തിരുവനന്തപുരം: കുടുംബശ്രീക്കാര്‍ സംഭരിച്ചു ജില്ലാ പഞ്ചായത്തിന്റെ ഗോഡൌണില്‍ സൂക്ഷിച്ചിരുന്ന 10 ടണ്‍ ഭക്ഷ്യോല്‍പന്നങ്ങള്‍ കേടായതിനെ തുടര്‍ന്ന് ആമയിഴഞ്ചാന്‍ തോട്ടില്‍ ഒഴുക്കി. വിവിധ കുടുംബശ്രീ യൂണിറ്റുകള്‍ സംഭരിച്ചു പായ്ക്കിങ്ങിനായി എത്തിച്ചവയും പായ്ക്ക് ചെയ്തവയുമാണ് ആനയറ വേള്‍ഡ് മാര്‍ക്കറ്റിലെ ഗോഡൌണില്‍നിന്നു സമീപത്തെ ആമയിഴഞ്ചാന്‍ തോട്ടില്‍ ഒഴുക്കിയത്.

പായ്ക്ക് ചെയ്തു സൂക്ഷിച്ചവയില്‍ അരിപ്പൊടി, ഗോതമ്പുപൊടി, മീന്‍ അച്ചാര്‍ എന്നിവ ഉള്‍പ്പെടും. ഇത് ഏഴു ടണ്ണോളം വരും. പായ്ക്ക് ചെയ്യാതെ വലിയ ബക്കറ്റുകളില്‍ സൂക്ഷിച്ച വിവിധ ഭക്ഷ്യോല്‍പന്നങ്ങളും തോട്ടില്‍ കളഞ്ഞു. ഇതു രണ്ടു ടണ്ണോളം വരുമെന്നാണു കണക്ക്. കുടുംബശ്രീ യൂണിറ്റുകളുടെ ഉല്‍പന്നങ്ങള്‍ വിപണിയില്‍ ഏകീകരിക്കുക എന്ന ലക്ഷ്യത്തോടെ പീപ്പിള്‍ എന്ന ബ്രാന്‍ഡ് പേരില്‍ പുറത്തിറക്കാന്‍ ഉദ്ദേശിച്ചിരുന്ന ഭക്ഷ്യ വസ്തുക്കളാണിവ.

ഒന്നേകാല്‍ കോടി രൂപ മുടക്കി ഒന്നര വര്‍ഷം മുന്‍പാണ് ആനയറ വേള്‍ഡ് മാര്‍ക്കറ്റില്‍ ജില്ലാ പഞ്ചായത്ത് പാക്കിങ് യൂണിറ്റ് ആരംഭിച്ചത്. ഇതു കഴിഞ്ഞ ജനുവരിയില്‍ പൂട്ടി. യഥാസമയം വിപണനം നടത്താന്‍ കഴിയുന്നില്ലെന്നും തൊഴില്‍ പ്രശ്നങ്ങളും ഉന്നയിച്ചായിരുന്നു ഇത്. തുടര്‍ന്നു പാക്കിങ് ഉപകരണങ്ങള്‍ മലയിന്‍കീഴിലെ ജില്ലാ പഞ്ചായത്തിന്റെ ഗോഡൌണിലേക്കു മാറ്റി.

അന്നു വില്‍പന നടത്താത്തതോ പായ്ക്ക് ചെയ്യാത്തതോ ആയ ഭക്ഷ്യോല്‍പന്നങ്ങളാണ് ഇന്നലെ വൈകിട്ടു നാലോടെ നശിപ്പിച്ചത്. വിവിധ യൂണിയനുകളിലെ തൊഴിലാളികള്‍ തലച്ചുമടായി രണ്ടു മണിക്കൂറോളം പണിപ്പെട്ടാണ് ഇവ നശിപ്പിച്ചത്. ആനയറയിലെ എട്ടോളം വരുന്ന ഗോഡൌണുകളിലായിരുന്നു ഇതുവരെ ഇവ സൂക്ഷിച്ചിരുന്നത്. ക്ഷുദ്രജീവി ശല്യം അസഹ്യമായിരുന്നു. വില കുറച്ചെങ്കിലും വില്‍പന നടത്താന്‍ ആവശ്യപ്പെട്ടിരുന്ന സാധനങ്ങളാണു ജില്ലാ പഞ്ചായത്ത്, കുടുംബശ്രീ അധികൃതര്‍ നശിപ്പിച്ചത്.

ജില്ലാ പഞ്ചായത്തിന്റെ കീഴില്‍ വരുന്ന വിവിധ കുടുംബശ്രീ യൂണിറ്റുകള്‍ സ്വയം ശാക്തീകരണത്തിന്റെ ഭാഗമായി വിവിധ ഉല്‍പന്നങ്ങള്‍ ഉല്‍പാദിപ്പിച്ചിരുന്നു. ഇവയ്ക്കു യൂണിറ്റിന്റെ പരിധിയില്‍ വിപണനം കണ്ടെത്താന്‍ കഴിയാതെ വന്നതോടെയാണ് ജില്ലാ പഞ്ചായത്തിന്റെ നേതൃത്വത്തില്‍ പാക്കിങ് യൂണിറ്റ് ആരംഭിച്ചത്. ഉല്‍പന്നങ്ങള്‍ക്കു പീപ്പിള്‍ എന്ന ബ്രാന്‍ഡ് നെയിമും നല്‍കി.

ഒരു വര്‍ഷം പോലും തികച്ചു പ്രവര്‍ത്തിക്കാതെ യൂണിറ്റ് പൂട്ടി. ആനയറ വേള്‍ഡ് മാര്‍ക്കറ്റിനോടുചേര്‍ന്ന ഭാഗമായതിനാല്‍ ഉപകരണങ്ങള്‍ കേടാകുന്നു എന്നു കാരണം പറഞ്ഞായിരുന്നു ഇത്. എന്നാല്‍ ഒന്നര വര്‍ഷം കൊണ്ട് എങ്ങനെ തുരുമ്പെടുക്കും എന്നതിന് അധികൃതര്‍ക്ക് ഉത്തരമില്ല. ജില്ലാ പഞ്ചായത്തിലെ തന്നെ ഉന്നതതലത്തിലെ ഇടപെടലാണ് ഇതിനു കാരണമെന്ന് ആരോപണമുണ്ട്.

