമൂലം നശിച്ചു കഴിഞ്ഞു.

5. വില്ലനായി ചിദംബരം; നാണ്യവിള പുനരുജ്ജീവനം ഫയലില്‍തന്നെ
ന്യൂഡല്‍ഹി: നാണ്യവിളകളുടെ പുനരുജ്ജീവനത്തിനും പുനര്‍കൃഷിക്കുമായി കഴിഞ്ഞ ബജറ്റില്‍ ധനമന്ത്രി പി ചിദംബരം പ്രഖ്യാപിച്ച ബൃഹദ്പദ്ധതി ഫയലില്‍ ഉറങ്ങുന്നു. പദ്ധതി പ്രഖ്യാപിച്ച ധനമന്ത്രിതന്നെയാണ് പദ്ധതിക്ക് ഇടങ്കോലിടുന്നതും. പദ്ധതി എത്രയുംവേഗം നടപ്പാക്കുമെന്നായിരുന്നു ചിദംബരം ബജറ്റുപ്രസംഗത്തില്‍ പറഞ്ഞത്. എന്നാല്‍, അടുത്ത ബജറ്റിന്റെ സമയമായിട്ടും പദ്ധതിക്ക് അനക്കമൊന്നും വച്ചിട്ടില്ല.

തേയില, കാപ്പി, റബര്‍, കുരുമുളക്, ഏലം, കശുവണ്ടി, നാളികേരം എന്നീ വിളകളുടെ പുനരുജ്ജീവനവും പുനര്‍കൃഷിയും ലക്ഷ്യമിട്ടാണ് കഴിഞ്ഞ ബജറ്റില്‍ പ്രത്യേക പദ്ധതി പ്രഖ്യാപിച്ചത്. ഇതില്‍ തേയിലത്തോട്ടങ്ങളുടെ പുനരുജ്ജീവനപദ്ധതിമാത്രമാണ് നടപ്പാക്കിയത്. മറ്റ് വിളകളുടെ പുനരുജ്ജീവനപദ്ധതി സാമ്പത്തികകാര്യങ്ങള്‍ക്കായുള്ള മന്ത്രിസഭാസമിതിയുടെ പരിഗണനയിലാണെന്ന് വാണിജ്യസഹമന്ത്രി ജയ്റാം രമേശ് വാര്‍ത്താലേഖകരോട് പറഞ്ഞു.

പുനരുജ്ജീവനപദ്ധതി അടുത്തെങ്ങാനും നടപ്പാകുമോ എന്ന ചോദ്യത്തിന് അടുത്ത ബജറ്റിനുമുമ്പ് നടപ്പാകുമെന്നു പ്രതീക്ഷിക്കാമെന്നുമാത്രമായിരുന്നു ജയ്റാം രമേശിന്റെ മറുപടി. ഫണ്ടിന്റെ അപര്യാപ്തതയാണോ പദ്ധതിക്ക് തടസ്സമെന്ന ചോദ്യത്തിന് അത്തരം പ്രശ്നങ്ങളൊന്നും ഇല്ലെന്നായിരുന്നു മന്ത്രിയുടെ പ്രതികരണം. കുറ്റം പൂര്‍ണമായും ധനമന്ത്രിയുടേതാണെന്ന് വ്യക്തമാക്കുംവിധമാണ് ജയ്റാം രമേശ് സംസാരിച്ചത്.

തേയിലത്തോട്ടങ്ങളുടെ പുനരുജ്ജീവനത്തിനുള്ള പദ്ധതി നല്ലരീതിയില്‍ മുന്നോട്ടുപോകുന്നുണ്ടെന്നു ജയ്റാം രമേശ് പറഞ്ഞു. 4760 കോടി മുതല്‍മുടക്കില്‍ 15 വര്‍ഷ കാലയളവില്‍ തേയിലത്തോട്ടങ്ങള്‍ പൂര്‍ണമായും പുനരുജ്ജീവിപ്പിക്കാനാണ് ലക്ഷ്യമിടുന്നത്. കാപ്പിയുടെ പുനരുജ്ജീവനത്തിന് 180 കോടി രൂപയാണ് വേണ്ടിവരുക. ആകെ 3,45,000 ഹെക്ടര്‍ കാപ്പിക്കൃഷിയാണ് രാജ്യത്തുള്ളത്. ഇതില്‍ 40,000 ഹെക്ടറിലാണ് അഞ്ചുവര്‍ഷ കാലയളവില്‍ പദ്ധതി നടപ്പാക്കുക.

റബറിന്റെ കാര്യത്തില്‍ 33,500 ഹെക്ടര്‍ സ്ഥലത്താണ് പുനരുജ്ജീവനപദ്ധതി കൊണ്ടുവരുന്നത്. രാജ്യത്താകെ 5,90,000 ഹെക്ടര്‍ സ്ഥലത്താണ് റബര്‍കൃഷിയുള്ളത്. പുനരുജ്ജീവനപദ്ധതിക്ക് 322 കോടി രൂപ വേണ്ടിവരുമെന്നാണ് പ്രതീക്ഷിക്കുന്നത്. 300 കോടി രൂപയുടെ പദ്ധതിയാണ് കുരുമുളകിന്റെ കാര്യത്തില്‍ തയ്യാറാക്കിയിട്ടുള്ളത്. അഞ്ചുവര്‍ഷ കാലയളവില്‍ ഒരുലക്ഷം ഹെക്ടര്‍ സ്ഥലത്താണ് പദ്ധതി നടപ്പാക്കുക.

പത്തുവര്‍ഷംകൊണ്ട് 1350 കോടി രൂപ മുടക്കി 4,56,000 ഹെക്ടര്‍ സ്ഥലത്താണ് നാളികേരത്തിനുള്ള പുനരുജ്ജീവനപദ്ധതി കൊണ്ടുവരുന്നത്. 65,000 ഹെക്ടര്‍ സ്ഥലത്താണ് ഏലം പുനരുജ്ജീവനപദ്ധതി നടപ്പാക്കുക. അഞ്ചുവര്‍ഷംകൊണ്ട് 122 കോടി പദ്ധതിക്കായി ചെലവിടും. 60 കോടിയാണ് കശുവണ്ടിയുടെ പുനരുജ്ജീവനത്തിന് വേണ്ടിവരുക. അഞ്ചുവര്‍ഷ കാലയളവില്‍ കശുവണ്ടിക്കൃഷിയുള്ള 50,000 ഹെക്ടര്‍ സ്ഥലത്താണ് പദ്ധതി നടപ്പാക്കുന്നത്.

പദ്ധതിച്ചെലവിന്റെ 25 ശതമാനം കേന്ദ്രസബ്സിഡിയായി നല്‍കും. 25 ശതമാനം തോട്ടമുടമയുടെ വിഹിതമായിരിക്കും. ശേഷിക്കുന്ന 50 ശതമാനം ലഘുവായ്പാ രൂപത്തില്‍ ലഭ്യമാക്കും. നിലവില്‍ തേയിലത്തോട്ടങ്ങളുടെ പുനരുജ്ജീവനത്തിന് ഈ മാതൃകയാണ് പിന്തുടരുന്നത്. വിപുലമായ പദ്ധതിയാണ് തയ്യാറായിട്ടുള്ളതെങ്കിലും ധനമന്ത്രാലയം ഉയര്‍ത്തുന്ന തടസ്സങ്ങള്‍ നീങ്ങുംവരെ ഇത് ഫയലില്‍തന്നെ വിശ്രമിക്കും.

6. സ്വാശ്രയം: ഒരു പരീക്ഷയേ പാടുള്ളൂ- വിജ്ഞാന കമീഷന്‍
ന്യൂഡല്‍ഹി: സ്വാശ്രയ മെഡിക്കല്‍ കോളേജില്‍ പ്രവേശനം തേടുന്നവര്‍ക്ക് അഖിലേന്ത്യാതലത്തില്‍ ഒറ്റ പ്രവേശനപരീക്ഷയേ പാടുള്ളൂ എന്ന് ദേശീയ വിജ്ഞാന കമീഷന്‍ കേന്ദ്രസര്‍ക്കാരിനോട് ശുപാര്‍ശചെയ്തു. എല്ലാ സ്വാശ്രയ മെഡിക്കല്‍ കോളേജും തങ്ങള്‍ പിരിക്കുന്ന ഫീസ് എത്രയെന്ന് പ്രോസ്പെക്ടസില്‍തന്നെ വ്യക്തമാക്കണമെന്നു നിര്‍ദേശിച്ച കമീഷന്‍ ഇത് വിദ്യാര്‍ഥികള്‍ക്ക് കോളേജ് തെരഞ്ഞെടുക്കാനുള്ള അവസരം ലഭ്യമാക്കുമെന്നും അഭിപ്രായപ്പെട്ടു. പ്രമുഖ വാര്‍ത്താവിനിമയ വിദഗ്ധന്‍ സാം പിത്രോഡ തലവനായ വിജ്ഞാന കമീഷന്‍ വെള്ളിയാഴ്ച പ്രധാനമന്ത്രിക്ക് സമര്‍പ്പിച്ച ‘രാഷ്ട്രത്തിനുള്ള റിപ്പോര്‍ട്ട്- 2007’ലാണ് സുപ്രധാന ശുപാര്‍ശകളുള്ളത്. മെഡിക്കല്‍ പ്രവേശനത്തിന് സിബിഎസ്ഇ നടത്തുന്ന പരീക്ഷയുടെ വ്യാപ്തി വര്‍ധിപ്പിക്കണമെന്നും റിപ്പോര്‍ട്ട് ആവശ്യപ്പെട്ടു.

വിദ്യാഭ്യാസത്തിനുള്ള പ്രാപ്യത വര്‍ധിപ്പിക്കുന്നതിനുതകുന്ന ശുപാര്‍ശകളാണ് 72 പേജുള്ള റിപ്പോര്‍ട്ടിലുള്ളത്. ശാസ്ത്രസാങ്കേതികവിദ്യയുടെ സഹായത്തോടെ വിദ്യാഭ്യാസം സാര്‍വത്രികമാക്കുന്നതോടെ ദരിദ്രരും സമ്പന്നരും ഗ്രാമീണരും നഗരവാസികളും തമ്മിലുള്ള അന്തരം കുറയ്ക്കാനാകുമെന്ന് സാം പിത്രോഡ പറഞ്ഞു. രാജ്യത്ത് കൂടുതല്‍ സര്‍വകലാശാലകള്‍ തുടങ്ങണമെന്ന കമീഷന്റെ കഴിഞ്ഞവര്‍ഷത്തെ റിപ്പോര്‍ട്ടിലെ ശുപാര്‍ശകള്‍ ഈ റിപ്പോര്‍ട്ടിലും ആവര്‍ത്തിക്കുന്നു.