ഇപ്പോള്‍ മാറ്റിയിരിക്കുന്ന ഗോഡൌണിലും മെഷീനുകള്‍ കേടാകുന്നു എന്ന കാരണം പറഞ്ഞു ലേലം നടത്തും. ജില്ലാ പഞ്ചായത്തിലെ ഉന്നതന്റെ ഏറ്റവും അടുത്ത ബന്ധു നടത്തുന്ന ചിപ്സ് പാക്കിങ് യൂണിറ്റിലേക്കു സര്‍ക്കാര്‍ ചെലവില്‍ മെഷീന്‍ മാറ്റുകയുമാവാം. ഇന്നലെ ഭക്ഷ്യോല്‍പന്നങ്ങള്‍ നശിപ്പിച്ചതിലൂടെ 10 ലക്ഷത്തിന്റെ നഷ്ടം കുടുംബശ്രീക്ക് ഉണ്ടായതായി കണക്കാക്കുന്നു.
ലിങ്ക് – മനോരമ

രാജ്യം സാമ്പത്തികശക്തിയാകുമ്പോഴും മൂല്യങ്ങള്‍ നഷ്ടമാകുന്നു- രത്തന്‍ ടാറ്റ

മൂന്നാര്‍: ഇന്ത്യ ഏറ്റവും വലുതും ശക്തവുമായ ജനാധിപത്യരാജ്യമായി തുടരുകയും ലോകത്തെ മികച്ച സാമ്പത്തികശക്തിയായി വളരുകയും ചെയ്യുമ്പോഴും പാരമ്പര്യമൂല്യങ്ങള്‍ നഷ്ടപ്പെടുന്നത്‌ ദുഃഖകരമാണെന്ന്‌ ടാറ്റ സണ്‍സ്‌ ചെയര്‍മാന്‍ രത്തന്‍ ടാറ്റ. ടാറ്റാ ടീയുടെ കീഴില്‍ മാട്ടുപ്പെട്ടിയിലുള്ള ഹൈറേഞ്ച്‌ പബ്ലിക്‌ സ്‌കൂളിന്റെ രജതജൂബിലിച്ചടങ്ങില്‍ പ്രൈമറി ബ്ലോക്കിന്റെ ശിലാസ്ഥാപനം നിര്‍വ്വഹിച്ചശേഷം സംസാരിക്കുകയായിരുന്നു അദ്ദേഹം.

രാജ്യത്തെ പുതിയ ഉയരങ്ങളിലേക്ക്‌ കൈപിടിച്ചു നടത്താനും മൂല്യങ്ങള്‍ തിരിച്ചുപിടിക്കാനും പുതിയ തലമുറയ്‌ക്ക്‌ കഴിയും. സാമൂഹിക അസമത്വമില്ലാത്ത ജീവിതരീതി രാജ്യത്ത്‌ കൊണ്ടുവരാന്‍ അവര്‍ക്ക്‌ കഴിയണം. ആ ലക്ഷ്യത്തിലേക്ക്‌ രാജ്യത്തിന്‌ മികച്ച മാതൃകയാണ്‌ ഹൈറേഞ്ച്‌ സ്‌കൂള്‍. കമ്പനി ജനറല്‍ മാനേജര്‍മാരുടെയും ഡോക്ടര്‍മാരുടെയും ഡ്രൈവര്‍മാരുടെയും സാധാരണ തൊഴിലാളികളുടെയും കുട്ടികള്‍ ഒരേ ക്ലാസ്സില്‍ തോളോടുതോള്‍ ചേര്‍ന്നിരുന്ന്‌ ഇവിടെ വിദ്യാഭ്യാസം നേടുന്നു. ഈ സ്ഥാപനത്തിന്റെ തുലനങ്ങളില്ലാത്ത രീതി സമൂഹത്തിലേക്കുപകര്‍ത്താന്‍ കഴിയണമെന്നും അദ്ദേഹം ആശംസിച്ചു.

ഹൈറേഞ്ച്‌ സ്‌കൂള്‍ പ്രിന്‍സിപ്പല്‍ സന്തോഷ്‌ കാനവല്ലി അധ്യക്ഷത വഹിച്ചു. ടാറ്റാ ടി വൈസ്‌ ചെയര്‍മാന്‍ ആര്‍.കെ.കൃഷ്‌ണകുമാര്‍, പത്‌നി രത്‌ന കൃഷ്‌ണകുമാര്‍, ഇന്ത്യന്‍ ഹോട്ടല്‍സ്‌ വൈസ്‌ ചെയര്‍മാന്‍ ടി.ദാമു, കെ.ഡി.എച്ച്‌. പി. കമ്പനി ചെയര്‍മാന്‍ ജോയ്‌ ജോസഫ്‌, എം.ഡി. ടി.വി.അലക്‌സാണ്ടര്‍, ടാറ്റാ കോഫി എം.ഡി. അതുല്‍ അഷ്‌റഫ്‌, മറ്റ്‌ മുതിര്‍ന്ന കമ്പനി ഉദ്യോഗസ്ഥര്‍ എന്നിവര്‍ സംബന്ധിച്ചു.

കാസര്‍കോട്:കാസര്‍കോട് – തിരുവനന്തപുരം അതിവേഗ റെയില്‍പ്പാതയ്ക്കുള്ള പ്രാഥമിക സര്‍വേ പൂര്‍ത്തിയായി. 800 കിലോമീറ്റര്‍ നീളം വരുന്ന പാതയ്ക്ക് 50,000 കോടി രൂപയാണ് നിര്‍മാണച്ചെലവ് കണക്കാക്കിയിരിക്കുന്നത്.

കാസര്‍കോട് നിന്ന് തിരുവനന്തപുരത്തേക്ക് നാലുമണിക്കൂര്‍ കൊണ്ട് എത്തിച്ചേരാവുന്ന പാതയില്‍ മൂന്നു സ്റ്റോപ്പുകള്‍ മാത്രമാണ് തുടക്കത്തില്‍ വിഭാവനം ചെയ്യുന്നത്. കാസര്‍കോട്ട് നിന്ന് പുറപ്പെട്ടാല്‍ കോഴിക്കോട്, കൊച്ചി, തിരുവനന്തപുരം എന്നിവിടങ്ങളിലായിരിക്കും സ്റ്റോപ്പ്.