മെഡിക്കല്‍ വിദ്യാഭ്യാസരംഗത്ത് നിരവധി പരിഷ്കാരങ്ങള്‍ക്കുവേണ്ടിയുള്ള ശുപാര്‍ശകള്‍ റിപ്പോര്‍ട്ടിലുണ്ട്. ആരോഗ്യവിദ്യാഭ്യാസം നഗരകേന്ദ്രീകൃതമാവുകയാണെന്ന് കമീഷന്‍ കുറ്റപ്പെടുത്തി. മെഡിക്കല്‍ വിദ്യാഭ്യാസം നിയന്ത്രിക്കുന്ന മെഡിക്കല്‍ കൌണ്‍സില്‍ ഓഫ് ഇന്ത്യയുടെ പ്രവര്‍ത്തനം കാര്യക്ഷമമല്ല. മെഡിക്കല്‍ വിദ്യാഭ്യാസത്തിനായി ഒരു സ്റ്റാന്‍ഡിങ് കമ്മിറ്റി രൂപീകരിക്കണം. ഈ കമ്മിറ്റി വൈദ്യസമ്പ്രദായവും അധ്യാപനവും കാലോചിതമാക്കുകയും നിശ്ചിതനിലവാരം ഉറപ്പുവരുത്തുകയും വേണം.

ഉന്നത വിദ്യാഭ്യാസമേഖലയുടെ പ്രവര്‍ത്തനങ്ങള്‍ ഏകോപിപ്പിക്കുന്നതിന് ഒരു സ്വതന്ത്ര റെഗുലേറ്ററി അതോറിറ്റിക്ക് (ഇരാഹി) രൂപംനല്‍കണമെന്ന് കമീഷന്‍ നേരത്തെ ശുപാര്‍ശചെയ്തിരുന്നു. ഇതിനനുസൃതമായി വേണം സ്റ്റാന്‍ഡിങ് കമ്മിറ്റിക്ക് രൂപംനല്‍കാന്‍. അംഗീകൃത യൂണിവേഴ്സിറ്റികളിലെ അധ്യാപകരും പ്രാക്ടീസ് ചെയ്യുന്ന ഡോക്ടര്‍മാരും പൌരസമൂഹത്തിലെ അംഗങ്ങളും വിദ്യാര്‍ഥിപ്രതിനിധികളും സ്വയംഭരണസ്ഥാപനത്തിലെ ഡയറക്ടറും അടങ്ങിയതാകണം ഈ സമിതി.

നേഴ്സുമാരുടെ എണ്ണം ഇനിയും വര്‍ധിപ്പിക്കണം. ഓരോ ജില്ലാ ആശുപത്രിയോടും ചേര്‍ന്ന് നേഴ്സിങ് ഡിപ്ളോമ നല്‍കുന്ന നേഴ്സിങ് സ്കൂളുകള്‍ തുടങ്ങണം. ഫാര്‍മസി വിദ്യാഭ്യാസം സാര്‍വത്രികമാക്കണം. ഫാര്‍മസി കോഴ്സുകളുടെ സീറ്റ് വര്‍ധിപ്പിക്കണം. പരിശീലനം ലഭിക്കാത്ത ഫാര്‍മസിസ്റ്റുകളെ ഘട്ടംഘട്ടമായി ഒഴിവാക്കണം.

നിയമവിദ്യാഭ്യാസ മേഖലയില്‍ ഫീസ് നിലവാരം ലോ സ്കൂളുകള്‍ക്കും യൂണിവേഴ്സിറ്റികള്‍ക്കും നിര്‍ണയിക്കാനാകണം. മൊത്തം ചെലവിന്റെ 20 ശതമാനം ഫീസ് വഴിയാകണം. എന്നാല്‍, പാവപ്പെട്ട വിദ്യാര്‍ഥികള്‍ക്ക് സ്കോളര്‍ഷിപ്പിനൊപ്പം ഫീസ് ഇളവും നല്‍കണം- റിപ്പോര്‍ട്ട് ആവശ്യപ്പെട്ടു.

1. ലോക്കറ്റിന്റെ വലിപ്പത്തില്‍ ഇ.സി.ജി. ഉപകരണം
മുംബൈ: ഹൃദയത്തിന്റെ പ്രവര്‍ത്തനം പരിശോധിക്കാനുള്ള ഏറ്റവും ചെറിയ ഉപകരണം ഇന്ത്യന്‍ ശാസ്ത്രജ്ഞര്‍ നിര്‍മിച്ചു. മുംബൈയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജിയിലെ (ഐ.ഐ.ടി) മൈക്രോ ഇലക്ട്രോണിക്സ് വിഭാഗമാണു ലോക്കറ്റിന്റെ വലിപ്പത്തില്‍ ഇ.സി.ജി (ഇലക്ട്രോ കാര്‍ഡിയോഗ്രം) രേഖപ്പെടുത്താനുള്ള ഉപകരണം നിര്‍മിച്ചത്. ചിപ്പുകള്‍ ഘടിപ്പിച്ച ഈ ഗ്ളാസ്ലോക്കറ്റ് കഴുത്തിലണിയാവുന്നതാണ്. ശാരീരിക അസ്വസ്ഥത അനുഭവപ്പെട്ടാല്‍ നെഞ്ചില്‍ ചേര്‍ന്നു കിടക്കുന്ന ലോക്കറ്റിലെ ബട്ടണില്‍ അമര്‍ത്തുക. ലോക്കറ്റില്‍ രേഖപ്പെടുത്തുന്ന വിവരങ്ങള്‍ മൊബൈല്‍ഫോണിലേക്ക് അയയ്ക്കാന്‍ പ്രോഗ്രാമിംഗ് സൌകര്യമുണ്ട്. മിഠായിയുടെ വലുപ്പമുള്ള ഈ കൊച്ചുകംപ്യൂട്ടറില്‍ ഒരാഴ്ച വരെയുള്ള ഇ.സി.ജി. രേഖകള്‍ സൂക്ഷിക്കാം.

അസ്വസ്ഥതയുണ്ടായ സമയത്തെ ഹൃദയത്തിന്റെ പ്രവര്‍ത്തനം എങ്ങനെയായിരുന്നുവെന്നു ഡോക്ടര്‍ക്ക് എളുപ്പത്തില്‍ മനസിലാക്കാന്‍ ഇതു സഹായിക്കും. ലോക്കറ്റിലെ ബട്ടണില്‍ അമര്‍ത്തുമ്പോള്‍ മൊബൈല്‍ ഫോണില്‍ എത്തുന്ന ഇ.സി.ജി. വിവരങ്ങള്‍ അപ്പോള്‍ത്തന്നെ ഡോക്ടര്‍ക്ക് എസ്.എം.എസായി അയയ്ക്കാനുള്ള സൌകര്യമുണ്ട്. ഇന്ത്യന്‍ ശാസ്ത്രലോകത്തിന് അഭിമാനം പകര്‍ന്ന ഈ നേട്ടം രാകേഷ് പാലിന്റെയും പ്രൊഫസര്‍ എസ്. മുഖര്‍ജിയുടേയും സൃഷ്ടിയാണ്.
ലോകത്തെ ഏറ്റവും വിലകുറഞ്ഞ കാര്‍ പുറത്തിറക്കിയതിനു പിന്നാലെയുള്ള ഈ നേട്ടത്തിനു പിന്നിലും ടാറ്റയുടെ സ്പര്‍ശമുണ്ട്.

ഐ.ഐ.ടിയുടെ ഈ പദ്ധതിക്ക് സാമ്പത്തിക സഹായം നല്‍കുന്നത് ടാറ്റ കണ്‍സള്‍ട്ടന്‍സി സര്‍വീസാണ്.

2. ട്രെയിന്‍ റിസര്‍വേഷന്‍ സമയം 90 ദിവസമാക്കി
തിരുവനന്തപുരം: റെയില്‍വേ റിസര്‍വേഷന്‍ കാലാവധി 30 ദിവസം വര്‍ധിപ്പിച്ചു.

60 ദിവസമായിരുന്നു മുന്‍കൂര്‍ റിസര്‍വേഷനുള്ള സമയം. ഫെബ്രുവരി ഒന്നുമുതല്‍ 90 ദിവസം മുമ്പ് ടിക്കറ്റ് റിസര്‍വ് ചെയ്യാമെന്ന് റെയില്‍വേ അറിയിച്ചു.

3. തീരദേശ പരിപാലന നിയമത്തിനെതിരേ മത്സ്യത്തൊഴിലാളികള്‍ പ്രക്ഷോഭത്തിന്
തിരൂര്‍: തീരദേശ പരിപാലന നിയമത്തിനെതിരേ കേരളത്തിലെ പത്തുലക്ഷത്തോളം വരുന്ന മത്സ്യത്തൊഴിലാളികള്‍ പ്രക്ഷോഭത്തിനൊരുങ്ങുന്നു. വിവിധ മത്സ്യതൊഴിലാളി സംഘടനകളെ സംയുക്തമായി സംഘടിപ്പിച്ചുകൊണ്ടായിരിക്കും സമരം നടത്തുക. കേരളത്തിലെ തീരമേഖലയെ പ്രതികൂലമായി ബാധിക്കുമെന്നു ബോധ്യപ്പെട്ടതിനെ തുടര്‍ന്നാണു നിയമം നടപ്പിലാക്കുന്നതിനെതിരേ ചെറുത്തുനില്‍പ്പിന് ആലോചിക്കുന്നത്. 1984ലാണു തീരദേശ പരിപാലന നിയമത്തിനു വേണ്ടിയുളള ആദ്യഘട്ട ചര്‍ച്ച നടന്നത്. ഈ സമയത്തു കേരളത്തിന്റെ കാര്യം പറയാന്‍ ആരൂം രംഗത്തുവന്നില്ല. 1991ല്‍ നിയമം പാര്‍ലമെന്റ് പാസാക്കും മുമ്പു സംസ്ഥാനങ്ങളോടു നിര്‍ദേശങ്ങള്‍ ആവശ്യപ്പെട്ടിരുന്നു.

പാര്‍ലമെന്റില്‍ നിയമം പാസാക്കിയെങ്കിലും നടപ്പിലാക്കിയിരുന്നില്ല. തീരമേഖല കേന്ദ്രീകരിച്ചുളള വിധ്വംസക പ്രവര്‍ത്തനങ്ങളുടെ റിപ്പോര്‍ട്ടും അതുമായി ബന്ധപ്പെട്ടു സുപ്രീംകോടതിയില്‍ ഫയല്‍ ചെയ്ത ചില ഹര്‍ജികളുടെയും അടിസ്ഥാനത്തില്‍ നിയമം കര്‍ശനമായി നടപ്പാക്കാന്‍ 1996ല്‍ കേന്ദ്ര സര്‍ക്കാരിനോട് സുപ്രീംകോടതി ഉത്തരവിടുകയായിരുന്നു.
കടലില്‍ നിന്നും ഇരുനൂറു മീറ്ററിനുളളില്‍ നിര്‍മ്മാണ പ്രവര്‍ത്തനങ്ങളൊന്നും പാടില്ലെന്നാണു നിയമത്തിലെ പ്രധാന വ്യവസ്ഥ. കേരളത്തില്‍ നിയമം നടപ്പാക്കാന്‍ സാധിച്ചിരുന്നില്ല. കേരളത്തിലെ കടലോരങ്ങളില്‍ കടലില്‍ നിന്നും 200 മീറ്ററിനുളളില്‍ ലക്ഷക്കണക്കിനു വീടുകളുണ്ട്. കടലോരം ഇരുമുന്നണികളുടെയും ശക്തമായ വോട്ടുബാങ്കായതിനാലാണു നിയമം നടപ്പാക്കാന്‍ വൈകുന്നതെന്ന് ആരോപണമുണ്ട്.