അതിവേഗപാതയ്ക്കാവശ്യമായ പണം നല്കാന്‍ തയ്യാറായി ഏജന്‍സികള്‍ രംഗത്തെത്തിയിട്ടുണ്ട്. ഡെല്‍ഹി മെട്രോ റെയില്‍ കോര്‍പ്പറേഷന്‍ ചീഫ് എക്‌സിക്യൂട്ടീവ് ഓഫീസര്‍ ഇ.ശ്രീധരനെ പ്രോജക്ടിന്റെ ചുമതലയേല്പിക്കാനും ധാരണയായിട്ടുണ്ട്. 2020ല്‍ കമ്മീഷന്‍ ചെയ്യാവുന്ന രീതിയിലാണ് പ്രവര്‍ത്തനം നടക്കുന്നത്. പദ്ധതിക്കാവശ്യമായ പ്രാരംഭ നടപടികള്‍ നടത്തുന്നത് കേരള സ്റ്റേറ്റ് ഇന്‍ഡസ്ട്രിയല്‍ ഡവലപ്‌മെന്റ് കോര്‍പ്പറേഷനാണ്. അതു സംബന്ധിച്ചുള്ള മന്ത്രിസഭാ തീരുമാനത്തിന് കാത്തിരിക്കുകയാണവര്‍.

അതിവേഗ പാതയിലൂടെ എത്ര ബുള്ളറ്റ് ട്രെയിനുകള്‍ ഓടിക്കണം, എത്ര ചാനലുകള്‍ നിര്‍മിക്കണം എന്നതിനെക്കുറിച്ച് വിശദമായ പഠനം നടത്തേണ്ടതുണ്ട്. അതിനുവേണ്ടി 800 കിലോമീറ്റര്‍ പുതിയ സ്ഥലം ഏറ്റെടുക്കേണ്ടി വരും. പദ്ധതി ലാഭകരമാക്കുന്നത് സംബന്ധിച്ചുള്ള പ്രാരംഭ പഠനത്തിന് കഴിഞ്ഞ ബജറ്റില്‍ സംസ്ഥാന സര്‍ക്കാര്‍ 20 കോടി രൂപ അനുവദിച്ചിട്ടുണ്ട്.

ലിങ്ക് – മാതൃഭൂമി

ഒന്നാംഭാഗം പ്രസിദ്ധീകരിക്കുന്നതാണ് (ഞെക്കിയാല്‍ ഈ-പത്രത്തില്‍ വായിക്കാം)

മാതൃഭൂമി ആര്‍ക്കൈവ്‌സില്‍ നവംബര്‍ നാല് പ്രവര്‍ത്തിക്കാത്തതുകൊണ്ട് കോപ്പി പേസ്റ്റ് ചെയ്യാന്‍ കഴിഞ്ഞില്ല.

ആരാണ് ആവശ്യക്കാര്‍

ഇടുക്കി: കൊല്ലം-തേനി ദേശീയപാതയോരത്ത്‌ പോലീസ്‌ സ്‌റ്റേഷന്‍വക സ്‌ഥലം കൈയേറി സി.പി.എം. ഓഫീസിനു പൂന്തോട്ടം നിര്‍മിച്ചു. വണ്ടിപ്പെരിയാര്‍ ഏരിയാക്കമ്മിറ്റി ഓഫീസായ പി.ആര്‍. രാമമൂര്‍ത്തി സെന്ററിനോടു ചേര്‍ന്നുള്ള ഒരു സെന്റാണു വേലികെട്ടിത്തിരിച്ചു പൂന്തോട്ടം നിര്‍മിച്ചത്‌. ഇവിടെ സെന്റിനു ശരാശരി അഞ്ചുലക്ഷം രൂപ മതിപ്പുവിലയുണ്ട്‌.

അടുത്തിടെയാണ്‌ മുളകൊണ്ടു വേലികെട്ടിത്തിരിച്ചു പൂച്ചെടികള്‍ വച്ചുപിടിപ്പിച്ചത്‌. കൈയേറ്റഭൂമിയില്‍ പക്ഷിക്കൂടുകളും സ്‌ഥാപിച്ചിട്ടുണ്ട്‌.

ദേശീയപാതയോടു ചേര്‍ന്ന്‌ 2.17 മീറ്റര്‍ വീതിയാണു മുന്‍വശത്തുള്ളത്‌. പിന്നില്‍ പഞ്ചായത്തിന്റെ മിനിസ്‌റ്റേഡിയമാണ്‌.

ടി.ടി. കമ്പനിയില്‍നിന്ന്‌ 1970-ല്‍ പണ്ടാരപ്പാട്ടമായി (സര്‍വേ നമ്പര്‍ 139/1) ലഭിച്ച സ്‌ഥലമാണിത്‌. പോലീസ്‌ സ്‌റ്റേഷനിലേക്കും ക്വാര്‍ട്ടേഴ്‌സുകളിലേക്കും കുടിവെള്ളമെടുത്തിരുന്നത്‌ ഇവിടെനിന്നാണ്‌. 1996-ല്‍ മൂന്നുസെന്റില്‍ സി.പി.എം. ഓഫിസ്‌ വന്നതോടെയാണു പോലീസ്‌ സ്‌റ്റേഷന്‍വക സ്‌ഥലത്തു നേതാക്കളുടെ കണ്ണു പതിഞ്ഞത്‌. തുടര്‍ന്ന്‌ കിണറിനടുത്തു കക്കൂസ്‌ ടാങ്ക്‌ സ്‌ഥാപിച്ചതോടെ പോലീസുകാരുടെ കുടിവെള്ളം മുട്ടി. പിന്നീട്‌ വാട്ടര്‍ അഥോറിട്ടിയെ ആശ്രയിക്കുകയായിരുന്നു. 10 വര്‍ഷം മുമ്പ്‌ കല്ലിട്ടു തിരിച്ചു കൈയേറ്റശ്രമമുണ്ടായി. ചില പോലീസുകാര്‍ ഇതിനെതിരേ എസ്‌.പി. ഉള്‍പ്പെടെയുള്ളവര്‍ക്കു പരാതി നല്‍കിയതോടെ പാര്‍ട്ടിനേതാക്കള്‍ പിന്‍വലിഞ്ഞു. കല്ലുകള്‍ പൊളിച്ചുനീക്കി. പ്രതികാരമായി പോലീസുകാരെ കൂട്ടത്തോടെ സ്‌ഥലംമാറ്റി. ആ അനുഭവം മനസിലുള്ളതിനാലാണത്രേ പോലീസ്‌ ഇപ്പോഴത്തെ കൈയേറ്റത്തിനെതിരേ പ്രതികരിക്കാത്തത്‌.

ലിങ്ക് – മംഗളം

ന്യൂഡല്‍ഹി: ഏറെക്കാലം നീണ്ട വാദപ്രതിവാദങ്ങള്‍ക്കൊടുവില്‍ സുപ്രീംകോടതി ചീഫ് ജസ്റ്റിസും 20 ജഡ്ജ ിമാരും തങ്ങളുടെ സ്വത്തുവിവരം കോടതിയുടെ ഔദ്യോഗിക വെബ്‌സൈറ്റില്‍ പ്രസിദ്ധീകരിച്ചു.

തനിക്കും ഭാര്യയ്ക്കുംകൂടി 25 ലക്ഷം രൂപയുടെ സമ്പത്തുണ്ടെന്നാണ് ചീഫ് ജസ്റ്റിസ് കെ.ജി. ബാലകൃഷ്ണന്‍ വെളിപ്പെടുത്തിയത്. ഒമ്പതുവര്‍ഷം പഴക്കമുള്ള സാന്‍ട്രോ കാര്‍, കേരളത്തിലും ഹരിയാണയിലെ ഫരീദാബാദിലുമായി രണ്ടു ഫ്‌ളാറ്റുകള്‍, രണ്ടിടത്ത് ഭൂമി, 20 പവന്‍ സ്വര്‍ണാഭരണം എന്നിവ ഇവയിലുള്‍പ്പെടുന്നു.

ചീഫ് ജസ്റ്റിസിന് എറണാകുളം മാമംഗലത്ത് 5.75 ലക്ഷം വിലമതിക്കുന്ന ഫ്‌ളാറ്റും കണയന്നൂര്‍ താലൂക്കില്‍ 4.33 ലക്ഷം വിലമതിക്കുന്ന 15.84 സെന്റ് ഭൂമിയുമുണ്ട്. ഫരീദാബാദിലെ ഫ്‌ളാറ്റിന് 4.5 ലക്ഷം രൂപയും കോട്ടയം കടുത്തുരുത്തിയിലെ കുടുംബസ്വത്തിന് 3.5 ലക്ഷവും മതിക്കും.

അടുത്ത മെയില്‍ ചീഫ് ജസ്റ്റിസ് ബാലകൃഷ്ണന്‍ വിരമിക്കുന്ന ഒഴിവില്‍ സ്ഥാനമേല്ക്കുന്ന ജസ്റ്റിസ് എസ്.എച്ച്. കപാഡിയ 70 ലക്ഷം രൂപയുടെ ആസ്തിയാണ് വെളിപ്പെടുത്തിയത്.

കഴിഞ്ഞമാസം വിരമിച്ച ജസ്റ്റിസ് ബി.എന്‍. അഗര്‍വാളും സ്വമേധയാ, തന്റെ സ്വത്തുവിവരം വെളിപ്പെടുത്തിയിട്ടുണ്ട്. എന്നാല്‍, ജസ്റ്റിസ് എച്ച്.എസ്. ബേഡിയുടെ സമ്പാദ്യവുമായി ബന്ധപ്പെട്ട വിവരങ്ങള്‍ വെബ്‌സൈറ്റിലില്ല.

ജഡ്ജ ിമാരുടെ സ്വത്തുവിവരം വെളിപ്പെടുത്തുന്നതും സുപ്രീംകോടതി ചീഫ് ജസ്റ്റിസ് വിവരാവകാശനിയമത്തിന്റെ പരിധിയില്‍ വരുമോ എന്നതും സംബന്ധിച്ച് കഴിഞ്ഞ കുറച്ചുമാസങ്ങളായി തര്‍ക്കം നടന്നിരുന്നു. ഇതിനിടയിലാണ് ജഡ്ജ ിമാര്‍ കോടതി വെബ്‌സൈറ്റിലൂടെ സ്വത്തുവിവരങ്ങള്‍ പരസ്യമാക്കിയത്.

സുപ്രീംകോടതി ജഡ്ജ ിമാര്‍ സ്വത്തുവിവരം വെളിപ്പെടുത്തണമെന്ന് ജഡ്ജ ിമാരുടെ യോഗം 1997 മെയ് ഏഴിന് ഏകകണുമായി പ്രമേയം പാസാക്കിയിരുന്നു. അതനുസരിച്ച് ജഡ്ജ ിമാര്‍ ചീഫ് ജസ്റ്റിസിന് വിവരങ്ങള്‍ നല്കാറുണ്ടെങ്കിലും അതു പരസ്യമാക്കേണ്ടതില്ല. ഈ പ്രമേയത്തിന്റെ ചുവടുപിടിച്ച്, ചീഫ് ജസ്റ്റിസ് കെ.ജി. ബാലകൃഷ്ണന്‍ ജഡ്ജ ിമാരുടെ സ്വത്തുവിവരം പരസ്യമാക്കുന്നതിനോട് യോജിച്ചിരുന്നില്ല. ചീഫ് ജസ്റ്റിസ് വിവരാവകാശനിയമത്തിന്റെ പരിധിയില്‍ വരില്ലെന്നും സ്വത്തുവിവരങ്ങള്‍ വെളിപ്പെടുത്തേണ്ടെന്നുമുള്ള നിലപാടാണ് അദ്ദേഹം പരസ്യമായി സ്വീകരിച്ചത്. എന്നാല്‍, വിഷയം ഡല്‍ഹി ഹൈക്കോടതിയുടെ പരിഗണനയിലിരിക്കെ, ചില ഹൈക്കോടതി ജഡ്ജ ിമാര്‍ സ്വത്തുവിവരം പരസ്യമാക്കുകയും സുപ്രീംകോടതി ജഡ്ജ ിമാര്‍ക്കുമേല്‍ സമ്മര്‍ദം ചെലുത്തുകയും ചെയ്തു.

സുപ്രീംകോടതി ചീഫ് ജസ്റ്റിസ് വിവരാവകാശനിയമത്തിന്റെ പരിധിയില്‍ വരുമെന്ന് ഡല്‍ഹി ഹൈക്കോടതി സിംഗിള്‍ ബെഞ്ച് സപ്തംബര്‍ രണ്ടിനു വിധിച്ചിരുന്നു. അതിന് രണ്ടുദിവസം മുമ്പുതന്നെ ചീഫ് ജസ്റ്റിസ് നിലപാട് മാറ്റി. മാറിയ പരിതഃസ്ഥിതിയില്‍ സ്വത്തുവിവരം പരസ്യപ്പെടുത്താന്‍ ജഡ്ജ ിമാര്‍ തീരുമാനിച്ചിട്ടുണ്ടെന്ന് അദ്ദേഹം ആഗസ്ത് 28ന് വ്യക്തമാക്കി. അതിന്റെ തുടര്‍ച്ചയായാണ് ഇപ്പോഴത്തെ നടപടി.