ഇതിനിടയില്‍ സുനാമി ദുരിതാശ്വാസ ഫണ്ട് ഉപയോഗപ്പെടുത്തി മത്സ്യത്തൊഴിലാളികള്‍ക്കു ഹൌസിംഗ് കോളനികള്‍ നിര്‍മ്മിക്കാന്‍ സര്‍ക്കാര്‍ ആലോചിക്കുന്നുണ്ട്. പഞ്ചായത്തുകള്‍ ഇതിനുവേണ്ട സ്ഥലം കണ്ടെത്തിയാല്‍ മൂന്നു സെന്റ് ഭൂമിയില്‍ ഒരുവീട് എന്ന രീതിയില്‍ നിര്‍മ്മിച്ചു കൊടുക്കാനാണു പദ്ധതി.

എന്നാല്‍ തീരമേഖലയുടെ ഏതെങ്കിലും ഭാഗത്തേക്കു പോകാന്‍ മത്സ്യത്തൊഴിലാളികള്‍ തയാറല്ല. ഇവരെ പിണക്കാന്‍ സര്‍ക്കാരിനും താല്‍പര്യവുമില്ല. പാവപ്പെട്ട മത്സ്യത്തൊഴിലാളികളെ തീരമേഖലയില്‍ നിന്നു പറിച്ചുനടന്നുവെന്ന യു.ഡി.എഫ് മത്സ്യതൊഴിലാളികളുടെ പ്രചാരണം എല്‍.ഡി.എഫ് മത്സ്യതൊഴിലാളി യൂണിയനുകള്‍ക്കു തലവേദയായിരിക്കുകയാണ്. നിയമം നടപ്പിലാക്കിയതിന്റെ പൂര്‍ണ ഉത്തരവാദിത്വം യു.ഡി.എഫിനാണെന്നു പറഞ്ഞു പ്രചാരണം നടത്തുകയാണ് അവരിപ്പോള്‍.

സംസ്ഥാന സര്‍ക്കാരിന്റെ മുഖം രക്ഷിക്കാന്‍ തീരദേശ മേഖലയില്‍ എല്‍.ഡി.എഫിന്റെ പ്രചാരണ ജാഥകള്‍ തുടങ്ങിയിട്ടുണ്ട്. എങ്കിലും ഭരണത്തിനേല്‍ക്കുന്ന ദുഷ്പേരു മാറ്റാന്‍ ഇരുപക്ഷവും ഒന്നിച്ചു സമരത്തിനു തയാറാവണമെന്നാണ് എല്‍.ഡി.എഫിന്റെ അഭിപ്രായം. ഇതിന്റെ തുടര്‍ച്ചയെന്നോണമാണു മത്സ്യത്തൊഴിലാളികള്‍ സംയുക്തമായി പ്രക്ഷോഭത്തിനിറങ്ങുന്നത്.

4. കാണാതായ പെണ്‍കുട്ടിയെ തെരഞ്ഞ് പോലീസെത്തിയതു വാറ്റുകേന്ദ്രത്തില്‍
മാന്നാര്‍: കാണാതായ പെണ്‍കുട്ടിയെ തെരഞ്ഞെത്തിയ പോലീസ് വീടിന്റെ ഒന്നാംനിലയില്‍ വന്‍കിടവാറ്റുകേന്ദ്രം കണ്ടെത്തി. ഒരാളെ അറസ്്റ്റ് ചെയ്തു. മാന്നാര്‍ കുരട്ടിക്കാട് ‘അശ്വതിഭവനി’ലാണ് വാറ്റുകേന്ദ്രം പ്രവര്‍ത്തിച്ചിരുന്നത്.

പരുമല സ്വദേശിനിയും ഡി.ബി പമ്പാകോളജ് വിദ്യാര്‍ഥിനിയുമായ പെണ്‍കുട്ടിയെ കാണാനില്ലെന്നു പുളിക്കീഴ് പോലീസില്‍ മാതാപിതാക്കള്‍ പരാതി നല്‍കിയിരുന്നു. സംഭവവുമായി ബന്ധപ്പെട്ട് അശതിഭവനില്‍ അനീഷി(25)നെ അന്വേഷിച്ചു വെള്ളിയാഴ്ച രാത്രി പുളിക്കീഴ് പോലീസ് മാന്നാറിലെ വീട്ടിലെത്തിയെങ്കിലും ആരെയും കണ്ടെത്താനായില്ല.
ഇന്നലെ രാവിലെ വീട്ടില്‍ ആളുണ്ടെന്ന് ആരോ മാന്നാര്‍ സ്റ്റേഷനില്‍ ഫോണില്‍ അറിയിച്ചതിനേത്തുടര്‍ന്ന് എസ്.ഐ ജോസ്മാത്യുവും സംഘവും സ്ഥലത്തെത്തി. വാതില്‍ തുറക്കാത്തതിനേത്തുടര്‍ന്ന് ജനാലച്ചില്ലുകള്‍ പൊട്ടിച്ചപ്പോഴാണ് വീടിനുള്ളില്‍ അനീഷിന്റെ സഹോദരന്‍ അജീഷി(19)നെ കണ്ടത്.

വാതില്‍ തകര്‍ത്ത് അകത്തുകടന്ന പോലീസ് ഒന്നാംനിലയില്‍ പ്രവര്‍ത്തിച്ചിരുന്ന വാറ്റുകേന്ദ്രം കണ്ടെത്തുകയായിരുന്നു. ചാരായവും അമ്പതോളം കന്നാസുകളും വാറ്റുപകരണങ്ങളും പിടിച്ചെടുത്തു. കാണാതായ പെണ്‍കുട്ടിയുടെ വസ്ത്രങ്ങളും ഫോട്ടോയും വീട്ടില്‍നിന്നു കണ്ടെടുത്തു.

പെണ്‍കുട്ടി ഇവിടെ താമസിച്ചിരുന്നതായും ആറുമാസമായി വാറ്റുകേന്ദ്രം പ്രവര്‍ത്തിക്കുന്നുണ്ടെന്നും പോലീസ് പറഞ്ഞു. അജീഷിനെ അറസ്റ്റ് ചെയ്തു.

അജീഷുമായി ബന്ധമുണ്ടെന്നു സംശയിക്കുന്ന ഇരമത്തൂര്‍ സ്വദേശികളായ രണ്ടുപേരെ ചോദ്യംചെയ്തുവരുന്നു. അടുത്തിടെ വാഹനമോഷണക്കേസില്‍ പിടിയിലായ ഉണ്ണിയെന്നയാള്‍ ഇവിടെ നിത്യസന്ദര്‍ശകനായിരുന്നെന്ന് പോലീസ് പറഞ്ഞു.

5. കര്‍ഷകരുടെ ഉടമസ്ഥതയില്‍ പ്രത്യേക സാമ്പത്തിക മേഖല
പൂനെ: പ്രത്യേക സാമ്പത്തിക മേഖലകള്‍ക്കെതിരേ ഇന്ത്യയിലെങ്ങും പ്രതിഷേധം ശക്തമായിരിക്കെ പൂനെയില്‍ നിന്ന് 40 കിലോമീറ്റര്‍ അകലെയുള്ള അവസാരികുര്‍ദിലെ ഗ്രാമീണര്‍ വേറിട്ട വഴിയില്‍ നീങ്ങുന്നു.

ഗ്രാമത്തിലെ 1500 കര്‍ഷകര്‍ ചേര്‍ന്ന് പ്രത്യേക സാമ്പത്തിക മേഖല രൂപീകരിച്ചാണ് വികസനത്തിന്റെ വ്യത്യസ്തപാതയില്‍ നീങ്ങുന്നത്.
കര്‍ഷകര്‍ ഓഹരിയുടമകളായുള്ള ഇന്ത്യയിലെ ആദ്യത്തെ പ്രത്യേക സാമ്പത്തിക മേഖലയാണിത്. അവസാരികുര്‍ദ് പ്രൈവറ്റ് ലിമിറ്റഡ് എന്നാണ് കര്‍ഷകരുടെ കമ്പനിയുടെ പേര്. കമ്പനിയില്‍ കര്‍ഷകരുടെ നിക്ഷേപം 900 കോടി രൂപ മൂല്യമുള്ള ഭൂമിയാണ്. വ്യവസായിയായ സ്വപന്‍ ഭോറാണ് ഈ സംരംഭത്തിനായി ഗ്രാമീണരെ സംഘടിപ്പിച്ചത്. മേഖലയിലെ 18000 പേര്‍ക്ക് ഇതിന്റെ പ്രയോജനം ലഭിക്കും.

പൂനെ ജില്ലയിലെ അംബെഗാവ് താലൂക്കിലാണ് അവസാരി കുര്‍ദ് ഗ്രാമം. പദ്ധതി ആദ്യം പഞ്ചായത്ത് തലത്തില്‍ അവതരിപ്പിച്ചതിനു ശേഷം കേന്ദ്ര-സംസ്ഥാന സര്‍ക്കാരുകള്‍ക്കു സമര്‍പ്പിച്ചു.

കഴിഞ്ഞ മാസമാണ് സംസ്ഥാനസര്‍ക്കാര്‍ അനുമതി നല്‍കിയത്. 6200 ഏക്കറാണ് പ്രത്യേക സാമ്പത്തികമേഖലയിലുള്ളത്.ഇതില്‍ 2665 ഏക്കര്‍ കൃഷിക്കായി നീക്കി വയ്ക്കും. 2489 ഏക്കറാണ് വ്യവസായിക വികസനത്തിനുപയോഗിക്കുന്നത്. 1066 ഏക്കറില്‍ എല്ലാ ഗ്രാമീണര്‍ക്കും പാര്‍പ്പിട സൌകര്യമൊരുക്കും. ഓട്ടോമൊബൈല്‍, ഇലക്ട്രോണിക്സ്, ഐ.ടി. തുടങ്ങി എല്ലാ വ്യവസായിക സംരംഭങ്ങളും പ്രത്യേക സാമ്പത്തികമേഖലയിലുണ്ടാകും.

കര്‍ഷകകൂട്ടായ്മ പ്രത്യേക സാമ്പത്തികമേഖല രൂപീകരിച്ചതു വിപ്ളവകരമായ തുടക്കമാണെന്നു ജില്ലാ കലക്ടര്‍ പ്രഭാകര്‍ ദേശ്മുഖ് അഭിപ്രായപ്പെട്ടു. കര്‍ഷകരെ സംബന്ധിച്ചിടത്തോളം അവരുടെ ഏറ്റവും വലിയ സമ്പാദ്യം ഭൂമിയാണ്. അതു വില്‍ക്കുകയോ സര്‍ക്കാര്‍ ഏറ്റെടുക്കുകയോ ചെയ്യാതെ അവരുടെ തന്നെ ഉടമസ്ഥതയില്‍ വികസനം സാധ്യമാക്കാമെന്നതാണു പദ്ധതിയുടെ പ്രയോജനമെന്നു സ്വപന്‍ ഭോര്‍ പറഞ്ഞു.