അതേസമയം, ഹൈക്കോടതി സിംഗിള്‍ ബെഞ്ചിന്റെ ഉത്തരവിനെതിരെ സുപ്രീംകോടതി രജിസ്ട്രി ഡല്‍ഹി ഹൈക്കോടതിയില്‍ ഡിവിഷന്‍ ബെഞ്ചിനുമുമ്പാകെ അപ്പീല്‍ സമര്‍പ്പിച്ചിട്ടുണ്ട്. അത് നവംബര്‍ 12ന് കോടതി പരിഗണിക്കും.

ലിങ്ക് – മാതൃഭൂമി

കംപ്യൂട്ടറിന്റെ സ്വാധീനം വര്‍ദ്ധിച്ചുവരുന്നതിന്റെ ഭാഗമായി കാണാന്‍ തുടങ്ങിയ അവസ്ഥയാണ് കംപ്യൂട്ടര്‍ വിഷന്‍ സിന്‍ഡ്രോം. ഒരുദിവസത്തില്‍ നാല് മണിക്കൂറില്‍ കൂടുതല്‍ തുടര്‍ച്ചയായി കംപ്യൂട്ടര്‍ ഉപയോഗിക്കുന്നവരുടെ ഇടയില്‍ 80 മുതല്‍ 90 ശതമാനം ആളുകളിലും ഇതിന്റെ ലക്ഷണങ്ങള്‍ കണ്ടുവരുന്നതായി കണക്കുകള്‍ സൂചിപ്പിക്കുന്നു.

കംപ്യൂട്ടര്‍വിഷന്‍സിന്‍ഡ്രോം: ലക്ഷണങ്ങള്‍
കണ്ണിന് കഴപ്പും വേദനയും കരട് തടയുന്നതുപോലെയുള്ള വിഷമത, കണ്ണില്‍ വെള്ളം വരിക, കണ്‍ചുവപ്പ്, വെളിച്ചത്തേക്ക് നോക്കാന്‍ പ്രയാസം, കാഴ്ചമങ്ങല്‍, ഇരട്ടിച്ചുകാണുക, കണ്ണുകള്‍ വരണ്ടതുപോലെ തോന്നുക, പല ദൂരത്തിലുള്ള വസ്തുക്കളെ മാറിമാറി ഫോക്കസ് ചെയ്യാനുള്ള കഴിവ് കുറയുക എന്നിവയാണ് സാധാരണ ലക്ഷണങ്ങള്‍. കഴുത്തുവേദന, നടുവേദന, ചുമല്‍വേദന എന്നിവയും ചിലരില്‍ കണ്ടുവരുന്നു.

ദീര്‍ഘനേരം തുടര്‍ച്ചയായി കംപ്യൂട്ടറില്‍ പ്രവര്‍ത്തിക്കുമ്പോള്‍ നമ്മുടെ സ്വാഭാവികമായുള്ള കണ്ണടയ്ക്കലിന്റെ തോത് കുറയുന്നു. ഈ ഇമവെട്ടലിലൂടെയാണ് നേത്രങ്ങളുടെ നനവ്, കണ്ണുനീരുവഴി വേണ്ട വിധത്തില്‍ ക്രമീകരിക്കപ്പെടുന്നത്. ഈ തോത് കുറയുന്തോറും കണ്ണുകള്‍ക്ക് വരള്‍ച്ച അനുഭവപ്പെടുന്നു. സാധാരണ കംപ്യൂട്ടര്‍ മോണിട്ടറുകള്‍ നമ്മുടെ കണ്ണുകളുടെ നിലയ്ക്ക് അല്പം മുകളിലാണ്. നേത്രങ്ങളുടെ മുകളിലത്തെ പോള കൂടുതല്‍ തുറന്നിരിക്കുന്നതിനും ജലാംശം കൂടുതല്‍ കുറയുന്നതിനും ഇത് വഴിയുണ്ടാക്കുന്നു.
കംപ്യൂട്ടര്‍ മോണിട്ടറിലെ അക്ഷരങ്ങള്‍ അധികവും വലിപ്പം കുറഞ്ഞവയാണ്. സമീപത്തുനിന്നുള്ള സൂര്യപ്രകാശം, മറ്റു പ്രകാശ സ്രോതസ്സുകളില്‍ നിന്നുള്ള വെളിച്ചം ഇവയും ശരിയായ രീതിയില്‍ ക്രമീകരിച്ചില്ലെങ്കില്‍ കണ്ണിന് പ്രയാസമേറുന്നു. വെള്ളെഴുത്ത് ബാധിച്ചവര്‍ക്ക് പ്രയാസങ്ങള്‍ കൂടുതലാവുമെന്നത് തീര്‍ച്ച. അവരുപയോഗിക്കുന്ന ബൈ ഫോക്കല്‍ കണ്ണട സാധാരണയായി 16 ഇഞ്ച് അകലെയുള്ള അക്ഷരങ്ങള്‍ വായിക്കാനുള്ളതാണ്. ഇതിലൂടെ രണ്ട് അടി ദൂരത്തുള്ള കംപ്യൂട്ടര്‍ സ്ക്രീനിലേക്ക് ഫോക്കസ് ചെയ്യാന്‍ ശ്രമിക്കുന്നതോടെ പ്രശ്നങ്ങള്‍ ഇരട്ടിക്കുന്നു.

ഈയടുത്ത കാലത്തായി ഈ പ്രശ്നങ്ങള്‍ കുട്ടികളിലും കൂടുതലായി കണ്ടുവരുന്നു. വീടുകളിലേയും മറ്റും കംപ്യൂട്ടര്‍ ക്രമീകരിച്ചിരുക്കുന്നത് മുതിര്‍ന്ന വ്യക്തിക്ക് വേണ്ട വിധത്തിലാണ്. കുട്ടികള്‍ അതേ ക്രമീകരണത്തില്‍ പ്രവര്‍ത്തിക്കുമ്പോള്‍ കൂടുതല്‍ സമയം കണ്ണുകള്‍ വിടര്‍ത്തി, ഇമവെട്ടാതെയിരിക്കാനും സാധ്യതയുണ്ട്.

പരിഹാരമാര്‍ഗ്ഗങ്ങള്‍
മോണിട്ടര്‍ നിങ്ങളുടെ കണ്ണുകളില്‍ നിന്നും 16 മുതല്‍ 30 ഇഞ്ചുവരെ അകലെയാവാം. ( ഓരോ വ്യക്തിയുടെയും സൌകര്യത്തിനായി ഇത് ക്രമീകരിക്കാവുന്നതാണ്.) മോണിട്ടര്‍, നിങ്ങളുടെ കണ്ണുകളുടെ നേരെനിന്നും എട്ട് ഇഞ്ച് താഴ്ന്ന നിലയിലായിരിക്കണം. അല്പം ചെരിവ് മുകളിലേക്കാവാം. സ്രോതസ്സില്‍ നിന്നുള്ള പ്രകാശം, നിങ്ങളുടെ കണ്ണിലേക്ക് നേരിട്ടുള്ളതോ മോണിട്ടറില്‍ പ്രതിഫലിക്കുന്നതോ ആവാന്‍ പാടില്ല. മറിച്ച് കംപ്യൂട്ടറിന് 90 ഡിഗ്രി അലൈന്‍മെന്റിലാവണം.കഴിയുന്നതും വളരെ ചെറിയ അക്ഷരങ്ങള്‍ ഉപയോഗിക്കാതിരിക്കുക. കംപ്യൂട്ടറിന്റെ കോണ്‍ട്രാസ്റ്റ് നിങ്ങളുടെ കണ്ണിന് സൌകര്യമായി നിലനിറുത്തുക. ഓരോ മിനിറ്റിലും കുറഞ്ഞത് 14 പ്രാവശ്യമെങ്കിലും ഇമവെട്ടുക കണ്ണുകള്‍ക്ക് വിശ്രമം നല്‍കണം. ജോലിക്കിടയില്‍ ഒരല്പനേരം കണ്ണടച്ചിരിക്കാം. ഓരോ 30 മിനിറ്റിലും മോണിട്ടറില്‍നിന്നും കണ്ണെടുത്ത് കുറച്ചുനേരം ദൂരെയുള്ള ഒരു വസ്തുവിലേക്ക് നോക്കിയിരിക്കുക.

കണ്ണടകളിലെ ക്രമീകരണങ്ങള്‍ കണ്ണടയിലെ പവറിലുണ്ടാകുന്ന വ്യതിയാനങ്ങള്‍ കൃത്യമായി പരിഹരിക്കുക, അനുയോജ്യമായ കണ്ണടവയ്ക്കുക, ബൈഫോക്കലുകള്‍ക്കുപകരം മള്‍ട്ടി ഫോക്കല്‍, പ്രോഗ്രസ്സീവ് കണ്ണടകള്‍ ഇന്ന് ലഭ്യമാണ്. സ്ഥിരമായി കംപ്യൂട്ടര്‍ ഉപയോഗിക്കുന്നവര്‍ക്ക് ഗ്ളാസുകള്‍ക്ക് ആന്റി റിഫ്ളക്സ് കോട്ടിംഗ് നല്‍കി, ഗ്ളെയര്‍ ഒഴിവാക്കാം. കോണ്‍ടാക്റ്റ് ലെന്‍സ് ഉപയോഗിക്കുന്നവര്‍ പകല്‍സമയം, ഇടയ്ക്കിടെ നനവ് നിലനിറുത്താന്‍ ലെന്‍സ് റീവെറ്റിംഗ് ഡ്രോപ്സ് ഉപയോഗിക്കുക.

ലിങ്ക് – കേരളകൌമുദി

<!–

–> // <![CDATA[// 1 )srcId= document.getElementById(‘otherImgdiv’+(parseInt(preVal)-1)).src ;
else srcId= document.getElementById(‘mainImg’).src ;
getImgSize(srcId);
}catch(e){}
}
function calNext(nextVal){
//alert(“JimgTrackNext= “+nextVal);
Effect.Fade(’splimgdiv’+nextVal,{ duration:0.0});
Effect.Appear(’splimgdiv’+(parseInt(nextVal)+1));
try{
var srcId = document.getElementById(‘otherImgdiv’+(parseInt(nextVal)+1)).src ;
getImgSize(srcId);
}catch(e){}
}
function getPosition(obj){
var topValue= 0,leftValue= 0;
while(obj){
leftValue+= obj.offsetLeft;
topValue+= obj.offsetTop;
obj= obj.offsetParent;
}
var divObj = null ;
for(var g = 0 ; g

ന്യൂഡല്‍ഹി: സര്‍ക്കാറിന്റെ ധനസഹായത്തോടെ പ്രവര്‍ത്തിക്കുന്ന ന്യൂനപക്ഷ വിദ്യാഭ്യാസ സ്ഥാപനങ്ങളിലെ അധ്യാപക-അനധ്യാപക നിയമനങ്ങള്‍ ക്രമാനുസാരമാണെന്ന് ഉറപ്പുവരുത്താന്‍ സര്‍ക്കാറിന് അവകാശമുണ്ടെന്ന് സുപ്രീംകോടതി വിധിച്ചു. അത്തരം നിയന്ത്രണങ്ങള്‍ ഭരണഘടനാ വിരുദ്ധമാണെന്നോ സ്ഥാപനത്തിന്റെ ന്യൂനപക്ഷ സ്വഭാവത്തെ ഹനിക്കുമെന്നോ പറയാനാവില്ലെന്ന് ജസ്റ്റിസുമാരായ വി.എസ്.സിര്‍പുര്‍കറും ദീപക്‌വര്‍മയും വ്യക്തമാക്കി.

ന്യൂനപക്ഷ സ്ഥാപനങ്ങള്‍ക്ക് സര്‍ക്കാറിന്റെ ഇടപെടല്‍ കൂടാതെ നിയമനങ്ങള്‍ നടത്തുന്നതില്‍ ഒരു തെറ്റുമില്ല. എന്നാല്‍ വിദ്യാര്‍ഥി അനുപാതവും മറ്റും കണക്കിലെടുത്ത് യഥാര്‍ഥത്തില്‍ ഒഴിവുണ്ടോ, നിയമിക്കപ്പെടുന്നവര്‍ നിര്‍ദിഷ്ട യോഗ്യതയുള്ളവരാണോ തുടങ്ങിയ കാര്യങ്ങള്‍ ഉറപ്പുവരുത്താന്‍ സര്‍ക്കാറിന് അവകാശമുണ്ട്. അതുകൊണ്ട് നിയമന നടപടികള്‍ക്ക് സര്‍ക്കാറിന്റെ മുന്‍കൂര്‍ അനുമതി തേടുകതന്നെ വേണം. ഇത് നിയമന നടപടിയിലെ സര്‍ക്കാര്‍ ഇടപെടലാണെന്ന് വ്യാഖ്യാനിക്കാനാവില്ല-ബെഞ്ച് വിധിച്ചു. ഇതൊക്കെ അധ്യാപക, അനധ്യാപക വിഭാഗങ്ങള്‍ക്കും ബാധകമാണെന്നും ബെഞ്ച് ചൂണ്ടിക്കാട്ടി.