6. കേരളത്തില്‍ കര്‍ഷകര്‍ ‘കയറെടുക്കുന്നു’; കര്‍ണാടകം നൂറുമേനി വിളവെടുക്കുന്നു
സുല്‍ത്താന്‍ബത്തേരി: വിളനാശവും വിലത്തകര്‍ച്ചയും മൂലം വയനാട്ടില്‍ കര്‍ഷകആത്മഹത്യകള്‍ തുടര്‍കഥയാകുമ്പോള്‍ കിലോമീറ്ററുകള്‍ മാത്രം അകലെ കര്‍ണാടകയിലെ പാടങ്ങളില്‍ നൂറുമേനിയുടെ സമ്പല്‍സമൃദ്ധി. സര്‍ക്കാരിന്റെ ശക്തമായ പിന്തുണയാണ് കര്‍ണാടക കര്‍ഷകന് അനുഗ്രഹമാകുന്നത്.

വെള്ളവും വൈദ്യുതിയുമടക്കം സര്‍വമേഖലകളിലും സബ്സിഡിയും സൌജന്യനിരക്കുകളും പ്രഖ്യാപിച്ചാണ് സര്‍ക്കാര്‍ കാര്‍ഷികമേഖലയെ പ്രോത്സാഹിപ്പിക്കുന്നത്. വിത്തും വളവും സര്‍ക്കാര്‍ കടമായി നല്‍കുന്നുണ്ട്. തരിശുഭൂമിയില്‍ വെള്ളവും വൈദ്യുതിയുമെത്തിക്കാനുള്ള ശ്രമങ്ങളും ഏറെക്കുറേ പൂര്‍ണമായി. കൃഷിയും അനുബന്ധവ്യവസായങ്ങളും ശക്തി പ്രാപിച്ചതോടെ കര്‍ണാടകയില്‍ കാര്‍ഷിക ജില്ലകളിലെ സമ്പദ്വ്യവസ്ഥ അതിവേഗം കുതിക്കുകയാണ്.
കേരളത്തെ അപേക്ഷിച്ചു ഹ്രസ്വകാലവിളകളെ കൂടുതലായി ആശ്രയിക്കുന്ന കര്‍ണാടകക്കാരുടെ മുഖ്യകൃഷി പച്ചക്കറികളാണ്.

മൂന്നുമുതല്‍ ആറുമാസത്തിനിടെ വിളവെടുക്കുന്ന പയര്‍, കാബേജ്, തക്കാളി, ഉള്ളി തുടങ്ങിയവയാണ് പ്രധാന വിളകള്‍. പെട്ടന്നുള്ള കാലാവസ്ഥാ വ്യതിയാനമുണ്ടായില്ലെങ്കില്‍ ഇത്തരം കൃഷികള്‍ക്കു നഷ്ടം വരാനുള്ള സാധ്യത കുറവാണ്. തണ്ണിമത്തന്‍, ചോളം, മുത്താറി എന്നിവയും വ്യാപകമായി കൃഷിചെയ്യുന്നു.ദീര്‍ഘകാല വിളകളായ കരിമ്പ്, മഞ്ഞള്‍ തുടങ്ങിയവയ്ക്കു കൃഷിവകുപ്പു വന്‍ആനുകൂല്യങ്ങള്‍ നല്‍കുന്നുണ്ട്. വിത്തും വളവും കീടനാശിനികളും സൌജന്യമായി നല്‍കുന്നതിനു പുറമേ ഉല്‍പന്നങ്ങള്‍ക്കു വില നിശ്ചയിച്ചു മുന്‍കൂര്‍ ചെലവഴിച്ച തുക കിഴിച്ചു ബാക്കി കര്‍ഷകര്‍ക്കു നല്‍കും.

ചെണ്ടുമല്ലി, മഞ്ഞള്‍, കരിമ്പ് തുടങ്ങിയ മേഖലകളില്‍ സ്വകാര്യകമ്പനികളും കര്‍ഷകര്‍ക്ക് ആനുകൂല്യങ്ങള്‍ നല്‍കുന്നുണ്ട്. വിത്തും വളവും കീടനാശിനികളും പണിയെടുപ്പിക്കുന്നതിനുള്ള പണവും കമ്പനികള്‍ കടമായി നല്‍കും.

വിളവെടുക്കുമ്പോള്‍ കൃഷിയിടങ്ങളിലെത്തി ഉല്‍പന്നങ്ങള്‍ ശേഖരിച്ച് ബാക്കി പണം കര്‍ഷകര്‍ക്കു നല്‍കും.

കേരളത്തിലെ കര്‍ഷകര്‍ക്കു ചിന്തിക്കാന്‍ പോലുമാകാത്ത ആനുകൂല്യങ്ങളാണ് ഇത്തരം പദ്ധതികളിലൂടെ കര്‍ണാടക കര്‍ഷകര്‍ക്കു ലഭിക്കുന്നത്.

1. ടി.കെ. സുജിത്തിന്റെ കാര്‍ട്ടൂണിന് ലളിതകലാ അക്കാഡമി അംഗീകാരം
കൊച്ചി: കാര്‍ട്ടൂണിനുള്ള കേരള ലളിതകലാ അക്കാഡമിയുടെ ഓണറബിള്‍ മെന്‍ഷന്‍ പുരസ്കാരത്തിന് ‘കേരളകൌമുദി’ സ്റ്റാഫ് കാര്‍ട്ടൂണിസ്റ്റ് ടി.കെ. സുജിത് അര്‍ഹനായി.
‘കേരളകൌമുദി’യില്‍ 2007 മേയ് 20 ന് പ്രസിദ്ധീകരിച്ച ‘ഒത്തുപിടിച്ചാല്‍’ എന്ന കാര്‍ട്ടൂണാണ് സുജിത്തിന് അംഗീകാരം നേടിക്കൊടുത്തത്. അയ്യായിരം രൂപയും പ്രശസ്തിപത്രവുമാണ് പുരസ്കാരം.
മികച്ച കാര്‍ട്ടൂണിനുള്ള സംസ്ഥാന പുരസ്കാരം മലയാള മനോരമയിലെ ആര്‍ട്ടിസ്റ്റ് ബൈജു പൌലോസിന് ലഭിക്കും. മാധ്യമത്തില്‍ പ്രസിദ്ധീകരിച്ച ‘റിക്ടര്‍ സ്കെയില്‍’ എന്ന കാര്‍ട്ടൂണ്‍ വരച്ച ഇ.സുരേഷും ഓണറബിള്‍ മെന്‍ഷന്‍ പുരസ്കാരത്തിന് അര്‍ഹനായി.
ഫെബ്രുവരി ഏഴിന് എറണാകുളത്തെ ലളിതകലാ അക്കാഡമി കലാകേന്ദ്രത്തില്‍ നടക്കുന്ന ചടങ്ങില്‍ പുരസ്കാരങ്ങള്‍ വിതരണം ചെയ്യും.
തൃശൂര്‍ തിരുമിറ്റക്കോട് ടി.ആര്‍.കുമാരന്റെയും പി.ആര്‍. തങ്കമണിയുടെയും മകനാണ് സുജിത്. അഡ്വ.എം. നമിത ഭാര്യയും അമല്‍ മകനുമാണ്.
സംസ്ഥാന മാധ്യമ അവാര്‍ഡ്, പാമ്പന്‍ മാധവന്‍ അവാര്‍ഡ്, തിരുവനന്തപുരം പ്രസ് ക്ളബ് അവാര്‍ഡ്, പത്രപ്രവര്‍ത്തക യൂണിയന്റെ കാര്‍ട്ടൂണ്‍ അവാര്‍ഡ് തുടങ്ങി നിരവധി അംഗീകാരങ്ങള്‍ സുജിത് നേടിയിട്ടുണ്ട്.

2. മെഡിക്കല്‍, എന്‍ജി. പ്രവേശനം: മെരിറ്റ് സീറ്റെത്ര? ആര്‍ക്കറിയാം!
തിരുവനന്തപുരം: കേരളത്തില്‍ മെഡിക്കല്‍, എന്‍ജിനീയറിംഗ് കോഴ്സിന് മെരിറ്റില്‍ എത്ര സീറ്റുണ്ട്?
ആര്‍ക്കും ഒരു നിശ്ചയവുമില്ല. ഈ അനിശ്ചിതത്വം നീളുന്തോറും സീറ്റുകള്‍ ലേലംവിളിച്ച് വില്‍ക്കാന്‍ മാനേജുമെന്റുകള്‍ക്ക് വേണ്ടുവോളം സമയം ലഭിക്കും. അവസാന നിമിഷംവരെ വിദ്യാര്‍ഥികളെ മുള്‍മുനയില്‍ നിറുത്തിയാണ് അവര്‍ കച്ചവടം നടത്തുന്നത്.
അന്യസംസ്ഥാനങ്ങളിലെ സ്വാശ്രയ മാനേജുമെന്റുകള്‍ക്ക് കേരളത്തിലെ വിദ്യാര്‍ഥികളെ വലവീശാന്‍ ഇതിനേക്കാള്‍ നല്ലൊരു അവസരമില്ല. സ്ഥിതി വഷളാകാന്‍ തുടങ്ങിയിട്ടും സ്വാശ്രയ മാനേജ്മെന്റുകളുമായി ചര്‍ച്ച ചെയ്ത് സമയവായമുണ്ടാക്കേണ്ട വിദ്യാഭ്യാസവകുപ്പ് ഒച്ചിന്റെ വേഗത്തിലാണ് നീങ്ങുന്നത്.
ഫീസ് നിര്‍ണയിക്കേണ്ട ജസ്റ്റിസ് മുഹമ്മദ് കമ്മിറ്റിയും ഒന്നും ചെയ്യുന്നില്ല.
എല്‍.ഡി.എഫ് സര്‍ക്കാര്‍ അധികാരത്തില്‍വന്ന ആദ്യവര്‍ഷത്തില്‍ നിയമത്തിന്റെ നൂലാമാലകളില്‍പ്പെട്ട് പ്രൊഫഷണല്‍ കോഴ്സുകളിലേക്കുള്ള പ്രവേശനം അവതാളത്തിലായി. രണ്ടാംവര്‍ഷം അധികൃതര്‍ മാരത്തോണ്‍ ചര്‍ച്ച നടത്തിയെങ്കിലും കാര്യങ്ങള്‍ കടവിലെത്തിക്കാന്‍ കഴിഞ്ഞില്ല. ഈ അനുഭവത്തിന്റെ വെളിച്ചത്തില്‍ പ്രവേശനടപടികള്‍ കുറ്റമറ്റതാക്കാന്‍ വേണ്ടുന്ന ഒരു നടപടിയും സര്‍ക്കാരിന്റെ ഭാഗത്തുനിന്ന് ഇതുവരെ ഉണ്ടായിക്കാണാത്തത് രക്ഷിതാക്കളെ ഉത്കണ്ഠാകുലരാക്കുന്നു.
ഈ വര്‍ഷത്തെ പ്രവേശനത്തിനുവേണ്ടി ഡിസംബറിലാണ് എന്‍ജിനീയറിംഗ് മാനേജുമെന്റുകളെ ആദ്യവട്ട ചര്‍ച്ചയ്ക്ക് വിളിച്ചത്. അവര്‍ പത്തുദിവസത്തിനകം ഫീസും പ്രവേശനവും സംബന്ധിച്ച നിര്‍ദ്ദേശങ്ങള്‍ സമര്‍പ്പിക്കുമെന്നും ഒരു മാസത്തിനുള്ളില്‍ എല്ലാത്തിനും പരിഹാരമാകുമെന്നും മന്ത്രി പ്രഖ്യാപിച്ചിരുന്നു. മുഹമ്മദ് കമ്മിറ്റി ഫീസ് നിശ്ചയിക്കാതെ സര്‍ക്കാരുമായി ചര്‍ച്ച നടത്തേണ്ടതില്ലെന്നാണ് മാനേജ്മെന്റുകള്‍ പിന്നീട് തീരുമാനിച്ചത്. വിദ്യാര്‍ഥികളെ വലയ്ക്കുന്ന ഈ തീരുമാനം വന്നിട്ട് രണ്ടാഴ്ച കഴിഞ്ഞെങ്കിലും അങ്ങോട്ട് തിരിഞ്ഞുനോക്കാന്‍ സര്‍ക്കാര്‍ തയ്യാറായിട്ടില്ല. മെഡിക്കല്‍ മാനേജുമെന്റുകളുമായുള്ള ആദ്യ ചര്‍ച്ച ഈമാസം 23ന് നടക്കാനിരിക്കുന്നതേയുള്ളൂ.
ഇതിനിടെ എന്‍ട്രന്‍സ് പരീക്ഷയ്ക്കുള്ള പ്രോസ്പെക്ടസിന്റെ അച്ചടി ആരംഭിച്ചു. ഫീസിനെക്കുറിച്ചും സീറ്റിനെക്കുറിച്ചും ഇതില്‍ ഒന്നും പറഞ്ഞിട്ടില്ല. ഇവ രണ്ടുമാണ് ഇതില്‍ പ്രധാനമായും ഉള്‍പ്പെടുത്തേണ്ടത്. പ്രോസ്പെക്ടസും അപേക്ഷാഫാറവും ഈ മാസം അവസാനം വിതരണം ചെയ്യും. കഴിഞ്ഞവര്‍ഷം മാനേജുമെന്റ് സീറ്റ് ലക്ഷങ്ങള്‍ കൊടുത്തുവാങ്ങിയ നിരവധിപേര്‍ക്ക് അവസാനവട്ടം മെരിറ്റ് സീറ്റില്‍ പ്രവേശനം ലഭിക്കുമായിരുന്നു. എന്നാല്‍ കോഴകൊടുത്ത് സീറ്റുവാങ്ങിയതിനാല്‍ അവര്‍ക്ക് മെരിറ്റ് സീറ്റിലേക്ക് മാറാന്‍ സാധിച്ചില്ല. ഇത്തവണയും അരക്ഷിതാവസ്ഥയുടെ ഈ കോണിവഴി കോഴയുടെ മല കയറാനാണ് മാനേജുമെന്റുകള്‍ ഒരുങ്ങുന്നത്.

3. ആനവാരിയും മമ്മൂഞ്ഞും സൈനബയുമെല്ലാം വൈലാലില്‍ വീട്ടുമുറ്റത്തെത്തിയപ്പോള്‍…
കോഴിക്കോട്: സ്വകാര്യജീവിത ഭൂമികയ്ക്കപ്പുറം എഴുത്തുകാരുടെയും ആസ്വാദകരുടെയും ആരാധകരുടെയും വിശാല കൂട്ടായ്മയ്ക്ക് എന്നും വേദിയായിരുന്ന ബേപ്പൂര്‍ വൈലാലിലെ ഗൃഹാങ്കണത്തിലേക്ക് രചനകളിലൂടെയും ജീവിതത്തിലൂടെയും കഥയുടെ സുല്‍ത്താന്‍ അനശ്വരമാക്കിയ കഥാപാത്രങ്ങള്‍ ഇറങ്ങിവന്നപ്പോള്‍ അത് ബഷീറിന് നല്‍കാവുന്ന ഏറ്റവും ഉചിതമായ നൂറാം ജന്‍മദിനസമ്മാനമായി.
പരമ്പരാഗത സാഹിത്യഭാഷയുടെ വ്യാകരണവും സൌന്ദര്യശാസ്ത്രവും ലംഘിച്ച് സ്വാനുഭവത്തിന്റെ നോവും നേരും മാധുര്യവും പകര്‍ന്ന് ബഷീര്‍ ആവിഷ്കരിച്ച കഥാപാത്രങ്ങള്‍ ജന്‍മശതാബ്ദി ആഘോഷത്തിന് തുടക്കം കുറിച്ചുകൊണ്ട് വൈലാലില്‍ ഇന്നലെ വൈകിട്ട് വീണ്ടും കണ്ടുമുട്ടുകയായിരുന്നു. പി. സി. ഹരീഷ് രചനയും സംവിധാനവും നിര്‍വ്വഹിച്ച ഡോക്യുഡ്രാമയുടെ സൂത്രധാരന്‍ ഒറ്റക്കണ്ണന്‍ പോക്കറായിരുന്നു. സൈനബയും സുഹറയും സാറാമ്മയും കുഞ്ഞുപാത്തുമ്മയും നാരായണിയും മജീദും നിസാര്‍ അഹമ്മദും മണ്ടന്‍ മുത്തപ്പയും എട്ടുകാലി മമ്മൂഞ്ഞും ആനവാരി രാമന്‍നായരും മാത്രമല്ല തലയോലപ്പറമ്പില്‍നിന്ന് ബഷീറിന്റെ സഹോദരി പാത്തുമ്മയുടെ മകള്‍ ഖദീജയും കുടുംബവും അരങ്ങിലണിനിരന്നപ്പോള്‍ ഫാബി ബഷീറും അനീസും കുടുംബവും അവര്‍ക്കൊപ്പം ചേര്‍ന്നു.
വെളിച്ചത്തിനെന്ത് വെളിച്ചം എന്ന ബഷീറിയന്‍ ദര്‍ശനത്തിന് സമകാലീന സാമൂഹ്യ രാഷ്ട്രീയ പശ്ചാത്തലത്തില്‍ കൈവന്ന പ്രസക്തി വ്യക്തമാക്കുന്ന നാടകം ബഷീര്‍ ഉയര്‍ത്തിപ്പിടിച്ച വിശ്വമാനവികതയുടെ സന്ദേശത്തിനാണ് അടിവരയിട്ടത്. മുന്‍കാല കലാതിലകങ്ങളായ പാര്‍വ്വതിരാജ്, ദീപിക രാധാകൃഷ്ണന്‍, അഷിത അഷ്റഫ്, തനുശ്രീ, കൃഷ്ണ, നീതു, ശിവാനി എന്നിവര്‍ക്കൊപ്പം ജി.ആര്‍. വാര്യര്‍, ജിത്തു, അനില്‍കുമാര്‍ എന്നിവരും നാടകത്തില്‍ വേഷമിട്ടു.
നേരത്തെ നടന്ന അനുസ്മരണ ചടങ്ങില്‍ യു. എ. ഖാദര്‍ മുഖ്യപ്രഭാഷണം നടത്തി. ബേപ്പൂര്‍ പഞ്ചായത്ത് പ്രസിഡന്റ് കെ. കെ. ശൈലജ അദ്ധ്യക്ഷത വഹിച്ചു. എടത്തൊടി രാധാകൃഷ്ണന്‍, അനീസ് ബഷീര്‍, പ്രദീപ് ഹുഡിനോ, സി.എം. കേശവന്‍ എന്നിവര്‍ സംസാരിച്ചു

4. ദേവസ്വം ബോര്‍ഡില്‍ തമ്മിലടി മൂത്തു
തിരുവനന്തപുരം: തിരുവിതാംകൂര്‍ ദേവസ്വംബോര്‍ഡില്‍ വീണ്ടും തമ്മിലടി മൂത്തു. ദേവസ്വം വിജിലന്‍സ് ഓഫീസറുടെ നിയമനമാണ് പുതിയ തര്‍ക്ക വിഷയം. സര്‍ക്കാരിനെ ന്യായീകരിച്ച് ബോര്‍ഡ് പ്രസിഡന്റും മന്ത്രിക്കെതിരെ അംഗങ്ങളും രംഗത്തെത്തിയതോടെ ഈ മാസം 22നു ചേരുന്ന ബോര്‍ഡ് യോഗം പ്രക്ഷുബ്ധമാകുമെന്ന് ഉറപ്പായി.
ദേവസ്വം വിജിലന്‍സ് എസ്.ഐയെ തന്നിഷ്ടപ്രകാരം നിയമിച്ചതിലൂടെ ബോര്‍ഡിന്റെ അധികാരങ്ങളില്‍ മന്ത്രി ജി. സുധാകരന്‍ നഗ്നമായി കൈകടത്തിയിരിക്കുകയാണെന്ന് അംഗങ്ങളായ പി. നാരായണനും സുമതിക്കുട്ടിയമ്മയും കേരളകൌമുദിയോടു പറഞ്ഞു. ബോര്‍ഡിന്റെ അനുമതിയോടെ മാത്രമേ ഡെപ്യൂട്ടേഷന്‍ ഉള്‍പ്പെടെയുള്ള എല്ലാ നിയമനങ്ങളും നടത്താവൂ എന്ന് ദേവസ്വം മാനുവലില്‍ വ്യക്തമായി പറഞ്ഞിട്ടുണ്ട്. ബോര്‍ഡിന്റെ അനുമതിയില്ലാതെ നിയമിക്കുന്ന ഒരാള്‍ക്ക് ജീവനക്കാരെ ചോദ്യംചെയ്യാന്‍ അവകാശമില്ലെന്നും വിജിലന്‍സ് ഓഫീസര്‍ നിയമനം 22നു ചേരുന്ന യോഗം തള്ളിക്കളയുമെന്നും ഇരുവരും പറഞ്ഞു.
എന്നാല്‍ സര്‍ക്കാരിനെക്കാള്‍ വലിയ സര്‍ക്കാരായി ദേവസ്വം ബോര്‍ഡിന് പ്രവര്‍ത്തിക്കാനാവില്ലെന്ന് പ്രസിഡന്റ് സി.കെ. ഗുപ്തന്‍ കേരളകൌമുദിയോടു പറഞ്ഞു. സര്‍ക്കാരിന്റെ വിവിധ വകുപ്പുകളുടെ ഏകോപനത്തിലൂടെയാണ് ശബരിമലയിലും പ്രവര്‍ത്തനങ്ങള്‍ നടക്കുന്നത്. എല്ലാ കാര്യങ്ങളിലും സര്‍ക്കാരിനോടു കൊമ്പുകോര്‍ത്ത് ബോര്‍ഡിനു പ്രവര്‍ത്തിക്കാനാവില്ല.
ദേവസ്വം വിജിലന്‍സ് എസ്.പിയുടെയും ഓഫീസറുടെയും നിയമനം തന്റെ അറിവോടെയാണ് നടന്നതെന്ന് ഗുപ്തന്‍ വിശദീകരിച്ചു. എസ്.പിയുടെ നിയമന ഉത്തരവില്‍ താന്‍ മേലൊപ്പ് വച്ചിട്ടുണ്ട്. ഈ രണ്ട് ഉദ്യോഗസ്ഥരും ബോര്‍ഡ് പ്രസിഡന്റിന്റെ കീഴിലാണെന്നും ഗുപ്തന്‍ പറഞ്ഞു.
ബോര്‍ഡ് അംഗങ്ങളെ കള്ളക്കേസില്‍ കുടുക്കാന്‍ വേണ്ടിയാണ് മന്ത്രി ശ്രമിക്കുന്നതെന്നും ഇതിന്റെ പിന്നില്‍ ഗൂഢാലോചനയുണ്ടെന്നും സുമതിക്കുട്ടിയമ്മ ആരോപിച്ചു. എല്‍.ഡി.എഫാണ് അംഗങ്ങളെ നിയമിച്ചിട്ടുള്ളത്. ശാന്തിക്കാരോട് എസ്.ഐ അപമര്യാദ കാട്ടിയതിനെക്കുറിച്ച് ശബരിമല എക്സിക്യൂട്ടീവ് ഓഫീസര്‍ വിശദീകരണം നല്‍കിയിട്ടുണ്ടെന്ന് നാരായണന്‍ അറിയിച്ചു.