സര്‍ക്കാറിന്റെ ധനസഹായം പറ്റുന്ന ന്യൂനപക്ഷ വിദ്യാഭ്യാസ സ്ഥാപനങ്ഗള്‍ നിയമന നടപടികള്‍ മുന്‍കൂട്ടി അറിയിക്കണമെന്ന് നിര്‍ദേശിക്കുന്ന ഗുജറാത്ത് സര്‍ക്കാറിന്റെ സര്‍ക്കുലര്‍ ഭരണഘടനാ വിരുദ്ധമാണെന്ന് ആരോപിച്ചുള്ള അപ്പീല്‍ ഹര്‍ജി തള്ളിക്കൊണ്ടാണ് വിധി. സര്‍ക്കുലര്‍ ഭരണഘടനാ വിരുദ്ധമല്ലെന്ന ഗുജറാത്ത് ഹൈക്കോടതിയുടെ വിധി സുപ്രീംകോടതി ശരിവെച്ചു. 2002-ല്‍ കൊലവാന ഗ്രാമവികാസ് കേന്ദ്ര എന്ന സ്ഥാപനം നടത്തിയ നിയമനങ്ങള്‍ തടഞ്ഞ ഗുജറാത്ത് സര്‍ക്കാര്‍ നടപടിയാണ് ചോദ്യം ചെയ്യപ്പെട്ടത്.

സര്‍ക്കാറിന്റെ ഇടപെടല്‍ കൂടാതെ വിദ്യാഭ്യാസ സ്ഥാപനങ്ങള്‍ തുടങ്ങാനും നടത്തിക്കൊണ്ടുപോവാനും രാജ്യത്തെ ന്യൂനപക്ഷ സമുദായങ്ങള്‍ക്ക് ഭരണഘടനയുടെ 30-ാം അനുച്ഛേദം പ്രത്യേക അവകാശം നല്‍കുന്നുണ്ട്. ഇതിന്റെ ലംഘനമാണ് ഗുജറാത്ത് സര്‍ക്കാറിന്റെ നിര്‍ദേശം എന്നായിരുന്നു ഹര്‍ജിയിലെ വാദം.

ലിങ്ക് – മാതൃഭൂമി

തിരുവനന്തപുരം: ബിവറെജസ്‌ കോര്‍പ്പറേഷന്‍ വിറ്റഴിക്കുന്ന മദ്യക്കുപ്പികളില്‍ ‘ഹോളോഗ്രാം’ മുദ്ര പതിയ്‌ക്കുന്നതില്‍ സംസ്ഥാന സര്‍ക്കാരിനുകീഴിലുള്ള സെന്റര്‍ ഫോര്‍ ഡെവലപ്‌മെന്റ്‌ ഓഫ്‌ ഇമേജിങ്‌ ടെക്‌നോളജി (സി-ഡിറ്റ്‌ ) പുലര്‍ത്തുന്ന അലംഭാവം വ്യാജമദ്യ ഭീഷണിയുയര്‍ത്തുന്നു. വേണ്ടത്ര മേല്‍നോട്ടമോ സുരക്ഷാക്രമീകരണങ്ങളോ ഇല്ലാതെ കൊച്ചിയിലെ സ്വകാര്യ കമ്പനിയ്‌ക്ക്‌ പൂര്‍ണസ്വാതന്ത്ര്യം നല്‍കിയുള്ള മുദ്രപതിപ്പിയ്‌ക്കലാണ്‌ സി-ഡിറ്റില്‍ നടക്കുന്നതെന്ന്‌ അറിയുന്നു.