5. തവിട് കാണാതായ സംഭവം: കുറ്റക്കാര്‍ക്കെതിരെ നടപടിയെടുക്കും-ചെയര്‍മാന്‍
തിരുവനന്തപുരം: മില്‍മയുടെ ആലപ്പുഴ പട്ടണക്കാട്ടുള്ള കാലിത്തീറ്റ ഫാക്ടറിയില്‍ നിന്ന് 1600 ടണ്‍ തവിട് കാണാതായ സംഭവത്തില്‍ കുറ്റക്കാര്‍ക്കെതിരെ കടുത്ത നടപടികള്‍ കൈക്കൊള്ളുമെന്ന് മില്‍മ ചെയര്‍മാന്‍ പി.ടി. ഗോപാലക്കുറുപ്പ് പറഞ്ഞു.
ഫാക്ടറിയുടെ ഗോഡൌണില്‍ സൂക്ഷിച്ചിരുന്ന തവിടിന്റെ അളവില്‍ കുറവുണ്ടായതായി സംശയമുണ്ടായതിനെത്തുടര്‍ന്ന് പരിശോധിക്കാന്‍ മാനേജിംഗ് ഡയറക്ടര്‍ സഞ്ജീവ് പട്ജോഷി ഉത്തരവിട്ടിരുന്നു. അന്വേഷണ റിപ്പോര്‍ട്ട് ഉടന്‍ സമര്‍പ്പിക്കാന്‍ ആവശ്യപ്പെടും. ഇതിന്റെ അടിസ്ഥാനത്തില്‍ വീഴ്ച വരുത്തിയവര്‍ക്കെതിരെ നടപടിയെടുക്കും. മില്‍മ ഡയറക്ടര്‍ ബോര്‍ഡ് ഈ വിഷയം ചര്‍ച്ച ചെയ്യും. കേരളകൌമുദി റിപ്പോര്‍ട്ടിന്റെ അടിസ്ഥാനത്തില്‍ നേരിട്ട് പരിശോധന നടത്തുമെന്നും മില്‍മ ചെയര്‍മാന്‍ പറഞ്ഞു.
കാലിത്തീറ്റ ഫാക്ടറിയിലെ സ്റ്റോര്‍ ഓഫീസര്‍ അംബികാകുമാരിയെ സ്ഥലം മാറ്റിയതിന് ഇതുമായി ബന്ധമില്ലെന്നാണ് അറിയാന്‍ കഴിഞ്ഞതെന്ന് ചെയര്‍മാന്‍ പറഞ്ഞു.

6. തദ്ദേശ സ്ഥാപനങ്ങള്‍ക്ക് വായ്പ നല്‍കാന്‍ ധനകാര്യ കോര്‍പ്പറേഷന്‍
തിരുവനന്തപുരം : തദ്ദേശ സ്വയംഭരണസ്ഥാപനങ്ങള്‍ക്ക് വിവിധ പദ്ധതികള്‍ക്കാവശ്യമായ വായ്പ നല്‍കുന്നതിന് സംസ്ഥാന സര്‍ക്കാര്‍ ധനകാര്യ കോര്‍പ്പറേഷന് രൂപം നല്‍കി.
കേരള നഗര ഗ്രാമ വികസന ധനകാര്യ കോര്‍പ്പറേഷന്‍ (കെ.യു.ആര്‍.ഡി.എഫ്.സി) എന്ന് നാമകരണം ചെയ്തിട്ടുള്ള ഇത് ഗ്രാമവികസന ബോര്‍ഡും നഗര വികസന ധനകാര്യ കോര്‍പ്പറേഷനും ലയിപ്പിച്ച് ഒന്നാക്കിയതാണെന്ന് മന്ത്രി പാലോളി മുഹമ്മദ്കുട്ടി ‘കേരളകൌമുദി’യോടു പറഞ്ഞു.
പ്ളാന്‍ ഫണ്ട് ഉപയോഗിച്ച് പൂര്‍ത്തിയാക്കാന്‍ കഴിയാത്ത പദ്ധതികള്‍ വ്യക്തമായ രൂപരേഖയോടെ സമര്‍പ്പിച്ചാല്‍ വലിയ പലിശയില്ലാത്ത വായ്പ ലഭ്യമാക്കുകയാണ് ഇതുകൊണ്ട് ഉദ്ദേശിക്കുന്നതെന്ന് മന്ത്രി പറഞ്ഞു. കോര്‍പ്പറേഷന്റെ പ്രവര്‍ത്തനത്തിനായി കേരള ലോക്കല്‍ ഗവണ്‍മെന്റ് ഡെവലപ്മെന്റ് ഫണ്ട് (കെ. എല്‍.ജി.ഡി. എഫ്) രൂപീകരിക്കും. എ.ഡി.ബി വായ്പയില്‍ നിന്നുള്ള 230 കോടി രൂപയാണ് പ്രാഥമിക ഫണ്ടായി വകയിരുത്തിയിരിക്കുന്നത്. എല്‍. ഐ.സി ഉള്‍പ്പെടെയുള്ള ധനകാര്യ സ്ഥാപനങ്ങളെയും പ്രയോജനപ്പെടുത്തും. ഫണ്ടിന്റെ അപര്യാപ്തതമൂലം തദ്ദേശ സ്ഥാപനങ്ങളുടെ വികസനപ്രവര്‍ത്തനങ്ങള്‍ മുടങ്ങരുതെന്നാണ് സര്‍ക്കാരിന്റെ ആഗ്രഹമെന്ന് മന്ത്രി പറഞ്ഞു.
റോഡുകളിലെ മലിനീകരണം തടയുന്നതിന് ഗ്ളോബല്‍ എന്‍വയണ്‍മെന്റ് ഫെസിലിറ്റി (ജി. ഇ. എഫ്) ഇന്ത്യയില്‍ തിരഞ്ഞെടുത്ത 11 നഗരങ്ങളില്‍ തിരുവനന്തപുരം കോര്‍പ്പറേഷനും ഉള്‍പ്പെടുമെന്ന് മന്ത്രി അറിയിച്ചു. മുപ്പതു കോടി രൂപവരെ ഇതുവഴി ലഭിക്കും. തിരുവനന്തപുരം നഗരസഭ ഇത് തത്വത്തില്‍ അംഗീകരിച്ചിട്ടുണ്ട്.
നിബന്ധനകള്‍
അടിച്ചേല്പിക്കാനെന്ന് ആക്ഷേപം
അതേസമയം ധനകാര്യ കോര്‍പ്പറേഷന്‍ രൂപീകരിക്കാനുള്ള തീരുമാനം വിദേശ വായ്പകളുടെ നിബന്ധനകള്‍ തദ്ദേശ സ്ഥാപനങ്ങളുടെ മേല്‍ അടിച്ചേല്പിക്കാനുള്ള നീക്കത്തിന്റെ ഭാഗമാണെന്ന് ആക്ഷേപം ഉയര്‍ന്നു.
വിദേശവായ്പകള്‍ ഈ കോര്‍പ്പറേഷനില്‍ നിക്ഷേപിച്ചാല്‍ തദ്ദേശ സ്ഥാപനങ്ങള്‍ക്കുമേല്‍ കടിഞ്ഞാണിടാനാകുമെന്നും ആക്ഷേപം ഉന്നയിക്കുന്നവര്‍ പറയുന്നു. എന്നാല്‍ വായ്പകള്‍ കാര്യക്ഷമമായി വിനിയോഗിക്കാന്‍ കോര്‍പ്പറേഷന്‍ സഹായകമാകുമെന്ന മറുവാദവുമുണ്ട്. ഇതിനെക്കുറിച്ച് ചോദിച്ചപ്പോള്‍ പ്ളാനിംഗ് ബോര്‍ഡ് വൈസ് ചെയര്‍മാന്‍ ഡോ. പ്രഭാത് പട്നായിക് പ്രതികരിക്കാന്‍ വിസമ്മതിച്ചു.

7. തിരുവനന്തപുരം എയര്‍പോര്‍ട്ട് ഭരണ നിയന്ത്രണം മാറ്റിയത് പുന:പരിശോധിക്കും
ന്യൂഡല്‍ഹി: തിരുവനന്തപുരം വിമാനത്താവളത്തെ ചെന്നൈ മേഖലയുടെ ഭരണപരമായ നിയന്ത്രണത്തില്‍ പെടുത്തിയ നടപടി റദ്ദാക്കി വിമാനത്താവളത്തിന്റെ സ്വതന്ത്ര പദവി നിലനിര്‍ത്തണമെന്ന് കേരളത്തിന്റെ വ്യോമയാന ചുമതല വഹിക്കുന്ന മന്ത്രി എം. വിജയകുമാര്‍ ആവശ്യപ്പെട്ടു. ഇക്കാര്യം പരിശോധിക്കാമെന്ന ഉറപ്പും ലഭിച്ചിട്ടുണ്ട്.
കേന്ദ്ര സര്‍ക്കാരിന്റെ മുഴുവന്‍ അനുമതിയും ലഭിച്ചാല്‍ കണ്ണൂര്‍ വിമാനത്താവളത്തിന്റെ ജോലികള്‍ രണ്ടര വര്‍ഷം കൊണ്ട് പൂര്‍ത്തിയാക്കുമെന്ന് സംസ്ഥാന സര്‍ക്കാര്‍ ഉറപ്പ് നല്‍കി. ഡല്‍ഹിയില്‍ നടന്ന സിവില്‍ ഏവിയേഷന്‍ നാഷണല്‍ കോണ്‍ഫറന്‍സില്‍ മന്ത്രി വിജയകുമാറാണ് കേന്ദ്ര സര്‍ക്കാര്‍ മുന്‍പാകെ ഈ ഉറപ്പ് നല്‍കിയത്. യോഗത്തില്‍ വ്യോമയാന മന്ത്രി പ്രഫുല്‍ പട്ടേല്‍ അദ്ധ്യക്ഷനായിരുന്നു.
കണ്ണൂര്‍ വിമാനത്താവളത്തിന് തത്ത്വത്തിലുള്ള അനുമതിയാണ് ഇപ്പോള്‍ ലഭിച്ചിരിക്കുന്നത്. കേന്ദ്ര സര്‍ക്കാരിന്റെ ഭാഗത്തുനിന്നും ചില നടപടിക്രമങ്ങള്‍കൂടി ഇനിയും പൂര്‍ത്തിയാക്കാനുണ്ട്. ഇവ പൂര്‍ത്തിയാവുന്നതോടെ സംസ്ഥാനസര്‍ക്കാര്‍ അതിവേഗ പ്രക്രിയയിലൂടെ വിമാനത്താവളത്തിന്റെ പ്രവര്‍ത്തനങ്ങളുമായി മുന്നോട്ടുപോകാനാണ് ഉദ്ദേശിക്കുന്നത്.

8. കേരളത്തില്‍ ഇറച്ചി പ്രിയര്‍ ഏറുന്നു
തിരുവനന്തപുരം: കേരളത്തില്‍ മാംസാഹാര പ്രിയരുടെ എണ്ണം വന്‍തോതില്‍ വര്‍ദ്ധിക്കുന്നു. നാലുലക്ഷം മെട്രിക് ടണ്‍ (400 കോടി കിലോ) ഇറച്ചിയാണ് കഴിഞ്ഞവര്‍ഷം സംസ്ഥാനത്ത് ഉപയോഗിച്ചത്.
ശരാശരി 4000 കോടി രൂപ ഇതിനു വില വരും. മൃഗസംരക്ഷണ വകുപ്പിന്റെ സര്‍വേയിലാണ് ഈ കണ്ടെത്തല്‍. എല്ലാത്തരം ഇറച്ചിയുടെയും ഉപഭോഗം 30-40 ശതമാനം വര്‍ദ്ധിച്ചു. കഴിഞ്ഞവര്‍ഷം ചെലവായ നാലുലക്ഷം മെട്രിക് ടണ്‍ ഇറച്ചിയില്‍ ഒരു ലക്ഷം മെട്രിക് ടണ്‍ കോഴി ഇറച്ചിയാണ്.
ആയിരം കോടി രൂപയിലേറെ വിലവരും ഇതിന്.
തിരുവനന്തപുരം ജില്ലയില്‍ ഇറച്ചി പ്രിയരുടെ എണ്ണം സമീപകാലത്ത് വളരെ വര്‍ദ്ധിച്ചു. കഴിഞ്ഞവര്‍ഷം 50,000 മെട്രിക് ടണ്‍ ഇറച്ചിയാണ് തിരുവനന്തപുരം ജില്ലയില്‍ വിറ്റത്. ഇതില്‍ 15,000 മെട്രിക് ടണ്‍ കോഴി ഇറച്ചിയാണ്.
കോഴി ഇറച്ചിയുടെ ലഭ്യത മെച്ചപ്പെട്ടുവരികയാണെങ്കിലും നല്ലയിനം മാട്ടിറച്ചി (ബീഫ്) യുടെ ലഭ്യത കുറയുകയാണ് കേരളത്തില്‍. കോഴി ഇറച്ചിയുടെയും മാട്ടിറച്ചിയുടെയും 90 ശതമാനവും തമിഴ്നാട്ടില്‍ നിന്നാണ് എത്തുക. കോഴി ഇറച്ചിയുടെ സ്ഥാനത്ത് മാട്ടിറച്ചിയില്‍ ഇപ്പോള്‍ സമ്പന്ന വര്‍ഗ്ഗത്തിന് പ്രിയമേറുന്നു. നല്ലയിനം മാട്ടിറച്ചി കിട്ടാനില്ലാത്തതാണ് വില കൂടാന്‍ കാരണം. അതോടെ, കോഴി ഇറച്ചി കേരളത്തില്‍ സാധാരണക്കാരന്റെയും ഭക്ഷണ വിഭവങ്ങളില്‍ സ്ഥാനം പിടിച്ചു.
കോഴി ഇറച്ചിയുടെ വന്‍ ഡിമാന്‍ഡ് കണക്കിലെടുത്ത് ഉത്പാദനം പരമാവധി വര്‍ദ്ധിപ്പിക്കാനുള്ള ശ്രമത്തിലാണ് കേരള പൌള്‍ട്രി വികസന കോര്‍പ്പറേഷന്‍ (കെപ്കോ). തിരുവനന്തപുരം ജില്ലയില്‍ മാത്രം പ്രവര്‍ത്തനമുള്ള കെപ്കോ കഴിഞ്ഞവര്‍ഷം 500 ടണ്‍ കോഴിയിറച്ചി വിറ്റു. പ്രതിമാസം 20,000 ഇറച്ചി കോഴികളെ ഉത്പാദിപ്പിച്ചിരുന്ന കെപ്കോ അത് 35,000 മായി ഉയര്‍ത്തും. പുതിയ വില്പന കേന്ദ്രങ്ങളും തുറക്കും.

9. കേരളത്തില്‍ ലോട്ടറിക്ക് സേവന നികുതിയില്ല
തിരുവനന്തപുരം : കേരളത്തില്‍ ലോട്ടറിക്ക് സേവന നികുതി ചുമത്തുന്നില്ലെന്ന് സെന്‍ട്രല്‍ എക്സൈസ് ഇന്റലിജന്‍സ് വിഭാഗം അറിയിച്ചു.
മാര്‍ട്ടിന്‍ ലോട്ടറി ഏജന്‍സിയുടെ ആസ്ഥാനം ബാംഗ്ളൂരില്‍ ആയതിനാലാണ് അവിടെ സേവനനികുതിക്കുള്ള നോട്ടീസ് നല്‍കിയതെന്ന് അസി. ഡയറക്ടര്‍ കെ.വി. ജോസ് കേരളകൌമുദിയോട് പറഞ്ഞു. വ്യവസായ അനുബന്ധ സേവനമെന്ന പട്ടികയില്‍ ഉള്‍പ്പെടുത്തിയാണ് സേവനനികുതി ചുമത്തിയത്. എന്നാല്‍ സിക്കിം ഹൈക്കോടതി ലോട്ടറിയെ സര്‍വീസായി കണക്കാക്കാനാവില്ലെന്ന് വിധി പുറപ്പെടുവിച്ചിട്ടുണ്ട്. കേരളത്തില്‍ എന്തായാലും ഇങ്ങനെയൊരു നീക്കമില്ലെന്നും ജോസ് വ്യക്തമാക്കി.
കേരളത്തിലിപ്പോള്‍ ലോട്ടറിക്ക് ഒരു നികുതിയും ചുമത്തുന്നില്ല. ഓരോ നറുക്കെടുപ്പിനും ലോട്ടറി ഏജന്‍സി അഞ്ചുലക്ഷം രൂപ വീതം സര്‍ക്കാരിന് നല്‍കണം. ബംബര്‍ നറുക്കെടുപ്പാണെങ്കില്‍ 15 ലക്ഷവും.
നേരത്തെ വില്പനനികുതി പിരിച്ചിരുന്നു. ഈ ഇനത്തില്‍ 5000 കോടി രൂപയോളം ഗവണ്‍മെന്റിന് പിരിഞ്ഞുകിട്ടാനുണ്ട്. ഒരു ഉത്പന്നമായി ലോട്ടറിയെ കാണാനാവില്ലെന്ന കോടതിവിധിയാണ് വില്പന നികുതി പിരിവ് നിറുത്താനിടയാക്കിയത്. കേസ് ഇപ്പോഴും കോടതിയിലാണ്.

10. വിവാഹ രജിസ്ട്രേഷന്‍: വ്യവസ്ഥ സ്വീകാര്യമല്ലെന്ന് ജമാ അത്ത് കൌണ്‍സില്‍
കൊച്ചി: മുസ്ലിം വിവാഹങ്ങള്‍ തദ്ദേശസ്വയംഭരണ സ്ഥാപനങ്ങളില്‍ രജിസ്റ്റര്‍ ചെയ്യണമെന്ന സുപ്രീംകോടതി വിധി കേരളത്തില്‍ നടപ്പാക്കരുതെന്ന് മുസ്ലിം ജമാ അത്ത് കൌണ്‍സില്‍ ഭാരവാഹികള്‍ പത്രസമ്മേളനത്തില്‍ ആവശ്യപ്പെട്ടു.
ഓരോ സമുദായത്തിലെയും ആചാരാനുഷ്ഠാനങ്ങള്‍ അനുസരിച്ച് വിവാഹം നടത്തിയ ശേഷം സമുദായ സംഘടനകള്‍ മാസത്തിലൊരിക്കല്‍ വിവാഹരേഖകള്‍ തദ്ദേശസ്വയംഭരണ സ്ഥാപനങ്ങളില്‍ രജിസ്റ്റര്‍ ചെയ്താല്‍ മതിയെന്ന തരത്തില്‍ നിയമം നടപ്പിലാക്കണമെന്ന് കൌണ്‍സില്‍ ജനറല്‍ സെക്രട്ടറി അഡ്വ. എ. പൂക്കുഞ്ഞ് ആവശ്യപ്പെട്ടു.
ശരിഅത്ത് നിയമമനുസരിച്ചല്ലാതെയുള്ള വിവാഹങ്ങള്‍ സമുദായത്തിന്റെ ധാര്‍മ്മിക അധ:പതനത്തിനും മഹല്ലുകളുടെ കെട്ടുറപ്പില്ലാതാകാനും ഇടവരുത്തും. ഇത് സംബന്ധിച്ച് മുഖ്യമന്ത്രി വി.എസ്. അച്യുതാനന്ദനുമായി തൈക്കാട് ഗസ്റ്റ്ഹൌസില്‍ ഇന്ന് രാവിലെ ചര്‍ച്ച നടത്തുമെന്ന് ഭാരവാഹികള്‍ പറഞ്ഞു. രണ്ടാംവട്ടമാണ് സര്‍ക്കാര്‍ ചര്‍ച്ചയ്ക്ക് വിളിക്കുന്നത്..