വ്യാജമദ്യം തടയാനാണ്‌ ഒറിജിനല്‍ കുപ്പികളിന്‍മേല്‍ ഹോളോഗ്രാം മുദ്ര പതിപ്പിയ്‌ക്കുന്നത്‌. 2001 സപ്‌തംബറിലാണ്‌ ബിവറെജസ്‌ കോര്‍പ്പറേഷനും സി-ഡിറ്റും തമ്മില്‍ ഇതിനായുള്ള കരാര്‍ ഒപ്പിട്ടത്‌. കൂടുതല്‍ ജീവനക്കാരെ നിയമിക്കുന്ന പ്രശ്‌നമുള്ളതിനാല്‍ കൊച്ചിയിലെ സ്ഥാപനവുമായി ബിസിനസ്‌ പങ്കാളിത്തമുണ്ടാക്കിയാണ്‌ ഹോളോഗ്രാം നിര്‍മാണം നടത്തിവന്നത്‌. ബിവറെജസ്‌ കോര്‍പ്പറേഷന്‍ നല്‍കിയ അരക്കോടിയോളം രൂപ ഉപയോഗിച്ച്‌ സി-ഡിറ്റ്‌ വാങ്ങിയ പ്രത്യേക പ്രസ്സിലാണ്‌ സി-ഡിറ്റിന്റെതന്നെ കാമ്പസില്‍ വച്ച്‌ അവര്‍ ഹോളോഗ്രാം മുദ്ര അച്ചടിയ്‌ക്കുന്നത്‌. ലേബല്‍ നിര്‍മാണം നടത്തി ആറുമാസങ്ങള്‍ക്കുശേഷമേ കുപ്പിയില്‍ അത്‌ ഒട്ടിച്ച്‌ ബിവറെജസ്‌ കോര്‍പ്പറേഷന്‍ ഔട്ട്‌ലെറ്റുകളിലൂടെ വിതരണത്തിനെത്തുകയുള്ളൂ. അതുകൊണ്ടുതന്നെ ഹോളോഗ്രാം ലേബലിന്റെ ‘മാസ്‌റ്റര്‍’ ആറുമാസം വരെ സ്വകാര്യകമ്പനിയുടെ കൈയിലുണ്ടായിരിക്കും. മാത്രമല്ല, കമ്പനിയുടെ ഓഫീസിലാണ്‌ ഹോളോഗ്രാമിന്റെ മാസ്‌റ്റര്‍ തയ്യാറാക്കുന്നത്‌. ഇക്കാര്യങ്ങള്‍ ബിവറെജസ്‌ കോര്‍പ്പറേഷനുമായുള്ള കരാറിന്റെ ലംഘനമാണെന്ന്‌ ചൂണ്ടിക്കാണിക്കപ്പെടുന്നു. തമിഴ്‌നാട്ടിലെയും ഛത്തീസ്‌ഗഢിലെയും മദ്യവിതരണ ഏജന്‍സികള്‍ക്കുവേണ്ടി ഈ കമ്പനി ഹോളോഗ്രാം മുദ്രയുണ്ടാക്കാന്‍ ശ്രമിച്ചിരുന്നു. ഇത്‌ കരാറിന്‌ വിരുദ്ധമാണെന്നും സുരക്ഷാ ഭീഷണിയുണ്ടെന്നും ചൂണ്ടിക്കാണിച്ച്‌ 2007 ഫിബ്രവരിയില്‍ സി-ഡിറ്റിന്റെ പ്രിന്‍സിപ്പല്‍ ഇന്‍വെസ്റ്റിഗേറ്റീവ്‌ ഓഫീസര്‍ ഡോ.ടി.പി. അജിത്‌കുമാര്‍ മാനേജ്‌മെന്റിന്‌ കത്തെഴുതിയിരുന്നു. ഇതേത്തുടര്‍ന്നുണ്ടായ പ്രശ്‌നങ്ങളില്‍ അജിത്‌കുമാറും മാനേജ്‌മെന്റുമായി തെറ്റുകയുംഹോളോഗ്രാം സാങ്കേതിക വിദ്യയില്‍ പിഎച്ച്‌.ഡിയുണ്ടായിരുന്ന അദ്ദേഹം, ഏറെക്കാലം ലീവില്‍ പ്രവേശിക്കുകയും പിന്നീട്‌ സി-ഡിറ്റില്‍ നിന്ന്‌ രാജിവയ്‌ക്കുകയും ചെയ്‌തിരുന്നു.

സി-ഡിറ്റില്‍ കരാര്‍ ജീവനക്കാരനായ എന്‍ജിനീയര്‍ക്കുമാത്രമാണ്‌ ഇപ്പോള്‍ ഇതിന്റെ മേല്‍നോട്ടം. കമ്പനിയില്‍ അപ്രന്റീസായി എത്തുന്നവര്‍ക്കുപോലും ലാബില്‍ പ്രവേശനമുണ്ടെങ്കിലും സി-ഡിറ്റിന്റെ മുതിര്‍ന്ന സാങ്കേതിക വിദഗ്‌ദ്ധ ര്‍ക്കുപോലും ഇവിടെ വിലക്കാണ്‌. ഒരുമാസം ആറുകോടി ഹോളോഗ്രാം ലേബലുകളാണ്‌ നിര്‍മിക്കുന്നത്‌. 13.86 പൈസയാണ്‌ ബിവറെജസ്‌ കോര്‍പ്പറേഷന്‍ സി-ഡിറ്റിന്‌ നല്‍കുന്നത്‌. ഇതില്‍ 8.75 പൈസ സ്വകാര്യ കമ്പനിയ്‌ക്കാണ്‌. 2001-ല്‍ രൂപം കൊടുത്ത കരാറാണിത്‌. എട്ടുവര്‍ഷത്തിനുള്ളില്‍ ഹോളോഗ്രാം സാങ്കേതിക വിദ്യ വളര്‍ന്നതോടെ ഒരു പൈസയ്‌ക്കു താഴെ മാത്രമേ ഇപ്പോള്‍ ഹോളോഗ്രാം നിര്‍മാണത്തിന്‌ ചെലവുള്ളൂ. മറ്റുചെലവുകളെല്ലാം കൂട്ടിയാല്‍ തന്നെ ആറുകോടി ലേബല്‍ നിര്‍മിക്കാന്‍ 18 ലക്ഷം രൂപയില്‍താഴെമാത്രമേ കമ്പനിയ്‌ക്ക്‌ ചെലവുവരുന്നുള്ളൂ. എന്നാല്‍ ഈയിനത്തില്‍ സി-ഡിറ്റ്‌ ഇപ്പോള്‍ 52.55 ലക്ഷം രൂപ സ്വകാര്യ കമ്പനിയ്‌ക്ക്‌ നല്‍കുന്നുണ്ട്‌. കരാര്‍ പുതുക്കാനും വിലപേശാനും സി-ഡിറ്റ്‌ താല്‍പ്പര്യം കാണിക്കാത്തതിനാല്‍ പ്രതിമാസം 35 ലക്ഷത്തോളം രൂപ ഈയിനത്തില്‍ നഷ്ടപ്പെടുന്നുണ്ട്‌.

കെല്‍ട്രോണ്‍ ഉള്‍പ്പെടെയുള്ള പല പൊതുമേഖലാ കമ്പനികളിലും ഹോളോഗ്രാം നിര്‍മാണം നടക്കുന്നുണ്ട്‌. ഈ കമ്പനികളെയൊക്കെ തഴഞ്ഞ്‌ സി-ഡിറ്റിന്‌ മാത്രം കരാര്‍ നല്‍കിയത്‌ സ്വകാര്യ കമ്പനിയ്‌ക്ക്‌ ലാഭമുണ്ടാക്കാനാണെന്ന്‌ ആക്ഷേപമുണ്ട്‌. എന്നാല്‍ ആ കമ്പനിയുമായി യു.ഡി.എഫ്‌ സര്‍ക്കാരിന്റെ കാലത്താണ്‌ കരാര്‍ ഉണ്ടാക്കിയതെന്നും സി-ഡിറ്റിന്‌ ബിസിനസ്‌ പങ്കാളിത്തമുള്ള സ്ഥാപനത്തെക്കുറിച്ച്‌ ഇതുവരെ ആരും പരാതി നല്‍കിയിട്ടില്ലെന്നും സി-ഡിറ്റ്‌ രജിസ്‌ട്രാര്‍ കെ.ടി. ബാലഭാസ്‌കരന്‍ അറിയിച്ചു.

ലിങ്ക് – മാതൃഭൂമി