ഒരു അഭിപ്രായം ഇടൂ

Filed under കേരളം, പത്രവാര്‍ത്തകള്‍, മാധ്യമം

പത്രവാര്‍ത്തകള്‍ 19-01-08

1. കേരളത്തിന്റെ വികസനരഹസ്യം ഗള്‍ഫ് പണംമാത്രം: വയലാര്‍ രവി
തിരുവനന്തപുരം : ചെറുപ്പക്കാര്‍ ഗള്‍ഫ് നാടുകളില്‍പ്പോയി കഷ്ടപ്പെട്ട് പണമയച്ചതാണ് അര നൂറ്റാണ്ടിലെ കേരളത്തിന്റെ വികസന രഹസ്യമെന്ന് കേന്ദ്രമന്ത്രി വയലാര്‍ രവി അഭിപ്രായപ്പെട്ടു.
കേരള യൂണിവേഴ്സിറ്റി പൊളിറ്റിക്സ് വിഭാഗം ഗോള്‍ഡന്‍ ജൂബിലി ആഘോഷങ്ങളുടെ സമാപനസമ്മേളനത്തില്‍ സംസാരിക്കുകയായിരുന്നു പ്രവാസികാര്യ മന്ത്രി.

അരനൂറ്റാണ്ടിനുള്ളില്‍ കേരളം എന്തെങ്കിലും പുരോഗതി കൈവരിച്ചിട്ടുണ്ടെങ്കില്‍ അത് ഗള്‍ഫ് പണംകൊണ്ട് മാത്രമാണ്. ഈ പുരോഗതിയില്‍ ഒരു സര്‍ക്കാരിനും ഒരു രാഷ്ട്രീയപാര്‍ട്ടിക്കും പങ്ക് അവകാശപ്പെടാന്‍ കഴിയില്ല. സംസ്ഥാനത്തിന്റെ സമ്പദ്വ്യവസ്ഥ മാത്രമല്ല ഗള്‍ഫ് മലയാളി തകരാതെ നോക്കുന്നത്, ഇന്ത്യയുടെ വിദേശനാണ്യ ശേഖരത്തിന്റെ നട്ടെല്ലും ഗള്‍ഫ് പണമാണ്. വിസയും പാസ്പോര്‍ട്ടുമില്ലാതെ പത്തേമാരി കയറി യുവാക്കള്‍ ഗള്‍ഫിലേക്ക് പോകാന്‍ തുടങ്ങിയതുമുതലാണ് കേരളത്തില്‍ പട്ടിണി മാറിത്തുടങ്ങിയത്. അവര്‍ക്ക് പാസ്പോര്‍ട്ട് നല്‍കാന്‍പോലുമുള്ള സാഹചര്യം അന്ന് ഒരു സര്‍ക്കാരും ഇവിടെ ഉണ്ടാക്കിയിരുന്നില്ല. ഉയര്‍ന്ന സ്ഥാനങ്ങളിലുള്ള ഒട്ടേറെ മലയാളികള്‍ അന്നും ന്യൂഡല്‍ഹിയിലുണ്ടായിരുന്നു. പാസ്പോര്‍ട്ട് എടുക്കണമെങ്കില്‍ ചെന്നൈയിലോ ന്യൂഡല്‍ഹിയിലോ പോകണമായിരുന്നു. ഈ സാഹചര്യത്തില്‍ കേരളം വികസിപ്പിച്ചത് 1957-ലെ കമ്മ്യൂണിസ്റ്റ് ഗവണ്‍മെന്റും തുടര്‍ന്നുള്ള സര്‍ക്കാരുകളുമായിരുന്നുവെന്ന് പറയുന്നതില്‍ എന്തര്‍ത്ഥം? അദ്ദേഹം ചോദിച്ചു.

1957-ല്‍ ബിര്‍ളയെയും 1967-ല്‍ ജാപ്പനീസ് കമ്പനിയായ ഹിറ്റാച്ചിയെയും വരുത്തി കേരള വ്യവസായവത്കരണത്തിന് തുടക്കമിട്ടിരുന്നു. എന്നാല്‍, പല കാരണങ്ങളാല്‍ തുടരാനായില്ല. പിന്നീട് 40 വര്‍ഷം നാം ഒന്നും ചെയ്തില്ല. ആ നാല്പത് കൊല്ലം കേരളം മുരടിക്കുകയായിരുന്നു. ഏതൊരു സംസ്ഥാനത്തിന്റെയും വളര്‍ച്ചയുടെ അളവുകോല്‍ ജനങ്ങളുടെ ക്ഷേമമാണ്. ക്ഷേമമുണ്ടായില്ല. എന്തിനെയും എതിര്‍ക്കുന്ന നയം മലയാളി ഇനിയെങ്കിലും മാറ്റണം. കഴിഞ്ഞകാല പരാജയങ്ങളുടെ അടിസ്ഥാനത്തില്‍ നാളെയെക്കുറിച്ചായിരിക്കണം ചിന്ത. പരമ്പരാഗത വ്യവസായങ്ങളെല്ലാം മുരടിച്ചിരിക്കുന്നു. ഇതിന്റെ കുറ്റക്കാര്‍ ആര്? വ്യവസായികള്‍ അനധികൃതമായി ഭൂമി കൈയേറിയിട്ടുണ്ടെങ്കില്‍ തിരിച്ചെടുക്കണം. എന്നാല്‍, അതിന്റെ പേരില്‍ അവരെ ആട്ടിപ്പായിക്കരുത്. അത് നമ്മുടെ മുന്നേറ്റം തകര്‍ക്കും.

കേരളത്തിന്റെ പൊതുവായ ഗുണം നോക്കിവേണം രാഷ്ട്രീയ നിലപാടുകള്‍ സ്വീകരിക്കേണ്ടത്. മനുഷ്യശേഷി മാത്രമാണ് കേരളത്തിന്റെ അസംസ്കൃതവസ്തു. ആധുനിക കാലത്തിന് അനുയോജ്യമായ വിദ്യാഭ്യാസത്തിലൂടെ കേരളത്തിന്റെ മനുഷ്യശേഷിയെ ഒരു ഉത്പന്നമാക്കേണ്ടതുണ്ടെന്നും കേന്ദ്രമന്ത്രി പറഞ്ഞു.
പൊളിറ്റിക്സ് വിഭാഗം മേധാവി ഡോ. ജി. ഗോപകുമാര്‍ രചിച്ച ‘ഗള്‍ഫ് മൈഗ്രന്റ്സ് ആന്‍ഡ് ദ ചലഞ്ചസ് ഒഫ് റീഹാബിലിറ്റേഷന്‍’ എന്ന പുസ്തകത്തിന്റെ പ്രകാശനം വയലാര്‍ രവി നിര്‍വ്വഹിച്ചു.
പ്രോ-വൈസ് ചാന്‍സലര്‍ ഡോ. വി. ജയപ്രകാശ്, എം.ജി യൂണിവേഴ്സിറ്റി മുന്‍ വി.സി ഡോ. സിറിയക് തോമസ്, ഡോ. രാജീവ് ഭാര്‍ഗ്ഗവ, ഡോ. കെ. രാമന്‍പിള്ള, ഡോ. എന്‍.കെ. ഭാസ്കരന്‍, ഡോ. പി.ജെ. അലക്സാണ്ടര്‍, ഡോ. എ.ആര്‍. രാജന്‍ തുടങ്ങിയവരും ചടങ്ങില്‍ പങ്കെടുത്തു.

2. ലോട്ടറി രാജാവ് മാര്‍ട്ടിന് സെന്‍ട്രല്‍ എക്സൈസ് 2112 കോടി നികുതി ചുമത്തി
തിരുവനന്തപുരം : ലോട്ടറി രാജാവ് സാന്റിയാഗോ മാര്‍ട്ടിന്‍ നേതൃത്വം നല്‍കുന്ന ‘മാര്‍ട്ടിന്‍ ലോട്ടറി ഏജന്‍സി’ക്ക് കര്‍ണാടകത്തില്‍ സേവന നികുതി ഇനത്തില്‍ 2112 കോടിരൂപ ചുമത്തി. പരോക്ഷ നികുതി ഇനത്തില്‍ രാജ്യത്ത് ചുമത്തുന്ന ഏറ്റവും വലിയ നികുതിയാണിത്. ബാംഗ്ളൂരിലെ സെന്‍ട്രല്‍ എക്സൈസ് ഇന്റലിജന്‍സ് വിഭാഗമാണ് ഇത് സംബന്ധിച്ച നോട്ടീസ് മാര്‍ട്ടിന് നല്‍കിയത്. സെന്‍ട്രല്‍ എക്സൈസ് ഇന്റലിജന്‍സിന്റെ ബാംഗ്ളൂരിലുള്ള ഡയറക്ടറേറ്റ് ജനറല്‍ ഓഫീസാണ് ഇത് അന്വേഷിക്കുന്നത്. നികുതിയടയ്ക്കുന്നതില്‍ വീഴ്ചവരുത്തിയതിന് മാര്‍ട്ടിന്‍ ഏജന്‍സിക്കുമേല്‍ പിഴ ചുമത്താനും നീക്കമുണ്ട്. വ്യവസായ അനുബന്ധ സേവനമെന്ന പട്ടികയില്‍ ഉള്‍പ്പെടുത്തിയാണ് ലോട്ടറിക്ക് സേവന നികുതി ചുമത്തിയത്. ഐക്യരാഷ്ട്രസഭയുടെ പ്രോഡക്ട് ക്ളാസിഫിക്കേഷന്‍ പട്ടികയില്‍ ലോട്ടറിയെ സര്‍വീസായിട്ടാണ് ഉള്‍പ്പെടുത്തിയിരിക്കുന്നത്.

നികുതി ചുമത്തിയതിനെത്തുടര്‍ന്ന് മാര്‍ട്ടിന്‍ ലോട്ടറി ഏജന്‍സി 57 ലക്ഷം രൂപ ആദ്യ ഗഡുവായി അടച്ചിട്ടുണ്ട്. സിക്കിം ഹൈക്കോടതിയില്‍നിന്ന് തുടര്‍ നടപടികള്‍ക്ക് സ്റ്റേ വാങ്ങിയിട്ടുമുണ്ട്. എന്നാല്‍ ഇതിനെതിരെ എക്സൈസ് ഇന്റലിജന്‍സ് വിഭാഗം കോടതിയെ സമീപിക്കും. മഹാരാഷ്ട്ര, സിക്കിം, നാഗാലാന്‍ഡ്, പഞ്ചാബ് സംസ്ഥാന ലോട്ടറികളുടെ വിതരണക്കാരായ മാര്‍ട്ടിന്‍ ഏജന്‍സി അടുത്ത അഞ്ചുവര്‍ഷത്തേക്കുള്ള ഭൂട്ടാന്‍ ലോട്ടറിയുടെ വിപണനാവകാശവും നേടിയിട്ടുണ്ട്.

തമിഴ്നാട്ടില്‍ നിരോധിക്കപ്പെട്ട ലോട്ടറികള്‍ വിതരണം ചെയ്തതിന് ചെന്നൈ പൊലീസ് മാര്‍ട്ടിന്റെ വില്പനശാലകള്‍ റ